Mohamed
Hussein
28
يونيو 2018·
هتعمل ايه يا حبيبي
؟
- هنعمل ثوره يا
أونكل
.
و دي هتعملوها
فين ؟
- هي ايه ؟
.
الثوره يابني
, انت دماغك راحت فين بس .
- اه الثوره ,
هنعملها على تويتر .
.
قولت لي بقى ,
على تويتر كالعاده , حاجه عالضيق كده .
- لا يا اونكل
احنا كتير اوي , و بنعمل هاشتاجات و معانا الأستاذ قلب جريح و الأنسه قلب خسايه و الثائر
الشرس و تنين التحرير المجنح
.
طب و الشارع يابني
, مش هتعملو حاجه في الشارع ؟
- ازاي بقى ؟ هنعمل
طبعا .
.
هتعملو ايه ؟
- هنجيب بلالين
و ننفخها و نكتب عليها ( ارحل يا سيسي , بكرهك بكرهك بكرهك ) و بعدين نطيرها من الشبابيك
.
.
الله , دي فكره
عبقريه و خارج الصندوق , البت بنتي الصغيره هتفرح أوي .
- بجد هتفرح ؟
يبقى اكيد عشان بتحب الثوره .
.
لا , عشان بتحب
البلالين .
- واضح يا أونكل
انك بتحاول تحبطني و تغتالني معنويا و تجرح مشاعري.
.
يابني احبطك و
اغتالك ايه بس , دانا بحبك و عايز أساعدك و بفكر معاك كمان
- بجد ؟ يعني هتساعدني
؟
.
اه طبعا و عندي
أفكار ممتازه .
- طب قول حضرتك
بسرعه .
.
انتو تجيبو شوكلاته
كندر جوي اللي على شكل بيضا دي , و تكتبو عليها ارحل يا سيسي و توزعوها عالأطفال في
الإشاره بتاعة مدرسة المنهل اللي في مصطفى النحاس .
- فهمتك فهمتك
, انت تقصد نعمل كده عشان نربي جيل جديد من الأطفال يكونو ثوار لما يكبرو ؟ .
.
لا , عشان بنتي
الصغيره بتحب الشوكلاته دي برضه
- ايه !!
.
إلا قولي صحيح
- نعم .
.
ألاقيش عندكو باتيناج
مكتوب عليه إرحل يا سيسي للبت الكبيره ؟
........................................................................................................
Mohamed
Hussein
28
يونيو 2018·
مليش في الزروطه
و الهبد , يمكن يكون ده عيب خلقي عندي , الله أعلم .
.....................
احنا لازم نقيل
اتحاد الكره الفاشل ده
- لا يا حبيبي
ماينفعش نقيله, لازم هو يستقيل لأنه اتحاد منتخب و لو أقلناه الفيفا هيعتبر الحكايه
دي تدخل حكومي وياخد قرار ضدنا بوقف النشاط الرياضي .
.
بس هما رافضين
الإستقاله
- لا هيستقيلو
, بالجزمه هيستقيلو .
.
مين اللي هيديهم
بالجزمه ؟
- اللي بيحكمو
البلد دي .
.
يعني هيستقيلو
النهارده أو بكره ؟
- لا مش ضروري
, ممكن بعد فتره لما الدنيا تهدى
.
ليه كده ؟
- ليه كده دي محتاجه
شرح اسبوع و حد يكون قاعد بيقرا و يفهم .
.
بس أصل اتحاد الكره
ده حراميه و خدو فلوس الفيفا و قعدو على حساب رئيس الشيشان و سيّسو صلاح و خلوه عايز
يعتزل اللعب الدولي
- لا كل ده هبد
و هري , هما حراميه و مرتزقه صحيح لكنهم مش مخابيل , يعني متودكين في الفساد و اللي
متودك في الفساد مايلعبش في الفواتير و الأرقام الظاهره للناس كلها , و بيبقى جبان
مايقدرش يلعب سياسه من ورا ضهر الدوله .
.
و لما ده هبد و
هري نجبرهم على الإستقاله ليه ؟
- عشان ببساطه
شديده فشلو في مهمتهم , كان عندهم مهمه و اختيار مدير فني و ماسمعوش لكلام ناس كتير
و عملو معسكر بزرميط و فشلنا في تمثيل مصر بشكل يليق بيها يبقو جزء من الفشل زيهم زي
الجهاز الفني و اللاعيبه .
.
طب لما يستقيلو
هنجيب مين ؟
- كده انت بديت
تفكر مش تهبد ,لما يستقيلو هتتم انتخابات جديده و هيجي واحد منهم برضه , لو مكانشي
أبو ريده يبقى شوبير , لو مش شوبير يبقى مجدي مقشه لو مش مقشه يبقى أيمن يونس , المهم
واحد من شلة الزلنطحيه اللي بيسمو نفسهم نجوم الكوره اخر 15 سنين .
.
معقوله رموز الكوره
في مصر مافهمش حد نضيف ؟
- لا فيهم , بس
النضيف مايعرفش يلعب انتخابات ولا يفوز بيها لان علاقاته هتبقى محدوده , و الزلنطحيه
هما اللي في ايديهم خيوط اللعبه .
.
يعني ايه ؟
- يعني يابني دول
جزء من التركه الهباب , الصف الأول و التاني في كل المجالات بما فيها الرياضه مرتشين
و سبوبجيه ( و مش هتعرف تمسك عليهم حاجه ) , مرتضى منصور لو اتعادت انتخابات الزمالك
50 مره هيكسبها حتى لو الزمالك نزل درجه تانيه , لأن تقفيل الصناديق دي لعبته من عشرين
سنه .
