Mohamed
Hussein
26
يناير 2017·
سفير واشنطن لمنطقة
اليورو : قريبا لن يكون هناك اتحاد أوروبي لعقد صفقات معه !! .
.
أه بس فهمت , كده
يبقى الربيع الأوروبي قادم .
.......................................................................................................................
Mohamed
Hussein
25
يناير 2017·
دورة حياة البرادعي
في سنتين و نص
.
البرادعي : بصو
يا ولاد , احنا هنطلع بالفاشيه و القهر و ننزل بالعنف و أحلام الشباب و نرفع التون
عند الاختفاء القسري و كل واحد فيكو بعدها يجتهد بطريقته , يالله فرجوني كده هتقولو
ايه :
كولجي 1 : العنف
العنف .
كولجي 2 : القهر
القهر .
كولجي 3 : الظلم
الظلم .
كولجي 4 : عسكر
عسكر .
.
البرادعي : برافو
عليكو هايلين , و نفضل بقى نعيد و نزيد و نكرر في نفس البؤين دول شهور و سنين , العالم
يتشال و يتهبد حوالينا و جيوش تتحرق و دول تختفي من عالخريطه و احنا على نفس البؤين
, و لو حد سألكو و قال لكو انتو مابتزهقوش, هتقولو ايه يا ولاد ؟ .
الكولجيه ( في
نفس واحد ) : الثبات على المبدأ يا أستاذ .
البرادعي : برافووووو
, انا طول عمري فخور بيكو , انتو هايلين بجد .
.
كولجي لسه جديد
لانج ( يعني محتفظ بشوية عقل ) : يا أستاذ يا أستاذ , يعني حضرتك شايف اننا نقعد نقول
البؤين دول شهور و سنين و مانعملشي حزب سياسي ولا تكتل ولا ننزل الشارع ولا نخاطب الناس
ولا نشارك في الحياه السياسيه و الانتخابات و ناخد أماكن ناس احنا شايفينهم وحشين ؟
يعني نفضل نلف في الدايره العبيطه دي اللي محصلتها صفر ؟! .
.
البرادعي ( منفعل
) : انت عميل أمن دوله و جاسوس و فاشي و قمعي .
كولجي 1 : اطلع
بره يا معر*
كولجي 2 : *سمك
يا عر* .
كولجي 3 : يا طبال
يا عبد البياده يابن ال #@$%& .
كولجي 4 :
#4%&*@#35.
.
البرادعي : خلاص
يا شباب , أهو غار و مشي , يالله سمعوني تاني :
كولجي 1 : العنف
العنف .
كولجي 2 : القهر
القهر .
كولجي 3 : الظلم
الظلم .
كولجي 4 : عسكر
عسكر .
.
البرادعي ( مبتسم
ابتسامة الرضا و النصر ) , يمد ايديه في جيبه و يطلع كبشة كراميلا نضره و يوزعها الشباب
, خدو كراميلا نضره يا شباب , ثابتين و مكملين , انتو فخر لكوكب الأرض و المجموعه الشمسيه
.
...........................................................................................................................
Mohamed
Hussein
25
يناير 2017·
مش معقول أبدا
ولا منطقي ولا طبيعي إن شاب يكون شارك في 25 يناير و نزل الميدان يفضل 6 سنين يتفاخر
و يتفشخر بإنه حرق عربية شرطه بتاعة بلده !! , وقتها كان ممكن نقول مقبول و لحظة طيش
و لحظة تهور و لحظة حماس و اندفاع و جهل , انما دلوأتي ايه المبرر و ايه المنطق بعد
ما كل حاجه بانت و بقت واضحه زي الشمس ؟ .
.
عقول البني أدمين
الطبيعيين مستحيل تتشوه بالشكل ده , إنك لما ترمي مولوتوف على عربية شرطه من 6 سنين
تعتبر ده انجاز و بطوله تدعو للفخر و تفتكرها بقى و انت جاعص ضهرك في الكرسي !! .
.
