Mohamed
Hussein
28
ديسمبر 2017·
الحقيقه أكتر اتنين
بائسين على الإطلاق , هما واحد مصري مسيحي لما يحب يروّج لفتاوي شاذه و ينسبها للإسلام
يقوم جايب تصريحات واحد من المعاتيه زي ياسر برهامي .
.
و واحد مصري مسلم
لما يحب يشكّك في وطنيه الأقباط يقوم يستشهد بواحد صايع زي مجدي خليل .
.
مش عارف ده تحديدا
نوع من أنواع الحول ولا الهطل ولا ايه بالظبط ؟ لما يكون عندك في مصر أكبر مرجعيه اسلاميه
في العالم و واحده من أكبر المرجعيات المسيحيه في العالم و تقوم تسيبهم و تروح تدور
على أفكار و تصريحات شيخ معتوه أو ناشط صايع تبقى ايه ؟
.
شيخ الازهر الشريف
بيروح بنفسه للبابا عشان يهنيه في الاحتفال بأعياد المسيحيين , يابني اقرا الجمله تاني
, ده شيخ الأزهر , شيخ لأكبر مرجعيه اسلاميه , رايح يهني و يبارك , انت لسه محتاج فتوى
تقول التهنئه حلال ولا حرام إذا كان أكبر راس عند المسلمين رايح يهني و يبارك ؟ انت
عبيط ولا بتستعبط ؟ .
.
البابا تواضروس
بيقول لو حرقو الكنائس هنصلي في المساجد مع اخواتنا المسلمين ولو حرقو الكنايس و المساجد
هنصلي كلنا في الشارع , و بيقول بنطلب المدد و العون من اتنين , من ربنا و من اخواتنا
المسلمين , مين بقى اللي بيقول كده ؟ ده البابا تواضروس شخصيا , بشحمه و لحمه , عايز
تعرف ايه تاني عن الوطنيه و الإنتماء ؟
.
طب مين بقى ياسر
برهامي و مجدي خليل و أمثالهم من المعاتيه و الصيع ؟ ولا حاجه يا مولانا , شوية أصفار
عالشمال , شوية حشرات بتدوس عليهم مصر بكعب جزمتها و هي ماشيه , شاء من شاء و أبى من
أبى .
..................................................................................................................
Mohamed
Hussein
28
ديسمير 2017·
ماعتقدش انه حصل
في تاريخ أي دوله من دول العالم إن رئيس دوله فضل شغال في المكايده البلهاء لمدة سنين
طويله ضد دوله تانيه هو اصلا المفروض انه مش في حالة عداء معاها , الكلام ده لا موجود
في كتاب السياسه ولا كتاب التاريخ ولا حتى كتاب أبله نظيره .
.
إلا أردوغان خليفة
الشواذ , كل يوم لازم يرفع علامة رابعه , في كل مناسبه و كل مؤتمر و كل خرابه , جماعة
الإخوان الإرهابيه ذات نفسها زهقت من شعار رابعه و بطلت ترفعه , باعتبار انه بقى عامل
زي حلّة الطبيخ البايت , إنما اردوغان لأ , الحكايه دي ملهاش غير تفسير واحد , إن الخازوق
المصري في يونيو 2013 رشق في أردوغان و لسه راشق لحد النهارده , يعني راشق و مستقر
.
.
طب يا أردغ نعمل
ايه بقى إذا كان السيسي مش في دماغه ولا سامح شكري في دماغه ولا صدقي صبحي في دماغه
ولا انا في دماغي ولا عم محفوظ بتاع الجراج في دماغه ولا الأبله اللي قاعده ورا دي
في دماغها ؟ طب أقولك على فكره حلوه ؟ انت تروح لجراح شاطر و تخليه يقطع الصباع الخامس
من إيدك اليمين , اللي هو الصباع التخين ده , و تبقى ايدك كده جاهزه و فيها 4 صوابع
بس , بحيث انك كل ماتيجي ترفعها ولا حتى تشاور لحد حتى وانت في الحمّام تبان انك رافع
علامة رابعه , طبعا انت عارف الصباع التخين اللي هتقطعه هتحطه فين ؟ أه تحطه في الصندوق
.
.
الحقيقه المشهد
العبيط بتاع أردوغان و هو بيعمل الحركه دي في كل مناسبه بيفكرني بالظبط بمشهد في مسرحية
المتزوجون , جورج سيدهم و مراته بيكيدو سمير غانم , هما فاكرين كده , قام سمير غانم
سابهم يهرتلو براحتهم و سكت لحظه و بص لجورج سيدهم و قاله ( نوم العازب بقى عشان المدام
) !! .
..................................................................................................................
Mohamed
Hussein
27
ديسمبر 2017·
اسرائيل بتشكر
يوسف زيدان بعد تصريحاته عن القدس و تؤكد : كلامه أسعدنا .
.