.
طب و الحل ؟ انت
كده قفلتها ولا فيه حل ؟
- لا طبعا فيه
حل , الحل ان الدوله تدفع بمرشح من رموز الكوره يكون وطني و نضيف ( بعد تحريات أمنيه
) و تدعمه تماما لحد مايفوز , مرشح يكون عارف يعني ايه اسم مصر , يعني ايه هيمثل بلده
في محافل قاريه و دوليه , يعني ايه بينفذ خطة طويلة الأجل لكره القدم , لحد مونديال
أمريكا مش بس مونديال قطر بنت الوسخه , مرشح مايكونشي برياله .
.
بس حضرتك ده هيبقى
تعيين مش انتخاب , فين الديموقراطيه ؟
- لا يابني دي
ديموقراطيه ( زي أمريكا بالظبط ) و هيجي بالصناديق و كل حاجه , و ده كله وضع مؤقت لحد
مايطلع جيل نضيف مايكونشي اتوسخ مسبقا
.
لا بقى انا عايز
الدوله ماتتدخلش بأي شكل من الأشكال , انا بحب الديموقراطيه و بموت في الديموقراطيه
, هاتولي ديموقراطيه .
- خلاص يا حبيبي
ماتزعلش نفسك , الدوله مش هتتدخل خالص , مبروك عليك هاني أبو ريده و مجدي مقشه .
.
يعني أفهم من كلامك
انك شايف اتحاد الكره الحالي كويس و نضيف و ناجح ؟
- مممممممم غور
ياض من هنا يلعن ميتين أهلك , أنا لو بشرح لحمار كان زمانه فهم و بقى جينتل مان .
........................................................................................................................
Mohamed
Hussein
28
يونيو 2018·
بيان هام من وزارة
الكهرباء
.
تهيبُ وزارة الكهرباء
المصريه بالساده المواطنين الشرفاء إن كل مواطن شريف ماينساش يقول لأمه تقفل المفاعل
النووي اللي تحت الحوض بالمفتاح قبل ما تنام عشان لما الفاتوره تجيله ب 8029 جنيه مايبقاش
يعيط و يقرفنا هو و أمه .
.
كما تود الوزاره
التنويه و التذكير لكل أم مصريه نسيت هي شايله مفتاح المفاعل النووي فين , هتلاقيه
يا حاجه في البرطمان البلاستيك اللي عالبوفيه , اللي انتي حاطه فيه بكر خيط و زراير
و أساتيك و مسامير قلاووظ و إمساكية رمضان و كعب فاتورة مايه و رقم تليفون جارتكو ست
ام شوشو و ولاعتين بايظين و علبة كبريت فيها عود واحد و صورة حماده لما كان عمره 3
شهور .
..............................................................................................................
Mohamed
Hussein
27
يونيو 2018·
مؤتمر صحفي عاجل
لاتحاد الكره الألماني لبحث تداعيات الخروج من دور المجموعات و الهزيمه من كوريا
2/0 و احتلال المركز الأخير في المجموعه .
.
الصحفيين الألمان
يشنون هجوما عنيفا على رئيس الاتحاد هاني أبو شنايدر , و يتهمونه هو و شلة الزلنطحيه
اللي معاه بالتسبب في الخروج المبكر و يطالبونه بالاستقاله , و الأخير يرد بأن المعسكر
بتاع المنتخب الألماني في روسيا كان زي الفل و احمدو ربنا اننا وصلنا كاس العالم بشوية
لاعيبه مكسحين , هو انتو فاكرين ان معانا أوليفر كان و كلينسمان و مولر و بيكنباور
و ماتيوس ؟ ده بدل ما تقولو لنا شكرا يا اتحاد الكره يا جميل و تعملو لنا تمثال كبير
في مدخل مدينة برلين ؟.
.
الهبدجيه الألمان
على الفيس بوك يؤكدون أن أغلب لاعبي منتخب بلادهم باعو الماتش لشوال الماريجوانا المكسيكي
و شوال الفولفو السويدي , و يطالبون نجم الفريق سامي خضيره بإنه يشوف له دوله تانيه
يلعب بإسمها , لأن ألمانيا دي بلد بتقتل الكفاءات
..............................................................................................................
Mohamed
Hussein
27
يونيو 2018·
عارفه يا مصر انا
بحبك قد ايه ؟ لا مش هتصدقي .
بحبك لدرجة اني
فضلت أدعي ربنا إن ألمانيا ماتوصلش دور ال16 مع اني مش بكره ألمانيا ولا أنجيلا ميركل
تبقى مرات أبويا , بس قلت لنفسي لما تخرج ألمانيا هنعرف نطبطب على بعض و نقول دي بطلة
العالم ذات نفسها خرجت من دور المجموعات بفضيحه , مش احنا بس .
.
هو انا كده أبقى
اتجننت يا مصر ؟ صح ؟ قولي اني اتجننت , قولي قولي , مش هزعل و الله .
.................................................................................................................
Mohamed
Hussein
27
يونيو 2018·
قناعات مصر و ثوابتها
, الدوله العميقه و أمنها القومي
.
- القضيه الفلسطينيه
قضية كل العرب و قضيتنا طبعا , هنرعى مفاوضات و نقابل الأمريكان و الروس و الهنود الحمر
و العفريت الأزرق , و نساعد اشقائنا في فلسطين بكل الأشكال لحد مايعملو دولتهم في أرضهم
المحتله , أرضهم هما , مش في أرض سينا ولا في مغاغه ولا السنبلاوين .
