Mohamed
Hussein
24
ديسمبر 2015·
لما كان عمري
18سنه اتعرضت لأصعب موقف في حياتي , و هو وفاة والدي الله يرحمه , كنت وقتها في تالته
ثانوي , و تحديدا كان يوم الجمعه 24 يونيو 94 ..و امتحان الثانويه العامه بتاعي كان
السبت 25 يونيو 94 !! .
.
والدي توفى و عمره
39 سنه , فجأه لقيت حجر كبير جدا على ضهري اسمه المسئوليه , أخ أكبر ل 5 خوات صغيرين
فيهم 3 بنات ( كوم لحم يعني ) , عايزين يتعلمو و يكبرو ويلبسو و يتجوزو , فجأه أحلامي
كلها اتلخبطت و كنت قدام خيار من اتنين , أشيل المسئوليه دي ولّا اهرب منها و اللي
يحصل يحصل ؟! , انا اخترت و شيلت و دوست على أحلامي و بدأت معركه مع الدنيا , شغل بإيدي
و سناني حتى وانا في الجامعه , البيت مفهوش فلوس و المعاش فتات , أروح الكليه طول السنه
بقميص واحد و بنطلون واحد مش مهم , كان لازم اشتغل و اصرف على نفسي واساعد في مصروف
البيت , لحد ماتخرجت من الجامعه , اشتغلت بعدها سنه في القاهره و 5 في السعوديه , و
بعد 6 سنين شغل متصل بقى عندي حساب بنكي فيه ألف جنيه !! .
.
خواتي اتعلمو و
دخلو الجامعه كلهم و البنات اتجوزو وانا قلت الحمد لله إني نجحت , صح كان لازم غربتي
تطول بعدها عشان اعمل حاجه لنفسي بقى , بس مش مهم , كنت فرحان أوي و انا بعمل كده
, بتخيل لو كان عندي جينات كولجيه أصيله ياترى كنت هتعامل مع الموقف من الأول ازاي
؟ هشيل المسئوليه و اتعب في طريق مش سالك أصلا و لّا أنسحب و ألعن الدنيا و الظروف
والكل كليله و أقعد أقول شعارات ؟! .
.
يا كولجية مصر
, الخراب اللي حصل حوالينا في ال 5 سنين ده حقيقي مش فوتو شوب , عندي احلام للبلد دي
أد أحلامكو ألف مره , بس احنا في وقت لازم ندوس فيه على أحلامنا شويه و نشيل المسئوليه
في طريق مش سالك , هنتعب و نصبر و كل خطوه تكون محسوبه , أهم حاجه على الإطلاق هي إننا
يفضل عودنا مفرود و صالب طوله و نخاف على حيطان البيت و ( كوم اللحم ) .
...............................................................................................................................
Mohamed
Hussein
24
ديسمبر 2015·
الطاحونه حمره
.
.
أنا : عايز تعمل
ثوره ؟
هو : اه .
.
أنا : ليه ؟
هو : مش عارف
.
.
أنا : طب فيه شخصيه
معينه متفقين عليها تقدر تحكم مصر ؟
هو : لا , ولا
أقولك , ممكن بس مش عارف .
.
أنا : طب تفتكر
ممكن تنجح ؟
هو : مين ؟ الشخصيه
؟
.
أنا : لأ , الثوره
.
هو : مش عارف
.
.
أنا : طب والشخصيه
؟
هو : برضه مش عارف
.
.
أنا : أومال قارفنا
بشعاراتك و افتكاساتك عالفيس بوك ليه ؟ .
هو : مين ؟ أنا
؟
.
أنا : لأ أنا
.
هو : طب ما تجاوب
.
.
أنا : مش عارف
.
هو : شوفت بقى
؟ مش انا لوحدي مش عارف .
.
أنا : طب هات صباعين
موز من قفص البرتقان اللي جنبك ده .
هو : موز ايه ؟
انت عايز تجنني ؟ هو فين الموز ؟ .
.
أنا : و هي فين
الثوره ؟!! .
هو : مش عارف
.
........................................................................................................................
Mohamed
Hussein
24
ديسمبر 2015·
ماسبيرو .
.
و عرفتو إن الحرب
الحديثه أهم سلاح فيها اسمه ( الإعلام ) ؟ و عرفتو ان وسائل الإعلام بكل أنواعها وقت
الجد بتبقى سلاح في إيد صاحبها الحقيقي ؟ و عرفتو إن الإعلام ممكن يكون أخطر من القنابل
الذريه و أسلحة الدمار الشامل و ممكن بمنتهى السهوله يدمر شعوب و يخرب دول ؟ .
.
أه عرفنا طبعا
.
.
و لما عرفتو عملتو
إيه بقى ؟ .
.
عملنا ماسبيرو
.
.
و ماسبيرو دي حلوه
يا عماد و لها تأثير و كده ؟ .
.
أومال يا جدع
, دي فور باي فور و بتخسر 2 مليار جنيه في السنه ( من لحم الحي ) , و شغال فيها 40
ألف موظف , و مذيعات بيلبسو كتّافات كده عشان كتفاهم تبقى مظبوطه قدام الكاميرا و لو
قابلو عالم ذره هيسألوه السؤال الأزلي : ايه هي أخر اعمالك الفنيه ؟! .
.
.
سيادة الرئيس المصري
المحترم عبد الفتاح السيسي ........... تحية طيبه و بعد
.
