Mohamed
Hussein
25 أكتوبر
2018•
أصدقائي الغاليين
جدا ...رجاء محبه
.
- أستاذ فلان الفلاني
موبايله في إيده على طول , كان ماشي بالموتوسكل و ركن تحت شجره عشان يعمل ببي , شاف
طائر السمّان عايم في الترعه , قام مشغل فيديو بث مباشر على طول , لأن الحدث مهم و
تاريخي يافندم .
.
- أستاذه فلانه
الفلانيه حضرت حفلة طهور ابن أخو بنت خالة العمده و كان فيها جاتوه و ساندوتشات بولوبيف
قامت مسكت موبايلها و صورت فيديو بث مباشر عشان برضه الحدث مهم جدا و تاريخي .
.
- علان العلّاني
, قصدي علّان بيه العلاني , كان سايق عربيته في طريق الساحل و شاف منظر التراب و شوية
تراب جم على ازاز عربيته فطبعا ده حدث مايتفوتش ولازم يتصور فيديو بث مباشر .
.
- مدام ترتانه
الترتانيه عايزه تقول رأيها في الاسباب و الحيثيات و الأليات الواضحه و الراسخه كرسوخ
الجبال عندما يتمدد الوعي اللاشعوري في أفق الدجى و بالمره نشوف التاتو الفراشه اللي
على كتفها , قامت عملت فيديو بث مباشر .
.
- الحاجه أبصر
ايه طبخت صينية بطاطس باللحمه و شافت ان شكلها يجنن بعد ما استوت فقالت تعزم علينا
بفيديو بث مباشر .
.
- الحاج زلبان
الزلباني ملقاش حاجه يعملها قام مصور فيديو بث مباشر يقول فيه إنه مش لاقي حاجه يعملها
, طبعا ده برضه حدث مهم للغايه .
......................
لكل أصدقائي الغاليين
- لو عندك
5000 صديق فيهم 100 بس من هواة ( فيديو بث مباشر ) , و كل واحد بيعمل كده 5 مرات يوميا
ف ده معناه 500 إشعار بيجولي في الإشعارات يوميا .
.
- الحدث اللي بتصوره
فيديو بث مباشر هو بالتأكيد مهم جدا و شديد الأهميه و الخطوره و أهم من انهيار الاتحاد
السوفيتي و اتساع ثقب الأوزون , بس أهميته دي بالتأكيد بتخص حضرتك فقط دون غيرك من
البشر .
.
- انا مش بفهم
اوي في أدوات الفيس بوك إنما أعتقد إنه ممكن يكون فيه اختيار اسمه بث فيديو مباشر لكل
الأصدقاء ماعدا فلان , ياريت تحطوني في خانة ال ( ما عدا ) , خلّوها كده , لكل الأصدقاء
ما عدا العاق محمد حسين , طبعا مع كل و كامل احترامي لأهمية الحدث اللي بتصوروه و لجمال
صينية البطاطس , تسلم إيديكي مقدما يا مدام .
...............................................................................................................
Mohamed
Hussein
25 أكتوبر
2018•
قناة الجزيره عامله
موضوع حول : كيف تتجنب التضليل الإعلامي ؟! .
.
وبس يا سيدي ,
إبليس الرجيم فرش حصيره كبيره أوي و جمع عياله الأبالسه الصغيرين و الناشئين و الأشبال
و شغّل لهم تليفزيون 50 بوصه على قناة الخنزيره و موضوعها ( كيف تتجنب التضليل الإعلامي
) و جاب لكل واحد فيهم سيجارة حشيش و ازازتين بيره مشبرين و قعد على كرسي جنب شاشة
التليفزيون و شاور عالشاشه بصباعه و قال لهم جمله واحده بس ( اتعلمو تظبيط الشغل بقى
يا ولاد الكلب ) .
......................................................................................................
Mohamed
Hussein
25 أكتوبر
2018•
لما رئيس دوله
يتنازل و يتكرم و يمسك ميكروفون في حفله عشان يشكر مطرب يبقى الرئيس ده لازم يكون اسمه
عبد الفتاح السيسي و المطرب ده لازم يكون اسمه حسين الجسمي , واحد مصري للنخاع و التاني
مصري العقيده و الهويه و الهوى , إماراتي الجنسيه .
.
السيسي عارف كويس
جدا أهمية الفن في مرحلة الحرب اللي كنا ولا زلنا بنحاربها , زمان كانت أزجال بيرم
التونسي بتشكل وجدان شعب , مكانشي فيه وقتها راديو ولا تليفزيون ولا نت ولا يوتيوب
, و مع ذلك كانت بتشكل و بتأثر جدا , أغنية بشرة خير عملت نفس الشئ , نسبة مشاهده خرافيه
, حشد شعبي ماكناش نقدر نعمله حتى لو طلّعنا بيان تحميس من وزارة الدفاع و وزارة الخارجيه
و الأزهر و الكنيسه كل يوم .
