Mohamed Hussein
· 30 يونيو 2019
الحكايه باختصار
.
- ماعرفوش يحكمونا 500 سنه ولا 500 يوم حتى
- الكراكات ماغرقتش في وحل قناة السويس
- سد النهضه ماتبناش و نهر النيل مانشفش
- مرسي مش راجع
- العاصمه الإداريه ماطلعتش فنكوش
- الدولار مابقاش ب 300 جنيه و مصر مأعلنتش إفلاسها
- عملنا مشاريع اقتصاديه وبنيه تحتيه في 5 سنين ماتعملتش في 50 سنه
- حلينا مشكلة الكهربا بشكل نهائي
- عملنا ترسيم حدود وبقى عندنا حقول غاز من أكبر الحقول في العالم
- عملنا تحديث للجيش بأحدث الأسلحه عشان نحمي حدودنا و حقولنا
- مليارات قطر بنت الوسخه اللي خربت دول تانيه جت عندنا و طارت
- الجزيره لسه بتقول شاهد عيان و قالت مصارد , يعني لسه قالعه ملط
- عبد الفتاح السيسي بقى رئيس الإتحاد الأفريقي
- أردوغان بيجيب سيرة السيسي 7 مرات يوميا و هو مش معبره في الجزمه
- اقتصاد مصر بيقوى و يقف على حيله و اقتصاد تركيا بيتشألب بتويتة من ترامب
- عمر البشير اللي حول السودان لشخشيخه في إيد الكشك الخليجي غار في داهيه
- مصر بقى لها رجل و إيد في السودان و ليبيا و بتحدد و بتقرر
- بننظم بطولة أفريقيا من قبلها ب 4 شهور بس و مستعدين لتنظيم كاس العالم
- الخرفان و شمامين الكوله اللي كانو متداريين اتكشفو و اتفضحو للكل .
- عبد الناصر مات من نص قرن ولسه سيرته بتؤرق مضاجع الخرفان و الخونه .
- الأزهر و الكنيسه استعادو دورهم تاني , عمودين مهمين جدا من عمدان المعبد
- جيشنا خرج من معركته ضد الإرهاب أقوى بكتير من الأول عشان القاعده بتقول , الضربه اللي ماتعرفش تموتك بتقويك .
.....................................................................................................................
Mohamed Hussein
· 30 يونيو 2019
زي النهارده من 6 سنين , كنت في أجازه من السعوديه و قاعد في البلد , أمي الله يرحمها عرفت إن فيه ثوره و كانت بتخاف علينا أوي , لقتني بركب العربيه أنا و البنات , رايح فين يا محمد ؟ رايح أزور واحد صاحبي يامه , اوعى يابني تكون رايح المظاهرات , لا طبعا هو انا مجنون ولا كنت مجنون , و بس يا سيدي , كدبت على امي و خدت البنات حضرنا اعظم ثوره في تاريخ مصر الحديث , ركنت العربيه عند مستشفى التأمين الصحي اللي في مدخل المنصوره عشان مكانش فيه مكان تمشي فيه عربيه ولا حتى موتوسكل , ومشينا وسط الناس من أول مستشفى التأمين الصحي لحد مبنى المحافظه و كورنيش النيل , العماير عالجانبين مفهاش صريخ ابن يومين , فيها علم مصر بس متعلق في كل بلكونه , والبشريه كلها , أساتذة جامعه و عمال و فلاحين و موظفين و شباب و أطفال في الشارع , مليون بني أدم من البلد اللي أسرت لويس التاسع ملك فرنسا مش هيغلبو أكيد مع مرسي بن العياط سكرتير المرشد .
.
من أجمل المشاهد اللي شوفتها في اليوم ده في الطريق , مشهد راجل راكب تريسكل و مراته و عياله قاعدين في الصندوق ورا و رافعين علم مصر و شكلهم جايين من مكان بعيد , و مشهد اتنين ظباط واحد جيش و واحد شرطه سايقين عربياتهم , لقينا الطريق مقفول قدام قريه قبل مانوصل المنصوره , اهل القريه قفلو الطريق و حالفين طلاق بالتلاته ماهيتفتح الطريق ده إلا مامرسي يمشي , طب نعمل ايه يا جدعان ؟ قالو تلفو و ترجعو و تدخلو من طريق تاني أطول ييجي نص ساعه , الغريبه ان كلنا ضحكنا و لفينا و رجعنا و مشينا في طرق مايعلم بيها إلا ربنا عشان كنا مبسوطين , و أولنا ظابط الجيش وظابط الشرطه , ماحنا برضه بنفهم في الأصول و مايهونش علينا الوليه تتطلق و نوقّع يمين الراجل .
...................................................................................................................
Mohamed Hussein
· 29 يونيو 2019
ماتفاجئتش أبداً بالعلاقه بين اليسار المصري و الجماعه الإرهابيه , العلاقه بدأت من سنين و تطابق في المواقف بيصل لحد إنها تكون نسخه بالكربون , ماتفاجئتش عشان من 2012 عرفت الحكايه , و الحكايه و ما فيها إن مخرج العرايس اللي شغال في الشرق الأوسط بيجيب الإرهابي ينططّه عالمسرح ويجيب اليساري ينططه , كل واحد فيهم بيحب يتنطط بشكل معين و بشوية شعارات معينه , و المخرج أستاذ في تنطيط القرود , في البدايه بس بيعزلهم بستاره عشان محدش فيهم يشوف التاني , و بعد شوية الستاره بتقع و بيكتشف اليساري و الإخوانجي الإرهابي إنهم بيتنططو على نفس المسرح و بيشتغلو لحساب نفس القرداتي .
.
أه و لما بيكتشفو إنهم بيتنططو و بيشتغلو لحساب نفس القرداتي بيعملو إيه ؟ ولا حاجه يابني , بياخدو بعض بالحضن لأنهم رفقاء الميدان زي مانت عارف , و ممكن الحكايه تسخن معاهم و يشوفو لهم أي خرابه يتدارو فيها و بعدين يرجعو يكملو تنطيط , وسط تصفيق حاد و مزمن من القرداتي و إعلامه و مراكزه الحقوقيه , ده مش بعيد يكون هو اللي بيوفر لهم الخرابه و المُكنه .
.......................................................................................................................
Mohamed Hussein
· 29 يونيو 2019
يابني مش مرسي هو أخر الأنبياء , و ما قتلوه ولكن رفعه الله إليه ؟ طيب ماهو يبقى أبو تريكه بالتبعيه هو المهدي المنتظر , دي معروفه و موجوده في كل الكتب و المراجع و الجرانين وستوديوهات الجزيره بس انت اللي مابتقراش و مش متابع , أقولك التقيله بقى ؟ حسام حسن و ابراهيم حسن هما يأجوج و مأجوج عشان شبه بعض , وأنا ريتشارد قلب الاسد ملك بريطانيا و كبير مشجعي مانشستر يونايتد
...............................................................................................................
Mohamed Hussein
· 29 يونيو 2019
ميليشيات المرتزقه بتوع حكومة الوفاق و الإرهابيين في ليبيا لما اتنفخو من الجيش الوطني الليبي كان لازم يستدعو الجيش التركي يتدخل بشكل مباشر بدل حكاية تهريب الأسلحه دي , ماهو اللي بيتكسف من بنت عمه مابيجيبش منها عيال , بس على الفور كان رد الجيش الوطني الليبي حاسم و حازم , أي تركي على أرض ليبيا معرض للإعتقال والقتل , أي سفينه تركيه في المياه الإقليميه لليبيا هتتعرض للضرب , أي طياره تركيا في أجواء ليبيا هتتعرض للتدمير .
.
أردوغان أبو رياله فاكر إن ليبيا هتبقى زي سوريا والعراق بعد ماجيوشهم انضربت و وقعت و تخيل إنه هيعمل نفسه دكر في ليبيا , و ناسي ان ليبيا دوله حدوديه لمصر و إن أمنها القومي من أمننا القومي , يعني هنحط عليه هو و بنت عمه اللي اسمها حكومة الوفاق وبقية الإرهابيين , و هنجيبهم ملط من عالسرير .
...............................................................................................
Mohamed Hussein
· 28 يونيو 2019
هنفهم امتى ؟
.
- لاعب في معسكر منتخب في بطوله بيمثل فيها بلده يعني لابس أغلى تي شيرت ممكن يلبسه في حياته , المعسكر يعني الانضباط , بره المعسكر و أخلاقك و حياتك الخاصه لا تعنيني , لكن عشان تروح تمثل 100 مليون و تاخد شهره و دعاء ملايين و أحلامهم تبقى قد المسئوليه او تعتذر عنها من البدايه , وانا هنا مش بتكلم عن نواحي اخلاقيه , بتكلم عن انضباط بمعناه الشامل , يعني ماينفعش تسهر لوقت متاخر حتى لو كنت بتلعب جيمز عالموبايل .
.
- معسكر منتخب زي ماكان بيحصل أيام الجوهري و ايام حسن شحاته , يعني نوم في ميعاد و صحيان في ميعاد و أكل في ميعاد و فترة ترفيه ولاعيبه يتجمعو مع بعض حتى وهما بيتفرجو على حاجه كوميديه , يعني روح معنويه و محبه تسود بين الفريق , معسكر يعني لا نت ولا انستجرام ولا تويتر ولا صور سيلفي ولا ضيوف و محاسيب طالعين نازلين , ده يبقى اسمه جُرْن الهبله .
.
- هنفهم امتى ان مصر تحديدا مستهدفه من قناة الخنزيره و من خرفان تركيا و من أبو فتيكه الارهابي و من الميديا الأمريكيه و البريطانيه , و كلهم بيقعدو لك على غلطه , و بالتالي لو غيرك لازم يكون حذر مره فانت لازم تكون حذر ألف مره .
.
- هنفهم امتى ان مشاهير كتير في عالم الكوره اتهمو بالتحرش واترفع عليهم قضايا (و أولهم كرستيانو رونالدو ) بس لا اتهاماتهم طالت أنديتهم ولا منتخبات بلادهم عشان ببساطه مفيش خرفان و خنزيره و جرايد عالميه قاعدين لهم عالسقطه واللقطه .
.
- هنفهم امتى ان هاني ابو ريده وكل الشله دي اسمهم مجتمع مدني , وفيه زيهم كتير في كل المجالات , عشان بس الصيع اللي قرفونا بحكم مدني و مجتمع مدني و هباب أزرق , لا انضباط ولا مسئوليه , لا مسئوليه ولا انضباط , ولا حد بيفكر في اسم البلد و سمعتها و لا حد في دماغه ان كلاب السكك مستنيين لها عالواحده من سنين , الحكايه كلها إيد مرتعشه و سبوبه و كله بيسترزق .
.
- أتمنى مصر تفوز بطولة أفريقيا و 100 مليون مصري يفرحو و أنا أولهم , و أتمنى كمان ان بعد البطوله مباشرة تدريب منتخب مصر يتولاه مدرب زي حسن شحاته , بيعرف يعمل معسكر و يدّي اللاعيبه بالجزمه لو مالتزموش , أتمنى كمان يكون فيه إشراف حتى لو مش بشكل رسمي من المؤسسه العسكريه على اتحاد الكوره , أه يافندم انا عايز ظابط مخابرات مصري يدّي التعليمات لهاني أبو ريده ولشوبير و يعلمهم ازاي يبقو مصريين و يعرفو قيمة بلدهم , يعلمهم يعني إيه انضباط و مسئوليه , مش بقولك يحط تشكيل منتخب و يقول مين هيقف جون و مين راس حربه .
.
أخيرا , كابتن محمد صلاح نجم مصر عبر تاريخها , محبتك في قلوب المصريين بتيجي في المرتبه التانيه بعد عبد الفتاح السيسي مباشرة , لو سمحت من فضلك خليك فاكر انك لاعب , ماتدخلش نفسك في قرارات إداريه , خليك ليدر في الملعب عشان تحقق حلم ال 100 مليون , لو سمحت من فضلك ماتديش فرصه لإرهابي صايع هربان انه يزايد عليك و علينا و يعمل نفسه شيخ جامع .
...............................................................................................................
Mohamed Hussein
· 26 يونيو 2019
ستاد أفريقيا , مصر 2019
.
معنا و معكم المحلل الرياضي الغني عن التعريف و الخبير المستكاوي الكبير في شئون الخطه و التشكيل و الكورنر و الأوفسايد محمد حسين اللي هو أنا
.
من وجهة نظري المتواضعه التي لا قيمه لها و بعد مباريات الجوله الأولى نقدر نقول التالي
.
1- مباريات الجوله الأولى مش دايما بتبقى مقياس لمستوى الفرق , يعني النتايج فيها بتبقى خدّاعه شويه , فيه فرق كتير بتعلى مع الماتشات و فرق تانيه بتقع على جدور رقبتها .
.
2- منتخباتنا العربيه مالهاش شمخه أوي , فيما عدا منتخب مصر ( عشان أنا مصري بس و أي حاجه تخص مصر ببقى ماعنديش ضمير فيها ) , تونس و الجزائر و المغرب توقعنا انهم يظهرو بشكل أفضل بس ممكن يعلو مع الماتشات , موريتانيا كتر ألف خيرها لأنها أول مره تشارك في بطولة أفريقيا و أصلا جايين من غير حارس مرمى .
.
3- غانا مش هتمشي كتير في البطوله دي , يعني لن تذهب بعيدا , بيعتمدو عالاتنين عيال ولاد عبيدي بيليه لكن الفريق نفسه عنده مشكلة استدعت تدخل رئيس الدوله و يتحايل على فلان انه يشارك و علان انه يتنازل لترتان عن شارة الكبتنه .
.
4- المنتخبات اللي شوفتها تقيله و بصراحه ممكن تكون تقيله أوي علينا و أتقل من ميريام فارس شخصيا , هي منتخبات السنغال و مالي و الكاميرون , مش عارف لو قابلنا السنغال في النهائي الواد ساديو ماني هيباصي لصلاح ولا هيتأنى كعادته الهباب .
.
5- كوت ديفوار , منتخب الأفيال , من بعد ديديه دروجبا و هما لا بقو أفيال ولا نيله ولا محصلين معيز حتى , و الفريق ده اخره يروح يصطاد سمك في الغردقه أو يصطاد بط في الفيوم .
.
6- فيه كذا فرقه ممكن يكونو الحصان الإسود في البطوله دي , منهم أوغندا و بنين و حتى مدغشقر , و إجمالا ممكن نقول إنها أقوى بطولة أفريقيه في تاريخ القاره السمراء و من دور ال 8 هنشوف بعنينا مستويات أوروبيه و هتبقى فيه حرب عالميه تالته على ملاعب مصر المحروسه .
.
7- طبعا أي تغيير في مستويات الفرق و أي مفاجئات عكس اللي مكتوب فوق لو حصلت هرجع للبوست ده و أحذفه وانتو اعملو انكو مش واخدين بالكو , وهو الصاحب له عند صاحبه ايه ؟ غير بوست يكتب فيه تحليلاته اللوذعيه و صاحبه يقول له الله عليك يا فخر العرب , و بعد شويه يحذف البوست و صاحبه يعمل انه مش واخد باله .
................................................................................................................
Mohamed Hussein
· 25 يونيو 2019
إحنا اتغيرنا أوي يا لينا و ذوقنا بقى في الحضيض , زمان أيام ما كانت الناس بتفهم كان لاعبي المنتخب لما يحبو يتحرشو بواحده ست يتحرشو بهياتم , دلوأتي ظهر جيل لا يمثلنا على الإطلاق ولا يمثل نبت الأرض الخضره , بيتحرشو ببنت أنا شخصيا فيا أنوثه عنها , بالك يا لينا لو كانو مثلا اتحرشو بصور نرمين الفقي كنت قلت معذورين , إنما كده مالهمش عذر و أنا أطالب بطردهم من معسكر المنتخب عقابا ليهم , مش عشان اتحرشو , لا , عشان ذوقهم زباله , وهو اللاعب لما يكون ذوقه زباله هيعرف يجيب جون ولا يعمل أسيست عليه القيمه ؟ لا طبعا , ولا عمر ربنا هيكرمه أبدا .
.........................................................................................................
Mohamed Hussein
· 25 يونيو 2019
روسيا تنظم كاس العالم و تبدأ تجهز من قبلها بسنين ؟
- دوله عظيمه و حدث عظيم و مكاسب لا حصر لها .
.
مصر تنظم بطولة أفريقيا و تجهز قبلها ب 4 شهور ؟
- بيلهو الشعب بالكوره .
.
روسيا تعمل حفل افتتاح رائع ؟
- دوله متقدمه و حفل الافتتاح أكبر دليل .
.
مصر تعمل حفل افتتاح أروع و بإيد شباب مصر ؟
- مصاريف عالفاضي و بهرجة كدابه .
.
جماهير روسيا تنضف المدرجات بعد الماتش ؟
- شعوب متحضره .
.
جماهير مصر تنضف المدرجات بعد الماتش ؟
- تقليد أعمى و ناس عايزه تتصور .
