Mohamed
Hussein
26
أبريل 2018·
ممدوح حمزه :
( ما يحدث في مصر هو رد عدالة السماء على ظلم جنينه و شوكان و دومه , و كل مظلوم في
سجون مصر , إنها السماء تدمع من أنين المظلومين في السجون !! ) ....... ستووووب , كت
, هايل يا فنان .
..................
و بس يا سيدي
, ثم ماتت رابعه , و بعد أن ماتت رابعه جت سحابه كبيره أوي , و فاتت عالسعوديه و مطرت
شويه بس مكانتش بتبكي , كان مطر خير و بركه , و خطفت رجلها لحد أمريكا و مطرت بس مابتبكيش
على حد عشان أمريكا معندهاش سجون أصلا , و راحت لحد البرازيل و مطرت قالو دي أكيد بتحتفل
بالواد نيمار و شويه كده و هتروح السحابه للأرجنتين عشان تمطر و تعمل واجب مع ليونيل
ميسي , و هنا و في هذه الأثناء انفعل كريستيانو رونالدو و شعر بالمؤامره , و طالب بتحقيق
دولي مع الفيفا و خبراء الأرصاد لأن السحابه ماراحتش البرتغال كما طالب الحكم بتاع
الماتش الجاي إنه يحسب له 3 ضربات جزاء على سبيل التعويض نتيجة للأضرار النفسيه التي
لحقت به .
.
ثم أن جاءت السحابه
العملاقه إلى مصر و بكت السحابه بكاءً شنيعا على الصيع و الخونه اللي في السجون و طرطشت
علينا جامد وقعدت تولول و تشق في هدومها , أنا شوفتها بعيني دي , و قعدت أنادي عليها
من بعيد و أقول لها ( ماتعمليش في نفسك كده يا شابه ) , قالت سيبني يا محمد سيبني دلوأتي
و النبي , دانا شايله منكو و معبيّه , قلت لها طب بلاش تبكي هنا , روحي يابت عيطي بعيد
, قالت عليا الطلاق مانا معيطه إلا فوق مصر , و هنا نزلت عدالة السماء على ستاد باليرمو
, قصدي ستاد التجمع الخامس , و أنكر مجدي عبد الغني الواقعه و هرش في دقنه هرشتين و
أكد للكابتن متحت شلبي أن عدالة السماء نزلت مره واحده بس و مش هتتكرر تاني , و أُغلق
المحضر في ساعته و تاريخه .
..................
بصو يا جدعان
, هي مراحل و الله , مراحل بيدخلها شمام الكوله , من أول مايدفس مناخيره في برطمان
الكوله لحد مايرمي نفسه تحت أتوبيس سياحي فاخر , أول مرحله إسمها مرحلة الإنهيار ,
تاني مرحله الضياع , تالت مرحله اسمها الحلمبس , و أخر مرحلة بقى اسمها مرحلة ( ما
بعد الحلمبس بمترين ) و ده تحديدا المكان اللي قاعد فيه ممدوح حمزه حاليا , في انتظار
الأتوبيس السياحي الفاخر .
................................................................................................
Mohamed
Hussein
26
أبريل 2018·
فلاديمير تيتورينكو
( سفير روسيا السابق في قطر ) : حمد بن جاسم اعترف لي صراحة و بكل سعاده أن النظام
القطري يدعم و يمول الإرهابيين و يعمل على تدمير مصر و سوريا و ليبيا , و أنهم كانو
يرغبون بالتحكم في الوطن العربي !! .
.
مممممممم يا عم
انت إيش فهمك انت ؟ دانت حياله كنت سفير روسيا , هتفهم أكتر من البرادعي و حازم عبد
العظيم ( دواسة تويتر ) و منكوح حمره و عيلاء الأسواني و كل الناس الجميله دي اللي
بيحبو يطلعو على سطوح الواد حماده ؟ طب قولي السيسي دفع لك كام عشان تقول التصريح ده
؟ ولا يمكن وعدك بمنصب , تلاقيه وعدك إنه يشغل ابنك في الكهربا أو في وزارة الأوقاف
.
.........................................................................................................
Mohamed
Hussein
26
ابريل 2018·
فيه محل جزاره
مشهور في مدينة نصر , مكانشي واخد محلات و فاتح فيها , لا كان فاتح في الجزيره اللي
بين الطريقين , ظلما و اقتداراً .
.
المهم حبيبنا صاحب
محل الجزاره ده اللي بيبيع لحمه ييجي ب 100 ألف في اليوم ( و استخسر يتأجر محلين تلاته
) , جه ايام الانتخابات و علق لوح قماش كبيره جدا بعرض الشارع من كل جهه تأييد و دعم
للرئيس عبد الفتاح السيسي .