حد لسه عايز فكر
تنويري يا جدعان ؟ طب حد عايز شعلة النور عشان يحملها في بحر الظلمات ؟ احنا عاملين
عرض النهارده بمناسبة الكريسماس , اتنين شعلة نور و عليهم شعله هديه و ممكن كمان نملالك
الكوز فكر تنويري وانت واقف , يالله اللي عايز يقول قبل ما عربية الفكر التنويري بتاعة
الأستاذ يوسف زيدان تمشي , والنبي يا حاجه ياللي في السابع نزّلي السبت و خدي لك شوية
فكر تنويري , بس خلي بالك عشان بيغيّر طعم الملوخيه .
.
يأ أستاذ يا أستاذ
!!
- نعم يا حبيبي
؟ .
.
يطلع ايه الفكر
التنويري بتاع يوسف زيدان ده ؟
- ممممم عايز بالتفصيل
ولا باختصار ؟
.
لا عايز باختصار
- طيب باختصار
, الفكر التنويري بتاع يوسف زيدان اللي ماشي وراه شوية بصمجيه و شمامين كوله و محدثي
نعمة المعرفه , في كلمتين , احنا تاريخنا كله انهزامي و فاشلين أخر فيصل , و رموزنا
التاريخيه كانو صيع و عربجيه و بلطجيه و شواذ و حرامية غسيل , و أحلى حاجه في الدنيا
هي الإستعمار و الإستحمار , و اسرائيل حد جميل و المسجد الأقصى داهون غير المسجد الأقصى
دوكها , لأن المسافه بين داهون و دوكها بتقول إن داهون غير دوكها , و الفراعنه مش هما
اللي بنو الأهرامات ولا عثمان احمد عثمان اللي بناها , الأهرامات دي بناها مقاول أنفار
أمريكي من نواحي بندر شيكاغو , بناها في ساعة عصاري من 37 سنه , و بعدين الأهرامات
اصلا و أصلها مكانش في مصر دي كانت في تنزانيا , إنما عشان الأرض كرويه و بتلف حول
نفسها قامت فضلت تلف لحد ما وصلت عندنا , و المؤرخين المصريين بيحاولو يلبّسوكو السلطانيه
بس احنا بقى محتاجين السلطانيه دي عشان مش بتاعتنا .
.
يا سلالالالام
, كل ده ؟
- أه و الختمه
الشريفه , ها , خدت جرعة فكر تنويري ؟
.
اه تمام أوي كده
و اتعشّت .
- طيب ماتاكلشي
سمك ولا بيض بقى و لا تنام على جنبك اليمين لمدة 3 ايام .
...................................................................................................................
Mohamed
Hussein
27
ديسمبر 2017·
بالصدفه البحته
.
بالصدفه البحته
اجتمع رؤساء أركان تركيا و قطر و السودان في الخرطوم أثناء زيارة خليفة المثليين للبهلول
عمر البشير .
.
طب ما علينا انك
اتفاجئت زيي بإن قطر لها جيش و ان جيشها ده له رئيس أركان , إنما حاول تركز كده ؟ الاجتماع
ده مكانشي ناقصه غير مؤتمر ثلاثي يطلعو فيه عالهوا و يقولو والله يا جماعة الخير احنا
قاعدين نفكر و نخطط و نشوف هنعادي مصر و جيشها ازاي بعد مافشلنا في كسر جيشها في سينا
و كسر جيشها عالحدود الغربيه فقلنا نجرب الحدود الجنوبيه و اهو أخونا عمر البشير خروف
زينا و كلب للأمريكان زينا برضه .
.
بالصدفه البحته
هتكتشف ان الدولتين اللي اجتمعو في السودان هما الدولتين اللي فيهم أكبر قواعد عسكريه
لأمريكا خارج أراضيها .
.
لا يابني انت مش
واخد بالك , تركيا عضو في حلف الناتو اللي فيه أمريكا و عندها اكبر قاعده عسكريه أمريكيه
محميه بيها و مع ذلك راحت عملت قواعد عسكريه في قطر بنت الوسخه و هتعمل قاعده عند البشير
ابن الوسخه برضه .
.
طب ركّز كده ,
كل واحد من الأسماء اللي فوق حاطط صباعه في بؤ التاني ( مشيها صباعه في بؤ التاني
) , أمريكا حاطه صباعها في بؤ أردوغان و أردوغان حاطط صباعه في بؤ تميم , و أردوغان
و تميم هيحطو صباعهم في بؤ البشير , منظومة الصوابع دي فيها أمريكا و تركيا و قطر و
السودان للأسف , و المعنى و المقصود و المستهدف هو مصر و جيشها , تعالى هقولك ليه
.
.
بص عالخريطه كده
, تركيا فين ؟ ايه علاقتها بالخليج العربي عشان تعمل قاعده عسكريه هناك ؟ وايه علاقتها
بالبحر الأحمر عشان تعمل فيه قاعده عسكريه , مين المستهدف , مين اللي بيعادي مصر سراً
و علانيه غير قطر بنت الوسخه والسودان اللي بيحكمها ابن وسخه ؟.
.
