Mohamed Hussein
24 يناير 2019·
التجربه الفنزويليه يا منى
.
فنزويلا الدوله النفطيه بعد سنين من إقرار
سياسات الدعم وصلت لمرحلة إن الألف بوليفار من عملتها بيجيبو يادوب أستيك للبنطلون
أو إبرة وابور جاز
.
ولما توصل للمرحله دي هتوصل برضه لمرحلة
أنيل بستين نيله و هي إن رئيس دولة تانيه خالص اسمها أمريكا و هو قاعد على تويتر في
ساعة عصاري يكتب تويته و يحدد فيها مين هو رئيس فنزويلا الحالي , على طريقة حادي بادي
سيدي محمد البغدادي , لا حضرتك مش فاهم , أنا أقصد ان ترامب ممكن يدخل الحمام و هو
في الحمام بيعمل زي الناس يقوم مايعجبوش اسم الرئيس اللي اختاره , يطلع من الحمام بسرعه
و يهبد تويته تانيه و يعين لفنزويلا رئيس جديد ياكشي يكون خالد أبو النجا .
.
باختصار بقى و من غير هري كتير عشان هي
مش قصة عنب ديبو , أي استقرار لأي دوله في الدنيا وعشان ماتوصلش لمرحلة إبرة وابور
الجاز و تويتة ترامب , يلزمك 3 حاجات , اقتصاد دوله يكون مستقر و متزن و بيخطط له ناس
بتوع اقتصاد مش بتوع بليله ولا بتوع شعارات مزيفه , جيش قوي متماسك , شعب أغلبه مابين
واعي و مدرك لطبيعة المعادله بين اقتصاد الدوله و اقتصاد المواطن , أو إنه يكون عالأقل
غير مهتم , هنا كلمة غير مهتم بتبقى ايجابيه , يعني مش مهم انك تكون فاهم , المهم انك
ماتهريش و تهبد و تبقى طرف سلبي في المعادله
من قال لا أدري ولا أهبد فقد أفتى .
.....................................................................................................
Mohamed Hussein
23 يناير 2019·
صباح الخير
.
تنظيم العائدون من شم الكوله ممكن نقول
إنه أقوى تنظيم في مصر من أول 2012 , تنظيم اللي اتلسع من الشوربه و بينفخ في الزبادي
.
زي الأيام دي من 8 سنين , من 8 سنين يا
مؤمن كان اعضاء التنظيم ( وانا واحد منهم و مش هعرف أنكر ) , كنا بنستحمى و نسرح شعرنا
و نتبرفن قبل مانقعد و نستربع قدام البرادعي نسمعه في أي لقاء تليفزيوني لأنه سابقنا
بمليون فدان , تأتأة البرادعي وصوت ليليان داود بالنسبالنا كانو أحلى من موسيقى رياض
السنباطي , دموع وائل غنيم اتأثرنا بيها أكتر من دموع أمينه رزق و عبله كامل مجتمعين
, أسماء محفوظ و إسراء عبد الفتاح و الواد سوكه حرامي الولاعات كانو هما ألهتنا العوالي
, واللي يقرب منهم بكلمه نعلن ضده الجهاد , ابن القرضاوي و مصطفى النجار أبو سداغ في
الوقت اللي كانو بيظبطو فيه المزز كنا احنا على سجادة الصلاه بندعي لهم بالتوفيق ,
توفيق نفسه كان قاعد بيدعي معانا !! , عناصر حماس و عناصر الإخوان وقت ماكانو بيهربو
سلاح من الأنفاق و يخزنوها في مخابئ في الصحرا كنا فاكرينهم مشغولين بختم القرأن و
بيحجو بيت الله كل يوم تلات , و نقول يارب يكتبهالنا عند حبيبك المصطفى .
.
بصو باختصار يعني و من الأخر , الساده أعضاء
التنظيم المفروض في ذكرى 25 يناير ننزل كلنا برابطة المعلم للشارع و نضرب بعض بالسنج
و الجنازير زي الشيعه بالظبط .
...........................................................................................................
Mohamed Hussein
22 يناير 2019·
ورد في إحدى البرديات أن كاهن الملك قال
لتلميذه , يا بني , أما بعد 4000 عام من الأن فسوف يأتي أُناسٌ بخيولهم و جمالهم و
يقيمون ها هنا , فإن جاءو و أتو فاتركوهم و شأنهم و خلوهم يبلطجو عالسياح و يعملو ببي
جنب الأهرامات و ينشرو اللباس عادي خالص .
...................................................................................................................
Mohamed Hussein
22 يناير 2019·
لو الدوله قررت انها تعمل حمامات مجانيه
عالطرق الصحراويه و الزراعيه الطويله , حمام مثلا كل 10 كيلو عشان الناس اللي بتركن
و بتعمل ببي تحت الشجر في مشهد غير حضاري على الإطلاق ( انا منهم بس هنكر طبعا )
.....................
