صباح الخير , نكته
سمعتها من فتره وعجبتني أوي , قالك يا سيدي كان فيه طفل غبي أوي اسمه ( بيتر أو
حموكشه مش فاكر ) , المهم الطفل ده راح المدرسه ومدرسة الفصل حاولت تفهمه أي حاجه
مقدرتش , اتصلت بأهله وقالت لهم تعالو خدو ابنكو لأنه غبي أوي , الأهل هاجو وماجو
لكن مكانشي قدامهم حل غير إنهم يطلعو الولد من المدرسه دي , وتفوت سنين وتجري سنين
والمدرِّسه تكبر وبيتر يكبر , المدرِّسه تعبت ودخلت المستشفى , العنايه المركزه ,
كانت حالتها صعبه جدا , وفيه دكتور شكله غريب شويه واقف جنبها بيحاول ينقذ حياتها
, عمل كل اللي يقدر عليه بس الست ماتت , يشاء السميع العليم ( شوف الصدفه الغريبه
؟ ) إن بيتر كان موجود في اللحظه دي في غرفة العنايه المركزه , بيتر كبر وما شاء
الله بقى هو عامل النضافه اللي شد فيشة جهاز التنفس الصناعي عشان يحط فيشة المكنسه
, وعشان كده المدرسه ماتت !!.
في ثورة يناير , كان فيه ثوار كتير نموذج للطفل بيتر ( الغبي أوي ) اللي لبسنا في حيطه اسمها الإخوان , وفاتت سنه واتنين انقطعت فيهم أخبار بيتر , أتاريه لسه عايش ورجع الميدان عشان يشد فيشة جهاز التنفس الصناعي عن المدرِّسه وتموت ( لاقدر الله ) , بيتر راجع تاني يسلم البلد للإخوان ( شركاء الوطن ) على طريقة هاني رمزي في فيلم غبي منه فيه ( أنا معاك يا معلم ) !!
في ثورة يناير , كان فيه ثوار كتير نموذج للطفل بيتر ( الغبي أوي ) اللي لبسنا في حيطه اسمها الإخوان , وفاتت سنه واتنين انقطعت فيهم أخبار بيتر , أتاريه لسه عايش ورجع الميدان عشان يشد فيشة جهاز التنفس الصناعي عن المدرِّسه وتموت ( لاقدر الله ) , بيتر راجع تاني يسلم البلد للإخوان ( شركاء الوطن ) على طريقة هاني رمزي في فيلم غبي منه فيه ( أنا معاك يا معلم ) !!
على خيرة الله بقى , الإخوان بدأو يتحركو بأتوبيستهم من الأقاليم , ومظاهراتهم طالعه من الجامعه , نداء إلى ثوار محمد محمود وابراهيم عبد الرازق و شارع الزهراء و شارع عين شمس الرئيسي ذات نفسه , افتحو ميدان التحرير عشان الإخوان جايين يحيو معاكو ذكرى محمد محمود , قابلوهم بالورود والأحضان , متنسوش إنهم شركاء في ثورة يناير وثورة 19 والثوره الفرنسيه , أبو الفتوح كمان وحزب مصر القويه أعلنو نزولهم , خدوهم في حضنكو يا ولاد , إيد واحده , ومتنسوش إن أبو الفتوح مش إخوان حتى اسألو الأستاذ بلال فضل , والجزيره نازله تصور , و زي مانتو عارفين الجزيره هي الراعي الرسمي للثوره , ومملوكه للحكومه القطريه اللي هتحرر القدس بإذن واحد أحد , أستاذ وائل قنديل المناضل الشريف هيبقى موجود في الجزيره مباشر عشان يسترجع الثوره , اللهم صل عالنبي , اللهم صل عالنبي , واحد اتنين تلاته أربعه ......مممممممم إنتو عددكو دلوأتتي 870 شخص يعني تقريبا 3 مليون ونص , ولما الإخوان ييجو هتبقى 17 مليون و291 ألف و 37 متظاهر ونص .......اهتفو بقى بسقوط النظام المؤقت , اللي كل مهمته إنه يعمل لك دستور وانتخابات يعني مش مطلوب منه يصنع لنا مركب فضائيه ولا يحل مشكلة الزباله .
أهم حاجه للثوار , متنساش تاخد التابلت معاك وتتصور , وتبعت صورك عالفيس بوك , اكتب تحت كل صوره ( يسكت يسكت حكم العسكر ) , ألف مبروك يا بني , انت طالما اتصورت وهتفت الهتاف النموذجي تبقى بقيت ثائر أد الدنيا ...ألف ألف مبروك رمضان ابو العالمين حموده !!.
الحكايه باختصار
.
الثوار هينزلو التحرير عشان يحيو ذكرى محمد محمود , وهيعملو من نفسهم ملاهي ومراجيح كالعاده , بعد شويه الإخوان هينزلو يركبو المراجيح دي تحت شعار ( التحرير لاند ...ليه نركب مره لما ممكن نركب مليون مره ) !!.
أتدرين مَنْ هو سقراط يا صفيه ؟!.
.
أهو سقراط بقى لو كان عايش النهارده وشاف الإخوان نازلين يحيو ذكرى محمد محمود ويرفعو شعار رابعه في التحرير , وشاف الثوار بيهتفو بسقوط نظام حكم مؤقت كل دوره يعمل دستور وبرلمان كان زمانه بطّل يتفلسف على مخاليق ربنا , وخدها من قصيرها وراح فتح مسمط , كتب عليه من بره :
.
((( مسمط المعلم سقراط وشركاؤه ( أفلاطون وأرسطو وجان جاك روسّو وأيمن يونس !! ).
يوجد لدينا طواجن ليِّه ولسان ومخاصى ولحمة راس والعياذ بالله !! .
الممبار عندنا بالمتر مش بالكيلو يا بني أدمين ))) .
.
وفي ساعة الضهريه لما يكون المحل بينش كده ومفهوش صرّيخ ابن يومين , والمعلم سقراط يكون زانق المزّه اليونانيه بتاعته في المطبخ جنب البوتاجاز , تلاقيه قفل الباب الإزاز وعلق وراه لوحة ( مغلق للصلاه ) !!.
إيه ؟ عندك اعتراض ؟ بلاش الراجل يصلّي يعني ؟ إكفر بقى بدين ربنا وبثورة يناير !!.
.
وانت معدي جنب المطعم ( وهو مغلق للصلاه) هتسمع صوت مارجريتا ( المزه اليونانيه ) وهي بتقول للمعلم ( إنت مش بيعرف يعمل كويس يا معلم ) !!.
وبعدين يرد عليها سقراط بصوت واطي ( سامحيني يا بنت الناس , الواحد مزاجه متعكر أوي , دانا كنت فيلسوف أد الدنيا وصيتي مسمّع في بر أوروبا كله , الله يلعنه مكتب التنسيق هو اللي رماني الراميه السوده دي .
.
بقولك يا مارجريتا , ما تيجي نحيي ذكرى محمد محمود , وانا اشوف المصور بتاع الجزيره فين واقف قدام الكاميرا وارفع شعار رابعه وانتي تيجي تقفي جنبي وتشيلي يافطه صغيره مكتوب عليها ( يسقط يسقط حكم العسكر ...مع تحيات مسمط المعلم سقراط وشركاؤه ).
.... أهو نعمل دعايه مجانيه للمحل بدل وقف الحال ده .
.
.
تنبيه هام : أشخاص وأحداث هذا البوست ربما لا يمتّون للواقع بأي صله !!.
برادلي حط التشكيل يا ولاد , على طريقة يا صابت يا نتغلب 9 صفر نياهاهاهاها .
أنا هشوف أول ربع ساعه من الماتش , ولو لقيت فيه أمل هكمل وادعي ربنا ولو حسيت إننا هيتعمل علينا حفله هقفل التلفزيون من أول ربع ساعه وهعمل نفسي هندي من كيرلا لمدة 3 أيام , وكل ما حد يكلمني ههز دماغي واقول له ( نيها , ناهي , أتشه, ....) , أهو يعني لحد ما الموجه تعدي ...
.
استقر الأمريكى بوب برادلى، المدير الفنى لمنتخب مصر، على خوض مباراة غانا بعد قليل بتشكيل مكون من أحمد الشناوى وسيد معوض ومحمد نجيب ورامى ربيعة وحازم أمام فى الدفاع، وأحمد فتحى وحسام غالى ومحمد صلاح ومحمود كهربا فى الوسط، و محمد أبو تريكة وعمرو زكى فى الهجوم.
صباح الخير , وقالي
متخافش إحنا الثوار هنسيطر كويس أوي على ميدان التحرير ومحمد محمود و هنمنع أي
خروف إخوانجي إنه يدخل ميدانا الطاهر ( قلت له تصدق إنت أبهرتني , روح يا شيخ ربنا
يعمر بيتك على رأي زكي رستم ) .
.
وبس بقى , نُصب تذكاري للشهدا اتكتب عليه شعارات رابعه , وعيال واقفه بإشارة رابعه وعلم مصر بيتحرق في الميدان !! .
.
رجعت له تاني وسألته , يا ثاير يا ثاير , إنت مش قلت هنسيطر عالميدان يا عمنا ؟ شكلك مكنتش مسيطر !! .
قالي لأ والله كنت مسيطر , بس الإخوان ولاد التيت دخلو وركبونا زي كل مرّه , إنما اعمل حسابك المره الجايه هسيّطر وكلمتي لا ممكن تنزل الأرض أبدا .
.
علم مصر بيتحرق في أرض مصر يا بني أدمين , عبد الناصر لو كان عايش كان نفخ اللي عمل كده هو وابوه وامه ( اللي معرفوش يربوه ) والشارع اللي سكن فيه , ومفيش مانع كان يعلن الأحكام العرفيه في المدينه اللي جاي منها الحيوان ده ويحاصرها , لحد ما ينفخهم واحد واحد .
.
عارف طبعا إن فيه واحد اسمه ميمي هيسألني ( يا سلام ؟ وهو عشان علم مصر اتحرق المفروض نعمل كده ؟ دي حرية شخصيه يا أخي !! ).
أه يا ميمي عشان علم مصر اتحرق المفروض نعمل كده وأكتر , بس هفهمك إزاي واقولك إيه وانت ميمي , هدعي عليك يعني ؟ مش كفايه ربنا خلّاك ميمي ؟ , هو فيه عقوبه ربانيه للبني أدم أكبر من إنه يكون ميمي والعياذ بالله ؟!.
.
وبس بقى , نُصب تذكاري للشهدا اتكتب عليه شعارات رابعه , وعيال واقفه بإشارة رابعه وعلم مصر بيتحرق في الميدان !! .
.
رجعت له تاني وسألته , يا ثاير يا ثاير , إنت مش قلت هنسيطر عالميدان يا عمنا ؟ شكلك مكنتش مسيطر !! .
قالي لأ والله كنت مسيطر , بس الإخوان ولاد التيت دخلو وركبونا زي كل مرّه , إنما اعمل حسابك المره الجايه هسيّطر وكلمتي لا ممكن تنزل الأرض أبدا .
.
علم مصر بيتحرق في أرض مصر يا بني أدمين , عبد الناصر لو كان عايش كان نفخ اللي عمل كده هو وابوه وامه ( اللي معرفوش يربوه ) والشارع اللي سكن فيه , ومفيش مانع كان يعلن الأحكام العرفيه في المدينه اللي جاي منها الحيوان ده ويحاصرها , لحد ما ينفخهم واحد واحد .
.
عارف طبعا إن فيه واحد اسمه ميمي هيسألني ( يا سلام ؟ وهو عشان علم مصر اتحرق المفروض نعمل كده ؟ دي حرية شخصيه يا أخي !! ).
أه يا ميمي عشان علم مصر اتحرق المفروض نعمل كده وأكتر , بس هفهمك إزاي واقولك إيه وانت ميمي , هدعي عليك يعني ؟ مش كفايه ربنا خلّاك ميمي ؟ , هو فيه عقوبه ربانيه للبني أدم أكبر من إنه يكون ميمي والعياذ بالله ؟!.
تمام كده , إستشهاد 10 مجندين وإصابة 35 أخرين , العدد بيزيد و الحسّابه بتحسب , أكيد الجش هو اللي فجّر الأتوبيس بتاعه , زي ما الداخليه من يومين قتلت المقدم بتاعها , أكيد يا ناشط , طيب إنت عيل ولا مؤاخذه وابوك وأمك عارفين إنك ولا مؤاخذه وساكتين وراضيين وبيقولو أهو بيرجع لنا أخر اليوم بقرشين , ذنب البلد دي ايه إن ربنا ابتلاها بيك ؟!.
.
ثورة إيه يا ولاد الكلب اللي بيتحرق فيها علم بلد و يتقتل جنود غلابه كل ذنبهم إنهم راحو يحمو أرضك وعرضك يا ع** ؟!.
مفيش تويته من البرادعي ؟ , طيب الجزيره مجابتشي تقرير عن الموضوع ؟ طيب الأستاذ وائل قنديل المناضل الشريف مكتبشي مقاله يدين فيها ويشجب ؟ طيب مش هنعمل إشاره لجنودنا اللي ماتو وبيموتو كل يوم ونبقى نرفعها في الملاعب ونقول حريه شخصيه ؟!
.
يا عبد الفتاح الزفت
مش أغنيه هي يا سيسي , عرفنا إن مصر فيها إرهاب , بوم ومعشش في ترابها , استرجل بقى وبلاش أم التردد ده , مصر محتاجه فورا زعيم زي عبد الناصر , وانت معاك تفويض من الشعب نعملك ايه تاني ؟ , إنفخ ولاد الكلب وسيب لنا النحانيح متقلقش منهم , دول أخرهم ينضربو بمبرد الضوافر , يا إما بقى تسيب البلد للبرادعي و احمد ماهر ونقضيها نحنحه و مليطه .
حاول تركّز !!
.
ولما هتسأل أي خروف إنتو حرقتو علم مصر ليه ؟ هيقولك مش احنا يا عم , هتقول له طيب بترفع شعار غير علم مصر في البطولات ليه وبتغني ( يا أوسخ إسم في الوجود يا مصر ) ؟ هيقولك أه ما هي بلد بنت كلب ومتلزمناش ....اسأله تاني بقى انت حرقت علم مصر ليه ؟ هيقولك أصلها بلد بنت كلب ومتلزمناش !! .
.
ولما تسأل أي نحنوح إنت متعاطف ليه مع اللي حرقو علم مصر ؟ هيقولك محصلش ومش متعاطف معاهم ...هتقول له طيب ليه تعاطفت مع اللي رفع شعار رابعه بدل علم مصر في بطوله دوليه وغنى ( يا أوسخ إسم في الوجود ) ؟ هيقولك هما أحرار حريه شخصيه ...اسألو تاني بقى انت متعاطف مع اللي حرق علم مصر ليه ؟ هيقولك أيوه متعاطف , هما أحرار ...حريه شخصيه !!.