.
- بنتفاوض في موضوع
سد النهضه و نجيب السودانيين و الإثيوبيين و نروح و نيجي و نعزمهم عالغدا و نزورهم
عالعشا و نستف ورق كتير و نقول لهم احلفو على مصحف و نضحك كداهو قدام الكاميرا , و
نعزف قصيدة شعر عن العمق الأفريقي و جماله و غمازاته , و نقول العلاقات الثنائيه و
الثلاثيه و الخماسيه و التاريخ المشترك و الحب و البولوبيف , لكن وقت الجد هتبقى نقطة
المايه زي نقطة الدم ( احنا مافرطناش في دم ولادنا قبل كده ) , وقت الخطر يبقى ايه
؟ يبقى : مزّق دفاترك القديمه كلها .
.
- جيش مصر العظيم
جيش دفاعي , بيدافع عن مصر وحدودها و ترابها و يوم ماخرج بره حدود مصر كان لسببين بس
, إما انه يرجّع حق ولادنا أو انه يساعد اشقائنا العرب في تحرير أراضيهم , جيشنا لاهو
سفاح و ايديه غرقانه بدم اخواتنا و أولاد عمنا ولا هو جيش مرتزقه , احنا مش أتراك ولا
مؤاخذه .
.
مصر الدوله و الكيان
غير أي دوله تانيه و مش ضروري نكون زي حد أو يكون حد زينا , مصر أسد بيقف على 4 رجول
, الكلام ده من ألف سنه , مش أول امبارح بالليل , رجولنا هي الشعب و الجيش و الأزهر
و الكنيسه , لو فيهم رجل مش عاجباك , مفيش مشكله , اضرب دماغك في أوسخ حيطه .
.
عايز تتكلم عن
مشاكلنا و نشوف حلول زي البني أدمين ؟ أهلا و سهلا تشرف و تنور و تأنس و لو ماشالتكشي
الأرض و الصفحه أشيلك فوق دماغي , ماهي بلدنا و لازم نفكر لها دايما في الأفضل و نحلم
بيها و معاها , هي مش لوكانده عايشين فيها .
.
عايز تهري و تهبد
و تقلع بنطلونك ليل و نهار و تنشر اشاعات و تتركب من الخروف كالعاده , برضه اهلا و
سهلا , قول دخل مصر من منجم السكري نص مليار دولار يوميا ( قد دخل السعوديه من البترول
) و خلي أصحابك يقولو صح و فلوسنا بتروح فين يا حراميه ؟ وانا اقول لك انت و أصحابك
بس يا ولاد الوسخه .
.
قول مصر دفعت فلوس
للكونغو عشان نفوز عليها و مصر هتسيب مقعدها في كاس العالم للإمارات مقابل مليار دولار
و مصر خدت رشوه من السعوديه عشان تتغلب في الوقت الضايع و انا اقولك بس يابن الوسخه
.
.
قول بنشتري سلاح
ليه و هنبيع الميسترال بدولار و الرافال شكمانها مخروم و انا اقولك بس يابن الوسخه
.
.
دي حكاية سهله
خالص اهي , بنتسلى يا جدع , انت تهري و تهبد و انا ألعن سلفسيل اللي خلفوك .
..............................................................................................................
Mohamed
Hussein
27
يونيو 2018·
كورة الاسكواش
.
- 99 % من الشعب
المصري مارس السياسه و اهتم بيها تحديدا في يناير 2011 , قبل كده ماكنش حد مهتم ولا
حد في دماغه .
.
- لما بدأنا نهتم
بالسياسه كانت الصوره ضبابيه تماما ( لأننا جداد في الكار ) فبقت عقولنا كلنا عامله
بالظبط زي كورة الاسكواش اللي انضربت بمضرب , الكوره بتفضل تخبط من الحيطه دي للحيطه
دي للحيطه دي و تتنطط شويه لحد ما تهدى و تستقر و تثبت .
.
- مرحلة ان الكوره
( العقول ) تثبت و تستقر خدت وقت مختلف بين واحد و التاني , انا شخصيا خدت سنتين تلاته
لحد ماوصلت للمرحله دي , انخدعنا في ناس كتير و تيارات كتير و انضحك علينا بشعارات
و مصطلحات براقه , و دايما كان ( حُسن النيه ) هو صديقنا اللي مصاحب رحلة الكوره في
مرحلة التخبط و التنطيط
.
- المهم ان اغلبنا
الكوره بتاعته استقرت و ثبتت بعد سنه او اتنين او خمسه , لسه فيه شويه مستمتعين بان
دماغهم عماله تخبّط في الحيطان و البيبان و الحلل ( اللي فاكرين ان عقولهم ألماظات
) .
.
بس انا هنا هتكلم
عن نفسي , عن واحد عقله وصل لمرحلة الثبات من سنين طويله , سنين كانت كل احداثها و
شواهدها بتؤكد ان الكوره دي استقرت في المكان الصح , و انه مبقاش فيه أدنى داعي إني
أشوف لي مضرب يضربها تاني و نخبط في الحيطان تاني و نعيد اختراع العجله .
.
بص يابني , دي
قناعتي التامه , و الله على ما أقول شهيد
- مصر كانت ولا
زالت في خطر ولسه بنحارب حرب وجود , نكون أو لا نكون.
- أمريكا بريطانيا
إسرائيل النظام التركي و القطري هما اعدائنا بنفس الدرجه .