كمواطن مصري شايف
اننا بقينا مستباحين تماما في الإعلام الغربي و حتى الجزيره , و شايف إن ماسبيرو صوتها
مابيوصلشي أبعد من المبنى العريق ده بمسافة مترين , الحكايه مابقتش اختيار يا ريس
, و لو هنفكر في 40 ألف موظف هيتضررو يبقى عمرنا ماهنحل أي مشكله في مصر , لو فكرنا
مثلا نجرّم الدروس الخصوصيه هنخاف وقتها على 500 ألف مدرس هيتضررو طبعا , للأسف مطلوب
ترحيل جميع الموظفين في ماسبيرو و إيقاف بث ( أوفّة ) القنوات اللي مالهاش أي تلاتين
لازمه ( ممكن الإبقاء على قناه تعليميه و قناه رياضيه محليه ) , و إنشاء قانتين فضائيتين
على مستوى عالمي , باعلاميين محترفين و ضيوف بيعرفو ( الألف من كوز الدره ) و مراسلين
في كل مكان في العالم .
.
أعتقد مبلغ ال
2 مليار اللي بنخسره كل سنه هيكفي لكده , مطلوب صوتنا يوصل لأبعد مكان في كوكب الأرض
, مطلوب إحنا كمان نبقى في إدينا القنبله الذريه الحديثه اللي اسمها الإعلام , أما
اللي موجود عندنا حاليا ده اسمه ( ماية البطيخ ) , حاجه كده زي أسلحة فاروق , شوية
بنادق قديمه و مصديه و بتضرب فينا احنا !! .
.........................................................................................................................
Mohamed
Hussein
23
ديسمبر 2015·
مراسلين ماركات
مسجله .
.
مراسل قناة ten tv بعد ماتش الزمالك و المحله , عامل لقاء مع مدراب
المحله .
.............................................
............................................
المراسل : و معانا
كابتن احمد حسن مدرب غزل المحله , هو ايه اللي بيحصل يا كابتن ؟.
.
المدرب : والله
مانا عارف بس الوضع سئ .
.
المراسل : انا
حاسس في عنيك بمسحة حزن .
.
المدرب : مانا
هقول ايه مش عارف و الله .
.
المراسل : كابتن
احمد ممكن تفتح لي قلبك و تحكي لي , جايز نقدر نحل المشكله .
.
المدرب : و الله
النتايج مش حلوه و انا مش عارف يعني اقول ايه .
.
المراسل : طب قولي
اكيد فيه مشاكل بينك و بين مجلس الإداره .
.
المدرب : لا مش
فيه مشاكل بس و الله مانا عارف اقول ايه .
.
المراسل : أومال
ليه حاسس ذهنك شارد كده , احكي لي يا كابتن .
.
المدرب : و الله
مانا عارف النتايج مش حلوه و مش عارف أقول ايه .
.
المراسل : بس انا
شايف انك زعلان و حزين , فيك حاجه مخبيها .
.
المدرب : بص يا
عم انت , أنا مستقيل أهو , مستقيل على الهوا , مستقيييييييييل .
.
المراسل ( بيبص
ناحية الكاميرا ) : و دلوأتي يا كابتن مدحت , مدرب غزل المحله اعلن استقالته على الهوا
, خبر حصري لقناة ten tv .
.........................
.........................
هههههههههههههههههههه
مدحت شلبي مشغّل معاه مراسل هو باختصار النسخه ( الدكر ) من ريهام سعيد .
...........................................................................................................................
Mohamed
Hussein
23
ديسمبر 2015·
نفحه من ست الحبايب
.
كلمت امي من شويه
أقول لها كل سنه و انتي طيبه , و قلت لها مش عارف اجي عشان ظروف الشغل و مش معايا حد
يقف مكاني , قالت لي طب خلاص ابن خالتك جاي عندكو بالليل هيوصل ناس المطار جنبكو ,
هبعت لك معاه شكارة رز ابيض و بطه و ديكين ( مش مطبوخين ) و جوزين حمام مطبوخين للبنات
و هبعت لك رقاق و لحوقي رز معمر صغير و 2 كيلو سمنة بلدي و كام حتة جبنه قديمه و برطمان
مخلل ( لفت و كرنب ) , وهبعت لك شوية سريس عشان انت بتحبه .
.
الله الله الله
, الله يفتح عليكي يا غاليه , و الله انتي أحرف من ابو تريكه و شيكابالا , بالك يامّه
, الواحد يسافر بره مصر و يدخل اكبر الفنادق و المطاعم و يشتغل و يبقى معاه فلوس و
بعدين يعيش في القاهره و يبقى معاه فلوس برضه و يصرف كتير و ياكل أد ماياكل بس مايحسش
ابدا ان فيه حاجه ليها طعم زي الحاجه اللي باخدها من عندك دي , حتى لو كانت حتة جبنه
قديمه وعودين سريس .
.
عايش في خير أمي
و أفتخر .
...........................................................................................................................
Mohamed
Hussein
23
ديسمبر 2015·
الواد بولا بتاع
الكاوتش : يا عم الناس كلها نايمه , النهارده أجازه المولد النبوي كل سنه وانت طيب
, ماخدتش اجازه ليه ؟! .
.
أنا : أجازه إيه
ياض يا بولا ؟ أنا صيدلي , لو خدت أجازه أتحرق .
...........................................
...........................................
