( محمد حسين - منوع ) ( من 23 أكتوبر 2014 - 30 أكتوبر 2014 )

Mohamed Hussein

29   أكتوبر 2014·

و هقولك حاجه يا مولانا بس يارب تفهم

.

حصل إنك كنت في مشوار بعيد و سايب مراتك و ولادك , وهتبات بره البيت , بالليل بقى هجم 3 من البلطجيه على بيتك , استغلو غيابك و كسرو الباب , و دخلو بغرض السرقه لكن مفيش مانع من اغتصاب مراتك ماهي لسه صغيره و زي الفل , مراتك و الولاد صرخو و صرخو بس مكانش في البيت حد سامعهم غير جارك كيرلس و مراته ريتا , هه ؟ ايه رأيك بقى ؟ نقول لكيرلس يحاول يحمي مراتك و ولادك من البلطجيه ؟ بس غالبا هيموت عشان البلطجيه اكتر و غالبا مسلحين , طب لو كيرلس مات و هو بيحاول يحمي بيتك و عرضك يا ترى هتكتبه سيادتك في كشوفات اللي هيدخلو الجنه و لا مش هيهون عليك برضه ؟! انا أصلي سمعت انك مندوب من ربنا سبحانه و تعالي و معاك الكشوفات و الختم !!.

.

واد يا كيربس , لو حصل و سمعت جارتك ( مرات مولانا ) بتصرخ و تستنجد و لا تعبّرها , أهم حاجه اقفل بابك عليك انت وريتا , يا مغفل يا بهيم مانت كده كده كافر و هتروح النار و هيحطو السيخ المحمي في صرصور ودنك .

.

................. بقايا من زمن المسخ .

Mohamed Hussein

29  أكتوبر 2014·

تابعو صفحة الناشط مسعد أبو الفجر , و تفنيده و تحليله لقرار الجيش المصري بترحيل البدو من منطقه حدوديه معينه , تابعوه بنفسكو , العلّامه شايف إن القرار اسرائيلي أصلا و اتخطط له ماعرفشي امتى عشان ايه حصل في غزه !! .

.

أنا هبسطهالكو ياولاد , بصو , هو الجيش المصري زرع إرهابيين في سينا من أد 20 قولو 50 سنه , و بدأ يرعاهم و يعلفهم عشان يكبرو و يربربو , وبعدين جه الكام شهر اللي فاتو قال لهم يا إرهابيين يا ولادي اقتلو كام عسكري من عندي قامو الإرهابيين قتلو , وبعدين قال لهم استنو هنقتل كام ارهابي منكو ( كده و كده يعني ) قامو الإرهابيين قالو حاضر , وبعدين الجيش صبر شويه و قال يا إرهابيين عايزين حادثه كبيره مش أقل من عشرين تلاتين عسكري يتقتلو عشان نعرف ننفذ قرار الصهاينه و نرحّل دين أم البدو من دين أم المنطقه الحدوديه !! .

.

و بقى السيسي جاي ينفّذ تعليمات الصهاينه !! أه بأمارة إن أوباما نفسه كان باقي له تكّه واحده و يلبس تي شيرت رابعه .

........عايز أقول كلمة أبيحه أوي , لأ مش دي , التانيه أبيحه أوي أوووووووووووووووووووي , و قال أنا كنت فاكر الحشيش اللي بيتزرع في سينا للإتجار أتاريه بيضيع في التعاطي !!.

-----------------------------------------------------------------------------------------------------------------------

Mohamed Hussein

28  أكتوبر 2014·

رسالتي للإرهابيين و كلابهم و ( حميرهم اللي بيتعاطفو معاهم )

.

الجيش المصري هيبعت لكو الوحدات الخاصه و فرقة ال 777 , و هزيدكو من الشعر بيت , عساكر الجيش المصري عاملين بالظبط زي الفاكهه بتاعة الجنه , كل ما يقع منهم عسكري بيطلع مكانه اتنين !! .

-----------------------------------------------------------------------------------------------------------------

Mohamed Hussein

28  أكتوبر 2014·

بص كده و فكّر و حاول تركّز , بذمتك يا شيخ , مش الواد كيرلس الشهيد أجدع من ألف ناشط سياسي من بتوع ( في الواقع ) و ألف شيخ من بتوع ( عاش الملك ) و ألف بهلول من بتوع ( الثعبان الأقرع ) ؟ ...... تسلم البطن اللي شالتك يا كيرلس .

.

لما نيجي لوقت الحساب لازم نحسبها صح , وابو قرش يبقى بقرش , انا و امثالي اللي قاعدين نجاهد عالفيس بوك بقالنا سنين بالزراير و قدامنا النسكافيه و علبة السجاير نيجي إيه في رباط بيادة عسكري واقف في الخدمه عشان يحمي عرضنا و لما رجع لأمه رجع ملفوف في علم مصر ؟!!.

.

قولي حجم المعاناه اللي بنعانيها أنا و حضرتك ؟ هه ؟ شاشة النوت 3 اتشرخت ؟ شاحن الموبايل باظ , الماوس بيعلق شويه , أوووووووف شبكة النت زباله بقالها 7 دقايق و نص , لا ده كتير أوي بقى و مش ممكن , إحنا بنعاني اوي يا عم ابراهيم , يسقط يسقط الواد كيرلس الشهيد و عاش الماوس و شاشة النوت 3 !!.

--------------------------------------------------------------------------------------------------------------------

Mohamed Hussein

27  أكتوبر 2014·

دخلت أوضة النوم لقيت التلفزيون شغال بالصدفه على أحمد موسى و عامل مداخله مع عمرو مصطفى و دروس بقى في حب الوطن ( و حب الرسول يابه دوبني دوب !! ) , طلعت الرسبشن لقيت التلفزيون التاني جايب ريهام سعيد !! .

