Mohamed Hussein
26 أكتوبر 2017·
قناعات يعني قناعات , نحن لا نبيع الوهم
ولا نبيع البانجو
.
قانون التظاهر تبص له من بره تلاقي شكله
صعب , وفين حقوقنا في التظاهر و فين حريتنا و فين و فين ؟ تبص على أرض الواقع تلاقي
إن الميغه دي كان لازم تتلم بأي شكل و بأي تمن , مش 17 مظاهره فئويه في اليوم , مش
مظاهره كل يوم جمعه , طب مش هقولك 90 % , اضمن لي بس ان 50 % من اللي نازلين يتظاهرو
نازلين بمحض ارادتهم و عقلهم و اختيارهم و لمصلحه عامه و عارفين حقوق الدوله عليهم
في احترام الطريق و احترام الممتلكات العامه و الخاصه , مش مشحونين باتوبيسات ولا نازلين
للتشويه و التهييج و الحرق و التخريب , فكرة المقارنه بين مصر و أي دولة أوروبيه هي
فكره في منتهى القبح و الشذوذ , يابني اللي مايشوفشي من الغربال يبقى أعمى .
.
مؤسسات الدوله السياديه , لازم يكون لهم
كامل الإحترام , مش كل واحد صايع نايم على بطنه عالسرير يتخيل نفسه تحت بند الحريه
و البطيخ إنه ظابط مخابرات و سفير مصر في اليونسكو و رئيس أركان القوات البحريه وقت
اللزوم .
.
الأزهر مؤسسه عريقه و الكنيسه المصريه كذلك
, الفراغ اللي هيخلّفه غياب المؤسستين دول هو فراغ كارثي , عندك اعتراض على حاجات معينه
و مناهج معينه ؟ و ماله انا كمان عندي , بس الكلام يكون باحترام للمؤسسه و لشيخها و
باباها , سواء كان اسمهم احمد الطيب و تواضرس أو أي اسماء تانيه , انا بتكلم عن الكيان
و المنصب مش عن الأسماء .
.
تاريخ مصر محتاج تصحيح و إعادة كتابه ؟
أه صحيح , جدا , بس يكتبه المؤرخين المصريين العظماء في غرف مغلقه , مش يكتبه الباحثين
و الصيع عالهوا في برامج التوك شو, و لما يعاد كتابة التاريخ حاول تحتفظ لي بشوية أمل
و شوية مجد و شوية انتصار , عشان دول الحيطه اللي بنتسند عليها , مش ضروري و انت بتعيد
كتابة التاريخ تشوه لي كل مرحله و كل انتصار و كل زعيم تاريخي عشان أحس انك حد عميق
و متحرر و مفكر و قراري , لا انا في الحاله دي هتأكد انك صهيوني مرتزق مش اكتر لأن
ببساطه شديده مفيش دوله في الدنيا بتعيش 10 ألاف سنه في هزائم و فشل , كان زمان الله
يرحمنا من ألاف السنين .
.
مراكز حقوق الإنسان و الميديا العالميه
كلها مسيسه , كلهم بائعات هوى , كلهن عاهرات , و يوم مامنظمة حقوق الإنسان ترضى عنك
مثلا يبقى تأكد وانت مغمض عنيك ان أمريكا و بريطانيا راضيين عنك و عن سياساتك ولو بشكل
مؤقت , دي أدوات اللعبه يا مولانا .
.
أصدقائي الأعزاء , الكلام اللي فوق ده هو
قناعاتي , لو هتقراه تاني مش هتلاقي فيه إسم عبد الفتاح السيسي , مستحيل تلاقيه , لأن
الموضوع مش اسم رئيس , الرئيس في الحاله دي بيبقى إسمه x
أو س من الناس , الموضوع إسم بلد و كيانها و مؤسساتها و تاريخها
, الموضوع إني بشاور بوضوح على اعدائها , و على أصول و ادوات اللعبه اللي في إيد حلف
الشيطان .
....................................................................................................................
Mohamed Hussein
26 أكتوبر 2017·
هات يابني ورقه و قلم بسرعه و اكتب ورايا
.
- اكتب ايه حضرتك ؟ هتشرح لي طريقة عمل
الباباغنوج ؟
.
لا هشرح لك تويتات بابا البرادعي .
- ايه ده ؟ هو مش كان مات من كام شهر ؟
.
أه مات له كام شهر حلوين و بعدين صحي تاني
, و صحته اتحسنت عالموت تقريبا.
- و بيقول ايه بقى بابا البرادعي الله يرحمه
ويديله الصحه و يحرقه بجاز ؟
.
يعني هيقول ايه غير أم الكلمتين اللي بيهري
فيهم من سنين , حقوق الإنسان و الحريات و التحرر و الشباب و تمكين الشباب و أحلام الشباب
و حَبْ الشباب .
- طب مش هيتكلم عن الإرهاب و المؤامره على
بلده و الشرق الأوسط اللي خرب و الجيوش اللي وقعت و ملايين القتلى و المشردين و ألاف
الشهداء من الجيش و الشرطه في مصر و تلفيقات قناة الخنزيره الصهيونيه و أموال قطر بنت
الوسخه ؟
.
انت عبيط يابني ؟ عايزهم يسحبو منه جايزة
نوبل للسلام و النضاره و البنطلون ؟
- هو فيه سؤال بس محيرني , واحد زي البرادعي
رجل في الدنيا و رجل في الأخره ليه يعمل في نفسه كده لحد أخر لحظه في عمره , ليه ماينضفش
قبل مايموت ؟ ليه مايعتذرش عن النطاعه اللي عاش فيها و عيّش فيها ألاف الشباب ؟
.
بص يا حبيبي , باختصار شديد , جايزة نوبل
للسلام في أخر عشره خمستاشر سنه بقت عاملة بالظبط زي البيبي دول في إيد الأمريكان
, و يوم ماتلبسه , قصدي يوم ما تاخد الجايزه , تبقى ملزم تماما بوضع معين أو مجموعة
أوضاع معينه ( على حسب لياقتك و صحتك ماتجيب ) , شوف البرادعي و توكل كرمان وانت تتأكد
ان مقاس البيبي دول مظبوط عليهم و هياكل من جسمهم حته و إنهم مش مقصرين أبدا في اختيار
الأوضاع .
................................................................................................................
