Mohamed
Hussein
24 فبراير
2017·
مش لاقي مبرر
.
أصدقائي و أهلي
المسيحيين المصريين , أهل مصر الطيبين , اللي على راسي من فوق .
.
صح اتظلمتو كتير
, قوانين دور عباده بالتيله على ما تتعمل , تراخيص بناء كنيسه أصعب من تراخيص بناء
كباريه , زمان لما كانت بتحصل حادثه بين عربيتين و كان يبقى طرف فيهم مسيحي كانت بتروح
أمن دوله !! , الطالب المسيحي المجتهد لما يخلص جامعه و يطلع الأول كان سهل جدا يطيّروه
و يعينو التاني , عشان الأول مسيحي , ولو عايز يتعين معيد يبقى يرفع قضيه !! , و لما
واحد يحب ينصح مريض بدكتور , يقوله الدكتور الفلاني ده هو صحيح مسيحي بس شاطر , دي
كلمة تدبح , كلمة بنت كلب .
.
اتظلمتو اكتر من
كده لما كنتو كل يوم جمعه تسمعو خطباء الجهل و الضلاله و هما عالمنابر بيدعو عليكو
, يعني تبقى قاعد في بيتك مع عيالك كيرلس و ماريانا و تلاقي الخطيب في الميكروفون بيدعي
عليك , و انت تبص لعيالك و مش عارف تقول لهم ايه او تشرح لهم ازاي .
.
اتظلمتو كتير اوي
, لازم نعترف , سنين طويله , خليط من وهابيه على جهل على تخلف على اخوان على زفت ,
و انتو اللي بتدفعو التمن , هانت يا طيبين .
.
بس مش لاقي مبرر
, رغم كل الظلم ده مش لاقي مبرر كافي :
.
- لما الله يرحمه
عم مجدي مكين يتعرض للتعذيب و الموت على إيد ظابط بلطجي , صرخنا و قولنا مصري اتعذب
و اتقتل , مش مسيحي , كلمة مسيحي و مسلم ملهاش مكان هنا , واحد مصري اتعرض للتعذيب
, و ظابط بلطجي اتقدم للمحاكمه , الحكايه ملهاش مسمى تاني .
.
- لما ناس يتقتلو
في سينا على إيد شوية ارهابيين ولاد حرام , ماسمهاش مسيحيين مسالمين اتقتلو , اسمها
مصريين , اسمهم جرجس ولا مصطفى مش هتفرق , في كل حوادث الارهاب و القتل عمري ما ركزت
في الأسماء ولا الديانات , شهداء مصر إسمهم المصريين , بلاش تبلعو طعم سخيف , انتو
شربتو البحر , لو سمحتو اشربو البحيره , يعني هانت , و مصر من 1400 سنه و هي زي الأوفه
اللي لها ودنين , لازم يشيلها اتنين .
.
أول مره اكتب بوست
و ابقى مش عارف اختمه ازاي , مش عارف انا عايز اقولكو ايه , يمكن أكون عايز باختصار
, ابوس راسكو و أقول لكو عيب .
........................................................................................................................
Mohamed
Hussein
24
فبراير 2017·
عبد الفتاح السيسي
زار أكاديمية الشرطه الفجر , حضر التدريبات و بعدين خد طلبة اكاديمة الشرطه و طلعو
في ماراثون دراجات في التجمع الخامس , الشارع ده انا عارفه و المكان مفتوح هناك تماما
.
.
أهم حاجه قالها
السيسي في الزياره المفاجئه دي هي جمله من 3 كلمات ( مصر استعادت هيبتها ) , حكاية
هيبة الدوله ( بعد سنين من المعجنه و الفرهده ) , دي جمله لازم الناس يشدو تحتها ألف
خط و يضربو لها ألف تعظيم سلام , لو كانو يعلمون .
.
امبارح لما كتبت
عن فوبيا الأماكن المرتفعه , و بدون مبالغه والله , مشهد مصر في السنين اللي فاتت هو
مشهد البطل اللي بيمشي على حافة جبل أو هضبه مرتفعه جدا , ده كان مشهد الرعب بالنسبالي
, واللي كان مخليه مرعب أكتر انه مش مشهد تمثيلي في فيلم سينمائي , ده مشهد حقيقي
, و الأهم ان البطل مش ممثل أمريكاني ماعرفوش بيلعب دور و هياخد فلوس أد كده و يمشي
و المخرج مأمّن له كل وسائل النجاه , البطل كانت مصر , الدوله اللي ملهاش أي ذنب إن
فيه شوية من عيالها أكتر حموريه من الحمير أو أكتر صهيونيه من بنيامين نتنياهو .
.
الحمد لله على
نعمة ( هيبة الدوله ) , و كفى بها نعمة .
.................................................................................................................
Mohamed
Hussein
24
فبراير 2017·
عندي فوبيا من
الأماكن المرتفعه , لو واقف مثلا في بلكونة دور تاسع او عاشر و ببص منها عالناس تحت
و شايفهم صغيرين كده بحس في اللحظه دي اني هقع من البلكونه فوق الراجل الصغير اللي
ماشي ده , و برجع لورا بسرعه .
