Mohamed
Hussein
29
نوفمبر 2018·
قعدت 3 سنين مانزّلش
صوره جديده ليا , لحد ماجيت من كام يوم و قايست بقى وقلت ياض مابدّهاش و نزلت صوره
فعلا , بعدها بساعتين زمن يا مؤمن شالو الراجل المصري من التصنيف العالمي للوسامه
, تفتكرو دي صدفه عجيبه ولّا غباء من الأخرين ؟!
........................................................................................................
Mohamed
Hussein
29
نوفمبر 2018·
الحق و القوه
.
صباح الخير
- عالمستوى الشخصي
و مستوى الفرد لو لك حق و ماعندكش قوه أو حيله يبقى هتكتفي بالدعاء و تستنى ربنا يجيب
لك حقك , على مستوى الدول لو لك حق يبقى لازم يكون لك قوه و إلا حقك هيضيع .
.
- الجيوش يا مولانا
ملهاش ثكنات بالمفهوم المطلق , هما مش فراخ محبوسين في عشه عشان تبيض و تفقس و ترقد
على بيضها , الجيوش النظاميه المحترمه العظيمه اللي زي جيش مصر كده لها مهام محدده
و كتيره اوي , حماية الحدود و الامن القومي لمصر ( في حالة الخطر الخارجي ) , حماية
المنشأت العامه و تأمين البلد من الداخل ( في حالة الخطر الداخلي ) , انقاذ البلد أو
جزء منها في حالة الكوارث الطبيعيه , حماية ثروات الشعب و ممتلكاته حتى لو كانت في
بلاد الواق الواق .
.
- يعني حضرتك عندك
حقول غاز و بترول في البحر المتوسط , الإستثمارات فيها بمئات المليارات , ماتستغربش
لو لقيت في يوم ان قطعك البحريه الحديثه اللي اشتريتها مؤخرا وصلت لحدود اليونان و
قبرص .
.
- الجيوش كمان
ممكن تخرج في عمليات محدده للخارج عشان تحمي حاجه في الداخل , يعني مثلا عندك ارهاب
و الحنفيه بتاعته بره مصر , ممكن تروح تقفلها من بره و ترجع , كله طبعا بحسابات دقيقه
و تكلفه و نتائج متوقعه (بالمناسبه , الجيش اللي يخرج عشان ياخد شوية دولارات و يروح
بلد تانيه ملهاش علاقه بأمنه القومي لا من قريب ولا من بعيد , بيبقى اسمهم مرتزقه
, مالهمش اسم تاني , زي جيش الاغا العثماني كده ) .
.
- فكرة إنه يكون
لك حق ك دوله , أو لك ثروات , و مش عارف تحميها بتعني باختصار انك لا تملك أي شئ ,
بتملك صفر , حتى ثرواتك دي ماتكتبهاش عندك في الدفاتر و لا تعمل حسابك عليها أو ممكن
تسجلها مسبقا تحت عنوان ( بضاعه أتلفها الضعف ) .
.
- فكرة انك تروح
تشتكي و تتشحتف في الأمم المتحده و تعيط زي الولايا فانت بالتأكيد مش هتطلع بأي حاجه
, الأمم المتحده يذهب إليها الضعفاء ( دي تصريحات رئيس وزراء بريطاني) , و إجمالا لازم
تكون فاهم إن المؤسسه الدوليه دي اتعملت عشان بس تظبّط المسائل و تنظم المرور لبلطجية
العالم و القوى الإستعماريه القديمه و الحديثه , يعني عشان بلطجتهم تبقى بشكل قانوني
.
.
- مفهوم العالم
الغربي الكيوت اللي عنده قيم و مبادئ من الحجم الكبير ( الكومبو ) ده مفهوم يليق بعيل
دافس مناخيره في برطمان كولة تحت كوبري الملك الصالح , مش أكتر من كده , بنشتري سلاح
ليه ؟ و ليه نصرف مليارات على تحديث الأسلحه ؟ ماكنا صرفناها على التعليم و ساندوتشات
الحلاوه بالقشطه ؟ مانا قلت لك مكانك مش هنا , مكانك تحت كوبري الملك الصالح , برطمانك
في إيدك و مطوتك في جيبك و أي واحد يجيب لك سيرة الأمن القومي تشرحه على طول .
