Mohamed
Hussein
23
يونيو 2016·
ملاحظات على الأعمال
التلفزيونيه الرمضانيه
.
1- مسلسل القيصر
لو خدت حلقه منه و شيلت منها الإعلانات و الإعادات (و الشغت) هيتبقى في الحلقه 13 دقيقه
.
.
2- القصبي في مسلسل
ونوس عامل دور رائع بس متداري , محدش هياخد باله منه .
.
3- محمد رمضان
مابشوفهوش في مسلسل الأسطوره بس واضح انه مكسر الدنيا , وربنا يستر على شبابنا و أطفالنا
, كان عندنا موضه زمان اسمها المسرح الصيفي و السياحي عشان السياح اللي بييجو من منطقة
الخليج , و دلوأتي فيه موضه اسمها ( مسلسلات التكاتك ) .
.
4 - كل ماعيني
بتقع على رامز جلال و هو بيتكلم و بشوف حركات وشه بيبقى عندي يقين ان الواد ده عامل
دماغ ترامادول , اه هو الترامادول مفيش غيره .
.
5 - يحي الفخراني
هو العبقري دايما , اللي مابيكررش نفسه ولا بيتصابى !! , ولا بيلعب على ماضيه , يعني
في كل عمل فني بيعمله كأنه أول مره بيمثل و عايز ينجح .
.
6 - البت دنيا
في مسلسل ونوس اللي هتتجوز عزيز ابن انشراح للامانه يعني ركبها حلوه ( و العياذ بالله
) .
.
7 - أصحابي هيسيبو
كل الملاحظات و يركزو في ركب البت دنيا .
...............................................................................................................................
Mohamed
Hussein
23
يونيو 2016·
مصر بتسلح نفسها
بأحدث الأسلحه , و الكيان الصهيوني بيعمل نفس الشئ , و فيه خمس ست دول خربت في الشرق
الأوسط , و البرادعي مشغول بقمع الشباب و حرية الشباب وبوكسرات الشباب و ( حَب الشباب
) و عبود الزمر مش عاجبه اسم جمال عبد الناصر على حاملة المروحيات ميسترال عشان عبد
الناصر كان فاشي وديكتاتور و مش كيوت , طب حاضر يا مولانا الشيخ عبود , هنغير الإسم
بتاع الميسترال , هنسمّيها عمرو حمزاوي أو ليلى نظمي و نكتب تحت الإسم ( ادلع يا عريس
يابو لاسه نايلون )
.
و ده ملخص الليله
كلها , قياده سياسيه مدركه لخطورة المرحله و التسليح بيبقى فرض عين ( للردع عالأقل
) , و قيادات معارضه عايشين في ماية الطرشي , و إرهابيين ( الدم مغرّق إيديهم و توبهم
) وصلت بيهم الوقاحه إنهم يدّونا دروس في الحريه و الديموقراطيه و حُب الرومانسيه
( على رأي لمار بنتي ) .
...................................................................................................................
Mohamed
Hussein
22
يونيو 2016·
أحيانا بيكون الخيال
هو الحل , حاول تتخيل عشان تلاقي الحل .
.
تخيل مثلا إن فيه
خمسه من اللي مسميين نفسهم ثورجيه و عاملين مناحه على موضوع الجزيرتين , خلينا نتكلم
عن القيادات الشبابيه بتاعتهم , بلاش نتكلم عن الناس العاديه اللي زي حالاتنا عشان
أغلبهم مقتنع بكده و فاهم اننا بنبيع اعضائنا عشان نحسن دخلنا !! .
.
تخيل بقى خمسه
من القيادات و المشاهير اسمهم فلان و علان و ترتان و زيد و عبيد , الخمسه يا ولداه
قالبينها مناحه و شحتفه و دروس في الوطنيه اللي طرطشت في كل حته , و بوستات و كوميكس
و حاجه عنب يعني , طب تمام .
.
