Mohamed Hussein
1 سبتمبر 2019
قصص مؤثره أوي حصلت لي , تعاطفو معايا بقى , و خلّو أهاتكو تطلع و انتو بتسبحو و بتحمدو الله , أو وانتو بتلعنو المنقبه و الملتحي , سيان مش هتفرق .
.
مره يا سيدي كنت ماشي بالعربيه و ذهني مشغول و مش عارف أخد قرار , والحكايه و مافيها إني كنت عايز أغير زيت للعربيه عشان عديت ال 10 ألاف و في نفس الوقت عايز أركّب كسوه للكراسي , و الفلوس اللي معايا يادوب على قد حاجه واحده , احترت و تعبت من التفكير و فجأه جنب جنينه ركنت العربيه و نزلت منها و قعدت تحت شجره , دماغي بتودي و بتجيب , و انا قاعد سرحان لقيت ورقة شجر وقعت على رجلي , مسكتها و كانت المفاجأه , وش الورقه مكتوب عليه ( الله , محمد ) و قلبت الورقه لقيت مكتوب عليها الكلمتين دول ( يا محمد غير زيت العربيه أهم من فرش الكراسي ) , قعدت أقول سبحان الله و دموعي نزلت و غرقت البنطلون .................... حلوه الحدوته دي ؟ ايه مش حلوه ؟
.
طب هحكي لكو حدوته تانيه يمكن تنتزع أهاتكو ,مره كنت راكب المترو و كان زحمه اوي اوي , و لما دخل المترو على دار السلام لقيت اتنين ملتحين بيبصو لي بقرف و قرّبو مني , واحد وقف جنبي و واحد وقف قدامي , اللي جنبي وشوشني في ودني لما شاف علبة السجاير في جيبي , قالي بتشرب سجاير يا زنديق يا عدو الله ؟ و اللي قدامي بص لي بنظرة أبو لهب في المسلسلات القديمه وقالي ( و كمان إل إم أزرق ) يعني مش كليوباترا من بتاعتنا ؟ و قام مطلع كاتر من جيبه وبج بطني بجيج , حاولت أمسكهم قبل مايجرو بس ماعرفتش .
.
أه استنو كنت هنسى , مصر غير أمنه للرجاله , شويه كده و هنزل ترجمة البوست بالانجليزي عشان تعجب السفاره الأمريكيه و البريطانيه و أقول لهم مصر غير أمنه , تعاطفو معايا بقى وقولو لي حمد الله عالسلامه يا نانسي , قصدي يا محمد .
.....................
يا بني ادمين , يا خلق هو , أنا تعبت أقسم بالله , لو بنشرح لمشابك غسيل كان زمانها فهمت و ماوقعتش في الفخ للمره الألف , طب حاضر نقول للمره الألف و واحد
.
1- ربنا سبحانه و تعالى خالق الكون أعظم من إنه يكتب اسمه على ورقة شجره او بيضة فرخه عشان حضرتك تقتنع بوجود الخالق , ان شالله عن أمك ماقتنعت
.
2 - الإرهاب بالسلاح على الأرض انحسر و مبقاش له تأثير , الإرهاب اللي شغال حاليا إرهاب العقل , بالقصص المؤلفه و الإفتكاسات اللي تحسسك بالرعب , و بإن مصر مش أمان .
.
3- كنت ولا زلت أكتر واحد ضد وجود النقاب ( في شوارع المدن تحديدا ) و لأسباب أمنيه لها علاقه بالهويه و الملامح و بإمكانية التنكر لأعمال إرهابيه و إجراميه ( مفيش منها حكاية عيل صغير رشو عليه حاجه خدرته عشان مفيش بنج بيترش في الشارع و يخدر حد , و مفيش منها حكايه إنها مش عاجبها شعر الأنسه فقررت تقطعه بكاتر ( البوست بتاع الأنسه في أول كومنت ) .
.
4- أي حد يكتب بوست أو قصه و ينهيه بجملة ( مصر غير أمنه ) أعرف إنه ابن شر*وطه هجاص , ولو ترجم البوست للانجليزي , إعرف إن أمه نفسها عارفه انه ابن شر*وطه و مستمتعه بشغلانتها .
.
5- أبوس ايد اللي خلفوكو بلاش التعاطف اللا إرادي و إسهال اللايك و الشير وابقو فكرو الأول , و مش أي حاجه تصدقوها , ده لو يعني بتحترمو عقولكو و أدميتكو .
.............................................................................................................
Mohamed Hussein
1 سبتمبر 2019
واضح كده من لبس عمرو دياب إن التلت بنات بتوع يوم التلات فتفتو له الفتافيت جامد لدرجة إنه مبقاش مركز ولا بياخد باله هو لابس إيه .
.
عموما الكلسون ده انا عارفه و فاكره كويس أوي , ده و احنا عيال صغيرين كان بيلبسه أبويا عبمجيد الله يرحمه و هو رايح الجامع عشان يصلي ولافح الجلابيه على كتفه ولابس البلغه في رجليه , بس التاني بتاع أبويا عبمجيد كان له دكّه طويله , تلاقي عمرو دياب مخبيها جوه , و لو سألته فين الدكّه هيقولك معنديش و هو عنده جوه .
.....................................................................................................................
Mohamed Hussein
2 سبتمبر 2019
نقطة نظام
.
- من حقك تحب الفنان الفلاني , من حقه تحبه اوي و تعلق صورته في الأنتريه أو حتى تعملها وشم على صدرك .
.
- الفن بالذات و تحديدا ملوش ألتراس , ماينفعش تكون ألتراس فلان ولا علان , لازم تفهم إنه مهما بلغت محبتك للنجم الفلاني فانت أول و أهم ناقد فني لنفس النجم ده , يعني حقك عليه و حقه عليك انك تقول له ستوب , ايه الهبل ده ؟ لا مش كده يا نجم.
.
- حياة الفنان الشخصيه في رأيي ملناش أي دعوه بيها , يحب أو يتجوز او يطلّق أو يرافق , يقعد في بيتهم بجلابيه مرحرحه وياكل مانجه و يلغوص وينيل هدومه , يشرب الشاي في حلة الطبيخ و ياكل المكرونه من مج النسكافيه , هو حر , دي حياته الشخصيه .
.
- أما حياته عالمسرح وقدام الناس فهي حضرتك مش ملك له ولا حاجه , النجوميه أساسا لها تمن ولها ضريبه لازم يدفعها النجم , ضريبة إنك شئت أم أبيت بتكون قدوه لملايين الشباب و المراهقين , ماينفعش بقى واحنا في مرحلة قال عليها الريس اسمها ( بناء الإنسان ) نبنيه بالشكل ده , ماينفعش نرمي عيالنا في خمارات و غرز حشيش و موضات هباب و نرجع نسألهم انتو سكرانين ليه ؟ انتو لابسين كده ليه ؟
.
- حق حضرتك كمحب و عاشق لمحمد رمضان و عمرو دياب انك تسألهم , ايه ده ؟ تسألهم عن لبسهم عالمسرح , و تسألهم كمان عن أعمالهم الفنيه , ممكن عادي خالص تقول لمحمد رمضان يا فنان يا كبير بلاش تحرق نفسك بنفسك و تكرر حكاية انك الشاب المكافح اللي بنتين بيحبوه و السيناريوهات المكرره الحمضانه دي اللي تلتينها بتكتبه بإيديك , و من حقك تقول لعمرو دياب مفيش حاجه اسمها تلت بنات فتفتو الفتافيت و فتنوني , مصر ماخلتش أبدا من شعراء الرومانسيه , إتعب شويه و لف و دور في دواوين الشعر و في القرى والنجوع و الحواري , هتلاقي كلام حلو أوي ينفع يتغنى و له معنى , مش أي حاجه تترمي قدامك تغنيها , افتكر إن أم كلثوم وصلت لنجوميه محدش هيوصل لها في الوطن العربي و لحد مابقى عمرها 70 و هي بتبذل نفس المجهود في اختيار الكلمات و اللحن كأنها لسه مبتدئه , مش بتستسهل ولا بتقلب ولا بتعبّي شرايط .
.
- أخر حاجه عايز أقولها , انا بحب محمد رمضان و عمرو دياب , مش بكرههم , و عايز أشوفهم أفضل ناس و عايز نجوميتهم توصل لأخر الدنيا , بس بالأصول مش بالهبل , و مفيش حاجه خالص إسمها الفنان الفلاني رصيده لدينا يسمح فنقوم نسيبه يعجن براحته.
................................................................................................................
Mohamed Hussein
3 سبتمبر 2019
بقالي نص ساعه بتفرج عالفيديو بتاع الكومبارس الفاشل اللي محدش يعرفه و خالته ذات نفسها بتتلخبط في اسمه , استنو هجيب لكو اسمه من الفيديو , اه محمد علي
.
المهم ما علينا , و بعد وصلة ضحك هستيريه وانا بتفرج عالأداء الفيك و بشم الريحه الفايحه اللي هابه عليا , مانا يابني بشم ريحتكو من على بُعد والله
.
بص يا مولانا , و ده كلامك :
- أصل انا ماكنتش مقتنع بفترة حكم الرئيس مرسي بس قلت نديله فرصه, حلو البؤ ده و بينتزع أهات الجماهير , بس انت نسيت تقول الرئيس الشهيد , ماتخليك جدع و تقول الشهيد ؟
.
- أصل انا ماكنتش عايز الجيش يحكم لأنهم مش بيفهمو في الاقتصاد وانا اللي بفهم في الاقتصاد , أه معاك حق تعالى نشوف فهمك في الاقتصاد .
.
- احنا هنعمل فندق 7 نجوم في التجمع الخامس تبع المخابرات و يتكلف 2 مليار جنيه ليه ؟ دي لا منطقه سياحيه ولا بيجيلها سياح ولا حاجه ؟ وفندق 7 نجوم بيطل عالطريق الدايري والفيلات ؟! هو ده الفيو ؟!
.
تصدق انت أفحمتني يا حماده , أفحمتني صحيح , بس تعالى هقولك , تسمع عن فندق اسمه كمبينسكي ؟ ده واحد من أغلى فنادق العالم ,شركه عالميه لهم فروع في 30 دوله , عشان تدخل جوه الفندق ده و تعطس بتدفع 10 الاف جنيه تمن العطسه , لو عايز تتصور بقى مش هقولك تدفع كام , المهم ماطولش عليك لا تنام مني وسيجارة الحشيش مفعولها يخلص , الشركه العالميه اللي عمرها 130 سنه و عندها فنادق في 30 دوله فتحت فرع فين ؟ قول انت كده ؟ اه في التجمع الخامس , والفيو بتاعه ايه ؟ أيوه بالظبط الطريق الدايري و فيلات ( أكيد مش بيطل عالبحر المتوسط ), ماهما أصلهم ولاد كلب بهايم و ماعندهمش مهندسين ولا خبرا , و مش بيفهمو حاجه في الاقتصاد زي الجيش بتاعنا كده على عكس جناب ** أمك طبعا .
.
- وبعدين المشروع بتاع الفندق أصله فاشل زي قناة السويس و العاصمه الإداريه !! هوبا , جيت برجليك يا معلم , ماهو المثل بيقول ( مسير اللامؤاخذه تجيبه اللامؤاخذه بتاعته ) , طب حاول تلحق لك شقه في المشروع الفاشل الفنكوشي بتاع العاصمه الاداريه ولو 50 متر عشان هنفتتحها و مصر تتحكم منها في شهر 6 الجاي .
- و أخيرا يا حماده , سؤال بيطرح بلح , هو الجيش عمل لك شيك على بياض للفندق اللي كان عايز يعمله و فلوس زي الرز ( مع اننا بلد فقيره يا اخي ) ولا انت بتكح تراب بشركتك و ماخدتش فلوس و بتصرف من جيبك , يابني ماترسى على بر , هو الجيش فتح لك حساب عالبحري و قالك إغرف من فلوس البلد الفقيره ولا طلع عين أمك و مادالكش فلوس ؟ّ! عشان نبقى عارفين بس .
.
- عزيزي حماده الكومبارس الفاشل , أنا مش بس بشم ريحتكو , انا كمان بشم ريحة مستقبلكو , وبعد الفيديو بتاعك هقولك , انت هتطلع على تركيا , و هناك هيشقطك أمير قطري ( أه هي يشقطك ) زي أصحابك الصيع اللي هربو و سبقوك , وبعد ما تتشقط شويه حلوين هتقدم برنامج في قناة الشرق ,إجهز بقى بالمقدمه و الحزقه الناريه
.........................................................................................................
Mohamed Hussein
3 سبتمبر 2019
حكاية سبتمر ( صبطمبر )
.
- مصاريف مدرسه ( بيزودوها ألف و اتنين كل سنه عشان الدولار غلي و البنزين غلي وحجر المعسل غلي و الجرجير غلي والفرخه بتاعة صاحب المدرسه بقت برجلين اتنين بس بعد ما كانت ب 3 رجول , يعني ظروفهم صعبه أوي ) .
.
- يونيفورم المدرسه ( بيغيروه كل سنتين تلاته عشان يواكب أحدث صيحات الموضه في باريس و السنبلاوين و نزلة السمان ) , طقم صيفي و طقم شتوي و طقم بي اي صيفي وطقم بي اي شتوي و تي شيرتات و بناطيل و جيبات و حبشتكانات .
.
- الكتب الخارجيه , في الماث والإنجليش و الفرينش و الساينس و العربي والسوشيال و الدين ( أه و عهد الله بنجيب كتب خارجيه في الدين ).
.
- السابلايز , كشاكيل عربي و كشاكيل انجليزي و ده بسلك و ده من غير و ده A4 و ده لأ , و ده مربعات صغيره و ده مربعات كبيره و ده وش و وش , و ده وشه زي قفاه عادي , و 3 دراهم بذر نجف و 3 حزومبل و حتة حنتيت و كسفريت و قرن خرتيت و عين عفريت .
.
- كراريس كتير و كراسات سكيتش و ألوان رصاص و ألوان مش رصاص و جلاد ألوان و تيكيت و ستيكرز وزمزميه يعني فلاسك يا جاهل ,و أقلام فيبركاسل و أقلام مش فيبر كاسل , بين قوسين مش بيض , و علبة سنون 0.7 اوعى تغلط و تجيبها 0.5 و إلا بنتك مش هتفلح ولا هتنجح ولا هتتجوز لما تكبر و مش بعيد يتعمل لها عمل و تتعقد و تتهطل و تحولّ و تبقى شبه مي عز الدين لما فكرت إنها تمثل كوميدي .
- شنطة مدرسه ولانش بوكس ولانش باج و جزمه للمدرسه و كوتشي للبي إي , وتوك للشعر و أساتيك و امشاط و شرابات و فلايات ( الحمد لله ماطلبوش إبره لوابور الجاز ولا جلدة للحنفيه )
.
- نحجز دروس خصوصيه بقى لأن المنهج مضغوط ضغطة الناس في عربية المترو الساعه 2 الضهر يعني الدنيا مش مستحمله و يادوب نقدر نجمع المتبعتر و نلم الفتافيت اللي فتفتوها البنات طول الصيف .
........................
مممممممممم طب وعهد الله المفروض شهر سبتمر ده نعامله معاملة شهر رمضان كده و يبقى شهر كريم للخير و البر و الإحسان , والناس اللي معاهم ملايين كتير و رجال الأعمال و نجيب ساويرس و أبو هشيمه و أبو العينين و أبو أي حد معاه فلوس يتبرعو للفقراء والمساكين و المحتاجين و البابيز و الماميز.
..........................................................................................................
Mohamed Hussein
4 سبتمبر 2019
البعره و البعير
.
حاجتين مهمين أوي عايز اتكلم عنهم باختصار , و الله على ما أقول شهيد , بس في الأول فيه سؤال أهم , إزاي نحكم على الأشياء والأشخاص و الأحداث و البوستات و الكتابات و خلافه ؟ بالنسبالي أنا شخصيا بيكفيني للحكم مثل عند العرب , مثل بيقول ( البعره تدل على البعير ) و معنى المثل إنك ممكن تعرف نوع الحيوان اللي مشي في المكان الفلاني ده من شكل الفضلات بتاعته , فضلات المعزه غير فضلات الجمل غير فضلات الانسان غير الكلب و خلافه , وبالمثل تقدر تعرف و تقيم الشخص و الشخصيه من الفضلات , و هنا كلمة الفضلات هتبقى بتعني كلامه نفسه , من تطابق كلامه مع بعض , من منطقية كلامه , وفي الأخر هتقدر توصل لتصنيف الشخص , هل هو حد كويس ولا حد نصاب ولا حد حلنجي ولا حد صايع ولا بني أدم ولا معزه ولا كلب .
.
خدوها مني بقى وعلى مسئوليتي وابقو فكروني بالبوست ده بعد شهر و اتنين لما تتأكدو .
.
1- محمد علي الممثل اللي محدش يعرف شكله , حكايته باختصار ومن خلال فيديوهاته و بوستاته , ممثل فاشل و مقاول انفار نصاب و حلنجي , كلامه نفسه بيقول كده , و الحدوته و مافيها إنه اندين للبنك و الجيش و أنتج فيلم على حسابه و خسر فلوس كتير و طبعا واضح من شكله انه بيضرب كل أنواع المخدرات اللي ربنا خلقها ( دي حاجه نعرفها احنا سيادتك , شغلتنا يعني ) , فقرر انه يهرب من ديونه للبنك و للجيش و الموظفين اللي كانو شغالين في شركته و بما إننا في زمن البلاله فأي نصاب دلوأتي لما يحب يعمل لنفسه حيثيه و أهميه مش هيلاقي أحلى من إنه يخبط في الجيش و في مصر , و بدل مايبقى مجرد صاحب شركة مقاولات نصب و هرب من ديون يتحول لمناضل سياسي , اه نسيت كمان انه خبير اقتصادي عشان معاه دبلوم , دبلون قد الدنيا .
