Mohamed
Hussein
24
نوفمبر 2016·
التعبئه و الإحصاء
بتقول إن عدد سكان مصر بيزيد مليون نسمه كل 6 شهور , و ده معناه إننا كل إسبوعين بالظبط
بنخلّف عيال أد عدد سكان قطر , كل أسبوعين يعني حسبة يومين خميس !! , تخيّل يا مؤمن
؟ يومين خميس و بوستين حلوين و 4 ساندوتشات طعميه نقوم نجيب شوية عيال نحطهم في بتاعه
كده عالخليج و نسمّيها قطر و نحسبها دوله على كوكب الأرض .
........................................................................................................................
Mohamed
Hussein
24 نوفمبر
2016 .
ماهو انت لو مصدق
و مقتنع إن الحرايق اللي شغاله عند الصهاينه دي عباره عن عقاب و غضب من ربنا سبحانه
و تعالى عشان حكاية منع الأذان يبقى لازم كمان تصدق ان التنميه و التقدم و الرخاء
( و الهدوء ) اللي حصلو في اسرائيل اخر تلاتين سنه كانو منحه و مكرمه و رضا من ربنا
سبحانه و تعالى و مكافئه لهم بعد ماغتصبو الأرض و قتلو و سفكو دم عشرات الألاف من الفلسطنيين
الأبرياء !! , يا أمةً ضحكت من جهلها الأممُ .
.
لو كنت رئيس مصر
كنت جبت كل واحد ربط بين الحرايق دي و بين منع الأذان ( اللي هو عند ربنا أدنى و أقل
مليون مره من سفك دم الأبرياء ) و جبت معاهم العيال بتوع البيضه اللي عليها لفظ الجلاله
, و العيال اللي بيتشحتفو عالفيس لما يشوفو صورة عباية الرسول و نعل الرسول وخصلة شعر
الرسول و فرشة السنان بتاعة الرسول ( اللهم صل و سلم و بارك عليك يا سيدي يارسول الله
) , و جمعتهم كلهم في مركب كبيره و منحتهم كل التسهيلات الممكنه ( و اللي مش ممكنه
) و اديت لهم فلوس كمان في مقابل ( و بشرط واحد ) انهم يهاجرو و مايرجعوش مصر , و لو
عايزين فرقة حسب الله تودعهم في المينا معنديش مانع .
.
يابني انت لازم
تسافر , لازم تهاجر و ماترجعشي مصر تاني , مكانك مش هنا يا حبيبي , الدوله دي عمرها
ماهتعرف تقدر امكانياتك العقليه الجبّاره , اللي زيك بيشقطوهم بره , بالك انت لو هاجرت
لايطاليا مثلا ؟ هتلاقي رئيس وزراء ايطالي مستنيك في ميناء نابولي و عمّال يشاورلك
من بعيد , و ماسك في ايديه قرار تعيينك في منصب رئيس مجلس إدارة شركة ( البيضه اللي
عليها لفظ الجلاله ) .
.....................................................................................................................
Mohamed
Hussein
24
نوفمبر 2016 ·
مصر اللي هي مصر
, و ما دونها اسمهم الأخرون يعني the others
.
بعد الخراب و الدمار
اللي لحق بالبنيه التحتيه السوريه و بجزء كبير من الجيش السوري , لازم حضرتك تبقى فاهم
ان عمليه السلام اللي بيتكلمو عنها ( في مقابل وقف اطلاق النار ) هي باختصار كده و
من الأخر عملية فرض خريطه سوريه جديده مفهاش أراضي سوريا موحده , يعني عملية تقسيم
لسوريا تحت ضغط حلف الشيطان و جماعاته الإرهابيه المسلحه في الداخل السوري ( اللي هي
المعارضه المعتدله الارهابيه بس مش ارهابيه اوي , المسلحه بس مسلحه على خفيف كده )
.
.
عملية التقسيم
دي بقى هي المطلوب اثباته , لا يا حماده مفيش حاجه اسمها ربيع عربي ولا ربيع ياسين
, للأسف مصير سوريا و ليبيا و غالبا اليمن هيكون التقسيم إلا اذا فاق العرب من سكرهم
و غباوتهم و خيانتهم و عمالتهم ( وإن كنت أشك انهم يفوقو ) , ماهو الخراب ده مكانشي
ينفع يحصل من حلف الشيطان إلا بغطاء و دعم عربي مباشر , و أحيانا غطاء لامؤاخذه اسلامي
.
.
أتحدى أي خبير
سياسي و أي اعلامي و أي صحفي في أي مكان في العالم يكتب لي بين القوسين دول ( ) و يجاوب
عالسؤال ده , ايه اللي استفادته السعوديه من خراب سوريا و خراب ميزانيتها هي شخصيا
و انفاقها عشرات المليارت من الدولارات على شوية ارهابيين مرتزقه ؟ , ايه اللي هيستفيده
أل سعود من هدم الجيش السوري و البنيه التحتيه السوريه و تقسيم دوله بعراقة وحضارة
الدوله السوريه ؟!
.
اه مصر حاليا بتغني
منفرده , من غير حليف قوي , خرجنا من عباية امريكا في 2013 , حاولنا نعمل علاقات معتدله
مع دول الخليج , حاولنا نفهّمهم خطورة العك اللي بيعكوه و فشلنا , مش خايف على مصر
ولا قلقان , حتى لو حصلت قطيعه تامه و علنيه مع دول الخليج و بقية الدول العربيه ,
ليه مش خايف ؟ عشان باختصار مصر هي مصر , الدوله اللي عاشت و عملت حضارتها قبل اكتشاف
كوكب العرب ب 8 الاف سنه , و عاشت و اتنفست و فرحت و حبّت و غنت و عملت فن و علم و
تاريخ قبل مايطفح البترول في جزيرة العرب ب 9930 سنه , مصر هي أول دوله اتولدت في التاريخ
و أخر دوله هتموت في المستقبل , هذا وعد الله .
.........................................................................................................................
Mohamed
Hussein
24
نوفمبر 2016·
ياخي سبحان الله
, خبرين تلاته لو اتحطو جنب بعض و سطرين تلاته لو اتكتبو تحت بعض ينفع يبقو وثيقه أو
دستور مصغر لأبجديات الفهم و أبجديات العقل البشري , جايز الحمار ابن الحمار و الخروف
ابن الخروف يبطلو زربحه و نطح و رفس و تزبيل .
.
بيقولك يا سيدي
تركيا ترسل طائرة اطفاء كبيره للمساعده في اطفاء حرائق الكيان الصهيوني !!
......... تركيا اللي بقالها 3 سنين بتصرف ملايين و مليارات و تفتح جرايد و قنوات و
تلم الارهابيين عشان تحرق مصر أو تحاول تحرقها هي نفسها تركيا اللي بتحاول تطفي حريقه
في اسرائيل !! .
.