جوه كل بيت في
مصر هتلاقي حلاوة المولد و شجرة عيد الميلاد , عروسه و حصان و سمسميه و فوليه و زعبوط
بابا نويل , رغم أنف البهاليل و تجار الدين , احنا الشعب اللي مالهوش كتالوج .
.
كل سنه و حضراتكو
طيبين , مولد سيدنا النبي و ميلاد سيدنا المسيح .
..........................................................................................................................
Mohamed
Hussein
22
ديسمبر 2015·
صديقي العزير فلان
الفلاني ........ لو سمحت حاول تقراني .
أدي يا سيدي قناعتي
, و أدي دماغي هفردهالك في كام سطر صغيرين .
.
1- عقلي مش صغير
للدرجه اللي ممكن معاها أربط مستقبل بلد بحجم و عظمة و تاريخ مصر بحياة شخص ما أيا
ما يكون إسمه أو صفته , كلنا هنموت ( و مصرُ باقيةٌ و الشمسُ و القمرُ ) .
.
2- عبد الفتاح
السيسي بالنسبالي هو حالة استثنائيه تماما .
.
3- أه محدش في
كوكب الأرض كان يقدر على جماعه إرهابيه توحشت اقتصاديا و توغلت في كل مفاصل الدوله
في عهد المخلوع مبارك غير شخص واحد اسمه عبد الفتاح السيسي .
.
4- قناعتي كمان
إن رجال أعمال مبارك هما شوكه في حلق السيسي مش عكاز بيتسند عليه وقت الشده , و جايز
بكره نفهم إن الفلول و الخرفان إيد واحده و إن فلوسهم شابكه في بعض زي الضفيره .
.
5- قناعتي إن من
يوم 30 يونيو 2013 و إن حياة السيسي في خطر , مش بس خطر من الخرفان إنما خطر من كل
الجهات و الدول الأجنبيه اللي اتقلبت عليهم الترابيزه في 30 يونيو .
.
6- لو لاقدر الله
حصل حاجه للسيسي اعتقد إن مصر هتشوف خراب مش هنتمنى معاه نرجع لما قبل 25 يناير
2011 لأ , احنا هنتمنى نرجع حتى لأيام الوسيه و الضرب بالكرباج عشان ساعتها هنلاقي
في النهايه 4 حيطان نتاوى فيهم حتى لو كانو معملوين من الطين , إلا إذا الجيش لحقنا
قبل مانوصل لمرحلة الخراب , أه نسيت حاجه , لو كنت حضرتك من اياهم فانا هسيب لك القوسين
دول ( ) اكتب فيهم عبد البياده أو طبال زي ماتحب .
.
7- شوفت كمان في
الكام سنه اللي فاتو قيادات و نخبجيه من كل التيارات , قيادات بدقون و قيادات بكرافتات
شيك , قيادات من اليمين و قيادات من اليسار , قريت عقولهم كويس أوي , و توصلت لنتيجه
حتميه , أعظمهم على الإطلاق مايقدرشي يدير كشك سجاير مش دوله بحجم مصر و في التوقيت
ده بالذات .
.
8- قناعتي النهائيه
بقى , تماما أنا ضد النزول في 25 يناير , تماما أنا مع جيش مصر لحد أخر نفس , تماما
أنا بتمنى السلامه لشخص اسمه عبد الفتاح السيسي , همضي على كده و أبصم بالعشره .
.
9- أصدقائي الأعزاء
على اختلاف مشاربهم , هذا الأكاونت هو ثكنه عسكريه , و صاحبه اللي هو أنا وقت الجد
عسكري لابس بياده , حتى لو كان في الأصل شخص مدني و بيشتغل في مهنه حره و تجاوز سن
الإحتياط .
.
10- أصدقائي الأعزاء
, هقول للمره الألف , مستقبل مصر مش دور كوتشينه هنلعبه كل شويه عالقهوه لما نكون فاضيين
............................................................................................................................
. Mohamed
Hussein
22
ديسمبر 2015·
كلمات غير موفقه
لعبد الفتاح السيسي .
.
ياريس حكاية
25 يناير و الناس اللي عايزه تنزل ده مجرد هري سنوي و احنا واقفين له , زي مولد بيتكرر
كل سنه و بنعمل فيه حواديت و أفلام و شألباظات مش أكتر, كل سنه و حضرتك طيب وربنا يقطعها
عاده , يعني ناس بتهري قصاد بعض , صراع على مواقع التواصل الإجتماعي بين شريحه كبيره
جدا من مؤيديك ضد كام ألف من الخرفان و الكولجيه و في الأخر لا حد بينزل ولا حد بيطلع
.
.
مين اللي قالك
تطلع و تعمل قيمه لشوية الهري اللي داير ده ؟ أه صح انكار الحقايق خطأ فادح , بس كمان
تكبيرها و تفخيمها كارثه ياريس .
.
خطابك غير موفق
على الإطلاق .
....................................................................................................................
Mohamed
Hussein
22
ديسمبر 2015·
إعدادات ماقبل
ذكرى 25 يناير............ مرحلة تظبيط ( البردعه ) على ضهر الحمار .
.