.
وانا في الجيش
كانو كل كام شهر بيعملو حاجه اسمها ( فك التكديس ) , بتتخيل فيها انك داخل حرب رسميه
بكره الصبح أو بعد كام ساعه , ولازم تجهز أسلحتك و طياراتك و دباباتك في وقت قياسي
جدا , أكتر حاجه لفتت انتباهي وقتها هي ميكروفون و أغاني في قلب الكتيبه , عبد الحليم
حافظ بيغني أغنية صوره , واللي هيبعد م الميدان عمره ما هيبان في الصوره , الأغنيه
بتدخلك في أجواء الحرب , بتطلع الراجل المصري اللي جواك , بتخليك في لحظه مستعد تاكل
تعابين و ضفادع و تمشي عالحيط .
.
الفن سلاح في إيدينا
لازم نمتلكه , بس يبقى سلاح موجه لصدر أعدائنا مش موجه لصدرنا , للأسف أغلب الفنانين
اللي بيتقال عليهم مصريين استخدمو السلاح ده وقت الحرب ضد بلدهم , تحت دعوى التحرر
و الفكر الثوري و العمق الاقحواني و البطيخ و الفول الحريتي .
.
صرخنا في كل ولاد
الكلب الصيع اللي بيسمو نفسهم فنانين و إعلاميين و صحفيين ولسه هنصرخ , و كل اللي كتبناه
في السنين اللي فاتت كان تحفيز و زرع أمل , الحكايه أصلها مش لوغاريتمات , في وقت الحرب
بيكون قدامك اختيارين وبس , تكون مصري أو تكون خو* , مفيش اختيار تالت .
.
مليون شكراً لحسين
الجسمي و لكل ولاد زايد اللي ماشوفناش منهم غير كل خير
................................................................................................................
Mohamed
Hussein
24 أكتوبر
2018•
دندنه ..... القطر
أبو جناحين .
.
صباح الخير , هيفضل
أهم سؤال بالنسبالي دلوأتي و لمدة سنين جايه , السؤال اللي إجابته هتريح بلد عمرها
10 ألاف سنه , و اللي حلّه هيحل تلتين مشاكلنا و هيعني امتلاكنا لتلتين قوتنا , السؤال
ده , مين اللي جاب التاني الأول عندنا ؟ الفرخه المسمومه هي اللي جابت البيضه الفاسده
ولا البيضه الفاسده هي اللي فقست و طلعت فرخه مسمومه ؟ الوهابيه و حدف الشرق هما اللي
جابولنا المتحررين الجدد و حدف الغرب ولا العكس ؟ أم حمزه و أم معاذ و أم قويق هما
اللي جابو السينجل ماذر ولا السينجل ماذر ربنا كرمها ونتعها بالسلامه و جابت لنا أم
حمزه ؟! .
.
مش حقيقي إن عندنا
مشكله بس في شرايط عبد الحميد كشك و خطب حسان و الحويني و غثيان حسن البنا و سيد قطب
, احنا عندنا مشكله كمان في كتب علاء الأسواني و يوسف زيدان وتويتات خالد أبو النجا
, الغث و الغث المقابل , العته و العته التاني , البيضه الفاسده و الفرخه المسمومه
, و بينهم و وسطيهم بتضيع الهويه , الهويه المصريه , البلد دي اللي اتولدت و اتنفست
و صرخت و ضحكت و عاشت و حبّت قبل مايتولد كتاب التاريخ بيومين .
.
مصر بقت عاملة
زي قطر ماشي و له جناحين , جناح بيشده ناحية اليمين و جناح بيشده ناحية الشمال , وانا
على حد علمي إن أي قطر في الدنيا بيمشي على قضبان حديد و بيبقى قدامه اختيارات واضحه
وصريحه , يمشي بسرعه , او يمشي بالراحه أو يقف خالص , ماعرفشي من وظائف القطر و من
حيثياته و من الجوب ديسكربيشن بتاعته إنه يطير مثلا , و بالتالي يبقى السؤال كده ,
ايه لازمة جناحين لقطر مش مفروض انه هيطير ؟ ولا أي حاجه , هيقللو حركته , هيبطأوه
, و ممكن يخلوه يركن غصب عنه في غمره .
.
