Mohamed
Hussein
22
يونيو 2017·
لما تكون مواطن
في أي دوله في العالم يبقى مش من حقك تتهم رئيس الدوله دي بالخيانه و انه قبض دولارات
و هربها لبره , الإتهام ده يلزمه أدله حقيقيه تقدمها للنيابه أو حتى تنشرها في الجرايد
و على مواقع التواصل , ماينفعشي تتهم رئيس دوله ولا حتى تتهم شيخ الغفر من غير دليل
.
.
ماعندكشي دليل
يبقى يتقبض عليك و تتنفخ و يطلع ميتين اللي خلفوك عادي , الطابونه اللي حصلت بعد
2011 ماينفعشي تستمر , مش كل عيل صايع يطلع يهبل بأي كلام و أي اتهام ( حتى لو بيتهم
مواطن عادي زيه ) و يقول حرية شخصيه , يعني مثلا ماينفعشي أقول ان كمال خليل شاذ جنسيا
و بنته ماشيه على حل شعرها ( عشان مش معايا دليل ) , دي مش حريه شخصيه , و لو قولتها
يبقى من حقه يقدم ضدي بلاغ و يسجني , مع ان كمال خليل هو حد مالوش أي تلاتين لازمه
, إنما قوانين الدول و الدساتير بتاعة البني ادمين بتكفل الحق ده حتى للصيع و العواطليه
و الناس اللي مالهمشي أي تلاتين لازمه .
.
انك تتعاطف بقى
مع واحد زي كمال خليل بعد اللي قاله تبقى معاليك يعني جنابك , لا عارف يعني ايه دوله
ولا يعني ايه مواطن ولا يعني ايه قانون ولا يعني ايه حريه شخصيه , و كان خساره في أمك
صباع الطباشير اللي اتعلمت بيه .
.....................................................................................................................
Mohamed
Hussein
22
يونيو 2017·
ظابط مخابرات قطريه
اتقبض عليه في الإمارات , كان دوره باختصار و بعد لفه طويله انه يعمل حسابات وهميه
على مواقع التواصل لتشويه الإمارات !! .
.
نفس القصه و الحدوته
دي هي اللي حصلت في 7 سنين عندنا بس على أكبر شويه , هبسطهالك , بس صلي على سيدك النبي
.
.
اللعبه كلها لعبة
( الفستك ) يعني لعبة مواقع التواصل الإجتماعي , اللي اكتر من 95 % منها مضروب , أكاونتات
مش حقيقيه , و الشخص الواحد يعمل 500 أكاونت , و هوووووب تلاقي دعوه للتظاهر في مصر
مثلا , تدخل مواقع التواصل تلاقي أعداد مخيفه بتشارك في الدعوه و تاني يوم في الشارع
تلاقي مفيش , تسأل نفسك السؤال , هي الجحافل اللي عالفيس و تويتر مش موجودين في الشارع
ليه ؟
.
و بعد ماشوية مخابيل
و بهاليل و شمامين كوله يقولو لك أصل الأجهزه الامنيه منتشره في الشوارع و الحواري
و بتراقب التليفونات و حنفيات المايه و مستخبيه ورا كراسي الأنتريه , هتلاقي الإجابه
الحقيقه , مش إجابه شمامين الكوله , الإجابه الحقيقيه اللي بتقول ان مواقع التواصل
دي فستك , بلح , و إن مصر لعبتها صح أوي , لعبتها صح ازاي ؟ مصر عارفه ان من كل 50
واحد بيشاركو في الدعوه هتلاقي 49 واحد مالهمشي وجود و واحد بس اللي حقيقي ( و غالبا
عايش بره ) , قامت سابت للمخابيل و الشمامين و بتوع الفستك سابت لهم مواقع التواصل
, يعملو هاشتاجات و يدعو لمظاهرات و ينشرو افتكاساتهم و يعملو دوله افتراضيه يعيشو
فيها و يعملو شألباظات و يعملو تاتو و يعملو حواجبهم , عشان عارفين ان الشارع مش بتاعهم
, مش ليهم , و مش بوجود أمني مكثف , إنما بوجود شعبي مكثف , الشعب اللي جاهز و ماسك
البلغه في إيديه لأي حد بيتركب و ينضحك عليه , جرّب تنزل انت بس و شوف مشكلتك هتكون
مع مين .