طبعا الكلام ده
أعرفه انا كمواطن مصري عادي , و بالتالي تعرفه القياده المصريه و تعرف قده عشر مرات
, و أكيد عاملين حساباتهم لكل حاجه , بما فيها الإستعداد لحرب اقليميه هتتدمر فيها
السودان و قطر و سد النهضه و نص الجيش التركي هيقلع ملط في الشارع زي ماحصل قبل كده
, مع شوية خساير في صفوف الجيش المصري اللي ممكن تعوره بس ماتعرفش تموته , احنا يابني
مابنروحش نجر شكل حد , احنا دوله مسالمه بس مش دوله ضعيفه , مثلث الأوساخ اللي فوق
ده برعاية أمريكيه بيدق طبول الحرب من كل ناحيه , طيب ياسيدي و النبي لو حكمت ما هنبيتك
نفسك في حاجه , احنا ملناش بركه إلا انت , يا جحش اقرا كتاب التاريخ و حاول تفهم ,
احنا دوله دخلت في عدد من الحروب قد عدد سكان الكشك اللي عالخليج , يعني معندناش مانع
نحارب كل يوم تلات الصبح .
.
أما بقى بالنسبه
للمواطن المصري اللي لسه بيسأل احنا بنشتري سلاح ليه , أو بيتريأ على كلمة ( المؤامره
) أو محتاج ألف دليل تانيين اننا بلد في حالة حرب , فعايز أقوله بكل هدوء و ابتسامه
, ممممممممم انت ابن حرام مصفّي , أه و عهد الله .
...................................................................................................................
Mohamed
Hussein
26
ديسمير 2017·
شوف يابني , ده
لا سحر ولا شعوذه , ولا كيميا ولا لوغاريتمات , واللي قبلنا قالو ( اللي مايشوفشي من
الغربال يبقى أعمى ) .
.
اقرا كده سيادتك
- عمر البشير في
زيارته لروسيا يطلب من بوتين إقامة قاعدة عسكريه روسيه على البحر الأحمر ( عشان تحميه
من أمريكا زي ما بيقول , أه و عهد الله ) .
- عمر البشير في
استقباله لأردوغان يوافق على إدارة تركيا لجزيره سودانيه على البحر الأحمر ( برضه قاعده
عسكريه ) .
- عمر البشير يصرح
كل يوم تلات الصبح ان حلايب و شلاتين سودانيه ( بس نص السودان التحتاني موزمبيقي تقريبا
و اقليم دارفور تبع موريتانيا ) .
- أردوغان يرفع
علامة رابعه في الصوره مع الخروف عمر البشير.
- القبض على عصابه
ارهابيه كانت تخطط لتفجير الكنائس في أعياد الميلاد و تدربت في صحراء السودان .
.
تفهم ايه بقى من
الكلام ده ؟ بص يا مولانا بهدوء شديد
1- من كام سنه
صدر حكم من محكمه دوليه بحق عمر البشير لاتهامه في جرايم حرب , كويس ؟ .
2- عمر البشير
سافر بعدها لجنوب أفريقيا عشان يحضر اجتماع , و هناك قاضي أصدر أمر باعتقاله بموجب
حكم المحكمه الدوليه .
3- عمر البشير
كان المفروض يتم اعتقاله بس زاره السفير الأمريكي في جنوب أفريقيا و بعدها عمر البشير
خد جواز سفره و عصايته و رجع السودان .
4- من يوميها بقى
البشير مجرد كلب بسلسله للأمريكان و صبيانهم في المنطقه .
5- مصر مش في حالة
عداء مع السودان قصدي مع شمال السودان , احنا مش مخابيل و مش بنخترع لنا اعداء ولا
بنخانق دبان وشنا ,و السودان جزء من أمننا القومي .
6- أتحدى أي حد
سوداني يقول ان مصر في السنين اللي فاتت دي تواطئت ضد السودان أو طلعت بتصريح عبيط
أو عملت حاجه تهدد الأمن القومي للسودان .
7- الشعب السوداني
على راسنا من فوق و الشعوب خارج المعادله تماما , انا هنا بتكلم عن نظام حكم إخوانجي
ارهابي خروف خاين .
8- حتى في ملف
سد النهضه , راح الخروف السوداني و انضم لصف أثيوبيا .
9- طب ليه عمر
البشير بيعمل كده و ليه بيختلق عداوه مع مصر ؟ مانا قلت لك انت قدام خروف إخوانجي خاين
بينفذ تعليمات الأسياد و مستعد يجيب الروس و الأتراك و يعملهم قواعد عسكريه و لو حكمت
يجيب الصهاينه ذات نفسهم .
10- باختصار, انت
قدام احتلال اخوانجي لدوله عظيمه كان اسمها السودان , إداره أمريكيه و العضو المنتدب
اللي بيصرف و يحكم هو الشاذ القطري تميم بن حمد,أما البشير فهو مجرد لعبه بزمبلك مش
اكتر .
