Mohamed
Hussein
25
مايو 2017·
في مصر و بس
.
تروح أي دوله عربيه
تلاقي رمضان زي شوال زي نوفمبر زي ربيع أول زي ربيع ياسين زي شعبان زي عبد الرحيم
, كله شبه بعضه .
.
في مصر و بس رمضان
بيبقى رمضان , رمضان يعني مصر , مش شهر من شهور السنه الهجريه الناس بتصوم فيه , دي
حدوته و كارنافال , فوانيس و زينه و كهارب و لمة العيله , و أغاني مخصوص , و فرحه بيشارك
فيها المسيحي قبل المسلم , و تمشي في أي طريق زراعي وقت المغربيه تلاقي شباب وناس زي
الورد واقفين لك عالطريق , يشاورو بجد , تعالى , لا لازم تنزل تفطر , إركن و افطر معانا
, موائد على الطريق , محدش يعرف حد , اللي معاه بيعمل لحمه و فراخ و يفطّر الناس و
اللي مامعهوش بيعزمك على عيش و جبنه ولا حتى فول نابت , و تلاقي شاب فقير واقف بأكياس
مايه ساقعه , يرميها للناس تشرب , هي دي مصر بقى اللي في أصعب ظروفها بتخلّي لكل حاجه
معنى و فرحه و لون و طعم و روح خاصه جدا , مصر مش دولة بلاستيك .
.................................................................................................................
Mohamed
Hussein
25
مايو 2017·
يعني ايه سياسه
دوليه ؟ و يعني إيه إرادة دوله عريقه و سيادتها على أراضيها ؟! .
.
يعني تفضل علاقتك
حلوه بروسيا , في السلاح ماشي , في مشروع الضبعه ماشي , في استثمارات الروس في مصر
ماشي , و وزير الدفاع و وزير الخارجيه الروس جايين مع بعض القاهره اخر الشهر , هيقابلو
السيسي و صدقي و شكري , و اجتماعات 2+2 ........... دي اسمها سياسه دوليه
.
طب روسيا استغلت
حكاية طياراتها اللي وقعت , و بتساومنا على عودة السياح , إيشي مكاتب أمنيه روسيه في
مطاراتنا و إيشي بقاعده عسكريه تعملها ماعرفش فين , نقول لأ , لأ يعني لأ , يا عم محتاجين
دولارات و السياح الروس أكتر سياح بيزورو مصر , و مش لاقيين ناكل و بنكح تراب , برضه
لأ , طب ليه لأ ؟ ...... دي اسمها سيادة دوله على أراضيها .
.
في السياسه الدوليه
مفيش حاجه اسمها قطيعه تامه , خصوصا مع الدول الكبيره زي أمريكا و بريطانيا و روسيا
, حتى لو كان بينك و بينهم ما صنع الحداد , إنما مصر الحديثه كمان , مصر اللي رجعناها
في 30 يونيو من إيد الإرهابيين و الخونه , مصر دي فيها قاعده تانيه في كتالوجها , قاعده
بتقول مابنقطعشي ماشي , بس لا بنبقى في ديل حد ولا بننحني قدام حد , ولا سيادتنا و
أمننا القومي بيبقو ملف مفتوح للنقاش .
.
ده التحدّي المصري
قدام العالم , تحدّي القوه و السياده , بنلعبها بكرامه و بشرف , مهما كان اللي حواليك
ولاد كلب , طب انت مسنود على مين بقى ؟ مسنود على نفسك , مسنود على مثلث القوه بتاعك
, الجيش و الشعب و كتاب التاريخ , دي العمدان التلاته اللي شايله المعبد اللي عمره
7 ألاف سنه , عشان كده البقر بينطحو بقرونهم في عمدان المعبد التلاته , و بيلمو معاهم
شوية حمير من وسطينا , لا العمدان بتقع أو تتهز , ولا البقر بيبطل ينطح , ولا الحمير
بتفهم .
..................................................................................................
Mohamed
Hussein
24
مايو 2017·
السيسي لما بيحط
على عمر البشير
.
ورد الرئيس السيسى
على سؤال متعلق بإتهام مصر بدفع عناصر تابعة لها للتدخل فى السودان، قائلا "نحن
ندير سياسة شريفة فى زمن عز فيه الشرف واحنا دولة رشيدة محترمة وتحترم نفسها والآخرين
وتحترم التزاماتها ولها وجه واحد.. وعمرها ما هتكون ذيل لأحد".
