Mohamed
Hussein
24
أغسطس 2017·
انت عايز ايه يا
حبيبي ؟
- انا حضرتك عايز
أعرف ميزانية الجيش كام و بيشتري الأسلحه دي ليه و ايه خطته في الحرب ضد الإرهاب و
عايز أعرف كمان الحقيقه في موضوع محمد نجيب و سعد الدين الشاذلي .
.
لا يا حبيبي مش
مهم تعرف
- لا مهم أعرف
.
و لما تعرف هتستفيد
ايه ؟
- هستفيد ممممممممم
ولا حاجه .
.
أديك قلتها أهو
, يبقى مش مهم تعرف
- بس انا عايز
اعرف
.
عايز تعرف ايه
؟ اسألني و انا اجاوبك
- هي ميزانية الجيش
كام ؟
.
ميزانية الجيش
ياسيدي , اللهم صل على سيدنا النبي 47 ديشيليون جنيه و 16 مليون و 23 جنيه و 7 ساغ
, ارتحت كده ؟
- طب الجيش بيشتري
سلاح ليه ؟
.
احنا بنشتري سلاح
عشان نعلّقه في النجفه بشكل جميل و الميسترال هنعملها بيسين كبير للبنات يبلبطو فيه
.
- طب ايه هي خطة
الحرب على الارهاب ؟
.
خطة الحرب على
الإرهاب هي أربعه اتنين أربعه , و الشناوي وراهم او شريف إكرامي و أهم حاجه في الخطه
هي : باصي لصلاح .
.
طب محمد نجيب كان
كويس ولا وحش ؟
- محمد نجيب بتاع
المنتخب ؟ ده لاعب هايل طبعا .
.
لا يا عم محمد
نجيب اول رئيس لمصر
- أه طيب , والله
السؤال ده تسأله لعبدالناصر في الأخره , هو الوحيد اللي عنده الاجابه
.
و لما هو وحش
, السيسي بيعمل قاعده عسكريه بإسمه ليه ؟
- عشان محمد نجيب
في النهايه قائد عسكري , إسمه كقائد عسكري مابيتمحيش .
.
طب سعد الدين الشاذلي
ايه حقيقته ؟
- والله لما تقابل
السادات في الأخره اساله , هو برضه الوحيد اللي يعرف الحقيقه .
.
و لما هو وحش بتعملو
محور بإسمه ليه ؟
- عشان برضه قائد
عسكري , اسمه مابيتمحيش , بغض النظر عن أي خلاف حصل .
.
ايه ده يا عم ؟
انت عمال توديني و تجيبني و مش بتقولي اجابات قاطعه ليه ؟
- بص يا حبيبي
, انت اسمك ايه ؟
.
انا اسمي حماده
- لا مش حماده
, اسمك مواطن و انا اسمي مواطن .
.
ايوه يعني ايه
بقي ؟
- يعني يا مواطن
حماده , في كل الدول الكبيره و منها مصر , فيه حاجه اسمها أسرار دوله , من ضمنها أسرار
و خبايا القاده العسكريين الكبار و التسليح و خطط الحرب , أسرار الدوله و القاده ماينفعشي
تبقى مشاع للمواطنين زي حالاتي و حالاتك , و فكرة البحث عن الحقيقه هنا هي مجرد شعار
وهمي عبيط و ساذج بيروّج له شوية صيع عاملين نفسهم مفكرين , خبايا الدوله بتفضل في
أدراج و خزاين الدوله , و مش شغلتنا احنا كمواطنين نفتّح الأدراج و نطفّش الخزن , الحدوته
دي على بعضها مرجعها سوء فهم لكل حاجه , لمفهوم المواطن , لمفهوم الحريه و الشفافيه
, لمفهوم تداول المعلومات , و حكاية انك تعرف كل حاجه دي معناها ببساطه انك ماتعرفش
الفرق بين الدوله و بين جُرْن الهبله .
.............................................................................................................
Mohamed
Hussein
23
أغسطس 2017·
أغبى بني أدم على
الإطلاق , على الإطلاق , هو اللي يعتقد إن الشاذ ابن موزه بيدعم جماعات ارهابيه بالمال
و السلاح , في ليبيا و في مصر و في تشاد و في سوريا و في البحرين و العراق و غيرهم
, و بيشتري جرايد و قنوات عالميه في قلب أوروبا و أنديه رياضيه و كيانات اقتصاديه ضخمه
, عشان هو بس معاه شوية فلوس كتير , فبيصرف منهم !! .
