Mohamed
Hussein
29
يوليو 2015·
بسم الله , بسم
الأمه , بسم الشعب , فقد اتخذت قرارا أرجو أن تعينوني عليه , لقد قررت بصفه تامه و
نوهائيه أن أتنحى عن منصبي كرئيس لمجلس إدارة نادي الزمالك و أن أعود إلى صفوف الجماهيرأشجّع
معاهم من مدرجات الدرجه التالته و أمام شاشات التلفزيون في القهاوي و عند المعلم عكوة
الجزار ................ و أترك منصبي للواد أحمد ابني .
.
التوقيع : سيادة
المستشار مرتضى منصور أصغر قاضي في تاريخ مصر و الشرق الأوسط و المجموعه الشمسيه و
دول الكومنولث و صاحب اول ضربه جويه جابت الدوري للزملكاويه .
............................................................................................................................
Mohamed
Hussein
29
يوليو 2015·
إيران تسمح لمواطني
7 دول بدخول أراضيها من غير تأشيره , و ذلك من أجل تشجيع السياحه ( تعليق كاتب صحفي
حمار أو ناشط سياسي براس كلب ) , و من بين هذه الدول مصر و سوريا !! , اموت أنا واعيد
السنه , طب ثواني اتحزم و اجيلك , أو اتحزم و انسفك , طب ليه مش قطر ؟ ده حتى ايران
و قطر بتاعتين في بتاع واحد !! .
.
و اللي شاطر بقى
هدّيله عشرين جنيه , عشّين جنيه , لو قالي ايه الفرق بين رغبة ايران في دخول المصريين
لأراضيها من غير تأشيره ( ولا حتى بنطلون ) و بين منحة هارفارد لنادر بكار ؟!! .
.
الساده أنصار إيران
و المجد الإيراني ( اللي متألق ) في سوريا يمتنعون .
الساده أنصار أمريكا
و الكاتشب الأمريكي برضه يمتنعون .
الساده اللي لسه
فاهمين ان فيه عداوه لرب السما بين أمريكا و إيران يعملولي بلوك .
.
مصر مش دور كوتشينه
هنلعبه عالقهوه , ماهو يا إما تفهم اللي بيحصل حواليك يا إما تبيع و انت مش فاهم و
ساعتها تبقى خاين بجهل أو خاين بحسن نيه , حلو المصطلح ده : خاين بحسن نيه .
.........................................................................................................................
Mohamed
Hussein
29
يوليو 2015
·
أبويا سلامه كان
سارح الغيط بتاعهم , صاحي من الفجريه و شايل الفاس على كتفه , لابس السديري و اللباس
الطويل أوي ده ( عشان يعرف يصلي فيه جنب الأرض ) , حاجه كده تقدر تقول برمودا بس فلّاحي
, سألته رايح فين يابه الحاج ؟ قالي رايح أعلّي الريشه اللي بينا و بين جارنا عشان
ماية أرضهم ماتغرّقش أرضنا و أزرع شط باميه بالمره .
.
قلت له طب ما تسيبك
من التعب ده , و بدل ما تروح تعمل الريشه روح اعمل حوار مجتمعي !! , بلا تعب بلا وجع
قلب , و ساعتها تلبس بدله و كرافته ونضاره ريبان و تبقى زعيم سياسي و تطلع في الجزيره
, الساعه بألفين دولار يابه سلامه .
.
قالي ازاي الحكايه
دي يابن اخويا ؟
قلت له الحكايه
سهله أوي , هما جملتين اتنين مفيش غيرهم , تقولهم لأي حد يقابلك و في أي حته تروحها
و طاقة القدر تتفتح لك : حوار مجتمعي و تنمية الإنسان .
....................................................................................................................
Mohamed
Hussein
29
يوليو 2015·
فن اسمه : الحرب
على الإرهاب
.
صباح الخير يا
ريس
بقى الإرهاب ده
اللي هو الديب اللي بينهش في لحم أي وطن مش واقف بس على شوية الصيع و المقاطيع اللي
بيجولنا من بره بتخطيط و دعم من دول بنت تيت انت عارفها كويس , لا فيه فرع تاني للإرهاب
بيجي من جوه , من جوانا , و دي معركه منفصله تانيه خالص ...يلزمها شوية اعدادات مش
بالسلاح ولا بالتدريب العسكري
.
1- سيادتك ماينفعش
محمد حسين يكون ساكن في مدينة نصر وبطاقته فيها العنوان السلام , طب لو حد بلغ عني
هتجيبوني ازاي ؟ هتجيبو توكتوك يلف في شوارع القاهره و ينادي عليا ؟ لازم يكون فيه
حل جذري في السجلات المدنيه و سريع جدا لنقل محل الإقامه عشان يبقى سليم و مفهوش الأوراق
و اللعبكه دي .
.
2- ماينفعش واحد
يبقى سايق عربيه في الشارع من غير لوح معدنيه حتى لو كان لسه جايبها من التوكيل , العربيه
ماتطلعش من التوكيل الا ب نمر حتى لو نمر مؤقته صلاحيتها اسبوع مثلا , عشان في النهايه
لما العربيه دي تعمل مصيبه سوده نبقى عارفين هي بتاعة مين ...
.
3- ماينفعش سواق
يبقى راكب عربيه من غير اثبات ملكيه لها و أصل معاه جواب من صاحبها , أصل صاحبها مدي
له دبدوب دليل على نقل الملكيه مؤقتا , المفروض نقل ملكية العربيات يكون فوري و الدفع
في ماكينات Atm , و بالتالي العربيه باسم اللي سايقها رسمي في
الرخصه , هي مش كيما و الدول المتخلفه بتعمل كده , و ماينفعش نقل الملكيه ياخد يومين
تلاته و طوابير و فحص و دمغه و ملف , كده الناس مابتتشجعش على انها تمشي سليم .. و
العربيه هتعك الدنيا و ابقو قابلوني لو عرفتو دي عربية مين , هتلاقيها ماشيه من توكيل
لتوكيل لتوكيل و حلني بقى .
