Mohamed
Hussein
29
أكتوبر 2015·
و النبي ياريس
المره الجايه ماتغلطشي الغلطه دي تاني , مش عشان بنحبك يعني تعمل كده فينا , المره
الجايه تختار نواب للبرلمان بعنايه عشان يعرفو يعارضوك ويعارضو سياساتك , ناس يكون
لهم شمخه كده و بيعرفو يقولو عبث و لا مندوحه , هتلاقيهم عالفيس و تويتر , ممكن تسهل
على نفسك الحكايه و تختارهم بعدد الفولورز وعدد اللايكات و تعرف عناوينهم و تروح تجيبهم
من عالسرير و ينزلو بالباراشوت على كراسي البرلمان ( زرع بصل كده ) , وتوقف حراسه مشدده
على باب البرلمان عشان محدش يهرب , و اطلب لهم فطار و قهوه و سجاير عشان يفوقو و اللي
بيشرب معسل هات له معسل , اهو نوفر عالبلد المليارين اللي بنصرفهم كل مره , بلا صناديق
بلا شارع بلا قاضي بلا مواطن , الديموقراطيه سهله أوي ياريس بس انت اللي طلعت مش عارفها
, مش كنت تقول من الأول انك مش عارفها ؟!
.
يارب صفحتي تكون
كبيره و فيها لايكات كتير و ألاقي نفسي عضو في البرلمان , مممممممم لا للأسف مش كبيره
, دي أي بنت عندها غمازتين أو حواجبها حلوه و تحط صورتها عالفيس و تقول هاي بتاخد لايكات
أدي 100 مره, يالله حلال عليكي البرلمان يام غمازات انتي و حمزاوي و يسري فوده , هيبقى
برلمان يشرف مصر بجد و نفتخر بيه قدام كوكب الأرض و المجموعه الشمسيه , انا فخور من
دلوأتي , حاسس إني فخور أوي .
.......................................................................................................................................
Mohamed
Hussein
29
أكتوبر 2015·
ذهبَ الحمارُ بأم
عمروٍ ....أهي رجعت الحمد لله و رجع معاها الحمار
.
بعد تويتات البرادعي
, وائل غنيم رجع تاني و بيهري من جديد : انا اختفيت عشان محبط أوي , كنا عايزين استفتاء
قبل 30 يونيو بس مرسي رفض , والناس في الشارع في 30 يونيو كانو اكتر من 25 يناير ,
بس اللي حصل ده انقلاب عسكري !! و مفيش ديموقراطيه ولا حاجه , و بكره مفيش بكره , بكره
مش جاي , والمستقبل هباب و الديناصورات هتغزو شوارع مدينه نصر .
.
يالله يا خوانا
, اللي عايز ينضم لقافلة وائل غنيم و حسابه عالفيس بوك يتفضل , نفرين وائل غنيم , نفرين
وائل غنيم عشان الميكروباص طالع .
................................................................................................................................
Mohamed
Hussein
29
أكتوبر 2015·
فقط في مصر
........................ الكوميديا السوداء
.
1- احنا الشعب
الوحيد في العالم اللي ماسورة الحريه لما اتفتحت عليه غرّقته فبقى بيعارض اختيارات
الرئيس ( تعيين الوزرا و المسئولين ) و بيعارض كمان اختيارات الناس ل ( نواب البرلمان
) ......... دي كده اسمها ( فاشية المواطن ) .
.
2- داحنا كمان
ممكن نتألق و نتشألب في ماسورة الحريه و نحط عيشه على ام الخير و بعد ما نعارض اختيار
المواطنين للنواب نعتبر الحكايه دي سُبّه في جبين الرئيس !! , شوفت إزاي يا جدع ؟ عرفت
بقى إن الأرض كرويتن و بتلف حوالين رقبتنا ؟! .
.
3- برلمان
2011 كان فيه مصطفى بكري برضه و نادر بكار و 65 % من أعضاؤه إرهابيين و بهاليل بتوع
رز بلبن , و ناس مفهومهم عن الحريه و الدوله المدنيه زي مفهوم ريهام سعيد عن الذوق
و الأدب , بس كنا بنعتبر برلمان 2011 ده نموذج يُحتذى في الديموقراطيه المحشيه بالمكسرات
, إلهي يارب أشوفك يا سويسرا عندك برلمان زي برلمانا بتاع 2011 , ماتستغربيش يا سويسرا
مفيش حاجه كتيره على ربنا .
.
4- جايز لو طلبنا
من النواب الفايزين في برلمان 2015 انهم يربو دقنهم نبقى حلينا المشكله كلها و يبقى
برضه برلمان يُحتذى , أصلنا لامؤاخذه بنحب الفاسد أبو دقن أكتر من الفاسد أبو من غير
دقن عشان احنا شعب متدين بطبعه .
.
5- معرفشي ليه
لحد دلوأتي و مش قادر استوعب و كنت أتمنى إن الدايراه اللي اترشح فيها عبد الرحيم على
و ابن مرتضى منصور و عمرو الشوبكي ماعرفشي ليه مانجحشي فيها عمرو حمزاوي و حمدين صباحي
؟ أنا اتفاجئت بالنتيجه بصراحه و كنت قاعد جنب الراديو و اقول يارب بقى اسمع اسم حمزاوي
و صباحي بس ماسمعتش , اكيد النتيجه اتزورت و الورق اتلعب فيه .