و شوف يا مولانا
, في الأيام دي تحديدا هتلاقي حاجات غريبه بتظهر قدامك كده بصورة مكثفه , يعني مثلا
شوية مواقع مجهولة المصدر , على جرايد اسمها غريب , على عناوين من اللي بتشد الزبون
اللي هو حضرتك , عناوين من نوعية ( شاهد الضربه القاضيه من أردوغان للسيسي , تعرّف
على أسباب تغيير مدير الامن الوطني , نظام السيسي يترنح قبل 25 يناير , شاهد بالأسماء
الأحزاب و الحركات التي اعلنت مشاركتها في 25 يناير , عضو بالكونجرس الأمريكي يؤكد
أن نظام السيسي يحتضر , كاتب موزمبيقي شهير يشرح أهم الأسباب التي أدت إلى سقوط نظام
السيسي , عرّافه بنغاليه تتنبأ بسقوط السيسي ) .
.
و لو فتحت أي موقع
فيهم هتلاقي جوه كلام بلح , أه بلح جمع بلحه , مش مهم , انت أصلا لا بتفتح ولا بتقرا
, بتاخد العنوان و تتحمس , و مجرد ما تتحمس كده تبقى العمليه تمت بنجاح , و جاري تظبيط
البردعه على ضهر جنابك , بعد كام يوم بقى هندخل في مرحلة ( دعاء الركوب ) , و عموما
إوعى تسأل نفسك هي ليه كل الإعلانات و المواقع المشبوهه دي مكتوب تحتها ( إعلان مموّل
) .
.
و في الفيس بوك
هتلاقي الكُتّاب اللي دماغهم ألماظات , عارف حضرتك مين اللي بيعجبني ؟ بيعجبني الواد
الكولجي اللي كل حاجه تحصل حواليه يقعد يعصر دماغه و ينزل منها جاز عشان يعرف يفسرها
على إن السيسي الفاشي القمعي هو اللي ورا الحكايه , يعني مثلا , هيقولك رئيس الوزار
ده فاشل و لما السيسي يشيله هيقولك ده شاله عشان كان مناضل و بطل , هيقولك مفاوضات
سد النهضه دي كلام فارغ ولازم تهديد بحل عسكري و لو حصل تهديد فعلا هيقولك بس بس السيسي
بيليسنا في الحيطه , هيقولك السيسي بيصحى كل يوم الصبح يكلم القضاه نفر نفر و يقولهم
اصدرو أحكام بإيه , ولو إخوانجي طلع براءه هيقولك السيسي بيتصالح مع الإخوان الإرهابيين
مش قلت لكو انها صفقه ؟ ولو اخوانجي اتحكم عليه هيقولك السيسي عايز البلد تولع و مش
عارف ان المصالحه هي الحل .
.
.
عزيزي الكولجي
( المركوب ) أبو دماغ ألماظات , و عزة جلال الله انت بتصعب عليا , يا صديقي أنتَ بائس
و عقلك أسوأ حالا من طفاية السجاير اللي قدامي دي .
.............................................................................................................................
Mohamed
Hussein
21
ديسمبر 2015·
ليس من الضروري
أن تكون عميلاً لكي تخدم عدوك ، يكفيك جدا أن تكون أحمد موسى !! .
end of
text
........................................................................................................................................
Mohamed
Hussein
21
ديسمبر 2015·
الخارجيه المصريه
: ما يحدث في أثيوبيا هو شأن داخلي , و نتمنى الإستقرار لدولة أثيوبيا الشقيقه .
.
.
تعليقات المصريين
العاقلين
.
أحمد : أه طبعا
مالناش دعوه و أثيوبيا دي دولة شقيقه , ولّا ايه رأيك يا مصطفى ؟
.
مصطفى : و لا نعرف
حاجه عن اللي بيحصل هناك , و أثيوبيا أصلا دولة شقيقه , مش كده ولا إيه يا حسام ؟
.
حسام : طبعا يا
جدع , طب وشبكة العشره دول أنا بدعي ربنا كل يوم في صلاة الفجر يحفظ استقرار أثيوبيا
عشان هي دولة شقيفه , و عم جرجس يشهد عليا .
.
عم جرجس : أشهد
طبعا , و عليا النعمه اللي يهوب ناحية استقرار دولة أثيوبيا الشقيقه هشرّحه , صح كلامي
يا محمد ؟
.
محمد ( أنا )
: كلامك عين العقل يا عم جرجس و انت أكيد بتسمع حسام و هو بيدعي لأثيوبيا في صلاة الفجر
, برافو يا رجاله , الله يفتح عليكو , حاجه ساقعه بسرعه ياض يا حته للرجاله العاقلين
و هات لهم صينية كنافه .
..........................................................................................................................
Mohamed
Hussein
21
ديسمبر 2015·
مرتضى منصور هيجتمع
مع أعضاء مجلس إدارة الزمالك بعد شويه و يعلن التراجع عن قرار الإنسحاب من بطولة الدوري
العام .
.
أنا هريّح جسمي
شويه و ابقو صحوني أسمع الحته دي (( أنا راجل سياسه و راجل دوله و راجل قانون و أصغر
مستشار في تاريخ البني أدمين قبل ماكون رئيس نادي الزمالك , و احنا قررنا التراجع عن
فكرة الإنسحاب من الدوري عشان خاطر مصر )) , أه بحب أوي أسمعها منه كل مره .
.............................................................................................................................
Mohamed
Hussein
21
ديسمبر 2015·
بعد 4 سنين من
الفرهده السياسيه المكثفه ......... حقايق و مسلّمات و ناس ( كنا نعدهم من الأبرار
) .
.