.
قمة الحماقه إن
حد يعتقد إن الدنيا مفتوحه عالبحري كده و هوباهيصا , و إن إطلاق يد الشاذ القطري اللي
بيحكم كشك عالخليج , كانت بدون مباركة و دعم كامل من الكيان الأمريكي الصهيوني البريطاني
, نفس الشاذ القطري اللي جاب قوات إيرانيه و تركيه و أمريكيه عشان تحميه من تهديد وهمي
ملهوش وجود , يعني مجرد عيل تافه برياله بيخاف من خياله .
..........................................................................................................
Mohamed
Hussein
23
أغسطس 2017·
حبيبي
- نعم
.
أنا عارفه انك
مش معاك فلوس و الحكايه ض .ج
- طيب الحمد لله
إنك عارفه
.
بس احنا محتاجين
نشتري لبس المدرسه
- حاضر .
.
و مصاريف المدرسه
لازم ندفعها قبل العيد
- ربنا يسهل .
.
و السابلاي و الكراريس
و الكشاكيل و الجلاد و التيكت .
- بإذن واحد أحد
.
.
و محتاجين فساتين
للعيد للبنات
- حاضر .
.
و بيجامات للعيد
و صنادل
- ربنا يسهل .
.
و الكتب الخارجيه
عشان بتخلص بسرعه
- قولي يارب .
.
و العيديات اوعى
تنسى العيديات
- حاضر
.
و عيدية ماما ماتنسهاش
- بإذن الله .
.
و لحمة العيد بقى
, عايزين ضاني من الرقبه و كيلو و نص ريش .
- حاضر , من رقبتي
, قصدي من عنيا .
.
و مصروف البيت
.
- ربنا يسهل .
.
و بتاع الغاز و
بتاع الكهربا هيخبطو علينا بكره
- بإذن واحد أحد
.
.
قولي بقى يا حبيبي
- نعم
.
ممممممم احكي لي
حكاية رومانسيه و قولي كلام ناعم
- حاضر , بيقولك
مره راجل محروق جاله شلل رعاش و هو أصلا بيشتكي من البواسير , عياله خدوه و طلعو يجرو
بيه عالمستشفى , من سربعتهم رشقو في تريلا كانت راكنه عاليمين و طافيه نورها , نص العربيه
القدماني دخل تحت التريلا , الناس اتلمت و حاولو يشدو العربيه ماعرفوش , جابو جنزير
كبير و قالو يلفّوه حوالين شجره كبيره جنب العربيه و يربطوه في العربيه و يشدوها بطريقه
معينه , اتاري ان الشجره دي كان واكلها السوس , مع اول شده قامت واقعه كلها على سقف
العربيه و دماغ الناس اللي بيشدو.
.
ايه ده اللي انت
بتحكيه ؟ دي حكاية رومانسيه و كلام ناعم ؟
- و الله دي أنعم
حاجه عندي دلوأتي .
......................................................................................................
Mohamed
Hussein
23
أغسطس 2017·
خالتي أمريكا
.
صباح الخير يا
جدعان , خالتي أمريكا بتسلم عليكو و بتقول لكو إنها قررت تأجيل و تخفيض بعض المساعدات
العسكريه و الإقتصاديه لمصر !! بدعوى عدم إحراز تقدم في ملف حقوق الإنسان و في المسار
اللامؤاخذه الديموقراطي .
.
هاتي إيدك كده
يا خالتي , طب و الله و ماليكي عليا يمين , و شبكة العشره دول , هذا القرار يسعدني
جدا , و لو تتلغي ام المساعدات و الخرده و الإفتكاسات بتاعتكو تماما و نهائيا هكون
أسعد إنسان في الكون .
.
و أصل الحدوته
يا خالتي , إن الشعوب خلاص مبقتش داقّه عصافير على دراعها , قانون الجمعيات الأهليه
وجعكو شويه ؟ معلش , حقكو علينا , أصل زمن البلاله و الهوباهيصا انتهى , و عيالكو و
صبيانكو الصيع مش هيلاقو غطاء يدخلو تحته و ياكلو عيش و يخونو بلدهم , هما العيال بتوع
الجمعيات الحقوقيه طبيعة شغلهم كانت ايه صحيح ؟ اللي بيقبضو عليها دولارات دي ؟ بيشتغلو
خيّاطه مثلا و يخيطو بمكنتهم ؟ .