.
من كام يوم بتوع
الحي جم و قالو له : إنذار بإخلاء المكان , ماسمعش الكلام , جم تاني يوم و قالو له
, بكره هنيجي نزيل المكان ده , حاول تشيل حاجتك لو كانت تلزمك , و قد كان !! .
...............
و من شوية قريت
خبر إن السيد رئيس جهاز الرقابه الإداريه فتح تحقيق بنفسه في اللي حصل في التجمع الخامس
و الشوارع اللي غرقت بالمايه , التحقيق ده هيجيب مسئولين كتير من قفاهم , ازاي مدينة
مبنيه حديثا ( مفيش من 20 سنه ) و مفهاش كثافه سكانيه كبيره و شوارعها واسعه جدا مايكونشي
فيها شبكة تصريف مايه ؟! فتقوم تغرق في شوية مطر .
...............
اللي عايز أقوله
لكل أصدقائي الأعزاء , الراجل ده اللي اسمه عبد الفتاح السيسي , لا بتاع تملُّق و محلسه
, ولا عليه فواتير لحد .
...............................................................................................................
Mohamed
Hussein
25
أبريل 2018·
فيه مواضيع الواحد
بيكون محرج جدا و هو بيكتب فيها , أو بمعنى أصح قرفان , محرج و قرفان انك تكون مضطر
تكتب في بديهيات و أبجديات الحياه , و احنا في سنة 2018 , أه والله 2018.
.
الناس الأفاضل
اللي ماسكين مرات محمد صلاح تريأه , و شكلها و أصلها مكشره و ليه مابتضحكش , و مايصحش
كده و المفروض تعمل كذا و تبقى كذا , عايز أقول لهم .
.
- أنا عيشت نص
عمري في الريف و النص التاني في القاهره و بره مصر , شوفت مجتمعات و جنسيات و طباع
مختلفه تماما , اكتر حاجه كانت بتخليني احترم نفسي هي اني احترمت طباع و تقاليد و عادات
كل الشعوب و المجتمعات , بيلبس ايه ؟ بياكل ايه ؟ شكله عامل ازاي؟ بيحب يضحك أو مايحبش
, و لما بيضحك بيبقى شكله ازاي
.
البنت المصريه
الريفيه بصفه عامه , أو أغلبهم , مايعرفوش يضحكو قدام الناس و الكاميرات , بيتكسفو
, بيعتبرو الحكايه دي عيب ( أمي الله يرحمها حضرت فرحي في القاهره و ماضحكتش ولا ضحكه
طول الفرح بس كانت سعيده جدا من جواها ) .
.
البنت الريفيه
لو ضحكت لأي سبب و ماقدرتش تخبّي ضحكتها بتلاقيها لا اراديا حطت ايديها على بؤها أو
دارت وشها ( ده طبع صعب جدا تغيره , و مش مطلوب من حضرتك انك تغيره ) , ملامح الوش
المكشره مش دليل انها متضايقه او زعلانه , بالعكس بتبقى فرحانه جدا , لكن محرجه , مكسوفه
, أو ممكن تقول خايفه !! .
.
خايفه من ايه ؟
من كل حاجه يا مولانا , خايفه على بيتها , من المجهول , من الحسد , من النجوميه , من
مجتمع غريب عنها , واحده فجأه لقت نفسها في ايطاليا , فجأه في انجلترا , لما هتمشي
في الشارع مع جوزها هتلاقي ألاف و ملايين المعجبات من كل جنسيات العالم ( مزز و صواريخ
) , لو شافت أكاونتات جوزها هتلاقي البرازيليه اللي بتكتب له تعليق ( بحبك يا صلاح
) , و الأمريكيه اللي بتعرض عليه الجواز , و الألمانيه اللي بتكتب فيه قصايد شعر .
.
أصدقائي الغاليين
, تقبلو اعتذاري و انفعالي و يا ريت محدش يزعل من كلامي , انا أصلا مش عارف اكمل البوست
, لأنه مجرد اقتحام حياة الناس و تحليل مشاعرهم خلاني أقرف من نفسي , حتى لو كان بغرض
إني أشرح , لو سمحتو باختصار , سيبو الناس في حالها و احترمو الغير و تفكيره و عاداته
و نفسيته واختياراته و قناعاته و خباياه , احترمو خصوصيات البني أدمين عشان تبقو بني
أدمين .
.
احنا أسفين يا
صلاح , احنا أسفين جدا يا أم مكه .