.
6 - إذا حاولت
تفكر بعقلك شويه تبقى طبّال للنظام و منافق و ضد ثورة يناير والثوره البلشفيه و ماعندكشي
سوشيال بوليتيكال إنتيليجينس و أبوك كان بتاع بليله , تبقى مش من مستواهم .
.............................................................................................................................
Mohamed
Hussein
29
أكتوبر 2015·
هوبا يا رجاله
, افتحو المندبه على فوز ابن مرتضى منصور , ابدأو المزاد و الألش , مع إن هي دي ألف
باء ديموقراطيه و الله , إن من حق أي حد يترشح حتى لو كان ابن تيت طالما القانون مش
بيمنعه و من حق نفس الحد ابن التيت انه ينجح طالما الناس اختارته , سهله الحكايه خالص
, بس احنا عايزين ديموقراطيه تفصيل على مزاجنا .
.
يالله بقى , اختزلو
برلمان 2015 في ابن مرتضى منصور , و عومو مع الموجه , و قولو ليه يارب مانجحشي عمرو
حمزاوي و حمدين صباحي و جيفارا و نيلسون مانديلا و فلان و علان و ترتان , مع انهم ماترشحوش
أساسا , ما هي الحكايه من أولها كانت 3 خطوات , 1- احزاب تحتكر الثوره باسمها و تنسحب
من الإنتخابات ..2 - فيقوم غيريها ينزل و ينجح ( كرسي البرلمان مابيروحشي لحد بيت حد
) و الخطوه الأخيره 3- الرجاله تفتح المندبه و تولول على البرلمان اللي كان هيبقى سويسري
لولاش بس السيسي خلاه مصري !! .
.
أيها الساده المتشدقين
بأم الديموقراطيه , ماحصلشي في أي دوله في العالم إن x
و y اترشحو قصاد بعض فقام جالهم
برلمان فيه z !! , ماحصلشي في أعتى الماكينات الألمانيه إنك
تحط فيها قطن و قماش و كتان من ناحيه تقوم تطلّع لك من الناحيه التانيه عربيه سكودا
, مصر لو لها مناخير كانت عبرت عن شعورها تجاه حضراتكو في اللحظه التاريخيه دي .
....................................................................................................................................
Mohamed
Hussein
28
أكتوبر 2015·
أنا يا عمي يشرفني
أطلب إيد بنت حضرتك , وفي الأول أحب اعرفك بنفسي , أنا بلا فخر عضو في ائتلاف مركز
شباب الحبانيه اللي عالفيس بوك و مجموعة همسات حائره و إئتلاف ( فك عضلة السمانه و
صحصح معانا ) و مجموعة ( حبّني في الظلام الدامس ) و 360 إئتلاف و مجموعه عالفيس بوك
يا عمي ( إيموشن بيرجع بضهره لورا عالكرسي و ينفخ دخان السيجاره لفوق زي محمد عوض في
فيلم مش فاكره ) .
.
عمي : وانت يابني
ازاي بقيت عضو في المجموعات دي كلها , هل ده بمجهودك الشخصي ولا بواسطه و معارف ؟
.
.
أنا : لا و الله
يا عمي لا بمجهودي ولا بواسطه , انا بصحى من النوم كل يوم ألاقي نفسي عضو في بتاع خمسة
سته ائتلافات على مجموعات , تقدر تقول يعني ( سِلْو بلدنا كده )
.
عمي : طب بص يابني
, أنا موافق إني أجوزك بنتي بس بشرط تحقق لي حاجه من إتنين و هتكون هي مَهْر بنتي
, إما انك تفهّم المصريين اللي عالفيس بوك إنهم يبطلو حكاية اضافة الناس لمجموعات من
غير استئذان أو إنك تجيب لي 1000 غزاله بريه من أدغال أفريقيا يكون عمرهم 3 سنين و
4 أيام و ساعتين وتجيب لي أسدين دكر يكون فيهم واحد يتيم و تجيب لي طاووس بيتكلم فرنساوي
.
.
أنا ( بحماس )
: جَهِّز المكان اللي هتحط فيه الغزلان و الأسود و الطاووس .
..................................................................................................................................
Mohamed
Hussein
28
أكتوبر 2015·
محمد البرادعي
.... فارس و بطل من حديد ؟ و لا دكر بط و بطل من ورق ؟! .
.
و بصفتي كنت واحد
من الكولجيه زمان ( قبل ماربنا يتوب عليا ) , و بصفتي كنت واحد من اللي فاهمين إن البرادعي
ده هو المُخلِّص و المنقذ و طوق النجاه و الشط اللي هترسى عليه مراكبنا , عايز أقول
لأصدقائي القدامى و زمايل القروانه و ( كيس الكوله ) إن مولاي السابق محمد البرادعي
اللي ميت اكلينيكيا تقريبا رجع تاني و كتب تويته عن ( سجن الشباب و حريتهم هي حريتنا
و أي هري في الحماده ) .
.
