Mohamed
Hussein
24
مارس 2016·
...3
نصايح للعالم المصري
.
عصام حجي قدم اعتذار
بعد إشاعة حذف اسمه و سيرته الشخصيه من كتاب التربيه الوطنيه , و قال ان خبر حذف اسمه
جاله من مصادر اتعود انه يثق فيها !! , يا خوفي لا تكون مصادرك هي قناة الجزيره و شبكة
رصد , عموما اعتذارك مقبول يا دكتور , و الإعتذار من شيم الكبار.
.
دكتور عصام ,
3 نصايح لوجة الله تعالى , 3 نصايح من واحد لا هو عالم ولا باحث و لا يعرف وكالة ناسا
دي فين من أساسه , نصايح من مواطن مصري مش اكتر, بتاع بليلة يا سيدي , اعتبرني بتاع
بليله :
.
1- بطّل غرور و
تعالي , انت لسه سنك صغير و المجد قدامك مش وراك , و مصر دي اللي هي egypt ماكانتشي عاقر قبل ما تخلف ولد نابغه و تسميه عصام
حجي ولا قطعت الخلف من بعده , اه بالمناسبه اي عيل عمره 8 سنين دلوأتي هيبقى عارف كويس
اوي ان اي دوله عشان تقوم (و تفز) لازم لها قاعده بحث علمي عملاقه , مش لازم كل شويه
تفكرنا , الحكايه مش كيميا , بس العين بصيره و الإيد قصيره , و احنا حاليا في وضع صعب
, حاول تصبر شويه .
.
2- ماتمشيش ورا
الكولجيه و لا تسمع منهم , بعد شوية هتتركن عالرف زي خالد علي و غيره و هتبقى كارت
محروق , و الشعب اللي هو الناس البسيطه هتكرهك , الناس بدأت بالفعل تكرهك و تكره اسمك
و سيرتك على عكس علماء كبار زي مجدي يعقوب و مصطفى السيد و غنيم و غيرهم .
.
3- حاول تحب مصر
شويه و تحس بالخوف عليها و تشوف الدنيا ب (جوز عيون ) و بلاش تتصيد أخطاء و تروج إشاعات
و تصغر نفسك ده لو حابب تتكلم في السياسه ( و ممكن تسكت على فكره و تركز في شغلك زي
عادة اغلب العلماء ) , في النهاية مصر هتعيش ليوم القيامه و انا و انت هنموت , و ساعتها
مش مهم اسمك يبقى موجود في الكتب و عالورق المهم يكون موجود في قلوب الناس .
................................................................................................................................
Mohamed
Hussein
24
مارس 2016·
اصعب حاجه لما
اكون خدت قرار اني اخس كام كيلو عشان مابقاش شبه السحليه ام كرش ...وفي نفس توقيت القرار
تجيلي فرصه حلوه اني اروح لامي في البلد و اقعد يومين ....امي ? يعني محشي و رز معمر
و حمام و ممبار .... عموما خلاص بقى ... اللي يحبني يحبني لشخصي .
...................................................................................................................................
Mohamed
Hussein
23
مارس 2016·
السيد الأستاذ
الدكتور العالم الكبير عصام بك حجي ....تحية طيبه و بعد ,
.
نحيط سيادتكم علما
بإن إسم معاليكم ماتحذفش ولا حاجه من مناهج التربيه الوطنيه , و حيث إن جناب معالي
عظمتكم ربطت الإشاعه دي بسخريه من تطوير المناهج و التعليم في مصر , أتمنى إن وجود
اسمك في أم كتاب التربيه الوطنيه يكون ركيزه لتطوير أم التعليم في مصر و نهيص بقى
!! .
.
عصام بك حجي ,
نظرتي فيك ماتغيرتش , في مجالك عالم كبير , و في غير كده مجرد شمّام كوله و أي عيل
صغير يركبك و يسرح بيك , أه بالمناسبه هفكرك تاني , مصر ماقتلتش الشاب الإيطالي ولا
أعدمت طفل عمره 3 سنين يا عالم يا كبير يا جهبذ ياللي ناسا هتضيع من غيرك و مصر بتاكل
ضوافر رجليها بعد فراقك .
.