.................................................................................................................
Mohamed
Hussein
28
نوفمبر 2018·
ملخص المظاهرات
الفرنسيه
.
الرئيس الفرنسي
: ثوار باريس مجموعه من البلطجيه !! .
- اه حضرتك اللي
بيخرّب ممتلكات عامه و خاصه و يعتدي على عربيات الشرطه و الإسعاف و يكسّر الرصيف اسمه
بلطجي و مجرم , مش شاب بيعبر عن غضبه ولا عنفوان الشباب و لا أحلام الشباب و لا حب
الشباب .
.
قتلى و مئات الجرحى
و مئات المعتقلين
- اه حضرتك حاول
تصدق , الشرطه في اوروبا مش بتوزع عالمتظاهرين ورد و كحك العيد و حلاوة المولد و ساندوتشات
حلاوة بالقشطه زي مالبرادعي و غيره أوهموك .
.
لا لا بس اللي
بيخرب و يحرق في المظاهرات الفرنسيه هما العرب و الأفارقه!!
- و الله يابني
مش ذنبنا انك عايش و بتتشألب في عقدة نقص و لازم توهم نفسك باستمرار إننا الأسوأ في
كوكب الأرض و المجموعه الشمسيه , و الأكثر تخلفا و همجيه , و إن غيرنا ده نضيف و كيوت
خالص و متحضر أخر فيصل و بيستحمى 9 مرات في اليوم خصوصا لما يكون أوروبي و اسمه فريدريك
.
.
طب ليه فرنسا و
ليه دلوأتي تحديدا ؟
- عشان ماما مش
راضيه عليها , و انت عارف قلب الأم لما بيغضب بقى .
.
ماما مين حضرتك
؟
- ماما يابني اللي
بتحكم العالم , ولّا انت فاكر إن العالم ده ماشي كده بيرعى في الغيطان و حبله على ضهره
؟! .
.
طب لو حصل عمليات
إرهابيه في فرنسا أو بلجيكا زي ماحصل قبل كده ؟
- ممممممم حاول
تصدق برضه إن السبب في العمليات الإرهابيه اللي ممكن تضرب أي عاصمه أوروبيه مش كتب
التراث و لا الأزهر الشريف فرع باريس و فرع بروكسل .
.
يعني ايه ؟
- يعني لما الصوره
تكون واضحه للاعمى و الاحداث مكرره قدامك بشكل ممل يبقى لازم تكبر شويه و عقلك يكبر
و تحاول تتخلص من شعاراتك و خزعبلاتك و تمسك دماغك كده و تعتبرها سجاده قديمه و تنفضها
تنفيضه حلوه في أقرب بلكونه .
..........................................................................................................................
Mohamed
Hussein
27
نوفمبر 2018·
جمعية أصدقاء السحالي
النُتي ( جمع نتايه ) .
.
بيعجبني جدا مصطلح
الإفلاس الفكري , شرايح كتير أوي و بشريه بنقابلهم في حياتنا ينطبق عليهم المصطلح ده
و يرشق تماما .
.
يعني مثلا تبقى
مفلس فكريا فتحط جمال عبد الناصر في أي جمله أو أي مصيبه تحصل لك حتى لو كان الدش بينقط
في بيتكو يبقى اكيد عبد الناصر هو السبب , أيوه هو , مش هو اللي خلى الفلاحين يتعلمو
و يدخلو جامعات ؟ و بالتالي اختفى الصنايعيه الشاطرين و بالتالي مبقاش فيه سباكين زي
مخاليق ربنا , الله يسامحه عبد الناصر .
.
تبقى مفلس فكريا
و تحط الازهر في أي جمله و أي خبر و أي ساندوتش , طب بذمتك بذمتك مش الأزهر ده هو السبب
ان مراتك بطلت تعمل محشي من فتره و مقضياها مكرونه و فراخ بانيه ؟ اه هو بعينه .
.
