Mohamed
Hussein
26
مايو 2016·
نقطة نظام
.
- كل واحد فينا
بيحب مصر بطريقته , بيخاف عليها أوي و يغير , مبقاش مستحمل عليها الهوا الطاير و انا
أوّلكو , بتكلم طبعا عن المصريين , مش عن الخرفان ولا اللي مش خرفان بس بيحترموهم
.
.
- اللي اتعامل
مع احداث أبو قرقاص بطريقة التبسيط (و لم الدور ) ده حد بيحب مصر و بيخاف عليها وعنده
انسانيه برضه و مشاعر , يعني مايختلفش عن اللي اتعامل بالطريقه التانيه , كل الحكايه
انه شايف مصر تعبت من كُتر الشكشكه في جسمها , كل كام يوم حادثه , و كل كام يوم خوف
عالبلد .
.
- في الصعيد ليله
تانيه و عصبيه لحد النهارده و العصبيه بالشكل ده تبقى جهل , الصعيد مهمل و مهمش من
عشرات السنين , و عندهم سلاح , و الدوله مش ناقصه صداع ولا فتح جبهات , يعني تصريحات
المحافظ و مدير الأمن مش غلط , دي تصريحات اللي إيدهم في النار .
.
- كل اللي فوق
ده انا متفهمه , و عايز أقول للجميع متخافوش , مفيش فتنه طائفيه هتحصل , الوحيدين اللي
ممكن يعملو فتنه طائفيه هما الخرفان و مش هيقدرو يعملوها عشان عارفين ان معركتهم مش
مع أقباط مصر بس , معركتهم مع الشعب المصري كله , و حتى شوية الأقباط اللي ممكن يكونو
متعصبين و عندهم نفس الغباوه و ممكن يستجيبو لفتنه هما قله قليله جدا من بين ملايين
المصريين الأقباط .
.
- الدوله من حقها
تعمل قعدات صلح و زيارات بس مش بديل عن القانون , يعني المجرمين اللي عملو كده يتحاكمو
بالقانون و فورا و يترمو في السجن , و قعدات الصلح تبقى للي بره السجن !! , و كل ده
يبقى حل مؤقت و الحل النهائي اسمه تنمية الصعيد و مشروع مصري متكامل ( اعلامي و تعليمي
و ثقافي و ديني ) عشان الناس يرجعو بني أدمين زي زمان .
.
- اللي حصل في
أبو قرقاص هو جريمة طائفيه مش جنايه عاديه , و برضه هتفهم موقف المسئولين لما يقولو
حادثه عاديه , فيه فرق بين انك تكون مواطن زي حالاتي ( و حَبْلك على كتفك ) أو تكون
مسئول و عندك تركة زي الهباب مضطر تتعامل معاها .
.
- و بصفتي مواطن
( و حبلي على كتفي ) هقولكو ليه رأيي انها حادثه طائفيه ؟ عشان باختصار لو طلّعت الأقباط
من المعادله و كانت الليله كلها بين مسلمين مكانشي رد فعل ال 300 كلب هيكون بالشكل
ده , مش تعرية ست عجوزه و حرق بيوت ناس , و عشان كده كان لازم يكون فيه بيان لرئاسة
الجمهوريه زي ماحصل .
.
- فرق كبير بين
انك تتعاطف ( و تتوجع ) و ترضي ضميرك , و بين انك تكون بتهيج الدنيا و تصطاد و عايزها
تولع و تختار توقيت معين للترويج للحادثه , مش هتولع يا خروف .
....................................................................................................................................
Mohamed
Hussein
26
مايو 2016·
في اعتقادي ان
منصب الرئيس الأمريكي هو المرادف لمنصب ملكة بريطانيا أو ملك بلجيكا , يعني منصب شرفي
و حاجه أخر حماده , و إن امريكا من سنين طويله جدا بيحكمها جهاز المخابرات الامريكيه
, في خطه طويلة الأجل , إنما من باب الفال الحسن أو التغيير لازم كل شويه نجيب رئيس
مختلف ( حاجه مختلفه ) يعني مره رئيس ابيض و مره رئيس اسود أو أخضر و بأستيك من فوق
, مره راجل و مره ست و مره طائر بطريق , مره نجيب واحد و نقول من الصقور و مره نقول
من عصافير الكناريا , مره واحد عنصري متحيز لاسرائيل و مره واحد مش عنصري اوي , يعني
نص توماتيكي توماتيكي , و انت يابني تروح جامعة القاهره و تقول ( السلام عليكم ) و
بعد كده نعمل ايه يا مولانا ؟ و بعد كده مش اقل من ست سبع دول تخربها , فاهم ولا لا
؟ , بارك الله فيك يا مولانا , بارك الله فيك يا مستر بريزيدنت .
.
لعبة الديموقراطيه
دي لعبة عبيطه جدا بتلعبها المخابرات الامريكيه وبيجيبو للأمريكان اللي هما عايزينهم
يختاروه و بعد ما يختاروه يقولو له يعمل ايه , يعني الحكايه مش ( جُرن الهبله ) ولا
حق المواطن الأمريكي البسيط في انه يكون رئيس الجمهوريه ( الكلام ده موجود في تويتات
البرادعي و قصائد فاروق جويده و بس ) .
.
أمريكا عشان تفضل
السوبرباور الوحيده في العالم يلزمها تلعب و تتلاعب بكل حاجه و تديرها مؤسسه مش شخص
عشان ماتبقاش خاضعه للأهواء و الشخصيات و مزاج سعادة البيه البريزيدنت , مع كامل احترامهم
طبعا للقوانين و الدستور الأمريكي , طبعا طبعا اوف كورس .
.
