( محمد حسين - منوع ) 31 مارس 2017

Mohamed Hussein

31 مارس 2017·

يا مقسّمين الفرح

زي الطابور بالدور

وانا زي باقي الخلق

خدت المكان في طابور

.

و لما جت فرصتي

فتح الكشوف بيشوف

و قالي طب للأسف

الإسم مش مذكور !! .

( محمد حسين - منوع ) 28 مارس 2017

Mohamed Hussein

28 مارس 2017·

باختصار

.

مصر في 2018 هتبقى مصدره للغاز و في 2020 هتبقى مصدره للبترول ( بحسب الإكتشافات الأخيره )  , بعد ما كنا مستوردين  و بنصرف مليارات الدولارات سنويا في استيرادهم .

.

مصر مبقاش عندها أزمة كهربا و طبعا مفيش ازمة وقود , و بالتالي  مش هيبقى لازمنا حصص بتروليه من طويل العمر الفلاني ولا طويل العمر العلاني .

.

الحدوته اللي فوق دي على بعضها كده اسمها الطاقه ( غاز و بترول و كهربا )  , كلمة الطاقه مش كلمه بتتقال في كتاب العلوم , كلمة الطاقه هي الكلمه الأخطر في العالم , الكلمه اللي عشانها بتقوم حروب و بتباد شعوب و يتصرف مئات المليارات .

.

 لما مصر تحديدا تمتلك مصادر طاقتها في إيديها ( و تصدر منه  لأوروبا ) , الكلام ده طبعا  مش هيعجب  حلف الشطان , يعني ايه دوله شرق أوسطيه كبيره حدوديه مع الكيان الصهيوني و لها موقع جغرافي كذا و تاريخ كذا و عندها طاقه بشريه كذا و جيش كذا  تمتلك كمان مصادر طاقتها ؟.

, مين هيقدر يوقف مصر بعد كده أو يساومها على قرارها السياسي و أمنها القومي ؟ هنلوي دراعها ازاي يعني ؟ .

.

....................................................................................................................

Mohamed Hussein

28 مارس 2017•

بنت جمال عبد الناصر عملت فرح لابنها و رقصت في الفرح , ماهي اكيد هترقص أومال يعني هتقعد تقول تواشيح ؟ هترقص زي أي أم مصريه مابترقص في فرح ابنها , زي أمي الله يرحمها مارقصت في فرحي , هي صحيح بنت جمال عبد الناصر بس مش حديد مسلح والله , بني ادمه عاديه  زي أي بني أدمه , و بالمناسبه مفيش سفير اسرائيلي حضر الفرح  , الفرح ماحضرهوش السفير الإسرائيلي , ماحضرهوش الفرح السفير الإسرائيلي .

.

, يخرب بيت أم كده بجد , ده جمال عبد الناصر ده لا طلع رئيس ولا زعيم , ده طلع ملكوت لوحده أو كوكب من كواكب الأرض , عامل للأنطاع هسهس في دماغهم حتى بعد ما مات بنص قرن .

( محمد حسين - منوع ) 26 مارس 2017

Mohamed Hussein

26 مارس 2017·

أنا كل يوم أتشتم

من كلب عامل بيه

و كل يوم أتلعن

علشان بحبك ليه ؟

صحيح بحبك ليه ؟! .

.

يا مصر جايبه عيال

مايحصّلوش جيفه

غلمان في سوق البشر

ما بيسوو تعريفه

.

حُبّك بقى اسمه الجهل

و العقل هنخونك

للبيع بلاد للبيع

والبيع في وشك سهل

و عيونا في عيونك

.

ساعات دماغي تلف

و اصبر يا سكّه و درب

و ساعات بسبّ و أتف

و العن ولاد الكلب

.

يا بهيه حالك عجب

كل العجب حالك

مانتي الوحيده يا مصر

منكوبه في عيالك .

( محمد حسين - منوع ) ( 17 مارس 2017 - 24 مارس 2017 )

Mohamed Hussein

23 مارس 2017·

يا حبيبي حاول تصدق , إنك تفضل مركوب 6 سنين متواصله من شوية خرفان إرهابيين خونه , و بعدين اللي راكبينك ينقلوك من فكرة نقد رئيس الدوله و قرارته و سياساته و حكوماته لفكرة إهانة الدوله نفسها ( اللي هي بلدك ) بتاريخها و علمها و إسمها و جيشها و مؤسساتها و رموزها الوطنيه و أبطالها الحقيقيين , الحكايه دي ماسمهاش منهج فكري , إسمها شقة فكري , أه صدقني , إسمها شقة فكري , وانت لك فتره طويله طالع نازل , عموما مش مشكله , طالما انت بتكون مبسوط و فكري هو كمان مبسوط و الحكايه بالتراضي و مامتك عارفه .

...................................................................................................................

Mohamed Hussein

23 مارس 2017·

على سبيل التوضيح

.

عندي استعداد تام و صبر أيوب إني أقعد مع عامل بسيط يكون مثلا شغال في طابونة عيش و ماراحشي مدارس ولا عتّبها , و اشرح له اللوغاريتمات و المعلّقات , و طبعا هضطر أبدا معاه من أول زرع و حصد و 2 + 2 يساوي أربعه و عمو حسن يشد الكرنبه .

.

انما ماعنديش استعداد ولا مراره أني أتناقش لمدة دقيقه واحده مع شخص محسوب علينا بني أدم في فكرة إنه يشتم مصر ( اللي هي بلده ) و إنه عنده أسباب لكده , ولا أتناقش و أشرح لشخص لسه بيقول جنود و ظباط الجيش بيموتو عشان ده دورهم اللي المفروض يقومو بيه , معنديش استعداد ولا مراره , بس عندي فردتين جزمه و مستغني عنهم .

