Mohamed Hussein
29 ديسمبر 2016 ·
طيب تمام تمام , نتكلم بقى في السياسه و
التحالفات الدوليه و ظاهرة الإحتباس الحراري و دورها في توسعة ثقب الأوزون , و لو حابين
نتكلم في أحدث الطرق لنفخ الشفايف أو في العلاقه التاريخيه الوطيده بين السلق و القلقاس
معنديش مانع .
.................................................................................................................
Mohamed Hussein
29 ديسمبر 2016 ·
كورة ايه بس و بتاع ايه اللي مهتمين بيها
دي ؟ أهم حاجه الحوار المجتمعي و تنمية الإنسان.
....................................................................................................................
Mohamed Hussein
29 ديسمبر 2016·
البرادعي هيعمل حوار مع تلفزيون العربي
على 5 حلقات , تلفزيون العربي اللي مقره في لندن و اتعمل مخصوص عشان الهجوم على مصر
و جيشها و تنفيذ السياسه الصهيونيه القطريه , تلفزيون العربي يعني عزمي بشاره و حكومة
قطر بنت الوسخه .
.
الكلام ده معناه ايه ؟ ( تلفزيون العربي
؟ , البرادعي ؟ , عزمي بشاره ؟ , لندن ؟ , قطر بنت الوسخه ؟ ) , ولا حاجه يا مولانا
, دي كلاب السكك بتعمل أد لبعض .
................................................................................................................
Mohamed Hussein
28 ديسمبر 2016·
هات ودنك.......... 3/3
.
يعني ايه 3/3 ؟ لا دي مش نتيجة ماتش الأهلي
و الزمالك بتاع بكره , 3/3 يعني اهم 3 مشاريع عملهم السيسي و أهم 3 مشاريع لازم يعملهم
.
.
في رأيي الشخصي أهم 3 مشاريع عملهم السيسي
هما ( مش شبكة الطرق و الكباري ولا قناة السويس الجديده ولا صوامع الغلال ولا الأنفاق
ولا الإستزراع السمكي ولا زراعة الصحرا ) إنما ممكن نقول :
.
1- الكهربا , حل المشكله تماما , حجم المحطات
اللي اتعملت مش طبيعي , حجم الإنفاق أعتقد تجاوز 200 مليار جنيه .
.
2- العشوائيات , فكرة القضاء على العشوائيات
مش مجرد انك بتوهب الحياه لناس حياتهم معرضه باستمرار للخطر , خطر الموت و خطر المرض
, إنما الفكره كمان لها شق أمني , أمن وطني , العشوائيات بعد فتره بتتحول لأوكار لكل
أنواع الجرائم اللي ممكن تتخيلها , بتبقى صعبه جدا على أجهزه الأمن , او ممكن مجازا
تعتبرها مناطق خارج السيطره الأمنيه .
3- العاصمه الإداريه الجديده , الإفتتاح
المبدئي هيكون أخر 2017 , مشروع عملاق بكل المقاييس , مش مجرد مباني إداريه فخمه ولا
مباني سكنيه , ده شريان حياه للقاهره اللي كانت قرّبت تتخنق .
.
فيه بقى 3 مشاريع قوميه بيمثلو تحدي أصعب
و أتمنى السيسي يدخل فيهم بجديه , كوارث متراكمه من سنين طويله و ده اللي مخلي التعامل
معاها أصعب , و هما في رأيي :
.
1- الصناعه , محتاجين مشروع قومي متكامل
للصناعه , دراسه تقول المواد الخام اللي عندنا ايه ( بدل ما نصدرها بملاليم ) و الأسواق
حوالينا محتاجه ايه , و بناء عليه نعمل مجموعه من المصانع العملاقه لصناعات محدده نتخصص
و ننافس فيها , اجمالا عندنا مشكلتين في التصنيع , الشكل النهائي للمنتج ( بيبقى غالبا
سئ حتى لو جوده المنتج عاليه ) و التانيه هي التسويق ( مابنعرفش نسوّق المنتج يا سعادة
البيه ) .
.
2- التعليم , الدول اللي بتحتل المراتب
الأولى في التعليم مناهجهم ابسط بكتير من مناهجنا و و عندهم 4 مبادئ خلّتهم يحتلو المراكز
الأولى , مناهج مبسطه تناسب عقل الطالب , طريقه شرح مناسبه و حديثه , مفيش هوم ورك
, و بناء على ماسبق مفيش دروس خصوصيه !! , حل مشكلة التعليم سهل جدا و مش محتاج تكلفه
, بس أي حل لا يتضمن تجريم الدروس الخصوصيه هيبقى مجرد عبط و هبل مش اكتر , هنا هنصطدم
بالعنصر البشري , تقريبا نص مليون مصري بيشتغلو في الدروس الخصوصيه , حتى لو قلت هتدّي
مرتبات للمدرس تبدأ من 4 الاف , برضه هيبقى التنفيذ صعب .
.