و في يوم من الأيام
( يا سيدي بقولك تخيل يعني مثلا ) , في يوم من الأيام أمريكا يأست تماما من كل محاولاتها
لحرق مصر فقررت تجيب العدّه و تيجي بنفسها بقى , العده يعني أسطولها الحربي , تحت أي
داعي عبيط ( ماهي مش هتغلب ) , بقولك مثلا مثلا , المهم وصل الأسطول الأمريكي على حدود
مياهنا الإقليميه و بقت الحرب التقليديه المباشره على الأبواب ( و أرض مصر كلها معرضه
للضياع ) , و السيسي اعلن التعبئه العامه و طلب مدنيين يتطوعو في الجيش ( بقولك مثلا
مثلا ) , قولي حضرتك موقف الخمسه دول هيكون ايه ؟ ...مممممم طب استنى هقولك أنا .
.
زيد : هيطلع جري
بس مش عشان يتطوع في صفوف الجيش و يحمي الأرض ( اللي بيتشحتف عليها ) , لأ , هو هيجري
و يعتصم على سلالم نقابة الصحفيين و يرفع لوحه بإسم تيران و صنافير و يستنى كاميرا
الجزيره عشان تصوره .
.
عبيد : هيطلع جري
بس ناحية السفاره الأمريكيه و يقف قدامها بالشموع و يطالب الأمريكان انهم يخلصونا بقى
من ظلم و فاشية العسكر اللي بياكلو دراع العيال الصغيره في مصر و هيرحب بالأسطول الأمريكي
عشان ننعم بالحريه و الديموقراطيه ( زي العراق كده ) !!.
.
فلان : هيطلع جري
و يفتح صفحته عالفيس بوك و يكتب : السيسي الغبي بيلبّس مصر في الحيطه و اللي بيعمله
ده خطه متفق عليها مع الأمريكان , الخطه هي حرق مصر عشان يحقق حلم الصهاينه ( من النيل
للفرات ) و السيسي عميل للأمريكان !! .
.
علّان : هيكتب
على صفحته , حرب ايه و زفت ايه , ده شغل مخابرات و مفيش حرب ولا نيله , السيسي بيهرب
من تنمية الإنسان و بيحاول يشغلنا , بص العصفوره .
.
ترتان : أهو ده
الوحيد اللي ممكن يفكر انه يطلع عالجبهه و يتطوع عشان يحمي الأرض , بس هياخد وقت كتير
في التفكير و يوم مايتطوع و يوصل هناك هيلاقينا في استقباله , أتارينا سبقناه , ليه
سبقناه ؟ عشان باختصار : احنا مابنفرطش في أرضنا .
.
بالمناسبه , إن
( ترتان ) يعمل كده ف ده مش اكيد , أغلب ظني انه هياخد جواز سفره و يهاجر ( ممكن يروح
النمسا مثلا ) , و ده في رأيي هيبقى أنضف واحد في الخمسه اللي بيتشحتفو .
.
يا أخي حاول تصدق
, انا حافظ الناس دي , و الله العظيم حافظهم , و عارف ان كلامهم عن الوطنيه اللي نقحت
فجأه هو مجرد #تخرُّصات , يعني بالإنجليزي فستك .
........................................................................................................................
Mohamed
Hussein
22
يونيو 2016·
الخروج من الغيبوبه
.
عشان نكبر و ننضف
و نربي أجيال سليمه و متزنه عقليا لازم نبدأ بنفسنا , الحكايه مش كيميا , و عقولنا
لازم تشتغل شويه و تفكر , أعظم طريقه لشكر ربنا على نعمة العقل هي التفكير .
.
يعني مثلا , في
ثقافتنا في السنين الطويله اللي فاتت لما بتتعمل مسابقات دينيه بتبقى الأسئله فيها
من نوعية : كم سنه عاشها الصحابي الفلاني ؟ كم مره تزوج خالد ابن الوليد ؟ ما اسم زوجة
الصحابي العلاني , متى كانت غزوة كذا , كم عدد المشاركين في صلح كذا , كم كان عدد المسلمين
في غزوة كذا ............... الخ .
.