عزيزي المواطن
الكولجي , بعيد عن التأليه و التشويه , ما تيجي تفكر كده بعقلك شويه , مايجراش حاجه
والله لما تفكر , و موضوع التفكير ده مش بيأثر على نضاره و نعومة البشره زي مانت متخيل
.
.
1- مش واخد بال
معاليك ان البرادعي بيختفي شهر و شهرين و يرجع كده يرمي لك أي كلمتين مقعرين و مجوفين
وعايمين و صايصين و مالهمشي ماسكه يتمسكو منها ؟ .
.
2- طب ماخدتش بالك
إن البرادعي في تويتاته تحسه كان في غيبوبه و بعدين صحي لمدة دقيقه قال نفس البؤين
بتوع كل مره من غير ما يسأل أو يعرف ايه جرى في الدنيا حواليه , و بعدين يدخل في غيبوبه
تاني ؟ .
.
3- طب ماحسيتشي
في مره كده إن البرادعي إما مغيب تماما عن الواقع أو بيتعمد يفكرك بشخصه الكريم بأي
شوية هري عشان يحافظ على ما تبقى من شعبيته الوهميه , يعني على طريقة ( ما لا يُدرك
كله لا يُترك كله ) ؟! .
.
4- طب مافكرتش
مره بتركيز في هري البرادعي و سألت نفسك هو معناه ايه ؟ يعني مثلا أخر هريايه قالها
( سجن الشباب ) , مش شايف ان الكلمه دي مايعه شويه ؟ يعني ايه سجن الشباب ؟ اللي هما
اتسجنو ازاي يعني ؟ سجناء رأي و كده ؟ اومال حضرتك كمواطن كولجي أد الدنيا طول النهار
و الليل بتشتم في السيسي و الحكومه و حتى الجيش ماتسجنتش ليه ؟
.
طب يكونشي اتسجنو
في مخالفه للقوانين ( حتى لو مش عاجبانا القوانين دي ) , طب اللي خالفو القوانين ندافع
عنهم عشان هما شباب ؟ يعني لو شاب قتل أو حرق او حرض على خراب مايدخلشي السجن عشان
هو شاب ؟ يعني حضرتك من الأخر كده عايزنا ننتهي من دولة الباشا الظابط اللي فوق القانون
و ندخل برجلنا اليمين في دولة الباشا الشاب اللي فوق القانون برضه ؟!!.
.
إيه رأيك بقى بعد
ما فكرت ؟ البرادعي فارس ولا بطل من ورق ؟! .
....................................................................................................................................
Mohamed
Hussein
28
أكتوبر 2015·
أخر تصريحات قيادات
جماعة الإخوان الإرهابيه من تركيا : الحل إننا نشكّل حكومه مع أعضاء الحزب الوطني المنحل
, و مرسي يرجع للرئاسه , و نجوّزه هنّومه .
................................................................................................................................
Mohamed
Hussein
27
أكتوبر 2015·
موسيقار الأجيال
/ محمد عبد الوهاب يانّي !!............ و نقطه يعني فلوستوب
.
شركة مصر للطيران
عملت شوكلاته على الغلاف بتاعها اسم ( ياني ) وصورته , حركه حلوه , الراجل فرح و كتب
عن مصر كلمتين حلوين , الشركات المنطمة لحفلته غطّت اتوبيساتها بكسوه كامله عليها اسم
ياني و صورته ( حركه حلوه برضه ) , و وزارة السياحه قايمه بدور رائع , اتوقع حفله كبيره
و ناجحه بإذن الله , يانّي موسيقار يوناني معروف في بلدهم و أكيد معروف إلى حد كبير
في أوروبا و العالم , يعني ضيف رفيع الستوى , و التعامل الجيد معاه بيعني تنشيط للسياحه
ورساله إلى حد ما عن استقرار مصر ...حط نقطه بقى يعني فلوستوب .
.
أصدقائي الأعزاء
اللي يعرفو ( يانّي ) و عاشقين الموسيىقى بتاعته , و هيروحو الحفله أو مش معاهم فلوس
و هيسمعوها في التلفزيون و ينبهرو , حضراتكو على راسي من فوق , الفن شئ راقي و جميل
, بكل أنواعه , والفن مالوش جنسيه ( ولا ديانه طبعا ) , بس ياريت الحكايه ماتفرطش معاكو
من إعجاب بنوع معين من الموسيقى وتتحول لنوع من التعالي على بقية مخاليق ربنا , وانت
ازاي يا جدع ماتعرفشي ياني ؟ معقوله مابتحبش ياني ؟ طب مستحمل نفسك إزاي ؟ إنت كده
مش من مستوايا , أبوك كان قائد طابيه ؟!! .
.
أصدقائي الغاليين
أوي , هذا العبد لله الماثل أمام حضراتكو يعشق الفن و الأدب و الموسيقى والغناء لكنه
عشان ( فقري و أبوه كان بياع بليله ) بينبهر جدا بصوت أم كلثوم كأنه بيسمعها لأول مره
, و بيعشق موسيقى السنباطي و عبد الوهاب , و ممكن عينه تدمع من السعاده لما يسمع مقطوعه
موسيقيه في فاصل من أغنيه لست الكل سومه , و خدو التقيله بقى , أنا كمان بحب أسمع جمالات
شيحه لما تغني ( على ورق الفل دلعني ) .
