نادر بكار

نادر بكار عميل أمن الدوله بشهادة زملاؤه في الحزب يتهم البرادعي الحاصل على جايزة نوبل وجائزة أكثر سياسي شفاف في العالم ومؤسس الحمعيه الوطنيه للتغيير وأول من قال لمبارك إرحل وشرارة الثورة الرئيسيه يتهمه نادر بكار بأنه عميل وخائن وسوف نحاسبه بتهمة الخيانه العظمى !! مش لاقي رد ولا تعليق ولا كلام ولا إيموشن ولا نفس ولامزاج ولا طعم لأي حاجه !.

.

محمد حسين

أحمد ومنى

كان فيه ولد اسمه أحمد بيحب بنت اسمها منى , حب عنيف من بتاع زمان , المهم إنه خطبها وعاشو أيام خطوبه بقى بوس أحضان وجوابات غراميه ودباديب , وبعد شويه العيلتين اتعرفو على بعض وحبو بعض أوي فقالو خير البر عاجله , إحنا نكتب الكتاب ونعلى الجواب , أحمد ومنى اتجوزو بعد قصة الحب العنيفه على سنة الله ورسوله وعاشو أسبوع عسل في الغردقه محصلش ولا في كتاب ألف ليله وليله , ولما رجعو مصر وفجأه كده , بدون أسباب أو

بأسباب الله أعلم , وقفت منى الجميله الرقيقه بنت الناس في نص الشارع وقررت تقلع هدومها ملط وشتمت أحمد بتاع الدباديب بميتين أمه وأبوه وضربته بالقلم على قفاه قدام الناس!!......... خلصت الحكايه , السؤال بقى أحمد هيعمل إيه في منى اللي متجوزها رسمي على سنة الله ورسوله وبعقد شرعي ؟ ...أكيد هيطلقها !.
بالظبط كده , هو ده ردي على اللي بيسأل : هو احنا ينفع ننتخب رئيس شرعي ونثور عليه ؟!
بالمناسبه , في الديموقراطيه ينفع تنتخب الرئيس وبعد ساعه تتظاهر ضد قرار أخده ولو مستجابش تثور وتطالب برحيله , يا رب أسيادنا اللي بيمشو على الحيط يفهمو !!

.

محمد حسين

كالدرويش بمحرابك

لا أملكُ عفواً سيدتي
غيرَ الإنصاتِ
على بابكْ
.
لا أملك صوتاً
كي انطقْ
لا أعرفُ حُججاً
أو منطقْ
فدعيني أجلسُ
كالدرويشِ بمحرابكْ

.
ودعيني أسمعُ
كالأطفالِ
وكالتلميذِ
وطالبِ علمْ
وأسيئُ الفهمَ
لتنفعلي
عذراً لم أقصدْ إغضابكْ

.

محمد حسين

مصر القوميه

شعار حزب مصر القويه ( هقتلك يا سافله ...هكتلك ...هكتلك...هكتلك....موتّي ؟ ....أني أسف ! ) للأسف شعرك مش حلو يا جابر , وشعارك مش حلو يا تتح !.
.
دكتور أبو الفتوح هو تاني شخصيه في التاريخ لها جسم أسد ثائر شرس ووجه إنسان طيب وديع , بالمناسبه وبالصدفه البحته الشخصيه الأولى هي أبو الهول ! , أخشى عليك يا دكتور لو تمكنو فسوف يهدموك أو يضعو عليك ملائه سوداء وحرف إكس لأنك ستصبح حينها كارت محروق لهم........

......... ولنا أيضا !.
.
بيان حزب مصر القويه بيان رائع وقوي , نفس ما يطلبه الثوار في التحرير تقريبا ( إلغاء التحصين للرئيس وللدستوريه وللشورى كشرط للتفاوض ) , وأغلب ظني أن بيانكم وصل للرئاسه ولحزب الحريه والعداله يا دكتور , ولم يصدر أي رد فعل , يعني ذهب البيان إلى صفيحة الزباله للأسف ,وبالتالي فتظاهرك غدا أمام قصر الإتحاديه لا يعني أنك مؤيد ولا معارض وإنما يعني أنك.................شحات الغرام !!.
.
دكتور أبو الفتوح حاول أرجوك أن تجد لنفسك موطأ قدم في التحرير , فلم يعد هناك الكثير من الأماكن , أخشى أن يأتي يوم يطردك فيه الثوار من التحرير مثل سبايدر ويسرا والسيد البدوي !!
.
محمد حسين

الإعلان الديكتاتوري

فكرة الإستفتاء على الإعلان الدستوري والصلاحيات الإلهيه للرئيس هي بالظبط عامله ذي واحد خطف مراتك واتصل بيك وقالك متخافش , مراتك فإيد أمينه , هنعمل عليها استفتاء ولو أغلبية الناس قالو ترجع هترجع , وعلى فكره أنا مش هأذيها ولا هلمسها لحد ما نعمل الإستفتاء وحتى بعد الإستفتاء , أنا بس مزنوق فيها كام شهر في شوية شغل متأخرين عندي , إنما انا راجل محترم وعارف ربنا كويس والله !!...............مين هيقول نعم على خطف مراته ؟ يا ميت ندامه عالرجاله !.

.

محمد حسين

الغثيان

مجرد المناقشه في الإعلان الدستوري الفرعوني ده تصيبني بالغثيان, مناقشه خارج حدود العقل , محمد مرسي قرر فجأه أن البيبي ينفع يتعمل ساندوتشات وطعمها حلو بس جربوها انتو , إيه رأيكو نعمل استفتاء على عمل ساندوتشات بيبي ؟ طبعا الأنصار موافقين وده رأيهم هما حرين , إنما انا بقرف صراحه من ذكر الجمله ( ساندوتشات بيبي ) لذلك أوعد نفسي وأوعدكو إني مش هتكلم فيها تاني , بالهنا والشفا عاللي عايز , وزمان كان عندنا مثل بيقول( اللي عايز بيبي يجيبله معلقه ) أو يعمل له اسفتاء!!.

.

محمد حسين

أسماك ربنا

الثوار عملو مظاهره اسمها ( للثوره شعب يحميها ) , فقرر الإسلاميين يعملو مظاهره اسمها ( للثورة رب يحميها !) , بص يا سيدي انت دخل ربنا في جمله مفيده في مصر واعمل استفتاء ودوس يا معلم , بعد كده متستغربش لما تلاقي الأسماء دي متداوله ( حزب ربنا الوطني , مدرسة ربنا الإبتدائيه المشتركه , أسماك ربنا , عصائر القرأن والسنه , ترزي أل عمران , فكهاني البخاري , قناة ربنا الفضائيه , سمسار رسول الله , حلاق المعوذتين , خط طيران ربنا المتجه للسماء !! ) ربنا ياخدكو والله.

.

محمد حسين

صيدلية ربنا للعلاج الشافي

أنا كنت محتار في اسم الصيدليه اللي هفتحها بإذن الله لما أنزل مصر , الحمد لله لقيت الإسم , مفيش داعي أدور عالمكان الأفضل ولا الكثافه السكانيه الأعلى ولا أتعب نفسي خالص , أنا بس كل اللي عليه إني أسميها ( صيدلية ربنا للعلاج الشافي ) , هيبقى الشغل فيها للركب والزباين طوابير والحشد هيجيلي بالإتوبيسات من المحافظات , ماهو أكيد الدوا عندي هيبقى أرخص وأفضل ودوا مبروك وعامل عمره وضامن جنه !!

.

محمد حسين

معركتي أنتِ

معركتي أنتِ
ولن أخسرْ
إلا بحدودِ المعقولِ
إعطيني وقتاً سيدتي
أنسحبُ بشكلٍ تكتيكي
كي أدرسَ كتبَ العشاقِ
وخريطةَ عينكِ كاملةً
وأصوب نحوكِ أبياتي
وأوجه نحوك أسلحتي
سأسمي معركتي...( أنتِ )

سري للغايةِ هذا الحبْ !.
.
.
محمد حسين

الجزيره مباشر

يا جدعان قناة الجزيره مباشر مصر معندهاش كاميرات كفايه لتصوير المسيرات والميادين , غريبه أوي الحكايه دي , كانو أيام الثوره اللي فاتت عندهم كاميرات بالفايض وبيخصصو كاميرا لأي 3 أشخاص متظاهرين في حاره ضلمه , تكونش الجزيره كانت متأجره الكاميرات دي أيام الثوره الأولى ورجعتها المحل تاني بعد ما خلصنا ؟! ولا تكون الشيخه موزه عندها عيد ميلاد بنت خالة ابن عمها وعشان كده موديين الكاميرات هناك ! أحبيبتي يا جزيره القطريه.

.

محمد حسين

حد الهولوكوست

أطالب بتطبيق حد الهولوكوست على المدعو محمد البرادعي كما أعتبر أن تكفير وجدي غنيم لنصف المصريين هو حريه شخصيه تخضع لبند حرية التفكير والكفير , حد عنده اعتراض عالحد ده ؟! , ولو حد شايف حد بيعترض على هذا الحد ميقولش لحد , اللعنه على اللعنه وليذهب الجحيم إلى الجحيم ! على رأي صديقي ( داهيه فور إيفر !) والنبي ده اسم يسمي بيه نفسه !!

.

محمد حسين

الفيس بوك

الفيس بوك أصبح لا يناسب الحدث في مصر حاليا , غير موفق وغير مرضي , أسيادي وتاج راسي الإخوان يكفيهم جدا زرار اللايك والشير , حتى زرار التعليق مش مهم لو اتحذف, ممكن بس يكونو محتاجين زرار للتكبير ,... أنا بقى شايف إن إدارة الفيس بوك لازم تضيف زراير جديده خالص , زرار لواحد بيطلع أصوات من كل مكان في جسمه , زرار لواحد بيعمل بيبي في الشارع , زرار لواحد بياكل رنجه وبصل ومش بيغسل بؤه !!

.

محمد حسين

الهولوكوست

إحنا بتوع الهولوكوست !
.
شريف خيري رمز الصمود ......شريف خيري الخاين العميل
محمد البرادعي رمز الصمود ( 2008 , 2009 , 2010 , 2011 ) ....محمد البرادعي الخاين العميل ( خريف 2012 ) , موضة هذا الشتاء وهذا الخريف...احنا بتوع الهولوكوست !!

.

محمد حسين

.

 

ثورة بجد

كأن الثوره من بدري
كتاب مفتوحْ
لا عمر شهيد بيقفلها
ولا المجروحْ
دي ثورة جيل
مبتموتشي ولا بتتهد
دي ثورة بجد يا خوانا
وجد الجد.
.
محمد حسين

الكوره الشراب

إيه إحساس الأهبل أبو رياله اللي نشر خبر القبض على عبد المجيد محمود الضهر في مطار القاهره ! , احساسك إيه وانت بتشوفه طالع عالتليفزيون ولابس بدلته وكرافتته ومتبرفن وملمع ؟! , ليه مصر إنك تكون الكوره الشراب اللي الكل بيلعب بيها ويشوطها لصاحبه وفجأه تلاقي واحد داس على الكوره اللي هي حضرتك وحطها تحت رجليها لحد ما يشوف تشكيل الفريقين ويفكر هيشوطك لمين ؟!

.

محمد حسين

عجلة الإنتاج

إلا بالحق , هي إيه حكاية ال500 مستثمر صيني و 5000 مستثمر تركي و 50 ألف مستثمر موزمبيقي , وملايين فرص العمل والمليارات والدشيليونات اللي هتدخل البلد وجبال العسل والمربي ؟ وصلنا لفين بس عشان أنا مش متابع ؟! , بالمناسبه قبل ما حد يضحك عليك كالعاده ويقولك العيال اللي في التحرير موقفين عجلة الإنتاج وقافلين على دولاب العمل, ومش لاقيين المفتاح , أحب أقولك معلومه بسيطه خالص , ميدان التحرير لا يوجد به مواني ولا مطارات تمنع الإستثمارات ولا توجد به مصانع لتتوقف عن العمل ولا توجد أرض في التحرير مزروعه قمح والثوار عمالين يدهوسو فيها !

.