11- طب و بعدين
و ايه الحل ؟ والله احنا كمصر مدّينا حبال الصبر عالأخر و جبنا البشير اكتر من مره
و قولنا يا جماعة الخير عيب و مايصحش و اتكلمنا عن التاريخ المشترك إلخ , لكن و حط
تحت لكن ألف خط , لو استمر النظام الإرهابي الضاني في حكم السودان و بقى فيه تهديد
حقيقي لأمن مصر إما بالإرهاب أو بملف سد النهضه يبقى ياروح مابعدك روح واللي يعوزه
البيت يحرم عالجامع , قصدي اللي تعوزه مصر يحرم على ميتين أم التاريخ المشترك وميتين
أم الحلم العربي و الفيلم العربي .
...............................................................................................................
Mohamed
Hussein
25
ديسمبر 2017·
شوف يابني , احنا
المصريين جبابره و لما بنحب حد بنقف وراه حتى لو كان في بلاد الواق الواق .
.
حبينا أوي الواد
ده اللي اسمه محمد صلاح , أبو مكه , وهو بصراحة ربنا يستاهل , تقولي بقى إسم محمد صلاح
يتحط في أي استفتاء و تصويت ؟ يبقى هيفوز وش كده , و بالضربه القاضيه .
.
الإتحاد الأفريقي
فتح التصويت على أحسن لاعب في أفريقيا من بين تلاته لاعبين , محمد صلاح و الواد ساديو
ماني السنغالي اللي معاه في ليفربول و واد تالت , المصريين دخلو التصويت و وقّعو موقع
الإتحاد الأفريقي من كتر الضغط و الزحمه .
.
موقع رياضي عالمي
اختار محمد صلاح من أفضل 5 لاعبين في العالم و فتح باب التصويت لاختيار أفضل لاعب في
العالم من بين الخمسه , المصريين دخلو و حطو بصمتهم و دلوأتي صلاح واخد 72 % على حساب
الواد ده اللي اسمه ليونيل ميسي و الواد التاني ده اللي اسمه أبصر ايه , أه كريستيانو
رونالدو .
.
طب و شبكة العشره
دول , لو أمريكا فتحت لنا التصويت في انتخابات الرئاسه الأمريكيه اللي جايه بعون الله
ما هنخلي حد يفوز بيها غير محمد صلاح .
.......................................................................................................
Mohamed
Hussein
25
ديسمبر 2017·
صباح الخير
.
لسه فيه حاجات
كده بنفكر فيها على قديمه , مع إننا لو فكرنا بره الصندوق هنلاقي أفكار عنب و لوز
, أه و عهد الله , يعني مثلا لما تحب تقنع مدمن إن الهيروين و البانجو و منقوع البراطيش
و علبة الكوله هيدمرو صحته ماتجيبش دكتور يشرح أضرار الحاجات دي على المخ و المخيخ
, إنما ممكن تعرض لهم المشهدين دول في إعلان تابع لوزارة الصحه , و تقولهم لو مشيتو
في سكة المخدرات هتبقو زي عمو كده .
.
المشهد الأول
- مذيع ضاني في
قناه خرفانيه طلع عالهوا منفعل أوي و عروقه باينه و ليه و ليه , ليه السيسي يعمل 4
أنفاق تحت قناة السويس في سنه واحده مش في اتناشر سنه , ليه مستعجل أوي كده , هنعمل
ايه بأربع أنفاق ؟ و لا هي بعزقة فلوس و خلاص .
...
عزيزي الخروف الضاني
المفلس اللي حالتك تصعب عالكافر , هي مشكلتك دلوأتي انهم أربع أنفاق ولا مشكلتك في
التوقيت اللي هو سنه ولا معاليك فاهم اننا نعمل تنميه في سينا و نربطها بأرض مصر بإيه
بالظبط ؟ لو مش هنربطها بأنفاق و كباري و ماية النيل و طرق لحركة المرور في الإتجاهين
؟ نربطها مثلا بحبل غسيل و مشبكين و نوفر الفلوس دي ؟ طب سيادتك تقترح اننا نعمل حبل
الغسيل في سنه ولا مانستعجلش و نعمله في سبع سنين ؟.
.
المشهد التاني
- أردوغان خليفة
الشواذ بيقول إن الدوله العثمانيه أخدت أمانات النبي عليه الصلاة و السلام و نقلتها
لاسطنبول عشان تحافظ عليها بدل ما كانت تتعرض في معارض أوروبا أو تتهرب للدول الغربيه
.
....
أيوه طبعا يا أردغ
, انتو كدوله عثمانيه استعماريه كيوت خدتو أمانات سيدنا النبي عشان تحافظو عليها في
مكان أمين و تحموها من الغرب الكافر ابن الحرام و تلاقيكو سرقتو بترول سوريا و العراق
عشان تحافظو عليه برضه , بس مش عارف الحقيقه هتحافظو علي أمانات سيدنا النبي فين بالظبط
؟, في بيوت الدعاره ولا بيوت الشواذ ولا في قنوات الخرفان و الخونه و الصيع ولا جنب
مقرات حلف الناتو ؟ و إن كان رأيي المتواضع إن أأمن مكان في تركيا ممكن تشيلو فيه الأمانه
دي بتاعة سيدنا النبي هو قاعدة أنجرليك الجويه الأمريكيه !! , أه و عهد الله زي مابقولك
كده .