1- حلف الناتو
مش ند لأمريكا ولا منافس , حلف الناتو قاعد على حِجْر أمريكا و أمريكا لها صبي عالمه
جوه الحلف اسمه بريطانيا , البريطانيين نفسهم عارفين و راضيين و أمهم كمان عارفه و
راضيه .
2- منظمات المجتمع
المدني و مراكز حقوق الإنسان و ووسائل الإعلام و مؤسسة نوبل للسلام و حتى مواقع التواصل
الإجتماعي هما مجرد أكشاك ل ( القتل اللذيذ ) بتستخدمهم أمريكا عند الطلب , يعني ممكن
تقول إنهم محل العطاره بتاع الحاج تاجر المخدرات , اللي بيداري كل مصايبه السوده وراه
.
.
3- الجزيره اتصرف
عليها عشرات المليارات و اتزرعت في الوطن العربي من سنين طويله عشان تكون دراع لجهاز
الإستخبارات الأمريكي في المنطقه , دراع بيتكلم بلسان عربي ( بلسانٍ عربيٍ مبين )
.
.
4- قادة الخليج
العربي كلهم عارفين ان الأسره الحاكمه في قطر هي مجرد كلب صغير من كلاب أمريكا المطيعين
جدا , بس مش هيقدرو يعملو حاجه لقطر عشان باختصار هما نفسهم ( مش مقطعين حُصر الجامع
) , و النفوذ الأمريكي في الخليج و تعهدها بحماية الأسر الحاكمه مثبّت الكل .
.
5- دوله بنت امبارح
اسمها اسرائيل , تعداد سكانها تلاته ولا اربعه مليون كلهم مُجنّسين , بس قدرت الدوله
دي في 40 سنه تعمل فرهده و خراب و انقسامات في وطن عربي يا طوله يا عرضه , أه لازم
تصدق إن الحكايه مش فساد الحكام العرب و جهل الشعوب العربيه و بس , لا فيه لوبي صهيوني
أمريكي فعلا شغّال زي الفل , و مش بعيد تعرف بكره انه شغال و بيصرف من فلوس امراء الخليج
يعني بيصرف على خرابنا من جيبنا ( من دقنه و افتلّه ) !! .
.
6- مصر مضطره للتعامل
مع الجميع , خليج , ناتو , امريكا , منظمات مجتمع مدني و حتى الجن الأزرق لازم نتعامل
معاه , أصل العالم بقى قريه صغيره , بس لو جيت للحق , هي قريه عايزه الحرق .
.
7- قمة العته و
التخلف العقلي إنك و انت بتحلم بطفره اقتصاديه و علميه لمصر إنك وقتها تقارنها بدولة
زي سنغافوره مثلا أو حتى ماليزيا !! , انت كده تبقى أبيض ياورد , أه عندنا موارد و
عقول و لازم نحلم بمكانة تليق لمصر في كل المجالات و نسبق الدول دي , ولازم نبدأ و
فورا , بس انت كمان لازم تكون فاهم إن الدول دي زي العربيات كده و لو افترضنا ان العربيات
كلها نفس النوع و الموديل , لكن فيه عربيات طريقها بيبقى مرصوف و سالك و ناعم زي الحرير
, و عربيات طريقها حفر و مطبات و قُطّاع طريق , المسافه اللي هتقطعها عربية ماليزيا
في 10 سنين حضرتك هتقطعها في 20 .
........................................................................................................................
Mohamed
Hussein
20
ديسمبر 2015·
كمال أبو عيطه
: انا بطالب باللجوء السياسي لأي دوله عربيه ماعدا قطر , النظام الفاسد بيرجع تاني
, و فيه استهداف لرموز و قيادات ثورة يناير !! .
.
يا عم كمال وحد
الله بس , انا اصلا مش عارف انت متوجه لك اتهام رسمي ولا ده شغل وسائل إعلام ؟ و لما
يكون متوجه لك اتهام رسمي فواجب عليك يابو المفهوميه و الجدعنه انك تقف و تدافع عن
نفسك و تبرأ ساحتك , و تحط صباعك في عين التخين , هو ده الفكر الثوري اللي بفهمه ,
الثوار مابيهربوش يا عم كمال , و اللي بيهربو مش ثوار , و لما يهربو مش بيلاقو زريبه
تلمهم غير قطر !! .
.
بالمناسبه , في
السنه اللي بتخلص دي تحديدا فيه وزرا كتير جدا و مسئولين اتحولو للتحقيق و واقفين قدام
المحاكم حاليا في قضايا فساد , يا ترى الوزرا و المسئولين دول برضه من قيادات ثورة
يناير و النظام بيحاربهم ؟! .
.
النظام يا عم كمال
مش فاضي لقيادات يناير و لا قيادات مايو , بلاش تحط عيشه على أم الخير , اتمنى تدافع
عن نفسك و يارب تكون برئ , بس في نفس الوقت هقولك حاجه أخيره و ماتزعلش مني , انا كنت
فاكرك اتوفيت من سنتين تلاته , اه و الله العظيم !! ..........تفتكر الدوله بنت اللذين
دي وصل بيها البشاعه إنها تحارب الأموات ؟! .
.............................................................................................................................