.
4- ماينفعش القاضي
يلاقي تلتين القضايا قدامه اسمها صحة توقيع و نفاذ ..ده شغل الشهر العقاري و لا الغرفه
التجاريه او حتى شيخ الحاره ولا السجل المدني , أي حد , و بالتالي نقل الملكيه يبقى
سهل و في نفس الوقت القاضي يتفرغ لقضايا الإرهاب و القتل و البلطجه .
.
5- ماينفعش مصر
و القاهره تحديدا يبقى فيها عشوائيات و لا تعرف مين بيبات فين ؟ ولا تعرف توصل لها
من جوه اساسا , و ممكن يخبّو فيها صواريخ سكود و ديناصورات و قنابل و متفجرات و يصنعو
سفن حتى بعيد عن عين الدوله .
.
6- ماينفعش الجوامع
و المدارس و الكنايس تبقى مكان للكراهيه و العنف و نبذ الغير و تبقى معامل لتفريخ الإرهابيين
الجدد ( الأشبال ) , كوكب الأرض تجاوز المرحله دي من مليون سنه
.
.
باختصار يا ريس
, الحرب على الإرهاب بتبدأ بالتطوير الحقيقي لمؤسسات الدوله و تحطيم البيروقراطيه و
الفساد , عشان القاعده بتقول : المعطيات الغلط هتوصلنا لنتايج هباب .
.
و بدعي ربنا يعينك
يا ريس , دانت قدامك هم ما يتلم .
................................................................................................................................
Mohamed
Hussein
28
يوليو 2015·
يعني محمد يوسف
يجيب لنا الدوري لحد عندنا , و سموحه اساسا نصه لاعيبة أهلي , و بعد الماتش يطلع محمد
يوسف و مدرب الأهلي في المؤتمر الصحفي و يتكلمو باحترام !! هو ليه الأهلي مصرّ يحرجنا
بأخلاقه دي ؟.
.
و النبي يا عم
مرتضى أبوس ايد أهلك , إمسك لسانك و قول كلمتين حلوين في حق الأهلي و جماهيره , حاول
يعني , أقولك , بلاش تتكلم أحسن .
..................................................................................................................................
Mohamed
Hussein
28
يوليو 2015·
مبرووووووووووووووووووووووووك
علينا الدوري يا رجاله , أنا مش مصدق نفسي يا لمبي .
.
كل الإحترام لسموحه
و مدربهم الأهلاوي المحترم محمد يوسف .
.......................................................................................................................
Mohamed
Hussein
28
يوليو 2015·
بعد دراسه متأنية
لمدة كذا يوم كده في بوستات و عقول الإخوان و الكولجيه وصلت لقناعه تامه بتقول
.
و الله , و اللللللللللللللله
( بعقد الهاء و تشديد اللام 7 شدّات ) , لو ربنا سبحانه و تعالى نزّل مائده من السماء
على السيسي و معاها اتنين ملايكه هتلاقي صاحبك الكولجي بيقولك المائده دي غير مطابقه
للمواصفات الأمريكيه و بعدين مفهاش كاتشب فين الكاتشب ؟ و هتلاقي صاحبك الإخوانجي بيقول
اللي جايين مع المائده دول مش ملايكه , دول عساكر امن مركزي بس متنكرين .
.
و الله , و اللللللللللللللللللله
لو السيسي في يوم من الأيام اخترع الذّره أو عملنا مشروع فضاء عالمي هتلاقي الإخوانجي
بيقول مشروع فاشل و الكولجي بيقول بس مشروع الذره و الفضاء ده ماتعرضش في حوار مجتمعي
, و أصلا المفروض السيسي يهتم بتنمية الإنسان و بالتعليم و الصحه و النضافه , فضاء
ايه و ذره ايه اللي بيعملهم السيسي ؟
.
و الله , و اللللللللللللللللللله
, لو السيسي اهتم بتنمية الإنسان و بالفقر و التعليم و النضافه هيقولو العالم سبقنا
بمليون سنه و بيخترعو الذره و وصلو الفضاء و احنا فرحانين بحل مشكلة الزباله و التعليم
و الفقر ؟؟؟؟؟؟؟ .
.
الخلالالالالالالالاصه
, ماتناقشي اخوانجي ولا كولجي في أي حاجه , هما مش هيقتنعو , دماغهم مريحاهم على كده
, كلمتين محفوظين و بيقولوهم في كل موقف و الردود جاهزه , و الاتنين دينهم و ديانتهم
و عقيدتهم اسمها ( تكسير المجاديف ) .
.
.
أه نسيت اعتذر
لمدام جميله اسماعيل , أسف جدا إني عملت الدراسه دي اللي كتبت عنها البوست و نشرتها
من غير مافتحها في دين أم حوار مجتمعي !! .
............................................................................................................................
Mohamed
Hussein
28
يوليو 2015·
جميله اسماعيل
........... النخبه و البانجو اللي فتّح في مزارع مصر
.
جميله اسماعيل
شايفه ان اولوياتها غير اولويات الحكومه و السيسي , هي مهتمه اوي بتنميه الإنسان (
أي هجص في الحماده ) , و شايفه ان مشروع تنمية محور قناة السويس المتكامل كان أفضل
من مشروع حفر قناة جديده , و بعدين مشروع قناة السويس الجديده دي ماتعملهاش دراسات
كفايه و ماتفتحش الموضوع في حوار مجتمعي !! .
