سلام الله على عيونك

مسكت سلاح
وقُلت أحمي
ترابك أيوه من عيني
و جَتْلي الطلقه
من ضهري
ومين يا مصر
يحميني ؟!
.
أنا جندي
ماليش أحزاب ولا رايه
بموت فيكي
وراجع جثّه يامّايه
جزاتي إني
بحميكي ؟!
.
هقولك إيه
واعاتب مين ؟
وانا عمري ما يغلاشي
سلام الله على عيونِك
يا محروسه أنا ماشي !!.
.
.
محمد حسين

يا ست مصريه

و دمعتين ساجدين
على خدها المجروح
صعبت عليا الروح
و سألت مين هي ؟
قالو لي دول مساكين
يكمل عشاهم نوح
و الدمع مش مايه
سوق الشهامه جبر
و العدل فيها سخيف
إنسان بياكل حجر
وكلاب بتاكل بيف
يا ست مصريه !!
.
محمد حسين https://www.facebook.com/photo.php?fbid=627303273997262&set=pb.100001527845355.-2207520000.1394875964.&type=3&src=https%3A%2F%2Ffbcdn-sphotos-c-a.akamaihd.net%2Fhphotos-ak-prn1%2Ft1%2F1002003_627303273997262_1760587727_n.jpg&size=480%2C452

حمار حصاوي

حمار حصاوي
ناشط و غاوي
يلمّ كل الحمير وراه
.
خروف بيركب
على ضهره حبّه
باسم المحبّه
ويقول له حَا !!.
.
.
محمد حسين

أحلم

إحْلَمْ .
.
إحلم دي الناس
لما بتحلم
بتشوف الدنيا سَبَعْ ألوان
واقلِبْ فنجانك هقرالك
أجمل فنجان
.
ماهو طوال ما ف قلبك
بذرة حب لخلق الله
دوَّر تلقاه
ويّاك جوّاك
بس انت افتكره
ف ساعة الخير
و ف ساعة الشده
هيبقى معاك .
.
الزرع هيكبر على إيدك
شوف عناقيدك
واحصدها قوام
.
احلم بالخير مهما
قالولك
وافرد طولك
ولا هما اسيادك
ولا حاجه
ولا إحنا في نفس الكون
خُدّام
.
دي الشمس بتشرق مجانا
يابو عقل ضرير
والنسمه بتدخل
على صدرك
من غير فواتير
وإديك السمره الشقيانه
بتهد جبال
على إيه بتكشّر
و بتيأس ؟
إفردها يا خال !!.
.
.
محمد حسين

عم أحمد

عم أحمد راجل مِتْوكِّل
على ربه و داير يلاغيها
و ملامح وشِّه بتتشكِّل
من صورة مصر وحواريها
.
مطاطاشي لكلب ولا ديابه
ولا صاحب شلّه من البهوات
طول عمره يصاحب في غلابه
من ساعة الوِلْد لحد ما مات
.
في العشق ده فارس
مش عاشق
في الصف الأول كان راشق
و حصانه قصيده بتتغنّى
ماسمعتش عن وصفه بهيه
و جمالها الواصل بالجنه ؟!
.
.
محمد حسين

................. عن الراحل الرائع  أحمد فؤاد نجم 

والديب لو تاب

إخوانجي وتايب
مش تايب
إرهابي يا ناس
شٌغْل زرايب
.
مدّيت له إديه
بشكل ظريف
قام بعد شويه
قطعها بسيف!!
وسألته
إزاي تغدر وتخون ؟
قال لي يا مجنون
يابو عقل خفيف
أنا ديب له ناب
مش شاعر زيك
له موّال
والديب لو تاب
عمره ما يتحوِّل
يبقى غزال !!.
.
.
محمد حسين