..........................................................................................................................
Mohamed
Hussein
24
ديسمبر 2017·
في الواقع أنا
في 2017 حققت كل أحلامي , اللي حلمت بيها و اللي حتى ماحلمتش بيها , لدرجة إني مش عارف
هعمل إيه بقى في 2018 , عشان كده عايز أقول لحضراتكو , لو حد قدامه حلم و معصلج معاه
يبعتهولي و انا احققهوله , أهي إيد على إيد بتساعد برضه , و الحلم أبو ودنين بيشيلوه
اتنين .
............................................................................................................................
Mohamed
Hussein
24
ديسمبر 2017·
مناضلون خلف البحار
.......... حوار افتراضي تخيلي
.
1- مكالمة تليفون
..............تررن تررن
ألو , دكتور أيمن
نور الحرامي اللي سرق فلوس الموظفين و العاملين معايا ؟
- أيوه مين , انت
مين ؟
.
أنا عبد الرحمن
القرضاوي
- أهااا حبيب قلبي
عبد الرحمن القرضاوي ابن فضيلة الشيخ مفتي الناتو العظيم .
.
فاكر يا أيمن لما
اترشحت قصاد مبارك و الشعب كان فاكرك معارضه وطنيه ماتخرش المايه ؟
- إلا فاكر ههههههههههه
شعب طيب اوي , طب فاكر انت ياض يا عبده لما كنت بتشكل الحكومه انت ومصطفى النجار بعد
25 يناير في مكالمة تليفون و بالمره بتشقطو نسوان ؟
.
ههههههههه فاكر
فاكر طبعا , مانت قولت شعب طيب أوي , المهم قولي أخبار الخيانه عندك ايه ؟
- كله تمام و عندك
؟
.
اه عندي الخيانه
تمام و زي الفل .
.................................
.................................
2- ( في السرير
)
غاده نجيب : هشام
, مش ممكن اللي حصل ده يا هشام
هشام عبد الله
: خير يا حبيبتي حصل ايه .
.
الموضوع بتاع أيمن
زفت اللي بيسرق فلوس الناس , الموضوع ده حارق دمي .
- هههههههههه بتتكلمي
جد و منفعله كمان ؟
.
أه طبعا , انت
مالك هادي كده ليه وبتضحك ؟
- يا حياتي احنا
جينا هنا عشان نخون البلد , جينا أوسخ دوله و أكتر دوله بتكره مصر , و بنمارس أحقر
مهنه , بنمارس الخيانه و التشويه ليل و نهار زينا زي أيمن نور , هو انتي اتفاجئتي ان
الخاين يبقى حرامي ؟ يعني اللي يخون بلده لما يسرق كام مليون تبقى مفاجأه ؟ انتي عبيطه
يا حياتي ؟
.
صح يا هشام , بس
برضه هو هيروح من ربنا فين ؟, مش عارفه بقى سمو الشيخ تميم هيبعت فلوس تاني بسرعه ولا
ايه ؟
- هيبعت ماتقلقيش
, نامي نامي , عشان نلحق الخيانه بكره من بدري .
................................
................................
3- في مقر القناه
عزه الحناوي :
مساء الخير يافندم انا عزه الحناوي
مسئول في القناه
: أهلا أهلا , غنيه عن التعريف يا أستاذه
.
انا جاهزه لو حابين
تعملو انترفيو ولا حاجه
- لا انترفيو ايه
, قيمتك و مكانتك محفوظين , هما بس كام سؤال روتيني .
.
اتفضل تحت أمرك
.
- هتعرفي تقولي
عسكر و فاشيه و قمع و استبداد و مااااسر ؟
.
طبعا , أعرف أكيد
.
- هل ممكن تقولي
في حلقه من الحلقات انك اتعرضتي للسجن تحت نظام السيسي و عذبوكي في مناطق حساسه ؟
.
بس كده ؟ دانا
ممكن اقول اغتصبوني لو تحب , و طلعت من السجن معايا عيلين.
- قشطه عليكي
, مولوده خاينه بالفطره .
.
ميرسي خالص
- طيب أوضة النوم
بتاعتك رقم سبعه في أخر الطرقه في الدور التالت , قصدي الاستوديو بتاعك .
.
جميل اوي
- و البيبي دول
جاهز , قصدي فريق العمل
.
رائع , حضراتكو
على طول جاهزين كده ؟
- أكيد , هو بس
فيه سؤال اخير ,انتي عايزه تاخدي كام في الليله ,قصدي في الحلقه ؟ .
انا الفلوس مش
بتفرق معايا, هاخد كام و مش هاخد كام , المهم اني في النهايه هاخد ..