.......................................................................................................
Mohamed
Hussein
24
أبريل 2018 ·
صلاح جاب جونين
و صنع جونين , يعني أربعه من الخمسه اللي جابهم فريقه , هو ماصنعهمش , هو قال لساديو
ماني و فيرمينيو خدو هاتو جوان و هيصو يا عيال .
.
لو كنت مكان عمدة
مدينة ليفربول , كنت أروح النهارده أخبط على محمد صلاح في البيت و أقوله يابني مفاتيح
المدينه أهي و لو عايزنا نكتبها بإسمك و نسجلها في الشهر العقاري معندناش مانع .
.
و بعدين اروح ليورجن
كلوب المدرب بتاع ليفربول و معايا جوز أمناء شرطه بريطانيين , أقبض عليه و احطه في
حبس انفرادي لمدة 3 أيام , في أوضة الفيران , عشان الغلطه الهباب اللي عملها , بقى
تطلّع صلاح قبل الماتش بربع ساعه و تقدم أكبر هديه لمدرب روما و يقوم يدخل فيك جونين
؟ بتطلع اللاعب اللي بيمثل تلتين الفريق يا كافر ؟! .
..............................................................................................................
Mohamed
Hussein
24
أبريل 2018 ·
فخامة المستشار
هشام جنينه , الرئيس السابق للجهاز المركزي للمحاسبات إتلبّ 5 سنين النهارده , يالله
بالشفا يا ولاد الوارمه .
........................
لو سمحت لو سمحت
- نعم يا حبيبي
؟.
.
بس ده مسئول سابق
رفيع المستوى , إزاي يتسجن ؟
- فيه 2 رؤساء
سابقين اتسجنو يا ضنايا و فيه لفيف من الوزراء السابقين و ناس أرفع من هشام جنينه اتسجنو
برضه , ناس رفيعين أوي على فكره .
.
أيوه لكن ده قامه
و مستشار جليل ؟
- مممممممممم و
انا قامه و صيدلي جليل و انت قامه و عواطلي جليل و الراجل اللي هناك ده قامه و مهندس
جليل , و كلنا قامه و كلنا جليلين , يابني قُدّام القانون مفيش حاجه اسمها جليل ولا
قامه ولا رفيع ولا تخين ولا بطيخ ولا فول حريتي .
.
طب هو اتسجن ليه
؟
- اتسجن لأنه قال
تصريحات لموقع إرهابي ضاني فيها هلفطه و اتهام للدوله و مؤسساتها السياديه بدون أي
دليل أو سند , و دي دوله يا حبيبي مش ( جُرْن الهبله ) , و المحامي بتاعه عشان عارف
خطورة تصريحاته حاول يثبت ان ( جونينه ) مكانشي في وعيه , كان سكران تقريبا او ضارب
شريطين ترامادول و إزازة توسيفان , بس الحدوته دي مانفعتش .
.
لا , لا , هو اتسجن
عشان معارض للنظام , و النظام بيسجن اللي بيعارضوه في الرأي و عماد صاحبي مأكد لي
.
.
بص يا حبيبي .
- بصيت أهو .
.
فيه مثل حلو أوي
كنت بسمعه في البلد وانا صغير و مش بنساه أبدا , بيقولك لو نصحت صاحبك من الصبح للعصر
و ماتنصحش ؟ قضّيله بقية اليوم فساد .
- يعني ايه ؟.
.
يعني لو مافهمتش
الكلام اللي فوق ده و لسّه مصرّ إنك تدفس مناخيرك في علبة الكوله لحد أخر نفس في حياتك
و تعيش و تتشألب في البؤين الحمضانين ( اللي انت عارف و متأكد انهم حمضانين ) , يبقى
تعالي وانا اقولك هشام جنينه اتسجن ليه .
- اه قولي , اتسجن
ليه ؟
.
الحقيقه , احنا
سجنناه عشان لون الكرافته بتاعته مكانش عاجبنا , مزاجنا كده , وكمان لقيناه و العياذ
بالله مابيحبش البصاره , و كله إلا البصاره بقى .
- يعني ايه الكلام
ده ؟
.
يعني شايف البحر
شو كبير ؟ روح واشرب منه , و انت راجع من البحر اضرب دماغك في اتخن و أوسخ حيطه , اه
و عهد الله .
......................................................................................................
Mohamed
Hussein
24
أبريل 2018·
فقط في مصر
.
- واحد بلدياتي
عايش في السنبلاوين و عمره ما خرج برّاها و لو في يوم من الأيام راح ميت غمر هيحلف
بغربته , كتب بوست امبارح إنه أمن من حادث الدهس بتاع تورونتو !!.