.
الترجمه بقى :
احنا عارفين انكو ولاد تيت , بس احنا أكبر بكتير اوي من إننا نكون ولاد تيت زيكو ,
و حكاية ( ذيل لأحد ) مقصود بيها الخنفسه اللي بتبقى في ديل العقرب , و معروف طبعا
مين الخنفسه و مين العقرب , فهمتي يا خنفسه ؟ و على فكره , لما بيفيض بينا من تصرفات
الخنفسه مش بنتأمر عليها و نبعت عربيات من عندنا و ندعم جبهات مسلحه , الخنافس بتنداس
بالجزمه مره واحده , يعني وان شوت .
..........................................................................................................
Mohamed
Hussein
24
مايو 2017·
يعني ايه الجيش
البريطاني ينزل عشان يأمّن البرلمان ؟ الجيش ينزل ليه ؟ الجيش ليه ينزل ؟ ليه ينزل
الجيش ؟ ليه الجيش ينزل ؟ أومال فين الشرطه و فين سكوتلانديارد و فين الأستاذ جيمس
بوند ؟ بريطانيا مش هتتقدم خطوه واحده لقدام إلا لما الجيش يرجع لثكناته , أه و عهد
الله لثكناته , إرجع لثكناتك يا جيش يا بريطاني انت , أيوه انت , يو , باك تو ثكناتك
, و إلا و المصحف هبلّغ الأستاذ عصام حجي , و انتو عارفين بقى هو بياخد لايكات قد ايه
, أكتر من الملكه إليزابيث ذات نفسها , يعني لو حطكو في دماغه و جالكو بلايكاته و شيراته
و كومنتاته و سلطاته هتصحو من النوم فجأه تلاقو ملكة بريطانيا اسمها عصام حجي .
.......................................................................................................
Mohamed
Hussein
23
مايو 2017·
بمناسبة حلول شهر
رمضان المبارك , قريبا بالأسواق , لعبة حلوه بزمبلك على شكل ( راجل ) , تحط فيها من
فوق شوية دولارات تقوم اللعبه قالعه جلابيتها و تقول حلايب و شلاتين سودانيه , تحط
شويه دولارات كمان تقلع الفانله و تقول السودان أم الدينا و أقدم حضاره في التاريخ
, تحط شوية دولارات كمان تقوم قالعه اللامؤاخذه اللباس و تبقى ملط و تقول مصر اللي
قلعتني كده و بتدعم عملية إني أقلع ملط !! , اللعبه من إنتاج و توزيع و تصنيع و تعبئة
عيل شاذ و أمه عارفه بيحكم كشك على الخليج , اللعبه اسمها عمر البشير , و لا عزاء للشعب
السوداني الشقيق اللي مغلوب على أمره أو نايم على ودانه .
................................................................................................
Mohamed
Hussein
23
مايو 2017·
أيام ما كانت طابونه
.
في الزمن البائد
, أيام ماكانت أمي الله يرحمها بتحكم مصر لمدة تلاتين سنه , كانت الطابونه شغاله
24 ساعه , ليل و نهار , صيف و شتا , اللي عايز أرض وضع يد ياخد , اللي عايز يشتري أرض
( من أمي ) هتحسبهاله المتر ب نص جنيه , يزرعها ماشي , يسقّعها ماشي , يخللها و ماله
, عايز 100 فدان ياخد , ألف فدان ياخد , 10 ألاف فدان ياخد , ياخد الفدان بألفين جنيه
و يبيعه ب 50 ألف بعد سنه و ماله , يا عم بقولك طابونه , طابونه , 3 مقاطع صوتيه ,
طا , بو , نه .
.
طب تمام , هو الفدان
ده يطلع قد ايه يا جناب العمده ؟ بص يا حبيبي , القيراط 175 متر مربع و الفدان 24 قيراط
, يعني بالظبط 4200 متر مربع , يبقى اللي خد ألف فدان معاه 4 مليون و 200 ألف متر مربع
من أرض مصر المحروسه , و ممكن يكون واخد الألف فدان ب 300 ألف جنيه على انهم صحرا
, يعني واخد ألف فدان يرمح فيهم الخيل ب تمن عربيه كيا سيراتو مستعمله بحالة جيده
, اه و عهد الله .