.

عزيزي المواطن سالف الذكر صاحب الأفكار الخرائيه المعتّقه , أقسم بالله و ما لك عليا يمين , إن كل ( تفافة ) العالم مجتمعه ما هتوفيك حقك اللي تستحقه .

.................................................................................................................

Mohamed Hussein

23 مارس 2017·

لما شوفت الصور بتاعة حادث لندن امبارح , الحقيقه مش لاقي دم , ركزت كتير و مش لاقي , كل اللي شايفهم اتنين تلاته مرميين عالأرض و اللي رايح و اللي جاي يبوسهم من بؤهم ( تنفس صناعي و كده ) , فين الدم يا بني أدمين ؟ هو الإرهابي كان معاه مسدس رصاص ولا مسدس مايه و بيطرطش عالناس ؟ عندنا في مصر لو حصلت خناقه بين ست أم شوشو و جارتها اللي فوق عشان الغسيل اللي بينقط الحكايه دي بتنتهي بدم للركب !! .

.

عزيزتي الكونتيسه تيريزا ماي رئيسة وزراء بريطانيا و ملكة جمال بندر أوروبا في التلاتينات , و كبيرة مشجعي مانشستر يونايتد

.

....... السلام عليكم و رحمة الله و بركاته , كوكب الأرض مبقاش عبيط و أهبل و داقق عصافير على دراعه زي زمان يا خالتي , هاتي بقى من الأخر و قولي لنا عايزين تهببو قرارات ايه تاني ؟ و اللي عنده ( حركات قارعه ) يربطها .

.

تكونيش عايزه تعلّقي تركيا و لقيتيها فرصه بعد تصريحات أردوغان و قولتو تتخلصو من الكارت العبيط المحروق بتاعكو ؟ ولا تكونيش عايزه فلوس تاني من لامؤاخذه أمراء الخليج ؟ ( طب هيدفعو ياختي هيدفعو , بصوت سمير غانم في مسرحية المتزوجون ) .

.

أقولك على حاجه يا خالتي ؟ ما تيجي نعمل صفقه مع بعض بس بشرط ترجّعي لنا السياح البريطانيين المتريشين بتوعكو؟

.

........ , انتي تقولي اللي حصل النهارده عمل ارهابي وانا أقولك : طبعا طبعا ده عمل إرهابي شنيع و بشع و فظيع و مريع , و لعلمك تركيا هي اللي ورا العمليه دي , و مستعد أشهد بكده و احلف على أوفة مصاحف , و تقومو انتو تعاقبو تركيا و تاخدو زكايب فلوس تاني من أمراء الخليج تحت بند ( بدلات و حوافز و و تأمين لأبار النفط و حماية من الإرهاب و حماية من المد الشيعي و حماية من السلعوه و حمايه من أبو رجل مسلوخه و رسوم قواعد عسكريه و مصاريف إداريه و طباشير أبيض و طباشير ألوان ) , ماشي , لحد كده متفقين .

.

إنما عقلك يوزك و تكوني عامله الحركه دي عشان ترمو لنا اللاجئين اللي عندكو في بلادنا العربيه و من ضمنها مصر , مش هيحصل يا خالتي , اللي حضر العفريت يصرفه بقى , مصر مش هتستقبل لاجئين , مش هتستقبل مصر لاجئين , لاجئين مصر مش هتستقبل .

......................................................................................................................

Mohamed Hussein

23 مارس 2017·

أومال فين كاميرات المراقبه اللي في كل شبر بقى و فين شرطة سوكتلانديارد اللي بتقدر تحدد نوع النمله دكر ولا نتايه من على بعد مليون سنه ضوئيه , وفين المخابرات البريطانيه اللي بتمشي عالحيط , و فين الأستاذ ريتشارد قلب الأسد ؟.

................................................................................................................

Mohamed Hussein

22 مارس 2017·

شوية كده و هتلاقو تقرير في ال BBC بيقول ان فيه شهود عيان سمعو اللي نفّذ الهجوم في لندن و هو بيقول الله أكبر , و إن الشرطه البريطانيه لقت في جيبه جواز سفر و بطاقة تموين و كارت ميناتيل من أبو عشره و تذكره لأتوبيس شرق الدلتا بتاريخ قديم , و دفتر بفره و شريط ترامادول متّاخد منه حبايه و مصحف صغير و سبحه و 9 أزايز بيره و نص كيلو كباب بالسلطات و دبابتين و طياره F16 بحاله جيده .

...............................................................................................................

Mohamed Hussein

22 مارس 2017·

إطلاق نار في محيط مجلس العموم البريطاني .

.

هو بغض النظر ان الحدوته دي تكون عمل ارهابي حقيقي و لّا عمليه نضيفه و جميله صنعتها المخابرات البريطانيه زي ما بتعمل نظيرتها في أمريكا و بيمسكو واحد بيطلق نار في حديقة البيت الأبيض كل شهرين ( و تقريبا لازم يكون يوم تلات و في ساعة عصاري ) , إنما اللي انا متأكد منه إن روسيا بعد الخبر ده مش هتسكت و هتطلع بيان عاجل و تحذر مواطنيها من السفر لمصر .

.................................................................................................................

Mohamed Hussein

22 مارس 2017·

عملية التشويه التامه و الكامله اللي حصلت في السنين اللي فاتت دي ممكن نختصرها في جملتين تحت إسم ( القذاره المركّبه ) , يعني مجموعه من القذارات اترصّت فوق بعض أو اتلضمت مع بعض كأنها سلسله .

.