و الجزيره القطريه
الصهيونيه عامله فيلم تسجيلي مخصوص عن التجنيد الإجباري في مصر , يعني كل محاولات النيل
من جيش مصر المستمره من سنين مش نافعه , لا بالأخبار المضروبه ولا بالهاشتاجات ولا
بالتقارير , لا اخلع يا دفعه ولا جينرالات البيزنس ولا هزيمة 73 ولا انشقاق في صفوف
الجيش , فقام ولاد الحرام المصفي بيكملو المسلسل و بيتكلمو عن التجنيد الإجباري اللي
هو أساس و عقيدة الجيش و الشعب المصري , و مش عارف دوله بحجم و أهمية مصر المفروض تعمل
ايه عشان ترضي غلمان الخليج ؟ تلغي التجنيد الإجباري وتعمل على ارضها كام قاعده أمريكيه
عشان يحموها ؟
.
أدي يا سيدي تركيا
و أدي قطر , و من يومين كان تصريح مفتي الناتو , يوسف القرضاوي اللي بيقول فيه لولا
تركيا و قطر لضاع العالم الإسلامي , ابن الصرمه قليل الأصل اللي مابيتمرش فيه العيش
و الملح , قال تركيا و قطر و نسي يضيف عليهم اسرائيل !! .
.
الكائن اللي لسه
متشعلق في توب خليفة الشواذ , و الكائن اللي لسه بيتفرج على جزيرة الصهاينه , و الكائن
اللي لسه بيسمع للمسيخ الدجال مفتي الناتو , الكائنات دي مش المفروض تتحاكم بتهمة الغباء
السياسي , لا خالص , المفروض تنضرب بالنار بتهمة إنهم محسوبين علينا مصريين .
.......................................................................................................................
Mohamed
Hussein
24
نوفمبر 2016·
ياخي سبحان الله
, خبرين تلاته لو اتحطو جنب بعض و سطرين تلاته لو اتكتبو تحت بعض ينفع يبقو وثيقه أو
دستور مصغر لأبجديات الفهم و أبجديات العقل البشري , جايز الحمار ابن الحمار و الخروف
ابن الخروف يبطلو زربحه و نطح و رفس و تزبيل .
.
بيقولك يا سيدي
تركيا ترسل طائرة اطفاء كبيره للمساعده في اطفاء حرائق الكيان الصهيوني !!
......... تركيا اللي بقالها 3 سنين بتصرف ملايين و مليارات و تفتح جرايد و قنوات و
تلم الارهابيين عشان تحرق مصر أو تحاول تحرقها هي نفسها تركيا اللي بتحاول تطفي حريقه
في اسرائيل !! .
.
و الجزيره القطريه
الصهيونيه عامله فيلم تسجيلي مخصوص عن التجنيد الإجباري في مصر , يعني كل محاولات النيل
من جيش مصر المستمره من سنين مش نافعه , لا بالأخبار المضروبه ولا بالهاشتاجات ولا
بالتقارير , لا اخلع يا دفعه ولا جينرالات البيزنس ولا هزيمة 73 ولا انشقاق في صفوف
الجيش , فقام ولاد الحرام المصفي بيكملو المسلسل و بيتكلمو عن التجنيد الإجباري اللي
هو أساس و عقيدة الجيش و الشعب المصري , و مش عارف دوله بحجم و أهمية مصر المفروض تعمل
ايه عشان ترضي غلمان الخليج ؟ تلغي التجنيد الإجباري وتعمل على ارضها كام قاعده أمريكيه
عشان يحموها ؟
.
أدي يا سيدي تركيا
و أدي قطر , و من يومين كان تصريح مفتي الناتو , يوسف القرضاوي اللي بيقول فيه لولا
تركيا و قطر لضاع العالم الإسلامي , ابن الصرمه قليل الأصل اللي مابيتمرش فيه العيش
و الملح , قال تركيا و قطر و نسي يضيف عليهم اسرائيل !! .
.
الكائن اللي لسه
متشعلق في توب خليفة الشواذ , و الكائن اللي لسه بيتفرج على جزيرة الصهاينه , و الكائن
اللي لسه بيسمع للمسيخ الدجال مفتي الناتو , الكائنات دي مش المفروض تتحاكم بتهمة الغباء
السياسي , لا خالص , المفروض تنضرب بالنار بتهمة إنهم محسوبين علينا مصريين .
......................................................................................................................
Mohamed
Hussein
23
نوفمبر 2016·
زمان لما كنت اسمع
ولا أشوف حد يحكي عن القطه اللي عنده و هو منفعل و متحمس كده , أو يقلق عليها لما تتعب
و يجري بيها عالدكاتره , أو يقول أصل قطتي مش بتاكل غير كذا , أصلها حساسه أوي , كنت
في الوقت ده اقول لنفسي ايه الواد العبيط ده ؟ ايه التفاهه دي ؟ قطة ايه اللي يتكلم
عنها كده ؟ دانا كنت فاكره بيتكلم على حد من عياله .
.
لحد ما جبنا القطه
من كام شهر , اسمها بيري ( البنات اختارو الإسم ) , و رغم اني مش بتواجد في البيت الا
وقت صغير جدا كل يوم , بس لقيتني واحده واحده كده بتحول و ابقى زي الناس اللي كنت فاكرها
عبيطه و تافهه , بتعلق بيها , الهانم مابتكلشي غير لحمه و فراخ و لما تتواضع يعني تاكل
جبنه نستو , ماشي يا حبيبتي بألف هنا , و لما تكون كلت حتة اللحمه بتاعتها تيجي جنبي
و انا باكل و تتدلع عليا اقوم مديها الحته بتاعتي , وأكلهالها , مش مهم انا .
.
واقعد ابص لها
و اراقب حركتها , طب قولي لي بقى , خايفه ليه ؟ قلقانه من ايه ؟ نظرتك مش عاجباني
, ايوه العبي كده و اتنططي عشان اتطمن عليكي .
.
يعني باختصار وصلت
لمرحلة الشعور ان ربنا رزقني ب 3 بنات , أصغرهم و أخر العنقود اسمها الأنسه / بيري
محمد حسين
.........................................................................................................................
Mohamed
Hussein
23
نوفمبر 2016·
قصيدة ( *سميات
) من الألف للياء , من الجلده للجلده ........بوست مش +18.
.
من كام يوم دخلت
بالصدفه صفحة واحد من كبار شمامي الكوله , يعني من الأعيان , قريت البوست المكتوب و
قريت التعليقات , مئات التعليقات , ماتختلفش كتير عن البوست نفسه , ماهو دود المش منه
فيه , و لقيت ايه بقى يا مولانا ؟ بص يا سيدي , خير اللهم اجعله خير , لو جمعت التعليقات
كلها مع بعض و تحت بعض هيعملو ألف سطر مثلا , لو حذفت من الألف سطر كلمات و جمل زي
( *سم فلان ) ( طب *سم فلان مره تانيه ) ( انت مزعل نفسه كده ليه من فلان ما*سمه يا
جدع ) ( كنت عايز اقولك ايه صحيح , أه افتكرت *سم فلان ) ( و انت شاغل بالك بيهم ليه
*سمهم جميعا ) ( المعرصين )( دول شوية معرصين ) ( ياعم ماتشغلش بالك بالمعرصين ) (
مش قيمتك والله تكتب عن المعرصين ) , المهم بقى لو حذفت الجمل دي هتلاقي الألف سطر
بقو سطر و نص , يعني تقدر تقول ان البوست بتعليقاته بسلطاته عباره عن ( قصيدة *سميات
) كامله بصوت المناضلين الثوار الأشاوس اللي دهنو الهوا دوكو وخرمو الأوزون و حلّو
الإتحاد السوفيتي و منعو الإنحباس الحراري و غيّرو قواعد اللعبه في كوكب الأرض و المجموعه
الشمسيه لما قالو القصيده دي
.