.
طب ايه اللي حصل
بعد كده ؟ اللي حصل ان الطابونه فرطت عالأخر و اللي اتعود انه ياخد ببلاش بياخد على
طول و بقت الحكايه بالنسباله حق مكتسب , و اللي اتعود انه يهادي و يجامل و يظبّط من
مال الدوله بقي يتمادى و يهادي و يظبط , و فجأه ظهر في البلد عشرات الألاف من المالتي
مليونيرات الجدد , اللي هما لهفو حتة أرض بأي طريقه و هوووب باعوها و هووب عشره عشرين
قول سبعميت مليون في جيوبهم .
.
طبعا الكبار عملو
من السبوبه دي مليارات و عملو كروت بيزنس و بقى اسمهم رجال اعمال , و فتحو قنوات و
جرايد , طب ليه القنوات و الجرايد ؟ ده الميكروفون بتاع الحرامي يا مولانا , الميكروفون
اللي بيظبط بيه فلان و يهدد بيه فلان , حتى لو كان فلان التاني ده هو الدوله , الدوله
بعد ما بقت دوله مش طابونه .
.
هقول لحضراتكو
تاني و بفكر متجرد تماما , ماينفعشي تحب عبد الفتاح السيسي هو و ( أمي الله يرحمها
) بنفس القدر , و تعتبر الاتنين فرسان , العقل البشري مايستوعبش كده , ماهو إما السيسي
شايل تركه هباب و بيعمل دوله من أول و جديد بعد ما كانت طابونه و بيحارب الفساد في
ألف جبهه , يبقى ماينفعش تحب أمي ( لأن التركه دي بتاعتها ) , أو أمي كانت سايبه دوله
زي الفل مكتملة الأركان الاقتصاديه و السياسيه و الإداريه و كاملة المعاني و عندها
غمازات , يبقى السيسي مش فارس ولا حاجه , فارس ليه ؟ ده مستلمها جنه يا جدعان .
...............................................................................................................
Mohamed
Hussein
23
مايو 2017·
مقتل 22 و إصابة
60 في تفجير قاعة احتفالات في مدينة مانشستر البريطانيه .
.
مستعد أقفل صفحتي
تماما و أبطل أكتب و أشتغل كهربائي سلسيون و اروح السجل المدني و أسمّي نفسي سوسن
, و أنزّل اعتذار ( مدفوع الأجر ) للكولجيه في كل الصحف المصريه و العالميه لو البرادعي
كتب تويته بالانجليزي عن تفجير مانشستر و قال انه عنف متبادل أو طالب تيريزا ماي باحتواء
الإرهابيين اللي هما الفصيل وطني .
.........................................................................................................
Mohamed
Hussein
22
مايو 2017·
بدء تسليم 19 ألف
وحده سكنيه كاملة الفرش لسكان العشوائيات بحي الأسمرات !! .
.
19 ألف وحده سكنيه
يعني 19 ألف أسره يعني أكتر من 100 ألف بني أدم كانو ساكنين في مساكن صفيح و بيوت غير
أدميه .
ده مجرد فنكوش
صغير من فناكيش السيسي الكتير على فكره .
..................................................................................................................................
Mohamed
Hussein
22
مايو 2017·
دُخلة دُنجل الحمار
على زوبه الحماره
.
هو ايه اللي حصل
و بيحصل و هيحصل بقى ؟ اشترو مني بس .
.
اللي حصل في الرياض
من يومين كان عباره عن دُخلة دنجل الحمار على زوبه الحماره , بس الحقيقه إن دنجل المرادي
مش حمار , ده ديب و دكر و شاطر , يعني حاجه زي الفل , دنجل الديب لقى زوبه الحماره
عايزه , عايزه أوي , مش قادره , قال مبدهاش بقى , دانا مبقاش ديب ولا دكر ولا شاطر
لو ماحققت لها اللي نفسها فيه .
.
