Mohamed
Hussein
14
فبراير 2019·
هابي فلانتين
.
تعالي نسرق لحظه
حلوه تتحول لذكرى , نحب بعض وسط عالم كله عمال يكره .
- لا يا اخويا
, أمي قالت لي ماتسرقيش حاجه .
طب خدي العيال
و روحي اقعدي عند أمك .
...............................................................................................................
Mohamed
Hussein
14
فبراير 2019·
هابي لامؤاخذه
فالانتاين داي
.
سأل رجل أعرابي
حكيم الزمان و قال له يا حكيم خبرني بالله عليك كيف تكون الزوجه ؟
فتبسّم الحكيم
و رَبَت على كتف الأعرابي وقال له : يا بني , أما الزوجه فهي حاله من اتنين مالهمشي
تالت ولا فيه وسط , إما إن دخلتها عليك تشرح القلب زي مُحصّل المايه بالظبط , مبتسمه
و أخرها تطلب عشرين جنيه , او تكون و العياذ بالله زي محصل النور , ضاربه بوز شبرين
و عايزه 1750 و إلا هتشيل العدّاد .
..............................................................................................................
Mohamed
Hussein
13
فبراير 2019·
تخاريف
.
انا واحد مؤمن
تماما بالحب , مش بس بين البشر , انما حتى الحيوانات بشوفها بتحب بعض , حتى الجماد
بيحب , انا ممكن أتخيل شجره مالت بجزعها ناحية شجره تانيه واقول دي بتحبها و أبتسم
.
.
المهم و بدون شخصنه
ولا حاجه , عايز أقول رأيي الشخصي , انا شايف في الصوره دي كمية بلاستيك و كمية مسخ
و كمية تشويه لمعنى الحب و كمية غثيان و كمية بيض فاسد تكفي الشرق الأوسط و شمال أفريقيا
.
.
يعني يعني , لو
عيد الحب ده له إداره كونيه ما أو له عمده و كبير قاعده و حب يعمل دعاية سلبيه , أوسخ
دعايه سلبيه في التاريخ للمنتج بتاعه ( اللي هو الحب ) مش هيلاقي صوره أفضل من كده
.
.
ولو الصوره و المشهد
ده هنشوفه في التليفزيون بتاعنا بجد و بمناسبة عيد الحب يبقى فيه شخص ما في البلد دي
عايز يجيب للشعب شلل رباعي , أه و عهد الله .
.
فخامة الرئيس عبد
الفتاح السيسي , ليا طلب غريب أوي , امنع المهزله دي ياريس , مش ضروري كل حاجه في حياتنا
تبقى مشوهه و مسخ كده , لا ده الحب ولا دي ناس تسمع عنه , هو طلب غريب أوي بس معلش
, امنعها ياريس وانا أنتخبك مدى الحياه .
..........................
بصو , اعتبروني
بخرّف , يا خلاثى جميلين خالث و كيوت يا ناس .
..............................................................................................................
Mohamed
Hussein
13
فبراير 2019·
و مين فينا ماخدشي
بالباقي لبان ؟
.
مين فينا ماتخدعش
عالمستوى العام في شخص أو جماعه او دوله او كيان أو مصطلح أو افتكاسه شكلها حلو , أو
أو ؟.
.
مين فينا ماعاشي
سنين من عمره و هو متخيل إن الحدايه بترمي كتاكيت و إن أمريكا كيوت خالص و رقيقه و
بسكوته في نفسها أكتر من نرمين الفقي .
.
مين فينا ماتخدعش
في أيمن نور لمجرد انه اترشح قصاد مبارك في انتخابات , ماتخدعش ببؤين حلوين كان بيقولهم
, يعطيكَ من طرف اللسان حلاوةً و هو أصلا من جواه ابن وسخه لذيذ و ألعن ألف مره من
مبارك ( اللي مش بطيقه ) , شوفو أيمن نور فين حاليا و بيشتغل ايه ؟ شغلته ايه عالمركب
؟ .
.