.
هذا العبد لله
الماثل امامكم مايعرفشي ( ياني ) ولا سمع عنه ولا بيحب الغناء الأوبرالي ولا بيفهم
رقص الباليه , وربنا يسامحني بقى أو ينتقم مني !! .
.................................................................................................................................
Mohamed
Hussein
27
أكتوبر 2015·
أأأه ( ياني )
.
الموسيقار اليوناني
( ياني ) هيعمل حفله في القاهره , سعر التذكره بيوصل ل 3 ألاف جنيه , يعني لو حضر الحفله
دي 50 ألف بس قوم الراجل يعمله بتاع 150 مليون جنيه في ساعتين زمن ( لوكشه واحده )
, اه و عهد الله .
.
طب والله و ماليكو
عليا يمين أنا قعدت يومين ضميري يأنبني لما رفعت سعر قياس الضغط في الصيدليه من 2 جنيه
ل 3 جنيه , وحسيت إني كده ظلمت الناس و ظلمت مصر وخرمت الأوزون .
...................................................................................................................................
Mohamed
Hussein
27
أكتوبر 2015·
قواعد و بروتوكولات
الخيانه اللذيذه ................. اللي تشوفها من بعيد كده تقول دي معارضه و نضال
.
بص يا سيدي , صلي
على سيدك و سيدنا النبي :
.
- لو حصلت أزمه
في محافظه ما لسبب ما , نقول اسكندريه مثلا , اجري بسرعه و بص على إسم المحافظ و (
خلفيته ) , لقيته مدني قول ده فاشل و المسئوليه تقع على اللي اختاره , بس اللي اختاره
مدني برضه , خلاص يبقى اللي اختاره فاشل و المسئوليه تقع على اللي اختار الإتنين (
اللي هو السيسي العسكري ) .
.
- اطلع جري بقى
على رؤساء الأحياء , لقيتهم في الأصل مهندسين و دكاترة عيون قول فاشلين و المسئوليه
تقع على أعلى راس من فوق ( اللي هو السيسي العسكري ) , لو لقيت رؤساء الأحياء لواءات
تبقى كده جت لك عالطبطاب , سلط سهامك مباشرة على وشهم و قول أدي اللي خدناه من اللواءات
و العسكر .
.
- اشتريت ب 2 جنيه
فول من محل أبو أحمد و الفول مكانشي عاجبك بص على خلفيه أبو أحمد , لقيته مدني يبقى
فاشل و المسئوليه عالسيسي العسكري اللي سابه من غير رقابه , لقيت أبو أحمد ده أصلا
مقدم متقاعد من الجيش يبقى قول حتى بتوع الجيش مش عارفين يعملو ب 2 جنيه فول زي مخاليق
ربنا .
.
- الحيش اتأخر
شويه في انقاذ عيلين تلاته طلعو جبل سانت كاترين في ظروف مناخيه صعبه و من غير ما ينتبهو
للتحذيرات , قول أومال فين الجيش ؟ و لما الجيش ما يحميش المدنيين أومال مين يحميهم
؟ طب الجيش نزل يحل الأزمه في اسكندريه ويحمي المدنيين , قول هي كل حاجه الجيش الجش
؟ ده ناقص يأكلنا اللقمه في بؤنا , فين بقى مؤسسات الدوله ؟ و العسكر ليه بيسيطر على
كل حاجه كده ؟
.
- باختصار باختصار
, في أي خبر أو حادثه أو موقف اجري بسرعه و انكش بمنكاش على أي حاجه تخص الجيش أو العسكر
و اللواءات و حطهم في جمله أبيحه , قصدي جمله مفيده , و لو لقيت واحد زي حالاتي كاتب
بوست بالشكل ده بص على خلفيته ( بتبص فين يا حيوان ؟ ) , لو لقيته صيدلي قول ماهو طبال
للسيسي العسكري , لقيته العقيد محمد حسين قول مانت عسكري فاشل و لازم تدافع عن أسيادك
.
..................................................................................................................................
Mohamed
Hussein
26
أكتوبر 2015·
تجربه نفسيه
.
جرب حضرتك كده
, تقفل على نفسك أوضه و تقعد يومين كاملين تتفرج بتركيز على mbc 2
و بانوراما أكشن , مع شوية إضاءه خافته و سكون تام , الأفلام ورا
بعضها كلها أفلام رعب , هتحس بإيه في الأخر ؟ انا أقولك , هتحس إنك لو فتحت باب شقتك
و نزلت تحت هتلاقي الأناكوندا مستنياك في بير السلم ( لا مش المزه يا حلو ) , و الزومبي
الكبير واقف لك ورا باب العماره و جايلك انت مخصوص , ولو عرفت تعدي من الأناكوندا و
الزومبي وبصيت في الشارع هتلاقيه كله أشلاء بني أدمين و عربيات محروقه , و الدخانه
لسه بتطلع منها .
.