.
بس بسسس اربط هنا
بقى , اقف عند حكاية حوار مجتمعي دي , الجمله دي بنسمعها من 4 سنين و بقيت احس انها
جمله أبيحه زي المصطلحات بتاعة افلام خالد يوسف و العيال الصيع في المناطق العشوائيه
, حوار مجتمعي , يعني نلم الناس من عالقهاوي و نسألهم عن رأيهم في قناة السويس الجديده
قبل ما نبدأ فيها ( يفضل ريهام سعيد تقوم بالدور ده ) , او نقلّب الموضوع كام يوم كده
في برامج التوك شو , و توفيق عكاشه يقول رأيه و خميس بتاع الإخوان يقول و لميس تهلفط
و القرموطي يلبس لبس قبطان , ويستضيفو بقى السيد الدكتور المهندس استاذ المسطحات المائيه
ماعرفشي فين و يجيبو دكتور عيون و مهندس ديكور و كهربائي و مدرب بنج بنونج و كله يقول
رأيه , حوار مجتمعي يا جماعه , اومال انتو فاكرين ايه ؟ اه نسيت , و جميله اسماعيل
طبعا لازم تقول رأيها بصفتها يعني استاذ القنوات النهريه و البحريه و المشويه و المقليه
و المحاشي و المخاصي في جامعة الكولجيه فرع القاهره .
.
أهي جميله اسماعيل
دي مثال فج للنخبه اللي الشباب كان ماشي وراها , أي هجص , أي كلمتين مالهمش أي تلاتين
لازمه بس من النوع اللي بينتزع أهات الجماهير , الله عليكي يا ست , أعد و النبي أعد
.
.
#مصر_بتفرح رغم
أنف النخبجيه العلوج .
................................................................................................................................
Mohamed
Hussein
28
يوليو 2015·
أمريكا و أفريقيا
........فيرسس نوت أجينست
.
أمريكا : هاو دو
يو دو ؟ ممكن نتعرف بيك ؟
أفريقيا : أنا
مواطن من قارة أفريقيا , من العالم السابع يعني .
.
أمريكا : يو أر
ويلكم , هاو أر يو يا أفريكان سيتزن ؟
أفريقيا : فاين
, بخير و عهد الله , عايشين يعني
.
أمريكا : كلمني
عن حال الناس في أفريقيا , ماعرفش عنها كتير , بشوفها في ناشونال جيوجرافيك بس.
أفريقيا : و الله
يا خواجه حالنا لا يسر عدو ولا حبيب .
.
أمريكا : انتو
صحيح عندكو ثروات كتير بس عندكو مجاعات ؟
أفريقيا : أه بس
مفيش مجاعات أوي , خفيف خفيف يعني
.
أمريكا : خلاص
ما تقلقش هنعمل لكو مجاعات , عشان تتبسط يا عم .
أفريقيا : هتعملوها
ازاي دي ؟ هاو يعني ؟
.
أمريكا : أولا
هناخد ثرواتكو .
أفريقيا : هتسرقونا
يعني ؟
.
أمريكا : لا عيب
عليك , مش أمريكا اللي تمد ايديها و تسرق , إنتو اللي هتبعتولنا ثرواتكو و فوقيها بوسه
عشان انتو متخلفين و احنا بنحافظ جدا على تخلفكو ( الفرق بين الحرامي و النصاب ) .
أفريقيا : أه فهمت
, بس لما تاخدو ثرواتنا ممكن مايحصلش لنا مجاعات أوي
.
أمريكا : صبرك
عليا بس , بليز ويت , ثانيا : هنعمل بينكو حروب و فتن طائفيه و نهيّج زيد على عبيد
و نبيع لكو السلاح بتاعنا عشان تقتلو بعض .
أفريقيا : أه فكره
برضه , جود أيديا .
.
أمريكا : ثالثا
, ننشر عندكو الأمراض و الفيروسات اللي بنعملها عندنا في معامل الأبحاث .
أفريقيا : و ليه
تنشرو عندنا الفيروسات ؟ هتستفيدو ايه ؟
.
أمريكا : أومال
هنبيع الادويه بتاعتنا لمين يا مغفل ؟ و شركات الأدويه دي نعمل بيها ايه ؟
أفريقيا : أه معاك
حق صحيح .
.
أمريكا : و بكده
نبقى ضمنا انكو تفضلو متخلفين و احنا ننهب خيركو و نبيع لكو السلاح و المرض و الدوا
و نعيش بقى و نزقطط .
أفريقيا : طب و
هتقولو للمواطنين بتوعكو ايه ؟ شكلكو هيبقى وحش أوي وخصوصا انكو مفهمينهم انكو بتبيعو
سبح و سجاجيد صلاه ؟ .
.
أمريكا : كم أون
بيبي , دونت وري , دي لعبتنا , ماحنا اخترعنا حاجه كده اسمها سفير النوايا الحسنه و
مراكز السلام .
أفريقيا : و ده
بيبيع ايه سفير النوايا الحسنه ده ؟
أمريكا : ده بيبيع
الوهم ماي بيبي , يعني نجيب ممثله مشهوره من عندنا و نعينها سفيره للنوايا الحسنه و
نبعتها عندكو أفريقيا تتصور مع الأطفال الأفارقه الجربانين و هما عريانين بلبوط وتبوسهم
من بؤهم و ننشر الصور دي و اللي يشوفها بقى يقول يا سلام عالحنيه يا سلام عالإنسانيه
.
.
أفريقيا : أه تقصد
يعني زي الشيخ الفاسد بتاع فيلم الزوجه التانيه المصري ؟
أمريكا : بالظبط
ماي بيبي , إكساكتلي .