- الميديا الأمريكيه
و البريطانيه و قنوات الخرفان في تركيا و قناة الخنزيره كلها بيوت دعاره بتنفذ مخططات
دولها لتخريب الشرق الأوسط, كلهن عاهرات .
.
- التعويم و الإصلاح
الإقتصادي و رفع الدعم كان شر لابد منه , و عبد الفتاح السيسي مجرد جراح قلبه ميت
, لا بيفكر في شعبيه ولا حتى بيفكر في عمره .
.
- مشاكلنا تركة
تقيله متراكمة في مجالات كتير, تركة أمي الله يرحمها أيام ماكانت بتحكم مصر لمدة
30 سنه , أمي جرفت كل حاجه في البلد و أولها العقول و الهويه , أمي خلت مصر مرتع للجماعه
الارهابيه .
.
- أكبر مشاكلنا
على الإطلاق هي كمية البشر اللي مستعدين يبيعو نفسهم لكلاب السكك, بالدولار أو بالجنيه
أو بشوية لايكات أو حتى ببلاش(متطوعين بالخيانه)
.
- 99 % من الاخبار
و الصور المتداوله عالفيس بوك هي أكاذيب مقصود ترويجها , و على طريقة ( العيار اللي
مايصبشي يدوش )
.
- مصر ربنا حافظها
و حاميها بشعبها و جيشها , و كل واحد فينا جندي في معركة بلده , ماينفعش ترمي سلاحك
بحجة ان ربنا حاميها, و إلا تبقى متواكل مش متوكّل .
- كل اللي بيسمو
نفسهم قيادات معارضه و قيادات ثوريه و قيادات مجتمع مدني , كلهم بلا استثناء ما بين
خاين أو هجاص و تاجر شعارات و فلايات و فنجري بؤ, كلهم يعني جميعهم , يعني جمعاء ,
يعني all of them .
...................................................................................................................
Mohamed
Hussein
26
يونيو 2018·
كشف حساب ....
من غير هري كتير ولا زروطه ولا ترديد اشاعات .
.
اللي حصل في مونديال
روسيا فشل كبير ولا نجاح ؟
- لا ده ولا ده
, اللي حصل درس , درس قاسي لازم نتعلم منه .
.
هو ايه اللي حصل
باختصار ؟
- اللي حصل اسمه
سوء استخدام , abuse , زي اللي حصل في يناير 2011 , فجأه ناس لقت
ماسورة الحريه انفجرت في وشها فاتحولت الثوره و الحريه من مفهوم جميل و رائع لسوء استخدام
, و ظهرت معاها البلطجه و السبوبجيه , نفس الحكايه حصلت في مونديال روسيا , حدث ماكناش
نسمع عنه قبل كده , أضواء و ميديا عالميه , و عيال مالقتش مدير للبعثه يديهم بالجزمه
فاتهطلو و اتحول الموضوع من بعثة منتخب في كاس العالم لرحلة مدرسيه طالعه القناطر
, ليه مالقوش مسئول للبعثه يعمل كونترول ؟ عشان المسئول نفسه اتهطل زيهم .
.
طب الحاجات دي
و عدم الانضباط أثرت على ماتشاتنا في المونديال ؟
- أكيد , بس فيه
حاجه اهم , طريقة لعب كوبر الدفاعيه العقيمه , و شخصيته الضعيفه جدا , و عدم اعداد
اللاعيبه نفسيا , اي حد بيفهم كوره هيلاحظ في الماتشات اننا بنزل مغلوبين , مهزومين
نفسيا , و النبي حتى لو بتلاعب فريق من العميان و المكسحين و انت بتلعب دفاع منطقه
هيعمل عليك 30 هجمه و ييجي منهم جون و اتنين , ده مش مدرب و لا ينفع حتى بتاع بليله
.
.
طب نعمل ايه بقى
؟
- لازم تحقيق مع
اتحاد الكوره و اللاعيبه لما يرجعو , و لازم عقاب لانهم بيلعبو باسم 100 مليون , العقاب
يكون بغرامات ماليه حد ادنى و بالمنع من تمثيل مصر لمدة محدده نقول سنه مثلا كحد اقصى
, و لازم مدرب مصري وطني تكون شخصيته قويه و يعرف يسيطر على اللاعيبه و يعدهم نفسيا
, زي حسام حسن و حسن شحاته , عندنا امم افريقيا بعد كام شهر و بعدها تصفيات كاس عالم
.
.
هل لاعبي مصر اللي
ماقدروش حجم المسئوليه خونه و مايستاهلوش يمثلو مصر ؟
- لا , مش خونه
, انما مهاطيل , لو عايز تعرف اللاعب الخاين هقولك , في دول كتير فيها نجوم مابيحبوش
يلعبو مع منتخب بلدهم في بطولات زي البطولات القاريه و بيتحججو بأي حجه , عشان بيخافو
من الاصابه , و يكون ولائهم لناديهم بس وللملايين المتلتله , ده اللي نقدر نقول عليه
خاين .
.
طب نقيم منتخب
مصر ازاي ؟
- بص يا مولانا
, المغرب رغم انها اتعادلت ماتش و اتهزمت ماتشين بس قدمت أداء يستحق الاحترام و زيها
ايران , و طبعا نيجيريا و السنغال مشرفينا .
.