و اعتقادي كمان
ان الرئيس الأمركي القادم سواء بقى كان ست أو راجل , صهيوني توماتيكي ولا نص توماتيكي
, اعتقادي انه هيشيل أوبّح , الموضوع كله متوقف على حاجز الخوف عند دول كتير جدا (
منها دول كبيره ) اتبهدلت بسبب همجية أمريكا في أخر كام سنه , و تنسيق المواقف بين
الدول دي , و مش بعيد نلاقي فلاديمير بوتين بيزور جامعة في واشنطن و بيبدأ خطابه ب
( السلام عليكم ) !! .
.
أيها الرئيس الأمريكي
القادم , أيها المستر بريزدنت اللي هيشيل أوبح , يو أر ويلكم و عهد الله , ويلكم تو
ذا هيل .
...............................................................................................................................
Mohamed
Hussein
26
مايو 2016·
على أيامينا كان
الراجل المجدع اللي عنده نخوه لو ابنه اتخانق مع ابن الجيران و عرف ان ابنه اللي غلطان
( من ساسه لراسه ) كان بيقلع اللي في رجله و يضرب ابنه 100 جزمه على دماغه قدام المظلوم
و أهله و قدام الناس كلها , ما بالكو بقى لما يكون المظلوم هو كمان ابن الراجل المجدع
, مش ابن الجيران !! .
.
القانون الرادع
يا محترمين , يعني الجزمه هي الحل , ده لو عايزين تربيه و أدب و أخلاق و انضباط , و
عايزين نربّي رجاله مش نربي خرفان تتعلف و تنطح .
..............................................................................................................................
Mohamed
Hussein
26
مايو 2016·
اللي بيحصل في
أبو قرقاص هو حلقه جديده من مسلسل عمره سنين طويله و مكرر بشكل غبي , عمره من عمر براميل
البترول و الوهابيه و الإخوان و الفكر السوداوي اللي وصل لحد بيوتنا , عمره من عمر
عبد الحميد كشك و وجدي غنيم و الحويني و كل كهنة المعبد اللي طلعو لنا في البخت , أي
مشكله يشارك فيها واحد قبطي مع واحد مسلم ( ده لو كان القبطي شارك أساسا ) , يبقى لازم
المسلمين تاخدهم العزه ( بالإثم ) و يطلعو بقى بالسلاح و الشوم و يحرقو بيت القبطي
و بالمره يحرقو بيت كل أقباط القريه و يهجروهم , و الدوله تطلع تقول حصل خير و مصراين
البطن بتتخانق و البؤين اياهم , و بعدين قاعدة صلح و نجيب الشيخ و القسيس و قوم يا
مصطفى حب على راس اخوك جرجس و حاجه في منتهى القرف .
.
المهزله دي لازم
تتوقف فورا , مفيش حاجه اسمها قاعدة صلح , الكلام ده ينفع أيام القبيله و إنسان الغاب
, فيه قانون لازم يتطبق و بسرعه و الكلاب اللي عملو كده يتحاكمو ياكشي يتعدمو , و أه
يا مولانا هنتصر لسيدة مسيحيه على حساب 300 راجل مسلم ولو انهم لا ينفع ينطبق عليهم
وصف راجل ولا وصف مسلم , أه الست دي هشوفها أمي او جدتي اللي اتعرت , و ال 300 هشوفهم
300 كلب مش اكتر .
.
اللي خايف من فتنه
طائفيه مايخافش , الأقباط تقريبا اتعودو عالسخافات دي مننا و الموضوع بقى فولكلور
, لدرجة اننا لو غبنا سنه ولا اتنين من غير سخافات و وقاحه هيبعتو يسألو و يتطمنو علينا
لا نكون عيانين ولا حاجه , الفته الطائفيه مش هتحصل عشان أقباط مصر هيتصدو لها قبل
مننا .
.
انا أسف يا ست
سعاد ثابت و حقك و حق كل أقباط مصر على راسنا كلنا .
............................................................................................................................
Mohamed
Hussein
25
مايو 2016·
قاعده رقم 1 .
.
تبقى مؤيد للدوله
بشكل ما و حاطط صورة السيسي عالبروفايل و روحت انتخبته و كاتب تحيا مصر و حاجات عظمه
يعني , بس تنزّل بوست بيتريأ على جيش مصر و يسخر منه بأي شكل من الأشكال , سواء سخريه
مباشره أو بطريقة الكوميكس , هعملك بلوك , حتى لو كنت صديقي من 700 سنه , أو كنت ابن
طاهر القويري أو كنت رئيس المجلس الأعلي لكوكب الفيس بوك .
.
دي غلطه بفوره
يا معلم , جيش مصر عمره ماكان ماده للسخريه و التهكم إلا عند العيال اللامؤاخذه , و
انا مليش فيهم و الله .
............................................................................................................................
Mohamed
Hussein
25
مايو 2016·
مصر يعني الشعب
و الأزهر و الكنيسه و الجيش
.
كل دوله لها خصوصيتها
و تركيبتها اللي اتكونت عبر مئات السنين , كل دوله ليها توبها اللي لايق عليها ( و
متفصّل ) , يعني ماينفعش نجيب التركيبه السويسريه و نركّبها علينا أو نعمل العكس ولا
ينفع نلبس جلابيه سويسرا .
.
الموقع الجغرافي
مختلف , التحدي مختلف , الجينات و الهويه مختلفين , التاريخ و الموروث الثقافي و الحضاري
مختلف , ده لا يعيب مصر ولا يعيب سويسرا , و من المفترض عشان تنجح انك تحاول تستخدم
خصوصياتك و تركيبتك بشكل إيجابي مش العكس و لو فيه خطأ تصلحه , لكن ماتلعبش في الجينات
و الهويه ( بالمناسبه ده السبب الأول في سقوط الجماعه الإرهابيه و فشلها في حكم مصر
) .
.
