Mohamed
Hussein
24
يونيو 2015·
عبد الفتاح السيسي
.
(( ووجه حديثه
للحاضرين وجميع المصريين، قائلا: "اتفقوا.. أنا مليش مصلحة فى حاجة غير مصر، مصلحتى
إن البلد تقوم وتكبر لأولادنا وأحفادنا.. لازم البرلمان اللى جاى يكون مختار بمنتهى
التجرد والوعى، لأن مصر اللى هتدفع التمن !! )) .
................................
................................
الكلام ده موجه
للأحزاب اللي بتدخل التحالف الصبح من باب واسع و تهرب منه اخر النهارمن سلم الخدامين
, عشان لقيو نفسهم مختلفين في لون الكرافته و ربطتها .
.
و موجه كمان لحزب
الدستور و التيار الشعبي و الأحزاب اللي شعارها ( خُلقنا للننسحب ) , عشان انسحابك
معناه باختصار انك تسلم مصر تسليم أهالي ( عالمفتاح يعني ) للسلفيين بتوع بول الإبل
و جواز القاصرات و الحيض و البيض .
.
دي كراسي ولازم
تتملي يا مولانا , لو حضرتك مش موجود هيملاها غيرك , ماتبقاش تولول ساعتها بقى .
.
شابو يا ريس ,
........... لقد أسمعت لو ناديت حيا و لكن لا حياة لمن تنادي .
.......................................................................................................................................
Mohamed
Hussein
24
يونيو 2015·
زوجاتنا و أمهاتنا
و خواتنا البنات بيتعبو أوي في المطبخ في رمضان , مش كفايه نصور تعبهم ده بكلمتين حلوين
عالفيس و يبقى كلام جرايد , لازم احساسنا بيهم يتترجم لمواقف .
.
يعني مثلا مايجراش
حاجه لما نخصص يوم في رمضان كل سنه و ندخل احنا المطبخ مكانهم في الحر ده , نطبخ و
نجهز الفطار , مش مهم يطلع الأكل طعمه حلو أو شكله حلو , المقصود هو المعنى و الرمز
.
و ياريت اليوم
ده يبقى كارنافال سنوي في يوم محدد , بقترح يكون يوم 37 رمضان من كل عام …
.......................................................................................................................................
Mohamed
Hussein
24
يونيو 2015·
المرجيحه
............. مبادئ في علم الهريولوجي .
.
1- القاضي حكم
على اسلام بحيري بالإعدام و الأشغال الشاقه المؤبده و غرامه دشيليون جنيه
!!.................بس يبقى القضاء مسيس و الدوله بتحارب التجديد عشان ترضي السلفيين
و تسيبهم يركبونا زي ما الإخوان ركبونا و بكره يخلو أمك تلبس نقاب .
.
2- القاضي حكم
على اسلام بحيري بالبراءه و اداله وسام الجمهوريه !! ................ بس يبقى القضاء
مسيس و الدوله عايز تقول لأمريكا ان توجهاتها علمانيه و بكره يخلو أمك تقلع الحجاب
.
.
3- القاضي ماحكمشي
على اسلام بحيري بحاجه !! ............. بس يبقى القضاء مسيس و الدوله مرتبكه و مرتعشه
و مش عارفه تتعامل مع اسلام البحيري ازاي و محتاره تلبس امك النقاب ولا تقلعها الحجاب
...نظام مهترئ و ضعيف , يسكت يسكت حكم العسكي .
..........................................................................................................................
Mohamed
Hussein
24
يونيو 2015·
خناقات مصريه
... كوميديا الحاره
.
امبارح قبل الفجر
بربع ساعه سمعت صوت الناس بيتخانقو ورا المخبز اللي قدام البيت ( في قهوه كبيره )
, بتاع 35 صوت بيزعقو , شويه و الخناقه طلعت للنور يعني قدامي في الشارع , صوت عالي
و ناس كتير اوي و الحمد لله ( أرى صوتا و لا أرى طحين ) .