هل احنا أقل من
الناس دي ؟
- لا خالص , ولا
لاعبيتنا أقل من لاعيبتهم , منتخب ايران لاعيبته بيلعبو في الدوري الايراني اللي محدش
يسمع عنه و في الدوري الروسي الضعيف جدا , والسنغال بيقودها لاعب اسمه ساديو ماني بيلعب
مع صلاح في ليفربول انما لو حطيته جنب صلاح في النادي هيبقى مجرد قزم .
.
طب ايه المشكله
بقى ؟
- مانا قلت لك
, معسكر سئ مفهوش ضابط ولا رابط , و طريقة لعب بتخليك تنزل مهزوم , طريقه اتظلم بيها
كل اللاعيبه حتى احمد فتحي و جبر و حجازي و عبد الشافي معذورين , و طبعا صلاح معذور
جدا لانك بتلعب دفاع منطقه , العيب مش عيب لاعيبه ابدا .
.
أخر حاجه بقى عايز
اقولها هي ايه ؟
- ابننا اللاعب
المصري العظيم محمد صلاح بيعتذر للجماهير و بيقول انتظرونا في المونديال القادم!! أومال
ايه حكاية يعتزل دي ؟ يابني انا مليش ذنب ان أي خروف بيركبك و يسرح بيك .
................................................................................................................
Mohamed
Hussein
25
يونيو 2018·
لما تقعد 90 دقيقه
تلعب دفاع منطقه حتى قدام السعوديه و قدام الكونغو تبقى انت ماينفعش يتقال عليك مدرب
.
.
صلاح مش مظلوم
مع منتخب مصر , صلاح مظلوم مع خطة لعب اتلغت من 50 سنه , مظلوم مع حيوان بيقبض ملايين
و هو أقل من أي مدرب مصري .
.
اتمنى النهارده
و دلوأتي حالا إن اتحاد الكره الفاشل ده يعلن استقالته و ياخدو كوبر في ايديهم .
..............................................................................................................
Mohamed
Hussein
25
يونيو 2018·
الصبر من عندك
يارب
.
أصدقائي الغاليين
, يا بني أدمين , يا خلق الله , مصر بتسلم عليكو و بتقول لكو شوية صبر و شويه فهم و
بتحلف لكو طلاق بالتلاته انها مش محتاجه من ولادها اكتر من كده .
.
بهدوء شديد و من
غير انفعال
هو اتحاد الكره
بتاعنا ده فاشل ؟
- أه فاشل و زومبي
و ابن تيت .
.
و بسبب فشله هيتسبب
في تدمير محمد صلاح ؟
- لا هقولك في
اخر البوست مين اللي هيتسبب في تدمير صلاح .
.
أصلهم قبلو عزومة
رئيس الشيشان على العشا ؟
- و ايه المشكله
؟
.
المشكله ان امريكا
و بريطانيا مولعين الموضوع ده .
- تتحرق ام أمريكا
على أم بريطانيا .
.
وبعدين ال CNN بتقول أأأ
- تتحرق ام الميديا
الأمريكيه و البريطانيه , كلها بيوت دعاره يا محترم , مش بيبيعو سبح على باب السيده
ولا حاجه .
.
بس أصل رئيس الشيشان
ده مجرم حرب و ارهابي
- في مفهوم مين
سيادتك ؟
.
في مفهوم أمريكا
و بريطانيا .
- يابني ماتخلنيش
اتغابى عليك , ماقلت لك يتحرقو بجاز , هل فيه عداوه بين مصر و روسيا أو مصر و الشيشان
و قطع للعلاقات الدبلوماسيه ؟ هل رئيس الشيشان مصنف عندنا ارهابي و مجرم حرب؟ هل المنتخب
قبل عزومة العشا من رئيس دوله مصر بتعترف بيها و بتشارك رسميا في تنظيم المونديال ولا
من عصابة مافيا ؟ هل الخارجيه المصريه مش عندها علم بعزومة العشا من رئيس الشيشان و
بتكريمه للمنتخب و صلاح ؟ ولا هي كانت عزومه عالضيق كده في مطعم أم حسن فرع جروزني
و محدش كان معاه موبايل بكاميرا عشان يصورها ؟ .
.
ايه ؟
- بطل تفتكس يا
حبيبي , و على فكره العزومه دي كانت من اسبوع .
.
أومال ليه قلبو
الدنيا دلوأتي ؟
- عشان يركبو معاليك
, و يسخنوك في سكه و يبقى غرضهم سكه تانيه خالص .
.
بس أنا بدعم صلاح
ضد اتحاد الكره الفاشل
- يا مولانا مفيش
مشكله بين صلاح و اتحاد الكره عشان تدعمه , و على فكره , 95 % من اللي بيروجو لوجود
مشكله من بتوع ارحل يا سيسي , اه و عهد الله زي ما بقولك كده .
.
يعني ايه ؟
- لا ولا حاجه
, دانا بكح .
.
بس أصل اتحاد الكره
ضرب على مليون دولار و قعد على حساب رئيس الشيشان .
- اه صح , قال
لهم يا مراحب يا مراحب و فتح لهم دوار العمده يقعدو فيه , يا حبيبي الكلام ده بتاع
مساطب , انت مش في جرن الهبله , و بعدين عندك برلمان و اجهزه رقابيه و دوله حاكمت رؤساء
و وزرا و قضاه و مليارديرات , لما يرجعو هتبقى تحقق في حكاية المليون دولار و دوار
العمده دي , ماهما أكيد مش هيخافو من لهيطه ولا من شنب مجدي عبد الغني .
.
بس صلاح بيفكر
يعتزل اللعب دوليا
- صلاح لا فكر
ولا بيفكر ولا هيفكر.