.
الحكايه بتاعة محمد علي هتنتشر الأيام الجايه و يمكن انتشرت قبل كده في صور مختلفه , برضه أي راجل أعمال فاسد أو حد شغال في توظيف الأموال أو تاجر مخدرات عايز يبقاله ألتراس يدافعو عنه وقت الجد و وقت مايقع في مصيبه هيلاقي أسهل طريق إنه يحول نفسه لمناضل سياسي , سهله خالص أهي
...............................
2- البنت الكتكوته أم تاتو صاحبة القصه الخزعبليه بتاعة الكاتر و المنقبه و المترو و قصو لي شعري دي نصابه و صايعه , مجرد ماتقرى البوست هتعرف , و ( البعره ) هنا هتلاقيها بسهوله من ترجمة البوست للإنجليزي ( لا حضرتك مالهاش صاحبات أجانب مقيمين في مصر ولا حد يعرفها و خالتها ذات نفسها بتتلخبط في اسمها عشان بس ماتعيش الدور علينا ) , والبعره التانيه هي جملة ( مصر غير أمنه ) , بعرتين يعرفوك كويس أوي ان اللي مشي في الطريق ده و كتب البوست ده حد صايع ابن نصابه , اه بالمناسبه , في أمريكا يوميا حوادث قتل في السوبرماركتات و الأتوبيسات و محطات البنزين , هل لو حد حصلت له حادثه هناك أو شافها بعينه المفروض يكتب ( أمريكا غيرامنه ؟ ) ,ولا مابيكتبوش ؟ و لا الجمله دي نفسها تستدعي تحقيق و سجن و تعليق على عمود نور حتى في أمريكا ؟ حاول تفكر بس , و صدقني ربنا خلق لك دماغك لحاجه مهمه , و الحاجه المهمه مش إنها تشيل النضاره و العمه .
.............................................................................................................
Mohamed Hussein
4 سبتمبر 2019
هههههههههههههه , الواد المقاول النصاب و الممثل الفاشل , اللي شبه تبّاعين الميكروباصات بتوع خط السلام النهضه , اللي اسمه محمد علي , فرح بشوية اللايكات و شوية المشاهدات للفيديو فقرر انه يعيش الدور , ولازم طبعا يحكي لنا قصة حياة أهله البطوليه , خد دبلوم وابوه كان بطل في كمال الأجسام و أمه احسن واحده بتعمل محشي في العجوزه
.
مش بعيد بكره نلاقيه بينزل الفيديوهات بإسم لكل فيديو زي عناوين الأفلام كده , محمد علي فوق صفيح ساخن , محمد علي فوق البركان , محمد علي في مواجهة الجيش المصري , محمد علي و رامبو , محمد علي يهدد مصر بالسلاح النووي او بسيجارتين حشيش .
.
المهم انه عايش الدور , عايشه أوي , شوية كده و هيسخن أكتر و الأستروكس يشتغل معاه وبعد ماكان بيكلم السيسي النهارده بكره هتلاقوه بيكلم الدولاب و السرير و الموبايل و سيجارة الحشيش , و سيجارة الحشيش هترد عليه عادي و بعدها يقومو ياخدو بعض حضن مطارات .
.
عارف ياض يا حماده , انا كنت فاكرك حد له أي تلاتين لازمه في الحياه , أو 3 لازمات حتى بس طلعت فستك خالص , واللي زيك يا حماده مفيش حد بيشغل دماغه بيه , ولا حد هيقتلك ( إلا حبايبك اللي مصيتين الفيديو في قنواتهم لما يحسو ان دورك انتهى , وقتها قتلك هيلمع قضيتهم اكتر ) , المهم و رأيي الشخصي يعني بعد ماشوفتك في كذا فيديو وانت فاتح زرارين من القميص باعتبارك رشدي أباظه و فريد شوقي مضروبين في خلاط واحد , عايز أقولك كلمه حطها حلقه في ودنك , انت اللي زيك هيبقى أسرع راجل يلبس قميص نوم في شارع من شوارع أوروبا و يمشي يكلم نفسه و يقول أنا سوسن .
..................................................................................................
Mohamed Hussein
4 سبتمبر 2019
أبو الواد الصايع : ملناش فلوس عند الجيش بالعكس احنا كل ملايينا و خيرنا من شغلنا مع الجيش , مش مسامح ابني عشان غلط في الريس , ابني انضم للإخوان و بعتوله طياره خاصه , إبني عنده قصور وفيلل و عربيات ملهاش أول من أخر , ................ إلخ .
.
بص يا مولانا , انا و الله حاولت أتأثر و أتشحتف لما شوفتك بتعيط بس ماعرفتش , مش عارف أنا قلبي اللي بقى حجر ولّا عقلي اللي كبر ؟!.
.
والحكايه و ما فيها حاجتين اتنين :
.
- لو فاكر انك بظهورك عالهوا النهارده هتجمل صورة معينه لشركتك و تنقذ ما يمكن إنقاذه و ترجع تاكل من خير الجيش و خير البلد دي تاني فأكيد انت حد مختل عقليا , و مش بعيد اللي اكلته بط بط يطلع على جتتك وز وز و ماتلاقيش أجرة الحلاق اللي بيعمل لك الضفاير دي , ماهو أصل إسم عبد الفتاح السيسي و المحترمه سيدة مصر الأولى و جيش مصر العظيم ماينفعش يكونو لبانه في بؤ عيل صايع .
.
- الحاجه التانيه و الأهم إني ماشوفتكش ضحيه , انت مذنب زيه و يمكن أكتر , مذنب عشان انشغلت في جمع الملايين و دلعت عيل و خليته يفشل في التعليم و يفشل في التربيه , اللي هو نظام هجيب لك بي إم دبليو يا حماده وانت في تانيه اعدادي , تف على عمو يا حماده, و غالبا الواد ده بيشرب مخدرات من بعد ماتفطم من الرضاعه مباشرة , باختصار انت ضيعت وقتك في عمل الفلوس و نسيت تربي ابنك , إنما يا أخي مانسيتش تربي ضفايرك , سبحان الله .
......................................................................................................
Mohamed Hussein
·5 سبتمبر 2019
معتز مطر كبير فلاسفة الحمير : كلمة تريومف تعني إنتصار بالألمانيه , و السيسي كان عايز يسمي الفندق تريومف عشان يبقى على اسم مراته !! .
...............
ممممممممممممم يااااه ياريس عبد الفتاح , انت قد كده ربنا حابك و مبارك فيك و عاطيك و واصل عنده وسرك باتع لدرجة إنهم كمان يسمو إسم ميدان في مصر الجديده ( ميدان تريومف ) على إسم العظيمه سيدة مصر الأولى ؟ مع إنه متسمي كده من قبل مالعظيمه السيده انتصار تتولد ؟ سبحانك يارب , إنت قد كده ضارب بخيرك و بكراماتك في المستقبل و الحاضر و حتى الماضي و التاريخ؟ ربنا يعطيك كمان و كمان ياريس و إنشالله عقبال ماربنا يرزقك بحفيد و نسميه ( خوفو ), و كبير فلاسفة الحمير يقول إن السيسي سمى الهرم الأكبر على إسم حفيده .
..........................................................................................................................
Mohamed Hussein
5 سبتمبر 2019
معتز مطر : كلمة تريومف تعني إنتصار بالألمانيه , و السيسي كان عايز يسمي الفندق تريومف عشان يبقى على اسم مراته !! .
..................
عزيزي معتز مطر , هل تعلم ؟
.
- هل تعلم أن محل ( هابي ) بتاع لعب الأطفال اللي في فيصل اتسمى كده على اسم الخديوي سعيد , لأن هابي بالانجليزيه بتعني سعيد ؟ .
.
- هل تعلم إن أي بنت اسمها نور يبقى من حقها تورث نص فروع محلات التوحيد و النور لانهم مكتوبين باسمها ؟ و النص التاني ل توحيد طبعا .
.
- هل تعلم إنك لو دخلت محل ( مكه ) اللي في مصطفى النحاس هتلاقي كعبه صغيره جوه و إنك لو طلعت قسم الادوات المنزليه ولفيت فيه 7 مرات و بعدين وانت بتدفع الحساب رميت الراجل اللي قاعد عالكاشير بطوبتين في دماغه ف ده بيعادل حجه مستوفاه الأركان ( الطواف و السعي و رجم إبليس ) .
.
- هل تعلم أن شركة FINE بتاعة المناديل اتسمت كده على اسم نحمده بنت خالي ؟ لأن كلمة فاين بتعني ( بخير ) بالعربيه و بتعنى برضه ( نحمده ) بالعاميه .
.
- هل تعلم , إن إسمي محمد و مع ذلك لسه سيدنا جبريل مجاليش لحد دلوأتي ؟
.
- هل تعلم إنك لما تدخل فرع من فروع ( ماذر كير ) لازم تبوس و تحضن كل ست تقابلها هناك من باب بر الوالدين و صلة الأرحام , أمك ثم أمك .
..........................
..........................
- و أخيرا هل تعلم إن ربنا سبحانه و تعالى خلق الحمير عشان نركبها و نسرح بيها الغيط و نشيل عليها سباخ ( و الخيل و البغال و الحمير لتركبوها ) مش عشان يقدمو برامج و يشتغلو إعلاميين و فلاسفه ؟! .
..............................................................................................................
Mohamed Hussein
7 سبتمبر 2019
أه والله , السابلايز بتاعتنا كانت عباره عن حتة قماشه أمي الله يرحمها بتخيطها و تقلبها و تعمل لها جيب من نفس القماشه و زرار للجيب و دي تبقى شنطة المدرسه ( القماشه نفسها كانت غالبا حتة من كيس مخده أو حته من ملايه تم استهلاكها ) , و قلم رصاص غالبا طوله بيبقى وصل ل 2 سم و بنمسكه بالعافيه عشان هو معانا من سنين , و موس حلاقه يكون أبويا حلق بيه سبعتاشر مره و ده بتكون البرايه بتاعتنا , و أستيكه معضعضينها من كل ناحيه تقريبا لما بنجوع أو نكون متضايقين من حاجه , وكراستين يا مولانا من اللي هما مكتوب عليهم من ورا نصايح ولا تؤجل عمل اليوم إلى الغد.
.
البرجل و المنقله و المثلث و الأله الحاسبه كانو بيبقو بتوع شارع بحاله مش شخص لوحده , يعني تستلف البرجل و تسلف المنقله و هكذا , و أتخن علبة ألوان مسكتها في إيدي كان بيبقى فيها قلمين بيلونو اللي هما غالبا البني و الأصفر و الباقي مات و شبع موت بعد ما عبيناه سبرتو 500 مره في محاولة لإنقاذه , الجلو بتاعنا كان عباره عن صمغ بنجيبه من شجرة معينه و نسيحه و نلزق بيه أو كام حباية رز مطبوخين , أبويا الله يرحمه لما كنت أقوله عايز كراسة رسم بريال أو علبة ألوان كان يبص لي و يبتسم و يقولي جمله مش بنساها أبدا , يا محمد يابني انتو عايزين لكو ماسورة 6 لنيه تنزل فلوس عشان تكفيكو .
.
اتعلمنا بقى وكبرنا و بقينا دكاتره و مدرسين و مهندسين و احنا مانعرفش يعني ايه لانش باج ولانش بوكس ولا نسمع عن ستيدلر و بريما وفيبر كاسل .
.
أه نسيت حاجه كمان مهمه , أمي و أمهات العيال زمايلي كان اسمهم أمهاتنا مش الماميز .
...........................................................................................................
Mohamed Hussein
7 سبتمبر 2019
و بعد التحيه
.
أصدقائي الأفاضل , محدش يزعل مني والنبي
بشويش خالص أهو
.
1- ابن مرسي مات , طيب ماشي , هترحّم عليه ؟ لأ , انا مابترحمش على حد منهم و ربنا مش هيحاسبني على كده , انا حر أترحم أو ماترحمش , أدميتي كمان مش بتفرض عليا إني أترحم بالعافيه و بالدراع على حد مات .
.
2- بس ده كان شاب عمره 25 سنه ؟ و ماله , فيه زيه يوميا ألاف الشباب بيموتو لأسباب مختلفه , موته طبيعيه أو حادثه أو أو أو , في مصر و في كل مكان في العالم , وفيه ألاف الشباب ماتو من مصر وهما بيحاربو الإرهاب ( بتاع الجماعه الإرهابيه ) , جنود و ظباط , جيش و شرطه , دول الشهدا بالنسبالي , ماهي كلمة شهيد ماينفعش تكون زي جُرْن الهبله كده و كل واحد صايع يموت نقول عليه شهيد .
.
3- طب نشمت بقى في موت ابن مرسي ؟ لأ , لا دينا الاسلامي و المسيحي ولا أدميتنا بتقول كده , بس هما بيشمتو في موتنا ؟ اه صح , هما حضرتك بيتاجرو بدين ربنا , بيتاجرو بالدم و الموت و بالأيات و بالأحاديث , بيمارسو الإرهاب و يحرضو عليه , بيكدبو و يزيفو و يزورو 24 ساعه يوميا , يعني وصلو لليفل اللي بعد الشيطان بشويه , حضرتك ليه مستغرب انهم يشمتو في موتنا ؟ وفي نفس الوقت احنا مش زيهم ولا هنكون زيهم , مش معناها اننا مقطعين حصر الجامع إنما عالأقل بني أدمين , الموت نفسه له حرمه , الموت ككيان له حرمه , حتى لو كان اللي مات كلب مسعور أو برص جربان .
.
4- بس تقرير الطب الشرعي بيقول انه مات نتيجة كذا و كان بياخد أدوية كذا ؟ اه صح , طب مانشمت بقى ؟ لأ , تقرير الطب الشرعي بيطلع عشان يحدد سبب الوفاه مش سبب الشماته , و كون انه بياخد ادويه نفسيه اوحتى بيشرب مخدرات ف ده لا يعنينا .
.
5- بس هو كمان بياخد سياليس ( زي الفياجرا ) و اللي وصلته المستشفى ست و كان فيه بينهم علاقه ؟ ها و بعدين ؟ ماتوصله ست ولا راجل ولا عفريت أزرق , مايكون له علاقه بستات ولا بشمبانزي و معيز , احنا مالنا ؟ مالنا يا بني أدمين ؟.
.
6- إزاي مالنا ؟ دول عاملين نفسهم بتوع ربنا و متدينين ؟ يابني مانا قلت لك , التنظيم ده بكل ما فيه هما أبعد ناس عن ربنا ,ماهو ماينفعش ترتكب كل الموبقات و الكبائر و الذنوب و تتاجر حتى بالأديان و اعتبرك متدين , يعني قضية تدينهم بالنسبالي محسومه و منتهيه , الدين لاهو دقن ولا جلابيه قصيره ولا نقاب ولا قميص بيطلع بره البنطلون ولا ابتسامه سمجه و سحنه بميزهم بيها من على بُعد .
.
7- أيوه ليه بقى حضرتك مش عايز تهيص في موضوع انه كان معاه ست و على علاقه بيها و بياخد مقوي جنسي ؟ عشان حضرتك و بالراحه و بهدوء شديد , القصه دي لا تعنيني ولا تعنيك ولا تعني أي حد , و خد الأنيل بقى و الأتقل, مجرد الترويج للقصه دي هو تفريغ للسبب الحقيقي لعداوتنا معاهم
.
8- بمعنى ايه ؟ بمعى اننا ضد تنظيم إرهابي وثني صهيوني كاذب و قاتل و مخادع , ضد تنظيم وجوده في أي دوله بيمثل شوكه في حلقها , ضد تنظيم بيكفر بمفهوم الوطن و المواطنه , مش ضد انه يكون بتاع نسوان , مايتحرق هو و نسوانه , ده لا يعنينا , احنا بنحاربهم من سنين مش عشان هما بيشربو مخدرات او بياخدو سياليس أو بيعملو علاقات جنسيه , احنا بنحاربهم عشان هما إرهابيين , إرهاااااابيين , إر ها بي يين ( متقطّعه أهي ) , و نقطه يعني فلستوب .
...............................................................................................
Mohamed Hussein
7 سبتمبر 2019
بس فهمتك فهمتك يا عمرو
.
- احنا نعمل حركة زي تمرد , نسميها مثلا تعرّض أو تبلد , و احنا هنا المقصود بيها الشعب طبعا ؟ اللي هما ال 30 مليون صوت انتخابي اللي بينزلو ينتخبو السيسي , مانت اكيد ماتقصدش احنا يعني ال 17 عضو بتوع حزب الدستور ؟ أكيد ماتقصدش دول , حاضر من عنينا , نعمل حملة تبلد , هو احنا لنا بركة إلا انت ؟
.
- هدف الحمله بتاعتنا يا ولاد اننا نعزل قيادات الجيش عن الحياه السياسيه لانهم دمرو اقتصاد البلد و نحاكمهم , حاضر ثانيه واحده , احنا نشيل سيادة اللوا وزير الاقتصاد و سيادة اللوائيه المزه و زيرة الإستثمار و سيادة الفريق أول محافظ البنك المركزي و سيادة اللوا وزير الصناعه و سيادة اللوا وزير التجاره و سيادة اللوا وزير السياحه و سيادة اللوا وزير الزراعه و نعزلهم من مناصبهم و من الحياه السياسيه و نرجعهم لثكناتهم , كل واحد لثكناته لو سمحتو واجهزو عشان عمرو واكد هيحاكمكو , سيادة اللوا اللي هناك رجعت لثكناتك ولا لسه ؟ .