.
هي دي الخلاصه , الإنكار في الأول وبعد كده إنكار إنه أنكر , دي الميزه المشتركه بين الخرفان والنحانيح .
.
اللهم أهلك الخرفان بالنحانيح وأخْرِج مصر من بينهم واحد صحيح !!
رساله موجهه ( على المشاع ) !!.
.
بص يا صاحبي , محسوبك العبد لله ده عاش طفولته وشبابه تحت خط الفقر ب 19 خط تقريبا , كنا أحيانا بنتغطى ب ( خيش ) لما تكون الدنيا برد أوي , وكان التعريف العلمي للجبنه بالنسبالي ( إنها جسم مخروطي أبيض اللون ) , مكنتش أعرف إن فيه جبنه صفرا , التلفزيون دخل بيتنا وانا عمري 13سنه , وياما نزلت الترعه وانا في اعدادي الساعه 12 بالليل في ( بؤنه ) عشان أسّلك ) مايه لماكنة الري لما تكون الترعه مفهاش مايه .
.
الهامبورجر شوفته أول مره بعد ما خلصت جامعه وجيش وأول ما شوفته قلت سبحان الخالق , واشتغلت وانا صغير في أدنى المهن الشريفه اللي ممكن تتخيلها , لو حكيت لك مش هيكفيني ألف سطر , الغرض عايز أقولك إن عودي ناشف أوي ( مش طري يعني ) ونَفَسي طويل , وبصبر على حلمي صبر أيوب لحد ما يتحقق .
.
لما حصلت ثورة يناير قلت يا فرج الله , يا مانت كريم يارب , أخيرا الغلابه في البلد دي هيلاقو عيشه كريمه .
ولما بدأنا في طريق الديموقراطيه أمنت بيها أوي , مش عشان جمال عيونها ولا عشان عندها غمازات و لا هي هدف وغايه في حد ذاتها , إنما هي طريق شوفته بعيني هيوصلنا للعدل في توزيع الثروه , وبالتالي توصل للغلبان الفقير .
.
إوعاك تكون فاكر إن ربك الأعلى اللي عايش في فيينا يعرف الغلابه في مصر ويحس بيهم زي اللي عاش واتربى وسطيهم , معلومات سيادتك انت شخصيا عن الغلابه غالبا تكون عرفتها من فيلم الأرض ومسلسل الوسيه , فبلاش تزايد علينا في موضوع الديموقراطيه وحقوق الغلابه .
.
إنما ماتوصلشي بيك الوقاحه إنك تبرر لقتل جنود مصر وحرق علمها , ملعون أبوها الديموقراطيه لو كانت هتمشينا في السكه دي , لو انت نفسك ميّلت على واحد غلبان في مصر وقلت له اختار ( تفضل غلبان وجعان ولا ممكن تغتني شويه بس بشرط إن فيه احتمال لمصر تتقسم أو كنيسه تتحرق كل كام يوم أو كام ألف جندي يتقتلو ) , إسمع بقى من الغلبان الرد , الغلبان اللي جزمتك المقطوعه برقبة سيادتك اللي فيها سلسله !!.
.
باختصار , الديموقراطيه هي فستان فرح لأي بنت في الدنيا بتتمناه , بس مينفعشي تجيب بنت عندها الزايده ملتهبه وتقول لها البسي الفستان الأبيض وافرحي بقى , تبقى انت البعيد بهيم , الأول هنودي البنت المستشفى ونشيل الزايده الملتهبه اللي ممكن تنفجر في أي لحظه وتموتها ...وبعد كده نلبسها الفستان الأبيض , مفيش بنت بتموت لو اتأخرت شويه في لبس فستان العروسه , إنما الزايده الملتهبه تموتها .
.
لما بشوفك وانت حافظ كام شعار وعمّال بترددعم بغشم , بحس إني قدام ( الغبي المثقف ) .... وبفتكر كلام ربنا ( كمثل الحمارِ يحملُ أسفارا ) !!.
أي كيو !!.
.
هبسّط لكو الحكايه خالص , عشان اكتشفت إن فيه ناس مستوى ال i.q بتاعها يعادل درجة الحراره في دولة اسكت لنده !!.
.
بقى يا سيدي صلي عالنبي عليه الصلاة والسلام , كان فيه 4 شباب ماشيين كده في شارع بالليل , ولمحو بطرف عنيهم واحد بلطجي بيغتصب واحده وهي عماله تصرخ وتستنجد بالناس .
.
أول واحد من الأربعه وقف على جنب ومصمص شفايفه وقال ( ماهو احنا لو كنا بنطبق شرع الله مكناش شوفنا المنظر ده , ولا كانت الست دي نزلت من بيتها ولا اشتغلت ولا كان الراجل ده اضطر انه يغتصبها عشان مش قادر يتجوز ) !! .
.
تاني واحد وقف على جنب برضه ومصمص شفايفه وقال ( الديموقراطيه هي الحل , ولو كنا مجتمع ديموقراطي متفتح وفيه شرطه ومؤسسات دوله حقيقيه مكانشي حصل المشهد ده ) .
.
تالت واحد ده راجل مصري بسيط والرابع عسكري راجع من الجيش , لا فكرو في تطبيق شرع الله ولا في أم الديموقراطيه في اللحظه دي , هجمو عالبلطجي عشان يخلصو الست , الست قدرت تجري فعلا بس البلطجي كان معاه سكينه ضربها في بطن العسكري فطب مات , والبلطجي طلع يجري , الراجل الغلبان حاول ينقذ العسكري بس كان مات , وقف جنبه بيبكي كأنه أخوه مع إنه مايعرفوش .
.
في اللحظه دي صاحبنا الأولاني خالص قرّب و وقف جنب جثة العسكري وبص له وقال ( ماهو احنا لو كنا بنطبق شرع الله مكنتش اتحطيت في الموقف ده , والست اللي انت مُت علشانها دي خاطيه لأنها نزلت من بيتها بالليل من غير محرم , وبعدين مين إداك الحق إنك تمد إيدك على جسم واحده ست لا تحل لك عشان تنقذها ؟! ) .
.
وصاحبنا التاني وقف جنب جثه العسكري وقال ( لو كان فيه ديموقراطيه حقيقيه كان المفروض اللي يقومو بعمل زي ده هما ناس أكفاء مدربين , إنت ضيعت نفسك هَضر , وكان لابد من الحوار مع البلطجي ) !!.
.
البلطجي اسمه الإخوان , والست اسمها مصر , والصاحب الأول اسمه السلفيين والتاني النحانيح والتالت الشعب والرابع الجيش .
.
فهمت يا مولانا ولا لسه ؟!!............الله يرحم جنودك اللي بيموتو عشانك يا مصر .
لما شوفت صور العساكر الشهداء بإذن الله أول حاجه مقدرتش أحط عيني في عين حد منهم أه والله ( رغم إنها صور عاديه مش صور الجثث ) , بس افتكرت مشهد في فيلم المواطن مصري , وتخيلت إن الجثث دي اتلخبطت في بعض , وجثه منهم راحت لراجل غلبان زي عزت العلايلي والظابط سأله ( إبنك ده يا راجل ؟! ) ...مش لاقي كلام أقوله .......... ربنا يرحمهم ويرحم مصر من الديابه ولاد الكلب
كلمة عبد الفتاح السيسي في نعي الجنود الشهداء مش عاجباني , وزير دفاع مصر ميتكلمشي بصوت واطي كده والدموع متبانشي في عنيه , قائد الجيش المصري ميبانشي عليه الشكل ده يا سيسي , يا خساره , مصر محتاجه واحد أرجل منك عشان العساكر الغلابه دي متدفعشي التمن تاني .
خطة هدّ الحيل !!.
.
أهو صباح والسلام , قتل الجنود , حرق المدينه الجامعيه , تكسير في الجامعه , بلطجه في الشوارع , نحنحه وتبرير عالفيس بوك !!
.
صديقك الإخوانجي , وصاحبتِك الإخوانجيه وخالتك اللي متعاطفه مع الإخوان وساكنه في البدرشين , وقيادات الإخوان وتركيا وقطر وأمريكا واسرائييل وقناة الجزيره وتلتين القنوات والجرايد الأمريكيه والأوروبيه اللي بتمتلكها الحكومتين الأمريكيه والقطريه وطفاية السجاير دي ...كل دول سيادتك عارفين إن مرسي البلهلول مش راجع , وممكن يحلفولك بالطلاق كمان لو تحب .
.
إنما الحكايه كلها هي هدّ لحيل مصر , تشويه لسمعتها بره وجوه , الأرض والتاريخ والجيش والشعب , محاولة تصوير مقتل 400 إخوانجي في اعتصام مسلح إنه هولوكوست جديد , ومحاوله لتشبيه السيسي بهتلر ( السفاح ) , طيب قولي الإخوان يفرقو عن الصهاينه في ايه ؟ أقولك أنا , الصهاينه أنضف لأنهم استخدمو كل ألتهم الإعلاميه لتشويه النازيه في دوله أجنبيه مش دولتهم اللي بيطفحو فيها عيش !!.
.
الحكايه دي هتستمر سنه واتنين وتلاته , الهد والهدم والهدد مفيش أسهل منه , 400 قتيل في رابعه ( في اعتصام مسلح ) قالبين عليهم الدنيا وعملو لهم شعار وملحمه وطنيه ولا مؤاخذه , مسمعناش إن أم خالد سعيد ولا أبو مينا دانيال ولا أخو كرستي ولا ابو جيكا راحو اتأجرو شوية بلطجيه بالسلاح وطلبو منهم يقتلو كام عسكري أو كام واحد من نظام مبارك عشان يجيبو حق ولادهم , هو ده الفرق بينا وبينكو يا ولاد الكلب , رغم إن الشباب ده مات وهو متظاهر سلمي تماما , مات بدون وجه حق , ومتعملشي له ممر أمن ولا اتقال له لمدة شهر ونص ارجع بيتك وانت أمن .
.
حبايبنا النحانيح اللي بيدورو على أي مبررات عشان تثبت إن ربهم الأعلى سابقنا فعلا بمليون سنه بقو في حاله مزريه رثه , بتجيب لي غثيان , أخر شعار ضربوه بدون تفكير هو ( القصاص ...أصلنا معملناش قصاص يبقى نستحمل اللي يجرالنا !! ) .
.
لما بشوف تعليقات النحانيح وبحثهم عن مبرر لزنقتهم الهباب بفتكر حكايه اتقالت عن أرشميدس , إنه كان عمال يبلبط في بانيو ( أو طشت نحاس ) وبعدين لقى جسمه عايم عالمايه , فقام فكر شويه ,وتوصّل بقى لنظرية ( الطفو ) , وبعدين نط من الطشت النحاس وطلع يجري عريان في الشوارع وهو بيصرخ ويقول وجدتها وجدتها !! .
.
إنت كمان لما بشوف مبرراتك العقيمه دي , اللي بتظهر فجأه , بتخيلك في مشهد أرشميدس العريان وهو بيجري في الشارع ويقول وجدتها !!.
.
أهو صباح والسلام , قتل الجنود , حرق المدينه الجامعيه , تكسير في الجامعه , بلطجه في الشوارع , نحنحه وتبرير عالفيس بوك !!
.
صديقك الإخوانجي , وصاحبتِك الإخوانجيه وخالتك اللي متعاطفه مع الإخوان وساكنه في البدرشين , وقيادات الإخوان وتركيا وقطر وأمريكا واسرائييل وقناة الجزيره وتلتين القنوات والجرايد الأمريكيه والأوروبيه اللي بتمتلكها الحكومتين الأمريكيه والقطريه وطفاية السجاير دي ...كل دول سيادتك عارفين إن مرسي البلهلول مش راجع , وممكن يحلفولك بالطلاق كمان لو تحب .
.
إنما الحكايه كلها هي هدّ لحيل مصر , تشويه لسمعتها بره وجوه , الأرض والتاريخ والجيش والشعب , محاولة تصوير مقتل 400 إخوانجي في اعتصام مسلح إنه هولوكوست جديد , ومحاوله لتشبيه السيسي بهتلر ( السفاح ) , طيب قولي الإخوان يفرقو عن الصهاينه في ايه ؟ أقولك أنا , الصهاينه أنضف لأنهم استخدمو كل ألتهم الإعلاميه لتشويه النازيه في دوله أجنبيه مش دولتهم اللي بيطفحو فيها عيش !!.
.
الحكايه دي هتستمر سنه واتنين وتلاته , الهد والهدم والهدد مفيش أسهل منه , 400 قتيل في رابعه ( في اعتصام مسلح ) قالبين عليهم الدنيا وعملو لهم شعار وملحمه وطنيه ولا مؤاخذه , مسمعناش إن أم خالد سعيد ولا أبو مينا دانيال ولا أخو كرستي ولا ابو جيكا راحو اتأجرو شوية بلطجيه بالسلاح وطلبو منهم يقتلو كام عسكري أو كام واحد من نظام مبارك عشان يجيبو حق ولادهم , هو ده الفرق بينا وبينكو يا ولاد الكلب , رغم إن الشباب ده مات وهو متظاهر سلمي تماما , مات بدون وجه حق , ومتعملشي له ممر أمن ولا اتقال له لمدة شهر ونص ارجع بيتك وانت أمن .
.
حبايبنا النحانيح اللي بيدورو على أي مبررات عشان تثبت إن ربهم الأعلى سابقنا فعلا بمليون سنه بقو في حاله مزريه رثه , بتجيب لي غثيان , أخر شعار ضربوه بدون تفكير هو ( القصاص ...أصلنا معملناش قصاص يبقى نستحمل اللي يجرالنا !! ) .
.
لما بشوف تعليقات النحانيح وبحثهم عن مبرر لزنقتهم الهباب بفتكر حكايه اتقالت عن أرشميدس , إنه كان عمال يبلبط في بانيو ( أو طشت نحاس ) وبعدين لقى جسمه عايم عالمايه , فقام فكر شويه ,وتوصّل بقى لنظرية ( الطفو ) , وبعدين نط من الطشت النحاس وطلع يجري عريان في الشوارع وهو بيصرخ ويقول وجدتها وجدتها !! .
.
إنت كمان لما بشوف مبرراتك العقيمه دي , اللي بتظهر فجأه , بتخيلك في مشهد أرشميدس العريان وهو بيجري في الشارع ويقول وجدتها !!.
الشيخ محمد حسين يعقوب ( العالم العلّامه لحد ما نلاقي علّامه!! ) , خبر من موقع اليوم السابع , يقول الشيخ نقلا على لسان الشيخ يحيى الحويني أن : الخروج من مصر الأن يشبه الفرار من الزحف , وحياتنا ليست أغلى من المسجونين حتى لو كان الثمن أن نُقتل ) !!.
.
