Mohamed
Hussein
4
أكتوبر 2018·
شخصيا
.
ممكن أعتبرك بني
أدم لو كنت بتشتغل في منصب ما و سرقت أو خدت رشوه , ارتكبت جريمه و كبيره ,القانون
هيحاسبك عليها في الدنيا و ربنا هيحاسبك عليها في الأخره , لكن انت لسه بتخضع لتصنيف
إنك بني ادم( بني ادم مذنب و مخطئ ) .
.
ممكن أعتبرك بني
أدم لو بتسكر أو لك علاقات مع ستات أو بتشرب مخدرات , برضه ارتكبت كبيره و جريمه ,
القانون يحاسبك في الدنيا و ربنا يحاسبك في الأخره , لكنك لسه في التصنيف بني ادم
( مذنب و مخطئ ) .
.
أما انك تجيب
2 أطفال معاقين ذهنيا ( ذوي احتياجات خاصه ) من أبناء و أبطال النادي و تصور معاهم
فيديو و تستخدمهم في معركتك و تخليهم يشتمو فلان أو علان ( حتى لو كان فلان ده هو الشيطان
الرجيم ذات نفسه ) فانا في الحاله دي مش بفكر في إنك ارتكبت كبيره و جريمه , ولا بفكر
في عقاب القانون و عقاب ربنا سبحانه و تعالى , انا في الحاله دي بشوفك خرجت أصلا من
تصنيف بني أدم .
.
كلمتين في ودن
مرتضى منصور , انت عار على نادي الزمالك العظيم , انت عار على البرلمان المصري العظيم
, انت قدامك ألف سنه لما تبقى بني أدم , انت محتاج ألاف من علماء طب النفس عشان يعالجوك
من أمراضك النفسيه, انت نموذج فج و صارخ لمستوى الإنحطاط اللي كبر و ترعرع في عهد مبارك
, الله لا يسامحك ولا يسامحه , ملعون أبوها الديموقراطيه لو هتجيب لنا أشكال زيك .
.
سيادة الرئيس عبد
الفتاح السيسي , أنا عارف و الله ان وراك هم ما يتلم , عارف و أبصم بالعشره, بس البلد
محتاجه تنضف من التركه الهباب , نضّفها ياريس بأي طريقه
.
#مصر_فوق_الجميع
.
مصري زملكاوي و
ليا كل الفخر .
.........................................................................................................
Mohamed
Hussein
4
أكتوبر 2018·
مالك يا حبيبي
بس , فيك ايه ؟
- مفيش يا أستاذ
.
.
مفيش ازاي , دانت
وشك مخطوف خالص
- مش عارف أقولك
ايه والله
.
لا قول قول , ماتخبيش
حاجه
- أصل حضرتك العيال
بتوع تحيا مصر و مصر العظيمه و الكلام ده
.
أيوه عارفهم عارفهم
, مالهم العيال دول ؟
- من أول ما بدأ
شهر اكتوبر و هما مابطلوش احتفالات و إيشي انتصرنا و إيشي عبرنا و إيشي حطمنا خط ماعرفش
ايه كده .
.
مالهمشي حق أبدا
, هو ده الموضوع اللي مزعلك ؟
- أيوه طبعا ,
لأننا مانتصرناش في اكتوبر , احنا اتهزمنا , قصدي لا انتصرنا ولا اتهزمنا , خرجنا تعادل
, بص من الاخر كده , هي كانت مسرحيه بين مصر و اسرائيل .
.
معاك حق , هي كانت
مسرحيه , احنا اتفقنا مع الصهاينه اننا ننفخ ميتين أمهم في اكتوبر و نحرر أرضنا و نقتل
منهم كام ألف و ندمر خط بارليف و يسموه اليوم الأسود و يقعدو يلطمو على وشهم كل ماتيجي
ذكرى اليوم ده لحد النهارده .
- أيوه بالظبط
كده .
.
قولي يا حبيبي
, ايه رأيك في ثورة 52 ؟
- كانت زفت طبعا
و عبد الناصر خربها , هو فيه أحلى من أيام الملكيه ؟ أيام ماكانت الخدامه فرنسيه و
بياعة البليله من سويسرا ؟!.
.
مممممم معاك حق
برضه , و أكيد جدك عوضين باشا أبو لباس هو اللي حكالك عن جمال الأيام دي و إزاي كان
بيشتغل كلاف بالسخره و ينضرب بالكرباج بكل الحب , كل الحب , و طبعا رأيك إن الفراعنه
مابنوش الأهرامات .