.
يعني اتحاد الكره
مش بيحاول يدمر صلاح ؟
- لا, هما شلة
زلنطحيه صحيح و فاشلين و مش بيفهمو حاجه في عالم الاحتراف بس اللي ممكن يدمر صلاح فعلا
و يشغله و يشتت تركيزه هو حد تاني خالص , حتى لو بحسن نيه
.
حد زي مين يعني
- مممممممم و الله
شوف انت بقى .
.......................................................................................................
Mohamed
Hussein
24
يونيو 2018·
لو معايا مسدس
فيه 3 طلقات , و جابولي واحد خروف إخوانجي و واحد شمام كوله نكسجي و قالو لي تقتل مين
الأول ؟ هقول لهم هاتو التالت و تبقى الرصاصه الأولى من نصيبه .
.
مين التالت ؟ التالت
هو الشخص الدولجي اللي لسه لحد النهارده بيترمي له طعم و ينضحك عليه بإشاعه و يروجها
بمنتهى السذاجه و يبقى ألعن من الخروف و النكسجي , زي اشاعة ال CNN بتاعة ان صلاح بيفكر يعتزل اللعب دوليا , و هوبا
يبان الموضوع على انه صراع بين صلاح و الدوله المصريه و صلاح بيكره بلده , بس هو معذور
, ماهو أصل اتحاد الكره عمل فيه و سوى , طب تختار مين ؟ طبعا نختار صلاح , مع ان الخبر
في أساسه مضروب بالجزمه و مجرد طعم للتهييج .
.
أصدقائي الغاليين
, انا بكتب بقالي 8 سنين عالمخروب ده لحد إيدي ما وجعتني , وانا لا أذكى اخواتي ولا
عبقرينو زماني , كل اللي كنت بحلم بيه و بقوله و بكتبه , إن الناس تستخدم عقلها قبل
ماتنشر أي خبر و تروج له , تفكر شويه و تعرف الترويج ده في صالح بلدها ولا لا ؟ فيه
حد له مصلحه فيه ولا لا ؟ خبر صحيح ولا لا ؟ .
.
طب عايز أحكي لكو
على موقف صغير , وانا في السعوديه جبت واد باكستاني يركّب مشمّع للأرضيات في الشقه
, و هو شغال سألته سؤال بسيط , المشمع ده قوي و يستحمل ؟ قالي بص , المشمع ده يشيل
فوق منه اوض نوم و انتريهات و صخور و جبال و مايتقطعش , لكن لو تحته حصوايه قد كداهو
هتقطعه !!.
.
واحنا بقالنا سنين
بنستحمل سخافات الخرفان و الشمامين و انحطاطهم و وقاحتهم و اشاعاتهم و فبركتهم و بنشيل
فوق طاقتنا طاقتين , بس لما بتيجي منكو بتكون صعبه جدا , انتو باختصار الحصوايه اللي
تحت المشمع , عشان كده مش خساره فيكو الطلقه الأولى .
................................................................................................................
Mohamed
Hussein
23
يونيو 2018·
ألمانيا اللي فازت
بكاس العالم 2014 كانت خلاص دخلت برجلها اليمين من باب الطياره بتاعة المنتخبات العربيه
, إنما في الدقيقه 95 هتلر طلع من قبره و راح نزّلهم من الطياره بالعافيه .
......................................................................................................................
Mohamed
Hussein
23
يونيو 2018·
لو سمحت يا حبيبي
- نعم يا استاذ
؟
.
ممكن ترسم لي نخله
عالحيطه دي ؟
- ايه ؟ أرسم نخله
؟ ليه ؟
.
معلش , ارسمها
عشان خاطري
- ماشي يا سيدي
, أدي النخله أهي .
.
تمام , ارسم فيها
بقى سباطة بلح .
- اللهم طولك يا
روح , و أدي سباطة البلح , لما نشوف اخرتها معاك .
.
جميل اوي كده
, اطلع بقى عالنخله اللي انت راسمها و هات لي 5 بلحات, بس نقّيهم كويس والنبي .
- نعم ؟!! جرى
ايه يا أستاذ ؟ انت بتستهزأ بيا ولا فاكرني مجنون ولا عبيط ؟
بلح ايه ده اللي
اجيبه من نخله انا راسمها بإيدي ؟
.
يعني ماينفعش تجيب
لنا شوية بلح من نخله مرسومه على حيطه ؟
- لا طبعا , مستحيل
.
.
أومال ليه متخيل
ان فيه رئيس دوله بيمشي بهاشتاج مكتوب على تويتر ؟! .
- ايه !!! .
.
اه سوري , فيه
حاجه مهمه نسيت أقولك عليها , معلومه هتفيدك .
- معلومة ايه دي
؟
.
لو حسيت ان النخله
اللي انت راسمها طويله أوي و مش قادر تطلع عليها عشان تجيب البلح , ونفسك هيتقطع وانت
طالع , فيه حل بسيط .
- ايه الحل ؟
.
ممممممممم ترسم
سلّم جنب النخله , يا غبي .
- يعني ايه , مش
فاهم .
.
يعني تعمل شوية
هاشتاجات صغيره جنب الهاشتاج الكبير بتاع ارحل يا سيسي , الهاشتاجات الصغيره دي هتبقى
هي درجات السلم اللي بقصده .
- و ساعتها هنقدر
نشيل الرئيس ؟
.