وعهد الله مصر لو بتحارب الصهاينه كنتو أول ناس هتهربو وتفرو وتزحفو , الشيخ عايز يجاهد ضد الجيش المصري مع رفقاء الكفاح والدعوه ولا مؤاخذه إلى الله !! .
حد يقولي بقى إن فيه فرق بين يعقوب والزمر والشاطر واسامه ابن لادن وجولدا مايير ؟!.
.
وقالك في نفس الخبر أن دوله عربيه عرضت عليه الإقامه فيها وفتح قنواتها الفضائيه له ؟ ...........نياهاهاهاها عارفها الدوله دي , وعهد الله عارفها , بس دي كشك مش دوله يا شيخ ؟ مش عيب عليك تسيب مصر بعظمتها وتروح تنشر الدعوه إلى الله من كُشك عالخليج !!.
عن الحمار المثقف سألوني !! .
.
وكتب أحد الحمير المثقفين في هذا الوطن البائس على صفحته الشخصيه مقالا طويلا عريضا نقلا عن صديق أخر أكثر منه حمورية وثقافه !!.
.
وقالك يا سيدي إن علماء النفس و بتوع السوشيال بوليتيكال انتيليجينس , مستر هوبكنز ومستر أبصر ايه ومعرفشي إيه قالو إن الإنسان بيولد برئ بطبعه وفيه ظروف محيطه بتدفعه للإنحراف ( اسمها السيركومستانسز يا جاهل ) , حتى الإرهابي بيبقى جواه مش إرهابي ( واخدلي بالك انت يا حاج محمد ؟! ) , الله يخيبك واد وجايب لنا أسماء أجنبيه وأراء فلسفيه , دانا لو سألت خالتي سنيه اللي مراحتشي المدارس ولا عتّبتها كانت قالت لي الكلمتين دول !!.
.
إنما شايفك مجتهد ومبتدئ بالنوسبه يعني لكونك حمار مثقف بتحاول تقنع القطيع اللي حواليك بفكرة إن الإرهابي جواه جميل وقلبه قلب خسايه ....والتكمله بقى اللي مكتبتهاش ( الصلح خير قوم نتصالح ) !!.
.
أما رأيي الشخصي وانا مش ألماني ولا ياباني وعيوني عامله كده فهو باختصار في 3 نقاط .
1- سبقك عم الحاج نجيب محفوظ في التأريخ لمعاناة الراقصات والعاهرات , والظروف اللي دفعتهم يا ولداه لطريق الإنحراف .
.
2- ربنا خلق كل واحد مننا برئ , والإنحراف موجود حواليك في كل مكان , وربنا خلقلك عقل عشان تميّز بيه الخبيث من الطيب , وفي النهايه لما تنحرف لازم تتنفخ من أجل سلامة المجتمعات , والنفخ ده بيكون سيادتك دنيا وأخره , يعني مثلا لما تشوف إرهابي شايل سلاح وبيروع المواطنين لازم تضربه بالنار فورا وبدون تردد ( على فكره القانون بيقول كده وشرع ربنا كمان ) , وبعد ما تسيّح دمه ممكن نتقابل أنا وانت في ساقية الصاوي نعمل ندوه جميله عن أسباب الإنحراف .
.
3- في الأخره , ولو مشينا على كلامك المبتور ده فمعناه ان ربنا هيجمعنا ويعمل لنا ( جلسه صٌلح ) كلنا ويا دار ما دخلك شر , ماهو انت مش واخد بالك , كل كبيره وذنب بنعملهم بيبقو بسبب الضغوط والشيطان , يعني واحد بيسرق ويطفّش خزن عشان يغتني ويشتري شاليه في مارينا ( أهو سبب أهو ) , واحده شغاله ولا مؤاخذه عشان تجيب لعيالها مصاريف المدرسه الإنترناشونال , ضغوط دي ولا مش ضغوط يا حمير يا بتوع الثقافه ؟!.
.
اللهم لا تؤاخذنا بما فعل الحمير المثقفين فينا !!.
... 5 أسئله وجوديه بيختصرو الحكايه :
.
1- ليه الجماعات الإسلاميه مش بتجاهد ولا بتقتل حد إلا في بلاد العرب والمسلمين , مع إن الأصل عندهم في الجهاد إنه بيكون ضد الغرب الكافر , داحنا حتى مسعناش إنهم قتلو واحد في بلاد الشرق الأقصى اللي بيعبدو البقره أو بيعبدو الصندل البلاستيك ؟!!
.
2- ليه الحكومات الغربيه لو شمّت بس ريحة وجود تنظيم ارهابي على أراضيها بتنفخه وتدهسه بدون أدنى رحمه وبيجو عندنا ويقولك حقوق الإنسان والمصالحه والعنف يوّلد العنف ؟!!.
.
3- لو حد فينا فكر وراح لأوباما في أمريكا , وقال له : إحنا ناس مش بنفهم يا أوباما في المعامله الحسنه للإرهابيين ممكن حضرتك تعمل لنا ب لغة الجيش ( بيان على المُعلّم ) ؟ يعني تاخد كام ألف إرهابي عندك وتسيبهم سنه في مكان جبلي مهجور وتستحمل قتلهم وتخريبهم وإرهابهم وبعد كده تتصالح معاهم وتورينا حقوق الإنسان , يا ترى هيقول ايه؟!.
.
4- مين الي بيصرف عالجماعات دي ويموِّلها , ومين اللي بيحط لها الخطط في الإغتيالات ( أغلبهم يادوب بيفك الخط ) ؟ , ومتقوليش إنهم بيصرفو من أرباح محل العطاره بتاع المرحوم !!
.
5- هو البرادعي عايز إيه بالظبط ؟!!.
.
1- ليه الجماعات الإسلاميه مش بتجاهد ولا بتقتل حد إلا في بلاد العرب والمسلمين , مع إن الأصل عندهم في الجهاد إنه بيكون ضد الغرب الكافر , داحنا حتى مسعناش إنهم قتلو واحد في بلاد الشرق الأقصى اللي بيعبدو البقره أو بيعبدو الصندل البلاستيك ؟!!
.
2- ليه الحكومات الغربيه لو شمّت بس ريحة وجود تنظيم ارهابي على أراضيها بتنفخه وتدهسه بدون أدنى رحمه وبيجو عندنا ويقولك حقوق الإنسان والمصالحه والعنف يوّلد العنف ؟!!.
.
3- لو حد فينا فكر وراح لأوباما في أمريكا , وقال له : إحنا ناس مش بنفهم يا أوباما في المعامله الحسنه للإرهابيين ممكن حضرتك تعمل لنا ب لغة الجيش ( بيان على المُعلّم ) ؟ يعني تاخد كام ألف إرهابي عندك وتسيبهم سنه في مكان جبلي مهجور وتستحمل قتلهم وتخريبهم وإرهابهم وبعد كده تتصالح معاهم وتورينا حقوق الإنسان , يا ترى هيقول ايه؟!.
.
4- مين الي بيصرف عالجماعات دي ويموِّلها , ومين اللي بيحط لها الخطط في الإغتيالات ( أغلبهم يادوب بيفك الخط ) ؟ , ومتقوليش إنهم بيصرفو من أرباح محل العطاره بتاع المرحوم !!
.
5- هو البرادعي عايز إيه بالظبط ؟!!.
حمار حصاوي
ناشط و غاوي
يلمّ كل الحمير وراه
.
خروف بيركب
على ضهره حبّه
باسم المحبّه
ويقول له حَا !!.
.
.
محمد حسين
ناشط و غاوي
يلمّ كل الحمير وراه
.
خروف بيركب
على ضهره حبّه
باسم المحبّه
ويقول له حَا !!.
.
.
محمد حسين
حطّيت صوابعي في الشق
!!.
.
مساء الخير , وقالك أنا هصوت ب لا على الدستور اللي لسه متعملشي أساسا !! , ليه بقى يا سيدي ؟ قالك عشان مادة المحاكمات العسكريه للمدنيين !!........ رجعنا تاني لترديد الشعارات ( خزاعه ... خزاعه ... خزاعه ).
.
بسم الله نفتتح الجلسه , هو انا فاكر إني أنا وحضرتك صوتنا ب لا على دستور الإخوان عشان مواد معينه مفهاش مادة المحاكمات العسكريه دي كويس يا خال ؟ يعني اعترضنا على وجود مجلس الشورى واهو اتشال , اعترضنا على نسبة 50 % عمال وفلاحين واهي اتشالت , و كذا ماده الحمد لله تم تعديلهم بشكل أنا نفسي مكنتش أحلم بيه , ده ميمنعشي ان من حقك تصوت ب لا طبعا لو مش عاجبك , إنما نرجع لمادة المحاكمات العسكريه للمدنيين :
إنت طبعا خايف إن يحصل تجاوزات في تطبيق الماده دي , يعني مثلا واحد مدني معدي على ظابط جيش وقام شتمه يتحول لمحاكمه عسكريه , مش ده اللي انت خايف منه ؟
طيب شوف العكس بقى سيادتك واختار , حضرتك عايز أي مدني يتحاكم في محاكم مدنيه مهما كان اللي عمله ضد الجيش , ده اللي انت عايزه صح ؟
.
يعني لو واحد مهندس زراعي سرق دبابه وباعها خرده في الحرفيين يتحاكم محاكمه مدنيه , واحد صيدلي زي حالاتي سرق صندوق بنادق كلاشنكوف من الجيش يتحاكم محاكمه مدنيه , واحد محاسب اتهجم على دار الدفاع الجوي بالسلاح وقتل له كام عسكري يتحاكم محاكمه مدنيه ونجيب له أكبر محامي ويفضل القاضي يأجل الجلسه مره واتنين لحد ما المحامي يعرف يطلّع شهاده إن موكله ده مختل عقليا وبراءه بقى يا كابتن , طيب مانا عندي اقتراح أفضل ممكن نكتبه في الدستور :
مادة المحاكمات للمدنيين بند رقم 3 : يحق لأي شخص مدني أطلق النار على الجنود في سيناء وقتل منهم 25 جندي فأكثر إنه يتحاكم محاكمه مدنيه بحضور ( أوفة محامين ) ونجيب له صوفيا لورين تبات معاه في الزنزانه يا هاني !!.
.
مساء الخير , وقالك أنا هصوت ب لا على الدستور اللي لسه متعملشي أساسا !! , ليه بقى يا سيدي ؟ قالك عشان مادة المحاكمات العسكريه للمدنيين !!........ رجعنا تاني لترديد الشعارات ( خزاعه ... خزاعه ... خزاعه ).
.
بسم الله نفتتح الجلسه , هو انا فاكر إني أنا وحضرتك صوتنا ب لا على دستور الإخوان عشان مواد معينه مفهاش مادة المحاكمات العسكريه دي كويس يا خال ؟ يعني اعترضنا على وجود مجلس الشورى واهو اتشال , اعترضنا على نسبة 50 % عمال وفلاحين واهي اتشالت , و كذا ماده الحمد لله تم تعديلهم بشكل أنا نفسي مكنتش أحلم بيه , ده ميمنعشي ان من حقك تصوت ب لا طبعا لو مش عاجبك , إنما نرجع لمادة المحاكمات العسكريه للمدنيين :
إنت طبعا خايف إن يحصل تجاوزات في تطبيق الماده دي , يعني مثلا واحد مدني معدي على ظابط جيش وقام شتمه يتحول لمحاكمه عسكريه , مش ده اللي انت خايف منه ؟
طيب شوف العكس بقى سيادتك واختار , حضرتك عايز أي مدني يتحاكم في محاكم مدنيه مهما كان اللي عمله ضد الجيش , ده اللي انت عايزه صح ؟
.
يعني لو واحد مهندس زراعي سرق دبابه وباعها خرده في الحرفيين يتحاكم محاكمه مدنيه , واحد صيدلي زي حالاتي سرق صندوق بنادق كلاشنكوف من الجيش يتحاكم محاكمه مدنيه , واحد محاسب اتهجم على دار الدفاع الجوي بالسلاح وقتل له كام عسكري يتحاكم محاكمه مدنيه ونجيب له أكبر محامي ويفضل القاضي يأجل الجلسه مره واتنين لحد ما المحامي يعرف يطلّع شهاده إن موكله ده مختل عقليا وبراءه بقى يا كابتن , طيب مانا عندي اقتراح أفضل ممكن نكتبه في الدستور :
مادة المحاكمات للمدنيين بند رقم 3 : يحق لأي شخص مدني أطلق النار على الجنود في سيناء وقتل منهم 25 جندي فأكثر إنه يتحاكم محاكمه مدنيه بحضور ( أوفة محامين ) ونجيب له صوفيا لورين تبات معاه في الزنزانه يا هاني !!.
دولة مكتب التنسيق !!.
.
1- أتحداك تطلّع أي فرق دلوأتي بين صفحة 6 إبريل وصفحة الحريه والعداله , هتلاقي الإتنين كتبو الجمله دي ( ياللي بتحرق طلبة أزهر ...يسقط يسقط حكم العسكر ) !!.... وده كان تعليقا على مقتل طالب أثناء تخريبه في جامعة الأزهر
.
2- أتحداك تعرف الفرق حاليا بين الإخوان والبرادعاويه في كلامهم وبوستاتهم وتعليقاتهم , هتلاقيهم الإتنين كاتبين الجمله دي ( أبو 50 % بيقتل أبو 99 % ) !! , وده طبعا بفرض إن ظابط جيش أو شرطه هو اللي قتل طالب طب .
.
إنما جميله أوي الجمله الأخيره ( أبو 99 وابو 50 ) , واللي ينزل يخرب أو يكسر أو يحرق المفروض الدوله تتعامل معاه حسب مجموعه في الثانويه العامه !! .
.
يعني سيادتك لو انت عسكري و شوفت واحد شايل سنجه أو سلاح لازم تسأله الأول ( يا كابتن يا كابتن إنت كنت جايب كام في الثانويه ؟ ) , لو قالك 95 % فما فوق تسيبه بقى , و كده مش هيتاخد في الرجلين غير بتوع معهد اللاسلكي !! .
.
بالمناسبه عبد الناصر مكانشي جايب 99 % في الثانويه ولا جيفارا ولا البرادعي , وبالمناسبه كمان أيمن الظواهري ( اللي خربها مداين ) طبيب من أبو 99 % والعريان طبيب والبلتاجي .
.
وعهد الله احنا عندنا شوية عقول ضاني على لباني على بتلو وب 99 % كمان .
ورد في الأثر أن الأب قال لإبنه : ذاكر يابني واجتهد عشان تجيب مجموع كبير في الثانويه العامه وتدخل طب ولا صيدله و تحرق وتخّرب في أم البلد براحتك !!.
.
دي مش يبقى اسمها دولة القانون , دي اسمها دولة مكتب التنسيق !!.
يابني لمّ الكهارب دي بقى !!
.