لو كنت قاضي و
هحاكم مبارك و أحكم عليه بالإعدام ألف مره هيبقى مش عشان قتل المتظاهرين في 2011 ,
إنما عشان تجريف الهويه المصريه و تحويل العقول و القلوب لمجرد باسكتات بلاستيك فاضيه
, أي حد معدّي يرمي فيها اللي عايزه و يعبيها بالزباله بتاعته .
.
مش هبطل أكتب عن
كده أبدا و أنا نقطه في بحر , مجرد واحد من سكان القطر , مش مهم مين يزعل و مين يتفلق
و مين يقول إيه عنّي , و طول مافينا الروح هنصّلي و نغني .
..................................................................................................................
Mohamed
Hussein
23 أكتوبر
2018•
من جمال و عبقرية
و ألمعية خرفان الجماعه الإرهابيه انهم حلمو و تخيلو و روجو في اليومين اللي فاتو إنه
الحل في أزمة خاشقجي هو صفقة بين الملك سلمان و السيسي للخروج من المأزق و بموجب الصفقه
دي نخرّج مرسي البهلول من السجن و نرجعه يحكم مصر !! أه وعهد الله زي مابقول لكو كده
.
.
فيقوم سلمان يتصل
بالسيسي و يقوله و النبي ياريس عبد الفتاح تخرّج مرسي و تخليه يحكم مصر بكره الصبح
عشان الضغوطات جامده أوي ( هو يحكم شويه و حمدين صباحي يحكم شويه ) , يقوم عبد الفتاح
يرد عليه و يقوله غالي والطلب رخيص يا جلالة الملك , دانت لو عايز عيل من عيالي أو
عايز طقم الكاسات اللي في النيش مايغلاش عليك أبدا .
.
طب ازاي مانقولش
عليهم خرفان ؟ أومال نسميهم ايه بس ؟ يابني أضربك فين و انت مبقاش في وشك حته سليمه
؟! .
........................................................................................................................
Mohamed
Hussein
23 أكتوير
2018•
مش عايز تفهمها
؟ مش عايز تعرف احنا ليه بندافع عن السعوديه بشراسه حاليا ؟ عقلك وقواك العقليه مش
مستوعبين تفاصيل ولا أمن قومي ولا مركب واحد ولا غيره ؟ مش عايز تسمع كلمة مؤامره و
فخ ولا فيك دماغ لكده ؟ .
.
طيب مش مهم , هبسطهالك
خالص , بصفه عامة يا مولانا , شوف الخنزيره و خرفان الجماعه الإرهابيه في تركيا و قطر
و أردوغان و تميم ابن موزه و لجانهم الإلكترونيه و الميديا الغربيه و الإدارات الأمريكيه
والبريطانيه بيروّجو لأنهي اتجاه بالظبط , و خد انت الاتجاه العكسي و انت مغمض عينيك
.
.
عشان دي اسمها
المنظومة الكامله , ممكن مجازا نسميها منظومة ( الحدّايه ) , و الحدايه يابني لا حدفت
كتاكيت قبل كده ولا بتحدف النهارده و لا عمرها هتحدف كتاكيت .
............................................................................................................
Mohamed
Hussein
23 أكتوبر
2018•
خطاب أردوغان
.... كوهين ينعي ولده و يصلح ساعات
.
ملخص الخطاب
- الفقره الكوميديه
, احنا هنا بنمثل المجتمع الدولي و الضمير الإنساني , قولها تاني كده يا سونا , الضمير
الإنساني , الضمير الإنساني , مووووووووواه , أحبك , أعبدك , أموت في هواك ( بصوت هند
رستم ) .
ثم أن وقف السفاح
البلطجي اللي تسبب في مقتل مئات الألاف من السوريين و العراقيين والليبيين و المصريين
, اللي سرق بترول سوريا و العراق ( حتى الأثاث و الطشوت النحاس كان بيسرقها ) , اللي
فاتح أرضه و مستشفياته للجماعات الإرهابيه بيسلحهم و يعلفهم و يصرف عليهم , وقف على
بتاع عالي كده و قال يا قوم , نحن نمثل الضمير الإنساني , وصفق له جميع ( الخواجات
) , ثم جلس السفاح
.
- فقرة لا تصاحب
الأهبل ولا تخلي الأهبل يصاحبك !!
أصل احنا كنا عارفين
انهم هيغتالو خاشقجي من قبلها بكام يوم , و خاشقجي مش مجرد صحفي سعودي ده شخص مهم بالنسبه
للعالم كله , واحنا سجلنا كل حاجه و كل فتفوته من قبل الحادثه .
