Mohamed
Hussein
26 فبراير
2015·
صراع في علبة الكوله
.
خبر 1 : مقتل محامي
من جراء التعذيب في قسم شرطة المطريه
هو : فين بقى دولة
القانون ؟ اللي عملو كده لازم يتحاسبو , و النائب العام يحولهم للتحقيق
أنا : طيب هما
اتحولو للتحقيق فعلا و النائب العام أمر بكده
هو : بس استنى
, ده النائب العام اصدر قرار بحظر النشر
أنا : طب و ايه
المشكله ؟ مشكلتك ايه يعني في حظر النشر ؟ مش انت عايز تحقيق و نيابه و سين و جيم و
دولة القانون و الجاني ياخد عقابه ولّا عايز جنازه و تشبع فيها لطم ؟
هو : مشكلتي ؟
مشكلتي أ أ أ أ , أ أ , مش عارف بس من باب الإحتياط يعني ( يسقط يسقط حكم العسكر )
.
.
.
خبر 2 : فيديو
لشباب بيدبحو كلب و يعذبوه .
.
هو : ماهي بقت
دولة البلطجيه , في أي دوله محترمه اللي عملو كده لازم يتحاكمو و يتحاسبو , دي روح
بريئه و اللي حصل ده همجيه
أنا : اللي عملو
كده اتقبض عليهم و اتحولو للتحقيق فعلا .
هو : اه بقى ماهي
دوله معر** , اللي عذب الكلب يتحول للتحقيق و اللي عذب البشر حر طليق .
أنا : و اللي قتل
و اللي عذب البشر اتحول للتحقيق و المحاكمه و القاضي
هو : أ أ أ أ
, مش عارف , بس من باب الإحتياط يعني ( يسقط يسقط حكم العسكر ) .
.......................................................................................................................................
Mohamed
Hussein
26
فبراير 2015·
سيلفي انا و الغاليه
.... امي اكبر مني ب 14 سنه
..................................................................................................................................
Mohamed
Hussein
26
فبراير 2015·
الصحه : 70 % من
المستبعدين من الكشوف النهائيه لانتخابات مجلس النواب تم استبعادهم بعد ثبات تعاطيهم
للترامادول !! .
الله يخرب بيتها
وزارة الصحه دي , قطّاعة الأرزاق , طب ما كانت سابت الناس تترشح و تنجح , و كنت انا
فتحت صيدليه على باب مجلس النواب و قلّبت عيشي بقى مع الأعضاء , شعارنا ( خلّي الدماغ
صاحي ) .
و كان زمان عندنا
حزب أغلبيه من الترامادوليين ( مشاركه لا مغالبه ) , و يشكّلو الحكومه الجديده , يعني
دماغ الوزرا كمان هتبقى عندنا , و ابيع ترامادول و حشيش لوزير الداخليه الجديد .
.
و انت حضرتك يميني
متطرف و لّا يساري كولّجي ؟ لا انا ترامادولي متظبّط سيادتك .
...................................................................................................................................
Mohamed
Hussein
25
فبراير 2015·
حسبة عقل
............ بالورقه و القلم
.
- هو أحمد عز لما
يترشح للإنتخابات هو و سما المصري ف دي تبقى حاجه حلوه للسيسي يعني ؟ الإجابه لأ طبعا
, طب حاجه زي الزفت ؟ الإجابه أه , ليه ؟ عشان زي ما حضرتك بتقول كده , هيتحسبو عالنظام
بالهبل و العبط و هما ناس ملطوطين و سمعتهم زي الهباب ( حاول تفكّر ) .
.
نقول تاني , هو
السيسي هيستفيد حاجه من ترشح أحمد عز و سما المصري ؟ يكونشي عشمان ان سما المصري تحيي
فرح ابنه ببلاش ؟ لأ هو لو عايز يجيب رقاصه في فرح ابنه هيجيب سهير ذكي الله يرحمها
( و ببلاش برضه ) .
طب جايز مزنوق
في 2 طن حديد عشان يطلع بالدور التالت و بالتالي بيدعم ترشيح أحمد عز ؟!! .