قبل ثورة 30 يونيو بيومين تلاته أخويا الصغير سألني ( انت فاكر إن مرسي هيمشي فعلا يوم 30 ؟! ) , جاوبته بمنتهى الثقه و الإبتسامه و قلت له ( هيمشي ) .
وكتبت على صفحتي دي بوست مختصر جدا قلت فيه ( لو مرسي طلع عليه الصبح وعرف يلمّ هدومه من القصر يبقى عمل انجاز ) !!.
.
ثقتي دي مكانتشي بسبب جيش ولا شعب ومكنتش متوقع الحشد المخيف ده , أنا بس حسيت إن الأرض في مصر مش طايقه الإخوان , الشوارع مش قابله ريحتهم , كتاب التاريخ مش عارف يبلعهم .
.
وبنفس الثقه دي أقدر أقول لأصدقائي الإخوان و أصدقائي التانيين !! , إن مرسي مش راجع ولا الإخوان راجعين , تصوّتو بقى بنعم عالدستور , تصوتو ب لا , تكشفو راسكو و تصوتو في القنوات الفضائيه , تعملو شألباظ وعجين الفلاحه , تسموها ثوره , تسموها إنقلاب , تسموها بلاستيك مرسي مش راجع .
والسبب نفس السبب , الأرض والشارع وكتاب التاريخ !!.
.
أنا أسف يا صاحبي , أسف جدا إني جرحت شعورك و إحساسك المرهف بالكلام ده !!
أنا ماشي يا بشر , هروح أتاجر بفقري ( القديم ) ووطنيتي ( المستحدثه ) في أي حته تانيه , حد عايز مني حاجه ؟ إدعولي بقى ألاقي زبون كويس يكون بيشتري ( الفقر ) بسعر حلو في أم الليله الفقر دي , واحد صاحبي قال لي متغيّرش الفقر بتاعك في البنك دول حراميه , عليك وعلى شركات الصرافه , بس يا ترى هيقبلو فقر قديم من أيام السادات وأوئل عهد مبارك ؟!
يوكوهاما !!.
.
صباح الخير , نكته جميله أوي بتختصر حكاية الكتير من أصدقائي الطيبين التانيين !! , اللي موقفهم اتغير من ثورة 30 يونيو 180 درجه بعد استقالة البرادعي من منصبه أو زي ما بيحبو يقولوها هما ويسمعوها ( بعد فض اعتصام رابعه ) , وكانت ثوره بقت نُص ثوره ونُص انقلاب وبعدين بقت انقلاب وشويه كمان هتبقى انقلاب ونُص !!.
.
بيقولك يا سيدي واحد بلدياتنا سافر اليابان , وهناك ربنا اكرمه بست يابانيه عجوزه وطيبه جدا , بلدياتنا صِعب عليها فسكّنته في أوضه فوق السطوح ببلاش وساعدته كتير لحد ما قدر يلاقي شغل .
وفي يوم من الأيام , الست اليابانيه دي دخلت المستشفى ( العنايه المركزه ) , وبلدياتنا أو ل ما سمع الخبر قال لا يمكن أبدا , دي ست أفضالها عليا ولازم أروح أزورها , وبالفعل أخد معاه اتنين كيلو برتقان ودخل عليها في العنايه المركزه , لقاها حاطه ماسك الأكسجين في مناخيرها واديها طالع منها خراطيم كتير واصله بجهاز كمبيوتر .
.
بلدياتنا قرّب من الست دي وقال لها ( ألف سلامه عليكي , إن شالله ما تشوفي شر أبدا ) , الست بصت له وقالت له ( يوكوهاما ) , قال لها ( يوكوهاما مين , وعهد الله ماحد هيربّي ولادك ويفرح بيهم غيرك ) , الست بدأت تزعّق وتقول ( يوكوهاما ) , قال لها ( بقولك هتخفي وهتبقى زي الفل دانا حلمان ليكي حلم جميل ) , الست برّقت عينيها وقالت له ( يوكوهاما يوكوهاما ) وبعدين ماتت ( لاقدر الله ) !!.
.
وبعد يومين تلاته , بلدياتنا قابل على القهوه واحد مصري عايش في اليابان من زمان ويعرف شويه ياباني , المصري لقاه سرحان قال له مالك ؟ , فبلدياتنا حكى له الحكايه وقال له الست كان على لسانها كلمة يوكوهاما يوكوهاما , متعرفشي مين هو يوكوهاما ده يا صاحبي ؟!
.
المصري قال له يوكوهاما يعني شيل رجلك من على خرطوم الأكسجين يا حيوان !!.
.
.
الحكايه إن أغلب أصحابي التانيين طيبين فعلا بس عندهم خلطه عجيبه من السذاجه والغشم مع الطيبه ( كوكتيل يعني ) , أو جايز مش فاهمين لغة البلد أو مش بيعرفو ياباني !! , هما قصدهم خير بس مش عارفين انهم دايسين على خرطوم الأكسجين !! .
.
يالله بقى فين صاحبنا اياه بتاع ( إنت بتتاجر في الفقر والوطنيه ) يقولي إني بتاجر في خراطيم الأكسجين !! , قولها يا صاحبي , قولها عشان يجيلي ( تستوميجالي ) وتبقى جبت من الأخر !!.
.
صباح الخير , نكته جميله أوي بتختصر حكاية الكتير من أصدقائي الطيبين التانيين !! , اللي موقفهم اتغير من ثورة 30 يونيو 180 درجه بعد استقالة البرادعي من منصبه أو زي ما بيحبو يقولوها هما ويسمعوها ( بعد فض اعتصام رابعه ) , وكانت ثوره بقت نُص ثوره ونُص انقلاب وبعدين بقت انقلاب وشويه كمان هتبقى انقلاب ونُص !!.
.
بيقولك يا سيدي واحد بلدياتنا سافر اليابان , وهناك ربنا اكرمه بست يابانيه عجوزه وطيبه جدا , بلدياتنا صِعب عليها فسكّنته في أوضه فوق السطوح ببلاش وساعدته كتير لحد ما قدر يلاقي شغل .
وفي يوم من الأيام , الست اليابانيه دي دخلت المستشفى ( العنايه المركزه ) , وبلدياتنا أو ل ما سمع الخبر قال لا يمكن أبدا , دي ست أفضالها عليا ولازم أروح أزورها , وبالفعل أخد معاه اتنين كيلو برتقان ودخل عليها في العنايه المركزه , لقاها حاطه ماسك الأكسجين في مناخيرها واديها طالع منها خراطيم كتير واصله بجهاز كمبيوتر .
.
بلدياتنا قرّب من الست دي وقال لها ( ألف سلامه عليكي , إن شالله ما تشوفي شر أبدا ) , الست بصت له وقالت له ( يوكوهاما ) , قال لها ( يوكوهاما مين , وعهد الله ماحد هيربّي ولادك ويفرح بيهم غيرك ) , الست بدأت تزعّق وتقول ( يوكوهاما ) , قال لها ( بقولك هتخفي وهتبقى زي الفل دانا حلمان ليكي حلم جميل ) , الست برّقت عينيها وقالت له ( يوكوهاما يوكوهاما ) وبعدين ماتت ( لاقدر الله ) !!.
.
وبعد يومين تلاته , بلدياتنا قابل على القهوه واحد مصري عايش في اليابان من زمان ويعرف شويه ياباني , المصري لقاه سرحان قال له مالك ؟ , فبلدياتنا حكى له الحكايه وقال له الست كان على لسانها كلمة يوكوهاما يوكوهاما , متعرفشي مين هو يوكوهاما ده يا صاحبي ؟!
.
المصري قال له يوكوهاما يعني شيل رجلك من على خرطوم الأكسجين يا حيوان !!.
.
.
الحكايه إن أغلب أصحابي التانيين طيبين فعلا بس عندهم خلطه عجيبه من السذاجه والغشم مع الطيبه ( كوكتيل يعني ) , أو جايز مش فاهمين لغة البلد أو مش بيعرفو ياباني !! , هما قصدهم خير بس مش عارفين انهم دايسين على خرطوم الأكسجين !! .
.
يالله بقى فين صاحبنا اياه بتاع ( إنت بتتاجر في الفقر والوطنيه ) يقولي إني بتاجر في خراطيم الأكسجين !! , قولها يا صاحبي , قولها عشان يجيلي ( تستوميجالي ) وتبقى جبت من الأخر !!.
ماهو يا ستي شئ جميل جدا إنك تدخلي الصيدليه وانتي لابسه عباية الراس ومغطيه عنيكي , رائع فعلا , وممتاز إنك تجيبي ابنك معاكي ومش تخرجي من البيت لوحدك , إنما متوصلشي أبدا لكده :
.
هي بتقول لابنها : اسأله عندك معجون اسنان سجنال تو !!
ابنها ( بيسألني ) : عندك معجون اسنان سجنال تو ؟
أنا ( برد ): أه
هي بتقول لابنها : اسأله عندك الصغير ولا الكبير ؟
ابنها ( بيسألني ) : عندك الصغير ولا الكبير ؟
أنا ( برد ) : الكبير
هي بتقول لابنها : اسأله بكام ؟
ابنها بيسألني : بكام ؟
أنا ( برد ) : 12 ريال !!!!!!!! .
.
أووووووووف بقى , ده كتير والله , ده مش اسمه أدب وأخلاق , دي اسمها أفوره , وانا سامعك يا ستي وانتي بتقولي له , يبقى ارفعي صوتك وكلميني عشان مش فاضي لجنابك , مش هيحصل لي إثاره ولا حاجه من صوت أمك الفتّان , واعصابي مش هتسيب لما تسأليني عن معجون سجانل تو , ومفيش حديث عن سيدنا رسول الله بيقول إن المرأه لا يجوز أن تسأل الصيدلي مباشرة عن معجون سجنال تو !!.
.
اتخنقت بقى .
خبر أثلج صدري , طرد السفير التركي من مصر وسحب سفير مصر من تركيا , أخيرا يا ببلاوي , دانا كنت فاكرك ميّت وبتتحاسب يا راجل !! .
.
عقبال ما نطرد سفير الكشك اللي فاتح عالخليج .
.
لو عبد الناصر كان عايش وشاف إهانة أصحاب الكشك لمصر كان بعت جوز عساكر صاعقه جابو حمد ومراته وابنه من سرايرهم , وخلّاهم يلفو التراك بتاع ستاد القاهره 3 ألاف مره .
وبعد كده بعت لهم عسكري يفهمهم إن سعة الإستاد ده أكبر من عدد سكان دولتهم العظمى , وإن عمر ستاد القاهره أكبر من عمر الكشك اللي هما بيحكموه !!.
تخاريف و عهد الله !!.
.
الجماعات الإسلاميه شايلين السلاح وخاربينها مداين تحت إسم الدعوه إلى الإسلام وهداية البشر إلى طريق النور !!.
والحملات الصليبيه قامت في الأساس لنفس السبب , وبرضه خربتها مداين .
واليهود لو طالو يولّعو في كوكب الأرض , هيعملوها من أجل الدعوه إلى الديانه اليهوديه وطريق النور .
.
ماهو مش ممكن يكون ربنا خلق الخلق وأنزل دياناته السماويه عشان البشر تفضل تعجن في بعضها بالشكل ده ؟
مشهد الصراع بين الديانات بشوفه مشهد هزلي عبثى بيفكرني بمشهد الضرب في أفلام فريد شوقي ومحمود المليجي والواد الزفر أبو طاقيه اللي بيبيع فريسكا للصيادين .
.
جهل المشايخ والقساوسه والحاخامات هو المسيطر على العقول , يعني حضرتك هتنزل من بطن أمك مسلم هتلاقي نفسك مكروه من المسيحيين واليهود , هتنزل مسيحي هتلاقي المسلمين واليهود بيكرهوك , هتنزل يهودي هتلاقي طوب الأرض بيكرهك حتى طفاية السجاير دي مش طايقاك.
.
يابويا احنا مش محتاجين حرب بين الديانات عشان نموت , إحنا بكتيره نقف في البلكونه بالفالنه الحمالات والسر الإلهي يطلع , أو ناكل ساندوتش كبده من عند عبده تلوث , أو نركب قطر الصعيد , يا بويا احنا بنموت بالفيروسات والبكتريا 3 ألوان , واللي بينجو مننا من غرق عباره بيدهسه اتوبيس , و السكر والقلب والفشل الكلوي مش مخليين .
.
طيب إيه الحل في صراع الديانات ده ؟ أنا لقيت الحل , كل واحد مننا مايكتفيش بديانه واحده , على الأقل على الأقل يبقى عنده ديانتين ومذهب أو ديانه و مذهبين ( وهذا أضعف الإيمان ) , يعني مثلا يبقى يهودي شيعي كاثوليكي !! , وياكشي في الأخر نعجب رجالات الدين ....الله يخرب بيتك يا مرسي !!.
بالنسبه لأصدقائي الأعزاء اللي حاطين صورة أردوغان على بروفايلاتهم كنوع من التمسح والتبرك بالأضرحه وأولياء الله الصالحين !! , ودعما لخليفة المسلمين ( أردغ ) ضد الدوله الكافره الماجنه اللي هي مصر بعد طرد السفير , إنت حر يا كابتن , ياكشي تحط صورة سيدنا أبو لهب وهو ماسك السبحه و لابس المايوه حتى !!.
.
أردوغان يا مولانا بيروح أوروبا وهو لابس شورت وتي شيرت زي الواد اياه اللي كان مش على بعضه في مسرحية ( سكة السلامه 2000 ) ويقول لهم احنا دوله علمانيه حتى شوفو !!.
وبيجي عندك يلبس العمه و يركّب الدقن ويمسك السبحه ويقولك أنا خليفة المسلمين حتى شوف .
عشان كده قلت لك حط أي صوره ياكشي تكون صورة سيدنا أبو لهب بالسبحه و المايوه !!.
إنتماء ... إنت (مااااء ) !!.
.
صباح الخير , في فقه وتعريف كلمة ( مواطن ) معاني كتير لكن ممكن نختصرها بصور ومشاهد , يعني مثلا اللي بيرفع شعار رابعه في بطوله دوليه هو مش بينتصر لموقف ما معين أد ما بيحاول يهين العلم المصري , اللي حرق علم مصر مكانشي عايز يتدفى أكتر ما كان عايز يهين علم بلده , إوعى تصدق إن الجو كان برد يا ولداه وفجأه الجليد تساقط على ميدان التحرير !! .
.
واللي بيحط صورة أردوغان بعد أزمه سياسيه بين مصر وتركيا هو بيعلن صراحة إن معندوش إنتماء , إنما جايز عنده.... إنت(ماااااااء ).
نفس الشخص لو كان يعرف صورة رئيس غانا كان حطها على بروفايله بعد صعود غانا لكاس العالم , ولو قابل في غربته واحد أجنبي بيسب ويلعن في مصر هياخده بالأحضان ومش بعيد يتصور معاه صوره للذكرى وينزل الصوره على بروفايله.