.
و بالمناسبه ,
كل صفحات الخرفان و الكولجيه اللي بتشوفوها كبيره و كل المواقع الإخباريه بما فيها
الجزيره , بتعتمد في عدد الفولورز على نفس فكره ظابط المخابرات القطري , حسابات 90
% منها وهمي , و أكاونتات من المغرب و الأردن و السودان و حتى أمريكا و بريطانيا ,
و أكاونتات لناس مش مصريين ولا حتى عرب.
.
ابلع ريقك بس يا
شبح و اعرف مثلا ان فريق عصام حجي اللي فرحان بلايكاته لو نزل انتخابات في مصر هياخد
أصوات مجمعه تخليه يفوز بالمركز السبعتاشر , حتى لو كانت الانتخابات دي فيها 3 مرشحين
بس !! .
..........................................................................................................
Mohamed
Hussein
21
يونيو 2017·
لو سمحت لو سمحت
- نعم يا حبيبي
.
انا كنت عايز أقدم
طلب
- طلب عن ايه ؟
.
عن تيران و صنافير
- أه تمام , بص
الطرقه دي هتلاقي فيها الجيش المصري و المخابرات و الخارجيه و رئاسة الجمهوريه و المحكمه
الدستوريه العليا و البرلمان .
.
لا حضرتك , أصل
أنا مش بصدق الناس دي ولا مؤسسات الدوله كلها .
- أه فهمتك , كده
تطلع بالطلب بتاعك الدور التالت و توقعه هناك .
.
أسأل على مين في
الدور التالت حضرتك ؟
- اسأل على أبله
هايدي .
.
و لما أوقعه من
أبله هايدي هيحصل ايه ؟
- ممممممم هيحصل
ولا حاجه .
.
يعني ايه ؟ هبقى
انا استفدت ايه ؟
- بص يا حبيبي
.
بصيت اهو
- انت دلوأتي معاك
طلب مش متوقع يعني معاك ( مفيش ) بس لما توقعه من أبله هايدي هيبقى معاك ( ولا حاجه
) , تحب تمشي بالطلب من غير توقيع و يبقى معاك ( مفيش ) ولا تطلع لأبله هايدي توقّعه
و يبقى معاك ( ولا حاجه ) ؟.
.........................................................................................................
Mohamed
Hussein
21
يونيو 2017·
لاعب كوره مصري
, مكانشي بيلعب في الأهلي ولا الزمالك , احترف في أوروبا و موهبته وصلته لأكبر اندية
أوروبا على الاطلاق , اسمه و اسم مصر بقو يتنطقو ب 17 لغه مختلفه كل يومين تلاته ,
اللي بيشوفوه و يتفرجو عليه هما مليارات البني أدمين مش ملايين , من كل الجنسيات ,
هتلاقي له معجبين و معجبات في اليابان و كوستاريكا و جنوب أفريقيا و ماليزيا و نيجيريا
و كندا و سويسرا , يعني في كوكب الأرض من أقصى إلى أقصى , و النهارده سعره وصل لتقريبا
مليار جنيه !! .
.
لما تجيله فرصه
يروج لسياحه بلده مابيتأخرش و ببلاش , و لما تيجي سيرة بلده بيتكلم باحترام , و لما
حد بيقوله اتبرع لبلدك بيتبرع مايبخلش أبدا , مش عضو في تنظيم إرهابي ولا بيدعم الإرهابيين
بأي شكل , ولو في يوم من الأيام شوفتو محمد صلاح في الملعب و رفع التي شيرت اللي لابسه
أكيد هتلاقو تحته تي شيرت تاني مكتوب عليه ( تحيا مصر ) , ونقطه يعني فلستوب .