.
مره و انا بدور
على شقه أشتريها , السمسار قالي عندي شقه دور تالت قلت اروح اشوفها , روحت شوفتها و
ماعجبتنيش , واحنا واقفين قالي فيه شقه اوسع بقي و بحري في نفس العماره بس دور 12 نطلع
نشوفها ؟ , أنا سمعت رقم 12 من هنا و حسيت اني دوخت من هنا مع اني واقف في الدور التالت
, و قلت له والله لو هتديهالي ببلاش مانا شاريها ولا شايفها .
.
مش دي المشكله
برضه , المشكله ان الحاله نفسها بتجيلي حتى لو بتفرج على فيلم , يعني مثلا لو بشوف
مشهد في فيلم أجنبي و البطل ماشي على حافة جبل أو هضبه عاليه أوي و المخرج ابن الحرام
بقى يجيب في نفس اللحظه منظر البحر أو الأرض من تحت , اهو المشهد ده بالنسبالي مرعب
أكتر من مشهد الزومبي اللي بياكل دراع العيال الصغيره .
...................................................................................................................................
Mohamed
Hussein
23 فبراير
2017·
بنيامين نتنياهو
: الجولان لن تعود لسوريا أبدا , و سنسيطر أمنيا على كامل الأراضي الفلسطينيه !! .
.
والله معاك حق
يا حاج نتنياهو , و الله تبقى عبيط و اهبل و ابن كلب لو ماقولتش كده , جولان ايه اللي
ترجع لسوريا بعد ما سوريا اتدمرت و اتدمر جيشها فيما يسمى باللامؤاخذه الربيع العربي
؟ , سوريا محتاجه أصلا 50 سنه عشان ترجع لنقطة 2010 !! .
.
و ليه ماتسيطروش
أمنيا على كامل الأراضي الفلسطينيه ؟ بعد ما فلسطين اتقسمت نصين و حماس بطّلت تجاهد
ضدكو ( تحديدا من يوم سيطرتها على قطاع غزه بمباركة منكو شخصيا ) و بقى كل تركيزها
في أخر كام سنه هو حفر الأنفاق و تهريب الإرهابيين و المتفجرات لمصر و الجهاد ضد الجيش
المصري !! , و يبلبطو بقى في ماية البيسين في قصورهم في الدوحه , يعني في قطر بنت الوسخه
.
.
لعبتوها صح يا
صهاينه العالم , لعبتوها مع شعوب جاهله و حكام خونه و صهاينة عرب و إعلام مأجور و بترول
ملعون , فصبرٌ جميل , يمكن الناس تفهم و الشعوب تفوق و الغيبوبه ماتبقاش غيبوبه .
...................................................................................................................
Mohamed
Hussein
23
فبراير 2017·
ايه ده ؟ هو السيسي
بيحارب الإرهاب و بيضيّق عالجماعات اللي بتسمّي نفسها اسلاميه وقفل كل القنوات بتاعتهم
, و كل سنه يروح الكاتدرائيه يبارك للمسيحيين في عيدهم ؟.
- بس بس , يبقى
كده السيسي علماني , اه علماني و ملهاش تفسير تاني .
.
ايه ده ؟ هو السيسي
سمح بجنازه لعمر عبد الرحمن و ساب اللي يحضر يحضر ؟
- بس بس , يبقى
كده السيسي إسلامجي و اخوانجي و سلفنجي , و ملهاش تفسير تاني .
.
أصدقائي و حبايبي
الحلوين , اللي شغلهم الشاغل وضع تصنيف معين لعبد الفتاح السيسي , و كلها بافتراضات
في منتهى العبط , عايز أقولكو الحقيقه عشان ترتاحو , يمكن ترتاحو , الحقيقه بقى إن
السيسي لا إسلامجي و ضارب دقن شبرين ولا علماني و كل يوم بيسكر طينه في خمارة ميشيل
, الحقيقه و المفاجأه هي , إن السيسي ممممممممممم زملكاوي .
.
أموت و اعرف مين
اللي شد السكينه و فصل الكهربا عن دماغ ناس كتير من المصريين .
....................................................................................................................
Mohamed
Hussein
23
فبراير 2017·
و هما جابو عمر
عبد الرحمن من أمريكا ليه ؟
- عشان مات و بقى
جثه .
.
بس مايصحش نجيبه
من أمريكا يعني .
- أهله طلبو انه
يندفن في مصر , مش احنا اللي جبناه .
.
بس ده ارهابي و
قاتل و سفاح ازاي يندفن في مصر ؟ .
- هما الارهابيين
القتله اللي عايشين في مصر لما بيموتو بيندفنو فين ؟ في سويسرا ؟ .
.
بس برضه المفروض
كنا نعمل أي حاجه للإرهابي ده .
- حاضر , هنستنى
بس لما الملايكه يمشو من عنده و نفتح القبر بتاعه و نمدة على رجليه .
.