أبويا الله يرحمه
و أعمامي كانو بيتفاخرو بأمجادهم و ذكرياتهم في حرب اكتوبر ضد العدو الصهيوني , و اللي
حرق دبابة صهاينه بيتفاخر و اللي أسر جندي صهيوني بيتفاخر و اللي شال مدفع على كتفه
و طلع ساتر ترابي عشان يرفع علم بلده بيتفاخر و اللي حرر بلده و اللي حمى ترابها بيتفاخر
, العيال دي بقى ولاد مين ؟ مين اللي شألب الأيه و اغتصب عقول ألاف الشباب و فهّمهم
ان حرق و نهب الممتلكات العامه اللي هي ملك الشعب من أبجديات العمل الثوري و النضالي
و الرجوله و الفروسيه ؟! .
..............................................................................................................................
Mohamed
Hussein
24
يناير 2017·
مفيش مؤامره ,
فيه رز بلبن .
.
ضبط ألف طن متفجرات
في سينا !! , ألف طن يعني مليون كيلو , مليون كيلو مواد متفجره , مش مليون كيلو فراخ
ولا مليون كيلو دقيق ولا مليون كيلو جبنه , رقم مرعب , كان كفيل بإسقاط الولايات المتحده
نفسها , فالله خيرٌ حافظاً و هو أرحم الراحمين .
.............................................................................................................................
Mohamed
Hussein
24
يناير 2017·
..
25 يناير , ثوره ولا مؤامره و لا عيد الشرطه ؟
.
بالعقل البسيط
المجرد من أي اهواء , هو ايه اللي حصل ؟
.
- في 25 يناير
2011 نزل ناس كتير أوي للشوارع و الميادين و تحمس ناس كتير أوي ( انا منهم ) , اللي
نزل واللي تحمس كان غرضه إسقاط نظام شايفينه فاسد و مترهل و خلافه , بس اللي سحبنا
من قدام واللي زقنا من وره و اللي عمل فوكاس و زوم ( زي الجزيره و الأمريكان ) كان
غرضه اسقاط الدوله مش اسقاط النظام , دي الحدوته باختصار و من غير هري كتير , عايز
حضرتك بقى تسميها ثوره أو تسميها مؤامره أو تسميها أحداث , انت حر , ياكشي تسميها ابتسام
.
.
- في الفتره اللي
فاتت دي حصل ايه ؟ ممكن نعرف حصل ايه من خلال رقم تقريبي اسمه ألف , 1000 , ألف شهيد
من الشرطه في حرب ممتده ضد الإرهاب و تجار السلاح في كل ربوع مصر , 1000 طن متفجرات
تم ضبطها , و أخيرا 1000 تويته للبرادعي بيتكلم فيها عن الفاشيه و القمع و الظلم و
أحلام الشباب و مستقبل الشباب و حب الشباب , و الإرهاب بيسميه عنف متبادل !! , خد بقى
رقم ألف اللي يرضي عقلك و ضميرك , هتتعاطف و تتفهم مع الألف شهيد و تشكر الناس على
ظبط ألف طن متفجرات ( ده حجم التحدي الأمني ) ولا هتتعاطف و تتأثر و تتشحتف بألف تويته
كاتبهم شخص عليه ألف علامة استفهام و هو عايش في فيلته في عالم ما وراء البحار ؟!
.
.
- باقي حاجتين
مهمين أوي لازم نفكر فيهم و احنا بنقيم المرحله دي و بنحاول نوصل لقناعه ثابته , أداء
الشرطه اتحسن جدا و معاملاتهم , اتحسن كتير بعد 2011 , لسه ماوصلشي للمستوى المطلوب
بس أحسن كتير , كلمة أحسن و شكرا هنا هي مش تطبيل ولا تعر*ص ولا الهبل ده , هي دافع
و محفز قوي للناس عشان تستمر , طب ايه الحاجتين المهمين ؟
.