نفس الشعور ده
بيجيلي لو دخلت صفحة عيل كولجي و ركزت فيها نص ساعه بس , مع إضاءه خافته و سكون تام
, برضه بحس إني هنزل الشارع في مدينة نصر ألاقي الناس مرميين عالرصيف أكوام اكوام و
مش لاقيين شغل و محدش لاقي ياكل و راجل كل دراع مراته و ست اتعشت بودن جوزها و الكهربا
مقطوعه و الشارع مليان حفر كبيييييره و فيهم حفره هيطلع منها السحليه العملاقه و تبدأ
تاكل في الناس و بعدها تتخانق مع الخفاش الضخم اللي مناخيره 3 فتحات .
...................................................................................................................................
Mohamed
Hussein
26
أكتوبر 2015·
و على سبيل الإعتراف
.
أنا واحد من الناس
اللي بتحب جدا إنها تمشي تحت ماية المطر , و المطر يغرق شعرها و هدومها و بدوس برجلي
في قلب المايه و انا ماشي و المايه تدخل الجزمه و تبهدل الشراب و البنطلون لحد ركبي
كده , و أيام ما كنت عايش في البلد كنت بحب أوي امشي في الطرق الترابيه اللي بتبقى
طينه و وحل لما الدنيا بتمطر , بلاقي سعاده غريبه أوي في كده , مش عارف دي حالة مرضيه
ولا إيه ؟ المهم ان الحاله احيانا بتزيد عليا و بتخيل إن أي حد واقف تحت تنده و الدنيا
بتمطر أو خايف يعدي طريق عشان المايه مغرقه الشارع , بحس إنه عيان ومحتاج يتعالج ,
أه و الله .
.
طبعا الكلام ده
كله كان قبل الجواز !! , هييييه بقى , كانت أيام يا زداحمد .
.......................................................................................................................................
Mohamed
Hussein
26
أكتوبر 2015·
كل يوم بكتب بوستين
تلاته أو بالكتير أربعه , و على أخر اليوم كده ألاقي 2 من الأصدقاء عملولي بلوك أو
أنفريند , مش بعرف هما مين , إنما بعرف من العدد و بس , أنا عارف حل المشكله دي فين
, الحل هو حاجه من اتنين , إما إني أبطل أكتب و أسيب صفحتي بيضا ( او بيضه ) و الحل
التاني إني أركز جدا في الكتابه على أحدث الطرق لسنفرة البشره و أحدث الماكينات اللي
بتشيل شعر المناخير , في الحقيقه أنا لا هبطل أكتب ولا هبقى في يوم من الأيام شريف
مدكور .
.
صدق أو لا تصدق
, كل واحد فينا عنده معركة حقيقيه في حياته , قضيه بيدافع عنها , و أعظم قضيه ممكن
تدافع عنها بصبر و جلد هي قضية الوطن , البلد دي لازم تعيش و مش هينفع تعيش لا بالطبالين
زي أحمد موسى و مصطفى بكري ولا بالهجاصين زي بلال فضل ويسري فوده و بقية الكولجيه و
لا بالإرهابيين زي القطيع اللي انتو عارفينه , عندي معركة مع التلاته , نستحمل بقى
شوية بلوكات على أنفريندات على رسايل سخيفه و ألفاظ أبيحه .
.
كلمه أخيره ,
4 سنين من الهري و الفرهده المركزه جدا كانو كفيلين أوي إن أي حد عنده جوز عيون يفهم
ويحس , 4 سنين كانو كافيين إن الحمار حتى الحمار يبقى جينتل مان , مش ذنبي بقى إنك
قاومت إحساس الجنتله و أصرّيت على حموريتك و تمسكت بيها باعتبارها ( ثبات على الرأي
) , خلاص هتعامل معاك بهدوء و اعتبرك مريض و عندك جينات حموريه من النوع ال resistant , و عاشق لنومتك في الإسطبل و مناخيرك مابترتحش
إلا على ريحة الحمير اللي جنبك , و لو واحد حب يرش عليك رشة برفان ماركة جيفينشي هتحس
إنها ريحه كريهه و تقوم تتخانق معاه , أنا فاهمك و الله
...............................................................................................................................
Mohamed Hussein
26
أكتوبر 2015·
أه بالمناسبه و
فيه ناس كتير ماتعرفش , الجيش عنده خطط تأمين و خطط انتشار و تعامل في حالة الأزمات
, يعني مثلا المنطقه المركزيه العسكريه من مهامها ( الغير قتاليه ) حماية القاهره الكبري
و تأمينها من الداخل في حالة الطوارئ , الخطط دي موجوده قدام القاده باستمرار و بيتم
تحديثها .
.
الحكايه مش جهجهوني
و (هوباليصا ) , كل عربيه أو مجموعة عربيات أو كتيبه أو سريه عارفه في حالة الازمه
بتمشي في طريق ايه و مكانها فين بالظبط و دورها ايه ؟ بالظبط زي خطط الحروب , عشان
كده كان انتشار المنطقه الشماليه العسكريه و القوات البحريه سريع جدا و الأزمه اتحلت
بسرعه .
.
هو انا لو قلت
: فخور جدا بجيش بلدي أبقى جرحت شعور الخرفان و الكولجيه ؟! طب تمام , فخور جدا بجيشك
يا مصر .
.......................................................................................................................................