و بعدين مايصحش
الرئاسه تبعت عربيه و مندوب يعزّي , احنا كده بنكرّم الإرهابيين .
- مين قالك ان
الرئاسه عملت كده ؟ .
.
صفحات و قنوات
الإخوان , و عماد صاحبي مأكدّ لي .
- يا راجل ؟ هو
انت من بتوع عماد مأكدّ لي ؟ اللي بيتركبو من الخرفان 3 مرات كل يوم ؟ طب سايبني أشرح
لك و اجاوبك ليه ؟ عالعموم بما انك من النوعيات دي فعايز أقولك سر خطير .
.
سر ايه ؟ قول بسرعه
.
- طب قرب ودنك
عشان محدش يسمعنا , عبد الفتاح السيسي نفسه كان حاضر العزا و مش كده بس ده كان واقف
في الطابور بيقابل الناس , و عمال يعيط و يتشحتف , و العميد شعراوي يطبطب عليه و يقوله
هدّي أعصابك يا ريس مايصحش كده , كلنا هنموت .
.
انت بتتكلم جد
؟
- إلا بتكلم جد
, و عارف السيسي قبل مايروح العزا كان فين ؟ .
.
كان فين ؟ قولي
بسرعه أرجوك .
- هقولك اهو ,
قرب ودنك تاني , السيسي بعد ما باع سينا و كتب العقد مع ملك الأردن و بعد ما باع الهرم
الأكبر ل ميسي كنت انا قاصده في خدمه و بصراحه ماقصرش معايا .
.
خدمة ايه ؟ قول
بسرعه شوقتني .
- بقى يا عم أنا
بصراحه كنت حاطط عيني عالسراج مول و جزارة السلام اللي في وش جامع السلام و هو قالي
من عنيا يا محمد , قلت له ياريس بس و النبي جزارة السلام أخدها بالكام فخده اللي متعلقين
, و السراج مول أستلمه بكل البضاعه اللي في محل أخر العنقود خصوصا التوك و الأساتك
و العرايس اللعبه , و الراجل وافق .
.
لا يا عم , انا
مش مصدق الكلام ده .
- طب و حياة قناة
الجزيره اللي ماحلف بيها كدب أبدا , و شرف قناة مكملين , الكلام ده حصل , تحب أكلم
لك الريس يكتب لك السنبلاوين باسمك بيع و شرا ؟ .
.
أه يا ريت , هو
ينفع ؟ .
- طبعا ينفع ,
بس مش دلوأتي .
.
ليه مش دلوأتي
؟
- يا جحش افهم
, مش انا لسه قايلك من شويه ان السيسي زعلان جدا و متأثر من موت عمر عبد الرحمن ؟
.
أه صح نسيت .
- طيب , يبقى الظرف
مش مناسب .
.
أه معاك حق فعلا
.
- تعاشرب بانجو
بقى .
.
لا متشكرين أصل
أنا صايم .
- بس البانجو مابيبطلش
الصيام .
.
بتتكلم جد و النبي
؟
- طبعا بتكلم جد
, هو البانجو ده بينزل في معدتك ؟ .
.
لا .
- طيب يبقى هيبطل
صيامك ازاي ؟ .
.
صح معاك حق , و
أدي قاعده .
- اقعد يا راجل
اقعد , و انت ازيك كده و ازاي أمك الله يرحمها ؟ .
.
أمي الله يرحمها
بعافيه شويه .
- الله يرحمها
كانت ست طيبه , قادر ربنا يشفيها و ياخد بإيدها .
.........................................................................................................................
Mohamed
Hussein
23
فبراير 2017·
وانت يا حبيبي
عايز ايه ؟ .
- انا عايز الدوله
تمنع الدقن و النقاب و تعتقل الإخوان و السلفيين و أي واحد لابس جلابيه قصيره تعتقله
فورا , هما دول أصلا سبب تخلفنا .
طيب حاضر .
.
وانت يا حبيبي
عايز ايه ؟ .
- انا عايز الدوله
تجيب السبكي و المغنيات و الممثلات و الرسّامين و النحّاتين و الشعراء و أي واحده تلبس
بنطلون جينز في الشارع أو تسيب شعرها أو تعمل تاتو على دراعها , و تحبسهم و تولع فيهم
, هما دول أصلا سبب تخلفنا .
طيب حاضر .
.
وانت يا حبيبي
ياللي قاعد هناك , عايز ايه من الدوله ؟ .
- انا عايز سحلب
.
ايه ؟ عايز سحلب
؟ تصدق بالله ؟ انت اجدع واحد في الناس دي , هاتي له سحلب يا حكومه و النبي , و على
حسابي .
.
.
أصدقائي الأعزاء
الغاليين جدا مدّعي التحرر , فكرة رفض الغير هي ضد التحرر أساسا .
أصدقائي الأعزاء
الغاليين جدا مدعي التدين , فكرة رفض الغير هي ضد التدين أساسا .
.