.
الحكايه كلها انتماء ليس إلا وعشان تعرف الفرق كويس وببساطه تعالى وانا اقولك :
خالد سعيد مات شهيد , أمه مرفعتشي قضيه دوليه ضد مصر ولا رفعت علم تركيا ولا استنجدت بالجيوش الأمريكيه والأوربيه , مينا دانيال مات شهيد , خطيبته محرقتشي علم مصر ( عشان تتدفى ) ولا عملت لنفسها شعار ترفعه بدل علم مصر , عماد عفت مات شهيد , مراته مطلعتشي عالجزيره تسب وتلعن في مصر , كرستي مات شهيد , أبوه مقالشي على جيش مصر خاين وعميل .
الأسماء اللي فاتت دي ماتت بصدر مفتوح في اعتصام سلمي , ولما ماتو مفيش 42 ظابط وعسكري اتقتلو يوميها بالرصاص الحي , ولا عسكري واحد حتى........... وانت ابن سوق وفاهم !! .
.
ومن محاسن الصدف إنك تلاقي صاحبك بتاع أردوغان بيتكلم عن قطر إنها هتحتل اقتصاد العالم بعد بكره الصبح وهتبقى دوله عظمى بقى وكداهون , مفيش مشكله يا حاج , تحتل وماله ياخويا , بس ادعي ربنا إن برميلين الغاز اللي عندها ميطيروش وإلا هتلاقيها بتشحت على باب السيده !!.
أثرياء الحرب !!.
.
ليا صديق قديم , فجأه كده وبدون سابق إنذار بقى مليونير , مالتي مليونير , ربنا يزيد ويبارك يا سيدي اللهم لا حسد , الكلام ده حصل بعد ثورة يناير و لأسباب لا يعلمها إلا الله وجهاز المخابرات العامه المصريه (جايز ) !!.
.
المهم صاحبنا ده اتغير تماما وبقى يتكلم مع البشر من أي حته تانيه غير بؤه , وبقى شايف إن المصريين دول شوية عبيد رعاع ومينفعشي معاهم غير المعامله بالكرباج ( هات الكرباج يا عثمان ) .
ومطلوب مني عشان تستمر صداقتنا دي زي الأوّل إني أستجيب لتفكيره ده وإلا مبقاش على نفس المستوى ال ( لوكشورياس ) من التفكير الحلزوني , اسمه ( زا ليفل يا جاهل ) !!.
.
قمت أنا حكيت له حكايه صغيره حصلت في بلدنا , كان فيه شاب أمور كده وحليوه سافر أوروبا , وهناك بقى اشتغل معرفشي ايه ورجع بعد سنتين معاه كام مليون , عينه وقعت على حتة أرض في البلد اللي جنبنا , قيراطين أرض مباني عالطريق وموقعهم حلو , صاحبها راجل على أد حاله وارث القيراطين عن أبوه وعشمان يبني عليهم بيت للعيال لما ربنا يفرجها ويكون معاه فلوس .
.
الواد الأمور الحليوه راح لصاحب الأرض وقال له انا عايز اشتري الأرض بتاعتك , الراجل قال له مش ببيعها والله , أنا سايبها ابني عليها بيت للعيال , الواد الأمور قال له ( تبني ايه يا حاج وانت معاك فلوس تبني ؟ ولا هيبقى معاك , أنا هدفعلك فيها اللي هتقول عليه , مستعد أرصّلك ألفات تغطي مساحة القيراطين !! ).
.
الراجل صاحب الأرض سكت لحظه كده وقال للأمور : إنت عارف الجزمه لو حشيتها دولارات ويورو هتبقى ايه ؟ قال له لأ ....صاحب الأرض قال له ( هتبقى جزمه برضه ) !!.
.
ليا صديق قديم , فجأه كده وبدون سابق إنذار بقى مليونير , مالتي مليونير , ربنا يزيد ويبارك يا سيدي اللهم لا حسد , الكلام ده حصل بعد ثورة يناير و لأسباب لا يعلمها إلا الله وجهاز المخابرات العامه المصريه (جايز ) !!.
.
المهم صاحبنا ده اتغير تماما وبقى يتكلم مع البشر من أي حته تانيه غير بؤه , وبقى شايف إن المصريين دول شوية عبيد رعاع ومينفعشي معاهم غير المعامله بالكرباج ( هات الكرباج يا عثمان ) .
ومطلوب مني عشان تستمر صداقتنا دي زي الأوّل إني أستجيب لتفكيره ده وإلا مبقاش على نفس المستوى ال ( لوكشورياس ) من التفكير الحلزوني , اسمه ( زا ليفل يا جاهل ) !!.
.
قمت أنا حكيت له حكايه صغيره حصلت في بلدنا , كان فيه شاب أمور كده وحليوه سافر أوروبا , وهناك بقى اشتغل معرفشي ايه ورجع بعد سنتين معاه كام مليون , عينه وقعت على حتة أرض في البلد اللي جنبنا , قيراطين أرض مباني عالطريق وموقعهم حلو , صاحبها راجل على أد حاله وارث القيراطين عن أبوه وعشمان يبني عليهم بيت للعيال لما ربنا يفرجها ويكون معاه فلوس .
.
الواد الأمور الحليوه راح لصاحب الأرض وقال له انا عايز اشتري الأرض بتاعتك , الراجل قال له مش ببيعها والله , أنا سايبها ابني عليها بيت للعيال , الواد الأمور قال له ( تبني ايه يا حاج وانت معاك فلوس تبني ؟ ولا هيبقى معاك , أنا هدفعلك فيها اللي هتقول عليه , مستعد أرصّلك ألفات تغطي مساحة القيراطين !! ).
.
الراجل صاحب الأرض سكت لحظه كده وقال للأمور : إنت عارف الجزمه لو حشيتها دولارات ويورو هتبقى ايه ؟ قال له لأ ....صاحب الأرض قال له ( هتبقى جزمه برضه ) !!.
إزاي تعرف الناشط السياسي النحنوح ؟!
.
إتناقش معاه في أي حاجه , و أول ما هتجيب له سيرة عبد الناصر هتلاقيه عمّال بيسب ويلعن فيه , رغم إن عبد الناصر ربنا جعله سبب إن الناشط ده يتعلم ويفك الخط ويلاقي بؤ مايه يشربه هو وابوه وامه , بس تقريبا عيب عبد الناصر الوحيد إنه مكانشي أستاذ علوم سياسيه في جامعة القاهره ولا عضو المكتب التنفيذي لحركة 6 إبريل !!.
.
ولو فيه اتنين بيتحاورو على برنامج توك شو إزاي تعرف إنهم نشطاء سياسيين من ماركة النحانيح ؟ هتلاقيهم سايبين مواد التعليم والصحه في الدستور وبيتكلمو عن مواد الجيش والمحاكمات العسكريه وبعدين تاخدهم الجلاله ويتكلمو عن ميزانية الجيش وتسليحه والمفروض نعرف خطته في محاربة الإرهاب وكداهون , حواراتهم دي ( اللي بيتخانقو فيها أحيانا ) وتلاقي واحد فيهم فارد عضلاته عالتاني , بيفكروني بمشهد هزلي في فيلم ( ذكي شان ) , أحمد حلمي وهو بيشرح للواد سيد صاحبه يعني ايه بودي جارد؟ , لازم يبقى مفتول العضلات وقوي الشكيمه ( أه بالظبط زيي كده ) !!.
.
من رحمة ربنا بمصر وأهلها , إن الجيل بتاعنا الكتكوت ده اللي ماسورة الحريه انفجرت في وشه بعد ثورة يناير فبقى مش عارف يتحرر من إيه ولا ايه ؟ , يتحرر من الدين ( و يلحد ) ويتحرر من احترام عّلّم بلده والسلام الوطني ويعتبر ده نوع من الحريه الشخصيه , حريه بقى , ويتكلم ويفتي في أي حاجه وكل حاجه , أهو الجيل ده لو كان عايش في 73 كان نزل الشارع يتظاهر ضد قرار الحرب بدعوى إن السادات معرضشي خطة الحرب على حركة 6 إبريل وجبهة الإشتراكيين الثوريين !! , وكمان مفتحشي موضوع تكلفة الحرب والدول المؤيده والرافضه لها في حوار مجتمعي تحت رعاية عمرو حمزاوي !!.
أه ياني يامّه , أحمد ماهر عالجزيره بيقول إنه رافض قانون التظاهر
وقانون المحاكمات العسكريه ورافض حكم العسكر !!.
طيب الأولى والتانيه دول مادتين في الدستور وبتقول رأيك فيهم عادي انت حر , إنما الجمله الأخيره لزمتها ايه ؟ أه نسيت انت احمد ماهر وبتتكلم عالجزيره !!.
طيب ياربي مش لو انا كنت مؤيد لحكم الخرفان ولا عضو في حركة 6 لا مؤاخذه إبريل كان زماني متظبّط أحلى تظبيط دلوأتي ؟ , مش كان عندي دلوأتي شقه فوق قناة الجزيره وبظهر عالهوا 3 مرات يوميا زي المضادات الحيويه , أو كان زماني رئيس تحرير جريده قطريه ناشئه واقبض باليورو زي الأستاذ المناضل وائل قنديل , أو كان زماني عندي 2 مليون فولور زي الثائر البطل علاء صادق .
.
إنما الواحد هيعيش كده ويموت كده , فقري ابن فقريه , بيكتب على صفحته رأي معارض لأصحاب الفلوس والدولارات واليوروهات والدينارات والبترول و الغاز , وقالك لا أبيع أعضائي , يا جدع ما تبيع مالكل باع , لا مش هبيع , هفضل اكتب هنا لحد ماموت , في صفحتي دي اللي لا بتبيض ولا بتولد ولا بتطلّع حتى بؤ لبن عشان نبيعه ونجيب مصاريف البيت !!.
.
المجد كل المجد للفقريين ولاد الفقريه أمثالي .
طيب الأولى والتانيه دول مادتين في الدستور وبتقول رأيك فيهم عادي انت حر , إنما الجمله الأخيره لزمتها ايه ؟ أه نسيت انت احمد ماهر وبتتكلم عالجزيره !!.
طيب ياربي مش لو انا كنت مؤيد لحكم الخرفان ولا عضو في حركة 6 لا مؤاخذه إبريل كان زماني متظبّط أحلى تظبيط دلوأتي ؟ , مش كان عندي دلوأتي شقه فوق قناة الجزيره وبظهر عالهوا 3 مرات يوميا زي المضادات الحيويه , أو كان زماني رئيس تحرير جريده قطريه ناشئه واقبض باليورو زي الأستاذ المناضل وائل قنديل , أو كان زماني عندي 2 مليون فولور زي الثائر البطل علاء صادق .
.
إنما الواحد هيعيش كده ويموت كده , فقري ابن فقريه , بيكتب على صفحته رأي معارض لأصحاب الفلوس والدولارات واليوروهات والدينارات والبترول و الغاز , وقالك لا أبيع أعضائي , يا جدع ما تبيع مالكل باع , لا مش هبيع , هفضل اكتب هنا لحد ماموت , في صفحتي دي اللي لا بتبيض ولا بتولد ولا بتطلّع حتى بؤ لبن عشان نبيعه ونجيب مصاريف البيت !!.
.
المجد كل المجد للفقريين ولاد الفقريه أمثالي .
عالمصطبه ( مفتاح و
دركسيون !!).
.
صباح الخير , حوار بين الأستاذ فادي ( ناشط سياسي ) وعم عبده ( الميكانيكي ) .
.
أستاذ فادي : شوف يا عم عبده , الثوره اللي هي ال( ريفوليوشن ) هي الخروج عن الوضع الراهن وتغييره باندفاع يحركه عدم الرضا والتطلع للأفضل , عشان كده احنا عملنا ثورة يناير , ولازم نستمر في ثورتنا لحد ما نحقق كل أهدافها , عشان كده أنا بدعوك تتظاهر معانا وتعتصم ضد الدستور وضد حكم العسكر وضد الحكومه وضد أي حد يزعلك , لازم نجيب حق شهداء يناير اللي ماتو عشان خاطرنا , لازم نطبّق النموذج الفرنسي يا عم عبده ونتعلم منه , شوف القوانين عندهم عامله إزاي ؟ , إنت فاهمني يا عم عبده ؟ يو جيت مي ؟!
.
عم عبده : شوف يا فادي يابني إنت كده خلصت كلامك صح ؟ , أنا عمك عبده مروحتش مدارس ومش بعرف أقول كلام متزوق زيك , الثوره هي صرخه لما الناس بيفيض بيها وأدينا صرخنا وغيرنا النظام اللي نهبنا وسرق البلد , والشهدا ربنا يرحمهم , حقهم ضاع من زمان ( من أيام شهر العسل بتاع طنطاوي والإخوان ) زي حقوق ناس كتير ضاعت في البلد دي ومش هتاجر في حقهم وانا عارف انه مش جاي.
.
الثوره يابني عامله زي مفتاح العربيه , بنستخدمه عشان نشغّل بيه العربيه و نمشي بيها , بعد ما بتدوّر العربيه بتستخدم الدركسيون عشان توجهها مش المفتاح , لما حصلت ثورة يناير احنا استخدمنا المفتاح واتغير النظام ومات الخوف في قلوب الناس , ومش عيب أبدا إننا فشلنا في أول مره ننتخب فيها رئيس وجبنا واحد نصاب كان هيبيع البلد لجماعته , مش عيب ماهي دي أول مره , عشان كده كان لازم ننزل تاني .
.
أما إننا نفضل ننزل ونثور عمّال على بطال فده معناه إننا مصممين نفضل دايسين على المفتاح حتى بعد العربيه ما دارت , كده المارش هيتحرق والعربيه كلها ممكن تولع منك .
.
كل المطلوب إنك دلوأتي تستخدم الدركسيون وتنسى المفتاح , وبالنسبه لحكايه النموذج الفرنسي اللي ماعرفوش فبرضه عايز أقولك كملتين
.... عربيتك اللي واقفه دي ( تويوتا كورولا ) , عربيه جميله أوي , بس لو ماتورها ضرب منك هل ينفع تجيب لي ماتور ( فولكس واجن ) وتقولي ركّبه عليها ؟! طبعا لأ .... وده مش عيب لا في العربيه الكورولا ولا في ماتور الفولكس , إنما يا بني كل واحد له توبه وكل بلد لها ظروفها الخاصه بيها , يارب تكون انت فهمتني !!.
.
صباح الخير , حوار بين الأستاذ فادي ( ناشط سياسي ) وعم عبده ( الميكانيكي ) .
.