Mohamed Hussein
25 أكتوبر 2017·
جاء الفيلُ يوما إلى بيت الثعلب و سأله
عن حال الذئب و عن سر اختفاؤه المفاجئ , ففكر الثعلب قليلا ثم نظر للفيل و قال له
( أنا مش متابع والله ) , مممممممم طبعا كنتو منتظرين اجابه عميقه من الثعلب أو كلام
من اللي هو سابقنا بمليون سنه ضوئيه ده , لا مفيش , ضحكت عليكو .
...........................................................................................................
Mohamed Hussein
25 · أكتوبر
2017
يابني الله يرضى عليك , معارضة إيه اللي
بحاول أشوّهها دي ؟ هي أصلا متشوهه خلقه , و كل واحد فيهم قبل مايطل علينا بسحنته البهيه
بيكون ناقع وشه و عقله في برميل ماية نار مركزه , و الله و مالك عليا يمين , انا لما
بكتب عنهم بحس إني بحاول أجمّلهم شويه , على قدر ماقدري يعني , أهو أضعف الإيمان أخلّي
مناخيرهم فتحتين مش 3 فتحات .
.
طب أنا راضي ذمتك و ضميرك , واحد بيقولك
الثوره اتعملت عشان أسعار الطماطم و بنشتري سلاح ليه , و واحد بيقولك احنا عملنا أنفاق
تحت قناة السويس عشان نوصل مايه ساقعه لاسرائيل , و واحد بيروح يطلع في قناة مملوكه
للمخابرات البريطانيه و يقول السيسي فاشي وقمعي وبياكل دراع العيال الصغيره و يرجع
مصر ينام على بطنه عالسرير عادي , و واحد بيوصف بلده بانها عاهره تدعي الشرف و معجب
أوي بالشاذ ابن موزه , و واحده بتقولك المخابرات كلمتني عالواتس أب عشان أشتغل لحسابهم
و بوتين بيهددني على سكايب , وواحد بيقولك الإرهاب اللي في مصر اسمه عنف متبادل ولازم
نحتوي الإرهابيين و لما يتكلم عن الإرهاب في أوروبا يبقى اسمه تيروريزم و الإرهابيين
ولاد وسخه , و واحده بتقولك احنا دفعنا رشوه للحكام و الإتحاد الأفريقي و مجموعة الكومنولث
عشان نفوز عالفرقه اللي احنا أصلا غالبينها على أرضها قام رد عليها واحد زميلها في
الش*مطه قال السيسي باع مقعد مصر في المونديال للإمارات بمليار درهم , و شوية عيال
الكوله لحست دماغهم و قمة الأماني بالنسبالهم انهم يشوفو البوارج الأمريكيه على شط
اسكندريه , يعني ممكن يحرق بيته و هدومه و صوابعه عشان يرضي مناخيره .
.
بالله عليك بالله عليك بالله عليك ( بصوت
الواد سواق التوكتوك اللي كانو عايزينه يحكم مصر باين أو عالأقل يمسك وزارة الخارجيه
) , قولي بقى , دي منظر ناس ينفع تتشوه أكتر من كده ؟ .
..................................................................................................................
Mohamed Hussein
25 أكتوبر 2017·
منكوح حمره : سيأتي يوم و يحاسب فلول السيسي
و لجانه الإلكترونيه و من صرف عليهم , و يجري الأن حصر و توثيق حساباتهم ولن يفلتو
من العقاب .
.
يا قوم , يا قوم , أيها الناس , القاطنين
بالزمالك و الرحاب أو بدير النحّاس , اللي بتاكلو سيمون فيميه و كافيار أو بتاكلو قلقاس
, اللي بتلبسو بدله و كرافته أو جلابيه ولامؤاخذه لباس , حاولو تخافو بقى , أنا عن
نفسي من صباحية ربنا بحاول أخاف , عملت كل حاجه ممكن تخوفني عشان اخاف , بؤ المايه
مش عارف يتبلع و ساندوتش البطاطس في إيدي بقاله ساعه ماخدتش منه قطمه واحده , اتخيلت
منكوح حمره و هو ماسك أندروير قصدي ماسك مسدس وجاي يطخني بيه , اتخيلته جمعنا في خيمه
و قال نامو مع بعض و حبو بعض قصدي جمعنا في خيمه وقام مولع فيها , الراجل ده شرّاني
و انا عارفه يا جدعان , ده شراني أكتر من الأستاذ محمود المليجي و الأستاذ زكي رستم
, اوعو تكونو فاكرينه طيب كده زي الأستاذ كمال أبو ريه و الأبله نيرمين الفقي و الأبله
عفاف راضي ؟ .
.
عزيزي منكوح حمره , و النبي ماتنسى اسمي
في الحصر يا مولانا , هو انا صحيح سالف فلوس من طوب الأرض و بكح تراب وربنا الأعلم
بس ممكن تعتبرني لجنه و بقبض فلوس و عندي فيلل و شاليهات , اه بالمناسبه , إسمي الثلاثي
محمد أحمد حسين , من مواليد مركز السنبلاوين دقهليه , مقيم في مدينة نصر , تاريخ الميلاد
أبريل 76 , الطول 173 سم و الوزن 75 كيلو ( يعني جسمي حلو و يعجبك ) , بلبس جزمه مقاسها
44 أو 43 حسب القالب لأن رجلي عريضه و مدملكه , لوني قمحي و عندي شنب بربيه في وقت
فراغي , و عندي شعر كتير في صدري فشر الأستاذ تامر حسني , في رجلي من تحت خالص هتلاقي
نغزه كده من أثر عمليه عملتها و انا صغير ( الله يسامحها خالتك فضيله بقي ويرحمها
) , بحب أم كلثوم و عبد الناصر و الجوافه و البطيخ و السبانخ و المحشي و الممبار و
الفراخ البلدي و بحب كمان أحط على ولاد الوسخه اللي زي معاليك كده .
.
بس استنى , لحظه واحده , هي حكاية انك تهدد
بحبس ناس لمجرد انهم مؤيدين لشخص أو لنظام , تحبسهم يعني لما ربنا يكرمك و تبقى رئيس
المجلس الأعلى للأندر وير والبوكسرات ؟ , بس دي يبقى اسمها فاشيه يا شيموط .
.......................................................................................................................
Mohamed Hussein
25 أكتوبر 2017·
هيومن رايتس واتش و كلبها جمال عيد و بقية
صبيانها في مصر واضح انهم بيطلعو دخانه من ودانهم من ساعة المؤتمر الصحفي بتاع السيسي
و ماكرون .
.
و هيئة الإستعلامات المصريه عملت حركة حرفنه
و بعتت لرويترز و ال BBC قالت لهم لو سمحتو عايزين نعرف أسماء ال 54 شهيد اللي قولتو عليهم في حادث
الواحات !! .