الأولى , هو ليه
التركيز عالشرطه المصريه أوي بره و جوه ؟ ليه بتظهر مشاكل و جرائم ظباط و أمناء مع
بعض في وقت واحد و بتختفي فجأه ؟ ده سؤال مهم , وليه مفيش تركيز مماثل على باقي قطاعات
الدوله زي المهندسين و الاطباء و الصيادله ( اللي انا منهم ) هل مثلا لأننا في القطاعات
دي على وشنا صباح الخير و مقطعين حصر الجامع و مفيش جرايم و مصايب و بلاوي ؟ ليه التركيز
عالشرطه و الجيش ؟ و ليه قناة الخنزيره الصهيونيه عملت فيلم قذر عن الجيش المصري و
بتجهز لفيلم قذر عن الشرطه المصريه ؟ لما تعرف الإجابه عالأسئله دي هتعرف تختار قناعتك
اللي ترضي عقلك و أدميتك .
.
في ذكرى 25 يناير
, رحم الله شهداء مصر الشباب الطيبين الشرفاء اللي ماتو بدون ذنب في الوقت ده و رحم
الله شهداء الشرطه المصريه , و كل سنه و شرطتنا و جيشنا و بلدنا بخير .
...................................................................................................................................
Mohamed
Hussein
24
يناير 2017·
الحكايه مش كيميا
.
.
الحكايه بجنيه
يا بطيخ , يا بطيخ بجنيه , و العرب زمان قالو : البعره تدل على البعير , دي سهله خالص
, و ممكن تتأكدو
.
- محتار في الوضع
داخل ليبيا ؟ شايف حكومات و شخصيات كتير متصارعه و محدش فيهم طايق التاني , و مش عارف
تحدد مين فيهم صح و مين غلط و مين خاين و مين نقدر نقول عليه إنه الأمل في عودة ليبيا
قويه موحده ؟ دي سهله , هات ورقه فلوسكاب و قلم و اكتبهم كلهم تحت بعض , و اللي تلاقي
أمريكا و بريطانيا و فرنسا و ايطاليا راضيين عليه أوي اشطب عليه بقلب جامد ( اللي فاتت
دي دول استعماريه على فكره يعني مش بنخترع ) , المهم لو فضل عندك اسم واحد ماتشطبش
عليه اعرف انه أمل ليبيا , طب لو لا قدر الله لقيت نفسك شطبت عالكل ؟ في الحاله دي
تقطع الورقه و تقول الحمد لله على نعمة 30 يونيو و كفى بها نعمه .
.
طب ليه 30 يونيو
و ليه مش 25 يناير ؟ برضه مش كيميا , المفروض إن أي بني أدم عاقل بيقيم الحدث أو الثوره
( أو أيا مايكون المسمى ) تقييم موضوعي على اعتبار ان الهدف كان مصلحة بلد , يعني المقدّس
هو البلد مش الحدث أو الثوره , ماينفعشي تاخد ابنك العيان في طريق عشان تلحق تعالجه
بسرعه و بعد شويه يبقى المقدس و المهم عندك هو الطريق مش ابنك العيان !! , الاحداث
و الثورات بتبقى مجرد طريق يعني وسيله مش غايه ولا عجل أبيس .
.
25 يناير كان لها
ايجابيات عظيمه منها ازاحة حكم مبارك ( كنت اتمنى انه يمشي لوحده من غير ثوره عليه
) و منها انها كشفت كل الوشوش القبيحه من أفراد و جماعات , و ناس كُنّا نعدهم من الأخيار
, لكن السلبيات ممكن نكتب فيها مجلدات .
.
طب برضه ليه
30 يونيو ؟ بص يا مولانا , احنا مش دولة خِلْقه عن بقية مخاليق ربنا , اللي حصل عند
غيرك كان المفروض بصورة قاطعه يحصل عندك , يعني ايه ؟ يعني توصل للمرحله ان أمريكا
و روسيا و تركيا و ايران يتفاوضو على مستقبل بلدك السياسي في أوضة مكيفه في جينيف مثلا
؟ أو توصل لمرحلة انه يبقى عند خمس ست حكومات على جيشين تلاته و تقعد تضرب أخماس في
أسداس عشان بس تعرف مين فيهم خاين و مين لا , أو توصل للمرحله و الحاله اليمنيه , عرفت
ليه 30 يونيو ؟ و من غير تقديس ولا حاجه , عشان المقدس و المهم و الخط الاحمر اسمه
مصر , و جيشها العظيم .