يعني أنط من البلكونه يا جدعان عشان تستريحو ؟ , إلهي يارب ريهام سعيد و أحمد موسى و عمرو مصطفى يطلعو في حملة تضامن مع الجيش لسينا , يقومو الإرهابيين ياخدوهم دروع بشريه , يقوم حظهم يقع في عسكري جيش صعيدي , زميله يقول له استنى استنى دي ريهام سعيد و عمرو مصطفى , يقوم العسكري الصعيدي يقول لزميله : ماعرفهاش ريهام مصطفى دي , طُخْ يا وِلْد.

-----------------------------------------------------------------------------------------------------------------

Mohamed Hussein

27  أكتوبر 2014·

هحكي لكو حكايه صغيره

.

كان فيه بيت كبير أوي و فيه 29 أخ , كل واحد فيهم واخد أوضه و عايش فيها , كل أخ له تعليمه و ثقافته و طباعه اللي ممكن تختلف شويه عن الباقي , و في يوم من الأيام اكتشفت الأم إن فيه تعابين بتظهر في الشقه دي كل شويه و بتعرض حياة ولادها ال 29 للخطر , بدأت الأم تجتهد على أد ما بتقدر و تشمّر هدومها و تعرق عشان تتخلص من التعابين , و مره الام يقرصها تعبان و مره يقرص حد تاني من ولادها لكنها مش بتنام و لا بتبطّل و حالفه بأيمانات المسلمين ماهيغمض لها جفن إلا لما تنضف البيت ده و تحمي حياة ولادها .

.

الأم اكتشفت ان مصدر التعابين جاي من أوضة الأخ رقم 27 , قالت له ساعدني يابني عشان نحميك انت و خواتك , قولي بس بيطلعو منين و ازاي ؟ الأخ رقم 27 قعد على جنب و فضل يضحك و يتريأ عالأم اللي بتجتهد , ومستمتع أوي بنفسه إنه الوحيد اللي عارف مصدر التعابين و دهاليز أوضته و عارف الحل معاها !! .

.

عن شاب سيناوي بيسخر من جيش مصر و بيستهين بمجهوده المبذول و دمه اللي سال في أرض سينا , و مستمتع أوي إنه يعرف يساعد بس مش عايز , عن حمار عاشق حموريته و مش عارف ان التعبان اللي بيخفيه أو يتستر عليه النهارده هينهشه بكره .

.

مصر عاشت و بتعيش و هتعيش أيها العبقري الحمار .

-----------------------------------------------------------------------------------------------------------------------

Mohamed Hussein

26  أكتوبر 2014·

أه بيحصل عادي جدا , دكتور إخوانجي يتمسك و هو بيزرع عبوه ناسفه أو قنبله , عادي و الله , و لو شوفت الدكاتره بتوع الإخوان كانو بيعملو ايه في الظابط اللي بيعذبوه و هو ميت أو شبه ميت هتصدق ولو شوفت دكاترة الإخوان كانو بيعملو إيه في مصابي الإتحاديه و داخل قصر الرئاسه نفسه هتقتنع , و لو كنت مؤيد أوي للسيسي و وقعت تحت إيد دكتور إخوانجي ابقى خلّي بالك بتاخد حقنة ايه و مكتوب لك دوا ايه , يابني أحلف لك بأيمانات المسلمين و المسيحيين و الهندوس انت قدام أشباه بشر أو أشباح بشر و محتاجين إعادة تأهيل و علاج نفسي لمدة ألف سنه أو رصاصه بجوز جنيهات و نخلص

.

سامعك ياللي بتقول : لأ مستحيل الدكتور الإخوانجي يعمل كده , لأ مش ممكن , و قسم أبو قراط و شرف المهنه , ممممممممممم شرف المهنه ؟!! و شرف أمك مانا رادد عليك ياهبل يابن الأهبل .

--------------------------------------------------------------------------------------------------------------------------

Mohamed Hussein

26  أكتوبر 2014·

قابل بقى يا عم , مسعد أبو الفجر المناضل السيناوي الفشيخ : ترحيل أهالي سيناء يعتبر إعلان حرب من الدوله على القبائل !! .

.

يعني احنا لما نحاول ننضف أرض مصر و نطهرها عشان حتى السيناويه نفسهم لما يرجعو لأرضهم و دارهم يعيشو عيشه نضيفه بعيد عن الإرهاب و كلابه يبقى ده إعلان حرب على القبائل ؟! .

.

أصلا أصلا جملة إعلان حرب من الدوله على القبائل بيمثل ضمنيا اعتراف رسمي من مسعد أفندي إن قبائل سيناء بقو فاكرين نفسهم دوله تانيه و بينهم وبين المواطنه و العلم المصري عداوه و تار بايت , عشان الأصل في كلمة مواطن هو الترحيب بسياسة الدوله طالما كان فيها فايده للعامه و حمايه للأمن القومي .

.

و لّا هي الحكايه لقمة عيش حلوه و سبوبه بيشتغل فيها أغلب السيناويه ؟! ما تفهّمني يا عم مسعد , ايه اللي يزعلك لو كان بيتك مليان تعابين و جالك الدفاع المدني و قالك لازم نخلي البيت من الناس اللي فيه لحد ما نموت التعابين دي و نرجعكو تاني معززين مكرمين ؟ زعلان ليه يا مولانا , إلا إذا كنت أنت واحد من اللي طلقو التعابين في البيت , أو كنت بتاكل من وراهم عيش .