لا طبعا , ولا
هتقدر تجيب بلح , إنما هتبقى قدرت تطلع على قمة النخله من فوق , و تقعد بقى و تستقر
و نفسيتك تبقى أحسن .
...............................................................................................................
Mohamed
Hussein
23
يونيو 2018·
بالورقه و القلم
.
رؤساء الدول في
كل الدنيا بيكونو نوعين اتنين بس , نوع بيدور على شعبيه حتى لو كانت شعبيه وهميه و
على حساب مستقبل الشعوب و البلد و الأجيال اللي جايه , و نوع بيدور على الصح و المستقبل
و الأجيال حتى لو كان على حساب شعبيته .
.
النوع الأول ده
بيعيش و يزربح و يأنخ , و الشعوب بتبقى راضيه و متكيفه و عاش الملك عاش عاش , و المنحه
ياريس .
.
النوع التاني بيمر
في حكمه بمرحلتين مفيش غيرهم , المرحله الأولى بتبقى صعبه للغايه , بيكون أشبه بالملاكم
اللي رامي قفازه و واقف في ركن الحلبه و الكل بيضرب فيه , المرحله دي بتتطلب منه انه
يكون هادي جدا و قوة احتماله غير عاديه , المرحله التانيه مرحلة الانتصار , مرحلة جني
الثمار , المرحله اللي هيقول فيها الملاكم بعد مايكون اتهرى ضرب و اتشلفط ( مش قلت
لكو اصبرو عليا ؟ مش كان معايا حق ؟ ) .
.
مبارك من رؤساء
النوع الأول , و السيسي من النوع التاني , الاتنين عكس بعض تماما .
.
السيسي قرّب خلاص
انه ينتهى من المرحله الأولى و يبدأ في التانيه , كل اللي عمله في السنين اللي فاتت
اسمه بنيه تحتيه , حاجات لا بتجيب فلوس ( ولا بتحلب ), شبكة طرق و كباري عملاقه , حل
لمشكلة العشوائيات , حل لأزمة الكهربا , اتفاقيات ترسيم حدود في البحرين الابيض و الأحمر
( عشان يعرف يستفيد من ثرواتهم ) , تعويم للجنيه عشان مايبقاش عندك سعرين ولا الدوله
تدعم الجنيه قصاد الدولار , رفع تدريجي للدعم عالوقود عشان في النهايه ماتلاقيش ربع
ميزانية الدوله طاير في بند اسمه الدعم .
.
المرحله الجايه
مرحلة جني الثمار , مرحلة الانطلاق الصناعي و التجاري , و المرحلتين ماينفعش يتبدلو
مكان بعض , ماينفعش تعمل مصنع وانت لا عندك طريق ينفع ولا عندك مصدر طاقه ( كهربا
, بترول , غاز ) , أومال هتشغل المصنع بايه ؟ بلمبة جاز ؟! .
.
بصو ,أفضل وصف
للي بيعمله السيسي ( رؤساء النوع التاني ) إنه أشبه بفلاح أسمراني ( عنده ضمير ), الفلاح
ده فجأه لقى نفسه مسئول عن أرض زراعيه كبيره بس مش مزروعه , الأرض مليانه حشائش و ملهاش
مصدر ري ولا صرف و معشش فيها السحالي و التعابين , الفلاح قرر انه يلم عياله و ينضفو
الأرض دي و بعدها يعزقوها بالفاس , و يعدّوها للزراعه , و يحفرو لها مصدر ري و صرف
محترم , و بعد كده يرمو البذره و يسقوها مايه و يراعو زرعتهم شهور طويله , في الشهور
دي كل اللي بيعمله الفلاح و عياله إنهم يتعبو جدا و يصرفو فلوس كتير و يعرقو , و مايكسبوش
حاجه , تعب و عرق و صرف فلوس وربط حزام عالبطن وبس , إنما بعد شوية هيشوفو شكل المحصول
.
.
اللي بيعمله الخرفان
و اللي وراهم حاليا , و عشان هما فاهمين كويس اوي الكلام ده , هو انهم بيحاولو يكرّهو
العيال في ابوهم أو يحاولو يحرقو المحصول , أي حاجه يعني , المهم إن الفلاح و عياله
مايوصلوش لمرحلة جني الثمار , لأنهم لو وصلو هتبقى سكة رجوع الخرفان اتقفلت تماما و
نهائيا .
.
طب ده بالنسبه
للخروف , شمام الكوله دوره ايه بقى ؟ ولا حاجه يابني , ده الحمار اللي الخروف بيركبه
من 7 سنين , لحد ماتعود انه يتركب , و بقى لما يفوت عليه يومين تلاته مايتركبش فيهم
يتجنن و يشد في شعره و يروح للخروف يعاتبه , انت مابتركبنيش ليه يا رفيق الميدان ؟
هو انا زعلتك في حاجه ؟! .
..........................................................................................................
Mohamed
Hussein
23
يونيو 2018·
سيبني يا أستاذ
سيبني
- نعم يا خويا
؟!! .
.
ماتمسكنيش لو سمحت
, ماتمسكنيش , انا رايح أعمل ثوره , سييب إيدي .
- أسيب إيدك ؟
يا ابني هو انا لمستك ولا جيت جنبك حتى ؟
.
بجد ؟ أومال انا
ليه حسّيت انك مسكت ايدي و شدّيت كتفي عشان تمنعني ؟
- غور ياض من هنا
يلعن ابو شكلك .
.........................................................................................................