3- الفساد و البيروقراطيه و ترسانة القوانين
الباليه , لازم تحطهم مع بعض , ماينفعش تفصلهم , و هنا برضه هنصطدم بالعنصر البشري
, عندنا 6 مليون موظف محتاجين منهم بالكتير 2 مليون , و برامج كمبيوتر هتحل مكان البني
أدم , و بالتالي هتحجم بشكل كبير الفساد و الرشوه , طب عندك 4 مليون موظف هتقولهم لو
سمحتو اقعدو في بيوتكو و خدو أصل المرتب , هيوافقو ؟ طبعا هيقلبو الدنيا , عشان كده
قلت السيسي ولازم السيسي , مفيش حد عنده الجرأه يقتحم ملفات زي كده ( عش الدبابير
) و يجازف بشعبيته غير عبد الفتاح السيسي .
...............................................................................................................
Mohamed Hussein
28 ديسمبر 2016 ·
الكونجرس الأمريكي عايز يناقش قانون بخصوص
ترميم الكنائس في مصر !! , و بعدها يطلب من الإداره الأمريكيه انها تتابع الموضوع مع
الحكومه المصريه و تشوفنا يعني بنينا كام كنيسه و رممنا كام كنيسه و ركبنا كام باب
و كام شباك و اشترينا كام مفصله و كام لمبة نور و كده يعني .
.
عزيزي الكونجرس الأمريكي , إزيك كده و ازاي
امك , مصر يا مولانا الكونجرس مش دوله خليجيه من اياهم ولا كشك عالخليج , اه و عهد
الله , ابقى بص عالخريطه كويس عشان تتأكد , و طبعا انتو عارفين غلاوتكو عندنا , لولاش
بس إن البلد دي اسمها مصر كنا احنا بنفسنا طلبنا من الرئيس عبد الفتاح السيسي كل يوم
و هو مروّح من قصر الرئاسه يسيب لكو مفاتيح القصر تحت الدواسه !! .
.................................................................................................................
Mohamed Hussein
28 ديسمبر 2016·
على فكره بقى السمك اللي بيطلع من المزارع
السمكيه دي بيجيب بلهاريسا و انكلستوما و حب شباب و تضخم في ضرس العقل و انبعاج في
العصب السمبثاوي و العصب البهنساوي و العصب المستكاوي , و بيربط المفكوك و يطلّق المتجوزه
.
...................................................................................................................................
Mohamed Hussein
28 ديسمبر 2016·
ايه رأي حضراتكو لما نوصل لليوم اللي نلاقي
فيه أمريكا و روسيا و تركيا و إيران و السعوديه و قطر بيجتمعو عشان يحددو المستقبل
السياسي و الأمني لسوريا ؟ دول و دويلات و أكشاك يجتمعو عشان يقررو مستقبل دوله حضاريه
عريقه عمرها من عمر كتاب التاريخ , حتى الكشك اللي تاريخه مايكملّش سطرين بقى بيجتمع
و يقرر و له كرسي و له صوت .
.
ايه رأي حضراتكو لما نوصل لليوم اللي تجتمع
فيه التعالب مع الديابه مع الفيران مع الصراصير عشان يحددو مستقبل أسد جريح ؟! .
.
المشهد ده لوحده كده لو تخيلت ( مجرد تخيل
) إن مصر مكان سوريا و ان صرصار زي قطر قاعد يحدد مستقبل مصر كان يبقى مشهد كفيل إني
أضرب نفسي بالنار , طب لو مش هقول تحيا مصر و تحيا جيشها العظيم دلوأتي و في السنين
دي تحديدا , اومال هقولها إمتى ؟!! .
..................................................................................................................
Mohamed Hussein
27 ديسمبر 2016·
... 150 مليون جنيه رشاوي
و إكراميات !! , على كده الموظف اللي لسه بياخد 20 و 30 جنيه لحد النهارده المفروض
نعتبره بطل قومي و ندّيله جايزة الدوله التشجيعيه , و لما يموت نعملّه مقام و نسميه
( مقام سيدي العارف بالله اللي كان بياخد عشرين جنيه بس ) .
..................................................................................................................
Mohamed Hussein
27 ديسمبر 2016·
أهلا و سهلا يا حبيبي
- أهلا بيك يا عمي .
.
قولي بقى انت بتشتغل ايه ؟
- أنا حضرتك مدرس في كلية العلوم قسم الكيميا
, معايا ماجستير من جامعة القاهره و دكتوراه من جامعة طوكيو .
.
أه تمام تمام , و كنت عايز إيه بقى ؟
- أنا يا عمي يسعدني و يشرفني أطلب إيد
بنتك الأنسه ساميه .
.
ساميه مين ؟ انا معنديش بنت اسمها ساميه
.
- ازاي يا عمي ؟ ماهي واقفه قدامك أهي
.
.
أه قلت لي , انت عايز تتجوز ساميه بنتي
.
- أه , ياريت حضرتك توافق , دانا بحبها
أوي و ربنا يقدرني و اسعدها .
.
طب فكرني تاني كده انت بتشتغل ايه ؟
- دكتور في الجامعه يا عمي
.
دكتور على نفسك يا حبيبي , أنا يابني ماجوّزشي
بنتي لأقل من ناشط سياسي أو ناشط حقوقي أو واد كده يكون أبوه تاجر سلاح أد الدنيا
, أو عالأقل مدير مشتريات .
......................................................................................................................
Mohamed Hussein
27 ديسمبر 2016·
الرقابه الإداريه قبضت على مسئول بتهمة
الرشوه , لقو عنده ماعرفشي كام مليون جنيه على كام مليون دولار على شوية يوروهات و
ريالات و دهب حلوين .