أصدقائي التانيين
, أبطال و أفراد كورال فرقه ( *سميات ) , هه و بعدين ؟ طب هقول لكو على حاجه حلوه
, تعالو هقرالكو الفنجان , و لو ان حالكو مش محتاج قراية فناجين ولا فتح باب النيش
من أساسه , بص يا سيدي , فنجانك بيقول ايه بقى , بيقول انك بعد يوم و شهر و سنه و عشرين
سنه هتفضل زي مانت كده , هتتحولو من مجرد فقاعه صغيره لفقاعه كبيره , لا صدقني الفقاعه
الصغيره لما بتكبر مش هتبقى هرم مصر الرابع ولا عمري سمعت عن فقاعه كبرت و بقت أسد
أو فقاعه كبرت و خدت أغلبيه برلمانيه , نظرية التطور مفهاش كده , استنو استنو , شايف
قدامي في الفنجان 3 دواير و نقطه , يعني بعد 3 سنين هيحصل تغيير كبير في حياتكو وحالتكو
, نقله نوعيه يافندم , بدل ماهتقولو ( معرصين ) هتقولو ( متن**** ) عشان اكيد هتبقو
زهقتو من الكلمه الأولانيه , و محتاجين تجديد , هه ؟ حسيتو بايه بعد التجديد ؟ أحسن
طبعا , الزخم الثوري و النضالي تمام ؟ طب الحمد لله .
.
هو انا عايز أقولكو
ايه ؟ عايز أقولكو استمرو , دانتو لقطه و الله , أه بالمناسبه السيسي عمره ماهيقفل
الفيس بوك ولا تويتر , ولا أي رئيس عاقل هيعمل كده , ده المتنفس بتاعك يا حماده , البتاعه
دي اللي بيتدرّب عليها الملاكمين و بالنسبالك هتبقى البتاعه اللي بتطلع الكبت اللي
جواك فيها , او بمعنى أصح , دي الحيطه اللي هتضرب دماغك فيها باستمرار وتمارس كربلائياتك
, دلّع نفسك بقى و سنجفها , هاشتاجات و استفتاءات و شألباظات , انت ممكن تعمل استفتاء
عالفيس و تجيب وائل عباس رئيس جمهوريه أو حتى تجيب حماده طلبه , بالك انت لو نزّلت
كيم كارديشان في الإستفتاء الإفتراضي بتاعك هتفوز باكتساح و تبقى رئيس جمهوريتك الإفتراضيه
, يا بختك يا عم , يابن المحظوظه .
.
لا سياسه ايه و
نزول للشارع ايه و احزاب ايه و مشاركة حقيقيه و شعبيه عالأرض ايه ؟ انتو كده تمام أوي
, متصالحين مع نفسكو , على طريقة : أنا بحبني و بموت فيا و كل يوم بقوم احضن نفسي و
ابوسها من بؤها .
........................................................................................................................
Mohamed
Hussein
22
نوفمبر 2016·
يوسف القرضاوي
: لولا قطر و تركيا لضاع العالم الإسلامي !! .
.
ممممممممم قطر
و تركيا اللي هما فيهم أكبر قواعد عسكريه أمريكيه في الشرق الأوسط و اللي هما الراعي
الرسمي للإرهاب و لحرق و خراب العالم الإسلامي في أخر عشرين سنه تحت اشراف محور الشر
.
.
ربنا سبحانه و
تعالى قال لنا ان فيه حاجه اسمها شياطن الجن و حاجه اسمها شياطين الإنس , و انا قناعتي
التامه و ابصم بالعشره إن شياطين الإنس لو لهم كبير ( زي ابليس كده عند شياطين الجن
) يبقى أكيد الكبير بتاع شياطين الإنس اسمه يوسف القرضاوي , عشان ماعتقدشي ان فيه مخلوق
على كوكب الأرض يقدر ( يعلى ) في الوساخه أكتر من كده , يعني محدش يقدر يزايد على القرضاوي
في وساخته و شيطنته , الراجل ده متربع على عرش شياطين الإنس بلا منافس .
.......................................................................................................................
Mohamed
Hussein
22
نوفمبر 2016·
اتحاد مؤيدي الدوله
...................... أصل الحدوته , كلمتين و بس .
.
1- من كام اسبوع
كده لقيت اقتراح من بعض الأصدقاء بعمل جروب بالشكل ده يجمع المؤيدين للدوله بدل ماحنا
متشرذمين , و كتير أوي بس كل واحد مع نفسه , فكره حلوه مش بطاله ........ كويس كده
؟! .
.
2- الناس بدأت
تشتغل و تعمل مينشن لبعض و يجمعو عدد معقول و بعدين عملو زي استفتاء لاختيار الأدامن
و الناس اللي لها حق الكتابه و النشر , انا واحد من الناس اللي اختاروهم و ليا الشرف
طبعا .......... تمام ؟! .
.
3- الأسماء اللي
موجوده في الأدامن كلهم قامات وطنيه محترمه و أنا أقل واحد فيهم .
.
4- الهدف من الجروب
كان تجميعه للمؤيدين و الغرض الرئيسي في الكتابه عليه هو تفنيد الإشاعات اليوميه و
محاولة شرح المشاكل و الحلول و دعم الدوله بشكل محترم , الدوله دي اللي هي مصر مش فنزويلا
على فكره ...اللي مكتوبه في بطايقنا و جواز سفرنا .
.
5- طلبو مني أكون
في الإداره و رفضت عشان مليش في الحكايه دي و اجمالا مابعرفش اعمل حاجه غير اني اكتب
على صفحتي , يعني ممكن تقولو قلة تركيز أو طبع شخصي هباب , و إن كانت إدارة الجروب
نفسها شرف لي طبعا .
.
6- من كام يوم
ظهر خالد رفعت و قال عالمجموعه إنها جروب بتاع لجان الكترونيه و تمويل و كده و بيعملولي
ريبورتات و بيهددوني و هيحطو السيخ المحمي في صرصور ودني , و البوست انتشر بقى عند
( المناضله ) أيات عرابي و ( المناضل ) معتز مطر و ( شقة النضال ) اللي هي الجزيره
و غيرهم .
.