مين فينا ماتخدعشي
في الإخوان و الوجه السمح و كيس البلح بركة الحاج ناجي و التبرعات و زبيبة الصلاه و
أخونا الكريم و أختنا في الله .
.
مين فينا ماتمناش
إنه يعيش في أمريكا و بريطانيا عشان يدوق بنفسه طعم حقوق الإنسان و العصافير الكناريا
و يعمل سوسوسو , مين فينا ماعيطش و اتشحتف لما سمع أوباما و هو بيقول هندرس ثورة يناير
للتلاميذ في مدارسنا , قلبي الضعيف لا يحتمل
.
مين فينا ماتخدعش
بشعارات الديموقراطيه البراقه و حقوق الإنسان و الحريه والبطيخ اللي من غير بذر , و
مين فينا ماتخدعش بالوهابيه و النقاب و الحيض و البيض و كعب المرأه و طحال المرأه
.
.
باختصار , مين
فينا ماشافشي الشيطان في صوره براقه و جذابه بتلمع و بتبرق ؟
.
طب انا عايز أقول
ايه ؟ عايز أقول الاعتراق بالحق فضيله , فضيله ذات نفسها ممكن تعترف معانا عادي , و
بالتالي لازم كمان نعترف إن اللي نعرفه في الشأن العام حماده و اللي مانعرفوش حماده
تاني خالص .
.
عقولنا كبرت شويه
و فهمنا في اخر 8 سنين , و خدنا كورس مكثف في العضل , بعد الكورس ده ماينفعش نرجع تاني
لمرض البلاهه و الإنبهار و الهطل اللي كنا عايشين فيه .
.
بحب الديموقراطيه
, بحبها من قلبي و من ورا مراتي , بس يا مولانا دول العالم الكبيره و الخطيره و المهمه
و اللي منها مصر و منها ألمانيا و منها روسيا و منها الصين ماينفعش تلعب الديموقراطيه
و تداول السلطه بالطريقه البلهاء اللي صدرتهالنا أمريكا , أمريكا ذات نفسها في وقت
من الأوقات مالعبتهاش بالشكل ده .
, الظروف المحيطه
بتحكم و التوقيت بيحكم و يتحكم و يفرض كلمته .
.
عارف و متأكد وعلى
يقين تام إن مصر الحديثه , مصر 2013 عملت حساب لحاجات كتير و رجالتها مش هيسيبو مستقبل
البلد للصدفه زي ماحصل قبل كده , و إن عبد الفتاح السيسي شخصيا ممكن يكون أعدّ أكتر
من بديل له , أه هييجو بالصناديق و بطريقة ديموقراطيه ( هكذا تدار الاوطان يا جحش
) , و رغم ذلك مش عارف أتخيل شكل مصر 2022 بدون السيسي
.
السيسي بالنسبالي
مش نبي ولا قديس , هو بني أدم مصري وطني شجاع إيده نضيفه , لا أكتر ولا أقل , المشكله
بتكمن في التوقيت و خطورة المرحله و بتكمن كمان في اللي عمله السيسي , سياساتنا الخارجيه
, مفيش تنازلات , إصلاح اقتصادي و هيكلة اقتصاد مترهل , لا تصالح مع الإرهاب و مع اللي
بيدعموه , مين في مصر كلها , مين في ال 100 مليون يقدر يكمل بنفس الشجاعه ؟ مين يقدر
يتحمل كمية الضغوط الخارجيه و الداخليه دي و يمشي في طريق مستقيم ؟ مش عارف , انا بفكر
معاكو بصوت عالي .
...............................................................................................................
Mohamed
Hussein
13
فبراير 2019·
-
أردوغان عمل اكشاك لبيع الخضار برعاية الدوله زي اللي عملها السيسي .
- أردوغان راح
ركب طياره حربيه واتصور زي ماعمل السيسي .
- أردوغان راح
وقف وسط عمال بيبنو مسجد واتصور معاهم زي السيسي
- اردوغان راح
يركب عجل و يتصور زي ماعمل السيسي .
.