يا ترى كلام الخرفان و شمامين الكوله هيبقى
ازاي ؟ أقول لكو انا
- الحمامات المجانيه دي هتتباع لمستثمر
موزمبيقي
- انتو عارفين دخل مصر من الحمامات المجانيه
كام ؟ طب المليارات دي بتروح فين ؟ أكيد بتروح للواءات الجيش
- في أوروبا و الدول المتقدمه بيعملو ببي
تحت الشجر .
- الحمامات دي عاملاها المخابرات عشان يراقبو
المناضلين و هما بيعملو ببي
- انا ليا واحد ابن خالتي من بعيد دخل حمام
عالطريق و أكد لي إن الدوله بترش فيها غازات تسبب العقم عشان يقللو عدد السكان
- شاهد قبل الحذف , فوائد الببي تحت الشجره
.
- دي خطة إلهاء عاملاها الحكومه عشان تلهي
الناس عن ارتفاع اسعار الحشيش و الترامادول
- وايه تعمل الحمامات عالطرق في وطن ضايع
؟
- الحمامات دي معموله بمنحه من المجلس العالمي
للببي الحضاري ومنظمة ببي بلا حدود .
- واحد صاحبي شغال في هيئة المساحه أكد
لي إن الحمامات فيها كاميرات للمراقبه , لأن الدوله عايزه تاخد المقاسات أثناء مايكون
الواحد واقف بيعمل ببي , و أي حد طوله أقل من 175 سم هيمنعو عنه التموين
........................................................................................................................
Mohamed Hussein
22 يناير 2019·
صباح الخير
.
عايش في القاهره بقالي سنين , و بناتي عمرهم
ما زارو الأهرامات , تخيل يا مؤمن ؟ كل سنه أقول هوديهم و من ناحيتي أكسل شويه , و
أجي اسأل الناس اللي راحت قريب ألاقيهم بيقولو لي , حرّص من كذا , خلي بالك من كذا
, إحذر من كذا !! .
.
لما ابن البلد يتقال له الكلام ده ( حرّص
و احذر و خلي بالك ) أومال السايح الأجنبي بيتقال له ايه ؟
.
الحكايه يا بني أدمين مش كيميا ولا لوغاريتمات
, زمن الهوباهيصا خلاص ولّى , عندك منطقة أهرامات بتمثل أعظم أثار في الكون و أعظم
تراث في التاريخ البشري , جميل ؟ تعمل ايه بقى ؟
.
منطقة الأهرامات ماينفعش يكون فيها عشوائيات
و عشش و ناس ناشره اللباس بتاعها و عيل ماشي بلبوص , ماينفعش حضرتك
.
البلطجه و شغل الإتاوات و استكراد السياح
و المصريين و كأن لا فيه ظابط ولا رابط يبقى نهد الأهرامات دي و نعمل مكانها غرزه حشيش
و مخزنين سلاح عشان تكون الحكايه راكبه على بعضها
.
ايه المطلوب باختصار ؟
- محيط الأهرامات و منطقة نزلة السمان تتحول
بمشروع متكامل لحاجه تليق بعظمة خوفو و خفرع و منقرع و أبو الهول , مش لحاجه تليق بالمعلم
دومه و أبو دهشوم و الدفاس
.
- كل اللي بيشتغلو في المنطقه , أصحاب الخيل
و خلافه يلزمهم الأتي , تصريح أمني , تصريح سياحي , تدريب مكثف , باتش يتعلق على صدرهم
حتى لو لابسين جلاليب , تدريب على المنظر و المظهر و اللغه و مفردات الكلام , تحديد
أسعار للخدمات اللي بيقدموها , أسعار محدده للمصريين و أسعار محدده للأجانب , , إشراف
أمني .
.
- الحكايه دي ممكن تعملها بكل تفاصيلها
الدوله و ممكن تستعين بشركة خاصه ببرنامج واضح و محدد و يحقق الشروط اللي فوق و تحت
إشراف و رقابة الدوله
.
- و على الساده المتضررين من تجميل و تحديث
مناطق نزلة السمان و ماسبيرو و كباين المننزه , أحباء القبح و البلطجه و السبهلله
, اعداء الخير و الجمال و دولة القانون , إنهم يضربو دماغهم في أوسخ حيطه .
...................................................................................................................
Mohamed Hussein
21 يناير 2019·
من كباين المنتزه لعشش نزلة السمان .
.
عن الراجل اللي مفيش عليه فواتير لحد ,
الراجل اللي ناوي ينضفها , بالذوق بالعافيه هينضفها , لا بيهمه بلطجيه ولا نفوذ كبارات
ولا هو بتاع شعارات .