اللي حصل يا ساده
ان عبد الفتاح السيسي جاب الحماره من سنه و قال لها هنعمل قوه عربيه مشتركه , و جسر
بري , و المعنى و الترجمه هنخلع رجل الأمريكان و البريطانيين من المنطقه تدريجيا ,
و هنحمي نفسنا بنفسنا و مفيش كلب هيقدر يحط رجليه وسطينا لو بقينا إيد واحده , عشان
انتي حماره و مش فاهمه انتي رايحه على فين , الحماره قالت حاضر و رجعت الزريبه و هناك
لقت التعلب مستنيها , قال لها ماتسمعيش كلامه , خليكي زي مانتي , ده حتى الديب بيحبك
و هيحميكي و بيتمنالك الخير , ارقصي بقى يا حماره و فرجيني على رقصتك كده ؟ تجنني يا
حماره .
.
اللي حصل ان دعوة
السيسي من سنه كانت هتجنّب الحماره ال 500 مليار دولار اللي دفعتهم للديب و قبلهم
200 مليار , و كانت هتجنبها الخراب القادم على راس الحماره بعد ما يتاخد كل اللي حيلتها
( المصير المحتوم ) .
.
طب ليه السيسي
راح بقى قمة الرياض و حضرها ؟, والله انا فكرت كتير مالقيتش غير سبب واحد , هو ان الريس
بعد ما صوته اتنبح , و بعد ما عمل كل اللي في وسعه إنه يجنّب الحماره المصير ده و بعد
ما فشل و الحماره أصرّت عالديب عشان عايزه , عايزه أوي , فقرر الرئيس انه يروح يحضر
بنفسه لحظة الإغتصاب لأنها لحظه تاريخيه , سجلوها عندكو , 20 مايو 2017 , اشارة البدايه
لعملية اغتصاب مكتملة الأركان .
.
أيها الساده ,
المبلغ اللي دفعته الحماره للديب امبارح يعادل 20 ضعف للاحتياطي النقدي لمصر , و
10 % منه يعني 50 مليار دولار ( ضعف الاحتياطي النقدي بتاعنا ) كانو كفايه جدا انهم
ينزلو سعر الدولار في مصر لسبعه جنيه و ينزلو سعر السلع للنص , و يعملو استثمارات و
مشاريع و فرص عمل لملايين الشباب , انما مايلزمناش و مبقاش يلزمنا , احنا مش خواجات
ولا ديابه ولا بنغتصب الحمير ولا بنغرق ايدينا بدم مواطن عربي ولا بنتنازل عن ثوابتنا
و قناعاتنا .
.
كده احنا عملنا
اللي علينا ياريس , عملنا اللي علينا قدام كتاب التاريخ و كتاب المنطق و حتى كتاب المستقبل
و نادينا عليهم عشان يركبو سفينة نوح التانيه , يابني اركب معنا , و مفيش فايده , عدّانا
العيب و أزح , نقعد بقى و نشد حجرنا و نتفرج بمزاج على فيلم البورنو الامريكي الخليجي
, دي هتبقى ليلة يا عمده .
..........................................................................................................
Mohamed
Hussein
22
مايو 2017·
صعبان عليا أوي
قطعان الخرفان , اللي ضهرهم انحنى من كتر الركوب و طلع لهم أتب , العيال بتوع حلب تحترق
و السيسي عميل للأمريكان !! .
.
يا ترى شعوركو
ايه و انتو شايفين خرفانكو الكبار قاعدين واكلين شاربين نايمين مركوبين في قلب البيت
الأبيض و الكونجرس ؟ يا ترى شعوركو ايه و انتو شايفين ترامب لما جه و قلّع الخليج ملط
و لم كل الفلوس اللي حيلتهم ؟ يكونشي واخد ال 500 مليار دولار دي عشان يحرر لكو القدس
؟ مش تحالف إسلامي و كده ؟ و بقيادة ترامب ؟ يبقى أكيد هيحرر لكو القدس , أيوه انا
متأكد و عماد صاحبي مأكدلي , ترامب هيحرر لكو القدس هو و تيريزا ماي و مش بعيد ياخدو
معاهم رئيس وزراء اسرائيل نفسها في عملية تحرير القدس من إيد الصهاينه ولاد التيت
, أحفاد القرده و الخنازير .
.
في حياتي ماشوفتش
وصف ينطبق على حد بشكل كامل و عبقري , قد ما بينطبق عالعيال دي و صف قطيع الخرفان
.
......................................................................................................