.
الحقيقه من أهم انجازاتنا في الفتره اللي
فاتت إننا كشفنا ورقة التوت تماما عن كل القنوات و الجرايد و المنظمات الصهيونيه العالميه
, اللي كانت بتاكل أحلى عيش على قفا شبابنا , و بقى كلامهم ( وصراخهم ) على المكشوف
, كله عالمكشوف دلوأتي , اعتقد الفتره الجايه وارد جدا نلاقي تقرير لهيومن رايتس واتش
بتقول في أول صفحه فيه ( أه انا منظمه بنت وسخه مشبوهه و ماشيه على حل شعري و أمي عارفه
) .
.................................................................................................................
Mohamed Hussein
24 أكتوبر 2017·
أنا كمان عندي فكره أنا اللي فكرت فيها
برضه ( بصوت أحمد حلمي في فيلم إكس لارج )
.
احنا نلحق نجهّز نفسنا و نعمل فريق رئاسي
قبل 2018 لمنافسة السيسي اللي شعبيته اتدمرت و مبقاش حد بيأيده غير هما سبعتاشر نفر
( تسعتاشر نفر لجل الحلفان ) , و نوحّد كل الحركات و التيارات و الأحزاب المعارضه لحكم
السيسي و نلم الجهابذه بتوع كل تيار و اتجاه و نعمل فريق واحد .
.
نجيب مين بقى في الفريق ده ؟
الدكتور عصام حجي بتاع ثورة الطماطم
ومنكوح حمره بتاع : أنفاق قناة السويس عاملينها
عشان نوصل مايه ساقعه لاسرائيل
و الأستاذ حازم عبد العظيم ابن طنط فكيهه
.
و الأستاذه غاده بلاتين .
و الأستاذ باسم يوسف اللي كان شغال أراجوز
في حملة الشمطاء هيلاري كلينتون
و الحاجه أيات عرابي ام صدر حنين
و الأخت أم أيمن .
و الأخ رشا العزب .
وابن القرضاوي و مصطفى النجار ( لو كانو
فاضيين و مفيش وراهم طلعه )
.
كده نبقى لمينا الجهابذه و صفوة التيارات
المعارضه , نقعدهم في شقه مفروشه , و نجيب لهم ورق فلوسكاب كتير و أقلام و مساطر و
برايات و أساتيك و أدوات مكتبيه كامله عشان يحطو الخطه و الخطوط العريضه لحكم مصر و
يختارو التشكيل الوزاري , و نجيب لهم برضه كل واحد سكينه صغيره و موس و موبايل بكاميرا
.
.
و نقفل عالفريق الرئاسي ده 3 أيام بلياليهم
, و بعدين نفتح باب الشقه عليهم , هنلاقي ايه بقى ؟ هنلاقي جثث مرميه في كل مكان و
ورق متقطع كتير , نقوم نجيب الطبيب الشرعي عشان يكتب التقرير و يقول لنا ايه اللي حصل
بالظبط .
.
تقرير الطبيب الشرعي هيقول التالي
- في اليوم التالت كلهم قتلو بعض بالسكينه
و شرحو بعض بالموس .
- في اليوم التاني عصام حجي رسم على ورقه
فلوسكاب صورة شجره طالع منها دخانه و جنبها ديل سحليه و مناخير فتحه واحده و صوابع
رجل عيل صغير , اكيد كان بيفكر بعمق ( أو بيعمل حجاب ) ..
- في اليوم الأول فيه حد تحرّش بحازم عبد
العظيم و صورة بالموبايل و جاري تحديد هوية الجاني .
.......................................................................................................................
Mohamed Hussein
24 أكتوبر 2017·
حازم عبد العظيم أبو دوده في دماغه ( اه
مشيها دماغه ) : زيارة السيسي لفرنسا ناجحه جدا و حققت أهدافها بجداره و هي طرمخة ماكرون
على الأوضاع السياسيه في مصر !! .
.
ممممممممم ده على أساس إن فرنسا دي ولي
أمرنا يا شيموط ؟ ولا يكونشي مصر واخدينها من ماكرون إيجار جديد و بوّظناله السباكه
و السيراميك و كتّر خيره انه مستحملنا فيها ؟.
.
بص يا حزومه , انا عارف انك مالاكشي أي
تلاتين لازمه في الحياه و إن مشكلتك حاليا هي شوية اضطراب في هرمونات الأنوثه بعد مالسبوبة
طارت , بس و الله بقيت أستخدمك كماده للتسليه و السخريه و الكوميكس مش أكتر, زيك زي
أيات عرابي و البت اسمها ايه بتاعة المعلقه البلاتين و السيد المهندس الإستشاري منكوح
حمره , و طول مانت قالع بنطلونك كده و مش خايف تاخد لفحة برد هفضل أنفخ فيك لحد مايبان
لك صحاب , يعني هونجا حتى الموت .
..................................................................................................................
Mohamed Hussein
24 أكتوبر 2017·
إيمانويل ماكرون عن ملف حقوق الإنسان في
مصر : السيسي أعلم بظروف بلاده و كفانا دروساً للأخرين !! .
.
أول مره أسمع رئيس أوروبي أو أمريكي يجاوب
عالسؤال الممل السخيف ده من غير مايبيع الوهم و الإفتكاسات لوسائل الإعلام و يعبّي
لهم الهوا في أزايز و يعيش في دور الملاك أبو جناحين بتاع كوكب الأرض .
...............................................................................................................................
Mohamed Hussein
24 أكتوبر 2017·
رويترز و الميديا العالميه , و جرايد و
قنوات ماركة علّمني العوم و النبي ياحمد .
.
وكالة رويترز كانت دخلت في السباق و المزاد
بتاع حادث الواحات , وقالت 40 لا 50 لا بقى هما 54 , و مخابيل كتير نشرو الأخبار منها
, النهارده جايه رويترز تقول كنا واخدين المعلومات من مصادر أخرى و كنا مستنيين بيان
الداخليه , هيييييح , و النبي هيييح , و عهد الله هيييح , هو فيه حاجه اسمها مصادر
أخرى و مصادر غير رسميه و مصادر رفضت الكشف عن اسمها ؟ هو فيه حاجه اسمها كنا مستنيين
بيان الداخليه بس قولنا نتسلى مثلا ؟ على طريقة كنت معديه قلت أخد الجمعيه .
.
أصدقائي الأعزاء الغاليين , هما كام نقطه
مش عارف هيطلعو كام , بيلخصو الحدوته و قصة عنب ديبو اللي بنحكي فيها من سنين
.