7- في التوقيت
ده جالي كم مكالمات و رسايل مش طبيعيه , من مصر و من بره مصر , و بقى أقرب المقربين
ليا ممكن يصدق خالد رفعت , مع ان مراته نفسها مابتصدقوش !! , و لقيت ناس ( بحبهم و
بحترمهم ) بتحذرني و بتقولي بلاش وجع دماغ و اخرج و كده , و ناس تقولها بهزار ( يا
لجان الكترونيه ) و ناس تقولها بجد , و شتايم للصبح , و ماهو اكتر من الشتايم .
.
8- النهارده استاذ
ناجي عباس كتب على صفحته إن الجروب و الموقع الالكتروني بيتمولو من السلفيين أو الإخوان
!! , و تخيل حضرته ان عمل موقع الكتروني محتاج تمويل و ألافات و ملايين , مع انه بيتعمل
بتمن ساندوتشين شاورما من عند أبو مازن , و لما الناس سألته جبت المعلومات منين ؟ قال
لهم انا بسأل بس !! .
.
9- يعني يا خوانا
احنا كده بنتمول من السيسي و خيرت الشاطر و الحويني , ده يبقى جروب توافقي بقى !!
.
.
10- اجمالا و موقفي
هقوله اهو , انا أدمن في الجروب و ليا الشرف , و لو ماكتبتش فيه هيبقى عشان زي ماقلت
لحضراتكو بحب اكتب على صفحتي بس ( مابعرفشي أخبز إلا في فرن أمي ) , كل أدامن الجروب
على راسي , وأنا اصغرهم و أقلهم شأنا , و حتى تاريخ كتابة هذه السطور لم أشهد عليهم
إلا كل احترام و وطنيه و اخلاص للبلد دي ( اللي هي مصر مش فنزويلا ) , و يوم ماشوف
غير كده هقول فورا و هلعن جدود أبو التخين , لا عليا فواتير لحد ولا حد كاسر عيني
, ولا صفحتي صغيره و كنت محتاج ابقى أدمن في جروب , و لا الدكتور وصف لي في الروشته
إني عشان أخف من الكحه لازم أبقى أدمن في جروب اتحاد مؤيدي الدوله .
.
11- طب ليه ده
موقفي ؟ و عليا بايه وجع الدماغ , عشان الأصل في الحدوته بيقول لما تشوف واحد ماشي
في الشارع ماتقولوش انت حرامي و اثبت لي انك مش حرامي !! , أصل الأشياء إن اللي ماشي
في الشارع ده مش حرامي لحد ماحضرتك تلاقي اثبات أو دليل انه حرامي .....يارب الناس
تكون فهمت قصدي .
.
اللهم قد بلّغت
, اللهم فاشهد .
.................................................................................................................
Mohamed
Hussein
21
نوفمبر 2016·
لا زلت عند رأيي
ان نزول طنطاوي لميدان التحرير يوم 11/11 كان رساله مش صدفه , طبعا الرساله مش للخرفان
ولا الكولجيه و بالتأكيد مش لخالتي لميس الحديدي , الشخصيات اللي زي طنطاوي و عمر سليمان
الله يرحمه مابتتحركشي بالصدفه , خطوتها بحساب , و النهارده زيارة طنطاوي لأهالينا
في النوبه , اه مش محتاجه فكاكه ان المشير طنطاوي ممكن يلعب أي دور سياسي أو حتى امني
مساعد للسيسي , لاهو عيب ولا حرام , كل الدول المحترمه بتعمل كده , الإستعانه بالرؤساء
و السياسيين و القيادات الأمنيه السابقه .
.
مشكلتنا بعد
25 يناير و بعد مانكسر حاجز الخوف جوانا و بعد ماسورة الحريه اللي انفجرت في وشنا فجأه
, اختلط الحابل بالنابل , و بقي كل واحد فينا بيعتقد إنه يعرف يدير مصر و يشكل الحكومه
و يعمل الدستور و هو نايم على سريره و أيا ما تكون خبراته أو مؤهلاته لكده .
.
انما قناعتي التامه
, ان الفتره دي , فتره 2011 و ما بعدها كانت فتره الطوفان , و الخروج ببلد بحجم و مشاكل
مصر من فترة الطوفان دي و بأقل خساير ممكنه هو في حذ ذاته انتصار عظيم , أه يا حبيبي
حاول تصدق , إن اللي نعرفه انا و انت و سوسو و فوفو و زيكو و ريكو و ابراهيم عيسى هو
نقطه في بحر مانعرفوش , و إن البلد دي بعد رحمة ربنا بيها و بعد دعاوي شعبها الطيب
و بعد صلابة جيشها العظيم عدّت من الطوفان عشان كان فيها رجاله لا بتخون ولا بتبيع
ولا بتشم كوله .
.
اسئله كتير لازم
نسألها لنفسنا لما نهدى كده و ناخد نفس عميق و نعرف نفكر بشوية تجرّد , مش بطريقة بحب
فلان يبقى ملاك و بكره فلان يبقى شيطان .
.
من ضمنها مثلا
السؤال عن مبارك نفسه , الراجل اللي قامت الثوره ضده , و اللي انا نفسي بحمله مسئولية
التركه الهباب اللي احنا فيها حاليا و الفساد و الترهل الإداري و الإقتصاد الهش و تسمين
الجماعه الإرهابيه , بس ده مايمنعش اننا نسأل بشوية انصاف , هو ايه اللي يحصل لو كان
مبارك رفض التخلي عن الحكم أو رفض انه يتقدم للمحاكمه ؟ و ايه اللي يجبر واحد حكم مصر
30 سنه ( يعني كان ملك مش رئيس ) انه يتذل الذل ده ؟ و ليه مبارك ماستخدمشي قاعدة انصاره
في مصر ( اللي هما بالتأكيد أكتر بكتير من الخرفان و الكولجيه مجتمعين ) و ليه ماعملشي
انشقاق في الجيش و ليه ماسلّحشي انصاره و قلبها حرب أهليه , و ليه ماهربشي ؟ دي اسئله
مشروعه ............. مش بقولك اللي نعرفه انا و انت نقطه في بحر مانعرفوش .
.............................................................................................................
Mohamed
Hussein
21
نوفمبر 2016·
النهارده كان أول
حصاد في مشروع الإستزراع السمكي , المشروع اللي مقام على مساحة 5 ألاف فدان , بس حبايبنا
اياهم لسه مانزلوش بالتقرير بتاع إن الجمبري ده تحديدا بيرفع نسبة البوتاسيوم و يقلل
نسبة المنجنيز و بيزود حب الشباب و بيعمل شلل مفاجئ في الجهاز العصبي المستكاوي , و
لسه اللامؤاخذه الواشنطن بوست مقالتشي ان الجمبري المصري ( دونا عن جمبري ربنا ) بينقل
فيروس إيه و بي و سي و دي و محقون بالهرمونات اللي بتسبب الضعف الجنسي , و لسه البرادعي
ماكتبشي تويته عن التأثير السلبي لحبس نقيب الصحفيين على انتاج مصر من الجمبري .
................................................................................................................
Mohamed
Hussein
21
نوفمبر 2016·
حجر لتحريك الماء
الراكد و لّا طوبه بيرموها في الإزاز و يجرو ؟! .