أصدقائي الأعزاء
الأولانيين و التانيين , لو مصر بتُدار بطريقة تفكير حضراتكو ( اللي هي طريقة : اوعى
ايدك كده ملخت الكُم ) يبقى بإذن واحد أحد هنخلّص على بعض كلنا في يومين و مصر مش هيفضل
فيها حد عايش غير تامر هجرس و شريف مدكور .
.............................................................................................................
Mohamed
Hussein
22
فبراير 2017·
لما كنا بنقول
( مصر بتمشي عالحبل ) .
.
يعني ايه بنمشي
عالحبل بقالنا 3 سنين ؟! .
.
- يعني فيه طوفان
و هوجه و مركب مهريه و منهكه بالفساد و الجهل و الإقتصاد الضعيف و الإرهابيين اللي
تحت الطلب ( مش مركب لسه طالعه من الأجنص ) , و عايز تعدّي و تفوت , المراكب اللي جنبك
بتقع مركب ورا التانيه , و مشيت و ربنا كرمك و عديت الطوفان .
.
- يعني حتى في
علاقاتك الدوليه بتمشى عالحبل , حلف الشيطان معروف , بس ماينفعشي لا تصرّح بإسمه ولا
تقطع علاقتك معاه , هتقطع علاقتك بأمريكا و بريطانيا و اسرائيل و تركيا و قطر و انت
شايف العمق العربي بتاعك عامل زي جلابيه سنبل في رحلة المليون ؟ ( السياسه مش فتحة
صدر و لا شغل الفتونه بتاع محمد رمضان ) .
.
- يعني روسيا اللي
هي المفروض علاقتك قويه بيها , تقول لهم رجّعو السياحه , يقولو لك : عايزنا نرجع السياحه
؟ ممممممم طب اعمل لنا اجراءات امنيه مشدده , حاضر , زود الكاميرات , حاضر , عايزين
بقى بصمة صوت , حاضر , و بصمة مناخير , حاضر , و ناخد تعهدات , حاضر , طب سيبنا نفكر
شويه , حاضر , و هنبعت لكو لجنه , حاضر , طب نفكر شويه كمان , حاضر , ......... و تيجي
يا مؤمن في الحق و المستحق تلاقي الحدوته لا لها علاقه باجراءات أمنيه و لا ببطيخ
, و تكتشف ان فيه لفه بعيده خالص , رغبه في قاعده عسكريه و طلب مرفوض جايز , قصة الغاز
بتاع البحر المتوسط جايز , مساومه على ملفات تانيه جايز .
.
- في النهايه لازم
نفهم إن كل واحد بيدور على مصالحه , و مفيش حاجه في العلاقات الدوليه اسمها سمنة على
عسل ولا فيه دولتين بينامو في حضن بعض خصوصا في التوقيت ده , مصالحك تتلاقي هنا و تختلف
هنا , و نحسبها بقى يا معلم هنكسب ايه و نخسر ايه , دي حدوته كبيره و اللي نعرفه فيها
مايجيش 1 % من الحقيقه .
.
- و من رحمة ربنا
بينا , إننا بعد 3 سنين من العوم في الطوفان و قائد المركب بيتفادى و يفوت و يعدي و
يتفادى و يفوت , لازم نكون متأكدين و نحمد ربنا إن مصر ماتحكمتش في يوم من الأيام في
قاعدة شيشه على قهوه من قهاوي وسط البلد
.........................................................................................................................
Mohamed Hussein
22
فبراير 2017·
غريبه الحكايه
دي , ملك الأردن جه مصر و قابل السيسي و بعدين رجع بلده و مخدشي سينا في ايده و هو
ماشي , يكونشي عاملها حركة تمويه ؟ و هيبعت راجلين طيبين ياخدو سينا و احنا نايمين
بالليل و يقسّموها بقى , حته للصهاينه و حته يعملو عليها دولة فلسطين و لو فاض حته
يعملو فيها فاسقيه ( أو يعملوها وش سديري ) , طبعا متأكد , إلا متأكد , ده عماد صاحبي
خبير الفيس بوك لسه مأكّدلي الموضوع ده .
.
و إني لأفتحٌ عيني
حينَ أفتحها , على شوية مخلوقات بيجيبو أفكارهم من الأمعاء الغليظه
................................................................................................................
Mohamed Hussein
22
فبراير 2017·
مشروع العاصمه
الإداريه الجديده , بشركات مقاولات مصريه و أيادي مصريه , بدأو من فتره طويله المرافق
و الطرق و الحي السكني و هيبدأو الشهر ده في الحي الوزاري و المباني الحكوميه , هيبدأو
كمان في الجامع و الكنيسه ( هيكونو الأكبر في مصر , مساحة المسجد أد مساحة جامع الازهر
10 مرات ).
.
المشروع على بعضه
خدمي يعني المفروض انه مابيجيبشي فلوس ( ده مش مصنع ولا أرض بنزرعها ) , طب الغرض منه
ايه ؟ حاجات كتير زي تخفيف التكدس اللي في القاهره اللي بقت كامل العدد , و عمل واجهه
حضاريه جديده تليق باسم مصر و خلق عشرات الألاف من فرص العمل , يعني توسعه لابد منها
و إعادة تخطيط للعاصمه عشان المستقبل .
