فلاح

فلاح وشايل وجع 
على ضهره زي الفاس
وقال يموت الجدع 
ما يمد إيد للناس 
عاشق وشاف زرعته 
وطّى عليها وباس 
.
محمد حسين  

تطرح على خدودك

ولسه فيكي ولاد
حالفين يمين الله
ما هينكسر عودك
ولسه فيكي جنود
قايمه على حدودك
ولسه فيكي النيل
ميوقفوش مية سد
يرمي جناين ورد
تطرح على خدودك !.
.
.
محمد حسين

سطور العشق مكتوبه

ساعات العشق بيعلِّم على العشّاق
برغم الهجر والتوبه
 وانا قاري علي جبينك
 سطور العشق مكتوبه ! .
 ساعات في عنيكي تخدعني
 وتبعت لي رسايل زيف
 و بتقولي بدم خفيف
 لانا عاشق
 ولا انتي كنتي محبوبه .
 أنا عاشقك ومجنونك
بموت فيكي وبتجنن
 وبتوضّى على عنيكي
 تجيلي الحاله والنوبه !!. . . . محمد حسين

منوع

أمريكا التي دعمت حكم الجماعه الإرهابيه في مصر ولا زالت , سوف تنقلب رأسا على عقب لو وصل لحكومتها تقرير واحد يفيد بأن نفس الجماعه تخطط لتكوين خليه لها في الولايات المتحده الأمريكيه ...دي يطير فيها رئيس دوله عندهم يا مولانا , كلمني بقى عن الحريات وحقوق الإنسان !!.
............... يا كابتن يا بتاع المسالحه , لو مكنتش بتفهم سياسه أنصحك تفتح مستشفى نسا وولاده , يمكن ساعتها تعرف إن ( الخلَاص ) لازم يتقطع في وقت معين عشان نحافظ على حياة الأم والجنين !!.

.

الحمد لله , إمبارح وقّعت عقد أول دواويني الشعريه ( بالعاميه ) مع دار ليليت للنشر , الديوان هينطبع بإذن الله خلال إسبوعين تقريبا , إسمه ( مكتوب ) , كل الشكر لأصدقائي الأعزاء اللي ساعدوني وشجعوني , شكر خاص لأصدقائي محمد علي على وشادي أنيس Shady Anis( في تصميم الغلاف ) , ولإخواتي البنات أ / سماح ( Rose Roka والباشمهندسه / هند أحمد
في الإعداد ... الشكر موصول للجميع و شاكر جدا للأستاذه إيمان سعيد / المشرفه على دار النشر Eman Saeed.

.

من كام يوم , واحده إخوانجيه قريبتنا اتكلمت بانفعال عن الحل للأزمه الحاليه , وقالت بالنص ( إحنا لازم نقسم مصر نصين , مرسي والإخوان يحكمو نص ونسيب لكو النص التاني !! ) , النهارده الكلام ده بيتردد في ميدان رابعه , النموذج السوداني بقى , وعلى فكره البشير برضه أوهم شعبه إنه رئيس إسلامي بيقيم الدوله الإسلاميه ( ويُقْعدها ) , وكلنا طبعا شايفين النعيم اللي عايش فيه السودان حاليا , وكان أخر إنجازات البشير............تقسيم السودان !!.
الفكره ده تقريبا هي الحل الأخير عند الإخوان , تقسيم مصر , زي السودان وزي فلسطين وزي أي دوله بيحكمها بهلول إسلامجي , وتقديم أكبر هديه للأمريكان والصهاينه , كده أقدر أقول بقلب جامد و احنا في شهر مفترج يعني , أي كلب معتصم في رابعه ومستني الحل ده يبقى مالوش ديه , إضرب يا سيسي , هولوكوست ماشي ...موافق , محرقه جديده للصهاينه بتوع مصر .....والله موافق , مفيش حاجه ولا حد يسوى إني أحافظ على وحدة تراب بلدي ...وملعون أبوها الحمامه أم غصن زتون !!.

.

.

محمد حسين 

في الملاهي

في الملاهي !
.
كلّه ملهي وكله ساهي
اللي باع أرضه وعرضه
واللي شال في سلاح لاخوه
كلنا في نفس التابوه
.
سين بيضرب
صاد بيحرق
هيا مركب ناويه تغرق
وسط موجة نار يا هوه
كلنا في نفس التابوه
.
اللي رايح واللي سارح
واللي رافض للدبايح كفّروه
كلنا في نفس التابوه
.
ليه يا مصر بترمي فينا
فاتحه بابك للمغادره
الشيطان راكب علينا
والملايكه عمله نادره
فين ولادك يحرقوه ؟
كلنا في نفس التابوه
.
قالو عنك قالو إنك
قالو فيكي كلام يجنِّك
والتاريخ رافض يصالحك
مش في صالحك
لما شاف بعنيه ولادك قطّعوه
كلنا في نفس التابوه
كلنا في نفس التابوه
.
.
محمد حسين