.
الروس و الألمان و كل جنسيات العالم يعلقو علم بلادهم على عربيتهم ؟
- شعوب عندها انتماء و بتفخر بوطنيتها .
.
المصريين يعلقو علم مصر على عربيتهم ؟
- معر*ين و طبالين وعبيد .
.
مصر تفوز بماتش أو ببطوله ؟
- بتفرحو إنتو بالهيافات
.
مصر تخسر ماتش أو بطوله ؟
- يا فضيحتك يا ماااسر .
.........................................
اللي فات ده باختصار دورة حياة الكائن الكولجي الجميل من أول مابيصحى لحد ما بينام , من يوم مابيتولد لحد مابيموت , شجّعوه بقى و النبي و قولو له إن عقله ألماظات و إنه سابقنا بمليون سنه ضوئيه عشان هو بيحب الحته دي أوي , أو بلاش تشجعوه , دوسو على دماغه بالجزمه ولو قال أي , قولو له سوري احنا كنا فاكرينك مجرد صرصار .
.................................................................................................................
Mohamed Hussein
· 24 يونيو 2019
سامح شكري : "ليس هناك تنازل عن حبة وذرة رمل من أراضي سيناء التي استشهد من أجلها العديد من المواطنين المصريين الشرفاء دفاعا عنها وسعيا لاسترجاعها"
.
مممممم يا عم و انت إيش فهمك إنت ؟ هتفهم أحسن من الخنزيره و الخرفان و شمامين الكوله و أم نحمده بتاعة الكرشه ؟ دانت حيالله وزير خارجية مصر .
............................................................................................................
Mohamed Hussein
· 24 يونيو 2019
العيل اللامؤاخذه بيجيب لأهله اللعنه
.
من يوم موت مرسي وانا ملتزم إنه لا شماته في موت أي حد لأن الموت نفسه له حرمه , أصدقاء كتير جدا زعلو مني و قولنا ماشي , مش مشكله .
.
من يوميها والجماعه و صبيانها و الجزيره و أردوغان كل واحد فيهم بيعلى والتانى يعلى عليه كأنهم في مسابقة التعليق الأكتر نطاعه , لا ده اخر الأنبياء , لا ده سيدنا عيسى , لا ده موسى , لا ده انا شوفته في المنام بيصلي بالأنبياء , و شوية حاجات كده تخلي إبلس الرجيم ذات نفسه يستعيذ بالله من شرهم .
.
قولنا ماشي , بتوع كربلائيات و تجار دين من يومهم , و للدين ربٌ يحميه .
.
شويه و الموضوع قلب على كوميدي , و أبويا الشهيد قتلوه من 7 سنين و أبويا الشهيد كان وشه زي البدر و النعش طار بيه , و أبويا الشهيد كان صاحب خطوه وبيمشى عالحيط و فكروني بهاني رمزي في فيلم أبو العربي لما كان كل شويه يقول انت ماتعرفش أبويا الشهيد عمل ايه , برضه ماشي .
.
أما إن ابن مرسي ييجي النهارده و يقول ( أبي مات فداء للوطن و دفاعا عنه !! ) , لا هنا ستوب بقى , تقف عوج و تتكلم عدل , اهري في الدين و تاجر بيه براحتك عشان في الأخره هتتنفخ , مارس كربلائياتك و ألف قصص براحتك , انما عند كلمة الوطن و ستوب .
.
أبوك يابن مرسي زي أي عضو في الجماعه الإرهابيه الدوليه , مايعرفوش أصلا يعني ايه وطن , انتو مش أنا اللي اخترعتو حكاية ( الحدود تراب ) و مرشدكو مش انا هو اللي قال ( الوطن حفنه من تراب عفن ) .
.
انتو مش انا اللي جبتو عناصر حماس لمكتب الإرشاد بسلاحهم كأننا في طابونه مش في وطن , انتو مش أنا اللي حاصرتو المحكمه الدستوريه اللي هي أعلى جهه قضائيه في الوطن , انتو مش انا اللي خليتو رئيس مصر لأول مره في تاريخها يكون مجرد سكرتير لمرشد يعني مجرد أوفيس بوي .
.
و أخيرا , أبوك الشهيد يابو العربي مماتش في الجبهه و هو بيحارب العدو الصهيوني ( قصدي الصديق الوفي) , أبوك مات و هو بيتحاكم بألعن تهمه ممكن يُتهم بيها مواطن ( مواطن مش رئيس دوله حتى ) , التخابر مع دوله أجنبيه , يعني خيانة الوطن , يعني لو كلب جربان مسعور مات في الشارع تحت عجل عربيه ممكن واحد قلبه يرق من ناحيته شويه , إنما تخابر ضد الوطن و تموت عليه تبقى ماحصلتش كلب مسعور جربان مات تحت عجل عربيه
.
مانت اللي بتعصبني يا مولانا و تخلّي الواحد لسانه يطول , قولنالكو حاولو تبقو بني أدمين ولو مره واحده في حياتكو , البني أدم لما بيموت له عزير بيبكي عليه و يحزن و ممكن يمتنع عن الأكل و يقفل بابه و يدعي له و يعمل له عمره أو يطلب من الناس يدعوله بالرحمه ويعمل له صدقه جاريه ( مش يألف قصص و حواديت و يزيّف الحقايق و يخترع بطولات وهميه و يطلع في قناة الخنزيره كل يوم و كل ساعه كأنه فرح بنت العمده ) , إنما نقول ايه بس , طبع الوساخه فيكو غالب , بتتاجرو بكل حاجه , حتى بالموت .
..............................................................................................................
Mohamed Hussein
· 24 يونيو 2019
يابني القلوب اللي عالصور و الدباديب و اللاف و الهيييح تعملها هناك في إنستجرام , احنا هنا في الفيس بوك بنهري وننكت و نتشألب في قضايا كوكب الأرض و المجموعه الشمسيه و درب التبّانه من أول عيوب مشابك الغسيل وفوايد اللبان الدكر لحد العلاقات الدوليه و القنبله النوويه و أسباب إنهيار الإتحاد السوفيتي , و نقعد نعجن براحتنا بقى , ماتيجي تعجن معانا ؟ اتفضل والله .
.............................................................................................
Mohamed Hussein
· 23 يونيو 2019
لما تيجي الحتة بتاعة إن أردوغان يمسك ميكروفون ( بعد مايكون أنقذ شاب من الانتحار طبعا وبعد مايكون جاب سيرة السيسي سبعتاشر مره ) و يقول إن خسارة بلدية اسطنبول سببها إن أنصار حزبه متأثرين بموت مرسي و عاملين حداد عليه و ممتنعين عن المايه و الزاد و الويسكي محدش يبقى يصحيني والنبي .
.
و لما تيجي الحته بتاعة ان خسارة بلدية اسطنبول سببها حرب على الإسلام و يقولها و هو راكن ضهره على 40 ألف بيت دعاره محدش يصحيني برضه .
.
ولما تيجي الحته بتاعة إن خسارة اسطنبول سببها مؤامره من فتح الله جولن و أمريكا و هو راكن مؤخرته على اكبر قاعده عسكريه أمريكيه في الشرق الأوسط محدش يصحيني .
.
أما بقى لما تيجي الحتة بتاعة , مش مهم خسارة انتخابات و شعبيه , أهم حاجه الإقتصاد والراجل مايعيبوش غير جيبه و إننا مسلفين البنك الدولي ابقو صحوني في الحته دي عشان بحبها أوي .
...............................................................................................................
Mohamed Hussein
· 23 يونيو 2019
أحكي لكو حكاية لذيذه اوي
.
في انتخابات بلدية اسطنبول من كام يوم مرشح الحزب بتاع أردوغان سقط , أردوغان حاول يزوّر الحكايه ماعرفش , قال يعيد الفرز و برضه مفيش فايده , ملقاش حل غير إنه يعيد الانتخابات دي من تاني
.
بعدها كرّس أردوغان جهوده و مجهوداته الجباره لدعم مرشح الحزب بتاعه , و تفتق ذهنه عن حاجه جميله اوي ( مانتو عارفين إنه أذكى اخواته ) , قال للشعب التركي في مؤتمر انتخابي , انتو هتنتخبو المرشح بتاعنا ولا هتنتخبو عبد الفتاح السيسي ؟ لو انتخبتو مرشح المعارضه هتبقو بالظبط كأنكو انتخبتو السيسي , قال يعني بيسخّنهم و كده , قام الأتراك النهارده انتخبو مرشح المعارضه برضه , يعني انتخبو السيسي .
.
طب أقسم بالله أن بقيت أعذر بهلول اسطنبول لما ألاقيه بيجيب سيرة السيسي خمس ست مرات كل يوم و يجيله تهيؤات ان السيسي لابد له تحت السرير و بيطلع له في المنام و ينزل له من الحنفيه .
.
ألف مليون مبروك لفخامة الرئيس عبد الفتاح السيسي الفوز برئاسة مصر و رئاسة بلدية اسطنبول .
..............................................................................................................
Mohamed Hussein
· 23 يونيو 2019
ميريام فارس : انا كبرت و صار أجري أكبر و بالتالي صرت تقيله على مصر , عشان كده مش بتلاقوني كتير هون !! .
.....................
عزيزتي ميريام فارس , مصر بتسلم عليكي و بتقولك ماتجيش تاني عشان انتي بقيتي تقيله أوي واحنا عندنا الغضروف و ماشيين بالعلاج , بقولك صحيح , تسمعي أكيد عن واحده اسمها أم كلثوم ؟ أهي أم كلثوم دي كبرت و كبرت و كبرت و كبرت و تقلت و تقلت أوي و تقلت جدا و تقلت خالص لحد مابقت كون و ملكوت بحاله , و بقت تتعامل معاملة الملوك و رؤساء الدول حتى في أوروبا , و مع ذلك ماطرشتش كلمتين زي بتوعك دول , الله يرحم بقى زمن العمالقه و ينجينا من زمن الصراصير والأبراص اللي بفرشتين دوكو وشوية بوتكس و شوية سيليكون بقو يسمو نفسهم مطربين و نجوم .
..........................................................................................................
Mohamed Hussein
· 22 يونيو 2019
- هما عصابة و احنا دولة .
- عمرهم ماهيكونو زينا ولا هنكون زيهم , احنا طرفي نقيض , من أقصى إلى أقصى
- الفرق بينا مش شعره ولا خطوتين ولا حتى فدان , الفرق بينا كون و ملكوت بيسبح بحمد الله و 10 ألاف سنه و تاريخ و حضاره و أهرامات و معابد و جرس و أدان .
- هما بيلبسو أطفالهم أكفان عشان يتاجرو بيهم و احنا بنلبس أطفالنا تي شيرت مصر عشان نعلمهم الإنتماء .
- هما بيزرعو جوه عيالهم الموت و احنا بنزرع جوه عيالنا الحياه .
........................................................................................................
Mohamed Hussein
· 22 يونيو 2019
- قتلناك يا أخر الأنبياء
- و ما قتلوه ولكن شٌبّه لهم ... رفعه الله إليه
- رأيت مرسي في المنام يصلي إماما بالأنبياء و يوزع عليهم الحلوى .
- كشفت عن وجه مرسي عند دفنه فإذا هو كالبدر و رأيت جثة عاكف سليمه كيوم دفنه
- النعش كان طاير بجثة الدكتور محمد مرسي .
- مات محمد مرسي كليم الله
- لاعبو المنتخب لم يقدمو الأداء المطلوب حدادا على موت مرسي
- وقف الصحفي الاسرائيلي وقال له ها انا عدت يامرسي كما عدنا ياصلاح الدين .
- ما حدث لصوت السيسي بالأمس هو عقاب من الله بعد ما فعله بالدكتور مرسي
........................................................................................................
Mohamed Hussein
· 22 يونيو 2019
بعد مستوانا النهارده , لو عايزين نوصل لدور ال 8 فاحنا محتاجين شوية تركيز و شوية تحرك بدون كوره وشوية تفاهم مع صلاح و شوية استقتال في الملعب , أما بقى لو عايزين نفوز بالبطوله فاحنا محتاجين الخاله نوسه و جامايكا و سيد الجن و شمهورش و كل الساده الأفاضل عفاريت شبراخيت .
...................................................................................................................
21:Mohamed Hussein
· 21 يونيو 2019
حفل افتتاح أقل ما يقال عنه إنه عالمي , معجزه اننا نجهز بالشكل ده و نجهز ملاعبنا و حفلنا و فنادقنا و طرقنا في 5 شهور , دي لوحدها معجزه .
.
أكتر من 75 ألف مصري في ستاد القاهره , أغلبهم لابس تي شيرت المنتخب أو حاجه بعلم مصر , بنات و ستات و أطفال و شباب و رجاله , عائلات و أسر و شلل أصحاب , الأجمل بقى إنك ممكن تلاقي منهم ألاف مايعرفوش حاجه عن الكوره ولا يعرفو الفاول من الأفسايد , بس رايحين يشجعو منتخب بلدهم , منتخب مصر, عشان تنظيم البطوله بيتحسب لمصر , و الفوز بيها بتحسب لمصر , بيتقال مصر فازت كام مره , مصر نظمت البطوله كام مره , لا بيتقال هاني أبو ريده نظم ولا بيتقال حسن شحاته و أجيري فازو , و لا بيتقال الخطيب و محمد صلاح , بتتقال مصر .
.
ستاذ القاهره كامل العدد من ساعتين فاتو , و 100 مليون مصري قدام الشاشات و عالقهاوي قاعدين مستنيين , هو انا مش غاوي فلسفه و فزلكه بس عايز أقول لكو , مشهد الناس في الاستاد و عالقهاوي , عشان يشجعو منتخب بلدهم بحماس , مشهد العلم و التي شيرت , المشهد ده اندفع عشرات المليارت عشان مايبقاش موجود , ولاد الحرام صرفو كتير أوي عشان يحاولو بس يضربونا في النقطه دي , قنوات فضائيه تتفتح و تشويه و سخريه من اسم مصر ليل و نهار , وجرايد و اعلاميين و مرتزقه و صيع و صفحات فيس بوك .
.
النهارده بقى يوم من الأيام المشهوده اللي بنبعت لهم فيها الرد , و رساله من كلمتين , فلوسكو دي تعتبروها بضاعه أتلفها الجهل , الجهل يا بهايم , الجهل بطبيعة الشعب المصري , الوطنيه و الإنتماء دي هويه و جينات , الإنتماء ده طبع و طابع و مطبوع , طبع فينا و طابع علينا و مطبوع جوانا .
....................................................................................................................................
Mohamed Hussein
· 21 يونيو 2019
لو عايزين تضحكو قبل مانركز في حفل الإفتتاح و ماتش مصر , تعالو أحكي لكو حدوته كوميديه أوي و ممله جدا في نفس الوقت عشان اتهرست في ألف فيلم قبل كده
......................
الجماعه بتوع دولة الفرس وقّعو طياره بدون طيار من طيارات الخواجه أبو برنيطه , ده طبعا من غير مالخواجه يعرف ولا كانو متفقين سوا ولا حاجه , ماهو انتو اكيد عارفين ان بتوع دولة الفرس أعداء لدودين لبتوع أبو برنيطه و بتوع نجمة داوود , و مقطعين هدوم بعض و مجرجرين بعض في المحاكم و الأقسام و دخلو في حروب ضد بعض عددها 5673 حرب من نوعية الحروب التي لا يراها إلا المؤمنون .
.
المهم , الجماعه بتوع دولة الفرس قالو احنا شوفنا طيارتين , طياره مفهاش بني ادمين و طياره فيها 35 بني أدم و معاهم عيل صغير كان قاعد على حجر أمه ( اه هما عدّوهم باستخدام الأشعه فوق المحشيه ) , و عشان احنا قلبنا قلب خسايه و إحساسنا مرهف وقّعنا الطياره اللي من غير بني أدمين , أظن كده عدانا العيب و أزح .
.
الخواجه أبو برنيطه بقى إتشال و اتهبد و قال لن أقبل ولن أتزحزح و قام عامل بإيديه كداهو , و وفود تروح و وفود تيجي , و يجيبو وسطاء و يجيبو ناس كبار و يجيبو شاي و ويسكي و يعملو قاعدة عرب , و يا ستي يهديكي يرضيكي , أبدا , لا يمكن , يا مولانا عيب مايصحش , قلت لكو هضربها يعني هضربها , وبس يا سيدي , و عليها العالم كله حبس أنفاسه , كلهم في نفس الوقت شربو معسل و حبسو الأنفاس جوه لحد مايشوفو هيحصل ايه .
.
و قبل مالخواجه أبو برنيطه يوجه ضربته بدنشه واحده , دنشه واحده بس , قام تراجع عن قراره تاني , و لما الناس و الصحفيين و البيزنطيين سألوه ماضربتش ليه يا خواجه ؟ قام هو تقمص دور عبد الوارث عسر و كمال أبو ريه مضروبين في خلاط واحد , و اغرورقت عيناه بالدموع حتى ابتلّت سجادة البنتاجون , و قال لأني عرفت إن الضربه بتاعتنا لدولة الفرس كان ممكن تتسبب في مقتل 15 بني ادم , وانتو عارفين إني راجل بتاع ربنا ولا يمكن أشيل في رقبتي دم خمستاشر بني أدم , هقول لربنا إيه يوم الحشر العظيم ؟!