-أيوه يا أستاذ
, الفراعنه مابنوش حاجه , و اللي بنى الأهرامات مجموعة قبائل جت من نواحي تنزانيا أو
موزمبيق مش فاكر .
.
لا يا حبيبي ,
القطريين هما اللي بنو الأهرامات و ابن موزه بنفسه أشرف على الحكايه دي و الجزيره عندها
فيلم تسجيلي بيوثق بناء القطريين للأهرامات و بيوثق كمان حكاية تميم ابن موزه هو و
( أشرف ) , أخر سؤال بقى , كنت بتتبسط لما بتروح الخرابه و انت صغير ؟ .
- ايه ؟ هو حضرتك
عرفت منين اني كنت بروح الخرابه و انا صغير ؟
.
يا حبيبي واحد
شايف ان انتصارنا هزيمه و ان الإستعمار مفيش احلى منه و إن أجدادنا عظماء التاريخ ماعملوش
حاجه , و عايش في نظرة دونيه منحطه بنت وسخه زي معاليك , يبقى أكيد مكانشي أصلا بيرجع
من الخرابه و هو صغير .
..................................................................................................................
Mohamed
Hussein
3
أكتوبر 2018·
أمي الله يرحمها
جالها فيروس سي و هي في التلاتينات من عمرها , عاشت بعدها أكتر من 20 سنه , بس في أخر
5 سنين كان الفيروس بهدل الكبد و اتمكن منه تماما , تليّف و تضخم و أورام خبيثه و خلافه
, في أخر سنه كان علاج فيروس سي الأقراص نزل السوق و تم اعتماده بس كان فات أوانه
.
.
فيه ملايين الستات
والرجاله في ربوع مصر بيتعالجو حاليا من فيروس سي , بيقفلو صفحة سوده للابد , بيلحقو
الإخطبوط ده من قبل ما يكبر و يتوحش , اللي معاه فلوس هيشتري علاجه بألف جنيه ولّا
كام ألف و اللي مش معاه الدوله بتعالجه مجاناً , ملايين البسطاء تم و بيتم علاجهم على
نفقة الدوله , ملايين البسطاء بيتقال لهم بعد شهر ولا اتنين , ألف ألف مبروك , كان
عندك فيروس سي و راح في الوبا .
.
أما بقى الساده
تجار الشعارات و الروبابيكيا , اللي كل جملتين تلاته يحشرو كلمة الغلابه في النص و
يتاجرو بيهم , و مع أي إنجاز يخص الغلابه والبسطاء يستظرفو و يعملو كوميكس و يستخفو
دم أمهم , فعايز أقول لهم , انتو ولاد وسخه مش أكتر , يعني not more .
.......................................................................................................
Mohamed
Hussein
3
أكتوبر 2018·
المكنسه الكهربائيه
العملاقه
.
عبد الفتاح السيسي
وراه ملفات ملهاش أول من أخر , تعليم و صحه و بنية تحتيه و سد نهضه وتأمين أبار الغاز
, و تحكيم دولي لقضايا قديمه , و هيكلة اقتصاد , و مؤامره من بره و خونه من جوه , و
ليله طويله أوي سعادتك .
.
اللي بيحصل عالساحه
الرياضيه من أول دخول تركي أل شيخ و المعجنه اللي حصلت و مين مع مين و مين بيشتم مين
و وزارة رياضه و لجنة اولمبيه و اتحاد كوره و أهلي و زمالك و ألتراس و قناة الخنزيره
و صفحات بقت للردح المتواصل اليومي و عنصريه مقيته بلهاء , و غسيل وسخ منشور على كل
الحبال .
.
طيب عايز أقول
كام نقطه صغيرين أوي مع كامل احترامي للجميع :
.
- امبارح كنت بشجع
الأهلي كالعاده في مباريات أفريقيا و ده مش تفضّل ولا منّه , ده فريق بيلعب باسم مصر
و بطوله هتنضاف لنا , بيتقال في النهايه مصر فازت بالكاس ده كذا مره .
.
- فرحت بأهداف
الأهلي و زعلت من الفرص الكتير اللي ضاعت عشان ماتش العوده مش مضمون خصوصا في الجزائر.
.
- ماعجبتنيش حركة
لاعبي الأهلي بعد احراز الهدف , سيادتك لاعب كوره مش وكيل نيابه ولا محامي , و ممكن
تفرح بأي طريقه تانيه , واللي في السجون دول متهمين باتهامات معينه , البلد دي سيادتك
مش قاعده تخانق في دبان وشها .
.