الإتنين اللي بيتخانقو
و لمو عليهم الناس واحد فيهم راح استخبى في المخبز أو استجار بيه , و التاني راسه و
الف سيف يروح يجيبه من جوه , عمال المخبز اول ما حسو ان الواد جاي قامو جابو المقشات
و المساحات كلها و رفعوها , المشهد ده كوميدي فطسني من الضحك و انا واقف بتفرج في البلكونه
, شكلهم كان عامل زي رامي قشوع في فيلم بطل من ورق لما حبس المخبر جوه و وقف عالباب
رافع المقشه .
.
اهي الخناقات بالشكل
ده ماشي مقبوله , نطلع الكبت اللي جوانا كل فتره , بس من غير سلاح ناري ولا حتى سكينه
, و أخرنا نرفع المقشات و تبقى اسمها ( حرب المقشات ) , و في الأخر واحد في الاتنين
بيروح يصالح التاني و يبوس راسه ( القوى غالبا هو اللي بيعمل كده ) .
..................................................................................................................................
Mohamed
Hussein
23
يونيو 2015·
ههههههههههههههههه
الزمالك يفضل يهبل و يهرتل 10 دقايق و بعدين يمسك المقاولين من ياقة قميصه و يقوله
تعالى ياض , انت بتلاعب الزمالك ياض , اخشع ياض , انا مين ياض ؟
.......................................................................................................................................
Mohamed
Hussein
23
يونيو 2015·
رامز واكل الجو
.
( تسويق ) للسياحه
الإماراتيه , و ( تسويئ ) للفن و الإبداع المصري .
.
لو كنت قاضي مصري
كنت سجنت رامز جلال و كل فريق العمل بتهمة الهيافه و السخافه و الإبتذال ...و كنت كتبت
في نهاية حيثيات الحكم ( يا ولاد الصرمه , المشرحه مش ناقصه قُتله ) .
.......................................................................................................................................
Mohamed
Hussein
23
يونيو 2015·
محتاجين نفهم
.
ممكن لأ , مش مهم
نفهم , ممكن نبص للسقف و نبحلق فيه زي اللي راكب ميكروباص و لقى واحد صاحبه راكب فعمل
انه بيتأمل في فرش السقف بتاع الميكروباص عشان مايدفعشي له الأجره .
و ممكن نسـأل و
نحاول نفهم و ده حقنا ............. سلبيتك لا تفيد .
.
1- أحمد منصور
كلب الجزيره اتوقف في مطار برلين كويس ؟ كويس
2- و قالو الموضوع
له علاقه بمذكرة اعتقال مصريه و قالو لأ دول هيحققو معاه عشان قابل زعيم داعش و عايزين
يعرفو مكانه .
3- قرينا أخبار
عن مساعي من الخارجيه و الداخليه و النائب العام لتوثيق ملف احمد منصور في المانيا
عشان يحبسوه و نستلمه ( الكلام فيه فيدو تعذيب محامي ) .
4- السلطات الألمانيه
افرجت عن احمد منصور و طلع بعدها يهبهب و يسب في السيسي و طبعا الجزيره هتعمل حفله
علينا , حضرتك متخيل يعني ايه عصابه زي الإخوان و بيت دعاره زي الجزيره يلاقو فرصه
يحسو فيها بنشوة الانتصار على دوله بحجم مصر ؟! .
.
طب محتاجين نفهم
بقى , معالي وزير الخارجيه , معالي السيد اللواء بسم الله الرحمن الرحيم وزير الداخليه
( أو ما ينوب عنه عادي يعني ) , هو ايه اللي حصل ؟ الإعتقال كان له علاقه بالمذكره
و انتو فشلتو مع السلطات الألمانيه ؟ مش عيب تقولو فشلنا و تعتذرو( الكلام لوزير الخارجيه
) , ولا الإعتقال كان له علاقه بزعيم داعش أومال ليه حسستونا انه بسبب المذكره ؟!
, ألمانيا مش بتبيع سبح انا عارف و جايز افرجت عنه بصفقه , بس انتو اكيد كنتو عارفين
انها مش بتبيع سبح ولا انضحك عليكو و تبقى ألمانيا هي المستريح و انتو الناس اللي استثمرت
فلوسها عنده ؟! .
.