----------------------------------------------------------------------------------------------------------------

Mohamed Hussein

26  أكتوبر4 201 ·

أحيانا كده بسأل نفسي سؤال غريب , يا ترى مين في التلاته دول أوسخ واحد , مين يعني يتسحق جايزة نوبل في الوساخه ؟

.

الخروف اللي ماشي بقاله سنين في قطيع من الغنم و الراعي يقول يمين يمين شمال شمال , يدوس هنا ماشي , يحرق هنا أوكيه , يقتل هنا مايضرش .

.

و لّا الحمار اللي الخروف راكبه من سنين و مدلدل رجليه و مع ذلك فاهم نفسه إنه أينشتاين السياسه و علّامة التنظير السياسي .

.

و لّا الكلب اللي لسه بيشوف صورة الجندي القبطي الشهيد و يسأل هو كده يبقى شهيد و يدخل الجنه ؟!.

.....................

مين فيكو أوسخ واحد ؟ , مين فيكو يستحق جايزة نوبل للسلام قصدي جايزة نوبل للوساخه ؟!!

----------------------------------------------------------------------------------------------------------------------

Mohamed Husseinأ

25  أكتوبر 2014·

حد يقول لعلاء عبد الفتاح يسكت يا خوانا , يسكت اسبوعين بس , عشان أنا لسه ناقل جديد و الشقه مكركبه و الحاجات كلها في شنط و كراتين و مش لاقي شبشب الحمام البلاستيك بتاعي , اسبوعين بالكتير واكون لقيت الشبشب و ساعتها ابقو إدو لعلاء الميكروفون بقى .

يا علاء انا بحب أسمعك والله و بعشق تنظير أمك السياسي و فكر ميتين أهلك الثوري الفشيخ , بس اسمعك ازاي وانا مش جنبي شبشب ؟!!.

-------------------------------------------------------------------------------------------------------------------

Mohamed Hussein

25  أكتوبر 2014·

و هتلاقي أغلب المجندين الشهدا من القرى والنجوع بتاعة الأقاليم يعني فلاحين و صعايده , اللي أهاليهم حاربو في 73 و جدودهم حفرو القناه و مش غريبه أبدا لما تلاقي جندي مجند فلان الفلاني ابوه مات شهيد في الحرب و جده مات شهيد في الحفر و هو مات شهيد و هو بيحمي الأرض و العرض , مفيش عيله تشرّف اكتر من كده , الفلاح بيروي الأرض بعرقه لو عازت و يرويها بدمه لو طلبت , دي جينات يا مولانا و بينه و بين التراب ده عشق و هيام .

.

و ربنا سبحانه و تعالى حامي البلد دي و حارسها بالناس دي , و ابقى قولي انت بعدين ايه هي انجازات روّاد ساقية الصاوي و قهاوي وسط البلد ؟! بتوع ( في الواقع ) و ( حيثما ) و ( من الأهميه بمكان ) .

.

مصر محتاجه مواطن بدرجة مقاتل , فارس يعني , مليان بالنخوه , مش مواطن بدرجة كلامنجي و يبقى مجوّف من جوه زي البالونه , ................فلاح بقى و أفتخر .

--------------------------------------------------------------------------------------------------------------------------

Mohamed Hussein

25  أكتوبر 2014·

القواعد ال 5 عشان تبقى ناشط سياسي اسم الله على مقامك زي سي الأستاذ علاء عبد الفتاح كده ربنا يعلّي مراتبك و مراتبه قادر يا كريم

.

1- تبدأ كلامك و تعليقاتك على أي حوار أو قضيه بكلمة ( يا *ول , يا *رص ).

.

2- تكمل كلامك بكلمة ( يا مت*** ).

.

3- تستطرد في الكلام بقى و تقول ( يابن ال**موطه ) .

.

4- مفيش مانع من شوية كلمات كده من نوعية *ح* و يا ** امك و كده يعني , دي السلطات بتاعة الكلام .

.

5- بعد ما تخلص و تشبع من الكلام اللي فوق ده و تقوله و تعيده 10 مرات ابقى اعرض فكرتك بالشكل ده , ماهو احنا لما نحارب الإرهاب يا ** امك يا *ول يبقى هنطلع جيل جديد من الإرهابيين يا *رص !! .

.

و للناشط السياسي عايز اقول كلمتين بقى .

.

أولا انا كنت فاكر ان الألفاظ دي مايعرفهاش غير الصيع بتوع الشوارع و العيال اللي بينامو في حضن بعض تحت كوبري الملك الصالح بس كويس اني عرفت انها انتشرت وسط الفيس و تويتر والمجتمعات المتحرره بتاعة تخرصات .

.

ثانيا , انا حاسس اني كلامي وجعك أوي , هو وجعك أوي ياض يا ناشط ( أقصد كلامي يعني ) ؟ .

.

ثالثا بقى و ده المهم , يا أذكى خواتك , يا نابغة عصرك و أوانك , يالي شايف محاربة الإرهاب هتجيب ارهاب جديد فانا من رأيي إننا مانحاربشي تجار المخدرات و إلا هنطلّع جيل جديد من تجار المخدرات و لا نحارب و نسجن حرامية الغسيل و إلا هيطلع لنا جيل شاب من حرامية الغسيل .

------------------------------------------------------------------------------------------------------------------------

Mohamed Hussein

25 أكتوبر 2014·

قصيدة رابعه

.