حاجتين اتنين مستحيل
أردوغان يعرف يقلد السيسي فيهم حتى لو وقف على شعر راسه , إنه ينضف و إنه يسترجل .
...........................................................................................................
Mohamed
Hussein
11
فبراير 2019·
حدوتة الأنفاق
و قصة عنب ديبو اللي اسمها القضيه اللامؤاخذه الفلسطينيه
.
- النهارده 9 فلسطينيين
من بتوع حماس فُقدو في نفق من الأنفاق , أعلنو موت اتنين , منهم ظابط حمساوي , و قالك
كان بيتفقد حركة العمل في النفق التجاري , حلوه النفق التجاري دي يا حاج محمد ؟ أه
نفق تحت الأرض معمول من طرف واحد عشان يهربو فيه ارهابيين و متفجرات و أسلحه و يقتلو
جنود بلدنا , يووه قصدي نفق تجاري بيهربو فيه ساندوتشات حلاوة بالقشطه عشان ولاد الوسخه
عندهم عجز في ساندوتشات الحلاوه بالقشطه .
.
بصو هو بصراحه
انا كنت ناوي أحكي قصة عنب ديبو اللي اسمها القضيه الفلسطينيه في أخر عشرين سنه , من
أول ماحركة حماس سيطرت على قطاع غزه بمباركة الصهاينه , و ضربت القضيه الفلسطينيه في
مقتل او حولتها لمجرد حبر على ورق , لحد مابقى فيه مسلسل سخيف جدا و ممل اسمه بمبتين
من بمب العيد تضربهم حماس على اسرائيل يقومو يقعو في الصحرا و سحليه صحراويه يجيلها
اسهال , تقوم اسرائيل تضرب كام صاروخ على قطاع غزه تقوم قطر بنت الوسخه باعته فلوس
لولاد الوسخه التانيين اللي بيديرو القطاع و هكذا .
.
لكن ما علينا
, و بما إني مصري , يعني من البلد اللي حاربت الصهاينه 4 حروب متتاليه و قدمت عشرات
الألاف من الشهدا , مش من البلاد اللي بتبيع شعارات وفلايات باسم القضيه الفلسطينيه
, يعني لا قطري لامؤاخذه ولا تركي لامؤاخذه ولا إيراني لامؤاخذه برضه .
.
و حيث اني مصري
, من البلد اللي نشأت قبل كتاب التاريخ بيومين , وحيث اني شوفت بعيني مايفعله ( أشقائنا
ولاد الوسخه ) وانهم ازاي يتحولو لمجرد كلاب سككك لأي حد يدفع لهم فلوس , فانا قولا
واحدا , لا تعنيني فلسطين على القضيه الفلسطينيه على قدس أمهم جميعا , بلدي و من بعدها
الطوفان .
.
تقولي بقى نفق
تجاري , بؤ حلو , نفق الإرهاب اسمه نفق تجاري , زي ما الارهابيين في سوريا اسمهم الجيش
الحر و زي مالارهابيين عندنا اسمهم اسلاميين , وزي مالخونه و الصيع اسمهم حقوقيين و
مدونين , افتكاسة اللعب بالمصطلحات اللي عايش فيها أمريكا و بريطانيا و تركيا و صبيانهم
قطر بنت الوسخه و حركة لامؤاخذه حماس .
.
كل اللي ورد ذكرهم
فوق , كل أصحاب المعالي تحت نعالي , وبالتالي قتلهم او ردمهم تحت نفق أو تعليقهم على
عمود نور أمر بيسعدني جدا ( يشعر بالسعاده و معه 100 مليون أخرون ) , و أعلى ما في
خيلهم يركبوه .
.
مصر يا جحش البلد
الوحيده في الكون اللي تقدر تعيش لوحدها , عشان ببساطه شديده هي البلد الوحيده اللي
جه عليها يوم و كانت عايشه في الكون لوحدها , دوله يابني دوله , مش عصابه بتتاجر بالدين
ولا شوية أرزقجيه و مجرمين بيتاجرو بحقوق الإنسان و يتنططو زي القرود .
.............................................................................................................................