.
- بقينا في
2018 و لسه بتجيلي طلبات صداقه من أكاونتات بأسماء , الورده البيضا , الشمس القرمزيه
, سجودي لربي , حجابي سر سعادتي , بنطلوني معرفش ايه , قلبي لزوجي , روحي لمحمود ,
مناخيري لعويس .
.
- كمية الرسايل
و المعايدات و التهاني اللي جت لي بمناسبة شهر رمضان أكتر من عدد سكان قطر , مع إن
رمضان لسه باقي عليه ييجي 3 سنين .
.
- لمار بنتي و
انا قاعد معاها امبارح قالت يا بابا انت هتيجي بكره تاخدني بعد الامتحان بس مش هنمشي
بقى زي مامشينا النهارده , قلت لها يا لمار دي هي 7 دقايق مشي بين البيت و المدرسه
, قالت لا نركب تاكسي لأن رجلي وجعتني , و بعد شويه افتكرت موضوع العجله اللي هي عايزاها
, جت قالت لي بكره اخر يوم في الامتحانات و هنجيب العجله , قلت لها انتي عارفه اني
مش معايا عربيه دلوأتي , و العجل ده بيتباع في وسط البلد , يعني التاكسي هياخد ساعه
رايح و ساعه جاي و مش أقل من 150 جنيه , قالت ولا تاكسي ولا حاجه , احنا نمشي لوسط
البلد نجيب العجله و نيجي .
.
- شاب في التلاتينات
ماشي في الشارع يتكلم في الموبايل و منفعل و صوته عالي و بعدين الخط فصل , و بعد ثواني
الموبايل رن تاني , رد بسرعه و قال ( ألو , من الأخر كده , بص بقى , انا أمي مش غلطانه
, مراتي هي اللي غلطانه وانا نبهت عليها اكتر من مره , أمي طيبه اوي بس هي بتتعصب انما
طيبه و قلبها أبيض ) , و بعد 5 دقايق من المكالمه و الشرح قال ( ألو , مين معايا ؟
حمدان مين ؟ لا والله النمره غلط ) .
.
- من فتره عملت
حادثه بالعربيه , و اكصدام وقع و فانوس اتكسر و حاجات بتنقط زيت من تحت , حادثه حادثه
يعني , و انا فضلت وقتها ييجي نص ساعه أدور عالولاعه , عشان كنت لسه شاريها ب 3 جنيه
.
.
........................
أعزائي الفلكيين
في كل مراكز البحث العلمي في العالم , لو في يوم من الأيام بصيتو في التلسكوب و لقيتو
كوكب الأرض خرج من مداره و قعد على جنب يسكر و يضرب بانجو , اعرفو إن احنا السبب .
.............................................................................................
Mohamed
Hussein
23
أبريل 2018·
قناة الخنزيره
عملت فرع لها في السودان ( الجزيره ..السودان ) و بدأت تجيب حوارات و حبشتكانات عن
معاناة المواطن السوداني !! .
.
بص يابني , لو
فهمت اللعبه و الحدوته كلها ماشيه ازاي من سنين طويله , مش هتتفاجئ بخبر زي ده ولا
هتتفاجئ بالتوقيت , طب نقول تاني و نقول عاشر , و بالترتيب .
.
1- قطر ملهاش حليف
في المنطقه , هي حليف الشيطان وفقط الشيطان ( الصهيوني الأمريكي البريطاني ) , لا ابن
موزه اخوانجي ولا هو حليف لعمر البشير ولا كان أبوه حليف لبشار الأسد ( أيام ماكانت
الخنزيره بتوصفه بإنه الفارس المغوار و حامي الحمى ) , ولا كان حليف لمعمر القذافي
( أيام ماكانو بيسخنوه على السعوديه ) .
.
2- قناة الخنزيره
هي لسان الشيطان و البوق الإعلامي الناطق بإسمه , زيها زي البي بي سي و كل الميديا
البريطانيه و الأمريكيه .
.
3- طب دور قطر
ايه في مرحلة الخراب ؟ دورها انها تنفذ تعليمات الشيطان الأعظم , تاخد الحاكم العربي
من ياقة القميص كده و تسحبه تاتا تاتا لحد حفره و تزقه فيها و ترجع , في مرحلة التاتا
تاتا بيلمعو الحاكم العربي ده ( في قناة الخنزيره ) , لحد ماييجي معاد الحفره و يتحقق
الهدف و يرجعو يشوفو الدور على مين .
.