.
و الفلوس ممكن
تيجي من عملية البيع , بيع أراضي للمستثمرين أو شقق سكنيه و بيع أراضي و مقرات الوزارات
و البرلمان و الهيئات القديمه اللي في القاهره و هتتنقل للمقر الجديد ( العائد من بيعها
مليارات ) .
.
و ممكن تعظيم العائد
من المشروع بأفكار كتير , زي تأجير مقرات للشركات العالميه , و عمل الألاف من اللوحات
الإلكترونيه الضخمه للدعايه للمنتجات , و حاجات كتير لتعظيم العائد المادي يفهمها رجال
الاقتصاد و الإستثمار أكتر مني ( مَنْ قال ماعرفشي فقد أفتى ).
...........................................................................................................................
Mohamed Hussein
21
فبراير 2017·
مدرس اقتصاد :
قولي يابني , ايه علاقة الدولار بالأسعار ؟ .
الطالب : يعني
ايه السؤال يا أستاذ ؟ .
.
المدرس : هبسّطهالك
, لو أبوك بيشتغل تاجر و الدولار سعره زاد , أبوك هيعمل أيه في اسعار السلع اللي مخزّنها
عنده ؟ .
الطالب : هيزودها
يا أستاذ .
.
المدرس : تمام
, طب لو الدولار سعره نزل بعد كده , أبوك هيعمل ايه في الأسعار ؟
الطالب : هيزودها
يا أستاذ .
.
المدرس : يابني
بقولك الدولار سعره نزل , حاول تركز , أبوك هيعمل ايه في الاسعار ؟ .
الطالب : هيزودها
يا أستاذ .
.
المدرس ( بانفعال
) : انت شكلك ماتعرفشي حاجه في الإقتصاد .
الطالب ( بهدوء
) : لا يا أستاذ , انت اللي ماتعرفش أبويا .
......................................................................................................................
Mohamed Hussein
21
فبراير 2017·
طالما ليونيل ميسي
جه يزور مصر و بيروج للسياحه العلاجيه عندنا يبقى يهودي و ابوه يهودي و امه يهوديه
بتبيع طعميه , وهو أصلا بيشتغل ظابط في الموساد بعد الضهر عشان يحسّن دخله , خلصانه
ب 3 شيكل .
...........................................................................................................................
Mohamed Hussein
21
فبراير 2017·
المخابيل , خبراء
الفيس بوك
.
شوفت الوزير الصهيوني
قال ايه ؟
لا يعم شوفت انت
التويته بتاعة الوزير الصهيوني التاني ؟
لا لا شوفت انت
بيان داعش الارهابيه بيقول ايه ؟ .
طب ملك الأردن
جاي ليه بقى ؟
.
الحقيقه و من غير
مواربه , بلاقي أصدقاء عالفيس , و النبي شكلهم متعلمين , نظارة نظر دي ؟ تلاقيك يا
عيني هاري نفسك قرايه , طب ما تتصور و انت ساند راسك بصباعين من صوابعك و تبقى عميق
بالمره ؟ و تاخد الشاسيه بتاع علاء الأسواني , هو السيسي هيقابل ملك الأردن ليه ؟ خد
نفس عميق من السيجاره و افتى كده ؟ صحيح ليه يقابل ملك الأردن و هيقولو ايه و يوقعو
على ايه بالظبط و مين هيقابل مين و هيقابله امتى و جاب المسدس بكام ؟ .
.
كل قاموس الألفاظ
الأبيحه بينط قدام خلقتي مره واحده كده , و نقّي و اختار يا عبد الستار , تعليم و جامعه
و سي الأستاذ راح و سي الأستاذ جه , و شهادات عالحيط و حاجه على كيف كيفك و في الأخر
تلاقي الأستاذ ماشي ورا الصهاينه و الجماعات الإرهابيه و أي عيل صغير بيركبه و يسرح
بيه , و كأن البلد دي ملهاش جيش له شنه و رنه و له متحدث عسكري و ملهاش خارجيه عريقه
و ملهاش مؤسسات , نسمع كلام الصهاينه بقى و الارهابيين و لو أبو لهب له صفحه عالفيس
بوك نعمل لها لايك و شير , نحن غرابى عك .
.
.
يا أستاذ يا أستاذ
, شهادتك الجامعيه دي تطبقها كذا تطبيقه كده و تديها للمدام تمسك بيها الحله و هي سخنه
, أهي تبقى نفعتك في حاجه , و ممكن معاليك تطبقها و تستخدمها استخدام تاني , اهي تنفع
برضه , و بعد ما تستخدمها تروح تقعد على قهوه من قهاوي وسط البلد تطلب واحد سحلب و
تعمل دماغ سحلب و تشرح لنا ماذا ورا زيارة ملك الأردن لمصر و تدينا دروس في علم ( الماورائيات
) , و ايه الدهاليز و الخبايا و هنبيع سينا بكام ؟ هو احنا هنبيعها ولا هنأجرها قانون
جديد ؟ تلاقي السيسي بيعمّر فيها من سنتين عشان يأجرها قانون جديد , ماهي شرحه و برحه
و موقع جغرافي و على جنينه و فاسقيه و كان لازم لها وش نضافه , المعلم عبد الصبور السمسار
و خبير الفيس بوك لسه مأكّدلي الموضوع ده .