و تاني هفكر تلامذتك
و بهاليلك و مريديك من صغار الكولجيه , مصر فيها تقريبا 30 ألف عالم ( بره و جوه )
, أه تلاتين ألف , و مصر في أشد الحاجه لثورة علميه و قاعدة بحث علمي تليق باسمها
, بس أخر واحد في ال 30 ألف ممكن يفيد مصر بمشبك غسيل حتى هيكون اسمه عصام بك حجي
, الأيام بيننا .
.................................................................................................................................
Mohamed
Hussein
23
مارس 2016·
أبناء الحاج أرشميدس
........... الأفكار الجذّابه في نشر السواد و الكأبه ..
.
عارف انت مين اللي
بيعجبني ؟ بيعجبني الواد الكولجي اللي مع كل حدث مايلاقيش له تفسير يتطابق مع أفكاره
( المنقوعه في برميل طرشي ) يقوم قاعد يا عيني مزوي كده على جنب زي السحلية اليتيمه
, ويستنى بقى أي حد من كبار الكولجيه عالفيس بوك يتألق و يتعملق و يكتب أي بوست يبان
من شكله حتى انه تفنيد للحدث يتناسب مع أهداف و تعليمات و مبادئ شمامي الكوله , في
اللحظه دي صاحبنا بيتقمص شخصية أرشميدس لما نط من حوض البانيو و هو عريان و قعد يصرخ
و يقول : وجدتها وجدتها وجدتها !! , و فجأه تلاقي أم البوست الهلامي اللزج الساذج لحد
النطاعه بيتنقل بطريقة كوبي و بيست في كل التعليقات , ..... يبدو ان الكولجيه هما كمان
بقو قطيع و انا كنت فاكر الحكايه دي موهبه عند الإخوان بس .
.
في موضوع تفجيرات
بروكسل تألق اتنين من كبار الكولجيه و بعدها السحالي اليتيمه تنفست الصعداء و نطت النطه
بتاعة عمك الحاج أرشميدس , واحد منهم كتب الكلام الهلامي اللي مفاده باختصار ان التفجيرات
دي مقصوده و متعمده عشان اصل بروكسل دي تبقى كذا و لما هي كذا يبقى إذا كذا و نخلص
من الفكره ان الحكومه البلجيكيه بتفجر مطاراتها و دي حركة تمويه على فكره !! , قشطه
عليك , حليب قلبي من جوه .
.
و التاني تألق
بقى و شايف ان المقارنه بينا و بينهم ماتنفعش إطلاقا مطلقا , ده هما فوق فوق في سابع
سما و احنا تحت في سابع أرض , انتو أصلا مش عارفين الأجهزه الامنيه في بلجيكا هتعمل
ايه ؟ دي بكره الصبح هتكون جايبه العيال , و مأمنه بلدها تماما و العيال هيعترفو و
هما بيشربو شاي و كيك , ولا حد هيقدر يجرح شعورهم بنص كلمه , المهم رغي كتير اوي بيقول
إن الأجهزه الأمنيه في اوروبا دي أجهزه جباره و مخيفه و بتمشي عالحيط ( ههههههههههه
يا بقف ده جوز عيال قلّعو باريس و بروكسل ملط و نيموها من المغرب ) , و بتعامل المجرمين
هناك احلى معامله ( إلهي يارب أشوفك مجرم في أوروبا و تتعامل المعامله الحلوه دي يا
بعيد ) , وأي كلمتين بقى يقولو اننا العكس تماما , احنا في الحضيض , في أسفل سافلين
, لازم تتشائمو و تكتئبو , اتشائمو يا جدعان , الأخ اللي ورا لسه ماتشائمتش ليه ؟ الأيام
اللي جايه سوده , و الديناصورات هتظهر في شوارعنا .
.
أصدقائي الكولجيه
أبناء الحاج أرشميدس , أنتم بائسون و بتصعبو عليا و الله , البؤساء , les miserables , يومكو و حياتكو كلها بتتلخص في 3 أفكار ب
( تنتعو ) و تحاولو جاهدين تقنعو نفسكو بيها :
.
أولا : الغرب و
أي حد غيرنا يبقى عظيم و رائع و كامل الأوصاف و perfect .