أستاذ فادي : شوف يا عم عبده , الثوره اللي هي ال( ريفوليوشن ) هي الخروج عن الوضع الراهن وتغييره باندفاع يحركه عدم الرضا والتطلع للأفضل , عشان كده احنا عملنا ثورة يناير , ولازم نستمر في ثورتنا لحد ما نحقق كل أهدافها , عشان كده أنا بدعوك تتظاهر معانا وتعتصم ضد الدستور وضد حكم العسكر وضد الحكومه وضد أي حد يزعلك , لازم نجيب حق شهداء يناير اللي ماتو عشان خاطرنا , لازم نطبّق النموذج الفرنسي يا عم عبده ونتعلم منه , شوف القوانين عندهم عامله إزاي ؟ , إنت فاهمني يا عم عبده ؟ يو جيت مي ؟!
.
عم عبده : شوف يا فادي يابني إنت كده خلصت كلامك صح ؟ , أنا عمك عبده مروحتش مدارس ومش بعرف أقول كلام متزوق زيك , الثوره هي صرخه لما الناس بيفيض بيها وأدينا صرخنا وغيرنا النظام اللي نهبنا وسرق البلد , والشهدا ربنا يرحمهم , حقهم ضاع من زمان ( من أيام شهر العسل بتاع طنطاوي والإخوان ) زي حقوق ناس كتير ضاعت في البلد دي ومش هتاجر في حقهم وانا عارف انه مش جاي.
.
الثوره يابني عامله زي مفتاح العربيه , بنستخدمه عشان نشغّل بيه العربيه و نمشي بيها , بعد ما بتدوّر العربيه بتستخدم الدركسيون عشان توجهها مش المفتاح , لما حصلت ثورة يناير احنا استخدمنا المفتاح واتغير النظام ومات الخوف في قلوب الناس , ومش عيب أبدا إننا فشلنا في أول مره ننتخب فيها رئيس وجبنا واحد نصاب كان هيبيع البلد لجماعته , مش عيب ماهي دي أول مره , عشان كده كان لازم ننزل تاني .
.
أما إننا نفضل ننزل ونثور عمّال على بطال فده معناه إننا مصممين نفضل دايسين على المفتاح حتى بعد العربيه ما دارت , كده المارش هيتحرق والعربيه كلها ممكن تولع منك .
.
كل المطلوب إنك دلوأتي تستخدم الدركسيون وتنسى المفتاح , وبالنسبه لحكايه النموذج الفرنسي اللي ماعرفوش فبرضه عايز أقولك كملتين
.... عربيتك اللي واقفه دي ( تويوتا كورولا ) , عربيه جميله أوي , بس لو ماتورها ضرب منك هل ينفع تجيب لي ماتور ( فولكس واجن ) وتقولي ركّبه عليها ؟! طبعا لأ .... وده مش عيب لا في العربيه الكورولا ولا في ماتور الفولكس , إنما يا بني كل واحد له توبه وكل بلد لها ظروفها الخاصه بيها , يارب تكون انت فهمتني !!.
بقيت بكره أوي صوت الموبايل لما يرن ( يا ترى مين عايزني الساعه دي ؟ ) , بكره صوت الرساله عالموبايل ( أوبا ... أكيد مخالفه جديده لبستها من كاميرات ساهر بتاعة المرور , ماهو انت مش واخد بالك , أنا نص مرتبي بيروح مصروف البيت والنص التاني بحوِّشه عند مخالفات ساهر !! ) , صوت تزييقة الباب بيوترني , كلاكسات العربيات , صوت المعلقه وهي بتقِّلب كوباية الشاي , خلاص يعني باختصار تقدر تقول بقيت شبه الواد اللي كان في فيلم ( ميدو مشاكل ) وراح يخطب نشوى مصطفى ..... محتاج ريلاكسيشن و تدليك لكل عضله و كل عضمايه و كل ( كونيكتيف تيشو بروبر ) وكل خليه وكل نوايه في جسمي , شوية هدوء من عندك يارب , الله يخرب بيتك يا مرسي جننت الواد .
الببلاوي يرفض وصف جماعة الإخوان المسلمين بأنها جماعه إرهابيه !!.... ماهو حاجه من اتنين يا ببلاوي , يا إما إنك واد مكّار زي السادات كده ولابد للخرفان في الدره لحد ما الموجه تعدّي وبعدين هتنفخهم , يا إما إنك زي ما بيقولو بقى ميّت من 40 سنه و بتتحاسب دلوأتي !!.
وقالك يا سيدي القبض على مواطن مصري صعيدي باع لسايح أجنبي ( سحليه ) ب 5 مليون جنيه على إنها ديناصور صغير !! , أيوه كده , أخيرا الثوره بدأت تحقق أهدافها , المصري معروف ب(سحليته ) ومعروف ب( ديناصوره ) , دانا لو كنت في مصر كان ممكن أبيع لسايح أجنبي بيضة فرخه على إنها صورة ابو الفتوح وهو صغير !!.
أنجولا ! .
.
وطبعا هتاخدنا الجلاله وهنتحمق أوي واحتمال نعلن الحرب المقدسه على الحكومه الأنجوليه الفاجره الماجنه اللي هدمت المساجد ومنعت بناء المساجد على أراضيها , و أكيد هنعمل حملة باسم ( قاطعو المنتجات الأنجوليه ) , مع إن أنجولا مالهاش منتجات عندنا بس احنا هنقاطع من باب الإحتياط !!.
.
إنما لو ربنا أكرمك شويه وفكّيت الترابيس والإقفال اللي حوالين دماغك دي وفتحت الشباك وبصّيت منه هتلاقي إن مصر , الدوله اللي المسيحيه فيها سبقت الإسلام ب 600 سنه بتطلّع عين المسيحيين في بناء كنيسه , يعني استخراج تصريح لبناء كنيسه عندنا أصعب من ترخيص لبناء كباريه , وكل ما نلاقي نفسنا فاضيين بنروح نفجّر كنيستين , ولو حضرتك حصلت حادثه عاديه بين عربيتين واحده صاحبها مسلم و التانيه مسيحي الموضوع بيتحول لقضية أمن دوله .
.
الكراهيه اللي اتربينا عليها انا وانت لغير المسلمين تكفي لحرق روما بحالها .
.
مفهوم سيادتي وسيادتك عن حرية الأديان زي مفهومنا عن غزو الفضاء و مفهومنا عن الدوره التناسليه لحشرة الدروسوفيلا .
.
و حمقتنا الكدابه مالهاش أي معنى ولا تفسير , لاحنا شعوب متدينه ولا بنحترم بقية الأديان عشان نطالبهم باحترامنا ...بالعكس احنا نموذج سئ وقمئ للإسلام , و الحكايه باختصار إنك ( كما تدينُ تُدان ) !!.
.
بيقول الشاعر الحكيم : إبدأْ بنفسكَ فانهها عنْ غيِّها .....فإن انتهتْ فأنتَ حكيمُ !!.
إعدمو مبارك !!.
.
صباح الخير :
.
إعدمو مبارك , مش عشان قتل خالد سعيد وألفين شهيد في ثورة يناير , إنما عشان سمح لملايين المصريين بالسفر للخليج من غير ما يفكر الملايين دي هترجع مصر وشكلها عامل إزاي ؟ هترجع وعقولها وصلت لفين ؟ وأدي النتيجه في سينا واسماعيليه و كل شبر في مصر , في القرى والنجوع , ابحثو عن الدراويش والبهاليل والإرهابيين والمكفّراتيه.
.
إعدمو مبارك , مش عشان نهب مليارات البلد إنما عشان سمح لجماعة الإخوان إنها تكبر وتتوحّش في عهده , ومصيبتنا الحقيقيه دلوأتي مش في عدد الجماعه ولا حشدها , مشكلتنا الأكبر في فلوسها , رأس المال السياسي , مليارات متلتله تشتري بيها عقول واحزاب وجماعات وحركات وقنوات وجرايد واتوبيسات وحكومات , كل الفلوس دي عملتها الجماعه تحت مرأى ومسمع من مبارك وبرعايه أمريكيه ( تمن الجلوس على الكرسي ) .
.
إعدمو مبارك مش عشان عبارة السلام اللي غرقت وراح ضحيتها ألفين مغترب غلبان , إنما عشان الفساد اللي عشش في مؤسسات الدوله , الرشوى والمحسوييه , ألاف البيوت اللي بتتهد على دماغ صحابها , ألاف القتله اللي طلعو براءه بسبب قوانين باليه ومحامين فاسدين وشرطه فاسده .
.
إعدمو مبارك , مش عشان حكم مصر 30 سنه وكان عايز يورّث الحكم لابنه كأنها تكيه , إنما عشان تعليمه ومدارسه خرّجو الأجيال بتاعتنا دي , الأجيال اللي لما فكّرت إنها تثور لبّست البلد في الحيطه ولما ربنا أراد واتعدلت الدفه راجعين تاني لنفس المكان ونفس الحيطه !! .
.
إعدمو مبارك بحق المصري اللي حرق العلم , والمصري اللي سخر من نشيد بلده , والمصري اللي بيسب لبلده في بلاد الخواجات , وبحق المصري اللي معندوش مانع إن مصر تتقسم , والمصري اللي مايعرفشي حاجه عن تاريخ مصر , والمصري اللي فهم إن المعارضه يعني الأباحه والوقاحه , والمصري اللي فهم إن كلمة الثائر دي مهنه ممكن يعيش عليها الإنسان .
.
جريمة مبارك الكبرى هي تجريف العقول , في المدارس والجوامع والكنايس , ولو حضرتك قلت لي مبارك مكانشي هو المدرس اللي بيشرح ولا الخطيب اللي بيفتي , هقولك ومبارك مكانشي هو الرُبّان اللي سايق العبّاره ولا الظابط اللي ماسك المسدس !! .
.
صباح الخير :
.
إعدمو مبارك , مش عشان قتل خالد سعيد وألفين شهيد في ثورة يناير , إنما عشان سمح لملايين المصريين بالسفر للخليج من غير ما يفكر الملايين دي هترجع مصر وشكلها عامل إزاي ؟ هترجع وعقولها وصلت لفين ؟ وأدي النتيجه في سينا واسماعيليه و كل شبر في مصر , في القرى والنجوع , ابحثو عن الدراويش والبهاليل والإرهابيين والمكفّراتيه.
.
إعدمو مبارك , مش عشان نهب مليارات البلد إنما عشان سمح لجماعة الإخوان إنها تكبر وتتوحّش في عهده , ومصيبتنا الحقيقيه دلوأتي مش في عدد الجماعه ولا حشدها , مشكلتنا الأكبر في فلوسها , رأس المال السياسي , مليارات متلتله تشتري بيها عقول واحزاب وجماعات وحركات وقنوات وجرايد واتوبيسات وحكومات , كل الفلوس دي عملتها الجماعه تحت مرأى ومسمع من مبارك وبرعايه أمريكيه ( تمن الجلوس على الكرسي ) .
.
إعدمو مبارك مش عشان عبارة السلام اللي غرقت وراح ضحيتها ألفين مغترب غلبان , إنما عشان الفساد اللي عشش في مؤسسات الدوله , الرشوى والمحسوييه , ألاف البيوت اللي بتتهد على دماغ صحابها , ألاف القتله اللي طلعو براءه بسبب قوانين باليه ومحامين فاسدين وشرطه فاسده .
.
إعدمو مبارك , مش عشان حكم مصر 30 سنه وكان عايز يورّث الحكم لابنه كأنها تكيه , إنما عشان تعليمه ومدارسه خرّجو الأجيال بتاعتنا دي , الأجيال اللي لما فكّرت إنها تثور لبّست البلد في الحيطه ولما ربنا أراد واتعدلت الدفه راجعين تاني لنفس المكان ونفس الحيطه !! .
.
إعدمو مبارك بحق المصري اللي حرق العلم , والمصري اللي سخر من نشيد بلده , والمصري اللي بيسب لبلده في بلاد الخواجات , وبحق المصري اللي معندوش مانع إن مصر تتقسم , والمصري اللي مايعرفشي حاجه عن تاريخ مصر , والمصري اللي فهم إن المعارضه يعني الأباحه والوقاحه , والمصري اللي فهم إن كلمة الثائر دي مهنه ممكن يعيش عليها الإنسان .
.
جريمة مبارك الكبرى هي تجريف العقول , في المدارس والجوامع والكنايس , ولو حضرتك قلت لي مبارك مكانشي هو المدرس اللي بيشرح ولا الخطيب اللي بيفتي , هقولك ومبارك مكانشي هو الرُبّان اللي سايق العبّاره ولا الظابط اللي ماسك المسدس !! .
ثورة ولا إنقلاب ؟!.................تسلم الأيادي .
.
ولو حد سألك ( هي ثوره ولا إنقلاب ؟! ) , قول له ( عفوا مفهمتش السؤال , حضرتك تقصد يناير 2011 ولا يونيو 2013 , أصلي بتلخبط بينهم لأنهم زي بعض بالمللي , شعب نزل وثار ضد رئيس ولا مؤاخذه منتخب , والجيش وقف جنبه في الحالتين )
لو اللي سألك انفعل من الرد وشتمك بالأب وسبّلك الدين يبقى إخوان , ولو اتحمق و شتمك بالأم وسبّ لك المله يبقى ناشط ولا مؤاخذه سياسي .
.
فرق شاسع بين الإخوانجي والناشط السياسي , الأول بينفعل والتاني بيتحمق , الأول بيشتمك بالأب والتاني بيشتم الأم , الأول بيسب الدين والتاني بيسب المله حتى اسألو علاء عبد الفتاح !!.
عايز أتعاطف مع أي متظاهر سلمي يتقبض عليه , عايز ألعن جدود أبو الداخليه اللي أدئها فعلا بيتراوح ما بين ( غبي أو فاسد ) , عايز أقول ( الحق أحق أن يُتبع ) , والتظاهر سلمي حق لكل إنسان , عايز أنسى إن أي مظاهرات حاليا بتصب في مصلحة الإخوان , مش مهم , ( ولا يجرمنكم شنأن قومٍ على ألا تعدلو ) , عايز أقف جنبك واساندك يا صاحبي بجد والله , بس أرجوك ليا طلب وسؤال عشان أبعد عنك أي شبهه :
.
طلبي , إنك لما تنزل تتظاهر قدام مجلس الشورى أو في أي مكان متاخدشي التابلت معاك وكل 17 ثانيه تنزل صورتك عالفيس وتحتها جملة ( متقلقوش يا جماعه إحنا كويسين بس محتاجين دعواتكو ) , في اللحظه دي بحس إنك محاصر في ( الدفرسوار ) وطائرات العدو الصهيوني بتمطرك بوابل من النيران بس انت متماسك وواقف زي الأسد , بتاكل ضفادع وأبراص في اللحظه دي ونفذت منك الزخيره ومش عارف هترجع بيتكو ولا لأ !! , مش واقف ومتبرفن وضارب الجل في وسط البلد وعندك 17 شارع ممكن تمشي فيهم , وكافتريات ومطاعم أجنبيه , أنا أصلي مش بحب الأفوره .... بحسها بنت مره و بتخنقني .