طب يا اهبل يابن
الاهبل انت كده بتعترف على نفسك انك متواطئ في الجريمه ولو بالصمت , لما انت عارف و
مسجل كل حاجه من قبلها بايام , ماحذرتش الصبي بتاعك ليه من انه يروح القنصليه ؟ وليه
بعتت معاه اختك في الله خديجه و طلبت منها تستنى بره ؟ هو انتو كده بتحبو خاشقجي ولا
سلمتوه تسليم اهالي عشان يبقى طعم ؟ يا أقذر مخاليق ربنا .
.
فقرة معلوماتنا
منين ؟
بصو بقى احنا جمعنا
اخبار الجزيره و شبكة رصد و تويتات الخرفان و بوستات أم نحمده بتاعة الكرشه و عناوين
الجرايد والقنوات و تحليلات بيوت الدعاره و عملنهالكو خطاب .
.
فقرة احنا اتعرضنا
لحمله اعلاميه مضاده مش عارفين مصدرها منين
- لا مصدرها احنا
يا رجب , اه و عهد الله , المصريين عالفيس بوك اللي من أول لحظه قالو ان الحكايه فخ
و انك متورط فيه انت وترامب و ابن موزه عشان تبتزو السعوديه سياسيا و اقتصاديا , وإن
الاستاذ خشبندي مجرد طُعم قدمتوه للسعوديه , جيت انت بخطابك الأهبل ده بقى أكدت كل
اللي قولناه بالحرف الواحد , مانت أصلك نبيه من يومك و أذكى خواتك .
........................................................................................................
Mohamed
Hussein
23 أكتوبر
2018•
بريطانيا : احنا
مش متأكدين اوي من الروايه السعوديه حول مقتل خاشقجي , متأكدين بس مش أوي يعني , و
خاشقجي ده غالي عندنا , داحنا كل ليله بنتشحتف و نعيط من ساعة ماسمعنا الخبر , و عايزين
نشوف الموضوع ده مع الاتحاد الأوروبي , و كل سنه و انتو طيبين .
.
ألمانيا : احنا
كمان مش متأكدين و يلزمنا نتأكد و نشوف الإتحاد الأوروبي , داحنا ماحطناش في جوفنا
طعم الزاد بسبب خاشقجي , يا حبيبي يا خاشقجي يابني , و كل سنه وانتو طيبين .
.
فرنسا : يعني هو
احنا اللي متأكدين ؟ ماحنا كمان يلزمنا نتأكد عشان ضميرنا يستريح و يجيلنا نوم بالليل
, خاشقجي ده بنعتبره عيل من عيالنا و الضنى غالي , و كل سنه وانتو طيبين .
........................
........................
بالكو بقى , لو
دولة زي بنجلاديش مثلا , رئيس الدوله دي لم كل معارضيه و اللي بيفكرو انهم يعارضوه
, في ميدان عام و دبحهم كلهم بإيديه و صور المشهد عالهوا ماكان حد من العربجيه الصيع
فتح بؤه , هي بنجلاديش حيلتها ايه ؟ لا فلوس ولا مليارات ولا بترول ولا مواقف سياسيه
في منطقه مشتعله ولا معمول لها فخ ولا خطة للخراب .
.
أما مشهد تكالب
الدول الأوروبيه المتحضره ولامؤاخذه , والنبي يابني حط المتحضره دي بين قوسين يكونو
حلوين وباينين كده ( عشان الصيع بتوعنا اللي عندهم عقدة الخواجه ) , مشهد الدول المتقدمه
اللي بتستحمي 9 مرات في اليوم بيفكرني بمشهد العيال اللي بيبقو لابسين لبس زبالين و
واقفين يشحتو في دخلة الأوتوستراد وانت طالع من سيتي ستارز , العيال اللي بيحشرو راسهم
جوه شباك العربيه و يقولو ماتغديناش بقالنا اسبوع و كل سنه وانتو طيبين .
..........................................................................................................
Mohamed
Hussein
22 أكتوبر
2018•
القط و الفار
......... والحل في رأيي .
.
تصريحات السعوديه
:
- لا يمكن تعويض
السوق إذا فقد 3 مليون برميل نفط يوميا .
- لا نضمن عدم
وصول النفط ل 100 دولار للبرميل .
.
الحدوته و ما فيها
حاليا , لعبة القط و الفار , أمريكا و تركيا و كلابهم واعلامهم و لجانهم بيضغطو بكل
الطرق و خبر كل 3 دقايق و تسخين على كيف كيفك ( السادات اتقتل عالهوا و الميديا العالميه
ماهتمتش كده ) , المهم غرضهم الوصول لأكبر مكاسب ممكنه ( الغنيمه ) و السعوديه بتضغط
بتصريحاتها اللي بتحمل تهديد متداري للوصول لأقل خساير ممكنه .
.