1- كل القنوات و الجرايد الامريكيه و البريطانيه
مسيّسه , بتديرها بشكل أو بأخر أجهزة المخابرات , و فكرة تشويه دوله معينه و تفخيم
دوله تانيه ده سياسات تحريريه و تعليمات بتتقال باحتراف , مفيش حاجه اسمها مصداقيه
و شفافيه و الصحافه صاحبة الجلاله ,لا و الله معاليك دي زيزي صديقة الطلبه .
.
2- الميديا العالميه ( بما فيها السوشيال
ميديا ) بتمثّل أكتر من 50 % من المعركة , معركة سيطرة حلف الشيطان على كوكب الأرض
, يعني سلاح زيه زي القنبله النوويه ولازم يمتلكوه ( الحكايه مش هوباهيصا ) , و زي
سلاح الجمعيات الأهليه و منظمات حقوق الإنسان , كلها أسلحه ناعمه في إيد حلف الصهاينه
, و تقاريرهم بتبقى ورقة مساومه ولوي دراع , يلمّعوك أو يخسفو بيك الأرض .
.
3- و عشان الجرايد و القنوات و المنظمات
دي هي جزء من قوة و هيمنة حلف الشيطان فطبيعي جدا انها يتصرف عليها مليارات الدولارات
سنويا , مش مهم تكون كيانات مربحه , انت لما بتشتري صفقة طيارات جديده بتدفع فيها فلوس
و مش بتبقى مستني انها تبيض لك كل يوم بيضه أو تحلبها , ده سلاح بتمتلكه لازم تصرف
عليه .
.
4- من ضمن الميديا دي اللي بيسيطر عليها
الصهاينه و اللي كانت العنصر الأهم في خراب الشرق الأوسط و اسقاط دول و جيوش هي قناة
الخنزيره , برضه التقارير المشوهه و المزيفه و الفوتو شوب بتبقى جاهزه في أدراجهم
, من قبل الموقف أو الحدث , و الشهود موجودين و الورق ورقنا و الدفاتر دفاترنا .
.
5- الدوله المصريه عالمستوى الرسمي لازم
يكون خطابها سياسي دبلوماسي متوازن , يعني ماينفعش سامح شكري يطلع يقول الكلام اللي
فوق ده بشكل صريح , عشان ماينفعشي نصطدم بأمريكا و بريطانيا و الصهاينه و كلابهم اللي
عندنا في وقت واحد , بالعكس بتضطر تتعامل مع الميديا المشبوهه و انت عارف اللي وراها
.
.
6- احنا بقى نقدر نقول الكلام ده , و انتصارنا
له كلمة سر , هي كلمة واحده , إننا نفهم , ونشرح لولادنا و اخواتنا الصغيرين المتحمسين
( بغشم ) , مفيش حاجه اسمها شفافيه و مصداقيه عند الميديا العالميه , كلهم ولاد وسخه
, كلهّن عاهرات , و لما نفهم و شبابنا و أطفالنا يفهمو هنبقى حيّدنا اخطر سلاح في إيد
محور الشر .
.
7- أخر حاجه عايز أقولها بنفس راضيه مطمئنه
تماما , الدوله المصريه محتاجه اعلام محترف يدير المعركه , مكانشي ينفع بأي حال من
الأحوال إننا نواجه وساخة و قذارة الميديا العالميه المحترفه بأحمد موسى و مصطفى بكري
, و السلام عليكم ورحمة الله و بركاته .
............................................................................................................
Mohamed Hussein
24 أكتوبر 2017·
عبد الفتاح السيسي عن امكانية التصالح مع
الإخوان : ده قرار الشعب المصري مش قراري .
.
وانا الشعب المصري ياريس و بقولك على جثتي
, على جثتي , اللي إيديهم غرقانه في دم ولادنا و جنودنا و ظباطنا و أقباطنا , اللي
بقالهم 4 سنين بيحاولو بكل الطرق يحرقو بلدي و يخربوها و يوقعوها , اللي قادو حملات
تشويه لاسم مصر و تاريخها و عظمتها , حملات ماحصلتش على مدار 10 ألاف سنه , اللي تعاونو
مع كل اعداء مصر و اشتغلو خدامين تحت رجليهم يبقى على جثتي التصالح معاهم , و ده العهد
بيني و بينك , استحملنا كتير و هنستحمل أكتر عشان تيجي اجيال ماتلاقيش وسطيها تنظيم
إرهابي دولي خاين لوطنه , و عزة جلال الله مستعد أكل قش و تراب , إنما نتصالح مع الأشكال
الوسخه ؟ يبقو وقفنا في نص الطريق , و الوقوف في الحاله دي بيعني الإنتحار .
.........................................................................................................................\
Mohamed Hussein
23 أكتوبر 2017·
الشر*طه مرمطه .
.
قناة الخنزيره : بعد حادث الواحات , هل
تبحث مصر عن من يحميها ؟!
.
ممممممممممم أه احنا ممكن نعمل كده في حالة
واحده بس , هي حاله واحده مفيش غيرها , لما خمسه و تسعين مليون , رجالة مصر و ستاتها
و شبابها و بناتها و أطفالها كلهم يموتو و مايبقاش فيها غير شوية خوا*ات , و نضغط تاريخ
مصر بحيث يبقى يادوب قد تاريخ ميلاد هيكل و نضغط مساحة مصر و تبقى أصغر من السنبلاوين
, و نجيب بقى قاعده أمريكيه و قوات تركيه و إيرانيه و نلم عربجية التاريخ عشان يحمو
الخوا*ات اللي عايشين ويركبوهم بما فيهم الخو* اللي بيحكمهم , و نسمّي البلد في الحاله
دي قطر بنت الوسخه .
...........................................................................................................
Mohamed Hussein
23 أكتوبر 2017·
حرية البطيخ
.
في الإمارات النائب العام بيصدر بيانات
صارمه و حازمه , تمشي حتى على مواقع التواصل الإجتماعي , فيه حاجه اسمها دوله يعني
كيان , و كون انك تعمل كذا على مواقع التواصل تبقى بتخالف قوانين الدوله و بالتالي
بترتكب جريمه و بالتالي تستحق العقوبه , الحكايه مش جرن الهبله ولا هوباهيصا .
.
يعني مثلا الدوله الإماراتيه قررت مقاطعة
دويلة قطر بنت التيت , ماينفعشي انت كمواطن اماراتي تكتب على صفحتك أي حاجه تفيد بمجرد
التعاطف مع تميم الشاذ ولا النظام القطري الصهيوني , و إلا تبقى ارتكبت مخالفه و تبقى
خاين لوطنك .