منوع

سمعت إن الكنيسه المصريه طلبت من أقباط مصر إنهم يصومو بكره معانا , صوم مسلمين يعني , يوم للتضامن في حب مصر , اللهم صلى على كامل النور , واد يا جون واد يا مينا واد يا مايكل ..بت يا نيفين , أيوه انتي يا مزغوده إوعو تكونو نسيتو تتسحرو ؟...الله أكبر , طول عمري بقول الجنسيه الأمريكيه دي جنسيه والجنسيه الكوريه دي جنسيه وكل جنسيات العالم جنسيه إلا مصر , الوحيده في الكون اللي جنسيتها ديانه ........... الديانه المصريه !!.

.

.

ملايين المصريين هينزلو النهارده في التحرير وباقي الميادين , إحساسي إن العدد هيكون أكتر كمان من 30 يونيو , هيبقى عدد مخيف , مرعب للغرب والأمريكان ومرعب للإخوان ............ومرعب للشيطان !!...الناس فهمت واتأكدت إن فيه خطر حقيقي على البلد ...و أفضل عنوان ممكن يتكتب دلوأتي حالا في بداية اليوم الموعود هو ........................ ( مصر تحبس أنفاسها ) !!. 30 يوليو 

.

لسه شايف حالا مشهد فيديو من أحداث بين السرايات اللي راح فيها معرفشي كام شهيد من المصريين الغلابه , الحقيقه مشهد رائع , حوالي 14 معتصم ( سلمي ) من بتوع الإخوان بيقتحمو مكتبه في بين السرايات ( اقتحام سلمي ) , وفي إيدهم مسدسات ( من النوع السلمي ) ونبابيت ( سلميه ) , المهم الشباب المجاهد التقي ده انهال بالضرب ( السلمي ) على صاحب المكتبه ابن الحرام , تخيل يا مؤمن ؟ 14 إرهابي سلمي بأسلحتهم السلميه بيضربو في شخص واحد في مشهد قمه في التقوى والورع , الواد اللي بيكسر الكاميرا ده وشه ماليان نور وتقوى , أه وعهد الله , اللهم صل على كامل النور , ............ فصيل وطني بقى !!.

.

أيمن نور يصرّح و يرفض ويعترض !! , أنا يتهيألي أيمن نور وعلاء صادق وعصام سلطان لو راحو يعتصمو في رابعه الشباب الإخوانجي القائم على الإعتصام هيودوهم القسم الحريمي في الإعتصام , أه ماهما دول مفيش خوف منهم زيهم بالظبط زي العيال الفلبينيين اللي بيشتغلو في محلات الملابس الحريمي في السعوديه !!.

.

محمد حسين 

منوع

إحنا نبني سور نقفل بيه طريق رئيسي وبعدين نجري نستخبى في الجامع , ونطلع نقتل ظابط ونجري نستخبى في الجامع , ونجيب اسلحه من هنا وهنا ونرجع نخبّيها نستخبى في الجامع , ونمسك واحد في الشارع ونرجع نعذبه في الجامع , أه نسيت حاجه مهمه .....ممممممممم ونبقى نصلّي بالمره !! , أخر ما لدى الإخوان من قاموس الوقاحه والسفاله هو تحويل المساجد إلى أوكار !! , يا الله , يا الله , يا الله ...........طيب أنا شخصيا موافق إن الجيش يضرب المسجد اللي بيحصل فيه كده بالصواريخ والدبابات , ويهده على اللي جواه , دين المسلم في قلبه مش في المساجد , جُعلت لي الأرض طهورا ومسجدا , ..إهدمو هذه المساجد ( الأوكار ) على رؤس من فيها و إذا اقتضى الأمر ولم نجد مسجدا ( جداريا ) فسوف ننعم بالصلاه في ساحات مفتوحه بلا جدران , الصلاه في نور الله , ليس بين ظلمات ( المساجد المشبوهه ) !!.

.

اللي حصل النهارده بين مصر وشعبها هو تجسيد لحالة عشق وهيام , وهيام عارفه بالموضوع ده وراضيه على فكره عشان بس محدش يزايد علينا !! .........26 يوليو 2013

.

لما أجراس الكنايس تضرب مع مدفع الإفطار وأدان المغرب عشان المصريين يفطرو , مسلم ومسيحي يقسمو التمره بينهم يبقى انت أكيد في مصر ,
.
البلد دي مجنونه ومجننه ناسها , عايشه بربع العقل وبكل إحساسها !! .  26 يوليو 2013

.

.