في 30 يونيو ,
اليوم المشهود , اللي قلب الترابيزه على دماغ الشيطان و أعوانه , كان مهم جدا شكل الملايين
في الشارع , الشعب نازل يقول كلمته , بس كمان كان مهم جدا وجود التلاته دول , وزير
الدفاع يعني قائد الجيش و شيخ الأزهر و بابا الكنيسه بالإسم و الصفه و الكيان , كده
عمدان الخيمه الأربعه اكتملت , الشعب و الجيش و الكنيسه و الأزهر .
.
لما ولاد الكلب
حاولو يضربو علاقتك بروسيا و فرنسا و ايطاليا , النتيجه اترجمت لخسائر اقتصاديه ( في
السياحه ) لكن علاقتك بالدول دي بقت أقوى من الأول , ليه أقوى ؟ عشان عارفين اننا في
مركب واحده و ان عدونا واحد حتى لو كنا مضطرين للتعامل معاه , مصر مش متهمه قدام روسيا
و ايطاليا ولا فرنسا متهمه قدام مصر , المتهم معروف للجميع , مش ذنب الدول دي ان عندنا
شوية حمير بيشمو شرابات وائل عباس .
.
زيارة شيخ الأزهر
للفاتيكان ( ايطاليا ) و لفرنسا دي زياره سياسيه , ايه ده هو شيخ الأزهر بيلعب دور
سياسي ؟ أه طبعا , من ألف سنه وهو بيلعب دور سياسي , ده عمود من عمدان الخيمه الأربعه
, شيخ الأزهر مش مقرئ في إذاعة القرأن الكريم و لا مؤذن و مقيم شعائر , ده شيخ ( يعني
رئيس ) لكيان من أكبر الكيانات في تاريخ البشريه و عشان كده بيتم استقباله في الدول
دي استقبال القاده العظماء و ممكن نكسر البروتوكول عشان خاطره .
.
حضرتك مستاء من
الازهر وعندك اعتراضات و مشاكل و تحفظات على مناهج ؟ وانا كمان زيك و الله , نبقى نقعد
مع بعض و نتناقش بهدوء في التطوير ( مش الهدم ولا التشويه ) و حتى ذلك الحين هقولك
معلومه بسيطه يمكن تخليك تتأدب شويه وانت بتتكلم عن الأزهر الشريف , من عشرين تلاتين
سنه ولاد الكلب عملو ايه ؟ عملو 3 حاجات عشان الإعداد لمرحلة الخراب , قناة فضائيه
اسمها الجزيره , كيان اسمه مجلس التعاون الخليجي , بتاعة كده اللي بيرأسها الكلب يوسف
القرضاوي , الأولى عملوها لزوم التشويه و التانيه عملوها عشان تفتيت الجامعه العربيه
و التالته عملوها عشان سحب البساط من تحت رجل الأزهر الشريف , الحكايه دي بيسموها على
بعض ( خلق كيانات بديله ) .
.
طب ليه عملو كده
؟ عشان يلزمهم أله اعلاميه قويه بصوت عربي ( بلسان عربي مبين ) و عشان الجامعه العربيه
ممكن في أي لحظه تكون كيان قوي و مؤثر , و عشان الازهر الشريف مؤسسه قويه و مؤثره
, مفيش مانع نبقى نتناقش انا و انت في صحيح البخاري في أي يوم كده في ساعة عصاري بس
الأول نكون فاهمين إن الكيان اللي ولاد الكلب بيخططو عشان يهدّوه ماينفعشي نهده معاهم
.
.............................................................................................................................
Mohamed
Hussein
25
مايو 2016·
بعد عشره عشرين
سنه هتشرح لنا المخابرات المصريه هي عملت ايه بالظبط عشان تعدّي بالبلد من طوفان مابعد
25 يناير , الربيع اللامؤاخذه العربي و الفوضى الخلاقه , التفاصيل و الكواليس و الخبايا
و اللي بين السطور , تشرح لنا أصعب و أشرس معركة خاضتها في تاريخها .
.
و بعد عشره عشرين
سنه برضه هتطلع بريطانيا و أمريكا تشاور على دول جنبنا خربت و اتحرقت و بقت كوم رماد
( و أطلال ) و تقول تقاريرنا كانت غلط يا جماعه و تقديرنا للامور مكانشي دقيق و احنا
اسفين والله we are sorry زي ما قالو عن العراق .
.......................................................................................................................
Mohamed
Hussein
24
مايو 2016·
لو معايا مسدس
فيه طلقتين و القانون بيسمح لي إني أقتل شخصين اتنين بس من غير ماتعاقب , هاخد المسدس
و اطلع فورا على مدينة الانتاج الإعلامي , الرصاصه الأولى تبقى من نصيب البني أدم اللي
أقنع رامز جلال انه كوميديان هايل و ان اللي بيعمله كل رمضان ده برنامج كوميدي بيضحك
ميتين أهلنا .
و الطلقه التانيه
من نصيب الفنانه فيفي عبده , تحديدا عن دورها في المسلسل بتاع كايداهم , و تحديدا اكتر
عن حركة رقبتها لليمين و الشمال مع كل كلمه و كل حرف طول المسلسل , حركه في منتهى الإستفزاز
و العبط و القرف , و الله تستاهل عليها الطلقه التانيه .
.
و بس بقى , أرجع
من مدينة الإنتاج الإعلامي و انا حاسس اني رضيت ضميري ( و مرارتي ) و قدمت أكبر خدمه
للبشريه .
....................................................................................................................................
Mohamed
Hussein
24
مايو 2016·
مليارات المعيز
بتوع الغاز
.