.
- طب ينفع نحاسب
رئيس الجمهوريه على رغبة احمد عز و سما المصري و سلّومه الأعور في الترشح ؟ لا طبعا
, و لا تنفع تحاسبه على إنه بيحب القلقاس و لو كان بيحب يجيب شعره على جنب ف مش من
حقك تحاسبه على دي كمان ... سهله أهي .
.
أومال رئيس الدوله
بيتحاسب على ايه ؟ الرئيس بيتحاسب على سياساته الداخليه و الخارجيه و قراراته بعد تطبيقها
و اختياراته للوزرا و كبار المسئولين و فساده ( إنْ وُجد ) , طب نقول لتالت مره , هو
السيسي اختار سما المصري لمنصب أمين عام منظمة الأمومه و الطفوله و الرضاعه الطبيعيه
؟ يعني عيّنها في منصب رفيع ؟ طب السيسي عيّن احمد عز بتاع الحديد في لجنة حوار الأديان
عشان يتحاور مع ديانة ( السيخ ) ؟!.
.
عايز أقول ل فلول
ثورة يناير , اللي بنسميهم الكولجيه , انتو بجد كرّهتوني في أم ثورة يناير , مش في
الثوره بس لأ في أمها كمان , و اتاري معلوماتكو عن الديموقراطيه زي معلومات توفيق عكاشه
عن القنبله الذريه و معلومات تميم ابن موزه عن الرجوله .
شعارات شعارات
شعارات , دولة الفساد تعود , عملنا ثوره عشان يرجع فلول الحزب الوطني , الحريه ل (
سنيه بشّتكها ) , محمد أبو سويلم على الأسفلت , و حااااااااااااااجه تقرف , من الأخر
كده أنا بقيت أستعرّ منكو , عشان انتو مش بتوع ثورات و لا حاجه , انتو تجار شنطه ,
يعني بتبيعو شعارات و أمشاط و فلايات و لايكات .
......................................................................................................................................
Mohamed
Hussein
25
فبراير 2015·
سما المصري اترشحت
للإنتخابات و طبعا مش هتنجح رغم إن فلوسها متلتله بس أصلنا شعب متدين بين قوسين بطبعه
.
.
هه مبسوط يا مولانا
؟ مش هتنجح ليه بقى ؟ أصلها رقاصه و العياذ بالله , طب لو اللي اترشح كان راجل شاذ
جنسيا أو إرهابي قاتل أو منافق فاسد أو حرامي أو نصاب و حلنجي أو حتى جاهل و كان بيشتغل
صبي عجلاتي ؟! أظن شوفنا منهم كتير في برلمان الإخوان و حضرتك ماعترضتش .
.
طب تعالالي الناحيه
التانيه كده , في القهوه بتاعة الديموقراطيه , مش هي لها حق ديموقراطي دستوري إنها
تترشح ؟ أه طبعا لها , اومال انت زعلان ليه بقى ؟ عشان أنا اللي أحدد مين يترشح و ينجح
و مين لا , أهه يعني مش الصناديق هي اللي بتحدد ؟! .
.
و الخلاصه اننا
شعب متدين بطبعه و ديموقراطي جدا بطبعه حتى اسألو الإرهابيين و الكولجيه .
.......................................................................................................................................
Mohamed
Hussein
24
فبراير 2015·
السعاده السياسيه
.
الرئيس الأمريكي
باراك أوباما يستعد لاستقبال أمير دولة قطر سمو الأمير تميم ابن موزه , و المتحدث الرسمي
بإسم شركة فايزر للأدويه يعترف بإرساله شحنات كبيره من الفياجرا إلى البيت الأبيض لأسباب
غامضه .
.
- أنباء عن عقد
جلسه مسائيه ( مغلقه ) بين أوباما و تميم و حديث يطول عن العلاقات ( الحميميه ) بين
البلدين .
- أسرة المجتمع
الدولي تتمنى لأوباما و تميم دوام السعاده السياسيه , و تحث الرئيس الأمريكي : لا تؤجّل
عمل اليوم إلى الغد .