Mohamed Hussein
25
أكتوبر 2015·
خلاص يا ولاد
, شوارع اسكندريه نشفت تماما , الرجاله نزلو و قامو بالواجب ( أه طبعا تويتات البرادعي
حلت المشكله ) , و الراجل المحافظ بتاع اسكندريه استقال , راح مكتبه و خد الشنطه و
الأوراق و التاتو الفراشه .
.......................................................................................................................................
Mohamed Hussein
25
أكتوبر 2015·
عزيزي الناقد الساخط
الناقم
.
أخر مره روحت فيها
اسكندريه امتى ؟ طب انا روحت و شوفت و بقيت لما بروح اسكندريه بتخيل نفسي دخلت عربية
مترو زحمه أوي و مليانه ستات , و فجأه كده لما باب المترو اتفتح واحد ابن حلال جاب
فار صاحي و رماه جوه عربية المترو اللي انا دخلتها دي و الباب اتقفل فورا ( توماتيكي
توماتيكي ) , يعني اتقفل و العربيه زحمه و ستات كتير وفيها فار صاحي , حضرتك متخيل
المشهد هيبقى إزاي ؟! .
.
عايز أقولك باللغه
الفصحى , قُدّر لاسكندريه انها تبقى بالشكل ده , مكانشي فيه أدنى تخطيط للتعامل مع
الزياده السكانيه في أخر عشرين تلاتين سنه زي باقي المحافظات يعني , ماهي اسنكندريه
دي مش تبع النرويج دي في مصر و الله , يعني موظفين حي , يعني رشوه , يعني أدوار مخالفه
و كثافه سكانيه عاليه و سوء تخطيط و مرافق ماتستحملش الكثافه دي , عايز تفتح زراير
قميصك وتعملي فيها واد فتك ؟! و ماله مش عيب , انت يا سيدي واد فتك ( مبسوط كده ؟).
.
محافظ اسكندريه
انا مش بحبه من يوم ماتعيّن , جايز عشان جسمه رياضي و واد امور و عنده غمازات و تاتو
( يعني بحقد عليه ) , بس و الله مابرتاح له , يارب تصدق , إنما تقييم أي موقف زي اللي
حصل النهارده يقول ان مفيش حد معاه أي حل غير سياسة ( إطفاء حرايق ) و الحل النهائي
الجذري نقول فيه بمنتهى البساطه ( ما يقدر عالقدره إلا ربنا ) !! .
.
يعني لو شالو المسيري
و جابو جيفارا أو نيلسون مانديلا هيبقى الوضع على ماهو عليه و جيفارا هييجي يطفي حرايق
برضه , الحلول الجذريه عايزه مليارات و سنين و صبر أيوب لإصلاح ما أفسده الدهر ( تركة
مولانا مبارك ).
.
باختصار , اسكندريه
شايله نفسها و مستحمله نفسها بالعافيه , عشان كده بتغرق في شبر مايه .
.....................................................................................................................................
Mohamed Hussein
25
أكتوبر 2015·
لو الوضع بتاع
الطقس السئ في اسكندريه زاد عن كده لا قدر الله , هيبقى الحل في تدخل الدفاع المدني
بتاع الجيش , بس ماتنساش يا كولجي تقول البؤ بتاعك اللي حفّظهولك من سنين ( الجيش مهمته
يحمي الحدود ) .
...............................................................................................................................
Mohamed Hussein
25
أكتوبر 2015·
مدرس جلد طالب
في الفصل 40 جلده , و مدرّسِة رياضيات ضربت طالب لحد ماخد 36 غرزه , و طالب علّق لافته
في الجامعه بيقول ( بحبك يا إيمان ) و أسره في كلية ماعرفشي ايه عملت ندوه عن أثار
الإدمان و كملتها بالرقص البلدي في قلب المدرج , جايز الأسره دي كانت عايزه توصل رساله
بتقول ( لما نبطل إدمان هنبقى حلوين أوي وبنعرف نتحكم في عضلات جسمنا و نرقص كده كداهو
) .
.
أعتقد إن الأولاني
هياخد لفت نظر ( يعني بص لي هنا بصوت ريهام سعيد ) , و التاني هياخد لفت نظر برضه و
التالت هيبقى جان الجامعه و إيمان هتبقى أشهر من وجبات كنتاكي , و الأسره بتاعة الندوه
هيكتشفها السبكي و يعمل لها فيلم ( الراقصه و المدمن ) .
.
الحكومات عندنا
إيدها رخوه , يعني طريه بالبلدي كده , يعني من الأخر دي إيد هياتم .
.......................................................................................................................................
Mohamed Hussein
25
أكتوبر 2015·
عندي كام واحد
من أصدقائي كده لسه محتفظ بيهم , كل 3 أيام يكتبو بوست إنهم عايزين ينزلو التحرير تاني
, ولازم ننزل الميدان تاني و حتما ولابد هننزل الميدان , والله بيسلّوني أجدع من قرطاس
فيشار أد السلطانيه اللي لبسها مرسي في باكستان .
.