زي ما كتبت امبارح
, هما اتنين سيناريو و اتنين خطاب و نتيجتين للتحقيق موجودين في أدراج خليفة الشواذ
و ترامب , هتدفع و تشخلل و تغير مواقفك السياسيه هنقول خناقة أفضت إلى الموت ( مشاجرةٌ
في نيكاراجوا ) , و نقول لكلابنا اللي بينبحو من يوميها يتوقفو تماما ( وقتها هتلاقي
الجزيره و الواشنطن بوست بيتكلمو عن حمامة السلام اللي اسمها السعوديه , هذا وقد التقى
سمو الأمير محمد بن سلمان بالرئيس أردوغان , و كده يعني ) .
.
مش هتدفع و هتفضل
في التحالف العربي و مش هترفع ضغطك عن قطر بنت الوسخه و هتفضل واقف جنب مصر ؟ هنزود
العواء و النباح و لجانا و كلابنا موجودين و ندخل بقى في محاكم و عقوبات دوليه و يطلع
نتيجة التحقيق ان محمد بن سلمان نفسه هو اللي كان ماسك المنشار .
.
الأيام دي اعتقد
بتشهد أكبر كمية اتصالات دبلوماسيه في التاريخ ( و أكيد مصر نالها من الحب جانب ) و
كله حابس أنفاسه , عشان الخيارين أحلاهما مر .
.
الحل في رأيي كمواطن
مصري , لا خبير ولا مسئول ولا بمشي عالحيط , حل أقرب ما يكون لحلم أو أمنية :
- مصر تدعو لاجتماع
عاجل لجامعة الدول العربيه النهارده مش بكره
- في الإجتماع
يتم التصويت على اسقاط عضوية قطر ( بالأغلبيه مش الإجماع)
- دعوة بشار الأسد
,و السعوديه والإمارات يعتذرو لسوريا رسميا و يقدمو مبلغ محترم لإعادة إعمار سوريا
و اليمن ( احسن مايدفعوه اتاوه للأمريكان ) .
- يتم دعوة إيران
- إيران عايزه
علاقات دبلوماسيه و اقتصاديه كامله مع الدول العربيه ؟ تسحبي ألاضيشك من المنطقه و
ممنوع التدخل في شأن أي دوله .
- الإعلان الرسمي
عن قوه عربية مشتركه بقيادة مصر , و قواتها بس هي اللي تبقى مسئوله عن حماية الدول
العربيه في حالة أي تهديد داخلي أو خارجي .
- التأكيد على
ان القوه العربيه و التحالف العربي مش في حالة عداوه مع أي كيان اخر و على رأسهم أمريكا
و الإتحاد الأوربي .
.
ده الحل , حتى
السعوديه لو اختارت الرضوخ هتبقى بتأجل موتها مش اكتر , عالورق السعوديه متقسمه في
خريطة الشرق أوسط الجديد , التأجيل مش هيفيد , عشان ( المنشار) الأمريكي البريطاني
التركي القطري الصهيوني جاهز وفي الإنتظار( بعد أخر مرحلة للحلب ) .
.
- الهجوم خير وسيله
للدفاع , لأن دي مرحلة اسمها ( نكون أو لا نكون ).
............................................................................................................
Mohamed
Hussein
22 أكتوبر
2018•
بالمناسبه برضه
و للتوضيح
.
ليه أردوغان مأعلنش
عن نتايج التحقيق و استني و مستني أيام ؟ و ليه خطابهم الرسمي هادي , و ليه خطاب ترامب
الرسمي مايع و صايص ؟ هو سبب واحد يا مولانا .
.
الأيام دي تحديدا
و من وقت مأعلنت السعوديه عن جريمة القتل , الأيام دي اسمها مرحلة ( شخلل جيبك عشان
تعدّي ) , و شخلل جيبك هنا مش معناها فلوس و مليارات بس , إنما معناها كمان توجهاتك
السياسيه في الفتره الجايه , هتكون معانا ولا مع الناس التانيين .
.
مفيش حاجه اسمها
تحقيقات تاخد ايام في قصه زي دي , لأن أردوغان خليفة الشواذ ماعندوش جثه ولا عنده حد
يحقق معاه , اللي مفترض انهم نفذو العمليه رجعو السعوديه تاني , كل اللي حيلة أردوغان
هي التسجيلات , و هو بالتأكيد مش بيحقق معاها ولا حاجه , كان يقدر ينشرها من أول يوم
, و تتذاع للكل , لكن كده تبقى اللعبه راحت على فشوش .
.
أصول اللعبه كده
, يسلطو اعلامهم يسخن في الموضوع مع انه المفروض انتهى , و هما على المستوى الرسمي
يسيبو للسعوديه فرصه تشخلل جيبها, و يطلعو بأكبر مكاسب ممكنه , و ده أصلا أهم دليل
على إن الليله كلها من الأول مترتبه و فخ معمول بمعرفة الصيع اللي مستنيين الشخلله
( تركيا و أمريكا و قطر ) .