كلاكيت عاشر مره , 26 شهيد في العريش , 26 من شباب مصر النضيف اللي راح يحمي الأرض و العرض يبقى يلعن *** أم رابعه , 26 شاب ماراحشي عشان سياسه و لا حزب ولا جماعه يبقى يلعن *** أم رابعه , 26 شاب مكانوش معتصمين بالسلاح ضد الدوله والنظام و الشعب و لا قاطعين طريق يبقى يلعن *** أم رابعه , 26 شاب مكانوش رافعين غير علم مصر و لا بيرددو غير نشيدها يبقى يلعن *** أم رابعه , 26 شاب مجالهمشي ألف تحذير قبل ما يموتو يبقى يلعن *** أم رابعه , 26 شاب مكانوش بيفكرو في تقسيم مصر وخرابها و بيعها لكلاب السكك يبقى يلعن *** أم رابعه

.

و الحل يا سيسي قلته من سنه , العريش والشيخ زويد و كل أم العبّ اللي هناك ده فيه بتاع 10 الاف و لا 15 ألف اسره , مش ملايين ولا حاجه , والبدو هناك ممممممممممم لازم نتكلم بقى , أه معظمهم بيتاجر في المخدرات والسلاح و الإرهاب و عمل ملايين من الأنفاق زيه زي كلاب حماس , أه معظمهم بيبيع نفسه لأي كلب بأي تمن , أه معظمهم بيتاجر حتى في دم ولادنا و يشربه , والكلام بقى عن إهمال الدوله لهم 30 سنه واكتر , والكلام عن انهم متسابين من غير مرافق نبقى نقوله في ساقية الصاوي و برنامج همسة عتاب , قال يعني الدوله كانت مهتمه أوي بالريف والأقاليم و الصعيد و باقي المحافظات ؟ .

.

الحل يا مولانا , هو تهجير الكام ألف اسره بتوع سينا في مساكن عاجله و توفير مرافق و مدارس و مستشفيات لهم في المكان الجديد لمدة سنه و لا اتنين و تنزل بقى سيادتك بالطيران والدبابات و تدك شمال سينا عاللي هيبقى فيها ( شوية الإرهابيين الخونه ) , إنما لو هتخاف من حقوق الإنسان و من كارتر و أمريكا و توكل كرمان و مالالا و بالالا يبقى نقول ربنا يعوّض علينا , ماهو الحكايه باختصار بتقول كلمتين ,.............................. يا تحكم يا تخاف .

( محمد حسين - منوع ) ( من 16 أكتوبر 2014 - 23 أكتوبر 2014 )

Mohamed Hussein

23 أكتوبر 2014·

هبسطهالك

.

الإشتراكيه هي : إنك يكون عندك عجله تقوم تخلّي العيال صحابك يشاركوك فيها و يركبوها معاك و ولاد الجيران و حتى ابن البواب وابن عم مصطفى بتاع الجراج .

.

الرأسماليه هي : إنك تلاحظ إن صحابك كتير أوي و ماعندهمش عجل , تقوم تشتري عجله و تأجّرها لهم و تاخد منهم فلوس , وتاخد شباشبهم رهن أو حتى تمضّيهم على كمبيالات و اللي يتأخر في الدفع تاخد عليه فوايد , و لو حد من السلفيين سألك قول له دي رسوم إداريه يا مولانا ( أه هي دي كلمة السر ) .

.

الثورجيه في النسخه المصري هي : إنك تشتري عجله و تظبّطها و تروح تديها للإخوان و تقول لهم : والنبي ابقو إدّوني لفّه .

.

البرادعاويه هي : إنك ما تشتريش عجله و لا حتى تدفع فيها مقدم و تتعب شويه عشان تقسّط الباقي , لا , و عليك بإيه وجع القلب ده كله ؟ إنت تحاول تشترك في مسابقة كوكاكولا جايز تكسب العجله , وتفضل طول النهار والليل تجمع في غطيان الكازوز و تقرا لمحمود درويش و تسمع فيروز وتكتب عبث , و طولة البال تبلّغ الأمل , أديك مستني الكازوزه اللي فيها الجادون !! .

 .......................................................................................................................................

Mohamed Hussein

23 أكتوبر 2014·

هو حضرتك ليه مش مصدق إن الطالب الإخوانجي اللي بيروح الجامعه دلوأتي مش رايح يتعلم ؟ , ولا الطالبه الإخوانجيه , الحرق و التخريب هو التارجيت بتاعهم حاليا .

ليه مش مصدق إن طلاب الإخوان بيروحو يتعلمو لما يكون تعليمهم في مصلحة الجماعه و يروحو يحرقو و يهيّجو الدنيا لما تكون دي مصلحة الجماعه , وبياكلو عشان مصلحة الجماعه ويصومو لمصلحة الجماعه , و ينزلو انتخابات عشان الجماعه و يمتنعو عشان الجماعه ويقولو الجيش حلو عشان الجماعه والجيش ابن تيت عشان الجماعه و الشعب مؤمن و متدين و حر عشان الجماعه والشعب وثني وشوية عبيد عشان الجماعه و ثوّار يناير أعظم شباب في مصر عشان الجماعه و مأجورين و ممولين و ولاد كلب و شوية عاهرات عشان الجماعه .

ليه مش مصدق إن مصر فيها 300 ألف إخوانجي بيعتبرو الجماعه الوثنيه دي هي العقيده والدين و الوطن والعلم والنشيد و الهدف و الرجا ؟ طب هتصدق امتى طيب ؟ محتاج كام ألف دليل تاني عشان تقتنع ؟

  

........................................................................................................................................

Mohamed Hussein

22  أكتوبر 2014·

واحد منتحل اسمي و صورة عم جلال ( نفس اللي انا حاططها بالظبط ) و عامل أكاونت و التاني كل شويه يبعت للفيس بوك يطلب كلمة سر جديده لحسابي أنا !! , هي أمراضنا المزمنه دي هتنتهى إمتى ؟ أيوه التطفل و و الغتاته والخنقه دي امتى بقى ؟ عايزين الأكاونت ؟ خدوه , محدش عايز العربيه طيب ؟ طب محتاجين فلوس ؟ ..............خد قوتي وقوت عيالي يا عبد الهادي .