4- عملو اللعبه
دي مع القذافي و مع بشار الأسد ونجحت بشكل مذهل .
.
5- طب ليه السودان
حاليا ؟ عمر البشير يا سيدي كان في مرحلة التاتا تاتا , مرحلة التلميع و العلاقات اللي
مفيش زيها مع الشاذ ابن موزه , و كان دور البشير انه يطلع كل شويه يهاجم مصر بأي شكل
, بأي تصريح عبيط , هو و المعاونين بتوعه , حلايب و شلاتين , لا أصل عندنا اهرامات
اقدم من اللي عندكو , طب هنقدم شكوى ضد مصر في مجلس الأمن , طب هنعمل و نسوّي .
.
6- مصر طبعا جابت
عمر البشير اكتر من مره و يابن الحلال مايصحش و عيب , داحنا جيران و اخوات و أهل و
تاريخ مشترك , داحنا في مركب واحده , ماتخليش عيل صايع يلعب بيك , و ماتخليناش نتغابى
عليك .
.
7- عمر البشير
بدأ يهدى من ناحية مصر , و يبطل استفزاز , و مش بعيد يكون تراجع شويه في تفكيره و في
دعمه للارهاب اللي كان في صحراء السودان .
.
8- في اللحظه دي
كان لازم صهاينة العرب يتدخلو , يعملو قناه خاصه للسودان , و شوية تقارير وفبركه و
تسخين , ليه بقى ؟ عشان حاجتين يا سيدي , أولا تكون قرصة ودن لعمر البشير ( لو حاولت
تتراجع عن السكه اللي سحبناك فيها هنقلب الشعب عليك , تقاريرنا جاهزه و عندنا خبراء
و دفاتر و شوية سودانيين خونه هنشتريهم بالفلوس و هنعمل focus
و نلعب نفس اللعبه .
.
9 - ثانيا , لو
اتماديت في سكة الرجوع فاحنا مش هنخسر حاجه , السودان هنخربها تحت أي مسمى ( الفاشيه
, الفقر و الجهل , الديكتاتوريه و السلطه المطلقه , الثوره والربيع العربي , البطيخ
و الفول الحريتي , مش هنغلب في سبب ) , و نبقى حققنا تارجيت جديد و خربنا دوله عربية
خامسه ( بعد سوريا و ليبيا و العراق و اليمن ) , و لما تخرب السودان هنبقى بالتأكيد
فتحنا جبهه جديده مع مصر , و تبقى مصر محاصره بالخراب من 3 جهات , في الشمال الشرقي
قطاع غزه و حركة حماس و شبكة أنفاق , في الغرب ليبيا ( اللا دوله ) و في السودان (
لا دوله ) .
.
10- دي باختصار
خطة الشيطان الأعظم المكرره بشكل ممل , و ابن موزه و قناة الخنزيره هما مجرد صبي مش
أكتر , صبي المعلمه الكبيره .
................................................................................................................
Mohamed
Hussein
23
أبريل 2018·
محمد صلاح ...حدوته
مصريه ( مش لاعب كوره ) .
.
- الواحد بقى يصحى
من النوم و عشان يشحن طاقته يفتح يوتيوب , يتفرج على أهداف محمد صلاح للمره الألف
, لدرجة اني بقيت حافظ كل كلمه قالها المعلقين العرب على اهدافه , مش بس الأهداف ,
أي خبر متعلق بصلاح , رأي الناس فيه و مين بارك له , و اتصور مع مين و بياكل ايه و
يشرب ايه ..دي حالة هيام , حالة غرام .
.
محمد صلاح حاليا
مبقاش ينفع يتقال عليه لاعب كوره مشهور , لا , ده بقى جزء مهم جدا من قوة مصر الناعمه
, تأثيره و شعبيته بيقولو كده , زي أم كلثوم في زمانها و يمكن أكتر .
.
الخطيب كان لاعب
عظيم , و حسن شحاته و أبو تريكه و فاروق جعفر و طاهر ابو زيد و حازم امام و على ابو
جريشه و أسماء كتير , لكن مفيش أي وجه للمقارنه مع محمد صلاح , على الإطلاق مفيش وجه
مقارنه .
.
بص يابني , لاعب
بيشوفه مليار بني أدم في العالم , عارفين اسمه و عارفين لقبه ( الملك المصري ) , شوف
اسمه و اسم مصر بيتقالو كام مليار مره كل 3 أيام ؟ و بأكتر من 50 لغه و لهجه مختلفه
, يبقى مفيش أي وجه للمقارنه .
.