- هتاخدي طبعا
, حبيبة قلبي والله , نهارنا أبيض و زي الفل , شوفتي الصدفه الحلوه ؟ مش انا عيد ميلادي
النهارده ؟.
.............................................................................................................................
Mohamed
Hussein
24
ديسمبر 2017·
حملة عشان تبنيها
, عدد الإستمارات الموقعه أكتر من 12 مليون استماره
.
يعني ايه الكلام
ده ؟
- ولا حاجه يا
مولانا , يعني فستك , يعني بلح .
.
و مين المسئول
عن الحمله دي ؟
- والنبي يابني
ماعرف و لا السيسي نفسه يعرف .
.
ايوه يعني مين
؟
- غالبا ناس فاضيين
و على طريقة ( كنت معدّيه قلت أخد الجمعيه ) , بقايا من موظفين اتربو على إيد مبارك
, بتوع المنحه ياريس و شلوت سيادتك دفعه للأمام .
.
ليه كده ؟
- عشان أي بني
أدم في الدنيا بيترشح للانتخابات بموجب قرار شخصي , سواء كان عبد الفتاح السيسي او
غيره .
.
طب و احنا ؟
- احنا سيادتك
اسمنا الناخبين , نيجي وقت الانتخابات نلاقي خمسه سته مرشحين , زيد و عبيد و نطاط الحيط
, نقوم نفكر و نختار اللي شايفينه أفضل .
.
يعني ايه برضه
؟
- يعني محدش في
الدنيا بيترشح بموجب استمارات تتوقع في الشارع و النادي و بير السلم ولا حد في الدنيا
بينجح بموجب الإستمارات دي , الكلام ده مش موجود في كتاب الديموقراطيه ولا حتى كتاب
أبله نظيره .
.
تقصد ايه بقى ؟
- اقصد ان اللي
عملو الحمله حتى لو كانت نيتهم سليمه ( و حابين يخدمو ) فأعتقد انهم عملو أسوأ دعايه
للسيسي , اللي ملوش أي ذنب في جهل و حماقه و زربحة بعض من أنصاره .
.
أومال مين أنصار
السيسي الحقيقين ؟
- أنصاره الحقيقيين
يا مولانا هما احنا , انا و انت و غيرنا ملايين , لا وقعنا استمارات ولا سمعنا عنها
و لو قدامي واحد باستماره مش هوقعها و غالبا هضربه بالجزمه , مش همارس الحماقه تحت
بند التأييد , أنصار السيسي الحقيقيين هما ناس شايفينه البطل المصري الوطني الشريف
, اللي حكم مصر في أصعب ظروف في تاريخها و شال تركه هباب ( بما فيها تركة الموظفين
بتوع شلوت سيادتك ) , الراجل اللي بيحاول يبني بلد من الصفر و كأن اللي كان بيحكم مصر
قبل كده ( حجر معسل ) مش رئيس عنده صلاحيات أشبه بصلاحيات الملك .
.
أنصاره الحقيقيين
هما ناس مش ناويين أبدا يسيبو بلدهم لخروف إرهابي خاين ولا لشمام كوله عبيط مركوب من
الخروف بقاله سبع سنين , القصه عندنا قصة بلد مش إسم عبد الفتاح السيسي تحديدا , يعني
لما تجيب لي اتنين تلاته يحملو نفس مواصفات السيسي كده , هتبقى حطيتني في اختيار حقيقي
, أختار مين من التلاته ؟ أختار الراجل اللي عرفناه و جربنا شغله ولا أختار حد تاني
جايز يكون أفضل ؟ أفضل هنا بمعنى أفضل للبلد مش أفضل ليا .
.
و هي دي كل الحدوته
باختصار , صوتي لعبد الفتاح السيسي , من غير استمارات ولا حماقه ولا شلوت سيادتك دفعه
للامام .
.................................................................................................................
Mohamed
Hussein
23
ديسمبر 2017·
أصل الحدوته
.
واحده ست فلاحه
وعيت عالدنيا لقت نفسها أرمله عمرها 30 سنه و عندها 6 عيال فوق راس بعض ( أنا أكبرهم
) , الست لقت المعاش قليل أوي و حتة الأرض مش بتجيب حاجه و قال عايزه السته يتعلمو
و يدخلو جامعه , تقوم تحتحت و تفتفت و العيال يلبسو هدوم بعض و جزم بعض , و الغطا بطاطين
من الخيش بتاعة الجيش , و اللقمه أي لقمه و الهدمه تقعد سنين و تتخيط لحد ماتدوب و
تبقى شراشيب , مفيش غساله في البيت و بتغسل هدوم السته في طشت نحاس , و مفيش تلاجه
عشان تحط فيها بواقي الأكل , هو فيه أكل أصلا عشان يبقى فيه بواقي ؟ .
.
تطلب حضرتك 30
طلب تلاقيها بتقولك لا في 29 و ربنا يسهل في الطلب الباقي , ماهو مفيش , هنضرب الأرض
تطلع بير بترول ؟ اتعلمو و ذاكرو , على لمبة كهربا ولا لمبة جاز , على ترابيزه ولا
حصيره , اللي عايز يذاكر و يفلح هيفلح .