و احمد منصور ده
اللي اتحول فجأه لبطل من ورق و عامل علينا حفله , مين اللي المفروض يدفع و يحاسب عالمشاريب
دي ؟ الكلام طبعا لوزير الخارجيه يا سيادة اللوا حضرتك خليك مستريح و الله مانت قايم
من مكانك , لا توضيح ايه يا فندم , الموضوع مش مستاهل , هو وزير الخارجيه هيقول اهو
, اتفضل قول بقى يا وزير الخارجيه .
.....................................................................................................................................
Mohamed
Hussein
22
يونيو 2015·
لوجي بنتي جمّعت
في العيد اللي فات 1200 جنيه , صرفت منهم 400 و بقى معاها 800 , قمت انا اتزنقت في
يوم كده ( كل الناس بتتزنق عادي ) و فتحت الحصاله بتاعتها و خدت ال 800 و قلت لها بعد
كده .
و عشان لوجي بنت
كيوت اوي و متعلقه بيا و بتحبني موت خدت الموضوع ببساطه , كل الحكايه انها بس كل يوم
بتقولي هات ال 800 ج اللي عليك , و راحت لحماتي قالت لها بابا خلاني نايمه و خد مني
800 ج و راحت لامي قالت لها ابنك خد مني 800 جنيه من شهور و لسه مارجعهمش ( أمي عشان
بتحبني أوي هي كمان قالت للوجي : ده لا ابني ولا اعرفه ) , و اكيد لوجي تكون حكت لصاحباتها
في المدرسه و للمدرسات المزز بتوعها , يعني البنت ماعتبرتنيش من متعثري السداد ( زي
نواب القروض ) .
.
عموما يا لوجي
انا كنت خايف على مصلحتك , مش احسن ما كنت اسيب لك الفلوس و تنحرفي و تشربي باربيكان
؟ و عشان تتأكدي اني خايف على مصلحتك هقولك حاجه كمان , إنتي بإذن الله في العيد الجاي
بعد اسبوعين تلاته هتجمعي كمان 1000 هاخدهم منك برضه و احطهم عال 800 و استثمرهم ليكي
زي عمو الريان و عمو المستريح .
.......................................................................................................................................
Mohamed
Hussein
21
يونيو 2015·
فِستك فِستك
.
- من فتره كان
بعض الأقباط بيشنو هجوم شرس على البابا تواضروس ( بعد حكاية العيله اللي اتهجرت من
قريتها ) , مع ان البابا مش جهه تنفيذيه على حد علمي .
و كل شويه بلاقي
ناس منتمين للأزهر بيحلو لهم الهجوم على شيخه المبجل أحمد الطيب .
.
- في الحقيقه لو
كان تدينك بيعني انك تمشي ورا ياسر برهامي و تغمي عنيك يبقى تدينك ده ( فِستك ) و لو
كنت مثقف أوي وفاهم ان التجديد بيعني الهجوم على قامات زي قامة تواضروس و الطيب ( اللي
بياخدو مكانتهم من مكانة المؤسسه اللي بيقودوها ) يبقى برضه ثقافتك فِستك .
.
- يا مولانا اللي
مايشوفشي من الغربال يبقى اعمى , و انا بشوف من الغربال , و فيه مشهد قدام عيني مش
عارف انساه , مشهد الخلاص , أحمد الطيب و البابا و وسطهم عبد الفتاح السيسي يوم 3 يوليو
على ما أذكر , المشهد ده له ترجمه بسيطه خالص , بتقول عمودين الخيمه و وسطهم فارس
, و هي مصر طول تاريخها كانت كده , عمودين الخيمه و الفارس و شوية أدباء حقيقين على
شوية مبدعين بجد على شوية فن شعبي يعني صوت الشوارع و الحواري و تجاعيد مرسومه رسم
على وش راجل مصري عجوز مابتمنعشي عنه الضحكه و الموّال ...هي دي مصر من ألف سنه و اكتر
.
.
اتمنى تجديد الخطاب
الديني و عندي ملاحظات على مناهج الأزهر و خطباؤه و أكيد الأقباط عندهم ملاحظات على
أداء البابا و معاونيه , بس عمدان الخيمه مش للضرب و التكسير, زراير قميصك افتحها في
مكان تاني لما تكون رجولتك و ثقافتك ناقحه عليك أوي .
...............................................................................................................................