- مابحبش مرتضى
منصور مع اني زملكاوي للنخاع , و شايف انه ماينفعش يدير كشك سجاير , حتى لو معاه حق
في حاجات معينه , انما السفاله و طولة اللسان و الكلام العبيط المتواصل ماينفعش من
رئيس نادي بحجم الزمالك .
.
- زي أي بني أدم
في مصر بيفهم كوره , فأكيد بحب الخطيب و حازم امام , إنما مش معنى كده ان فيه حد يكون
فوق القانون , اللي يغلط يتنفخ عادي .
.
- قولنا مليون
مره إن قيادات الألتراس مسيسين من 2011 و من قبل كده, و الهتاف اللي فرحت بيه النهارده
ممكن يبقى كارثه بكره , ماتربّيش ديب صغير في بيتك و تتخيل انه هينفعك في المستقبل
.
.
- الساحه الرياضيه
و اتحاد الكوره و مجالس الأنديه و الإعلام الرياضي في مصر كله بلح , الفساد ضارب فيهم
للركب و كل واحد ماسك التاني من إيده اللي بتوجعه , ماهو الفساد بتاع أيام بسلامته
ماسابشي حاجه على صر حالها .
.
- عبد الفتاح السيسي
محتاج يشغّل مكنسه كهربائيه عملاقه في الوسط ده عشان يعرف يركز في الهم اللي وراه
, صح المجالس المنتخبه لازم تستقيل من نفسها و ماينفعش الدوله تتدخل بشكل مباشر و إلا
هيحصل كذا , إنما اللي بعرفه في مفهوم الدول الحقيقيه ( مش مفهوم المدينه الفاضله البلهاء
اللي في عقول ناس كتير ) , اللي أعرفه إن الدوله لا تفقد أوراقها أبدا , و سكة أبوزيد
كلها مسالك .
.
و أخيرا عايز أقول
, الأهلي فريق عظيم جدا بتاريخه و بطولاته و جماهيره و الزمالك فريق عظيم جدا بتاريخه
و بطولاته و جماهيره , و مفيش أي كيان ولا جهه فوق الجميع غير إسم الدوله دي اللي ربنا
ابتلاها بينا .
..................................................................................................................
Mohamed
Hussein
2
أكتوبر 2018·
الخرفان اللي عملو
حلقة مخصوص في قنواتهم و قالو إن السيسي بيقود صفقات مشبوهه لتخريب سد النهضه الأثيوبي
مش بعيد يعملو حلقه تانيه بكره و يتكلمو فيها عن المؤامره الجديده اللي عاملها السيسي
ضد فيروس سي , و يستضيفو في الحلقه واحد كده يكون خبير و ناشط في منظمة حقوق الفيروسات
.
................................................................................................
Mohamed
Hussein
2
أكتوبر 2018·
شهادة حق
........... ظباط الشرطه
.
كل مهنه خلقها
ربنا فيها الكويس و الوحش , ابن الحلال وابن الناس التانيين , الطبيب و الصيدلي و المهندس
و المدرس و الصنايعي و البواب و حتى القسيس و شيخ الجامع .
.
جهاز الشرطه تحديدا
بصفته الجهاز المطلوب منه حفظ الأمن و انه يجيب لنا حقوقنا من ولاد الناس التانيين
, فمنطقي تكون نسبة الوحش اللي فيه قليله للحد الادنى .
.
قبل 2011 كان فيه
تجاوزات كتير في أقسام الشرطه ( طبعا فهمنا بعد كده ان أغلب التجاوزات كانت قصص وهميه
من وحي تأليف الجماعه الإرهابيه و خرفانها ) , إنما ماننكرش ان نسبة الوحش كانت كبيره
.
.
الناس فاقت بعد
2011 و الشرطه خدت درس قاسي و الدنيا اتطورت و مبقاش فيه حد في مصر مايعرفش حقوقه و
واجباته و مايعرفش يكلم مين لو اتعرض لمشكله من ظابط شرطه ( بالمناسبه عندنا عدد محترم
من ظباط الشرطه في السجون بيتحاكمو بتهم مختلفه , عشان مصر الحديثه مبقاش فيها أي حد
فوق القانون )
.
مهم أوي إننا نتعلم
نقول لفلان ( أحسنت بس فيه أفضل من كده ), التشجيع لما تلاقي ناس بتطور من نفسها و
بتحجّم الوحش اللي فيها إنك تقول كلمتين طيبين عشان يستمرو في طريقهم ده , و إلا فالبديل
ممكن يكون كارثي , على طريقه ( هوانا كده كده مش عاجب , يبقى نخربها مداين ) .