محمد حسين

قناة التت

بصو بقى الأيام اللي جايه هتبقى عصيبه أوي , وعشان متشغلش بالك وتضيع وقتك في معرفة هما هيقولو إيه في قنواتهم وإعلامهم أنا هقولك من دلوأتي عشان تركز في هدفك
.
1- جريدة الحريه والعداله , خبر رئيسي ,عاجل ومؤكد , البلطجيه والفلول ينزلون التحرير بقناع الزبادي بالخيار ,( مع صوره لأي واحده ست عامله قناع زبادي ).! , وحقيقة العلاقه الأثمه والعياذ بالله التي جمعت خالد على بعبد الناصر ( يا راجل !! ).
.
2- جر

يدة حزب النور : صفحه أولى , فضيحة البرادعي وصباحي , وحقيقة علاقتهما بالموساد والشيمفين وال سي إن إن وقناة البابيلون بلو , خبر تاني , علاقة البرادعي بجورباتشوف ودوره في تفكيك الإتحاد السوفيتي لصالح الأمريكان الكفره ( قال يعني السوفيت بيبيعو سبح ! ).
.
3- موقع إخوان أون لاين : شاهد عيان ( ربنا يشفي ) , يعترف , شاهدت البلطجيه وهم يتلقون أموالا من فئة ال 50 دولار في قهوه في التحرير , وبعد كده شربو سحلب ! .
.
4- الشيخ خالد عبد الله : أخبرني صديق موزمبيقي كان ينهي بعض الأوراق في مجمع التحرير أنه شاهد بعينه منظر الخيام وأصابه الغثيان لأن الأولاد والبنات نايمين في حضن بعض , وأنه شاهد البرادعي وهو نايم في حضن فتحيه العسال , وعندما انتبهت فتحيه لوجوده قالت للبرادعي ( استنى يا راجل لما الموزمبيقي ده يمشي ! ) , ...طيب هو الموزمبيقي عرف منين فتحيه العسال ؟ مش يمكن تكون نواره نجم وهو مش واخد باله ؟ طيب فتحيه العسال عرفت منين إنه موزمبيقي ؟ مش يمكن يكون سويدي متنكر !!.
.
5- الشيخ محمد حسان في خطبه عصماء : محمد مرسي والإخوان هم عصب هذه الأمه , وإذا انكسر الإخوان انكسرت الأمه , إي وربي ...إيموشن نحنحه ونهنهه وبكاء يدمي القلوب !!.
.
6- صفوت حجازي : مرسي هو رسولنا وابن رسولنا وجوز خالة رسولنا واللي بيحب ربنا يجي يتظاهر عندنا !.
.
7- وجدي غنيم : اللي في التحرير شلاليط ولاد شلاليط وكفار ولاد كفار وجارهم كافر واللي ياكل معاهم كافر واللي يقول لهم سلامو عليكو كافر.
.
وعشان كده بقى أنصحك في الفتره الجايه تتفرج على قناة التت مش الناس وتشوف موقع سيكسي جيرلز مش موقع إخوان أون لاين , صدقني هتلاقيهم إسلاميين أكتر !!.

.

محمد حسين

أسعد رجل

يتهيألي أسعد راجل في العالم وفي التاريخ يمكن هو محمد مرسي , أكتر واحد محظوظ , مش عشان حكم مصر بالصدفه وبدون داعي , لأ خالص , كل اللي حكمو مصر تقريبا حكموها بالصدفه , مصر أصلا أصلا دوله عايشه بالصدفه ولسه بتتنفس سبحان الله , إنما عشان مرسي عنده ملايين الأنصار , كلهم بنفس درجة العمى ( ربنا يشفي ) , كتله واحده متحركه للدعم , لا بيزيدو نفر ولا بيخسو نفر , أماكنهم في الأتوبيس محجوزه ومعروفه , اللي بيقع

د جنب الشباك عارف نفسه , لو مرسي بعد الصلاحيات الإلهيه دي أصدر قرار بكره بمنع الناس من دخول الحمام , هيخرج عبد المنعم الشحات ويقول الحمام أصلا حرام , لأن أيام الرسول لا كان فيه حمامات ولا شطافات , وهيخرج الإخوان بنفس العدد , مليونيه لدعم قرار الرئيس بمنع دخول الحمام , مش هتقل نفر عن مليونية تحرير القدس ولا مليونية تطبيق الشريعه , محظوظ ده ولا مش محظوظ !.

المواطنه

تفتكر مين اللي ممكن يوافق على توطين الفلسطينيين في سيناء ؟ أكيد الناس اللي بتؤمن بدولة الخلافه لأن دولة الخلافه لا تعترف بالحدود بين الدول !.
.
تفتكر مين يوافق على بيع أجزاء من أرض مصر لقطر مثلا , أكيد اللي بيرفع علم السعوديه وتنظيم القاعده في الميدان , اللي بيؤمن بدولة الخلافه لأن دولة الخلافه لا تعترف بأعلام الدول !.
.
لو مش مصدقني اسأل صديقك الأخوانجي : هل لديك مانع من توطين الفلسطينيين في سينا

ء إن حدث ؟ , وهل لديك مانع في رفع علم غير مصري على أرض مصر ؟!.
.
بكل احترام وأدب أقولها , مشكلتنا مع الإسلاميين هي مشكلة مواطنه في الأساس , مواطنه مشتقه من وطن , يعني دوله وحدود وديانات وأعراق , وشعب وجنسيه ولغه رسميه وعمله رسميه.....مشكلتنا معهم في المواطنه , والله هم لا يمانعون من تهجير الأقباط المصريين واستبدالهم بمسلمين فلسطينيين ....وانا أرفض , صراحة أرفض ...أنا أحب مصر كما هي برائحتها وتشكيلتها وخلطتها وتاريخها وجغرافيتها وسيكولوجيتها !.
.
محمد حسين

العدو العاقل

اللي بيحصل حاليا له معنى واحد بس , إن مبارك أخد 20 سنه على الأقل عشان يوسخ اسمه وسمعته ويدمر حزبه , وفضايحه تبان , أما مرسي فكان محتاج 4 شهور بس ! , فساد مبارك كان متداري ومترتب وخطابه سياسي محنك , يعني كان بيمثل دور( العدو العاقل) , مرسي ساذج وخبط راسه في الحيطه بدري بدري , يعني بيلعب دور ( الصديق الجاهل ) !.

.

محمد حسين

بائعة الخضار

أنا ابن سيدةٍ فقيرهْ
علّمتْني
أن صوتي
ليسَ شدواً
للكبارْ
.
أخبرتْني
أن ظهري
ليسَ ملكاً
للكبارْ

.
أنا بن سيدةٍ فقيرهْ
لم تفكرْ
ذاتَ يومٍ
بالفرارْ
.
أنا بن بائعةِ الخضارْ !.
.
محمد حسين

كراستي

يا ليتَ في كراستي
عددٌ سيكفي من سطورْ
أريدُ أن أرثي وطنْ
قد كانَ لي وطنٌ كبير ْ !!.
.
محمد حسين

بالعربي المخيف

بالعربي المخيف.........حاول أن تقرأني , حاول أن تأكلني !
.
1- في أي دوله محترمه في العالم , هناك حزب أو تيار يحكم يمتلك السلطات وياخذ القرارات , وهناك معارضه لا تملك أي سلطه ولا تملك من الأمر شئ إلا التظاهر والإعتصام اعتراضا على أي قرار خاطئ للحاكم , سهله أوي دي , يعني مش من حق قادة الإخوان إنهم يدعو أنصارهم للنزول ومش من حق حضراتكو تنزلو , وإذا نزلتو مجازا فمش من حقكو تشتبكو مع المعارضه ولا تأمنو مقار الجماعه لأن

دي مسئوليه الأجهزه الأمنيه ( الشرطه ) والتعامل مع التظاهرات مسئولية الدوله والنظام , بالحوار , بالإستجابه , بالمشاورات ـو حتى بالإعتقال للمخربين دون إطلاق النار عليهم ...سهله الحكايه دي ولا لسه موصلتش برده؟!.
.
2- قيادات الإخوان شايفين إن المعارضه بتتربص لحكمهم وبتتصيد الأخطاء ودي حقيقه على فكره , أعترف بكده , ولكن ألا يستدعي هذا من الرئيس أن يكون حذرا مع هذه المعارضه التي تتربص به ؟! بالمناسبه هو اختار المواجهه !.
.
3- أيام حكم المجلس العسكري , ارتمى الإخوان في حضن العسكر واتهمو الثوار بأنهم بلطجيه ومأجورين ولم يترحمو على أغلب شهدائنا , وبعد وصولهم للسلطه أكرمو المجلس العسكري ( فلول ) وعينو أغلب وزارتهم من الفلول , يا ساده أنتم تحالفتم مع الفلول من قديم فلماذا تستنكرون على غيركم هذا ؟ وماذا جنينا نحن من التحلف معكم في يوم من الأيام غير الغدر , ما الفرق بينكم وبين الفلول ؟!.
.
4- رحم الله شهيد الأمس ورحم الله جيكا وكل المسلم على المسلم حرام , دمه وماله وعرضه , أنا أرفض العنف والحرق والقتل ولكن أرجوك إنتبه , فحرق العمارات في صلاح سالم بأكملها لا تساوي دم شاب واحد يسقط شهيدا , أرجوك لا تدافع عن الحجر بقتل البشر !.
.
5- لو تأملت شخصيه الرئيس مرسي وخطاباته قبل الحكم وبعده , ستجد أنها لا تتناسب مع شخصيته , يبدو أنه رجل طيب , وهذا يدل على أن القرارات الأخيره لا يتخذها مرسي بنفسه , وهذا يعني أن مصر يحكمها الكثيرون , والمركب اللي ليها ريسين بتغرق!.
.
6- يا ريس مرسي أرجوك حاول أن تحبطني وتهزمني انا والمعارضه , واعلم أنك لن تهزمنا في الميدان , فسارع واهزمنا بقرارات حكيمه , اسحب هذا الهراء الدستوري , وحل هذه اللجنه الدستوريه كما وعدت قبل واحترم قوة المعارضه والثوار , أرجوك حاول أن تأكلني بسياسات حكيمه وحاول أن تكون رئيس لكل المصريين قبل أن تحترق مصر وينتهي حكمكم للأبد !.
.
محمد حسين

ميليشيات البرادعي

أحلى نكته سمعتها عالصبح كده على غيار الريق , النكته عباره عن كلمتين و بس بتقول ( ميليشيات البرادعي !! ) , أنا سمعتها بشكل تاني ( أنياب العصفور !) تنفع عنوان لفيلم غامض , يا ساده البرادعي ده راجل غلبان وربنا , بيقعد يتأتأ ويقول يا منى يا منى عشان مينساش اسمها وهو بيتكلم , أنصار البرادعي بيخافو من منظر الفرخه وهي مدبوحه وأغلب ظني إن البرادعي ذي حالاتي بيخاف من شكل مراته وهي ماسكه السكينه في المطبخ ب

تقشر بطاطس , البرادعي غالبا بيدهن كعوب رجليه بالحنا قبل ما ينام والصبح نفضل ننادي عليه ونقول له أدرك اللحظه الفارقه يا دكتور ! ويخاف ينزل من السرير عشان الحنا متروحش ! , الميليشيات يا بهوات عند رجال أعمال مبارك وأمن الدوله اللي طلعو برأه في عهدكو , وعند الإخوان لما بيلبسو أسود وقناع ويعملو تدريبات في الجامعه , وعند الإسلاميين اللي بينزلو بجنازير وسنج , ممكن تصدقني لو قلتلك إن بديع مبيصليش ولا بيركعها ؟! أهي دي بالظبط نكته ذي ميليشيات البرادعي , لو عاوزين تحلو الأمور وخايفين عالبلد دي فعلا حاولو على الأقل تكونو عقلانيين في هجومكو !.

.