.......................................................................................................................................
Mohamed
Hussein
24
فبراير 2015·
التحرّش الإسلامجي
!!.
.
أيوه أنا من الجيل
اللي اتربى على التشبيه الوهمي الهلامي بتاع البنت اللي كاشفه شعرها زي الشوكلاتايه
من غير غلاف و اللي محجبه تبقى بالغلاف و الكرتونه , و الدبّان بيتلم عالشوكلاتايه
اللي مش محجبه دي قصدي اللي مكشوفه !! .
.
و انا اللي كنت
فاكر التشبيه ده حاجه كده تبع الفكر الإسلامي , أتاريه فكر ذكوري مش أكتر و الدليل
إن مولانا الشيخ ماجابشي سيرة الدبان خالص !! .
.
و هي دي بقي يا
ولاد كانت بداية ظاهرة التحرش في بلاد العرب و المسلمين , بنت قصدي شوكلاتايه كاشفه
شعرها فالدبّان اللي هو احنا يتلم عليها , حاجه كده زي سلامو عليكو عليكو السلام ,
تحرّش تحت مظلة الشريعه بتاعة مشايخ الفته و اللحمه الضاني , تحرش بما لا يخالف شرع
حسن البنا و محمد بن عبد الوهاب .
.
مش عايز تقول حاجه
للدبان يا مولانا ؟ طب ماعندكشي تشبيه تاني تهشّ بيه الدبّان من على قوالب الشوكلاته
؟!
.......................................................................................................................................
Mohamed
Hussein
24
فبراير 2015·
ساقتني الظروف
لمكان مشّغل قناه من بتوع الإخوان و فضلت فيه ساعه , قلت أجرب الرأي الأخر ده شكله
ايه ؟ وصلو لإيه يعني ؟
.
الشاشاه مقسومه
3 اقسام بتغطي مظاهرات ضد الإنقلاب , الصوره الأولى على شط ترعه و واحده ماسكه يافطه
ب 2 جنيه بتشتم السيسي و التانيه على شط ترعه تانيه تقريبا بس حوالي 7 رافعين اشارة
رابعه , و التالته عالترعه برضه فيها نفرين و موتوسيكل و جحش باين في الكادر يعني
5 ضد الإنقلاب أهو , ...........قلت بس , كده يبقى الإنقلاب بيترنّح على شط الترعه
!! .
.
مداخلات تليفونيه
بقى : المكالمه الأولى
المذيع : و معانا
أم مصطفى من كفر أبو بعجوره , أم مصطفى في رأيك ليه السيسي قائد الإنقلاب طلع يقول
كلمته الأخيره ؟
أم مصطفى : عشان
يعالج المؤتمر الإقتصادي بتاع الإنقلابيين طبعا .
أنا : لا يا أم
مصطفى ده طلع في كلمه عشان يعالج خُرم الأوزون .
.
المكالمه التانيه
المذيع : و معانا
أبو مصطفى من كفر أبو بعجوره , أبو مصطفى إيه رأيك في كلمة السيسي قائد الإنقلاب ؟
أبو مصطفى : لا
انا عايز اتكلم عن حاجه تانيه , أنا شوفت مذيعين من بتوع الفلول بيقولو للسيسي في لقاء
معاهم يا سيادة الرئيس !! و الله بيقولو له يا سيادة الرئيس , شوف الفُجر بتاع إعلام
الدعاره ؟ , مسمّيينه الرئيس .
أنا : معاك حق
يابو مصطفى ماهو لما ياخد 28 مليون صوت مشفّي من غير لمون يبقى اسمه الزعيم مش الرئيس
.
.
المكالمه التالته
مالحقتش أسمعها بس أكيد مداخله من مصطفى ذات نفسه بقى , واد يا مصطفى ده وقت تطرطر
فيه يا موكوس , تعالي يا وله بسرعه الأستاذ المذيع عايزك عالتليفون .
.
خاف بقى على نفسك
يا سيسي , عيلة ابو مصطفى مش ناويه تجيبها البر .
.......................................................................................................................................