شوف الجملتين دول كده و اقراهم بتركيز , مجموعه من الشباب يهربو من مصر و ينضمو لصفوف الإرهابيين في سوريا أو ليبيا و ياخدو شوية دولارات من عربان الخليج و يتدربو تحت إيد المخابرات الأمريكيه و البريطانيه عشان يقتلو في الجنود العرب و المواطنين العرب و يحرقو بلادنا العربيه , فيقوم أصحابهم يقولو انهم اختفو قسريا و يتهمو السلطات المصريه , و لما يتقتلو هناك و جثثهم تبان يقولو عليهم شهداء !!

.

حاول تقرا الكلمتين اللي فوق تاني , هتعرف المعنى الحرفي للنطاعه مكتملة الأركان اللي بيتم فيها استخدام مواقع التواصل و الجرائد و القنوات الضاني و حتى البرادعي و يدعمهم وسائل اعلام عالميه , و يرددها الخرفان و الكولجيه , طب نقولهم تاني بالترتيب .

.

- شاب هرب من مصر ( يعني هارب ) .

- انضم للإرهابيين في سوريا أو ليبيا ( يعني إرهابي ) .

- بياخد فلوس من اللي يدفع ( يعني مُرتزق ) .

- بيقتل مواطنين عرب و جنود عرب مش صهاينه ولا حاجه ( يعني سفاح ابن كلب ) .

- بيتدرب تحت ايد الأمريكان و البريطانيين و يعملو له غطاء جوي ( يعني خاين ) .

- لما يموت هناك بيقولو عليه شهيد ( يعني أحا ) .

- و من بداية اختفاؤه يقولو الداخليه المصريه اعتقلته و اختفاء قسري ( يعني أحتين ) .

- و لما الجيش السوري يدخل لتحرير حلب من الإرهابيين المرتزقه الخونه يتقال حلب تحترق !! ( أهي دي بقى محتاجه صوت يطلع من مناخير أبو الهول اللي ماوقعتشي من شويه ) .

................................................................................................................

Mohamed Hussein

21 مارس 2017·

عم عنتر , راجل شيّال عمره 70 سنه في وسط البلد و لسه بيشتغل , عنده 5 بنات 4 منهم في الجامعه ( اتنين من الأربعه في كلية الطب ) , والبنت الخامسه في ثانويه عامه , اللي انا واثق منه من غير ماشوف الراجل ده ولا اعرفه إنه مستحيل يكون مد إيده على قرش حرام , واللي واثق منه برضه إن بناته الخمسه مستحيل هتلاقي فيهم بنت كولجيه , اتحداك لو لقيت بنت فيهم بتدخل على صفحتها عالفيس بوك و تقول عسكر و مااااسر و دولة الزولم .

.

عم المستشار فلان الفلاني , مستشار في مجلس الدوله , رشاوي و عشرات الملايين و أراضي و فيلات و سبايك دهب مع إنه يا اخي كان مرتبه محترم و يقدر يعيّش ولاده بالحلال , أتحداك برضه لو لقيت عيل من عياله طالع بيخاف عالبلد دي أو بيغير عليها أو بيحترمها , المرتشي المنقوع لشوشته في المال الحرام هو بالتأكيد حد مش فاضي يربي عياله ( لا هو ولا مراته ) .

.

الحكايه مش تعليم يا ساده و لا مناصب مرموقه , حتى كلمة ( ولاد الناس ) محتاجه إعادة تعريف , بنات عم عنتر هما ولاد الناس , أه اللي أبوهم بيشتغل شيّال باليوميه .

................................................................................................................

Mohamed Hussein

21 مارس 2017·

أكشن للمره ال 56734

.

سفير روسيا بالقاهره يشيد بإجراءات رفع مستوى الأمان بالمطارات المصريه !! .

.

أنا رأيي إن روسيا تعين وزير جديد في الحكومه عندها يكون دوره إنه كل يوم بعد العصر يطلع يشيد برفع مستوى الأمان في المطارات المصريه و بعد صلاة العشا يقول نتوقع عودة السياحه لمصر في القريب العاجل , و يبقى اسمه وزير ( الرفع و القريب العاجل ) .

و يعملو حقيبه وزارية تانيه يمسكها وزير برضه و يكون دوره إنه كل ماتحصل حادثه ارهابيه في تركيا يحذر المواطنين الروس من السفر لمصر و يسمّوها حقيبة ( جدو حولان ) .

.

يا عم الحاج بوتين , قواعد عسكريه على أرضنا مابنعملش و الغاز بتاعنا في البحر المتوسط هيطلع و يتصدر لأوروبا بعد كده و الملف الليبي مفهوش نقاش , عايز ترجع السياح الروس أهلا وسهلا و على راسنا من فوق مش عايز انت حر , خلّلوهم , طب لعلمك بقى وانا ماكنتش عايز أسيّح لكو في المنطقه , السائحات بتوعكو كانو بييجو عندنا يعملو علاقات مع العمال و الفلاحين و الفئات و الشعب المرجانيه و كلب البحر , يعني اللي عنده سائحه روسيه يربطها , و السلام عليكم و رحمة الله و بركاته .

................................................................................................................

Mohamed Hussein

21 مارس 2017·

سامح شكري يطير إلى واشنطن لحضور اجتماعات التحالف الدولي ضد داعش !! .

.

هي السياسه كده , تبقى عارف أن أمريكا صنعت تنظيم داعش و عملته على إيديها و لمّت فيه كل الصيع و العواطليه و العربجيه في الدول الفقيره بمساعدة و مشاركة كلابها في المنطقه و طبعا اللي بيصرف و يدفع الفاتوره معروف بالإسم ( لا أمريكا مابتدفعش حاجه ) .