.
- وبعد مانشيل اللواءات السابقين اللي خربو اقتصاد البلد و خلونا كلنا بناكل من الزباله نجيب الوله محمد علي لأنه خبير اقتصادي جبار و كبرى حكومات و شركات العالم عايزه تتعاقد معاه , نجيبه هو و الدبلوم بتاعه عشان يمسك اقتصاد البلد , يمسكه جامد , و يجيب لنا بقى ساندوتشات حلاوه بالقشطه وينزّل لنا الحشيش و البانجو و الأستروكس و التيمو في بطاقة التموين .
.
- انا كمان يا أستاذ عمرو بقترح عليك من ضمن الفكره لتطوير الاقتصاد المصري و إنقاذ ما يمكن إنقاذه إننا نعمل مصنع لتصنيع بناطيل للرجاله تكون مابتقعش لوحدها , لان حكاية البناطيل اللي بتقع لوحدها دي بتخلي شكلك وحش اوي قدام الناس و أكيد هيقولو عليك لامؤاخذه زي ماهما بيقولو دلوأتي , و جنب منه مصنع صغير للاندروير , طبعا ده سيد مين يمسكه ( يمسك المصنع يعني ) هو معالي الخبير الجبار العظيم ممدوح حمزه اللي شايف اننا عملنا أنفاق تحت قناة السويس عشان نوصل لاسرائيل ماية ساقعه و بيبسي كولا .
.............................................................................................................................
Mohamed Hussein
8 سبتمبر 2019
أقول لكو أولهم ؟ ولا أقول لكو أخرهم ؟ و لا أقول لكو أولهم و أخرهم ؟ .
.
خلاص هقول لكو أولهم و أخرهم وانتو أكيد هتستنتجو اللي في النص
.
أولهم يا سيدي كان واد سواق توكتوك طلع في فيديو يقول بالله عليك بالله عليك , ده بقى اعتبروه مناضل سياسي و خبير اقتصادي و جبار وبيمشي عالحيط .
.
بعد كده عاشو سنين يتشألبو و يتنقعو في الألمعيه و العبقريه و الألمظيه و كل يوم يسبقونا بمليون سنة ضوئيه لحد ماربنا وفقهم و صدقو عيل شمام بيضرب كل أنواع المخدرات و معاه دبلوم و دلوأتي حاليا شايفين ان الواد ده هو المناضل السياسي الجديد و العبقريه الإقتصاديه المعمليه الفذه , الواد ده لو قال لهم فلاديمير بوتين و جورباتشوف دخلو عليا المكتب و طلبو مني أبني قصر الكرملين من جديد و أرجع الاتحاد السوفيتي زي ماكان بس انا طردتهم لانهم مكانوش واخدين ميعاد من السكرتيره و كانت ريحتهم وحشه هيصدقوه .
.
و بس يا سيدي , دي كل حكاية شمامين الكوله في 8 سنين و باختصار شديد , الإفلاس و شم الكوله أصلهم عاملين زي لعبة الحوت الأزرق كده أو زي سيجارة بانجو مضروبه , فتلاقيهم بيطلبو معاك حاجات عجيبه يا جدع , يعني ممكن مثلا يطلبو معاك إنك تلاقي برص ماشي في الشارع فتقوم متعلق في ديله و تقول ( أبويا أبويا , انت الفارس وانت الحارس وانت مفجر ثورة مارس) أو يعلو معاك أكتر فتعتقد إنه الكون ده ملوش إله و تقرر مثلا إنك تعبد حجر معسل أو تعبد مشابك الغسيل .
...........................................................................................................
Mohamed Hussein
9 سبتمبر 2019
أه طبعا طبعا يا أستاذ ليليان , المناضل البطل المغوار الحشاش أبو دبلون قال كذا يبقى ونعم الرأي يا أبا الحكم .
.
و الدوله فاسده اللي هي أصلا مش دولتك ولا حاجه بس انتي صاحبة واجب و عامله زي الغوازي كده و بتحبي ( تعرقي ) عندنا .
.
والبؤ اجمالا بتاع مفيش مستندات قصدي هتعمل ايه المستندات في دوله فاسده , البؤ ده حلو و حل لكو كل مشاكلكو ,دلوأتي أي عيل صايع ابن وسخه زي جنابك كده و جناب المناضل أبو دبلوم يطلع يهبل بأي هبل و يفتكس أي افتكاسه و يألف أي قصه ولما حد يسأله فين الدليل يابني يجاوب بالإجابه النموذجيه , دليل ايه في دوله فاسده ؟ وايه يعمل الدليل في دوله فاسده ؟ و ايه يعمل المش عارف ايه كده في وطن ضايع , بؤ حلو بينتزع أهات الشمامين .
.
طب هقولك التقيله بقى , انتي شخصيا ممكن مثلا مثلا يعني تطلعي في فيديو و تقولي انك لما كنتي بتسترزقي في مصر قامت المخابرات والأمن الوطني وعصابة الولاويله الحمره بعتولك 17 راجل كلهم اسمهم فرج , و خطفوكي من وسط الناس , قصدي خطفوكي من الجامع وانتي بتصلي , و راحو بيكي غيط دره بعيد و فضلو يغتصبو فيكي ليل و نهار صيف و شتا , احكي لنا الحدوته دي بقى والنبي و النبي , و طبعا لو حد قالك فين الأدله ولا الشهود جاوبي بنفس اجابة الليدر الجديد بتاعكو ابو سيجارة بانجو , وصدقيني نفس الشمامين و الخرفان هيصدقوكي و هيعملو لايك للفيديو و شير ( بعنف ) , بس انا شخصيا مش هصدق و مش هدور على أدله لأني باختصار عارف و متأكد إن قنديل البحر يقرف يبص لك .
...............................................................................................................
Mohamed Hussein
9 سبتمبر 2019
محمد علي الخبير الاقتصادي و المناضل السياسي و نجم الجيل , الجبار اللي بيمشي عالحيط أبو دبلون و سيجارة بانجو لما اتسأل عن الأدله و المستندات اللي تأكد الهري بتاعه قال مستندات ايه في دوله فاسده !! .
...............
عارف يا أستاذ محمد ؟ انت معاك حق, و ده مش رأيك انت بس , ده رأي ناس كتير شوفتهم ليلة امبارح و حصل منهم موقف عجيب ماكنتش حابب أقوله بس هقوله و أمري لله .
.
بقى أنا يا مولانا كنت قاعد عالقهوه , و جنب مني ترابيزه قاعد عليها الواد حوده الكهربائي و عوض السباك , و سمعت حوده بيقول لعوض , تعرف يا عوض ان مرات محمد علي اللي بيطلع في الفيديوهات كانت ماشيه معايا ؟ عوض قال له ماشيه معاك ازاي ؟ قال له ماشيه معايا ماتفهم بقى !!, انا فهمت كلامه و روحت له قلت له احترم نفسك احترم نفسك يا حيوان , عندك مستندات تثبت كلامك ده ؟ قام حوده بص لي كده بصة المثقفين وقالي اهدى يا استاذ , ريلاكس , تعمل ايه المستندات و الادله في دولة فاسده ؟! الحقيقه ماعرفتش ارد عليه بس اتضايقت و سيبت القهوه و مشيت .
.
وانا ماشي في الطريق مكتئب لقيت راجل عجوز قاعد تحت شجره قعدت جنبه , و بصيت له و عنيا مليانه دموع , قلت له يا حاج تعرف محمد علي ؟ قالي بتاع الملاكمه ؟ قلت له لا بتاع الفيديوهات ؟ قالي اه الوله محمد علي , إلا أعرفه , قلت له تعرفه منين ؟ حكالي القصه , قالي انا من 30 سنه كنت بصحتي و بشتغل بواب على العماره اللي ساكن فيها حماده , قلت له حماده مين ؟ قالي محمد علي , قلت له تمام كمل , قال كان هو واد حلو كده و ملظلظ و بيحب ييجي يقعد معايا كتير وانا أصلا قاعد لوحدي , قلت له يقعد معاك ازاي يعني , قام ضحك ضحكه فهمت منها غرضه الخبيث و قلت له يا راجل عيب عليك , عيب على سنك ده , معاك مستندات تثبت الكلام ده ؟ قام بص لي برضه بنظرة المثقفين و حط صباعين من راسه سند بيهم دماغه زي علاء الأسواني كده و قالي , تعمل ايه المستندات و الأدله في دولة فاسده ؟! .
.
زهقت من الراجل العجوز و مشيت و سيبته , وانا ماشي لقيت ست بتخبط على كتفي , لفيت لها وقلت لها نعم فيه ايه انتي كمان ؟ قالت لي حضرتك تعرف مين اللي عمل الكيرلي لأبو محمد علي ؟ قلت لها لا يا ستي ماعرفش , قالت اللي عمل كده الموساد الاسرائيلي و زرعو في ضفاير شعره أجهزة تجسس و كاميرات مراقبه و قاعدة صواريخ و ألغام و كانو عايزين يفجرو مدينة الانتاج الاعلامي , قلت لها ايه يا ست انتي الكلام ده ؟ فين دليلك ؟ قالت يابني دليل ايه في دولة فاسده ؟!
.......................
و بس يا سيدي , أدي كل الحكايه , و طبعا لو هتسألني ايه دليلي ان البوست ده و الحكايه اللي حكيتها حصلت أصلا , هضرب امك بالجزمه و أقولك دليل ايه يابن الصرمه في دولة فاسده؟! .
.....................................................................................................................
Mohamed Hussein
9 سبتمبر 2019
الزوجه : و الشعرايه اللي على كتفك ؟ و البارفان الحريمي اللي مغرق هدومك ؟ و الروج اللي على قميصك ؟ و ركبك دي اللي بتخبط في بعض ؟ انا مش مصدقه كل اللي انت قولته , اثبت لي بالأدله والبراهين انك فعلا كنت بايت مع صاحبك العيان في المستشفى .
.
- الزوج : ماعنديش إثبات , و تفيد بإيه الأدله و البراهين في دوله فاسده ؟.
..........................................................................................................
Mohamed Hussein
· 9 سبتمبر 2019
مدرس رياضيات : أنظر للشكل الهندسي الذي أمامك و اثبت بالأدله و البراهين أن زاوية ص تساوي 30 درجة .
- الطالب : و ايه تفيد الأدله و البراهين في دوله فاسده يا أستاذ ؟ .
.
المدرس : مين يا غبي اللي قالك الكلام ده ؟ نظرية مين دي ؟
الطالب : محمد علي يا أستاذ .
.
المدرس : ده عالم رياضيات مشهور وله نظريات ؟
- الطالب : لا ده معاه دبلون و بيشرب بانجو بس إيه ؟عليه شوية فيديوهات جامده كيك , و الشمامين بيستنوها زي اللي قاعد قدام أوضة عمليات و مستني مراته تولد
.
المدارس : طيب يابني نركز في الدرس بتاعنا بقى ,و ربنا ينتعهم بالسلامه.
...................................................................................................
Mohamed Hussein
10 سبتمبر 2019
يابني انت ظالم الناس دي و مش بتلتمس لهم أي عذر , و كل الحكايه ياسيدي إنهم بينسو , بينسو عادي يعني مفهاش حاجه .
.
- حازم أبو اسماعين نسي الشاحن
- و أردوغان نسي ياخد الوصل من البنك الدولي بعد ما سلّفه
- و مذيعين و مذيعات الجزيره بينسو يلبسو البناطيل و هما رايحين الشغل .
- و مندوح حمزه كان ناسي ان له فلوس عند كامل الوزير بس افتكرها من يومين
- و محمد علي نسي ياخد المستندات
......................................................................................................
Mohamed Hussein
10 سبتمبر 2019
فيه مشهد عبقري في مسلسل أم كلثوم بيحكي قصه حقيقيه حصلت في حياة كوكب الشرق
.
راجل معتوه من ( قارعة الطريق ) حب انه يتشهر و يتعرف أو دماغه طقت أو شرب له سيجارتين بانجو و عليت معاه فقام رافع قضية بيطلب فيها أم كلثوم بجلالة قدرها في بيت الطاعه باعتبارها مراته , و هي أصلا لا شافته ولا تعرف شكله , القاضي في المحكمه قال للراجل المعتوه اثبت انها مراتك , قاله أثبت إزاي يا جناب القاضي , هو فيه حد معاه اثبات ان مراته تبقى مراته ؟ .
.
المشهد الكوميدي الهزلي ده افتكرته وانا بشوف عيل صايع من قارعة الطريق بيتطاول على اعظم مؤسسه في مصر و عليت الحكايه معاه برضه بشوية لايكات و مشاهدات فقرر انه يتطاول على رئيس الدوله و سيدة مصر الأولى , و لما اتقال له اثبت قال أثبت ازاي ؟ أثبت إزاي يا جناب القاضي ؟ و تفيد بايه الإثباتات في دولة فاسده ؟ مانا بعمل فيديوهات أهو و باكل بطاطس و بشرب حشيش وبمثل حلو قدامكو , و هو فيه اثبات أكتر من كده ؟ .
.......................................................................................................
Mohamed Hussein
10 سبتمبر 2019
- أنا مش مجنون أنا كويس
- أنا مش منفعل انا هادي
- أنا شتمت وزير خارجية الامارات وقلت له ** أمك ( عشان انا مناضل و كده )
- اهدى بقى يا محمه يا علي ( اوعو بقى يا جماحه بصوت عم أيوب )
- انا حلقت شعري زيرو بس ماتبصوش لشكلي
- انا بس حاسس ان مرات مرسي اتظلمت و عايز السيسي يبوس ايديها
- أصل جوزها مات و ابنها مات ( و أمي ماتت و أبويا مات , و مدبولي مات بصوت عم ايوب برضه )
- أصل السيسي ظالم بس جواه خير و انا عارف ان جواه خير .
.......................
.......................
مممممممممممم انت مين يا ضنايا؟
- أنا حضرتك وائل غنيم أيقونة يناير اللي كنت عايز أحكم مصر , حتى اسألو الأستاذه منى الشاذلي , هي الأستاذه منى مش هتطلع في فيديو تقولي اهدى يا وائل ماتعملش في نفسك كده يا وائل , رجع شعرك تاني يا وائل ؟ .
.
لا ماعرفش والله , طب بص يا وائل يابني
- نعم حضرتك
.
انت تلبس فانله حمالات مقطعه و كلسون و تعلق في رقبتك زماره و فردة صندل بلاستيك بتاعة عيل صغير ( عشان الحسد ) و تقف في أي إشارة مرور في شيكاغو أو نيويورك تزمر بالزماره و تنظم المرور عندك لحد مالوله محمد علي يجيلك .
- و تفتكر حضرتك لما أعمل كده السيسي هيبوس ايد مرات مرسي ؟ .
.
مممممممممم لا طبعا , بس أديك هتبقى زمرت شوية حلوين بالزماره , ابسط بقى يا عم.
..................................................................................................
Mohamed Hussein
11 سبتمبر 2019
سيسولوجي
.
الوله محمه علي نزل فيديوهات يهري ويهبد و يتشألب وقال معنديش اثباتات ( وهو فعلا معندوش جوه ) , قام الوله وائل غنيم حلق شعره و نزل فيديو و شتم محمه علي , قام الوله محمه علي نزل تسجيل و شتم وائل غنيم , قام الوله وائل عباس منزل بوست و شاتم الإتنين .
.
بصو , أنا بقى عندي يقين إن السيسي ده مش اسم شخص ولا إسم رئيس دوله , ده المفروض يكون إسم منهج سياسي يتدرس في كل جامعات العالم ( السيسولوجي ), منهج بيرتكز على قاعده مهمه جدا , قاعده بتقول , لما تكون المعارضه بتاعتك ( شوية علو* وصيع و خوا*ات ) يبقى الحل معاهم هو التجاهل التام .
.
أمنت بالله , و أمنت بالمنهج و بالفكره , وبقى عندي قناعة تامه إن شوية الخرفان و شمامين الكوله فاضل لهم تكه واحده أو قرصه صغيره و ينزلو الشارع يضربو نفسهم و يضربو بعض بالسنج و الجنازير زي الشيعه .
.
و أتاري يا أخي إنك مش محتاج تمسك مخرطه في إيديك و تروح تدور عالملوخيه و تشوف فين أراضيها , لا خليك قاعد مكانك و تجاهلها تماما , و هي هتجيلك لوحدها و برجليها ولابسه خلخال .
.....................................................................................................................
Mohamed Hussein
11سبتمبر 2019
المؤيد من الله
.
راجل جه في 2013 و 2014 و لقى نفسه قدام قرار حاسم و حازم و إرادة شعب أشبه ما تكون بحقل ألغام , تنظيم دولي عمره 90 سنه متوغل في كل داهيه و الشعب مش عايزه , قال ماشي و حاضر .
.
اتقطعت علاقتنا بأوروبا و أمريكا و الاتحاد الأفريقي , قال مش مهم .
.
لقى نفسه قدام قرار مصيري تاني بالتعويم و هيكلة الإقتصاد و إلا البلد هتعلن إفلاسها قال هنعمل الصح للبلد .
.
دخل في عش دبابير تاني لما عمل ترسيم الحدود اللي كل الرؤساء اللي قبله تجنبو الدخول فيه , و قال عندنا ثروات و مياه اقليميه مش عارفين نستفيد منها .
.
قالو له هنعمل ثورة جياع , قال خطة الإصلاح و رفع الدعم هتمشي يعني هتمشي , و شعبيتي مش بدور عليها و مش هبيع للناس الوهم زي اللي سبقوني .
.
شوهوه بكل الطرق و قالو عنه يهودي و أمه يهوديه , قالو معندوش برنامج و معندوش رؤيه , قالو مشاريع فاشله , قالو مش هيكمل سنتين
.