ثانيا : احنا زفت
الطين و في أسفل سافلين و ميح , يعني ( big zero
) .
ثالثا : مصر مش
هتتنقل من مرحلة ال big
zero لمرحلة الperfect إلا لما يحكمها خالد علي ( أو محمد عطيه ) .
....................................................................................................................................
Mohamed
Hussein
22
مارس 2016·
نتكلم جد بقى
...مصر و بلجيكا , و أه لو اتبدّلت الكراسي .
.
- بعد التفجيرات
بتاعة النهارده ( الله يرحم اللي ماتو ) , بلجيكا خدت قرارات بإغلاق مطار بروكسل و
الغاء كل رحلات الطيران و وقف حركة القطارات و اخلاء القصر الملكي البلجيكي من العائله
المالكه , و أوروبا كلها ركبها بتخبط في بعض .
.
- بلجيكا دي تبقى
دولة في الإتحاد الأوروبي يعني جوه ( العلبه القطيفه ) , و حدودها كلها متأمنه منها
و من جيران تبع نفس القواعد و على نفس المستوى , يعني شغل على ماية بيضا , عارف لما
يكون عندك جوهره ثمينه و تحطها جوه علبه و العلبه جوه علبه اكبر و العلبه الأكبر جوه
خزنه صُلب محدش يقدر يفتحها ؟ اهو ده وصف أي دولة داخل حدود الإتحاد الاوروبي .
.
- بلجيكا ماعندهاش
تنظيم ارهابي عمره 88 سنه متوغل في كل مفاصل الدوله , ولا عندها مليون كولجي بيقولو
عالإرهاب (عنف مضاد ) و بيقعدو يدورو على مبررات و أسباب و حيثيات للمواطن الإرهابي
الكيوت .
.
- بلجيكا ماعندهاش
حدود صحراويه ألف كيلو مع دوله مش موجوده زي حدودنا مع ليبيا , اللي بيأمنها من الناحيه
التانيه تنظيم داعش الإرهابي !! , ولا عندها حدود تانيه مع دولة شقيقه بنت صرمه شغاله
في تجارة الأنفاق , تتاجر في السلاح و الإرهاب و المخدرات و الموت نفسه بتتاجر فيه
.
.
- أنا عايزك بس
تتخيل المشهد , حاول يعني , بعد ثورتك ( المجيده ) في يناير و بعد الثورة الليبيه
(المجيده برضه ) ضاعت ليبيا و ترسانة الأسلحه بتاعتها اتهربت لكل مكان , و طبعا مصر
نالت من الحب الجانب الأكبر ( مع انشغال الجيش المصري بتأمين البلد من جوه ) , عارف
بقى حضرتك كمية السلاح اللي اتهربت و كمية الخرفان و الكولجيه اللي عندنا لو كانو موجودين
في بلجيكا كانو عملو ايه ؟ أكيد كنت هتقرا الفاتحه على روح بلجيكا و جايز على روح الإتحاد
الأوروبي كله .
.
- بلدنا دي فيها
حاجه غريبه , فيها حاجه لله , مش بس جيش أبطال بيتعلم التضحيه قبل مايتعلم مسكة السلاح
, و لا بس شعب بيعشق ترابها بغباوه , الأهم من الشعب و الجيش , البلد دي لها رب حارسها
و حاميها .
..................................................................................................................................
Mohamed
Hussein
22
مارس 2016·
قتلي و جرحى في
انفجارين في مطار بروكسل , أه في قلب المطار من جوه .
.
- تلاقي الظابط
البلجيكي كان قاعد بيلعب كاندي كراش .
- إزاي القنابل
و المتفجرات عدّت من عالسير و أجهزة كشف المتفجرات ؟
- الحل هو تطهير
جهاز الشرطه البلجيكي .
- أمين الشرطه
البلجيكي فوّت القنابل و المتفجرات بعد ما اتكرمشله 20 يورو .
- مفيش ارهاب في
بلجيكا ولا حاجه , دي فزاعه من النظام الحاكم .
- فرع الأزهر في
بلجيكا هو السبب الرئيسي لتفريخ الإرهابيين .
- لابد من فتح
حوار مجتمعي و الإهتمام بتنمية الإنسان البلجيكي .