.

المهم تجيلك دعوه بقى من أمريكا و تقولك عاملين تحالف دولي لمحاربة داعش تيجي معانا ؟ تقولهم أجي يا باشا , تحار ب معانا ؟ أحارب يا باشا , طب هنحارب ازاي ؟ والله اللي تشوفوه و احنا معاكو , طب احنا عايزين ندمر تنظيم داعش و نقطعه نسايل نسايل , ندمر و نقطع و نسايل نسايل يا باشا , و يطلع سامح شكري من الاجتماع يقعد في أوضه لوحده كده و يقفل الباب عليه و يلعن فراتيك دين أم أمريكا اللي تقتل القتيل و تمشي في جنازته , اعتقادي اجمالا ان أي وزير خارجيه مصري ييجي في التوقيت ده لازم تكون عنده مراره حديد ماركة كاتربيلر عشان تستحمل .

.

.

طب ليه بنروح و نحضر و احنا عارفين إن أمريكا هي الأب الروحي للإرهاب في العالم , ( امريكا بتستهبل يا فوزيه ), يابني ماهي السياسه كده , سياستك لازم تكون كده لما تكون عايش في عالم ابن تيت بيتحكم فيه قطب واحد يعني سوبرباور واحده يعني بلطجي واحد , و ألاضيشه في كل مكان حتى في بيت ولاد عمك , تقوم تتعامل معاهم ب ( صبر أيوب ) و تستفيد بس من المرحله دي , مرحلة إلتقاط الأنفاس , و تستفيد كمان من دور ترامب اللي هو دوره تنضيف المكان و لم التعابين بعد أوباما , و لما علاقتك تبقى كويسه بالبلطجي الأعظم هيقومو صبيانه في المنطقه يلمّو نفسهم , يعني من الأخر بتتعامل مع الأومّايه .

.

طب أومال ايه سياسة اننا نقولهم في وشهم كده انتو ولاد كلب صنعتو الإرهاب و احنا مش حاضرين اجتماعاتكو دي يا كدابين يا سفاحين ياولاد التيت , لا دي سياسة أمك ياض يا مزيكا .

......................................................................................................................

Mohamed Hussein

21 مارس 2017·

الواد الفتك , اللي هو مش حمار ولا حاجه

.

لما الصهاينه يحاولو بكل جهدهم يشوهو تاريخ مصر أو يسرقوه و ينسبوه لنفسهم , و لما صهاينة العرب في قطر بنت الوسخه يعملو نفس الشئ بما فيها محاولة سرقة تاريخ مصر الحديث أو عالأقل تشويهه يبقى لازم نفهم ان كلمة التاريخ و الحضاره دي بتوجع ناس كتير أوي , بتوجعهم لدرجة انهم ممكن يصرفو مليارات على تشويهه او سرقته أو التقليل من شأنه , و بالتالي لازم نفهم ان كل حباية رمل و كل حصوايه في البلد دي و كل ساعه مرت في تاريخها محتاجين نحطهم في علبة قطيفه و نحافظ عليهم .

.

عزيزي الحمار , عزيزي الجحش , معلش انا لساني طويل حبتين , مفيش حاجه حصلت في السنين اللي فاتت بصوره عشوائيه , دي خطه محكمه متكامله , اوعى تتخيل انك بتهري في حاجه معينه بشكل عشوائي و تتخيل نفسك واد فتك , الحكايه بتبقى طعم و بيترمي للحمير .

.

اللي حصل في السنين دي ممكن نختصره في كلمتين , مطلوب ايه ؟ مطلوب تشويه كل حاجه تخص مصر , زي ايه يعني ؟ زي تاريخها و هويتها و مؤسساتها و رموزها الوطنيه و أيقوناتها الحقيقيه و يا سلام لو تم استبدال الأيقونات دي بشويه عيال صيّع برياله , ده جزء من التشويه اللي بيتحمس له الحمير .

.

طب قول أمثله كده , هقولك كام مثال , ذاكرة السينما المصريه دي تاريخ حديث , شكّل وجدان أجيال من الشعب العربي , جزء من قوتنا الناعمه , فيه اللي حاول يسرقها , الفن نفسه بيتم تشويهه عمدا عشان مايكونشي لك التأثير على الوجدان العربي .

.

جمال عبد الناصر ده زعيم عربي ماجاش ولا هييجي زيه في التاريخ الحديث , مات يا مؤمن من خمسين سنه و لسه بيؤرق مضاجع صهاينة العالم و صهاينة العرب , برضه الطعم بيترمي هنا و حبذا كمان لو نمدح الملكيه اللي هي الإستعمار , و ده مش معناه انه عبد الناصر كان نبي ولا انه مكانشي له اخطاء , انما تم استدراجك و الأخطاء بقت تشويه حقيقي من غير اي علم ولا درايه , و كل اللي بيبدأ كلامه بأصله (له ماله و عليه ما عليه ) بيكمل الكلام بطريقة نكش الفراخ ( انا لو جمعت نكش الفراخ اللي اتقال عن عبد الناصر ممكن يعمل كتاب و هيبقى كتاب كوميدي للغايه ) .

.

الأزهر ده مؤسسه عريقه محتاجه تطوير و تنقيح و تعديل في المناهج و مواكبه للعصر , اللي بيحصل هو تشويه و سباب و محاولة لهدم الكيان و المؤسسه , بالمناسبه نفس قطر بنت الوسخه صرفت ملايين و مليارات عشان تعمل كيان موازي للأزهر و يكون معقل للإرهابيين و على رأسهم الكلب الخاين يوسف القرضاوي .

.