.........................................................................................................................
Mohamed
Hussein
27
يوليو 2015·
حملة : فكرهم و
نكد عليهم
.
الخرفان اللي عمالين
يشوهو في أهمية قناة السويس الجديده و مدى جدواها هما نفسهم الخرفان اللي قالو ان مشروع
بالحجم و الضخامه دي مستحيل يتم في سنه و مستحيل يتم أساسا عشان طبيعة التربه و الخبراء
قالو لا يمكن أبدا , و هما نفسهم الخرفان اللي في يوم من الأيام نشرو صوره لشارع في
كفر صفر تقريبا أو ههيا , حته كده بتاع 300 متر , و قالو انها اترصفت في ظرف كام اسبوع
بس , في عهد البهلول محمد مرسي , و طارو من الفرحه وعملو احتفالات عالفيس بوك بمناسبة
رصف 300 متر في شارع في ههيا ( و بالتأكيد كتبوها في كتاب انجازات الرئيس البهلول
) .
.
#اسمها_فخامة_قناة_السويس_الجديده_يا_بغل
.
.................................................................................................................................
Mohamed
Hussein
27
يوليو 2015·
حكاية فرخ الكربون
.
.
ننتهى بس على خير
من حفل افتتاح القناه الجديده , و نفرح و نضحك و نفتخر و بعدها يا ريس نقولك حربك اللي
جايه مع البيروقراطيه ...أنا أصلي عامل لك جدول بقى و لازم تسمع كلامي .
.
مدام سهام و فرخ
الكربون و اتنين موظفين مرتبهم مايقلش عن 60 جنيه مصري , و دمغه ب 45 ساغ , و خد اختم
دي من استاذ عبد الصمد في الدور الرابع و بعدين تطلع بيها على المجلس القومي للأختام
و الدمغات توقعها من مدام انشراح هناك , و هات شهاده من اتنين موظفين انك على قيد الحياه
يوقّع عليها شيخ الحاره و شيخ البلد و شيخ الجامع و أي شيخ يقابلك لازم يوقع .
.
و تييجي بعد 3
أيام تستلم الطلب بتاعك و تروح بيه على وزارة البيروقراطيه في صلاح سالم هتلاقي الحارس
عالبوابه هناك نايم و في سابع نومه أوعى تصحيه , خد الطلب و روح على الهيئه العامه
للتخلف العقلي في لاظوغلي و قول لهم روحت وزارة البيروقراطيه لقيت الحارس نايم و عايز
أقدم طلب إني أفتح البوابه و ادخل من غير مازعج الحارس , هيقولو لك ان الموظف المختص
بالطلبات دي طلع يعزّي في أم الأستاذ فهمي اللي توفت للمره ال 17 خلال سنه , ربنا يديها
الصحه , تاخد الطلب و تطلع على جمصه هتلاقي الموظف المختص و الأستاذ فهمي بيصيف هناك
هو و والدته الله يرحمها و يشفيها , انزل له المايه و خليه يوقع عليه , ماتنساش تاخد
القلم الفرنساوي معاك و اوعى الورقه تتبل منك في المايه و إلا هتضطر تعمل طلب من أول
و جديد .
...........................
...........................
حربك ياريس على
البيروقراطيه ماتقلش أهميه عن حربك ضد الإرهاب , أقولك حاجه , هات ايدك كده , و شبكة
العشره دول , فيه ناس ممكن تتحول لإرهابيين بسبب مدام سهام و مدام انشراح و الست أم
الأستاذ فهمي .
.
و الحكايه أصلها
مش كيميا , كل الحكايه كام جهاز كمبيوتر ممكن تجيبهم من تكنولوجي مول اللي جنب السراج
( الكمبيوتر بسلطاته و بابا غنوجه ب 600 ج ) و كام شاب خريج من اللي هاريين الكي بوردات
بتاعتهم عالفيس , و تطلّع ابله سهام و ابله انشراح و استاذ فهمي و امه معاش و مرتباتهم
شغاله , أهو يبلبطو في جمصه براحتهم بقى .
.
ماهو ياريس أصلك
مش واخد بالك , طول ماحنا منقوعين في برميل البيروقراطيه ده لا هتنفعنا الرافال و لا
قناة السويس الجديده و لا حتى مصباح علاء الدين هيخلينا نتقدم خطوه واحده لقدام .
.......................................................................................................................................
Mohamed
Hussein
27
يوليو 2015·
بتخيل مثلا , لو
الريس عمل تذاكر مخفضه شويه و وافق إن الناس تحضر الإحتفال بتاع افتتاح القناه و أي
حد يقدر يروح , هيلاقي عنده 80 مليون بني أدم مصري , و احنا لو كنا منظمين وعملنا نفسنا
طابور واحد عشان نتجنب الزحمه فالطابور ده هيكون أوله عند السيسي والقناه الجديده و
أخره في الدوحه , أخر واحد في الطابور هيكون واقف ورا المذيع بتاع قناة الجزيره , و
برضه المذيع هيقول إقبال ضعيف جدا من أنصار الإنقلاب على افتتاح قناة السويس الجديده
.
.
ساعتها أخر واحد
ده بقى يقوم رازع المذيع قفا عالهوا مباشرة , و يقول له معاك حق .
.
نفسي أكون أخر
واحد في الطابور .
................................................................................................................................
Mohamed
Hussein
26
يوليو 2015·
بيان بشار الأسد
.................. تمخّض الجملُ فمدحَ إيران و حزب الله !! .
.
