Mohamed
Hussein
28
يوليو 2016·
يابني اسمه الجيش
العربي السوري , مش معقول هتستمر في حموريتك 5 سنين , دانت قربت تاخد ماجستير في الحموريه
ياراجل , اسمه الجيش العربي السوري و بس , و البديل اسمه الإرهاب اللي هو مجرد صوابع
لأمريكا و بريطانيا و كلب تركيا .
.
الجيوش مابيتقالشي
عليها شيعي و سني و كاثوليكي , الجيوش النظاميه مابتتصنفش تبع العرق و الدين و المذهب
, الجيش المصري مابيتقالشي عليه الجيش المسلم السني , اسمه الجيش المصري , و الجيش
الياباني مابيتقالشي عليه الجيش الشنتو ولا الجيش البوذي ولا الجيش ال ( نُص شنتو و
نُص بوذي ) , و الجيش السوري اسمه الجيش السوري , جيش الدوله اللي بيحاول يلم أشلائها
.
.
مشكلتك ان الجزيره
لعبت في دماغك و قرّبت تخلف منها عيال ( أه مشيها دماغك ) , و الغريبه انك مبسوط أوي
و فاتح بؤك أد كده و مسلّمهالهم تسليم أهالي ( بتكلم عن دماغك طبعا ) .
.................................................................................................................
Mohamed
Hussein
28
يوليو 2016·
عارف لما يكون
عندك مشكله في التنفس ؟ صدرك مكتوم , بتاخد نفسك بالعافيه و يقوم واحد جاي كده و كاتم
مناخيرك أو حاطط ايده على بؤك ؟ عارف الشعور ده ؟ الموضوع ده ممكن مايسببش لك مشكله
لو تنفسك معقول و بحاله طبيعيه , لكنه يخنقك و ممكن يتسبب في وفاتك لما تكون عندك مشكله
في التنفس .
.
مصر فيها ازمة
دولار متعمده , لسببين مهمين , الحكايه مش كيميا , و مفيش شجره كنا بنزرعها تقوم تكبر
و تطلّع دولارات , السياحه اللي انضربت ( بفعل فاعل ) كانت مصدر رئيسي للدولار , و
ليبيا اللي خربت ( بفعل فاعل برضه ) كانت مصدر مهم , يعني البلد بقالها سنتين تلاته
بتعاني من ان دخلها من العمله الصعبه قلّ أكتر من النص .
.
في التوقيت ده
تحديدا بتبقى مصر عامله زي الراجل اللي عنده مشكله في التنفس , أي حركه بسيطه زياده
ممكن تخنقه ( انك تحط ايدك على بؤه مثلا ) , من ضمن الحركات اللي ممكن تخنقك في حالتك
الدولاريه الصعبه دي ان التنظيم الإرهابي يلمّ الدولارات من المغتربين بسعر زياده عشان
مايحولوهاش مصر , حتى لو هيخسر فيها ( فلوس قطر كتير ماتقلقش ) , وحركة لم الدولارات
دي في الوضع الطبيعي العادي ممكن متأثرش على سعر الصرف عندنا أو يبقى تأثيرها محدود
جدا , لكن في وضع صعب هتأثر .
.
اللي لسه بيستغرب
من فيديوهات خرفان الجماعه الارهابيه و دعوتهم العلنيه للمغتربين بعدم تحويلهم للدولارات
يبقى مايعرفش يعني ايه تنظيم ارهابي صهيوني وثني , بص يابني من الاخر , الناس لما بيتولدو
بيرضعو طبيعي أو صناعي إلا الاخوان من يوم مايتولدو و هما بيرضعو خيانه .
...................................................................................................................
Mohamed
Hussein
27
يوليو 2016·
السياحه الروسيه
لو رجعت تاني هتحل جزء مهم من أزمة الدولار , بس و الله العظيم وقتها هتلاقي نفس العيل
اللي قارفنا من امبارح و مقضيها شحتفه و ( أه يانا يامه يانا يامه ) , هتلاقيه طلع
جري و قعد يبعت للجرايد و القنوات الروسيه يقول لهم مصر زي الهباب و مليانه زباله و
مفهاش أمن و شواطئها مليانه حيتان و أسماك قرش و ديناصورات , و لو طال يدبح سايح روسي
بإديه مش هيتأخر .
.