تبقى مفلس فكريا
و مش لاقي حاجه تعملها في حياتك و بتتشألب في نفس البؤين اللي انت عايش بيهم و عايز
تلعب دور الواد الكيوت أبو قلب زي الخسايه اللي بيرعى حقوق الحيوانات و العصافير الكناريا
و اللي مابينامش طول الليل لو شاف صرصار تايه من أمه الصرصاريه ( مع انك مقاطع أمك
من سنين ) , تقوم تجيب اي خبر مضروب و افتكاسه و تعيش لك عليها كام يوم , تحليل بقى
و كوميكس و أفكار و شألباظات , زي مثلا خبر ان مصر هتصدر الكلاب و القطط , الدوله القاتله
, انقذو كلاب مصر و قططها من يد الفاشيه , احنا مبقاش في قلوبنا رحمه , انا اسمي هايدي
و مش قادره اتخيل ان كلبتي جيسيكا ممكن تتصدر و تتباع في سوق النخاسه و تندبح , انا
بقالي يومين مانمتش و بقيت باخد ادويه نفسيه , شعور بشع , فزيع فزيع .
.
أصدقائي الغاليين
اللي مليانين حنيه بتطرطش في كل مكان , معلش , احنا مش هنصدر قطط و كلاب ولا حاجه
, اسف يعني إني بوّظت عليكو البؤين الحمضانين
و عموما عشان ماتزعلوش
و عشان تلاقو حاجه تتلاهو فيها الأيام الجايه و تتهمو الدوله انها فاشيه و بتاكل دراع
العيال الصغيره و ودان القطط الشيرازي , ممكن اقترح عليكو اقتراح جميل , بعد يومين
تلاته كده تنزلو خبر ان مصر هتستخدم الغازات المحرمه دوليا في محاربة السحالي في عزبة
الهجانه , و ان الغازات دي هتتسبب في اجهاض أنثى السحليه , و تعملو جمعيه بقى , ممكن
تسمّوها ( جمعية أصدقاء السحالي النوتي )
..........................................................................................................
Mohamed
Hussein
27
نوفمبر 2018·
مصر و السعوديه
و مظاهرات فرنسا , و جمال و غمازات كوكب الأرض الكيوت أبو كف رقيق و صغير
.
صباح الخير
- لو صحّت صورة
علم السعوديه على الأهرامات فانا شايفها حركة ترحيب زي الفل , عملناها كتير قبل كده
مع دول تانيه , و دول كتير غيرنا بتعملها , بالمناسبه كون انك تحط علم دوله على معلم
حضاري عندك ف ده مش معناه انه هياخد المعلم الحضاري في جيبه و هو ماشي , يعني محمد
بن سلمان مش هياخد الأهرامات ولا حاجه , الحكايه دي كانت بتحصل زمان بس عندنا في الفلاحين
, إن واحد يلاقي ارض فاضيه يروح يحط فيها نقلتين سباخ و يقول دي كده بقت بتاعتي ( بوضع
اليد ) , السياسات الدوليه مفهاش حكاية ( نقلتين السباخ ) , أه و عهد الله .
.
- زيارة محمد بن
سلمان مهمه جدا لمصر , و العلاقات بين مصر و السعوديه في غاية الأهميه , اه رافضين
الفكر الوهابي اللي كانت نتايجه كارثيه و اللي السعوديه نفسها بدأت تتبرأ منه , اه
رافضين مواقف سخيفه حصلت من سنتين تلاته , أه رافضين المعجنه اللي السعوديه شاركت فيها
في سوريا , لكن السياسه اجمالا مفهاش ديمومه , الدول اللي طحنت بعض في الحرب العالميه
اتصالحت , و اليابان اللي انضربت بالنووي من أمريكا بقت علاقتها بواشنطن زي علاقة ابراهيم
حسن بحسام حسن .
.