.
المقدمه اللي فاتت
كان لابد منها و عايز أقول لحضراتكو بقى تجربتي الشخصيه الحياتيه المريره القاسيه مع
ظباط الشرطه بكل رتبهم :
الحقيقه على مدار
سنين طويله لفيت فيها مصر من شرقها لغربها , و مريت على ألاف الكماين و ألاف من ظباط
الشرطه , ايه اللي حصل ؟ ولا حاجه , ولا حاجه خالص والله , و عهد الله ما حصل أي حاجه
, لا ظابط قل أدبه عليا و لا شوفته بيقل أدبه على حد .
.
لو لا قدر الله
حصل لي موقف مع ظابط شرطه مستقبلا هحكيه زي ماهو بالظبط , و لو شوفت موقف بعيني هحكيه
برضه , و في كل الحالات مش هقع في فخ التعميم , هقول ظابط فاسد , ظابط بلطجي ( مش هقول
الشرطه بلطجيه ) عشان معاليك لما بتقع تحت ايد طبيب فاسد أو صيدلي بلطجي مش بتعمم و
تلعن جدود أبو نقابة الأطباء و نقابة الصيادله .
.
فيه نقطتين مهمين
عايز أقولهم
انا واحد من الناس
لما بدخل على كمين بتبقى عيني دايما عالظابط و بيجي في ذهني كام سؤال , هو واقف على
رجله بقاله كام ساعه ؟ في درجة حراره شكلها ايه ؟ هو ده بني أدم زينا ولا مخلوق فضائي
؟ الأسئله دي بتخليني ببساطه لما أبقى قدام الكمين أتعامل بطريقه (سلامو عليكو عليكو
السلام ) , لا أستظرف ولا أستخف دمي ولا أقعد اخترع افتكاسات , عندي مخالفه عشان كذا
؟ طيب شكرا , سلامو عليكو .
.
الحاجه التانيه
اني بطلت أتفرج على فيديوهات مقصوصه جايبه حته معينه , القاضي يا محترم لو قعدته مع
أي طرف من أطراف الخصومه وفضل يسمعه هيقتنع ان الطرف التاني ( اللي مش موجود ) شيطان
رجيم , عشان كده القاضي لازم يسمع الطرفين , و حكاية فيديو مقصوص بتبقى بالظبط كأنك
بتسمع من طرف واحد .
.
الكلام اللي فوق
ده مش هيعجب حد ولا بينتزع أهات الجماهير , طب حاضر حقكو عليا, هقوم أصلي العصر و أجي
أهبد لكو أحلي شوية قصص عن ظابط الشرطه ابن التيت اللي ضربني بالدبابات و المنجنيق
لمجرد اني نسيت أقوله يا باشا , دولة الظلم ( الزولم الزولم ).
......................................................................................................
Mohamed
Hussein
1
أكتوبر 2018·
التعليم الجيد
مش هيبقى شهاده نعلقها عالحيطه و نقول الدكتور ابني راح و المهندسه بنتي جت .
.
التعليم الجيد
المتزن العصري بيبقى سلاح بتمتلكه في إيدك , و في المقابل , التعليم بطريقة التلقين
و الحفظ و تزغيط البط بيبقى سلاح برضه بس في إيد أعدائك !! .
.
مصر عشان تبني
حاضرها و مستقبلها و تحارب الإرهاب و تقطع جذوره كان يلزمها تطور التعليم و تطور الخطاب
الديني , يعني نبدأ من المنبع , من أول زرع و حصد , من أول البذره اللي كانت بتترمي
لصناعة الخونه و الدواعش و الصيع و شمامين الكوله .
.
عشان كده هتلاحظو
ان أكتر حاجتين حصل فيهم هري وتشويه من أعداء مصر هما إعادة تسليح الجيش المصري , و
تطوير التعليم , السلاحين الأقوى والأهم اللي لازم تمتلكهم , والإتنين لازم يكونو مع
بعض , لأن سلاح بدون علم و عقل هيضرك أكتر ما يفيدك , و علم و عقل بدون سلاح هيخليك
مبدع و عبقري ( بس في مخيمات اللاجئين ) .
.
معالى الأستاذ
الدكتور وزير التعليم , ماينفعش يافندم تشغل نفسك بالرد على عواطلية قناة الخنزيره
, عمرك شوفت أستاذ دكتور عالم في مجاله فات من قدام بيت دعاره ولقى اتنين تلاته عاهرات
بيتريأو عليه و على شنطة الأبحاث اللي شايلها دايما في إيديه فقام وقف و شغل باله بالرد
عليهم ؟! عاهرات الخنزيره تسيبهم لنا معاليك , هما بيحبو يتهشتكو و احنا بنحب نهشتكهم
.