.
ماعتقدش ان فيه مواطن إماراتي هيرتكب المخالفه
دي ولا هيطلع يهرتل و يقول ان قرارات النائب العام فاشيه و سمسميه و تكميم أفواه و
أين حرية الرأي و حرية المر*عه و حرية البطيخ .
.
و هي الحقيقه مش فاشيه ولا يحزنون , النظام
القطري الصهيوني نظام معادي للدوله الإماراتيه , كان بيخطط لخراب الدوله الإماراتيه
, يعني الموضوع مش شخصي , مايخصش رئيس الدوله ولا الأمير الفلاني و بالتالي الكيان
المعادي لدولتك يبقى عدوك , مايختلفش عن الكيان الصهيوني , الحكايه مش لوغاريتمات
.
.
ربنا هيكرمنا في مصر أخر كرم لما نعمل نفس
الشئ , احنا عندنا قانون طوارئ و بنحارب إرهاب بطول البلد و عرضها و كل كام يوم بنقدّم
شهدا و مع ذلك بنشوف الدوله الطريه !! أه و الله الطريه , اللي عايز يهبل بيهبل و اللي
عايز يهجص بيهجص , و اللي بيهبل بيبقى بطل و أيقونه و رمز للنضال , و ممكن يطلع في
قنواتنا الفضائيه و جرايدنا عادي جدا و يشرح لنا أبجديات و نظريات الخيانه اللذيذه
و نقوله الله يفتح عليك , دانت هايل و ماحصلتش , انت حد جميل أخر فيصل , و ممكن كمان
نبوسه من بؤه
…………………………………………………………………………………………………………
Mohamed
Hussein
23
أكتوبر 2017·
كل يومين تلاته
قواتنا الجويه بتدمر كذا عربية دفع رباعي محمله بالأسلحه و المتفجرات و الإرهابيين
, جايه من ناحية ليبيا , ليبيا اللي وقعت و ترسانة أسلحتها اتنهبت , ليبيا اللي بينا
وبينها حدود مشتركه بطول 1200 كيلو ,كلهم صحرا , و بنأمن الحدود دي من طرف واحد لأن
الطرف التاني مش موجود .
.
النهارده تم تدمير
8 عربيات , العربيات دي بتتفحم باللي فيها , حق الشهدا عندنا مابيتأخرش , بييجي سابقا
ولاحقا , في معركة النفس الطويل , معركة بتحارب فيها إرهاب بيديره دول و دويلات و أجهزة
مخابرات عالميه و بيتصرف عليه مليارات الدولارات , معركه بأدواتها و أسلحتها و ألياتها
و حجم الإنفاق فيها كانت تكفي لإسقاط الإتحاد الأوروبي بالكامل .
.
الساده الهريجيه
و الزياطين , انزلو بقى بالبؤين بتوعكو , أصل احنا مش بنصدق المتحدث العسكري أو بنصدقه
بس مش أوي يعني لأن جوانا شك و ماهو أصل و احساسي و شعوري و مناخيري , و مش بناخد أخبارنا
الموثقه إلا من قناة الخنزيره و رويترز و مواقع الخرفان و صفحة أيات عرابي و مدام نهى
السخنه , أه و مش بتباس إلا في سياق الدراما .
.........................................................................................................
Mohamed
Hussein
23
أكتوبر 2017·
حطيت صوابعي في
الشق
.
من كام يوم و وقت
الحادث الإرهابي لقيت بعض من أصدقائي الدولجيه اللي صفحاتهم كبيره عالفيس بوك , بيعملو
ايه بقى ؟ بيعملو نفس الهبل بتاع أحمد موسى و مصطفى بكري , ترويج لأي أخبار و قصص و
افتكاسات , و المعركه لسه شغاله و دايره , أي حدوته يقابلها صاحبنا عالفيس يقوم كاتبها
و كاتب عنها .
.
الحقيقه بعد تفكير
مش عميق أوي , هي الحكايه مش محتاجه تفكير عميق أصلا , مالقيتش غير تفسير واحد , إن
البيه و الهانم عايزين يبقو موجودين في الصوره و اللي بيسميه الإعلامي و الصحفي سبق
إعلامي أو سبق صحفي يجيب نسبة مشاهده , عندنا نفس الحكايه برضه تجيب نسبة لايكات و
الصفحه تكبر وتبقى جميله أخر حماده .
.
يعني ايه دوله
بقى و مؤسسات و متحدث رسمي ؟ لا مش مهم , يعني ايه مواطن بلده في حالة حرب و يعني ايه
مسئوليه , يعني ايه روح معنويه و حرب نفسيه ؟ برضه مش مهم , يابني مش مهم , بلا مصر
بلا بطيخ , اللايكاتُ خيرٌ و أبقى , و بعدين دي بحُسن نيه مش حاجه يعني و بيكتبو بعشم
أو بغشم , والنبي النقطه ماهتفرق .
.
أصدقائي الدولجيه
الزياطين , صوتنا اتنبح و الله , و على رأي مدحت شلبي ( جبتولنا الضغط و الله , والله
جبتولنا الضغط ) , طب و على ايه ؟ عندي فكره حلوه تجيب لكو لايكات و تجيب لنا مصر!!
يعني تسيبوها في حالها .
.
الفكره بقى هي
انك مش مضطر في وقت حادث إرهابي تزربح الزربحه دي كلها , انت يا مولانا تاخد حسن نيتك
و عشمك و غشمك و تعمل اللي هقولك عليه , تجيب فردة شبشب قديمه أوي و ترمي عليها شوية
تراب و رمل لحد مايبقى شكلها أثري , و تصورها و تنزلها عالفيس بوك و تقول ( صوره لنعل
الرسول , و إلهي تتشك في عينك و حواجبك ياللي ماتعمل لايك و شير ) .
.
أو تشتغل في تأليف
القصص اللي بتنتزع أهات الجماهير و تجيب اللايكات بالكيلو و الكيله , يعني مثلا تقول
كنت سايق العربيه في الطريق الزراعي و وقفني كمين , ظابط الشرطه قال هات رخصك ياض يابن
الم*#$5& , و انا قلت له ماسمحلكش تكلمني بالشكل ده , انا مواطن و الدستور بيحميني
, قام ظابط الشرطه مد إيده في جيبه و طلع مسدس و مدفع رشاش و دبابتين و طياره إف
16 و قعد يضربنا بالطلقات و القنابل و الصواريخ و انا كنت باخد الطلقات على صدري و
أطلعها من مناخيري لأني شديت عضلات صدري كداهو , و العنايه الإلهيه أنقذتني من إيد
ظابط الشرطه , صدقني الحاجات دي هتفيدك أكتر و هتبقى في ظرف ساعتين زمن أشهر من ساندوتشات
الحواوشي و البناطيل الستريتش .