.

و قالك نطالب بالحريه بقى و الديموقراطيه و حقوق الإنسان , و تسقط الفاشيه و تسقط الديكتاتوريه , ياخي اتلهي على عين اللي خلفوك , مش لما تعرف ألف باء حريه يعني ايه الأول ؟ طب عارف أبسط قواعد حقوق الإنسان ؟ .

.

ماهو لازم نعمل ثوره على نفسنا قبل كل شئ , و نهتف بسقوط وقاحتنا و رخامتنا و لو تطلب الأمر نعتصم ضد الشر اللي جوانا.

 .....................................................................................................................................

Mohamed Hussein

22 أكتوبر 2014·

مشهد عبقري من فيلم الكرنك

.

فريد شوقي و هو رافع قرعة البوظه على بؤه : انت عايز تتجوز دكتوره ؟ دي دكتوره يا عالم , دكتوووووووووووره , عليا النعمه انت ما بتتكلم , انت بتنهق .

.

على الشريف ( الفرارجي ) : وهي يعني الدكتوره دي لما تتوظف هتاخد كام ؟ دي ماهيّتها ماتجيبش جوزين فراخ و بالتسعيره كمان !! .

..........................

و يفوت نٌص قرن تقريبا , ويفضل نفس المشهد و يتكرر قدام عنينا , قال انا فكرت إني هنزل أشتغل بقى من الإسبوع الجاي , وحسبتها حسبه بسيطه أوي , أنا لو اشتغلت في صيدليه 9 ساعات يوميا هقبض 2000 جنيه في الشهر , في نفس اللحظه افتكرت ان الأسطى فلان الفلاني النقّاش خد مني 2700 جنيه على دهان الشقه و عملها في 5 ايام , يعني بمعدل 15 الاف جنيه في الشهر بالمستريح ( ربنا يبارك له ) .

.

يعني انا لو كنت استفدت من سنتين من السنين الطويله اللي ضيعتها في التعليم دي في إني أتعلم مسكة المشط ( الفرشه ) و الروله مش كان زماني أسطى نقّاش أد الدنيا ؟ و كان زماني فاتح بيت و اتنين و تسعه دي حتى ماهية الدكتور ماتجيبش جوزين فراخ و بالتسعيره كمان .

.

مصر فيها حاجه غلط , البلد دي متشألبه يعني عامله شألباظ و واقفه على راسها , ماتقولشي بقى احنا محتاجين رئيس قوي و جبار , لأ , احنا محتاجين 7 أنبيا ينزلو مع بعض في نفس الوقت جايز يعرفو يعدلو الحال المايل .

.

و على فكره بقى , الفرارجي كان بيتكلم صح و فريد شوقي هو اللي بينهق................ الكوميديا السوداء .

....................................................................................................................................

Mohamed Hussein

21 أكتوبر 2014·

بالصدفه البحته

.

بالصدفه البحته قرر جيمي كارتر انه يقفل كشك الحريه و الديموقراطيه بتاعه اللي في مصر و توكل كرمان بعد ما خدت نوبل للسلام رفعت شعار رابعه و مالالا الباكستانيه رفعت شعار رابعه قبل نوبل للسلام , و بالصدفه البحته تنبأ مولانا تميم البرغوتي بعنف و خراب في مصر و بالصدفه البحته بقت الجزيره و صفحات الإخوان لما يتكلمو عن الخرفان الصغيرين يقولو ( الثوار ) !! .

.

بالصدفه البحته ألتراس أهلاوي بيهيج على أي حاجه و وايت نايت نفس الحكايه , بالصدفه البحته بقى الإرهابيين اللي بيحرقو الجامعات و يخربوها يتقال عليهم ( طلاب مصر الشرفاء ) , لأ لأ لأ مفيش فلوس و لا تمويل و لا ناس غاويه تتركب حُمّيري و لا شر عامل كماشه حوالين البلد دي .

.

.......... بالصدفه البحته بتلاقي صاحبك الكولجي في وسط الإرهاب و الخراب ده عامل نفسه ( حمامة السلام ) و مرهف الحس بقى و سو كيوت , و صاحبته لابسه أخضر فاخضر و عامله نفسها ( غصن زتون ) , ياخي ملعون أبوها الحمامه أم غصن زتون .

............................................................................................................................................

Mohamed Hussein

21  أكتوبر 2014·

بيحصل ساعات , تبقى سايق عربيتك و انت تعبان أوي و منهك و مش مركز , يعني دماغك مش معاك و لا الهوا , و فجأه تلاقي نفسك وصلت للمكان اللي انت عايزه , تقوم تسأل نفسك أنا وصلت هنا إزاي ؟ دانا لا فيا عقل و لا تركيز , غيرشي جوز عيون بيشوفو الطريق , و جوز عيون من غير عقل و تركيز يبقو مجرد حتتين إزاز من النوع الشاف .

أنا وصلت للنقطه دي إزاي ؟ معقوله أكون طلعت 3 كباري و نزلت نفقين و دخلت يمين و يعدين يمين في شمال و عدّيت على5 مطبّات و هدّيت عندهم ؟ أنا مش فاكر إني عملت كده خالص , طب وصلت إزاي بقى ؟ من غير مارشق في كوبري أو أكل مطبين تلاته ؟

.