الواد المتخلف
عقليا ده هو اللي غالبا لما كان صغير و كان بيسمع ان فيه عريس جاي لاخته كان بينزل
بسرعه يقابله عالسلم و يقوله إوعى تخطب البت اللي فوق دي , دي شكلها وحش جدا و مابتعرفش
تطبخ و سمعتها زباله و ماشيه مع الواد حوده الكهربائي و أهل الحاره كلهم عارفين , و
بعدين يطلع لاخته يعايرها و يقول لها يا بايره يا بايره .
.
الغريبه بقى انه
و مع قواه العقليه اللي تحت الصفر دي فاهم نفسه عبقرينو و أذكى خواته و عايز يحكم مصر
, يابني انت متخلف عقليا بس احنا مش راضيين نقولك عشان مانجرحش شعورك , بلد ايه اللي
عايز تحكمها ؟ داحنا مستحلمين إعاقتك الذهنيه دي عشان ربنا مايعاقبناش , من الأخر يعني
بنعتبرك ( بركة البيت ).
...................................................................................................................
Mohamed
Hussein
27
يوليو 2016·
زمان كانت حكاية
( تاجر عمله ) دي تهمه و جريمه و حاجه تمس الشرف , زيها زي تاجر حشيش و حرامي غسيل
, اللي كان بيتاجر في العمله كان بيتدارى و حريص جدا ان محدش يعرف مهنته ( حتى مراته
), إنما في ال 5 سنين اللي فاتت و بعد ما كل حاجه بقت بظرميت , و الإرهابي يتقال عليه
صاحب رأي و فكر , و العبيط يتقال عليه فقيه دستوري و خبير اقتصادي , و حرق عربيات الشرطه
يتقال عليه عمل نضالي , بقت حكاية ( تاجر عمله ) حاجه عاديه و تدعو للفخر , مهنه شريفه
يعني زي الطبيب و المهندس و مبيض المحاره , و ممكن اللي بيشتغل في كده يطبع كروت شخصيه
و يوزعها على زباينه و يوزعها حتى في اشارات المرور , و يكتب عليها المهنه ( تاجر عمله
) , و مراته تبقى عارفه و تقول لصاحبتها أنا جوزي ياختي شغال تاجر عمله أد الدنيا
, و هي تقول لها ما شاء الله و انا خطيبي شغال ناشط سياسي أد الدنيا برضه , حرق عربيتين
شرطه و بعت 17 رساله مترجمه لصحف ايطاليا عشان يقولهم احنا اللي قتلنا ريجيني .
....................................................................................................................
Mohamed
Hussein
26
يوليو 2016·
الأيام و السنين
هما أكبر معلِّم للإنسان , خصوصا سنين زي اللي فاتت دي ( كانت الدروس فيها دروس مكثفه
) , لما تلاقي قدامك 3 اختيارات مفيش غيرهم , واحد عايش في غيبوبه و شعارات مجوفه و
كلام مجعلص و إدراكه للواقع يساوي صفر ( ده لو افترضنا فيه حسن النيه ) , و التاني
إرهابي خاين و عضو في تنظيم دولي لا يعرف أرض ولا وطن , و التالت مصري مجتهد على أد
مابيقدر , على أد القماشه اللي في إيده , وعلى أد الظروف اللي حواليه , بني أدم بيصيب
و يخطئ لكنه مش خاين ولا إرهابي ولا حرامي ولا عايش في غيبوبه , ماضحكش علينا و قال
إنه نبي وله كرامات ولا ضحك علينا و قال إنه ساحر , يبقى إيه ؟ يبقى طبعا بجدد التفويض
لعبد الفتاح السيسي .
........................................................................................................................
Mohamed
Hussein
26
يوليو 2016·
في رأيي الشخصي
أمريكا و بريطانيا مش محتاجين أسلحه نوويه ولا أسلحة متطوره ولا غيرها عشان ينفذو مخططاتهم
, يكفي جدا ان يكون عندهم كام جماعه اسلاميه من بتوع الجهاد و حور العين , ده في حد
ذاته كفايه .
.
زمان أمريكا و
بريطانيا استخدمو الجماعات دي لحرب و إنهاك الإتحاد السوفيتي , و بعد عشرين سنه استخدمو
جماعات مماثله لحرب و انهاك الدول اللي فيها الجماعات نفسها و تنفيذ خطتهم في الشرق
الأوسط .