شوف العناوين دي
كده , هتلاقيها في أخر سنتين بس ( قائد الإنقلاب عبد الفتاح السيسي عمل معرفش ايه
, شرطة الإنقلاب قبضت على معرفشي مين , اعتصام 7 أنفار ضد الإنقلاب في قرية أبوحنتوشه
, هل سقوط طائرة مصر للطيران يؤثر على السياحه في مصر ؟ اجتماع للقوى الثوريه في لندن
ضد انقلاب عبد الفتاح السيسي , البرلمان المصري الشرعي في أنقره يرفض معرفشي ايه ,
الجزيره تحصل على فيديو مسجل لإمارة سيناء ...... كمل عناوين براحتك بقى , يعني تخيل
أي عنوان قذر و اكتبه و انت مغمض عنيك هتلاقي الجزيره نزّلته قبل كده ) .
.
طب ترجم الكلام
اللي فوق ده لفلوس كده ؟ أنا أقولك , قناه 70% من شغلها و مجهودها و فرهدتها بيروحو
لتشويه مصر , مرتبات مضروبه في عشره ( تمن الخيانه ) , مراسلين على شط كل ترعه في مصر
( عشان لو نفرين تظاهرو على شط ترعه و معاهم موتوسيكل ) , ضيوف عالهوا و الساعه بألفين
دولار , تذاكر طيران و إقامه فندقيه , تقارير و خبراء فوتوشوب , و ممكن نجيب ناس متخصصه
في تزييف التاريخ و الحقايق ) , الحكايه دي على بعضها و لمدة كذا سنه تعني مليارات
متلتله .
.
طب ليه بقى ؟ أنا
أقولك يا مولانا , كان فيه معزه صغيره ( بنت امبارح يعني ) عايشه في غابه , المعزه
دي صحيت من النوم لقت كنز , فلوس كتير أوي , طب تعمل ايه بالفلوس دي ؟ جابت سلسله دهب
و كردان و عملت لنفسها زريبه صغيره من الدهب الخالص و الفلوس لسه كتيره برضه و الأهم
انها بعد الدهب ده كله اكتشفت انها لسه معزه !! .
.
الشيطان الأعظم
لعب في دماغ المعزه و استغل ( عقدة النقص اللي عندها ) و فهّمها انها لو حاولت تصرف
جزء من الفلوس دي في تشويه الأسد ممكن ربنا يسهل و الأسد يقع و تروح هي تحكم الغابه
مكانه , يعني وقتها توصل لحد السجل المدني و تغير المهنه من معزه لأسد !! .
.
المعزه ماكدبتش
خبر و عمّاله بقالها سنين بتصرف في الفلوس , ساعدها في كده ان بيت الأسد الكبير ده
فيه شوية خرفان خونه , المعزه وعدت الخرفان انهم كمان هيبقو أسود لما تخلص الليله
( هيروحو السجل المدني برضه ) , و الضامن كان الشيطان الأعظم اللي بيخطط و يتكتك .
.
و بس يا سيدي
, أديلنا سنين على دا الحال , المعزه بتصرف و تزربح و الخرفان بيمأمأو و ينطحو و الشيطان
بيوسوس و يخطط , و الأسد بيضحك و بيجهّز لولاده وليمه من الخرفان ( و المعيز ) المشويه
على نار هاديه , و السجل المدني قافل من 7 ألاف سنه .
...........................................................................................................................
Mohamed
Hussein
23
مايو 2016·
سبعتاشر قلم على
سهوه !! .
.
- ضحكو عليك و
قالولك لازم تنادي بحل جهاز أمن الدوله و تقول الداخليه بلطجيه ( رمولك الطعم ) .
- ضحكو عليك و
قالولك الجيش بتاعك ده جيش مكرونه و انشقاق في صفوف الجيش المصري و جيش عميل للصهاينه
( رمولك الطعم ) .
- ضحكو عليك و
قالولك اتريأ عالقضاء بتاع بلدك و اشتم القضاه 3 مرات في اليوم بعد الأكل ( رمولك الطعم
)
- ضحكو عليك و
قالو لك الخارجيه بتاعتك دي عبيطه أوي و أخرها ترمي ميكروفون الجزيره ( رمولك الطعم
)
- ضحكو عليك و
قالولك البرلمان بتاعكو ده كوميدي أوي و ساذج و المخابرات هي اللي معيناه ( رمولك الطعم
)
.............................
جمّع بقى الحاجات
اللي فوق دي كده ؟ أيوه اسم الله عليك : الجيش , الشرطه , القضاء , الخارجيه , البرلمان
.
عارف دول اسمهم
ايه ؟ اسمهم مؤسسات الدوله و أعمدتها الرئيسيه .
عارف تشويههم و
محاولة هدمهم معناه ايه ؟ معناه اسقاط الدوله ككتله واحده ( زي انهيار جبل الجليد
) .
.
هما عندهم مشاكل
و عيوب و محتاجين تطوير ؟ أه طبعا , كلنا كده , كلنا محتاجين تطوير و تطهير ( في كل
القطاعات ), بس التطوير و التطهير غير التشويه و الهدم .
.
عارف بقى انت مين
؟ المناضل الثورجي الحر المثقف المفكر الفيلسوب عبقري زمانك ؟ لا يا ضنايا , لأ خالص
, إطلاقا مطلقا , انت العبيط اللي كل مره بيبلع الطعم , انت العبيط اللي انضرب سبعتاشر
قلم على سهوه .
................................................................................................................................
Mohamed
Hussein
23
مايو 2016·
هنشتري فانوس رمضان
اللي مصنوع في بلدنا , هنوفر ملايين الدولارات و ألاف من فرص العمل , الدمايطه عاملين
فوانيس شكلها تحفه و فيها ريحة مصر , بأسعار يقدر عليها أي حد , مفيش عقل ولا منطق
بيقول إننا نروح للصينيين و ندفع لهم فلوس عشان يغنو لنا وحوي يا وحوي .
................................................................................................................................