.
أصدقائي اللي هيزعلو
عارفهم بالإسم , و بعتذر مقدما .
.
- من كام يوم خرج
اسلام البحيري من السجن بعفو رئاسي و قال في أول تصريح له ما معناه يعني إن اللي قاله
قبل كده أقل بكتير من اللي هيقوله بعد كده , و المعنى و الترجمه : انتظرونا و انتظرو
الفارس و الفروسيه بحق ربنا بقى .
.
- و امبارح كتب
محمد عبد الله نصر حكاية المهدي المنتظر و أيا مايكون السبب ( أو الحركه ) فهي تستحق
جايزة أسخف نكته في 2016 , ليس هكذا تورد الإبل .
.
- اجمالا , ماعرفش
ايه العلاقه اللي ممكن تربط البحيري بمحمد عبد الله , او ينفع يتحطو في كفه واحده ولا
لا , انما اللي اعرفه إنهم بيشتركو في أغلب المريدين اللي ليهم توجه معين .
.
- هذا العبد الله
القاطن في هذا الأكاونت ( اللي هو انا يعني ) عندي كتير من الأفكار المشتركه مع البحيري
و محمد عبد الله , منها كتب السنه و التراث و كتب الأحاديث النبويه , و عدم قبول مطلق
لجدليه أو قدسيه حديث أو قصه اتقالت من 1400 سنه وتناقلها الرواه و كتبها فلان و نقلها
علان , يعني توافر العنصر البشري على مدار 14 قرن مع عدم وجود اثبات يقيني قاطع بإن
سيدنا النبي قال الحديث ده يبقى احنا قدام احتماليه الخطأ في النقل أو الزياده أو النقصان
أو أو أو , و بالتالي كان رأيي باختصارهو عملية تنقيح كامله لكتب الأحاديث و التراث
و أضعف الإيمان هو استبعاد أي حديث يصطدم بشكل ما بالعقل البشري .
- و جدليات كتير
زي حكايه عدم دخول غير المسلمين الجنه , ممكن اكون اتناقشت مع أقرب المقربين و حاولت
أشرح بكل الطرق و وصلت لأخر ليفل في الشرح و انتهيت بإنك يا أخي ماتحكمشي على رحمة
ربنا , ماتفرضشي على ربنا رحمته , و في النهايه كنت بوصل لحيطه سد .
.
إنما يعني و لكن
, يعني but .
.
قناعتي كمان اننا
مع في أخر عشرين تلاتين سنه و بعد مرحله رائعه من التجهيل و التهميش السياسي و الفكري
و فقدان القدوه و المثل و الرمز الحقيقي وصلنا لمرحله هشه جدا , مرحله بقينا فيها أشبه
بالغريق اللي بيتعلق بقشايه , و الحكايه دي هتلاقوها في كل حاجه , غريق الثوره بيتعلق
في قشايه زي أسماء محفوظ و الواد سوكه و مستعد يعملهم أيقونات , غريق الفكر المتحرر
بيتعلق بقشايه زي اسلام البحيري و محمد عبد الله , أو ممكن تقول الحكايه أشبه بمريض
في مستشفى اتخنق و تعب من كتر الإهمال الطبي و التجاهل و سوء الخدمه فقرر انه يروح
للمجبراتي أو حتى حلاق الصحه .
.
أصدقائي الأعزاء
, ممكن لو سمحتو تبقو تاخدو عقولكو معاكو و انتو رايحين في أي حته و قاعدين قدام أي
حد , ماتفكرشي حتى بدماغي انا , اقعد كده قدام أيقوناتك بس عقلك معاك , و هات ورقه
بيضا فاضيه و اعمل فيها مربع كبير , و لما تلاقي أيقونتك أو قشايتك بيقول حاجه تصطدم
بعقلك حط في المربع نقطه اللي هي ( . ) , و لما تلاقيه بيعك و يعجن حط شرطه اللي هي
دي ( - ) و لما تلاقيه بينصب عامدا متعمدا حط نجمه اللي هي دي ( * ) و استنى على نفسك
أد شهرين تلاته و شوف المربع بتاعك فيه ايه , لو لقيته اتملى نقط و شرط و نجوم ابقى
تعالى و جاوب عالسؤال اللي هو عنوان البوست , الناس دي بترمي حجر في ماء راكد ؟ ولا
بترمي طوبه في ازاز مبني و تطلع تجري ؟!.
....................................................................................................................
Mohamed
Hussein
20
نوفمبر 2016·
بس بس , كده تمام
أوي , مصر اتعشّت و بقت زي الفل و مش محتاجه غير ازازة بيره مشبّره تحبس بيها , من
شويه الشيخ محمد عبد الله نصر أعلن في بيان هام على صفحته إنه المهدي المنتظر و بيطالب
الناس بالبيعه , أه و عهد الله , انما هي فرصه حلوه عشان اعترف لكو انا كمان باعتراف
خطير كنت مخبيه عنكو طول السنين الضوئيه اللي فاتت , الحقيقه انا مش إنسان زي مانتو
متخيلين , أنا غساله أوتوماتيك نُص عمر إنما حالتها معقوله , محتاج لي بس سير جديد
و غطا قماش من التوحيد و النور و ابقي زي الفل , و قبل ثورة يناير كنت عباره عن حجر
معسل و مشبكين غسيل لازقين في بعض .
.
يالله كل واحد
من أصدقائي يعترف هو مين أو هو إيه أو هو إزاي أو هو ليه , مفيش داعي للإنكار , للأنكار
( بصوت الشاويش عطيه ) .
.....................................................................................................................
Mohamed
Hussein
20
نوفمبر 2016·
بيقولك مره واحد
إرهابي قاعد قدام مرايه في بريطانيا وطقت في دماغه كده إنه يتصالح بقى مع النظام و
الدوله المصريه , الإرهابي بص للمرايه و قال نتصالح , قام واحد ارهابي تاني شبهه بالظبط
وباين في المرايه قال للإرهابي الأولاني نتصالح أه بس بشروطنا , عليا الطلاق ماحنا
متصالحين إلا بشروطنا , قام الإرهابي الأولاني بص للمرايه و قاله طب يمين على يمينك
ماحنا متصالحين خالص و عندها رفض ولاءات للمصالحه , قام الإرهابي التاني اللي شبهه
بالظبط و ظاهر في المرايه قاله أيوه كده , هو ده الصح , بالحضن يا أخي في الله ,.
.
قام الإرهابي الأولاني
وقف عشان يحضن أخوه الإرهابي التاني اللي شبهه بالظبط قام راشق في المرايه و دماغه
اتفتحت , رجع قعد عالكرسي بتاعه و الإرهابي التاني برضه دماغه اتفتحت ( في نفس اللجظه
يا مؤمن ) و رجع برضه قعد عالكرسي بتاعه , الإرهابي الأولاني بص في المرايه و قال للإرهابي
التاني ايه ده ؟ انت دماغك بتجيب دم ؟ الإرهابي التاني قاله معقوله ؟ دانت كمان دماغك
بتجيب دم , قامو قالو في نفس واحد بس مفيش غيره السيسي اللي عملها و سيّح دمنا .