صرفو مليارات الدولارات و جابو مرتزقه و إرهابيين من كل خرابه و حاولو يهزو بلده و يرفعو رايتهم على شبر واحد من أرض مصر , وقف لهم زي اللقمه في الزور .
شوهوه تاني و قالو بيبيع أرضه , و شوهوه وقالو فاشي و ديكتاتور مع انهم قاعدين يهبدو على صفحاتهم 24 ساعه .
.
و قالو السجون و مليون سجين رأي قصدي مدون , وقالو فض رابعه و قتلنا 170 مليون معتصم سلمي كيوت , و رئيس دوله برياله بقى يجيب سيرته تسع مرات يوميا كأنه جوز أمه .
.
اتفتحت ضده و ضد بلده قنوات و جرايد و اتستفت تقارير من منظمات الهشك بشك اللي اسمها حقوق الأنسان , عملو الألاف من ساعات الهوا و من التقارير المضروبه المزيفه .
........................
ها و بعدين ؟ النتيجه ايه ؟
النتيجه ان عبد الفتاح السيسي بيحكم مصر من 2014 و هيستمر بإذن الله ل 2026 , النتيجه اننا عدلنا الدستور , و عملنا ترسيم الحدود و اكتشفنا حقول عملاقه من الغاز , و وصلنا لمرحلة الاكتفاء الذاتي من الكهربا و الغاز , و مشاريعنا بانت و ماكنتش فنكوش ولا حاجه, و بقينا رئيس الإتحاد الأفريقي , و أوروبا اللي كانت مقاطعانا بقو يعزموه في كل اجتماع للكبار , وبقينا حتى بنحكم و نتحكم في دول الجوار , مش بس في حدود المليون كيلو متر مربع .
.
والنتيجه ايه كمان ؟
النتيجه إن كل اللي شوهوه أو حاولو يشوهوه و تجاهلهم تماما (ماخرجش من بؤه لفظ خارج ) لحد ماهما بنفسهم فضحو نفسهم , اتكشفو على حقيقتهم , مابين سفاح بلطجي زي أردوغان , وشاذ زي تميم , و شوية صيع و خونه و مخابيل و مرتزقه و مجانين شهره زي اللي بيسمو نفسهم معارضه و قيادات و أيقونات
..........................
لالالا , عبد الفتاح السيسي ده مش مجرد شخص أو هديه ربنا بعتها لمصر , ده حد بشكل ما مدعوم من رب الكون , والأحداث اللي حصلت دي كلها ماكنتش تتم أبدا بواحد مرتب أوراقه و ملفاته و أمه داعياله و بس كده , لأ , دي فيها إشارات و علامات و كرامات من الخالق العدل الحكم .
....................................................................................................................
Mohamed Hussein
11 سبتمبر 2019
حارة السقايين
.
تنويه بسيط و ضروري بخصوص البوست الأخير
- لما بوصف عبد الفتاح السيسي بوصف ( المؤيد من الله ) فانا هنا بقصد مرحلة زمنيه معينه , تحديدا من 2013 ل 2019 , معطيات معينه زي الإرهاب و التركه الهباب و هيكله الاقتصاد اللي كانت ضروره حتميه و ترسيم الحدود و حملة التشويه اللي محدش اتعرض لها زيه من بعد عبد الناصر و مليارات الدولارات اللي اتصرفت عالارهابيين و القنوات والجرايد اللي اتفتحت لتشويه مصر و السيسي و ضرب الاستقرار السياسي و الاقتصادي و الأمني و خلافه .
.
اللي فوق دي حضرتك اسمها معطيات , هات بقى أتخن خبير سياسي في العالم و قول له إن دوله ما اسمها x مرت بمعطيات كذا و كذا في 2013 و رئيسها مر بمعطيات كذا و كذا , هل الدوله x ممكن توصل ل 2019 وهي صاغ سليم و واقفه على رجليها و ماشيه في طريقها ؟ هيقولك مستحيل .
.
يعني بحسبة الورقه والقلم و الكتب و النظريات كان مستحيل نعدي من الطوفان ده ونوصل ل 2019 بحالة الصلابه والإستقرار اللي احنا فيها , هو ده معنى كلامي في بوست المؤيد من الله , إنه ده سر إلهي و دعم رباني لمصر المحفوظه البهيه و لرئيسها عبد الفتاح السيسي , حاجه كده بعيد عن حسابات العقل و المنطق.
.
و كلامي مش معناه شيك على بياض للسيسي فيما هو قادم , السيسي مش نبي ولا قديس ولا هو إله ,و يوم ما يغلط و يعك هنقول بيعك, و يوم مايموت و ربنا يسترد وديعته ( بعد عمر طويل ) مش هنقول مات اخر الأنبياء ولا هنقول انه كان بيصلي بالأنبياء في الحرم ولا جبريل نزل عليه في قصر الرئاسه , احنا لا قطيع ولا خرفان ولا بنتاجر بالأديان و بكلام ربنا .
.
التوضيح ده مهم جدا لحبايبنا الحلوين الكتاكيت , الخرفان والشمامين , ألتراس وائل غنيم و محمد علي و معتز مطر و أيات عرابي اللي أي عيل صايع بيركبهم و يسرح بيهم , عايز أقول لهم باختصار , ماتفكروش تبيعو المايه هنا عندنا , وقبل ماتبيعوها بصو كويس على إيدكو اليمين هتلاقو لوحة كبيره مكتوب عليها ( حارة السقايين ) .
.............................................................................................................
Mohamed Hussein
12 سبتمبر 2019
الوله محمه علي اللي هو أحدث أيقونه للشمامين , طلع إنه مش بس سارق حق البنك و المقاولين والناس اللي شغالين معاه , لأ , ده سارق حق أخوه المتوفي , و أمه رافعه عليه قضية ميراث , و هيتسبب في دخول أبوه السجن , ده بشهادة أخوه التاني مش بشهادتي أنا والله , و أبوهم عنده وقت يعمل شعره موزمبليه , العيله دي موهوبه على فكره بس احنا اللي مش بنقدر المواهب .
...........................................................................................................
Mohamed Hussein
12 سبتمبر 2019
افتكر الفيلا بتاعة مارينا يا محمد , و اللانش و الها يا محمد ها ؟, النسوان , و سحب ال ها ( الهيروين يعني ) , قرى ايه و نجوع ايه و غلابه ايه و نضال سياسي ايه ياض ؟ على اخوك الكلام ده , طب رجع حق ولاد اخوك اللي مات و بنلم لهم فلوس المدرسه , اخوك اللي مات و سرقت حقه و حق عياله .
.................
ده كان جزء من كلام أخو الصايع السرسجي محمد علي , والنبي بقى حد يجيب لنا أصحابنا الحلوين الكتاكيت اللي قلبهم قلب خسايه , اللي كانو منتظرين إن رئيس الجمهوريه , عبد الفتاح السيسي بجلالة قدره , و رئيس الهيئه الهندسيه اللي بتشرف على مشاريع بقيمة 2 تريليون جنيه , و وزير دفاع الجيش المصري العظيم , كانو منتظرين إنهم يطلعو يردو على عيل شمام صايع ابن صايع مايسواش تلاته تعريفه في سوق البني أدمين , هاتوهم بس عشان نعرفهم غلطهم .
..............................................................................................................
Mohamed Hussein
12 سبتمبر 2019
يابني مذاكرة إيه بس و تعليم إيه ؟ سيب أم الكتاب اللي في إيدك ده و قوم إعمل لك فيديو عاليوتيوب واهبد شويه و إحلق شعرك قدام الكاميرا ولا أشتم أي حد من المسئولين بكلام أبيح يمكن ربنا يكرمك وتبقى صايع ومشهور قد الدنيا, قوم يا موكوس , هو انت يعني لما تذاكر و تتعب و تبقى شاطر أوي هتطلع ايه ؟ حيالله حتة دكتور لا راح ولا جه .
.......................................................................................................................
Mohamed Hussein
14 سبتمبر 2019
لو سمحت لو سمحت
- نعم يافندم ؟
.
هو حضرتك مش هتقولي حمد الله عالسلامه و تقوم تاخدني بالحضن ؟
- و اخدك بالحضن كمان ؟ وانا اعمل كده ليه ؟ .
.
عشان أنا راجع من حظر 24 ساعه عالفيس بوك
- راجع من حظر 24 ساعه ؟
.
أه و الله , لسه راجع حالا .
- يعني راجع من الكويت ياخي !! .
.........................................................................................................
Mohamed Hussein
15 سبتمبر 2019
فخامة الرئيس
.
أه ما كنتش حابب إن الريس يجيب سيرة عيل صايع بيهلفط , وقلت السيسي اللي ماردش على تميم ولا حمد ولا أردوغان مش هيركز مع عيل صايع .
.
إنما السيسي لعبها بحرفنه كالعاده , و برضه شال شيلة الإعلام كالعاده ( عشان احنا معندناش إعلام ) , و اتكلم بصفه عامه و عن مفاهيم , بيشرح للناس من أول زرع و حصد , بيتعامل بمنتهى الصدق و الهدوء , بيشرح يعني ايه ثقه و يعني ايه تشكيك و خطورة اللعبه دي ومين المستهدف فيها و ليه , طب قال ايه كمان ؟
.
1- لولا 25 يناير مكانتش قدرت دوله تبني سد عالنيل !! الكلام ده مهم جدا و كتبت عنه كتير , في يناير 2011 كانت الدوله المصريه في أضعف حالاتها على مستوى الإستقرار الأمني و السياسي , دي بتبقى اللحظه المناسبه لأي حد إنه يعمل حاجه مكانش يقدر يعملها وانت واقف على رجلك و صالب طولك , نفس الشئ حصل في العراق و أردوغان بنى سدود لما مبقاش فيه دوله اسمها العراق ولا لها جيش قوي , وسدوده اتسببت في جفاف ألاف الأفدنه في شمال العراق , طب كان يقدر يعمل كده أيام صدام و أيام ماكان للعراق سيادة و جيش و هيبه ؟ طبعا مستحيل , يعني الثورات مش هوباهيصا كده و كام زرار قميص نفتحهم و نعيط و نتشحتف و قوم بينا نعمل ثوره .
.
2- قال الجيش و الهيئه الهندسيه بيشرفو على مشاريع ب 4 تريليون جنيه , طب تفتكرو مثلا مثلا يعني المشاريع دي لو مأشرفتش عليها الهيئه الهندسيه كنا هنشوف حاجه عالأرض ؟ مممممم لا والله ’ كله كان هيتبني و يترصف و يعاد رصفه ( على الورق ), دلوأتي تمشي في أي اتجاه تلاقي طريق غير الطريق و دولة غير الدوله , ماهي ميزة الجيش و عيبه ( عند الصيع ) إنه عنده مبدأين في تعاملاته مع أي شركة مقاولات كبيره أو صغيره , تسلمني في الميعاد و بالمواصفات تاخد فلوسك , مالتزمتش ملكش فلوس و اضرب راسك في أتخن حيطه , و دي مشكلة العيل الصايع اللي بيهلفط على فكره .
.
3- بنبني قصور رئاسيه ؟ أه بنبني , طب ليه ؟ عشان أصلا بنبني دوله جديده , 14 مدينه هيتم افتتاحهم السنه الجايه , عاصمه ادارية جديده , يلزمك قصر رئاسي هنا و استراحه رئاسيه هنا , طب القصور دي لها عائد ؟ أه و السيسي مش هياخدها معاه بعد مايموت , دي واجهه و هيبه للدوله و استثمار مباشر و غير مباشر (و ده اللي بيخلي مثلا الشركات المالتي ناشونال العملاقه لما بتحب تعمل مقر رئيسي لها بتصرف عليه مبالغ طائله , هما مش عبط ولا برياله ولا بيرمو الفلوس في الأرض) , و هنا افتكرت حاجه ضحكتني اوي , في المناظره الشهيره بين ابو الفتوح و عمرو موسى ( صبي الفرارجي و رجل دوله ) والمذيع بيسألهم لو بقيت رئيس هتحكم مصر منين ؟ قال صبي الفرارجي هحكمها من شقتي ( اه طبعا وابقى استقبل رؤساء الدول في المندره و هات لهم أولّتين مايه يشربو )
.
ملحوظه بسيطه خالص للبهوات هواة اللعب بالعقول و اللي ممكن يحسسو الناس ان فلوس القصور الرئاسيه لو وفرناها هنشتري قطارات و طيارات و خطوط سكه حديد و نسدد ديون مصر و نحل مشكلة التعليم و الصحه و نجيب ساندوتشات حلاوه بالقشطه ( زي فلوس منجم السكري كده !!) , الملحوظه ببساطه شديده , لو بتبني على مدار 10 سنين مثلا 3 قصور رئاسيه و هيكلفو الدوله مليار جنيه , فلازم تبقى فاهم ان ميزانية الدوله في ال 10 سنين هتكون مش أقل من 20 تريليون جنيه , وبالتالي تكلفة القصور تساوي 1/20000 , يعني معاك 20 ألف جنيه خدت منهم جنيه واحد فقط عشان تبني قصور رئاسيه هتعيش 500 سنه جايين .
..................................................................................................................
Mohamed Hussein
15 سبتمبر 2019
الجيش المصري و الرئيس و معركة البناء و معركة السد !! .
.
بهدوء شديد و بالراحه خالص و في مستوى الطالب الناشط اللامؤاخذه السياسي
.
1- الريس امبارح جاب سيرة سد النهضه أو السدود بصفه عامه و علاقتها بيناير و إنه لولا يناير مكانوش يجرأو على البدء في تنفيذ السد , و الحكايه دي شرحناها كتير بس أول مره كنت أسمعها من الريس و مجرد تصريحه بيها ف ده يعتبر تصريح خطير .
.
2- قولنا برضه من سنين ان سد النهضه ملوش علاقه أوي بأثيوبيا , أثيوبيا مش دوله جباره ولا بتمشي عالحيط ولا بتدور على استثمار مائي يجيب لهم كهربا و كل الهجايص دي , ( بالمناسبه من كام يوم جالي زبون أثيوبي الصيدليه هو طيب جدا و دمه خفيف , عايز شامبو بانتين , وقالي هيبعته أثيوبيا , قلت له ليه ؟ قال مراتي طلبته و الحاجات دي معندناش منها ولا نسمع عنها ) , يعني حضرتك انت قدام دوله ماتسمعش عن الشامبو أصلا .
.
3- فكرة سد النهضه من الأساس هي فكره صهيونيه بترعاها اسرائيل و بينفق عليها كشك خليجي , طب ليه ؟ عشان نقطه المايه أمن قومي , وعشان يبقو مسكوك من ايدك اللي بتوجعك , إما بالمنع أو بالمساومه , مصر عارفه كده ؟ أه , هما بدأو في الإنشاء إمتى ؟ بعد يناير مباشرة , الفكره نفسها من امتى ؟ من عشرين تلاتين سنه بس ده اسمه الوقت المناسب , ليه الوقت المناسب ؟ عشان الدوله بتكون في أضعف حالاتها أمنيا و سياسيا و عسكريا و اقتصاديا .
.
4- النهارده بنسمع عن اجتماعات عاجله لوزراء الري في الدول التلاته , خصوصا بعد زيارة رئيس وزراء أثيوبيا لاسرائيل ( ماتبقو تسمعو كلامي ؟ ) و تصريحات اسرائيل انها هتستثمر في المشاريع المائيه في أثيوبيا ( أه طبعا طبعا ماهما أصحاب واجب ) .
.
5- طب الريس كان غرضه ايه من كلام امبارح ؟ كان غرضه يشرح لنا بهدوء ,مش يخوفنا , يشرح لنا يعني إيه توصل بلدك لنقطة الضعف و ايه اللي ممكن يحصل لحظتها ؟
.
6- طب احنا دخلنا في مفاوضات ليه من 4 سنين ؟ ماكنا نرفض و نشد ايدينا و نقول اوعى كده ملخت الكم ؟ لا حضرتك ده اسمه هبد الهبدجيه , دخلت في مفاوضات لسببين , أولا انت بتستف ورقك قدام المجتمع اللامؤاخذه الدولي ( عشان دي أصول اللعبه ) , ثانيا بتكسب وقت لحد ماتقف على رجليك اقتصاديا و سياسيا و أمنيا و عسكريا , و ده اللي حصل .
.
7- يعني تصريحات السيسي امبارح المفروض تخوفنا ؟ لا , هو بس بيقولك ماتعملش كده تاني , طب ليه مش هنخاف ؟ عشان ببساطه عندنا جيش عظيم بيبقى عامل حسابه على كل الاحتمالات بما فيها كذا و كذا و كذا .
.
8- يعني ايه الكلام ده ؟ يعني احنا دلوأتي جاهزين يافندم و مستعدين تماما , من 4 سنين مكناش جاهزين و كان الاحتياطي النقدي بتاعنا 13 مليار يعني دوله على وشك الإفلاس .
.
9- طب يعني ايه جيوش عظيمه بقى ؟ يعني جيش يقدر يشيل بلده بالكامل , جيش في وقت الحرب يبقى حائط الصد الأول و في وقت البناء بيبقى حائط الصد الأخير , طب ليه خليناه يشرف على عملية البناء نفسها؟ عشان كل الحوائط اللي قدامه وقعت , مكانش فيه أي مؤسسه تقدر تعتمد عليها .
.
10- طب انا مين بقى ؟ أنا مواطن مصري عارف ان عنده جيش عظيم بينجح في أي معركه يتصدى لها سواء بناء أو معركه عسكريه بأي شكل , فتلاقيني قاعد عالكرسي كداهو و مجعوص و حاطط في بطني شادر بطيخ صيفي , يعني ايه ؟ يعني يا جبل مايهزك ريح .
