3أبريل
بقالي 12 سنه هنا , ماشوفتش واحده لبنانيه في العشرينات والتلاتينات والأربعينات وزنها 95 كيلو ولا 115 كيلو ولا 170 كيلو زي ما بنشوف في مصر .
من كام يوم دخلت واحده لبنانيه طويله ما شاء الله عايزه دوا للتخسيس , قالت لي أنا وزني 69 وعايزه انزل 5 كيلو !!.
لا يا ستي تنزلي تروحي فين ؟ , والنبي خليكي قاعده شويه ده الشاي عالنار !!.
.
دي الست في مصر بيبقى وزنها 90 كيلو وتروح تزور أمها في بنها , تقوم أمها تقول لها ( مالك يابت هفتانه وخاسّه ولونك مخطوف ؟ هو الموكوس جوزك مش بيأكّلك ولا ايه ؟ إلهي ما يوعى يكسب البعيد !!.
3 أبريل
منذ حكمه صينيه قديمه ... وشايلها في النيش مع بقية الحاجات الصيني !!.
.
تقول الحكمه الصينيه القديمه ( إذا كان لديك رغيفان من الخبز ...فبع أحدهما واشتري بثمنه بانجو , فالخبر مفيد للجسد والبانجو مفيد للمشهد السياسي في مصر ) !!.
.
صاحبك الأنتيخ كتب على صفحته ( الإخوان يمارسون العنف والدوله بترد عليهم بعنف واحنا وقعنا بين اتنين حمير ) نياهاهاهاهاهاهاها .
.
انتهى البوست الفكيك , وجاءت التعليقات كالتالي , نحنوح رقم ا : ( فعلا معاك حق , إلا الحماقة أعيت من يداويها ) نياهاهاهاهاها .
نحنوح رقم 2 : قصدك وقعنا بين اتنين بهايم نياهاهاهاهاهاهاها .
.
ممممممممم بالك انت صاحبك الأنتيخ و( نحانيحه ) لو كانو موجودين أيام حرب اكتوبر , كان كتب على صفحته ( اسرائيل مارست العنف ضد المصريين والدوله المصريه ترد عليهم بعنف مماثل , لقد وقعنا بين اتنين حمير نياهاهاهاهاها ) ونفس التعليقات كنت هتلاقيها , مش بقول لكو الصينيين سابقينا ب مليون سنه ضوئيه ؟ وابقى بيع رغيف عيش واشتري بتمنه بانجو عشان تعرف تعيش في مصر .
........................
........................
صاحبك الأنتيخ التاني كتب على صفحته ( شوفتو مبارك بيأيد مين ؟ السيسي هههههههههه أنا هنتخب عم محمود بتاع الكاوتش بقى ) نياهاهاهاها .
... ممممممم يعني يعيب السيسي إن مبارك بيأيده يا أنتيخ ؟ يعني لو صافيناز طلعت وقالت أنا بأيد حمدين صباحي هل ده يبقى عيب في حمدين ؟ طب هفكرك بحاجه صغيره , يوم ما عصرت لمون وانتخبت مرسي ولبستنا في الحيطه انت وبلال فضل , كنت واقف يوميها في نفس الطابور اللي فيه عبود الزمر وعاصم عبد الماجد واسامه بن لادن وريا وسكينه الله يرحمهم , ولا ماكنتش واخد بالك من المؤيدين اللي في صفك وقتها ؟ وقلت مرسي مرشح اللامؤاخذه الثوره , خلاص... لما تسمع رأي مبارك اعتبره عاصم عبد الماجد يا أخي وقول ان السيسي مرشح الثوره !!..
.
الخلاصه : كلام مبارك عن دعم السيسي مابيكبّرش السيسي في نظري ( ولا بيصغّره ) وكلامه المعارض لحمدين ماصغّرش حمدين في نظري ( ولا بيكبره ) ............. يارب تكون فاهم أي حاجه في دنيتك بقى , عشان ريحة البانجو اللي معبّقه في الفيس خنقتني , افتح الشبابيك يا عم مارك الله يخرب بيت اللي جابك .
2 أبريل
قميص عثمان
.
- كل واحد فيهم عنده قميص عثمان , شايله في الدولاب لوقت عوزه
.
الأول , بيكفّر ويلعن ويسب ويقذف ويتاجر بكتاب الله وأياته ويقتل ويحرق ويخرّب ويكذب ويلفّق ....بس وقت ما يتزنق يقول ( داحنا جماعه دعويه بتاعة ربنا ) ...ده قميص عثمان يا معلم .
والتاني : عارف إن مبارك وحبيب العادلي وكل قتلة الثوار محكوم عليهم بالبراءه من سنتين ( من ايام حكم مرسي وقبلها ) وإن القضيه قدام القاضي فشنك , ورق أبيض A4 وحياتك , ومع ذلك كل ما يتزنق يقول ( بتحاكمو الإرهابيين الكيوت وسايبين قتلة الثوار ؟ ) ...
و ده برضه قميص عثمان يا معلم .
.