Mohamed
Hussein
23
مايو 2016·
سما المصري كتبت
على صفحتها إن الزمالك لو فاز بالدوري السنادي هتنزل التحرير ملط !! .
.
معنديش شك ان النادي
الأهلي العريق ده نادي الوطنيه و الشهامه و الرجوله و المروه و النخوه و الجدعنه و
الإحساس العالي ( و صاحب صاحبه ) , و بعدين الأهلي مش محتاج بطولات , ده الدولاب بتاعهم
اتملى و عندهم بتاع 17 كاس مرميين فوق الدولاب , و أكيد اكيد أبناء العظيم الراحل صالح
سليم هيسيبو لنا الدوري السنادي عشان يحققو حلم الجماهير العريضه , و اهو الفرح يبقى
فرحين لأ تلاته , فرحتنا بسما المصري في التحرير و فرحتنا بالفوز بالدوري و فرحتنا
بانتحار البرادعي و حمدين و خالد علي لما يكتشفو إن أخرهم يحشدو 200 نفر على سلالم
نقابة اللامؤاخذه , في حين ان سما المصري قدرت تحشد 20 مليون شاب مصري من نبت الأرض
الخضره .
.
المشكله بس عندي
أنا , سما المصري بحس دمها واقف شويه , و معرفشي ليه كل مابشوفها بفتكر سعيد حساسين
, طب يا جدعان حد يشوف لنا الأخت صافيناز جايز تكون كتبت حاجه على صفحتها , يا سيدي
ماتبقاش غتيت و تقعد تكسر في مقاديفنا , بقول جايز جايز .
..................................................................................................................
Mohamed
Hussein
23
مايو 2016·
احنا اللي أبهرنا
الإيطاليين بكمية الخونه اللي عندنا لحد ما الطليان طلعو يشدو في شعرهم و يقولو احنا
ماتّهمناش الدوله المصريه بأي حاجه و الاعلام بتاعكو و ناس من عندكو هما اللي اتهمو
دولتهم .
.
و احنا كمان اللي
اكيد هنبهر الفرنساويين ( و يشدو في شعرهم برضه ) لما نحاول نقنعهم ان الطياره اللي
طلعت من عندهم و اللي تأمينها مسئوليتهم احنا السبب في اللي حصل لها , مصر هي السبب
.
.
الخرفان و الكولجيه
( و كل طقم الخونه اللي الشيطان ضحك عليهم و فهّمهم إن الخيانه وجهة نظر و منهج فكري
محترم ) , باقي لهم تكّه واحده و يحاولو يقنعو الأمريكان إن مصر هي اللي دبرت أحداث
11 سبتمبر , و يقنعو الصهاينه ان عبد الفتاح السيسي هو اللي عمل المحرقه النازيه لليهود
, و الهيئة الهندسيه للقوات المسلحه المصريه هي اللي صممت الأفران بتاعتها .
.............................................................................................................................
Mohamed
Hussein
22
مايو 2016·
حوار مع الحمار
.
الحمار : و أصلا
أصلا مشكلة الكهربا دي اتحلت عشان السيسي قفل المصانع .
... يا حمار السيسي
بيعيد تشغيل المصانع اللي اتقفلت من 2011 .
.
الحمار : خلاص
تبقى مشكلة الكهربا ماتحلتش
... يا حمار مشكلة
الكهربا اتحلت بس انت اللي حمار .
.
الحمار : خلاص
مشكلة الكهربا اتحلت لكن ماعملناش تنمية للإنسان .
... يا حمار حل
مشكلة الكهربا ده جزء من تنمية الإنسان مش تنمية الشمبانزي .
.
الحمار : خلاص
مشكلة الكهربا اتحلت و بقت جزء من تنمية الإنسان بس احنا اللي وقعنا الطياره المصريه
اللي كانت جايه من فرنسا .
... اقلع البنطلون
يا حمار .
.
الحمار : ليه اقلع
البنطلون ؟.
... عشان نكشف
على قواك العقليه و نعملك أشعه مقطعيه عالمخ .
.
الحمار : و ايه
علاقه المخ بإني أقلع البنطلون ؟
... مش الناس مقامات
و مستويات و أنواع يا حمار ؟ .
.
الحمار : أه طبعا
الناس مقامات و مستويات و أنواع .
... طيب انت من
النوع اللي عشان نكشف على مخه و قواه العقليه يبقى لازم يقلع البنطلون , أومال هنوصل
لمخك ازاي ؟!
....................................................................................................................................
Mohamed
Hussein
22
مايو 2016·
ماذا يفعل الفرنساويون
؟
.
يعني بيعملو ايه
بالظبط ؟ ولا حاجه سيادتك , بيعملو حسبة العقل البسيطه , اللي يعوزه البيت يحرم عالجامع
, مفيش حاجه اسمها حرية و مصداقيه و بطاطس مقليه لما يكون الموضوع هيأثر على بيتي و
دولتي , طياره طالعه من مطار شارل ديجول و وقعت , مع اننا عارفين ان سقوطها بنسبة
100 % عمل ارهابي , إما بقنبله أو بانتحاري ارهابي ( و الحالتين دول يدينو فرنسا )
أو بصاروخ و ده مايدينش فرنسا ولا مصر , يقوم الفرنساويين العاقلين يروجو لإيه بقى
مع انهم متأكدين ؟ يروجو لأي فكره أو خرافه تنفي عن بلدهم التهمه و الإهمال و التقصير
الأمني , ليه يا محترم ؟ عشان دي سمعة بلدهم و مطاراتنا و أجهزتها الأمنيه , و السمعه
دي بتترجم لحالة و فلوس متلتله , يلعبو بقى على نقطة خطأ فني , و طيار انتحر , لا ده
حريق في الطياره و المضيفه كانت بتشوي دره , اصل الطيار مابيعرفش يسوق و مش معاه رخصه
و ماشي بكارت ميناتيل , الطياره شطبت بنزين و هي في الجو و الطيار مكانشي عامل حسابه
, يعني يلففوك ال 7 لفات عشان يبعدو تهمة الإهمال و التقصير عنهم , دي تصرفات الناس
العاقلين اللي بيحافظو عللى بلدهم .
