قصة رقم 1
_____________
خروف 1:- معقول اللى حصل ده؟الخروف الاعظم بيتكلم مع الديب اللى فى المزرعة اللى جنبنا كده عادى؟هو نسى ان الديب ده بالذات قتل مننا كتير
خروف2:- والله انت عبيط....الخروف الاعظم ده داهية ,هو بيديله الامان عشان بعد كده يباغته ويضربه فجأة, ويرجع المزرعة اللى سارقها الديب
خروف 1:- بس برضو مايحطش ايده فى ايد قاتل زى الديب ده
خروف2:-ياحبيبى ده مكر ودهاء,اصبر بس وهتلاقى الخروف الاعظم ضاربهم فى مقتل
خروف 1:- طب ينفع يجيب لنا علف بالربا الفاحش؟ يرضيك ناكل حرام؟
خروف2:لا مش ربا ولا حاجة....امال يعنى نموت من الجوع
خروف 1 :- تصدق الخروف الاعظم ده كبر ف نظرى ....انا بحبه اوى
يضحك الخروفان فى زهو....ثم يسيران عبر المزرعة....ويطلقان صيحتهما الشهيرة:-مااااااء
__________________
قصة رقم 2
_________
عندما اعلن التليفزيون خبر فوز محمد مرسى برئاسة مصر,ملات الفرحة كل شوارع غزة,الا ان طعم الفرحة عند ام اياد كان مختلفا جدا, ربما تكون هى اكثر من فرح لهذا الخبر,فقد فقدت ابنها اياد منذ خمس سنوات نتيجة عدوان صاروخى اسرائيلى,وقتها لهج لسانها بالدعاء على اسرائيل ومبارك وقادة العرب اجمعين.
-وعندما وصل مرسى الى سدة الحكم, تفاءلت ام اياد كثيرا فهاهو الرئيس الذى طالما انتظرته ليقتص لابنها, ويجعل نهار اسرائيل ليلا حالكا
-لكنها وبعد 3 اشهر ,بكت كما لم تبك من قبل,عندما اعلن التليفزيون الاسرائيلى عن رسالة بعثها مرسى .لصديقة الوفى بيريز,يتمنى له فيها الخير و(لبلده) الرخاء..
-وقتها علمت ان احدا لن يقتص لها ولابنها....علمت انها الوحيدة التى ستنتقم ل اياد
هى فـــــــــــــــــــــقط
________________________
قصة رقم 3
__________
على بعد أيام معدودات من عيد الاضحى,افترش خروف عجوز الارض وحوله ابناءه,همّ اكبرهم باخباره بحقيقة المصير الذى ينتظره,وحاول اخوته اثناءه عن فعل ذلك,الا انه صارح ابيه قائلا:-بابا ...انت خلاص هتندبح يوم الجمعة
رد الخروف العجوز قائلا:- يعنى خلاص حياتى هتنتهى ,انا ملحقتش اعمل حاجة ف حياتى ,طول حياتى ماشى مع القطيع,دليلى الوحيد كان عصا الراعى الذى كان مسئولا عن غذائى وشرابى,حتى المعزة الوحيدة اللى حبتها معرفتش اتجوزها,الراعى كان مصرا على جوازى للمعزة(ست ابوها).....ايام كتير كان نفسى امشى لوحدى فى المراعى الجميلة, الا ان عصا الراعى دوما كانت تسبقنى وتثنينى عن مجرد التفكير فى ذلك
ثم نظر بعينيه المليئة بالدموع نحو ابناءه: وقال لهم:
قبل ماموت لازم اقولكم كلمتين
اوعاكم تعيشوا خرفان
______________
محمد عبد العزيز