......................................................................................................
1 سبتمبر 2019
قصص مؤثره أوي حصلت لي , تعاطفو معايا بقى , و خلّو أهاتكو تطلع و انتو بتسبحو و بتحمدو الله , أو وانتو بتلعنو المنقبه و الملتحي , سيان مش هتفرق .
.
مره يا سيدي كنت ماشي بالعربيه و ذهني مشغول و مش عارف أخد قرار , والحكايه و مافيها إني كنت عايز أغير زيت للعربيه عشان عديت ال 10 ألاف و في نفس الوقت عايز أركّب كسوه للكراسي , و الفلوس اللي معايا يادوب على قد حاجه واحده , احترت و تعبت من التفكير و فجأه جنب جنينه ركنت العربيه و نزلت منها و قعدت تحت شجره , دماغي بتودي و بتجيب , و انا قاعد سرحان لقيت ورقة شجر وقعت على رجلي , مسكتها و كانت المفاجأه , وش الورقه مكتوب عليه ( الله , محمد ) و قلبت الورقه لقيت مكتوب عليها الكلمتين دول ( يا محمد غير زيت العربيه أهم من فرش الكراسي ) , قعدت أقول سبحان الله و دموعي نزلت و غرقت البنطلون .................... حلوه الحدوته دي ؟ ايه مش حلوه ؟
.
طب هحكي لكو حدوته تانيه يمكن تنتزع أهاتكو ,مره كنت راكب المترو و كان زحمه اوي اوي , و لما دخل المترو على دار السلام لقيت اتنين ملتحين بيبصو لي بقرف و قرّبو مني , واحد وقف جنبي و واحد وقف قدامي , اللي جنبي وشوشني في ودني لما شاف علبة السجاير في جيبي , قالي بتشرب سجاير يا زنديق يا عدو الله ؟ و اللي قدامي بص لي بنظرة أبو لهب في المسلسلات القديمه وقالي ( و كمان إل إم أزرق ) يعني مش كليوباترا من بتاعتنا ؟ و قام مطلع كاتر من جيبه وبج بطني بجيج , حاولت أمسكهم قبل مايجرو بس ماعرفتش .
.
أه استنو كنت هنسى , مصر غير أمنه للرجاله , شويه كده و هنزل ترجمة البوست بالانجليزي عشان تعجب السفاره الأمريكيه و البريطانيه و أقول لهم مصر غير أمنه , تعاطفو معايا بقى وقولو لي حمد الله عالسلامه يا نانسي , قصدي يا محمد .
.....................
يا بني ادمين , يا خلق هو , أنا تعبت أقسم بالله , لو بنشرح لمشابك غسيل كان زمانها فهمت و ماوقعتش في الفخ للمره الألف , طب حاضر نقول للمره الألف و واحد
.
1- ربنا سبحانه و تعالى خالق الكون أعظم من إنه يكتب اسمه على ورقة شجره او بيضة فرخه عشان حضرتك تقتنع بوجود الخالق , ان شالله عن أمك ماقتنعت
.
2 - الإرهاب بالسلاح على الأرض انحسر و مبقاش له تأثير , الإرهاب اللي شغال حاليا إرهاب العقل , بالقصص المؤلفه و الإفتكاسات اللي تحسسك بالرعب , و بإن مصر مش أمان .
.
3- كنت ولا زلت أكتر واحد ضد وجود النقاب ( في شوارع المدن تحديدا ) و لأسباب أمنيه لها علاقه بالهويه و الملامح و بإمكانية التنكر لأعمال إرهابيه و إجراميه ( مفيش منها حكاية عيل صغير رشو عليه حاجه خدرته عشان مفيش بنج بيترش في الشارع و يخدر حد , و مفيش منها حكايه إنها مش عاجبها شعر الأنسه فقررت تقطعه بكاتر ( البوست بتاع الأنسه في أول كومنت ) .
.
4- أي حد يكتب بوست أو قصه و ينهيه بجملة ( مصر غير أمنه ) أعرف إنه ابن شر*وطه هجاص , ولو ترجم البوست للانجليزي , إعرف إن أمه نفسها عارفه انه ابن شر*وطه و مستمتعه بشغلانتها .
.
5- أبوس ايد اللي خلفوكو بلاش التعاطف اللا إرادي و إسهال اللايك و الشير وابقو فكرو الأول , و مش أي حاجه تصدقوها , ده لو يعني بتحترمو عقولكو و أدميتكو .
.............................................................................................................
Mohamed Hussein
1 سبتمبر 2019
واضح كده من لبس عمرو دياب إن التلت بنات بتوع يوم التلات فتفتو له الفتافيت جامد لدرجة إنه مبقاش مركز ولا بياخد باله هو لابس إيه .
.
عموما الكلسون ده انا عارفه و فاكره كويس أوي , ده و احنا عيال صغيرين كان بيلبسه أبويا عبمجيد الله يرحمه و هو رايح الجامع عشان يصلي ولافح الجلابيه على كتفه ولابس البلغه في رجليه , بس التاني بتاع أبويا عبمجيد كان له دكّه طويله , تلاقي عمرو دياب مخبيها جوه , و لو سألته فين الدكّه هيقولك معنديش و هو عنده جوه .
.....................................................................................................................
Mohamed Hussein
2 سبتمبر 2019
نقطة نظام
.
- من حقك تحب الفنان الفلاني , من حقه تحبه اوي و تعلق صورته في الأنتريه أو حتى تعملها وشم على صدرك .
.
- الفن بالذات و تحديدا ملوش ألتراس , ماينفعش تكون ألتراس فلان ولا علان , لازم تفهم إنه مهما بلغت محبتك للنجم الفلاني فانت أول و أهم ناقد فني لنفس النجم ده , يعني حقك عليه و حقه عليك انك تقول له ستوب , ايه الهبل ده ؟ لا مش كده يا نجم.
.
- حياة الفنان الشخصيه في رأيي ملناش أي دعوه بيها , يحب أو يتجوز او يطلّق أو يرافق , يقعد في بيتهم بجلابيه مرحرحه وياكل مانجه و يلغوص وينيل هدومه , يشرب الشاي في حلة الطبيخ و ياكل المكرونه من مج النسكافيه , هو حر , دي حياته الشخصيه .
.
- أما حياته عالمسرح وقدام الناس فهي حضرتك مش ملك له ولا حاجه , النجوميه أساسا لها تمن ولها ضريبه لازم يدفعها النجم , ضريبة إنك شئت أم أبيت بتكون قدوه لملايين الشباب و المراهقين , ماينفعش بقى واحنا في مرحلة قال عليها الريس اسمها ( بناء الإنسان ) نبنيه بالشكل ده , ماينفعش نرمي عيالنا في خمارات و غرز حشيش و موضات هباب و نرجع نسألهم انتو سكرانين ليه ؟ انتو لابسين كده ليه ؟
.
- حق حضرتك كمحب و عاشق لمحمد رمضان و عمرو دياب انك تسألهم , ايه ده ؟ تسألهم عن لبسهم عالمسرح , و تسألهم كمان عن أعمالهم الفنيه , ممكن عادي خالص تقول لمحمد رمضان يا فنان يا كبير بلاش تحرق نفسك بنفسك و تكرر حكاية انك الشاب المكافح اللي بنتين بيحبوه و السيناريوهات المكرره الحمضانه دي اللي تلتينها بتكتبه بإيديك , و من حقك تقول لعمرو دياب مفيش حاجه اسمها تلت بنات فتفتو الفتافيت و فتنوني , مصر ماخلتش أبدا من شعراء الرومانسيه , إتعب شويه و لف و دور في دواوين الشعر و في القرى والنجوع و الحواري , هتلاقي كلام حلو أوي ينفع يتغنى و له معنى , مش أي حاجه تترمي قدامك تغنيها , افتكر إن أم كلثوم وصلت لنجوميه محدش هيوصل لها في الوطن العربي و لحد مابقى عمرها 70 و هي بتبذل نفس المجهود في اختيار الكلمات و اللحن كأنها لسه مبتدئه , مش بتستسهل ولا بتقلب ولا بتعبّي شرايط .
.
- أخر حاجه عايز أقولها , انا بحب محمد رمضان و عمرو دياب , مش بكرههم , و عايز أشوفهم أفضل ناس و عايز نجوميتهم توصل لأخر الدنيا , بس بالأصول مش بالهبل , و مفيش حاجه خالص إسمها الفنان الفلاني رصيده لدينا يسمح فنقوم نسيبه يعجن براحته.
................................................................................................................
Mohamed Hussein
3 سبتمبر 2019
بقالي نص ساعه بتفرج عالفيديو بتاع الكومبارس الفاشل اللي محدش يعرفه و خالته ذات نفسها بتتلخبط في اسمه , استنو هجيب لكو اسمه من الفيديو , اه محمد علي
.
المهم ما علينا , و بعد وصلة ضحك هستيريه وانا بتفرج عالأداء الفيك و بشم الريحه الفايحه اللي هابه عليا , مانا يابني بشم ريحتكو من على بُعد والله
.
بص يا مولانا , و ده كلامك :
- أصل انا ماكنتش مقتنع بفترة حكم الرئيس مرسي بس قلت نديله فرصه, حلو البؤ ده و بينتزع أهات الجماهير , بس انت نسيت تقول الرئيس الشهيد , ماتخليك جدع و تقول الشهيد ؟
.
- أصل انا ماكنتش عايز الجيش يحكم لأنهم مش بيفهمو في الاقتصاد وانا اللي بفهم في الاقتصاد , أه معاك حق تعالى نشوف فهمك في الاقتصاد .
.
- احنا هنعمل فندق 7 نجوم في التجمع الخامس تبع المخابرات و يتكلف 2 مليار جنيه ليه ؟ دي لا منطقه سياحيه ولا بيجيلها سياح ولا حاجه ؟ وفندق 7 نجوم بيطل عالطريق الدايري والفيلات ؟! هو ده الفيو ؟!
.
تصدق انت أفحمتني يا حماده , أفحمتني صحيح , بس تعالى هقولك , تسمع عن فندق اسمه كمبينسكي ؟ ده واحد من أغلى فنادق العالم ,شركه عالميه لهم فروع في 30 دوله , عشان تدخل جوه الفندق ده و تعطس بتدفع 10 الاف جنيه تمن العطسه , لو عايز تتصور بقى مش هقولك تدفع كام , المهم ماطولش عليك لا تنام مني وسيجارة الحشيش مفعولها يخلص , الشركه العالميه اللي عمرها 130 سنه و عندها فنادق في 30 دوله فتحت فرع فين ؟ قول انت كده ؟ اه في التجمع الخامس , والفيو بتاعه ايه ؟ أيوه بالظبط الطريق الدايري و فيلات ( أكيد مش بيطل عالبحر المتوسط ), ماهما أصلهم ولاد كلب بهايم و ماعندهمش مهندسين ولا خبرا , و مش بيفهمو حاجه في الاقتصاد زي الجيش بتاعنا كده على عكس جناب ** أمك طبعا .
.
- وبعدين المشروع بتاع الفندق أصله فاشل زي قناة السويس و العاصمه الإداريه !! هوبا , جيت برجليك يا معلم , ماهو المثل بيقول ( مسير اللامؤاخذه تجيبه اللامؤاخذه بتاعته ) , طب حاول تلحق لك شقه في المشروع الفاشل الفنكوشي بتاع العاصمه الاداريه ولو 50 متر عشان هنفتتحها و مصر تتحكم منها في شهر 6 الجاي .
- و أخيرا يا حماده , سؤال بيطرح بلح , هو الجيش عمل لك شيك على بياض للفندق اللي كان عايز يعمله و فلوس زي الرز ( مع اننا بلد فقيره يا اخي ) ولا انت بتكح تراب بشركتك و ماخدتش فلوس و بتصرف من جيبك , يابني ماترسى على بر , هو الجيش فتح لك حساب عالبحري و قالك إغرف من فلوس البلد الفقيره ولا طلع عين أمك و مادالكش فلوس ؟ّ! عشان نبقى عارفين بس .
.
- عزيزي حماده الكومبارس الفاشل , أنا مش بس بشم ريحتكو , انا كمان بشم ريحة مستقبلكو , وبعد الفيديو بتاعك هقولك , انت هتطلع على تركيا , و هناك هيشقطك أمير قطري ( أه هي يشقطك ) زي أصحابك الصيع اللي هربو و سبقوك , وبعد ما تتشقط شويه حلوين هتقدم برنامج في قناة الشرق ,إجهز بقى بالمقدمه و الحزقه الناريه
.........................................................................................................
Mohamed Hussein
3 سبتمبر 2019
حكاية سبتمر ( صبطمبر )
.
- مصاريف مدرسه ( بيزودوها ألف و اتنين كل سنه عشان الدولار غلي و البنزين غلي وحجر المعسل غلي و الجرجير غلي والفرخه بتاعة صاحب المدرسه بقت برجلين اتنين بس بعد ما كانت ب 3 رجول , يعني ظروفهم صعبه أوي ) .
.
- يونيفورم المدرسه ( بيغيروه كل سنتين تلاته عشان يواكب أحدث صيحات الموضه في باريس و السنبلاوين و نزلة السمان ) , طقم صيفي و طقم شتوي و طقم بي اي صيفي وطقم بي اي شتوي و تي شيرتات و بناطيل و جيبات و حبشتكانات .
.
- الكتب الخارجيه , في الماث والإنجليش و الفرينش و الساينس و العربي والسوشيال و الدين ( أه و عهد الله بنجيب كتب خارجيه في الدين ).
.
- السابلايز , كشاكيل عربي و كشاكيل انجليزي و ده بسلك و ده من غير و ده A4 و ده لأ , و ده مربعات صغيره و ده مربعات كبيره و ده وش و وش , و ده وشه زي قفاه عادي , و 3 دراهم بذر نجف و 3 حزومبل و حتة حنتيت و كسفريت و قرن خرتيت و عين عفريت .
.
- كراريس كتير و كراسات سكيتش و ألوان رصاص و ألوان مش رصاص و جلاد ألوان و تيكيت و ستيكرز وزمزميه يعني فلاسك يا جاهل ,و أقلام فيبركاسل و أقلام مش فيبر كاسل , بين قوسين مش بيض , و علبة سنون 0.7 اوعى تغلط و تجيبها 0.5 و إلا بنتك مش هتفلح ولا هتنجح ولا هتتجوز لما تكبر و مش بعيد يتعمل لها عمل و تتعقد و تتهطل و تحولّ و تبقى شبه مي عز الدين لما فكرت إنها تمثل كوميدي .
- شنطة مدرسه ولانش بوكس ولانش باج و جزمه للمدرسه و كوتشي للبي إي , وتوك للشعر و أساتيك و امشاط و شرابات و فلايات ( الحمد لله ماطلبوش إبره لوابور الجاز ولا جلدة للحنفيه )
.
- نحجز دروس خصوصيه بقى لأن المنهج مضغوط ضغطة الناس في عربية المترو الساعه 2 الضهر يعني الدنيا مش مستحمله و يادوب نقدر نجمع المتبعتر و نلم الفتافيت اللي فتفتوها البنات طول الصيف .
........................
مممممممممم طب وعهد الله المفروض شهر سبتمر ده نعامله معاملة شهر رمضان كده و يبقى شهر كريم للخير و البر و الإحسان , والناس اللي معاهم ملايين كتير و رجال الأعمال و نجيب ساويرس و أبو هشيمه و أبو العينين و أبو أي حد معاه فلوس يتبرعو للفقراء والمساكين و المحتاجين و البابيز و الماميز.
..........................................................................................................
Mohamed Hussein
4 سبتمبر 2019
البعره و البعير
.
حاجتين مهمين أوي عايز اتكلم عنهم باختصار , و الله على ما أقول شهيد , بس في الأول فيه سؤال أهم , إزاي نحكم على الأشياء والأشخاص و الأحداث و البوستات و الكتابات و خلافه ؟ بالنسبالي أنا شخصيا بيكفيني للحكم مثل عند العرب , مثل بيقول ( البعره تدل على البعير ) و معنى المثل إنك ممكن تعرف نوع الحيوان اللي مشي في المكان الفلاني ده من شكل الفضلات بتاعته , فضلات المعزه غير فضلات الجمل غير فضلات الانسان غير الكلب و خلافه , وبالمثل تقدر تعرف و تقيم الشخص و الشخصيه من الفضلات , و هنا كلمة الفضلات هتبقى بتعني كلامه نفسه , من تطابق كلامه مع بعض , من منطقية كلامه , وفي الأخر هتقدر توصل لتصنيف الشخص , هل هو حد كويس ولا حد نصاب ولا حد حلنجي ولا حد صايع ولا بني أدم ولا معزه ولا كلب .
.
خدوها مني بقى وعلى مسئوليتي وابقو فكروني بالبوست ده بعد شهر و اتنين لما تتأكدو .
.
1- محمد علي الممثل اللي محدش يعرف شكله , حكايته باختصار ومن خلال فيديوهاته و بوستاته , ممثل فاشل و مقاول انفار نصاب و حلنجي , كلامه نفسه بيقول كده , و الحدوته و مافيها إنه اندين للبنك و الجيش و أنتج فيلم على حسابه و خسر فلوس كتير و طبعا واضح من شكله انه بيضرب كل أنواع المخدرات اللي ربنا خلقها ( دي حاجه نعرفها احنا سيادتك , شغلتنا يعني ) , فقرر انه يهرب من ديونه للبنك و للجيش و الموظفين اللي كانو شغالين في شركته و بما إننا في زمن البلاله فأي نصاب دلوأتي لما يحب يعمل لنفسه حيثيه و أهميه مش هيلاقي أحلى من إنه يخبط في الجيش و في مصر , و بدل مايبقى مجرد صاحب شركة مقاولات نصب و هرب من ديون يتحول لمناضل سياسي , اه نسيت كمان انه خبير اقتصادي عشان معاه دبلوم , دبلون قد الدنيا .