القيمه السوقيه
لمحمد صلاح على نهاية السنادي هتتجاوز 4 مليار جنيه , و الشعبيه قلت لك مليار بني أدم
يعرفوه و يتفرجو عليه , يبقى تبصم بالعشره كده انه أحسن لاعب في تاريخ مصر على الإطلاق
, لا جه قبله ولا هييجي بعده عشان تبقى عارف .
.
الخرفان , أعضاء
الجماعه الإرهابيه , كارهين الفرح , كالعاده لازم يمارسو وساختهم و يحاولو يشوهو اللاعب
اللي بقى رمز لأجيال جايه من الشباب , و أصله لما كان بيلعب في سويسرا راح مع فريقه
عشان يلاعبو فريق اسرائيلي ( أومال كان يعمل ايه يا بهايم ؟) , و أصله اتصور مع واد
فاز في مسابقة عاملاها شركة بتاعة خمور و لما قالو له نفسك في ايه ؟ قال لهم نفسي أتصور
مع محمد صلاح , و شوية كده و هنلاقي العاهره أيات عرابي بتقول ان مصر بتدفع مليارات
عشان صلاح يفوز بالجوايز , ماهي النعجه ماتعرفش تعيش غير نعجه .
.
شمامين الكوله
لازم يمارسو نطاعتهم برضه , و أصله لو كان عاش في مصر مكانش عمل حاجه , و هو بقى مشهور
كده لما سابها , ده طبعا على اساس ان رونالدو و ميسي لو كانو فضلو في الأرجنتين و البرتغال
كان حد سمع عنهم ؟! بس الفرق الوحيد ان الشعب الارجنتيني و الشعب البرتغالي مافهمش
شمامين كوله و بالتالي مش هتلاقي حد بيقول الجمله دي .
.
الدوله المصريه
مطلوب منها دور مهم , سيرة محمد صلاح لازم تتدرس في كتاب التربيه الوطنيه , إزاي كان
مجرد طفل في قريه عنده حلم و موهبه و مؤمن بموهبته , ازاي كان بيسافر 6 ساعات يوميا
و هو طفل عشان يروح يتدرب ساعتين , ازاي بدأ من تحت الصفر و استحمل سخافات كتير جدا
لحد مابقى حديث العالم و مرشح للكره الذهبيه , ازاي ابن القريه المصريه البسيطه ( مش
اللي متربي في نوادي الأهلي و الزمالك ) ممكن يكون أحسن لاعب في العالم ؟! .
.....................................................................................................
Mohamed
Hussein
22
أبريل 2018·
مشهد حقيقي و غريب
.
عندي 4 قطط في
البيت , من 3 أجيال مختلفه , بيري الأم الكبيره , عمرها سنتين , و بيلا بنت و بيسو
ولد , الاتنين توأم عمرهم سنه واحده , و اخر العنقود وايتي , عمرها شهر .
.
شخصياتهم مختلفه
تماما و كل واحد له العالم بتاعه , بيري جبانه و على طول في عنيها نظرة الخوف , بيسو
راجل البيت مقضيها سُكر و عربده , يعني أكل و رغبه في الجواز , على طول ياكل و على
طول عايز يتجوز , بيلا اخته مع نفسها تماما , بتلعب دور البنت العصاميه من صغرها ,
شخصيتها مستقله , بتلعب لوحدها , بتنام في مكان لوحدها , مابتخافش أبدا , لو حد طلع
البلكونه تطلع وراه و تقعد على سور البلكونه تتفرج عالعربيات .
.
وايتي قطه بيضا
صغيره و كتكوته , شايفه نفسها و معجبه بجمالها , لونها أبيض و ودانها وديلها بس لونهم
بيج , المهم ان القطط الأربعه دايما مش مع بعض , مفيش غير بيري تروح ترضع وايتي و ترجع
تزربح في الشقه , و الاتنين التانيين كل واحد ملهي في حياته و قاعد في أوضه لوحده
.
.
لحد ماحصل المشهد
بتاع امبارح , البت لمار بنتي من غير ماتاخد بالها داست على وايتي الصغيره , على ديلها
او رجليها تقريبا , وايتي نونوت بصوت عالي اوي ( صرخت ) , و في أقل من ثانيه لقينا
القطط التلاته واقفين حوالين وايتي وعاملين دايره ( للحمايه ) , جم ازاي من اوض مختلفه
في لحظه ؟ مش عارف , نطو حواليها و عملو الدايره و بدأو يشمشمو فيها و يلحسوها و يبصو
لنا بكل نظرات التهديد و الوعيد , عملو زي فريق بحث جنائي , يعرفو مين المجرم اللي
داس على وايتي العروسه الصغيره بتاعتهم ( احساس المسئوليه ) , وبدأو يشمشمو في رجولنا
واحنا قاعدين , بيتحركو بطريقة الحيوانات المفترسه في اللحظه دي , موطيين راسهم و جسمهم
و بيمشو بسرعه ( وضع الإنقضاض ) , ماهما مش هيسيبو حق البنت بنتهم , لدرجة ان حركتهم
و نظراتهم خلت البنات تخاف , يخافو حتى ينزّلو رجليهم من عالكرسي .