.
أما بقى حكاية
تقارير حقوق الإنسان , ف دي تحديدا عباره عن مجموعة ورق من النوع
الفخم المتين
, ممكن يا خالتي تقطعي الورق ده و تبرميه ورقه ورقه و انتي عارفه تحطيه فين ؟ ليه بقى
؟ عشان الوش القبيح سقط من سنين , و ورقة التوت اللي كانت ساتراكي مش لاقينها , و بقيتي
عريانه ملط , أه و الله ملط , بقى الدوله اللي اتسببت في قتل و تشريد ملايين العرب
, الدوله اللي عملت سجون جوانتانامو و أبو غريب , الدوله اللي هي مدرسة متفرده في التعذيب
, الدوله اللي أنشأت و دعمت التنظيمات الإرهابيه في العالم لحرق الدول و الشعوب و مساومتها
و لوي دراعها , الدوله اللي بتعمل أبحاثها العسكريه في الأسلحه الكيماويه و البيولوجيه
على مواطنين من العالم التالت و تقتلهم كأنهم كام جوز فراخ , الدوله الأكتر بشاعه و
دمويه في تاريخ البشريه بتتكلم عن حقوق الإنسان ؟!! ياخي قحّه .
.
بصي يا خالتي
, عشان أنا لساني طويل شويه , شكلك بقى اندروير خالص و انتي لامه قيادات الإرهابيين
عندك وفاتحالهم وزارة الخارجيه و البيت الأبيض و الكونجرس و منابر الجوامع , والمسار
الديموقراطي اللي انتي عايزاه اللي هو نجيب الإرهابيين و البرادعي يحكمونا , مش هينفع
معانا برضه , على عيني والله يا خالتي , أنا عارف انهم صبيانك و صرفتي عليهم سنين
, بس حقك علينا , معلش تاني , وي أر سو سوري , قولي بقى اللي انتي عايزه تقوليه , قولي
اننا دوله فاشيه بناكل دراع العيال الصغيره و عندنا 500 مليون معتقل في السجون و بنغتصب
النساء و الأطفال و السحالي النتايه .
...........................................................................................................
Mohamed
Hussein
23
أغسطس 2017·
حوار مع النفس
.
ماتكتب بوست كمان
يا محمد
- لا يا عم مش
كاتب , هما بوستين النهارده حلوين أوي , بكره بقى لو لينا عمر نبقى نكتب .
.
ليه بس ؟
- مش عارف يا مولانا
, حاسس إن الناس مشغوله و محدش فاضي يقرا .
.
و ده معناه ايه
؟
- ده معناه كذا
أو كذا او كذا
.
إيه الكذاهات دي
كلها يا محمد أفندي ؟
- يعني إما مشغولين
في دخلة العيد و خروف العيد و لبس العيد و مولد العدرا و مشتريات المدارس و البرّايه
و الكراسه التسع تسطر , أو موجودين عالفيس بس مش عايزين يظهرو عشان الشوطه و ( الفرّه
) بتاعة الحسابات اللي بتتسرق و تتقفل دي .
.
سكتت ليه ؟ فيه
كذا تالته انت ماقولتهاش , قول قول ماتتكسفش
- لازم تحلف يعني
و تزنقني في الركن ؟ طيب هقول ولا يهمني , او يكونو اتخنقو مني بقى و محتاجين دماء
شابه .
.
ياعم دماء شابه
ايه ؟ هو انت بتلعب في المنتخب القومي ؟
- لا .
.
و حتى لو بتلعب
في المنتخب , ماعندك عصام الحضري أهو , مابيقولش زيك ليه ؟ بلاش حجج فارغه و هروب من
الميدان , اكتب بقى و خليك جدع زي عصام الحضري و انا اروح اجيب لك البطيخه .
- مممممممممم تصدق
إنت أقنعتني , بجد أقنعتني .
.
طب خلاص طالما
اقتنعت اكتب بوست كمان النهارده قبل ماتقفل .
- لا مش كاتب
.
.
تعرف إنك رزل أوي
و غتيت ؟ , أرزل من ريهام سعيد و تامر هجرس و أيمن يونس , و انا غلطان إني ضيعت وقتي
معاك .