.
الحكايه بتاعة محمد علي هتنتشر الأيام الجايه و يمكن انتشرت قبل كده في صور مختلفه , برضه أي راجل أعمال فاسد أو حد شغال في توظيف الأموال أو تاجر مخدرات عايز يبقاله ألتراس يدافعو عنه وقت الجد و وقت مايقع في مصيبه هيلاقي أسهل طريق إنه يحول نفسه لمناضل سياسي , سهله خالص أهي
...............................
2- البنت الكتكوته أم تاتو صاحبة القصه الخزعبليه بتاعة الكاتر و المنقبه و المترو و قصو لي شعري دي نصابه و صايعه , مجرد ماتقرى البوست هتعرف , و ( البعره ) هنا هتلاقيها بسهوله من ترجمة البوست للإنجليزي ( لا حضرتك مالهاش صاحبات أجانب مقيمين في مصر ولا حد يعرفها و خالتها ذات نفسها بتتلخبط في اسمها عشان بس ماتعيش الدور علينا ) , والبعره التانيه هي جملة ( مصر غير أمنه ) , بعرتين يعرفوك كويس أوي ان اللي مشي في الطريق ده و كتب البوست ده حد صايع ابن نصابه , اه بالمناسبه , في أمريكا يوميا حوادث قتل في السوبرماركتات و الأتوبيسات و محطات البنزين , هل لو حد حصلت له حادثه هناك أو شافها بعينه المفروض يكتب ( أمريكا غيرامنه ؟ ) ,ولا مابيكتبوش ؟ و لا الجمله دي نفسها تستدعي تحقيق و سجن و تعليق على عمود نور حتى في أمريكا ؟ حاول تفكر بس , و صدقني ربنا خلق لك دماغك لحاجه مهمه , و الحاجه المهمه مش إنها تشيل النضاره و العمه .
.............................................................................................................
Mohamed Hussein
4 سبتمبر 2019
هههههههههههههه , الواد المقاول النصاب و الممثل الفاشل , اللي شبه تبّاعين الميكروباصات بتوع خط السلام النهضه , اللي اسمه محمد علي , فرح بشوية اللايكات و شوية المشاهدات للفيديو فقرر انه يعيش الدور , ولازم طبعا يحكي لنا قصة حياة أهله البطوليه , خد دبلوم وابوه كان بطل في كمال الأجسام و أمه احسن واحده بتعمل محشي في العجوزه
.
مش بعيد بكره نلاقيه بينزل الفيديوهات بإسم لكل فيديو زي عناوين الأفلام كده , محمد علي فوق صفيح ساخن , محمد علي فوق البركان , محمد علي في مواجهة الجيش المصري , محمد علي و رامبو , محمد علي يهدد مصر بالسلاح النووي او بسيجارتين حشيش .
.
المهم انه عايش الدور , عايشه أوي , شوية كده و هيسخن أكتر و الأستروكس يشتغل معاه وبعد ماكان بيكلم السيسي النهارده بكره هتلاقوه بيكلم الدولاب و السرير و الموبايل و سيجارة الحشيش , و سيجارة الحشيش هترد عليه عادي و بعدها يقومو ياخدو بعض حضن مطارات .
.
عارف ياض يا حماده , انا كنت فاكرك حد له أي تلاتين لازمه في الحياه , أو 3 لازمات حتى بس طلعت فستك خالص , واللي زيك يا حماده مفيش حد بيشغل دماغه بيه , ولا حد هيقتلك ( إلا حبايبك اللي مصيتين الفيديو في قنواتهم لما يحسو ان دورك انتهى , وقتها قتلك هيلمع قضيتهم اكتر ) , المهم و رأيي الشخصي يعني بعد ماشوفتك في كذا فيديو وانت فاتح زرارين من القميص باعتبارك رشدي أباظه و فريد شوقي مضروبين في خلاط واحد , عايز أقولك كلمه حطها حلقه في ودنك , انت اللي زيك هيبقى أسرع راجل يلبس قميص نوم في شارع من شوارع أوروبا و يمشي يكلم نفسه و يقول أنا سوسن .
..................................................................................................
Mohamed Hussein
4 سبتمبر 2019
أبو الواد الصايع : ملناش فلوس عند الجيش بالعكس احنا كل ملايينا و خيرنا من شغلنا مع الجيش , مش مسامح ابني عشان غلط في الريس , ابني انضم للإخوان و بعتوله طياره خاصه , إبني عنده قصور وفيلل و عربيات ملهاش أول من أخر , ................ إلخ .
.
بص يا مولانا , انا و الله حاولت أتأثر و أتشحتف لما شوفتك بتعيط بس ماعرفتش , مش عارف أنا قلبي اللي بقى حجر ولّا عقلي اللي كبر ؟!.
.
والحكايه و ما فيها حاجتين اتنين :
.
- لو فاكر انك بظهورك عالهوا النهارده هتجمل صورة معينه لشركتك و تنقذ ما يمكن إنقاذه و ترجع تاكل من خير الجيش و خير البلد دي تاني فأكيد انت حد مختل عقليا , و مش بعيد اللي اكلته بط بط يطلع على جتتك وز وز و ماتلاقيش أجرة الحلاق اللي بيعمل لك الضفاير دي , ماهو أصل إسم عبد الفتاح السيسي و المحترمه سيدة مصر الأولى و جيش مصر العظيم ماينفعش يكونو لبانه في بؤ عيل صايع .
.
- الحاجه التانيه و الأهم إني ماشوفتكش ضحيه , انت مذنب زيه و يمكن أكتر , مذنب عشان انشغلت في جمع الملايين و دلعت عيل و خليته يفشل في التعليم و يفشل في التربيه , اللي هو نظام هجيب لك بي إم دبليو يا حماده وانت في تانيه اعدادي , تف على عمو يا حماده, و غالبا الواد ده بيشرب مخدرات من بعد ماتفطم من الرضاعه مباشرة , باختصار انت ضيعت وقتك في عمل الفلوس و نسيت تربي ابنك , إنما يا أخي مانسيتش تربي ضفايرك , سبحان الله .
......................................................................................................
Mohamed Hussein
·5 سبتمبر 2019
معتز مطر كبير فلاسفة الحمير : كلمة تريومف تعني إنتصار بالألمانيه , و السيسي كان عايز يسمي الفندق تريومف عشان يبقى على اسم مراته !! .
...............
ممممممممممممم يااااه ياريس عبد الفتاح , انت قد كده ربنا حابك و مبارك فيك و عاطيك و واصل عنده وسرك باتع لدرجة إنهم كمان يسمو إسم ميدان في مصر الجديده ( ميدان تريومف ) على إسم العظيمه سيدة مصر الأولى ؟ مع إنه متسمي كده من قبل مالعظيمه السيده انتصار تتولد ؟ سبحانك يارب , إنت قد كده ضارب بخيرك و بكراماتك في المستقبل و الحاضر و حتى الماضي و التاريخ؟ ربنا يعطيك كمان و كمان ياريس و إنشالله عقبال ماربنا يرزقك بحفيد و نسميه ( خوفو ), و كبير فلاسفة الحمير يقول إن السيسي سمى الهرم الأكبر على إسم حفيده .
..........................................................................................................................
Mohamed Hussein
5 سبتمبر 2019
معتز مطر : كلمة تريومف تعني إنتصار بالألمانيه , و السيسي كان عايز يسمي الفندق تريومف عشان يبقى على اسم مراته !! .
..................
عزيزي معتز مطر , هل تعلم ؟
.
- هل تعلم أن محل ( هابي ) بتاع لعب الأطفال اللي في فيصل اتسمى كده على اسم الخديوي سعيد , لأن هابي بالانجليزيه بتعني سعيد ؟ .
.
- هل تعلم إن أي بنت اسمها نور يبقى من حقها تورث نص فروع محلات التوحيد و النور لانهم مكتوبين باسمها ؟ و النص التاني ل توحيد طبعا .
.
- هل تعلم إنك لو دخلت محل ( مكه ) اللي في مصطفى النحاس هتلاقي كعبه صغيره جوه و إنك لو طلعت قسم الادوات المنزليه ولفيت فيه 7 مرات و بعدين وانت بتدفع الحساب رميت الراجل اللي قاعد عالكاشير بطوبتين في دماغه ف ده بيعادل حجه مستوفاه الأركان ( الطواف و السعي و رجم إبليس ) .
.
- هل تعلم أن شركة FINE بتاعة المناديل اتسمت كده على اسم نحمده بنت خالي ؟ لأن كلمة فاين بتعني ( بخير ) بالعربيه و بتعنى برضه ( نحمده ) بالعاميه .
.
- هل تعلم , إن إسمي محمد و مع ذلك لسه سيدنا جبريل مجاليش لحد دلوأتي ؟
.
- هل تعلم إنك لما تدخل فرع من فروع ( ماذر كير ) لازم تبوس و تحضن كل ست تقابلها هناك من باب بر الوالدين و صلة الأرحام , أمك ثم أمك .
..........................
..........................
- و أخيرا هل تعلم إن ربنا سبحانه و تعالى خلق الحمير عشان نركبها و نسرح بيها الغيط و نشيل عليها سباخ ( و الخيل و البغال و الحمير لتركبوها ) مش عشان يقدمو برامج و يشتغلو إعلاميين و فلاسفه ؟! .
..............................................................................................................
Mohamed Hussein
7 سبتمبر 2019
أه والله , السابلايز بتاعتنا كانت عباره عن حتة قماشه أمي الله يرحمها بتخيطها و تقلبها و تعمل لها جيب من نفس القماشه و زرار للجيب و دي تبقى شنطة المدرسه ( القماشه نفسها كانت غالبا حتة من كيس مخده أو حته من ملايه تم استهلاكها ) , و قلم رصاص غالبا طوله بيبقى وصل ل 2 سم و بنمسكه بالعافيه عشان هو معانا من سنين , و موس حلاقه يكون أبويا حلق بيه سبعتاشر مره و ده بتكون البرايه بتاعتنا , و أستيكه معضعضينها من كل ناحيه تقريبا لما بنجوع أو نكون متضايقين من حاجه , وكراستين يا مولانا من اللي هما مكتوب عليهم من ورا نصايح ولا تؤجل عمل اليوم إلى الغد.
.
البرجل و المنقله و المثلث و الأله الحاسبه كانو بيبقو بتوع شارع بحاله مش شخص لوحده , يعني تستلف البرجل و تسلف المنقله و هكذا , و أتخن علبة ألوان مسكتها في إيدي كان بيبقى فيها قلمين بيلونو اللي هما غالبا البني و الأصفر و الباقي مات و شبع موت بعد ما عبيناه سبرتو 500 مره في محاولة لإنقاذه , الجلو بتاعنا كان عباره عن صمغ بنجيبه من شجرة معينه و نسيحه و نلزق بيه أو كام حباية رز مطبوخين , أبويا الله يرحمه لما كنت أقوله عايز كراسة رسم بريال أو علبة ألوان كان يبص لي و يبتسم و يقولي جمله مش بنساها أبدا , يا محمد يابني انتو عايزين لكو ماسورة 6 لنيه تنزل فلوس عشان تكفيكو .
.
اتعلمنا بقى وكبرنا و بقينا دكاتره و مدرسين و مهندسين و احنا مانعرفش يعني ايه لانش باج ولانش بوكس ولا نسمع عن ستيدلر و بريما وفيبر كاسل .
.
أه نسيت حاجه كمان مهمه , أمي و أمهات العيال زمايلي كان اسمهم أمهاتنا مش الماميز .
...........................................................................................................
Mohamed Hussein
7 سبتمبر 2019
و بعد التحيه
.
أصدقائي الأفاضل , محدش يزعل مني والنبي
بشويش خالص أهو
.
1- ابن مرسي مات , طيب ماشي , هترحّم عليه ؟ لأ , انا مابترحمش على حد منهم و ربنا مش هيحاسبني على كده , انا حر أترحم أو ماترحمش , أدميتي كمان مش بتفرض عليا إني أترحم بالعافيه و بالدراع على حد مات .
.
2- بس ده كان شاب عمره 25 سنه ؟ و ماله , فيه زيه يوميا ألاف الشباب بيموتو لأسباب مختلفه , موته طبيعيه أو حادثه أو أو أو , في مصر و في كل مكان في العالم , وفيه ألاف الشباب ماتو من مصر وهما بيحاربو الإرهاب ( بتاع الجماعه الإرهابيه ) , جنود و ظباط , جيش و شرطه , دول الشهدا بالنسبالي , ماهي كلمة شهيد ماينفعش تكون زي جُرْن الهبله كده و كل واحد صايع يموت نقول عليه شهيد .
.
3- طب نشمت بقى في موت ابن مرسي ؟ لأ , لا دينا الاسلامي و المسيحي ولا أدميتنا بتقول كده , بس هما بيشمتو في موتنا ؟ اه صح , هما حضرتك بيتاجرو بدين ربنا , بيتاجرو بالدم و الموت و بالأيات و بالأحاديث , بيمارسو الإرهاب و يحرضو عليه , بيكدبو و يزيفو و يزورو 24 ساعه يوميا , يعني وصلو لليفل اللي بعد الشيطان بشويه , حضرتك ليه مستغرب انهم يشمتو في موتنا ؟ وفي نفس الوقت احنا مش زيهم ولا هنكون زيهم , مش معناها اننا مقطعين حصر الجامع إنما عالأقل بني أدمين , الموت نفسه له حرمه , الموت ككيان له حرمه , حتى لو كان اللي مات كلب مسعور أو برص جربان .
.
4- بس تقرير الطب الشرعي بيقول انه مات نتيجة كذا و كان بياخد أدوية كذا ؟ اه صح , طب مانشمت بقى ؟ لأ , تقرير الطب الشرعي بيطلع عشان يحدد سبب الوفاه مش سبب الشماته , و كون انه بياخد ادويه نفسيه اوحتى بيشرب مخدرات ف ده لا يعنينا .
.
5- بس هو كمان بياخد سياليس ( زي الفياجرا ) و اللي وصلته المستشفى ست و كان فيه بينهم علاقه ؟ ها و بعدين ؟ ماتوصله ست ولا راجل ولا عفريت أزرق , مايكون له علاقه بستات ولا بشمبانزي و معيز , احنا مالنا ؟ مالنا يا بني أدمين ؟.
.
6- إزاي مالنا ؟ دول عاملين نفسهم بتوع ربنا و متدينين ؟ يابني مانا قلت لك , التنظيم ده بكل ما فيه هما أبعد ناس عن ربنا ,ماهو ماينفعش ترتكب كل الموبقات و الكبائر و الذنوب و تتاجر حتى بالأديان و اعتبرك متدين , يعني قضية تدينهم بالنسبالي محسومه و منتهيه , الدين لاهو دقن ولا جلابيه قصيره ولا نقاب ولا قميص بيطلع بره البنطلون ولا ابتسامه سمجه و سحنه بميزهم بيها من على بُعد .
.
7- أيوه ليه بقى حضرتك مش عايز تهيص في موضوع انه كان معاه ست و على علاقه بيها و بياخد مقوي جنسي ؟ عشان حضرتك و بالراحه و بهدوء شديد , القصه دي لا تعنيني ولا تعنيك ولا تعني أي حد , و خد الأنيل بقى و الأتقل, مجرد الترويج للقصه دي هو تفريغ للسبب الحقيقي لعداوتنا معاهم
.
8- بمعنى ايه ؟ بمعى اننا ضد تنظيم إرهابي وثني صهيوني كاذب و قاتل و مخادع , ضد تنظيم وجوده في أي دوله بيمثل شوكه في حلقها , ضد تنظيم بيكفر بمفهوم الوطن و المواطنه , مش ضد انه يكون بتاع نسوان , مايتحرق هو و نسوانه , ده لا يعنينا , احنا بنحاربهم من سنين مش عشان هما بيشربو مخدرات او بياخدو سياليس أو بيعملو علاقات جنسيه , احنا بنحاربهم عشان هما إرهابيين , إرهاااااابيين , إر ها بي يين ( متقطّعه أهي ) , و نقطه يعني فلستوب .
...............................................................................................
Mohamed Hussein
7 سبتمبر 2019
بس فهمتك فهمتك يا عمرو
.
- احنا نعمل حركة زي تمرد , نسميها مثلا تعرّض أو تبلد , و احنا هنا المقصود بيها الشعب طبعا ؟ اللي هما ال 30 مليون صوت انتخابي اللي بينزلو ينتخبو السيسي , مانت اكيد ماتقصدش احنا يعني ال 17 عضو بتوع حزب الدستور ؟ أكيد ماتقصدش دول , حاضر من عنينا , نعمل حملة تبلد , هو احنا لنا بركة إلا انت ؟
.
- هدف الحمله بتاعتنا يا ولاد اننا نعزل قيادات الجيش عن الحياه السياسيه لانهم دمرو اقتصاد البلد و نحاكمهم , حاضر ثانيه واحده , احنا نشيل سيادة اللوا وزير الاقتصاد و سيادة اللوائيه المزه و زيرة الإستثمار و سيادة الفريق أول محافظ البنك المركزي و سيادة اللوا وزير الصناعه و سيادة اللوا وزير التجاره و سيادة اللوا وزير السياحه و سيادة اللوا وزير الزراعه و نعزلهم من مناصبهم و من الحياه السياسيه و نرجعهم لثكناتهم , كل واحد لثكناته لو سمحتو واجهزو عشان عمرو واكد هيحاكمكو , سيادة اللوا اللي هناك رجعت لثكناتك ولا لسه ؟ .