.
رأيي الشخصي , عدد الموظفين المرتشين في
مصر كبير جدا , و درجات طبعا ( التركه الهباب ) , القوانين الحاسمه مطلوبه , و المحاكمات
العاجله مهمه , و العقوبات الرادعه و تشديد الرقابه و المحاسبه , و القضاء على البيروقراطيه
و تحييد العنصر البشري , كل ده مطلوب و مهم جدا , إنما فيه حاجه أهم , خط الدفاع الأول
ضد الرشوه و الفساد , اسمها الزوجه , المرأه المصريه .
.
عزيزتي المرأه المصريه , الزوجه و الأم
:
- لو جوزك موظف حكومه مرتبه 10 ألاف جنيه
, وانتي طبعا عارفه , وبيرجع من شغله الساعه 3 العصر و يقعد في البيت , يعني ماعندوش
مشاريع تانيه ولا بيصنع صواريخ ولا بيطيّر طيارات .
.
- لو نفس زوجك الموظف الحكومي ده اللي مرتبه
ثابت بالحوافز و خلافه , لقيتيه داخل عليكي بطقم دهب قيمته 100 ألف أو قالك يا حبيبتي
احنا اشترينا فيلا في مارينا , أو قالك هناخد فيلا ب 3 جناين في كومباوند جديد , اسأليه
سؤال واحد , قولي له انت عندك عم في البرازيل و مات قريب و ورثته ؟ هيقولك لأ , اعرفى انه حرامي و مرتشي و ابن جزمه .
.
- يعني ماتفرحيش بطقم الدهب و الفيلا و
العربيه الجيب شيروكي اللي جابهالك الموظف أبو 10 ألاف جنيه ؟ لا ماتفرحيش .
.
- والفلوس دي تاخديها و ترجعيها للدوله
( ده حق الناس و الشعب ) , لو خايفه على جوزك من المحاسبه و السجن قولي له توقف يعني
Stop , و اتبرعي بالفلوس كامله
لصندوق تحيا مصر , و قولي له مش عايزه دهب ولا عربيه ولا فيلا , هنعيش بمرتبك الحلال
.
.
- طب يعني تعملي كل ده ليه و تضحي بالعيشه
ال luxurious دي و إنك
تبقى زي صاحباتك الجدد اللي عايشين حياتهم و اتعرفتي عليهم ؟ هل تعملي كده عشان خاطر
مصر ؟ لا خالص , لا عشان خاطر مصر ولا خاطر فنزويلا .
.
- حضرتك هتعملي كده عشان خاطرك انتي و خاطر
بيتك و أولادك , و مش هقولك الأخره و هتتنفخو هناك في نار جهنم ( بإذن واحد أحد )
, لا هقولك الدنيا , وخديها قاعده كده , الراجل الموظف المرتشي الفاسد هو باستمرار
عقله و وقته ضايعين في التفكير يشتري ايه و يخبي فلوسه فين و يستّف أوراقه ازاي و يقابل
مدام سونيا في أنهي شقه , و بالتالي هو مش فاضي خالص لتربية أولاده .
.
- و الزوجه اللي رضيت بكده و فرحت هتبقى
مشغوله طبعا بالدهب و العربيه و الفيلا و الكوافير و هتقابل فوفي في النادي و توتي
في ستاربكس , المهم برضه مش هتلاقي وقت ولا عقل عشان تربي أولادها .
.
- و النتيجه الحتميه هي ابن صايع بيشرب
مخدرات ( ماهو مال سايب ) و ممكن يروح فيها بسبب جرعه زياده , و بنت ضاربه ورقتين عرفي
أو حتى من غير ورقتين !! .
.
- عزيزتي الزوجه المصريه , انتي خط الدفاع
الأول , من فضلك ماتطلبيش من جوزك طلبات ماديه اكتر من طاقته و مرتبه ( البدايه بتيجي
من هنا ) , و من فضلك اسألي جوزك باستمرار : من أين لك هذا ؟! .
...........................................................................................................................
Mohamed Hussein
26 ديسمبر 2016·
بفتح الإينبوكس من شوية لقيت رساله من صديقة
عزيزه جدا , رساله طويله عريضه بتتكلم عن فتوى ابن عثيمين و رأيه في تهنئة المسيحيين
بأعيادهم !! .
.
يعني ياربي الواحد بدل مايفتح الإينبوكس
يلاقي مزه باعتاله ورد و قلوب و دباديب و كلمتين اعجاب حلوين و وش مكسوف و كده يقوم
يلاقي ابن عثيمين في وشه ؟ .
.
مين بقى ابن عثيمين ؟ أنا يتقالي ابن عثيمين
؟ أنا يوقفوني قُدام محل شاورما ؟ يعني إيه شاورما يا عم محمد ؟! .
.
صديقتي العزيزه الغاليه جدا , أشكرك طبعا
على النصيحه و تعبك و حسن نيتك , إنما عايز أقولك , هذا العبد لله اللي هو انا تجاوز
الحكايه دي من سنين طويله أوي , عدّيت ال level
ده من زمان , تقريبا من أيام ما كنت في اعدادي و كنت فاهم ان المسيحيين
دول مابيستحموش و كل الخرافات اللي كنا بنسمعها .