.
حطينالهم الأكل
اللي بيحبوه ( دراي فود ) و دي أول مره في حياتهم يرفضو الأكل , عندهم مهمه لازم يكملوها
, واحده منهم تتحرك في وضع الإنقضاض و الاتنين التانيين حراسه على وايتي .
.
المشهد ده اللي
شوفته امبارح بيفكرني تماما بمشهد المصريين في 2013 , القطط زي البني ادمين , احنا
كمان شخصياتنا مختلفه و كل واحد كان ملهي في حياته , والوطن بالنسبالنا كان الأم ,
اللي واجب لها الاحترام و التوقير و الغيره ( لإسمها و تاريخها و علمها ) , لكن في
2013 لما حسينا بالخوف بقت مصر هي البنت مش الأم , هي وايتي اللي اتجمعنا فجأه حواليها
( رغم اختلاف شخصياتنا ) , و عملنا دايره لحمايتها , وخدنا كلنا ( وضع الإنقضاض و الإفتراس
) , افتكرنا في اللحظه دي ان لنا مخالب و أنياب , صح كنا ملهيين في حياتنا قبل كده
, بس عند صرخة وايتي ( قصدي مصر ) تبقى حياتنا كلنا بتتلخص في حمايتها .
.
يمكن الفرق الوحيد
ان القطط معندهاش عقل و خدت وضع الإفتراس حتى لو كانت الحكايه مش مقصوده و بحسن نيه
, خدته بالغريزه , انما احنا عندنا عقل و أدركنا تماما ان بلدنا في خطر و عرفنا عدوها
أو اعدائها بالتحديد , عشان كده دايرتنا كانت اقوى و تأهبنا للإفتراس و الإنقضاض كان
أكبر بكتير .
.........................................................................................................
Mohamed
Hussein
21
أبريل 2018·
تخيل شعورك لما
تلاقي خريطه مكتوب عليها من فوق ( خريطه توازن القوى في سوريا ) و تلاقي التفاصيل بتقول
:
.
- الحته دي بيسيطر
عليها الجيش السوري
- و دي بتسيطر
عليها جبهة النصره
- أما دي فبتسيطر
عليها تركيا
- والحته دي بتسيطر
عليها وحدات حماية الشعب .
- لكن الحته دي
بتسيطر عليها داعش .
- أما بقى الحته
دي فبتسيطر عليها فصائل مسلحه معارضه مختلفه .
- و طبعا الحته
دي بتسيطر عليها اسرائيل من زمان .
.
ها تخيّلت ؟ شعورك
ايه ؟ طب سيب الخريطه كده و تعالي تخيل تاني .
.
تخيّل يا سيدي
دولة اسمها x يعني ( س ) .
- الدوله x صحيت في يوم من الأيام لقت عندها مئات الأنفاق معموله
مع قطاع مجاور لها , شبكة أنفاق بحجم مدينه .
.
- الأنفاق على
مدار سنين نقلت ألاف الأطنان من الأسلحه و المتفجرات و القنابل و الأحزمه الناسفه و
نقلت كمان كام ألف إرهابي من جنسيات مختلفه .
.
- أطنان الأسلحه
اتخزنت في مخازن في الصحرا و الإرهابيين جايين متدربين و جاهزين , و فيه دول بتصرف
عليهم مليارات الدولارات , و أجهزة مخابرات بترعاهم و تخطط لهم , و معاهم احدث وسائل
الإتصال في العالم .
.
- لا استنى بس
, اصبر عليا , الدوله x فيها بتاع مليون إرهابي تحت
الطلب , عايشين في شوارعها و بيوتها و جامعاتها , عايشين وسط الناس , كل واحد فيهم
مشروع إرهابي جميل , جاهز للتعاطف و الدعم , جاهز لتحويل بيته لوكر للإرهابين أو للسلاح
.
.
- الدوله x فيها كمان مليون شمام كوله جاهز للركوب من الإرهابي
الخروف , جاهز للتبرير و التفنيد , جاهز للتشويه و الفبركه , جاهز للخيانه في أي لحظه
و طول الوقت .
