من الأخر ( حكاية الإخوان المسلمين وحكم مصر )
.
قمة الهبل والهذيان إنك تقول النهارده أنا برفض حكم الإخوان عشان محققوش أهداف الثوره أو مش هيحققوها , ثورة إيه يا مولانا اللي بتقول عليها ؟
.
هقولك ببساطه وبالدليل :
الإخوان جماعه بتحكم مصر ؟ لأ غلط , مفهوم الحكم له أبجديات معينه , عقد موقع بين طرفين بيكون للحاكم فيه حقوق وعليه واجبات ذي عقد الجواز كده , الموضوع مختلف عند الإخوان المسلمين , عارف إنت الواد الملزق الممزق المحزق اللي يقولك أنا عايز أتجوز واحده صغيره أوي عشان أربيها على إيدي ؟! , هو ده بالظبط وصف طريقة حكم جماعة الإخوان المسلمين لمصر , عقد جواز ماشي مع شعب , بس مشكلتهم العقليه والنفسيه والسيكولوجيه بتكمن هنا تحديدا , يعني هو بيتعامل مع مصر على إنها بنت صغيره اتجوزها عشان يربيها على إديه , إزاي الكلام ده ؟ هقولك أمثله بسيطه , تصريحات مرسي وقنديل وقيادات الإخوان بيبقى أغلبها تصريحات عفويه , يعني لما مرسي قال لمرات الظابط المختطف من حقك يا بنتي تصبري أو تتطلقي واجوزك سيد سيده , دي مش طريقة حكم رئيس لشعب , لأ ده واحد بيربي عياله ! , تصريحات قنديل عن تطهير الثدي , ده مش كلام رئيس وزاره أو دوره لأ ده واحد بيربي مراته على إيده , إلبسو ملابس قطنيه في الصيف ده كلام واحد بيربي مراته ويفهمها لأنها طور الله في برسيمه ( هو متخيلها كده ) , يعني الحكايه باختصار إن كل اللي بيعمله الإخوان حاليا هو حكم وتربيه للبنت الصغيره الجاهله اللي اسمها مصر , على مستوى البلد والتراب والأرض والأشخاص , على فكره دي كمان طريقة تعامل الشاب الإخوانجي مع زوجته الإخوانجيه , هو حر في كده طبعا , لكنه لما يتعامل مع الشعب بطريقه هربيك على إيدي هنا بتيجي المشكله , باختصار مطلوب منك تكون قالب ونموذج إخوانجي صرف , تمشي بالطريقه اللي يقولك عليها المرشد , تفتح بؤك بزاويه هيقولك عليها المرشد , تربي دقنك بالشكل اللي هيقول عليه , تقرا الكتاب اللي هيحدده المرشد , التعليم في المدارس هو اللي هيقول عليه ,هتعترض بالطريقه اللي يحددها ( اللي هي طريقة ابو الفتوح وسلطان وأيمن نور والسلفيين ) , الدين في الجوامع هو اللي هيقول عليه , الحلال والحرام هو اللي هيحدده , بيع أجزاء من مصر حسب مايقول , الصحه بالطريقه الإخوانجيه , المرور حسب مايحدد المرشد , الحلول الإقتصاديه حسب فهمهم , يعني مطلوب منك إنك تكون نموذج أولي للكائن الإخوانجي (pro type ) , حتة صلصال كده وتسيب نفسك خالص وهو هيشكلك ويفتحك ويضمك ذي ماهو عايز , ومطلوب من مصر إنها تكون حتة صلصال كبيره هي كمان , إيه علاقة الثوره بقى بالكلام ده ؟! احنا تجاوزنا مرحلة الثوره من زمان أوي ...البوست طويل جدا وممل أسف , أنا حاسس إني بكلم نفسي , بفضفض يعني , أي صديق هيوصل في القرايه للسطر ده هقوله كتر ألف خيرك .
.
قمة الهبل والهذيان إنك تقول النهارده أنا برفض حكم الإخوان عشان محققوش أهداف الثوره أو مش هيحققوها , ثورة إيه يا مولانا اللي بتقول عليها ؟
.
هقولك ببساطه وبالدليل :
الإخوان جماعه بتحكم مصر ؟ لأ غلط , مفهوم الحكم له أبجديات معينه , عقد موقع بين طرفين بيكون للحاكم فيه حقوق وعليه واجبات ذي عقد الجواز كده , الموضوع مختلف عند الإخوان المسلمين , عارف إنت الواد الملزق الممزق المحزق اللي يقولك أنا عايز أتجوز واحده صغيره أوي عشان أربيها على إيدي ؟! , هو ده بالظبط وصف طريقة حكم جماعة الإخوان المسلمين لمصر , عقد جواز ماشي مع شعب , بس مشكلتهم العقليه والنفسيه والسيكولوجيه بتكمن هنا تحديدا , يعني هو بيتعامل مع مصر على إنها بنت صغيره اتجوزها عشان يربيها على إديه , إزاي الكلام ده ؟ هقولك أمثله بسيطه , تصريحات مرسي وقنديل وقيادات الإخوان بيبقى أغلبها تصريحات عفويه , يعني لما مرسي قال لمرات الظابط المختطف من حقك يا بنتي تصبري أو تتطلقي واجوزك سيد سيده , دي مش طريقة حكم رئيس لشعب , لأ ده واحد بيربي عياله ! , تصريحات قنديل عن تطهير الثدي , ده مش كلام رئيس وزاره أو دوره لأ ده واحد بيربي مراته على إيده , إلبسو ملابس قطنيه في الصيف ده كلام واحد بيربي مراته ويفهمها لأنها طور الله في برسيمه ( هو متخيلها كده ) , يعني الحكايه باختصار إن كل اللي بيعمله الإخوان حاليا هو حكم وتربيه للبنت الصغيره الجاهله اللي اسمها مصر , على مستوى البلد والتراب والأرض والأشخاص , على فكره دي كمان طريقة تعامل الشاب الإخوانجي مع زوجته الإخوانجيه , هو حر في كده طبعا , لكنه لما يتعامل مع الشعب بطريقه هربيك على إيدي هنا بتيجي المشكله , باختصار مطلوب منك تكون قالب ونموذج إخوانجي صرف , تمشي بالطريقه اللي يقولك عليها المرشد , تفتح بؤك بزاويه هيقولك عليها المرشد , تربي دقنك بالشكل اللي هيقول عليه , تقرا الكتاب اللي هيحدده المرشد , التعليم في المدارس هو اللي هيقول عليه ,هتعترض بالطريقه اللي يحددها ( اللي هي طريقة ابو الفتوح وسلطان وأيمن نور والسلفيين ) , الدين في الجوامع هو اللي هيقول عليه , الحلال والحرام هو اللي هيحدده , بيع أجزاء من مصر حسب مايقول , الصحه بالطريقه الإخوانجيه , المرور حسب مايحدد المرشد , الحلول الإقتصاديه حسب فهمهم , يعني مطلوب منك إنك تكون نموذج أولي للكائن الإخوانجي (pro type ) , حتة صلصال كده وتسيب نفسك خالص وهو هيشكلك ويفتحك ويضمك ذي ماهو عايز , ومطلوب من مصر إنها تكون حتة صلصال كبيره هي كمان , إيه علاقة الثوره بقى بالكلام ده ؟! احنا تجاوزنا مرحلة الثوره من زمان أوي ...البوست طويل جدا وممل أسف , أنا حاسس إني بكلم نفسي , بفضفض يعني , أي صديق هيوصل في القرايه للسطر ده هقوله كتر ألف خيرك .
.
محمد حسين