محمد حسين

حرمة الدم

من وانا صغير ولحد النهارده , بخاف اوي من شكل الخروف وهو بيتدبح , ومبحضرش أبدا دبح أضحيه أو عقيقه ولولا بعض الإيمان كنت قلت ليه يارب خلقت للخرفان عنين شبه عنينا ؟ لأني كنت ببص في اللحظه دي لعين الخروف واحس فيها بالخوف , ربنا يسامحني بقى , بعد كده عرفت إن من رحمة إسلامنا ورسولنا إننا مطالبين ندبح الخروف بعيد عن خواته , يعني نعزله الأول , ده بالنسبه للحيوان اللي ربنا أحل دمه وأكله , طيب نعمل إيه في ا

لناس اللي بتدبح بعض قدام عنينا ؟ هو ربنا قال البشر يقتلو في بعض ؟ مين يستحمل المشهد ده ويحبه ؟ لو كان عند الإخوان المسلمين الحد الأدنى من الإسلام والإيمان فعليهم الأن إلغاء مليونيتهم للغد , الله أعلم الدم هيوصل لفين , أما الثوار فأمرهم بيكون مع النظام الحاكم وهو حر , يتفاوض معاهم , يتفهم مطالبهم , يتحاور , يتشاور أو حتى يواجههم بأجهزته الأمنيه بالإعتقال دون إراقة دماء , نزول فريقين من الشعب للشارع هيخلينا قدام كارثه مستحيل السيطره عليها , بالمناسبه أنا ليبرالي جدا وأعرف أن نزول الإسلاميين غذا سوف يعجل بنهاية حكم الإخوان لأن الثوار لا ينكسرون بالدم بل يزيدون إصرارا ومع ذلك أدعو شباب الإخوان للإبتعاد حتى لو لم ننتصر نحن في معركتنا .

.

محمد حسين

ميليشيات اليوتيوب

إضحك مع يوتيوب , من شويه كتبت إن البرادعي راجل طيب وبييس وحونين وإيديه ناعهم ذي الغريبه , ومعندوش ميليشيات ذي ما الإخوان بيقولو , وإن الميليشيات بتكون عند أمن الدوله والإخوان بس...المهم قلت ياد إنت غلطان أكيد...كتبت على يوتيوب كلمة ميليش....ولسه مكملتش لقيت الإختيارات كالتالي ( ميليشيات الإخوان , ميليشيات الإخوان في مصر ) وبس !! , جربو الحكايه دي ..حلوه أوي هتعجبكو , ولا تخرج قبل أن تقول سبحان الله , أكيد يوتيوب مستقصد الحكم الإسلامي وبيحارب الإسلام ذينا كده !!.

.

محمد حسين

عودي كالأمس

عودي كالأمسِ
فلا وطنُ
أفضلُ بكثيرٍ لو تدري
من وطنٍ يمشي
كالمسطولِ
وكالأحمق !.
.
محمد حسين

عيون الحرية......محمد عبد العزيز

ياعيون الحرية
ياعيون متوضية
بنسيم الفجرية
ومسك الأحلام

ياعيون ماراحتش بلاش
ياعيون كشفت أوباش
أوباش باعوا القضية
وباعولنا الأوهام

 ياعيون الصدق طريقها
 ياعيون الحق صديقها
 ياعيون متحنية بمرار الأيام

 حالف لاجيبلك حقك
 حالف لارجع قلبك
 ياعيون حرة ابية
 يانور الضلام
 ____________________________
 محمد عبد العزيز

أنا الرئيسُ المنتخبْ.........محمد عبد العزيز

أنا الرئيسُ المنتخبْ
 أنا الذى يعطى ويهبْ
 مابالكم تصرخونَ
 وتعارضون؟
 اليس السكوتُ من ذهبْ؟
انا لست ابا جهل
ولا ابن عم ابى لهب
 أنا وحدى صادقٌ
 وكل مادونى قد كذبْ
 شعبٌ لايرضيه شئٌ
 شعبٌ لا يعجبه العجبْ!!
 ثوروا ضدى وانتفضوا
 لايزعجنى صوت الصخبْ
 اقبلونى كما انا
 او لتحرقكم نيرانُ الغضبْ
 لاتكونوا بشراً ثائرينَ
 كونوا قشاً أو حطبْ
 اجعلونى اميركم
 والا...
 صار دمكم للركبْ
 ـــــــــــــــــــــــــــ
 محمد عبد العزيز

أسطورة الديكتاتور العادل

أسطورة الديكتاتور العادل
 ـــــــــــــــــــــــــــــــــــــــــــــــ
 أى اخوانجى عارف ومتأكد فى قرارة نفسه ان اللى عمله مرسى ديكتاتورية صريحة، بس كالعادة يبرر ويتفلسف ويقولك:- مرسى هيبقى ديكتاتور لمدة شهرين تلاتة بس،وبعدين مرسى هيكون نموذج للديكتاتور العادل..وده طبعا ماينفعش يتقال الا فى قعدة عرب ع المصطبة...على غرار (برقبتى يامعلم)
 -علم الاجتماع بيؤكد ان المجتمعات الزراعية الرعوية التي رُهنت بالتبعية لصاحب الارض وشيخ العشيرة ونمط الاسرة البطريركية اخترعت توصيف "الطاغية العادل" بواسطة ممثليها من الكتبة والمثقفين الدجالين.
 -العالم الشهير (فرويد) ألف كتاب اسمه (الطوطم:the totem )..بيتكلم فيه عن عن الاب القوي القدرة والذي تآمر عليه ابناؤه وقتلوه، ثم عادوا وعبدوه من بعد ان شعروا باحتياجهم الى تلك القوة "لغرض التوازن".
 -كمان (كاليجولا)...اشهر من اشتهر بنشر الرعب والموت ،اصدر مرسوما بتعيين حصانه رئيسا لمجلس الشيوخ ،ساعتها برضو وجد من يقول عنه انه كان عادلا، بل ان عشيقته قالت انه طفل برئ لا حدود لاحلامه.
 - وفي عصور الاقطاع استخدمت الدكتاتورية كتدابير شبه قضائية وظهرت في القرن الرابع الميلادي هياكل ادارية هدفها حل مشاكل مدنية بدون حاجتهم لاستخدام الجنود والعساكر، وكان يتم انتخاب مجلس قنصلي"دكتاتوري" لتسوية الأزمات والخلافات بين السكان والمقاطعات، وكان كل عضو من اعضاء هذه المجالس دكتاتورا بذاته ولم يكن النظام الاقطاعي ولا مؤسساته ديكتاتورية بل هي مهمة محددة لفترة زمنية معينة، وتنتهي صلاحية الدكتاتور بانتهاء المهمة أو عند حل الأزمة.
 - غير انه بمرور الوقت وتغيّر الحكام والاباطرة والصراع بينهم هجرت صفة الدكتاتور والحاجة اليه، لتعود الى الاستخدام بدلالتها الاستبدادية المتوحشة خلال الثورة الفرنسية والصراع الدموي على السلطة وكان "روبيسبير" اول من لصقت به بهذا المعنى السلبى.
 -اشهر من اطلق عليهم لفظ الديكتاتور العادل:- هتلر-سالازار-بول بوت- القذافى...وهم من بسطوا ايديهم على مفاصل الدولة، لتبدو امام العالم انها دول قوية حازمة، بينما يقبع داخلها الاف المشردين والبائسين,ويقمع داخلها حرية الرأى والتعبير.
 -اخيرا:- ، صارت الديكتاتورية عارا في جبين التاريخ. اما لفظ (الديكتاتور العادل) فلا تعدو عن كونها كذبة يسوقها انصار الدكتاتوريات الجديدة.. قيد الانشاء
 _______________________
 محمد عبد العزيز

مصل

عن مصر أتحدث
.

مَنْ ينزعُ عني
هذا الحبَ
ويعطيني مصلاً
كي أمنعَ تكرارهْ ؟!.
.
محمد حسين

معنى التحصين

معنى أن قرارت رئيس الدوله محصنه ضد القانون والمحاكم
.
إن مرسي يقدر يصدر قرار بتطليقك من مراتك وقتلك ونقل الأهرامات لسينا ونقل غزه للجيزه وغلق كل القنوات الفضائيه والجرائد واعتقالك بدون تهمه وقتلك في الميدان................................... وتوقيع إتفاقية تطور تكنولوجي مشترك ثلاثية الأطراف بين مصر وإيران وأفغانستان!
.
بعد الصلاحيات الربانيه اللي منحها مولانا مرسي لنفسه أو لجلالته , أظن معدش فيه أي داعي لوجود مشايخ التكفير أو لجان الخرفان , الألهه لا تحتاج إلى دعم المكفرين ولا تحتاج إلى حشد الإخوان لأنها ألهه , ألهتنا العوالي ...............نحن غرابى عبس !!.

.

محمد حسين

القرعه والضفيره

أغلب ظني أن قرارات مرسي بالأمس وهذه الطلعه العنتريه التي خرج بها ما كانت لتحدث إلا بترحيب من المجلس العسكري ( السابق أو الحالي مش هتفرق) , بمعنى أن العسكر دفعو مرسي إلى هذا الجحيم وقالو له نحن وراءك وندعمك , ومرسي كالعاده لبس في الحيطه ذي مالإخوان بيلبسو كل مره !! , فاكرين انتو بقى حكاية ذي القرعه مالضفيره ! , أيوه هتحصل , وده الوقت المناسب لخروج القرعه من الضفيره.

.

محمد حسين

المشكله الأبديه

مشكله مرسي وجماعة الإخوان المسلمين الرئيسيه, مشكلتهم الأبديه , مشكلتهم الكبرى.... أنهم لا يعرفون معنى كلمة ثائر ربما لأنهم ليسو ثوار , يا ساده الثائر يخرج ليعترض ويعتصم ويتظاهر ويُضرب ويُقتل ولا تعنيه القوانين ولا الإعلان الدستوري ولا السماح بالتظاهر من عدمه ولا الصلاحيات الإلهيه ولا يعنيه أي شئ ولا يرى أي شئ بعينيه إلا قضيه يدافع عنها بكل شراسه وحتى أخر قطره في دمه , لن تردعه الداخليه ولا الجيش ولا ميليشيات الإسلاميين , ولن ترضيه قرارات التسكين وحقن البنج الموضعي . متى تفهمون ؟!

.

محمد حسين

للساعه كام

مرسي اليوم ( سوف أواصل الليل بالنهار من أجل هذا الشعب !) , والنائب العام الجديد أمس ( سوف أواصل الليل بالنهار من أجل هذا الشعب !) , ايه الحكايه دي ؟ هو انتو بتحفظو من نفس الكتاب ؟! , الله يرحمه جلال عامر كان بيقول ( كل مسئول بيجي يقول سوف أسهر على راحة هذا الشعب لكنه مش بيقول هيسهر للساعه كام وهيسهر فين بالظبط !! ).

.

محمد حسين

الأتوبيس

الجماعه بدأت تغادر المكان من أمام قصر الإتحاديه , التعليمات وصلت والأوامر بالمغادره والإقلاع بسلامه الله عائدين إلى أرض الوطن , والأتوبيسات جاهزه ومتسخنه !.
.
طيب يا جدعان حد فيكو يعتصم والنبي تأييدا لقرارات السيد الرئيس ؟ طب حد يثور ويواصل ثورته تأييدا لقرارات السيد الرئيس ؟ , طب هنصرفلكو وجبة عشا إضافيه بس بيتو الليله هنا ؟ طب اتوبيسات الصعيد وسينا تستنى للصبح ده حتى النهار له عنين ؟!.
.
غريبه أوي الحكايه دي , إنهم مش بيعتصمو رغم إن المؤكد والأكيد إن مفيش عسكري ولا شاويش هيتعرض لهم , أومال الناس اللي بتنام في التحرير وهي مش عارفه هيطلع عليها الصبح ولا لأ تبقى إيه ؟ مين اللي عنده قضيه حقيقيه وبيدافع عنها ؟ مين الثاير فعلا ومين العملاء والمأجورين والمتساقين و الفلول ؟!.

.

محمد حسين

الحرابه

الشيخ وجدي غنيم يطالب بتطبيق حد الحرابه علينا بتقطيع أيدينا وأرجلنا من خلاف , ماهو إحنا بقى يهود بني قينقاع , وانا مخبي الصنم بتاعي تحت السرير وبركب الفيل بتاع أبرهه الأشرم عشان أروح بيه الصيدليه ( متأجره بس ) ! , مش قلت لكو إن فتاوى التكفير هي الخطوه الأخيره قبل التصفيه الجسديه , إن لم تُقتل الأن في الميدان فسوف يقتلونك في الشارع غدا أمام أعين الناس لأنك كافر , .................دعوه للحب.