.
- لا اصبر عليا
, الدوله x لها دوله حدوديه مجاوره بينهم
وبين بعض حدود بطول 1200 كيلو , كلهم صحرا , الدوله الحدوديه دي اختفت و ترسانة الأسلحه
بتاعتها اتنهبت و الجزء الأكبر منها حاولو ينقلوه للدوله x .
.
- الدوله x أصلا معندهاش بنيه تحتيه ولا تصدير و لا تنوع في
مصادر الدخل و فيها 95 مليون بني أدم عايزين ياكلو و يشربو , و وصلت ليوم إن الإحتياطي
النقدي بتاعها مايكفيش كام شهر قليلين .
.
- الدوله x اتفتح عشانها مخصوص عشرات الجرايد و القنوات في أكتر
من دوله اجنبيه في العالم , لمو فيها الخونه و الصيع و بقو يشتغلو 24 ساعه في تشويه
الدوله x و اسمها و جيشها و تاريخها
و حاضرها و مستقبلها .
.
- الدوله x ضربو لها السياحه عمدا , عشان توصل لأضعف نقطه اقتصاديه
, و تبقى الحرب حربين , حرب إرهاب و لوي دراع اقتصادي .
.................
تعالى حضرتك كده
و بدون مبالغه , شيل حرف x , و حط مكانه اتخن دوله في العالم بنفس المعطيات
دي , وقولي كان حالها يبقى ازاي بعد 5 سنين ؟ حط اتخن دوله وانت قلبك جامد , حط أمريكا
و روسيا و فرنسا , و تخيل المشهد الختامي !! .
.
ليه بقى بقولك
ان مصر انتصرت في أصعب و أشرس حرب في تاريخها الحديث ؟ اقرا الكام سطر اللي فوق تاني
.
..............................................................................................................
Mohamed
Hussein
21
أبريل 2018·
في حوش المدرسه
و انا بجيب البنات بعد الإمتحان .
.
مشهد 1 ( مامة
كوكي )
عملت ايه يا كوكي
في الامتحان ؟
- كويس يا ماما
.
.
يعني ايه كويس
؟ ايه كويس دي ؟ اقف هنا و رد عليا , ماتمشيش و انا بكلمك .
- والله الحمد
لله يا ماما , فيه سؤالين بس مش متأكد منهم .
.
سؤالين ايه ؟ اوعى
تقولي انك حليتهم غلط .
- سؤال يا ماما
في الباست بارتيسيبل .
.
ماله الباست بارتيسيبل
, ده سهل خالص و احنا حلينا فيه كتير .
- ماهو أصل السؤال
بيقول أأأ .
.
بلا أصل بلا فصل
, كريم و كرم و مي حلو السؤال صح؟مش هما معاك في اللجنه ؟ سألتهم بعد الامتحان ؟
- ماهو يا ماما
أأأا.
.
طب سألت مريم ؟
أكيد حلته صح , انا متأكده , إمشي قدامي .
.......................
مشهد 2 ( مامة
ملك ) .
طمنيني يا ملك
عملتي ايه ؟
- حليت كويس يا
ماما , بس الباراجراف كان طويل .
.
طويل ازاي؟ لا
مش طويل ولا حاجه ( ده على اساس انها شافت الباراجراف ) .
- يا ماما كان
طويل و رخم .
.
والله ماحد رخم
ألا انتي , غلطتي في ايه قولي ؟
- مش عارفه , بس
فيه سؤال مش متأكده منه , سؤال بيقول أأأ .
.
محمود و يوسف معاكي
في اللجنه , ماتعرفيش عملو ايه في السؤال ده ؟
- لا ماعرفش يا
ماما , مسألتهمش .
.
أنا هسأل مامتهم
و اعرف , إمشي قدامي .
............................
مشهد 3 ( أنا و
لمار ) .
عملتي ايه يا لمار
بالفلوس اللي خدتيها الصبح ؟ اشتريتي ايه من الكانتين ؟
- اشتريت شيبسي
يا بابا , و فول سوداني مقرمش اللي هو ده .
.
طب هاتي شوية فول
سوداني , طعمه حلو , ابقى هاتي منه كل يوم و اعملي حسابي
- ماشي .
.
قولي لي , ماتعرفيش
كوكي و كريم و كرم و مريم و محمود و يوسف و ملك اشترو ايه من الكانتين ؟ أكيد ماشتروش
شيبسي , انا متأكد .
- مين دول يا بابا
؟ .
.
لا ماتحطيش في
بالك , إمشي قدامي .
....................................................................................................