Mohamed
Hussein
21
يونيو 2015·
أحمد منصور يرفض
تسليمه الى مصر و يطلب نقله الى لندن لكونه يحمل الجنسيه البريطانيه !! .
.
كل ولاد الكلب
كده , يملو عقول الشباب بكلام عن الغرب الكافر و الصهيونيه العالميه و ياخدو جنسية
الغرب الكافر ده و يلوذو بيه و يعيشو هناك و يتخنو و يسمنو زي العجول .
.
أنصار الإخوان
و انصار السلفيين , شوية البقر الصغير لسه بيصدقو حكاية الغرب الكافر دي , ولما تزنقهم
في الركن هتلاقي عندهم مبررات إن مولاهم الشيخ أو قياداتهم الربانيه بيعملو كده من
باب إن الحرب خدعه و الضرورات تبيح المحظورات .
.
مصر دي عايشه ببركة
ربنا سبحانه و تعالى و ببركة أهلها الطيبين , عشان ألف بقره صغيره من نوعية انصار الإخوان
و السلفيين و عقولهم دي كفيله انهم يحرقو قاره بحالها و يخربوها مداين .
.
..............
مصر عايشه و عاشت و هتعيش بمعجزه ربانيه , أتحدى أكبر دوله في الكون , أمريكا ولا روسيا
ولا الصين تعرف تعيش سنتين تلاته و في بطنها تنظيم وثني زي بتاع الإخوان أو عقول حساوي
زي عقول السلفيين .
..................................................................................................................................
Mohamed
Hussein
21
يونيو 2015·
انما أحلى حاجه
إن احمد منصور لما اتقبض عليه و بدأ يهلفط و يهرتل في الكلام , مره يقولك السيسي بيتحكم
في ألمانيا و مره يقولك السيسي بيتحكم في الإنتربول و اللي عملته المانيا ده يعتبر
جريمه في حق البشريه و القانون الدولي !! .
يابني انت اخرك
لو نزلت مصر اتنين امناء شرطه يجيبوك من قفاك , انت فاكر نفسك نيلسون مانديلا ؟ .
أهو كل الإخوان
كده بنفس أم العقليه الزرايبي دي , بالظبط زي اللي قال , الإخوانجي يلبس جلابيه بيضا
و بنطلون ترينينج تحتها و شبشب في رجليه و يحلم بأستاذية العالم .
.............................................................................................................................
Mohamed
Hussein
20
يونيو 2015·
و كيل النيابه
و احمد منصور
.
احمد منصور : ممكن
اعرف انتو جايبيني هنا ليه بالظبط و تهمتي ايه ؟
وكيل النيابه
( بيولع سجاره ) : اصبر شويه و خد نفسك , تشرب شاي ولا عصير كابي ؟ .
.
احمد منصور : لا
لا بلاش عصيركابي , ممكن شاي و كوباية مايه عشان ريقي ناشف بس انا عايز اعرف تهمتي
ايه ؟
وكيل النيابه
( بهدوء ) : اصبر شويه .
.
احمد منصور : ياكشي
يكون عشان المحامي اللي اشتركت في تعذيبه ؟
وكيل النيابه
: لأ خالص و اصبر شويه .
.
أحمد منصور : اه
يبقى عشان بقول كلمة انقلاب 75 مره في اليوم .
وكيل النيابه
: لا عادي , قول براحتك .
.
احمد منصور : اه
يبقى عشان بجيب تقارير مفبركه عن مصر و بستضيف شويه ارهابيين و نقعد نسخن في الشباب
عشان يحرقو البلد ؟
وكيل النيابه
: لا خالص , سخن براحتك .
.
احمد منصور : اه
يبقى عشان بسافر كل بلد في العالم عشان اشوه اسم مصر والحكومه المصريه و باخد من الأمير
تميم فلوس اد مرتب 1200 عالم مصري عشان اعمل الحكايه دي .
وكيل النيابه
: لا لا اطلاقا , براحتك يا حماده .
.
احمد منصور : يبقى
عشان تزييف الحقايق و محاولة تلميع الإخوان في الخارج و تصويرهم على انهم ناس اتقياء
بتوع ربنا و تصوير الوضع في مصر على انه كارثي و السيسي على انه سفاح
وكيل النيابه
: لأ صور براحتك , و لو تحب نجيب لك الكاميرا على حسابنا .