Mohamed
Hussein
21
مايو 2017·
فلما أن كانت الليله
السادسه من ليالي ألف نيله و نيله , اجتمع أبو لهب مع عبد الله بن سلول في خيمة فاخره
و قرّرو معا أنهم سيواجهون الكفر و النفاق بكل حسم و حزم , وأي حد هيعرفو انه كافر
أو منافق هيحطو السيخ المحمي في صرصور ودنه أه و عهد الله , و تعالت أصوت الزعيمان
أبو لهب و ابن سلول بالتهديد و الوعيد للكفار و المنافقين و سط صيحات و أهات و هتافات
المعجبين , يا دين النبي يا جدعان , ايه الحلاوه دي , عظمه على عظمه والله , و هنا
ادرك شهر زاد الصباح فسكتت عن الكلام المباح , و قالت تدخل تنام بقى بدل ما تطق من
جنابها .
................................................................................................................
Mohamed
Hussein
21
مايو 2017·
الفيديو بتاع بنت
ترامب ( الصاروخ ) و هي بتضحك و تهزر و تتدلع قدام بعض المسئولين عند طويل العمر و
هما بقى رايحين في عالم تاني ( عالم جميل من الهيييح ) , الفيديو ده بيفكرني بالظبط
بمشهد في فيلم عادل إمام و لبلبه ( عصابة حماده و توتو ) , تحديدا مشهد دخولهم محل
الجزاره , ترامب بيلعب دور عادل إمام ( الخواجه ) و بنته و مراته بيلعبو دور لبلبه
, و الجزار كالعاده كان هيقطع إيده بالسطور , و في نفس ذات اللحظه كان عادل إمام قصدي
ترامب لم كل الفلوس اللي في الدرج !! , اه و عهد الله زي مابقول لكو كده .
...................................................................................................................
Mohamed
Hussein
21
مايو 2017·
لقاء السيسي ترامب
....حوار افتراضي
.
السيسي : أهلا
أهلا فخامة الرئيس ترامب
ترامب : أهلا اهلا
مستر بريزدنت عبد الفتاح .
.
السيسي : قولي
بقى فخامتك جاي تعمل ايه هنا ؟
ترامب : جايين
نعمل تحالف عشان نحارب الإرهاب , ال تيروريزم يا عبد الفتاح .
.
السيسي : قول و
المصحف ؟ هتحارب الإرهاب انت و سلمان ؟
ترامب : أه و عهد
الله زي مابقولك كده .
.
السيسي : حبيب
قلبي معاليك , و طبعا ظبّطت نفسك و طلعت بسبوبه معتبره
ترامب : مش كتير
خبيبي , نص الإحتياطي النقدي السعودي بس , باقي نص هبقى اجيله تاني .
.
السيسي : والله
مانا لاقي تعليق , نو كومنت .
ترامب : يابني
كوكب الأرض كله ماشي شمال , خلّيك انت ماشي عدل كده لما نشوف هتنجح ازاي , و بعدين
العروسه راضيه و أهلها مبسوطين , مالك انت ؟ .
.
السيسي : معاك
حق والله , مالي انا صحيح
ترامب : على فكره
أنا أجي ازوركو في مصر قريب .
.
السيسي : تشرفنا
طبعا , بس احنا معندناش احتياطي نقدي , ولا عندنا دفتر شيكات , ولا عمرنا كنا عروسه
لحد .
ترامب : أنا عارف
.
.
السيسي : و ناوي
بإذن الله تعلن الإخوان جماعه ارهابيه عندكو امتى , سنة كام يعني ؟ بدل مانتو فاتحين
لهم الكونجرس و الخارجيه و البيت الأبيض و بتعلفوهم .
ترامب : انت عارف
مين هما الاخوان ؟
.
السيسي : عارف
طبعا , جماعه إرهابيه صهيونيه أنشأتها بريطانيا في نفس توقيت نشأة الكيان الصهيوني
, و بترعاها المخابرات الأمريكيه .
ترامب : طيب مانت
عارف اهو , عايزنا نفرّط في ابننا ضنانا يا عبد الفتاح ؟ لو عندك ابن هتعمل فيه كده
؟
.
السيسي : معاك
حق طبعا , يو أر ويلكم مستر بريزدنت .
..................................................................................................................