.
ماذا يفعل أبناء
يحيى قلاش و شمامين الكوله ؟ .
.
بيعملو اللي يعمله
الفرنساويين بالظبط , بيروجو لأفكارهم و يحاولو ينفو التهمه عن مطار شارل ديجول و يلبسوها
لنا احنا , أصبحو فرنساويين أكتر من نابليون بونابرت !! , صلاة النبي أحسن .
.
شوية الصيع لما
حضرو المؤتمر الصحفي لوزير الطيران , كانت الأسئله بالشكل ده , انا حاسس ان الطياره
وقعت بسبب خطأ فني , بيقولو الطيار انتحر , مش جايز الطيار بتاعنا هو اللي عويل ؟ ده
اكيد عيب في الطيار و المضيفه و الكراسي , القنبله دي شكلها اتزرعت في القاهره أو بني
سويف , اعترف بقى يا معالي الوزير , اعترف باللي احنا بنقوله , يالله اعترف , انت مابتعترفش
ليه ؟ .
.
يا ستي ايه اللي
يرضيكي بس وانا اعملهولك ؟ أنا عايزه حرية صحافه و حرية لامؤاخذه و بنطلون ستريتش و
ساندوتش هامبورجر .
..................................................................................................................................
Mohamed
Hussein
22
مايو 2016·
البنتاجون : مقتل
زعيم حركة طالبان الأفغانيه في غاره أمريكيه .
.
الراجل ده أمريكا
قتلته 17 مره قبل كده , و تحديدا بعد كل كارثه بتعملها , بتطلع تعلن انها قتلت زعيم
طالبان في غاره جويه ( قال يعني بنحارب الإرهاب ) و بتعلن كمان ان حصل اطلاق نار في
البيت الأبيض للمره ال 17 برضه ( قال يعني عندنا ارهاب ) !! .
.
الأمريكان حتى
في مخططهم بقو مملين لدرجة السخافه , و بريطانيا بقى , حبيبة قلبي بريطانيا دي , جريدة
بريطانيه طالعه تقول ان أبو بكر البغدادي هيطلع يتبني تفجير الطياره المصريه !! و الخبر
الصح المفروض يتكتب كده : بريطانيا بتجّهز أبو بكر البغدادي عشان يتبني تفجير الطياره
المصريه .
.
أي حد لسه مصدق
ان شوية البهاليل بتوع داعش قدرو كده ببركة دعاء الوالدين يسيطرو على دول و يهزمو جيوش
لها شنه و رنه و يوقّعو طيارات و يفجّرو باريس و بروكسل من غير تخطيط و دعم كامل من
حلف الشيطان يبقى لازم الدوله تحط على جبينه علامة إكس , و العقاب له يكون شعبي , يعني
واحنا ماشيين في الشارع اي حد نلاقي على جبينة علامة اكس نضربه بالجزمه على دماغه
, ده العقاب الأمثل , عشان حمير الداخل أخطر على مصر من أعداء الخارج .
................................................................................................................................
Mohamed
Hussein
21 مايو 2016·
مجرد هلاوس , اعتبروها
كده
.
1 - أمريكا و بريطانيا
في مرحلة جنون بقالهم سنتين , الخطه اللي شغالين عليها من عشرين تلاتين سنه ماحققتش
المطلوب بنسبة 100 % ولا حتى 50 % , الجزء الأهم في الخطه ماحصلش , اللي هو مصر , مشكلة
مصر عندهم مش انها الجزء الأكبر من الخطه و بس , المشكله انها الدوله الوحيده في المنطقه
اللي تقدر تسند اللي وقع و تقوّمه بسرعه , خصوصا في حكاية إعادة تشكيل و تسليح الجيوش
, زي ما مصر بتعمل مع ليبيا كده , و زي ما هيحصل بإذن الله مع سوريا .
.
2 - الجنون و
( الهيجان ) الأمريكي البريطاني كان زي رد فعل الأسد المجروح اللي شقى عمره ضاع فبقت
تصرفاته مجنونه , اسقاط طيارات و تفجير مطارات و مدارس و محطات مترو في مدن كبيره
, خروج عن كل أطر الدبلوماسيه في المقابلات و التصريحات , كشف الوجه القبيح بدري بدري
.
.
3 - مشكلة أمريكا
بقى مش عند مصر , عشان احنا ظروفنا الإقتصاديه تعبانه ( بالعمد ) و التأمر علينا من
كل ناحيه , يعني ورانا هم ما يتلم , مشكلة امريكا هتبقى عند الدول اللي انجرحت من الأسد
الهايج في السكه , خصوصا روسيا و فرنسا .
.
4 - مش سهل على
روسيا اسقاط طائرة مدنيه لها و مقتل مئات الروس ولا سهل عالجيش الروسي اسقاط طائرة
عسكريه له , و مش سهل على فرنسا ضرب باريس ولا اسقاط طائره طالعه من عندها و فيها
15 فرنسي ( أه سوري , لو كنت معاليك من العظماء اللي مصدقين ان ابو حفص و ابو الدرداء
و ابو جلمبو و شوية البهاليل اللي بدقن هما اللي بيخططو لليله دي و ينفّذوها لوحدهم
كده يبقى ماتكملش قراية البوست و اسف اني مانبهتكش من الأول )
.
5 - الجنون الأمريكي
بقى عبء حتى على أنصار أمريكا , زي تركيا مثلا , توريطه يعني , روسيا أقرب لتركيا
( من حبل الوريد ) و الكلب التركي ممكن يصحى من النوم يلاقي نفسه ركب حلزونه و مش عارف
ينزل منها , و بقى عبء كمان عالسعوديه اللي مضطره تقف جنب مصر مهما كان التمن
......طب و بعدين ؟ .