الأسئله دي في
رأيي كلها أسئلة فستك , لا لها علاقه بدين ولا بتدين , , ولا هتفيد المسلم الفرد بأي
شئ ولا منها منفعة للمجتمع الإسلامي , و اعتقادي ان الجنه في النهايه هندخلها بأعمال
و تصرفات و تطبيق على أرض الواقع , مش بامتحان mcq
ولا فيه اتنين ملايكه هيقفو على باب الجنه عشان يسألونا الأسئله دي
و بعد كده حسب اجاباتنا ندخل تنسيق زي بتاع الثانويه العامه و هو اللي يحدد بقى , جاوبت
كل الأسئله صح تدخل طب و صيدله قصدي تبقى في الفردوس الأعلى !! .
.
لو كان الأمر بإيدي
و هعمل مسابقه دينيه هتكون اسئلتها بالشكل ده , ما حكم الدين في كسر إشارة المرور؟
, هل نهى الإسلام عن إلقاء القمامه في الشارع ؟ ماذا يفعل المسلم لو شب حريق في شقة
جاره المسيحي ؟ ماحكم الدين في الرشوه و التأخر عن العمل الحكومي و ترك العمل ( و مصالح
الناس ) من أجل العزاء في الأستاذ عبد الحميد اللي مات للمره السبعتاشر ؟! , ما حكم
الدين في أداء الموظفين الصلاه في المصلحه الحكوميه إذا كانت صلاتهم بتقعد ساعه ونص
و هما اصلا بيشتغلو ساعه ؟! ماحكم الدين في اهدار المال العام و تشوية ممتلكات الدوله
و الشخبطه على كراسي القطارات ؟! ماحكم الدين في خروج اصحاب المحال ببضاعتهم خارج المحل
و غلق الطريق اللي الناس بتمشي عليه ؟ ماحكم الدين في الميكروباص اللي بيقف في نص الشارع
أو عالشمال عشان يحمل ناس و ينزل ناس أو يقفل الطريق عشان يفك 5 جنيه من الميكروباص
اللي جنبه ؟! .
......................................................................................................................................
Mohamed
Hussein
21
يونيو 2016·
تيران و صنافير
......أكشن أخر مره .
.
يا مولانا حكم
المحكمه الإداريه ملوش علاقه بخرايط و فنيات ده بيتكلم في ليله تانيه خالص , ولما الحكم
يتنقض و تطلع محكمه تانيه تقول الجزر سعوديه ماتبقاش تزعل ولا تشتم في القضاء .
.
يا مولانا الحكايه
مش دروس في الوطنيه و مايه هتبيعها في حارة السقايين , عشان عيب , داحنا بنخاف عالبلد
دي أكتر مابنخاف على عيالنا لحد ما جالنا الهسهس بعيد عنك , و اغلب اللي عاشو دور الوطنيه
( و انت عارف ) هيبقى حلم حياتهم انهم يشوفو البوارج الأمريكيه على شواطئ اسكندريه
, عشان كده بقولك عيب .
.
يا مولانا ترسيم
الحدود من القرارات السياديه اللي في ايد مؤسسات الدوله ( الرئاسه و الخارجيه و الجيش
) و بيصدق عليها أو يرفضها البرلمان ( يعني الشعب ) , مش قصة محكمه ولا قصة وجدان ابراهيم
عيسى ولا استفتاء ولا العك ده , و هنا مربط الفرس .
.
الحكايه بتقول
ايه باختصار ؟ هقولها تاني , أول ما ظهر موضوع الجزيرتين للرأي العام , كان رأيي اللي
تمسكت بيه بيقول التالي , أثق في مؤسسات الدوله العريقه في أي قرار تاخده , الجمله
دي معناها ايه ؟ معناها اني ماليش علاقه بخرايط ولا بفلان اللي قال سعوديه ولا فلان
اللي قال مصريه ولا جبت رأي واحد فيهم , الحكايه هي مبدأ ثقه , و مش ثقه عمياء بس حاول
تركز , هو ايه اللي جه في ذهني ؟ هما حاجتين اتنين
.