.
- وبعد مانشيل اللواءات السابقين اللي خربو اقتصاد البلد و خلونا كلنا بناكل من الزباله نجيب الوله محمد علي لأنه خبير اقتصادي جبار و كبرى حكومات و شركات العالم عايزه تتعاقد معاه , نجيبه هو و الدبلوم بتاعه عشان يمسك اقتصاد البلد , يمسكه جامد , و يجيب لنا بقى ساندوتشات حلاوه بالقشطه وينزّل لنا الحشيش و البانجو و الأستروكس و التيمو في بطاقة التموين .
.
- انا كمان يا أستاذ عمرو بقترح عليك من ضمن الفكره لتطوير الاقتصاد المصري و إنقاذ ما يمكن إنقاذه إننا نعمل مصنع لتصنيع بناطيل للرجاله تكون مابتقعش لوحدها , لان حكاية البناطيل اللي بتقع لوحدها دي بتخلي شكلك وحش اوي قدام الناس و أكيد هيقولو عليك لامؤاخذه زي ماهما بيقولو دلوأتي , و جنب منه مصنع صغير للاندروير , طبعا ده سيد مين يمسكه ( يمسك المصنع يعني ) هو معالي الخبير الجبار العظيم ممدوح حمزه اللي شايف اننا عملنا أنفاق تحت قناة السويس عشان نوصل لاسرائيل ماية ساقعه و بيبسي كولا .
Mohamed Hussein
8 سبتمبر 2019
أقول لكو أولهم ؟ ولا أقول لكو أخرهم ؟ و لا أقول لكو أولهم و أخرهم ؟ .
.
خلاص هقول لكو أولهم و أخرهم وانتو أكيد هتستنتجو اللي في النص
.
أولهم يا سيدي كان واد سواق توكتوك طلع في فيديو يقول بالله عليك بالله عليك , ده بقى اعتبروه مناضل سياسي و خبير اقتصادي و جبار وبيمشي عالحيط .
.
بعد كده عاشو سنين يتشألبو و يتنقعو في الألمعيه و العبقريه و الألمظيه و كل يوم يسبقونا بمليون سنة ضوئيه لحد ماربنا وفقهم و صدقو عيل شمام بيضرب كل أنواع المخدرات و معاه دبلوم و دلوأتي حاليا شايفين ان الواد ده هو المناضل السياسي الجديد و العبقريه الإقتصاديه المعمليه الفذه , الواد ده لو قال لهم فلاديمير بوتين و جورباتشوف دخلو عليا المكتب و طلبو مني أبني قصر الكرملين من جديد و أرجع الاتحاد السوفيتي زي ماكان بس انا طردتهم لانهم مكانوش واخدين ميعاد من السكرتيره و كانت ريحتهم وحشه هيصدقوه .
.
و بس يا سيدي , دي كل حكاية شمامين الكوله في 8 سنين و باختصار شديد , الإفلاس و شم الكوله أصلهم عاملين زي لعبة الحوت الأزرق كده أو زي سيجارة بانجو مضروبه , فتلاقيهم بيطلبو معاك حاجات عجيبه يا جدع , يعني ممكن مثلا يطلبو معاك إنك تلاقي برص ماشي في الشارع فتقوم متعلق في ديله و تقول ( أبويا أبويا , انت الفارس وانت الحارس وانت مفجر ثورة مارس) أو يعلو معاك أكتر فتعتقد إنه الكون ده ملوش إله و تقرر مثلا إنك تعبد حجر معسل أو تعبد مشابك الغسيل .
...........................................................................................................
Mohamed Hussein
9 سبتمبر 2019
أه طبعا طبعا يا أستاذ ليليان , المناضل البطل المغوار الحشاش أبو دبلون قال كذا يبقى ونعم الرأي يا أبا الحكم .
.
و الدوله فاسده اللي هي أصلا مش دولتك ولا حاجه بس انتي صاحبة واجب و عامله زي الغوازي كده و بتحبي ( تعرقي ) عندنا .
.
والبؤ اجمالا بتاع مفيش مستندات قصدي هتعمل ايه المستندات في دوله فاسده , البؤ ده حلو و حل لكو كل مشاكلكو ,دلوأتي أي عيل صايع ابن وسخه زي جنابك كده و جناب المناضل أبو دبلوم يطلع يهبل بأي هبل و يفتكس أي افتكاسه و يألف أي قصه ولما حد يسأله فين الدليل يابني يجاوب بالإجابه النموذجيه , دليل ايه في دوله فاسده ؟ وايه يعمل الدليل في دوله فاسده ؟ و ايه يعمل المش عارف ايه كده في وطن ضايع , بؤ حلو بينتزع أهات الشمامين .
.
طب هقولك التقيله بقى , انتي شخصيا ممكن مثلا مثلا يعني تطلعي في فيديو و تقولي انك لما كنتي بتسترزقي في مصر قامت المخابرات والأمن الوطني وعصابة الولاويله الحمره بعتولك 17 راجل كلهم اسمهم فرج , و خطفوكي من وسط الناس , قصدي خطفوكي من الجامع وانتي بتصلي , و راحو بيكي غيط دره بعيد و فضلو يغتصبو فيكي ليل و نهار صيف و شتا , احكي لنا الحدوته دي بقى والنبي و النبي , و طبعا لو حد قالك فين الأدله ولا الشهود جاوبي بنفس اجابة الليدر الجديد بتاعكو ابو سيجارة بانجو , وصدقيني نفس الشمامين و الخرفان هيصدقوكي و هيعملو لايك للفيديو و شير ( بعنف ) , بس انا شخصيا مش هصدق و مش هدور على أدله لأني باختصار عارف و متأكد إن قنديل البحر يقرف يبص لك .
Mohamed Hussein
9 سبتمبر 2019
محمد علي الخبير الاقتصادي و المناضل السياسي و نجم الجيل , الجبار اللي بيمشي عالحيط أبو دبلون و سيجارة بانجو لما اتسأل عن الأدله و المستندات اللي تأكد الهري بتاعه قال مستندات ايه في دوله فاسده !! .
...............
عارف يا أستاذ محمد ؟ انت معاك حق, و ده مش رأيك انت بس , ده رأي ناس كتير شوفتهم ليلة امبارح و حصل منهم موقف عجيب ماكنتش حابب أقوله بس هقوله و أمري لله .
.
بقى أنا يا مولانا كنت قاعد عالقهوه , و جنب مني ترابيزه قاعد عليها الواد حوده الكهربائي و عوض السباك , و سمعت حوده بيقول لعوض , تعرف يا عوض ان مرات محمد علي اللي بيطلع في الفيديوهات كانت ماشيه معايا ؟ عوض قال له ماشيه معاك ازاي ؟ قال له ماشيه معايا ماتفهم بقى !!, انا فهمت كلامه و روحت له قلت له احترم نفسك احترم نفسك يا حيوان , عندك مستندات تثبت كلامك ده ؟ قام حوده بص لي كده بصة المثقفين وقالي اهدى يا استاذ , ريلاكس , تعمل ايه المستندات و الادله في دولة فاسده ؟! الحقيقه ماعرفتش ارد عليه بس اتضايقت و سيبت القهوه و مشيت .
.
وانا ماشي في الطريق مكتئب لقيت راجل عجوز قاعد تحت شجره قعدت جنبه , و بصيت له و عنيا مليانه دموع , قلت له يا حاج تعرف محمد علي ؟ قالي بتاع الملاكمه ؟ قلت له لا بتاع الفيديوهات ؟ قالي اه الوله محمد علي , إلا أعرفه , قلت له تعرفه منين ؟ حكالي القصه , قالي انا من 30 سنه كنت بصحتي و بشتغل بواب على العماره اللي ساكن فيها حماده , قلت له حماده مين ؟ قالي محمد علي , قلت له تمام كمل , قال كان هو واد حلو كده و ملظلظ و بيحب ييجي يقعد معايا كتير وانا أصلا قاعد لوحدي , قلت له يقعد معاك ازاي يعني , قام ضحك ضحكه فهمت منها غرضه الخبيث و قلت له يا راجل عيب عليك , عيب على سنك ده , معاك مستندات تثبت الكلام ده ؟ قام بص لي برضه بنظرة المثقفين و حط صباعين من راسه سند بيهم دماغه زي علاء الأسواني كده و قالي , تعمل ايه المستندات و الأدله في دولة فاسده ؟! .
.
زهقت من الراجل العجوز و مشيت و سيبته , وانا ماشي لقيت ست بتخبط على كتفي , لفيت لها وقلت لها نعم فيه ايه انتي كمان ؟ قالت لي حضرتك تعرف مين اللي عمل الكيرلي لأبو محمد علي ؟ قلت لها لا يا ستي ماعرفش , قالت اللي عمل كده الموساد الاسرائيلي و زرعو في ضفاير شعره أجهزة تجسس و كاميرات مراقبه و قاعدة صواريخ و ألغام و كانو عايزين يفجرو مدينة الانتاج الاعلامي , قلت لها ايه يا ست انتي الكلام ده ؟ فين دليلك ؟ قالت يابني دليل ايه في دولة فاسده ؟!
.......................
و بس يا سيدي , أدي كل الحكايه , و طبعا لو هتسألني ايه دليلي ان البوست ده و الحكايه اللي حكيتها حصلت أصلا , هضرب امك بالجزمه و أقولك دليل ايه يابن الصرمه في دولة فاسده؟! .
.....................................................................................................................
Mohamed Hussein
9 سبتمبر 2019
الزوجه : و الشعرايه اللي على كتفك ؟ و البارفان الحريمي اللي مغرق هدومك ؟ و الروج اللي على قميصك ؟ و ركبك دي اللي بتخبط في بعض ؟ انا مش مصدقه كل اللي انت قولته , اثبت لي بالأدله والبراهين انك فعلا كنت بايت مع صاحبك العيان في المستشفى .
.
- الزوج : ماعنديش إثبات , و تفيد بإيه الأدله و البراهين في دوله فاسده ؟.
..........................................................................................................
Mohamed Hussein
· 9 سبتمبر 2019
مدرس رياضيات : أنظر للشكل الهندسي الذي أمامك و اثبت بالأدله و البراهين أن زاوية ص تساوي 30 درجة .
- الطالب : و ايه تفيد الأدله و البراهين في دوله فاسده يا أستاذ ؟ .
.
المدرس : مين يا غبي اللي قالك الكلام ده ؟ نظرية مين دي ؟
الطالب : محمد علي يا أستاذ .
.
المدرس : ده عالم رياضيات مشهور وله نظريات ؟
- الطالب : لا ده معاه دبلون و بيشرب بانجو بس إيه ؟عليه شوية فيديوهات جامده كيك , و الشمامين بيستنوها زي اللي قاعد قدام أوضة عمليات و مستني مراته تولد
.
المدارس : طيب يابني نركز في الدرس بتاعنا بقى ,و ربنا ينتعهم بالسلامه.
...................................................................................................
Mohamed Hussein
10 سبتمبر 2019
يابني انت ظالم الناس دي و مش بتلتمس لهم أي عذر , و كل الحكايه ياسيدي إنهم بينسو , بينسو عادي يعني مفهاش حاجه .
.
- حازم أبو اسماعين نسي الشاحن
- و أردوغان نسي ياخد الوصل من البنك الدولي بعد ما سلّفه
- و مذيعين و مذيعات الجزيره بينسو يلبسو البناطيل و هما رايحين الشغل .
- و مندوح حمزه كان ناسي ان له فلوس عند كامل الوزير بس افتكرها من يومين
- و محمد علي نسي ياخد المستندات
......................................................................................................
Mohamed Hussein
10 سبتمبر 2019
فيه مشهد عبقري في مسلسل أم كلثوم بيحكي قصه حقيقيه حصلت في حياة كوكب الشرق
.
راجل معتوه من ( قارعة الطريق ) حب انه يتشهر و يتعرف أو دماغه طقت أو شرب له سيجارتين بانجو و عليت معاه فقام رافع قضية بيطلب فيها أم كلثوم بجلالة قدرها في بيت الطاعه باعتبارها مراته , و هي أصلا لا شافته ولا تعرف شكله , القاضي في المحكمه قال للراجل المعتوه اثبت انها مراتك , قاله أثبت إزاي يا جناب القاضي , هو فيه حد معاه اثبات ان مراته تبقى مراته ؟ .
.
المشهد الكوميدي الهزلي ده افتكرته وانا بشوف عيل صايع من قارعة الطريق بيتطاول على اعظم مؤسسه في مصر و عليت الحكايه معاه برضه بشوية لايكات و مشاهدات فقرر انه يتطاول على رئيس الدوله و سيدة مصر الأولى , و لما اتقال له اثبت قال أثبت ازاي ؟ أثبت إزاي يا جناب القاضي ؟ و تفيد بايه الإثباتات في دولة فاسده ؟ مانا بعمل فيديوهات أهو و باكل بطاطس و بشرب حشيش وبمثل حلو قدامكو , و هو فيه اثبات أكتر من كده ؟ .
.......................................................................................................
Mohamed Hussein
10 سبتمبر 2019
- أنا مش مجنون أنا كويس
- أنا مش منفعل انا هادي
- أنا شتمت وزير خارجية الامارات وقلت له ** أمك ( عشان انا مناضل و كده )
- اهدى بقى يا محمه يا علي ( اوعو بقى يا جماحه بصوت عم أيوب )
- انا حلقت شعري زيرو بس ماتبصوش لشكلي
- انا بس حاسس ان مرات مرسي اتظلمت و عايز السيسي يبوس ايديها
- أصل جوزها مات و ابنها مات ( و أمي ماتت و أبويا مات , و مدبولي مات بصوت عم ايوب برضه )
- أصل السيسي ظالم بس جواه خير و انا عارف ان جواه خير .
.......................
.......................
مممممممممممم انت مين يا ضنايا؟
- أنا حضرتك وائل غنيم أيقونة يناير اللي كنت عايز أحكم مصر , حتى اسألو الأستاذه منى الشاذلي , هي الأستاذه منى مش هتطلع في فيديو تقولي اهدى يا وائل ماتعملش في نفسك كده يا وائل , رجع شعرك تاني يا وائل ؟ .
.
لا ماعرفش والله , طب بص يا وائل يابني
- نعم حضرتك
.
انت تلبس فانله حمالات مقطعه و كلسون و تعلق في رقبتك زماره و فردة صندل بلاستيك بتاعة عيل صغير ( عشان الحسد ) و تقف في أي إشارة مرور في شيكاغو أو نيويورك تزمر بالزماره و تنظم المرور عندك لحد مالوله محمد علي يجيلك .
- و تفتكر حضرتك لما أعمل كده السيسي هيبوس ايد مرات مرسي ؟ .
.
مممممممممم لا طبعا , بس أديك هتبقى زمرت شوية حلوين بالزماره , ابسط بقى يا عم.
..................................................................................................
Mohamed Hussein
11 سبتمبر 2019
سيسولوجي
.
الوله محمه علي نزل فيديوهات يهري ويهبد و يتشألب وقال معنديش اثباتات ( وهو فعلا معندوش جوه ) , قام الوله وائل غنيم حلق شعره و نزل فيديو و شتم محمه علي , قام الوله محمه علي نزل تسجيل و شتم وائل غنيم , قام الوله وائل عباس منزل بوست و شاتم الإتنين .
.
بصو , أنا بقى عندي يقين إن السيسي ده مش اسم شخص ولا إسم رئيس دوله , ده المفروض يكون إسم منهج سياسي يتدرس في كل جامعات العالم ( السيسولوجي ), منهج بيرتكز على قاعده مهمه جدا , قاعده بتقول , لما تكون المعارضه بتاعتك ( شوية علو* وصيع و خوا*ات ) يبقى الحل معاهم هو التجاهل التام .
.
أمنت بالله , و أمنت بالمنهج و بالفكره , وبقى عندي قناعة تامه إن شوية الخرفان و شمامين الكوله فاضل لهم تكه واحده أو قرصه صغيره و ينزلو الشارع يضربو نفسهم و يضربو بعض بالسنج و الجنازير زي الشيعه .
.
و أتاري يا أخي إنك مش محتاج تمسك مخرطه في إيديك و تروح تدور عالملوخيه و تشوف فين أراضيها , لا خليك قاعد مكانك و تجاهلها تماما , و هي هتجيلك لوحدها و برجليها ولابسه خلخال .
Mohamed Hussein
11سبتمبر 2019
المؤيد من الله
.
راجل جه في 2013 و 2014 و لقى نفسه قدام قرار حاسم و حازم و إرادة شعب أشبه ما تكون بحقل ألغام , تنظيم دولي عمره 90 سنه متوغل في كل داهيه و الشعب مش عايزه , قال ماشي و حاضر .
.
اتقطعت علاقتنا بأوروبا و أمريكا و الاتحاد الأفريقي , قال مش مهم .
.
لقى نفسه قدام قرار مصيري تاني بالتعويم و هيكلة الإقتصاد و إلا البلد هتعلن إفلاسها قال هنعمل الصح للبلد .
.
دخل في عش دبابير تاني لما عمل ترسيم الحدود اللي كل الرؤساء اللي قبله تجنبو الدخول فيه , و قال عندنا ثروات و مياه اقليميه مش عارفين نستفيد منها .
.
قالو له هنعمل ثورة جياع , قال خطة الإصلاح و رفع الدعم هتمشي يعني هتمشي , و شعبيتي مش بدور عليها و مش هبيع للناس الوهم زي اللي سبقوني .
.
شوهوه بكل الطرق و قالو عنه يهودي و أمه يهوديه , قالو معندوش برنامج و معندوش رؤيه , قالو مشاريع فاشله , قالو مش هيكمل سنتين
.