.

محمد حسين

مصر الطريه

حزب مصر القويه برئاسة دكتور أبو الفتوح أعلن إمبارح رفضه التام للإعلان الدستوري وقال إنه صناعة ديكتاتور جديد ! , لكنه منزلش يرفض الإعلان ويتظاهر ضده! ياترى جاله كرامب برضه ذي أبو إسماعيل ؟ هي الكرامبات دي شوطه بتمسك الإسلاميين وقت الجد ولا إيه ؟ أدرك اللحظه الفارقه يا دكتور ؟ ولا حضرتك مستني ايه ؟, مستني نوصل مثلا لمرحلة التصدير ولا ننتهي من صناعة الديكاتور وتنزل بعدها تثور لأن الوش الأخير المدهون بيه الديكتاتور مش عاجبك ؟!

.

محمد حسين

دراكولا

في فيلم رعب أمريكي بيتكلم عن مصاصي الدماء , وكان دراكولا الأكبر بتاعهم ميت من مئات السنين ومحتفظين بيه في تابوت , وأتباعه من القيادات الدراكوليه الشابه يعرفون الطريقه لإعادة هذا الدراكولا الأعظم للحياه مره ثانيه إذا احتدمت الأمور , أما الطريقه فتشمل تغذية هذا الجسد الميت بكميه كبيره من دماء البشر بالإضافه لبعض الطقوس الأخرى ! ,إحنا بقى عايشين في نفس الفيلم ده من سنتين , ثورتنا مش عايزه تنجح , راف

ضه إنها تنجح , دم 800 شاب وبعدين دم 100 وبعدين 72 ألتراس, وبعدين دم جيكا , وانا بقيت حاسس إن مصر لسه عطشانه للدم عشان تفوق , لسه الكميه مش مكفيه لعملية البعث الدراكوليه من جديد , ورجعت أسأل نفسي تاني هو احنا هنستفيد إيه لما ندفع الدم ده كله عشان نصحيها ؟! ما تخلي دراكولا نايم , هو لما يصحى هيعمل إيه يعني ؟, لا عمرنا هنبقى دوله محترمه ولا متقدمه , المشكله طلعت في الشعب والحاكم معا , ولو عايزين نبقى دوله محترمه فلازم نغير الإتنين ! , يعني نشوف دوله تانيه بشعب تاني وحاكم تاني , أنا مقتنع بكده , خلي دراكولا نايم وكفايه دم !

.

محمد حسين

عالم القطارات

في علم القطارات , لو فيه عربيه من القطر حالتها كويسه أوي وبصحه جسديه ونفسيه رائعه تأكد أنها لن تصل للمحطه قبل باقي العربات !.
ولو فيه عربيه واحده عطلانه وفسدانه فتأكد أنها سوف توقف القطار بأكمله عن الحركه !.
.
في مصر قطر غريب جدا وعايزينه يمشي ويلعلع ويقول توت توت ! , قطر مكون من 10 وحدات عباره عن عربيتين معقولين , و3 عربات تعبانين مله , و5جِمال , وكل دول مربوطين ببعض بترتيب مختلف , يمشي إذاي القطر ده ؟ ولو مشي هيروح فين أصلا ؟!, خلو القطر واقف ومجرش أحسن بدل ما نضحك الناس علينا ويقعدو يشاورو ويقولو شوفو ياولاد , تعالو يا عيال اتفرجو !.

.

محمد حسين

يا أهبل

يا أهبل , ياهبل , ( القبض على عبد المجيد محمود أثناء محاولته الهرب من مطار القاهره ) , خبر لن تقرأه إلا على صفحات الأهبل , من شهر يا عبيط , إلهكم الأعظم مرسي عين عبد المجيد محمود سفير في الفاتيكان يعني بحصانه كامله! , يهرب ليه بقى ؟ وليه طنطاوي وعنان ومبارك مهربوش ؟ يعني اللي ماسك قضايا القتل خايف ومرعوب والقاتل لأ ؟! خليك إنت أهبل وعيش أهبل وتعايش مع البافيته اللي انت لابسها ...تكبير تكبير..الحب الحب .بلوبيف بلوبيف !!.

.

محمد حسين

سنه 2034

في خطاب الرئيس مرسي بمناسبة ثورة يناير سنه 2034
.
المشهد : مرسي أمام قصر الإتحاديه تحت حراسة الحرس الجمهوري والأمن المركزي والصاعقه والشرطه وحرس الحدود والمدرعات وال 777
وأمامه يقف حشد ولفيف من أنصاره مكون من 5 أشخاص ( بديع والبلتاجي والعريان وصبحي صالح وأم أيمن ) .
.
الخطاب : مرسي يبدأ بحمد الله والصلاة والسلام على رسوله , ثم يقول ( إشهدو يا أحباب أنني أواصل الليل بالنهار من أجل استرداد حق شهداء ثورة يناير , ولن أنام قبل أن نستعيد أموال مصر المهربه , الله غايتنا والرسول قدوتنا وهدايتنا , ثم يترحم على أرواح البرادعي وصباحي وخالد علي ويثني عليهم ! ............ثم يتوقف لإلتقاط الأنفاس , وهنا تتعالى صيحات الرجال الأربعه بالتهليل والتكبير وأم أيمن بتزغرط !!

.

محمد حسين

باكيتة حشيش

اللي بيحصل في مصر محتاج للواحد عشان يستوعبه حاليا باكيتة حشيش بلدي مش أفغاني مضروب , بس أنا يا خساره أشربوش !.
.
صديقي الإخوانجي مستمتع بقرار النائب العام بإعدام من يعارض نظام الحكم وبيقول أصل دي مش معارضه دي هجوم عالحق ! , ماهو يا سيدي أي مؤيد في الدنيا بيشوف اللي بيعمله حق وبالتالي بيشوف المعارضه هجوم عالحق ! أه والله العظيم , يعني لو البرادعي مسك الحكم وحضرتك عارضته وثورت عليه هطالب بإعدامك ؟ !

.
عموما وعشان مس تتفاجئو , وبعد مداولات مع كتير من شباب الإخوان توصلت لحقيقه كده , لو صاحبك وجارك الإخوانجي اللي هو عشرة عمر معاك في الكليه والجيش وكنتو بتصلو سوا وبتعاكسو البنات سوا وبتروحو تصطادو سمك سوا , لو شافك بتتعدم قدام عينيه عشان بتعارض مرسي ...........مممممممممممم والله والله ما هيهتز له جفن ولا هيغير رأيه في نظام الحكم !.

.

محمد حسين

أزمة القضاه

الإخوان في الكام شهر اللي فاتو قدرو يثبتو الشرطه والجيش بزيادة مرتباتهم أكتر من مره ( اعرف لو سمحت راتب أمين الشرطه كام حاليا ؟ ) , أما القضاه فمرتباتهم كبيره أصلا ومش بينفع معاهم اللعب ده , إذا كان مرسي بيعمل مذبحه للقضاء فإوعى تبقى حمار وتتخيل إن ده في صالح مصر والثوره , وإلا كان بدأ بمذبحه وتطهير للشرطه اللي الفساد فيها واصل للحلقوم! , كل الحكايه حاليا نائب عام مطيع للإخوان هيفتح القضايا اللي يتقال له عليه فقط وشرطه متظبطه تقول نعمين , يعني إنسى بلاغ شفيق بتزوير الأنتخابات , وانسى بلاغات بتطالب بالكشف عن حساب جماعة الإخوان وانسى بلاغات بتتهمهم بالمشاركه في قتل الثوار , يعني عداله حوله وعوره من طرف واحد...............هي دي الدوله الإسلاميه اللي بيدورو عليها دولة تحريم الخروج على الحاكم !!.

.

محمد حسين

أبو الشوق

في فيلم ( عايز حقي ) لهاني رمزي , المحامي بتاع هاني رمزي ( محمد مرسي ) قال لصاحبه أبو الشوق كاديلاك ( المجلس العسكري ) ألاقيش معاك حاجه للصداع لأن دماغي هتتفرتك , قام أبو الشوق إداله حبايه من إياها وقاله عيب ده اللي جوه ده حبيبي , عشان كده هتلاحظو إن مرسي ( المحامي ) في خطبته أول إمبارح ساب القضيه المهمه واتكلم عن ال3 متر سيراميك فرز تاني , وده من تأثير الحبايه !.

.

محمد حسين

سكينة البطاطس

عن الصلاحيات والتحصينات اللي مرسي حصن بيه قرارته , هو مسك سكينه فإيديه وحمى نفسه من المسائله بأي حاجه يعملها بالسكينه دي , إنما الراجل وأنصاره وعدونا إن مرسي مش هيعمل حاجه بالسكينه دي غير إنه يدبح فراخ ويقشر بطاطس بس , عشان كده انصاره كبرو ورحبو بفكره الإله الطيب ابن الحلال!!.

.

محمد حسين

ملعون حبك يا بيه

ملعون حبك يا بيه !
.
بيقولو الناس معادن
وانتو معدنكو إيه ؟
تكفير كّفرتو فينا
والغدر غدرتو بينا
طب دي نسميها إيه ؟
.
ملعون حبك يا صاحبي
لما تنسى الأصول

والعيش والملح بينا
وتقول عني فلول !
ملعون حبك يا بيه
.
لسه الفاسد بيفسد
والقاتل محمي فيكو
وقتيل دمه بينزف
وقميصه بين إيديكو
مكتوب اسمه عليه
ملعون حبك يا بيه
.
تجار قرأن وشنطه
واكلينها بالأونطه
بتبيعو الدين بمنصب
والأيه بكام جنيه
ملعون حبك يا بيه
.
يا ريتنا ماكنا ثورنا
ولا عديتو بجسورنا
مبارك هو مرسي
السحنه هي هي
يا ريتنا ماطحنا فيه
ملعون حكمك يا بيه
.
محمد حسين

قال الراعى----محمد عبد العزيز

قال الراعى:-
 لاعشب لكم اليوم
 ولازرع..ولا شربة ماء
 صاح الغنم:-
 قرار حكيم
 لايصدر الا من العظماء
 سنجوع فداك ياراعينا
 وسنفديك
 بالروح وبالدماء
 هيا لنهلل لقائدنا
 ونهتف له:-
 ماااااء ...ماااااااء
 ____________
 zizo

اخبار الصباح......محمد عبد العزيز

اخبار الصباح:-
 اعتلى الخليفةُ المنبر
 والحشد صاحْ
 خطب مولانا بما تيسر
 حدثنا عن طائٍر
 ضخمِ الجناح
 يبيض بيضا ذهبيا
 صديق صدوق للرياحْ
 سيفيض علينا
 بخيرات وهمية
 كلما جاء....وكلما راحْ
 لكن الطائرَ
 لم يأتِ
 ولم يظهرْ
 لعله ماتَ او استراحْ
 بقى الخليفةُ
 وبقى معه
 فسادٌ دون اصلاحْ
 وهبَ مولانا قاتلينا
 قلادة ذهبية
 ووشاحْ
 ومازال دمى يهدر
 مازال دمى
 مستباحْ
 انهى الخليفة خطبته
 ولم يلحظ دمى
 لم يلحظ سوى.....
 عبارات الامتداحْ
 ______________
 محمد عبد العزيز
 11-11-2012