............................................................................................................................
Mohamed Hussein
21
فبراير 2017
احنا و أمريكا
.
بعد أكتر من
40 سنه من نصر اكتوبر العظيم لو بصينا حوالينا كده و ركزنا هنلاقي شوية اعمال فنيه
, أفلام و مسلسلات و كتب و روايات , فيها الجيد و الردئ , لكن مفهاش اللي قدر يغطّي
الملحمه دي بالشكل اللي تستحقه , الشكل اللي يسيب بصمه حقيقيه للأجيال اللي بعد كده
و يشكّل وجدانهم , أبطال و معارك و تفكير و تخطيط و جيوش على خط النار و دهاليز و انتصار
و دماء و صبر , مفيش عمل فني قدر يوصل لمستوى الحدث .
.
في أمريكا العكس
تماما , لما بتصور مرحله معينه أو حدث معين حتى لو كانت خسرانه و طالعه منه ( ملط
) بتعرف تصوره بطريقه مختلفه , المهم تخدم الأجيال اللي طالعه عندهم و تشكل وجدانهم
بالطريقه اللي هما عايزينها , يعني باختصار احنا مش بنعرف نروّج لنفسنا حتى لو منتصرين
و هما بيروجو نفسهم كويس أوي حتى و هما خسرانين .
.
الحكايه دي هتتكرر
تاني الفتره الجايه , عشان ال 6 سنين اللي فاتت مكانتشي فتره عاديه في تاريخ مصر و
المنطقه ولا في تاريخ أمريكا , اللي حصل في مصر هو معجزه بكل المقاييس , شارك فيها
اجهزه و رجاله مابتنامش ( في الوقت اللي كان بيعتقد البعض ان مصر بتدار في قعدات القهاوي
بتاعة وسط البلد ) .
.
الدهاليز و الخبايا
للفتره دي المفروض تتعمل كتب و مجلدات و سلاسل أفلام , تليق بحجم الحدث و حجم التضحيه
, طب نتابع و نشوف , امريكا في 6 سنين لعبت دور الشيطان مصاص الدماء السفاح ب( وش
) مكشوف تماما , يا ترى هتصور المرحله دي ازاي في أفلامها ؟ و احنا في المرحله دي انتصرنا
في أعظم حرب في تاريخ مصر الحديث , يا ترى هنعرف نوثق و نصوّر الكلام ده ؟ ولا هنفضل
نصور العشوائيات بتاعة خالد يوسف تحت بند ( الواقعيه ) و نجيب فيفي عبده تمثل مسلسل
في رمضان و تحرك رقبتها يمين و شمال ( كالعاده ) ؟! , و نجيب محمد رمضان يعمل مسلسل
جديد عشان نعلّم الاجيال الجايه البلطجه على أصولها ؟! .
.
الفن و الميديا
مش تسالي و قرطاس فيشار و بطل بيحب البطله و يبوسها من بؤها في أخر الفيلم , الفن سلاح
لازم نمتلكه بقوه , ده لو كنا عايزين نطلّع أجيال سويه عاشقه لتراب بلدها و نقضي على
ظاهرة الخرفنه و شم الكوله .
.........................................................................................................................
Mohamed Hussein
21
فبراير 2017·
أول حاجه هقاطعها
في حملة المقاطعه هي الفراخ البيضا , مش بطيقها أصلا , أو بمعنى أصح بكرهها كراهية
التحريم , أهي دي مش هشتريها حتى لو بقى الكيلو ببريزه .
.
إنما الفراخ البلدي
مش هقدر أقاطعها , سامحوني , اللي بينا مش علاقه راجل بفرخه محمّره أبدا , اللي بينا
أكبر من كده بكتير .
.....................................................................................................................
Mohamed Hussein
20
فبراير 2017·
الحكايه مش كيميا
.
من أد عشرين تلاتين
سنه لما كنا عيال صغيرين , كان شكل الحياه عامل ازاي ؟ بنلبس ايه ؟ بناكل ايه ؟ عايشين
فين ؟
.
في العيد كنا بنجيب
توب قماش كبير يتفصل لكل ولاد العيله , توب القماش معمول في مصانعنا , و عيال العيله
كلهم لابسين زي بعض , تبص على نفسك بصه تلاقي كل اللي انت لابسه من فوق لتحت لبره لجوه
مصري مش مستورد , البيت بياكل و بيشرب و عايش و تبص فيه تلاقي كله مصري , و النبي ماكوناش
بنموت من الجوع عشان ماعندناش كاتشب و كاجو و هدوم من الصين و حزام من ايطاليا و فانوس
بيغني و جزمه بتنوّر .