أولا : موضوع ترسيم
الحدود و بالتعقيد ده مابفهمش فيه , انا مش ابن بطوطه ولا خبير ترسيم حدود بحريه ,
و عشان الموضوع خطير بما يكفي فكان لازم اعلن ثقتي في مؤسسات الدوله اللي ماعهدتش عليها
الخيانه ( دي مش محفظه اتنشلت مننا في القطر سهواً ) , و إلا فالبديل هو وصفها بالخيانه
كلها من أول الرئيس لوزير الدفاع لوزير الخارجيه , و هنا هتبقى الكارثه الحقيقيه ,
لو بقت قناعتي ان الحيطه اللي بنتسند عليها خاينه هنثق في مين ؟ في تويتات وائل عباس
؟ في مقالات رشا العزب ؟ في وجدان ابراهيم عيسي ؟ .
.
ثانيا : هي الجزر
مصريه ولا سعوديه ؟ ده السؤال اللي سألته لنفسي , و كانت الإجابه كالتالي ( من غير
خرايط ولا أوفة مقالات ) , الموضوع مالوش علاقه بمصريه و سعوديه , طرحه في التوقيت
ده كان لغرض في نفس يعقوب , و الغرض حاجه من اتنين , إما الغرض المعلن اللي اعلن عنه
السيسي ( عشان نعرف نستفيد من حدودنا البحريه و ثرواتها و ننقّب فيها ) أو الغرض الغير
معلن اللي هو في رأيي أقرب للصواب , إنها تكون مناوره سياسيه بشكل ما , يعني نقل السياده
لتجنب حاجه معينه او للضغط في ملف أكبر , الملفات مرتبطه ببعض , و توقيت الاتفاقيه
كان بالنسبالي زي توقيت اعلان السيسي عن مبادرة السلام الشامل اللي جت فجأه , مفيش
حاجه في السياسه بتحصل فجأه , يارب تكون فكرتي وصلت .
.
لو فكرتي ماوصلتش
و هافف عليك تقول شوية حاجات من بتوع معر*** و بينبيع عيالنا و بنقلع البنطلون و كده
فعادي اكتب تعليقك بس حاول تسيب فيه مساحه للإعتذار لاحقا .
.......................................................................................................................................
Mohamed
Hussein
21
يونيو 2016·
عارفين الحدوته
ماشيه ازاي ؟ بس حاولو تركزو و النبي
.
في ال 5 سنين اللي
فاتو حصلت حملات هجوم شرسه , ضد مين بقى ؟ ضد عبد الناصر شويه , ضد السادات شويه ,
ضد أم كلثوم , ضد الشعراوي , ضد الأزهر , ضد الكنيسه , ضد الجيش , ضد الداخليه , ضد
القضاء , ضد أحمد زويل , ضد فاروق الباز , و أخرها ضد مجدي يعقوب !! .
.
الحكايه دي اللي
حضرتك ممكن تتخيلها من باب ( بحب و بكره ) , بحب فلان و بكره فلان , وانا حر في رأيي
يا أخي , بس الحدوته مكانتش كده خالص , الحدوته مش بالبساطه و السذاجه بتاعة بحب و
بكره و انا حر في رأيي , لو ركزت هتعرف انها عملية ممنهجه , سهله أوي , تشوية الرموز
و المؤسسات و محاربة أي حد بيحاول يعمل أي حاجه كويسه في البلد دي , حتى لو بيزرع شجره
أو بيغني موّال فرايحي .
.
مطلوب من حضرتك
انك تفقد الثقه في الكل و تحت داعي حرية الرأي تدوس برجليك على كل حاجه , عالأجيال
اللي قبلك , على عظماء التاريخ , على أبوك و أمك , على سجادة الصلاه , على كتاب تاريخ
مصر , و تفضل طول الوقت تدوس تدوس تدوس , لحد ماتلاقي نفسك بائس محبط فاقد الثقه في
الكل , كسلان و مش قادر تجر رجليك حتى , و هو ده المطلوب إثباته ( أو تحقيقه ) , الإحباط
يا محترم , الإحباط أخطر سلاح ممكن ننهزم بيه .