.
الحقيقه يا سيدتي ان شيخي باختصار هو عقلي
, و أي حاجه تصطدم بمولانا الشيخ اللي هو عقلي مش بقبلها , يقولها بقى ابن عثيمين يقولها
ابن حمدين يقولها ابن نفتالين مش بتفرق معايا .
.
و الحقيقه يا سيدتي ان عقلي لما يعجز عن
التفكير هيلاقي اجاباته عند مؤسسه عمرها ألف سنه , خرّجت ألاف المشايخ و العلماء ,
و نشرت تعاليم الإسلام في كل مكان في العالم , يعني عيب أوي ابقى مصري من بلد الأزهر
الشريف و ابقى مستنى فتوى من أي حد في أي مكان تاني في العالم , ابن الجزّار ماينفعش
يجيله أنيميا من قلة أكل اللحمه فتقوم عينه تطلع على حتة لحمه بايته معفنه ( و ريحتها
غرقانه جاز ) في إيد واحد لسه يادوب يسمع عن اللحمه من اسبوعين !! .
.
و بالنسبه بقى لأصدقائي المصريين , المسيحيين
و النصاري و الصليبيين ( و المرأه بجميع أنواعها ) و كده , عايز أقولهم , كل سنه و
انتو تاج على راسي من فوق , و كل سنه و مصر تاج على راسنا كلنا .
..........................................................................................................................
Mohamed Hussein
26 ديسمبر 2016·
نفس اللعبه و نفس الكوتش .
.
اللي يفتكر من حضراتكو بعد يناير 2011
, في التوقيت ده ظهر بتاع 200 حركه و تنظيم و ائتلاف , من عينة و نوعية , إئتلاف ميدان
التحرير , حركة ميدان التحرير , حركة تحرير الميدان , شباب محمد محمود , حركة الثوره
مستمره , ائتلاف دعم أهداف الثوره , و هكذا , و طبعا كانت الجزيره بتروج لهم , و معنا
على الهاتف فلان الفلاني المنسق العام لحركة شباب الميدان , و معنا في الإستوديو فلان
الفلاني أمين سر ائتلاف المجلس الأعلى للثوره و ثقب الاوزون .
.
و لو خطفت رجليك بقى لحد سوريا هتلاقي نفس
الحدوته بس تحت إسم جبهات و فيالق و جيوش ولواءات , لو عدّيتهم هتلاقيهم بتاع 200 برضه
, أحرار الشام , جبهة فتح الشام , الجبهه الإسلاميه لفتح الشام , فيلق الشام , جبهة
أنصار الإسلام , و هكذا .
.
الحقيقه ان اللعبه متشابهه تماما لأن الكوتش
اللي بيدير الماتشين هو نفس الكوتش , و الغرض من الأسماء الكتيره و الحركات و الحبشتكانات
دي هو تشتيت للذهن , و اظهار نوع من القوه و التأثير واحنا كتير أوي و متنوعين , ياااه
كل دول مشاركين في مظاهرات بكره ؟ كل دول بيدعمو اللامؤاخذه الثوره السوريه ؟ مش معقوله
؟ كتير فعلا , طب لو مش عاجبك جبهة النصره خد جبهة فتح الشام , لو مش عايز تنضم لحركة
ميدان التحرير انضم يا سيدي لائتلاف تحرير الميدان , لو مش عاجباك ناديه خد سوسو .
.
و الحقيقه إن الحركات و التنظيمات اللي
ظهرت بعد 2011 في مصر و سوريا هي عباره عن حركات و أسماء وهميه بيديرها نفس مجموعة
الأشخاص .
.
و الحقيقه الأهم إن الواحد ممكن يتنصب عليه
مره و مايبقاش حمار , لكن لما يتنصب عليه بنفس الطريقه يوميا و لمدة 6 سنين يبقى هو
بالتأكيد حاجه كده الحمار بالنسباله يتقال عليه جينتل مان .
.
.
يعني يا مولانا عادي انك تبقى ماشي في الشارع
و تكتشف فجأه ان ساعتك مش موجوده ( اتسرقت مايجراش حاجه ) , إنما مش عادي انك تبقى
ماشي في الشارع و تكتشف إن بنطلونك مش موجود هو و القميص والشراب و الفانله و اللامؤاخذه
, ماتبقاش تفرح وقتها اوي و تحس انك واد جامد و دكر و محلل سياسي , و تقول الحمد لله
الساعه بتاعتي ماتسرقتش .
.........................................................................................................................
Mohamed Hussein
26 ديسمبر 2016·
بالورقه و القلم
.
- اسرائيل لها 2 أعداء حقيقيين بحكم الموقع
الجغرافي و التاريخ و الحروب , حتى لو عملت ألف معاهدة سلام معاهم , هيفضلو هما الأعداء
بالنسبالها و هتفضل أي معاهده عباره عن شوية ورق شكلهم حلو ( لإلتقاط الأنفاس ) .
.
- العدوين بتوع اسرائيل هما سوريا في الشمال
و مصر في الجنوب , الحكايه مش كيميا ولا لوغاريتمات ولا محتاجه تفكير عميق .
.