.
و بناء على الكلام
ده فقناعتي التامه اننا و احنا قاعدين دلوأتي فيه خطابين جاهزين عند ترامب و أردوغان
, خطابين مكتوبين باحترافيه , خطاب هيطلعو بيه في حالة السعوديه دفعت و استجابت و غيرت
مواقفها السياسيه و خطاب تاني في حالة العكس , أو بمعنى اصح فيه نتيجتين للتحقيق جاهزين
و موجودين في أدراج المكتب .
.
أي حد يبقى متخيل
ان دم جمال خاشقجي له قيمه عند الأتراك و الأمريكان أكتر من قصة ( شخلل جيبك ) يبقى
بالتأكيد محتاج يراجع قواه العقليه .
...............................................................................................................
Mohamed
Hussein
21 أكتوبر
2018•
الحدوتة من أولها
.
أكتر مشهد هزلي
في نظري يخص الإداره السعوديه الحاليه مش مشهد الإعتراف بقتل خاشقجي ولا الطريقه و
التفاصيل ( إن صحت ) , إنما ممكن أقول مشهد الملك سلمان و هو بيرقص قدام تميم ابن موزه
في زيارته لقطر بعد ما تولى الحكم مباشرة , أنا شوفت المشهد ده انه مشهد مثير للغثيان
, لأنه كان بداية الوقوع في الفخ القطري , قطر دورها ماتغيرش من 20 سنه , دورها تاخد
الفريسه من إيديها ( و تصاحبها ) لحد حفره معينه تزقها فيها و ترجع تشوف الفريسه الجديده
, عملت كده مع القذافي و مع بشار الأسد .
.
أكتر مشهد دموي
بالنسبالي مش مشهد قتل خاشقجي ( إن صح ) إنما مشهد مشاركة السعوديه بمنتهى العته في
تحالف سني تقوده أمريكا و بريطانيا !! لضرب الجيش العربي السوري , قصدي لمحاربة الشيعه
و كده , المشهد اللي مصر رفضت تشارك فيه رغم كل الإغراءات الماديه وقتها و رغم ظروفنا
اللي كانت هباب , بس أصلنا ملناش في العته و التخلف العقلي .
.
اتكلمنا كتير عن
السعوديه والفرق بين الملك عبد الله و الملك سلمان , و محدش يقدر ينكر وقوفهم جنبنا
بعد 30 يونيو و إلا يبقى قليل الأصل , اتكلمنا عن الفكر الوهابي اللي تم بتعليمات أمريكيه
رسميه و خرب عقول و أجيال , اتكلمنا عن السعوديه في مرحلة التحالف اللي كان شامل قطر
بنت الوسخه و القذر أردوغان و حركاتها الصبيانيه مع مصر ( محاولة لوي دراع ) و قولنا
مافي الخمر .
.
إنما بالنسبالي
برضه حكاية قتل خاشقجي دي ماينفعش أشوفها إلا إنها حلقه من سلسله , سلسله بتشمل التالي
, ترامب يطلع علنا و يقول السعوديه لازم تدفع الإتاوه و إلا مش هنحميهم , ترد السعوديه
و تقول احنا بنشتري سلاح بس لكن مش هندفع اتاوات تاني , القس الامريكي المحتجز في تركيا
, أردوغان يسلم القس , رصد تركي لكل تحركات الوفد الأمني السعودي و لقصة خاشقجي ( من
قبل ما تبدأ ) , خطيبة خاشقجي اللي مادخلتش السفاره , هي كلها حلقات واصله ببعض , بتقول
إن الفخ اتنصب للسعوديه باحترافيه , ده شغل أجهزة مخابرات محور الشر, عشان سببين مهمين
, ماتفكرش تاني تقول لأمريكا لأ , و تبطل تعمل تحالف مع مصر, التحالف العربي اللي أكيد
بيزعج جدا أمريكا و بريطانيا وصبيانهم الصيع .
.
انا هنا مش بدافع
عن مفهوم القتل ولا ببرره , انما بتكلم عن قرصة الودن اللي جت جامده شويه , و شايف
ان السعوديه قدام اختبار حقيقي تاريخي , إما ترضخ و تستجيب و ترجع لحظيرة أمنا الغوله
و صبيانها ( قطر و تركيا ) أو يلعبو لها بقصة خاشقجي و يزودو التسخين و ينقلوها لمحاكم
دوليه و حواديت , القنوات قنواتهم و الورق ورقهم و المحاكم بتاعتهم .