يا أخي بلدك بقالها
كام سنه و كل شويه بتفقد جزء من أرضها , زي راقصة الاستربتيز , و لو كانو إيران و حزب
الله يستاهلو قصايد المدح دي كانو نفعوك , ماهي حاجه من اتنين مفيش تفسير تالت , إما
إن إيران و حزب الله هما مجرد قوى هشه وهميه و إما إن دعمهم لك دعم وهمي وبالتالي انت
بتغنى للوهميه دي و بتتغنى بيها .
.
يا عم بشار بلاش
شعارات من بتاعة ( حصة المواطن السوري هي كل الأرض السوريه ) , هييييييح , يا راجل
الناس ورمت و معدشي عندها مراره , ملايين السوريين مهجرين و بيمدو إيديهم في بلاد الله
و انت مش هتبطل ام شعاراتك الفكسانه دي ؟ طب الخليج و هنقول اوكيه كان بيدعم الإرهاب
في سوريا و مسميه ثوره و حقك ماتعولّش عليهم , إنما إنت كده مكتفنا احنا يا مولانا
, بطّل قصايد العشق في نظام الملالي و سيب بس فتحه صغيره تدخل منها مصر ده لو كنت عايز
المواطن السوري يرجع بلده و يلاقي حصه ياكشي مترين في مترين .
.
يا مولانا رغم
اني مش طايقك بس كان نفسي الموقف المصري يدعمك بشكل كامل عشان وحدة سوريا أهم , إنما
انت بعمايلك و خطبك الهباب دي جايز تجبر الناس إنهم يقولو لك : ابقى خلي الملالي ينفعوك
!! .
.
و بعدين ايه حكاية
سوريا لمن يدافع عنها مهما كانت جنسيته دي ؟ أه , أفهم انك بترحب بالوجود الإيراني
أو وجود لحزب الله على أرضك عشان يدافعو عن سوريا و جايز بترحب بالوجود الموزمبيقي
و الجابوني و البرازيلي و المنغولي للدفاع عن سوريا ضد داعش , طالما الجيش و الشعب
السوري و معاهم ايران و حزب الله مش قادرين يا ولداه !! , بس كده سوريا هتتحول لشركة
مالتي ناشونال مش دوله ولا حاجه , تصدق انت طمنتني على سوريا , روح يا شيخ الله يعمر
بيتك .
.
تحيا مصرعم الحاج
ويحيا جيشها وشعبها .
.....................................................................................................................................
Mohamed
Hussein
26
يوليو 2015·
حفل الإفتتاح
.
- من كام شهر كده
أحمد منصور اللي شغال مع الخوا ( الخواجات يعني ) في الجزيره , قال ان معدات الحفر
غرقت في الوحل و الشركات هربت و العمال اختفو من قناة السويس الجديده و تقريبا كده
الدابه و المسيخ الدجال ظهرو في بورسعيد .
.
- أنا بقول يعني
عندي حلم لحفل الإفتتاح لو يقدر السيسي يعمله , احنا نجيب 3 طيارات يعملو عرض عسكري
فوق القناه يوم الإفتتاح و يرمو ورد عالضيوف , طبعا مش اي 3 طيارات , نجيب ال3 عرايس
الرافال .
.
- و نعزم رؤساء
الدول و الحكومات أوكيه بس كمان نوجه دعوات ل 3 أشخاص مهمين جدا و نجيبهم بقى بالزوق
ولا بالعافيه , أولا وجدي غنيم , ماهو ده لازم يحضر , اومال يعني نبقى بنفتح و نفتتح
طشت أمه و( الراجل ) مش موجود ؟ دي حتى تبقى عيبه في حقنا , ثانيا أحمد منصور عشان
يشوف الكراكات و هي غرقانه في الوحل , ثالثا عمر طاهر بصفته مندوب عن الخبراء اللي
قالو 5 سنين , و بالمره يعرف ان لو صافيناز كانت بترقص بعلم مصر فالسيسي بيعمل العلم
ده سجاده و يسجد عليه .
.
- و بعدين نجيب
3 عساكر أمن مركزي , مش هنغلب بالتأكيد , ماهو كل الحاضرين عساكر أمن مركزي كالعاده
, و و نخلي ال 3 عساكر دول يعملو حمام سباحه بالكوريك بتاعهم في ظرف ساعتين زمن , طبعا
عمر طاهر هيقول مستحيل حمام السباحه يتعمل في ساعتين , أقل حاجه 15 سنه الخبراء بتوع
الجزيره بيقولو كده , ماتسمعوش كلامه .
.
- و بعدين نجيب
شوية مايه , مش من القناه طبعا , ماية القناه طاهره و معموله بعرق و فلوس المصريين
اللي بجد , إحنا نلف على قهاوي وسط البلد اللي بيقعد عليها الكولجيه و الفكسجيه و نلم
ماية الشيشه ( الجوزه ) و نجمع من هنا و من هنا لحد ما نملي حمام السباحه ده بماية
الجوزه .
.
- و بعدين ال
3 عساكر يمسكو ال 3 ضيوف إياهم و يغطسوهم في قلب ماية الجوزه غطسين تلاته , و يطلعو
بعد كده و هما مبلولين و ندخلهم عالمطبخ بتاع الحفله , لا مش عشان ياكلو , عشان يغسلو
المواعين .
..................................................................................................................................
Mohamed
Hussein
26
يوليو 2015·
قواعد و بروتوكولات
المفكر المتين و المثقف التنين في مصر
.
1- لازم عنيك تبقى
أد العدسايه و تشوف الدنيا من خرم إبره , و لو واحد قالك افتح كادر عنيك شويه و شوف
الدنيا حواليك و خد الصوره كامله اتهمه على طول انه بيشتغل طبال , طبّااااال , حلو
الكلمه دي لها زبونها اللي بتعجبه و ماتنساش ترجع بضهرك عالكرسي و تنجعص كده و انت
بتقولها .