- عدم العداله
في توزيع الثروه هو السبب الرئيسي للإرهاب في بلجيكا .
- البيروقراطيه
و الرشوه و المحسوبيه هما اللي بيخلو المواطن البلجيكي يتحول لإرهابي .
- ماهو طول ما
القضاء البلجيكي بيستشعر الحرج هنفضل كده .
- الحكومه البلجيكيه
بتفجر مطاراتها و تقتل مواطنيها عشان تخوّف الناس .
- الكماين الثابته
في مطار بروكسل هي كارثه , ولازم يتم استبدالها بكماين متحركه .
- و لحد امتى هنفضل
كمواطنين بلجيكيين و أوربيين نستحمل الارهاب ؟ البرادعي كان معاه حق لما قال إن المصالحه
هي الحل .
.
من يوميات كولجي
بلجيكي .
......................................................................................................................................
Mohamed
Hussein
21
مارس 2016·
مابحبش البرادعي
ولا بطيقه , من يوم ما خلع ولبسنا في الحيطه قدام العالم , و بقيت شايف انه حد طري
أوي و لامم حوالية شوية كولجيه في كيس كوله كبير محشورين فيه كلهم .
.
مابحبش البرادعي
و شايف انه جبان و عايش في غيبوبه أو ممكن تقول ميت اكلينيكيا و تويتاته بتظهر بطريقة
( الدفع الذاتي ) , يعني على قديمه , نفس الكلمتين المقعرين , تتشال الدنيا حواليه
و تتهبد و تولع بجاز و تتحرق و هو محشور في نفس الكلميتن , ده مش اسمه ثبات عالرأي
, دي اسمها غيبوبه .
.
مابحبش البرادعي
, و شايف انه له دور في تشوية صورة مصر في الخارج , حتى لو بحسن نيه أو بصورة غير مباشره
, و له دور في تشوية عقول كتير من الشباب في مرحلة خطيره جدا من تاريخ مصر .
.
مابحبش البرادعي
, و شايف انه مايقدرشي يدير دوله ولا محافظه ولا يدير كشك سجاير حتى , هو من نوعية
الناس اللي شعاراتها لا بتزرع ولا بتقلع ولا تنفع ( وش سديري ) , شعارات أولها زي أخرها
, كلام مجرد كلام , شوية كلام في الهواء الطلق و انت مدلدل رجليك في ماية البيسين
, شغلانه مفيش أسهل منها .
.
إنما حذف اسم البرادعي
من مناهج التعليم في باب الحاصلين على جايزة نوبل هو كارثه و عبط و سذاجه لا تقل عن
سذاجة أنصار البرادعي اللي لسه فاكرينه سابقنا بمليون سنة ضوئيه .
.
التاريخ مابيتكتبش
كده يا بني أدمين , مش بالمزاج هي ولا برغبة أولياء الأمور , ده حدث و تم بالفعل ,
اسم البرادعي لازم يرجع يتكتب في المناهج كواحد حاصل على نوبل للسلام , وفي المقابل
لازم توعيه إعلاميه شامله للشعب ان الجايزه دي بصفه عامه (نوبل للسلام ) عليها ألف
علامة استفهام , ولها فاتوره بيدفعها صاحب الجايزه , إما مسبقا أو لاحقا .
....................................................................................................................................
Mohamed
Hussein
21
مارس 2016·
بصو , كنت عايز
أحكي عن أمي و أفضالها عليا و تعبها و معاناتها و استفيض بقى و انطلق , بس بصراحه متكتف
عشان أصدقائي اللي فقدو أمهاتهم , كل سنه و انتي طيبه يامّه الغاليه و ربنا يديمك علينا
نعمه , و كفى بها نعمه , كل سنه و كل امهات مصر و العالم طيبين و على راسنا متشالين
, و ربنا يرحم كل أم قابلت ربها و يصبر أولادها على فراق الحضن و الوتد و عمود الخيمه
.
.
يا ستات العالم
, إعتراف أهو , احنا الرجاله ظاهره صوتيه حنجوريه , و أوامر و تحكيمات , و عضلات و
حبشتكانات , و زعيق و خناق , ماهو الخناق ببلاش , بس من غيركو مانسواش .