.
جماعات البهاليل
الإسلاميه , اللي عددها بالعشرات و عدد اعضائها بعشرات الألاف ماضربتش طلقه واحده على
اسرائيل و لا قتلت جندي صهيوني واحد , إنما دمرت و خربت دول بالكامل ( اغلبها دول اسلاميه
!! ) .
.
طالبان زي القاعده
زي داعش زي الإخوان زي شباب المجاهدين , كلهم صنيعة أجهزة المخابرات في أمريكا وبريطانيا
و اسرائيل , و جودهم بأهمية وجود الأسلحه النوويه في الدول دي و جايز أهم .
.
و طول ماحنا لسه
فينا ناس فاهمين ان الراجل اللي بيمسك فرشه و يقف يرسم لوحه و الراجل اللي بيمسك كاميرا
و يصور مشهد طبيعي و الراجل اللي بيمسك عود و يعزف مقطوعه موسيقيه , التلاته دول هيتشوو
في نار جهنم و يتعملو باربيكيو , و الراجل اللي بيتهجم على كنيسه و يقتل راهب أو بيرمي
قنبله في محطة مترو أو بيدبح طفل هيروح الجنه و يلاقي حور العين واقفين طابور ولا طابور
مرور السلام يبقى أهل الشر مايلزمهمشي قنابل نوويه .
.
احنا أهم جزء في
المؤامره المعموله علينا من أهل الشر , جهلنا و تخلفنا هو أقوى سلاح في إيديهم .
................................................................................................................
Mohamed
Hussein
26
يوليو 2016·
مابيحصلش في أي
مكان في العالم و في أي وقت من الأوقات إنك تلاقي شاب يقعد ليل و نهار يبعت رسايل للجرايد
و المواقع اللي بره ( ماتجوش عندنا , مصر مش مستقره , مفهاش أمن ) مع شوية صور حلوين
لمقالب الزباله ينزّلها في صفحة دعم السياحه اللي عاملاها مصر , و بعدين يفرح و يهلل
و يشمت لما تنضرب الطياره الروسيه , و يبعت للصحف الايطاليه يقولهم مصر قتلت الشاب
الايطالي و انا و الواد جيفارا صاحبي نشهد بكده وأي حد هييجي عندنا هنقتله و نعذبه
و ناكل دراعه , و بعدين في الأخر ييجي يصدعنا بسعر الدولار .
.
الحمقى اللي بقالهم
5 سنين مركوبين من الخرفان , الحمقي اللي بيحرقو صوابع ايديهم عشان يثبتو إن وائل عباس
أذكى خواته و ان شرابات خالد علي مليانه علم و مفهوميه , الحمقى اللي فاكرين نفسهم
سابقين كوكب الأرض بمليون سنه و هما غير مؤهلين حتى للعيشه في كوكب القرود .
...........................................................................................................
Mohamed
Hussein
25
يوليو 2016·
عايز الدولار يرجع
تاني و يبقى ب 7 جنيه ؟ و عايز حل نهائي لسد النهضه ؟ هقولك , 3 حاجات لازم تعملهم
, هما حاجتين اتنين , ماتعملشي ثوره في يناير 2011 !! .
.
شوفت سهله خالص
إزاي ؟ , سيب مبارك يعيش حياته هو و ابنه و يبرطعو براحتهم , ماتصدعش دماغنا بكلام
عن الفساد و الثورات و التحرر و تعمل نفسك سبع رجاله في بعض , و تيجي وقت دفع الفاتوره
و تبقى سوسن .
.
البدأ في تنفيذ
سد النهضه ماحصلش الا في 2011 ( لما كانت الدوله المصريه في أضعف حالاتها ) , مشاركتنا
في أم الربيع العربي كانت بتعني اختصارا و من الأخر ان ( رجلينا جت في الخيّه ) , في
خطة الشرق أوسط الجديد , كل الأحداث بعد كده كان حدوثها سهل بما إن رجلينا جت في الخيّه
, طيارات تنفجر , سياحه تنضرب , جماعه ارهابيه يطلع لها صوت , دولار يتنطط علينا ,
يتلوي دراعك من كل الجهات , مانا قلت لك انت كنت في أضعف حالاتك ( مكانشي بيحصل الكلام
ده أيام مبارك )
.