سوق التلات.....قصة قصيرة...........محمد عبد العزيز

سوق التلات.....قصة قصيرة
 __________________
 تاه ابنها الوحيد فى سوق التلات...لم يرحل عنها وحده بل رحل معه قلبها المتعلق بروحه
 اصطحبته لشراء حاجاتها من هذا السوق الذى ينصب كل ثلاثاء فى قريتهم...كان الحشد غفيرا...والباعة كثر يبيعون كل شئ...
 وفى لمحة سريعة...تركت يده الصغيرة يديها الحانية، واندس وسط الجمهور...واختفى عن عينيها...اختفى تماما
 استنجدت بالمقدم (طارق)...الذى لمحته من بعد ،يصطحب قوة مؤلفة من 3 عساكر وغفيرين..لكنه اشاح بوجهه عنها وقال بلهجة متغطرسة:- مش وقته ياحاجة....ابن البيه المأمور تايه برضو هنا...لازم نلاقيه حالا
 اسقط فى يد السيدة...وانطلقت تبحث فى لهفة عن وحيدها
 ـــــــــــــــــــــــــــــــــــــــــــــــــ
 فى هذه الاثناء، كان ابنها يبحث عنها ايضا...حينما قابله ذلك الرجل المتأنق ذو اللحية الخفيفة والابتسامة المتكلفة
 ...هدأ الرجل من روع الطفل، واخبره انه سيعيده لامه ، ولكنه اشترط عليه ان يصبح تابعا له طول العمر، ان يأتمر بأمره,وان يسمعه فيطيعه على الفور أيا كان الطلب...أن يكون تابعا مطيعا
 نظر اليه الطفل ببراءة ، وتركه يرغى ويزبد...ثم انطلق فى طريق البحث عن امه
 لمحه الاستاذ وائل...استاذ الفلسفة بالمدرسة الثانوية ، الذى كان يحمل كتابا ضخما تصدر غلافه عنوان(الانقسام البرجوازى فى المجتمع الحداثى)....والذى بادره قائلا:- انى اعرفك واعرف امك جيدا...انت ضحية للصراع الايديولوجى المنبثق من صراع الحضارات اللامتناهى...والذى سيزيد فجوة العزلة الافتراضية بينك وبين العالم
 انا انصحك ان تنعزل مثلى ...ولاتهتم كثيرا بشأن العالم او بشأن امك
 اتسعت عينا الطفل...وحاول ان يفهم ماقاله الاستاذ وائل....الا انه لم يفهم شيئا...اى شئ
 لم تمر فترة طويلة حتى قابلة الشيخ (عيسوى)...بلحيته السوداء الكثيفة والتى امتدت حتى صدره،ولما علم انه تائه عن امه...قال له:- الحمد لله ان ساقك القدر لتلقانى يابنى...ستأتى معى لاربيك تربية سليمة، فلا شك ان امك السافرة لم تعلمك دينك كما ينبغى....سأحميك من هذه البلدة الكافر اهلها..
 نظر اليه الطفل وقال:- بس انا بحب امى ...نفسى اشوفها
 ــــــــــــــــــــــــــــــــــــــــــــــــــ
 من بعيد اتت الام...تهرول حينما لمحت ابنها من ظهره....كانت الفرحة تملا كل شرايينها...والسعادة جعلتها تجرى كفتاة صغيرة لتحتضن ابنها الوحيد....الذى استدار حينما سمع صوتها ...
 همت الام ان تحتضن ابنها ....لكن ملامح الابن كانت قد تغيرت
 ملأت التجاعيد وجه الطفل...وترهلت جفونه....وصار كشيخ عجوز بجسد طفل.
 الا ان ابتسامة خفيفة...برزت من خلف اطلال التجاعيد...جعلت قلب الام يهفو...فاحتضنت صغيرها...وانطلقا عائدين سويا الى بيتهما...
 الى وطنهما
 ________________
 محمد عبد العزيز
 21-11-2012

النموذج الايرانى من جديد

قبل الانتخابات الرئاسية(جولة الاعادة)...توقعت ان مصر فى طريقها الى النموذج الاوكرانى اذا ماتولى مرسى...او النموذج الرومانى اذا ماتولى شفيق.
 لكن لم يخطر فى بالى اننا سنسير نحو النظام الايرانى...كنت اعتقد ان اختلاف العقائد والثقافات كفيل باستحالة وقوع هذا الاحتمال...لكن الشواهد قد تصدق حدسى بهذا الشأن.
 -فى ايران -مطلع 1979- مرروا دستورا رغم انف جميع القوى المدنية...ثم تفرغ الخومينى لتصفية اعدائه-بالصاق التهم بهم بل وقتل عددا كثيرا منهم ،بذريعة انهم اعداء الدين واعداء الاستقرار(نفس التهم التى توجه لمنتقدى الاخوان حاليا)...
 -بلغ عدد ضحايا الخومينى 30 الف معارض...ثم اقال رئيس الحكومة....ليكرس لدولة الملالى...ثم انحرط فى حرب مع العراق لمدة 8 سنوات ، وكانت ذريعة جيدة لالهاء الشعب عن مطالبه
 ثم حدثت المواجهات الكلامية مع الغرب...مما تسبب فى عزلة تامة لايران عن المجتمع الدولى..ثم قمع اغلب المطالبين بحقوقهم....
 -هل نحن فعلا نسير فى هذا الطريق.؟؟؟...اتمنى ان يخيب ظنى هذه المرة
______________
محمد عبد العزيز

الاخوان والقانون الرومانى

ما الذى يجعل شابا فى عمر الزهور،وعلى الرغم من اختلافه قلبا وقالبا مع الاخوان،مالذى يجعله يعطى صوته لمحمد مرسى فى جولة الاعادة،ثم ينزل حاملا علم مصر احتفالا بفوزه،سوى انه يعشق تراب هذه البلد وكان يعتقد انه بصوتة سيحمى ثورة مصر..
 ثم ماالذى يجعل الاخوان يتعاطفون مع من قتل هذا الشاب البرئ؟الى الحد الذى جعل البلتاجى والسيدة ام ايمن يطلقان على متظاهرى محمد محمود صفة الكلاب التى تستحق الذبح؟
 موقف البلتاجى وام ايمن يذكرنى بالقانون الرومانى القديم،في القانون الروماني القديم إذا ارتكب أحد ما جريمة قتل كان هناك نوع من التعاطف مع القاتل فمثلاً إذا كان من أشراف القوم يرفع عنه القتل ويُكتفى بنفيه، وإذا كان من أواسط الناس تُقطع رقبته، وإذا كان من الطبقة الدُنيا كانت عقوبته الصلب ثم تغيّرت بإلقائه في حظيرة حيوان مفترس إلى أن وصلت للشنق
 -حتى هذا القانون كان فيه عقاب للقاتل،لكن فى حالتنا هذه التعاطف كامل معه،بل واعطاءه كافة الذرائع ليرتكب جريمته،بحجة ان من فى الشارع هم بلطجية ومأجورون.
 -الاخوان الان يمارسون قهرا اقسى من الرومان القدامى،ولعل ذلك مرجعة كبت نفسى وشعور بالاضطهاد، ممزوج بسادية غير معلنة
____________________
محمد عبد العزيز

اعظم الديكتاتوريات

رئيسان فقط فى هذا العالم الفسيح يمتلكان سلطات لانهائية:- محمد مرسى (مصر)
 و كيم يونج اون(كوريا الشمالية)...
 -الشاب كيم جونغ أون عزز سلطاته بتوليه منصب قائد الجيش ليضيف لقبا جديدا الى ألقابه ويعزز نفوذه في البلاد. جونغ أون البالغ من العمر أقل من ثلاثين سنة نال لقب ماريشال بعد قرار اتخذه ليفرض بصمته على القيادة العليا في كوريا الشمالية حيث يترأس كذلك حزب العمال الكوري الحاكم كما يشغل منصب رئيس الدولة ورئيس لجنة الدفاع الوطني.
 -اللقب الجديد جاء عقب الاطاحة بقائد الجيش الكوري الشمالي ري يونغ هو الذي يعد أعلى شخصية عسكرية في البلاد وأبرز رموز النظام بداعي المرض.وبهدف تكريس سلطة جونغ أون تمت ترقية جنرال مقرب من النظام الى رتبة نائب ماريشال في الجيش الشعبي .
 -كده مرسى بيلعب فى النهائى مع كيم جونغ...ادعوا لمرسى ياشباب عشان ناخد لقب اعظم الدول الديكتاتورية.
__________________________
محمد عبد العزيز

هانى عازر

تعرف مهندس اسمه هانى عازر؟؟؟
 هذا المهندس المصرى الذى قلب المانيا راسا على عقب؟
 هو مصري يعيش في ألمانيا .. يشبهه الألمان بأبي الهول ويصدقون كل ما يقول ويعملون به.. وهو مثال حي على عبقرية المصريين التي تتجلى - فقط وللأسف- في الخارج وليس في الداخل.
 قام بتنفيذ مشروع تطوير محطات سكك حديد برلين بعد أن فشل المهندسون الألمان فى تنفيذها، ومواجهة مشاكل التربة التى واجهوها على مدى 7 سنوات حتى تسلم هو قيادة المشروع عام 2001 فصنع المعجزات فوق الأرض وتحتها، يكفى أن نعلم أنه حول مجرى نهر سبراى الذى يمر فى قلب برلين 70 متراً وحفر الأنفاق تحته ثم أعاد النهر لمجراه الأول دون أن تتأثر حركة النهر. ليس هذا فحسب بل إنه قام ببناء برج إدارى فى المحطة بطول 70 متراً بشكل رأسى ثم قلبه أفقيا ليمر بالعرض فوق خط القطارات الرابط بين شرق وغرب ألمانيا.
 -هذا احد الحلول التى اقدمها للرئيس مرسى...وحتى لا يتهمنى الاخوان واتباعهم باننى انتقد فقط دون تقديم حلول
 -هل سيستدعيه مرسى لاصلاح مشكلة القطارات المزمنه...ولا هو عشان مسيحى هنرفض وجوده بيننا....وننتصر لعنصريتنا القاتلة....ونترك الارواح والدماء تهدر كل يوم؟؟؟
_________________________
محمد عبد العزيز

عقول مبدعة لمصر

نحن نحتاج الى عقول مبدعة لقيادة البلد
 نحتاج الى اشخاص مبتكرين...لايقفون كثيرا امام النقد، ولايعتبرونه عدوهم الاول
 نحتاج الى مبدعين ....الفشل هو عدوهم الاول وليس النقد،والنجاح هو حليفهم الاوحد
 -بعد حرب طاحنة قضت على الاخضر واليابس فى المانيا،اتى (لودفيج ارهارد)...الذى شعر منذ عام 1944 بحتمية خروج ألمانيا مهزومة من الحرب فكتب مذكرة بعنوان "تمويل ديون الحرب وإعادة هيكلتها" شملت رؤيته عن كيفية إعادة بناء الاقتصاد الألماني على أساس فكرة "السوق الاجتماعي" التي تقوم على حرية السوق مع الاهتمام بالتوازن الاجتماعي، ليطبق سياسته فور انتهاء الحرب كوزير لاقتصاد مقاطعة بافاريا
 -ورغم إجبار ألمانيا على دفع تعويضات تبلغ قيمتها 1,1 مليار دولار سنويًا منذ نهاية الحرب الثانية ، إلا أن إرهارد قام بخطوات طموحة؛ حيث توافق في البداية مع سلطة الاحتلال على تغيير العملة بصورة مفاجئة في 19 مايو 1948 بإلغاء عملة "مارك الرايخ" واستبداله "بالمارك الألماني"، وإلغاء ديون الدولة، ثم قام دون إبلاغ سلطة الاحتلال بتحرير السوق وتحديد الأسعار؛ مما أجبر التجار علي إخراج بضائعهم المخبأة لتختفي السوق السوداء وتتراجع أسعار البضائع، لتنتهي الأزمة الاقتصادية في فترة ما بعد الحرب
 -انتهت الازمة الاقتصادية بنجاح، رغم الانتقادات العديدة التى واجهها لودفيج فى بداية الامر، لكنه ولانه مبدع بطبعه...عاشق للنجاح .....لم يتوقف امام هذه الانتقادات
 لم يكن شغله الشاغل القاء اللوم على الليبراليين والعلمانيين وزفت الطين
 كان هدفه الاوحد....انقاذ وطنه
 وطنه فقط
____________________
محمد عبد العزيز