Mohamed
Hussein
20
ديسمبر 2015·
لو كنت القاضي
اللي ماسك قضية اسراء الطويل كان ممكن احكم عليها بالبراءه في حكاية الإنضمام لجماعه
إرهابيه دي و حتى في تهمة التحريض على الحرق و الخراب , إنما المؤكد إني كنت هرزعها
تأبيده بسبب صورها اللي ناشراها على صفحتها بتاعة بوز البطه و عوجة البوز و المناخير
و الشلاضيم , و كنت هكتب في حيثيات الحكم ( إفساد الذوق العام و محاولة رسم تاتو فراشه
على كتف الضيف أحمد الله يرحمه ) .
.
يا إسراء يا بنتي
, انضمي للجماعه الإرهابيه براحتك و حرضي عالخراب زي مانتي عايزه , انا راضي , بس أبوس
إيديكي بلاش تتصوري سيلفي تاني وانتي عاوجه بوزك , بلاش نستعجل نزول المخلوقات الفضائيه
لاحتلال مصر ولا نقلق السحليه العملاقه اللي نايمه تحت الأرض .
..........................................................................................................................
Mohamed
Hussein
19
ديسمبر 2015·
عالمستوى الشخصي
, من أول ما شوفت سحنة أحمد موسى و انا بقرف منه , لكن لما نشر صور إباحيه لخالد يوسف
بقيت بصراحه بقرف منه أوي , إنما بقى بعد اللي حصل النهارده و اعتذاره الشجاع لخالد
يوسف فانا في الحقيقه أصبحت بقرف منه جدا !! .
.
أصدقائي الأعزاء
اللي فاهمين إن ده إعلام , و ده إعلامي , و ممكن يكون واجهه لمصر , لمصر ؟!! , عايز
أقول لكو عيب , عيب و الله , اللي سمع في يوم من الأيام أغنيه لأم كلثوم أو مقطوعه
موسيقيه للسنباطي , اللي سافر و شغّل في كاسيت العربيه شريط للطبلاوي أو ابتهال للنقشبندي
, اللي شاف ملامح وش الشهيد محمد أيمن و سماره , اللي ركب مركب صغيره في النيل و نزل
يصطاد و يقول الرزق من عندك يارب , اللي شالت على راسها سَبْت فيه طيور وراحت تبيعهم
في السوق عشان تجيب دوا لابنها , اللي مشي سوّاح هايم عاشق في شوارع مصر القديمه و
حواريها , اللي شاف ضحكة الغلابه اللي ماحيلتهمش اللضى , اللي قال ابني مات شهيد في
الجيش و عندي اتنين غيره ياخدوهم انا راضي , اللي خاصمت ابنها عشان زعلها بكلامه و
عيطت و قبل ماتنام قالت انا هطلع اتمشى ناحية اوضة ابني يمكن يصالحني , اللي عبرو خط
بارليف و اللي بنو الأهرامات و اللي داسو برجليهم و جزمهم على حكم الخرفان , هي دي
مصر الحقيقيه , مصر العظيمه , مصر اللي ماينفعش يكون أحمد موسى واجهه ليها , لا هو
ولا كتير غيره من التجار و الأنطاع و البهاليل و كدابين الزفه .
.......................................................................................................................................
Mohamed
Hussein
19
ديسمبر 2015·
السيسي عمل القرض
بتاع البنك الدولي أقساط على 35 سنه و تمويل مشروع الضبعه برضه اقساط على 35 سنه .
.
انا شخصيا كمواطن
مصري واعي و شاطر و ماينضحكش عليا أبدا مش موافق ان الراجل ده يمشي قبل مايسدد الأقساط
اللي علينا , أه ماهي مش سايبه هي , و لّا يكون فاكرها سايبه ؟ لا بقى داحنا واعيين
و مصحصحين أوي .
.
اوعى دماغك توزك
يا سيسي و تكون فاكر إنك هتورطنا في أقساط و تخلع بعد 20 سنه و ييجي صدقي صبحي يسدد
وراك ؟!! .
.....................................................................................................................................
Mohamed
Hussein
19
ديسمبر 2015·
فانتازيا
.............. مشاهد من فيلم الرهينه , السياسه في عيون مصطفى ( حبيبي و الله يا درش
)
.
مشهد 1
.
مصطفى ( ماشي ورا
مدام جميله و شايل الشنط ) : و حلوه حكاية ( الحوار المجتمعي ) دي يا مدام جميله ؟
لسه بتاكل مع الناس يعني ؟! .
جميله اسماعيل
: إلا حلوه , دي فور باي فور يا جدع , و باكل بيها عيش بقالي سنين .
مصطفي : انتي حبيبتي
و الله يا مدام جميله , دانا أمي بتدعي لك دُعا !! .
.
.
مشهد 2 ( في الشقه
المكركبه ) :
.
مصطفى : و لما
انتو مش أد الحشد ليناير قارفينا بقالكو شهور ليه يا عماد و فتحتو في الشعارات أوي
؟ .
عماد : يا جدع
ماتقلقش خلاص , فلوسك هتاخدها عالكوتشي
مصطفى : منين بس
يا عماد ؟ من الفرشه بتاعة يناير اللي انت فارشها دي ؟ .
عماد : لا عندنا
ماتش بعد كام شهر في ذكرى رابعه هنجيب منه قرشين حلوين .
.
.
مشهد 3 ( في الطياره
) :
.
فلاديمير بوتين
: وانت يا مصطفى بتأيد مين من الزعماء السياسيين في مصر ؟
مصطفى : أنا بأيد
خالد علي .