- غور ياض من هنا
, بدل ما وعهد الله أعملك بلوك .
..............................................................................................................
Mohamed
Hussein
22
أغسطس 2017·
مدينة المنصوره
الجديده , مدينة على ساحل البحر المتوسط , بطول 15 كيلو و مساحة 6000 فدان , 150 ألف
وحده سكنيه و عدد السكان المتوقع 680 ألف نسمه .
.
أهي مدينة المنصورة
الجديده دي بقى رايحه لمستثمر موزمبيقي , لا موزمبيقي مش تنزاني , حاول تركز و النبي
, مستثمر موزمبيقي من أصول يهوديه , جدته في الرضاعه يهودية و اسمها راشيل .
.
اللي حاصل بقى
إننا هنعمل مدينة المنصوره الجديده و نديها للمستثمر الموزمبيقي , و بعدها هنعمل طريق
و أسفلت يمشي في اتجاه الشرق على ساحل البحر من أول مدينة المنصورة الجديده , و بعدين
نعمل صينيه , يابني صينية بطاطس ايه بس ؟ صينيه من اللي بتبقى في الطريق و بيبقى فيها
ورد و شجر و فاسقيه , و عند الصينيه دي نقوم طالعين لفوق , لحد اسرائيل, و كده نبقى
حققنا حلم الصهاينه (من جمصه للفرات ).
.
مش كده وبس , الجديد
بقى و اللي حضراتكو ماتعرفهوش , إن السيسي بعد ما باع حاجات كتير في البلد بعت مسئول
سري لليابان للتعاقد مع شركة متخصصه في صناعة الأحبال و السلب , اسمها شركة ( haplekohama ) و تم التعاقد على حبل طويل جدا , و في فترة
رئاسة السيسي التانيه هيجيبو الحبل من اليابان في طياره عسكريه مخصوص تهبط في مطار
ألماظه في ظروف غامضه , و نقوم ماسكين الحبل بقى و رابطين جزيرة الوراق بتاعة المستثمر
الاماراتي مع سينا بتاعة المستثمر السعودي مع مدينة المنصوره بتاعة الموزمبيقي مع الهرم
الأكبر بتاع أنجيلا ميركل مع قهوة عماد بتاعة كرستيانو رونالدو , نربطهم كلهم بحبل
واحد طويل , ماحنا لازم نعرف الحاجات اللي مش بتاعتنا من الحاجات اللي هي بتاعتنا
, عشان كده عايز أقول لكل أصدقائي من أول 2019 بإذن واحد أحد , ابقو خلو بالكو و النبي
وانتو ماشيين في البلد عشان ماتتكعبلوش في الحبل , و يا بخت القصيرين .
.
فكّر كأنك ممدوح
حمره , أه هي حمره .
........................................................................................................
Mohamed
Hussein
22
أغسطس 2017·
الظواهر الكونيه
البشريه .
.
في الفن و الغناء
, كل جيل بيطلع منه نجم أو اتنين , كبار أوي , بيبقو معبودي الجماهير , عبد الحليم
و نجاة , كاظم و هاني شاكر , عمرو دياب و منير , إنما الظاهره الكونيه في الغناء العربي
إسمها أم كلثوم .
.
في السياسه و الزعامه
, رؤساء كتير و ملوك , اللي عمل و اللي ماعملش , اللي بنى و اللي مابناش , خدو شهره
كبيره , إنما الظاهره الكونيه في الساسه العرب أخر 100 سنه اسمها جمال عبد الناصر
.
.
في الدين مشايخ
كتير أوي و علماء , لهم تلامذه و مريدين بالملايين , صوتهم و أرائهم و فتاويهم خدو
الوطن العربي من أقصى إلى أقصى , إنما الظاهره الكونيه اسمها محمد متولي الشعراوي
.
.
في الكوره , أمريكا
الجنوبيه تحديدا كل شويه ( تحدف ) لنا أو تباصي لكوكب الأرض نجم أو اتنين , موهبه كرويه
غير عاديه , ميسي و مارادونا و غيرهم كتير , إنما الظاهره الكونيه اسمها بيليه , و
في مصر الظاهره الكونيه اسمها محمود الخطيب ( أنا زملكاوي على فكره ) .
.
.. فيه 4 حقايق
ثابته في الظواهر الكونيه البشريه دي
.