الراجل اللي وقف في 30 يونيو ضد تنظيم ارهابي
دولي و ضد أمريكا و بريطانيا و نص الكره الأرضيه مش هيخاف من حد أكيد .
.
حبايبنا الخرفان و شمامين الكوله , ممكن
تعملو شوية هاشتاجات و تتعاطفو مع كلاب السكك والأبراص و السحالي و تتشألبو في إزازتين
بيره و بعدها تضربو دماغكو في أوسخ حيطه عادي خالص , انا والله بستمتع جدا لما بسمع
تأوهتكو .
......................................................................................................................
Mohamed Hussein
21 يناير 2019·
الحدوته
.
- من كام يوم دعاني صديقي الفاضل مولانا
أحمد البهي لمقابله عن تجديد الخطاب الديني في المقر الفلاني الساعه كذا , أكتر حاجه
شجعتني هي إن العدد محدود , قالي في حدود 10 , قلت كويس أوي , عشان أعرف أسمع ولو جت
فرصه أعرف اتكلم , و بأمانة ربنا انا روحت و ماعرفش أصلا ان المقابله مع معالي وزير
الأوقاف , و جه معالي الوزير و قعدنا في صالون قاعده وديه , هو يتكلم و احنا نقول و
نعلق , اتمزجت من كلامه فقررت السكوت , و لما اتمزجت اكتر ميّلت على مولانا احمد وقلت
له عايزين نتصور مع معالي الوزير , قالي أكيد طبعا , الحقيقه ماكنتش حريص اني أتصور
مع وزير ( أه و عهد الله ) , انما كنت حريص اني أتصور مع الراجل اللي قاعد قدامي ده
, اللي بيتكلم بشكل متزن و عقلاني و مستنير و وطني و ملم بكل أبعاد المشكله و حجمها
, عايز أتصور مع الفلاح المصري المستنير محمد مختار جمعه .
.
- في نهاية المؤتمر اللي كان تاني يوم و
اللي انا ماحضرتوش عشان العدد كبير أوي و أعتقد انا سمعت من محمد مختار جمعه مايكفي
, شكر معالي الوزير حضورنا يوم الجمعه واحنا طبعا اللي بنشكره جدا على كرم الضيافه
و على مجهودات الوزاره اللي محدش كان يعرف بيها .
.
- الحقيقه أنا مش شيخ ولا أزهري ولا تبع
وزارة الأوقاف و لا مقطع حصر الجامع لكن عندي يقين من فتره طويله انها معركه واحده
, معركتنا واحده , تجديد الخطاب الديني أصبح فرض عين مش فرض كفايه , لأن المواضيع بقت
متشابكه و الخطاب القديم البالي بيمثل خطر على بلدي و هنا مربط الفرس , يبقى حضرتك
مهتم بالسياسه أو مهتم بالكوره أو أو , مش مهم , تجديد الخطاب الديني بقى معركتك يافندم
.
.
- أهم حاجه عايز أقولها لكل أصدقائي , معلش
, ماتقعدشي كده و تترس ضهرك في كرسي و تعمل نفسك عميق و تقول (عايزين بقى نجدد الخطاب
الديني ) , لا كده حضرتك تبقى حافظ مش فاهم , حافظ بؤ و بتقوله , لان الحكايه بدأت
بالفعل من فتره , وشغاله و هتستمر , لحد مانوصل لشكل محترم متزن يليق ببلدنا و بديننا
(اللي إحنا كنا في فتره من الفترات عاله عليهم ) , تجديد الخطاب الديني بدأ بالسيطره
على المنابر و بتوحيد خطبة الجمعه و بمراجعة مناهج المدارس المتعلقه بالدين , و بكتب
كتير وندوات و مؤتمرات , و منطقي جدا إن المشكله اللي تراكمت بشكل بشع في خمسين ستين
سنه أكيد هتاخد لها سنتين تلاته عشان نخلص منها .
.......................................................................................................................
Mohamed Hussein
20 يناير 2019·
صباح الخير
.
أردوغان خليفة الشواذ عايز يرجّع إرث الأجداد
, في أوروبا و أسيا و أفريقيا و يوصل للسودان , طبعا مرورا بمصر , مالقيتش حل لأردوغان
عشان يعمل الحكايه دي غير إنه يلم اللي شغالين في 40 ألف بيت دعاره و زيهم بيوت للشواذ
و يعمل منهم جيش و يجيب عليهم شوية العساكر اللي قلعت ملط و معتز مطر و زوبع و أيمن
سيليكون , هيبقى جيش مخيف أخر فيصل
.