.
معالي الوزير
, من 7000 سنه كان فيه دوله اسمها مصر بارعه في التحنيط و الطب و الفلك و العماره
, و بعد 7000 سنه ظهر كشك عالخليج و سمّى نفسه دوله , السفينه العملاقه دي اللي ماشيه
في المحيط من ألاف السنين ماينفعش ابدا تركن على جنب عشان ترد على مركب شبر في شبرين
قاعد فيها شوية صيع سكرانين بيتشألبو في إزازتين بيره .
.....................................................................................................
Mohamed
Hussein
30
سبتمبر 2018·
زمان سمعت نكته
مش بقدر أنساها , بيقولك يا سيدي مرّه واحد مصري و واحد عراقي كانو أصحاب أوي .
.
المصري راح يزور
العراقي في بيته لقاه ساكن في فيلا , و هو أصلا عارف ظروفه و إنه مجرد موظف مرتبه عالقد
خالص , فسأله , انت بنيت الفيلا دي منين يابو فلان ؟ قام العراقي فتح شباك و قاله تعالى
شوف , شايف الكوبري اللي هناك ده ؟ قاله اه , قاله يا سيدي ده اتكلف 20 مليون دولار
و الفيلا دي اتبنت معاه , طبعا المصري فهم قصده .
.
وفاتت أيام و مرت
أيام و جه العراقي يزور صاحبه المصري , لقاه ساكن في قصر جبار و هو عارف برضه ان صاحبه
مجرد موظف حكومه , فسأله , منين فلوس القصر دي يا فلان ؟ قام المصري فتح الشباك و قال
للعراقي , شايف الكوبري اللي هناك ده ؟ العراقي قاله لأ مش شايف حاجه , قام المصري
قاله , اهو الكوبري اللي انت مش شايفه ده بقى اتكلف 50 مليون دولار !! .
.
بفتكر النكته دي
بعد ما شوفت بعنيا مصر الجديده , مصر الحديثه , مصر اللي فيها الإنشاءات و البنيه التحتيه
يخرمو العين , مش مجرد مشاريع عالورق , مصر اللي عملت شبكة طرق عملاقه ماتعملتش في
50 سنه و عملتها في 3 سنين , مصر اللي بتستثمر 250 مليار جنيه في سينا اللي مانضربش
فيها مسمار ولا فاس ولا مفك على مدار 30 سنه , مصر اللي بتشق قناة جديده و بتعمل أنفاق
تحتها و تحل مشاكل متراكمه من عشرات السنين زي مشكلة الكهربا و بتعمل تحديث لجيشها
و تبني سكن أدمي لمئات الألاف من سكان العشوائيات والعشش , في نفس الوقت اللي بتحارب
فيه الإرهاب و الطوفان .
.
لو عايز تعرف بقى
فلوس مصر كانت بتروح فين قبل كده ؟ كانت بتروح فين أيام بسلامته ؟ لو سمحت اقرا النكته
اللي فوق دي من تاني .
....................................................................................................
Mohamed
Hussein
30
سبتمبر 2018·
ايه الفرق بين
النقاش و الهبد ؟
.
سؤال فكرت فيه
كتير عشان أطلع بإجابه واضحه ماتحتملش التأويل .
.
هو احنا ممكن نتناقش
في إيه بالظبط ؟ و امتى تعليقاتنا و ردودنا و الأخد و العطا يبقى اسمهم نقاش ؟ لما
مثلا مثلا نتكلم عن الفقر المائي و الزياده السكانيه و التوسع العمراني و نفكر في حلول
و في تحلية مياه البحر و ترشيد استهلاك المايه و الري بالتنقيط مش بالغمر و خلافه
, كده يبقى كلامنا اسمه نقاش , انما لو هتقولي الفقر المائي سببه ان سد النهضه اتبنى
و خزن المايه و هنموت من العطش ده اسمه الهبد , والهبد بقى إدمان عند شريحة معينه ال
i.q بتاعها تحت الصفر , و مع ذلك أثناء فترة الهبد بيحسسك
انك واقف قدام أينشتاين .
.