.
2- استدعي احداث
الماضي و حللها و فلّيها بمقاييس الحاضر و حط عيشه على أم الخير , يعني انتقد وضع الديموقراطيه
في عهد عبد الناصر و تأميم القناه , و قلل من شأن أي حاجه عظيمه حصلت في كتاب التاريخ
بتاع بلدك و مثلا لما تيجي سيرة الأهرامات اللي ابهرت العالم كله قول ان خوفو كان على
علاقه بنفرتيتي في الحرام و إن خفرع كان عميل للسوفيت و منقرع كان شغال في الموساد
الإسرائيلي , معايا المايكروفيلم و البرديات اللي بتثبت كده .
.
3- استخدم مبدأ
الشك في كل نصر حصل لنا بس اوعى تشك في هزيمتنا , يعني ممكن تشك في نصر اكتوبر العظيم
و حتى في معركة حطين و تستدل على كده بكتب امريكان و صهاينه و تقارير للجزيره , أومال
تبقى مثقف ازاي و مفكر و قيادي يعني leader
?.
.
4- لما جيشك ينزّل
بيان عن انتصاره الساحق على الإرهاب في سينا استدعي انت بقى البؤين بتوع 67 و قول ماهما
كانو بيقولو لنا اسقطنا 300 طياره للعدو ؟ حلوين البؤين دول و كأن الخطأ اللي حصل وقتها
لازم نشيله على ضهرنا زي الأتب طول ماحنا ماشيين .
.
5- إبدي اعتراضك
على أي شئ و لو ماعترضتش و اضطريت انك تقبل قول موافق ولكن يساورني القلق , حلوه الجمله
الأخيره دي كمان بتثبت انك مفكر أخر 3 حاجات .
.
6- خليك متشائم
و خلي فكرك انهزامي و دايما استدعي شخصية أمينه رزق و انت بتتكلم عن المستقبل .
7- لما يحصل و
ان وجهة نظرك الحلزونيه تطلع غلط تماما أوعى تعتذر اعتذار صريح , إزاي يا جدع تبقى
مفكر تنين و تعتذر ؟ هو فيه تنين بيعتذر ؟ انت اتهبلت ولا شكلك كده اتهبلت ؟ و لو يعني
حصل و لقيت نفسك مزنوق في الركن و لازم تعتذر خلي اعتذارك ماسخ مالوش طعم , و انت عارف
و انا عارف ان الخبر الفكسان بينتشر زي النار في الهشيم و الإعتذار محدش بيقراه .
.
8- .يعني باختصار
خليك زي بلال فضل و عمر طاهر و الشله دي , اشتغل بقى يا حلو , و ورينا ابداعاتك , سبحان
من أبدعك .
.........................................................................................................................
Mohamed
Hussein
25
يوليو 2015·
عمر طاهر مش عارف
يفرح بقناة السويس الجديده عشان الكهربا قطعت عنده 11 ساعه !! , مع اني في مدينة نصر
الكهربا ماقطعتش من شهور و حتى في بلدنا اللي في أدغال السنبلاوين ماقطعتش , غالبا
كده عمر طاهر ساكن في الصومال , عموما ملحوقه هكلم لك ابويا عبفتاح يحل أزمة الكهربا
في الصومال و ضواحي مقدشيو قبل افتتاح القناه يا عم عمر , و لو تحب ممكن نوصّل الغاز
و العيش المدعم لموريتانيا و بنجلاديش قبل الإحتفال بالمره .
.
إلا صحيح يا مولانا
مش هتعتذر للريس و للرجاله اللي اشتغلت في قناة السويس عن تشبيهاتك القذره و عن هلفطتك
القديمه بتاعة الخبراء قالو 5 سنين دي ؟ و اهو بالمره تقول لنا الخبراء دول قابلتهم
فين غير في شبكة رصد و قناة الجزيره و الشقق المفروشه !! .
.
أقولكش على حاجه
, أنا كنت بحبك و كنت فاكرك واحد مننا و عشان أنا كنت بحبك نويت والنيه لله أجيبك تحت
المخرطه
.................................................................................................................................
Mohamed Hussein
25
يوليو 2015·
قناة السويس الجديده
و لّا أصحابك القدام ؟!
.
- معلومه عالماشي
, قناة السويس الجديده طولها 35 كيلو ( أد المسافه من القاهره ل بنها ) , و متصله بالقناه
القديمه ب 4 فتحات , هتوفر أكتر من مليون فرصه عمل و هنستصلح 4 ميلون فدان حواليها
, التكلفه 60 مليار جنيه بتمويل مصري كامل و انتهى العمل منها في أقل من عام واحد فقط
, النهارده تم بنجاح تجربه مرور السفن العملاقه فيها , و الإفتتاح بإذن الله يوم 6
أغسطس بحضور وفود من أغلب دول العالم .
.
من كام شهر واحد
صاحبي مش اخوان بس بيحترمهم قال : مصيبه سوده , الحقو يا ناس , شير بعنف , فيه تسريب
مايه من فتحه كده في القناه الجديده يعني القناه مخرومه و لا مؤاخذه ( نقلا عن شبكة
رصد و جرايد الجماعه الإرهابيه ) , يوميها قلت له ( و هو مهندس على فكره ) : يعني مشروع
اتكلف 60 مليار جنيه مفهوش جوز مهندسين يعرفو يحلو المشكله دي إن وجدت ؟ و عملت له
بلوك بعدها .
.