....................................................................................................
Mohamed
Hussein
20
يونيو 2017·
شاب مصري في مدينة
تبوك السعوديه , شاف عربيه مولعه في محطه بنزين , ساق اللودر بتاعه و زق العربيه و
هي مولعه مسافه كافيه عشان يبعدها عن محطة البنزين , العربيه المولعه دي لو انفجرت
جوه المحطه كانت بقت كارثه عالمنطقه المحيطه كلها و لو بعد ماتزقت شويه كانت انفجرت
اكيد هتبقى كارثه او خطر على سواق اللودر المصري .
.
يمكن اللي عمله
الشاب المصري هو نفس اللي عملته الاداره المصريه مع السعوديه من سنين , أو حاولت تعمله
, مصر حاولت تبعد عربيه محروقه من محطة بنزين كبيره اسمها السعوديه , حاولت تجنب المملكه
مصير محطة البنزين لو العربيه انفجرت , و المحاوله دي كان فيها خطوره علينا و جابت
لنا مشاكل .
.
لا الشاب المصري
ولا الاداره المصريه كانو مستنيين فلوس ولا مقابل ولا ب ( يمنّو ) باللي عملوه , أصل
الحدوته ان السعوديه دي مش في قاره أمريكا الجنوبيه , دي بلد حدوديه مجاوره و شغال
فيها ملايين المصريين و لها وضع خاص جدا عندنا , يعني محطة البنزين مش بعيده عننا و
اللي يصيبها هيصيبنا .
.
لفت انتباهي شاب
سعودي في الفيديو بتاع محطة البنزين و هو بيقول السواق مصري و والله المصري قادر!!
.
.........................................................................................................
Mohamed
Hussein
19
يونيو 2017·
مستشار أردوغان
: السعوديه بحاجه إلى ربيع عربي !! .
.
هي الحكايه ايه
بالظبط ؟ البهاليل و الحمير و قطعان المواشي يمتنعون
.
- الحكايه إن أردوغان
مش خليفة المسلمين ولا حاجه إنما ينفع يكون خليفة الكفار أو خليفة السفاحين و الشواذ
و ولاد التيت !! , اه و عهد الله خليفه الكفار و السفاحين و الشواذ و ولاد التيت ,
الحكايه بالنسبه لأردوغان كانت فرصه لنهب البترول و الثروات و مشاركة حلف الشيطان في
تقسيم التورته , الحكايه كانت خطوط غاز و صفقات و مليارات , و بسط نفوذ , حتى لو كان
على حساب قتل و تشريد ملايين العرب و المسلمين , مش قلت لكو ينفع يكون خليفة الكفار
؟! .
.
بالنسبه بقى لحبايبنا
الحمير المثقفين بتوع مصر , اللي الشعارات العبيطه بتركبهم و تسرح بيهم لدرجة انهم
مثلا يفسّرو اللي بيعمله أردوغان بإنها براجماتيه !! , براجماتيه دي تبقى خالتك يا
حمار , بلاش الكلمه التانيه , براجماتيه دي يقولها مواطن تركي لما يعرف ان قيادات بلده
بيسرقو و يقتلو و ينهبو عشان يحسنو مستوى معيشته , حتى المواطن التركي العاقل البني
ادم مايقولهاش ولا يرضاها , انما انت كمواطن عربي لما توصف تصرفات أردوغان تقول سفاح
ابن وسخه , مش براجماتيه ولا سمسميه .
.
و بالنسبه للسعوديه
و أل سعود , اعتقد انهم في الفتره اللي فاتت لما كانو ماشين ورا الشاذ ابن موزه كان
من ضمن كوارثهم دعم الاقتصاد التركي , صفقات بالمليارات , غطاء اقتصادي عجيب , و صوتنا
اتنبح , يارب يكونو فهمو و فاقو , يارب يفهمو ان الدور كان عليهم في تقسيم التورته
, يارب يكونو فهمو انهم دفعو بإيديهم فاتورة خراب بلادهم , يارب يكونو فهمو إن مصر
هي عمود الخيمه الوحيد اللي ينفع يتسندو عليه , يارب يكونو فهمو إن مصر هي سفينة نوح
الجديده .