.
و كمل الخواجه كلامه و قال , احنا دولة البرانيط يا جدعان يعني دولة حقوق الإنسان و العصافير الكناريا , يعني الشفافيه والمصداقيه و الديموقراطيه و البطيخ اللي من غير بذر, ولا عمرنا قتلنا ملايين العرب و لا ملايين من دول العالم , و لو مش مصدقيني اسألو كلينتون و بوش الأب و بوش الإبن و بوش الجد الكبير , اسألو العراق و أفغانستان والصومال و سوريا و هيروشيما , عشان بس تعرفو إن البيت الأبيض ده طاهر و هيفضل طول عمره طاهر .
................................................................................................................
Mohamed Hussein
· 21 يونيو 2019
في نفس المكان ده حضر محمد مرسي احتفالات نصر اكتوبر , عزم أهله و عشيرته اللي منهم عاصم عبد الماجد و طارق الزمر , عزمهم عشان يحضرو احتفالات نصر اكتوبر العظيم , النصر اللي بعد كده قالو لأنصارهم يبقو يقولو عليه هزيمه و يتريأو .
.
المشهد ده لوحده كان كفيل بالنسبالي كمواطن مصري لعزل مرسي و جماعته إلى الأبد , ماينفعش أجيب قتلة السادات يحضرو احتفال بنصر اكتوبر اللي قاده السادات , اللي هو البطل الشهيد .
.
و تمر الأيام و تروح أيام وتيجي أيام و سبحانك يارب , في نفس المكان مصر تنضّف الملعب و الكراسي و المدرجات و الأسوار من الدنس , و تنظم بطولة أفريقيا , اللي هي بإذن الله هتكون أعظم بطوله في تاريخ القاره السمراء .
.
لما تعيش حياتك كلها و تعيش 90 سنه في كدب و تأليف و تزييف و فبركه و كربلائيات و تشويه و تجاره بالدين و تجاره بالموت و تجاره بالدم و قتل و حرق و تخريب و إرهاب و تكفير تأكد ان مصيرك المحتوم من رب العزه هو ده , التشتت و التيه و التقزم و استجداء عطف اللئام في البلاد اللي انت بتقول عليها كافره , تأكد ان مصيرك المحتوم هو أن تضيق عليك الأرض بما رحبت , عشان ببساطه شديده انت ممكن تخدع شويه عيال جهله و تعبي دماغهم سباخ و أيات شيطانيه , لكن المؤكد إنك مستحيل هتعرف تخدع ربنا سبحانه و تعالى .
.
#مصر_بتفرح
#مصر_بتحتفل
#شجع_مصر
..........................................................................................................
Mohamed Hussein
· 21 يونيو 2019
والنبي يا جدعان عشان ربنا يكرمنا و البطوله تنجح و تليق بإسم مصر , فيه معلّق مش فاكر اسمه , هو بيقعد يقول خافير أجيرّرّرّي , ويشد في الراء لحد ما تتقطع في إيده , و برضه بيعطش الجيم بتاعة بتروجيت لحد ماتموت من العطش و بيحب يرطن بالانجليزي فيقول مثلا صلاح بيلعب في الباريمار ليج , البيرمر ليج , البارمير ليج , أهو يعني بينطقها بخمسين نطق مختلف و كلهم غلط , والنبي حد يكتف المذيع ده أو يخطفه لحد مالبطوله تخلص و يبقى عمل أكبر خدمه لمصر .
........................................................................................................
Mohamed Hussein
· 20 يونيو 2019
بالنسبه لجميلات و مزز مصر اللي هيحضرو الماتش بكره في الإستاذ
.
شوية ملحوظات بسيطه والنبي
.
- الزي الرسمي بكره هو تي شيرت منتخب مصر او فستان بعلم مصر أو عالأقل الزعبوط الطويل ده اللي عليه علم مصر , مفيش بقى أصل انا البلوزه البحلقي دي لابساها مخصوص عشان أغيظ فلانه , ده ماتش مصر مش حنة عفاف
.
- شنطة إيدك يبقى فيها ازازتين مايه متلجين و كام منديل و زماره كبيره دي اللي بيسموها فورفوزيلا , مش تمليها ماكياجات و روج و بارفانات و تاتو أيلاينر و أي شادو , الماتش على فكره في ستاد القاهره مش هيتلعب في سيتي ستارز ولا في كايرو فستيفال سيتي
.
- كلمة مصر في التشجيع تقوليها من أول ما تدخلي الاستاذ لحد ما ترجعي البيت, و تقوليها بحماس مش بدلع و رقه ( بلاش تتقمصي نبرة صوت هند رستم وهي بتقول يا سونه يا خاين ) , عايزينها ترج المدرجات , بصي لو مش عارفه تاخدي التون بتاع الحماس ده , افتكري مثلا ان جوزك أو خطيبك عمل لاف على صورة واحده تانيه عالفيس بوك , اتخيلي الموقف , ها اتحمستي و جواكي شُحنه معينه ؟ قولي مصر بقى كده ؟.
.
- الإستاد مفهوش تكييف مركزي و 90 % من الجمهور مايعرفوش أكس و نيفيا و لو سألتيهم على ريكسونا هيقولو لك ده إسم رئيسة وزراء بريطانيا في السبعينات , وفيهم اللي جاي سفر من محافظات تانيه , مايجراش حاجه , استحملو عشان خاطر مصر .
.
- في النهايه هتبقى فيه منافسه شرسه بينكو و بين جميلات و مزز المغرب و الجزائر و تونس و حسناوات أفريقيا السُمر الجُمال , أظن كده الرساله وصلت .
..................................................................................................................
Mohamed Hussein
· 20 يونيو 2019
بالنسبالي بشوف إن عبد الفتاح السيسي مش مجرد رئيس عادي قادته الأقدار لحكم مصر , لعرش أعظم دوله في الكون , لأ , أنا بشوف إنه هدية ربنا لبلد مرت بأصعب ظروف في عصرها الحديث , أصعب حتى من فترة الحروب مع العدو الصهيوني , بشوف إنه المنقذ بالمعني الحرفي .
.
عبد الفتاح السيسي كأنه اتولد رجل دوله , مسك الحكم في توقيت مكانش ينفع فيه التراخي ولا الدلع وفي نفس الوقت مكانش ينفع فيه الغشم و لا فتحة الصدر لأن أغلب الأحداث حوالينا كانت عبارة عن حقول ألغام , أو النداهه الجميله اللي بتندهك عشان تغرقك , المرحله اللي بحب أسميها مرحلة ( المشي عالحبل ) .
.
مشكلة عبد الفتاح السيسي في المرحله دي حاجتين , حجم المؤامره الخارجيه اللي اتخطط لها من عشرين تلاتين سنه واتصرف عليها مئات المليارات و استخدمو فيها كل امكانياتهم , من ارهابيين لمرتزقه لوسائل اعلام و ميديا أجنبيه لمراكز حقوقيه لتشويه ولعب بالمصطلحات لشراء ذمم و نفوس , والمشكله التانيه كانت الجبهه الداخليه , جزء كبير كان مابين ساذج و مابين قابل للبيع بعشره دولار أو حتى بعشره لايك , و عشان تبقى رئيس لدولة عظيمه في مرحلة الطوفان يلزمك فريق عمل على نفس المستوى و هنا كانت المشكله الأكبر , القماشه الموجوده , موظفين الصف الأول و التاني و التالت , رباية مبارك , قماشه مابين فاسد مرتشي يبيع أمه بالفلوس و مابين بيروقراطي عقيم , الدنيا بتتشال و تتهبد حواليه وهو بيدور عالختم و الدمغه وفرخ الكربون .
.
أنا عايز أقول بس إني بحب الراجل ده جدا و بشكر ربنا على نعمته , و عارف إن السياسه مفهاش حب و كره و علاقة المواطن بالرئيس ماينفعش تتبني على عواطف , و مش معنى اني بحبه إني مغمض عيني و ماضي له شيك على بياض , أنا أصلا بحبه من حبه للبلد دي و إخلاصه لها.
.
المهم أنا بكتب الكلمتين اللي فوق بتوع أسامه منير دول ليه ؟ هل عشان أطبل للريس ؟ لا انا عمري ماكتبت كلام زي ده في حق السيسي , لا عمري طبلت له ولا هو محتاج تطبيل مني ولا من غيري , انا كتبتهم بالشكل الرومانسي عشان أوصّل حاجه معينه
.
إيه هي بقى الحاجه اللي عايز أقولها ؟ عايز أقول إن عبد الفتاح السيسي هيموت في يوم من الأيام , بعد اسبوع بعد شهر بعد 10 سنين ولا 100 سنه, لكل أجلٍ كتاب , ولو كنت عايش وقتها ( ربنا يبارك فيه و يطول في عمره ) هقول الله يرحمه و يصبر أهله و يصبر كل اللي بيحبوه وأنا أولهم على فراقه , و المؤكد إني هبكي يوميها لرحيله ( يابني انا بشوف مشهد جنازه عبد الناصر و دموعي تنزل مع اني ماحضرتش عبد الناصر ) , هبكي أكتر خوف عالبلد و أقول يا ترى جاهزين بالبديل و هيكون وطني جدع زيه ولا هنلاقي نفسنا في يوم من الأيام بنمجد في أردوغان و بنستقبل رئيس ايران و بنتصالح مع جماعه ارهابيه قاتله و بنبوس إيد أمير شاذ بيحكم كشك عالخليج ؟.
.
يعني هو يوم مايموت السيسي هتترحم عليه و بس ؟ أه , رغم كل حبك و إدراكك لأهميته و انه هديه ربنا و و و و ؟ أه , مش هتقول أخر الأنبياء ولا هتقول رفعه الله إليه , ولا هتتاجر بموته ؟ لا , ليه لأ ؟ عشان احنا مش قطيع , مش أفراد في تنظيم إرهابي صهيوني وثني , ماتربيناش على إننا نتاجر بالدين و نتاجر بالموت , عشان احنا بني أدمين ماتربيناش على أيات شيطانيه تشوه عقولنا و تحولنا لمجرد مسخ قبيح من يوم ما نتولد لحد مانموت .
..................................................................................................................
Mohamed Hussein
· 19 يونيو 2019
أردوغان : موت مرسي لم يكن طبيعيا , ده مات مقتول يا جدعان و عماد صاحبي مأكد لي , وانا مش هسكت , انا أطالب بتحقيق دولي و سوف أقاضي مصر أمام المحاكم , و هقوم لمرسي أكبر محامي , سوف لا أقبل و سوف لن أتزحزح , و سوف ننقب عن الغاز في شرق المتوسط .
......................
......................
سيد أردوغان
- نعم .
.
ايه رأيك تاخد لك حقل غاز في شرق المتوسط , أهو تفك بيه أزمة و تحاول تستر الليره بتاعتك اللي بقت سمعتها على كل لسان ؟
- أه هاتو لي حقل غاز و أنا أسكت , و النبي و النبي
.
طب بالنسبه لوفاة مرسي ؟
- مرسي مين ؟ انا ماعرفش حد بالإسم ده .
.
يا راجل ازاي ؟ دانت بتقول انه مات مقتول , و عماد صاحبك مأكد لك .
- بص ؟ هاتو لي حقل غاز كمان غير الحقل الأولاني و أنا أطلع عالهوا أحلف عالمصحف إن أنا اللي قتلته .
...............................................................................................
Mohamed Hussein
· 19 يونيو 2019
بطولة أمم أفريقيا اللي هتقام في مصر بعد بكره هتبقى مختلفه تماما عن أي بطوله أمم أفريقيه سابقه , مش عشان عدد المنتخبات 24 بدل 16 لأول مره , لأ , اعتقادي إن أهم سبب هو ترسانة النجوم اللي هتلعب في البطوله دي , أكتر من تلاتين أربعين لاعب بيلعبو في أكبر وأشهر الأنديه الأوروبيه , أكتر من تلاتين أربعين لاعب بيلعبو في أقوى الدوريات العالميه , الإنجليزي و الأسباني و الإيطالي و الفرنسي .
.
زمان من عشرين سنه مثلا كانت بطولة أمم أفريقيا بالكتير نلاقي فيها لاعب ولا اتنين ولا تلاته بيلعبو في أنديه أوروبيه نسمع عنها .
............................
دي مجرد قايمة مختصره لأهم عشر نجوم في البطوله بحسب القيمه التسويقيه :
1- المصري محمد صلاح، لاعب ليفربول الإنجليزي، 150 مليون يورو
2- السنغالي ساديو ماني، لاعب ليفربول الإنجليزي، 85 مليون يورو
3- السنغالي كاليدو كوليبالي، مدافع نابولي الإيطالي، 75 مليون يورو.
4- الغيني نابي كيتا، لاعب ليفربول الإنجليزي، 65 مليون يورو
5- الإيفواري نيكولاس بيبي، لاعب ليل الفرنسي، 65 مليون يورو
6- الجزائري رياض محرز، لاعب مانشستر سيتي الإنجليزي، 60 مليون يورو
7- الغاني توماس، لاعب أتلتيكو مدريد الإسباني، 50 مليون يورو
8- الإيفواري ويلفريد زاها، لاعب كريستال بالاس الإنجليزي، 35 مليون يورو
9- المغربي حكيم زياش، لاعب أياكس الهولندي ، 35 مليون يورو
10- الكاميروني اندريه أونان، لاعب أياكس الهولندي، 35 مليون يورو.
....................
ملحوظه صغيره , القيمه التسويقيه للعشر لاعبين دول بس تساوي بالمصري 15 مليار جنيه , أه 15 مليار .
...........................................................................................................
Mohamed Hussein
· 19 يونيو 2019
صباح الخير
.
مراهق بولندي عمره 19 سنه , ماعجبوش حكاية إن الأمير هاري يتجوز من ممثلة أمريكيه من أصول أفريقيه , و دخل على صفحته عالنت نشر صورة للأمير هاري جنبها بندقيه و قال ( يا خاين ل العِرْق ) .
.
طب جميل أوي , فين الخبر بقى ؟ ولا انت فاضي و مش لاقي حاجه تكتبها , مالنا احنا ومال المراهقون في بولندا و الممثلون في أمريكا و الحطابون في الجبال ؟ ممممممممم لا مانا عايز أقولك إن المراهق ده قبضت عليه الشرطه البريطانيه و اتسجن 4 سنين , ليه يعني ؟ هو كان قتل حد ؟ ولا تاجر في المخدرات ؟ تهمته ايه بقى ان شاء الله ؟ مانا قلت يا مولانا , تهمته انه نشر صوره لأمير و جنبها بندقيه و قال له يا سونه يا خاين بصوت هند رستم .
.
يعني مراهق عمره 19 سنه يتسجن 4 سنين لأنه نزل صورة أمير جنبها بندقيه و اعتبرو ان ده تهديد و ان الكلمتين اللي كتبهم فيهم عنصريه ؟ مممم اه ليه ؟
.
طب فين حرية الرأي و التعبير ؟ دانت في مصر ممكن تنزل صورة رئيس الدوله و جنبها قنبله نوويه و بعدها تنزل فيديو لطريقة تصنيع المتفجرات في البيت و بعدها بوست تحرض فيه على قتل الجنود والظباط و الجزيره تقول حرية تعبير , و هيومان رايتس واتش و مفوضية حقوق الإنسان اللي تابعه للامؤاخذه الأمم المتحده تقول معارضين و مناضلين , ورئيس فرنسا يقول مدونين , و البي بي سي تقول معارض بارز , فين حرية المدونين ؟ .
.
طب تخيلو لو مراهق زي ده اتقبض عليه في مصر في فعل مماثل , ايه هيحصل ؟ قبضو عليه و هو بيصلي , ضيعو مستقبل الشاب اللي لسه يادوب داخل جامعه , ده كان الأول على دفعته في الثانويه العامه , النظام خايف من مراهق , ربنا ينتقم منهم , و عند الله تجتمع الخصوم , حسبنا الله و نعم الوكيل .
.........................
بصو يا بني أدمين , الموت زمان كان له أشكال معينه , تموت موته طبيعيه أو تموت في حادثه أو بذبحه صدريه إلخ , بس فيه موته جديده لانج ظهرت أخر 20 سنه انتو مش واخدين بالكو منها , اسمها الموت بسبب الغباوه و دي بيموت فيها شعوب مش أفراد , لو مافهمناش هنموت , و نبص عالدنيا من العالم الأخر نلاقي أهالينا بيشحتو في إشارات مرور زي ماحصل في سوريا , أو نلاقي بلدنا فيها 40 جهاز مخابرات مقسمينها زي ماحصل في ليبيا , أو نلاقي بلدنا مش عارفين مين بيحكمها , الفرس ولا العثمانيين ولا الأمريكان زي ماحصل في العراق .