.............................................................................................................................
Mohamed
Hussein
20
يونيو 2016·
على سبيل العقل
( لما بيبقى زينه ) .
.
ليا خمس ست سنين
عالفيس بوك , عمري ما عملت لايك على صور البهاليل بتاعة عباية سيدنا النبي و نعل سيدنا
النبي و سبحة سيدنا النبي , و يارب اللي مايعمل لايك تطلع له السحليه العملاقه بالليل
و هو نايم , ماكنتش بعمل لايك و كنت كل يوم بستنى السحليه العملاقه .
.
و عمري برضه ماعملت
لايك على صورة اي حد من المشاهير مهما كنت بحبه حتى لو كان عبد الناصر أو نيلسون مانديلا
, لو كانت الصوره مكتوب عليها من فوق : ( واحد صاحبي اتحداني اني اجيب ألف لايك للصوره
دي , ياترى كام واحد هيرحب بالزعيم ؟) , أصلي مليش في حكاية صاحبي اتحداني و خالتي
راهنتني , حتى لو حضرتك نزلت بصورة أبويا الله يرحمه .
.
اللي بيعمله الناس
دي اسمه HARD SELL , عارف يعني ايه HARD SELL ? يعني كأنك بالظبط تفتح سوبرماركت و تجيب بنت
تشتغل فيه و يبقى شرطك ان البنت تلبس بنطلون ستريتش و بلوزه فيها زرارين مقطوعين من
فوق ( بحبحي ايدك و خليهم تلاته ) , او تقف زي العيال اللي بيبقو في البنزينات عالطريق
و كل ماتشوف عربيه عليها القيمه توقفها و تدخل مع صاحبها في حوار يبدأ دايما ب ( حضرتك
كسبت معانا كذا ) و ممكن ناخد من وقت حضرتك دقيقتين , و مبروك يافندم , حضرتك سعيد
الحظ و سعيد صالح و سعيد حساسين , كله هارد سيل يعني بالإنجليزي غتاته و وقاحه في عرض
المنتج و الترويج له .
..........................................................................................................................
Mohamed
Hussein
20
يونيو 2016·
السيسي في رأي
بهاليل الخرفان و الإرهابيين , هو الرئيس اللي بيحارب الدين و يكرّم الرقاصات و هيخلي
مصر علمانيه , و أمك تقلع الحجاب .
.
السيسي في رأي
كتير من شمامين الكوله , هو الرئيس اللي بيطبق الفاشيه الدينيه , و بيجري في الشارع
ورا الفاطرين في رمضان بالكرباج و السيف و المنجنيق , و مصر هيطلع لها دقن شبرين ,
و أمك هتلبس النقاب .
.
يتهيألي مفيش حل
غير إننا نجوّز بهاليل الخرفان لشمامين الكوله , أهو يخلّفولنا شمبانزي صغير يتنطط
حوالينا و يعمل شألباظات .
..............................................................................................................
Mohamed
Hussein
20
يونيو 2016·
لما عاصم عبد الماجد
الإرهابي الخاين القاتل الهربان بره مصر يتريأ و يسخر من دكتور مجدي يعقوب و يوصفه
ب ( الملعون ) , يبقى احنا دوله ماشيه صح جدا , عظمائها في الداخل بيشتغلو و كلابها
هربانين بره بينبحو , العظماء كل همهم العطاء و مش في دماغهم نبح الكلاب .
.
المصالحه بقى هي
بالظبط عكس الوضع الصح جدا اللي احنا فيه , يعني نعكسه , المصالحه بتعني ان الكلاب
الإرهابيين الخونه يرجعو و يحكمو مصر ( بأي شكل ) و العظماء يهربو منها لما يحسو و
يتأكدو إن مالهمشي مكان .
.