Mohamed
Hussein
23
فبراير 2015·
بتفهم في الطب
؟! لأ ؟ أصل أنا كمان مابفهمش فكنت بقول يعني نفتح مستشفى نسا و ولاده شركه مع بعض
إيه رأيك ؟! .
.
بتفهم في القضاء
طيب ؟ لأ ؟ ولا أنا برضه , طب إيه رأيك أنا أشتغل صيدلي طول اليوم و قاضي بعد 6 المغرب
؟ و انت تشتغل مهندس بترول طول الأسبوع و قاضي حد و تلات ؟ مشروع حلوه و الرزق يحب
الخفيه , قلت إيه ؟! .
.
مش عاجبك أحكام
القاضي ؟ ولا أنا و الله عاجباني ولا عاجبه حد أبدا , الناس في القهوه بيقولو يستاهل
الإعدام و الحرق و القتل رمياً بالصرم , و ناس تانيه بتقول مناضل و بطل و يستاهل البراءه
و جايزة الدوله التشجعيه أو حتى نوبل ولا مؤاخذه للسلام .
.
القاضي ابن اللذين
مالفّش عالقهاوي عشان ياخد رأينا و يشوف أغلبية الناس بيقولو علاء يستاهل إيه ؟ ضرب
الصُرم و لا جايزة نوبل ؟! .
.
هتعيش و انا هعيش
بطريقة ( إوعى إيدك كده ملخت الكم ) , و رأيي ورأيك و أهوائنا لازم تتحول لمنطوق حكم
عند القاضي , بلا حيثيات و أدله بلا شهود إثبات و نفي بلا بطيخ , بس عارف إيه الغريبه
أوي بقى ؟ إننا بنتحول ل خبراء عسكريين لما نتكلم عن صفقة رافال و بنتحول لفقهاء دستوريين
لما نتكلم عن حكم القاضي و خبراء اقتصاديين بنحلل أبعاد المؤتمر الإقتصادي القادم
, و يا ترى المؤتمر لبيع مصر ولا لجذب الإستثمار زي ما بيقول الإنقلابيين ؟! و مع ذلك
لما جِلْدة الحنفيه بتبوظ بتطلع جري تجيب سبّاك عشان يفتي فيها مابتفتيش إنت , يعني
يا مولانا بنفهم في القانون و التسليح و الأمن القومي والإقتصاد و الفلك و الفضاء بس
جِلْدة الحنفيه لازم نسمع كلام المتخصص .
.
علاء عبد الفتاح
نزل يتظاهر بتصريح ( زي ما قانون الدوله بيقول ) و وقف عالرصيف في المكان المخصص لكده
ماقطعشي طريق ولا ضرب ولا اعتدى , ولا نزل فتح صدر من غير تصريح , بس إحنا عايزين دوله
القانون صح ؟ احنا بس نطلّع علاء براءه و بعدها على طول نطبّق دولة القانون ( و نحطّها
في الجيب الوراني ) .
.......................................................................................................................................
Mohamed
Hussein
23
فبراير 2015·
علبة السجاير الإل
إم بقت ب 18 جنيه يا سيسي , يعني السجاره بجنيه رسمي فهمي نظمي , أيوه ماهي كل علبه
بيطلع منها سجارتين عزايم عالناس , يعني العلبه فيها 18 سجاره معترف بوجودهم .
هنرجع لزمن المعسّل
و الجوزه تاني , باكو المعسل بجوز جنيهات و بيكفّي عزومه , هنرجع لزمن اللمّه و المبسم
و الفحم و الفن الجميل , الله يعمر بيتك يا سيسي .
................................................................................................................................
Mohamed
Hussein
22
فبراير 2015·
عن جزمة أردوغان
!!
.
صديق عزيز كتب
تعليق و انا نايم , و قالك جزمة أردوغان برقبة ألف زي السيسي !! , في صفحة صديقي اللي
مش إخوان طبعا , أول حاجه هتشوفها هي دي ( ربي الله ) تصدق انت فاجئتني , انا كنت فاكر
ربك الطاغوت أو ربك المرشد العام أو حتى ربك رب قلوب , و الصح لغويا تقول الله ربي
, اللللللللللللله ربي , بلاش فزلكه و لعب في المعنى يا بتاع جزمة أردوغان .