.
نقول تالت و عاشر , كل المنظمات الحقوقيه و الهيئات والحبشتكانات , كل القنوات والجرايد العالميه , بتقاريرهم و أخبارهم و سلطاتهم , كلها عرايس في إيد مخرج العرايس , كل المصطلحات البراقه بتاعة الشاب و المدونين و حرية الرأي كلها موجهه لنا احنا بس , للشرق الأوسط و دول العالم التالت , الأمم المتحده بجلالة قدرها هي مجرد عاهره على سرير اللوبي الصهيوني الأمريكي البريطاني .
.
كلمة أخيره و بالمناسبه , اللي بيموت بالغباوه مابيموتش شهيد , والجنه لا يدخلها الأغبياء ولا الحمير .
............................................................................................................
Mohamed Hussein
· 18 يونيو 2019
للبني أدمين فقط , البني أدمين و بس
.
- كلمة مواطن مشتقه من كلمة وطن , و وطن يعني حدود و تاريخ و جغرافيا و نشيد و علم و جينات و هويه و دستور و قوانين .
.
- كلمة تخابر مع جهه أجنبيه مش لازم تكون مع اسرائيل , أي دوله غير دولتك بالنسبالك اسمها دوله أجنبيه , فلسطين , قطاع غزه , السعوديه , اسرائيل , أمريكا , بريطانيا , الإمارات , بوركينا فاسو , كلها بالنسبالك دول و جهات أجنبيه , و التخابر اللي بيعني تسريب معلومات تخص الأمن القومي أو وثائق و خلافه هو التخابر , سواء كان لاسرائيل أو لفلسطين أو لأبوظبي , سواء كان اللي عمل كده اسمه الرئيس محمد مرسي أو الرئيس محمد حسين اللي هو أنا .
.
- دينا الإسلامي مش كيميا ولا لوغاريتمات , عندك جوامع بتصلي فيها ماتقفلتش من 1400 سنه ولا هتتقفل , سواء مصر حكمها السيسي ولا مرسي ولا نابليون بونابرت , و عندك شهر بتصوم فيه محدش يقدر يغيره , و عندك كبائر اجتنبها مفيش رئيس هيقولك والنبي ماتجتنبها , و لما يستعصى عليك مسأله في الدين عندك مؤسسة عريقه اسمها الأزهر الشريف و وزارة الأوقاف, صدقني مش هيقولو لك إن بر الوالدين حرام و إن الخمره حلال .
.
- و بالتالي من حقك كمواطن عاقل عدّيت أولى ابتدائي تبقى تسأل نفسك , هو ايه لازمة جماعة دولية زي الإخوان , خالطه الدين بالسياسه ؟ أيه لازمتها ؟ هتعلمك تصلي ؟ اومال كنت بتصلي قبلها ازاي ؟ والسياسه لها دروبها في العالم كله , أحزاب سياسيه مؤيده و معارضه , انتخابات , ناخب و مرشح , قولت لي بقى ايه لازمة الجماعه ؟
.
- من حقك تترحم على فلان أو علان و من حقك ماتدعوش بالرحمه , انت حر يا اخي , بس ماتشمتش في الموت , الموت نفسه له حرمه حتى لو هما بيشمتو في موتك صبح و ليل ( مانت في الأخره بتتحاسب عن نفسك), طب لو مادعيتش ل فلان بالرحمه ينفع بقى ندعي عليك و على عيالك إلهي ربنا يجيب و يحطو عليكو , عشان أصلك مادعيتش لفلان بالرحمه ؟ لا دانت كده تبقى محتاج تراجع إيمانك و محتاج كمان تراجع قواك العقليه .
.
- و أخيرا للبني أدمين و كلمتين أبرك من عشره , جماعة الإخوان عمرها 90 سنه , قتلت و حرضت على قتل ألاف المصريين و العرب ,مسلمين و مسيحيين , مدنيين و عسكريين , بسطاء و قيادات , سواء بشكل معلن ومعترف بيه أو بشكل غير معلن , و مع ذلك ماقتلوش جندي صهيوني واحد , و بالمنابسه لو عاشو ألف سنه كمان مش هيقتلو جندي صهيوني واحد , يارب الناس تفهم بقى و تطلع من كي جي 1 بالسلامه .
........................................................................................................................
Mohamed Hussein
· 18 يونيو 2019
عايزة لما أموت تتشحتف عليا جامد و تقول بطله و شهيده و قديسه و تعلى معاك فتقول مات أخر الأنبياء يا ابراهيم .
- حاضر يا يسريه , هبقى وقتها أبعت قرشين للجزيره و أردوغان و هيومان رايتس واتش و هما هيعملو اللازم و يظبطوكي .
.
طب وانت هتبقى فين يا ابراهيم ؟
- هبقى مشغول مع العروسه الجديده يا يسريه .
..........................................................................................................
Mohamed Hussein
· 18 يونيو 2019
محمد مرسي ده مات بطل
- مممممم بطل إزاي مش فاهم ؟ بطل في ايه بالظبط ؟ ده واحد بيتحاكم بتهمة التخابر , بألعن تهمه ممكن يتهم بيها مواطن , مواطن حتى مش رئيس دوله .
.
محمد مرسي ده مات شهيد
- اللي هو ازاي يعني ؟ كان واقف عالحدود ماسك سلاح بيحمي أرضنا و عرضنا و خد طلقه في صدره من العدو ؟ ولا مات في محكمه ؟ هو فيه حديث نبوي بيقول من مات في المحكمه فهو شهيد ؟
.
قتلوك يا أخر الأنبياء ( توكل كرمان الحائزه على جايزة زنوبه ست أبوها للسلام )
- بجد والنبي ؟ يعني اللي مات امبارح اسمه محمد بن عبد الله مش محمد بن العياط ؟ و على كده مين اللي قتله بقى ؟ كفار قريش ؟
.
و ما قتلوه و لكن شٌبّه لهم ( وائل أفندي قنديل البحر )
- هو محمد مرسي أمه اسمها ستنا مريم يا أستاذ وائل و احنا مانعرفش ؟ طب يا ترى ستنا مريم لسه عايشه و ممكن نروح نزورها ولا إيه النظام ؟
.
مرسي مات مسموم ( المنصف المرزوقي رئيس تونس الأسبق اللي تحس انه كان بيرضع بانجو وهو صغير, واللي بيشتغل مراسل لقناة الخنزيره حاليا ) .
.
لالا مرسي مات بحقنه بطيئة المفعول
.
لا مرسي مات بسبب اهمال طبي في الحبس .
.
لا مرسي مات بعد ما ضربوه بالمنجنيق و القنابل النوويه
.........................
.........................
والنبي يا جدعان أول ما يقولو إن السيسي قتل مرسي بخنجر و طعنه 37 طعنه وهو ساجد في المسجد الأقصى بعد ما حرره من إيد الصهاينه , و إن مرسي ده كان ربنا الأعلى , وقتها بقى لو حد بيعرف يصفّر يبقى يصفر و ينده عالجماعه إياها يقول لهم إنهم كده عدّو البراميل .
.......................................................................................
Mohamed Hussein
· 17 يونيو 2019
هو انتو اتفاجئتو ؟ بجد اتفاجئتو ؟
.
اتفاجئتو إن هيومان رايتس واتش و منظمة العفو الدوله و كل مراكز الهشك بشك بتاعة حقوق الإنسان طلعو تقرير في نفس اللحظه بعد موت مرسي بثواني بيتهمو فيه مصر ؟ هو انتو اتفاجئتو بدور المنظمات دي ؟
.
هو انتو اتفاجئتو بكربلائيات الجزيره و البي بي سي و أردوغان و اتهامهم لمصر في واحد مات قدام الكاميرات في محكمه بعد ماكان واقف على رجليه ؟
.
اتفاجئتو برد فعل شوية الصيع اللي بيسمو نفسهم يساريين اللي بطلو يترحمو على عبد الناصر و بقو يقولو على مرسي شهيد ؟
.
اتفاجئتو بالقطيع اللي خرج من نطاق الدعوه بالرحمه لمرسي و بقى بيصفه بشهيد و بنبي و بسيدنا محمد و بسيدنا عيسى ؟
.
اتفاجئتو بجماعه عمرها 90 سنه بتتاجر بدين ربنا و بتستحل الدم و الخراب و بتكدب أكتر ما تتنفس , اتفاجئتو بيهم و هما بيتاجرو بجثمان واحد منهم مات بدل مايدعو له بالرحمه ؟ مرسي لو كان عاش في أمريكا و مات على سرير هناك وسط عياله كانت نفس الجماعه هتتهم مصر و تقول على مرسي شهيد و بطل و نبي .
.
هو انتو اتفاجئتو ان النخبجيه في مصر أغلبهم كان مستني بس فرصه عشان يعبر عن ( الهيييح ) اللي جواه , و إن اللي بيسمو نفسهم علمانيين و تنويرين و بيحملو شعلة النور في بحر البطيخ , اللي لو حلة محشي اتحرقت في بيت واحد منهم لازم يتهم الأزهر الشريف , اتفاجئتو انهم عاملين من مرسي بطل ؟
......................................................................................................................
Mohamed Hussein
· 17 يونيو 2019
قناة الخنزيره عمّاله تجيب خبر موت محمد مرسي كل دقيقتين وبيقولو تغطيه مباشره كأن حدث الموت ده حدث مستمر و متواصل , طبعا اليومين الجايين الخنزيره و الجماعه الإرهابيه هيعزفو عالربابه و يخترعو قصص من الشمخ الجواني , ده قطعوه بالمنشار , لا داسو عليه بدبابه , لا ضربوه بالمنجنيق , مع إن مرسي مات في جلسة محاكمة قدام الناس كلها و الكاميرات و المحامين بتوعه , كان قاعد زي الفل و دخل في غيبوبه و مات , أمر الله يا سيدي و نفذ .
.
طب يعني نترحم عليه ؟ لا والله لساني ما قادر ينطقها , هو و جماعته مسئولين عن دم ألاف الجنود و الظباط و المدنيين , شباب زي الورد ماتو مقتولين برصاصه أو متفجرين بلغم , عالأقل هو مات موته طبيعيه لا حد قتله ولا حد عذّبه .
.
أيوه يبقى نشمت في موته بقى و نتريأ و نعمل كوميكس ؟ برضه لأ , احنا شعب اتربى على إنه مايشمتش في موت أي حد مهما كان , حتى لو هما بيشمتو في موتنا فاحنا عمرنا ما هنبقى زيهم , الموت نفسه له حرمه , و اللي مات حسابه عند ربه .
...................................................................................................................................
Mohamed Hussein
· 17 يونيو 2019
أه هنمسك علم مصر في إيدينا و احنا رايحين السينما نتفرج على فيلم الممر , و هنمسك علم مصر في إيدينا و احنا رايحين الاستاد نتفرج على منتخب مصر , و هنمسك علم مصر في إيدينا و احنا نازلين نقف في طابور الإنتخابات , والرجاله هتلبس تي شيرتات عليها علم مصر و الستات هتلبس فساتين و بلوزات بعلم مصر و هنعلق علم مصر في بلكونة كل بيت و على ناصية كل شارع و في مدخل كل حاره
.
لو المشاهد دي بتستفزك ( مشاهد علم مصر في إيد المصريين , علم مصر مش صورة السيسي ولا حاجه ) تبقى انت بالتأكيد مش محتاج أي دليل تاني عشان تعرف إنك عيل ابن وسخه خاين أو عيل ( خواجه ) مجهول النسب و الهويه .
...........................................................................................................................
Mohamed Hussein
· 17 يونيو 2019
فيلم الممر و فيلم كازابلانكا عاملين خرم في دماغ الخرفان من أول مصر لحد معتز مطر في تركيا لحد الخنزيره في قطر , خرم طويل المفعول أو يمكن طويل جدا , و مش بعيد نلاقي هيومان رايتس واتش منزله تقرير عن حالات التعذيب اللي بيتعرض لها المشاهد المصري اللي بيختفى قسريا و ياخدوه على دور السينما يفرجوه عالفيلم و يجيبوله قرطاس فيشار بالعافيه كده و بالدراع , ماهي دوله فاشيه بقى .
.
معتز مطر أبو حزقه بيتريأ على اننا عملنا فيلم عن بطولات حرب الإستنزاف , و بيقول بطولات النكسه !! , ماهو أكيد أبوه مشاركش في الحرب دي , لأن الخو* مابيجيش أبدا من ضهر راجل , و الجيش المصري مابياخدش غير رجاله .
.
معتز مطر مش عاجبه إن المخابرات و الشئون المعنويه يشرفو على فيلم حربي و يشاركو في انتاجه ؟ أومال مين يشارك يا عبقري الخرفان و قائد الحمير ؟ المجلس القومي للمرأه ولا وزارة البيئه ؟ .
.
أمريكا الدوله اللي بترعي الإرهاب في العالم و بترعى الخوا*ات في الشرق الأوسط كل مسلسلاتها و أفلامها الحربيه و اللي لها علاقه ببطولات معينه بتتم برعاية المخابرات الأمريكيه , بيحاولو يصنعو للمواطن الامريكي تاريخ وهمي , بيحاولو يصنعو أبطال حتى في المعارك اللي اتنفخو فيها و خرجو ملط , كل البطولات الأمريكيه اللي تم ترويجها كلها بطولات وهميه , أبطال من ورق , قصص من وحي خيال المؤلف .
.
الموضوع حتى خرج من كونه صناعة تاريخ و بطولات و خلقهم من العدم و وصل لمرحلة إن السينما و الدراما يكونو سلاح في إيد الدوله الأمريكيه , سلاح للتزييف و الفبركه وقلب الحقايق , زيهم زي الميديا الأمريكيه و مراكز حقوق الإنسان و القنبله النوويه , كلها أسلحه و عرايس بتلعب على نفس المسرح , من فتره شوفت حلقه من مسلسل أمريكي شهير, ولقيتهم في المسلسل ما شاء الله تبارك الله بيحاربو تنظيم داعش !! , يعني أمريكا و بريطانيا و اللوبي الصهيوني يصنعو تنظيم داعش و يوفرو له غطاء عسكري وسياسي و تدريب و دعم و خلافه و إعلامهم و الدراما بتاعتهم يقولو ان أمريكا بتحاربه , عرفتو يعني ايه توزيع أدوار ؟ يعني ايه مجالات أمريكا بتغسل فيها إيديها من جرايمها ؟ .
.
في مصر بقى عندنا تاريخ و بطولات محتاجين ألف فيلم زي الممر , بطولات حقيقيه مش هنصنع معارك من وحي الخيال ولا أبطال من ورق , عشان عمرنا ما كنا ورق , و لا عمرنا هنزيف التاريخ و نعمل فيلم نغسل فيه إيدينا من دم الشعوب .
.............................................................................................................................
Mohamed Hussein
· 16 يونيو 2019
يابني صلاح ده مش أي حد , ده راجل سره باتع , تلاقيه ماسك سناره و بيصطاد سمك في الغردقه و في نفس الوقت بيعمل اتنين أسيست يخلص بيهم الماتش في برج العرب , واللي معاه ربنا بيمشي عالمايه .
....................................................................................................................
Mohamed Hussein
. 16 يونيو 2019
· محدش هيقدر علينا أبدا , النيزك نفسه مش هيحوّق في جتتنا , طول ما احنا عندنا البنت بتدخل على صفحتها تنزّل صورة الأميره ديانا أو مارلين مونرو , و يدخل راجل مصري من أصدقائها يكتب تعليق ( الله عالجمال , ملامحك مصريه بلون الخُضره و طمي النيل و سنابل القمح ), و هي تعمل قلب و ترد على تعليقه و تقول ( ميرسي خالص , ده من ذوق حضرتك ) .
.....................................................................................................................
Mohamed Hussein
· 16 يونيو 2019
وكالة moody,s خفضت التصنيف الإئتماني السيادي لتركيا إلى درجة عالية المخاطر , B1 , و أبقت على نظرة مستقبليه سلبيه , كما أردف المتحدث بإسم الوكاله قائلا , عليا الطلاق ما مسلفين البنك الدولي ولا نيلة يا شوية بهايم .
.
في حين اعترضت الحكومة التركيه على التقرير و وصفته بأنه مسيس و أن اقتصاد تركيا يتعرض لمؤامره كونيه و مخلوقات فضائيه و أن طوب الأرض يتحرّش بالليره التركيه
.
- ممممممممم طب مش يمكن يا مولانا الليره التركيه هي اللي مشيها بطّال و بتنزل الشارع و هي لابسه الإيشي و الشفتشي ؟! ماهي يعني مش هتجيبه من بره , إقتصاد قايم الجزء الأكبر منه على الدعاره و سرقة بترول و غاز سوريا و العراق و دعم الإرهابيين و إيواء السفاحين و القتله و المتاجره باللاجئين , عايز العُمله بتاعته تعمل ايه ؟ تبيع سبح ؟!.