العلم ممكن يتشألب و يقولك ده اسمه العقل الباطن يا جاهل و ممكن تفرط منه شويتين أكتر و يقولك : إنت عارف الحمار اللي في بلدكو لو مشي من البيت للغيط مرتين تلاته بعد كده هيعرف الطريق لوحده من غير ما توجهه , ممممم طب أفهم من كده إن العربيه بتاعتي بقت زي الحمار اللي في البلد ؟!.

.

رأيي الشخصي إن الحكايه لا ليها علاقه بعلم و لا بحمار البلد , الحكايه باختصار شديد اسمها ستر ربنا وبس ( و عينُ اللهِ ترعانا ) .

.

نفس الحكايه دي حصلت لمصر في ال 3 سنين اللي فاتو , ماشيه من غير عقل و لا تركيز , و هما حتتين الإزاز اللي بتشوف بيهم طشاش بس في النهايه وصلت لنقطة أمان , ده برضه اسمه ستر ربنا .

.

أه وصلت لنقطة أمان , سيبك انت من تميم البرغوتي و حكاية العنف القادم و الهطل ده , ماهو فيه ناس بيفرحو أوي في الخراب , بيقتاتو على الدمار و منظر الدم , بالك إنت ؟ العرب طول عمرهم أمة بيان , و العرب زمان قالو ( نَعمَ كلبٌ في بؤسِ أهلهِ ) , ابقو اسألو تميم البرغوتي عن الجمله دي و هو هيفهم , ماهو شاعر واكيد بيفهم و يحس !! , إلا بالمناسبه هو مين شاعر الثوره ؟ يوسف القرضاوي ولا تميم البرغوتي ؟ طب مين كبابجي الثوره طيب ؟!! .

.........................................................................................................................................

Mohamed Hussein

20  أكتوبر 2014·

معاني و عاجباني

.

عبد الناصر اسمه الزعيم , التاريخ بيقول كده و العقل كمان , انتقد حكمه بس ماتنساش و انت بتتقد تقول ( مش عاجبني كذا في حكم الزعيم جمال عبد الناصر ) , والسادات اسمه البطل , برضه انتقده بنفس الطريقه , انتقد الرئيس البطل أنور السادات , السيسي هو المنقذ بلا منازع , ممكن لو سمحت تنتقد حكم الرئيس المنقذ عبد الفتاح السيسي ؟! .

.

أحمد موسى , مصطفى بكري , توفيق عاشه , هما الناس اللي ماينفعش تقفل على نفسك باب و تسمعهم , عشان ده عيب و حرام ويتهز له حاجات كتير , دي شغلانتهم و هما عارفين كده ( و أمهم هي كمان عارفه ) , وانت عقلك في راسك , ماتشاركش معاهم في كبيره من الكبائر بقى .

.

ثورة يناير , أعظم ثوره في تاريخ مصر الحديث , ماتقلش أبدا عن ثورة 30 يونيو , لولا 25 يناير مكانش هيبقى فيه 30 يونيو , يعني تقدر تقول يونيو إبن يناير ( و هذا الشبل من ذاك الأسد ) ...و أكبر إهانه ممكن تتوجه لثورة يناير اللي نزل فيها ملايين و هزت الأرض تحتها هي إنك تحصرها في أوضه و صاله و عفشة مايه اسمهم أسماء محفوظ و علاء عبد الفتاح و عبد الرحمن القرضاوي .

..........................................................................................................................................

Mohamed Hussein

20  أكتوبر 2014·

تميم البرغوتي !! , وانا أقولك بقى مين هو تميم البرغوتي ؟ , ده يا سيدي يبقى خاتم الأنبياء و المرسلين و المحللين السياسيين و الكرويين و كبير الحاخامات و كبير كهنة المعبد و بابا الفاتيكان اللي جاي , راجل مبروك أوي يعني , أيوه من النوع اللي هو بيمشي عالحيط ده و تلاقيه قاعد في الجامع بتاع البدرشين مابيصليش عشان هو في نفس اللحظه دي بيصلي إمام للمصلين في مكه و لو ركزت شويه هتلاقيه واقف في الصف التالت في نفس الوقت في جامع في مقدشيو .

.

و الراجل المبروك شايف إنه ب ( يَلْمح ) و ( يلمس ) غضب مكبوت جوه صدور المصريين و ثوره عنيفه أوي جدا خالص هتحصل , حاجه كده تقول إن العنف اللي بيحصل في سوريا والعراق ده مجرد عطسه من اللي هيحصل في مصر .

.

و انا من رأي مولانا تميم البرغوني , عنف شنيع في صدور الناس و مكبوت و مكتوم و مردوم عليه و مكفي عليه ماجور , هنروح بعيد ليه ؟ إمبارح كان نفسي في دره مشوي , نزلت ألفّ في الشارع , لمحت نار من بعيد قلت بس عربية دره مشوي هناك أهي , لكن لما وصلت هناك مالقتشي عربية الدره , و لقيت راجل جواه عنف و كبت و عمّال يطّلع نار من ودانه , يبقى الشهاده لله و لّا مش الشهاده لله ؟!.

......................................................................................................................................

Mohamed Hussein

19 أكتوبر 2014·

قبل انتخابات الرئاسه الأخيره باسبوعين تلاته كتبت إن الجزيره هتقول الإنتخابات مزوره من قبل ما تبدأ و قد كان , وقلت انك لو لك واسطه أو معرفه عند تميم و امه ممكن الجزيره تجيب لك شرايط التزوير و فيديوهاته من قبل الإنتخابات بيومين تلاته , كل حاجه متستفه عندهم في الدرج .

.