.
قامت الجزيره جابت
الخبر بتاع الإرهابي و اللي شبهه بالظبط وقالت طائرات النظام المصري تقصف مراية أحد
المجاهدين ( في ضواحي لندن ) و تتسبب في مقتل 750 ألف من المواطنين السلميين في ميدان
التحرير و اعتقال 350 مليون مواطن مصري و هما بيصلو جماعه في سيدنا الحسين , قام البرادعي
كتب تويته عن العنف المتبادل و اعتقال ملايين الشباب و اغتيال أحلام الشباب و علاج
حب الشباب , قام خالد علي عامل وقفه على سلم نقابة الصحفيين و جاب معاه 13 نفر و رفعو
ايديهم كداهو , قام في اللحظه دي كان فيه بنت معديه بتبيع حشيش ( شغاله ديلر ) و عدّت
من قدام نقابة الصحفيين و البوكس قفشها , قامو الشباب عاملين لها هاشتاج و قالو : صمودك
أخجلنا يا سيدتي .
.
و توته توته خلصت
الحدوته , حلوه ولا ملتوته ؟! .
........................................................................................................................
Mohamed
Hussein
20
نوفمبر 2016·
قمة الهطل و الحموريه
الممزوجه بعنطزه فارغه بشوفها عند ناس مسميين نفسهم صحفيين و اعلاميين و نشطاء سياسيين
, المشكله مش انك تبقى أهطل و حمار ولا المشكله انك تبقى متعنطز , المشكله انك تبقى
الاتنين مع بعض , يعني حمار و متعنطز .
.
لو حرامي غسيل
مشي في الشارع و شاف غسيل ست أم شوشو بيهفهف عالحبل فقام خطط و فكر و على اخر اليوم
كان قاصص حبل الغسيل بالهدوم اللي عليه و اتقفش بيتحاكم بتهمة انه حرامي غسيل , لا
وكيل النيابه بيبص في بطاقته ولا الظابط ولا القاضي , و لو بصو في بطاقته أكيد مش هيلاقو
المهنه حرامي غسيل, ممكن يلاقوها اي حاجه , عاطل عن العمل او حاصل على دبلوم أو دكتور
عيون أو صيدلي أو مبيض محاره أو المهنه نقيب الصحفيين !! .
و قمة المرقعه
بقى ماطلعتشي في البرادعي وابراهيم عيسى , لا فيه ليفل أعلى شويه من ليفل البرادعي
و ابراهيم عيسى , هو ليفل نقيب الصحفيين ذات نفسه , اللي صدق انه مسجون رأي و مسجون
سياسي و مسجون عشان حرية الصحافه , و الصحافه صاحبة الجلاله ( مع اني كنت فاكرها صديقة
الطلبه ) .
.
مشهد نقيب الصحفيين
و دور الحمار المتعنطز اللي عايش فيه دلوأتي بيفكرني بمشهد في فيلم لنور الشريف , الفيلم
شوفته مره واحده , كان متهم بالقتل و اتسجن و قبل مايتسجن كان تقريبا له شويه نشاط
سياسي ( واحتمال يكون بات ليلتين في التحرير ) , المهم انه قتل و اتسجن عشان قتل ,
و مره الشاويش بيقوله ادخل جوه يا مسجون عشان نقفل الباب , قام نور الشريف بكل ثقه
و كل عنطزه بص للشاويش و قاله : سيااااااسي , مسجون سيااااااسي !! , الشاويش قاله مسجون
سياسي ايه ؟ دانت قاتل قتيل و مسيح دمه !! .
.
عزيزي نقيب الصحفيين
, سيادتك يعني معاليك يعني جنابك متهم بإيواء 2 متهمين مطلوبين أمنيا , اقرا الجمله
دي 17 مره مش هتلاقي فيها كلمة صحافه ولا صحفيين ولا صاحبة الجلاله و لا صديقة الطلبه
, يعني لا انت معتقل بتاع حرية رأي و حرية صحافه ولا انت مسجون سياااااااسي .
.............................................................................................................................
Mohamed
Hussein
19 نوفمبر 2016 .
يابني افهم , افهم
, و الله العظيم الحكايه ماهي حكاية جنود و ظباط ماتو , الحكايه حكاية بلد كانو عايزينها
تموت .
.........................................................................................................................
Mohamed
Hussein
19
نوفمبر 2016·
أه طبعا طبعا نتصالح
و ماله , أومال مانتصالحش , أومال لأ أومال أه .
.
ثواني بس هشرب
بؤ مايه عشان أنسى دم ولادنا اللي استشهدو , و بؤ مايه كمان عشان انسى 3 سنين من التشويه
الكامل و التام و الممنهج لكل حاجه لها علاقه بمصر , بما فيها الإسم و العلم و النشيد
و التاريخ و الإنتصار و الجيش و الشعب , و بؤ مايه كمان عشان انسى قنواتكو في قطر و
تركيا و جرايدكو في بريطانيا و وساختها , و بؤ مايه كمان عشان الكونجرس و سجودكو في
بلاط سيدكو أوباما و ستتكو هيلاري , و بؤ مايه كمان عشان انسى فتاوي الجهاد و قتل الجنود
المصريين بتاعة مفتي الناتو , و بؤ مايه كمان عشان مشاركتكو القذره في لوي دراع مصر
اقتصاديا و جمع الدولارات من المصريين في الخارج و حرق محولات الكهربا , و بؤ مايه
كمان عشان تشويهكو للسياحه في مصر , و بؤ مايه كمان عشان رسايلكو اللي كنتو بتترجموها
و تبعتوها لإيطاليا , و بؤ مايه كمان عشان تحريضكو على مصر في الإتحاد الأوروبي , و
بؤ مايه كمان عشان علم مصر اللي غيرتوه و حطيتو مكانه العلم بتاع أيام الملك يعني الإستعمار
و الإستحمار , و بؤ مايه كمان عشان حكاية الجيش المصرائيلي و جينرالات البيزنس و هزيمتنا
في 73 , و بؤ مايه كمان عشان حكاية اخلع يا دفعه , و بؤ ماية كمان عشان تكفير الشعب
و استباحة دمه , و بؤ مايه كمان عشان محاولتكو القذره لعمل انشقاق في جيش مصر , و بؤ
مايه كمان عشان تشويه عقول الألاف من البسطاء و بؤ مايه كمان عشان ألاف التقارير المزيفه
و الصور الفوتوشوب و بؤ مايه كمان عشان الإشاعات و التدليس المتواصل اللي مانقطعشي
لا ليل ولا نهار .
.
نتصالح ازاي مع
شوية مجرمين أفاقين صهاينه إرهابيين خونه ؟ ده البحر المتوسط لو مايته خمره و شربناها
مش هتكفي إننا نسكر ولا ننسى .
..........................................................................................................................