السؤال ومحتاج إجابه سريعه لو سمحت , انت دلوأتي محتجز , طيب لو جالك ظابط من الداخليه ( الوسخه ) وقالك تختار تدخل السجن ولا ترجع بيتكو ؟ هتختار ايه ؟ جاوب بسرعه ؟!!.
يابني اقعد على جنب بقى خيلتنا !!.
.
وقالك الثوره لازم تحكم !! , أيوه يعني اللي هي مين الثوره دي ؟ ماهي مش احتكار سيادتك ومالهاش كارنيهات , الثوره دي حضرتك مشترك فيها أنا وانت واحمد دومه وعلاء عبد الفتاح والمغير والواد اللي هناك ده وخالي عبد ربه وخالتي سنيه , تقصد سيادتك عايز مين اللي يحكم فينا بالظبط ؟!.
.
يقول لي الثوره لازم تحكم !! , يابني ماهي مصر على بعضها مفاش ولد ولا بنت اسمه ثوره , ( ثوره عبد العظيم محمد ) , برضه مقولتليش عايز مين يحكم ؟!.
يقول لي الثوره لازم تحكم ؟! طيب بلاش تقول لي مين هي الثوره ؟ , قولي عايزها تحكم إزاي ؟ بالديموقراطيه والصندوق ولا بالشارع والحشد ؟!
.
لو بالديموقراطيه والصندوق فأكيد سيادتك تعرف كويس أوي إن اللي بينزلو حاليا واللي بيأيدوهم يعملو لهم بتاع 200 ولا 300 ألف بالكتير , لأن الناس تعبت وزهقت وجابت أخرها , يعني سيادتك في الإنتخابات الجايه مش هتاخد 6 % ودول مينفعوش يدخلوك قصر الرئاسه , ولا يدخلوك معهد لاسلكي و لا يدخلوك الحمّام حتى .
.
ولو بالتظاهر والحشد في الشارع فنفس نسبتك موجوده , هتنزل بأعداد تعبانه مُله متنفعشي حتى لتغيير عضو مجلس محلي في كفر صقر مش رئيس دوله , وبعدين يا أخي هو الشعب ده شغّال عند اللي جابك ؟ , يوم تقول له ديموقراطيه ويوم تقول له ثوره ؟ يعني بتلعب معاه ديموقراطيه يوم أه ويوم لأ زي حقن الأدينوبلكس ؟! .
.
يا مغفل انت عارف كويس أوي إن الحل الوحيد للخروج على النظام الحالي وتبقى ضد الشعب والجيش والكل كليله واحتمال تنجح ( إحتمال ) هو إنك تحط إيدك في إيد الإخوان , أو بمعني أصح تقعد على حجر الإخوان تاني , وتركب الحنطور وتتحنطر دلجن دلجن .
.
متقوليش بقى الثوره لازم تحكم , خليك صريح كده أو ذكي على الأقل وقولي ( أنا نفسي أركب الحنطور تاني يا عمو ) !!.
مبروك لكل ثوار مصر الأحرار , بقيتو أبطال على صفحات الإخوان وشبكة رصد وقناة الجزيره , بقيتو أحفاد صلاح الدين الأيوبي وأحفاد الأنبياء والقديسين فروم إيه تو زد ... واللي المايه طرطشت عليه النهارده بقى شهيد وابن شهيد وخاله شهيد وجارهم شهيد , أنا مش مصدق نفسي من الفرحه , فرحان بيكو أوي يا ولاد .
النهارده الإقبال على ركوب الحناطير تاريخي يا فندم , واركب الحنطور دلجن دلجن !!.
مراجيح
.
صباح الخير ,
.
الأمم المتحده تدعو لتعديل قانون التظاهر في مصر , الأمم المتحده يا بشر شاغله نفسها بقانون جوه دستور جوه بلد بعييييد أوي اسمها مصر , أنا كده بدأت أقتنع بأهمية قانون التظاهر , ماهو المثل عندنا في البلد بيقول ( خد رأي الأمم المتحده واعمل عكسه ) !!.
.
لو كنت أعرف إن أحمد ماهر هو اللي دعى لمظاهرات امبارح مكنتش فكّرت أتعاطف مع المتظاهرين من أساسه , مجرد الفكره كانت هتبقى مرفوضه , أحمد ماهر يا بشر بيشاور وحضراتكو بتنفذو , وانا صغير كان نفسي لما أكبر أطلع أحمد ماهر بس أبويا قالي عيب يابني متقولشي على نفسك كده انت حد جميل !!
.
الكل كسبان من مظاهرات إمبارح , 200 واحد نازلين يتظاهرو , بعضهم عنده هدف وقضيه حقيقيه وده مكسبشي حاجه تُذكر , لكن اللي كسب فعلا هما بعض الثوار الهلاميين بتوع الشو الإعلامي وهواة تجميع اللايكات عالفيس , والإخوان طبعا , وبرامج التوك شو , وكالعاده الشرطه بغباوتها هي السبب , والببلاوي ميّت و بيتحاسب , والموضوع وصل للأمم المتحده والكوميسا والإتحاد الأوروبي واحتمال يكون كبر أوي و وصل للحكومه القطريه !!.
.
كتير من المعارضين في مصر عايشين بمبدأ ( خُلقنا لنعترض ), وكتير من أعضاء لجنة الدستور الحالي شغّالين بمبدأ ( خُلقنا لننسحب ) , بتخيل أو بحاول أفتكر لجنة الدستور الخرفاني كانو بيشتغلو في نصاص الليالي والبلد خربانه حواليهم ومحدش منهم فكّر إنه ينسحب , أدي الفرق بينا وبينهم , الليبراليين ولاد الصرمه أمثالي لو فيه اتنين منهم اختلفو في لون الكرافته اللي لابسينها بيعملو 3 أحزاب !!.
.
أسهل حاجه والله , أسهل حاجه هي لعب دور البطل عالفيس بوك , عندي شعارات وممكن أألف شعارات جديده لو تحبو , لكن الموجود يكفي , قولو لي بقى تحبو أنزل بشعار إيه ؟ ( يسقط يسقط حكم العسكر ) ؟ ولا , ( يا حريه فينك فينك أمن الدوله بينا وبينك ) , ولو تحبو نجيبها من أوِّل خالص ونتكلم بلغه يفهمها الببلاوي و نرفع شعار ( سعد سعد يحيا سعد ) !!.
.
صباح الخير ,
.
الأمم المتحده تدعو لتعديل قانون التظاهر في مصر , الأمم المتحده يا بشر شاغله نفسها بقانون جوه دستور جوه بلد بعييييد أوي اسمها مصر , أنا كده بدأت أقتنع بأهمية قانون التظاهر , ماهو المثل عندنا في البلد بيقول ( خد رأي الأمم المتحده واعمل عكسه ) !!.
.
لو كنت أعرف إن أحمد ماهر هو اللي دعى لمظاهرات امبارح مكنتش فكّرت أتعاطف مع المتظاهرين من أساسه , مجرد الفكره كانت هتبقى مرفوضه , أحمد ماهر يا بشر بيشاور وحضراتكو بتنفذو , وانا صغير كان نفسي لما أكبر أطلع أحمد ماهر بس أبويا قالي عيب يابني متقولشي على نفسك كده انت حد جميل !!
.
الكل كسبان من مظاهرات إمبارح , 200 واحد نازلين يتظاهرو , بعضهم عنده هدف وقضيه حقيقيه وده مكسبشي حاجه تُذكر , لكن اللي كسب فعلا هما بعض الثوار الهلاميين بتوع الشو الإعلامي وهواة تجميع اللايكات عالفيس , والإخوان طبعا , وبرامج التوك شو , وكالعاده الشرطه بغباوتها هي السبب , والببلاوي ميّت و بيتحاسب , والموضوع وصل للأمم المتحده والكوميسا والإتحاد الأوروبي واحتمال يكون كبر أوي و وصل للحكومه القطريه !!.
.
كتير من المعارضين في مصر عايشين بمبدأ ( خُلقنا لنعترض ), وكتير من أعضاء لجنة الدستور الحالي شغّالين بمبدأ ( خُلقنا لننسحب ) , بتخيل أو بحاول أفتكر لجنة الدستور الخرفاني كانو بيشتغلو في نصاص الليالي والبلد خربانه حواليهم ومحدش منهم فكّر إنه ينسحب , أدي الفرق بينا وبينهم , الليبراليين ولاد الصرمه أمثالي لو فيه اتنين منهم اختلفو في لون الكرافته اللي لابسينها بيعملو 3 أحزاب !!.
.
أسهل حاجه والله , أسهل حاجه هي لعب دور البطل عالفيس بوك , عندي شعارات وممكن أألف شعارات جديده لو تحبو , لكن الموجود يكفي , قولو لي بقى تحبو أنزل بشعار إيه ؟ ( يسقط يسقط حكم العسكر ) ؟ ولا , ( يا حريه فينك فينك أمن الدوله بينا وبينك ) , ولو تحبو نجيبها من أوِّل خالص ونتكلم بلغه يفهمها الببلاوي و نرفع شعار ( سعد سعد يحيا سعد ) !!.
عايز حد من أصدقائي اللي عايشين في أمريكا و فاهمين في السياسات الداخليه الأمريكيه يقول لي بجد , لو فيه جماعه أو تنظيم موجود داخل أمريكا وكل اسبوع ( لأ كل شهر ولا كل سنه ) بيقتل جندي أمريكي واحد ( مش 10 ولا 25 ) , يا ترى مستر بريزدنت أوباما راعي الحريات والديموقراطيه والدعاره والإرهاب في العالم كان هيعمل إيه ؟ ده سؤال بجد .
النهارده 3 عساكر اتقتلو في كمين في سينا , حاجه خفيفه كده على غيار الريق يعني , قتل العساكر الغلابه بقى روتين يومي , محدش هيهتم عارفين ليه ؟ عشان دول عساكر غلابه معندهمشي حساب على فيس بوك ولا اعضاء في حركة ( علّمني العوم والنبي ياحمد ) .
لكن الدنيا امبارح اتقلبت عشان الشرطه طرطشت مايه على فلانه , الناشطه والسياسيه المعروفه وعضو حركة كذا , إحنا أسفين يا فلانه , الحريه لفلانه , حقك علينا يا فلانه , هاتي راسك نبوسها يا فلانه .
.
دي مش موافقه مني على وساخة الشرطه في تعاملها مع المتظاهرين , بس نفسي ييجي علينا يوم واحس ان مصر دي فيها حاجه أرخص من المخلل ( الطرشي ) و دم العسكري المجند الغلبان !!.
المشهد الذي أبكى إبليس الرجيم وخلّاه يقول ( لا يا رجاله , مش كده بقى , دي الرحمه حلوه برضه ) !!.
.
صفحة الحريه والعداله عامله دعوه للنزول والتظاهر وبتقول ( نحط إيدنا في إيد ثوار يناير الشرفاء ! ) , هما بس عشان ناس متدينين كتبوها كده ( نحط إيدنا في إيدهم ) مش حاجه تانيه يعني !!.
وبعدها فورا استجابه من بعض النشطاء السياسين , والباقي هيستجيب ( على مسئوليتي الحكايه دي )
عايز حضرتك تتخيل المشهد اللي أبكى إبليس بقى :
الناشط السياسي نازل يتظاهر عشان حق العساكر الغلابه اللي بيموتو كل يوم من غير تمن عشان بيحمو أرضه وعرضه , فقام واخد في إيده اللي بيقتل العساكر الغلابه ونزل يهتف ضد أبو العسكري الغلبان .
لأ , هبسّطهالك , واحد واخد القاتل ونازل معاه عشان يجيب حق القتيل و عمّال بيشتم في أبو القتيل !!.
.
إيه ؟ بتقول إيه ؟ معقوله مش هيجيبو سيرة العساكر اللي بتتقتل كل يوم ؟ بتتكلم بجد ؟! لا مش ممكن , إنت أكيد تبع الإعلام المغرض وعايز تشوّه صورة الناس دي , و بتتفرج على ابراهيم عيسى ( المنافق ) !! .
حكومة المنفى !! , و ناس زعماء عايشين اختياري في المنفى !! , ودول في المنفى بترفض قانون التظاهر في مصر , وجرايد قطريه بتصدر من أجل مصريين في المنفى !! , وقنوات بتتباع لبتوع المنفى , ممممممممم واحنا عندنا رئيس ورئيس وزاره بيحكمو , واحد فيهم نايم وعامل نفسه ميت والتاني ميت وعامل نفسه نايم , إصحى يا ببلاوي وانفخ طربوشك , البكباشي جمال عبد الناصر عمل ثوره , و الدبابه الأمريكيه قرّبت من الكيلو 67 !!.
واضح إن فيه إيد خفيه بتلعب في شئون مصر الداخليه , الساده رباعي خط الحكم ( منصور ...الببلاوي ...السيسي ....محمد ابراهيم ) , أنا شاكك في اتنين منكو , طلبت من الكمبيوتر يحذف لي اجابتين , و بعد حذف الإجابتين الكمبيوتر اختار لي ( التاني والرابع ) , و قال لي الأول والتالت لأ , سألته ليه بقى يا عم ( كومبو ) ؟ , قال لي التالت هو اللي شايل الليله وهيدفع الفاتوره كامله , يعني مش معقوله هيتأمر على نفسه , والأولاني نايم من وقتها وعنده شهود يشهدو معاه بكده.
اللي عالشط عوّام !!
.
مش هكدب على حضرتك واقولك اني أعرف الإرهابيين عايشيبن إزاي و فين وبيعملو ايه ؟ , ولا هكدب واقول اني خبير في شئون الجماعات الإرهابيه , ولا عمري روحت سينا للأسف , إنما فيه حاجه اسمها التفكير المنطقي , اللي بتبنيه في ذهنك خطوه بخطوه stepwise , وبتلاقي شواهد وأدله تقولك إنك ماشي صح في فكرتك دي , إمبارح كان ابراهيم عيسى مستضيف واحد منشق عن الجماعه الإسلاميه , وبطبيعة الحال بقى خبير في شئون الجماعات دي لأنها متشابكه بطريقه ما , حسيت إن كلامه مش غريب عليا , مفيش حاجه فاجئتني , كأنه بيقرا كلامه من دماغي
مثلا :
1- الجماعات اللي موجوده في سينا أغلبهم ناس عمّال وصنايعيه مراحوش مدارس واتحولو لجماعه من الجماعات دي ...كلام منطقي جدا , اومال يعني واحد هيلغي عقله ويشيل سلاح ويقتل عسكري غلبان واقف في الخدمه هيبقى خرّيخ السوربون ؟!
.
2- الجماعات دي متداخله وكتير وحماس داخله في الليله والأنفاق وبينهم مصالح مشتركه و هما رغم اختلاف أيدلوجياتهم قريبين من بعض ودايما فيه قاعده للإلتقاء ...كلام منطقي برضه .
.