من سنين طويله و الكيان الصهيوني بيراهن على ضعف الوطنيه عند المواطن المصري , عشان كده كان بيتكيف أوي من انتشار الواسطه والمحسوبيه في مجتمعنا لأن دي من الحاجات اللي بتأثر بلا شك على درجة الوطنيه عند الشخص ودرجة انتمائه لبلده , ماهو سيادتك احنا سلاحنا الرئيسي وطنيه وكرامه مش دبابات وصواريخ , بس الحشود النهارده وقبل كده يوم 30 , وخروج 29 مليون للشارع تلبيه لنداء الجيش , وتغني المواطنين بأغاني انتصار اكتوبر هي ضربه في مقتل للكيان الصهيوني , الرساله اللي وصلت لهم دلوأتي , إن الشعب ده ممكن يكون فقير أو حقه ضاع بسبب الواسطه أو مريض أو مش لاقي ياكل لكن وقت الجد , وقت لما الجيش المصري يقول ( ولا الضالين ) بنقول .......... أمين !!. , إحنا أسفين يا إخوان , إحنا أسفين يا صهاينه , كنا عايزين نخدمكو بس دي مصر بقى نعمل إيه....... جيم أوفر , إنتهى الدرس يا أغبيا !!.

.والإخوان عمالين يطلعو إشاعات إن النهارده هيكون فيه تفجيرات في التحرير والميادين وفي محطات المترو عشان يخوفو الناس من النزول !! أحب أقولك يا سعادة الباشا الخروف الإخوانجي إن الناس فهمت خلاص ومبقتشي تخاف , والشعب اللي نزل عشان يحتفل بحظر التجول في مدن القناه أكيد أكيد هينزل عشان يتأكد بنفسه من موضوع القنابل ده !! , هات ياد القنبله اللي معاك دي , دي بتاعتي أنا , أنا أول واحد شوفتها , طيب أقولك هاتها عشان أعلقها عندي في البيت في النجفه وهديك مكانها لغمين و طوربيد !!.

.

محمد حسين 

.

أشعار عاميه

وصف لحال المعتصمين الغلابه في رابعه !!
.
إبليس عايزها حريق
لابسلي راجل دين
رامي بتوبه الردئ
على ناس كتير سالمين
.
يا مصري ضلّ وتاه
إهرب لنور الله
واعرف تصاحب مين ؟!
.
.
محمد حسين

.

.أنا بين ترابك حِفان

وحفان كتير بيفيض
أنا جنب نيلك أدان لله يا ثورة وطنْ

لله خروج الشعبْ
ملعون يا مكتب عَفنْ
سكنوه ولاد الكلبْ
ملعون في كل كتاب
و ف رملها والطين
من إمتى بس كلاب
بيقودو بني أدمين ؟!!
.
.
محمد حسين

.

.لله يا ثورة وطنْ

لله خروج الشعبْ
ملعون يا مكتب عَفنْ
سكنوه ولاد الكلبْ
ملعون في كل كتاب
و ف رملها والطين
من إمتى بس كلاب
بيقودو بني أدمين ؟!!
.
.
محمد حسين

منوع

سليم العوا رجع تاني , زعبوله الأوله رجع تاني , عامل مبادره , بيقولك نرجع مرسي ومرسي يدي صلاحياته لحكومه جديده ومعرفشي إيه , المهم إن مولانا سليم العوا بيخوفنا من حكم العسكر ( اللي هو مش موجود ) , أه وعزة جلال الله , ممممممممممم يا راجل دانت قعدت سنه كامله , 365 ليله تغسل لطنطاوي رجليه كل ليله قبل ما ينام بالمايه والملح وتدعكها ( ولا مؤاخذه ) وتقول له ( عايز حاجه بقى يا سيدي قبل ما انام ) , والله عيب عليكي كده يا بت يا سنيه يا قليلة الأصل !!.

.

الجزيره جايبه وائل قنديل وحسن نافعه وواحد أزهري , قاعدين بقى واحد بيطبل والتاني بيغني والتالت بيرقص , الأزهري عايز يحاكم شيخ الأزهر على أحداث إمبارح !! , يا زين ما خلفتي وجبتي يا جزيره ...................( عالمه وبلّاله ...... و وائل لا مؤاخذه قنديل ) !!.

.

سؤال بسيط جه على بالي , لما المعتصمين في رابعه يرجعو بيوتهم والليله تتفضّ بإذن واحد أحد قناة الجزيره هتعمل إيه وتشتغل فين ؟ يعني هتاكل عيش منين ؟ عيد ميلاد أمير قطر وحفلة طهور ابنه و عودة الشيخه موزه من عند الكوافير بسلامة الله ؟ الحاجات دي مش بتأكل عيش , قطر مالهاش تاريخ ولا جغرافيا ولا اي تلاتين لزمه ووجودها في خريطة العالم عامل زي ( السنطه ) اللي بتطاع في رجل فيل , ليه بقى عامله لنفسها قناه فضائيه أد كده وبتصرف عليها مليارات ؟ , وهو فريق مركز شباب ( كفر البدماص ) ينفع يعمل له قناه فضائيه وجريده يوميه ؟!!.

.

محمد حسين