المشكله إن أردوغان لما بينفعل و يتحمق
و يفتح صدره مش بعرف أشوفه والله غير في دور لوسي ابن طنط فكيهه لما قال ليوسف وهبي
, لولا إنك أونكل أنا كنت بارزتك بالسيف .
..............................................................................................................
Mohamed Hussein
19 يناير 2019·
لما تكون زملكاوي بالوراثه و الدم و الجينات
و الهويه زي حالاتي وبعدين تشجع فريق ليفربول بمنتهى الحماس و الجديه ( عشان خاطر صلاح
) بتبقى بالظبط بالظبط عامل زي اللي متجوز اتنين
.
ف يوم ماييجي ماتش مهم لليفربول زي النهارده
كده تشوف الدلع بقى و الدندشه ( دي الزوجه التانيه غالبا ) , و بعدها على طول ييجي
ماتش للزمالك , تتفرج عالكحرته اللي شغاله و نكش الفراخ و انت لسان حالك بيقول ( أم
العيال برضه و ماتهونشي أبدا )
...................................................................................................................
Mohamed Hussein.
18 يناير 2019·
مصر بتتغير
.
شرفت النهارده بحضور لقاء مع معالي الأستاذ
الدكتور محمد مختار جمعه وزير الأوقاف , بدعوه كريمة من صديقي الغالي مولانا أحمد البهي
و بحضور مجموعه رائعه من أصدقائي و أساتذتي الأفاضل .
.
اللقاء كان في مقر المجلس الأعلى للشئون
الإسلاميه في جاردن سيتي , قصر أثري فخم .
.
ملخص اللقاء
- شخصية محمد مختار جمعه لما تقعد معاه
مش هتحس انك قاعد مع وزير , إنما قاعد مع عالم مستنير هادي مبتسم مضياف دمث الخلق
, بيتكلم و يسمع وياخد فكره و يقول عشره , ملّم تماما بحجم و أبعاد مشكلة الخطاب الديني
و بقضايا العصر و بضرورة التطوير و التحديث من منطلق ديني و وطني ( مفيش أي تعارض بينهم
) و بدون أي ضغوط سياسيه , إنما مجرد إدراك منهم إنها مسئوليه ملقاه على عاتقهم
.
- اللي عملته وزارة الأوقاف في السنه اللي
فاتت شئ مبهر , اتفاجئت جدا بالكم و الكيف , في كل المجالات , الدعويه و الاجتماعيه
و الاقتصاديه , توحيد خطبة الجمعه شئ أساسي و بالصدفه كان فيه أحد الخطباء موجود عشان
هيتعاقب بغرامه كبيره جدا لأنه غير موضوع خطبة الجمعه ( رغم انه اتكلم في موضوع جميل
بس مختلف ) , و المعنى ان زمن البلاله و الهوباهيصا انتهى .
.
- خطة الوزاره في مخاطبة الشباب و التوسع
في خطاب ديني مستنير لا يتعارض ولا يصطدم بظروفنا الحياتيه مستمره و بشكل موسع جدا
, المجهود اللي بيبذلوه و هيبذلوه هو مجهود خرافي , الوزير نفسه عارف انه لازم يكون
( بيمشي عالحبل ) و ان كل كلمه لازم تكون بحساب و متوقع استمرار لحملات التشويه لكن
مفيش حاجه هترجعهم عن الطريق المستقيم اللي ماشيين فيه .
.
- جت سيرة أموال وزارة الأوقاف و ممتلكاتها
الضخمه اللي بتتجاوز تريليون جنيه , وعشان الصوره تبقى واضحه للناس و الناس تعرف تفرق
بين ممتلكات في صورة عقارات و أصول ثابته وبين دخل حقيقي , ضرب معالي الوزير مثال بسيط
, قال عندنا فيلا قيمتها السوقيه 500 مليون جنيه و الإيجار اللي بنحصله منها 8 جنيه
في الشهر !! ( قانون الإيجار القديم )
.
ألف شكر لمعالي الوزير على المقابله الكريمه
, مجهودكو مشكور جدا , ربنا معاكو و احنا وراكو دايما .
ألف شكر لصديقي الغالي أحمد البهي , شكرا
عالشاي اللي ماشربتوش عشان أصلا مابشربش شاي
سعيد جدا بمقابلة نخبة من أجمل الأصدقاء
#مصر_بتتغير .
........................................................................................................................
Mohamed Hussein
18 يناير 2019·
عن رحلة الخروف و شمام الكوله من 2013
, من أول الشرعيه و مرسي راجع و لساها ثورة يناير و احنا الصوت لما تلاقو الدنيا سكوت
, و انتهاءً ب (أنا مواطن رخيص ) !! .
.
اصبرو عليهم سنه كمان و هينزلو الشارع بعد
كده يشرّحو وشهم بموس و يضربو نفسهم بالجنازير .
..................................................................................................