مزلقاناتك يامصر

بص ياسيدى...عمال تزعق وتبرر وتدافع عن قنديل ومرسى...وبتقولى اديلو فرصة ...ده ميراث 30 سنة خراب وفساد....
 طب ياسيدى....هات الة حاسبة واحسب معايا
 -تكلفة إنشاء مزلقان مطابق للمواصفات مع السيمافورات هو ١٠٠،٠٠٠ جنيه مصرى للواحد
 طيب مصر فيها كام مزلقان؟؟؟1330 مزلقان
 يعنى احنا كده عاوزين كام عشان نطور المزلقانات؟ برافو عليك ...133 مليون جنيه
 -طب سعادتك تعرف ان محطة مصر ومحطة سيدى جابر ،اتصرف عليهم كام لزوم الفشخرة والمنظرة؟؟؟ -350 مليون جنية يابرنس
 -يعنى بنصف الفلوس دى كان ممكن المزلقانات تتعمل ، ونحافظ على ارواح الابرياء
 -عشان كده بكررها تانى....احنا محتاجين قيادات مبدعة بتفكر وبتخطط كويس...مش كل همها انها ترد على المنتقدين وبس....
ـــــــــــــــــــــــــــــــــــــــــــــــــــ
محمد عبد العزيز

والعدل لسة غايب--محمد عبد العزيز

والعدل لسة غايب
 وليلنا لسة طويل
 ملناش فى نهارنا نايب
 طول ما الحُر ذليل
 يابلدى يا ام العجايب
 الحزن فيكى اصيل
 هاتى قلبى اللى دايب
 ورجعى الموواويل
 ___________________
 zizo

بول بوت من جديد

أخطر ماقد يزعجك من الأحداث الأخيرة, انها تكرس لمفهوم ان كل من هو ضد الاخوان فهو اما عميل او ماجور او مخرب او على اقل تقدير...مضحوك عليه..
 احداث التاريخ تخبرنا ان بداية هلاك اى سلطة,هى احتقار المعارضين,والفجر فى خصومتهم ,بل وتمتد لتصل الى الابادة الجماعية والتى يفعلها من هو على رأس السلطة دون ان يهتز له رمش,فالقضاء على اعداء الوطن هى الذريعة الدائمة التى يرتكن اليها من فى العرش لسحق كل معارضيه.
 -عام 1975... استولت حركة الخمير الحمر الشيوعية على الحكم في كمبوديا،كان الكمبوديون يرون فيها حركة تحررية ستنقذهم من الفقر والذل
 ومنذ اللحظة الاولى لحكمه ادرك (بول بوت) زعيم الحركة أن المثقفين هم من سيكونون شوكة تقف فى حلق حكمه،فقرر التخلص منهم... وفرض ثقافة العمل اليدوي التي استغلها لتسخير آلاف المواطنين للعمل بالسخرة في معسكرات قضت فيها عليهم المجاعة وسوء التغذية. وملأ السجون بآلاف غيرهم لأسباب اعتقال واهية كان من بينها ارتداء النظارات مثلا.
 وفي سجن (تول سلينج) الكمبودى مات آلاف النساء والأطفال والرجال من التعذيب، الى ان تدخلت القوات الفيتنامية لانقاذ الشعب الكمبودى من طغيان بول بوت,وقدم للمحاكمة زعماء حركة الخمير الحمر، واعدم الكثيرون منهم...
 -قد لايكون مرسى والاخوان فى مثل دموية بول بوت وجماعته،الا ان السعى لتكميم الافواه وعداء المعارضين وقمعهم,قد يكون هو حجر الأساس فى سقوط دولة الاخوان............الى الابد
ـــــــــــــــــــــــــــــــــــــــــــــــ
محمد عبد العزيز

مش بلاقي ليه وش

ساعات كتير
بزمت واكشّ

مش بلاقي ليه وش
لما احس بإني خايف
من جديد
أبقى ذي الناس
شهيد
لما عقلي يقولي لأ
مش هتنزل
شئ محال
أصلي خايف

ع العيال
.
واجي أكتب
تندهيني
مانتي لسه
كاسره عيني
مش بلاقي عندي رد
مش بلاقي
ليه وش
.
أيوه ثاير بالقلم
ذيي تمام ذي الغنم
ذي العدم
أيوه ثاير بالأونطه
كلي غش !!.
.
محمد حسين

يا زق

رئيس وزراء قطر بيقول من الجامعه العربيه أن العرب أصبحو نعاجا !! , معرفتكش أنا كده يا ديب يا جامد ! , أنا بقيت حاسس إن الجامعه العربيه تحولت إلى جاريه أضيفت إلى قائمة جواري الشيخه موزه , إمسحى الدرج يا بنت ياللي اسمك مصر ولا شو اسمك ! , نظفي الحوش يا جزاير , جيبي القهوه يا ليبيا , اتحوكو يا زق !.

.

محمد حسين

احنا التتار

احنا الجيوش
اللي بتدهس أرضنا
ساعة الفطار
.
احنا الصهاينه
والتتار
.
واحنا أطفالنا
الصغار!
.

واحنا حملة النجليز
واحنا الكلاب
واحنا المعيز
.
طول مانتي قادره تبلعي
وبتحرقي ماتفرقي
إبن الخسيس
وابني العزيز !
.

محمد حسين

تتقتل بكام ؟

هما إيه اللي نزلهم دلوأتي ؟ وايه اللي وداهم هناك ؟ دول مش شباب الثوره بتوع يناير ؟ أنا شفتهم بعيني بيقبضو دولارات على قهوه جنب التحرير , بلطجيه , حركة 6 أبريل وشباب الثوره بيتلقو تدريبات عسكريه في صربيا , دول عايزين يخربو البلد !! ............مش تحس كده إن الثوره ماشيه فطريق على شكل دايره , بنرجع لنفس النقطه ونعمل نفس الحاجه ونسمع نفس الكلام ! .
أنا عن نفسي أول مره أشوف ناس بتتتلقى تدريبات بس عشان تعرف تتقتل , وهي دي محتاجه تدريبات ؟ يكفي جدا إنك تركب قطر الصعيد ! وأول مره أعرف إن بلطجي بياخد فلوس عشان يتقتل مش يقتل ! غريبه أوي عقول الناس .....تتقتل بكام يا عم الشيخ ؟!

.

محمد حسين

كفرتنا يا شيخ

يتهيألي مفيش حد من كبار مشايخ الإخوان والسلفيين والجهاديين والإسلاميين والبيزنطيين إلا وكفرنا كلنا , حد لسه مكفرناش يا جماعه ؟ الشيخ اللي قاعد ورا , أيوه الشيخ أبو دقن اللي في الأخر كفرتنا ولا لسه يا شيخ؟!

.

محمد حسين

ضحك ولعب

ضحك ولعب وجد الجد
.
أغلب المشايخ كفرونا , دي حقيقه , وانا خايف الموضوع يقلب جد , وبكره يبقى التكفير ذي الجواز ونلاقي الشيخ من دول يقولك أنا هكفركو عشان أكمل نص ديني !!.
أو يبقى التكفير مرتبط ببلوغ الشخص تماما مثل نمو شعر العانه واستخراج البطاقه الشخصيه من الأحوال المدنيه ,فتلاقي شيخنا الجليل وجدي غنيم عايز يعرف تلاميذه على أحد الشباب فيقول لهم ( أخوكو في الله مصعب , ماشاء الله طلّع بطاقه ودقنه نب

تت وكفر الناس ماشاء الله , ولا يتبقى له إلا بنت الحلال ( اللي هي مش من عندنا احنا طبعا !! )
.
الكلام اللي فات كان الضحك واللعب , تعالو للجد بقى , الجد أوي ,المرعب غالبا , من تلاتين سنه كانت نسبة الجهل والأميه في مصر بتوصل 40 % والنهارده نفس النسبه تقريبا , أياميها تم اغتيال السادات لأنه كافر وفرج فوده لأنه كافر ونجيب محفوظ لأنه كافر ! , يعني فتاوى التكفير التي نستهين بها هي الخطوه الأخيره التي تسبق الإغتيالات والتصفيه الجسديه , ليس من قبل الدوله ولكن من قبل أشخاص عاديين في الشارع يعتقدون أنهم بذلك يطبقون شرع الله بأيديهم! , عموما حدث هذا بينما الإسلاميين ليسو في السلطه وهناك أجهزه أمنيه تتعقبهم , فما بالنا إن كان الحاكم منهم ويتعامل معهم بطريقة نانسي عجرم ( أطبطب وأدلع ) ,حدث هذا نتيجة خلاف سياسي وفكري فماذا لو تعلق الأمر بصراع سلطه وبتطبيق شرع الله كما يعتقدون ؟ ربنا يتسر على مصر !!

.

محمد حسين

بحبها بجنون

بحبها بجنونْ
تقدر تقول مفتون
وهي ذي الهمْ
طينه وعجينة غم
.
بحب فيكي إيه ؟
كل اللي فيكي كريه
والمايه ذي الدم
طعم ونطاعه ولون
بحبها بجنون !!.
.
محمد حسين

عبد الحليم حافظ

حاولت أجرب الحكايه دي كتير , إني أتصور وانا حاطط إيدي على خدي ومايل براسي بزاويه 17 درجه عكس اتجاه عقارب الساعه مع ابتسامه صفراء ليموني , اللي هي الصوره إياها بتاعة الأستاذ عبد الحليم حافظ الله يرحمه , لا انا قدرت ولا الكاميرا وافقت , وقلت فنفسي عشان أتصور بالشكل ده لازم ألبس بنطلون شارلستون وأطول السوالف 30 سم لحد ما توصل للّوز , واقابل حبيبتي في كازينو الورده البيضا وأول ماتيجي أقول لها ( ممنون يا هانم إنك جيتي ) !!.

.

محمد حسين

مسرور السياف

أنا كنت فاكر بعد مالناس حبست أنفاسها ووقفت ضربات قلبها والشمس غربت بدري والنيل بطل يجري وساعة بيج بن وقفت إن مرسي هيجيب مبارك وطنطاوي والعادلي ومسرور السياف ويقطع رقبتهم على الهواء مباشرة ! , وقلت فنفسي المشهد ده هيبقى قاسي أوي ومؤلم بس هستحمله عشان خاطر اللي ماتو ؟ تقوم يا مرسي تعمل اللجنه رقم 52 للتحقيق في قتل المتظاهرين ؟ هما أرواحهم ورق كوتشينه بيتلعب بيها بوكر ؟ يا ريس مرسي مبارك لو كان عنده ذرة عقل مكانش بقى الرئيس المخلوع , لو كان أقال وزير الداخليه يوم 28 يناير كان زمانه بيحكم مصر دلوأتي وبيحكيلنا عن المواطن محدود الدخل ! , شكلكو راضعين من نفس الصدر , ومتخرجين من نفس المدرسه , قابل بقى يا أبو الأمراس يا ثورجي يا جامد !!.

.

محمد حسين

ورقة التوت

هل سقطت ورقة التوت الأخيره ؟ ...لا أبدا لم تسقط ! , إذا علينا أن ننتظر أن يرسل المولى سبحانه وتعالى ملكين من السماء يقسمان بأيمان الله على أنكم مخدوعون , لم يتبقى لنا إلا إنتظار الملكين أما لإخبارنا أو لحمل روح أحدنا إلى بارئها !.
ما أعطاه مرسي لنفسه من صلاحيات اليوم يتجاوز ما حصل عليه شاه إيران وكسرى ملك الفرس وقيصر ملك الروم وملوك الفراعنه مجتمعين , حصن نفسه وقراراته وتأسيسيته وحزبه وبرلمانه من القانون والمحاكم , ولتذهب بلدكم إلى الجحيم , إلى الجحيم هيا يا رجال !!.

.

محمد حسين

بييس

تعليقي على قرارت الريس مرسي
.
بييس بييس , بالإنجليزي بييس , بي إي إيه سي إي , إكتبوها عندكو يمكن تنفعكو !.

.

محمد حسين

عفوا سيدتي

عفواً سيدتي
إني مهزومُ
لا أملكُ ضحكَ الأطفالِ
ولا أعرفُ لعبَ الأطفالْ
عندي مأتمْ
نجمعُ أشلاءاً للأطفالْ
فدعين الأنَ
فبعضُ الحبِ
يكون محالْ!.
.

عفوا سيدتي
قد أرحلْ
كي أسكبَ وجعي
في الطرقاتِ
وفي الترحالْ.
.
محمد حسين

وابني العزيز

احنا الجيوش
اللي بتدهس أرضنا
ساعة الفطار
.
احنا الصهاينه
والتتار
.
واحنا أطفالنا
الصغار!
.