Mohamed
Hussein
21
مايو 2017·
صوتنا بيوصل ,
و عاداتنا و تقاليدنا و مفاهيمنا الغلط اللي اتراكمت في سنين طويله مش هنحلها بضغطة
زرار إنما هنحلها بالصبر والشرح و التكرار .
.
من فتره طويله
وانا بكتب عن موضوع الحج و العمره , و إنك لما تكون قضيت الفريضه في الحج و اعتمرت
مره , يبقى كفايه أوي , ال 20 ألف اللي هتدفعهم في عمره تانيه تشتري بيهم اجهزه كهربائيه
لبنت يتيمه عايزه تتجوز ( و تتستر ) , ال 100 ألف اللي هتدفعهم في حجه تانيه غير حجة
الفريضه تعمل بيهم حاجات كتير للفقراء و الغلابه , تعمل عمليه لكذا فقير مش قادرين
على تمنها , تحطهم وديعه لأسره ملهاش عائل و يعيشو من فوايدها ب 1500 جنيه شهريا .
.
لما كتبت كانت
ردود الأفعال مبشره جدا , لدرجة ان ناس من أصدقائي أقسمو انهم كانو مجهزين فلوس للعمره
فعلا بس اقتنعو و هيوجهو فلوسهم لفعل الخير في مصر , و امبارح لقيت بالصدفه الخطيب
في خطبة الجمعه في الراديو بيقول نفس رأيي بالظبط , و قال نصّاً : مساعدة الفقراء و
المحتاجين أفضل ألف مره من حج النافله و عمرة النافله .
.
أصدقائي الأعزاء
, اغسلو ذنوبكو جوه البلد , و عزة جلال الله الفلوس اللي حضرتك بتدفعها دي اللي بقت
ألاف مؤلفه مابتروح لربنا سبحانه و تعالى ولا لسيدنا النبي , بتروح لشركات الطيران
و لفنادق مكه و المدينه و لمكاتب السياحه , و لما يكون جارك فقير أو قريبتك أرمله و
مش قادره تصرف على ولادها و انت بتطلع عمره كل سنتين تلاته يبقى دين ربنا اللي اعرفه
انا غير اللي تعرفه انت .
...............................................................................................................
Mohamed
Hussein
20
مايو 2017·
اعتقادي .... بس
حاولو تركزو
.
الوضع في تونس
صعب جدا , لا اتمنى , انما مجرد اعتقاد ( و ربنا يخيب ظني ) , طب ليه صعب ؟ ده حتى
ممكن يكون أصعب من الوضع في ليبيا و سوريا و اليمن , ايه ياعم الكلام الكبير ده ؟ بصو
من الأخر , انك تقبل بمشاركة جماعة ارهابيه دوليه في الحكم بعد مانكشف وشها القبيح
عشان تتقي شرها ف ده معناه انك قبلت بوضع رقبتك باستمرار تحت سكينة الجماعه الإرهابيه
, و الله مشيت كويس و سيبت لنا البلد نبرطع فيها ( و في مؤسساتها ) نبقى حلوين و حبايب
, حاولت تقف ضدنا و ضد مشروعنا ( الإستعماري الصهيوني ) أهي السكينه موجوده و رقبتك
جاهزه تحت ايدينا , باختصار الوضع في تونس عباره عن قنبله موقوته و الريموت في ايد
الجماعه الإرهابيه , كان أفضل مليون مره لأشقائنا التوانسه انهم يحاربو الجماعه دي
و يواجهوها حتى لو كان فيه خساير لحظيه مهما كانت .
.
