Mohamed
Hussein
21
أبريل 2016·
حكاية ولاد التيييييت
.
- من شهرين تلاته
اتقتل شاب ايطالي في مصر , و جثته بان عليها اثار تعذيب , ولاد التيت بقى , اللي هما
غالبا نتاج علاقة بغل مع انثى شمبانزي , العلاقه اللي جابت لنا كائن مسخ مشوه , ولاد
التيت ماكدبوش خبر و مفيش ثواني كانو بيتهمو أجهزة بلدهم الرسميه بقتل الشاب الايطالي
و مره يقولو الشرطه و مره يقولو الجيش و مره المخابرات , و اللوا فلان و الوا علان
.
.
- ولاد التيت تعاطفو
مع الشاب الأيطالي و عيلته و الشارع بتاعهم و جابو والدة خالد سعيد عشان تتعاطف هي
كمان ( الست اللي ابنها مات من 6 سنين ) و تتهم الشرطه المصريه برضه ( حبيبتي يا حاجه
والله ) و بقى ريجيني بيتقال عليه الشهيد .
.
- ولاد التيت ماكتفوش
بكده و بقو يبعتو رسايل بنت تيت زيهم للجرايد الإيطاليه و يترجموها كمان .
.
- ولاد التيت صدقو
ان البرلمان الأوروبي مابينامشي طول الليل و بيتشحتف على ريجيني اصل المواطن عندهم
له قيمه و يتوزن بالدهب و أه طبعا الدوله المصريه متورطه , متورطه مفيش كلام , يا جدع
احلف لك بالطلاق انها متورطه ؟ حتى اسألو عمر عفيفي .
.
-من أول ما ظهرت
الحدوته و كان رأيي مفهوش جدال , أجهزة الدوله المصريه مش متورطه في قتل الشاب الايطالي
, دي حسبة عقل لأي حد بيعرف يعدّ لحد 10 , الحكايه مش كيميا .
.
- الرئيس عبد الفتاح
السيسي في المؤتمر الصحفي من كام يوم قال نصا , هناك محاولات لالصاق تهمة قتل الشاب
الايطالي بالشرطه المصريه لتشويهها و كسرها , و الترجمه الحرفيه للسطر ده بتقول ان
مصر غير متورطه على الإطلاق في قتل ريجيني , اللي بيقول كده رئيس مصر مش عمدة كفر البدماص
.
.
- طيب , من يومين
الحزب الحاكم في ايطاليا اعترف ان الدولة المصريه غير متورطه في قتل ريجيني !! .
.
ولاد التيت هيعتذرو
بقى ؟ يعتذرو للبلد اللي المفروض انها بلدهم ؟ لا طبعا , البغل و أنثى الشمبانزي لما
خلفوه ماعلموهوش يعني ايه و طن و دوله و عقل و اعتذار .
.
و أخيرا عايز أقول
لولاد التيت اللي كل همهم كسر الشرطه المصريه و الجيش المصري لحد ما نلاقي داعش في
القاهره , هقول لهم خبر لذيذ أوي , امبارح داعش في العراق رمت شاب عراقي من فوق برج
سكني عشان اتهمته بالشذوذ , الخبر ده المفروض يخلي ولاد التيت يقعدو على جنب , عشان
داعش لو وصلت مصر فالنتيجه الحتميه ان كتير منهم هيترمي من فوق الأبراج السكنيه !!
.
.............................................................................................................
Mohamed
Hussein
20
أبريل 2016·
جون كيري لما وصل
مطار القاهره تم استقباله بشكل يليق بعلاقات مصر و امريكا ( من 30 يونيو 2013 لحد النهارده
) , لو كان اللي جاي وزير خارجية روسيا أو الصين كنا بعتنا سامح شكري و معاه 7 وزراء
خارجيه سابقين يستقبلوه , و فرقة حسب الله كمان .
.