· 30 يونيو 2019
الحكايه باختصار
.
- ماعرفوش يحكمونا 500 سنه ولا 500 يوم حتى
- الكراكات ماغرقتش في وحل قناة السويس
- سد النهضه ماتبناش و نهر النيل مانشفش
- مرسي مش راجع
- العاصمه الإداريه ماطلعتش فنكوش
- الدولار مابقاش ب 300 جنيه و مصر مأعلنتش إفلاسها
- عملنا مشاريع اقتصاديه وبنيه تحتيه في 5 سنين ماتعملتش في 50 سنه
- حلينا مشكلة الكهربا بشكل نهائي
- عملنا ترسيم حدود وبقى عندنا حقول غاز من أكبر الحقول في العالم
- عملنا تحديث للجيش بأحدث الأسلحه عشان نحمي حدودنا و حقولنا
- مليارات قطر بنت الوسخه اللي خربت دول تانيه جت عندنا و طارت
- الجزيره لسه بتقول شاهد عيان و قالت مصارد , يعني لسه قالعه ملط
- عبد الفتاح السيسي بقى رئيس الإتحاد الأفريقي
- أردوغان بيجيب سيرة السيسي 7 مرات يوميا و هو مش معبره في الجزمه
- اقتصاد مصر بيقوى و يقف على حيله و اقتصاد تركيا بيتشألب بتويتة من ترامب
- عمر البشير اللي حول السودان لشخشيخه في إيد الكشك الخليجي غار في داهيه
- مصر بقى لها رجل و إيد في السودان و ليبيا و بتحدد و بتقرر
- بننظم بطولة أفريقيا من قبلها ب 4 شهور بس و مستعدين لتنظيم كاس العالم
- الخرفان و شمامين الكوله اللي كانو متداريين اتكشفو و اتفضحو للكل .
- عبد الناصر مات من نص قرن ولسه سيرته بتؤرق مضاجع الخرفان و الخونه .
- الأزهر و الكنيسه استعادو دورهم تاني , عمودين مهمين جدا من عمدان المعبد
- جيشنا خرج من معركته ضد الإرهاب أقوى بكتير من الأول عشان القاعده بتقول , الضربه اللي ماتعرفش تموتك بتقويك .
.....................................................................................................................
Mohamed Hussein
· 30 يونيو 2019
زي النهارده من 6 سنين , كنت في أجازه من السعوديه و قاعد في البلد , أمي الله يرحمها عرفت إن فيه ثوره و كانت بتخاف علينا أوي , لقتني بركب العربيه أنا و البنات , رايح فين يا محمد ؟ رايح أزور واحد صاحبي يامه , اوعى يابني تكون رايح المظاهرات , لا طبعا هو انا مجنون ولا كنت مجنون , و بس يا سيدي , كدبت على امي و خدت البنات حضرنا اعظم ثوره في تاريخ مصر الحديث , ركنت العربيه عند مستشفى التأمين الصحي اللي في مدخل المنصوره عشان مكانش فيه مكان تمشي فيه عربيه ولا حتى موتوسكل , ومشينا وسط الناس من أول مستشفى التأمين الصحي لحد مبنى المحافظه و كورنيش النيل , العماير عالجانبين مفهاش صريخ ابن يومين , فيها علم مصر بس متعلق في كل بلكونه , والبشريه كلها , أساتذة جامعه و عمال و فلاحين و موظفين و شباب و أطفال في الشارع , مليون بني أدم من البلد اللي أسرت لويس التاسع ملك فرنسا مش هيغلبو أكيد مع مرسي بن العياط سكرتير المرشد .
.
من أجمل المشاهد اللي شوفتها في اليوم ده في الطريق , مشهد راجل راكب تريسكل و مراته و عياله قاعدين في الصندوق ورا و رافعين علم مصر و شكلهم جايين من مكان بعيد , و مشهد اتنين ظباط واحد جيش و واحد شرطه سايقين عربياتهم , لقينا الطريق مقفول قدام قريه قبل مانوصل المنصوره , اهل القريه قفلو الطريق و حالفين طلاق بالتلاته ماهيتفتح الطريق ده إلا مامرسي يمشي , طب نعمل ايه يا جدعان ؟ قالو تلفو و ترجعو و تدخلو من طريق تاني أطول ييجي نص ساعه , الغريبه ان كلنا ضحكنا و لفينا و رجعنا و مشينا في طرق مايعلم بيها إلا ربنا عشان كنا مبسوطين , و أولنا ظابط الجيش وظابط الشرطه , ماحنا برضه بنفهم في الأصول و مايهونش علينا الوليه تتطلق و نوقّع يمين الراجل .
...................................................................................................................
Mohamed Hussein
· 29 يونيو 2019
ماتفاجئتش أبداً بالعلاقه بين اليسار المصري و الجماعه الإرهابيه , العلاقه بدأت من سنين و تطابق في المواقف بيصل لحد إنها تكون نسخه بالكربون , ماتفاجئتش عشان من 2012 عرفت الحكايه , و الحكايه و ما فيها إن مخرج العرايس اللي شغال في الشرق الأوسط بيجيب الإرهابي ينططّه عالمسرح ويجيب اليساري ينططه , كل واحد فيهم بيحب يتنطط بشكل معين و بشوية شعارات معينه , و المخرج أستاذ في تنطيط القرود , في البدايه بس بيعزلهم بستاره عشان محدش فيهم يشوف التاني , و بعد شوية الستاره بتقع و بيكتشف اليساري و الإخوانجي الإرهابي إنهم بيتنططو على نفس المسرح و بيشتغلو لحساب نفس القرداتي .
.
أه و لما بيكتشفو إنهم بيتنططو و بيشتغلو لحساب نفس القرداتي بيعملو إيه ؟ ولا حاجه يابني , بياخدو بعض بالحضن لأنهم رفقاء الميدان زي مانت عارف , و ممكن الحكايه تسخن معاهم و يشوفو لهم أي خرابه يتدارو فيها و بعدين يرجعو يكملو تنطيط , وسط تصفيق حاد و مزمن من القرداتي و إعلامه و مراكزه الحقوقيه , ده مش بعيد يكون هو اللي بيوفر لهم الخرابه و المُكنه .
.......................................................................................................................
Mohamed Hussein
· 29 يونيو 2019
يابني مش مرسي هو أخر الأنبياء , و ما قتلوه ولكن رفعه الله إليه ؟ طيب ماهو يبقى أبو تريكه بالتبعيه هو المهدي المنتظر , دي معروفه و موجوده في كل الكتب و المراجع و الجرانين وستوديوهات الجزيره بس انت اللي مابتقراش و مش متابع , أقولك التقيله بقى ؟ حسام حسن و ابراهيم حسن هما يأجوج و مأجوج عشان شبه بعض , وأنا ريتشارد قلب الاسد ملك بريطانيا و كبير مشجعي مانشستر يونايتد
...............................................................................................................
Mohamed Hussein
· 29 يونيو 2019
ميليشيات المرتزقه بتوع حكومة الوفاق و الإرهابيين في ليبيا لما اتنفخو من الجيش الوطني الليبي كان لازم يستدعو الجيش التركي يتدخل بشكل مباشر بدل حكاية تهريب الأسلحه دي , ماهو اللي بيتكسف من بنت عمه مابيجيبش منها عيال , بس على الفور كان رد الجيش الوطني الليبي حاسم و حازم , أي تركي على أرض ليبيا معرض للإعتقال والقتل , أي سفينه تركيه في المياه الإقليميه لليبيا هتتعرض للضرب , أي طياره تركيا في أجواء ليبيا هتتعرض للتدمير .
.
أردوغان أبو رياله فاكر إن ليبيا هتبقى زي سوريا والعراق بعد ماجيوشهم انضربت و وقعت و تخيل إنه هيعمل نفسه دكر في ليبيا , و ناسي ان ليبيا دوله حدوديه لمصر و إن أمنها القومي من أمننا القومي , يعني هنحط عليه هو و بنت عمه اللي اسمها حكومة الوفاق وبقية الإرهابيين , و هنجيبهم ملط من عالسرير .
...............................................................................................
Mohamed Hussein
· 28 يونيو 2019
هنفهم امتى ؟
.
- لاعب في معسكر منتخب في بطوله بيمثل فيها بلده يعني لابس أغلى تي شيرت ممكن يلبسه في حياته , المعسكر يعني الانضباط , بره المعسكر و أخلاقك و حياتك الخاصه لا تعنيني , لكن عشان تروح تمثل 100 مليون و تاخد شهره و دعاء ملايين و أحلامهم تبقى قد المسئوليه او تعتذر عنها من البدايه , وانا هنا مش بتكلم عن نواحي اخلاقيه , بتكلم عن انضباط بمعناه الشامل , يعني ماينفعش تسهر لوقت متاخر حتى لو كنت بتلعب جيمز عالموبايل .
.
- معسكر منتخب زي ماكان بيحصل أيام الجوهري و ايام حسن شحاته , يعني نوم في ميعاد و صحيان في ميعاد و أكل في ميعاد و فترة ترفيه ولاعيبه يتجمعو مع بعض حتى وهما بيتفرجو على حاجه كوميديه , يعني روح معنويه و محبه تسود بين الفريق , معسكر يعني لا نت ولا انستجرام ولا تويتر ولا صور سيلفي ولا ضيوف و محاسيب طالعين نازلين , ده يبقى اسمه جُرْن الهبله .
.
- هنفهم امتى ان مصر تحديدا مستهدفه من قناة الخنزيره و من خرفان تركيا و من أبو فتيكه الارهابي و من الميديا الأمريكيه و البريطانيه , و كلهم بيقعدو لك على غلطه , و بالتالي لو غيرك لازم يكون حذر مره فانت لازم تكون حذر ألف مره .
.
- هنفهم امتى ان مشاهير كتير في عالم الكوره اتهمو بالتحرش واترفع عليهم قضايا (و أولهم كرستيانو رونالدو ) بس لا اتهاماتهم طالت أنديتهم ولا منتخبات بلادهم عشان ببساطه مفيش خرفان و خنزيره و جرايد عالميه قاعدين لهم عالسقطه واللقطه .
.
- هنفهم امتى ان هاني ابو ريده وكل الشله دي اسمهم مجتمع مدني , وفيه زيهم كتير في كل المجالات , عشان بس الصيع اللي قرفونا بحكم مدني و مجتمع مدني و هباب أزرق , لا انضباط ولا مسئوليه , لا مسئوليه ولا انضباط , ولا حد بيفكر في اسم البلد و سمعتها و لا حد في دماغه ان كلاب السكك مستنيين لها عالواحده من سنين , الحكايه كلها إيد مرتعشه و سبوبه و كله بيسترزق .
.
- أتمنى مصر تفوز بطولة أفريقيا و 100 مليون مصري يفرحو و أنا أولهم , و أتمنى كمان ان بعد البطوله مباشرة تدريب منتخب مصر يتولاه مدرب زي حسن شحاته , بيعرف يعمل معسكر و يدّي اللاعيبه بالجزمه لو مالتزموش , أتمنى كمان يكون فيه إشراف حتى لو مش بشكل رسمي من المؤسسه العسكريه على اتحاد الكوره , أه يافندم انا عايز ظابط مخابرات مصري يدّي التعليمات لهاني أبو ريده ولشوبير و يعلمهم ازاي يبقو مصريين و يعرفو قيمة بلدهم , يعلمهم يعني إيه انضباط و مسئوليه , مش بقولك يحط تشكيل منتخب و يقول مين هيقف جون و مين راس حربه .
.
أخيرا , كابتن محمد صلاح نجم مصر عبر تاريخها , محبتك في قلوب المصريين بتيجي في المرتبه التانيه بعد عبد الفتاح السيسي مباشرة , لو سمحت من فضلك خليك فاكر انك لاعب , ماتدخلش نفسك في قرارات إداريه , خليك ليدر في الملعب عشان تحقق حلم ال 100 مليون , لو سمحت من فضلك ماتديش فرصه لإرهابي صايع هربان انه يزايد عليك و علينا و يعمل نفسه شيخ جامع .
...............................................................................................................
Mohamed Hussein
· 26 يونيو 2019
ستاد أفريقيا , مصر 2019
.
معنا و معكم المحلل الرياضي الغني عن التعريف و الخبير المستكاوي الكبير في شئون الخطه و التشكيل و الكورنر و الأوفسايد محمد حسين اللي هو أنا
.
من وجهة نظري المتواضعه التي لا قيمه لها و بعد مباريات الجوله الأولى نقدر نقول التالي
.
1- مباريات الجوله الأولى مش دايما بتبقى مقياس لمستوى الفرق , يعني النتايج فيها بتبقى خدّاعه شويه , فيه فرق كتير بتعلى مع الماتشات و فرق تانيه بتقع على جدور رقبتها .
.
2- منتخباتنا العربيه مالهاش شمخه أوي , فيما عدا منتخب مصر ( عشان أنا مصري بس و أي حاجه تخص مصر ببقى ماعنديش ضمير فيها ) , تونس و الجزائر و المغرب توقعنا انهم يظهرو بشكل أفضل بس ممكن يعلو مع الماتشات , موريتانيا كتر ألف خيرها لأنها أول مره تشارك في بطولة أفريقيا و أصلا جايين من غير حارس مرمى .
.
3- غانا مش هتمشي كتير في البطوله دي , يعني لن تذهب بعيدا , بيعتمدو عالاتنين عيال ولاد عبيدي بيليه لكن الفريق نفسه عنده مشكلة استدعت تدخل رئيس الدوله و يتحايل على فلان انه يشارك و علان انه يتنازل لترتان عن شارة الكبتنه .
.
4- المنتخبات اللي شوفتها تقيله و بصراحه ممكن تكون تقيله أوي علينا و أتقل من ميريام فارس شخصيا , هي منتخبات السنغال و مالي و الكاميرون , مش عارف لو قابلنا السنغال في النهائي الواد ساديو ماني هيباصي لصلاح ولا هيتأنى كعادته الهباب .
.
5- كوت ديفوار , منتخب الأفيال , من بعد ديديه دروجبا و هما لا بقو أفيال ولا نيله ولا محصلين معيز حتى , و الفريق ده اخره يروح يصطاد سمك في الغردقه أو يصطاد بط في الفيوم .
.
6- فيه كذا فرقه ممكن يكونو الحصان الإسود في البطوله دي , منهم أوغندا و بنين و حتى مدغشقر , و إجمالا ممكن نقول إنها أقوى بطولة أفريقيه في تاريخ القاره السمراء و من دور ال 8 هنشوف بعنينا مستويات أوروبيه و هتبقى فيه حرب عالميه تالته على ملاعب مصر المحروسه .
.
7- طبعا أي تغيير في مستويات الفرق و أي مفاجئات عكس اللي مكتوب فوق لو حصلت هرجع للبوست ده و أحذفه وانتو اعملو انكو مش واخدين بالكو , وهو الصاحب له عند صاحبه ايه ؟ غير بوست يكتب فيه تحليلاته اللوذعيه و صاحبه يقول له الله عليك يا فخر العرب , و بعد شويه يحذف البوست و صاحبه يعمل انه مش واخد باله .
................................................................................................................
Mohamed Hussein
· 25 يونيو 2019
إحنا اتغيرنا أوي يا لينا و ذوقنا بقى في الحضيض , زمان أيام ما كانت الناس بتفهم كان لاعبي المنتخب لما يحبو يتحرشو بواحده ست يتحرشو بهياتم , دلوأتي ظهر جيل لا يمثلنا على الإطلاق ولا يمثل نبت الأرض الخضره , بيتحرشو ببنت أنا شخصيا فيا أنوثه عنها , بالك يا لينا لو كانو مثلا اتحرشو بصور نرمين الفقي كنت قلت معذورين , إنما كده مالهمش عذر و أنا أطالب بطردهم من معسكر المنتخب عقابا ليهم , مش عشان اتحرشو , لا , عشان ذوقهم زباله , وهو اللاعب لما يكون ذوقه زباله هيعرف يجيب جون ولا يعمل أسيست عليه القيمه ؟ لا طبعا , ولا عمر ربنا هيكرمه أبدا .
.........................................................................................................
Mohamed Hussein
· 25 يونيو 2019
روسيا تنظم كاس العالم و تبدأ تجهز من قبلها بسنين ؟
- دوله عظيمه و حدث عظيم و مكاسب لا حصر لها .
.
مصر تنظم بطولة أفريقيا و تجهز قبلها ب 4 شهور ؟
- بيلهو الشعب بالكوره .
.
روسيا تعمل حفل افتتاح رائع ؟
- دوله متقدمه و حفل الافتتاح أكبر دليل .
.
مصر تعمل حفل افتتاح أروع و بإيد شباب مصر ؟
- مصاريف عالفاضي و بهرجة كدابه .
.
جماهير روسيا تنضف المدرجات بعد الماتش ؟
- شعوب متحضره .
.
جماهير مصر تنضف المدرجات بعد الماتش ؟
- تقليد أعمى و ناس عايزه تتصور .