المشكله بقى إني حافظهم زي كف إيدي , كل واحد فيهم فاكر نفسه مُفكّر وغامض و لولبي و ديب سحليوي مع إنهم واضحين زي الشمس , يابني إنت أتفه وأهطل وأغبى من إنك تكون غامض !!.
2 أبريل
ماعنديش شك إن جهاز الشرطه في مصر ماطوّرش نفسه من عشرين تلاتين سنه , وان أجهزة اتصاله عفى عليها الدهر , وماعنديش شك برضه إن جهاز الشرطه مخترق من قبل الإرهابيين , وإن ( مسعد بيه ) اللي بياخد 20 ألف عشان يعمل لك ملف من أبوه لعربيه جمرك مش هيمانع ياخد 200 ألف عشان يبلغ عن زمايله .
.
طب حكاية الإغراءات الماديه دي أكيد بيحاول الإرهابيين يعملوها مع ظباط شرطه وظباط جيش , ليه بقى بتنجح مع الشرطه والحمد لله بتفشل مع الجيش ؟
.
أنا أقول لحضرتك ليه ؟ , بقى يا سيدي المخابرات العسكريه لو عرفت إن فيه ظابط جيش بيتعامل مع الجماعه الإرهابيه أو بيفكّر إنه يتعامل معاها ,فورا بتخفيه من الوجود ولا محاكمه ولا سجن ولا بتاع , ولو حد سأل على الظابط ده بعد سنه ولا اتنين بترد عليهم المخابرات وتقول لهم ( راح يستشكف حركة الكثبان الرمليه في الصحراء الشرقيه ) .
.
أما ظابط الشرطه ( مسعد بيه ) اللي هيتقفش وهو بيقبض من الجماعه الإرهابيه و بيبلّغ عن تحركات زمايله هتلاقي الحكايه بتخلص بالشكل ده : مسعد بيه كلّم مرعي بيه ومرعي بيه اتوسّط عند حمدان بيه وحمدان بيه عرف إنه تبع سيد بيه وقال خلاص بقى بس ماتعملشي كده تاني يا مسعد بيه !!
.
الصرامه اللي في الجيش والرقابه الرائعه من المخابرات العسكريه هي سر وجود جيشنا ثابت و شامخ رغم أحداث السنين اللي فاتت .
.
أنا شخصيا بتمنى إشراف كامل من المخابرات العسكريه على تحركات واتصالات جهاز الشرطه في مصر , ويا ريت يا ريت تبعتو محمد ابراهيم بيه وزير الداخليه عشان يستكشف حركة الكثبان الرمليه !!.
2أبريل
(( العنف يولّد العنف )) !! , جمله وردت على لسان أحد حكماء الكونفشيوسيه أو أحد كبار بياعين البليله في ميت غمر مش فاكر , محاوله ساذجه لتصوير الوضع على إنه عصابه بتحارب عصابه أو خناقه بين قبيلتين مش دوله بتحارب إرهاب ,........ ممممممممممم يا برادعي يا برادعي , عيالك بيشربو حشيش يا برادعي , الله يخرب بيت اللي جابك يابو دومه !! .
.
مشكلتنا بعد ثورة يناير إن الشعب كله بقى ( بيمارس سياسه ) بس الأيام أثبتت إن قليلين أوي في النشطاء بيفهمو في ( السياسه ) و بقية النشطاء بيفهمو في ( الممارسه ) !!.
2 أبريل
و بعد كل تفجير وعمل ارهابي هتلاقي أصحابك الإخوان نُصّهم بيقول لأ مش احنا دي الشرطه بتقتل نفسها و العميد ده فجّر نفسه عشان يلبّسها فينا , داحنا بتوع ربنا , و نُصّهم التاني بيقول أيوه احنا وعندنا سلاح واعلى ما في خيلكو اركبوه , و هو انتو لسه شوفتو حاجه ؟.
.
يعني باختصار , شعار العيشه في الوطن الإخوانجي ( إيد بتبني زرايب و إيد بتشيل السلاح ) !!.
2 أبريل
و يُحكى أن الديناصور العملاق كان قد وضع بيضه في إحدى الشقوق الجبليه قبل أن يغادر متوجهاً إلى مسقط رأسه في الشمال حيث المراعي والكلأ و الجاكوزي و الفيديو كونفيرانس , وكلما زادت حرارة الجو حول منطقة الشقوق الجبليه فقست إحدى البيضات وخرجت منها سحليه صغيره وهتفت قائلةً ( المصاااااااااااااااااالحه ) !!.
2 أبريل
ولما ولاد الكلب الإرهابيين يشتغلو تفجيرات يقومو ولاد الصرمه يلعنو في السيسي ويقولو مش عارف يحارب الإرهاب ليه ؟ ده على أساس إن الجماعات الإرهابيه لهم مقر كده ومعاهم كارنيهات الإرهابيين هنروح نقبض عليهم ونولع في المقر ونلم الكارنيهات وتبقى خلصت !! ...تعاطفك مع الإرهاب وعدم وقوفك جنب جيش بلدك في حربه الطويله دي هو قمة السفاله والإنحطاط ....صباح الزفت على أشباه الثوار وأشباح المثقفين و المجاري اللي طفحت في شوارع مصر .