......................................................................................................................
Mohamed
Hussein
22
أكتوبر 2017·
هي حكاية إن حد
يضيفني لجروب دي عاديه أوي و مرطرطه , انا تقريبا عضو في 17 ألف جروب من أول جروب علماء
الذره و اللي مش ذره و جروب المجلس الأعلى للفضاء الخارجي و ثقب الأوزون لحد جروب أسعار
الطماطم في سوق ستوته و جروب رابطة العاملين بمركز شباب أبو القراميط .
.
الجديد بقى إني
بقيت ألاقي إشعارات بتقول تم تغيير كذا في الجروب الفلاني و أصبحت تتمتع بصفة مسئول
فيه !! يعني مابقيتش مجرد عضو عادي في الجروب ده اللي انا ماعرفوش أصلا , لا كمان بقيت
مسئول فيه ( يعني بقيت قيادي بارز ) , أعتقد الخطوه الجايه إني ألاقي واحده ست داخله
عليا بعيلين صغيرين , و تقولي انا فلانه الفلانيه أدمن جروب ( همسات حائره قرمزيه
) اللي انت عضو فيه بقالك 5 سنين , و إمسك العيال دول ولادك التوأم , حسام و ابراهيم
, سلّمو على بابا يا ولاد , ......... أقسم بالله ماولادي .
.............................................................................................................
Mohamed
Hussein
22
أكتوبر 2017 ·
الحكايه لو عايزين
نفهم
.
من شوية شوفت مداخله
لكاتب صحفي مع قناه مصريه , من الناس القلائل اللي ينفع يتقال عليهم صحفيين في مصر
, بيتكلم عن 2 ظابط مصريين في مدرعه بين جبلين انقطع عنهم الاتصال , بطولتهم و صمودهم
, تخيلو نفس الخبر ده قريته في اليوم السابع عند خالد صلاح امبارح , بس لما تقراه تحس
انه بيتكلم عن اتنين جبانات هربانين بس الحمد لله لقيناهم و عرفنا نرجعهم القاهره
!! .
.
الحكايه يا ساده
مفهاش حاجه إسمها إن ده إعلامي أو صحفي مؤيد للدوله يبقى حد جميل , الحموريه و الهطل
و النطاعه أحيان كتير بيبقو ألعن من الخيانه , مصطفى بكري من ليلة الحادثه و هو بيروج
لقصص و افتكاسات قبل حتى بيان الداخليه , أحمد موسى بيعمل مداخله عبيطه ملهاش أي معنى
و تكون محصلتها ان الناس تخاف و تترعب , الصحافه و الإعلام مش كده , فيه إلتزامات و
أخلاقيات يفرضها البني أدم على نفسه , مش ضروري تكون مكتوباله في ميثاق , سبق صحفي
ايه على جيش و شرطه بيحاربو و في أرض المعركه ؟ هو انت بتتكلم عن حادث في بوركينا فاسو
؟ حدوته ايه اللي جبتها من معركة لسه دايره و ظباط على خط النار ؟ رويترز و الجرايد
ولاد الوسخه بيجيبو الأرقام دي منين لمعركة شغاله فيها الواحد مابيشوفشي كف ايده ؟
مصادر مين اللي صرحت و حكاية رفض الإفصاح عن اسمه و مصدر مسئول و أي هبل في الجبل
.
.
يفرق إيه اعلامنا
الخاص العبيط أبو رياله عن إعلام قوى الشر المحترف القذر اللي هو بيمثل 70 % من المعركه
؟ ولا يفرقو , الإتنين خناجر في ضهر المقاتلين المصريين , لما تكون إعلامي أو صحفي
تبقى المفروض فاهم إن دوله يعني مؤسسات و مؤسسات يعني متحدث رسمي لازم تستناه لما يتكلم
, الحكايه مش جرن الهبله ولا ينفع تاخد أخبارك من صفحات الشياطين اللي معموله مخصوص
لإدارة المعركه .
.
ألف مره و مليون
مره بقول إن الإرهاب مش شوية بهاليل بدقون شايلين سلاح , دي أجهزة مخابرت و دول واقفه
وراه , بيديرو معركة عالأرض و معركة اعلاميه و معركه في السوشيال ميديا , عناصرهم متوزعه
هنا و هناك , اخبارهم و ترويجهم بيبقى جاهز من قبل المعركه , وحتى مقالاتهم و أرقامهم
.
.
بشوية أخبار مضروبه
و احصائيات فستك و ترويج و تشويه سقطت العراق , و سقطت سوريا و سقطت ليبيا , خطورة
الخبر و خطورة المعلومه و خطورة التوقيت لا يقلو أهميه عن خطورة مواجهة الإرهاب على
الأرض .
.
أنا مواطن مصري
, بلدي في حالة حرب من سنين , من حقي الشهاده و الإعتراف و اللي يزعل يتفلق , أنا كافر
بأغلب أصحاب المعالي اللي بيسمو نفسهم إعلاميين , كل أصحاب السمو و المعالي تحت نعالي
.
...................................................................................................................................
Mohamed
Hussein
22
أكتوبر 2017·
جندي بطل شهيد
/ بطرس سليمان مسعود .
جندي بطل شهيد
/ محمود ناصر رجب .
.
أولادك يا سفينه
, و محمد جنب مينا .
يا خسيس ناكر و
جاحد , الدم المصري واحد .
....................................................................................................................
Mohamed
Hussein
21
أكتوبر 2017·
ليس ضروري أن تكون
خائنا لتخدم عدوك , يكفي جدا أن تكون غبي أو حمار, يعني يكفي جدا إنك تكون مصطفى بكري
أو أحمد موسى .
........................................................................................................................
Mohamed
Hussein
21
أكتوبر 2017·
من أكبر الدلائل
إن اللي مصر بتعمله معجزه بكل المقاييس , هي إننا بنحارب الإرهاب الدولي المدعوم من
مخابرات و دول و مصروف عليه عشرات المليارات , الإرهاب اللي أسقط دول و دمّر جيوش لها
شنه و رنّه و فتت قوه عظمي بحجم الإتحاد السوفيتي , بنحاربة و ننتصر عليه و نحفظ أمن
بلدنا و استقرارها رغم إن عندنا الكم ده من الهريجيه و الفتيجيه و النكسجيه و التراحليه
و العواطليه و المتعاطفين و الخوا*ات و الصيع و عندنا كمان صحفي ابن وسخه اسمه مصطفى
بكري .