1- الظاهره الكونيه
بتتعرف إزاي ؟ بتتعرف لما الشخص بيموت و يفضل تأثيره موجود حتى بعد وفاته بعشرات السنين
, و يفضل هو محور الحديث و الإهتمام في مجاله ( بالمدح أو بالقدح ) , مع إن الأصل في
الأشياء هو النسيان و إن أجيال بتغطي على أجيال , عبد الناصر لسه لحد النهارده هو عبد
الناصر مع إنه مات من نص قرن , و أم كلثوم هي أم كلثوم , كأنهم عايشين معانا .
.
2- هي الظاهره
الكونيه دي جت ازاي و وصلت للمستوى ده ازاي و فضلو مشهورين و نجوم إزاي ؟ ما تسألش
, دي حاجه كده من عند ربك .
.
3- ممكن تنتقد
الظاهره الكونيه , هما بني أدمين مش ألهه , تنتقدها في مجالها , تطلّع نقط ضعف فيها
, و ممكن مايعجبكشي حاجات معينه أو ماتعجبكش كلها على بعضها , إنما رأيك و انتقادك
لا يمنع أبدا ولا ينفى إنك قدام ظاهره كونيه تستحق الإحترام , كل الإحترام .
.
4 - ماتحاولشي
تعمل شألبظات كتير و تقف على شعر راسك و تكتب مقالات و تعمل أفلام وثائقية و حبشتكانات
عشان تشوّه بني أدم مات من نص قرن و لسه عشاقه بمئات الملايين , دي مش بطوله ولا فروسيه
, انت بس هتكون زي المجنون اللي بيخبط راسه في الحيطه مش اكتر من كده .
..................................................................................................................
Mohamed
Hussein
21
أغسطس 2017·
على سبيل الإعتراف
.
أنا من الناس الكتير
جدا اللي أغلب أيام السنه مابيكونشي معاهم رصيد في الموبايل , و يفضل يستلف رصيد من
فودافون و اتصالات و يستلف و يستلف لحد ماتجيله الرساله إياها بتاعة : معلش عدم اللامؤاخذه
مش هنعرف نسلفك تاني , ادفع اللي عليك الأول و ماتقرفناش في عيشتنا .
.
و مع ذلك , و رغم
هذا , بفضل كل يوم أحلم يكون عندي فيلا كبيره , قدامها أرض واسعه أزرعها ورد و فاكهه
, و عندي سفرجي اسمه عثمان و شغاله فلبينيه اسمها ميلاني , و أفضل في الرايحه و الجايه
أرازي في عثمان و ميلاني و أطلّع عليهم عقد النقص و القطط الفطسانه اللي عندي .
.
كل يوم يا مؤمن
بحلم بالفيلا و كل يوم بستلف رصيد للموبايل , أه و عهد الله .
.
الحياه دي أصلها
جميله أوي , و أجمل 3 حاجات فيها إنك ماتبطلش تحلم .
.........................................................................................................................
Mohamed
Hussein
21
أغسطس 2017·
و انا قاعد دلوأتي
باكل ساندوتش بطاطس مهروسه , جت في ذهني فكره عميقه , قلت بما أن الفكره عميقه يبقى
لازم أحط الساندوتش على جنب و أركن دماغي على صباعين من إيدي , يعني اخد الوضع و البوزيشن
بتاع المثقفين و المفكرين زي علاء الأسواني كده , بس بصراحة كنت جعان أوي و مهانشي
عليا أسيب الساندوتش حتى و انا بفكر و بكتب , فقلت يتحرق علاء الأسواني بجاز .
.
قطمت قطمه من الساندوتش
و اتخمرت الفكره بقى , قلت إيه ؟ أصحابي و أساتذتي اللي على راسي من فوق , الدولجيه
المرابطين اللي الناس بتستنى بوستاتهم و بتحب تقرالهم , ممكن يتخانقو على حاجات شخصيه
و تستمر الخناقيه أيام و ليالي ؟ أه و الله حصل , و مين الغلطان الأول و مين اللي بدأ
و نقلب صفحاتنا كوميكس و تريأه على بعض , و تهديد , و مين بيشتغل فين و جاب المسدس
بكام و انا أعرف عنك الكثير يا اخ فتحي و أنا أيضا أعرف عنك الكثير يا اخ علي .
.