أم كلثوم قالو عليها كانت شاذه جنسيا و كليوباترا ملكة السكس ( بقي يتعمل تقارير و ابحاث لترويج كده ) , و الشرطه اللي كانت محتاجه تتطور و تنضف سحبوك من المختمه و خلو التطوير تشويه و اهانه , و الجيش طبعا حدث ولا حرج , فكّر كويس كده ؟ باقي ايه حواليك ماتمش استدراجك فيه ؟ يعني يا معلم باختصار كل أدواتك و مفرداتك من تاريخ لمؤسسات لرموز وطنيه بيتم استدراجك لتشويها , عشان طبعا انت واد فتك و سابق عصرك , مش عشان انت حمار ولا حاجه .

............................................................................................................................

Mohamed Hussein

20 مارس 2017·

الوتد

.

كنت متعود أكتب عنها و أنزل صورتي معاها , وحشتني إيديها الخشنه المشققه و انا بوطي أبوسها , وحشني حكاويها و حواديتها و تفاصيلها الصغيره اللي بتقولها بمنتهى الحماس و التركيز , و قاعدتنا انا و هي على باسطة السلم وقت العصاري و نومتي جنبها تحت اللحاف اللي كل مره تقولي دانا لسه منجّداه , وحشتني شتيمتها ليا و هي بتقولي انت لسه فاكر أمك يا قليل الأصل يا ناقص ؟! , وحشتني حتى ضحكتها لما كنت بقرالها تعليقات الأصدقاء على صورتي معاها ( عشان هي ماراحتش مدارس ولا بتعرف تقرا ) و لما كانت بتفرح ان حد من الأصدقاء يقول أمك أحلى منك و شكلها أصغر منك , و كل ماقرالها التعليق تقولي اقراه تاني .

.

مش عيب أبدا لما تبقى راجل شحط محط كده و لفيت الدنيا و اتمرمطت فيها و عودك نشف و اتعلمت و اشتغلت و اتجوزت و خلفت و روحت و جيت , بس تحس بعد فقدان أمك انك مجرد ريشه طايره في الهوا مالهاش أي تلاتين لازمه ولا أي تلاتين هدف ولا تسوى تلاته تعريفه , مش عيب والله , دي قمة الرجوله أصلا إنك تحس إنك ولا حاجه من غيرها , يعني صفر عالشمال .

.

ده أول عيد أم ييجي من غيرك يا غاليه , كل سنه و انتي طيبه يا حبيبتي , كل سنه و كل امهات مصر بخير و سعاده .

.................................................................................................................

Mohamed Hussein

20 مارس 2017·

وزير الإعلام السوداني بعد زيارة موزه بتاعة قطر بنت الوسخه و بعد ما نقطتهم بشوية دولارات ( زي ما بيعملو مع الغازيه في الموالد ) طالع يقول ايه بقى ؟ .

.

بيقول إن فرعون موسى كان سوداني , يعني كان زول , و بيستشهد بالأيه القرأنيه أليس لي ملك مصر و هذه الانهار تجري من تحتي !! و قال مصر فيها نهر واحد واحنا عندنا انهار كتير , يبقى فرعون موسى كان زول سوداني !! و قال كمان ان مكعبات الجبنه النستو اللي عندهم اللي بيقولو عليها أهرامات هي أقدم من أهرامات الجيزه .

.

طب هحاول أمسك لساني بس مش أوي يعني , أهو على أد ماقدر , معالي وزير الإعلام السوداني النطع , اقرا كتاب التاريخ و اعرف مصر كان فيها كام نهر زمان ياهبل يابن الاهبل , و ابقو كملو تعليمكو الإبتدائي عالأقل قبل ما تبقو وزرا , و بالنسبه لمثلثات الجبنه النستو بتاعتكو فعمرها أقل من عمر أهرامات الجيزه ب 1800 سنه , يعني أهرامات الجيزه كانت بتحتفل بعيد ميلادها ال 1800 و مثلثات الجبنه بتاعتكو بتحبو و تقول عالسكر أوكّر .

.

و الحقيقه حالك البائس ده أيها الوزير النطع الجاهل لا يقل حماقه عن حال وزير الدفاع السوداني البائس برضه اللي قال الطيران الصهيوني ضرب المواقع عندنا عشان الطيار كان طافي النور , لا و النبي مالوش حق , كان المفروض يولّع النور و مش النور العالي طبعا بدل ما يزغلل عين الرادار .

.

أصدقائي السودانيين الطيبين , هقولكو للمره التانيه , أنا مشفق عليكو و الله من حكم خروف ضاني و شوية مسئولين جابو لبلدكو التريأه و المسخره بعد ما السودان بقت سلسلة مفاتيح بتلعب بيها واحده أقل ما يُقال عنها إنها شر*وطه , عمر البشير ضيع نص السودان و النص التاني هيتقسم و الشر*وطه رايحه جايه تنقّط في الغازيه , عيب أوي ان بلدكو تتحول لمجرد غازيه أو مجرد قرد بيتنطط و يعمل نوم العازب و عجين الفلاحه قدام واحده ماتسواش تلاته تعريفه عشان يرضيها .

.

أصدقائي السودانيين الطيبين , مصر هي مصر , يعني يا جبل ما يهزك ريح , حاولو انتو بس تصحو من النوم بدري , عشان انتو بتنامو كتير و في يوم من الأيام هتروح عليكو نومه و تصحو ماتلاقوش اللي باقي من السودان .

.