وناس بتزرعها قنابل

فيه ناس بتعزق أرضها
و ناس بتزرعها قنابل
إرهاب بينخر جسمها
فلّاح يحارب و يقابل
.
أنا مصري من بلدك
يا مسيح
بلد المأذن والكُتَّاب
علِّمتني أغفر
ده صحيح
قولي أسامح
ليه إرهاب ؟
.
يا قلب القلب من جوه
يا روح الروح
يا زارعه ضلوعي
بمْروَّه
وحاصده بكايا على حالك
ما كان مالي يا محروسه
و كان مالك ؟!
.
أعيش بهواكي
ليه موجوع
في دايره
عالقلوب دارتْ
يا ريت ما كان
في جسمي ضلوع
يا ريتها زرعتك بارتْ !!
.
.
محمد حسين

في عرضك مكانتك ......... محمد حسين

في عرضك مكانتك
في أرضك مكانك
قراري وتعرف
فلان اللي باعك
و مين اللي خانك ؟
.
تحارب و تزرع
جناين جناين
ما تسمح لعاطل
ما تأذن لخاين
يزعزع إيمانك
في عرضك مكانتك
في أرضك مكانك
.
و ساعة العصاري
بتحلى العزومه
حصيره و لُقمه
تدندن لسومه
و تسرح معاها
ما يسلم غُناها
و يسلم لسانك
في عرضك مكانتك
في أرضك مكانك .
.
يا عمي و خالي
يا قلب البراءه
و م الحقد خالي
بلدنا العفيّه
بشوفها ف كفوفك
و اغنِّي لبهيه
ساعات لما شوفك
ماهي دموعك
و هي ابتسامتك
و هي و هي
ملامحك و سمتك
و هي الحبيبه
يا زارع ترابها
كرامه وطيبه
و عايش عشانها
و عايشه عشانك
في عرضك مكانتك
في أرضك مكانك !!.
.
.
محمد حسين

اشعار ........ محمد حسين

Mohamed Hussein

21 يناير

رسمتك ضحكه مكسوره

بتشبه ضحكة المساجين

و مين يا مصر يشبهلك ؟

و مين يا غاليه يستاهلك

و مين ناسك و مين اهلك

و مين ناصر و مينا و مين ؟!.

.

ببص عليكي في مرايتي

اشوف صورتك واشوف صورتي

ولو شاطر في يوم هعرف

أقول الفرق بين لتْنين !!.

.

رسمتك ضحكه مكسوره

بتشبه ضحكة المساجين .

.

.

محمد حسين

Mohamed Hussein

30 يناير

كنت أه عريان وحافي

كنت رغم البرد دافي

كنت صوت للخير بيدّن

كنت نبع جميل وصافي

.

كنت عاشق للبشر

كنت مغرم بالنفوس

كنت بنحت في الحجر

كنت وسط الشوك بدوس

ملعونه يادي الفلوس !!.

.

.

محمد حسين

Mohamed Hussein

2 فبراير

يا مصر فين رقٍّتك

لمّا بنتلاقي

و فين جمال ضحكتك

لو كنتي مشتاقه ؟!

.

لمّا انتي حُبِّك وَجَع

واجمل ما فيكي فراق

بتلبِّسينا ليه

بالغصب توب عُشَّاق ؟!

.

غُرْبه و الليل ده حالِك

يا جنة المحبوب

لا إيدي طالتْ جمالك

و لا كفّانيش التوب !!.

.

و غلبت قوله و نِدا

مين اللي بايع مين ؟

هو انتي مُتأكده

إن احنا جوز عاشقين ؟!

.

.

محمد حسين

Mohamed Hussein

5 فبراير

في عرضك مكانتك

في أرضك مكانك

قراري وتعرف

فلان اللي باعك

و مين اللي خانك ؟

.

تحارب و تزرع

جناين جناين

ما تسمح لعاطل

ما تأذن لخاين

يزعزع إيمانك

في عرضك مكانتك

في أرضك مكانك

.

و ساعة العصاري

بتحلى العزومه

حصيره و لُقمه

تدندن لسومه

و تسرح معاها

ما يسلم غُناها

و يسلم لسانك

في عرضك مكانتك

في أرضك مكانك .

.