.................................................................................................................................
Mohamed
Hussein
21
مارس 2016·
نظرية حارس المرمى
.
قبل ما نتكلم عن
تقصير أمني و نمارس هوايتنا في التنظير و التحليل و وضع حلول و خطط من ناس مالهمشي
فيها و أولهم انا , مانا كمان بقترح حلول و خطط للتصعيد العسكري مع اني صيدلي مش عميد
أركان حرب , تعالو نشوف نظرية حارس المرمى بتقول ايه ؟ ده اللي من حقنا نقوله , عشان
ده اسمه المنطق , اللي هو المكان الصلب اللي لازم نقف عليه برجلينا قبل مانتكلم و نفتي
:
.
تخيل ان عندك حارس
مرمى , و حارس المرمى ده اتحط في ماتش غريب لا عالبال و لا عالخاطر , و كان مطلوب منه
يقف جون و وقف , و هيتشاط عليه 10 ضربات جزاء , حضرتك مبدأيا كده هتقيم أداؤه ازاي
في الماتش ده ؟ ايه رأيك لو صد ضربتين جزاء و دخل فيه 8 أجوان ؟ هتقول حارس جيد جدا
, طب لو صد 5 و دخل فيه 5 هتقول ده حارس عملاق مجابتهوش ولاده , طب ايه قولك بقى ان
حارس المرمى صد 8 و دخل فيه 2 ؟؟؟؟؟؟ .
.
طب تعالى نخطف
رجلينا لحد فرنسا و نشوف حارس المرمى هناك , ماسمعناش في فرنسا عن احباط عمليات ارهابيه
ولا قتل ارهابيين قبل احداث باريس , و فجأه حصل التفجير في 3 اماكن في قلب العاصمه
في نفس التوقيت , الترجمه الكرويه للسطرين اللي فاتو بتقول ان حارس المرمى الفرنسي
اتشاط عليه 3 ضربات جزاء بس و دخلو كلهم أجوان و من بين رجليه يعني كباري يا معلم
, حضرتك فاهم حاجه ؟! .
.
كمان لازم نقول
ان الملعب المصري مختلف تماما عن الملعب الفرنسي , فرنسا مش على حدودها ليبيا و السودان
و جماعة حماس الإرهابيه و حدود صحراويه و أنفاق , فرنسا محميه داخل علبه قطيفه اسمها
حلف الناتو , فرنسا مادخلهاش كم السلاح اللي دخل مصر في ال 5 سنين اللي فاتو بعد تدمير
ليبيا و سوريا , كمية السلاح دي اعتقد انها كانت كافيه لإسقاط الإتحاد الأوروبي , فرنسا
مفهاش جماعه ارهابيه عمرها 88 سنه ولا فيها كولجيه بيتعاطفو مع أي عيل صايع و أي بنت
لا مؤاخذه و يحولوها لأيقونه ثوريه .
.
يبقى صحيح من حقنا
ننفعل عشان خايفين على مصر , و من حقنا نقترح حلول عشان بنحب البلد دي بغباوه , لكن
لازم كمان نفهم ان الملعب أكبر من استيعابنا احنا كمواطنين , و ان حارس المرمى العظيم
بتاعنا احبط عشرات من العمليات الارهابيه و قتل ألاف من الإرهابيين , يعني حارس مرمى
بدرجة بطل خارق , كل اقتراحاتنا اكيد هي أبجديات معروفه عند القياده و بينفّذو منها
اللي يصلح للتنفيذ , يبقى مطلوب مننا باختصار نصبر و نثق فيهم و نقف في ضهرهم و نضرب
لهم تعظيم سلام .
.................................................................................................................................
Mohamed
Hussein
20
مارس 2016·
هنقول تاني
.
كان فيه راجل عايش
مع مراته و عياله في بيت جميل , و واحد بلطجي غريب راسه و ألف جزمه إنه ياخد البيت
ده من الراجل و ياخد مراته كمان و ينام معاها , البلطجي مابيزهقش , بيعمل كل المحاولات
, مره يخبّط عالباب جامد , مره يرمي طوبه في الإزاز , مره يقطع الطريق عشان الراجل
و مراته مايلاقوش حاجه ياكلوها , مره يطلّع عليهم سمعه زي الزفت , مره يحرض عيل صايع
من عيال صاحب البيت على خواته , مره يرمي إزازة مولوتوف على سطح البيت .