Mohamed
Hussein
19
نوفمبر 2016·
الوصايا المُجمّعه
في علم التدليس و المرقعه ............ تأليف مولانا العارف بتويتر فضيلة الشيخ محمد
البرادعي , رضي الأمريكان عنه و أرضوه .
.
يقول مولانا محمد
البرادعي في محكم و أخر تويتاته : (( عندما نحبس نقيب الصحفيين هل ستنهال علينا الاستثمارات
نظرا للثقة فى دولة القانون أم ستنتظر حتى يعفو عنه الحاكم ؟ مشهد آخر من مسرحية عبثية
)) .
.
الحقيقه لما كتبت
البوست اللي فات توقعت ان البرادعي يدلي بدلوه في موضوع نقيب الصحفيين , ماكنتش شوفت
التويته و الله ولا عندي حساب على تويتر .
.
و الحقيقه ان الربط
بين حبس نقيب الصحفيين و بين الاستثمارات ملهوش أي تصنيف في دماغي غير انه مشهد جديد
من مشاهد مسرحية المرقعه بطولة الفنان محمد البرادعي .
.
و الحقيقه ان نقيب
الصحفيين مش هيستنى عفو الحاكم و عادي هيخرج بكفاله , إلا إذا حب يعمل نفسه بطل قومي
عند شمامين الكوله .
.
و الحقيقه ان تهمة
نقيب الصحفيين هي إيواء ناس مطلوبين أمنيا , يعني التهمه ملهاش أي علاقه بمسمى ( نقيب
الصحفيين ) , في الحاله دي المسمى ملوش أي تلاتين لازمه , يطلع بقى نقيب الصحفيين أو
نقيب مبيضين المحاره أو رئيس المجلس الأعلى لثقب الأوزون , و الله ما هتفرق , اتسترت
على 2 مطلوبين للعداله و أويتهم ولا لا ؟! .
.
و الحقيقه ان نقابة
الصحفيين ذات نفسها مأنكرتش التهمه و كانت كل مشكلتها هي الإفتكاسه بتاعة ان النقابه
دي مكان قدسي و مقدس و قديس و قدس الأقداس , و ممممممم قدس امهم جميعا .
.
و الحقيقه يا برادعي
ان الحكم على نقيب الصحفيين في تهمة التستر على مطلوبين أمنيا , و عدم الإكتراث بقلاش
و ألاضيشه و مقالاتهم و افتكاساتهم هو أكبر دليل على دولة القانون , و بالتالي يبقى
سبب مهم للإستثمار , ده لو كان فيه حد بره مصر ( او حتى جواها ) يسمع عن يحيى قلاش
أصلا !! .
.
و الحقيقه يا برادعي
انك وصلت من كام يوم لأخر ليفل أو أخر مشهد في مسرحية المرقعه , و بقيت قاعد ( و فارش
) على تويتر , تستنى أي خبر أو افتكاسه أو هريايه و تهري , تلاقي واحده بتقول سرنجه
نستحدمها كذا مره تقوم انت قايل حق المواطن في الدواء , تلاقي قايمة عفو رئاسي مفهاش
ألاضيشك تقول انتقاء , و يومين تلاته كده و هستنى منك تويته تشرح لنا فيها عن حق المواطن
في الدول الديموقراطيه العريقه في الحصول على حلاوة المولد .
.......................................................................................................................
Mohamed
Hussein
19
نوفمبر 2016·
عدوهم اسمه العقل
.
أكبر عدو بيرعب
الخرفان و الكولجيه هو العقل و المنطق , إنك تقيم عليهم الحجه بأبجديات العقل البشري
, إنك تعرّيهم قدام نفسهم , إنك توقّفهم قدام المرايه و تخليهم يشوفو شكلهم القبيح
.
.
المحكمه حكمت النهارده
على يحيى قلاش نقيب الصحفيين بالحبس سنتين و معاه جمال عبد الرحيم وخالد البلشي ( و
كفاله لوقف التنفيذ ) , الحقيقه و أبجديات العقل البشري بتقول ان الدوله لما قبضت على
قلاش و الاتنين اللي معاه مخافتشي من هجمة الصحفيين أنصار و ( ألاضيش ) يحيى قلاش
, والقاضي أصدر حكمه , محدش خايف ولا حد مرعوب , و النهارده هتسمع بقى عن افتكاسات
زي اجتماع طارئ لنقابة الصحفيين و شوية مقالات و شعارت زي الفل , عادي , في أوسخ حيطه
يضربو دماغهم , و الحقيقه ان ألاضيش يحيى قلاش و معاهم المعدداتيه زي البرادعي لو فتحو
موضوع قلاش هيقولو حرية الرأي و التعبير و الهيييييح , مع إنهم محكوم عليهم بتهمة إيواء
متهمين مطلوبين أمنيا !! يعني القضيه لا حرية تعبير ولا حرية صحافه و لا حرية بطيخ
.
.
من كام يوم القاضي
حكم على أمين الشرطه بتاع الرحاب بالسجن المؤبد , و دي أقصى عقوبه ممكن ياخدها عشان
تهمته مش قتل عمد مع سبق الإصرار , يعني القضيه لا فيها نيه مبيته ولا سبق اصرار ,
الراجل كان قاعد بيشرب شاي و قامت الخناقه و قتل بياع الشاي , دي أقصه عقوبه ياخدها
أي حد في حادثه زي دي , سواء كان أمين شرطه أو دكتور عيون , برضه الدوله مابتخافش
, و محدش فوق القانون .
.
الدوله اللي حبست
2 رؤساء و جابت ملياردير من بيته وقت الفجر , و نزّلت وزير من وزارته عالبوكس , الدوله
دي مش خايفه من حد , ولا فيها مسئول سواء كان رئيس أو وزير داخليه مستعد يدفع فاتورة
ظابط شرطه لو ثبت بالتحقيقات إنه ارتكب جريمه , و انا صحيح ذكي أوي و عبقري و بمشي
عالحيط لكن ماعتقدشي اني و انا قاعد مكاني كده ينفع اشتغل وكيل نيابه و أطير لحد مصلحة
الطب الشرعي و اشتغل طبيب شرعي و اطير لحد المحكمه و اشتغل قاضي , لا صعب عليا الحكايه
دي , يبقى للأسف لازم استنى نتيجة التحقيقات .
.
كلمة اخيره للمركوبين
اللي ادمنو الركوب , لو النيابه و القضاء و الطب الشرعي أدانو الظابط يبقى تقول ظابط
مجرم أو ظابط بلطجي , ماتقولشي الداخليه بلطجيه و لا تقول القضاء أدان الداخليه , مش
هينفع تتركب لمدة 5 سنين , ضهرك مش هيستحمل , لو مهندس الحي خد رشوه و عمل مبنى مخالف
و المبنى ده وقع على دماغ اللي فيه و قتلهم , في الحاله دي بتقول مهندس مجرم و بلطجي
مابتقولشي نقابة المهندسين بلطجيه .
.....................................................................................................................