كنا مشينا نص الطريق
في سكة الخراب ( زي البلاد اللي جنبك ) , سكة اللي يروح مايرجعش , و لما وصلنا ل
30 يونيو خدنا القرار الصح و هو اننا نلف و نرجع تاني من الطريق ده , اللي كان حابب
اوي انك تمشي في الطريق ده أكيد كاره جدا انك ترجع منه , يعني رجوعك مش سهل , و الأهم
اننا مشينا نص الطريق من غير زاد و طبعا راجعين من غير زاد .
.
يابني انا لا طبال
ولا يعنيني السيسي , ولا انت ثورجي اكتر مني , كل الحكايه اني راجل بيتحمل نتيجة قراراته
, البلد دي كانت في خطر بسببي و بسببك , بسبب هبلنا , شاركت معاك في أم ثورة يناير
و رجلي جت في الخيه , و فوقت و كان لازم اشارك في يونيو , و اتحمل نتيجة قراري الأولاني
, مرحله صعبه متوقعه و هتعدّي بإذن الله , المهم تحاول تبقى راجل .
.......................................................................................................................
Mohamed
Hussein
25
يوليو 2016·
أمريكا موزّعه
جزء كبير من قنابلها النوويه و حطاهم في قواعدها العسكريه اللي خارج حدود أمريكا ,
فكره بسيطه لتسهيل استخدامها وقت الحاجه , و بتقول كمان ان مهما حصل مفيش دوله تجرؤ
على ضرب أمريكا بالنووي , عشان حتى لو دمّرت أمريكا يا معلم بلدك هتنضرب بالقنابل النوويه
الأمريكيه اللي بره أمريكا , يعني وقتها أمريكا مش هتبقى موجوده بس قنابلها موجوده
!! .
.
الأجمل بقى في
الموضوع ده ان جزء من القنابل النوويه دي موجوده في قاعدة أنجرليك اللي في تركيا ,
أه اللي في تركيا , بس سيبك انت , أردوغان هيحارب الصهاينه و يحرر القدس , و السيسي
عميل الأمريكان , أه و شرف لوسي ابن طنط فكيهه .
...........................................................................................................................
Mohamed
Hussein
25
يوليو 2016·
في دولة أردوغان
الديموقراطيه تم اعتقال و عزل 50 ألف تركي في ظرف كام يوم , عسكريين و مدنيين و قضاه
و مدرسين و أكاديمين و إعلاميين , يعني بمعدل اعتقال مواطن تركي كل 7 ثواني , تحقيق
ايه بقى يا مولانا ؟, بقولك 7 ثواني , يعني مايلحقش يقول إسمه الثلاثي , و لو عطس قبل
مايقول اسمه هيبقى خلص وقته و وقت اللي جنبه .
.
و في مصر الدوله
الفاشيه القمعيه لو مسكنا ارهابي و الحزام الناسف ملفوف حوالين وسطه أو ماسك قنبله
في إديه هيقولك لازم يتحكام محاكمه عادله أمام قاضيه الطبيعي , و خالد علي يروح يدافع
عنه , و يتعمله وقفه تضامنيه على سلم نقابة الصحفيين , و المحاكمه تقعد لها بتاع 3
سنين مابين نقض و استئناف و استشعار حرج و أجازة القاضي السنويه و رد هيئة المحكمه
, و في الفتره دي ياكل كويس و صحته ترد و يتعمله هاشتاج ( الحريه لفلان ) و يا سلام
بقى لو كان عمره 20 سنه ( بتسجنو الأطفال ) او كان مهندس ( بتسجنو العلماء ) أو كان
له صورة قديمه و هو بيصلي ( بتسجنو المؤمنين ) , و في النهايه الإرهابي يطلع براءه
عشان خطأ حصل في اجراءات القبض عليه , و غالبا و هو طالع بيسلّموه هدومه و القنبله
اللي كان ممسوك بيها ( العُهده ) .
...........................................................................................................................
Mohamed
Hussein
25
يوليو 2016·
السنين بتفوت عالدول
بطريقه عمرها ماكانت على طول الخط ناعمه و متشابهه , فيه سنين بتبقى فارقه , سنين بتبقى
مختلفه , سنين بتبقى حرجه , سنين بتعمل تغيير ( إيجابي أو سلبي ) , زي السنين اللي
بنعيشها دلوأتي .