.................................................................................................................................
Mohamed
Hussein
23
يناير 2017·
إنهم يركبون الحمير
دائما , و لكن كيف يعني how ? .
.
بص يا سيدي , هتلاقي
مثلا واحده زي اسراء عبد الفتاح ( أحد افرازات يناير ) , ناشطه سياسيه و نضاليه و أيقونه
لحد ما نلاقي أيقونه , المهم خالتك اسراء كاتبه ايه بقى ؟ كاتبه : لا لنقل السفاره
الأمريكيه إلى القدس !! .
.
طب تمام , دي خالتك
اسراء , اومال مين الحمير ؟ الحمير يا مولانا هما اللي يقرو ( البؤ ) ده و يعتقدو إن
صاحبة ( البؤ ) مهتمه أوي بالقضيه الفلسطينيه و القدس و بتتشحتف طول الليل عشان خاطر
موضوع نقل السفاره الأمريكيه , و أه يانا يامّه يانا يامّه .
.
الحمير يا مولانا
هما اللي بيبلعو الطعم بتاع عداوة ترامب للعرب و القضيه الفلسطينيه على اعتبار ان هيلاري
كلينتون بقالها 6 سنين فارشه بسبح و سجاجيد صلاه في المنطقه و لو كانت فازت بالرئاسه
الأمريكيه كانت أول حاجه هتعملها هي انها تتكفل بكسوة الكعبه و تطرد الصهاينه من أرض
العرب و تقولهم امشي ياد انت و هو من هنا ياولاد السنجل ماذر , يا سن أوف بيتش .
....................................................................................................................
Mohamed
Hussein
23
يناير 2017·
الجاسوسيه و العماله
و الأسئله الأكتر نطاعه .
.
(( قتلتو ريجيني
ليه ؟ هو احنا قصّرنا معاكو في حاجه ؟ )) , جمله من أكتر الجمل نطاعه و انحطاط في أخر
6 سنين .
.
مين بقى ريجيني
و مين اللي قتله و ايه حكايته ؟ ريجيني مش جندي مصري كان بيحمي أرضنا في سينا و بعدين
اتقتل غدر برصاص الإرهابيين , ريجيني شاب ايطالي جاسوس كان بيشتغل لصالح المخابرات
البريطانيه , و اللي قتله هو اللي بيشغله , مصر و ايطاليا عارفين كده , و لوي الدراع
تم لأسباب اقتصاديه , و نقطه يعني فلستوب .
.
يا عم جاسوس ازاي
؟ ده مش شكل الجواسيس اللي نعرفها و نسمع عنها , لا شوفناه لابس بالطو طويل ولا ماسك
جرنان مخروم ولا عنده جهاز كده شكله غريب بيقعد يتكتك عليه عشان يبعت الرساله المشفره
؟ ممممممممم اقعد على جنب يا حماده .
.
الجاسوسيه و العماله
في العصر الحديث مالهمشي اي علاقه بالشكل التقليدي جدا اللي بتشوفه في الأفلام و بتقراه
في الروايات .
.
الجاسوسيه و العماله
لها مراكز شيك معتمده برعاية الشيطان الأعظم ( أمريكا و بريطانيا ) , زي مراكز حقوق
الإنسان و المراكز البحثيه و منظمات اللامؤاخذه المجتمع المدنى و الجرايد و القنوات
يعني الإعلام , دي أدوات العماله الحديثه , و التمويل بيبقى في صورة مرتبات فخمه و
مكافئات و حوافز بشكل رسمي , يعني على عينك يا تاجر , و ريجيني الإيطالي فيه زيه كتير
مصريين .
.
طب سيبك من الايطالي
و قولي , يعني ايه تكون جاسوس أو عميل مصري لخدمة الشيطان الأعظم و انت عارف ( او مش
عارف ) ؟ يعني تشتغل في المنظمات دي و تسافر مؤتمرات و تتدرب و تقبض بالدولار , و دورك
اللي انت عارفه ( او مش عارفه ) هو جمع معلومات و عمل تقارير ( حسب الطلب ) , و على
طريقة ( و شهد شاهدٌ من أهلها ) , و تطلع تتكلم بلسان مصري و تقول الفاشيه و الداخليه
اللي بتاكل دراع العيال الصغيره , و تاخد القرشينات , و ممكن في لحظه من اللحظات نستخدمك
في تهييج الرأي العام و عمل تقارير مضروبه .