- تركيا و دول الخليج مش أعداء للكيان الصهيوني
, العدو هو اللي وقت الجد بيحارب , بيقدم جنود و أرواح و دم , مش بيقدم شعارات و خطب
رنانه و يلبس الكوفيه الفلسطيني و يشجب و يستنكر و يغنّي للقدس .
.
- لو تعرف توقيت أو تاريخ معين حاربت فيه
تركيا اسرائيل على مدار ال 90 سنه اكتبهولي عشان انا نظري ضعيف و جايز دخلو في حروب
سرّيه لا يراها إلا قطعان الأغنام بتوع حماس و الجماعه الإرهابيه .
.
- يبقى لما خالد مشعل يطلع يتكلم عن استعادة
تركيا لدورها من اجل الأقصى و القدس لازم تقوله قدس أمك و قدس أم اللي جابوك و قدس
أم اللي خلوك تحكم قطاع غزه ( انا كده بشتم اسرائيل على فكره ) ,
.
و نفهم إيه بقى من الأخر كده ؟
.
1- قيادات حماس الحاليين هما مجرد شرا***
بيشتغلو في الدعاره الدوليه و يسترزقو من سبوبه حلوه اسمها القضيه الفلسطينه و الأقصى
و القدس و الهييييح , أه و الله الهيييح .
.
2- شرا*** حماس لما كانو عايشين في سوريا
في قصور بشار الأسد كانو بيقولو نفس البؤين عن بشار , الزعيم العربي رمز الصمود و الممانعه
إلخ , و لما السبوبه حكمت انقلبو على بشار و اتنقلو لقصور في الدوحه و بقت تركيا هي
رمز الصمود هي و الشاذ تميم , بالصدفه البحته دول الدولتين اللي فيهم أكبر قواعد عسكريه
أمريكيه خارج حدود امريكا !! .
.
3- فلسطين اتقسمت بمباركة صهيونيه , و حماس
حكمت غزه بمباركة صهيونيه , و لو أشاوس حماس كانو بذلو نفس المجهود و حفرو أنفاق لداخل
الأراضي الصهيونيه ( مش المصريه ) و بعتو ألاف المجاهدين ( الإرهابيين ) و الإنتحاريين
لداخل العمق الصهيوني كان زمان اسرائيل اختفت من عالخرطيه , و نقطه يعني فلستوب .
.............................................................................................................................
Mohamed Hussein
25 ديسمبر 2016·
شخصيا و عالمستوى الشخصي بحب أوي الناس
اللي بيقولو أنارب و لايسون و فليزر و كركريه , بيفكروني بالغاليه الله يرحمها , و
بحب أوي الراجل اللي مهما كبر و مهما علي لما ييجي يسلم على أبوه أو امه يوطي عشان
يبوس إيديهم , في أي وقت و أي مكان و قدام أتخن تخين , و بحب أوي الراجل الفلاح اللي
بيصحى من الفجر يشوف أرضه و زرعته و يرويها و يراعيها و ينام بعد العشا و معندوش حساب
عالفيس بوك ولا حصل في يوم من الأيام انه عمل هاشتاج على تويتر .
.
مابحبش الكافيهات الغربيه ولا الأكلات الغربيه
ولا الست الغربيه , ولا بحب الزلنطحيه اللي بيطلعو ببدل و كرافتات و ينظّرو على أهالينا
بشعارات و كلام بلاستيك ملوش طعم ولا لون , و يبقى تلتين كلامهم انجليزي و هما نفسهم
مش عارفين معناه .
.
أنا عدو التكلّف , عدو التصنع , عدو الأنعره
الكدابه , عدو الإستعباط و الإستنطاع و الإستهبال و السفسطه و بيع الشعارات والوهم
و تعبية الهوا في أزايز شكلها شيك , مكتوب عليها USA made in
…………………………………………………………………………………………………………
Mohamed
Hussein
25
ديسمبر 2016·
لو سمحت , لو سمحت
- أيوه يا أستاذ
, اتفضل , تحت أمر حضرتك .
.
بص هو انا بصراحه
بحب المسيحيين أوي , أقباط مصر , و فكرت يعني اني أشتري شجرة عيد الميلاد و احتفل معاهم
, و اهي تبقى فرصه كمان ان بناتي يفرحو بشجرة عيد الميلاد و أشرح لهم و أعلّمهم المحبه
و المشاركه في أعياد أهلنا و ناسنا الأقباط , بكام بقى الشجره دي ؟ .
- الشجره دي حضرتك
ب 900 ج و اللي هناك دي ب 1200 .
.
طب بص , هو انا
مش بحبهم أوي , يعني نص نص كده , و بعدين بناتي لسه صغيرين أبقى أشرح لهم بعدين , قال
1200 قال , دانا ابويا اتجوز أمي ب 300 جنيه , سلامو عليكو .
.......................................................................................................................
Mohamed
Hussein
24
ديسمبر 2016·
تركيا بيحصل فيها
انفجار أو عمليه ارهابيه يوم بعد يوم , يعني يوم أه و يوم لأ ( زي جرعة حقن الأدينوبلكس
) , و لما الناس هناك بتزهق من التفجيرات بتغتال سفير دوله اجنبيه عالهوا , عشان كده
أمركيا خافت جدا على رعاياها و قررت انها تحذرهم من السفر لمصر .