.
في السنين دي بيبقى
اليأس مجرد اليأس خيانه , نشر خبر كاذب خيانه , تشويه التاريخ خيانه , السخريه من اسم
أو علم أو نشيد خيانه , الهري و الهرطقه لمجرد اثبات خفة الدم المخلوطه بكم كافي من
السماجه خيانه , انك تحط صورة أي دولة على بروفايلك غير بلدك خيانه , أيا ما تكون الدوله
دي , السعوديه زي امريكا زي الامارات زي اسرائيل زي البرازيل زي فرنسا , إنك تدعم رئيس
تاني غير رئيس بلدك خيانه , أيا مايكون الرئيس ده , اوباما زي أردوغان زي سلمان زي
البشير زي زيد زي عبيد .
.
السنين دي محتاجه
رجاله مصريين و ستات مصريات و بس , مطلوب مننا نحافظ على الأبجديات مش اكتر , لا مطلوب
مننا نكون نوبليزم ولا مطلوب مننا نخترع الذره , كل المطلوب اننا نبقى مصريين
...........................................................................................................................
Mohamed
Hussein
24
يوليو 2016·
مولانا الدولار
.
صح السياحه انضربت
و عمداً و دي كانت مصدر رئيسي للعمله الصعبه , صح ليبيا لما خربت كان بيشتغل فيها مئات
الألاف من المصريين يعني برضه تأثيركبير عالعمله الصعبه , و صح ان فيه محاولات مستميته
لتركيع مصر اقتصاديا بعد ما فشل تركيعها بالإرهاب , و صح الجماعه الإرهابيه بكل عناصرها
بره و جوه بيشاركو بكل قوتهم زيهم زي الصهاينه و البريطانيين و الأمريكان , و صح ان
تركة مبارك الهباب كان من ضمنها اعتماد بلد بحجم مصر على السياحه و العاملين بالخارج
كمصدرين يكادو يكونو وحيدين للعمله الصعبه بعد ما دمر زراعة القطن و بعد ما فشل مبارك
في 30 سنه في إنه يعمل صناعه حقيقيه بجوده عاليه للتصدير ( كان زمان عندنا ضهر مسنودين
عليه حاليا ) .
.
إنما يا ريس الدولار
وصل 12 جنيه , و الأسعار كل يوم في زياده و الغلابه هيبدأو يشتكو ( مالهمشي ذنب )
, و الخونه بره مصر و جواها فرحانين وشمتانين , طب مانت عارف من الأول إن اللي حصل
في 30 يونيو مش هيعدّي بالساهل , مش هتقلب الترابيزه كده و كلاب السكك يسيبوك في حالك
, عملت استعداداتك بقى ؟ فكرت في خطط ؟ طبعا مش الخطه هي القروض من صندوق النقد ولا
حتى من السعوديه اللي هي نفسها ممكن تكون بتتعرض لضغوط و بتحاول تمسك العصايا من النص
.
.
ياريس باختصار
, الحاله اللي فوق دي اسمها حالة حرب , جايز تكون أصعب من أي حرب مصر خاضتها , و بالتالي
في حالة الحرب مش مطلوب موظفين بيفكرو بالطريقه الروتينيه المعروفه , مطلوب تفكير مختلف
, حلول مختلفه , ماتلاعبشي عدوك بطريقتك اللي هو عارفها و حافظها , اتصرف بقى , هات
خبراء اقتصاد من خارج الكارد الحكومي و اقعد معاهم قول لهم الوضع كذا و نعمل ايه ,
اتصرف يا ريس .
...........................................................................................................................
Mohamed
Hussein
24
يوليو 2016·
عمدة أنقره ( المؤيد
لأردوغان ) : فتح الله جولن يستخدم الجن لاستعباد الناس و تسخيرهم !! .
و طبعا مشايخ و
بهاليل الخرفان شايفين ان الملايكه ( الطيبين ) بيحاربو مع أردوغان .
.
كده يبقى من وجهة
نظر أنصار أردوغان و خرفانه و المسئولين اللي اختارهم بايده فيه فريقين , فريق بيلعب
فيه الجن الأشرار ( اللي هو فريق جولن ) و فريق بيلعب فيه الملايكه الطيبين ( اللي
هو فريق أردوغان ) .
.
واضح جدا ان التعليم
فارق في تركيا .