................................................................................................................
Mohamed
Hussein
20 أكتوبر
2018•
الموقع أدناه
, ممتنع عن الهزار و الألش في موضوع خاشقجي , و يبدأ الإمتناع من ساعته و تاريخه ,
احتراما لدوله شقيقه بتمر بمحنه .
.
ايه اللي حصل في
الموضوع ده ؟ الله اعلم , حتى بعد إعتراف السعوديه بتقول الله اعلم ؟ أيوه حضرتك ,
فيه 50 ألف احتمال , فخ و اتنصب , خيانه من حد جوه السفاره , غباء و غشم , السعوديه
اعترفت بجريمه مارتكبتهاش لسبب ما , كل شئ وارد , و الحقيقه فين ؟ ممكن نبقى نعرفها
بعد 20 سنه أو بعد 300 سنه .
.
الخاين بيُقتل
؟ أيوه يافندم , اللي يخون وطنه زيه زي الجاسوس بالظبط , مش هتعاطف معاه لو اتقتل أو
اتفرم تحت عربيه , لسه من كام شهر روسيا منفذه عملية اغتيال لجاسوس روسي بيشتغل لحساب
بريطانيا و في قلب لندن , و لو مصر لمت كل الخونه اللي هربانين في تركيا و بريطانيا
و أمريكا وقطر بنت الوسخه و فرمتهم عيانا بيانا هقول تسلم الأيادي .
.
الساده الصيع ولاد
الوسخه اللي بيصورو نفسهم أبرياء في الميديا بتاعتهم , تعالو نفتكر سوا :
.
- أمريكا قامت
في الأساس على جثث مئات الألاف من الهنود الحمر , و تاريخها كله دموي , مفيش شبر في
كوكب الأرض ماسالشي فيه دم بسبب أمريكا و سياساتها و إشعالها للازمات و بيعها للسلاح
.
.
- بريطانيا دوله
استعماريه تاريخيه , يعني كتاب التاريخ بتاعها لو عصرته هيعمل بحيرة دم .
.
- أمريكا و بريطانيا
بيمارسو نفس السياسات الإستعماريه بس بشكل مختلف في قصة الشرق الأوسط الجديد , قتلو
ملايين العرب بإيديهم أو بإيدين العرب و هما قاعدين في التكييف ولابسين كرافتات .
.
- إيران دوله استعماريه
توسعيه منحطه ماتفرقش عنهم .
- تركيا , دوله
استعماريه إيديها غرقانه في الدم و أخر دم كان دم السوريين لما رعت الإرهاب و وفرت
له ملاذ أمن و تسليح و خلافه .
.
- قطر بنت الوسخه
و لسان الشيطان (قناة الخنزيره ) صرفو مليارات على تمويل الإرهابيين و الترويج لهم
و لحرق الدول و هدم الجيوش و قتل و تشريد ملايين العرب .
.
مَنْ كان منهم
بلا خطيئه فليرمي السعوديه بحجر .
..............................................................................................................
Mohamed
Hussein
20 أكتوبر
2018•
حكمة اليوم : عدوٌ
عاقل خيرٌ من صديق عسيري !! .
.
يا أستاذ يا أستاذ
- نعم يا حبيبي
.
هو حضرتك لقيت
العدو العاقل ؟
- لا , بس لقيت
الصديق العسيري .
.
يعني ايه ؟
- يعني يابني حدودنا
الأربعه أهي , إلهي هذا حالنا لا يخفى عليك , ليبيا جيشها وقع و قدامها سنين لما ترجع
لمفهوم الدوله و السودان اتقسمت نصين و النص الحدودي بيحكمه اخوانجي وفلسطين اتقسمت
نصين والنص اللي جنبك بتحكمه عصابه اخوانجيه برضه , ولازق فيهم عدو صهيوني أزلي , والجاره
الوحيده اللي واقفه على رجليها بتنفذ أغبى عملية اغتيال في تاريخ كوكب الأرض و المجموعه
الشمسيه , و عزة جلال الله البت بنتي الصغيره اللي في تالته ابتدائي لو قلت لها اكتبي
موضوع تعبير عن كيفية التخلص من واحد خاين لبلده هتكتب 50 سيناريو محترم و محبوك لا
فيه قنصليه ولا منشار .
.
بس حضرتك احنا
عايزين نستلهم و نستجلب التجربه الماليزيه و البرازيليه
- لا انا هستجلب
الجزمه و أديك على دماغك و دماغ اللي خلفوك ياهبل يابن الاهبل , أقولك بلد عايشه وسط
صفيحة زباله مرمي فيها نار باستمرار تقولي التجربة الماليزيه , داحنا نحمد ربنا اننا
بنعرف ننام بالليل و نودي عيالنا المدارس الصبح ونلاقي ضحكه نضحكها ياكشي كل سنتين
تلاته .