بنفس القياس عايز
أقول لحضراتكو , و ربنا يخيب ظني برضه , الوضع في السعوديه ممممممممم كارثي , و لنفس
السبب , بس شيل الجماعه الإرهابيه و حط مكانها امريكا , السعوديه هتدفع لفتره طويله
جدا ثمن تحالفها مع الشيطان الأعظم , ازاي بقى ؟ بص يا مولانا , انت اتحالفت مع الامريكان
في قتل و حرق و خراب , كويس ؟ و بقى عندك فاتوره ( مشلتته ) في اكتر من دوله عربيه
, يعني بقى لك في كل خرابه عفريت , كويس ؟ نفس الشيطان قالك ماتقلقش انا هحميك , كويس
؟ قمت زودت القواعد العسكريه , تمام كده ؟ تمام أوي , الشيطان بقى اللي انت حليفه
, لك فلوس عنده , مبلغ معتبر , يهز الاقتصاد الامريكي نفسه , عمل فيك ايه الشيطان ؟
( ويش سوّى معك الشيطان ؟ ) , الشيطان طلع قانون جاستا من الدرج و ترجمته ( قانون الحلب
و التظبيط المظبوط ) , بموجب القانون بقت فلوسك و مدخراتك في أمريكا كلها في خطر ,
تقوم انت تعمل ايه بقى بما انك ناصح و أذكى خواتك ؟ تروح تقول لهم خدو 100 مليار استثمارات
, و هاتو ب 200 مليار أسلحه , بس اسكتو و النبي , و حافظو على عروشنا و مملكتنا من
( عفاريت الخرابه ) و حافظو على فلوسنا اللي عندكو ( من قانون جاستا ) , الأمريكان
عجبهم العبط ده أوي , دانت زبون لقطه , و النتيجه و المحصله كالتالي
.
100 مليار في
200 مليار في سنتين تلاته هتلاقي السعوديه دفعت لأمريكا أكتر من قيمة مدخراتها عندهم
, و في النهايه قانون جاستا اللي بيتحط في الدرج مابيتقطعش , يعني عملية الحلب بقت
مضاعفه , و ابقى سّلم لي على مملكتك و فلوسك يا اسماعيل بيه .
........................................................................................................
Mohamed
Hussein
20
مايو 2017·
بحاول أمسك لساني
و الله و ابقى كيوت ( مؤقتا ) عشان الراجل الكبير بتاعنا هناك , بحاول أهو , هحاول
يعني انما مش عارف هنجح ولا لا , ماهي أصلها حاجه تجن , إنما انا همسك لساني , عربون
محبه لزيارة ترامب ( السعوديه هتشتري اسلحه جديده ب 100 مليار دولار !! ) , غير اللي
اشترته في اخر 5 سنين , السعوديه بقت أكبر مشتري للسلاح في العالم , بس انا ماسك لساني
على كل حال , 99 % من السلاح ده بيترمي في مخازن , لا بيعرفو يستخدموه ولا يلزمهم يستخدموه
, إنما أنا زي ما قلت لكو همسك لساني , و هو يعني بالنسبالنا احنا مش هتفرق ياكشي السعوديه
تشتري كل السلاح اللي في العالم و تصطاد بيه عصافير كناريا من عالشجر أو تصطاد بيه
سمك مشوي بالسلطات ورز صياديه , واحنا مالنا , و بعدين مانا قلت لكو انا ماسك لساني
.
.
و صحيح السعوديه
بقالها سنين معكوكه مع الحوثيين في اليمن و جايبه جاز, مع ان عندها سلاح يكفي كوكب
الأرض و المجموعه الشمسيه , يا عم قلت لك احنا مالنا ؟ مالنا احنا ؟ و انا خلاص ماسك
لساني , بس هي المشكله بس و الخوف و الرعب كله لو كان الدور جاي على طويل العمر , و
هوووب نلاقي ناشط سعودي خد جايزة نوبل للسلام , يعني ( هيييييح ) و اللي بعد الهيح
كلنا عارفينه , أيوه وقتها بقى , مرحلة ( ما بعد الهيييييح ) , ترسانة الأسلحه اللي
داخله في تريليون دولار دي , الأسلحه هتروح لمين ؟ لمين هتروح الأسلحه ؟ , هتروح لمين
الأسلحه ؟ مش يمكن اللي بيبيع لهم السلاح عارف انه هيرجع له تاني عن طريق صبيانه (
يعني رابط السلاح ده بأستيك ؟
) , بس عموما انا
ماسك لساني , و متفائل من هنا لحد أخر فيصل , وشايف نص الكوبايه المليان و واقف على
ناصية الحلم و مزاجي عنب , ماتيجو تقفو معايا على ناصية الحلم ؟ .
...................................................................................................................
Mohamed
Hussein
19
مايو 2017·
علاقتنا بالسعوديه
في أسوأ حالاتها , مفيش داعي للإنكار ( للأنكار بصوت الشويش عطيه ) , سياستنا مختلفه
تماما و متعارضه في حاجات كتير , و علاقتنا بأمريكا نفس الشئ , حتى بأمريكا الترامبوتيه
.