.................................................................................................................
Mohamed
Hussein
24
يوليو 2016·
لو عايز تعمل أفضل
استثمار لابنك أو بنتك و عايز لهم مستقبل باهر , سيبك من حكاية شهادات التوفير و الجنيهات
الدهب و حتة أرض في الشروق تسقّعها و الكلام الفاضي ده , انت تروح فورا و تشتري شقه
في دولة المنوفيه الشقيقه , و أول ما ابنك أو بنتك يدخلو ثانويه عامه تنقل فيها و تاخد
الجنسيه المنوفيه و بعد كام شهر تقعد قدام التلفزيون وانت حاطط في بطنك بطيخه صيفي
و تستنى اعلان نتايج الأوائل و تبل الشربات .
.
انا فكرت في الموضوع
ده , بس مش عارف سفارة المنوفيه في القاهره أو قنصليتها في المنصوره هتطلب جواب HR و حساب بنكي و إجادة تامه للغه المنوفيه ولا لا
.
..........................................................................................................................
Mohamed
Hussein
24
يوليو 2016·
اعلان نتايج الثانويه
العامه , الذكرى السنويه اللي ليها دايما طقوس خاصه عند المصريين , حين تختلط أصوات
الزغاريط و الضحكات ( و مبرووووك يا حبيبتي ) بأصوات الصريخ و الصويت و الشتيمه و الجمله
الأكثر استحداما ( يا موكوس يابن الموكوسه ) , حين يختلط صوت عبد الحليم حافظ ( وحياة
قلبي و أفراحه ) بصوت هاني شاكر ( في أي أغنيه من ال 7 ألاف أغنيه اللي عملهم ) .
..................................................................................................................
Mohamed
Hussein
23
يوليو 2016·
حبيبي يا أردوغان
, يعني انت دلواتي انقلب ضدك الجيش و القضاه و المدرسين و المدارس و القنوات الفضائيه
و الحرس الجمهوري و الأكاديميين و الجامعات و الطيارين و الطيارات ( الأحياء منهم و
الأموات ) , واضح انك مسيطر جدا و شعبيتك جارفه و ديموقراطي أخر فيصل .
.........................................................................................................................
Mohamed
Hussein
23
يوليو 2016·
و ليه تتعب نفسك
و تمارس نشاط سياسي و تعمل حزب حقيقي و تنزل الشارع و تعرق و تتعب و تبذل مجهود و توعي
الناس و تجمّع الشباب حواليك و يبقى نفسك طويل لحد ما توصل للسلطه أو تشارك فيها عالأقل
, لما ممكن تاخد شمه كبيره من علبة كوله و تقعد في ركن ضلمه تشتم السيسي و عبدالناصر
و تتريأ على جيش بلدك و تستنى تويتة البرادعي و تتعاطف مع الإرهاب و ترحب بالإحتلال
و الإخوان يركبوك و يفضلو راكبينك سنين , تقوم الضلمه تزيد عليك أكتر و تاخد شمة كوله
أكبر و ترجع لنفس الدايره , تشتم السيسي و عبد الناصر و تتريأ على جيش بلدك و تستنى
تويتة البرادعي و تتعاطف مع الإرهاب و ترحب بالإحتلال و الإخوان يركبوك .
.
و في النهايه تعتبر
المعجنه اللي انت عايش فيها دي منهج فكري , مع ان فكري ذات نفسه شال المراره بسببك
و قرّب يقلع ملط و يمسك صفاره و يقف في إشارة روكسي عشان ينظم المرور .
..........................................................................................................................
Mohamed
Hussein
23
يوليو 2016·
كان فيه واد صغير
اسمه حماده , قالو له عاجبك حال امك دلوأتي و هي عايشه مع أبوك ؟ امك يا حماده بتلبس
جلابيه واحده طول السنه و بتشوف اللحمه مره كل شهرين و بتشتري الدوا من الصيدليه بالقرص
و القرصين , بالك يا حماده امك دي لما كانت مخطوفه من الخواجه كانت عايشه في عز و نعيم
و بتلبس بناطيل ستريتش و بتاكل كافيار 7 مرات في اليوم , حماده فكر شويه كده و قال
لهم معاكو حق , يارب امي تسيب أبويا و ترجع للخواجه تاني , انا بحب الخواجه أوي , هاتو
الخواجه لأمي , أرجوكو بليز أمي محتاجه الخواجه .