.......................................................................................................
Mohamed
Hussein
20 أكتوبر
2018•
السعوديه أعلنت
بشكل رسمي مقتل جمال خاشقجي , و قالت انه فيه تحقيق و 18 موقوفين و إقالات بالجمله
في جهاز المخابرات عندهم .
.
الموضوع كله مش
راكب على بعضه , لو جهاز المخابرات السعودي عباره عن شوية بنغاليين كانو بيشتغلو في
الحراج و بعدين اتجنسو و بقو ظباط مخابرات سعوديه رفيعي المستوى مش هيتصرفو بالغباوه
دي .
.
اغتيال شخص غير
مهم ولا له حراسه و لا ولا , مايكلفش أي دولة في الدنيا أكتر من 5 ألاف دولار و تخلص
الحدوته في أي خرابه و تنتهي .
.
إيه اللي حصل ؟
الله اعلم , السعوديه اتورطت بشكل ما ؟ اعتقادي كده , مين اللي ورطها ؟ مين اللي جاب
تفاصيل كتير جدا من أول لحظه و كأن الحادثه حصلت في شارع مش داخل مبنى قنصليه سيادي
متأمن بره و جوه ؟ الله اعلم .
.
كل اللي فوق ده
مايهمنيش , إنما من رد الفعل السعوديه و الإستجابه للضغوطات اللي اتحبكت عليها الأيام
اللي فاتت , هقلق من حاجتين اتنين بس
.
- إنه السعوديه
نفسها تبقى على كف عفريت كنظام حاكم و أسره مالكه و دوله , أو إنه يتم مساومتها و تنسحب
من التحالف العربي و تنضم لقطر بنت الوسخه و حلفها مع أمريكا و تركيا , و تبقى اللعبه
كلها اتلعبت صح علينا احنا كمان .
.
اللي بنشوفه في
السنين اللي فاتت دي مكانش حد يتخيل انه يشوفه في أعظم فيلم رعب و لا أتخن فيلم خيال
علمي .
..............................................................................................................
Mohamed
Hussein
19 أكتوبر
2018•
فرحة المصريين
النهارده بصورة السيسي و هو لابس لبس طيار و راكب طياره عسكريه , و فرحتهم بصورة السيسي
لما بيلبس الميري , الفرحه العجيبه دي لها معنى و دلاله في غاية الأهميه .
.
من سنين و ولاد
الحرام مسرحين خرفانهم و صبيانهم الصيع لتشويه جيش مصر و ضرب عقيدة الشعب المصري ,
من سنين و هما بيلعبو على وتر في منتهى الخطوره , فرحة المصريين بقى بتقول لهم ان سنينكو
و تويتاتكو و مقالاتكو المضروبه و هاشتاجاتكو و حبشتكاناتكو راحو في الوبا .
.
حالة التلاحم اللي
عندنا زادت , لدرجة اننا مابقيناش عارفين احنا شعب طلع له جيش ولا جيش طلع له شعب ولا
احنا أصلا توأم سيامي ملتصق من بداية التاريخ و من قبل مالتاريخ يبتدي بيومين .
.
يابني انظر حولك
, بص حواليك , حاول تقرا , والأهم إنك تحاول تفكر شويه , ربنا ماخلقش راسك عشان تشيل
العمه و النضاره , تجربة فلان ماتنفعش على علّان و بدلة زيد ماتليقش على عبيد , احنا
دوله بتدخل في حروب أكتر ما بتستحمى , التاريخ بيقول كده , موقعك الجغرافي بيقول كده
, وجودك في مركز الكون بيقول كده .
.
عايز رئيس مدني
يكون مهندس ديكور أو دكتور أمراض نسا أو مدرس فرنساوي ؟ و ماله , حقك و حقنا كلنا
, ييجي بالصناديق و باختيار أغلبية الشعب أهلا و سهلا , بس بشرط واحد , يبقى قاري تاريخ
مصر و عارف يعني إيه أمن قومي , و عارف إن جيش البلد دي تحت منه مليون خط أحمر , يعني
يكون جاهز إنه في أي لحظه من اللحظات هيلبس بدله عسكريه و يتصور في طياره في قاعدة
جويه عشان يوصل رساله معينه .
.
إنما تقولي عايزين
وزير دفاع يكون واحده ست , مزّه كده و سمانة رجليها حلوه زي الدوله الفلانيه , يبقى
كان خساره فيك صباع الطباشير اللي اتعلمت بيه ألف باء .
........................................................................................................