.
طب ليه مش بنحاكم
اللي بيعمل كده ؟ نحاكمه بتهمة ايه ؟ انه بيشتغل صحفي في الجارديان مثلا ؟ ( ههههههههه
و نزعل صاحبة الجلاله و كده ؟ ) ولا تحاكمه بتهمة انه بيشتغل ناشط حقوقي و بيهتم بحقوق
الإنسان و العصافير ؟ , يابني اقعد على جنب , دي أصول اللعبه , إجرام في شكل قانوني
و شيك لابس بدله و كرافته و برعاية الشيطان الاعظم .
.
هي دي الحدوته
باختصار اللي ممكن تجاوب على 50 سؤال في ذهنك لو فهمتها , اللعبه كلها لعبة عقل , و
حلها و القضاء عليها و مواجهتها عندي انا و انت , عندنا احنا كمواطنين مش عند الدوله
, اننا نفهم و نستوعب و ندرك , و نبطّل ندق عصافير على دراعنا و نعمل من شوية خونه
و ( خواجات ) أبطال و رموز و أيقونات .
..........................................................................................................................
Mohamed
Hussein
22
يناير 2017·
كولجي صغير : هو
مفيش دعوات للتظاهر ليه في 25 يناير السنادي ؟ .
- كولجي كبير
: عشان هيلاري كلينتون مشيت .
.
كولجي صغير : مش
فاهم , ايه علاقة هيلاري كلينتون بثورتنا و مظاهرتنا و حريتنا و ميدان التحرير و شارع
محمد محمود و دموع وائل غنيم و شبشب أسماء محفوظ ؟! .
كولجي كبير : مممممم
عارف نفق الشهيد أحمد حمدي ؟ .
.
كولجي صغير : أه
عارفه .
كولجي كبير : قبل
منه واحد بتاع عصير .
.
كولجي صغير : ماله
بتاع العصير ده ؟ .
كولجي كبير : وحش
, ماتبقاش تشرب من عنده .
.
كولجي صغير : أه
فهمتك فهمتك , انت تقصد ان 6 ابريل حركة نضال جبّاره و البرادعي رئيس جمهورية الضمير
, و زياد العليمي يبقى حد عظيم لأنه قال عالمشير طنطاوي انه حمار ؟! .
كولجي كبير : اه
طبعا , و طنط ساميه شنن رمز للنضال في معتقلات العسكر .
.
كولجي صغير : طب
و بالنسبه لباراك أوباما ؟
كولجي كبير : مممممممم
عارف نفق العروبه ؟! .
.
كولجي صغير : أه
عارفه .
كولجي كبير : قبل
منه واحد بتاع شاورما , بتلاقيه حاطط سيخ كبير بره .
.
كولجي صغير : ماله
السيخ ده ؟ قصدي ماله بتاع الشاورما .
كولجي كبير : لا
ده حلو , ابقى إلبسه , قصدي ابقى كل من عنده .
......................................................................................................................
Mohamed Hussein
22
يناير 2017·
يناير 2015
- احنا نعمل قنوات
و جرايد في تركيا و قطر و بريطانيا و أمريكا و نصرف مليارات و نروح الكونجرس و نتحالف
مع الشيطان و نغسلّه رجليه كل يوم قبل ما ينام , جايزنعرف نوقّع السيسي .
.
ممممممممممم هو
ماوقعشي ليه ؟ .
.
يناير 2016
- طب خلاص احنا
نعمل ثورة و مظاهرات عارمه و نجيب الكولجيه و بتوع 6 ابريل و الواد عربي كونته و سيد
كيتو و نلم الشامي و المغربي و العويسي و المنجاوي و ننزل الشوارع و نزنزن الزنازين
و نعمل اضرابات و اعتصامات و عصيان مدني و حبشتاكانات جايز نعرف نوقع السيسي .
.