النقاش لما تيجي
سيرة عبد الناصر مثلا و تقول أحسن في كذا و أخطأ في كذا , و لو كان عمل كذا كان يبقى
أفضل , لكن لما تقول ان الشعب المصري اللي نزل للشارع و حضر جنازة ناصر ده كان شعب
مغيب بيمشي ورا حسنين هيكل ( نفس الجمله اللي بتتقال علينا من الخرفان حاليا و بنمشي
ورا احمد موسى و مصطفى بكري ) , يبقى ده حضرتك اسمه هبد .
.
النقاش لما تيجي
سيرة ثورة 52 و تقول مشاكلها كذا و كان لها تبعات شكلها كذا و لو كنا مافتحناش جبهة
كذا ماكنش حصل كذا , ده يبقى اسمه نقاش , انما لما تقول ان المخابرات الأمريكيه كانت
مجهزه لعبد الناصر كل حاجه عشان يعمل ثورة 52 و يطرد المستعمرين الأتراك و الإنجليز
, يعني المخابرات الأمريكيه بتحبنا أوي و بتكره الانجليز و الأتراك وبتساعد الشعوب
على التحرر من الاستعمار , ده حضرتك يبقى اسمه هبد , و i.q
وصل لمرحلة التجمد ياعم أينشتاين .
.
الساده هواة الهبد
بشوفهم في الصوره دي , العقول اللي أضيق من خرم ابره بتكون حريصه دايما على الخروج
عن الإجماع , باعتبار ان الخروج عن رأي الغالبيه الكاسحه بتعتبره تميز و عبقريه و ألمعيه
, الخروج عن الإجماع في أي حاجه و بأي طريقه , لو الناس أجمعت ان الشمس بتطلع من الشرق
يقول بتطلع من الغرب عشان يبقى عبقري و سابقنا بمليون فدان , لو صلاة العشا 4 ركعات
يعمل هو شالباظات عشان يقنعك انهم ركعه و نص بس .
.
لكل أصدقائي الغاليين
, لو قدامنا فرخه ماشيه في الشارع ممكن تناقش في حركة رجليها و حد مننا يقول دي بتعرج
برجلها الشمال , لا باليمين , و هكذا , لكن لو هتقعد معانا عشان تقنعنا ان الفرخه اللي
ماشيه دي بأربع رجول وجنوط 17 و تهبد يبقى أكيد مكانك مش هنا .
.
البنك الأهلي هيوفر
لك كشك تهبد فيه في قلب الصحرا و يسميه كشك الهبدجيه , تتجمعو مع بعض و تجيبو ربابه
, تقولو بقى نهر النيل نشف و الشعب المصري كان مغيب ايام ناصر و أيام 30 يونيو و الفرخه
بأربع رجول واللي بيطلع في السما بالليل ده مش القمر اللي مساحته ربع مساحة الأرض
, دي لمبة نيون عملاقه فيها أجهزة تجسس , زارعاها المخابرات الروسيه فوق السحاب عشان
تراقبنا و تعرف ليه محروس أفندي بيبص على ست أم شوشو جارتهم و هي بتنشر الغسيل ؟!
.......................................................................................................
Mohamed
Hussein
29
سبتمبر 2018·
أصدقائي الغاليين
الطيبين
.
تنويه بسيط , تنبيه
, ملاحظه , ملحوظه , يعني N.B
.
لما بكتب بوست
بعنوان ( حكاوينا ) , بتبقى حكايه حصلت فعلا في طفولتي وحابب احكيها , مفهاش اسقاط
على جهه ولا على حدث معين .
.
أصل الموضوع اني
بحب الأيام دي أوي , بحاول استحضرها , أناديها , أشم ريحتها من جديد , ذكرياتها بسيطه
و أيامها كانت بسيطه بس بشوفها ثريه , مليانة حياه , و فيها شخصيات بسيطه ( بشوفهم
كاراكترز ) , بشوف كل حاجه حلوه , الشقى حلو , الوجع حلو , الفقر حلو , حتى الحرامي
اللي حكيت عنه امبارح بحب سيرته , تخيّل يا مؤمن ؟ ( ممممممم ابنك مجنون يا حاج )
.
.
طبعا بحاول أفتكر
على قد مابقدر و بعتمد عالذاكره و الذاكره بعافيه حبتين , لأ قول سبع حبات , فممكن
تلاقو أسئله من وحي الحدوته انا مش فاكر اجابتها لأني مش فاكر تفاصيل اكتر .
.