Mohamed
Hussein
11
فبراير 2019 ·
أنباء متواتره
عن نية الفنانه المناضله نرمين الفقي رفض التعديلات الدستوريه هي و الفنانه المناضله
وفاء عامر , و فيه طراطيش كلام إن سميه الخشاب هترفض التعديلات .
....................................................................................................................
Mohamed
Hussein
10
فبراير 2019·
إنهم يمارسون اللامؤاخذه
على قارعة الطريق
.
البرادعي في أحدث
هبداته , بيدعو للتوحد و التلاحم مع الجماعه الإرهابيه , الحقيقه مفيش قناع للبرادعي
عشان يسقط , القناع سقط من زمان و عضم الوش الشيطاني بان .
.
في عالم الواقع
بتعرف ( العلق ) من الخرابه اللي بيتردد عليها و في عالم السياسه بتعرف العلق من تويته
, فتلاقيه مثلا بيقولك الإسلاميين مش الإرهابيين ولا الجماعات الإرهابيه , و طبعا مايقصدش
بالإسلاميين الأزهر الشريف ولا حتى الجماعه السلفيه , الإسلاميين بتوع البرادعي هما
شوية الخونه اللي عايشين في تركيا و قياداتهم اللي مرميين في السجون و قياداتهم التانيين
اللي عايشين في بريطانيا و أمريكا و معاهم الجنسيات دي , هما دول الإسلاميين بتوع البرادعي
, الإرهابي الكيوت اللي بيقتل و الإرهابي الكيوت اللي بيحرض على القتل و الإرهابي الكيوت
اللي بيبرر للقاتل و للمحرض .
.
عموما و إجمالا
, بالنسبالي أنا شخصيا و بالنسبه لبلدي و أهلها و ناسها و جيشها و شرطتها وفلاحينها
و دكاترتها و ستاتها و رجالتها و طينها و جيناتها و سلطاتها و طحينتها بقينا نشوف مشهد
الدعم من شمامين الكوله و على رأسهم البرادعي للإرهابيين قصدي الإسلاميين , بنشوفه
دايما في مشهد الشيخ حسني و هو بيقول لصاحبه ( لو مكانشي سليم النظر اللي زي حالاتي
يساعد عاجز النظر اللي زي حالاتك يبقى نقول على الدنيا السلام ) , دي الفقره الكوميديه
اللي بترسم ابتسامه على وجه مصر و هي ماشيه في طريقها
....................................................................................................................
Mohamed
Hussein
9
فبراير 2019·
الناس اللي زعلانين
أوي و متضايقين من اللي بيحصل من اتحاد الكوره و مجلس إدارة الأهلى و مجلس إدارة الزمالك
, و حالة التخبط و العشوائيه و الشألباظات, عايز أحكي لكو حدوته عشان تعرفو بس اننا
كويسين أوي و زي الفل و مش ناقصنا غير أكلة سمك .
.
زمان وانا صغير
في القريه عندنا , كانت كل شوية قرى يتجمعو كده و يعملو دورة صيفيه , و كل قريه أو
عزبه تعمل من عندها فريق و تلعب و تقريبا اللي بيفوز كل لاعب بياخد فانله و الفريق
كله بيفوز بكاس صفيح مكلف الراعي الرسمي بتاع 3 جنيه .
.
المهم في دوره
من الدورات دي كان فريق قريتنا بيلعب مع فريق قريه جنبنا اسمها كفر عزام في نصف النهائي
( يعني السيمي فاينال ) , و الدوره بتتلعب على ملعب قريه صغيره اسمها ( سالم بيه )
, في جُرْن عندهم , لعبنا الماتش بتاع قبل النهائي و اتغلبنا و المفروض كده خرجنا خلاص
, كفر عزام أصلا كان فيها لاعب حريف أوي بس فيه عيب واحد , بيسيب الماتش شغال و يطلع
يشرب له سيجارتين , اه و عهد الله , لما المزاج بيطلب .
.