و قبل الإنتخابات البرلمانيه القادمه في مصر أقدر أقول بالفم المليان إن الجزيره برضه هتقول مزوره من بكره الصبح و عندها الشرايط و الفيديوهات وشهادات الشهود بس المره دي ضيف عليهم نشطاء الفيس بوك و عمك الحاج كارتر , هما كمان بيقولو الإنتخابات اللي لسه هتحصل في مصر اتزورت من كام شهر و اللي كان كان !! .

.

يبقى كده عندنا الجزيره و النشطاء بتوع ‫#‏عبث و كارتر , 3 أنبياء أهم بيجيلهم الوحي من السما أو من مكتب السي أي إيه و يقول لهم كل حاجه , و باقي لهم جوز أنبيا واتنين صالحين كمان و تلاقيهم واقفين صف في الجامع و مستنيين مرسي يصلي بيهم إمام , اللهم صل عالنبي .

............................................................................................................................................

Mohamed Hussein

18 أكتوبر 2014·

أيوه صح , أنا مش موافق إني أدفع جوز جنيهات من جيبي عشان في النهايه الشعب يجمع كام مليون و الحكومه تعمل بيهم مدينة جامعيه لشوية عيال صيّع يسكنو فيها على حسابي انا و حضراتكو و في الأخر يحرقوها و يحرقونا معاها , مش موافق , الله لا يجعلهم يسكنو و لا يتعلمو .

.

و هما يعني بتوع الإخوان لما يتعلمو هيعملو ايه ؟ هيبقو دكاتره ( أه زي عصام العريان كده ؟ ) و مهندسين ( زي خيرت الشاطر صح ؟ ) و أساتذة جامعه ( زي مرسي بالظبط مش كده ) ؟ , يعني في النهايه هيبقو متعلمين أوي بس بدرجة بقره .

.

يبقى عالأقل نكون عارفين , والحكومه و هي بتلم مننا الفلوس و الضرايب ماتقولش احنا هنعمل مدينة جامعيه عشان التعليم و تفتيح العقول , لا تقول لنا هنعمل مشروع لتسمين العجول !!.

.................................................................................................................................................

Mohamed Hussein

18  أكتوبر 2014·

حكاية الراجل الصالح و ال 7 تفاحات

.

هحكي لكو حكايه صغيره , كان فيه 7 شباب تايهين في الصحرا و جعانين اوي , وفجأه طلع لهم راجل صالح لابس أبيض فابيض , قال لهم يا ولاد انا معايا 7 تفاحات ( بالصدفه البحته ) , اللي هيقول منكو ( تحيا الديموقراطيه الأمريكاني ) هديله تفاحه , الولاد فرحو أوي و بدأو يرددو شعار الديموقراطيه الأمريكاني واحد ورا التاني ,

.

وكل واحد يقول الشعار ياخد التفاحه ( الجايزه ) بس يموت بعدها , الأول أكل التفاحه و مات والتاني أكلها ومات و هكذا لحد ما مات الشاب السادس , و جه الدور على الشاب السابع اللي كان ذكي أوي ( أه والختمه الشريفه ) بص للراجل كده وفكّر لمدة ثواني وافتكر انه كان بيقرا لمحمود درويش و بيسمع فيروز و بص للراجل الطيب وقاله ( هات التفاحه يا حاج , تحيا الديموقراطيه الأمريكاني ) !! , لكن ستر ربنا بقى إنه بعت له راجل فلاح جاي جري و عرقان , شد التفاحه من إيد الواد و رماها وضربه قلمين و قاله امشي يابن الكلب من هنا , 6 ماتو قبلك وانت مابتفهمش ؟ يا خساره تعليمي وربايتي فيك .

.

في اللحظه دي التوب الأبيض فابيض وقع من عالراجل الصالح و ظهر مكانه توب اسود في إسود و قرنين و ضحكه شريره بعدها الراجل الشرير اللي كان صالح من شويه قال للواد الي فلت ( أنا ماشي , إنتو الجو بتاعكو مايشجعش على الديموقراطيه و هقفل مكتبي ) , إنتو أشرار و ماعندكوش سوشيال بوليتيكال انتيليجنس.

.

........................باي باي كارتر , على موبايلات بقى .

.........................................................................................................................................

Mohamed Hussein

17 أكتوبر 2014·

جيمي كارتر قفل مكتبه في مصر و قال إن المناخ في مصر الأن لا يساعد على الديموقراطيه !! .

.

أفهم من كده إن الديموقراطيه كُنّا بنعبيها في زكايب أيام مبارك و كانت بتنزل لنا من الحنفيه أيام مرسي عشان كده سيادتك كنت فاتح مكتبك و بترش مايه قدامه كل يوم ؟!.

.

كده أنا أبصم بالعشره إن النظام الحاكم في مصر حاليا ماشي بما يرضي الله , ماهو الشيطان لما يذم في حد يبقى أكيد الحد ده ولي من أولياء الله , عمركشي شوفت شيطان قال كلمه وحشه في حق كيم كارديشان أو ريري سيلان أو حتى في حق قطر و جايزة نوبل للسلام ؟!.

.

لأ , لأ , يا كارتر يابني استنى ماتمشيش , استنى , استنى يابني , مصر مش هتعرف تنام من غيرك و هتفضل ترفّص برجليها طول الليل , هنعيش إزاي من بعدك ؟ دانا كنت عشمان إن السكر بتاع أمي يتظبط و زرعة القمح بتاعة أخويا تبقى فله على يدك , طب نهر النيل هيجري ازاي وانت مش في مصر ؟ دانا سمعت ان نهر النيل كان بيجري طول السنين اللي فاتت دي لحد ما نفسه اتقطع عشان بس كان خايف منك !!.

.