الحكايه ممكن أقولهالكو
ببساطه , لما بكتب حكاوينا ببقى فرشت حصيره عالأرض و جبت منقد معمول من الفخار و عليه
شوية كوالح و عملت راكية نار فوق منها براد شاي في ليلة شتا برد أوي و عالحيطه مسمار
متعلق عليه لمبة جاز ضوئها خافت , انتو بقى تيجو مشكورين كده تقعدو عالحصيره و نتدفى
سوا و نشرب شاي , لقيتو في الحدوته بسمه ؟ ابتسمو , لقيتو ضحكه ؟ اضحكو , لقيتو لحظة
شجن ؟ اتشجنو ( ده حتى الشجن للرجاله ) .
.
زمان صحفي سأل
مولانا بيرم التونسي , انت بتكتب الكلام بتاعك ده ازاي ؟ قال له يابني انا مش بكتبه,
انا بتنفسه !! , و انا كمان زي عم بيرم كده , بتنفس الأيام دي و ريحتها و حكاويها
, هو انتو ليه بتحصروني دايما في السياسه ( و في أدوار الشر بتاعة الأستاذ محمود المليجي
؟! ) .
.
عارفين , أكتر
حاجه ممكن تضحكني الوقتي إني ألاقي حد معلق عالبوست ده برضه و كاتب ان فيه اسقاط معين
و إسقاط عبقري و رسالة ضمنيه محشيه مهلبيه , و يا ترى تقصد مين بالأستاذ محمود المليجي
و تقصد مين بالمهلبيه 🤔🤔🤔؟!
..........................................................................................................
Mohamed
Hussein
29
سبتمبر 2018·
وزير البترول
: تسلمنا أخر شحنة غاز من الخارج , و يؤكد : انتهى عصر الإستيراد !! .
.
الجملة بتاعة انتهى
عصر الإستيراد دي على قد ما هي جمله صغيره من كلمتين تلاته بس وراها حكايات و حواديت
و بطولات .
.
هتحقق الاكتفاء
الذاتي من الغاز إزاي رغم ان عندك زياده سكانيه عجيبه , و عندك توسع اقتصادي و مشاريع
و مصانع عايزه طاقه ( و الغاز مصدر من مصادرها ) ؟
.
الحكايه كان يلزمها
فارس , لا بيخاف ولا بيكش ,ولا بيدور على شعبيه ولا بيعيش بطريقة ( الباب اللي يجيلك
منه الريح , سده و استريح ) , لا خالص , لو الريح هيجيب خير معاه هفتح الباب عالأخر
بس قبلها أكون قوّيت جدران و عمدان البيت .
هتحقق اكتفاء ذاتي
من الغاز ازاي ؟ لما تعمل اكتشافات جديده و عملاقه
.
طب الغاز اللي
ممكن يكون له جدوى اقتصاديه عظيمه هتلاقيه فين ؟ في البحرين المتوسط و الاحمر ( مش
هنلاقيه تحت السرير ولا جنب قهوة عماد اللي في النعام )
.
طب هتعمل تنقيب
عن الغاز في البحر المتوسط و الاحمر ازاي ؟ نجيب مثلا شركة تنقيب و نبعتها تتدور و
خلاص ( على طريقة : وسّع وصلي عالنبي ؟ )
- لا ماينفعش
, عشان انت مش عارف لك حدود بحريه , و الحكايه مش ( جُرن الهبله ) .
.
طب الحل ؟ الحل
اننا نعمل اتفاقيات ترسيم حدود مع السعوديه ( بحر أحمر ) و مع اليونان و قبرص ( بحر
متوسط ) , عشان نعرف حدودنا فين و ننقب عن خيراتنا فيها .
.
بس استنى , هيقولو
عليك باع الجزيره الفلانيه للسعوديه و باع بركة السبع لليونان ؟ يقولو اللي يقولوه
.
.
طب فيه مشكله تانيه
-خير مشكلة ايه
؟
.
فيه دول بلطجيه
بنت وسخه مش هتسيبك تنقب عن غاز المتوسط بسهوله ولا هتعترف باتفاقيات
- اه عارفها ,
و عملت حسابي و طورت قواتي البحريه و الجويه و مستعد لأي احتمال , و اللي عايز يجرب
يقرب .
.
و عليك بايه وجع
الدماغ ده يا مولانا , ماكنت تعمل زي فلان و سياساته الجميله اللذيذه ( سياسة الباب
اللي يجيلك منه الريح ) , و ارمى الملفات في الدرج للي هيجي من بعدك و خلاص ؟
- لا ماهو انا
مش فلان ومش بتاع ( إرمي الملفات في الدرج ) , و خير البلد دي و شعبها لازم نجيبه و
البلد دي لازم نبنيها من جديد , لو ماعرفناش نجيب خيرها و ماعرفناش نحميه و ماعرفناش
نبني , يبقى قاعدتنا ملهاش لازمه .