.
تاني حاجه و بما
إنك متدين و معلّق شعار الوحدانيه على باب الشقه و في نفس ذات الوقت شايف إن جزمة أردوغان
برقبة ألف زي السيسي فقد وقعت في المحظور يا أخ علي , يعني دي معطيات و انت عندك 1
- الوحدانيه و 2 - الأردوغانيه , و من 1 و 2 و على رأي صديقي المبدع طاهر الدمرداش
نستنتج إنك حمار حساوي مش أكتر و إن الفيس بوك أصلا حرام .... عشان أردوغان غني عن
التعريف و اسأل عنه في بيوت الدعاره العالميه يا بتاع ( ربي الله ) .
.
و هتبقى متدين
و تتعلق في بنطلون واحد بيخرب بلاد العرب و المسلمين ( مراته نفسها ممكن تشهد عليه
في كده ) يبقى فيه خلل في عقلك , أردوغان خليفة المسلمين يا مولانا يبقى مجرد قوّاد
مش أكتر , قُرني على مستوى دولي يابه ( على رأي محمد صبحي في سكة السلامه 2000 ) ,
قاعده أمريكيه بتحميه و اتفاقية دفاع مشترك مع الصهاينه , هو حضرتك مش من هنا ولا ايه
؟! .
.
يا سيدي يا رسول
الله , يا سيدنا النبي هو انت قلت لنا هييجي يوم على أمتى و تلاقي الناس متمسكه بالوحدانيه
و ببنطلون الصهاينه في نفس الوقت ؟ أستحى منك يا سيدي يا رسول الله , والله أستحي من
اليوم هتشوف جيلنا فيه .
...................................................................................................................................
Mohamed
Hussein
22
فبراير 2015·
أردوغان بعد نجاح
الضربه الجويه المصريه لداعش في ليبيا و بعد ما صيتها وصل لأخر الدنيا فكّر يعمل ايه
يعمل ايه ؟ مالقاش غير ضريح لملك تركي مات و شبع موت في الأراضي السوريه , فقام دخل
بدباباته و عربياته و ( خواجاته ) عشان ينقلو الضريح امبارح بالليل , أيوه الضريح اللي
معمول من 700 سنه افتكروه امبارح بالليل .
و النبي يا أردوغان
لو عملت ايه حتى , لو روحت السجل المدني و سمّيت نفسك عبد الفتاح برضه هتفضل مجرد قرد
بيتنطط قدام القرداتي الأمريكي .
.
هي امبراطورية
قطر العظمي مش هتتحفظ على دخول القوات التركيه لسوريا ؟ و الجزيره مش هتجيب صوره لعيلين
ميتين و تقول دبابات أردوغان داست عليهم ؟!
.................................................................................................................................
Mohamed
Hussein
21
فبراير 2015·
الخطايا العشره
للفيس بوك ............... يا حمير البلد , يا معيز البلد
.
1- هات نُص معلومه
أو ربعها , و اعمل عليها حفله و اعزم كل صحابك , يعني مثلا قول الحكومه هتعمل قانون
يلغي حضور الشهود , و بعد شهرين كده هيعملو قانون كمان عشان القاضي ينطق بالحكم و هو
نايم في السرير .
.
2- هات صوره متفبركه
و ماتدوّرش على أصلها , و انشرها و عليها كلمتين حلوين من بتوعك بقى انا مش هوصيك طبعا
, لأطفال ماتو في أي حته و قول السيسي الكاتل عملها , و لو حابب تبقى متودك اكتب للأطفال
دول اسماء , يا سيدي انت هتغلب ؟ أنا هقولك , خد عندك , الطفل اللي عاليمين ده اسمه
معاذ محمد ابراهيم ( خلي بالك من الأسماء الحديثه يعني ماتسمّيش طفل جعيضي مثلا )
, و البنت اللي في النص اسمها جنا أو جودي ( خليك مدقدق بقى ) .
.