.
أهم حاجه علمتهالنا
الغاليه الله يرحمها , إننا نتحمل المسئوليه تدريجي , شويه بشويه , انا مخلفه رجاله
ولا خواجات ؟ و لازم تحبو بعض و تحبو اخواتكو البنات و تخافو عليهم , لو ماعملتوش كده
هبقى فشلت , عايزاكو تاخدو شهادات كبيره اه بس لو خدتوها و طلعتو بتكرهو بعض يبقى عمري
راح هدر , الست دي يا محترم لا دخلت جامعه ولا دخلت ابتدائيه ولا عتبت باب المدرسه
, يعني ماتعلمتش أصول التربيه من محاضرات الإنجليز و الأمريكان ولا معاها دكتوراه في
التنميه البشريه .
.
طب ايه بقى ؟ يطلع
واحد فينا مثلا خاين لبلده او يشتمها و يتريأ عليها و على جيشها ؟ مستحيل , من رابع
المستحيلات .
.
بص يا مولانا
- القصه مش انك
تتولد غني او فقير , و مش قاعده انك لو اتولدت غني تطلع خاين لبلدك ولا قاعده انك لو
اتولدت فقير تطلع راجل بيتحمل المسئوليه و يعرف قيمة بلده .
.
- يعني مش ضروري
تمر بنفس الظروف دي عشان تلاقي نفسك في النهايه بني أدم , انما ضروري جدا تلاقي أب
أو أم مايكونشي شغلهم الشاغل انهم يجيبولك فلوس و فيلل و عربيات و يطعّموك التعليم
في بؤك و يشترولك شهادات و جامعات خاصه عشان حماده يبقى حد جميل .
.
- لو باباك و مامتك
ماعرفوش يعلموك يعني ايه مسئوليه و يعني ايه وطن و يعني ايه ستر و يعني ايه حمد ربنا
على نعمته يبقو بالتأكيد فاشلين حتى لو سابولك ملايين و فدادين .
.
- لو باباك و مامتك
ماعرفوش يعلموك انك تحب اخواتك و تخاف عليهم , فلقيت نفسك لما كبرت مقاطع اخوك و ضارب
أختك بالقلم و مابتكلمهاش من سنين , يبقى مستحيل هتكون بتحترم بلدك وتحبها , بلد ايه
بقى إذا كنت كاره اخواتك ؟ أكيد تبقى ماده خصبه للخيانه , و تركيا و قطر بنت الوسخه
بابهم مفتوح .
.
أدي كل القصه و
الحدوته , لو حضرتك مسكت بقى عيل من العيال الخاينه لبلدها دي فانت مش مضطر تعصر دماغك
و تفكّر و تعمل شالباظات عشان تعرف السبب اللي وصّله لكده , خد العيل من ايده أو من
قفاه و قوله تعالى وريني باباك و مامتك , و لما تقابلهم اسألهم , انتو كنتو بتعملو
ايه في حياتكو بالظبط وربّيتو الولد ده إزاي ؟ هتلاقي الإجابه و السبب .
..............................................................................................................
Mohamed
Hussein
23
ديسمبر 2017·
لما شوفت الصوره
اللي بتجمع معتز مطر مع عزه الحناوي في اسطنبول بلد خليفة الشواذ , أفتكرت قاعده علميه
كنت قريتها في كتاب زمان , القاعده بتقول إنه تحت أي ظرف و تحت أي درجة حراره و تحت
أي درجة رطوبه جوز الجزمه ماينفعشي يكون فرده واحده .
........................................................................................................
Mohamed
Hussein
23
ديسمير 2017 ·
لو سمحت لو سمحت
- نعم يا أستاذ
, اتفضل , تحت أمرك .
.
أنا و الله كنت
محتاج داده نيجيريه تكون صحتها عفيه شويه , بس انا مش معايا فلوس و بكح تراب .
- يا سيدي مش مشكله
الفلوس دلوأتي , بس قولي انت محتاجها ليه ؟ اكيد عشان تغسل و تطبخ .
.
لا
- يبقى عشان تنضف
الشقه و تروأها باستمرار .
.
برضه لا
- طيب عشان تاخد
بالها من مذاكره البنات و توديهم المدرسه و تجيبهم
.
لا حضرتك , مراتي
بتعمل كل الحاجات دي و مش مقصره .
- أه فهمتك , لا
أسف يا أستاذ , طلبك مش عندنا , احنا مكتب محترم , انت عايز داده عشان تلعب بديلك معاها
.
.
يا جحش ديلك ايه
و مناخيرك ايه ؟, بقولك داده نيجيريه يعني بكاكا داسا , هو انت هتجيب لي وفاء عامر
ولا نيرمين الفقي ؟ .
- حيرتني معاك
, اومال عايزها ليه .
.