واحد صاحبي تاني
مش إخوان بس بيحترمهم برضه هاج و ماج على صفحته و لمّ عليه المقاطيع و الصيع و العواطليه
و تعالو اقرو تقرير الأستاذ الدكتور المهندس المستشار اللوا فلان الفلاني أستاذ المسطحات
المائيه و القنوات المراريه في جامعة ماعرفشي إيه في موزمبيق و الي قال ان حفر قناة
السويس الجديده هيتسبب في كارثه تشيب من هولها الوادان و احتمال كبير يأثرعلى مناخير
أبو الهول و ثقب الأوزون و لازم اللي حفرناه نردمه فورا وإلا السلعوه هتطلع لنا من
غيط الدره ( نقلا عن شبكة رصد و صفحات الإخوان ) .... يومها عملت له بلوك برضه .
.
واحد صاحبي تالت
بس ده إخوان بقى قال حاجتين في نفس واحد , قال ان المشروع ده فاشل بالثُلث و إن السيسي
سارقه من البهلول محمد مرسي !! , يعني مشروع فاشل و عظيم في نفس الوقت ....برضه عملت
له بلوك .
.
أنا بفكر من باب
فعل الخيرو استجابه لإعلان فودافون بتاع رمضان , فكرت في التواصل مع الأصدقاء القدامى
اللي عملت لهم بلوك و قلت هشيل عنهم البلوك يوم 6 أغسطس عشان أشوف ليتهم و هي بتشيط
و بعدين أنادي على أي عيل صغير ماشي في الشارع و أخليه يعمل بيبي عليهم , و بعدين أعمل
لهم بلوك تاني ........................ماهو كله بقى إلا صاحبك القديم و لازم يعني
تكرمه ...
..........................................................................................................................
Mohamed
Hussein
25
يوليو 2015·
عاجل : في افتتاح
تجريبي للقناه , 3 سفن عملاقه تعبر وسط حراسه مشدده في طشت أم وجدي غنيم , و قائد السفينه
الأولى يوجه نداء في مكبرات الصوت للست أم وجدي :
.
القائد : و النبي
يا حاجه الله يسترك , شيلي الناموسيه اللي في الغسيل دي عشان نعرف نعدّي .
الحاجه أم وجدي
: ناموسية ايه يا كفره يا عبيد الإنقلاب ؟ انتو اتعميتو في نظركو كمان ؟ ده لباس الحاج
.
.................................................................................................................................
Mohamed
Hussein
25
يوليو 2015·
هارفارد هارفارد
يا يهود
.
.
خناقه لرب السما
بين الإخوان و السلفيين بسبب منحة جامعة هارفارد لنادر بكار , الإخوان بيقولو الواد
ده خاين و جايب مقبول في الشهاده و السلفيين قالو فشر ده واد متفوق و ننوس عين أمه
و جايب جيد !! .
.
هل تعلم صديقي
الإخوانجي والسلفنجي إن مصر فيها 56734576 خريج من كلية التجاره بتقدير عام جيد فما
فوق ؟! أغلبهم عاطل عن العمل أو يعمل في غير تخصصه , ماهو دول أصلهم ولاد البطه السوده
, لا عندهم دقن ولا خونه ولاد كلب , و انا شخصيا مش شايف أي فرق بين السلفنجي الخاين
و الإخوانجي الخاين و الثورنجي الخاين .
.
يعني أمريكا و
بريطانيا يبقو ملاذ لقيادات الإخوان الهاربين ( الخونه ) , قياداتهم يفتحو قنوات في
تركيا عشان يحرقو مصر ( خونه ) , يوسف القرضاوي يجيله اسهال فتاوي ضد جيش مصر من قلب
قطر و من قاعدة السيليه ذات نفسها ( خاين ) , نادر بكار ياخد منحه من هارفارد ( ده
يبقى خاين نونو على أده ) .
.
إنما سيبك من خيانة
السلفيين أصلها حاجه مفروع منها , و معروف من سنين طويله إن السلفنجي بياكل على كل
الموائد , يعني ياكل في السعوديه كبسه و حنيذ و يقول دام عزك يا طويل العمر , او ياكل
في أمريكا هوت دوج و يقول ثانك يو سير , الأهم و اللي يارب الناس تفهمه ياررررررررررررب
, إن الأسماء الرنانه زي جامعه هارفارد و زي مركز كارتر و زي الواشنطن بوست و السي
إن إن و محكمة الجنايات الدوليه و جايزة نوبل , الأسماء اللي بتجري لعباكو دي وقت الجد
ماهي إلا أداه حقيره من أدوات المخابرات الأمريكيه ....يارب تصدقو إن أكبر فطشه عيّشنا
فيها الأمريكان هي دي ( المصداقيه , الحريه , التقرير , الجايزه , المجتمع الدولي
, المنظمات , الجامعات العريقه , الإعلام اللامؤاخذه المهني المحايد ) .
......................................................................................................................................
Mohamed
Hussein
24
يوليو 2015·
في تركيا .
.
اعتقال 250 مواطن
تركي من الشباب الطاهرالنقي و حجب مواقع التواصل الإجتماعي عندهم بقى اسهل من انك تقفل
حنفية المطبخ أو باب التلاجه , و أردوغان دخل بقواته جوه قلب سوريا و بقى رايح جاي
رايح جاي كأنه سواق ميكروباص على خط أنقره دمشق .
.
هما الفكسجيه بتوعنا
مش هيطلعو بخطاب حنجوري عن احترام حقوق الإنسان و احترام سيادة الدول و سيادة القانون
ولا انتو ايه رأي سيادتكو ؟! .
.
بس أنا عارف الفكسجي
بيفكر ازاي , أول ما يشوف أردوغان بيعمل المهازل دي دمه هيفور و على طول هيقوم طايح
في جمال عبد الناصر !! .
.................................................................................................................................