انا ضد المصالحه
مع الإرهابيين الخونه , و الحكايه باختصار بتقول , لو تقاتل عاصم عبد الماجد و مجدي
يعقوب بسيفيهما ( و لو اني واثق ان مجدي يعقوب عمره ما هيشيل سيف ) فانا بالتأكيد موقفي
مع الطبيب العالم المصري حتى النخاع , مش مع الإرهابي القاتل الخاين
.......................................................................................................................
Mohamed
Hussein
20
يونيو 2016·
تنويه
.
أي حد , أي شخص
, أي إنسان , مسلم أو مسيحي أو حتى هندوسي , سلفي أو علماني أو ملحد , بيعبد ربنا أو
بيعبد مشابك الغسيل , صغير في السن أو كبير , راجل أو ست , قريب أو غريب , هيحاول أو
يفكر مجرد تفكير بطريقة مباشرة أو غير مباشره , بالتصريح أو بالتلميح , إنه يعمل فتنه
في البلد دي , هو عدوي الأول , عدوي المباشر .
.
شعاراتكو و أفكاركو
البيزنطيه كنت برددها و انا تقريبا عمري 6 سنين , يعني بالنسبالي بلح مهما حاولت تتعمق
و تتقعر في الفكره و تجيب القديم و الجديد و تحط عيشه على أم الخير و تلف و تدور و
تعمل شألباظات , برضه بلح .
.
البلد دي اللي
هي مصر باختصار , أكبر من أي شخص و أي جهه و أي قناعات و أي أفكار و أي فصيل و أي جيل
و أي دوله , البلد دي أصغر بس من ربنا سبحانه و تعالى .
..........................................................................................................................
Mohamed
Hussein
19
يونيو 2016·
القذر بتاع تركيا
, خليفة المثليين , اللي كل دوره انه يشتغل جاريه في بلاط الأمريكان , اللي اتسبب في
قتل عشرات الألاف من السوريين , اللي دعم الإرهاب في كل مكان في الشرق الأوسط , اللي
سرق بترول سوريا و العراق , اللي لم الجماعه الإرهابيه و فتح لهم قنوات و جرايد مش
عاجبه الحكم على مرسي البهلول , الحكم اللي كان قدام قاضي في محاكمه عاديه , الحكم
اللي فيه أدله و قرائن و شهود و فيه نيابه و محامين , الحكم اللي فيه نقض و استئناف
......و ده اسم المعنى الحرفي للتألق و الإبداع في علم الدعاره السياسيه .
.
مصر مابيتلويش
دراعها يا جارية أوباما , سيدِك الأمريكاني ذات نفسه ماقدرشي يلوي دراعها .
..........................................................................................................................
Mohamed
Hussein
19
يونيو 2016·
شحتفني شكراً
.
هه يا حبيبي ؟
هه يا حبيبتي , اتشحتفتو ولا لسه على صورة الست اللي اتحكم عليها بالإعدام النهارده
( المتهمه بالخيانه و التخابر ) , صورتها مع طفلتها الصغيره , يا خراشي كيوت خالص يا
ناس , امسك منديل بقى , خد شوية مناديل اهم , بص للصوره و عيط و اتشحتف على جمالها
و رقتها و لما تخلّص تعالى .
.
هه خلصت ؟ طب تمام
, هات علبة مناديل كبيره معاك و هنروح مشوار , اهو الحمد لله وصلنا بسرعه , عارف ده
اسمه ايه ؟ اسمه سجن القناطر , كله ستات ( جبتك هنا عشان الستات بيجيبو تعاطف و شحتفه
اكتر من الرجاله ) وانا عارف انك مرهف الحس و دمعتك قريبه .
.
تعالى ندخل جوه
بقى , مين اللي جوه دول ؟ دول يا سيدي مجرمين , اسمهم مجرمين , قول 95 % منهم عالأقل
( هنسيب 5 % لحكاية ياما في السجن مظاليم ) , تعالى بقى لل 95 % , مجرمين تحت ضغوط
أو تحت ظروف , اللي قتلت و اللي سرقت و اللي طفّشت خزن و اللي حرقت و اللي تاجرت في
المخدرات و اللي اشتغلت في الدعاره ( كل الجرايم دي في نظري أقل من خيانة الأوطان
) , فيهم اللي واخد مؤبد و اللي مستني حكم بالإعدام , تمام كده ؟! .