.
الروس و الألمان و كل جنسيات العالم يعلقو علم بلادهم على عربيتهم ؟
- شعوب عندها انتماء و بتفخر بوطنيتها .
.
المصريين يعلقو علم مصر على عربيتهم ؟
- معر*ين و طبالين وعبيد .
.
مصر تفوز بماتش أو ببطوله ؟
- بتفرحو إنتو بالهيافات
.
مصر تخسر ماتش أو بطوله ؟
- يا فضيحتك يا ماااسر .
.........................................
اللي فات ده باختصار دورة حياة الكائن الكولجي الجميل من أول مابيصحى لحد ما بينام , من يوم مابيتولد لحد مابيموت , شجّعوه بقى و النبي و قولو له إن عقله ألماظات و إنه سابقنا بمليون سنه ضوئيه عشان هو بيحب الحته دي أوي , أو بلاش تشجعوه , دوسو على دماغه بالجزمه ولو قال أي , قولو له سوري احنا كنا فاكرينك مجرد صرصار .
.................................................................................................................
Mohamed Hussein
· 24 يونيو 2019
سامح شكري : "ليس هناك تنازل عن حبة وذرة رمل من أراضي سيناء التي استشهد من أجلها العديد من المواطنين المصريين الشرفاء دفاعا عنها وسعيا لاسترجاعها"
.
مممممم يا عم و انت إيش فهمك إنت ؟ هتفهم أحسن من الخنزيره و الخرفان و شمامين الكوله و أم نحمده بتاعة الكرشه ؟ دانت حيالله وزير خارجية مصر .
............................................................................................................
Mohamed Hussein
· 24 يونيو 2019
العيل اللامؤاخذه بيجيب لأهله اللعنه
.
من يوم موت مرسي وانا ملتزم إنه لا شماته في موت أي حد لأن الموت نفسه له حرمه , أصدقاء كتير جدا زعلو مني و قولنا ماشي , مش مشكله .
.
من يوميها والجماعه و صبيانها و الجزيره و أردوغان كل واحد فيهم بيعلى والتانى يعلى عليه كأنهم في مسابقة التعليق الأكتر نطاعه , لا ده اخر الأنبياء , لا ده سيدنا عيسى , لا ده موسى , لا ده انا شوفته في المنام بيصلي بالأنبياء , و شوية حاجات كده تخلي إبلس الرجيم ذات نفسه يستعيذ بالله من شرهم .
.
قولنا ماشي , بتوع كربلائيات و تجار دين من يومهم , و للدين ربٌ يحميه .
.
شويه و الموضوع قلب على كوميدي , و أبويا الشهيد قتلوه من 7 سنين و أبويا الشهيد كان وشه زي البدر و النعش طار بيه , و أبويا الشهيد كان صاحب خطوه وبيمشى عالحيط و فكروني بهاني رمزي في فيلم أبو العربي لما كان كل شويه يقول انت ماتعرفش أبويا الشهيد عمل ايه , برضه ماشي .
.
أما إن ابن مرسي ييجي النهارده و يقول ( أبي مات فداء للوطن و دفاعا عنه !! ) , لا هنا ستوب بقى , تقف عوج و تتكلم عدل , اهري في الدين و تاجر بيه براحتك عشان في الأخره هتتنفخ , مارس كربلائياتك و ألف قصص براحتك , انما عند كلمة الوطن و ستوب .
.
أبوك يابن مرسي زي أي عضو في الجماعه الإرهابيه الدوليه , مايعرفوش أصلا يعني ايه وطن , انتو مش أنا اللي اخترعتو حكاية ( الحدود تراب ) و مرشدكو مش انا هو اللي قال ( الوطن حفنه من تراب عفن ) .
.
انتو مش انا اللي جبتو عناصر حماس لمكتب الإرشاد بسلاحهم كأننا في طابونه مش في وطن , انتو مش أنا اللي حاصرتو المحكمه الدستوريه اللي هي أعلى جهه قضائيه في الوطن , انتو مش انا اللي خليتو رئيس مصر لأول مره في تاريخها يكون مجرد سكرتير لمرشد يعني مجرد أوفيس بوي .
.
و أخيرا , أبوك الشهيد يابو العربي مماتش في الجبهه و هو بيحارب العدو الصهيوني ( قصدي الصديق الوفي) , أبوك مات و هو بيتحاكم بألعن تهمه ممكن يُتهم بيها مواطن ( مواطن مش رئيس دوله حتى ) , التخابر مع دوله أجنبيه , يعني خيانة الوطن , يعني لو كلب جربان مسعور مات في الشارع تحت عجل عربيه ممكن واحد قلبه يرق من ناحيته شويه , إنما تخابر ضد الوطن و تموت عليه تبقى ماحصلتش كلب مسعور جربان مات تحت عجل عربيه
.
مانت اللي بتعصبني يا مولانا و تخلّي الواحد لسانه يطول , قولنالكو حاولو تبقو بني أدمين ولو مره واحده في حياتكو , البني أدم لما بيموت له عزير بيبكي عليه و يحزن و ممكن يمتنع عن الأكل و يقفل بابه و يدعي له و يعمل له عمره أو يطلب من الناس يدعوله بالرحمه ويعمل له صدقه جاريه ( مش يألف قصص و حواديت و يزيّف الحقايق و يخترع بطولات وهميه و يطلع في قناة الخنزيره كل يوم و كل ساعه كأنه فرح بنت العمده ) , إنما نقول ايه بس , طبع الوساخه فيكو غالب , بتتاجرو بكل حاجه , حتى بالموت .
..............................................................................................................
Mohamed Hussein
· 24 يونيو 2019
يابني القلوب اللي عالصور و الدباديب و اللاف و الهيييح تعملها هناك في إنستجرام , احنا هنا في الفيس بوك بنهري وننكت و نتشألب في قضايا كوكب الأرض و المجموعه الشمسيه و درب التبّانه من أول عيوب مشابك الغسيل وفوايد اللبان الدكر لحد العلاقات الدوليه و القنبله النوويه و أسباب إنهيار الإتحاد السوفيتي , و نقعد نعجن براحتنا بقى , ماتيجي تعجن معانا ؟ اتفضل والله .
.............................................................................................
Mohamed Hussein
· 23 يونيو 2019
لما تيجي الحتة بتاعة إن أردوغان يمسك ميكروفون ( بعد مايكون أنقذ شاب من الانتحار طبعا وبعد مايكون جاب سيرة السيسي سبعتاشر مره ) و يقول إن خسارة بلدية اسطنبول سببها إن أنصار حزبه متأثرين بموت مرسي و عاملين حداد عليه و ممتنعين عن المايه و الزاد و الويسكي محدش يبقى يصحيني والنبي .
.
و لما تيجي الحته بتاعة ان خسارة بلدية اسطنبول سببها حرب على الإسلام و يقولها و هو راكن ضهره على 40 ألف بيت دعاره محدش يصحيني برضه .
.
ولما تيجي الحته بتاعة إن خسارة اسطنبول سببها مؤامره من فتح الله جولن و أمريكا و هو راكن مؤخرته على اكبر قاعده عسكريه أمريكيه في الشرق الأوسط محدش يصحيني .
.
أما بقى لما تيجي الحتة بتاعة , مش مهم خسارة انتخابات و شعبيه , أهم حاجه الإقتصاد والراجل مايعيبوش غير جيبه و إننا مسلفين البنك الدولي ابقو صحوني في الحته دي عشان بحبها أوي .
...............................................................................................................
Mohamed Hussein
· 23 يونيو 2019
أحكي لكو حكاية لذيذه اوي
.
في انتخابات بلدية اسطنبول من كام يوم مرشح الحزب بتاع أردوغان سقط , أردوغان حاول يزوّر الحكايه ماعرفش , قال يعيد الفرز و برضه مفيش فايده , ملقاش حل غير إنه يعيد الانتخابات دي من تاني
.
بعدها كرّس أردوغان جهوده و مجهوداته الجباره لدعم مرشح الحزب بتاعه , و تفتق ذهنه عن حاجه جميله اوي ( مانتو عارفين إنه أذكى اخواته ) , قال للشعب التركي في مؤتمر انتخابي , انتو هتنتخبو المرشح بتاعنا ولا هتنتخبو عبد الفتاح السيسي ؟ لو انتخبتو مرشح المعارضه هتبقو بالظبط كأنكو انتخبتو السيسي , قال يعني بيسخّنهم و كده , قام الأتراك النهارده انتخبو مرشح المعارضه برضه , يعني انتخبو السيسي .
.
طب أقسم بالله أن بقيت أعذر بهلول اسطنبول لما ألاقيه بيجيب سيرة السيسي خمس ست مرات كل يوم و يجيله تهيؤات ان السيسي لابد له تحت السرير و بيطلع له في المنام و ينزل له من الحنفيه .
.
ألف مليون مبروك لفخامة الرئيس عبد الفتاح السيسي الفوز برئاسة مصر و رئاسة بلدية اسطنبول .
..............................................................................................................
Mohamed Hussein
· 23 يونيو 2019
ميريام فارس : انا كبرت و صار أجري أكبر و بالتالي صرت تقيله على مصر , عشان كده مش بتلاقوني كتير هون !! .
.....................
عزيزتي ميريام فارس , مصر بتسلم عليكي و بتقولك ماتجيش تاني عشان انتي بقيتي تقيله أوي واحنا عندنا الغضروف و ماشيين بالعلاج , بقولك صحيح , تسمعي أكيد عن واحده اسمها أم كلثوم ؟ أهي أم كلثوم دي كبرت و كبرت و كبرت و كبرت و تقلت و تقلت أوي و تقلت جدا و تقلت خالص لحد مابقت كون و ملكوت بحاله , و بقت تتعامل معاملة الملوك و رؤساء الدول حتى في أوروبا , و مع ذلك ماطرشتش كلمتين زي بتوعك دول , الله يرحم بقى زمن العمالقه و ينجينا من زمن الصراصير والأبراص اللي بفرشتين دوكو وشوية بوتكس و شوية سيليكون بقو يسمو نفسهم مطربين و نجوم .
..........................................................................................................
Mohamed Hussein
· 22 يونيو 2019
- هما عصابة و احنا دولة .
- عمرهم ماهيكونو زينا ولا هنكون زيهم , احنا طرفي نقيض , من أقصى إلى أقصى
- الفرق بينا مش شعره ولا خطوتين ولا حتى فدان , الفرق بينا كون و ملكوت بيسبح بحمد الله و 10 ألاف سنه و تاريخ و حضاره و أهرامات و معابد و جرس و أدان .
- هما بيلبسو أطفالهم أكفان عشان يتاجرو بيهم و احنا بنلبس أطفالنا تي شيرت مصر عشان نعلمهم الإنتماء .
- هما بيزرعو جوه عيالهم الموت و احنا بنزرع جوه عيالنا الحياه .
........................................................................................................
Mohamed Hussein
· 22 يونيو 2019
- قتلناك يا أخر الأنبياء
- و ما قتلوه ولكن شٌبّه لهم ... رفعه الله إليه
- رأيت مرسي في المنام يصلي إماما بالأنبياء و يوزع عليهم الحلوى .
- كشفت عن وجه مرسي عند دفنه فإذا هو كالبدر و رأيت جثة عاكف سليمه كيوم دفنه
- النعش كان طاير بجثة الدكتور محمد مرسي .
- مات محمد مرسي كليم الله
- لاعبو المنتخب لم يقدمو الأداء المطلوب حدادا على موت مرسي
- وقف الصحفي الاسرائيلي وقال له ها انا عدت يامرسي كما عدنا ياصلاح الدين .
- ما حدث لصوت السيسي بالأمس هو عقاب من الله بعد ما فعله بالدكتور مرسي
Mohamed Hussein
· 22 يونيو 2019
بعد مستوانا النهارده , لو عايزين نوصل لدور ال 8 فاحنا محتاجين شوية تركيز و شوية تحرك بدون كوره وشوية تفاهم مع صلاح و شوية استقتال في الملعب , أما بقى لو عايزين نفوز بالبطوله فاحنا محتاجين الخاله نوسه و جامايكا و سيد الجن و شمهورش و كل الساده الأفاضل عفاريت شبراخيت .
...................................................................................................................
21:Mohamed Hussein
· 21 يونيو 2019
حفل افتتاح أقل ما يقال عنه إنه عالمي , معجزه اننا نجهز بالشكل ده و نجهز ملاعبنا و حفلنا و فنادقنا و طرقنا في 5 شهور , دي لوحدها معجزه .
.
أكتر من 75 ألف مصري في ستاد القاهره , أغلبهم لابس تي شيرت المنتخب أو حاجه بعلم مصر , بنات و ستات و أطفال و شباب و رجاله , عائلات و أسر و شلل أصحاب , الأجمل بقى إنك ممكن تلاقي منهم ألاف مايعرفوش حاجه عن الكوره ولا يعرفو الفاول من الأفسايد , بس رايحين يشجعو منتخب بلدهم , منتخب مصر, عشان تنظيم البطوله بيتحسب لمصر , و الفوز بيها بتحسب لمصر , بيتقال مصر فازت كام مره , مصر نظمت البطوله كام مره , لا بيتقال هاني أبو ريده نظم ولا بيتقال حسن شحاته و أجيري فازو , و لا بيتقال الخطيب و محمد صلاح , بتتقال مصر .
.
ستاذ القاهره كامل العدد من ساعتين فاتو , و 100 مليون مصري قدام الشاشات و عالقهاوي قاعدين مستنيين , هو انا مش غاوي فلسفه و فزلكه بس عايز أقول لكو , مشهد الناس في الاستاد و عالقهاوي , عشان يشجعو منتخب بلدهم بحماس , مشهد العلم و التي شيرت , المشهد ده اندفع عشرات المليارت عشان مايبقاش موجود , ولاد الحرام صرفو كتير أوي عشان يحاولو بس يضربونا في النقطه دي , قنوات فضائيه تتفتح و تشويه و سخريه من اسم مصر ليل و نهار , وجرايد و اعلاميين و مرتزقه و صيع و صفحات فيس بوك .
.
النهارده بقى يوم من الأيام المشهوده اللي بنبعت لهم فيها الرد , و رساله من كلمتين , فلوسكو دي تعتبروها بضاعه أتلفها الجهل , الجهل يا بهايم , الجهل بطبيعة الشعب المصري , الوطنيه و الإنتماء دي هويه و جينات , الإنتماء ده طبع و طابع و مطبوع , طبع فينا و طابع علينا و مطبوع جوانا .
....................................................................................................................................
Mohamed Hussein
· 21 يونيو 2019
لو عايزين تضحكو قبل مانركز في حفل الإفتتاح و ماتش مصر , تعالو أحكي لكو حدوته كوميديه أوي و ممله جدا في نفس الوقت عشان اتهرست في ألف فيلم قبل كده
......................
الجماعه بتوع دولة الفرس وقّعو طياره بدون طيار من طيارات الخواجه أبو برنيطه , ده طبعا من غير مالخواجه يعرف ولا كانو متفقين سوا ولا حاجه , ماهو انتو اكيد عارفين ان بتوع دولة الفرس أعداء لدودين لبتوع أبو برنيطه و بتوع نجمة داوود , و مقطعين هدوم بعض و مجرجرين بعض في المحاكم و الأقسام و دخلو في حروب ضد بعض عددها 5673 حرب من نوعية الحروب التي لا يراها إلا المؤمنون .
.
المهم , الجماعه بتوع دولة الفرس قالو احنا شوفنا طيارتين , طياره مفهاش بني ادمين و طياره فيها 35 بني أدم و معاهم عيل صغير كان قاعد على حجر أمه ( اه هما عدّوهم باستخدام الأشعه فوق المحشيه ) , و عشان احنا قلبنا قلب خسايه و إحساسنا مرهف وقّعنا الطياره اللي من غير بني أدمين , أظن كده عدانا العيب و أزح .
.
الخواجه أبو برنيطه بقى إتشال و اتهبد و قال لن أقبل ولن أتزحزح و قام عامل بإيديه كداهو , و وفود تروح و وفود تيجي , و يجيبو وسطاء و يجيبو ناس كبار و يجيبو شاي و ويسكي و يعملو قاعدة عرب , و يا ستي يهديكي يرضيكي , أبدا , لا يمكن , يا مولانا عيب مايصحش , قلت لكو هضربها يعني هضربها , وبس يا سيدي , و عليها العالم كله حبس أنفاسه , كلهم في نفس الوقت شربو معسل و حبسو الأنفاس جوه لحد مايشوفو هيحصل ايه .
.
و قبل مالخواجه أبو برنيطه يوجه ضربته بدنشه واحده , دنشه واحده بس , قام تراجع عن قراره تاني , و لما الناس و الصحفيين و البيزنطيين سألوه ماضربتش ليه يا خواجه ؟ قام هو تقمص دور عبد الوارث عسر و كمال أبو ريه مضروبين في خلاط واحد , و اغرورقت عيناه بالدموع حتى ابتلّت سجادة البنتاجون , و قال لأني عرفت إن الضربه بتاعتنا لدولة الفرس كان ممكن تتسبب في مقتل 15 بني ادم , وانتو عارفين إني راجل بتاع ربنا ولا يمكن أشيل في رقبتي دم خمستاشر بني أدم , هقول لربنا إيه يوم الحشر العظيم ؟!