.
و الراجل صاحب
البيت قدامه حل من اتنين , إما إنه يقاوم البلطجي و يستحمل ألاعيبه و وساخته و يتعب
و يصبر , أو يسلّم بيته و مراته للبلطجي و ساعتها هيرتاح من الوش و وجع الدماغ و الخبط
و التكسير تماما و ممكن بقى يعيش حياته و يجيب له حته lcd 32 بوصه و يشترك في باقة الأفلام و يدلع نفسه .
.
لو عايزين حل نهائي
و فوري للأمن و الإقتصاد رجّعو مرسي البهلول يحكم مصر , مش عشان الإخوان شاطرين وبيفهمو
أي حاجه في أي حاجه , لا خالص , عشان أمريكا و الناتو هيرضو علينا وقتها , يعني لا
هتلاقي طياره بتنفجر ولا شاب بيتقتل ولا سياحه بتنضرب ولا ارهابيين و لا سلاح , و هتلاقي
جون كيري بيشيد جدا بوضع حقوق الإنسان في مصر و أوباما بيقول هندرّس حكم مرسي لمصر
في مناهجنا و البرلمان الأوروبي هيطلع بيان عن الشاب الإيطالي بيقول ( أجله و انتهى
بقى , ربنا عايز كده ) .
.
يعني الحياه هتبقى
وردي وردي وري , بس مصر بعد شويه , مصر اللي عمرها 10 الاف سنه , هتبدأ تتحول لراقصة
ستربتيز ,و تقلع هدومها واحده واحده , سينا تروح لأهالي غزه المهجرين و حلايب تروح
للبشير و مفيش مانع نعمل دوله صغيره محندقه كده على حدودنا الغربيه لتنظيم داعش , و
كله بما يرضي الله , قصدي بما يرضي أمريكا و الإخوان .
.
ده مش تبرير لأخطاء
الحكومه و النظام , ده وصف للحاله , أنا عن نفسي مش موافق , إطلاقا مش موافق , هستحمل
الوساخه و هواجه و اصبر , بس مش هسلم بيتي و مراتي للبلطجي .
………………………………………………………………………………………………………………………………………
Mohamed
Hussein
20
مارس 2016·
ماهو مفيش أوسخ
ولا أعبط و لا أتفه من اللي تقوله الحل في ترحيل جزء من بدو سينا لمساكن أمنه و تطهير
المنطقه دي بالكامل عشان نحافظ على أرواح البدو و أرواح جنودنا يقوم يقولك ده كده يبقى
تطهير عرقي و إباده جماعيه !! .
.
والله مابقيت لاقي
لفظ أبيح يليق بمقام شوية البقر دول , النموذج الفج للمثقف الحمار اللي حفظ كلمتين
من غير أدنى درجة من الفهم , ولا عارف يعني ايه تطهير عرقي ولا يعني ايه إبادة جماعيه
, أهي بردعه بتتحط على ضهره و يمشي بيها يتمخطر وسط باقي الحمير , الناس اللي اتخرجت
من الجامعه و تكتشف في النهايه إنه كان خساره فيهم صباع الطباشير أبو بريزه , الشهادات
اللي متبروزه و متعلقه في الأنتريهات و هي أخرها يطبقها كده و يديها لمراته في المطبخ
عشان تمسك بيها الحله لما تكون سخنه .
.
يا جحش انت مش
مضطر تعلق و تدلي بدلوك , مفيش حد بيفرض عليك كده , مفيش ماده في الدستور بتجبر الحمير
انها تدلي بدلوها .
............................................................................................................................
Mohamed
Hussein
19
مارس 2016·
..
18 شهيد في تفجيرات كمين العريش , 18 أم مصريه كل واحده فيهم كانت مستنيه مكالمه من
ابنها يقول لها كل سنه و انتي طيبه يا أمي , و جت لها مكالمه من حد ماتعرفوش بيقول
: شدي حيلك يا حاجه , ابنك مش راجع .
.