- السعوديه بالنسبالنا
لا تعني الدعم المادي في مواقف صعبه مرينا بيها , إنما السعوديه دولة جوار و أمن قومي
و بتمثل هي ومصر اكبر دولتين في المنطقه ( شئنا ام أبينا ) , السعوديه بيشتغل فيها
ملايين المصريين و لها مكانه و وضع خاص جدا عند المسلمين , ده مش كلام انشا , ده واقع
واللي مايشوفشي من الغربال يبقى أعمى , و بالمناسبه برضه الدعم المادي السعودي لمصر
يساوي 1/1000 من الدعم السعودي لأمريكا ( اللي هي أكبر دوله في كوكب الأرض ) , سواء
كان في صورة صفقات تسليح بمئات المليارات ( تكفي قاره ) او بتخفيض أسعار النفط أو باستثمارات
و مدخرات سعوديه في بنوك واشنطن .
.
- التحالف الرباعي
مهم جدا للغايه مش عشان حصار قطر بنت الوسخه لانها مجرد صرصار , انت بتواجه قوى استعماريه
تاريخيه عايزه يبقى لها نفوذ في الوطن العربي , زي تركيا و ايران , قطر مجرد صبي المعلمه
مش اكتر .
.
اللي بيحصل في
فرنسا قرصة ودن من ماما أمريكا عشان حكاية الجيش الأوروبي دي , المعلمين اللي بيحكمو
كوكب الأرض عايزينه يمشي على مزاجهم , لو فكرت مجرد تفكير إنك تخرج عن السيناريو بيقرصو
ودنك , يضربو طيارة طالعه من مطار باريس , يقتلو شاب صايع اسمه ريجيني , يضربو طياره
روسيه , يعملو لاردوغان انقلاب وهمي , يعني يقولو لكل الدول ( انتو في قبضة ايدينا
, و ده خط السير , مفهوم ؟! ) .
.
داعش دخلت عالخط
في مظاهرات باريس , و قولنا مليون مره مفيش حاجه اسمها داعش , ده تنظيم وهمي و عباية
عملتها امريكا و بريطانيا و اسرائيل عشان يحطو تحتها أي عمليه ارهابيه او تخريبيه في
أي دوله مستهدفه , عشان بس ماتعيشي في دور أصل الازهر الشريف و كتب التراث هي السبب
و تبقى مجرد راجل هفأ معلوماته عن السياسات الدوليه زي معلومات ياسمين الخطيب عن عميد
الأدب العربي , يعني يبقى منهجك الفكري كله سيليكون و بوتكس و كيرفات و أفكار بلاستيك
بتقرفنا بيها .
......................................................................................................
Mohamed
Hussein
26
نوفمبر 2018·
وانت يا حبيبي
عايز تتجوز ليه ؟
- انا عايز اتجوز
عشان لما ارجع من الشغل ألاقي مراتي لابسه قميص من بتوعي من غير أي حاجه تانيه , و
واقفه تحمر بطاطس في المطبخ و أول ماتشوفني تتشعلق في رقبتي و تقولي حمد الله عالسلامه
يابيبي , وحشتني اوي .
.
مممممم انت شوفت
الكلام ده فين ؟
- في الأفلام الأمريكاني
حضرتك .
.
يابني الأمريكان
دول كفار إنما احنا ناس مؤمنين و راضيين بقضاء ربنا
............................................................................................................
Mohamed
Hussein
25
نوفمبر 2018·
شألباظات .
.
اتفرجت على مداخلة
الدكتور سعد الدين الهلالي مع عمرو اديب اكتر من مره , أه و الله , و بهدوء يصل لدرجة
البرود , و بعدين ايه بقى ؟
.
شوية كلام زي الفل
مترتبين فوق بعض , بس لما تفكر فيهم هتلاقيهم فستك , وقالك فيه فرق بين الحق و الواجب
, الميراث ده حق ممكن نغيره , لكن الصلاه واجب ماينفعش نتكلم فيها .
.
طب خدو أول كلمتين
و احتفظو بيهم , على مسئوليتي , بعد 10 سنين هتظهر أصوات تقول إن الصلاه 5 مرات في
اليوم دي كانت مرتبطه بتوقيت معين ( والقرأن نفسه مقالشي اننا نصلي 5 مرات ), وقتها
كانت حياة الناس مستريحه , انما في العصر الحديث الناس عايشه في مفرمه و المواصلات
زحمه و كل راجل بيشتغل شغلانتين و تلاته , ليه بقى نصلي 5 صلوات و نصعب عالناس حياتهم
؟ ماكفايه مرتين بس , الضهر و العشا حلوين أوي , و العشا ركعتين , ليه أربعه ؟ ولا
هو تبذير و خلاص , و وقتها الدكتور الهلالي هيرحب جدا بالفكره .