.............................................................................................................
Mohamed
Hussein
19
يونيو 2017·
إوعى السلعوه تعضك
.
و على سبيل القناعه
التامه , قناعتي من سنين طويله , أنا ضد النقاب شكلا و موضوعا , ولا بيأثر فيا كلام
بعض المشايخ البهاليل و ( حَدْف الخليج ) اللي طفحو علينا , أن ضد النقاب رغم إن تلتين
بنات العيله عندي منقبات , بنات عمي و زوجات ولاد عمي , وبقول قدامهم و في وشهم , و
يمكن مقبول في الريف ان الستات تتنقب , باعتبار ان المجتمع الريفي مجتمع صغير و الناس
كلها عارفه بعض و مفيش اي خطوره أمنيه , انما في القاهره و المدن لا .
.
لو كان الأمر بإيدي
كنت حرّمته و جرّمته في المدن , عايزه تتنقبي وماله , بس في بيتك , لما يجيلك ضيف غريب
ابقى اتنقبي , في الشارع لا , نقابك في الشارع مش بشوفه تدين ولا بطيخ , بشوفه ملامح
مطموسه و مخفيه يعني بالظبط زيك زي أي راجل مغطي وشه بأي حاجه , مفيش فرق بينكو , انتي
مين و رايحه فين و ممكن تعملي ايه و تستخبي ورا النقاب ده ؟ الأجهزه الأمنيه في أتخن
دوله ممكن بالكتير تحط كاميرات مراقبه في الشوارع و الأماكن و المباني الحيويه , بس
حتى كاميرات المراقبه مابتعرفشي مين ورا النقاب , لا بياناته ولا شكله ولا هويته ,
دي كاميرات مراقبه مش جهاز أشعه مقطعيه .
.
أنا ضد النقاب
عشان بخاف على بلدي , و بخاف على إبن حضرتك و على بنتي , و حكاية التدين دي مجرد افتكاسه
, ياريت الأول نتدين بإننا مانكدبش ولا نسرق ولا نقتل و لا نشهد زور ولا نغتاب , ياريت
الأول نبرّ الوالدين و نساعد الغلبان و المحتاج
أنا ضد النقاب
من سنين طويله , ومع ذلك لا فيه سلعوه كلت مناخيري بالليل قبل ما انام , ولا راجل لابس
أبيض فابيض جالي في المنام و حط السيخ المحمي في صرصور ودني .
.....................................................................................................
Mohamed
Hussein
18
يونيو 2017·
و لو حضرتك يعني
معاليك مصدق إن البنات و الستات المنقبات لما بيروحو المطاعم في مصر بيتعاملو وحش و
ينضربو بالحزام و الكرباج و المنجانيق تبقى انت حد جميل أخر فيصل , و لسه لحد النهارده
الجماعه الإرهابيه راكباك و مدلدله رجليها , ماتجيش تعمل على ديك أهلنا بقى انك واد
حر و مثقف و عميق و جواني و دماغك مستقله و سابق كوكب الأرض بمليون فدان و كل الحبشتكانات
دي , ياض انت حمار و بقالك 7 سنين مركوب من خروف , مستحيل تكون اتركبت 7 سنين بالخطأ
أو اتركبت سهوا , يعني باختصار انت حد ساقط في الكيميا من 7 سنين فقرر انه يشتغل في
الأحياء و بعدين حبيت الشغلانه أوي , و أمك عارفه على فكره .
...........................................................................................................