.
حماده بقى لما
كبر عمل حساب عالفيس بوك و بقى يدخل على صفحة الملك فاروق و يتمنى رجوع الملك و الإحتلال
الإنجليزي لمصر , عشان امه تقلع الجلابيه القديمه و تلبس ستريتش و تتمشى كده عالكورنيش
و هي في إيد الخديوي أو في إيد المندوب السامي البريطاني , أو في إيد الاتنين , يقوم
حماده يشوف المنظر ده و ينبهر و دموعه تنزل من الفرحه و يقول أخيرا يا ربنا أمي بقت
في حضن الخواجه البريطاني و الخواجه الملك , ميرسي كتير يا ربنا .
........................................................................................................................
Mohamed
Hussein
23
يوليو 2016·
في ذكرى ثورة
23 يوليو
.
- جمال عبد الناصر
مات من نص قرن تقريبا , يعني ايه مات ؟ يعني مش موجود معانا حاليا , يعني لا في إيده
سيف ولا تحت منه فرس , و لا معاه أزايز زيت و سكر و كروت شحن , يعني لا عنده سلطه تخوفنا
و لا عنده منصب يديه لحد , و مع ذلك النهارده لو عملت استفتاء على إسم جمال عبد الناصر
في الوطن العربي هيفوز باكتساح ( أه بعد ما مات ب نص قرن ) .
.
- الواد ( لوئ
) أكيد قالب صفحته النهارده شتيمه في عبد الناصر , و هتحس من كلامه إن جده الباشا اتبهدل
يا ولداه على ايد ناصر , على فكره يا لؤي ( بس مش هقول لحد طبعا ) , جدك ( الباشا
) كان شغال جنب جدي ( الباشا ) في الوسيه , بيجمعو بصل و لمون و ينقو الدوده من أرض
القطن و العجير و الدنيبه من أرض الرز , و أخر اليوم ينضربو بالكرباج من باب الترفيه
, إنما الفرق بيني و بينك إني ماعنديش عقدة نقص ولا غضاضه في إني أقول كده , أصلي مابحبش
ألبس الكرافته عالجلابيه عشان أبقى واد شيك , بس انت عموما لازم تشكر جورج بوش و ميخائيل
جورباتشوف و صوفيا لورين لأنهم أنقذو جدي و جدي و أنقذوني و أنقذوك من شغلانة الكلّاف
في وسية الباشا , و بالمره تشتم جمال عبد الناصر ( اومال تبقى واد متحرر و مثقف و عميق
إزاي ؟ ) , إوعى يا لؤي تقول كلمه حلوه في حق ناصر أصل فوفي و توتو و سوسو يزعلو منك
و يقولو عليك رجعي و متخلف و عبد بياده .
.
- حبايبنا اياهم
يتوع الملك فاروق و مصر أيام الملك فاروق و وصورة الكاريته إياها , انتو حبايب قلبي
من جوه و الله , الله يسامحه ناصر بقى أصله خلصنا من عيلة الخواجه الخديوي و عيلة الخواجه
الإنجليزي , هو هيروح من ربنا فين ؟! , بس سيبك انت , صورة الكاريته حلوه , و ممنون
يا هانم و كده .
.
- الخروف بالنسبالي
هو خروف , يعني ممكن أتفهم موقفه باعتبار إن إيد عبد الناصر لسه معلمه على قفاه لحد
النهارده , إنما بيصعب عليا أوي العيال اللي بيصدعونا طول السنه بشعارات الثوريه و
العداله الإجتماعيه و ييجو في يوم زي النهارده و يزبّلو زي المعيز , طبعا اكيد برضه
عشان فوفو و توتو و سوسو مايقولوش عليه رجعي و ماعندوش سوشيال بوليتيكال انتيليجنس
.
.
- أه يا حبيبي
من حقك تنتقد ثورة 23 يوليو , و من حقك تنتقد سيرة الزعيم , عبد الناصر كان بني ادم
بيصيب و يخطئ , مكانشي نبي ولا قديس , بس و النبي يا شيخ و رحمة كل القديسين اللي تعرفهم
ابقى هات ولي أمرك معاك قبل ما تنتقد و تفسّر و تحلل عشان ماينفعش تتناقش في ناصر و
يوليو لمجرد انك شوفت تقرير عالجزيره أو قريت مقاله للصحفيه المبدعه ( ريري سيلان
) .