.
6 - اعتقادي إن
أمريكا قدامها طريق من اتنين , انها تبطل جنون و صبيانيه و ترضى بالأمر الواقع و تحاول
تلم تعابينها و تصلح العجن اللي عجنته مع روسيا و فرنسا ( و مصر ) , أو إنها تكمّل
في طريق الجنون و بالتأكيد هنوصل في يوم لمرحلة خروج دول كتير عن تصريحاتهم و تصرفاتهم
الدبلوماسيه .
.
7 - أمريكا حاليا
بقى ليها في كل بيت تار و هيطلع لها في كل خرابه عفريت , الإختيار الأول افضل لها تماما
, ده اختيار العقل , الإختيار التاني كارثي على الجميع و أولهم أمريكا نفسها .
.
مجرد هلاوس .
..................................................................................................................................
Mohamed
Hussein
21
مايو 2016·
الحكايه في ( لوكشه
) واحده ........... مصر / روسيا / ايطاليا / فرنسا .
.
1- مصر هي الطرف
المشترك في الحوادث التلاته و الغرض ضرب السياحه و الإقتصاد و لوي دراعك , روسيا و
ايطاليا و فرنسا هما الأطراف اللي بتتعاقب على علاقتها بيك , مش مهم الحكاية دي تستقر
في وجدان ابراهيم عيسى ولا تستقر في تويتات البرادعي , الناس دول سابقينا بمليون سنه
يعني عايشين في سنة 1002016و بالتالي و من المؤكد مش داريانين باللي بيحصل الأيام دي
, يعني معلوماتهم عننا زي معلوماتنا احنا عن الأميبا و الكائنات وحيدة الخليه و انسان
الغاب اللي كان موجود من مليون سنه .
.
2- رد الفعل الإيطالي
و الروسي هو رد فعل طبيعي جدا و منطقي , روسيا وقفت رحلاتها و طلبت مراجعة اجراءات
الأمن , ايطاليا بعتت فريق محققين و سحبت السفير , ردود الأفعال دي بتبقى لتهدئة الرأي
العام الداخلي و إدارة الأزمه , مفهاش اتهام لمصر بأي شكل من الأشكال ولا حتى بالتقصير
الأمني , الحكايه مش كده خالص , في تفجيرات باريس و بروكسل محدش اتهم فرنسا وبلجيكا
بالتقصير الأمني , الحكايه بتبقى اجراءات أمنيه في مواجهة تحدي امني , و حيث ان التحدي
الأمني أكبر من أي وقت تاني في التاريخ الحديث يبقى محدش هيتكلم عن تقصير أمني .
.
3- بعد كل حادثة
بيجتمع مجلس الأمن القومي المصري , و هتلاقي اجتماع مماثل في الجهه التانيه , في روسيا
او ايطاليا او فرنسا , في الإجتماع ده السؤال الوحيد اللي محدش بيسأله , هو مين عمل
كده ؟ ده سؤال في منتهى السذاجه للأجهزه الأمنيه في أي دوله من الدول الأربعه , سؤال
اجابته معروفه من 3 سنين , انما السؤال اللي بيتسأل , هما ولاد الكلب عايزين ايه و
ايه الرساله المرادي ؟ السؤال التاني :هنتصرف ازاي و ندير الأزمه ازاي و ردنا على القذر
صاحب الرساله هيكون ايه ؟! .
.
4- و أخيرا , بعد
كل حادثه هتلاقي حاجات كتير بينطبق عليها وصف ( الطُعم المزيف ) , بيعمله نفس صاحب
الرساله القذره , زي جواز سفر ريجيني , او مكالمه مجهوله بتبلغ عن اشخاص كان لهم علاقه
برجيني , أو تقرير مضروب عن انتحار الطيار المصري أو بيان مضروب لتنظيم داعش , تقرير
من جريده بريطانيه عن طيارة معرفشي ايه اللي اتعرضت لصاروخ في شرم الشيخ , و خطة اشغال
عشان التحقيقات اللي تاخد شهر تاخد سنين و تفضل تلف حوالين نفسك و في الأخر مش هتوصل
لدليل , يعني الشيطان بيخطط و ينفذ و يدير المعركه بعد التنفيذ و عنده أدواته , مواقع
التواصل , جرايد و قنوات عالميه , الجزيره , واشنطن بوست , اسوشيتد بريس , cnn , bbc .
.
- الخرفان و شمامين
الكوله هما جزء من خطة الشيطان و سلاح مهم في إيده , و هما مش مقصرين بصراحه , سواء
بخيانه متعمده أو بحموريه متعمده , انا شخصيا مش منتظر أي خير أو عقل او فكر أو نضافه
من ناس كبيرهم و عرّابهم و مُنظّرهم السياسي و زعيمهم و ربهم الأعلى تفتّق ذهنه بعد
5 سنين من الحرق و الخراب و الفرهده و طلع من قبره مخصوص عشان يقول : مفيش مؤامره
!! .
...............................................................................................................................
Mohamed
Hussein
20
مايو 2016·
بعد ما الحكومه
الإيطاليه اعترفت انها اعتمدت على تقارير مضلله من الجماعه الإرهابيه , و بعد مالسفير
الإيطالي رجع القاهره , و بعد ما ايطاليا عرضت كل امكانياتها للمساعده في حادث الطياره
المصريه المفقوده , و بعد ما بقينا حبايب و بنلعب كوره مع بعض زي ماتش النهارده كده
.
.