Mohamed
Hussein
24
يوليو 2015·
أعلنت هيئة قناة
السويس أن الفرقاطه الحربيه ( فريم ) و التي انضمت مؤخرا الى أسطول البحريه المصري
( أكبر أسطول بحري في الشرق الأوسط وأفريقيا ) سوف تبحر يوم 6 أغسطس في طشت أم وجدي
غنيم .
.............................................................................................................................
Mohamed
Hussein
24
يوليو 2015·
حكاية حفيد
.
البرنس ابن الباشا
: بدريه , إنتي يا زفت يا بدريه , بنادي عليكي مابترديش ليه ؟
بدريه الشغاله
: أيوه يا سيدي , جيت أهو يا سيدي .
البرنس : اعملي
لي فنجان قهوه و هاتيه أوضتي و تعالي عشان عايزك .
بدريه : عايزني
في ايه يا سيدي ؟
البرنس : أصلي
مش جاي لي نوم , و على فكره قولي لسلامه جوزك اللي شغال عندنا في الوسيه اني هكلم الباشا
يزوّد له أجرته .
..........................
بدريه فهمت اللي
عايزه البرنس و هربت من البيت , و خدت سلامه جوزها ( اللي شغال بالسخره ) و عيالها
على كتفها و هجو لأخر الدنيا , كانو بياكلو قش و ينامو على فرن الخبيز .
.
بعد كده قامت ثورة
23 يوليو , و بدريه و سلامه ربنا كرمهم بحتة أرض في الإصلاح الزراعي تسترهم هما و عيالهم
.
.
و بعد 63 سنه كان
ربنا رزق سلامه و بدريه بحفيد اسمه فادي , فادي كبر و دخل الجامعه و بقى عنده تابليت
, و في ذكرى 23 يوليو دخل فادي على حسابه عالفيس بوك و لعن ثورة 23 يوليو , و قال فيها
ايه يعني لما جدتي بدريه كانت تروح للبرنس أوضته لحد ما يجيله نوم ؟ ماهو في المقابل
أجرة جدي سلامه كانت هتزيد , ومش بعيد لو كان البرنس اتبسط من جدتي بدريه كان اداها
حته أرض كبيره أو شوية دهب حلوين و كان زمانا عايشين دلوأتي في خير الملكيه ونعيم الباشا
....#متعاطف_مع_البرنس_والملك_ضد_انقلاب_عبد_الناصر
.................................................................................................................................
Mohamed
Hussein
24
يوليو 2015
·
أعلنت هيئة قناة
السويس أنه سيتم اطلاق أبواق السفن في موانئ العالم احتفالا بافتتاح قناة السويس الجديده
.
.
و بكره وجدي غنيم
يقولك إن صوت شخيرأبويا وهو نايم أقوى من أبواق السفن دي .
............................................................................................................................
Mohamed
Hussein
24
يوليو 2015·
مين اللي قال ان
ثورة 25 يناير مانجحتش ؟
.
مش انت غميت عنيك
و بقيت بتقول على قناة السويس الجديده اللي اتكلفت عشرات المليارات و اشتغل فيها عشرات
الألاف من البشر هي ترعه أو طشت نحاس على رأي وجد غنيم ؟ .
.
مش انت غميت عنيك
و بقيت شايف ان السيسي عميل للصهاينه و ان الحركات الفلسطينيه هتحرر القدس و عدوها
اسرائيل و مالهاش علاقه بدم جنودنا و إن الإخوان مش بتوع عنف .
.
مش انت بقيت شايف
ان عبد الناصر ده كان فاشل و الملك كان عظيم و لولا عبد الناصر كان زمانا بنحكم تلتين
العالم لولاش الحظ و الظروف بس ؟
.
مش انت بقيت شايف
ان بيانات الجيش المصري كلها غلط و الجزيره صح هي و مركز كارتر ؟ و بقيت بتصدق أي حاجه
من أي حد في أي حته إلا جيش بلدك ؟ .
.
مش انت بقيت بتقول
ان الجيش بيقتل المدنيين و بيتقل عساكره عشان يعمل فزاعه ؟ .
.
مش انت بقيت شايف
ان مفيش حاجه اسمها كبير ولا حاجه اسمها زعيم و بقيت بتحلل و تفند ل 50 سنه و 5 الاف
سنه فاتو ؟ .
.
مش انت بقيت شايف
ان الديموقراطيه دي لازم تتحقق زي أوروبا بالملي و السم حتى لو على حساب خراب بلادنا
و تقسيمها و حرقها ؟ .
.
مش انت حرقت كتب
التاريخ و بدل ما تعدّلها ألّفت لك كتب جديده على مزاجك أو بمعى أصح على مزاجهم ؟
.
مش انت بقيت شايف
ان عدد صوابع ايديك 4 و احيانا 6 و بقيت بتشك في كل حاجه و كل حد ؟.
..............................
.............................
طيب , أومال ايه
بقى ؟ ماهو كده تبقى الثوره نجحت بامتياز و حققت أهدافها , يا بني احنا ماحطيناش أهداف
للثوره ولا عملنا ثوره اساسا , احنا اتحط لنا اهداف و اتعمل بينا ثوره , و اللي حط
و اللي عمل مكانشي يحلم إننا نوصل لأكتر من كده , الشك في كل شئ حتى صوابع ايديك ,
تحطيم الثوابت و اعتبارها تماثيل ( أصنام ) , تكسير القيود مش عشان تبقى حر و تمارس
حريتك , لأ , عشان تبقى طور هايج و تنطح في كل حد حتى في جدران البيت و تهدها .
..........................
.........................
و دلوأتي أقدر
أقولك حمد الله على السلامه , احنا كده وصلنا , وعقلك بقى اخطر على بلدك من قنبله ذريه
في إيد عدوك
...................................................................................................................................
.