.
مصر يابني ملهاش
كتالوج , ولا ينفع معاها نظرية المعطيات و النتايج , ولا ينفع حتى تحسبها على أله حاسبه
, دي بركة الناس الطيبين , ملح الأرض , وبركة دم الشهيد , و جنود بيتسابقو للموت و
الشهاده , و جرس و أدان , و بركة الرحمن .
...............................................................................................................
Mohamed
Hussein
21
أكتوبر 2017·
مواطن هريجي رقم
1 : عدد الشهدا 35
مواطن هريجي رقم
2 : لا ياعم العدد 55 .
مواطن هريجي رقم
3 : بس انت و هو , العدد 95 .
مواطن هريجي رقم
4 : ولا انتو عارفين حاجه , العدد الحقيقي 427 و عماد صاحبي مأكد لي .
.
مواطن هريجي رقم
1 : الحكايه واضح ان فيها خيانه من جوه
مواطن هريجي رقم
2 : لا ياعم لا خيانه ولا حاجه دول تلاقيهم تجار مخدرات مش ارهابيين .
مواطن هريجي رقم
3 : بيقولو الإرهابيين هما اللي كانو بيجرو ورا الشرطه .
مواطن هريجي رقم
4 : انا عندي تسجيلات لاسلكي اتبعتت لي من أرض المعركه ( هوم ديلفري ) .
.
مواطن هريجي رقم
1 : لا مانستناش بيان وزارة الداخليه ولا المتحدث العسكري .
مواطن هريجي رقم
2 : و نستنى ليه ماكل حاجه واضحه .
مواطن هريجي رقم
3 : احنا عارفين كل حاجه و مش هنستنى بيانات .
مواطن هريجي رقم
4 : و مين قال ان وزير الداخليه و وزير الدفاع يعرفو اكتر من المعلومات اللي جمعناها
من قنوات الإخوان و من صفحة مدام ريري التعبانه ؟
....................
....................
ممممممممممم هي
الحاجه الوحيده اللي انا متأكد منها , ان عبد الفتاح السيسي و صدقي صبحي بيدعو دعوه
واحده مشتركه في صلاتهم , اللهم اكفني شر( و هطل) أبنائي المصريين , أما أعدائي فأنا
كفيلٌ بهم .
.............................................................................................................
Mohamed
Hussein
21
أكتوبر 2017·
حكاية بطل , حكاية
وطن .
.
- النطع قال مفيش
إرهاب دي فزاعه عاملها النظام و الحكايه واضحه مش محتاجه كلام.
.
- النطع قال الجيش
و الشرطه بيقتلو جنودهم و ظباطهم عشان يحافظو على كراسيهم و حياتهم .
.
- النطع قال لا
فيه إرهاب , بس الإرهابي ده ضحيه و المفروض نحضنه و نحتويه و نجيب له هديه و نهاديه
.
.
- النطع قال احنا
مش عارفين نحارب الأرهاب , ولا بنحاربه زي مابيقول الكتاب .
.........................
.........................
و البطل فارس و
حارس , قالوله هنهجم على وكر إرهابي خطير , قال خير , قالو له هنحمي مصر من شر ولاد
الحرام قال حاضر تمام , قالو له هنموت أو نعيش قال مايهمنيش !! .
.............................................................................................................
Mohamed
Hussein
20
أكتوبر 2017·
الصمت في حضرة
التضحيه و الشهاده أدب .
اللهم نصرك الذي
وعدت به عبادك , يارب كن حارس لكل جندي مقاتل و فارس .
...................................................................................................................
Mohamed
Hussein
20
أكتوبر 2017·
الإبتذال
.
شيخ مبتهل , مختل
عقليا زي كتير من المخابيل اللي طفحو في مصر أخر سبع سنين , الشيخ قرر انه يكون متميز
فقام ألّف ابتهال ديني على أنغام و وزن أغنية كوكب الشرق أم كلثوم ( يا مسهرني ) ,
ماغفلتش عن ذكرك يوم إصفح عني , يا إلهي يا حي يا قيوم يا مصورني !! .
.
مش محتاجين ذكاوه
كتير عشان نحس إن اللي عمله المبتهل المختل عقليا ده هو تشويه لمعنى الإبتهالات الجميل
و كمان تشوية لفن و جمال أم كلثوم .
.
عارفين مشكلتنا
فين ؟ مشكلتنا في السنين اللي فاتت هي الإبتذال , اللي بقى له جمهور و زلنطحيه , الشذوذ
بقو يعتبروه نوع من التميز , إنت شاذ عقليا و فكريا و نفسيا تبقى متميز و حد جميل
.
.
فرقه أطفال الشوارع
عباره عن شوية عيال صيع معفنين لا فن ولا موهبه و لا أداء , و بما إنهم شوية عيال صيع
شاذين عن قواعد الفن و الإبداع , يبقى شذوذهم ده نوع من التميز ( عند الزلنطحيه طبعا
) .
.
من كام يوم سمعت
فيديو صغير من نفس العينه الشاذه , فنان بقى و مبدع , المحصله اني كنت محتاج أضرب شريط
موتينورم كامل عشان أعرف أتعامل مع الجريمه اللي عملتها في حق نفسي دي , المطرب المبدع
لابس كت و ماسك مايك حاطه في بؤه و عاوج رقبته ( عارف انت السحنه دي ؟ ) و بيقول ايه
؟ بيقول بصوت واطي جدا ماشربش الشاي ماشربش الشاي ماشربش الشاي , و بعدين بصوت عالي
جدا ماشربش الشاااااااااااااي , غور يلعن ميتين أهلك , قصدي برافو عليك يا فنان يا
عبقري يا متميز , والنبي تلاقي الزلنطحيه بيعتبروك سابق جيلك بمليون فدان .
.
عيل صايع فكر في
فكره شاذه زيه و نفذها , جاب واقي ذكري و نفخه و عمله بلالين و راح وزعه عالعساكر الغلابه
و اتصور معاهم , الزلنطحيه و ولاد الوسخه ( و على رأسهم باسم يوسف ) اعتبرو الإسفاف
و الإبتذال ده نوع من الإبداع و التميز.
.