.
- الكلام اللي
قاله سعد الدين الهلالي حق أريد به باطل , صح الفقيه بتتغير فتواه لما تتسع مداركه
و لما عصره يختلف و ثقافته تختلف , ده كلام جميل , بس ممكن نسأله سؤال بسيط و نسأله
لحضراتكو , البنت اتعلمت زي الولد , و دخلت الجامعه زي الولد , و اشتغلت زي الولد
, و تورث زي الولد , حلو ؟ كده يبقى فيه اي اختلاف ممكن بين البنت و الولد , الذكر
و الأنثى ؟ لا مفيش اختلاف .
.
طب جميل اوي ,
بنتي بعد كام سنه جالها عريس , سألته يابني عندك شقه ؟ هيقولي ايه السؤال السخيف ده
؟ هو حضرتك متخلف عقليا ؟ بنتك اشتغلت زيي و بتورث زيي , أجيب انا شقه ليه ؟ نجيبها
بالنص , طب يابني هتعرف تبقى راجل و تصرف على بيتك ؟ برضه ده سؤال سخيف , يعني ايه
راجل ؟ المفروض تقول هعرف انا و بنتك نشتغل و نصرف عالبيت ولا لا ؟ اللي هو مفهوم المجتمع
الامريكي و المجتمعات الغربيه بالظبط , خليكو مستعدين بقى عشان الهويه نفسها هتختلف
وتتعجن في بعض , و كله تحت دعوى اتساع المدارك , مع انها احيانا بتتسع أوي و ( تبهوأ
) .
.
في النهايه عايز
أقول حاجتين , أنا مواطن مؤمن تماما بدولة المؤسسات , مفهوم الدوله , كيانات و مؤسسات
مش أشخاص بتجتهد حتى لو عجبني بعض اجتهادهم , الأزهر الشريف محتاج شغل كتير من جواه
و تنقيح لمناهجه صحيح , و حتى ذلك الحين و دلوأتي كمان انا مرجعيتي اسمها الازهر (
المؤسسه ) , لما يصدر فتاوى رسميه هيبقى مسئول عنها , مرجعيتي مش أشخاص , لا تحت بند
انهم تنويرين ولا تحت بند انهم سلفيين , ولا تحت بند انهم جبارين و بيمشو عالحيط .
.
الحاجه التانيه
, أي رأي بكتبه على صفحتي بيبقى قناعتي الشخصيه كبني أدم ( عاقل ) و الأهم ( كمواطن
مصري ) , من كام يوم كتبت عن النقاب , و قلت نفس كلام شيخ الازهر ( لا فرض ولا سنه
ولا مستحب ) و اتعرضت لهجوم بشع و تهديد و سب بأوسخ الألفاظ من شوية جهله و صيع , و
في البوست ده أتوقع هجوم لا يقل عنصريه و بشاعه من الجهه التانيه , اللي بيسمو نفسهم
تنويرين , اللي متشعلقين في توب إسلام البحيري و سعد الدين الهلالي .
.....................................................................................................................
Mohamed
Hussein
24
نوفمبر 2018·
قتلى و مئات الجرحى
و اعتقالات بالجمله في مظاهرات باريس .
.
الديموقراطيه الفرنساوي
يا ولاد لها أنياب و مخالب و قرون و شلاضيم , و الشرطه الفرنسيه بينها و بين الميرسي
و السيل فو بلي واللامور مليون سنه ضوئيه , بس البرادعي طبعا مش هيجيب سيره لأنه باختصار
شديد تخصص مرقعه , و كده تبقى خلصانه بجايزة نوبل لامؤاخذه للسلام اللي بياخدوها قصدي
بيلبسوها على سراير الأمريكان و الغرب الديموقراطي الكيوت أبو قلب زي الخسايه و كف
رقيق و صغير .
...........................................................................................................