غور يا مولانا كارتر , يا إله الديموقراطيه و الحريات و الورق اللوري , غوووووووور , و اكتب يابني عندك , إكتب : مصر كان فيها 1000 كلب و بقو 999 , و مش هنعمل جنازه حاره عشان الميت كلب .

..................................................................................................................................................

Mohamed Hussein

17  أكتوبر 2014·

صديق عزيز ( بحبه والله ) بس هي فرطت منه شويه لأ شويتين , المهم إنه شايف إن أسوأ تاريخين في حياة مصر هما 23 يوليو 52 و 30 يونيو 2013 !!.

.

يعني باختصار , مصر كان المفروض تفضل مملكه زي ما هي ويورثونا لولادهم , فيها بتاع 500 باشا , كل واحد واخد له كام ألف فدان منحه كده من جلالة الملك , وبقية الشعب يشتغلو كلّافين بالأجره عندهم , بنظام السخره .

.

و مصر كان المفروض تفضل تحت حكم الإخوان و يورثونا لمكتب الإرشاد لحد ما ييجي يوم و نلاقي أم أيمن نفسها بتحكم مصر , تخيل كده : رئيس جمهورية مصر العربيه اسمه ( أم أيمن ) ؟! .

و في النهايه مكتوب علينا نعيش عبيد في وسية الباشا أو نعيش كفره ولاد كلب و عبيد برضه في وسية خليفة الله على الأرض !! .

.

يا أتباع نبي الله جيفارا , جيفار نفسه لو كان عايش و شافكو كان زمانه مات بالتيستوميجالي !!.

...................................................................................................................................................

Mohamed Hussein

17 أكتوبر 2014·

ثورة الشك

.

1- من حقك تسأل أي حد بيشتغل أو اشتغل في الشأن العام عن أي تغيير ملحوظ في حياته , الشألبه دي جت منين ؟ من أين لك هذا ؟!.

.

2- من حقك تسأل نفسك هي الجزيره كانت مفحوته أوي معانا في ثورة يناير و بتغطّي كل الأحداث حتى لو واحد من الثوار دخل الحمام بتكتبه خبر رئيسي و لما يطلع يلاقي مراسل الجزيره مستنيه و بيقول له ( شوفيتم يا بطل ) , و لما جت ثورة 30 يونيو قالت انقلاب ليه ؟!!.

.

3- من حقك تسأل نفسك هي إيه العلاقه بين جايزة نوبل للسلام و بين خراب الدول أو محاولة خرابها .

.

4- من حقك تقرا كتاب ( حديث الأربعاء ) بتاع طه حسين و تعرف إن تاريخك العربي فيه كتير مزيف و حتى فيه شخصيات مشهوره جدا مع إنها وهميه ( يعني هوا) من خيال المؤرخ الخصب , فمن حقك ماتستناش لحد ما الواقع بتاعك والمستقبل هما كمان يتحولو لتاريخ مزيف !!.

.

5- من حقك تستخدم عقلك و أي حد , أي حد بيتكلم في حاجه هتأثر على مستقبلك و مستقبل بلدك و ولادك يبقى تحاسبه حساب الملكين .. إنما لو جيت وقت حسابه و عملت نفسك نحنوح أوي وقلت دي تبقى غيبه و خوض في سيرة فلان يبقى مفيش فرق بينك وبين خرفان الإرهابيه ... هما كمان استنو لحد ما مرسي مسك حكم مصر وبقو يقولو لأي نقد : دي غيبه و ده راجل كبير ومايصحش نهينه , و مش باقي غير انك تنزل بشوية أيات و أحاديث بتوع الغيبه و النميمه !!.

.

6- من حقك تستخدم عقلك و تشوف الدنيا حواليك بيحصل فيها ايه قبل ما عقلك يصدي و يتكتم و تبقى محتاج تدلق عليه ماية نار عشان ينضف.

.

7- و أخيرا بقى , من حقك تبيع و تشتري و تتاجر و تغتني من أي حاجه و في أي وقت إلا أرواح الشهدا وقت الحروب والثوارات .

.................................................................................................................................................

Mohamed Hussein

17  أكتوبر 2014·

بعد ما شوفت صورة أسماء محفوظ و جوزها قبل الثوره و بعد الثوره ( عارف إنت الفرق بين شرم الشيخ و كفر الشيخ ) ؟!.

.

الست أسماء في الصوره الأولى ( بتاعة كفر الشيخ ) شابكه في إيد خطيبها و تقريبا كده قاعدين في ( الجونينه ) و مستنيين عربية الداندورما أم 75 قرش , وفي الصوره الأخيره ( أيام شرم الشيخ ) لابسين لبس ال ( دايفينج ) ربنا يوعدنا بقى يا مولانا , و شايله ولد صغير على إديها .

.

ماعرفش ليه في لحظه كده اتخيلت الواد الصغير ده اسمه ( حسن ) , و بعد 5 سنين حسن ده كبر و بدأت أسماء تحكي له عن حياتها و كده يعني , قالت له:

.

.............. عارف يا حسن أنا في أول حياتي اشتغلت في سوبر ماركت و كنت بطلع دليفري أحيانا و بيجيلي بقشيش حلو , اللي يديني جنيه و اللي يديني نص و عملت قرشين معقولين جبت منهم عدّه 3310 مستعمله بس كانت عيني هتطلع عليها , وبعدين اشتغلت في بوتيك بتاع لانجريهات حريمي صيني و كان مرتبها معقول برضه يا حسن , لحد ما جت ثورة يناير واشتغلت في ثورة يناير بس دي بقى عملنا منها قرشين حلوين أوي يا حسن !!.

..............................................................................................................................................