.
اختار أي واحده
منهم ( بصورة عشوائيه ) , و تعالى نسألها عن ألبوم الصور بتاعها , أهو الألبوم موجود
, الله الله , صورتها و هي عروسه بفستان الفرح , كيوت أوي , صورتها و هي بتصلي ( اللهم
صل عالنبي ) , صورتها و هي بتعمل عمره ( تقطع القلب ) صورتها و هي طفله ( ايه الرقه
و الجمال ده ) ؟ .
.
هو انا عايز أقولك
ايه ؟ عايز اقولك يا جحش , لو فيه قاضي في أي مكان في الدنيا اشتغل بطريقة الشحتفه
و الدموع القريبه و ألبوم الصور مكانشي هيبقى فيه مجرم واحد في السجون , حتى ريا و
سكينه أكيد هتلاقي في ألبوم صورهم ذكريات تدعو للشحتفه !! .
.
اكتر حاجه خلت
الجماعه الإرهابيه تعيش وسطينا و تاكل عيش و بقلاوه على قفانا هي إنهم بيجيدو دور الصعبانيات
و الكربلائيات , بقالهم 90 سنه عايشين بفضل صعبانياتهم , الدور ده له زبونه في مصر
, الزبون اللي قلبه قلب خسايه و دمعته قريبه , و الشقه كمان قريبه .
...........................................................................................................................
Mohamed
Hussein
18
يونيو 2016·
أربعين سنه سجن
لمرسي البهلول , و مؤبدات و إعدامات للخونه , حد لسه عايز مصالحه تاني ؟! .
.
الحكايه مش اختيار
ولا بتتلعب بطريقة ورق الكوتشينه , خد لك سيف , كمان سيف , اهبدني المصالحه !! , الحكايه
ان الإخوان من حقهم يعيشو في مصر زي البني أدمين ( ده لو عرفو يبقو بني أدمي ) , يعني
ياكلو و يشربو و يسكنو و يشتغلو و يمشو في شوارعها و حواريها , أكتر من كده لأ , المرفوض
هو رجوعهم للحياه السياسيه تاني , رجوع تنظيمهم الوثني الصهيوني ده من رابع المستحيلات
, يعني على جثتنا , عشان هما لو رجعو هيتوغلو في كل مكان زي الصراصير بنفس أجندتهم
القذره , و مش هنعرف نشيلهم تاني ولا بعد 500 سنه .
.
عدم المصالحه لا
تعني رفض حقك في الحياه يا خروف , بس حاول تتخلي عن قرونك و تبقى بني أدم , انا عارف
انه بالنسبالك تحدّي صعب و جايز يكون مستحيل .
.........................................................................................................................
Mohamed
Hussein
18
يونيو 2016·
مع كل احترامي
لفيروز و فريد و عبد الوهاب و محمد فوزي و غيرهم , تفضل أم كلثوم ظاهره فلكيه ملهاش
تفسير لا عند المصريين القدماء ولا عند الأمريكان و اليابانيين , اللي طلع القمر و
اللي طلع المريخ و اللي عمل التحنيط و بنى الأهرامات و اللي اخترع الليزر معندوش تفسير
لظاهره إسمها أم كلثوم , الصوت و الإحساس و التفاعل و الأداء و النبره و الهمسه و الأهه
و مخرج الألفاظ , يتعمل فيها كتب و مجلدات , دي واحده ماراحتش مدارس ولا سوربون ولا
اتخرجت من معهد الموسيقى , أم كلثوم مكانتش مطربه , كانت ملكوت , عالم لوحده , ممكن
تكون صومعة عابد صوفي معزول عن الدنيا , أو جنينه يرمح فيها الخيل ألف سنه مايجيبش
أخرها .
.......................................................................................................................................