يا ترى الحاجه
ام خالد سعيد هتطلع و تعتذر عن الهبل و العبط بتاعها و تلتفت لبيتها و حياتها و تفهم
ان ابنها الله يرحمه مات من 6 سنين و انها مش زعيمه سياسيه ولا مناضله ولا جميله بوحريد
ولا فاهمه اي حاجه في الدنيا , و انها بيتم استغلالها مش اكتر ؟! .
.
و يا ترى شوية
الخرفان و شمامين الكوله و شوية الصيع بتوع حقوق الإنسان اللي تعاطفو مع ريجيني و اتهمو
دولتهم ( اللي بتعلفهم ) بقتل الشاب الايطالي مع ان مفيش لا عقل ولا منطق ولا أبجديات
في العقل البشري تقول كده , يا ترى هيفهمو ان الأرض كل يوم الصبح بتبقى عايزه تتشق
و تبلعهم بس بتقرف ؟!! .
...............................................................................................................................
Mohamed
Hussein
20
مايو 2016·
زرعنا قمح في الصحرا
و بنحفر أنفاق تحت المايه , عملنا طرق و كباري و حلينا مشكلة الكهربا و داخلين على
مرحلة تصدير الغاز , بندعم ليبيا موحده , و قولنا سلام شامل عشان نكشف كل الوجوه القبيحه
, خرجنا من عباية امريكا و بنعيد تسليح جيشنا بأحدث الأسلحه , بنبني و نحفر و نزرع
و نحصد كل ده واحنا بنحارب الإرهاب , يبقى مش هيسيبوك في حالك , بس يا جبل ما يهزك
ريح , عودنا ناشف زي الحطب و اللي عايز ييجي من ولاد الأفاعي أهلا و سهلا , قبره محفور
و جاهز .
.
يا جدع اضحك و
ابتسم و هزّر و فرفش و حب و احضن , و اجري قدام بنتك في الشقه و اعمل نفسك ميت لما
تضربك بمسدس المايه , وافتح شباكك و شوف نور ربنا , وانزل الشارع املى ايدك ب ( حفان
) تراب و ( حفان ) أمل , و احلف بيهم , التراب ده غالي و ينفع يكون قَسَم , أقسم بترابها
ما هتقع ولا تنكسر , إوعى تيأس , اليأس خيانه , و اللي حفظها 10 ألاف سنه هيحفظها ليوم
الدين .
.
طز في ولاد الأفاعي
, طز في فيران السفينه , طز في ولاد اللذينه .
.....................................................................................................................................
Mohamed
Hussein
20
مايو 2016·
يابني حاول تكبر
شويه و تفكر بعقلك و تطلع بقى من نظرية المؤامره اللي انت عايش فيها دي , حاول ترتقي
و تبقى زي البرادعي و انصاره كده , مفيش مؤامره , لا توجد مؤامره , نو مؤامره , الحكايه
و ما فيها عمل إرهابي عادي , بلاش ترمي أخطاءك و فشلك على جيوش و اجهزة مخابرات أمريكا
و بريطانيا الكيوت .
.
الحكايه يا سيدي
هقولهالك و لو انها معلومات سريه شديدة الخصوصيه بس مش خساره فيك .
أبو الدرداء كان
زهقان من مصر و كاره السيسي و الجيش و العسكر و المدنيين , أبو الدرداء قعد يفكر ازاي
ينتقم من البلد دي ؟ و يفكر و يفكر , لحد ما جت له فكره حلوه جدا و قرر انه ينفذها
.
.
أبو الدرداء قال
مفيش أحسن من الطيارات لما بنضربها , و اختار الطياره الروسيه من كام شهر (بالصدفه
البحته ) و فكر و خطط لحد ماوقعها ( لوحده ) و بعدين اختار الطياره الفرنسيه ( بالصدفه
البحته برضه ) , و دي بقى اصطادها لما كان راكب مركب صيد ( متر في مترين ) على بعد
200 قول 300 ميل شمال اسكندريه في اتجاه اليونان , و الحقيقه ان مش أبو الدرداء اللي
عمل كده , ده الواد ابنه الدرداء الصغير هو اللي اصطاد الطياره دي بالنبله بتاعته اللي
بيلعب بيها , اللي هي بتبقى عصاية و فيها استيك من فوق , أبو الدرداء و أصحابه عملو
تفجيرات باريس و بروكسل و اجتازو أجهزة المراقبه و الكاميرات ( لوحدهم كده ) و احتلو
ليبيا ( لوحدهم برضه ) , يعني لا فيه أجهزة مخابرات ولا دعم لوجستي ولا معلومات و لا
تخطيط ولا طيارات بترمي لهم صناديق أسلحه بالغلط و بتعمل لهم غطاء جوي ولا حاجه .
.
المفروض بقى تدوّرو
على الأسباب اللي خلت أبو الدرداء يبقى إرهابي مع انه شخص جميل و كيوت , أسباب كتير
دفعته لكده , ظلم النظام , الفاشيه , البرقوق مابينزلش على بطاقة التموين , أجرة الميكروباص
بقت بجنيه و نص , والفرخه بتبيض مره واحده في اليوم , الأهم من ده كله إن أبو الدرداء
كان حلم حياته يطلع دكتور عيون , هو صحيح ساب المدرسه من تالته ابتدائي , بس الدوله
بنت الحرام رفضت انها تفتح له عياده و تحقق له حلم حياته , الإرهابي ده حد جميل أوي
و مليان خير , احنا اللي ظلمناه , حتى اسألو البرادعي و شمامين الكوله .
.
بكره بقى أحكي
لكو حكاية أبو حنظله اللي دمر الجيش السوري ( اللي كان واحد من أقوى 20 جيش في العالم
) و احتل مدن سوريه بالسواك اللي كان في سيالته .
.
أيها الساده ,
إملأو الأرض بترانيم البرادعي , و دعونا ( نشكر ) في صمت .
.........................................................................................................................