مدرس تاريخ قرر
انه يكون متميز , فقام شرح للطلبه في الدرس جزء من منهج التاريخ على اغاني المهرجانات
, و تبقى القاعه بيقودها أراجوز ( مش معلّم كاد أن يكون رسولا ) و الطلبه شوية معازيم
في فرح شعبي نص لبه , طب مفيش صندوقين بيره و كام سيجارة حشيش و رقاصه فرز تالت ؟ ماتولّع
يا اخينا و لّا احنا في بنزينه ؟! .
.
الإعلامي في بلدنا
لما بيحب يتميز بيجيب أهالي الإرهابي و يحضنهم و يطبطب عليهم و يبوسهم من بؤهم , ده
شئ متميز و جميل و ابن ستين كلب .
.
مشكلتنا يا ساده
باختصار , اننا بعد ماسورة الحريه مانفجرت و بعد ماختلط الحابل بالنابل بقينا محتاجين
نبذل مجهود خرافي عشان نفهّم الزلنطحيه إن زبل المعيز مابيتعملشي ساندوتشات , و إن
الطرطره عمرها ماكانت إبداع فكري .
محتاجين نبذل مجهود
كبير عشان نشرح لهم إن الجمال موجود في العصافير و جناين الورد , مش في الصراصير و
صفايح الزباله .
..........................................................................................................
Mohamed
Hussein
20
أكتوبر 2017·
و من ضمن الأفكار
العبيطه اللي الناس بترددها بحسن نيه , هي فكرة إننا استحملنا ظروف اقتصاديه صعبه بعد
30 يونيو مقابل الإحساس بالأمن .
.
الحقيقه الإختزال
ده اختزال كارثي لأعظم يوم في تاريخ مصر الحديث , و الحقيقه ان الظروف الاقتصاديه الصعبه
كان نصها جزء من الحرب علينا و النص التاني إضطرار ( إعادة هيكله و بناء و إصلاح لما
أفسده السابقون ) , و الأهم اننا ماستحملنهاش مقابل الأمن , احنا استحملناها و بنستحملها
مقابل الهويه , ماكنتش خايف انا و حضرتك و حضرتها اننا نتخطف في الشوارع قمنا عملنا
ثورة 30يونيو , احنا عملناها عشان بلدنا على بعضها كانت مخطوفه !! , الهويه يا محترم
مش بس الأمن , الهويه بتعني كل شئ , الوطن و البلد و الأرض و التاريخ و الكيان و السياده
و الجينات و الملامح و الشمس و نور ربنا و الهوا اللي بنتنفسه .
.
حضرتك مش محتاج
تعمل شألباظات ولا تقرا الفنجان و توشوش الدكر عشان تعرف جماعة الإخوان الإرهابيه بتعمل
ايه لما بتحكم أي دوله ؟ يكفي جدا إنك تشوف عمر البشير عمل ايه في السودان و حركة حماس
عملت ايه في قطاع غزه , و كذلك يفعلون .
...................................................................................................................................
Mohamed
Hussein
19
أكتربو 2017·
الفيل و السهام
.
أصدقائي الغاليين
, عايز اختصر لحضراتكو اللي كتبته كله في 5 سنين , أختصره في كام سطر , أنا مين و شوفت
الدنيا ازاي ؟ .
.
أنا مواطن مصري
بسيط , في 25 يناير اتخدعت بحاجات كتير مع ملايين من اللي اتخدعو زي حالاتي , الحريه
مفهوم جميل أوي و قدرة الشعوب على التغيير مفهوم اجمل , انك تحس انك ليك قيمه و بتعرف
تشيل وتحط , الهدف و الغايه كانو في منتهى النبل , عايزين الخير لبلدنا مش مصالح شخصيه
ولا بنسترزق .
.
و بعدين في
2012 فوقت مع ملايين من المصريين اللي فاقو برضه زي حالاتي , يوم ماحسيت اننا اتعمل
بينا ثوره ماعملناش ثوره , يوم ماحسيت ان الهدف النبيل و السامي كان وراه اهداف خبيثه
لدول و تنظيمات بنت ستين جزمه .
.
لما فوقت شوفت
مصر ازاي بقى ؟ لما شوفت الصوره كامله و واضحه بعد ماشيلت من على عيني ( غشاوة الحريه
العبيطه ) ؟ شوفت مصر في صورة فيل ضخم كبير , اتجمع حواليه الصيادين بسهامهم , صيادين
خواجات و عرب , و صيادين مصريين !! , صيادين بأسلحتهم و مخابراتهم و ملياراتهم و صيادين
بغباوتهم و جهلهم , شوفت السهام بترشق في جسم الفيل عشان يقع و يركع و مايحطش منطق
.
.
كل اللي عملته
في الخمس سنين اني حاولت على قد ماقدر أشيل السهام دي من جسم الفيل , أنا نقطه في بحر
يا مولانا , بس الحرب دي فرض عين مش فرض كفايه , يعني كل نقطه في البحر لازم تنطق و
تتكلم , و هو البحر ايه غير نقطه و نقطه و نقطه و نقطه ؟
.
لعنت جدود أبو
الكل , ولا يعنيني الكل , لعنت جدود اللي ماسك سهم و بيرشقه في جسم الفيل بإسم الحريه
, و اللي ماسك سهم بإسم الثوره و اللي ماسك سهم بإسم التقدم و اللي ماسك بإسم الدين
و اللي ماسك بإسم الفكر المتحرر التنويري .
.
لعنت جدود أبو
اللي بيخونها بعلم و اللي بيخونها بجهل , اللي بيخونها بأجر و اللي بيخونها مجاناً
, و دايما و أبدا كانت عندي رساله عايزها توصل , الرساله بتقول , مصر في حالة حرب
, حرب مستمره و قاسيه , حرب زي اللي بتحصل في البلاد حواليها , و مصر دي دوله , دوله
يعني إسم و تاريخ و هويه و جيش و مؤسسات , كون انك في حالة الحرب تهري و تنكت وتشوّه
في حاجه من الحاجات الخمسه دي ( الإسم و التاريخ و الهويه و الجيش و المؤسسات ) تبقى
ماسك سهم زيك زي غيرك , و بترشقه في جسم الفيل , حسن النيه و غرضك النبيل مش مبرر
, لأن التوقيت مش بتاع كده , في حالة الحرب كلنا جنود في ضهر بلدنا .
.
لا يعنيني أي زلنطحي
جبت سيرته في الخمس سنين , لا زلنطحي كبير ولا زلنطحي صغير , يعني الموضوع مش شخصي
ولا عداوه مسبقه , كل اللي بيعنيني هو الفيل , و كل اللي بكتبه بيقولك باختصار , إرمي
السهم اللي في إيدك يا حمار