Mohamed
Hussein
24
نوفمبر 2018·
المظاهرات بتشتعل
من جديد في باريس , الموضوع شكله هيتطور اوي و الحكايه هيبقى فيها ألاف اللاجئات و
النازحات من جمهورية فرنسا الشقيقه , و طبعا مصر هي الحضن الدافي اللي مابيتخلّاش أبدا
عن أصدقاؤه .
.
المفروض بقى كل
راجل مننا يبدأ من دلوأتي يقنع مراته إنها تاخد العيال و تروح تقعد عند أمها شهرين
تلاته أو حتى 4 سنين لان مفيش حاجه في الدنيا أهم ولا أعظم من صلة الأرحام و بر الوالدين
.
..........................................................................................................
Mohamed
Hussein
24
نوفمبر 2018·
أبو قرش و أبو
قرشين
صباح الخير
- لو مابطلناش
نخلط أبو قرش على أبو قرشين و نحط عيشه على أم الخير يبقى هنفضل نلف في دايره مقفوله
و الدايره دي تقفل علينا اكتر و تخنقنا .
- اللي بيشوف الدنيا
من خرم إبره و اللي بيشوفها بعين واحده بيكون أغلب الأوقات اخطر علينا من الكفيف اللي
مابيشوفهاش .
.
- من ستين سنه
انتشرت بينا أفكار بلهاء و أثرت فينا و عيشنا معاها و فيها , اتغير شكل كتير مننا
, اتغير طعمنا و منظرنا , عبايه سوده و نقاب و جلابيه بيضا قصيره , و مئات الكتب عن
الحيض و البيض و صوت المرأه و طحال المرأه , و الأغاني حرام و الموسيقى و الرسم و النحت
و إزازة المايه اللي قدامي دي حرام , و بيضه عليها لفظ الجلاله و صوره لنعل سيدنا النبي
, و أي بطيخ و أي هجايص .
.
- الهجايص اللي
فوق دي ماروجش لها الازهر الشريف , أبوس ايدك اتعلم تشاور صح , الأفكار دي روجت لها
الوهابيه و اتصرف على ترويجها مليارات , على شوية أفكار و افتكاسات اخوانجيه و شوية
شرايط لكشك و الحويني و وجدي غنيم , مشكلة الازهر في الفتره دي اللي اكبر من المشاركه
هي السلبيه , هي الضعف , هي إنه كان بيعول عليه التصدي للعته ده لكنه تخلى عن جزء كبير
من دوره لأسباب كتير منها الأسباب الماديه .
.
- طيب كويس , مرحلة
العته اتسببت كرد فعل منطقي جدا و بموجب قوانين نيوتن في ظهور شريحه في الجهه التانيه
تماما , عدد كبير جدا من الملحدين و اللادينيين , و اتحول الرفض للعته و البلاله بتاعة
الوهابيه و الفكر الإخوانجي إلى رفض للدين نفسه , الموضوع بقى ياخد شكل التصريح بعد
ما كان تلميح , و بدأنا نشوف عيانا بيانا دعم للشذوذ و المثليه الجنسيه و سخريه من
الانبياء.
.
- شخصيا و بقناعة
تامه عندي 3 حاجات عايز أقولهم , أول حاجه , عيب على عقول الناس و البني أدمين إنه
يختصر الليله بتاعة خراب الشرق الأوسط و هدم الجيوش و الدول و المخططات اللي بدأت من
20 سنه و ألاف الإرهابيين و المرتزقه , عيب على عقلك انك تختزل الليله دي في مناهج
تراث و تلبسها للأزهر الشريف , والله عيب , وعزة جلال الله عيب .
.
- ثانيا , مؤمن
تماما ان كتب التراث محتاجه تنقيح و الكلام ده قلته من سنين و السيسي بيقوله و يكرره
(هو عارف بيقول و يكرر ليه مع إنه يقدر يجبر و يلزم و بسقف زمني معين) , و مؤمن تماما
ان محدش يقدر على عملية التنقيح دي غير مؤسسه كامله , مش اشخاص سكاترد , و مفيش مؤسسه
تقدر على كده غير الازهر الشريف لأنه بدأ يستعيد دوره فعلا .
.