و بعدين يا ريس
؟ حنفية الإرهاب مش بتتقفل و مش هتتقفل طول مالحدوته فيها تنظيم إرهابي اسمه حماس و
ناس أغلبهم خونه و يبيعو أي حاجه بالفلوس إسمهم بدو سينا , احنا كده جربنا الطبطبه
( و ماعجبناش الكولجيه ولا عجبنا امريكا ) , ما كفايه بقى و أن الأوان نقول لولاد الكلب
انتو ولاد كلب بشكل مباشر و صريح , المحترمين من بدو سينا هيقبلو عملية اخلاء و تهجير
عشان شايفين بعنيهم اللي بيحصل , و الخونه منهم مالهمشي ديه عندنا , هما مش أغلى من
اللي ماتو و اللي بيموتو , و طياراتنا زي مادخلت العمق الليبي عشان تجيب حق ولادنا
و تقتل الإرهابيين تقدر تدخل العمق الفلسطيني مع جواب صغير لأهل غزه الغلابه بيقولهم
, احنا أسفين و الله , مش ذنبنا إن اللي بيحكمكو جماعة ارهابيه بنت ستين كلب .
................................................................................................................................
Mohamed
Hussein
19
مارس 2016·
أمريكا نجحت
.
- جون كيري وزير
الخارجيه الامريكيه قاعد لمصر , فاضي بقى , و مش عاجبه التحقيق مع عياله ضناه بتوع
مراكز حقوق الإنسان ( الأكشاك الأمريكيه اللي اتعملت مخصوص للوي دراع الدول و الحكومات
و مساومتهم ) , و من كام يوم طلع بيان من فرعهم في ايطاليا بيدين و يشجب تصريحات السيسي
مع الصحيفه الإيطاليه , يعني الصحيفه بتسأل السيسي عن الشاب ريجيني و السيسي بيجاوب
باجابات محدده و واضحه جدا , انما فرع الكشك الامريكي في ايطاليا لما يعقّب على تصريحات
السيسي و مايلاقيش حاجه يقولها يقوم يتكلم في اوضاع المساجين في مصر و حقوق الإنسان
, اللي هو نفس أم فكر الكولجيه بتوع مصر , يقولولك مفيش ارهاب تقولهم فيه , يقولولك
ايوه فيه بس فين تنمية الإنسان ؟!! , يعني أي هري في الحماده .
.
أمريكا نجحت تماما
في ال 10 سنين اللي فاتو , نجحت نجاح ساحق , نجحت في انها تكشف عن وشها القبيح المقزز
, نجحت في انها تعرّي عملائها و كلابها في المنطقه زي قطر و الجزيره و سعد الدين ابراهيم
والخرفان و أكشاك حقوق الانسان , نجحت في خلق عداوه مزمنة مع أغلب شعوب و حكومات العالم
و بقى شعار الكل حاليا ( فصبرٌ جميل ) , أمريكا نجحت في إنها تكشف الصوره الحقيقيه
لعملائها اللي كنا فاكرينهم أسد و في الأخر اكتشفنا انهم مجرد قرد ( بوزه بوز القرد
و مؤخرته حمراء و بيتشعلق في أي افتكاسه و أي خراب يبقى قرد مش أسد ) , أمريكا نجحت
في وضع الديناميت بإيديها حوالين جبل ضخم من الجليد اسمه الإمبراطوريه الأمريكيه ,
و في لحظه و قريب جدا , هينهار الجبل في مشهد بديع اسمه Avalanche , و انهيار الجبل هيكون بطريقة once and forever .
.
مفيش حضاره في
الدنيا ولا امبراطوريه هتقدر تعيش و تتنفس بعد إشرافها على كم الوساخات و الدم و الخراب
و الإرهاب و سرقة أقوات الشعوب اللي عملته أمريكا , الحق لازم ينتصر, العقل و المنطق
و التاريخ بيقولو كده .
.......................................................................................................................
Mohamed
Hussein
18
مارس 2016·
على سبيل الأسف
و الخيبه
.