قطمت قطمه كمان
من الساندوتش , و اتخيلت مشهد , في مكان ما في تركيا , فريق اعداد بتاع حد من الإعلاميين
الصيع الهربانين هناك , في نفس توقيت الخناقه بتاعتنا , قاعدين بيخططو و يفكرو هيقولو
ايه في البرنامج يشوهو بيه صورة مصر ؟ يا ترى هيشتمونا و يسخرو من مشاريعنا ؟ ولا هيركزو
الحلقه دي في تشويه تاريخنا ؟ ولا يكونشي هتبقى حلقه جديده من حلقات نشر الكأبه و الإحباط
و السواد و الإشاعات و الإفتكاسات ؟.
.
و المشهد جاب مشهد
مماثل , في مكان ما في قطر , كام حيوان قاعدين يفكرو و يخططو لتشويه مصر في قناة الخنزيره
؟
.
و المشهد جاب مشهد
تالت لخلية ارهابيه في مصر , متجمعين في شقه مفروشه , بيخططو و يفكرو , ازاي يقّلو
راحتنا ؟ ازاي يخلو البلد دي على صفيح ساخن .
.
و المشهد جاب مشهد
رابع و أخير , اتنين جنود مصريين , سلامه و عبد الودود , اتخانقو بالليل في سكن الجنود
بتاعهم , خناقة لرب السما , و بعدين نامو , و تاني يوم الصبح اتوزعت الخدمه و لقيو
نفسهم هما الاتنين واقفين خدمه بالسلاح في نقطة حدوديه معينه , نقطه معروف انها معبر
لمهربين السلاح و المخدرات و الارهابيين , قلت سلامه و عبد الودود هيعملو ايه في الموقف
ده ؟ هيكملو خناقة امبارح ؟ ولا هيركزو في حماية بلدهم و ترابها و أمنها , ولا هيضربو
بعض بالبنادق اللي في ايديهم ؟ .
.
كده انا خلصت الكلام
, و خلّصت الساندوتش برضه .
...........................................................................................................
Mohamed
Hussein
20
أغسطس 2017·
أصدقائنا الحلوين
اللي مغرمين أوي برسايل ماتوقفهاش عندك و اقراها هتسمع خبر حلو و افتحها بس و شوف هيحصل
ايه و بنعمل حملة استغفار و ابعتها لألف من أصدقائك .
عايز أقولكو ,
أنا مفيش ولا رساله من دي فتحتها ولا رساله قريتها ولا رساله بعتتها لحد , و كل الرسايل
وقفتها عندي , و من سنين على دا الحال , و الحمد لله الحمد لله , لحد النهارده مفيش
سحلية عملاقه جت لي في المنام و عضت ودني ولا صحيت في يوم من الأيام لقيت مناخيري
3 فتحات , اه و عهد الله زي مابقولكو كده .
...............................................................................................................
Mohamed
Hussein
20
أغسطس 2017·
حمزيّات ... اللي
هي الحاجات اللي فيها حمز دي , أه فيها حَمْز
.
- لما السيسي قرر
يعمل تنمية شامله لسينا , و عمل من ضمن المشاريع أنفاق تمر تحت قناة السويس , ظهر الكائن
الهلامي اللزج ممدوح حمزه و تفتق ذهنه وقال إن السيسي بيعمل كده عشان يوصّل المايه
لاسرائيل , اه احنا عملنا الأنفاق دي مش عشان نعمر سينا و نزرعها , احنا عملناها عشان
نوصل لاسرائيل مايه ساقعه و بيبسي دايت .
.
- من يومين و لما
الدوله و بموجب القانون قررت تمليك أمير الكويت 160 فدان في الشرقيه , اللي هو أصلا
شاريهم من 30 سنه , و اللي قيمتهم أصلا تعادل مصروف أمير الكويت في ساعتين زمن , ظهر
كائن جديد من فصيلة ممدوح حمزه ( اسمه تقريبا نائل الشافعي ) , و تفتق ذهنه برضه و
قال إن الأرض دي هتبقى نواه لمعرفشي ايه كده اللي هيمر في ترعة السلام و بعدين بحر
البقر و بعدين يدخل تاني يمين بعد أندرية بتاع الكبده لحد ماتوصل لاسرائيل !! , و توقع
الكائن سالف الذكر إن الحكايه دي تتسبب في وجود قوات أجنبيه و دوليه على أرض أمير الكويت
( اللي هي في الشرقيه ) , اه قوات أجنبيه و انجليز و فرنساويين و مماليك في الشرقيه
, و نجيب بقى ريتشارد قلب الأسد ملك إنجلترا و كبير مشجعي مانشيستر يونايتد , طب نجيب
لويس التاسع يا أستاذ ؟ لا يابني لويس التاسع ده بتاع المنصوره مش بتاع الزقازيق ,
ابقى اسأل عليه في دار بن لقمان .