.
أحمد منصور ( منفعل
) : اومال لو مش هتحاكموني عالتهم دي جايبني هنا ليه ؟ و ماتقوليش اصبر شويه .
وكيل النيابه
: ولا حاجه يا سيدي , لنا مزاج نجيبك هنا و نعلقك من حواجبك , مش انت بتقول دوله فاشيه
و ديكتاتوريه ( ثواني , قولتها بالظبط 56734 مره في السنتين اللي فاتو ) , أدينا يا
سيدي بنحاول نتعمل الفاشيه بحق ربنا ....يا فرج يا فرج...... انت يا فرج .
.................................................................................................................................
Mohamed
Hussein
20
يونيو 2015·
بعد ( فشل ) زيارة
السيسي لألمانيا بحسب رأي الجزيره و شبكة رصد , السلطات الألمانيه توقف أحمد منصور
كلب الجزيره بناء على مذكرة توقيف مصريه .
الفشل حلو مفيش
كلام , تعالى لبابا بقى يا حماده , بس المره دي مش انت اللي هتلعب حواجبك , فرج موجود
و حواجبه اولى , قولي بقى : تختار الموف و لا الإسود ولا الفستان البامبي ؟ , عشان
تعرف اننا دولة ديموقرطيه , و الكلب حتى الكلب بندي له حق الإختيار .
..................................................................................................................................
Mohamed
Hussein
20
يونيو 2015·
عادي عادي
.
ندى اللي انتحرت
طلعت مانتحرتش وماسمهاش ندى اساسا , و اسمها ايه اللي اعتقلوها في نصاص الليالي كانت
بتهزر و محدش اعتقلها , ياخويا كانت بتهزر , يعني بلاش تهزر ؟ و خميس اللي اتقتل في
رابعه طالع يعمل برنامج من تركيا ( ذكريات المرحوم عن فض اعتصام رابعه المشئوم )
!! .
.
المهم انت عشان
تبقى واد ثورجي و تسمي نفسك جيفارا ماتنساش تقول الجملتين دول : عندنا مجتمع مدني زي
الفل ( أه و النعمه حتى اسأل ابو الفتوح و علاء الأسواني ) , حاجه كده نفخر بيها و
نتفشخر , و الإخوان بتوع ربنا , و عهد الله بتوع ربنا هههههههههههههههه أه وربنا ,
حاجه تالته كمان عشان تأكد انك من الناس اللي التحرير خد من جتتها راقات , لازم تقول
ان المسيحيين مخبيين اسلحه و صواريخ باتريوت و طيارات إف 16 في الكنيسه حتى اسأل سليم
العوا , و ده اسمه ايه بقى يا عم جيفارا ؟ أيوه اسم الله عليك , اسمه فقيه دستوري و
روح ياض يا فقيه دستوري تعالى ياض يا فقيه دستوري .
.
طب بالذمه كده
ناقصنا ايه ؟ عندنا الإخوان و المجتمع المدني و الفقيه الدستوري , يبقى الثوره لازم
تحكم , و عشان نبقى في الضمان ممكن نخليها تحكم الساعتين اللي بعد الفجر , مابيبقاش
فيهم شعب ولا مصالح , مرضي كده يا عم جيفارا ؟.
..................................................................................................................................
Mohamed
Hussein
19
يونيو 2015·
فاطمه ناعوت
.... البانجو اللي فتّح في مزارع مصر .
.
و أكدت الكاتبه
و الشاعره فاطمه ناعوت على رفضها لفكرة ذبح الأضاحي قائلة : أنا كان ممكن أطلع خروف
أو جمل !! .
.
ههههههههههههههههههه
يا لهوي عالضحك يا جدعان , و ليه كان ممكن ؟ من غير كان ممكن و لا حاجه , انتي كده
فله , طب ما ترفضي أكل البيض كمان , مانتي كان ممكن تطلعي فرخه , يعني ترضي تبقى فرخه
و العالم الأشرار ياكلو عيالك ضناكي ؟! .
.