Mohamed
Hussein
18
يونيو 2017·
بعد 7 سنين من
الفرهده و المؤامره و التخطيط اللي كان يكفي لحرق قاره بحالها , بعد ما اتصرف مئات
المليارات في محاولة كسرنا , بعد ما اتلم ست سبع دول و جيوش و أجهزة مخابرات , بعد
ما حفرو الأنفاق و هرّبو السلاح و عملو مخازن و خنادق و لمّو الخونه و الصيع و العواطليه
, بعد ما اتفتحت قنوات و جرايد بره مخصوص عشانا , بعد ما عاشو يومهم 24 ساعه تشويه
في تشويه , حصل لنا إيه بقى ؟ ولا حاجه يا مولانا , الكنافه كنا بناكلها ساده عملناها
بالريد فلفيت , و طائر البطريق بدل ما نروح له في القطب الشمالي جبناه عندنا , و قعدنا
نتفرج على 70 مسلسل في رمضان و احنا مشغلين التكييف , و لسه بنحب و نتجوز و نخلف و
نغنّي و ندندن و نلاعب عيالنا و نمشي بأمان و نعمل مشاريع و طرق و كهربا و نحل مشاكل
من عشرين تلاتين سنه و نعيد تسليح الجيش من جديد , ماهو أصل الحدوته بتقول ان الشعب
ده جبار و ملهوش كتالوج و البلد دي محدش يعرف يكسرها , الاهرامات مش متبّته في مكانها
اعتباطا , و برج الجزيره عبد الناصر معملهوش في وقت فراع , ده كان رساله للعالم كله
, و الرساله بتقول , لو عايز تجرّب قرّب !! .
...............................................................................................................
Mohamed
Hussein
17
يونيو 2017·
و كالعاده بعد
كل دعوه فكسانه للتظاهر و محدش ينزل , يقولو ده شعب عبيد و شعب راكع و شعب خانع و شعب
خاضع , و نفس الشعب اللي كان حر و عنده نخوه و مبيخافش بيتحول بقدرة قادر لشعب عبيد
و راكع , ولاد الكلب الصيع بقو واخدين توكيل التحدث باسم الشعوب و تصنيفها ( و هما
نايمين على بطنهم ) , و بيصنفو الشعب اللي دخل في أكبر عدد من الحروب في تاريخ البشريه
, بيصنفو الشعب اللي قدم شهداء و دم عشان خاطر الأرض أكتر من قاره بحالها , و بيزايدو
على ظباط و جنود الجيش المصري العظيم !! .
.
الكولجيه بقى حالهم
بائس أكتر من سحليه محشوره تحت بلاعة صرف صحي من 7 سنين , و كل ما نحاول نشيل غطا البلاعه
و نقول للسحليه اخرجي و شمي هوا نضيف , ترجع بضهرها و تتمسك أوي بماسورة الصرف الصحي
و ريحة المجاري اللي عايشه فيها , للأسف مش بلاقي لهم تشبيه ولا وصف غير كده .
..............................................................................................................
Mohamed
Hussein
17
يونيو 2017·
مش عارف مين ممكن
يكون مستغرب من التسجيل الصوتي اللي بتتأمر فيه قطر على احداث فوضى في البحرين ؟ مستغرب
من ايه يا مولانا ؟ .
.
هي قطر من أول
حمد و مراته و ابنهم الشاذ لهم أي دور في الحياه غير كده ؟ الكلام ده من سنين طويله
, تسجيلات الخيانه و التأمر بتاعتهم صوت و صوره ضد مصر و ليبيا و سوريا و السعوديه
و العراق و الامارات و البحرين ( يعني متأمر و أهبل ) , ولا نسيت مكالمة رئيس وزرائهم
المتسجله مع القذافي لما كان بيتأمر على السعوديه ؟ ولا نسيت تقارير الجزيره المفبركه
عن اللي بيحصل في مصر و طفاية الحريق تبقى قنابل غاز و عيلين على شط ترعه يبقو مليونيه
في ميدان التحرير ؟ ولا نسيت خبر الجزيره عن سقوط مطار بغداد في ايد القوات الأمريكيه
قبل سقوطه الفعلي ب 3 أيام !! .
.