أصدقائي السودانيين الطيبين , دور قطر بنت الوسخه اللي مرسوم لها من حلف الشيطان هو خراب الدول العربيه , و السيناريو مكرر بشكل ممل , من 10 سنين كانت علاقة حمد ببشار الأسد زي الفل و سوريا دلوأتي زي مانتو شايفين , من 10 سنين دخلت قطر بفلوسها في ليبيا و ليبيا دلوأتي زي مانتو شايفين , أقسم بالله العظيم لو ما عملتو ثوره و طردتو الخروف اللي بيحكمكو و بقية الخرفان اللي معاه و قطعتو رجل الشر*وطه هتصحو من النوم ماتلاقوش اللي باقي من السودان و ينتهي بيكو الحال في مخيمات لاجئين و يوميها هتلاقو الشر*وطه جايلكو برضه بالفستان الأبيض و في ايديها إزازة مايه معدنيه بتشرب منها و تدلق الباقي عالأرض .

.

اللهم قد بلغت اللهم فاشهد .

.........................................................................................................

Mohamed Hussein

19 مارس 2017·

مش صحيح إن عدد سكان مصر 93 مليون نسمه بس , العدد الحقيقي يعدّي ال 100 مليون بعيلين تلاته عالأقل .

.

و إجمالا عدد سكان مصر يساوي عدد سكان دول الخليج مجتمعه مضروب في 3 و يمكن 4 , و في الخليج هتلاقي دوله واحده زي السعوديه مثلا دخلها اليومي من البترول يساوي مليار دولار , يعني 20 مليار جنيه يوميا يعني 7 ترليون جنيه في السنه ( الترليون 12 صفر ) !! , بييجو من تحت الأرض , لا سحر ولا شعوذه .

.

هو انا عايز أقول ايه ؟ عايز أقول إن مستوى معيشة الأفراد في الدول بصفه عامه و في التوقيت الحالي بيكون عالي جدا في حالتين بس , إما إنه يكون عندك مليارات من اللي بتطلع من تحت الأرض دي ( غاز أو بترول ) زي دول الخليج و روسيا , أو يكون عندك قاعدة صناعية ضخمه و جباره و بتصدر منتجاتك لكل ربوع كوكب الأرض و المجموعه الشمسيه زي اليابان و ألمانيا و أمريكا و كوريا الجنوبيه و الصين .

.

طب لو مش عندك ده ولا ده هيبقى مستوى معيشتك مرتفع إزاي ؟ طبعا مستحيل , طب احنا ايه اللي في ايدينا لما نكون 100 مليون و معندناش حاجه تُذكر بتطلع من تحت الأرض ؟ يبقى مفيش قدامنا غير الإختيار التاني , قاعدة صناعية ضخمه , و ده بيتطلب من الدوله ثوره في التعليم و ثوره على البيروقراطيه و الفساد و نستفيد من عدد السكان الكبير و ( امكانياتنا البشريه ) , و نبقى عارفين كمان اننا ساعتها هندخل منافسه شرسه مع الدول الصناعيه الكبري اللي التصدير بالنسبالهم هو أنبوبة الأكسجين .

.

و عشان نمشي في السكه التانيه دي فالمواطن هو كمان عليه دور , دور المواطن هيكون التخلص من عاداته السيئه و حمّامه القديم كله , يعني ماتسهرشي على قهوة عماد للفجر و تروح تنام في الشغل ده لوصحيت من نومك أصلا , ماتتعاملشي مع ممتلكات الدوله بطريقة ( لو خربت دار ابوك خد لك منها قالب ) , ثقافتك الشرائيه تتغير و مشترياتك تكون عالأد , و بلاش تبقى موظف حكومه و تسيب شغلك و تروح تعزّي في خالك عبد ربه اللي بيموت كل يوم تلات .

.

و بالنسبه للتعليم لازم تكون مستعد تماما لتقبُّل فكرة إن ابنك الحيله خلص الثانويه العامه في التعليم المجاني و مفيش كليه هيدخلها , هيدخل معهد فني لصناعه معينه , مصر بقى فيها دشيليون طبيب و مهندس و صيدلي , و حكاية أصل ابن خالته دخل كليه كذا مش هتنفع معانا خالص .

.

الكلام ده لو بدأنا فيه النهارده ( على مستوى الدوله و المواطن ) نشوف مصر اللي بنحلم بيها بعد عشر سنين , مش عايز كده حضرتك و عايز تنام و تأنتح و تخرب في البلد و ماتشتغلش , و مش صابر 10 سنين ولا حتى 5 ؟ حاضر من عنيا , ماتزعلش نفسك والنبي , بكرة الصبح هنبقى زي اليابان بس حاول انت تصحى بدري شويه عشان تلحق اليوم من أوله , و اعمل عينيك كداهو بحيث اللي يشوفك في الشارع يقول عليك ياباني أصلي .

....................................................................................................................

Mohamed Hussein

19 مارس 2017·

عن الزملكاوي اللي زي حالاتي و هو بيتفرج على ماتشات الأهلي الأفريقيه :

.

قدام التلفزيون : إلعب ياض يابتاع بيدفيست , انقل بسرعه ياض , هات جون يابن الصرمه , الماتش قرب يخلص .

.

يدخل عالفيس بوك و يكتب : يارب النصر للأهلي , بقولها من كل قلبي , من واحد زملكاوي عشان الأهلي بيمثل مصر ( إيموشن : يشعر بالمحبه ) .

..................................................................................................................