و على فكره , انا
كمان كان ممكن أطلع قلم جاف فرنساوي أو كي بورد بسلك , عشان كده أنا هتبني حمله أرفض
فيها الكتابه , أيوه مش هسمح لحد يمسكني كده و يكتب بيا أو يقعد يتكتك على زرايري و
يجيب لي صداع .
.
و كان ممكن أطلع
حجر معسل و دماغي تسخن و تورم من كتر العيال اللي بيشربو حشيش ..... المجد لمثقفين
ساقية الصاوي بتوع الثقافه اللي من الشمخ الجواني .
.................................................................................................................................
Mohamed
Hussein
19
يونيو 2015·
فطرنا بقى ومن
حقنا نقل أدبنا عادي , كله بما يرضي الله .
.
نبدأ بمين بمين
ياربي نبدأ بمين ؟ أه عبد المنعم أبو الفتوح , يااااااااااه عبد المنعم ابو الفتوح
, الإسم ده مش غريب عليا , بيقترح حل للمشكله , و انا مش شايف ان فيه مشكله بس هو لازم
يقترح حل و خلاص ( مع ان مفيش مشكله ) .
.
و حل ابو الفتوح
للمشكله اللي مش موجوده بيقول باختصار , احنا نعمل انتخابات رئاسيه مبكره و حكومه ائتلافيه
و نلغي أحكام الإعدام لمدة سنه !! .
.
كده يبقى من حقي
أقل أدبي أه و الله , نعمل انتخابات رئاسيه مبكره و طبعا بشرط ان السيسي مايترشحش فيها
ماهو لو اترشح هيفوز باكتساح , عبد المنعم عارف كده و متأكد و ابو الفتوح كمان عارف
.و نلغي احكام الإعدام لمدة سنه عشان قيادات الإرهابيه مايتعدموش انما لو كان حكم الإعدام
طال مبارك كنا نقول يتعدم يا باشا , أصلنا ولا مؤاخذه بندور على دولة القانون , محدش
شاف دولة القانون بتاعة ابو الفتوح يا خوانا ؟ أصلها نزلت من صباحية ربنا لابسه مايكرو
جيب عاللحم و بودي مفتوح من على صدرها , أه تلاقي أمن الدوله خطفها و هي بتصلي يا سعادة
البيه !! .
.
تقول الأسطوره
إن أبو الفتوح مش اخوان ده ثورجي إنما عبد المنعم اخوان و ضد الثوره حتى اسألو بلال
فضل و يسري فوده , كل سنه و انتو طيبين , افطرو فطار حلو بقى بألف هنا و شفا , مطرح
ما يسري فوده .
.
في عالم أخر موازي
و في وسط مثقفين حقيقيين و ثورجيه بحق ربنا كان المفروض ابو الفتوح يشتغل ماسح أحذيه
مش زعيم سياسي , إنما نقول ايه و احنا في دولة الأشباه و الأشباح , أشباه مثقفين و
أشباح ثورجيه .
.......................................................................................................................................
Mohamed
Hussein
19
يونيو 2015·
صومو زي لمار
.
لمار بنتي عمرها
5 سنين و قررت انها تصوم السنادي زي لوجي اختها , يا بابا انا هصوم عشان انا كبرت مش
لسه طفله صغيره .
.
لمار بتصحى من
النوم الساعه 2 الضهر تقول لمامتها اعملي لي ساندوتش جبنه و كوباية شاي بلبن عشان افطر
و بعدين اصوم بقى , و بعد ما تاكل الساندوتش و تشرب الشاي تبدأ تصوم فعلا , بعد ساعه
كمان لمار تقول يا ماما هو ينفع أشرب مايه بس و أكمل صيامي ؟ ماما تقول لها ينفع طبعا
.
و تفضل لمار على
كده لحد الساعه 6 , يعني صايمه بس مفيش مانع من قطمة ساندوتش أو بؤ مايه , و لما لوجي
تقول لها باقي عالمغرب ساعه بس تقوم لمار تمتنع تماماً و نوهائيا عن الأكل و الشرب
لحد ما المغرب يأدن .
.
اسلامنا سهل و
جميل أهو بس ياكشي المشايخ هما اللي بيعقدو الدنيا , ماله صيام لمار و النبي ؟
...................................................................................................................................