- ثالثا و ده الاهم
, انا بكتب الكلام ده مش من منطلق ديني و عقائدي خالص , انا لا إمام مسجد ولا مقطع
حصر الجامع , و مؤمن بحرية العباده و حرية الاديان و المعتقدات , تعبد ربنا انت حر
, تعبد رجل الكومدينو انت حر , انا بكتب الكلام ده من منطلق وطني , لا أكتر ولا أقل
.
.
- يعني ايه منطلق
وطني ؟ يعني البلد دي لها شكل و طعم و هويه اتشكلت في ألاف السنين , فرعونيه مسيحيه
مسلمه , بلد الأزهر و الكنيسه و الاهرامات و ام كلثوم والطبلاوي و النقشبندي و سيد
مكاوي و كليوباترا و عبد الحليم حافظ .
.
- محاولة اننا
نلبس توب غيرنا هي محاولة لتدمير الهويه , مصر يا مولانا ماينفعش تقلد غير نفسها ,
لا تحت إسم الدين ولا تحت اسم التقدم , نقلد تاريخنا و أجدادنا و بس , عشان ببساطه
شديده , احنا مش القَرعه اللي محتاجه تتباهى بشعر بنت اختها .
.......................................................................................................
Mohamed
Hussein
23
نوفمبر 2018·
فين بقى صفحة محمد
حسين , صفحة محمد حسين , دانا كنت عاملها سي فيرست يا جدعان , معقوله يكون لغى صداقتي
عشان مش بعمل عنده لايك و كومنت ؟ لالا , محمد مايعملش كده ابدا , و بعدين ده حبيبي
من أيام 30 يونيو , هو صحيح كان بيشم كوله في 2011 بس خلاص ربنا تاب عليه و مصر مسامحاه
.
....................................................................................................................
Mohamed
Hussein
23
نوفمبر 2018·
بكتب حاجه كده
أتمنى انها تشوف النور قريب , وقاعد على فيض الكريم مستني المطر , شكلها هتمطر تاني
و أغرّق شعري و هدومي , بحب الحكايه دي أوي يا مولانا زي العيال الصغيرين .
.
بالنسبه لحبايبنا
بتوع عبث و عسكر و تخرصات و زولم و إعادة تدوير الإفك و الجيش بيقتل عساكره و الشرطه
بتقتل ظباطها و وزارة الكهربا بتكهرب محصلين النور عامل لكو مشهد في قهوه , ترابيزه
عليها كل مالذ و طاب من الشعارات و الهري و الإفتكاسات والهاشتاجات و الشعر الطويل
اللي اتعمل ضفيره و حجرين معسل و دخان كثيف , كفايه عليكو مشهد واحد .
.
و بالنسبه لحبايبنا
اللي شايفين ان الشرق الأوسط خرب و الجيوش وقعت و البلاد اتقسمت و الثروات اتنهبت و
الشعوب اتهجرت بسبب مناهج الأزهر و كتب التراث , عامل لكو مشهد لذيذ في جبل في سينا
, حوار بين الإرهابيين , توماس من شرق أوروبا ( أبو قتاده ) و زيد من قطاع غزه و عبيد
من مالاوي و أبو الدرداء من تل أبيب !!, وشوية دولارات حلوين أوي , و كلهم متأثرين
طبعا بمناهج الازهر و بيتشحتفو بسبب مناهج الازهر , حتى الدولارات الأمريكاني متأثره
بمناهج الازهر و بتتشحتف معاهم , يا أمة ضحكت من جهلها الأمم و السحالي و المخلوقات
الفضائيه و القرد أبو بتاعه حمره .
.........................................................................................................................
Mohamed
Hussein
23
نوفمبر 2018·
دونالد ترامب
: ال CIA ليس لديها تأكيد على ضلوع محمد
بن سلمان في الجريمه , العالم الشرير هو الذي قتل جمال خاشقجي , هذا العالم شرير حقا
.
..............
مممممممممم السعوديه
لو بحبحت إيديها في الفلوس شويه كمان هيطلع ترامب يقول إن ال CIA هي اللي قتلت خاشقجي و إنه مستعد يشهد بكده قدام
المحكمه .
............................................................................................................