3- وجودهم لسنوات طويله في سينا عمل مصاهرات ونسب مع كتير من القبائل السيناويه .... كلام سليم .
.
4- كتير من أهالي سينا مبقاش عندهم ولاء للحكومات المصريه المتعاقبه , وده بسبب إنهم مهملين من قِبَل الدوله من عشرات السنين , لا مدارس ولا مستشفيات ولا حتى خطوط موبايل , فبقى ولاء الشاب السيناوي لقبيلته مش لدولته وبالتالي الجيش والشرطه مش بيلاقو تعاون أوي ....برضه كلام سليم
.
5- الإرهابيين اللي بيشيلو السلاح ويكفّرو المجتمع منهم ناس كتير كانو ولا زالو بيتاجرو في المخدرات والسلاح واي حاجه تقابلهم .... مش متفاجئ إطلاقا ولو قلت لي فاتحين شبكات دعاره ولا أي إندهاش ( ليس بعد القتل ذنب ) !!.
.
دي نقاط بسيطه من حوار امبارح اللي متفق تماما مع فكرتي , وباقي رساله هوجهها لصاحبي اللي معرفوش وبلاقيه يوم ما يموت جنود يكتب على صفحته ( جيش رخو وشرطه رخوه مش عارفين يسيطرو عالبلد وعلى الإرهاب اللي فيها ) , ويوم ما ينزل قانون للمحاكمات العسكريه تلاقيه اتقلب 180 درجه وقال ( الجيش بيستخدم الإرهاب فزاعه عشان يحكمنا ومصر أساسا مفهاش إرهاب ) !!.
.
أنا بقي مش هرد على تفاهتك دي لأني ورمت , ويكفيك عقوبه من ربنا سبحانه وتعالى إنه رزقك بعاهه مستديمه جوه الجمجمه .
.
إنما عايز أقول لأي حد منصف في البلد دي وبيدور عالحقيقه إن ( اللي عالشط عوّام ) , ارحمو الجيش والشرطه اللي طالع عينهم في سينا , عشان الموضوع صعب ومعقد و حصاد سنين طويله , متبقاش انت والأيام السوده عليهم .
وان كنت ناسي أفكّرك !.
.
صباح الخير
لجنة دستور أعضاءها نادر بكار وأم أيمن و واحد عجلاتي وفرارجي , ومجلس شورى بيتكلم عن اللعبه اللي جت من الصين وبتسب السيده عائشه , واحد بيأدن في البرلمان وناس مش عايزه تقف للسلام الوطني .
.
إعلان دستوري في نصاص الليالي بصلاحيات إلهيه تحت بند تحقيق أهداف الثوره , وراجل تخين كده وبكرش , عريض المنكبين محاصر مدينة الإنتاج الإعلامي وعمل قدامها حمامات وجاب عجول وبدأ يدبحها , إعتداء على الصحفيين والإعلاميين والضيوف قبل دخولهم للبرامج الفضائيه .
.
عريض المنكبين بيحاصر المحكمه الدستوريه لمنع قضاتها من إصدار أي قرار , ونائب عام جاي من ( قطر ) عشان يجيب حق الشهدا !! .
.
تعذيب للمواطنين أمام وداخل قصر الإتحاديه بمعرفة البهلول أبو رياله , والإعتداء بالضرب على سفير مصري ومهندس في شركة تكنولوجيا عالميه واتهامهم بإنهم بلطجيه .
.
أم أيمن بصّت من شباك قصر الإتحاديه وشافت الولاد والبنات في الخيام بيمارسو الجنس ومعاهم واقي ذكري , والمذيعين في قنوات مصر 25 والناس والرحمه وغيرها بيطالبو باعتقال يسري فوده ومنى الشاذلي وباسم يوسف والإبراشي وعيسى وإيداعهم في السجون بدون محاكمات .
.
هتصوّت بنعم عالدستور وتدخل الجنه ولا تصوت بلا وتدخل النار ؟ والجيش حمى الثوره والشرطه شريك في ثورة يناير وبنشكر باكستان على مجهوداتها في حرب اكتوبر .
.
المعترضين على حكم مرسي هما 5 6734 في حاره زانقه وبيعملو حاجات مش حلوه ( تصريحات البهلول ) , مرسي وعدنا بإعادة حلايب وشلاتين لنا أثناء زيارته ( تصريحات نائب الرئيس السوداني ).
.
كفايه كده يا صاحبي , مش مهم أكمِّل , إنت عارف وانا عارف والعارف لا يُعرّف , مشكلتك مش في قانون التظاهر ولا قانون المحاكمات العسكريه , كل الحكايه إنك عايز البرادعي يحكم مصر , أي نظام حكم مفهوش البرادعي يبقى باطل وفاشي , قانون التظاهر هيتعدل ولو متعدّلش فمفيش شعب حر بيكتفه قانون ويمنعه من التظاهر , وقانون المحاكمات العسكريه ده موجود في مسودة دستور لسه ماصدرش , ولو صدر بالشكل ده فمطلوب من حضرتك تنزل وتصوت بلا ..تسقط الدستور بأكمله .
.
ولو قولتي لي البرادعي هيحكم مصر إزاي هديك شوية فول سوداني من العلبه دي ؟ بالثوره والتظاهر ؟ يوك ( باللغه الأردوغانيه ) , عشان تبقى عبيط لو تخيلت إنك هتنجح في ثوره ضد الشعب والجيش , ولو بالديموقراطيه والصناديق ؟ يوك برضه وانت عارف أخرك فين وكام , حلّك الوحيد هو دعم الإخوان والسلفيين و الجهاديين وعبود الزمر للبرادعي عشان احتمال ينجح , والناس دي يا صاحبي بتاخد حقها مقدّم , توته على كبّوته , وحقها انت عارفه كويس واسأل العساكر اللي ماتو .
.
عشان كده هقولك رأيي بالفُم المليان , أنا موافق إن مصر يحكمها رئيس عسكري جاي على ضهر دبابه مصريه ومش موافق يحكمها رئيس مدني جاي على ضهر مدافع الإرهابيين ودم العساكر الغلابه .
.
صباح الخير
لجنة دستور أعضاءها نادر بكار وأم أيمن و واحد عجلاتي وفرارجي , ومجلس شورى بيتكلم عن اللعبه اللي جت من الصين وبتسب السيده عائشه , واحد بيأدن في البرلمان وناس مش عايزه تقف للسلام الوطني .
.
إعلان دستوري في نصاص الليالي بصلاحيات إلهيه تحت بند تحقيق أهداف الثوره , وراجل تخين كده وبكرش , عريض المنكبين محاصر مدينة الإنتاج الإعلامي وعمل قدامها حمامات وجاب عجول وبدأ يدبحها , إعتداء على الصحفيين والإعلاميين والضيوف قبل دخولهم للبرامج الفضائيه .
.
عريض المنكبين بيحاصر المحكمه الدستوريه لمنع قضاتها من إصدار أي قرار , ونائب عام جاي من ( قطر ) عشان يجيب حق الشهدا !! .
.
تعذيب للمواطنين أمام وداخل قصر الإتحاديه بمعرفة البهلول أبو رياله , والإعتداء بالضرب على سفير مصري ومهندس في شركة تكنولوجيا عالميه واتهامهم بإنهم بلطجيه .
.
أم أيمن بصّت من شباك قصر الإتحاديه وشافت الولاد والبنات في الخيام بيمارسو الجنس ومعاهم واقي ذكري , والمذيعين في قنوات مصر 25 والناس والرحمه وغيرها بيطالبو باعتقال يسري فوده ومنى الشاذلي وباسم يوسف والإبراشي وعيسى وإيداعهم في السجون بدون محاكمات .
.
هتصوّت بنعم عالدستور وتدخل الجنه ولا تصوت بلا وتدخل النار ؟ والجيش حمى الثوره والشرطه شريك في ثورة يناير وبنشكر باكستان على مجهوداتها في حرب اكتوبر .
.
المعترضين على حكم مرسي هما 5 6734 في حاره زانقه وبيعملو حاجات مش حلوه ( تصريحات البهلول ) , مرسي وعدنا بإعادة حلايب وشلاتين لنا أثناء زيارته ( تصريحات نائب الرئيس السوداني ).
.
كفايه كده يا صاحبي , مش مهم أكمِّل , إنت عارف وانا عارف والعارف لا يُعرّف , مشكلتك مش في قانون التظاهر ولا قانون المحاكمات العسكريه , كل الحكايه إنك عايز البرادعي يحكم مصر , أي نظام حكم مفهوش البرادعي يبقى باطل وفاشي , قانون التظاهر هيتعدل ولو متعدّلش فمفيش شعب حر بيكتفه قانون ويمنعه من التظاهر , وقانون المحاكمات العسكريه ده موجود في مسودة دستور لسه ماصدرش , ولو صدر بالشكل ده فمطلوب من حضرتك تنزل وتصوت بلا ..تسقط الدستور بأكمله .
.
ولو قولتي لي البرادعي هيحكم مصر إزاي هديك شوية فول سوداني من العلبه دي ؟ بالثوره والتظاهر ؟ يوك ( باللغه الأردوغانيه ) , عشان تبقى عبيط لو تخيلت إنك هتنجح في ثوره ضد الشعب والجيش , ولو بالديموقراطيه والصناديق ؟ يوك برضه وانت عارف أخرك فين وكام , حلّك الوحيد هو دعم الإخوان والسلفيين و الجهاديين وعبود الزمر للبرادعي عشان احتمال ينجح , والناس دي يا صاحبي بتاخد حقها مقدّم , توته على كبّوته , وحقها انت عارفه كويس واسأل العساكر اللي ماتو .
.
عشان كده هقولك رأيي بالفُم المليان , أنا موافق إن مصر يحكمها رئيس عسكري جاي على ضهر دبابه مصريه ومش موافق يحكمها رئيس مدني جاي على ضهر مدافع الإرهابيين ودم العساكر الغلابه .
حقيقه علميه
.
إذا كانت أسماء محفوظ هي ( عُكّاز إبليس ) فإن أحمد ماهر هو صاحب المحل اللي باع لإبليس العكاز وقال له ( خد دي على ضمانتي يا برنس ) .
ومن يوميها وإبليس ساند وعاكز وضارب كوعه اليمين ( أه بالظبط زي سوّاقين الميكروباسات ) ومن غير محرم كمان !!.
.
وقالك إبليس كان هيطبّق الشريعه و هو فصيل وطني بقى.
.
تبّتْ يدا إبليس وعكازه.... وألْف تَبْ لصاحب المحل !!.
.
من فضلك أيها الناشط المحموق : إقرأ كتاب ثورة يناير من أول صفحة وصول محمد مرسي لجولة الإعاده .
عايز الحل ولا عايز حكاية ناشط سياسي دي تبقى مهنه ؟!
.
الحل بسيط خالص :
1- عندك دستور بيتكتب وهيتعمل لك استفتاء عليه لو مش عاجبك انزل صوّت ب لا وسقطه , سهله أهي ... بتتظاهر ليه بقى ؟!.
.
2- عندك قانون تظاهر لو مش عاجبك وشايفه مجحف طالب بتعديله أو تظاهر ضده بطريقه محترمه عشان مش تضيّع حقك , وخلي بالك انت نازل تتظاهر ضد قانون معين , إرفع شعارات بسقوط القانون مش سقوط النظام يا برنس !!
.
3- ابدأ استعد لأن الإنتخابات جايه , وبشكلك العفش ده ( حاليا ) مش هتاخد حاجه في أي انتخابات وهتقعد تولول زي الستات بعدها .
.
4- هات ( حباظه ) في انتخابات الرئاسه بصوتك , أو هات مرعي بتاع الكليمه أو خالد علي أو أي حد يعجبك ( صوتك وانت حر فيه ).
.
5 - هفك الشوق للتظاهر بدون سبب عشان يعني تفك عضلة السمّانه وترفع لياقتك البدنيه مفيش مشكله , بس مش من باب أولى تعمل مظاهره ضد الإرهاب ترفع فيها صورة العساكر الغلابه اللي بتموت عشانك و لا إيه ؟!
.
.............................
عايز تبقى مهنتك ناشط سياسي وتتظاهر من أجل التظاهر فانا هقولك برضه
.
1- لو بنات إخوان اتحكم عليهم بالسجن في قضايا تخريب وهيدخلو الأحداث وشايف الحكم ظالم انزل تظاهر وتعاطف معاهم , بس العسكري اللي مات مايستاهلش أصل صورته منزلتش في الجزيره وشبكة رصد وضحكته مش بريئه وريحته وحشه كمان .
.
2- لو فيه ماده في دستور انزل تظاهر ضدها واهتف بسقوط النظام مش سقوط الماده .
.
3- لو عندك نظام حكم مؤقت كل مهمته إنه يعملك دستور ( وانت اللي هتقبله أو ترفضه ) وانتخابات ( وانت اللي هتنتخب فيها ) , طالب بسقوطه عشان مفهوش الناس اللي انت بتحبها أو تقريبا لسه مخترعناش الذرّه في عهد عدلي منصور !!.
..............................
الحكايه سهله , بتتظاهر عشان قضيه معينه ولا بتتظاهر عشان تتظاهر و يتقال عليك متظاهر وتٌحشر مع المتظاهرين والمتظاهرات ؟!.
يتهيألي كده , مصر ( اللي هي الأرض والوطن والتاريخ ) بعد اللي شافته في السنتين تلاته اللي فاتو محتاجه جلسات تدليك ومساج و تأهيل نفسي لمدة 19 سنه جايين , أه نسيت , و 120 طن حشيش عشان تعرف تظبط دماغها , ثوره دي ولا ستانجالينا ؟!!.
فرارجي الثوره !!
.
وعهد الله احنا فاهمين الديموقراطيه غلط خالص , صحيح إن من حق أي حد يحلم برئاسة مصر بس ده مش معناه إن كل من هبّ ودب يترشح للرئاسه , مش طابونه هي ولا جُرن الهبله ,... من حقك حاجه وإنك تكون مؤهل لكده حاجه تانيه خالص .
كل لما بشوف واحد فسل رقيع مالوش أي تلاتين لزمه وبيفكّر إنه يترشح لرئاسة مصر و عايز يبقى الرئيس وكداهون ( بيمارس حقه الديموقراطي بقى) , بفتكر مشهد من فيلم الكرنك , فريدشوقي وهو ماسك ( قارعة البوزه ) في إيده وبيقول للمعلم على الشريف ( الفرارجي ) لما جه يطلب إيد سعاد حسنى ( عليا النعمه انت مش بتتكلم , إنت بتنهق , دي دكتوره يا عالم , دكتووووووووووووووووووره ) .
.
وانا بقى في السنتين تلاته اللي فاتو خلّصت ييجي 40 قارعة بوزه وسمعت عن 40 مرشح للرئاسه كلهم يحملون لقب ( فرارجي الثوره ) !!.