واحنا حملة النجليز
واحنا الكلاب
واحنا المعيز
.
طول مانتي قادره تبلعي
وبتحرقي ماتفرقي
إبن الخسيس
وابني العزيز !
.

محمد حسين

أعتذر

أحيانا يخطئ الإنسان في الدفاع عن المظلوم فيصبح عبئاً إضافيا عليه كظالمه , تماما مثل المحامي الفاشل الذي تحركه العاطفه لا العقلانيه , أعتذر !.

.

محمد حسين

الشرنقه

أستاذ وائل قنديل يواصل تألقه وهجومه على المنسحبين من لجنة الدستور والباحثين عن حق الشهداء , ويستطيع بأعجوبه أن يجد لنفسه موطأ قدم بجوار رفيق الثوره والكفاح علاء صادق.
.
في علم الكائنات الحيه , يقولون أن بعض هذه الكائنات تمر ب3 مراحل في دورة حياتها ( الدوده..ثم الشرنقه..ثم الفراشه ) , يبدو أننا بصدد كشف علمي جديد , فهناك من تنتقل دورة حياته بشكل عكسي ( الفراشه...ثم الشرنقه....ثم الدوده ) , عموما الشتاء قادم والبرد صعب والجحور تصبح أكثر دفئا لهذه النوعيه من المخلوقات , ربما يكون من الحكمه الإختباء بها .

.

محمد حسين

ثوره ونكبه

ثوره ونكبه ودم وغم
يالله نرجع بقى نتلم
ذي زمان راجعين من تاني
.
نلقى الظابط مالفجريه
يدّي الشعب تمام وتحيه!
.
ذي وزير بيقولي يا باشا
اطلب تؤمر نن عنيه !.
.

في المستشفى
تلاقي نضافه
رغد وسعد وعيشه هنيه
.
يا أمراضنا فينك فينك
نفسي أطوّل في
المستشفى بس شويه !
.
والله دي وكسه
ونكسه كبيره
ترجع عفواً كلب بإيدك
تلحس تاني
ف جزمة سيدك
ارجع وابلع كسر عنيك
هو الذل بياكل فيك
ذي الدوده فجسم ضحيه
.
بكره هتركب قطر الموت
في العّباره تشوف الموت
مهما تصوّت ولا هتلطم
مش هيبانلك أيها صوت
.
ماية بحر هتغسل جسمك
سمك القرش هيبقى تابوت
أصلك عيل فافي وفاشل
عمله رديئه ومش أصليه!
.
ارجع واضرب جيل فشعرك
نعّم صوتك وابري ضوافرك
خلي البوكسر حبه يبان
وامسك مضرب للدبان
خليك جامد ذي المايه !!
.
محمد حسين

يا زق

رئيس وزراء قطر بيقول من الجامعه العربيه أن العرب أصبحو نعاجا !! , معرفتكش أنا كده يا ديب يا جامد ! , أنا بقيت حاسس إن الجامعه العربيه تحولت إلى جاريه أضيفت إلى قائمة جواري الشيخه موزه , إمسحى الدرج يا بنت ياللي اسمك مصر ولا شو اسمك ! , نظفي الحوش يا جزاير , جيبي القهوه يا ليبيا , اتحركو يا زق !.

مش بلاقي ليه وش

ساعات كتير
بزمت واكشّ

مش بلاقي ليه وش
لما احس بإني خايف
من جديد
أبقى ذي الناس
شهيد
لما عقلي يقولي لأ
مش هتنزل
شئ محال
أصلي خايف

ع العيال
.
واجي أكتب
تندهيني
مانتي لسه
كاسره عيني
مش بلاقي عندي رد
مش بلاقي
ليه وش
.
أيوه ثاير بالقلم
ذي الغنم
ذي العدم
أيوه ثاير بالأونطه
كلي غش !!.
.
محمد حسين

كأن الثوره مخطوبه

كأن الثوره مخطوبه
وممنوعه من الزفه
.
جوازة إيه يا مولانا ؟
خطيبها لسه ف اللفه
.
دي مركب وسط موج عاتي
بدون بوصله ولا دفه
.
وكل خسيس بيركبها
وياخد بيها كام لفه
.
وناس تذكرها بالحسره
وناس تذكرها بالغيره
وناس تقرف من السيره
وناس تقابلها بالتفه
.
كلاب سلطان ومكلوبه
وذي الكلب تتشفى
.
طيور ماتت عشان بوبا
ومدفونه في بنيه
وثوره ف ركن مزويه
تقول يارب...
أنا خايفه !!
.
.
محمد حسين

لن أهتم

إلى مصر.............لن أهتم
.

لو عادتْ شمسُكِ للدورانِ
فلن أهتمْ
.
لو عادتْ روحكِ للخفقانِ
فلن أهتمْ
.
لو عادتْ صوركِ تضحكُ لي

من فوقِ
المكتبِ والجدرانِ
فلن أهتمْ
.
لو أصبحَ عطركِ عصفوراً
يختلسُ النظرةَ
كالجيرانِ
فلن أهتمْ
.
لو قفزَ الساحرُ من عينيكِ
وحولني
لمليكِ الجانِ
فلن أهتمْ
.
.

لن أهتمْ
يكفيني غدركِ يا امرأةً
قد أخذتْ مني
كل الحبِ
ونصفَ العمرِ
وبعضَ الدمْ !!.
.
محمد حسين

مثل المهر

في وطنٍ
يسقطُ مثلَ المهرِ
ويسكنُ عبثاً
قاع النهرْ
.
بيدي ويديكَ
سنصنعُ حبلاً نجذبهُ
أو نبحثُ
عن وطنٍ ثاني
لا وطنَ سيحوي

شرياني
فدمائي عفواً مصريهْ !.
وجذوري تضربُ
في التاريخِ
وتحملُ عبقاً للوادي
.
ماذا سأقولُ
لأجدادي ؟!
.
بيدي ويديكَ
نعيدُ كتابةَ ماضينا
في صفحةِ عشقٍ
ورديهْ
.
أخجلُ أن أكتبَ
في ورقٍ
يختلطُ بدمِ العظماء !.
.
محمد حسين

جبل العسل

لم يكذب علينا هذا القيادي الإخواني الي وعدنا بجبل من العسل , المشكله أننا لا نعرف شيئاً عن طبيعة المواد والحركات والجماعات السياسيه , جبل العسل هو ماده سائله لزجه لا ترتكز على أرض صلبه مثله مثل الجماعه , طبيعي جدا أي ينهار جبل العسل , لكن للأمانه, والشهاده لله , فعندما انهار الجبل العسلي وصل سيلة الجارف إلى حدود جبل ( الطحينه ) , وعندما لمحه جبل الطحينه من بعيد إنهار هو الأخر من فرط سعادته وأخذ يل

وح له ويقول ( أحمد ) فيرد عليه السيل القادم ( منى ) , وهنا التقي الحبيبان وتبادلا عناقا حاراً يعيد للأذهان قصص الحب الخالده ( عنتر وعبله , روميو وجولييت , مرسي وبيريز ) , وبعد ساعات طويله من العناق , أمسك كل منهما بيد الأخر في حركه رومانسيه شاعريه وتوجها معا إلى المخبز الألي القريب من المكان والذي تملكه( القوات المسلحه) , وكان في انتظارهما لفيفٌ وأطنان من أرغفة العيش الفينو المصنوع من القمح الأمريكي ( ابن الحرام ) , وعلى الفور امتزج العاشقان وتوزعا بالتساوي والقسطاس المبين ( شريعه إسلاميه ) بين أرغفة الفينو وأروقة الدوله العميقه في سيمفونيه رائعه لعمل ساندوتشات العسل بالطحينه لتصل بسهوله ويسر إلى المواطن المسكين بنفس (العداله والحريه) .
مين بقى من الشعب مخدش ساندوتشات شريعه اسلاميه , عسل بالطحينه ؟ ...خدت يا أستاذ ياللي قاعد هناك ؟ أنا عن نفسي مخدتش ومش عايز , مش عايز ساندوتشات عسل وطحينه عشان بقرف , بقرف من ريحة الشريعه لما تجيلي مكتوبه على ضهر جواب غرامي متبرفن من مرسي لبيريز , وبقرف من طعم الشريعه لما تجيلي محشوره في رغيف فينو أمريكي !!.
.
محمد حسين

حال مصر

حال مصر بعد الثوره
.
.
إمرأةٌ دخلتْ بابَ القصرِ
بموكبِ مجدٍ أشهدهُ
خرجتْ من بابِ الخدّامِ
.
وقعتْ في الفخ
الإسلامي !.
.
.
محمد حسين

اليابان

عندما أراد اليابانيون أن يصممو كبري بأحد الأحياء السكنيه , وجدو أن خط سير هذا الكبري سوف تمنعه عماره ( برج كبير ) مبني بطريقه سليمه وتراخيص سليمه ومحاولة هدم هذا البرج سوف تضطرهم لدفع ملايين الدولارات لصاحبه كتعويض , فكر أحد هؤلاء الكفار الملاحده في حل يحفظ مال الدوله , وكانت الفكره بأن يأخذوا طابقا واحدا من هذا البرج بحيث يمر الكبري من داخل المبني !.
.
وعندما أراد غيرهم أن يبني سورا أمام منزله ,

وجد أن خط سير هذا السور سيضطره إلى قطع شجره نمت بشكل مائل وكبرت على هذا الوضع , فاستحى هذا الزنديق من قطع الشجره وفكر في حل , وبالفعل بنى السور وجعل فيه فتحه تمر من خلالها الشجره بشكل جمالي رائع !.
وعندما أردنا نحن أن نستفسر عن قتل جنودنا في سيناء و أطفالنا في أسيوط ونستتنكر هذا , قالو لنا يا كفار يا صهيونيون , ماذا رأيتم من شرع الله حتى تكرهونه !.
.
إنهم في الخارج يحترمون الحجر والشجر وأنتم لا مانع لديكم من هدم الإنسان أو قطع جذوره , ما يفعله هؤلاء هو الإسلام وما تفعلونه أنتم هو التأسلم !!.
.
محمد حسين

جيلين

سنة 2006 حصلت الهجمه الشرسه الإسرائيليه على مدينة جنين الفلسطينيه , ضحايا وشهداء بالألاف من الجانب الفلسطيني طبعا , في الوقت ده كنت أنا شغال في مستوصف , وكان معانا ممرضه فليبينيه اسمها جيلين JELEN ,يومها انفعلت جدا بالعدوان الصهيوني الجبان , ودخل عليه صاحب المستوصف ( خليجي طبعا ) وكنت منفعل قلت له ( شفت اللي حصل لجينين يا أبو....؟) قالي بتوتر شديد , جيلين , مالها جيلين , مين اللي لمسها ؟ !! قلت له جينين الفلسطينيه , قالي يا راجل فكرتك بتتكلم عن جيلين بتاعتنا !!.

.