Mohamed Hussein

19 مارس 2017·

طب و الله العظيم بقى عندي قناعه تامه إن فيه ناس عالفيس بوك مالهمشي شغله ولا مشغله غير إنهم يعملو لي ريبورتات , الواحد منهم يصحى من النوم و يغسل وشه و يعمل ريبورتات على طول ( و أحيانا من غير ما يغسل وشه ) , وانت يا حبيبي بتشتغل ايه ؟ أنا بلا فخر بشتغل ريبورتارجي , يعني ايه الشغلانه دي ؟ يعني كل يوم اقعد اعمل ريبورتات لمحمد حسين و الناس اللي زيه , أيوه اللي هما مين يعني ؟ الناس يا جدع اللي بيقولو مصر مش ماسر و بيحترمو بلدهم و تاريخها و جيشها , هي حصّلت يحترمو بلدهم و يقولو مصر مش ماسر ؟ دي كائنات مش طبيعيه بقى , و المصيبه كمان لا يكونو من النوع اللي مش بيغني و يعزف عالربابه لصورة كاريتة الملك فاروق , اللي هي أيام الإستعمار و الإستحمار الكيوت الجميل , أيام ماكانت الخدامه سويديه و بياعة البليله ألمانيه و خريجة أوكسفورد .

.

أصدقائي الريبورتاجيه , لو محتاجين أي مساعده قولو , قولو والله ماتتكسفوش , ابعت لكو ناس من حدانا في البلد يعملو ريبورتات معاكو , ماهي إيد على إيد بتساعد برضه , قولو بجد , و بعدين تتكسفو مني ليه ؟ هو انتو اغراب ؟ دانا بقالي سنين بكتب و انتو بقالكو سنين بتعملو ريبورتات , يعني بينا عشره و عيش و ملح .

.

وريني الكارنيه بتاعك ياض قبل ماساعدك , مش جايز تكون بني أدم عادي من عامة الشعب مش ريبورتارجي عظيم ولا حاجه ؟ أيوه صح مكتوب المهنه ريبورتاجي أهو , بس ايه ده ؟ دانت ريبورتارجي من 5 سنين , معقوله ماترقيتش كل ده و بقيت سوبرفايزور ؟ ده اسمه اهمال و تسيب , و بلد مابتقدرش الكفاءات اللي فيها , انت عارف اللي زيك لو سافر فرنسا بكل خبرته في عمل الريبورتات دي ؟ هولاند بنفسه هيقابله في المطار , و معاه قرار تعيينه مدير عام متحف اللوفر و أستاذ كرسي في جامعة السوربون ( بعد الضهر ) , اه و الله هيقابلك و في ايده قرار التعيين ( و الكرسي ) , أقولك على حاجه ؟ انت مش لازم تسكت عالإهانه دي , انت تجمع صحابك الخبره في عمل الريبورتات ( مش انتو خبره برضه ؟ ) و تروحو تعتصمو قدام مجلس الوزرا ( أو على سلم نقابة الصحفيين ) و تقولو الحكومه بنت التيت مش بتعينا في السلك الدبلوماسي ليه ؟

....................................................................................................................

Mohamed Hussein

18 مارس 2017·

و اضح إن فيه إجماع من الأصدقاء إن برنامج أراب جوت تالنت بيتعمد الإساءه لمصر بإنه يجيب العاهات اللي عندنا و يطلّعهم على انهم مواهب مصريه !! , مصر مفهاش اكتر من الموهوبين و المبدعين في الفن و في كل المجالات , عندنا اللي يكفي كوكب الأرض مش الوطن العربي بس , يبقى الإختيار ده متعمد .

.

الفنان أحمد حلمي , اعتقد انك شخص بيحب فنه و يحترمه و الأهم انك بتحترم بلدك , يبقى تعلن فورا انسحابك من المهزله دي .

.......................................................................................................................

Mohamed Hussein

18 مارس 2017·

هي الفلوس ممكن تعمل ايه ؟ و يطلع ايه الحلم العربي ده يا جناب العمده ؟

.

لو فيه انسان وقح و مؤذي و قذر و عنده عقدة نقص و فيه كل العبر اللي ربنا خلقها بس مش معاه فلوس , و عينه على بيت عمه عايز يشتريه أو يحرقه أو يخربه , و راح الانسان الوقح المؤذي ده لعمه و أولاد عمه ... هيقدر يعمل ايه ؟ هيقدر يقنع عمه انه يبيع له البيت ببلاش ؟ هيقدر يقنع اتنين تلاته صيع من اولاد عمه انهم يقتلو اخواتهم و ابوهم و يعمل فتنه في البيت أو يخربوه ؟ طبعا لأ .

.

لو نفس الانسان الوقح القذر ده معاه مليارات متلتله ( جايه من الهوا يعني مش تعبان فيها ) فأسهل حاجه هي انه يعرف يلعب في بيت عمه براحته , لو عمه مش موافق على بيع البيت ب ( كنوز الدنيا ) هيقدر يستقطب الاتنين تلاته الصيع من ولاد عمه ( بالفلوس ) و يحرقو في بيتهم او يخربوه على أد ما يقدرو , و لو ماقدروش لوحدهم هيجيب لهم بلطجيه من بره البيت ( بالفلوس برضه ) يساعدوهم في خراب بيتهم .

.

ده باختصار اللي حصل في ال 6 سنين اللي فاتو في سوريا و اليمن و ليبيا ( ليبيا أوضح مثال ) , و مصر كمان ( بس ماقدروش علينا ) , مخطط الشرق أوسط الجديد و خطة الخراب كانت مستحيل تتم إلا بوجود طرف عربي في حلف الشيطان , حد مش غريب عن البيت , و يا سلام بقى لو كان عنده عقدة نقص و عنده مليارات مش تعبان فيها .

.

مش حقيقي ان أمريكا صرفت دولار واحد في خراب الشرق الأوسط , اللي صرف واللي شال الفاتوره كلها معروفين بالإسم , عربان الخليج , و للأسف الدول و الدويلات دي مفهاش شفافيه ولا مؤسسات تقدر تقول أرقام و إلا كنا هنسمع عن رقم مرعب , مستحيل يكون 9 أصفار ولا حتى 10 !! .