Mohamed
Hussein
22
يونيو 2018·
من سنتين تلاته
كان الوضع في سينا صعب جدا , شبكة أنفاق بحجم مدينه , و ألاف الإرهابيين و المرتزقه
من جنسيات مختلفه , و أجهزه مخابرات عالميه و مليارات من الكشك الخليجي بتتصرف , و
ترسانات أسلحه تكفي لتدمير قاره .
.
الوضع حاليا اختلف
تماما , اختلف 180 درجه , و عشان الإرهابيين و اللي وراهم مايرفعوش علم داعش على متر
واحد من تراب سينا كان لازم ندفع فاتوره كبيره جدا , دم مئات من ولادنا و شبابنا من
الجنود و الظباط , الدم الطاهر في الأرض الطاهره , مش بس كده , الفاتوره كمان لها جانب
اقتصادي , تكلّفة الحرب , لما تحرك قطعك الحربيه و طياراتك و دباباتك , و أسلحتك و
ذخيرتك و جنودك و ظباطك , لما تحارب الإرهاب لمدة سنين متواصله صيف و شتا , ليل و نهار,
على الطرق و في الجبال و بين الصخور و في قلب الجحور , التكلفه لازم تكون عاليه .
الوضع الإقتصادي
الصعب حاليا مش سببه بس إننا بنبني بلد من أول و جديد , ولا سببه بس هيكلة و اصلاح
اقتصادي , ولا سببه بس أزمة عالميه عالكل ( حتى السعوديه الدوله اللي بتعوم على بحر
بترول ) , ولا سببه بس تركة 30 سنه هباب , انما كمان الحرب على الإرهاب في سينا و بقية
محافظات مصر سبب مهم جدا من ضمن الأسباب .
.
كان ممكن النهارده
واحنا في 2018 نبقى قاعدين كده و الدولار ب 7 جنيه و ساندوتش الطعميه بنص جنيه و تذكرة
المترو بجنيه , بس بشروط كان لازم نقبلها , ايه هي الشروط , الشروط كالتالي
.
- تفضل باحتياطي
نقدي 17 مليار دولار ( و هيقل طبعا ) , و تبقى على وشك الإفلاس ك دوله .
- تفضل تدعم الدولار
( بسعر وهمي ) و تدعم الطاقه و السلع و بعد سنه بالظبط تقرا على بلدك الفاتحه , و تجري
بسرعه تدوّر على أي مركب هجره غير شرعيه تنط فيها أو تلحق لك مكان في أقرب مخيم لاجئين
.
- تسيب سينا للإرهابيين
أو للصهاينه , يرفعو علمهم عليها أو يعملو وطن بديل للفلسطنيين , مش مهم هيعملو فيها
ايه , ماهي مابقتش بتاعتنا .
..............................
الوضع باختصار
كان أشبه ببيت جدرانه متهالكه , و أبوابه واكلها السوس , و بره البيت عصابات بتحاول
تكسر في الجدران و البيبان وتهد السقف على دماغ اللي فيه , و جوّة شوية عيال بيساعدوهم
و شوية تانيين بيسأفولهم و يقولو برافو , لحد ما ربنا بعت لنا راجل بجد , لا بتاع همبكه
و ضحك عالناس ولا بتاع شعبيه وهميه , راجل قال الجدران دي لازم تتبني من أول و جديد
و تتقوى , و البيبان دي لازم تتغير, و العصابه اللي بره لو عايزين يدخلو البيت يبقى
على جثتنا , و الفاتوره هندفعها أيا ما تكون .
.
طب ليه كده يا
مولانا ؟ قال عشان مفيش حل تاني , دي معركة مصير , نكون أو لا نكون .
................................................................................................................
Mohamed
Hussein
22
يونيو 2018·
على فكره الطفل
لما بيتولد في الأرجنتين و يفتّح عينيه للدنيا أول حاجه بيشوفها قدامه عالسرير هي كوره
, اه كوره , يعني لو احنا كمصريين بنحب لعبة كرة القدم نقدر نقول انهم في الارجنتين
بيتنفّسوها .
.
المشجع هناك عارف
ان بلده عندها باستمرار تلتميت ربعميت لاعب في أقوى دوريات العالم , و لما بيروحو أي
مونديال بيكون المشجع ده شايل سقف أحلامه و راميه , رايحين عشان نلعب و نكسب و نكسب
و نكسب و نرجع بكاس العالم أو عالأقل نوصل للمربع الذهبي ( و ساعتها نبقى ماعملناش
انجاز ولا حاجه ) .
.
كون بقى إن الأرجنتين
تتغلب 3/0 و من كرواتيا ( مش من ألمانيا ولا البرازيل ولا أسبانيا ) و تبقى خلاص على
وشك الخروج من الدور التمهيدي , الحكايه دي بالنسبالهم كارثه بكل المقاييس , حجم الغضب
النهارده هيكون مش طبيعي , و مع ذلك مش هتلاقي مواطن أرجنتيني بيشمت في بلده , مستحيل
, اغضب و انفعل و كسّر ماشي , اشتم اللاعيبه و إلعن جدود أبو المدرب مايضرش , لكن تشمت
في بلدك لأ , و طبعا من تاسع المستحيلات انه يكون فيه أرجنتيني واحد كان بيشجع كرواتيا
مثلا ( ده ينضرب بالنار و هما قاعدين و أهله مايخدوش فيه العزا ) , طب ليه مستحيل
, عشان باختصار , الأرجنتين لا فيها خرفان ولا شمامين كوله و لا شوية عيال صيع بيستخفو
دم أمهم .
...................................................................................................................