.
و في نفس الوقت
كان عندنا زرعه اسمها القطن ( الفاتحه لروحها بقى ) , مكانتشي زرعه كانت كارنافال
, اللوزه و الشمره و الخط و الروال و القشبره و القطوع و الكيس الكبير و العلامه و
الدوده و اللطعه و الأوفه و توب أبيض كبير مفرود على أرض طينيه سمره كأنه فستان فرح
على مدد الشوف , الكارنافال ده كنا بنعيشه و فستان الفرح ده بنصدره للخارج , كان تقريبا
تاني مصدر للعمله الصعبه في مصر .
.
حضرتك متخيل المشهد
و الصوره كويس ؟ بيت 90 % من أدواته و مفرداته مصريه و في نفس الوقت عندك سلعه ( او
سلاح قوي ) بيجيب لك عمله صعبه , عايز الدولار يكون بكام يا مولانا ؟! .
.
طب بعد 30 سنه
, بعد الانفتاح , بعد ماتفتحنا ( عالبحري ) , هات الصوره كده و بص فيها كويس , صورتنا
الحاليه , بص في بيتك بتركيز , شايف ايه ؟ كام % مصري في حياتك و ادواتك و مفرداتك
؟ و كام % مستورد ؟ أعتقد المستورد أكتر من 90 % و الأيه اتعكست تماما , حتى فستان
الفرح الأبيض مبقاش موجود ..... يبقى الدولار بكام ؟ و اقتصادك في أخر 20 سنه كان مبني
على ايه بالظبط ؟ أكتر من انه يكون جبل شكله حلو و لذيذ معمول من غزل البنات , كام
ألف شركه استيراد و تصدير اتفتحت في الفتره دي ؟ و هي في الحقيقه شركات ( استيراد و
استيراد ) , كانت فين الدوله و فين الحكومه و فين خبراء الاقتصاد و احنا بنتحول للمسخ
البشع ده ؟ ثقافه شرائيه شرهه و مفيش صناعه ولا تصدير , و مستنيين معونه من الملك الفلاني
أو الأمير العلاني .
.
مين اللي عمل كده
و مين السبب ؟
مش عارف بصراحه
, بس كل اللي أعرفه إن أمي الله يرحمها مش هي السبب , و كل اللي اعرفه ان تفكيك المنظومه
القبيحه دي محتاج سنين و خطوات كتير أهمها على الإطلاق تغيير ثقافتنا الشرائيه و عمل
صناعه حقيقيه و التخلص من عقدة الخواجه , و ثانيا نجيب العيال بتوع الفيس بوك اللي
عاملين نفسهم خبراء اقتصاد و نوقّفهم في ميدان عام لمدة اسبوع بعد ما نقلّعهم كل حاجه
مستورده يكونو لابسينها !! هيبقى مشهد عجيب و رائع , القميص ده مستورد , اقلع اقلع
, البنطلون مستورد , الملابس الداخليه مستورده , اقلع يا راجل , الخاتم مستورد و الدبله
, البنس دي مستورده يا أنسه و الطرحه و التوكه , اقلعي اقلعي , اقفو بقى كده و خليكو
حلوين , اسبوع بس و اشوفكو بعدها بتكتبو عن الاقتصاد , في انتظار تحليلاتكو و ألشاتكو
وافتكاساتكو , هتوحشوني و الله .
.................................................................................................................
Mohamed Hussein
19
فبراير 2017·
خليقه حفتر : أعدنا
ميليشيات تركيا في توابيت , سيطرنا على 95 % من الأراضي الليبيه , أوباما حاصرنا ,
و يجب وضع دويلة قطر في خانة الإرهاب !!.
.
أي حد بيشوف الوضع
في ليبيا معقد و مش عارف مين صح و مين غلط و مين خاين و مين لأ و مين نايم في حضن الخونه
و حلف الشيطان و مين راشق في تراب بلده يقرا السطرين اللي فوق , بالنسبالي اللي يقول
الكلام ده و يحط صباعه في عين الغوله و يحط دويلة قطر و ميليشات أردوغان تحت جزمته
و يفضل شغله الشاغل هو وحدة تراب ليبيا يبقى حد نضيف , الراجل ده هو امل ليبيا في الوقت
الحالي , و قد يكون أملها الوحيد .
.........................................................................................................................
Mohamed Hussein
19
فبراير 2017·
امبارح و انا مسافر
البلد بالليل متأخر , كانت الساعه واحده تقريبا , و انا سايق بقى و داخل على اجا و
الطريق فاضي و دايس بنزين , الجو برد أوي و درجة الحراره 5 , قمت قفلت الإزاز و بدأت
أدفى شويه , مش عارف ايه اللي حصل بعد كده , كل اللي انا فاكره ان سواق ميكروباص ابن
تيت قعد يزمر يزمر و يكلكس لحد ما صحّاني من أحلى نومه , الله يسامحك يا بعيد , دانا
كنت بحلم حلم جميل .