انا حضرتك عايز
داده نيجيريه تكون صحتها عفيه أوي عشان سبب واحد بس
- هو ايه السبب
.
.
إنها تصحي لوجي
بنتي من النوم , اه و عهد الله زي مابقولك كده , و ممكن تستعين بالدفاع المدني عادي
.
...........................................................................................................
Mohamed
Hussein
23
ديسمبر 2017·
أنا حضرتك ماخدشي
معلوماتي و أفكاري و أندرويريهاتي إلا من الأستاذ الدكتور المهندس الإستشاري الأميرالاي
ممدوح حمره و من صفحة أم نحمده بتاعة الكرشه , و على فكره بقى أنفاق قناة السويس دي
السيسي عاملها مش عشان نعمر سينا و نزرعها , ده عاملها عشان يوصّل لاسرائيل مايه ساقعه
و بيبسي كولا و سحلب و باتنين جنيه فول كل جنيه لوحده .
..................................................................................................................
Mohamed
Hussein
22
ديسمبر 2017·
شوف يابني , الساعه
لما تيجي عشره إلا ربع النهارده ماسمعشي صوتك خالص ولا تكلمني في أي حاجه , لا تقولي
أمم متحده ولا مجلس أمن ولا مين عمل ايه و فين , ولا أخبار ولا سياسه و ولا بطيخ ,
ولا هتلاقيني أصلا حتى لو قامت الحرب العالميه التالته , عشان ماتش ليفربول و أرسنال
هيكون بدأ , و ليفربول يعني محمد صلاح و محمد صلاح يعني الحب كله و الحب الأول و الحب
كده و البولوبيف اللي من أفخم المحلات .
.
الواد ده خلاص
خد حته من القلب وقعد فيها و استربع , زيه زي جمال عبد الناصر و أم كلثوم و الغاليه
الله يرحمها و بناتي الإتنين و الراجل اللي لسه لاسع أمريكا على قفاها من يومين .
...........................................................................................................
Mohamed
Hussein
22
ديسمبر 2017·
يُحكى أن رجلاً
أعرابيا بهرته أضواء المدينه فقرر أن يشد الرحال إليها , لم يكن الأعرابي يعرف طريق
المدينه ولم يكن مؤهل للسفر , يعني ماعملش استعداداته ولا كان عارف أي حاجه في أي حاجه
بس أهي طقت في دماغه كده .
.
مضى الأعرابي في
طريقه إلى المدينه و بعد بضعة كيلو مترات شعر بأنه تائه و محتاج مساعده من حد عشان
يعرف يوصل للمدينه , لمح الأعرابي خيمه جنب الطريق و فيها راجل , راح قاله لو سمحت
بليز , هو حضرتك تعرف طريق المدينه ؟ الراجل صاحب الخيمه قاله طبعا أعرف الطريق و هاجي
معاك كمان , بس تعالى معايا جوه الخيمه عشان عايز أوريك حاجه هتعجبك , الأعرابي عشان
عنده رغبه عجيبه في الوصول دخل فعلا جوه الخيمة مع الراجل اللي مايعرفوش , و بعد ساعتين
تلاته خرج منها و هو ندمان عاللي حصل و طلع يجري و كل شويه يلتفت وراه و يوطي عالأرض
يمسك زلطه و يحدفها في الراجل صاحب الخيمه و يقوله يابن الكلب يابن الكلب , دانا وثقت
فيك ؟ .
.
مشي الأعرابي شويه
كمان في الطريق و حس إنه تايه برضه و لقى خيمه تانيه و فيها راجل شبه الراجل الأولاني
بالظبط و سأله على طريق المدينه , الراجل جاوب بنفس الإجابه و قاله تعالى معايا جوه
الخيمه الأول , الأعرابي فكر ثواني و قال لنفسه ( مش عايز أسئ الظن , مش يمكن يطلع
حد جميل المرادي ؟ ) , و خرج الأعرابي من الخيمه ندمان برضه , يجري و يلتفت و يمسك
زلطه و يحدفها على ابن الكلب اللي وثق فيه للمره التانيه .
.
و اتكرر نفس المشهد
مره كمان , و في المره الرابعه الأعرابي لقى خيمه و فيها رجل نسخه طبق الأصل من التلاته
اللي قبله , الراجل أول ما شاف الأعرابي قاله انا عارفك انت أكيد عايز توصل للمدينه
و مش عارف الطريق ؟ قام الأعرابي قاله لا , انا بصراحه عايز أدخل جوه الخيمه !! .
.
و بس يا سيدي
, دي حكاية 25 يناير و مابعدها , و العلاقه بين اللامؤاخذه الثوار و اللامؤاخذه الإخوان
, و بالمناسبه أخر زبون دخل الخيمه دي اسمه عزه الحناوي , صباحيه مباركه يا أبلتي
, اللهم لا تؤاخذنا بما فعل السفهاء منا , ولا تؤاخذنا بما فعل السفهاء فيهم !! .
.
جمعتكم مباركه
بإذن الله , و التلات بتاع حمدين .
............................................................................................................