المشكله بس يا
مولانا انك كنت أهبل منهم , فضلت سنين طويله تقعد قدام قناة الخنزيره و تعتقد ان تقاريرها
و افتكاساتها أصح من صحيح البخاري و من القرأن الكريم نفسه , لحد ما وصّلوك لقناعة
ان فيصل القاسم و يسري فوده و احمد منصور من اهل بيت النبي , و مشيت و را عرّاب الخراب
و مفتى الناتو يوسف القرضاوي , و صدقت ان عزمي بشاره عربي وطني مجابتهوش ولاده , و
مش بعيد يكون حفيد صلاح الدين الأيوبي .
.
الحدوته باختصار
بتقول , اللي خلّى قيادات الكشك بتاع الخليج ياكلو عيش في المنطقه و يعرفو يخربوها
الفتره اللي فاتت مش ذكائهم إنما غباء حضرتك , غباوة معاليك .
.
و ممكن يعني مستقبلا
لو ربنا كرمك و تخلّيت عن جين الغباوه اللي سارح في جتتك ده تبقى تسأل نفسك ألف سؤال
عن الفتره اللي فاتت , منهم سؤال عن ليبيا , سؤال واحد بس , سؤال بيقول , ليبيا الدوله
النفطيه اللي كان متوسط دخل الفرد فيها عالي جدا و عندها احتياطي نقدي كبير و احتياطي
من الدهب كبير جدا و ترسانة أسلحه كامله , الحاجات دي راحت فين ؟ السلاح و الدولارات
و الدهب ؟ مين اللي سرقهم و نهبهم ؟
..........................................................................................................................
Mohamed
Hussein
16
يونيو 2017·
بيقولك مره تلاته
كانو قاعدين على قهوه , واحد اسمه ( مفيش ) و واحد اسمه ( بس ) و واحد اسمه ( معلش
) , وعالترابيزه اللي جنبهم قاعد ناس كتير , واحد اسمه ( إنما ) و واحد اسمه ( اعملو
حسابكو ) و واحد اسمه ( المره الجايه ) و واحد اسمه ( كلمتنا ) و واحد اسمه ( لا يمكن
تنزل الأرض ) و واحد اسمه ( أبدا ) .
.
و هما قاعدين بقى
بيشربو سحلب كلهم ( و عاملين دماغ سحلب ) , وقف شاب منهم و نط في وسط القهوه و قال
ما تيجو يا جماعه نعمل ثوره بدل ماحنا قاعدين كده , قامو كلهم رحبو بالفكره و قررو
انهم يتجمّعو و يعملو ثوره تحت عنوان ( مفيش بس معلش إنما اعملو حسابكو المره الجايه
كلمتنا لا يمكن تنزل الأرض أبدا )
...............................................................................................................
Mohamed
Hussein
16
يونيو 2017·
في 30 يونيو
2013 , ربنا أكرمني اني كنت في مصر وقتها و نزلت الميدان ( في المنصوره ) لمدة يومين
, خدت بناتي معايا , شوفت يعني ايه الشعب في الشارع و علم مصر في كل بلكونه , و لما
فكرت أرجع القاهره بعدها , لقيت ناس قاطعين الطريق , ناس طيبين أوي , العربيات وقفت
, و خير يا جدعان , حلفو طلاق بالتلاته ماحنا فاتحين الطريق قبل مامرسي يغور , كان
بالصدفه من ضمن العربيات و الناس اللي واقفين معانا و مش عارفين يعدّو ظابط شرطه و
ظابط جيش , اه و عهد الله , محدش اتخانق , كلنا ابتسامنا و لفينا بالعربيات و دوّرنا
على طريق تاني يوصلنا , أنا واحد من الناس مالقيتش طريق تاني و حسيت اني هتأخر و لفيت
و رجعت البلد ( و انا مبتسم برضه ) .
.