فلاديمير بوتين
: و ده زعيم كبير و مشهور يعني ؟
مصطفى : إلا كبير
, ده كبير و مشهور و له شعبيه جارفه , يارب أشوفك زيه , ماتستغربش , مفيش حاجه كبيره
على ربنا .
.......................................................................................................................
Mohamed
Hussein
19
ديسمبر 2015·
تاتا تاتا , خطّي
العتبه
.
بص يابني ماتتكلمش
خالص , أنا عارف طلبك من غير ماتقول , انت لسه جديد في الكار و بتتزنق في ردود و مواقف
و بتبقى مش عارف تعمل ايه ؟ طب خلاص ماتخافش , انا همليك الإجابات النموذجيه و هقولك
تعمل ايه بالظبط , أصلك يا عبيط مش فاهم ان كل حاجه في الكار بتاعكو ده لها اجابة نموذجيه
و رد نموذجي مالهوش أي علاقه بالسؤال ولا بالحاجه نفسها بس أهو شغال يعني .
.
1- لقيت نفسك مزنوق
في بوست عن مشروع جبل الجلاله و مش عارف تهرتل ؟ قول السيسي ديكتاتور و الشباب في السجون
و تكميم الأفوه ( مع ان أفواهك مش متكممه ولا انت في السجن ولا حاجه بس ماتحطش في بالك
) قول كده و خلاص .
.
2- حسيت ان الموقف
الدولي في سوريا ملخبط شويه و مش عارف تمسك على مصر حاجه , ماهي لو وقفت مع جيش سوريا
بشكل معلن كنت هتقول السيسي بيجر رجلينا للخراب و لو وقفت مع داعش بشكل رسمي و واضح
كنت هتقول بيدعم الإرهاب و بيجر رجلينا للخراب , طب في الحاله دي تعمل ايه ؟ ولا حاجه
, نزل صورة توفيق عكاشه و قول بتاع البط أو عبد العاطي و قول بتاع الكوفته مع ألشه
لذيذه يعني مثلا : السيخ ناداني و رب العرش نجاني .
.
3- اتفضحت و عرفت
ان رضوى جلال إخوانجيه نصابه و هربت بفلوس الناس و ان العيال بتوع الإختفاء القسري
أغلبهم هرب بره مصر أو قاعد في بيته تحت البطانيه ؟ أو اتزنقت قدام صوره للشهيد محمد
أيمن ؟ ممممممممممممم نزل صورة عصام حجي و قول الدوله بتحارب علمائها , و اوعى يابني
إيدك تغلط و تنزل صورة زويل و لا فاروق الباز أو مصطفى السيد , دول مش كولجيه يا حبيبي
, و بعدين هما ييجو ايه في عصام حجي ؟! .
.
4- شوفت فيديو
في قنوات الخرفان بتحرض عالخراب و اقتحام السجون في 25 يناير و مش عارف تدافع عنهم
ازاي ؟ ماتشغلش بالك , انزل بصورة أبو تريكه أو باسم يوسف في ناحيه و قول الدوله بتحارب
العظماء دول , و في الناحيه التانيه هتجيب صورة مين بقى ؟ اه سهله طبعا , هو فيه غيرهم
يا عبيط , توفيق عكاشه و مصطفى بكري و قول دول هيبقو نواب الشعب ( مع ان البرلمان فيه
ييجي 600 عضو ) بس برضه ماتحطش في بالك .
.
5- و أخيرا , أخر
حاجه دي ليك انت هديه في حياتك بقى , لو مراتك قالت لك احنا أول الشهر و البيت مفهوش
فلوس و العيال عايزين لبس الشتا و المحبس بتاع المطبخ بينقط مايه و حسيت انك اتزنقت
, قول لها الفاشيه و الديكتاتوريه و الشباب في السجون و تكميم الأفواه و ممكن من باب
التألق يعني تعمل برينت لصورة عبد العاطي كفته و توريهالها ..هتقتنع على فكره بعبقريتك
و وجهة نظرك و قيادتك الحكيمه لبيت الزوجيه السعيد .
........................................................................................................................
Mohamed
Hussein
18
ديسمبر 2015·
اسرائيل ماشيه
مع تركيا في الحرام بقالها سنين طويله , تبادل تجاري اد كده و اتفاقيات دفاع مشترك
و تدريبات عسكريه مشتركه , أهل الحاره كلهم كانو عارفين انهم ماشيين مع بعض في الحرام
.
.
النهارده اسرائيل
قررت تحط حد لكلام الناس و كتبت على تركيا رسمي , تطبيع كامل و اسرائيل هتصدر الغاز
( بتاع فلسطين !! ) لتركيا و تركيا قالت موافقه يا روح قلبي , زي ما داعش صدرت لهم
البترول بتاع سوريا !! ( طالما الحاجه جايه بإيد الحبايب تبقى مش مهم جايه منين )
.
المهم , الخرفان
في مصر برضه هيقرو الخبر ده و و بدل مايفرحو و يزغرطو و يباركو للعروسين هيقولو : فشر
, قطع لسان اللي يقول كده , بنتنا أشرف من الشرف و هي ست البنات .
.......................................................................................................................................
Mohamed
Hussein
18
ديسمبر 2015·
الفيديو المعجزه
................ أرجوك حاول تقرا للأخر .
.
فيديو من 50 سنه
للزعيم الراحل جمال عبد الناصر بيتكلم فيه عن رغبه امريكيه في احتلال سوريا بواسطة
تركيا و السعوديه !! ....أه و عهد الله زي مابقولك كده , و في نفس الفيديو برضه ان
أمريكا قالت للسعوديه اعملي تحالف اسلامي و ارفعي شعارات اسلاميه لاحتلال سوريا !!