..........................................................................................................................
Mohamed
Hussein
24
ديسمبر 2016·
مراتي عامله معسكر
مغلق في البيت , و مانعه الزيارات و الإتصالات السلكيه و اللاسلكيه , و شايله فيشة
الراوتر و فيشة التلفزيون , و ماعملتليش فطار ( قالت لي ابعت هات فطار من أي مطعم
, احنا مش فاضيين ) , كل ده ليه ؟ عشان لمار عندها امتحان التيرم بكره , و مش بعيد
أرجع بالليل ألاقيها حالقه للبت زيرو .
.
بالنسبه بقى للصديق
اللي هيعلق و يقول يارب لمار تنجح و تجيب مجموع كبير و تدخل الكليه اللي نفسها فيها
, أحب أقولك يا سعادة البيه إن لمار بنتي ممممممممم في أولى ابتدائي .
................................................................................................................................
Mohamed
Hussein
24
ديسمبر 2016·
هحكي لكو حدوته
.
لما كنت شغال في
السعوديه كان معايا ممرضه فلبينيه اسمها ( جيلين jelen
), و في اليوم اللي الطيران الصهيوني ضرب فيه مدينة ( جنين ) كنت واقف قدام المستوصف
مع 2 دكاتره بنتكلم في الموضوع , و جه صاحب المستوصف ( السعودي ) و معاه محاسب فلسطيني
, بقوله ماعرفتش يابو فلان ؟ قالي خير حصل ايه ؟ قلت له ضربو جنين , انفعل جدا و قال
ازاي و مين ضربها ؟ و حارس الأمن كان فين , طب هي فين دلوأتي ؟ قلت له هي مين ؟ قالي
جيلين , قلت له يابو فلان انا بقولك جنين , مدينة جنين الفلسطينيه , الطيران الصهيوني
ضربها , ضحك أوي ( هو و المحاسب الفلسطيني ) و قالي يا راجل خضيتني , وانا مالي و مال
جنين , انا فاكر حد ضرب الممرضه بتاعتنا !! .
.
الحدوته دي بتقول
لحضراتكو باختصار , و النبي يا عم الحاج ماتاخد على صدرك أوي , محدش شاغل باله بأم
القضيه الفلسطينيه غيرنا , ولا حتى الفلسطينيين نفسهم .
.
من حق الخارجيه
و الدبلوماسيه المصريه تهتم بالقضيه الفلسطينيه و تقول أمننا القومي و قضيتنا و عروبتنا
( حماها الله الله الله ) , و من حقي أنا كمواطن أقول أمني القومي 4 حدود , طولهم
4 الاف كيلومتر و بس , حتى إشعار أخر .
.
فوقو يا بني أدمين
, مصر واقفه لوحدها , بطولها , و العرب الله يرحمهم , نصهم اللي كان ممكن تعتمد عليه
و تعمل معاه تحالف بيلم أشلاؤه بالعافيه ( العراق و سوريا و ليبيا و اليمن ) و النص
التاني قاعد على حجر أوباما و تيريزا ماي , وجاب لنا في المنطقه قواعد أمريكيه و قواعد
بريطانيه و معندوش مانع حتى يسمح بوجود قواعد عسكريه لهتلر و دراكولا و أبو لهب .
...........................................................................................................................
Mohamed
Hussein
24
ديسمبر 2016·
حبايبي الحلوين
.
.
فيه فرق كبير بين
الفروسيه و الحموريه , أو الفروسيه و الفخ , مصر حاليا لوحدها يعني بطولها , العرب
نُصهم بيلم أشلاؤه بالعافيه و النص التاني قاعد على حِجْر تيريزا ماي , و لو عايز تعرف
استمرار مصر في مشروع قرارها في مجلس الأمن يبقى فروسيه ولا حموريه ؟ شوف رد فعل الجزيره
دلوأتي و رد فعل النُص بتاع تيريزا ماي و انت تعرف .
.
أه بالمناسبه
, اسرائيل بتسلم عليكو و بتقول لكو بالفُم المليان ان القرار اللي صدر النهارده بتاع
تجميد الإستيطان مرفوض و مش هتلتزم بيه ( قال يعني كانت التزمت بقرار قبل كده ) .
.
إنما برضه لو هافف
عليك أوي دلوأتي موضوع فلسطين و القدس اللي في القلب و الحلم العربي و كده يبقى حقك
عليا , تعالى انت و الواد عربي كونته و سيد كيتو نعمل احلى كورال قدام الصيدليه و نغني
نشيد القدس في القلب 7 مرات , و بعدها تروّح و تضرب لك طبق عدس كبير و كوباية سحلب
و تتدفّي و تلبس شراب صوف في رجليك و تنام هتصحى تلاقي نفسك أحسن كتير .
.........................................................................................................................
Mohamed
Hussein
23
ديسمبر 2016·
و في الأمن حدوته
تانيه خالص , عشان تحكيها لازم تحدد الأول انت مين ؟ انت مواطن مصري بيتحمل مسئوليته
كمواطن و بالتالي بيحط نفسه مكان الأجهزه الأمنيه و يشوف المتاح في ايده ايه و حجم
التحدي ايه ؟ و لّا انت واحد قاعد على شط ترعه و مدلدل رجليه في المايه و بيمص قصب
و ( يقيم الكون و يُقعدهُ ) يعني باختصار هريجي ؟! .