اللي حصل في الأيام
دي قد ما كان كارنفال و لحظات عمرها ما هتتنسى , بس بالنسبالي كانت السعاده دي مخلوطه
بكتير أوي من الخوف و التفكير , يمكن بسرعه قدرت اتوقع و أتخيل اللي ممكن يحصل , في
وسط الفرحه فكرت ايه ممكن يحصل ؟ بتحارب جماعه ارهابيه عايشه وسطينا و في الشقه اللي
قدامنا و في كرسي المترو اللي جنبنا , مفيش على وشهم علامه مميزه ولا معاهم كارنيهات
بتقول انهم ارهابيين , بتحارب أمريكا و حلف الشيطان بالكامل , و انت اقتصادك زفت ,
لا زفتين , بتستعيد إرادتك السياسيه , و مابتحطش رقبه مصر تحت سكينة الإرهابيين ( زي
ما حاصل في تونس حاليا ) , بتحارب مئات المليارات اللي بتتصرف على خرابك و انت ماحيلتكش
غير شعب و جيش و تاريخ , طب شكل الحرب هيكون ازاي ؟ الحقيقه توقعت حاجات اسوأ من اللي
حصلت , عشان كده ماتخضيتش على مدار ال 3 سنين .
.
أصل الحدوته قلتها
في يوم من الأيام , الاحداث اللي بتحصل حوالينا كبيره أوي و أكبر من استيعابنا , الأحداث
دي مش هتصغر و تصغر لحد ما توصل لمستوى استيعابنا , احنا اللي لازم عقولنا تكبر و تكبر
عشان نعرف نستوعبها .
.
من غير هري و لت
و عجن كتير بقى , اللي بيحكم مصر فعليا من يونيو 2013 اسمه عبد الفتاح السيسي ( كل
الاحترام و التقدير للمستشار الجليل عدلي منصور ) , و الراجل ده اللي هو عبد الفتاح
السيسي أكيد عقله و استيعابه و معلوماته اكتر مني بكتير , يبقى يوم ما خد القرار و
يوم ما جاب شيخ الأزهر و البابا ( و لامؤاخذه البرادعي ) كان عارف انه اختار القرار
الصعب جدا , الطريق اللي كله ألغام , بس ده الطريق الوحيد اللي بيسلكه أي واحد وطني
شريف , و الوطني الشريف ده مستحيل في يوم من الأيام يبيع .
.
انا عايز أقول
لحضراتكو , البيع الحقيقي و الشيك اللي كان على بياض كان يوم 30 يونيو 2013 و الاسبوع
اللي بعدها , و التهديد والخطر الحقيقي كان برضه في الوقت ده , لو رفضت الشيك ( الشخصي
) في 30 يونيو و ماخوفتش من تهديد وقتها , يبقى مستحيل هتبيع في يوم من الأيام و مستحيل
هتخاف .
.
حبايبنا اللي خدتهم
الجلاله و ندهتهم النداهه و تخيّلو انهم وطنيين و غيورين على مصر أكتر من عبد الفتاح
السيسي , عايز أقول لكل واحد فيهم , إشرب بؤ مايه يا حبيبي و إلحق المسلسل بتاع 9 قبل
ما يفوتك , و نام في حضن عيالك , و بس كده.
.....................................................................................................................
Mohamed
Hussein
16
يونيو 2017·
لو سمحت لو سمحت
- نعم يا حبيبي
.
هو حضرتك نازل
بكره ؟
- أه طبعا نازل
, لازم أنزل , مستحيل مانزلش و لو العالم كله وقف قدامي .
.
أيوه كده بقى
, انا طول عمري بقول شعب قوي و عنيد و محدش يقدر يكسره .
- ياض انا نازل
أصلي الجمعه .
.
مممممممممم أنا
طول عمري بقول شعب عبيد و خانع و خاضع .
- قولي ياض انت
.
نعم
- انت نازل بكره
؟
.
لا انا بهيج الدنيا
بس زي كل مره و أشتم شويه حلوين .
- وليه ماتنزلش
؟
.
يا باشا انزل ايه
, ده موسم بنجمع فيه شوية لايكات حلوين و نزود عدد الفولورز .
- طب و مصر ؟ مش
بتغير عليها ؟ .
.
مممممممممم ماهو
انا ماقولتلكش , انا أردني سعادتك .
- حليب قلبي من
جوه .
.......................................................................................................