صرفو مليارات الدولارات و جابو مرتزقه و إرهابيين من كل خرابه و حاولو يهزو بلده و يرفعو رايتهم على شبر واحد من أرض مصر , وقف لهم زي اللقمه في الزور .
شوهوه تاني و قالو بيبيع أرضه , و شوهوه وقالو فاشي و ديكتاتور مع انهم قاعدين يهبدو على صفحاتهم 24 ساعه .
.
و قالو السجون و مليون سجين رأي قصدي مدون , وقالو فض رابعه و قتلنا 170 مليون معتصم سلمي كيوت , و رئيس دوله برياله بقى يجيب سيرته تسع مرات يوميا كأنه جوز أمه .
.
اتفتحت ضده و ضد بلده قنوات و جرايد و اتستفت تقارير من منظمات الهشك بشك اللي اسمها حقوق الأنسان , عملو الألاف من ساعات الهوا و من التقارير المضروبه المزيفه .
........................
ها و بعدين ؟ النتيجه ايه ؟
النتيجه ان عبد الفتاح السيسي بيحكم مصر من 2014 و هيستمر بإذن الله ل 2026 , النتيجه اننا عدلنا الدستور , و عملنا ترسيم الحدود و اكتشفنا حقول عملاقه من الغاز , و وصلنا لمرحلة الاكتفاء الذاتي من الكهربا و الغاز , و مشاريعنا بانت و ماكنتش فنكوش ولا حاجه, و بقينا رئيس الإتحاد الأفريقي , و أوروبا اللي كانت مقاطعانا بقو يعزموه في كل اجتماع للكبار , وبقينا حتى بنحكم و نتحكم في دول الجوار , مش بس في حدود المليون كيلو متر مربع .
.
والنتيجه ايه كمان ؟
النتيجه إن كل اللي شوهوه أو حاولو يشوهوه و تجاهلهم تماما (ماخرجش من بؤه لفظ خارج ) لحد ماهما بنفسهم فضحو نفسهم , اتكشفو على حقيقتهم , مابين سفاح بلطجي زي أردوغان , وشاذ زي تميم , و شوية صيع و خونه و مخابيل و مرتزقه و مجانين شهره زي اللي بيسمو نفسهم معارضه و قيادات و أيقونات
..........................
لالالا , عبد الفتاح السيسي ده مش مجرد شخص أو هديه ربنا بعتها لمصر , ده حد بشكل ما مدعوم من رب الكون , والأحداث اللي حصلت دي كلها ماكنتش تتم أبدا بواحد مرتب أوراقه و ملفاته و أمه داعياله و بس كده , لأ , دي فيها إشارات و علامات و كرامات من الخالق العدل الحكم .
....................................................................................................................
Mohamed Hussein
11 سبتمبر 2019
حارة السقايين
.
تنويه بسيط و ضروري بخصوص البوست الأخير
- لما بوصف عبد الفتاح السيسي بوصف ( المؤيد من الله ) فانا هنا بقصد مرحلة زمنيه معينه , تحديدا من 2013 ل 2019 , معطيات معينه زي الإرهاب و التركه الهباب و هيكله الاقتصاد اللي كانت ضروره حتميه و ترسيم الحدود و حملة التشويه اللي محدش اتعرض لها زيه من بعد عبد الناصر و مليارات الدولارات اللي اتصرفت عالارهابيين و القنوات والجرايد اللي اتفتحت لتشويه مصر و السيسي و ضرب الاستقرار السياسي و الاقتصادي و الأمني و خلافه .
.
اللي فوق دي حضرتك اسمها معطيات , هات بقى أتخن خبير سياسي في العالم و قول له إن دوله ما اسمها x مرت بمعطيات كذا و كذا في 2013 و رئيسها مر بمعطيات كذا و كذا , هل الدوله x ممكن توصل ل 2019 وهي صاغ سليم و واقفه على رجليها و ماشيه في طريقها ؟ هيقولك مستحيل .
.
يعني بحسبة الورقه والقلم و الكتب و النظريات كان مستحيل نعدي من الطوفان ده ونوصل ل 2019 بحالة الصلابه والإستقرار اللي احنا فيها , هو ده معنى كلامي في بوست المؤيد من الله , إنه ده سر إلهي و دعم رباني لمصر المحفوظه البهيه و لرئيسها عبد الفتاح السيسي , حاجه كده بعيد عن حسابات العقل و المنطق.
.
و كلامي مش معناه شيك على بياض للسيسي فيما هو قادم , السيسي مش نبي ولا قديس ولا هو إله ,و يوم ما يغلط و يعك هنقول بيعك, و يوم مايموت و ربنا يسترد وديعته ( بعد عمر طويل ) مش هنقول مات اخر الأنبياء ولا هنقول انه كان بيصلي بالأنبياء في الحرم ولا جبريل نزل عليه في قصر الرئاسه , احنا لا قطيع ولا خرفان ولا بنتاجر بالأديان و بكلام ربنا .
.
التوضيح ده مهم جدا لحبايبنا الحلوين الكتاكيت , الخرفان والشمامين , ألتراس وائل غنيم و محمد علي و معتز مطر و أيات عرابي اللي أي عيل صايع بيركبهم و يسرح بيهم , عايز أقول لهم باختصار , ماتفكروش تبيعو المايه هنا عندنا , وقبل ماتبيعوها بصو كويس على إيدكو اليمين هتلاقو لوحة كبيره مكتوب عليها ( حارة السقايين ) .
.............................................................................................................
Mohamed Hussein
12 سبتمبر 2019
الوله محمه علي اللي هو أحدث أيقونه للشمامين , طلع إنه مش بس سارق حق البنك و المقاولين والناس اللي شغالين معاه , لأ , ده سارق حق أخوه المتوفي , و أمه رافعه عليه قضية ميراث , و هيتسبب في دخول أبوه السجن , ده بشهادة أخوه التاني مش بشهادتي أنا والله , و أبوهم عنده وقت يعمل شعره موزمبليه , العيله دي موهوبه على فكره بس احنا اللي مش بنقدر المواهب .
...........................................................................................................
Mohamed Hussein
12 سبتمبر 2019
افتكر الفيلا بتاعة مارينا يا محمد , و اللانش و الها يا محمد ها ؟, النسوان , و سحب ال ها ( الهيروين يعني ) , قرى ايه و نجوع ايه و غلابه ايه و نضال سياسي ايه ياض ؟ على اخوك الكلام ده , طب رجع حق ولاد اخوك اللي مات و بنلم لهم فلوس المدرسه , اخوك اللي مات و سرقت حقه و حق عياله .
.................
ده كان جزء من كلام أخو الصايع السرسجي محمد علي , والنبي بقى حد يجيب لنا أصحابنا الحلوين الكتاكيت اللي قلبهم قلب خسايه , اللي كانو منتظرين إن رئيس الجمهوريه , عبد الفتاح السيسي بجلالة قدره , و رئيس الهيئه الهندسيه اللي بتشرف على مشاريع بقيمة 2 تريليون جنيه , و وزير دفاع الجيش المصري العظيم , كانو منتظرين إنهم يطلعو يردو على عيل شمام صايع ابن صايع مايسواش تلاته تعريفه في سوق البني أدمين , هاتوهم بس عشان نعرفهم غلطهم .
..............................................................................................................
Mohamed Hussein
12 سبتمبر 2019
يابني مذاكرة إيه بس و تعليم إيه ؟ سيب أم الكتاب اللي في إيدك ده و قوم إعمل لك فيديو عاليوتيوب واهبد شويه و إحلق شعرك قدام الكاميرا ولا أشتم أي حد من المسئولين بكلام أبيح يمكن ربنا يكرمك وتبقى صايع ومشهور قد الدنيا, قوم يا موكوس , هو انت يعني لما تذاكر و تتعب و تبقى شاطر أوي هتطلع ايه ؟ حيالله حتة دكتور لا راح ولا جه .
.......................................................................................................................
Mohamed Hussein
14 سبتمبر 2019
لو سمحت لو سمحت
- نعم يافندم ؟
.
هو حضرتك مش هتقولي حمد الله عالسلامه و تقوم تاخدني بالحضن ؟
- و اخدك بالحضن كمان ؟ وانا اعمل كده ليه ؟ .
.
عشان أنا راجع من حظر 24 ساعه عالفيس بوك
- راجع من حظر 24 ساعه ؟
.
أه و الله , لسه راجع حالا .
- يعني راجع من الكويت ياخي !! .
.........................................................................................................
Mohamed Hussein
15 سبتمبر 2019
فخامة الرئيس
.
أه ما كنتش حابب إن الريس يجيب سيرة عيل صايع بيهلفط , وقلت السيسي اللي ماردش على تميم ولا حمد ولا أردوغان مش هيركز مع عيل صايع .
.
إنما السيسي لعبها بحرفنه كالعاده , و برضه شال شيلة الإعلام كالعاده ( عشان احنا معندناش إعلام ) , و اتكلم بصفه عامه و عن مفاهيم , بيشرح للناس من أول زرع و حصد , بيتعامل بمنتهى الصدق و الهدوء , بيشرح يعني ايه ثقه و يعني ايه تشكيك و خطورة اللعبه دي ومين المستهدف فيها و ليه , طب قال ايه كمان ؟
.
1- لولا 25 يناير مكانتش قدرت دوله تبني سد عالنيل !! الكلام ده مهم جدا و كتبت عنه كتير , في يناير 2011 كانت الدوله المصريه في أضعف حالاتها على مستوى الإستقرار الأمني و السياسي , دي بتبقى اللحظه المناسبه لأي حد إنه يعمل حاجه مكانش يقدر يعملها وانت واقف على رجلك و صالب طولك , نفس الشئ حصل في العراق و أردوغان بنى سدود لما مبقاش فيه دوله اسمها العراق ولا لها جيش قوي , وسدوده اتسببت في جفاف ألاف الأفدنه في شمال العراق , طب كان يقدر يعمل كده أيام صدام و أيام ماكان للعراق سيادة و جيش و هيبه ؟ طبعا مستحيل , يعني الثورات مش هوباهيصا كده و كام زرار قميص نفتحهم و نعيط و نتشحتف و قوم بينا نعمل ثوره .
.
2- قال الجيش و الهيئه الهندسيه بيشرفو على مشاريع ب 4 تريليون جنيه , طب تفتكرو مثلا مثلا يعني المشاريع دي لو مأشرفتش عليها الهيئه الهندسيه كنا هنشوف حاجه عالأرض ؟ مممممم لا والله ’ كله كان هيتبني و يترصف و يعاد رصفه ( على الورق ), دلوأتي تمشي في أي اتجاه تلاقي طريق غير الطريق و دولة غير الدوله , ماهي ميزة الجيش و عيبه ( عند الصيع ) إنه عنده مبدأين في تعاملاته مع أي شركة مقاولات كبيره أو صغيره , تسلمني في الميعاد و بالمواصفات تاخد فلوسك , مالتزمتش ملكش فلوس و اضرب راسك في أتخن حيطه , و دي مشكلة العيل الصايع اللي بيهلفط على فكره .
.
3- بنبني قصور رئاسيه ؟ أه بنبني , طب ليه ؟ عشان أصلا بنبني دوله جديده , 14 مدينه هيتم افتتاحهم السنه الجايه , عاصمه ادارية جديده , يلزمك قصر رئاسي هنا و استراحه رئاسيه هنا , طب القصور دي لها عائد ؟ أه و السيسي مش هياخدها معاه بعد مايموت , دي واجهه و هيبه للدوله و استثمار مباشر و غير مباشر (و ده اللي بيخلي مثلا الشركات المالتي ناشونال العملاقه لما بتحب تعمل مقر رئيسي لها بتصرف عليه مبالغ طائله , هما مش عبط ولا برياله ولا بيرمو الفلوس في الأرض) , و هنا افتكرت حاجه ضحكتني اوي , في المناظره الشهيره بين ابو الفتوح و عمرو موسى ( صبي الفرارجي و رجل دوله ) والمذيع بيسألهم لو بقيت رئيس هتحكم مصر منين ؟ قال صبي الفرارجي هحكمها من شقتي ( اه طبعا وابقى استقبل رؤساء الدول في المندره و هات لهم أولّتين مايه يشربو )
.
ملحوظه بسيطه خالص للبهوات هواة اللعب بالعقول و اللي ممكن يحسسو الناس ان فلوس القصور الرئاسيه لو وفرناها هنشتري قطارات و طيارات و خطوط سكه حديد و نسدد ديون مصر و نحل مشكلة التعليم و الصحه و نجيب ساندوتشات حلاوه بالقشطه ( زي فلوس منجم السكري كده !!) , الملحوظه ببساطه شديده , لو بتبني على مدار 10 سنين مثلا 3 قصور رئاسيه و هيكلفو الدوله مليار جنيه , فلازم تبقى فاهم ان ميزانية الدوله في ال 10 سنين هتكون مش أقل من 20 تريليون جنيه , وبالتالي تكلفة القصور تساوي 1/20000 , يعني معاك 20 ألف جنيه خدت منهم جنيه واحد فقط عشان تبني قصور رئاسيه هتعيش 500 سنه جايين .
..................................................................................................................
Mohamed Hussein
15 سبتمبر 2019
الجيش المصري و الرئيس و معركة البناء و معركة السد !! .
.
بهدوء شديد و بالراحه خالص و في مستوى الطالب الناشط اللامؤاخذه السياسي
.
1- الريس امبارح جاب سيرة سد النهضه أو السدود بصفه عامه و علاقتها بيناير و إنه لولا يناير مكانوش يجرأو على البدء في تنفيذ السد , و الحكايه دي شرحناها كتير بس أول مره كنت أسمعها من الريس و مجرد تصريحه بيها ف ده يعتبر تصريح خطير .
.
2- قولنا برضه من سنين ان سد النهضه ملوش علاقه أوي بأثيوبيا , أثيوبيا مش دوله جباره ولا بتمشي عالحيط ولا بتدور على استثمار مائي يجيب لهم كهربا و كل الهجايص دي , ( بالمناسبه من كام يوم جالي زبون أثيوبي الصيدليه هو طيب جدا و دمه خفيف , عايز شامبو بانتين , وقالي هيبعته أثيوبيا , قلت له ليه ؟ قال مراتي طلبته و الحاجات دي معندناش منها ولا نسمع عنها ) , يعني حضرتك انت قدام دوله ماتسمعش عن الشامبو أصلا .
.
3- فكرة سد النهضه من الأساس هي فكره صهيونيه بترعاها اسرائيل و بينفق عليها كشك خليجي , طب ليه ؟ عشان نقطه المايه أمن قومي , وعشان يبقو مسكوك من ايدك اللي بتوجعك , إما بالمنع أو بالمساومه , مصر عارفه كده ؟ أه , هما بدأو في الإنشاء إمتى ؟ بعد يناير مباشرة , الفكره نفسها من امتى ؟ من عشرين تلاتين سنه بس ده اسمه الوقت المناسب , ليه الوقت المناسب ؟ عشان الدوله بتكون في أضعف حالاتها أمنيا و سياسيا و عسكريا و اقتصاديا .
.
4- النهارده بنسمع عن اجتماعات عاجله لوزراء الري في الدول التلاته , خصوصا بعد زيارة رئيس وزراء أثيوبيا لاسرائيل ( ماتبقو تسمعو كلامي ؟ ) و تصريحات اسرائيل انها هتستثمر في المشاريع المائيه في أثيوبيا ( أه طبعا طبعا ماهما أصحاب واجب ) .
.
5- طب الريس كان غرضه ايه من كلام امبارح ؟ كان غرضه يشرح لنا بهدوء ,مش يخوفنا , يشرح لنا يعني إيه توصل بلدك لنقطة الضعف و ايه اللي ممكن يحصل لحظتها ؟
.
6- طب احنا دخلنا في مفاوضات ليه من 4 سنين ؟ ماكنا نرفض و نشد ايدينا و نقول اوعى كده ملخت الكم ؟ لا حضرتك ده اسمه هبد الهبدجيه , دخلت في مفاوضات لسببين , أولا انت بتستف ورقك قدام المجتمع اللامؤاخذه الدولي ( عشان دي أصول اللعبه ) , ثانيا بتكسب وقت لحد ماتقف على رجليك اقتصاديا و سياسيا و أمنيا و عسكريا , و ده اللي حصل .
.
7- يعني تصريحات السيسي امبارح المفروض تخوفنا ؟ لا , هو بس بيقولك ماتعملش كده تاني , طب ليه مش هنخاف ؟ عشان ببساطه عندنا جيش عظيم بيبقى عامل حسابه على كل الاحتمالات بما فيها كذا و كذا و كذا .
.
8- يعني ايه الكلام ده ؟ يعني احنا دلوأتي جاهزين يافندم و مستعدين تماما , من 4 سنين مكناش جاهزين و كان الاحتياطي النقدي بتاعنا 13 مليار يعني دوله على وشك الإفلاس .
.
9- طب يعني ايه جيوش عظيمه بقى ؟ يعني جيش يقدر يشيل بلده بالكامل , جيش في وقت الحرب يبقى حائط الصد الأول و في وقت البناء بيبقى حائط الصد الأخير , طب ليه خليناه يشرف على عملية البناء نفسها؟ عشان كل الحوائط اللي قدامه وقعت , مكانش فيه أي مؤسسه تقدر تعتمد عليها .
.
10- طب انا مين بقى ؟ أنا مواطن مصري عارف ان عنده جيش عظيم بينجح في أي معركه يتصدى لها سواء بناء أو معركه عسكريه بأي شكل , فتلاقيني قاعد عالكرسي كداهو و مجعوص و حاطط في بطني شادر بطيخ صيفي , يعني ايه ؟ يعني يا جبل مايهزك ريح .
......................................................................................................