.
1- أولا و مبدئيا
كده , كان فيه مواطن مصري اسمه مجدي مكين اتعرض للتعذيب على ايد ظابط شرطه , مين اللي
قال كده ؟ النيابه و الطب الشرعي في مصر , طب كده الظابط يبقى اسمه ايه ؟ يبقى اسمه
مجرم و قاتل و بلطجي و بيتحاكم قدام القضاء , و بس , نقطه يعني فلستوب , ماينفعشي نقول
الداخليه بلطجيه ؟ لا ماينفعش يا حماده , عشان انت لما قريت خبر العصابه بتاعة الإتجار
في الأعضاء البشريه قلت دكتور بلطجي مجرم ماقولتش وزارة الصحه بلطجيه .
.
2- حصل كام حادثه
ارهابيه في السنتين اللي فاتو يتترجمو بانهم تقصير أمني ؟ الكنيسه و الكماين و و و
و , حوالي 20 مثلا , تمام , ده اسمه ايه ؟ اسمه بالتأكيد تقصير أمني , مطلوب ايه ؟
مطلوب تحريات و بحث جنائي و امن وطني و اجراءات امنيه مشدده و خلافه .
.
3- طب ينفع نقول
على وزارة الداخليه انهم فاشلين ؟ لا خالص ماينفعش , ازاي بقى ده فيه ييجي 20 حادثه
في سنتين , عشان هي مش بتتحسب كده يا حماده , اومال بتتحسب ازاي ؟ بتتحسب امكانياتك
الأمنيه ( vs ) حجم التحدي الأمني , معركه بين فريقين , يعني
ازاي برضه ؟ .
.
4- هقولك , ارجع
لأي موقع اخباري في السنتين اللي فاتو و اجمع الأخبار دي اللي اكيد كانت بتفوت عليك
من غير ما تبص لها حتى , أخبار من عينه , القبض على عصابه ارهابيه تخطط لكده , اكتشاف
وكر للأسلحه في شقة كذا , احباط محاولة تفجير كذا , إبطال عبوه ناسفه في منطقة كذا
, و الأخبار اللي بالشكل ده , هتلاقيها مئات الأخبار , كل خبر فيهم له ترجمه , اسمها
احباط لعمليه ارهابيه .
.
5- لو قارنت مثلا
بين 2006 و 2016 هتلاقي حجم التحدي الأمني في 2016 أضعاف مضاعفه , و بالتالي العمليه
كلها بتبقى نسبة loss لها علاقه بحجم التحدي , يعني
نسبة مئويه , لو خدت 90 % تبقى ممتاز و نجمه و دبوره ( محدش بياخد 100% ولا امريكا
ولا روسيا ولا طبعا فرنسا و بالتأكيد مش تركيا !! ) .
.
6- في المقارنه
برضه بين 2006 و 2016 ماتنساش حتى الوضع في الدول اللي حواليك , في 2006 كان فيه دوله
اسمها ليبيا و بالتالي حدودك معاها ( ألف كيلو ) متأمنه من الناحيتين , الدوله دي فقدت
السيطره على حدودها بعد 2011 و بقيت مطالب انك تأمن ألف كيلو صحرا من جهه واحده , و
مع سرقة و نهب ترسانة الأسلحه الليبيه و محاولة تهريبها لمصر ده اسمه بداية التحدي
الأمني , عندك مثلا ألف محاولة لتهريب شحنات اسلحه , قامت قوات حرس الحدود احبطت منها
950 محاوله و 50 لأ ( كده برضه ممتاز و نجمه ) , بس فيه 50 شحنه سلاح دخلو البلد للإرهابيين
, و بالتالي زودو حجم التحدي الأمني .
.
اجمالا , لو مش
عاجبك كلامي ماتقرهوش , انت حد , عظيم انت حد هايل , انت اللي زيك لما بيسافر أوروبا
بيشقطوه على طول و يعينوه خبير أمني للإتحاد الأوروبي و الكومونويلث , قول بقى الداخليه
بلطجيه و فاشله و الجيش فاشل , و البلد دي انت تديرها بصباع رجلك الصغير , و كمّل دلدله
لرجليك في ماية الترعه لحد ماربنا يكرمك وتلاقي فرصه تسافر أوروبا ( و تتشقط هناك طبعا
) .
..............................................................................................................................
Mohamed
Hussein
23
ديسمبر 2016·
أي حد يكلمك عن
الدولار و الأسعار و الإقتصاد من غير ما يبدأ كلامه بحصار اقتصادي متعمد و مساومات
سياسيه و لوي دراع اعرف انه هريجي أو نكسجي أو عربجي .
.
بالمناسبه , معرض
و لّا مؤتمر ماعرفشي ايه اللي اتلغي من كام يوم و قالو فيه ما قاله مالك في الخمر و
انه كان هيشجع السياحه و يجيب سياح زي الرز , و أيا مايكون السبب في الغاؤه أو حقيقه
الأسباب المذكوره ف ده برضه مجرد هري من هريجيه و سواقين تكاتك .
.