.

المال العربي القذر بيلعب في شمال السودان عند الخروف عمر البشير و بيلعب كمان في قطاع غزه عند خرفان حماس و بيلعب في أثيوبيا , و بيحاولو بنفس المال القذر يلعبو في ليبيا , محاولة تطويق كامله لمصر من كل الجهات , دي الحقيقه لو كنا يعني بنشوف من الغربال .

.

أي كلام بقى عن الحلم العربي و الفيلم العربي حاليا هو كلام مثير للغثيان و الشفقه والورق اللي يتكتب فيه الكلام ده بالكتير ينفع نستخدمه في الحمّام , تتعامل معاهم اه , تقول كلام دبلوماسي شكله جميل و العلاقات الثنائيه الأزليه المنفلوطيه المريوطيه ماشي ,تحاول انقاذ ما يمكن انقاذه و تحاول ( تحيّيد ) واحد من الأطراف دي مايضرش , انما أكتر من كده لأ .

.

أنا مش خايف على مصر من كل الهجص اللي فوق ده , و قناعتي التامه اننا الدوله الوحيده في المنطقه اللي تقدر تعيش لوحدها ( بطولها كده ) , واحنا برضه الدوله الوحيده اللي مايقدروش يعيشو من غيرها .

.......................................................................................................................

Mohamed Hussein

17 مارس 2017·

يحيى قلاش , واحد من الأبطال ماركة ( شواشي الدره ) اللي صنعهم الكولجيه في السنتين اللي فاتو , اللي تستر على ناس مطلوبين للنيابه و عمل فيها 7 رجاله في بعض و لما اتقبض عليه قالك الدوله بتقصف القلم , معرفشي ايه أم حكاية القلم دي , يا مولانا انت متستر على هاربين من العداله يعني زيك زي حرامي الغسيل و المرتشي و مدام سونيا التعبانه , قلم إيه بقى و برّاية ايه ؟

.

مولانا يحيى قلاش , خدت شلوت معتبر النهارده , بالديموقراطيه و الزناديق , أه و الله الزناديق , قالو لك اطلع بره يا نطع , رأيي بقى إنك تقعد في بيتكو و تلبس الجلابيه البيضا المرحرحه دي و كلسون طويل عشان يدفّي صدرك , انت و خالد داوود , و تجيبو شوية كتاكيت تربوهم , و لو الكتاكيت تعبت أو جت لها فرّه , أبقو برضه قولو الدوله الفاشيه بتقصف القلم و تخنق الكتاكيت .

.

شابوه لصحفيين مصر .

................................................................................................................

Mohamed Hussein

17 مارس 2017·

البرج العالي

.

- ال 400 مليار جنيه اللي اتصرفو عالكهربا في أخر سنتين تلاته , ماطاروش في الهوا , في 2013 كان عندنا عجز كبير جدا في الكهربا و على نهاية العام الحالي هيبقى عندنا فائض في الكهربا ( 22 ألف ميجا وات ) , دي اسمها الخطط المستدامه اللي هي عكس تماما سياسة ( إطفاء الحرايق ) , خطط مستدامه معناها انك بتحل المشكله لجيلنا و لأجيال جايه , مش عايش بطريقة إحييني النهارده و موتني بكره , ده اللي بيعمله السيسي , بيعمل مشاريعه كما لو كان هيحكم مصر مدى الحياه , مع إنه باقي له 5 سنين مش أكتر .

.

مكانشي ينفع نفكر في صناعة و تصدير و تجاره و احنا عندنا أزمه كبيره في الكهربا و عايشين بشمعة و لمبة جاز و مولدات نور , و معندناش طرق تصلح للإستهلاك الأدمي , الحكايه مش هوباليصا , و ده اللي كان يقصده السيسي لما قال : انا استلمتها أشباه دوله .

.

في 2013 قعدت مع مهندس كهربا كبير و إخوانجي معتبر , كان وقت حكم مرسي البهلول , قلت له ايه قصة الكهربا يا باشمهندس , قالي بالحرف الواحد دي مش قصه , دي كارثه و مش هنقدر نحلها ولا بعد 20 سنه , عندنا عجز ضخم في الكهربا و حل المشكله من جذورها مستحيل هنقدر عليه , احنا بنحاول نعمل صيانه للي موجود يعني بنلصّم الدنيا .

.

طبعا لو قابلت نفس الباشمهندس الإخوانجي النهارده و سألته ايه رأيك ؟ فانا عارف اجابته من غير ما يقولها , مكانشي فيه مشكله أصلا , دي كانت حاجات بسيطه و تتحل في شهرين تلاته و بكام ألف جنيه تخلص الحدوته !! .

.

العقليه الضاني اجمالا هي الأب الروحي للعقليه الكولجيه , بيقرو من نفس الكتاب , حافظين نفس البؤين الحمضانين , عايشين بنفس المبدأ الزلنطحي , اللي هو وقت المشكله تبقى مشكله كبيره و عويصه و مستحيل حلها و احنا أصلا فاشلين , و لو اتحلت يبقى مكانشي فيه مشكله من اصله و احنا صرفنا الفلوس دي كلها ليه ؟.

.

ست سنين بالنسبالي كانو كافيين جدا إني أعرف إن لوسي و توتو و اللول و أبو البراء و أبو الشيماء و ابو لهب و ابو جلمبو , أولهم و أخرهم إنهم يتجوزو بعض و يخلّفولنا حمار براس كلب و له قرنين .

.......................................................................................................................