Mohamed
Hussein
17
يونيو 2016·
الأتراك عايزين
يرجعو العلاقات مع مصر و روسيا و سوريا !! ممممممممم طب و العراق ؟! ...... عموما بح
يا حماده , كان عندنا و خلص .
.
تركيا اشتركت بصوره
مباشره في لعبه اكبر بكتير من حجمها , يفتحو قنوات للإرهابيين , يهربو سلاح و ارهابيين
لسوريا , يضربو طياره روسيه , يسرقو بترول سوريا و العراق .
.
لما تعلب يقنعوه
إنه أسد و يقولو له قلّد بس صوت الأسد كده ؟ أهو شوفت أديك بقيت أسد يا عم , تقولي
بقى المد العثماني و دولة الخلاقه , تقولي عضوية الإتحاد الأوروبي و دولة المثليين
, ماهو مفيش في الدنيا دي أوسخ ولا أغبى من إنك ترقص عالسلم , و تتخيل انك جامد أوي
و بتمشي عالحيط و تعرف تلاعب الكون كله بصباع رجليك الصغير , و في أخر الحدوته تدوّر
في جرابك ماتلاقيش حاجه , لا بلح العرب ولا عنب أوروبا .
.
من خمس سنين حست
تركيا انها واقفه على أرض صلبه اسمها حلف الناتو و أمريكا من ناحية و بهاليل الجزيره
و الخرفان و شعارات تحرير القدس من ناحيه تانيه ( أو من نفس الناحيه ) , هي أرض كبيره
و صلبه فعلا , بس في يوم هيفهم الأغاوات إن الأرض الصلبه اللي كانو واقفين عليها كانت
جبل جليد مش أكتر , و الصيف داخل و الدنيا هتبقى حر أوي , يالله بقى , نشوفكو على خيرة
الله .
...........................................................................................................................
Mohamed
Hussein
17
يونيو 2016·
أه طبعا طبعا نتصالح
عادي مع الخرفان , نتصالح و ماله , ده حتى الصلح جميل و الصلح خير على رأي الست ناديه
, بس بشروط , حق البلد و الناس و التاريخ
.
1- يرجّعو لنا
عساكر الجيش و الشرطه اللي اتقتلو , يرجعوهم لقيد الحياه , يتصرفو بقى ماهما أكيد ناس
واصلين و هيعرفو يتصرفو .
.
2- يرجعو لنا حق
محولات الكهربا اللي اتحرقت و عربيات الشرطه و التخريب اللي عملوه على مدار 3 سنين
, ( مليارات ) يجيبوها من ابن موزه ولا ابن الجن الأزرق .
.
3- ينزل 10 من
قياداتهم يلفو على محلات الناس و الأسوار و الجدران و يمسحو الوقاحه و البذاءه اللي
كتبوها و شوّهو بيها كل مكان في مصر , يمسحو الحاجات دي بلسانهم مش بإيديهم .
.
4- يطلعو في قنواتهم
الإرهابيه و جرايدهم اللي في تركيا و بريطانيا و أمريكا و عزبة قطر , و يقولو انهم
ولاد كلب خونه ( بالبنط العريض ) و انهم اتموّلو من كل أوساخ العالم بما فيهم اسرائيل
و أمريكا عشان يعرفو يمارسو خيانتهم .... يعلنو كده للملأ .
.
5- و أخيرا يجيبو
قياداتهم الكبار , بديع و الشاطر و الأشكال الوسخه ( لا مرسي كان مجرد عبيط مش اكتر
) , قيادتهم تطلع تعترف بالخيانه و الإرهاب و تندم و تعيط و تتشحتف , و تحلف على (
أوفة ) مصاحف إنهم مش هيعملو كده تاني .
.
و في النهايه مش
هنصدقهم لما يحلفو , لسبب بسيط خالص , إن الكدب و الخيانه بيجرو في دمهم زي كرات الدم
الحمره و البيضا , اللي بيرضع كدب و بيتنفس كدب ماينفعشي تقوله احلف , يعني برضه في
النهايه مش هنتصالح .
...........................................................................................................................