أصدقائي الأعزاء
, ميدان التحرير عنوانه مايتوهشي , ممكن تركب له مترو ( التذكره بجنيه باين ) , او
ميكروباص ب 2 جنيه ( يعني بتمن سجارتين مارلوبورو ) , و لو معاك عربيه اطلع كوبري اكتوبر
و افضل ماشي لحد ما تلاقي مخرج مكتوب عليه ميدان التحرير , شوفت سهله إزاي ؟ بس انت
كده وصلت يا معلم , عايز حاجه تانيه مني ؟!! .. هتنزل بقى ولا هستنى البوست الجديد
بتاعك بعد 3 أيام بالظبط و نقعد نعدّ في اللايكات و نتاجر باللثوره و الميدان و حق
الشهدا و كده ؟.
......................................................................................................................................
Mohamed Hussein
24
أكتوبر 2015·
بصراحه يعني و
من غير زعل , إدارة جامعة اسكندريه و الأجهزه الأمنيه هناك أغبيا جدا , لما عصام حجي
عايز يعمل ندوه عندكو و ماله ؟ تقولو له اتفضل يا أهلا و سهلا , داحنا زارنا النبي,
و تجيبو الطلبه يسمعوه , و ازازة ماية نستله و كوبايه ازاز فاضيه و علبة مناديل زينه
كبيره , و احكي لنا يا سيدي عن كوكب المريخ و عن أبحاث ناسا , قول كمان و النبي , هه
و إيه كمان ؟ خلاص خلصت كده ؟ طيب احنا تشرفنا بحضرتك جدا , و توصلوه لحد المطار و
تاخدوه حضن مطارات و تقولو له : نورت مصر !! .
.
الحكايه سهله خالص
, إنما التعامل الغبي من الأجهزه في جامعة اسكندريه خلى عصام حجي يقول البؤين اللي
بيوجعوه و بيبقى نفسه أوي يقولهم و الكولجيه يزيطو وراه , و كأن مصر يعني قاعده متوتره
و ركبها بتخبط في بعض و خايفه و مرعوبه من محاضرة عصام حجي , أيها الساده المسئولين
: عصام حجي ده فستك وانتو كمان فستك زيه .
...............................................................................................................................
Mohamed Hussein
24
أكتوبر 2015·
عصر ال ( ههههههههه
) و الفيس اللي بيعيط و الفيس المكسوف .
.
زمان من أد عشرين
سنه مكانشي فيه موبايلات و لا نت و لا صور سيلفي ولا مواقع تواصل اجتماعي ولا ساندوتشات
تيك أواي , و كان البديل إن الناس تتلم مع بعضها , بيشوفو الوشوش و الملامح , الضحكه
و الدمعه و البنت لما تتكسف , اللقمه عالترابيزه ولا عالحصيره بس ناس بتاكل مع بعض
, عاملين دايره او مستطيل , و كلمه من هنا على كلمه من هنا على دعوه حلوه من هناك
, تسلم إيدك يا ست الكل , تتفتح النفس عالأكل , واللي عايز يشوف صاحبه أو قريبه بيروح
لحد عنده , لقى مواصله يركبها ماشي , مالقاش بيمشي على رجليه , ناس بتتحرك و الدم بيجري
في عروقها , ووشوش حقيقيه مش بلاستيك .
.
النهارده بقى الأكل
تيك أوي و الكلام تيك أواي و الوشوش بلاستيك و إيموشنز , فيس بيضحك و فيس زعلان , كله
بلاستيك , الدم اتجمد في عروقنا عشان مفيش حركه , و خد عندك بقى اكتئاب و كأبه و ترهل
في كل شئ حتى في مشاعرنا , واجب العزا و الفرح و عيد الميلاد بقو كلمتين يتكتبو أو
ايفنت و إن شاء الله و ألف ألف مبروك مع بوكيه ورد بلاستيك يتزرع على صفحة العروسه
أو تورتايه في كومنت و الضحكه يعني فيس بيضحك .
.
مره من 15 سنه
كنت يادوب لسه متخرج و بشتغل في صيدليه في قريه جنبنا قبل ماسافر , كنا في رمضان و
الجو كان شتا , الدنيا مطرت سيول و الطرق الزراعيه بقت طينه و وحل لدرجة إن العربيات
ماتعرفش تمشي في الطريق ده بسهوله , والموبايلات لسه ماوصلتش عندنا , أمي اتصلت بيا
على تليفون الصيدليه و قالت لي المغرب هيأدن و اختك لسه مارجعتش من الجامعه لحد دلوأتي
, كأن المفروض ترجع من ساعتين , انا صايم و كان باقي عالمغرب ربع ساعه فعلا , رجعت
مشي في الطين ( حوالي 3 كيلو ) المغرب ادن و انا في الطريق , وصلت بلدنا و مشيت في
الطريق اللي المفروض أختي ترجع منه , و كل ما قابل عربيه محمله ناس أوقفها و اسألها
( أختي معاكو ؟ ) , يقولو لأ , اكتشتف ان خواتي الاتنين الصبيان الأصغر مني سبقوني
على نفس الطريق و بيوقفو نفس العربيات , و فضلنا ماشيين ورا بعض واحنا مانعرفش , الدنيا
ضلمه اوي و المطر و الهوا على أخرهم , مافطرناش لحد ما كنا قربنا على أدان العشا و
وقفت عربيه لقيت اختي راكبه ورا و خواتي راكبين معاها , اتشعلقت عالعربيه من ورا عشان
مفيش مكان ورجعنا البيت .