السياحه مش هترجع
لك بمؤتمرات ولا معارض ولا حتى بتأمين كويس للمطارات , السياحه أصلا ماتمنعتش عنك عشان
انت معارضك كانت قليله و مؤتمراتك مش اد كده , السياحه اتمنعت عنك عشان الدول تساومك
عليها , مقابل سيادتك كدوله و أمنك القومي و عقيدتك و مواقفك التاريخيه , و طبعا معروف
ان اقتصادك ضعيف و صادراتك اضعف , تبقى السياحه نقطة ضعف ممكن تتمسك منها .
.
السياحه هترجع
لك لما الدول اللي بتحكم العالم تقرر انها ترجع لك , ده من الأخر , يعني ملف السياحه
و ملف الإقتصاد حاليا يبقو في إيد وزير الخارجيه , لأنها ملفات سياسيه , بقت ملفات
سياسيه من 3 سنين , و وزير الخارجيه معذور لأن فيه حاجات ماينفعش تساومنا بيها , زي
إقامة قواعد عسكريه أو زي موقفنا من سوريا و اليمن و ليبيا أوي زي مصالحه مع جماعه
ارهابيه خاينه , و بالتالي احنا في حالة حصار اقتصادي و حجب للسياحه حتى إشعار أخر
.
.
.
للأسف , الساحه
الإعلاميه و الصحفيه في مصر مليانه عربجيه و سواقين تكاتك , و وراهم دايما القطيع بتاع
: الله يا أستاذ , كلامك حكم و النبي , انت دماغك دي ألماظات , ممكن أخد رقم تليفونك
يا أستاذ ؟ أصل الواد ابن اختي بتجيله حصوات في المراره و دوخنا بيه عالدكاتره , و
قلت بس مفيش غيره الأستاذ يعالجها و يفتتها , ده ايده تتلف في حراير .
....................................................................................................................................
Mohamed
Hussein
23
ديسمبر 2016·
حدوته اسمها سوريا
.
عندما تلتقي مصالح
الديابه و التعالب و فيران الغيط مع العبيط أبو رياله ضد دوله تاريخيه عريقه .
.
1 - الديابه هما
بريطانيا و أمريكا و الكيان الصهيوني , تدمير دوله عربيه تاريخيه قويه حدوديه مع الكيان
الصهيوني و تدمير جيشها و بيع كميات كبيره من الأسلحه بكل أنواعها ( رقم 4 بيدفع )
, بالمناسبه سوريا عشان ترجع لنقطة 2010 اقتصاديا و اجتماعيا و عسكريا محتاجه مش أقل
من 50 سنه , بس هترجع بإذن الله , الدول الحضاريه التاريخيه العريقه مابتموتشي .
.
2- التعلب هو تركيا
, القضاء على منافس حقيقي في مجال التصدير ( خصوصا الملابس ) , و تدمير المصانع السوريه
و تفكيكها , و بالمره نسرق بترول سوريا بمعرفة أولادنا الدواعش الأمامير الكيوت اللي
هما المعارضه المعتدله .
.
3- فيران الغيط
هي قطر , بعد مارفضت سوريا توصيل خط الغاز القطري لأوروبا عبر أراضيها .
.
4- أومال مين العبيط
أبو رياله ؟ لا ده سيادتك اللي دفع مئات المليارات ( فاتورة الحرب كامله ) عشان بس
اكتشف ان بشار الأسد علوي ( هو و ابوه ) , مع انهم بيحكمو سوريا من 40 سنه , طب ليه
قلت عليه عبيط ؟ عشان هو الوحيد اللي المفروض مكانشي مستفيد حاجه من خراب سوريا , بالعكس
حتة عيل شاذ سحبه وراه , و خلاه يدفع مئات المليارت في خراب سوريا و اليمن , و بعد
كده عشان يحمي نفسه من أي رد فعل مستقبلي جاب المندوب السامي البريطاني شخصيا لحد عنده
بقواعده العسكريه , هه ؟ يبقى عبيط ولا أينشتاين ؟! .
.
حبايبنا بتوع الثوره
السوريه , و الحرب السنيه الشيعيه , و بشار السفاح , و حلب تحترق , تعالو لما أقول
لكو على كشف الحساب الختامي .
.
- في 2017 هيتم
بإذن الله تحرير كافة الأراضي السوريه من الدواعش و المرتزقه بتوع ال 37 دوله و هتخرج
أجهزة المخابرات منها , لأن الملف ده خلاص كده لازم يتقفل .
.
- في 2017 هيفضل
بشار الأسد رئيس سوريا , و هيفضل علوي على فكره .
.
- في 2017 هتكتشف
معاليك انك مالمستش شعره من شعر ايران ( اللي هي البعبع الوهمي ) و إن مفيش لمبة كهربا
اتحرقت في طهران ( ولا في تل أبيب ) , إنما فيه دول عربيه اتحرقت و خربت على حس البعبع
الوهمي .
.
- في 2017 هيبدأ
طويل العمر ( اللي هو مش أينشتاين ) يدخل بكل ثقه عالحفره اللي اتحفرت له و يروح لها
( و هو بيرقص ) و جايز يكتشف ان البودي جارد اللي جابه عشان يحميه هو عباره عن قنبله
موقوته مش اكتر .
.
يا أمةً ضحكت من
جهلها الديابه و التعالب و فيران الغيط .