.
و كمل الخواجه كلامه و قال , احنا دولة البرانيط يا جدعان يعني دولة حقوق الإنسان و العصافير الكناريا , يعني الشفافيه والمصداقيه و الديموقراطيه و البطيخ اللي من غير بذر, ولا عمرنا قتلنا ملايين العرب و لا ملايين من دول العالم , و لو مش مصدقيني اسألو كلينتون و بوش الأب و بوش الإبن و بوش الجد الكبير , اسألو العراق و أفغانستان والصومال و سوريا و هيروشيما , عشان بس تعرفو إن البيت الأبيض ده طاهر و هيفضل طول عمره طاهر .
................................................................................................................
Mohamed Hussein
· 21 يونيو 2019
في نفس المكان ده حضر محمد مرسي احتفالات نصر اكتوبر , عزم أهله و عشيرته اللي منهم عاصم عبد الماجد و طارق الزمر , عزمهم عشان يحضرو احتفالات نصر اكتوبر العظيم , النصر اللي بعد كده قالو لأنصارهم يبقو يقولو عليه هزيمه و يتريأو .
.
المشهد ده لوحده كان كفيل بالنسبالي كمواطن مصري لعزل مرسي و جماعته إلى الأبد , ماينفعش أجيب قتلة السادات يحضرو احتفال بنصر اكتوبر اللي قاده السادات , اللي هو البطل الشهيد .
.
و تمر الأيام و تروح أيام وتيجي أيام و سبحانك يارب , في نفس المكان مصر تنضّف الملعب و الكراسي و المدرجات و الأسوار من الدنس , و تنظم بطولة أفريقيا , اللي هي بإذن الله هتكون أعظم بطوله في تاريخ القاره السمراء .
.
لما تعيش حياتك كلها و تعيش 90 سنه في كدب و تأليف و تزييف و فبركه و كربلائيات و تشويه و تجاره بالدين و تجاره بالموت و تجاره بالدم و قتل و حرق و تخريب و إرهاب و تكفير تأكد ان مصيرك المحتوم من رب العزه هو ده , التشتت و التيه و التقزم و استجداء عطف اللئام في البلاد اللي انت بتقول عليها كافره , تأكد ان مصيرك المحتوم هو أن تضيق عليك الأرض بما رحبت , عشان ببساطه شديده انت ممكن تخدع شويه عيال جهله و تعبي دماغهم سباخ و أيات شيطانيه , لكن المؤكد إنك مستحيل هتعرف تخدع ربنا سبحانه و تعالى .
.
#مصر_بتفرح
#مصر_بتحتفل
#شجع_مصر
..........................................................................................................
Mohamed Hussein
· 21 يونيو 2019
والنبي يا جدعان عشان ربنا يكرمنا و البطوله تنجح و تليق بإسم مصر , فيه معلّق مش فاكر اسمه , هو بيقعد يقول خافير أجيرّرّرّي , ويشد في الراء لحد ما تتقطع في إيده , و برضه بيعطش الجيم بتاعة بتروجيت لحد ماتموت من العطش و بيحب يرطن بالانجليزي فيقول مثلا صلاح بيلعب في الباريمار ليج , البيرمر ليج , البارمير ليج , أهو يعني بينطقها بخمسين نطق مختلف و كلهم غلط , والنبي حد يكتف المذيع ده أو يخطفه لحد مالبطوله تخلص و يبقى عمل أكبر خدمه لمصر .
........................................................................................................
Mohamed Hussein
· 20 يونيو 2019
بالنسبه لجميلات و مزز مصر اللي هيحضرو الماتش بكره في الإستاذ
.
شوية ملحوظات بسيطه والنبي
.
- الزي الرسمي بكره هو تي شيرت منتخب مصر او فستان بعلم مصر أو عالأقل الزعبوط الطويل ده اللي عليه علم مصر , مفيش بقى أصل انا البلوزه البحلقي دي لابساها مخصوص عشان أغيظ فلانه , ده ماتش مصر مش حنة عفاف
.
- شنطة إيدك يبقى فيها ازازتين مايه متلجين و كام منديل و زماره كبيره دي اللي بيسموها فورفوزيلا , مش تمليها ماكياجات و روج و بارفانات و تاتو أيلاينر و أي شادو , الماتش على فكره في ستاد القاهره مش هيتلعب في سيتي ستارز ولا في كايرو فستيفال سيتي
.
- كلمة مصر في التشجيع تقوليها من أول ما تدخلي الاستاذ لحد ما ترجعي البيت, و تقوليها بحماس مش بدلع و رقه ( بلاش تتقمصي نبرة صوت هند رستم وهي بتقول يا سونه يا خاين ) , عايزينها ترج المدرجات , بصي لو مش عارفه تاخدي التون بتاع الحماس ده , افتكري مثلا ان جوزك أو خطيبك عمل لاف على صورة واحده تانيه عالفيس بوك , اتخيلي الموقف , ها اتحمستي و جواكي شُحنه معينه ؟ قولي مصر بقى كده ؟.
.
- الإستاد مفهوش تكييف مركزي و 90 % من الجمهور مايعرفوش أكس و نيفيا و لو سألتيهم على ريكسونا هيقولو لك ده إسم رئيسة وزراء بريطانيا في السبعينات , وفيهم اللي جاي سفر من محافظات تانيه , مايجراش حاجه , استحملو عشان خاطر مصر .
.
- في النهايه هتبقى فيه منافسه شرسه بينكو و بين جميلات و مزز المغرب و الجزائر و تونس و حسناوات أفريقيا السُمر الجُمال , أظن كده الرساله وصلت .
..................................................................................................................
Mohamed Hussein
· 20 يونيو 2019
بالنسبالي بشوف إن عبد الفتاح السيسي مش مجرد رئيس عادي قادته الأقدار لحكم مصر , لعرش أعظم دوله في الكون , لأ , أنا بشوف إنه هدية ربنا لبلد مرت بأصعب ظروف في عصرها الحديث , أصعب حتى من فترة الحروب مع العدو الصهيوني , بشوف إنه المنقذ بالمعني الحرفي .
.
عبد الفتاح السيسي كأنه اتولد رجل دوله , مسك الحكم في توقيت مكانش ينفع فيه التراخي ولا الدلع وفي نفس الوقت مكانش ينفع فيه الغشم و لا فتحة الصدر لأن أغلب الأحداث حوالينا كانت عبارة عن حقول ألغام , أو النداهه الجميله اللي بتندهك عشان تغرقك , المرحله اللي بحب أسميها مرحلة ( المشي عالحبل ) .
.
مشكلة عبد الفتاح السيسي في المرحله دي حاجتين , حجم المؤامره الخارجيه اللي اتخطط لها من عشرين تلاتين سنه واتصرف عليها مئات المليارات و استخدمو فيها كل امكانياتهم , من ارهابيين لمرتزقه لوسائل اعلام و ميديا أجنبيه لمراكز حقوقيه لتشويه ولعب بالمصطلحات لشراء ذمم و نفوس , والمشكله التانيه كانت الجبهه الداخليه , جزء كبير كان مابين ساذج و مابين قابل للبيع بعشره دولار أو حتى بعشره لايك , و عشان تبقى رئيس لدولة عظيمه في مرحلة الطوفان يلزمك فريق عمل على نفس المستوى و هنا كانت المشكله الأكبر , القماشه الموجوده , موظفين الصف الأول و التاني و التالت , رباية مبارك , قماشه مابين فاسد مرتشي يبيع أمه بالفلوس و مابين بيروقراطي عقيم , الدنيا بتتشال و تتهبد حواليه وهو بيدور عالختم و الدمغه وفرخ الكربون .
.
أنا عايز أقول بس إني بحب الراجل ده جدا و بشكر ربنا على نعمته , و عارف إن السياسه مفهاش حب و كره و علاقة المواطن بالرئيس ماينفعش تتبني على عواطف , و مش معنى اني بحبه إني مغمض عيني و ماضي له شيك على بياض , أنا أصلا بحبه من حبه للبلد دي و إخلاصه لها.
.
المهم أنا بكتب الكلمتين اللي فوق بتوع أسامه منير دول ليه ؟ هل عشان أطبل للريس ؟ لا انا عمري ماكتبت كلام زي ده في حق السيسي , لا عمري طبلت له ولا هو محتاج تطبيل مني ولا من غيري , انا كتبتهم بالشكل الرومانسي عشان أوصّل حاجه معينه
.
إيه هي بقى الحاجه اللي عايز أقولها ؟ عايز أقول إن عبد الفتاح السيسي هيموت في يوم من الأيام , بعد اسبوع بعد شهر بعد 10 سنين ولا 100 سنه, لكل أجلٍ كتاب , ولو كنت عايش وقتها ( ربنا يبارك فيه و يطول في عمره ) هقول الله يرحمه و يصبر أهله و يصبر كل اللي بيحبوه وأنا أولهم على فراقه , و المؤكد إني هبكي يوميها لرحيله ( يابني انا بشوف مشهد جنازه عبد الناصر و دموعي تنزل مع اني ماحضرتش عبد الناصر ) , هبكي أكتر خوف عالبلد و أقول يا ترى جاهزين بالبديل و هيكون وطني جدع زيه ولا هنلاقي نفسنا في يوم من الأيام بنمجد في أردوغان و بنستقبل رئيس ايران و بنتصالح مع جماعه ارهابيه قاتله و بنبوس إيد أمير شاذ بيحكم كشك عالخليج ؟.
.
يعني هو يوم مايموت السيسي هتترحم عليه و بس ؟ أه , رغم كل حبك و إدراكك لأهميته و انه هديه ربنا و و و و ؟ أه , مش هتقول أخر الأنبياء ولا هتقول رفعه الله إليه , ولا هتتاجر بموته ؟ لا , ليه لأ ؟ عشان احنا مش قطيع , مش أفراد في تنظيم إرهابي صهيوني وثني , ماتربيناش على إننا نتاجر بالدين و نتاجر بالموت , عشان احنا بني أدمين ماتربيناش على أيات شيطانيه تشوه عقولنا و تحولنا لمجرد مسخ قبيح من يوم ما نتولد لحد مانموت .
..................................................................................................................
Mohamed Hussein
· 19 يونيو 2019
أردوغان : موت مرسي لم يكن طبيعيا , ده مات مقتول يا جدعان و عماد صاحبي مأكد لي , وانا مش هسكت , انا أطالب بتحقيق دولي و سوف أقاضي مصر أمام المحاكم , و هقوم لمرسي أكبر محامي , سوف لا أقبل و سوف لن أتزحزح , و سوف ننقب عن الغاز في شرق المتوسط .
......................
......................
سيد أردوغان
- نعم .
.
ايه رأيك تاخد لك حقل غاز في شرق المتوسط , أهو تفك بيه أزمة و تحاول تستر الليره بتاعتك اللي بقت سمعتها على كل لسان ؟
- أه هاتو لي حقل غاز و أنا أسكت , و النبي و النبي
.
طب بالنسبه لوفاة مرسي ؟
- مرسي مين ؟ انا ماعرفش حد بالإسم ده .
.
يا راجل ازاي ؟ دانت بتقول انه مات مقتول , و عماد صاحبك مأكد لك .
- بص ؟ هاتو لي حقل غاز كمان غير الحقل الأولاني و أنا أطلع عالهوا أحلف عالمصحف إن أنا اللي قتلته .
...............................................................................................
Mohamed Hussein
· 19 يونيو 2019
بطولة أمم أفريقيا اللي هتقام في مصر بعد بكره هتبقى مختلفه تماما عن أي بطوله أمم أفريقيه سابقه , مش عشان عدد المنتخبات 24 بدل 16 لأول مره , لأ , اعتقادي إن أهم سبب هو ترسانة النجوم اللي هتلعب في البطوله دي , أكتر من تلاتين أربعين لاعب بيلعبو في أكبر وأشهر الأنديه الأوروبيه , أكتر من تلاتين أربعين لاعب بيلعبو في أقوى الدوريات العالميه , الإنجليزي و الأسباني و الإيطالي و الفرنسي .
.
زمان من عشرين سنه مثلا كانت بطولة أمم أفريقيا بالكتير نلاقي فيها لاعب ولا اتنين ولا تلاته بيلعبو في أنديه أوروبيه نسمع عنها .
............................
دي مجرد قايمة مختصره لأهم عشر نجوم في البطوله بحسب القيمه التسويقيه :
1- المصري محمد صلاح، لاعب ليفربول الإنجليزي، 150 مليون يورو
2- السنغالي ساديو ماني، لاعب ليفربول الإنجليزي، 85 مليون يورو
3- السنغالي كاليدو كوليبالي، مدافع نابولي الإيطالي، 75 مليون يورو.
4- الغيني نابي كيتا، لاعب ليفربول الإنجليزي، 65 مليون يورو
5- الإيفواري نيكولاس بيبي، لاعب ليل الفرنسي، 65 مليون يورو
6- الجزائري رياض محرز، لاعب مانشستر سيتي الإنجليزي، 60 مليون يورو
7- الغاني توماس، لاعب أتلتيكو مدريد الإسباني، 50 مليون يورو
8- الإيفواري ويلفريد زاها، لاعب كريستال بالاس الإنجليزي، 35 مليون يورو
9- المغربي حكيم زياش، لاعب أياكس الهولندي ، 35 مليون يورو
10- الكاميروني اندريه أونان، لاعب أياكس الهولندي، 35 مليون يورو.
....................
ملحوظه صغيره , القيمه التسويقيه للعشر لاعبين دول بس تساوي بالمصري 15 مليار جنيه , أه 15 مليار .
...........................................................................................................
Mohamed Hussein
· 19 يونيو 2019
صباح الخير
.
مراهق بولندي عمره 19 سنه , ماعجبوش حكاية إن الأمير هاري يتجوز من ممثلة أمريكيه من أصول أفريقيه , و دخل على صفحته عالنت نشر صورة للأمير هاري جنبها بندقيه و قال ( يا خاين ل العِرْق ) .
.
طب جميل أوي , فين الخبر بقى ؟ ولا انت فاضي و مش لاقي حاجه تكتبها , مالنا احنا ومال المراهقون في بولندا و الممثلون في أمريكا و الحطابون في الجبال ؟ ممممممممم لا مانا عايز أقولك إن المراهق ده قبضت عليه الشرطه البريطانيه و اتسجن 4 سنين , ليه يعني ؟ هو كان قتل حد ؟ ولا تاجر في المخدرات ؟ تهمته ايه بقى ان شاء الله ؟ مانا قلت يا مولانا , تهمته انه نشر صوره لأمير و جنبها بندقيه و قال له يا سونه يا خاين بصوت هند رستم .
.
يعني مراهق عمره 19 سنه يتسجن 4 سنين لأنه نزل صورة أمير جنبها بندقيه و اعتبرو ان ده تهديد و ان الكلمتين اللي كتبهم فيهم عنصريه ؟ مممم اه ليه ؟
.
طب فين حرية الرأي و التعبير ؟ دانت في مصر ممكن تنزل صورة رئيس الدوله و جنبها قنبله نوويه و بعدها تنزل فيديو لطريقة تصنيع المتفجرات في البيت و بعدها بوست تحرض فيه على قتل الجنود والظباط و الجزيره تقول حرية تعبير , و هيومان رايتس واتش و مفوضية حقوق الإنسان اللي تابعه للامؤاخذه الأمم المتحده تقول معارضين و مناضلين , ورئيس فرنسا يقول مدونين , و البي بي سي تقول معارض بارز , فين حرية المدونين ؟ .
.
طب تخيلو لو مراهق زي ده اتقبض عليه في مصر في فعل مماثل , ايه هيحصل ؟ قبضو عليه و هو بيصلي , ضيعو مستقبل الشاب اللي لسه يادوب داخل جامعه , ده كان الأول على دفعته في الثانويه العامه , النظام خايف من مراهق , ربنا ينتقم منهم , و عند الله تجتمع الخصوم , حسبنا الله و نعم الوكيل .
.........................
بصو يا بني أدمين , الموت زمان كان له أشكال معينه , تموت موته طبيعيه أو تموت في حادثه أو بذبحه صدريه إلخ , بس فيه موته جديده لانج ظهرت أخر 20 سنه انتو مش واخدين بالكو منها , اسمها الموت بسبب الغباوه و دي بيموت فيها شعوب مش أفراد , لو مافهمناش هنموت , و نبص عالدنيا من العالم الأخر نلاقي أهالينا بيشحتو في إشارات مرور زي ماحصل في سوريا , أو نلاقي بلدنا فيها 40 جهاز مخابرات مقسمينها زي ماحصل في ليبيا , أو نلاقي بلدنا مش عارفين مين بيحكمها , الفرس ولا العثمانيين ولا الأمريكان زي ماحصل في العراق .