محمد حسين

مولد سيدنا الفيس بوك

مولد سيدنا الفيس بوك !
.
من سنتين تقريبا مكانش عندي حساب عالفيس بوك وكنت بعتبره رجز من عمل الشيطان , ماهو المرء عدو ما يجهل , وبدأت الثوره ونصحني صديقي أحمد ميد إني اعمل حساب , قلت له مبعرفش , اعملي وعملي مشكورا ومن هنا بدأت علاقتي بالثوره وبعتبر نفسي من شباب الثوره عشان عندي حساب عالفيس بوك !! ما علينا , بدأت أكتب فقام أصدقائي زيزو ومكي نصحوني إني أعمل مدونه , قلت لهم مبعرفش اعملولي قام زيزو وميد

عملو المدونه , وبعد شويه كتبت كتير فنصحني صديقي صبحي وزيزو بعمل بيدج قلت لهم مبعرفش اعملولي وعملو البيدج , من الأخر أنا بعرف أكتب بس , وعلاقتي بالفيس بوك بتقف عند حروف لوحة المفاتيح وبارك الله فيما رزق ! , قعدت عالفيس بوك كتير لحد ما خلفيتي العسكريه ورمت يا ولداه , قابلت كتير وشفت كتير , بكتب وبكتب , حسيت إن الفيس بوك ده عباره عن سوق ومولد كبير وصاحبه غايب , وإن اللي قاعد بيكتب ذي حالاتي أو بينزل بوستات بيبقى عامل ذي اللي فارش ببضاعه في السوق , أنا عن نفسي كنت فارش بكتابات سياسيه ومقالات ساخره وشعر ( على أدي كده ) , وكل ماكتب حاجه استنى الزبون اللي بيعدي , يمكن حد يقلب في البضاعه وتعجبه فيعمل لايك , أو يحب يشتري فيعمل شير , في الأول مكانش حد بيعبرني وانا عمال أقول بوست أهو يا ناس , اشترو مني يا ناس , وألمح بطرف عيني الناس ملمومه عند اتنين بياعين بس , بنت اسمها فيفي in in بتبيع ملابس داخليه حريمي , وواحد إسمه مصعب بيبيع جلاليب بيضا قصيره , وانا وأمثالي قاعدين بننش , بعد شويه بدأت الزباين تيجي لما غيرت العتبه وقربت شويه من مدخل السوق , لكن لأ , مش مقتنع ,أنا فارش بشوية بضاعه لوز , مش ممكن يكون مصيرها كده , قررت إني أدوس في الجامد شويه , ناديت على بنت صغيره عمرها 10 سنين , قلت لها تعالي يا حبيبتي اقعدي مكاني عالفرشه دي ومتخليش حد يلعب في البضاعه لحد ماجي , قالتلي حاضر يا عمو , قلت لها عمو إيه بقى ؟ انت اللي زيك عروسه ,اسمي محمد , قوليلي يامحاميحو , وسبتها ولفيت في الفيس وضربت غطس جامد عشان أتعلم واوصل للسر , ووصلت للحقيقه الموجعه , صحابي قالو لي عشان تكبر في الفيس قدامك اختيارين , يا إما تستشيخ يا إما عليك وعلى الإغراء بقى والذي منه , قلت فنفسي أنا ماليش في المشيخه عشان مبحبش ألبس الجلاليب القصيره والغطره! , ومكدبتش خبر , عملت صفحه باسم ( سونا العاشقه ) , وحطيت صورة بنت شبه عريانه , صحابي كانو قالولي ركز عالركب عشان بتعمل شغل حلو مع الشباب , وكتبت بوست بقول فيه ( بوستك بتوجعني يا ميدو ..........مع صوره شخصيه لسونا ذات نفسها) , وعملت دعوه لكام صديق معرفهمش وسبت البوست ونمت , ذي الصياد اللي بيرمي الشبك واستنيت للصبح , كانت المفاجأه 17000 صديق , 1500 لايك , 700 شير !!.
في النهايه عايز أقول حاجه وسامحوني ولا مؤاخذه يعني
.
الله يرحمها مصر , الله يرحمها , مكانتش هتموت أبداً لو كانت طوابير العقل والعدل والعلم فيها أطول من طوابير الجلابيه القصيره والإغراء , والفيس بوك هو اختصار لحال مجتمع!!.
.
محمد حسين

إعرف تمنك

الناس اللي زعلانه عالتعويض المصروف للأطفال الشهداء 4000 جنيه , عايز أقولهم 4000 جنيه تمن حلو , ويفيض كمان لو أحسنا استخدامهم , يكفو بدل انتقال وسكن خارجي لاتنين ظباط من اللي بيأمنو موكب مرسي لمده ليله, ويكفو تمن المشاريب فقط للجنة الدستور لمده 3 أيام , ويكفو كهربا للبرلمان لمدة ساعتين , ويكفو مرتب رئيس تحرير الجمهوريه لمده 6 ساعات ( بتفكركو بحاجه حكاية ال6 ساعات دي ؟!) .
عموما , واحنا في الجيش ,

كانت العساكر بتطلع كل يوم تدريب عسكري في عز الصيف , لمده شهر تدريب متصل والغرض منه العرض العسكري لمبارك لما يجي يزورنا , يعني مش للقتال ولا للدفاع ولا يحزنون , وكانت العساكر بتقع بضربة شمس , فكان سيادة اللواء يشتمهم بالأم طبعا , ويقول (العسكري اللي يقع زميله جنبه ميوطيش يشيله , هو عايز إيه ؟ , هيموت ؟ مايموت , هنعمله جنازه عسكريه ونلفه في علم مصر ونضرب له 12 طلقه في الهواء ونديله مكافئه نهاية خدمه 72 جنيه , هو هينهب ؟ ) !!.

تربية الذئب

إوعى حضرتك تتخيل إننا هنحارب إسرائيل حالياً أو إن إسرائيل هتهاجمنا , لا أبدا خالص , مش لأننا أقويا جدا وجبارين وبنمشي عالحيط , لأ برضه , مش هتحاربنا لأننا حاليا بنعيش مرحلة ( اللا دوله ) , وهذا ما يرعب إسرائيل , بمعنى , إننا وهما كجيوش نظاميه شبه متكافئين , يتفوقو عننا بنوعية الأسلحه والتكنولوجيا العسكريه , واحنا بنتفوق عنهم بالتدريب والعدد والعزيمه والروح القتاليه , لكن كجيوش نظاميه لا تخشى إسرائ

يل من مواجهتك , أما لو دخلت إسرائيل حاليا في حرب هتتحول سريعا لحرب عصابات وشوارع , جماعات جهاديه من الموجوده في سينا , تنظيم القاعده , بعض الإسلاميين المتحمسين , هيوصلو للعمق الإسرائيلي بعمليات إنتحاريه واستشهاديه وتفجيرات في الأماكن العامه , هنا يهتز الكيان الصهيوني , وتأكد يا صديقي إن صورايخ حماس مبتهزش إسرائيل ولا تحرك شعره من راسها لأن أغلبها بينزل في الصحرا , أما العمليات الإستشهاديه فموضوع تاني.
إنما للأمانه وللتاريخ والأرزاق على الله , هقول تشبيه تاني ,قولته قبل كده , مش معنى أهمية وجود الجهاديين في سينا لحالة حرب لا قدر الله إننا نحتفظ بيهم هناك ونطبطب عليهم ,هنبقى عملنا ذي اللي بيربي ديب في بيته عشان احتمال يحتاجه ويهاجم بيه عدوه , ده حمار لأن الديب على بال مايجي اليوم ده هيكون أكل نص عياله !!.

.

محمد حسين

الزوجه

أصبحت الزوجه لا تطيق الحياه مع زوجها الفاسد , وكان هذا الزوج في البدايه يضربها ويعاملها بإزدراء واحتقار , ثم تطور الأمر سريعا وحاول أن يجبرها على ممارسة الجنس مع أصدقائه , هنا انتفضت الزوجه لعرضها , وخرجت عن صمتها وقررت أن تستخدم حقها الشرعي والقانوني في الخلع من زوجها أو الطلاق منه , في البدايه تعاطف معها نفر قليل ممن يعرفون ويشعرون بمعاناتها , وعندما قررت أن تنزل للشارع وتذهب للمحكمه , نصحها شيخ

القريه أن تعود إلى بيتها وأن تتقي الله في زوجها ! , لم تستجب الزوجه وزادت أعداد المتعاطفين معها وقررت أن تستمر , وعندما أدرك الشيخ أن الزوج هالك لا محاله وأن الزوجه الفاتنه سوف تخلعه, إنضم إلى صفوف الداعمين لها , وهتف ضد الزوج الفاسد ! , وما إن تمت عملية الخلع حتى أجبر الشيخ العجوز هذه الزوجه الشابه على الزواج منه , وقال لها ( الجواز ستره...وانا هحميكي من الديابه ) وبعد فتره فوجئت الزوجه بزوجها الجديد يريد منها أن تتزوج من أصحابه الثلاثه وهي مازالت على ذمته , زواج بما لا يخالف شرع الله !!.

.

محمد حسين

سبت الواجب

طيب الحمد لله , يارب كده تكونو اتطمنتو , حزب الدستور بعت قافله لغزه والتيار الشعبي بعت و6 أبريل طالعه بكره وأمي قالتلي إنها بتجهز سَبَت مليان بخيرات ربنا عشان نبعته غزه , يعني مش هشام قنديل وابو الفتوح بس اللي راحو , كل واحد عمل اللي عليه وقام بالواجب والصوان موجود للي عايز , دفتر الحضور والإنصراف موجود في المعبر , متنساش تسجل اسمك وتوقيعك وصوره شخصيه 4 في 6 بخلفيه بيضا , والنبي يا جدعان محدش يعرف معاد الغزو البري إمتى عشان عايز أشوفه عالهوا مباشرة وانا بشرب النسكافيه , أهي أي حاجه تلاهيني عشان الدوري واقف ومليونيات تطبيق الشريعه لسه عليها شويه , وعلى بال ما يعيدو مسلسل ( نور) ويتفقو على لجنة الدستور !!.

.

محمد حسين

هل عاد الشرف

إنتهت القصةُ أخبرني
هل عادَ الشرفُ إلى البيتِ؟
أطفالٌ وشبابٌ ماتو
وجنودٌ رحلو في صمتِ
.
رائحةُ الموتِ تطاردنا

نخرجُ من موتٍ في موتِ
هل عاد الشرفُ إلى البيتِ ؟!
.
محمد حسين

لاشئ تغيرْ....محمد عبد العزيز

سيموتُ الأطفالُ...والنساءُ
 والعجائزْ
 كلُ شئ فى وطنك جائزْ
 لاشئ تغيرْ
 سيموتون فى قاطرةٍ
 او حافلةْ...
 .او عمارة مائلةْ
 فهل اصبح دمعك
 حطبا ...لايتأثر؟
 سيظل الوجهُ المصرىُ
 بلا بسمة
 ستظل الحياة...هدفا اسمى
 مادام الوطن حبيساً
 لم يتحررْ
 _____________
 محمد عبد العزيز

أرق

أرقٌ أرقْ
أرقٌ أرقْ
.
مالي أحبُكِ هكذا
كفناءِ قشٍ
واحترقْ !.
.
محمد حسين

كام وفد

يا ترى كام وفد هيروح أسيوط ويعلن تضامنه مع أهالي القتلى في أحداث القطار ؟ يارب يجيبو نفس الكاميرا اللي اتصورو بيها فغزه معاهم عشان صورتها بتبقى حلوه ومؤثره !!.

.

 

محمد حسين

يا هووه

ياناس ياعالم ياهووه....عايز حد فيكو يكون فاهم يطلعلي , الصور اللي بتنشروها عن رعب الإسرائيليين من صواريخ حماس دي صور متفبركه , اسرائيل بتتعمد تنشرها عشان توصل للرأي العام العالمي والقنوات العالميه ونبان احنا وكأننا مجرمين حرب وهما يا ولده مرعوبين ومتبهدلين , بكده يكسبو تعاطف المجتمع الدولي , بيكسبونا في كل حاجه حتى في الصور ونشرها ...اسرائيل مبتفوتش صغيره ولا كبيره إلا وبتلعب بيها وانتو بتساعدوهم في النشر , ولا انتو فاكرين إن إسرائيل بتصور الصور دي وتنشرها عشان تقول لنا احنا بنترعب من صواريخكو , ارعبونا كمان والنبي ؟! ولا تكون فاكر إن احنا اللي بنصورهم وهما مرعوبين ....لدرجة إننا صورنا وزير الدفاع بتاعهم وهو بيجري مرعوب ؟!.

.

محمد حسين

مسبحتي

مسبحتي

والشعرُ الأبيضْ

وبقايا خبزٍ أملكهً

وقطارٌ يأكلُ أولادي

أناكلبٌ في هذا الوادي!
.

عفواً

من فضلكَ يا شيحي

أخبرني عن حيضِ المرأهْ

في وقتٍ أخرَ

لو تسمحْ !!
.
.
محمد حسين

كالصرصار

إلى مصر ؟!
.
سأغيرُ وجهي
لو أحببتِ لصورة كلبْ
.
وسيخرجُ صوتي ممزوجاً
بنهيقِ حمارْ
.
وستكبرُ أذني مثل الفيلِ
.

ويصبحُ ذيلي مثلَ القردِ
وذيلِ الفارْ
.
سأحاولُ أن أحيا فيكِ
.
من غيرِ يمينٍ
.
.
.

كالصرصارْ !!.
.
محمد حسين