.
الحقيقه بجد والله
, احنا محتاجين على وجه السرعه , قانون جديد في كتاب القانون المصري , قانون يسمح للدوله
بمحاكمة المتهمين بالعلوقيه , اه نسميه ( قانون العلوقيه ), و يكون مخصص للناس اللي
كل شويه يتفتق ذهنها دي , و الحقيقه برضه عشان نكون واضحين إن مش ذهنها هو اللي بيتفتّق
!! .
...........................................................................................................
Mohamed
Hussein
19
أغسطس 2017·
في الهند , قطار
خرج عن القضبان النهارده , حادثه مات فيها 23 و أكتر من 60 مصاب , التقارير الهنديه
الرسميه بتقول إن حوادث القطارات عندهم بيروح فيها 15 ألف شخص سنويا !! , اه و الله
15 ألف قتيل , و مع ذلك مش هتلاقي هندي واحد بيشتم بلده و يسخر منها و يقول يارب هجره
, ولا بقى أم الافتكاسات بتاعة ماهو أصل الحكومه بدل ماتصرف عالسكه الحديد بتزود مرتبات
الجيش الهندي , و أصل الهندي الغلبان رخيص , و أرخص مافيكي يا بلدي الهنود .
...........................................................................................................
Mohamed
Hussein
19
أغسطس 2017·
أحمد المغير ,
صبي خيرت الشاطر , اللي اعترف قبل كده بمنتهى البجاحه و الإنحطاط إن اعتصام رابعه
( السلمي ) كان فيه عربيات مترشقه أسلحه , جاي النهارده كمان يشمت في موت رفعت السعيد
( بيقول عليه المجرم الكافر ) و زعلان أوي الإرهابي صبي العالمه إن رفعت السعيد مات
على سريرة , كان المفروض يقتلوه , بيقولك الواحد بيحس بالخزي و العار انه ساب رفعت
السعيد يموت على سريره !! .
............................................................................................................
Mohamed
Hussein
19
أغسطس 2017·
فاته كتير
.
- اللي ماتوضّاش
من قناية مايه و صلّى العصر على شوية نجيله طالعين في ريشة الأرض و بعدها عمل شبشبة
مخده و نام ساعه تحت شجره عجوزه عمرها أكبر من عمر دول و دويلات و( أكشاك ).
.
- اللي ماتنطّطش
بين شجر التوت في الموسم بتاعه , و اتشعلق في شجره و اتنين و تلاته و كل توت لحد ما
شبع و ملى جيوبه و في أخر اليوم لقى جلابيته البيضه بقت كلها ألوان بألوان علم مصر
, ألوان التوت , احمر و ابيض و اسمر .
.
- اللي ماقعدشي
جنب أمه و هي بتخبز قدام فرن معمول بالطين و كل عيش طري لسه طالع من الفرن و جبنه قديمه
و عودين سريس .
.
- اللي مامسكشي
كتاب و قال يذاكر وهو ماشي على شط ترعه و فجأه لمح في الترعه شوية سمك حلوين , قام
ركن الكتاب على جنب و نزل عمل سدين طين و اصطاد السمك , صابح طازه , و رجع بيته بشوية
معلومات من الكتاب و شوية سمك من الترعه .
.
- اللي ماصحيش
في يوم من الفجر و خرج قبل شروق الشمس في الهوا المندّي عشان يجمع القطن , و وقف قدام
الأرض لقى القطن كأنه سجاده بيضا مفروده فوق الأرض بطولها و عرضها .
.
- اللي ماسمعشي
القرأن بترتيل الطبلاوي و ماسمعشي الإبتهالات بصوت النقشبندي , بلسانٍ مصريٍ مبين
.
.
- اللي ماسمعشي
أغاني الأفراح بصوت جمالات شيحه و نورا صبحي و فاطمه عيد , على ورق الفل دلعني , بوسه
يا عروسه و أدّيكي المحفظه , يا صغيره ياحلى بنات الحاره .
.