3- هات معلومه
غلط خالص و اشتغل عليها , يعني مثلا قول السيسي كان بيقول نحتفظ بحق الرد و بعد ساعتين
طلع بالطيارات بعد ما جت له الأوامر من أمريكا ههههههههههههههههههههههه .
.
4- هات حاجه قديمه
من أيام سيدنا نُفّيخه و قول السيسي هو السبب و هو اللي نفخ الراجل الطيب المبروك أساسا
.
.
5 - هات شعارين
تلاته من بتوع الثوره و حطهم في بوست بيتكلم عن الشباب الحر اللي في السجون و الفلول
اللي راجعين البرلمان , مع اني ماعرفشي ان فيه شاب حر في السجن عشان هو شباب حر , هو
حضرتك مش شاب حر برضه ؟ أومال مش في السجن ليه ؟ , و لا اعرف ان القانون مانع جنابك
تبقى في البرلمان .
.
6- هات تويته لواحد
مشهور و قول انه قال كذا , و ما تسألشي لو كان المشهور ده عنده أكاونت أساسا ولا لأ
؟ يعني مثلا قول حمدي قنديل قال كذا و تصدق بالله ؟ لو جبت لك قصيده لأحمد فؤاد نجم
بيشتم فيها السيسي بتاريخ النهارده هتشيرها و انت فاتح ضبّك كداهو , طب أجيب لك بوست
لشجرة الدر و هي بتلعن ثورة 30 يونيو و بتقول انقلاب ؟! .
.
7- هات أي حاجه
معموله فوتو شوب و اشتغل عليها طول الليل , مع ان الفوتو شوب اتقدم جدا بس انت مش واخد
بالك , طب تعرف ان الفوتو شوب ممكن ياخد صورتك و يلعب فيها و يعملها صورة بني أدم براس
بني أدم ؟ أه و الله , شوفت اتقدم ازاي ؟! .
.
8 -هات قصه وهميه
مليانه شحتفه ( زي قصص محمد حسان كده ) بتحكي عن أم بتودع ابنها و هو مسافر الأردن
و الواد بقى لما سافر اتصل بيها قالت له يابني مين هيرعاني ؟ قال لها معلش يامه اعمل
ايه بس ؟ ماهو انا لو جيت مصر يا إما هبقى معتقل يا إما هتقتل هههههههههههههههههه مع
إنه ممكن يرجع مصر و يشتغل صبي عجلاتي زي ما كان شغال عادي يعني , هي الحكومه بتعتقل
العجلاتيه ؟
.
9- هات صوره ليا
من أيام ما كنت صغير و بوطّي عشان أجمع الدوده من أرض القطن و اكتب تحتها ( طبّال و
اتعود انه يوطي من وهو صغير ) , ارفع رأسك يا أخي فقد مضى عهد الإستعباد , و عهد الله
تعملها عادي .
.
10 - مالقيتشي
حاجه تجيبها خالص هات أي خبر مالهوش أي تلاتين لازمه , مثلا هات خبر عن كوم قش اتحرق
في كفر أبو كعبوره عشان وهدان ابو عوضين رمى عقب سجاره عليه و قول السيسي عملها عشان
يداري على حكايه ان وهدان بيشرب سجاير من ورا ابوه .
.......................................................................................................................................
Mohamed
Hussein
21
فبراير 2015·
اليمن السعيد في
معيّة الإرهاب
.
الرئيس اليمني
يغادر صنعاء و الحوثيون ينهبون منزله !! .
الحوثيون في قصر
الرئاسه يستدعون الوزراء المستقيلين لاجتماع عاجل !! .
.
عارف يعني ايه
تبقى وزير في دوله و تلاقي استدعاء من عيل صايع كان شغال صبي كهربائي و بعدين ربى دقنه
و قال هنجاهد و جاله السلاح و القات من علوم الله ؟! عارف يعني ايه لما تكون أسد و
تلاقي فار معاه سلاح بيقولك إجمع هنا بالخطوه السريعه يا حيوان ؟! .