.
نقول تالت و عاشر , كل المنظمات الحقوقيه و الهيئات والحبشتكانات , كل القنوات والجرايد العالميه , بتقاريرهم و أخبارهم و سلطاتهم , كلها عرايس في إيد مخرج العرايس , كل المصطلحات البراقه بتاعة الشاب و المدونين و حرية الرأي كلها موجهه لنا احنا بس , للشرق الأوسط و دول العالم التالت , الأمم المتحده بجلالة قدرها هي مجرد عاهره على سرير اللوبي الصهيوني الأمريكي البريطاني .
.
كلمة أخيره و بالمناسبه , اللي بيموت بالغباوه مابيموتش شهيد , والجنه لا يدخلها الأغبياء ولا الحمير .
............................................................................................................
Mohamed Hussein
· 18 يونيو 2019
للبني أدمين فقط , البني أدمين و بس
.
- كلمة مواطن مشتقه من كلمة وطن , و وطن يعني حدود و تاريخ و جغرافيا و نشيد و علم و جينات و هويه و دستور و قوانين .
.
- كلمة تخابر مع جهه أجنبيه مش لازم تكون مع اسرائيل , أي دوله غير دولتك بالنسبالك اسمها دوله أجنبيه , فلسطين , قطاع غزه , السعوديه , اسرائيل , أمريكا , بريطانيا , الإمارات , بوركينا فاسو , كلها بالنسبالك دول و جهات أجنبيه , و التخابر اللي بيعني تسريب معلومات تخص الأمن القومي أو وثائق و خلافه هو التخابر , سواء كان لاسرائيل أو لفلسطين أو لأبوظبي , سواء كان اللي عمل كده اسمه الرئيس محمد مرسي أو الرئيس محمد حسين اللي هو أنا .
.
- دينا الإسلامي مش كيميا ولا لوغاريتمات , عندك جوامع بتصلي فيها ماتقفلتش من 1400 سنه ولا هتتقفل , سواء مصر حكمها السيسي ولا مرسي ولا نابليون بونابرت , و عندك شهر بتصوم فيه محدش يقدر يغيره , و عندك كبائر اجتنبها مفيش رئيس هيقولك والنبي ماتجتنبها , و لما يستعصى عليك مسأله في الدين عندك مؤسسة عريقه اسمها الأزهر الشريف و وزارة الأوقاف, صدقني مش هيقولو لك إن بر الوالدين حرام و إن الخمره حلال .
.
- و بالتالي من حقك كمواطن عاقل عدّيت أولى ابتدائي تبقى تسأل نفسك , هو ايه لازمة جماعة دولية زي الإخوان , خالطه الدين بالسياسه ؟ أيه لازمتها ؟ هتعلمك تصلي ؟ اومال كنت بتصلي قبلها ازاي ؟ والسياسه لها دروبها في العالم كله , أحزاب سياسيه مؤيده و معارضه , انتخابات , ناخب و مرشح , قولت لي بقى ايه لازمة الجماعه ؟
.
- من حقك تترحم على فلان أو علان و من حقك ماتدعوش بالرحمه , انت حر يا اخي , بس ماتشمتش في الموت , الموت نفسه له حرمه حتى لو هما بيشمتو في موتك صبح و ليل ( مانت في الأخره بتتحاسب عن نفسك), طب لو مادعيتش ل فلان بالرحمه ينفع بقى ندعي عليك و على عيالك إلهي ربنا يجيب و يحطو عليكو , عشان أصلك مادعيتش لفلان بالرحمه ؟ لا دانت كده تبقى محتاج تراجع إيمانك و محتاج كمان تراجع قواك العقليه .
.
- و أخيرا للبني أدمين و كلمتين أبرك من عشره , جماعة الإخوان عمرها 90 سنه , قتلت و حرضت على قتل ألاف المصريين و العرب ,مسلمين و مسيحيين , مدنيين و عسكريين , بسطاء و قيادات , سواء بشكل معلن ومعترف بيه أو بشكل غير معلن , و مع ذلك ماقتلوش جندي صهيوني واحد , و بالمنابسه لو عاشو ألف سنه كمان مش هيقتلو جندي صهيوني واحد , يارب الناس تفهم بقى و تطلع من كي جي 1 بالسلامه .
........................................................................................................................
Mohamed Hussein
· 18 يونيو 2019
عايزة لما أموت تتشحتف عليا جامد و تقول بطله و شهيده و قديسه و تعلى معاك فتقول مات أخر الأنبياء يا ابراهيم .
- حاضر يا يسريه , هبقى وقتها أبعت قرشين للجزيره و أردوغان و هيومان رايتس واتش و هما هيعملو اللازم و يظبطوكي .
.
طب وانت هتبقى فين يا ابراهيم ؟
- هبقى مشغول مع العروسه الجديده يا يسريه .
..........................................................................................................
Mohamed Hussein
· 18 يونيو 2019
محمد مرسي ده مات بطل
- مممممم بطل إزاي مش فاهم ؟ بطل في ايه بالظبط ؟ ده واحد بيتحاكم بتهمة التخابر , بألعن تهمه ممكن يتهم بيها مواطن , مواطن حتى مش رئيس دوله .
.
محمد مرسي ده مات شهيد
- اللي هو ازاي يعني ؟ كان واقف عالحدود ماسك سلاح بيحمي أرضنا و عرضنا و خد طلقه في صدره من العدو ؟ ولا مات في محكمه ؟ هو فيه حديث نبوي بيقول من مات في المحكمه فهو شهيد ؟
.
قتلوك يا أخر الأنبياء ( توكل كرمان الحائزه على جايزة زنوبه ست أبوها للسلام )
- بجد والنبي ؟ يعني اللي مات امبارح اسمه محمد بن عبد الله مش محمد بن العياط ؟ و على كده مين اللي قتله بقى ؟ كفار قريش ؟
.
و ما قتلوه و لكن شٌبّه لهم ( وائل أفندي قنديل البحر )
- هو محمد مرسي أمه اسمها ستنا مريم يا أستاذ وائل و احنا مانعرفش ؟ طب يا ترى ستنا مريم لسه عايشه و ممكن نروح نزورها ولا إيه النظام ؟
.
مرسي مات مسموم ( المنصف المرزوقي رئيس تونس الأسبق اللي تحس انه كان بيرضع بانجو وهو صغير, واللي بيشتغل مراسل لقناة الخنزيره حاليا ) .
.
لالا مرسي مات بحقنه بطيئة المفعول
.
لا مرسي مات بسبب اهمال طبي في الحبس .
.
لا مرسي مات بعد ما ضربوه بالمنجنيق و القنابل النوويه
.........................
.........................
والنبي يا جدعان أول ما يقولو إن السيسي قتل مرسي بخنجر و طعنه 37 طعنه وهو ساجد في المسجد الأقصى بعد ما حرره من إيد الصهاينه , و إن مرسي ده كان ربنا الأعلى , وقتها بقى لو حد بيعرف يصفّر يبقى يصفر و ينده عالجماعه إياها يقول لهم إنهم كده عدّو البراميل .
.......................................................................................
Mohamed Hussein
· 17 يونيو 2019
هو انتو اتفاجئتو ؟ بجد اتفاجئتو ؟
.
اتفاجئتو إن هيومان رايتس واتش و منظمة العفو الدوله و كل مراكز الهشك بشك بتاعة حقوق الإنسان طلعو تقرير في نفس اللحظه بعد موت مرسي بثواني بيتهمو فيه مصر ؟ هو انتو اتفاجئتو بدور المنظمات دي ؟
.
هو انتو اتفاجئتو بكربلائيات الجزيره و البي بي سي و أردوغان و اتهامهم لمصر في واحد مات قدام الكاميرات في محكمه بعد ماكان واقف على رجليه ؟
.
اتفاجئتو برد فعل شوية الصيع اللي بيسمو نفسهم يساريين اللي بطلو يترحمو على عبد الناصر و بقو يقولو على مرسي شهيد ؟
.
اتفاجئتو بالقطيع اللي خرج من نطاق الدعوه بالرحمه لمرسي و بقى بيصفه بشهيد و بنبي و بسيدنا محمد و بسيدنا عيسى ؟
.
اتفاجئتو بجماعه عمرها 90 سنه بتتاجر بدين ربنا و بتستحل الدم و الخراب و بتكدب أكتر ما تتنفس , اتفاجئتو بيهم و هما بيتاجرو بجثمان واحد منهم مات بدل مايدعو له بالرحمه ؟ مرسي لو كان عاش في أمريكا و مات على سرير هناك وسط عياله كانت نفس الجماعه هتتهم مصر و تقول على مرسي شهيد و بطل و نبي .
.
هو انتو اتفاجئتو ان النخبجيه في مصر أغلبهم كان مستني بس فرصه عشان يعبر عن ( الهيييح ) اللي جواه , و إن اللي بيسمو نفسهم علمانيين و تنويرين و بيحملو شعلة النور في بحر البطيخ , اللي لو حلة محشي اتحرقت في بيت واحد منهم لازم يتهم الأزهر الشريف , اتفاجئتو انهم عاملين من مرسي بطل ؟
......................................................................................................................
Mohamed Hussein
· 17 يونيو 2019
قناة الخنزيره عمّاله تجيب خبر موت محمد مرسي كل دقيقتين وبيقولو تغطيه مباشره كأن حدث الموت ده حدث مستمر و متواصل , طبعا اليومين الجايين الخنزيره و الجماعه الإرهابيه هيعزفو عالربابه و يخترعو قصص من الشمخ الجواني , ده قطعوه بالمنشار , لا داسو عليه بدبابه , لا ضربوه بالمنجنيق , مع إن مرسي مات في جلسة محاكمة قدام الناس كلها و الكاميرات و المحامين بتوعه , كان قاعد زي الفل و دخل في غيبوبه و مات , أمر الله يا سيدي و نفذ .
.
طب يعني نترحم عليه ؟ لا والله لساني ما قادر ينطقها , هو و جماعته مسئولين عن دم ألاف الجنود و الظباط و المدنيين , شباب زي الورد ماتو مقتولين برصاصه أو متفجرين بلغم , عالأقل هو مات موته طبيعيه لا حد قتله ولا حد عذّبه .
.
أيوه يبقى نشمت في موته بقى و نتريأ و نعمل كوميكس ؟ برضه لأ , احنا شعب اتربى على إنه مايشمتش في موت أي حد مهما كان , حتى لو هما بيشمتو في موتنا فاحنا عمرنا ما هنبقى زيهم , الموت نفسه له حرمه , و اللي مات حسابه عند ربه .
...................................................................................................................................
Mohamed Hussein
· 17 يونيو 2019
أه هنمسك علم مصر في إيدينا و احنا رايحين السينما نتفرج على فيلم الممر , و هنمسك علم مصر في إيدينا و احنا رايحين الاستاد نتفرج على منتخب مصر , و هنمسك علم مصر في إيدينا و احنا نازلين نقف في طابور الإنتخابات , والرجاله هتلبس تي شيرتات عليها علم مصر و الستات هتلبس فساتين و بلوزات بعلم مصر و هنعلق علم مصر في بلكونة كل بيت و على ناصية كل شارع و في مدخل كل حاره
.
لو المشاهد دي بتستفزك ( مشاهد علم مصر في إيد المصريين , علم مصر مش صورة السيسي ولا حاجه ) تبقى انت بالتأكيد مش محتاج أي دليل تاني عشان تعرف إنك عيل ابن وسخه خاين أو عيل ( خواجه ) مجهول النسب و الهويه .
...........................................................................................................................
Mohamed Hussein
· 17 يونيو 2019
فيلم الممر و فيلم كازابلانكا عاملين خرم في دماغ الخرفان من أول مصر لحد معتز مطر في تركيا لحد الخنزيره في قطر , خرم طويل المفعول أو يمكن طويل جدا , و مش بعيد نلاقي هيومان رايتس واتش منزله تقرير عن حالات التعذيب اللي بيتعرض لها المشاهد المصري اللي بيختفى قسريا و ياخدوه على دور السينما يفرجوه عالفيلم و يجيبوله قرطاس فيشار بالعافيه كده و بالدراع , ماهي دوله فاشيه بقى .
.
معتز مطر أبو حزقه بيتريأ على اننا عملنا فيلم عن بطولات حرب الإستنزاف , و بيقول بطولات النكسه !! , ماهو أكيد أبوه مشاركش في الحرب دي , لأن الخو* مابيجيش أبدا من ضهر راجل , و الجيش المصري مابياخدش غير رجاله .
.
معتز مطر مش عاجبه إن المخابرات و الشئون المعنويه يشرفو على فيلم حربي و يشاركو في انتاجه ؟ أومال مين يشارك يا عبقري الخرفان و قائد الحمير ؟ المجلس القومي للمرأه ولا وزارة البيئه ؟ .
.
أمريكا الدوله اللي بترعي الإرهاب في العالم و بترعى الخوا*ات في الشرق الأوسط كل مسلسلاتها و أفلامها الحربيه و اللي لها علاقه ببطولات معينه بتتم برعاية المخابرات الأمريكيه , بيحاولو يصنعو للمواطن الامريكي تاريخ وهمي , بيحاولو يصنعو أبطال حتى في المعارك اللي اتنفخو فيها و خرجو ملط , كل البطولات الأمريكيه اللي تم ترويجها كلها بطولات وهميه , أبطال من ورق , قصص من وحي خيال المؤلف .
.
الموضوع حتى خرج من كونه صناعة تاريخ و بطولات و خلقهم من العدم و وصل لمرحلة إن السينما و الدراما يكونو سلاح في إيد الدوله الأمريكيه , سلاح للتزييف و الفبركه وقلب الحقايق , زيهم زي الميديا الأمريكيه و مراكز حقوق الإنسان و القنبله النوويه , كلها أسلحه و عرايس بتلعب على نفس المسرح , من فتره شوفت حلقه من مسلسل أمريكي شهير, ولقيتهم في المسلسل ما شاء الله تبارك الله بيحاربو تنظيم داعش !! , يعني أمريكا و بريطانيا و اللوبي الصهيوني يصنعو تنظيم داعش و يوفرو له غطاء عسكري وسياسي و تدريب و دعم و خلافه و إعلامهم و الدراما بتاعتهم يقولو ان أمريكا بتحاربه , عرفتو يعني ايه توزيع أدوار ؟ يعني ايه مجالات أمريكا بتغسل فيها إيديها من جرايمها ؟ .
.
في مصر بقى عندنا تاريخ و بطولات محتاجين ألف فيلم زي الممر , بطولات حقيقيه مش هنصنع معارك من وحي الخيال ولا أبطال من ورق , عشان عمرنا ما كنا ورق , و لا عمرنا هنزيف التاريخ و نعمل فيلم نغسل فيه إيدينا من دم الشعوب .
.............................................................................................................................
Mohamed Hussein
· 16 يونيو 2019
يابني صلاح ده مش أي حد , ده راجل سره باتع , تلاقيه ماسك سناره و بيصطاد سمك في الغردقه و في نفس الوقت بيعمل اتنين أسيست يخلص بيهم الماتش في برج العرب , واللي معاه ربنا بيمشي عالمايه .
....................................................................................................................
Mohamed Hussein
. 16 يونيو 2019
· محدش هيقدر علينا أبدا , النيزك نفسه مش هيحوّق في جتتنا , طول ما احنا عندنا البنت بتدخل على صفحتها تنزّل صورة الأميره ديانا أو مارلين مونرو , و يدخل راجل مصري من أصدقائها يكتب تعليق ( الله عالجمال , ملامحك مصريه بلون الخُضره و طمي النيل و سنابل القمح ), و هي تعمل قلب و ترد على تعليقه و تقول ( ميرسي خالص , ده من ذوق حضرتك ) .
.....................................................................................................................
Mohamed Hussein
· 16 يونيو 2019
وكالة moody,s خفضت التصنيف الإئتماني السيادي لتركيا إلى درجة عالية المخاطر , B1 , و أبقت على نظرة مستقبليه سلبيه , كما أردف المتحدث بإسم الوكاله قائلا , عليا الطلاق ما مسلفين البنك الدولي ولا نيلة يا شوية بهايم .
.
في حين اعترضت الحكومة التركيه على التقرير و وصفته بأنه مسيس و أن اقتصاد تركيا يتعرض لمؤامره كونيه و مخلوقات فضائيه و أن طوب الأرض يتحرّش بالليره التركيه
.
- ممممممممم طب مش يمكن يا مولانا الليره التركيه هي اللي مشيها بطّال و بتنزل الشارع و هي لابسه الإيشي و الشفتشي ؟! ماهي يعني مش هتجيبه من بره , إقتصاد قايم الجزء الأكبر منه على الدعاره و سرقة بترول و غاز سوريا و العراق و دعم الإرهابيين و إيواء السفاحين و القتله و المتاجره باللاجئين , عايز العُمله بتاعته تعمل ايه ؟ تبيع سبح ؟!.