يابني مصر دي ليها
ريحه و طعم , لما تحب تدور على مصر وطعمها دوّر في المكان الصح , دور عليها في الحواري
و النيل و الرمل و التراب وصوت الأدان و جرس الكنيسه , و في ملامح وش الناس البسيطه
و تجاعيدها , ماتدوّرشي على مصر في تشيليز و ستارباكس و فراخ كنتاكي المجمده و البيسين
و البناطيل الجينز المقطعه و اللسان المعووج و الجيلي فيش وموسيقى الجاز و الأندر جراوند
, ولا تدور عليها في التوب القصير والنقاب و السياره و الدباب و يعطيك العافيه
.
بص عالخريطه كويس
, مصر واقفه هنا , هنا بالظبط , في نص الكره الأرضيه , في مركز الكون , لا هتلاقي طعمها
في ( حدف ) الشرق ولا هتلاقي ريحتها في ( حدف ) الغرب .
.
بهية دي ست جميله
أوي , عودها مفرود و عيونها واسعين و شعرها طوييييل , طوله مش مترين ولا تلاته , طوله
عشر ألاف سنه .
.
تخيلو لما قيمه
سياسيه زي رفعت السعيد الله يرحمه , يشمت في موته عيل إرهابي صايع زي أحمد المغير
( لا و يتمنى قتله كمان ) , تخيلو الأنيل بقى , إن الصايع الإرهابي ده كانو مخابيل
25 يناير بيعتبروه بطل و رمز نضالي و أيقونه لامؤاخذه ثوريه .
..............................................................................................................
Mohamed
Hussein
18
أغسطس 2017·
سبحان الله يا
اخي
.
في مصر لما كانت
مدرعات الجيش المصري بتنتشر لحماية المنشأت الحيويه المصريه كنا بنلاقي عندنا شلة صيع
و عواطليه و مقاطيع يقولو عسكرة الدوله و الجيش لازم يرجع لثكناته , خلّي بالك انا
بتكلم عن مدرعات مصريه بتحمي منشأت مصريه و أمن قومي مصري , في أراضي مصريه !! .
.
نفس الصيع و العواطليه
لما بيشوفو مدرعات تركيه منتشره في الدوحه بيبدو اعجاب شديد بالشاذ و خليفة الشواذ
, خلّي بالك انا بكلمك عن مدرعات تركيه أجنبيه بتحمي منشات قطريه !! بس هنا لا فيه
ثكناته ولا احتلال ولا عسكرة الدوله ولا ( تركنة ) الكشك .
.
كل العيال دي من
( إفرازات ) و طفح ما بعد خمسه و عشرين يناير , البانجو اللي فتّح في شوارع مصر , والثوره
اللي بقيت أشوفها عامله زي قلم حبر طفح في جيبنا , لا القلم بعدها بقى بيكتب ولا بقعته
بتروح من الهدوم .
.........................................................................................................
Mohamed
Hussein
18
أغسطس 2017·
الشرطه الأسبانيه
أعلنت انها قتلت واحد من المشتبه فيهم ممكن يكون شارك في عملية الدهس بتاعة برشلونه
!! ( و مصوره الموضوع فيديو ) .
.
إيه ده ؟ بمجرد
الإشتباه ؟
- أه بمجرد الإشتباه
.
.
يقتلوه ؟
- أه يقتلوه .
.
يعني مفيش إذن
نيابه , ولا يقبضو عليه بعد ما يكتّفو إيده كداهو , ولا حقه في محاكمة عادله قدام قاضية
الطبيعي و قاضية الصناعي و بحضور المحامين و الباشمهندسين و نقض و استئناف و علف في
السجن على نفقة الدوله ؟
- لا مفيش سيادتك
.
.
طب فين حقوق الإنسان
و حقوق الإرهابيين و حقوق العصافير و حقوق الزقازيق ؟
- لا الكلام ده
عباره عن سلعه للتصدير الخارجي , يصنعها الغرب و يصدرهالنا احنا , و ممنوع استخدامها
في بلادهم .
.
طب مفيش إعلامي
هناك هيستضيف حد من أهالي المشتبه فيه اللي اتقتل في برنامج عالهوا و ياخده بالحضن
و يقوله انت مالكش ذنب , انت حد جميل أخر حماده ؟
- لا يافندم ,
ماعندهمشي إعلاميين خواجات .
.
........................................................................................................................