.
.
هههههههههههههههه
التاريخ بيعيد نفسه بغباوه , و الخطه الامريكيه ماتغيرتش شبر واحد دلوأتي عن خمسين
سنه فاتت , جايز أياميها الملك سعود رفض أو خاف , بس سلمان غير سعود , و نفوذ امريكا
في السعوديه النهارده غير نفوذها من 50 سنه , لكن تبقى نفس الخطه بتتنفذ للمره التانيه
بنفس الأدوات و على اللي لسه مصدق حكاية الحرب على الإرهاب بتحالف اسلامي امريكي دي
اللجوء لأقرب مصحه نفسيه , و اللي مصدق أردوغان و عامله زعيم و هو مجر كلب صغير من
كلاب امريكا و حلف الناتو ده بقى يروح ينتحر عشان هو كده خطر على نفسه و عالبشريه
.
.
مصر اتحط اسمها
في قايمه هبله في محاولة لتحييدها مش أكتر , لكن موقفها معروف , حتى السعوديه نفسها
عارفه موقفنا كويس أوي , لا مش حياد سيادتك , بكره تعرف , عبد الناصر كان ابن المؤسسه
العسكريه المصريه العريقه , و السيسي مش لاقيينه قدام جامع ولا حاجه و الله , اه حاول
تصدق إن عبد الفتاح السيسي ابن نفس المؤسسه العسكريه العريقه .
.
حتى لو دراعنا
ملوي و الضغوط علينا كبيره , حتى لو اقتصادنا واقع ( بعد 4 سنين خراب ) , مصر ماقدمهاش
رفاهية الإختيار بين دعم جيش مصر الأول ( الجيش السوري ) أو الترحيب باحتلال سوريا
بشعارات اسلاميه أمريكيه !! .
.
عرفتو داعش دي
تبقى مين ولا لسه ؟!! هقول لكو , داعش دي سيادتك تبقى الكيان الهلامي اللي كونه التحالف
الأمريكي التركي السعودي لاحتلال سوريا و لوي دراع مصر أو كسر شوكتها عالأقل ( بشعارات
اسلاميه ) , و يظهر في الصوره ان مفيش دوله ما اعتدت على سيادة دولة تانيه , يا عم
مفيش أهو , دي داعش اللي بتعمل كده , و ابقى سلم لي عالأمم المتحده و بان كي مون ,
و سلم لي على جوزك ياسماعيل بيه .
...............................................................................................................................
Mohamed
Hussein
18
ديسمبر 2015·
و لعلمكو بقى
, الكولجيه دول 3 مستويات مش مستوى واحد
.
هتلاقي حضرتك مثلا
:
.
الكولجي البسيط
: و ده اللي بيبقى ( كارف ) على بني أدمين شويه , يعني لسه الكوله مالحستش عقله بنسبة
100 % , هتلاقيه يوم استشهاد محمد أيمن كتب كلمتين على صفحته , ( الله يرحم الشهيد
محمد أيمن ) , بس طبعا لازم يحط التاتش بتاعه و يكمل البوست بجمله تانيه ( ذنبه في
رقبة الجيش اللي ماعرفشي يحميه ) , أه طبعا , اومال يبقى كولجي إزاي؟! .
.
الكولجي المتوسط
: ده بيكون كولجي مكتمل الأركان بس لسه ماوصلش لقاع الوساخه زي النوع التالت , هتلاقيه
يوم الشهيد البطل عمل نفسه من بنها و ترس صفحته بأنواع معينه من الموسيقى و الأغاني
الأجنبيه أو الأبحاث العلميه المعقده و مقالات شديدة العمق عن حالة ( عُمّال جمع دودة
القز ) في البرازيل , أهي فرصه برضه يؤكد للجميع على ثقافته العميقه و حسه الراقي و
قدرته على التفكير من الشمخ الجواني .
.
الكولجي القراري
: و دي باختصار منزله لا ينالها إلا كبار الكولجيه زي وائل عباس كده , هتلاقوه يوميها
بدأ يشكك في القصه , هو محمد أيمن حضن الإرهابي و لا الإرهابي ضربه رصاصتين ؟ و هو
هو نفسه وائل عباس اللي بالتأكيد من كام شهر كان بيقول مصر مفهاش ارهاب و ده شغل مخابرات
, باختصار الكولجي في المرحله دي بيوصل إنه بيكون تماما و بالظبط شبه ( قرص الجله
) اللي فاكر نفسه ازازة بارفان جيفنشي , و طبعا مستغرب ازاي الناس بعدت عنه و بتقرف
من ريحته , يا جدعان دانا جيفنشي والله بتبعدو عني ليه ؟ أما شعب عبيد صحيح ومالوش
خير في جيفنشي .
.....................................................................................................................
Mohamed
Hussein
18
ديسمبر 2015·
أصدقائي الأهلاويه
ماتزعلوش من ماتش النهارده , الماتش اتلعب في ظروف صعبه , اعتبروها هزيمه و هتعدي
, خسرتو جوله صحيح بس لسه الجولات كتير , بإذن الله الماتش الجاي هيبقى الأداء أحسن
و بيسيرو فهم اللاعيبه أكتر و تتغلبو اتنين بس .
.......................................................................................................................................