Mohamed
Hussein
19
نوفمبر 2016·
بعتذر عن البوست
اللي فات , ركزت على سماسرة الدم اللي بيحاولو يستغلو الحكايه و يركزو على ان الضحيه
مسيحي و يتاجرو بدم عم مجدي , و نسيت ان الفيديوهات و الصور و الأخبار و التقارير الصحفيه
هي أسهل حاجه ممكن يتلعب بيها , يعني وجّهت إدانه مسبقه للظابط اللي انا ماعرفوش ,
هستنى تحقيقات النيابه , مش هصدر حكم مسبق و انا قاعد مكاني ولا هستخدم قاعدة الإحتمالات
و أقول ماهو أصل , الحق أحق أن يُتّبع , ولا يجرمنّكم شنأن قومٍ على ألا تعدلو , لو
الظابط مدان بقتل و تعذيب هيتحاكم زيه زي غيره , الإدانه هتقولها النيابه و القضاء
و الطب الشرعي مش انا , و اللي مش عاجبه النيابه و القضاء و الطب الشرعي بتوعنا يروح
أمريكا , أمريكا حلوه !! .
...................................................................................................................
Mohamed
Hussein
18
نوفمبر 2016·
قرارات زي تحرير
سعر الصرف و زيادة أسعار الوقود في وقت خطر جدا زي وقت التحضير لثوره مزعومه و التهييج
من الجزيره و قنوات الخرفان و صناعة ايقونه عبيطه جديده اسمها سواق التوكتوك , قرارات
بالخطوره دي و في التوقيت ده ( بغض النظر عن أسبابها ) مايخدهاش غير واحد اسمه عبد
الفتاح السيسي , و هو هو نفس الشخص اللي لما عملو قايمة للعفو الرئاسي مقالشي لحد و
النبي تضيف اسم أيقونات الثوره و المشاهير عشان أكسب شعبيه عند شوية من الكولجيه ,
القايمه مفهاش ولا اسم معروف غير اسلام البحيري , بقية الأسماء ناس مش معروفين خالص
اهاليهم غلابه , و أكترهم طلبه , الراجل ده مابيخافش ولا بيكش ولا بيتهدد ولا بيدور
على شعبيه على حساب قناعاته .
.
طب هقولكو حاجه
صغيره محدش خد باله منها , في السنتين اللي فاتو هاخد لكو حاجتين تلاته عملهم السيسي
بس , مشكلة الكهربا , الرقم اللي بيتقال في حل مشكلة الكهربا مابيقلش عن 100 مليار
جنيه , و في شبكة الطرق و الكباري اللي اتعملت واللي ماحصلش زيها في 30 سنه ممكن تتكلم
في اكتر من 150 مليار , غير انفاق قناة السويس و صوامع القمح و القضاء على فيروس سي
و القضاء عالجزء الأكبر من العشوائيات ...الرقم الإجمالي اللي اتصرف في كده ماعتقدش
يقل عن 400 مليار جنيه.
.
طب حاول تتخيل
بس , الرقم ده اللي هو 400 مليار جنيه , ماصرفناش منه حاجه في الليله دي كلها , ماهي
الطرق التعبانه كانت تستحمل خمس ست سنين , و مش مهم انفاق ولا تنميه في قناة السويس
نستنى شويه و مشكلة الكهربا تيجي ساعتين و تقطع عشره بس الناس بتتصرف بكشافات و مولدات
كهربا وحتى لمبات جاز و العشوائيات دي موجوده من عشرات السنين تستحمل شويتين كمان
, يعني الراجل كان يقدر مايعملش الكلام ده كله و يوجه المبلع اللي هو 400 مليار للدعم
, دعم الجنيه و دعم محدودي الدخل و دعم الوقود , عارف كان ممكن يعمل ايه المبلغ ده
؟ كان ممكن ينزّلك كافيار و استاكوزا على بطاقة التموين , و ينزلّك سعر البنزين للنص
, و بأي طريقه يثبّت سعر الجنيه قدام الدولار وأسعار السلع تفضل زي ماهي , و بس يا
سيدي , نفرح احنا بقى و نتبسط ( ننبصت ) ونلبس السلطانيه و حسن يتجوز نعيمه و يبوسها
من بؤها .
.
بس أحلى حاجه في
السيسي إنه لا بتاع سلطانيه ولا بتاع حسن و نعيمه .
.....................................................................................................................
Mohamed
Hussein
18
نوفمبر 2016·
الناس اللي ممكن
تفكر ولو مجرد تفكير انها تنتخب شفيق تاني أو ترشّح جمال مبارك و تنتخبه ( ده لو كان
ينفع يترشح ) , تعالو اقفو هنا .
.
و الناس اللي بقالها
سنين بتتبرع لحفر أبار في أوعندا ( رحمة ونور عالشهيد الأيقونه بتاع الصابونه ) و في
وقت فراغها بتشرح طريقه عمل قنبله بدائية الصنع كنوع من حرية التعبير عن الرأي , تعالو
معاهم .
.
و الناس اللي فاهمه
ان القيادات النقابيه و التنفيذيه دورها ( في خدمة مصر و في التعامل مع المشاكل و الأزمات
) انها تعمل مداخلات تلفزيونيه و صحفيه و ترمي اشاعات و تهبل و يبقو أبطال و زعماء
ومناضلين , و فاهمه ان الجيش لما يحارب الإرهاب يبقى ده اسمه عنف متبادل , تعالو و
النبي جنب حبايبكو .
.
والناس اللي بتقعد
قدام مصطفى بكري و خالد صلاح و احمد موسى و عزمي مجاهد و يستربعو و يفتحو حِجْرهم عشان
يعبّو دروس في الوطنيه و الإخلاص و يتشحتفو , و يغنّو معاهم ( حب الوطن يابه دوّبني
دوب ) , تعالو تعالو متخافوش .
.
طابور واحد بقى
, العبيط قدام و الأهبل ورا و الخاين في النص , أيوه تمام الله يفتح عليكو , لليمين
دور , شايفين الباب الكبير الواسع الشرح البرح اللي هناك ده ؟ أه بالظبط كده , ماتبقوش
تقطعو الجوابات , ولّا أقولكو ؟ ابقو اقطعوها .
.......................................................................................................................
Mohamed
Hussein
18
نوفمبر 2016·
احنا ماعملناش
ثورتين وغيّرنا 3 دساتير و بتاع 15 حكومه عشان نرجع تاني زي زمان و نقول للريس في عيد
ميلاده كل سنه و انت طيب ياريس , مش معقول كده , مايصحّش كده , رئيس الدوله أصلا بيبقى
مجرد موظف شغّال عندنا و بفلوسنا , يبقى لما ييجي عيد ميلاد السيسي ( اللي هو بكره
) محدش ينسى بقى , أنا قلت لكو أهو , مفيش حاجه اسمها كل سنه و انت طيب ياريس , انما
ممكن نقوله : كل سنه و انت طيب يا بطل , كل سنه و انت طيب يابن مصر الأبيه , كل سنه
و انت طيب يا أرجل ولد جابته بهيه .
......................................................................................................................