يا عمي و خالي

يا قلب البراءه

و م الحقد خالي

بلدنا العفيّه

بشوفها ف كفوفك

و اغنِّي لبهيه

ساعات لما شوفك

ماهي دموعك

و هي ابتسامتك

و هي و هي

ملامحك و سمتك

و هي الحبيبه

يا زارع ترابها

كرامه وطيبه

و عايش عشانها

و عايشه عشانك

في عرضك مكانتك

في أرضك مكانك !!.

.

.

محمد حسين

Mohamed Hussein

7 فبراير

لايف يا طير

يا غريب

على قلبي

كنَّك ناي

بتغنِّي لحن

عجيب

و تقولّي غنِّي

معاي

.

مانا كنت كاتب

ع الضلوع ممنوع

دَخَلْت كيف

و ازَّاي ؟!

.

.

محمد حسين

Mohamed Hussein

11 فبراير

مصر دايماً يا حبيبتي

لسّه ليكي عمر باقي

فوق ترابك بين ولادنا

اسألي الأجراس و مدنه

واسمعي صوت السواقي

.

فجر يطلع خير بنزرع

نبته تحضن في الحيطان

الأمان في الحضن يجمع

و الهوى سر التلاقي

.

مصري عاشق ذكرياتك

أهراماتك وحكاياتك

و ابتسامتك هي هي

ياللي فوتِّي الكون ما فاتك

من جمالك يا بهيه

.

فاكره أحمس فاكره مينا

فاكره سيدنا المسيح ؟

فاكره جيشك حرب سينا

يا جبل ما يهزه ريح

.

عوديني بالمحبّه

شرّبيني الصبر حبّه

علميني أنسى كلمة

( لأ محال )

.

ازرعيني بين حدودك

اطبعيني فوق خدوك

لجل عودي يبقى

راسخ زي عودك

زي ما تكون الجبال

.

وافردي قلوعك ودوسي

عالكلاب ويّا الديابه

مش ولادك مش حبايبك

اللي عايزك تبقي غابه

.

اللي تافه واللي خاين

و اللي غرَّر بالولاد

اللي باعك في المداين

و اللي عارضك في المزاد

تبقى ليه طيبتك يا غاليه

تبقى ليه الطيبه عاد ؟!!

.

.

محمد حسين

.

Mohamed Hussein

27 فبراير

غاية مرادي تكوني

مرفوعه فوق الراس

ياللي مقامك نزل

في الأصل كان عالي

.

ما شبعت عمري اوصفك

و اصرخ ما بين الناس

حبّوها لجل النبي

بلدي و راس مالي

.

و لمّا بدأو الضرب

قُلت البشاره يا رب

و لا خوفت من حُرّاس

و لا بعت لملالي

.

غاية مرادي تكوني

مرفوعه فوق الراس

ياللي مقامك نزل

في الأصل كان عالي !!.

.

.

محمد حسين

Mohamed Hussein

10 مارس

ليه يا مصر تخلِّي دايما

سكِّة العاشق سراب ؟

قولي مالك ؟

الطريق مفرود وسالك

و انتي حرّه

و بايعه حالك للكلاب

.

اللي خاين جاي يقبض

و اللي مات مقهور عشانك

حقه ضايع في الحساب !!.

.

.

محمد حسين

Mohamed Hussein

يا عيني شوفتي الدلع ؟

شدّ الهوى توبي

فلّاح و طبعه جدع

مصري و من توبي

.

سامحوني ياهل العتب

دايقه الغرام دوبي

أنا جيت في ساعة غضب

و كتبت مش عايزه

و حياة عنيك يا هوى

لم تقرا مكتوبي !!.

.

.

محمد حسينMohamed Hussein

يا عيني شوفتي الدلع ؟

شدّ الهوى توبي

فلّاح و طبعه جدع

مصري و من توبي

.

سامحوني ياهل العتب

دايقه الغرام دوبي

أنا جيت في ساعة غضب

و كتبت مش عايزه

و حياة عنيك يا هوى

لم تقرا مكتوبي !!.

.

.