و بعدين اللي منظم
الدوره دي بتاع سالم كان صديق شخصي جدا لحارس المرمى بتاع قريتنا , لقاه زعلان بعد
الماتش , قاله انت زعلان عشان اتغلبتو , طب عليا الطلاق ماحد لاعب النهائي غيركو ,
يا عم ازاي بس داحنا مغلوبين و يهديك يرضيك , قاله والله ماحد لاعب النهائي غيركو
, و بعت فعلا مرسال من عنده لكفر عزام يقول لهم ماتجوش تلعبو النهائي عشان انتو مغلوبين
( لأن عندكو لاعب بيشرب سجاير ) و اللي هييجي منكو هنكسر رجليه .
.
و بالفعل لعبنا
احنا الماتش الفاينال ضد سالم بيه و فوزنا بالكاس الصفيح أبو تلاته جنيه و فرحنا جدا
و حارس المرمى بتاعنا قعد بعد الماتش مع منظم الدوره يشربو معسل لحد أدان الفجر و لحد
ما نفسهم اتقطع ( احتفالا بالفوز ) .
........................
فعايز أقول لكو
يعني احنا كده حلوين اوي , و انا شخصيا مش هستغرب لو اتحاد الكوره طلع بيان رسمي بكره
الصبح أعلن فيه فوز الترسانه بالدوري الممتاز موسم 2018/2019 .
.............................................................................................................................
Mohamed
Hussein
9
فبراير 2019·
ليفربول إلعب
, صلاح سجّل , أنا إفرح
زمالك إلعب , حلال
إكسب , أنا إفرح
جاره ليكي كلام
.
..................................................................................................................
Mohamed
Hussein
9
فبراير 2019·
أشهر قصص الحب
في التاريخ .
.
روميو و جولييت
, عنتر و عبله , جميل و بثينه , كُثيّر و عزه , قيس و ليلى
سرسور و كايا
......................
جميل في مره قال
لبثينه :
أبلغ بثينة أني
لستٌ ناسيها
ما عشت حتى تجيب
النفس داعيها
بانت فلا القلب
يسلو من تذكرها
يوما و لا نحن
في أمر نلاقيها
.................
و كثير في مره
قال لعزه :
لا تغدرن بوصل
عزة بعدما
أخذت عليك مواثقا
و عهودا
إن المحب إذا أحب
حبيبه
صدق الصفاء و أنجز
الموعودا
لو يسمعون كما
سمعت كلامها
خرّوا لعزة رُكّعا
و سجودا
...................
و قيس في مره قال
ليلي :
و قالو لو تشاءٌ
سلوت عنها
فقلت لهم فإني
لا أشاءٌ !!.
.................
و سرسور في مره
قالت ل كايا :
مورينيج , قلبي
يارب
........................
اعتقادي الشخصي
إن العالم الكبير دارون في نظرية التطور كان بتاع بليله , القرد ماتطورش بمرور الزمن
و بقى إنسان , إنما الأقرب للمنطق إن الإنسان تطور جدا و بقى قرد !! .
..............................................................................................................
Mohamed
Hussein
8
فبراير 2019·
ماكرون : مسيو
خالد , كومون سا فا ؟
خالد يوسف : صفاء
مش بيا خالص
ماكرون : مسيو
خالد , سافا مش صفاء !!.
خالد يوسف : سافا
مش بيا , جو سوي مالاد
ماكرون : طبعا
مانت مش راحم نفسك و مش عاتق
ماكرون لزوجته
: خشي يا وليه جوه , مش ناقصين مصايب
خالد يوسف مبتسم
و منهك : لا دي سيبها , النوع ده متخافش عليه
ماكرون : نو ديرو
كي فوزيت أن بلوجور ( هنقول انك مدون ) و نحميك
خالد يوسف : أيوه
هو بلوجور ده , و أطلع منها زي القارعه من الضفيره , أنا بلوجور و عايز أتعامل معاملة
البلوجور .
ماكرون : بيا
, بيا , ماي دي موا , ويش سوّيت مع البنتين في اخر فيديو يا مفتري يابن المفتريه ,
داحنا تلامذه جنبك و عهد الله .
...............................................................................................................