مممممممممممم هو
ماوقعشي ليه ؟
.
يناير 2017
- خلاص بقى مابدهّاش
, احنا نجيب شوية تعاويذ و عمل سفلي و عمل علوي و زينات علوي , و ديل سحليه يتيمه و
رجل غراب أسود دكر يكون مولود على 3 بنات , و قرن خروف يكون عضو رسمي في التنظيم ,
جايز نعرف نوقع السيسي .
.
مممممممم هو ماوقعشي
ليه ؟ .
.
يناير 2018
- كده مفيش قدامنا
حل غير اننا نكشف راسنا و نقعد قدام سيدنا الحسين و ندعي و نكنس عليه الأوليا .
.
.
(( مشهد البؤساء
, من رواية الحب في زمن الكوله )) ..
.......................................................................................................................
Mohamed
Hussein
22
يناير 2017·
يعني الراجل ماقدروش
عليه بانتخابات و صناديق و لا بحشد و مظاهرات و لا بقنوات و جرايد تتفتح في تركيا و
قطر و بريطانيا و أمريكا و مليارات تتصرف , قامو قررو أخيرا انهم يستعينو بالدجل و
الشعوذه و شمهورش و كتكووووووت ؟! .
.
من سنتين أعضاء
و بهاليل الجماعه الإرهابيه عملو مظاهره تقريبا كانت في المطريه و كان فيها 40 نفر
, جه البوكس لمّهم كلهم , و هما جوه البوكس بقى اكتشفو إن ال 40 نفر دول نصهم مباحث
!! .
.
فعايز أقول لحبايبنا
الحلوين بتوع كتكوت و رجل الديك اليتيم و مناخير الضفدعه الوحدانيه , لو عرفتو تحضّرو
شمهورش يعني , ده لو عرفتو , ماتبقوش تتخضو لما تكتشفو ‘إن شمهورش نفسه شغال تبع الأمن
الوطني .
...................................................................................................................
Mohamed
Hussein
21
يناير 2017·
إني أرى رؤساً
قد أينعت و حان قطافها .
يالله خلّيها تنضف
, و اللي مايجيش بعصاية موسى , ييجي بكرباج الرقابه الإداريه .
.........................................................................................................................
Mohamed
Hussein
21
يناير 2017·
الخبز قبل الحب
أحيانا
.
وزارة التموين
: نستهلك 18 مليون طن قمح سنويا و ننتج 7 مليون طن فقط !! .
.
بص حضرتك
- 18 مليون طن
يعني 18 مليار كيلو قمح , قيمتهم السوقيه أكتر من 100 مليار جنيه , تخيل بناكل عيش
و كرواسون ب 100 مليار جنيه ؟ طب تخيل الدوله بتدعم القمح بكام في السنه عشان في النهايه
يفضل رغيف العيش المدعم بشلن ؟ فاكر الشلن ؟ اه ال 5 ساغ .
.
- و بننتج 7 مليون
طن معناها اننا بنستورد 11 مليون طن قمح , خبر عادي خالص , بنستورد 11 مليون طن قمح
, لا طبعا مش عادي , عادي ازاي ؟ انا بكلمك عن القمح مش فوانيس رمضان و الكاجو و الفزدق
و اللزدق .
.
- طب يعني ايه
القمح بقى ؟ القمح محصول بيتزرع في الشتا زي الأيام دي كده , زرعه شتويه , و الأرض
الزراعيه بتاعتنا محدوده ( و بتقل ) , و في الشتا هتلاقي الفلاحين ( اللي انا منهم
) بيقسمو أرضهم في الزراعه مابين القمح و البرسيم و أحيانا الفول , هيزرعو برسيم ليه
؟ عشان المواشي اللي بيربوها , الثروه الحيوانيه .
.