إيه البلد اللي
الواحد مايعرفشي ينام فيها شويه و هو سايق دي ؟! أومال عملنا ثورتين ليه ؟! .
..................................................................................................................
Mohamed Hussein
18
فبراير 2017·
بيل جيتس يحذر
من انتشار وباء سيفتك ب 30 مليون شخص في خلال عام !! .
.
عموما و اجمالا
, الفيروسات المدمره مش بتيجي من الهوا ولا من المايه ولا من بلاص المش , إنما بيتم
تصنيعها ( و تخليقها ) و تطويرها في معامل أبحاث الجيوش الكبيره , خصوصا الجيش الأمريكي
, و بعد كده بيتم استخدامها حسب الطلب , جزء من الحرب البيولوجيه , اللي مش بالضروره
تكون طرف فيها أو تعرف اللي بيحصل أساسا , فجأه ينتشر الفيروس , حتى في غير أوقات الحروب
, طب ينتشر ليه في غير أوقات الحروب ؟ ماهو يكفي انك في مجتمع ما من العالم أو منطقه
ما تفضل مريض و بتعالج في الفيروس و تصرف عالعلاج ده مليارات لحد ما تكح تراب , و طبعا
تشتري الدوا من الشركات ( الأمريكيه برضه ) , أيوه يعني الفيروس ده جه منين ؟ يا سيدي
علمي علمك ( فتّشني فتّش ) , يكونشي جه من أمريكا ؟ هو انا جبت سيرة أمريكا في البوست
يا مولانا ؟ انت عايز تلبسني تهمه ؟ ده مجرد فيروس عادي , تلاقيه جه من الهوا أو من
المايه أو من بلاص المش .
.
قطع لسان اللي
يجيب سيرة أمريكا بكلمة , دي بلد الحريات اللي بترعى الديموقراطيه في العالم , البلد
بتاعة سفراء النوايا الحسنه و حرية الصحافه و صاحبة الجلاله و استقلال الحاجات عن بعضها
, البلد اللي قلبها قلب خسايه و حكوماتها المتلاحقه بتنام كل يوم تعيط و تتشحتف على
حقوق الإنسان و حقوق العصافير الكناريا .
........................................................................................................................
Mohamed Hussein
18
فبراير 2017·
في قرية صغيره
في اسماعيليه , طفله جميله اسمها جنّه , عمرها 6 سنين و عامله شعرها ضفيرتين , جنه
باباها معاق و عنده محل كاوتش صغير , و بقت الطفله جنه تنزل تساعد باباها كل يوم في
شغله , تشد الخرطوم , تناوله كذا , تمسك له العصايه اللي بيتعكز عليها .
.
ليه يا جنه يا
بنتي تعملي كده و تتعبي نفسك و تضيعي طفولتك ؟ مش كان أفضل تتعلمي القرايه و الكتابه
و تعملي حساب عالفيس بوك و تويتر و تقعدي على قهوه في وسط البلد تلعني جدود أبو الحكومه
و تقولي دولة الظلم و يارب هجره ؟ ده فيه بغال عمرهم 30 سنه بيعملو كده , لسه بياخدو
مصروف من بابي و مامي , و مستنيين الحكومه تجيلهم عالقهوه و معاها قرار تعيّنهم في
السلك الدبلوماسي .
.................................................................................................................
Mohamed Hussein
17
فبراير 2017·
إلا الحماقه أعْيت
مَنْ يداويها .
.
عضو في البرلمان
المصري اتسرقت جزمته و هو بيصلي , هه و بعدين ؟ المفروض ده خبر يعني و حدث مهم ؟ نعمل
ايه طيب ؟ نعيّن حراسه خاصه لجزمة السيد النائب ؟ ننزل في مليونية تضامنا مع جزمة السيد
النائب ؟ نعمل حلقة في برنامج توك شو تحت عنوان : أثر سرقة جزمة النائب على الإستقرار
الأمني و السياسي لمصر و تأثيرها على سعر الدولار و عودة السياحه ؟ نعمل هاشتاج : جزمة
النائب خط أحمر ؟ نعيط و نتشحتف و نقول ياللي كنتي بُنّي و مقاس 43 من غير رباط يا
حبيبتي ؟! .
...................................................................................................................
Mohamed Hussein
17
فبراير 2017·
أكتر دبلوماسي
موجود في مصر يستحق الكراهيه هو سفير بريطانيا , شخصية مستفزه و مثال نموذجي للبرود
الإنجليزي , كل يومين تلاته يتصور وهو بياكل من على عربية كبده أو بيشرب شاي في نصبة
الشاي بتاعة أم نحمده , و قال يعني بقى واحد مننا , و لما مصر تفوز في ماتش كوره يحسسك
انه مش عارف ينام من الفرحه أو نايم وفي حضنه علم مصر , مع إن بريطانيا تحديدا هي العقل
المدبرللفساد و الشر و الإرهاب في العالم , و هي اللي ابتلتنا بأكبر مصيبتين في تاريخنا
الحديث , الكيان الصهيوني و الجماعه الإرهابيه .