..............................................................................................................
Mohamed
Hussein
28
سبتمبر 2018·
حكاوينا 3
.... الحاج عبد الرحمن الحرامي
.
في بلد ناحية بلدنا
كان فيه راجل اسمه الحاج عبد الرحمن الحرامي , هو اسمه بيتنطق و يتقال كده , اسم ثلاثي
, لا ينفع تقول الحاج عبد الرحمن بس ولا عبد الرحمن الحرامي بس , لازم تلضمها في بعض
, الحاج عبد الرحمن الحرامي .
.
الراجل ده واضح
من اسمه طبعا انه كان بيشتغل حرامي مش دكتور أمراض نسا ولا حاجه , بس كان حرامي مختلف
و لذيذ .
.
كان بيعمل ايه
بقى ؟ أياميها كانت اغلى حاجه موجوده في البيوت بتاعة الفلاحين هي النحاس , و النحاس
كنا بنستخدمه في الأكل و الغسيل و خلافه , يعني حلل نحاس و طشوت نحاس .
.
البيوت كانت مبنيه
من الطين كلها ( الطوب الني ) , كل بيت عباره عن دور واحد و ممكن فوق منه أوضه او اتنين
( اسمهم مقاعد ) , المهم ان البيوت اصلا مستوى واحد في ارتفاعها , و كل بيت بيبقى عامل
فتحه في السقف في نصه كده , اسمها ( المنور ) , الفتحه دي بيتسند عليها سلم خشب عشان
اللي عايز يطلع على السطح , و فوق السطح ممكن تخزن القش بتاعك و الحطب و تربي فراخ
.
.
مولانا الحاج عبد
الرحمن الحرامي كان بيطلع على أي بيت في البلد و يمشي من سطح لسطح لأن مفيش حواجز
, لحد مايختار بيت معين و ينزل من عالسلم بتاع المنور , يلم الكام حله نحاس و يطلع
بيهم عالسطح تاني , الكلام ده يكون بالليل طبعا عشان الناس كلها بتنام بعد صلاة العشا
.
.
طب هيشيل حلل و
طشوت نحاس ازاي و هي وزنها تقيل اوي ؟ و يمشي بيها لحد فين ؟ و يروح بيها بلاد تانيه
ازاي ؟
.
لا هو مكانش بيعمل
كده , كان بياخد الغنيمه بتاعته و يطلع فوق يمشي عالسطوح تاني لحد مايخبيها تحت كوم
قش مثلا بعد 10 بيوت , وينزل و يرجع بلدهم و ينام .
الناس عارفه الحكايه
و عارفه ان مفيش حرامي في المنطقه غير الحاج عبد الرحمن , تاني يوم اللي اكتشف ان النحاس
بتاعه اتسرق يشوف له راجلين طيبين و يروحو على بيت الحاج عبد الرحمن ( كل الناس عارفه
بيته ) .
.
سلامو عليكو يا
حاج عبد الرحمن , عليكم السلام , اهلا و سهلا , و يجيب لهم شاي ( واجب الضيافه ) ,
خير يا جماعه ؟ والله يا حاج احنا النحاس بتاعنا اتسرق من البيت ليلة امبارح , انت
اللي سرقته ؟ أه انا ( ماهو راجل حاجج بيت الله يعني مايكدبش أبدا و لو على رقبته
) , طب يا حاج طلباتك ؟ يقول لهم عايز ( الحلوان ) , 5 جنيه مثلا ( و النحاس يساوي
20 جنيه ) , يقولو له اتفضل ال 5 جنيه اهي , يقول لهم هتمشو فوق السطح بعد بيتكو ب
10 بيوت في الاتجاه الفلاني , هتلاقو النحاس بتاعكو تحت كوم قش شكله كذا و معلّمهولك
بكذا ( راجل خدوم بصراحه )
.
يرجع الناس من
عنده و يروحو ينفذو الخريطه اللي قال لهم عليها و يلاقو النحاس فعلا , طب ليه مايكدبش
عليهم و يتوّههم ؟ عشان حضرتك لو كدب عليهم سمعته هتنضرب في السوق و محدش هيروح له
بعد كده .
.
و توته توته خلصت
الحدوته
( الناس زمان كان
لهم طعم و شكل و لون و حضور غريب و لهم ابداع خاص بيهم , حتى الحرامي كان مبدع ).
.................................................................................................................
ليست هناك تعليقات:
إرسال تعليق