ألف مبروك للخاينه
بنت الخاينه نجاح الثوره اليمنيه , جايزه مقابل خراب وطن , الدفع مُسبقا و الشكك ممنوع
.
.......................................................................................................................................
Mohamed
Hussein
21
فبراير 2015·
جريدة العربي الجديد
, بتصدر من لندن بتمويل ارهابي قطري , بيشتغل فيها وائل قنديل و بيكتب فيها بلال فضل
, كله بالدولار ( أصلهم بيخيّطو بماكنتهم ) .
.
و احيانا كده بتيجي
فرصه من عند ربنا ان ولاد الكلب يتجمعو في مكان واحد , في دوله أجنبيه عشان يشتمو بلدهم
من هناك و بعدين احنا بقى نعمل منهم أبطال و ثورجيه و مناضلين ( مناضلين بالكومبليزون
) , في نفس الوقت تلاقي عساكر تحت المطر واقفه خدمه بالسلاح في الصحرا , أهي جزمة أصغر
عسكري مصري برقبة ولاد الكلب , مين فيكو المناضل و البطل يا نجوم الدعاره الفكريه ؟!.
.............................................................................................................................
Mohamed
Hussein
20
فبراير 2015·
يعني مفيش اختراع
كده أو جهاز يخلّي الواحد يعرف يستنسخ من نفسه تلاته ولا اربعه كمان عشان يساعدوه في
الشغل و المشاوير اللي وراه ؟ و اقعد انا بالليل بقى أوزّع عليهم الشغل زي الكاتعه
في الفيلم بتاع عمرو دياب .
.
انت يابني انت
, بكره الصبح تطلع عالنقابه في جاردن سيتي و تقابل استاذ عبد الرحمن و بعدين ترجع على
فرع حي السفارات و تسأل استاذ علاء عمل ايه ؟ .
.
وانت أيوه انت
, تروح عالبتاعه الصحيه دي اللي في العتبه و بعدين ترجع عالبتاعه الصحيه التانيه اللي
في رابعه و احتمال يبعتوك الإداره المركزيه للبتاعات الصحيه اللي في المنيل , روح يابني
يارب المصلحه تتقضي في وشك .
.
وانت يا مسهوك
انت تطلع عالكافيه بتاعنا , أيوه الخُنّ , تطلب قهوه عالريحه و تقعد تكتب بوستين تلاته
تلعن فيهم سلسفيل أبو الكولجيه و الإخوانجيه و قطر بنت ال **** , لو مش فاكر الباسورد
بتاع الكافيه ابقى اسأل الواد حسن , روح يابني ربنا يكتر لايكاتك .
.
وانت بقى يا حاج
تصحى من 7 الصبح توصّل البنات المدرسه و تستنى ترجعهم , ماتنساش معاد لمار الساعه
12 و نص و لوجي 3 , ممكن في الوقت الفاضي تروح البنك الأهلي تسأل على أم البطاقه الجملي
اللي مش راضيه تطلع , هتلاقي نفس البت الكشره دي في الإستقبال , أيوه اللي بتمشي على
طراطيف مناخيرها , مالكشي دعوه بيها , إحنا عارفين مش جايز عندها ظروف ؟ مش جايز برادعاويه
من النوع القراري و عايشه 24 ساعه في هاشتاج #يشعر_بالقرف ؟!.
.
أنا هنام بقى و
محدش يصحيني , لما ترجعو بالسلامه كل واحد ييجي يديني التمام و انا لما اصحى هبقى اروح
اشوف حد يصلّح إزاز العربيه اللي معدشي بيقفل ده وبعدين أروح الصيدليه أجرد الطلبيه
و أرص فيها حتى مطلع الفجر .
.
تصبحو على خير
يا رجاله , عايزكو بكره ترفعو راسي .
.......................................................................................................................................
Mohamed
Hussein
20
فبراير 2015·
البنتاجون : مصر
لم تبلغنا مسبقا بموعد طلعاتها الجويه على ليبيا !!.
.
ده على أساس إن
الجيش المصري كان طالع بعربيه ميكروباس من الموقف و انتو بقى اللي ماسكين الكارته ؟!.
.......................................................................................................................................