- طب ايه خطورة
الخبر نفسه و أهميته أوي كده ؟ عشان القمح مش سلعه , القمح سلاح , إما تمتلكه في إيدك
أو يفضل في إيد عدوك , تمتلكه في ايدك ازاي ؟ ماقدمناش اختيارات كتير ولا حتى رفاهية
الإختيار , الصحرا لازم تتزرع قمح بأي طريقه , بمشروع ال 4 مليون فدان بتاع السيسي
اللي هيكمل بإذن الله , ممكن بمشروع فاروق الباز بتاع زراعة الصحراء الغربيه قمح على
ماية المطر , ممكن بالفكره المصريه اللي بدأنا تطبيقها بتاعة زراعة القمح مرتين في
السنه .
.
- طب لو معملناش
كده يحصل ايه ؟ ولا حاجه يا مولانا , تفضل رقبتك في إيد الخواجه , و لما الخواجه يحب
يخلص منك فهو مش مضطر يبعت لك طيارات و صواريخ , يكفيه إنه يمنع عنك القمح بس و انت
هتموت لوحدك .
.
- يعني ماينفعش
نتريأ على مشروع زراعة الصحرا بالقمح بتاع السيسي و المشاريع المماثله و نقول أهم حاجه
تنمية الإنسان و الحريه لفلان و فلان أمير القلوب و حلب تحترق ؟ مممممممممم لا حضرتك
طلبك مش عندي , اسأل هناك في الأوضه اللي في أخر الطرقه عند مدام سينجل ماذر .
................................................................................................................
Mohamed
Hussein
20
يناير 2017·
في أمريكا تقارير
و تصريحات من مسئولين كبار بتتهم روسيا إنها أثرت على نتيجة الإنتخابات الامريكيه و
استطلاعات الرأي , و إن الروس كان لهم دور في خسارة هيلاري كلينتون , و لما الأمريكان
حبو يحتفلو قبل تنصيب ترامب و يكتبو USA
بالألعاب الناريه في سماء واشنطن كتبوها USR ( الولايات المتحده الروسيه ) .
.
واضح إن أمريكا
عجّزت أوي , و في لحظه معينه هنكتشف إن البعبع الأمريكي كان عباره عن وحش ضخم مصنوع
من غزل البنات ( الحلاوه النيفا ) , و ده يبقى منحنى الهبوط , طبيعة الأشياء , كعادة
كل القوى العظمي في التاريخ , خصوصا لما القوه العظمى تتهطل و تستحمر و تفتح على نفسها
مليون جبهه و تخلق لها في كل خرابه عفريت و تعيش بمبدأ : أنا ربكم الأعلى .
.............................................................................................................
Mohamed
Hussein
20
يناير 2017·
أصدقائي الأعزاء
, إني استخرت الله و قررت إني أعمل كتاب ساخر عن الأحداث و المعجنه اللي حوالينا (
و في عقولنا ) , و ذلك بعد نصيحه صادقه من عدد كبير جدا و لفيف و جحافل من الأصدقاء
( بتاع تلاته أربعه كده ) .
.
سامعك ياض انت
ياللي بتقول , يا عم هي المشرحه ناقصه قُتله ؟ , اه سامعك و عارفك و هجيبك , اسحبو
منه إزازة الحاجه الساقعه ( سوء استماع و سخريه ) .
.
و حيث اني راجل
ديموقراطي أؤمن بالديموقراطيه و بحبها جدا و بعشق ضفايرها و غمازاتها , فقد قررت إني
أخد رأي حضراتكو في فكرة الكتاب , قولو رأيكو بكل حريه و صراحه , هل أنت مؤيد للفكره
, أو مؤيد تماما , او مؤيد أوي جدا خالص .
.
و كمان من باب
الديموقراطيه و المشاركه , ممكن حضراتكو تقترحو إسم للكتاب , و طبعا أي إسم تقترحوه
مش هينفع لأني ليا تصور تاني خالص لموضوع الإسم .
................................................................................................................
Mohamed
Hussein
20
يناير 2017·
ترامب يتجه إلى
الكنيسه لأداء الصلاه قبل التنصيب الرسمي !! .
.
كلمة التنصيب دي
أصلا ممكن تقراها بحذف حرف أو حذف حرفين .
.
هتحذف حرف ( التاء
) بس و تبقى ( النصيب ) لو كنت من الناس ( الطيبين أوي يا خال ) اللي بتعتقد إن السياسه
الأمريكيه بتدار بطريقه عشوائيه و بختك يابو بخيت و احنا و حظنا بقى , يمكن يجيلنا
واحد طيب و كيوت و حنين و قلبه قلب خسايه !! .