.............................................................................................................................
Mohamed
Hussein
22
يوليو 2016·
وزه بيضا حلوه
.
تفجيرات باريس
, تفجيرات بروكسل , دهس المحتفلين في نيس , ضرب نار في ميونخ , مئات القتلى من الأوروبيين
, و بكره النار دي هتوصل حتى لإيد اللي عمّال يلعب بيها بقاله سنين , و هيفهمو ان السيسي
كان معاه حق , كوكب الأرض عامل زي جركن البنزين و الأمريكان و البريطانيين خلصو علبتين
كبريت لحد دلوأتي .
.
لما خرجت بريطانيا
من الاتحاد الأوروبي كان خروجها لغرض , مكانشي خروجها خيار ديموقراطي ولا الهجص ده
, الدول الكبيره بتحكمها اجهزه أمنيه و مخابرات , مابتسيبشي قرارتها المصيريه لا لرئيس
و لا لرئيس وزرا ولا حتى لشعب , و لعبة الاستفتاء و الديموقراطيه و الصناديق هي لعبه
جميله أوي و فانتاستيك خالص بيضحكو بيها عالشعوب , لعبة بيضا حلوه , زي الجُمله اللي
كان بيقولها الواد العبيط في فيلم الساحر ( وزه بيضا حلوه ) .
................................................................................................................................
Mohamed
Hussein
22
يوليو 2016·
يارب ارزقني الستر
و الصحه و الرضا و القناعه و عربيتين زي بتوع محمد رمضان .
................................................................................................................................
Mohamed
Hussein
22
يوليو 2016·
في يوم الجمعه
و في ساعة مباركه ألاقي عندي شوية وقت قبل الصلاه , أقوم أفتح الفيس بوك ألاقي صفحة
أردوغان في وشي و ألاقي واحد من خرفانه كاتب تعليق بيقول فيه ( اللي ضرب الطياره الروسيه
كان من رجالة جولن وضربها بدون علم أردوغان ( عشان يعمل وقيعه بين تركيا و روسيا )
, و لكن أردوغان تحمل مسئوليته و رفض تسليمه الى روسيا و اضطر حتى لقطع العلاقات مع
روسيا من أجل الحفاظ على روح هذا الطيار رغم أنه طيار خائن , كم أنت عظيم يا أردوغان
!! ) .
.
طب يا رب أنا دلوأتي
متوضي و المفروض نازل أصلي الجمعه , أتوضى تاني ولا ايه ؟ طب انا لما أنزل أصلي و أدعي
و أطمع في عفوك و كرمك و جنتك , السؤال بقى , هو انا لو دخلت الجنه ممكن ألاقي الخروف
اللي فوق ده هناك ؟
..................................................................................................................
Mohamed
Hussein
22
يوليو 2016·
جون كيري : جمعنا
ملياري دولار لدعم العراق !! .
.
العراق أيام صدام
حسين ( الطاغيه عشان ماتزعلش ) كان جيشها واحد من أقوى 20 جيش في العالم و كان اقتصادها
و فلوسها مغرقين الوطن العربي ( اسألو المصريين اللي سافرو العراق ) .
.
العراق بعد الديموقراطيه
الأمريكاني و بعد إزاحة صدام حسين ( اه الطاغيه يا حماده ) بقى ترتيب جيشها ال 78 بعد
الجيش القطري ( مع ان قطر مفهاش جيش أساسا ) , و دلوأتي بيلمّو لها تبرعات !! .
.
سوريا قبل اللامؤاخذه
الربيع العربي ( و الديموقراطيه الأمريكاني برضه ) , كان جيشها قوي جدا و اقتصادها
قوي و بتصدر منتجاتها لعشرات الدول , دلوأتي مش هتلاقي منتجات لسوريا عشان مبقاش فيه
جيش لسوريا !! .
.
يعني الجيوش هي
أصل الحدوته , و الحدوته الأمريكاني بتقول , هنهد جيش الدوله الفلانيه ( بإيدينا أو
بإيد ولادها ) , تقوم تتحرق الدوله و تخرب و مصانعها تتقفل و نسرق براحتنا , و اسرائيل
تعيش في تبات و نبات و تخلف خرفان و شمامين كوله .
........................................................................................................................