.
الموقف ده لسه
فاكره , عشان هو ترجمه لمعنى خوات بيحبو بعض و أم بتعرف تربي و وشوش بتتقابل , لو كان
حصل موقف زي النهارده , كان الموبايل هيحل القصه , و الواتس أب و الفيس بوك , انتي
فين ؟ انا في الموقف مش لاقيه عربيه و العربيات لازم تحمل كامله عشان مش تتزحلق في
الطريق , اوكيه بيس , لما تلاقي عربيه ابعتي لي عالواتس رساله , هنفطر بقى و اكتب بوستين
و نستناكي , باي , باي , أيموشن بيضحك !! .
...................................................................................................................................
Mohamed Hussein
23
أكتوبر 2015·
طارق عامر محافظ
البنك المركزي الجديد طلع زملكاوي مأصّل , أبوه كان رئيس نادي الزمالك , ربنا يوفقه
بقى و يشوف لنا حل في أزمة الدولار دي أو يشوف لنا حل في حماده طلبه .
..........................................................................................................................
Mohamed Hussein
23
أكتوبر 2015·
كله عند العرب
خبير
.
عاده مصريه و عربيه
صميمه , إن كلمة دكتور يعني شخص بيفهم كل حاجه في كل حاجه , ممكن يكون دكتور عيون و
تسأله عن وجع السنان و أفضل المبيدات الحشريه لرش دودة القطن , و ممكن يكون دكتور في
التنميه البشريه و تسأله عن أعراض الزايده و تقوله اكشف عليا يا دكتور , و ممكن دكتور
في في كلية الأداب و تسأله عن عيب في الموبايل بتاعك النوت 3 .
.
و عند العرب كمان
إن اللي بيسافر أمريكا و أوروبا و يعيش هناك كام سنه ولا حتى يعيش يومين ( ترانزيت
) و يكون بيشتغل عالم أو بيغسل اطباق في مطعم هندي , لما بيرجع بلده بيبقى خبير وضليع
في كل حاجه من أول الطيارات الرافال لحد مكونات الكاتشب الصحي و أضرار المعسل سّلوم
على صباع الرجل الصغير , و طبعا اللي بيقعد في البلد مايكونشي راح أوروبا ولا أمريكا
يبقى بالتأكيد حمار , حمارٌ , حمارن , يعني دونكي بالإنجليزي .
.
و بالتالي و بالمنطق
البسيط يعني , واحد زي عصام حجي عالم كبير ( في مجال تخصصه ) و دكتور , و عاش في أمريكا
سنين طويله , يبقى كده نال الحسنيين ( اللقب و العيشه اللوكشورياس ) , و بناء على ما
سبق و ما تقدم يبقى اكيد هو ضليع في السياسه و الإرهاب و العلاقات الدوليه والديموقراطيه
و دودة القطن و الفجل الرومي و أحسن واحد بينطّق الكوره بكعب رجليه و ممكن يجيب جون
بمؤخرته من نص الملعب في الحارس العالمي بوفون و بيفهم في الأوبرا و السيمفونيات و
المعلقات الجاهليه , دكتور بقى وعاش في امريكا و كده .
.....................................................................................................................
Mohamed Hussein
23
أكتوبر 2015·
ياسر رزق ( رئيس
مجلس إدارة أخبار اليوم ) , في خبر منشور على اليوم السابع ( بتاعة خالد صلاح ) , بيقول
الخبر إن ياسر رزق كان في لقاء تلفزيوني مع ممتاز القط ( بتاع مقال طشة الملوخيه اللي
كتبه عن مبارك و إنه محروم يا ولداه من رؤية طشة الملوخيه في المطبخ ) .
.
في اللقاء بقى
ياسر رزق بيقول لممتاز القط , السيسي دائما يبكي على الغلابه و هذا سر لبسه للنضاره
السوداء !! .
.
يا ريس عبد الفتاح
السيسي أبوس إيديك , و رجليك لو تحب , التلاته اللي فوق دول أخطر عليك من الإرهابيين
و الكولجيه , استفزاز مشاعر الناس بالتطبيل الوقح ده أخطر عليك من معارضتك وانتقادك
.
, عندك دبابات
كتير يا ريس , اختار واحده تكون خرده و هتتكهن و جربها كده عالتلاته دول , اللهم قد
بلغت اللهم فاشهد .
.
هههههههههههههههه
قال و انا كنت بحلم ( حلم مشروع يعني ) إني أكتب في اخبار اليوم , لما قريت الخبر و
تخيلت نفسي كده قاعد على كرسي و فيه منصه قاعد عليها ياسر رزق بصفته الكبير بتاعنا
بقى اللي بيجيب لنا اللحمه البتلو و قام قال بؤين زي اللي قالهم دول , قمت أنا انفعلت
و خلعت الجزمه و طلعت ضربته غلى دماغ أمه و بصيت للكاميرا و ابتسمت و قلت تشيز ( أو
بطيخ ) و قدمت استقالتي قبل ماتعيّن أساسا ولا أكتب كلمه واحده , داحنا فقريين أوي
يا خال .
.
هما ولاد الكلب
دول مابيموتوش ليه ؟
...................................................................................................................................
.