أجدادنا الفراعنه
العظماء عملو حضاره مفيش زيها في الكون , وسادو العالم و برعو تماما في الطب و التحنيط
و الفلك و الهندسه المعماريه وغيرها , و مع ذلك أحفاد أحفادهم اللي هما احنا ماعرفناش
نعمل بس 10 أفلام سينمائيه أو حتى فيلم واحد بشكل محترم لتوثيق الحضاره الفرعونيه
, يعني تخيل حضرتك حجم المجهود البدني و العقلي اللي تم عشان توصل الحضاره الفرعونيه
للي هي عملته و حجم التردي العقلي لجيل مش عارف يوثّق بس اللي عملوه الأجداد في صورة
فيلم , و أخر ماعندنا كان شخصية هاميس بتاعة لبنى عبد العزيز , و بحبك يعني هريسه بالفرعوني
!!
.
و في المقابل
, في أمريكا , لو كان عندهم كلب أرمنت ( اسمه ريكس ) من 100 سنه ( مش 10 ألاف سنه
) , و الكلب ده نجح إنه يعدّي ترعه عرضها 6 متر ( بطوله خارقه بقى ) , كان زمان الامريكان
في صوت واحد قالو واااااو جريت فانتاستيك وندرفول , و كان زمانهم عملو 97 فيلم عملاق
عن بطولة و عظمة الكلب الأرمنت ريكس و تاريخه النضالي و حالته النفسيه و السيكوسوماتيكيه
وقت ماعدّى الترعه ( أسطورة ريكس , ريكس و الجميله , ريكس قاهر الديناصورات , ريكس
تو , ريكس هاز نو إيند ) , و كنت هتلاقي العالم كله يعرف الكلب ريكس بس مايعرفشي الملكه
كليوباترا !! .
..................................................................................................................................
Mohamed
Hussein
18
مارس 2016·
التاتش بتاعنا
.
خطيب الجمعه طلع
عالمنبر و موضوع الخطبه ( فضل الأم في الإسلام ), كلام حلو أوي عن بر الوالدين , و
فضل الأم , و تكريم دينا الإسلامي لها , و بعد كده انتقال سلس من الأم بصفه خاصه للمرأه
بصفه عامه و حقوقها ووجوب احترامها في العقيده الإسلاميه .
.
و بعدين بقى لازم
نحط التاتش بتاعنا , أومال يعني مانحطش التاتش بتاعنا ؟ و يُحكى أن امرأة في بلاد الغرب
اعتنقت الإسلام و لما سألوها ( معرفشي مين اللي سألوها ) عن شعورها بعد اعتناقها للدين
الاسلامي قالت المرأه : أريد أن أصرخ و أقول لكل نساء الغرب و العالم أنني أخيرا وجدت
دينا يحافظ على كرامة المرأه !! ........ انتهى التاتش كده .
.
طريقه صياغة الحدوته
دي اللي هي غالبا من افتكاسات محمد حسان ( اللي عمل من وراها ملايين متلتله ) , الطريقه
و حكاية ( اخيرا وجدت دينا ) بتحسسني ان الست كانت بتدوّر على عربيه في سوق السيارات
و اخيرا ربنا هداها للفولفو ( السياره الأكثر أمانا في العالم ) , يا ترى عملت ايه
في الكورولا القديمه بتاعتها ؟ .
.
يا مولانا دينا
الإسلامي العظيم مش هيكبّره أبدا اننا نشوّه باقي الديانات و المعتقدات , ارحمو مرارة
أمي بقى , يعني ايه اخيرا وجدت دينا يحترم كرامة المرأه ؟ انا ماعرفشي مثلا إن الديانه
المسيحيه من حيثياتها إن الراجل ياكل دراع مراته لو زعّلت أمه , أو لو دخل البيت مالقاش
الغدا جاهز يقوم معلّقها في النجفه .
.
طب تعرف يا مولانا
الهنود و اليابانيين و قبائل الكوتوموتو الأفريقيه و البوذيين و الملحدين و المنفلوطيين
و اللي بياكلو ورق الشجر واللي مولودين على 7 شهور واللي لونهم أسمر و اللي لونهم بامبة
مسخسخ بيعملو ايه في المرأه ؟ ولا حاجه , و عهد الله ولا حاجه , اتفاجئت صح ؟ بيحترموها
برضه و يحافظو على كرامتها , عشان دي اسمها أبجديات العقل البشري و الإنسانيه من أيام
خلق أدم يا بني أدم .