.
إنما تبقى الدبلوماسيه
المصريه بتحتفظ بشعرة معاويه , مع الدولتين دول تحديدا , امريكا القوى العظمي اللي
بتدير كوكب الأرض و تحركه , و السعوديه بسبب و بسبب و بسبب .
ممكن نقطع علاقتنا
تماما بدول و دويلات , زي اسرائيل و تركيا و قطر , مايبقاش في أي مؤتمرات ولا مقابلات
على مستوى عالي ولا تمثيل دبلوماسي يُذكر , إنما بالسعوديه و أمريكا و معاهم بريطانيا
صعب , صعب جدا , السياسه مش فتحة صدر , ولا الدنيا بتمشي بطريقة ( اوعى إيدك كده ملخت
الكُم ) , و احيانا بتضطر تقعد مع الشيطان ذات نفسه و تقوله تسريحتك عاجباني أوي ,
و أخلاقك لا غبار عليها , اه وعهد الله .
.
السيسي لو حضر
القمه الأمريكيه الإسلاميه الحلزونيه السمسميه المشمشيه اللي هتحصل في الرياض بعد كام
يوم , هيبقى رايح يجامل , يقضي واجب , عشان خاطر معاويه و شعرة معاويه , إنما أي اتفاقيه
, أي بروتوكول , أي تحالف , أي عفريت أزرق هيقول لهم , أسف والله نسيت القلم في القاهره
, هوقّع لكو إزاي وانا مش معايا القلم ؟.
.....................................................................................................
Mohamed
Hussein
19
مايو 2017·
شوفت يا عم اللي
حصل ؟
- خير يا حبيبي
؟
.
المتحدث العسكري
السابق اتجوز على مراته
- ممممممم طب ما
يتجوز , فين المشكله ؟
لا يتجوز يعني
ايه ؟ ازاي يتجوز على مراته أم عياله ؟
- يابني هو اتجوز
أمك ؟
.
لا والله .
- طب اتجوز واحده
تانيه على امك ؟
.
برضه لا و الله
.
- طب شاغل بال
أمك ليه ؟.
.
ماهو أصله كمان
ماينفعش يقول علينا رعاع .
- هو قال رعاع
على مين ؟
.
علينا احنا .
- انتو مين ؟
.
احنا الشعب
- يا سلام ؟ يعني
الراجل قال الشعب المصري رعاع ؟
.
لا مش بالظبط
, قال : في كل مجتمع رعاع يستبيحون اعراض الناس
- اه يعني بيقصد
مين بقى ؟ .
.
بيقصد الناس اللي
اتكلمت عن موضوع جوازه و قالو على مراته عاهره .
- هو انتو قولتو
على مراته عاهره ؟
.
اه والله قولنا
عاهره .
- قولتو عاهره
و فرحان أوي ؟ طب عايزه يقول عليكو ايه بقى ؟
.
يعني عالأقل كان
يمسك لسانه شويه
- أه صح معاك حق
, بالك لو انا مكانه ؟ كنت مسكته قدامكو .
.
هو ايه ده اللي
مسكته ؟
- لساني طبعا
.
.........................................................................................................
Mohamed
Hussein
19
مايو 2017·
في زمن البلاله
, صلاح الدين الأيوبي بقى خاين و ( شخصيه قذره ) , و رئيس أمريكا هيقود التحالف الإسلامي
السنّي هو و تيريزا ماي رئيسة وزراء بريطانيا !! .
.
الغبي بس هو اللي
مايفهمش إن السطرين اللي فوق بيكملو بعض , لازم نشيطن لك القديم ( التاريخ ) عشان لما
ندّيك بضاعه جديده مهما كانت زباله و شيطانيه تبلعها و تاكلها و تقول شهد مكرر .
.
لو حصل زلزال في
منطقتنا العربيه الفتره الجايه مثلا , زلزال حقيقي و قوي , غالبا هبقى عارف السبب من
قبلها , السبب مش هيكون له علاقه بطبقات الأرض ولا بالقشره الأرضيه ولا بقشرة الشعر
, السبب هيكون ان كوكب الأرض بيعبر عن شعوره ( و فرحته ) بينا , أه بيعبّر بمناخيره
.
................................................................................................................