.
انما لو بتفهم
سياسه و عارف أمريكا بيديرها مين بالظبط و ماشيه ازاي ؟ هتعرف ان كلمة التنصيب لازم
يتحذف منها حرفين , التاء و الياء .
و يبقى الخبر يتقري
صح بالشكل ده , ترامب يتجه إلى الكنيسه لأداء الصلاه قبل ( النصب ) الرسمي .
.
انا و الله كل
عشمي ان مولانا ترامب و هو في داخل الكنيسه ماتضربشي في دماغه كده و يقوم قايل ( السلام
عليكم ) , بلاش و النبي يا مولانا , ماتقولهاش , مش عايزين السلام عليكم دي ( ماهي
القلوب مسلّمه من بدري ) , أصل لنا واحد صاحبنا قالها و بعدين حرق نص الكره الأرضيه
.
.............................................................................................................................
Mohamed
Hussein
20
يناير 2017·
خبر لذيذ أوي
, تاجر حشيش جاب صفقة حشيش كبيره و سمّاها ( توكلت على الله ) , بيقول عشان ربنا يبارك
لي فيها و مايتقبضشي عليا , بس اتقبض عليه !! , تلاقيك ماكنتش متوضي و انت بتسمّي الصفقه
يا مولانا .
.
الخبر ده مش مفاجأه
بالنسبالي , الحدوته كلها بتمشي بالعدوى , و العدوى هنا اسمها ( التجاره بدين ربنا
) , التجاره بالله مش مع الله .
.
الإرهابي اللي
بيقتل و يفجّر و يحرق محولات كهربا و الإرهابي اللي بيدعمه بالتأييد و التفنيد و حتى
الدعم المادي و طريقة شرح عمل قنبلة بدائية الصنع !! , مستحيل هتدخل صفحته عالفيس إلا
و تلاقيها مرشقه بأيات قرأنيه و أدعيه , و طبعا صوره و هو بيصلي و هو بيحج و شوية كلام
من اللي بيخلي الناس يتشحتفو .
.
و الموظف الحرامي
المرتشي اللي السبحه مش بتفارق إيده , مابينساش أبدا انه يعمل عمره كل سنه و يحج كل
سنتين تلاته و طبعا موائد الرحمن أساسي , عشان ربنا يبارك له في الرشوه و الفلوس اللي
سرقها .
.
و الشيخ الضلالي
البهلول بتاع الجهاد و البكاء و الشحتفه , اللي عمل عشرات الملايين من خطابه الديني
الضلالي , و سكن في فيلل و قصور و رمى شباب جاهل في سكة الإرهاب تحت مسمى الجهاد و
حور العين اللي مستنيين على نار .
.
و مولانا تاجر
الحشيش بتاع صفقه ( توكلت على الله ) , مفيش فرق , تجاره بالدين , شيزوفرنيا النصابين
و الإرهابيين و اللصوص , اللي في النهايه يلزمها شريحه معينه أو قطيع معين من الشعب
بتخدعهم الصوره في الحرم أو الدقن الجميله أو موائد الرحمن أو كلمتين في الدين أو فلان
ده مسمي بنته عائشه مع إنه ارهابي و ابن كلب ( مش عارف هيفرق معايا ايه اسم بنته عائشه
ولّا جولدا مايير ؟ ) .
.
شريحة البلهاء
دي هي الخطر الأكبر على مصر , و الحل لازم يكون عند الدوله , الثقافه و التوعيه , للبيت
و الجامع و المدرسه و الإعلام و الدراما , مطلوب خطة شامله متكامله للمواطن من يوم
ما يتولد يتعلم و يفهم و يستوعب , ماتخليش حد يضحك عليك بإسم الدين , ماتخليش حد يركبك
, ماتبقاش حمار , الحمير لا يدخلون الجنه , الحمير يدخلون الزريبه و الزريبه مفهاش
حور عين , الزريبه فيها مداود و مختمه و تبن و برسيم .