المؤتمر الصحفي
اللي كان المفروض يتم بين شكري و كيري اتلغى , و اعتقد اتلغى بطلب من مصر , على طريقة
, يابني احنا عارفين البؤين اللي هتقولهم في المؤتمر , هيطلع صحفي من البي بي سي أو
نيويورك تايمز ( كلهم ولاد صرمه ) و يسألك عن الحريات في مصر و الكمع و الزولم و انت
هترد عليه بإننا نراقب و نتابع الأوضاع عن كثب و نأسف لما تتعرض له عصافير الكناريا
في مصر , أم الفيلم الحمضان ده اتهرس ألف مره قبل كده , بقيتو مملين لدرجة السخافه
و مصر مبقاش عندها مراره .
.
بس طبعا السيسي
عميل للأمريكان !! .
......................................................................................................................
Mohamed
Hussein
20
أبريل 2016·
ستامبه واحده
, لوكشه واحده
.
- خالد يوسف بيقول
عن برنامح الحكومه , لا يحقق العداله الاجتماعيه , لا يلبي احتياجات المواطن محدود
الدخل و الفلاح و اللي واللي و اللي .
.
- اقرا حضرتك السطر
اللي فوق تاني 10 مرات , هه ؟ حلو صح ؟ طب ركز تاني بقى , برنامج الحكومه بيتكلم عن
مشاريع و فرص عمل و استصلاح اراضي و فتح مصانع كانت مقفوله و تأمين صحي و مساكن للشباب
و محدودي الدخل , اقرا بقى السطرين اللي فوق دول 10 مرات , هه ؟ ترجمتهم ايه ؟!! .
.
- الحقيقه عالمستوى
السياسي بحترم كتير من اراء خالد يوسف , بس الحقيقه برضه اننا كلنا واقعين في فخ خطير
, فخ اسمه الستامبه الواحده , اللوكشه الواحده .
.
- اليساري هيقول
البؤ بتاع ( العداله الاجتماعيه و محدودي الدخل و الفقير ) مع ان ترجمة البرنامج الحكومه
مابتقولشي غير كده , بس اهي ستامبه محفوظه , لوكشه واحده .
.
- الناشط السياسي
لما تقوله ستامبتك ايه و لوكشتك ايه ؟ هي معروفه برضه , محفوظه ( الحريات , الشباب
في السجون , الحوار المجتمعي و التعبير عن الرأي ) , بالك لو السيسي عمل خيمه كبيره
في كل شارع و عمل وزير مخصوص للحوار المجتمعي يلف عالخيام دي خيمه خيمه ؟ و بالك لو
افرج عن الشباب كلهم و بالك لو فتح باب الحريات لدرجة ان الناس كلها تقلع ملط و تروح
تستحمى في حمام قصر الرئاسه كحق أصيل للمواطن المصري , برضه مش هتتغير الستامبه , هي
لوكشه واحده .
.
- في الأمن , ستامبتنا
معروفه , دولة حاتم و مفيش حاتم بيتحاكم , بلطجة الشرطه , طب الداخليه قالت امين الشرطه
اللي عمل كده بلطجي و عملته بتخصم من تضحياتنا و هيتحاكم زي غيره , طب الداخليه بتتكلم
عن اختبارات نفسيه و تصفية للعناصر اللي بتمارس البلطجه , طب الداخليه بتعترف بالمشكله
و بتقدم حلول و مستنيه نقدم لها حلول اكتر و بتحاول تطور من نفسها , ستامبتنا هتتغير
؟ لا ابدا .
.
- طب اجمالا ,
هي فكرة الستامبه الواحده لوكشه واحده دي مفيده لمصر ؟ لا خالص , إطلاقا , ابسوليوتلي
, هي فكرة مُحبطه ( بكسر الباء ) لأي رئيس و اي حكومه , مانا مش معقول هعترف بالمشكله
و ابدأ احل فيها على اد ماقدر و الاقيك بتردد نفس الاسطوانه ماتنقصشي كلمه ولا حرف
, حضرتك كده بتحبطني مش بتشجعني , انت عايزني انجح و انا بجتهد و عايز انجح انما في
الطالعه و النازله ألاقيك بتقولي يا فاشل يا فاشل , حتى و انت شايفني بذاكر و مكفي
عالكتاب .
...........................................................................................................................
Mohamed
Hussein
19
أبريل 2016·
أمين شرطه اختلف
مع عامل على حساب كوباية شاي تقريبا , قام مطلع مسدسه و ضاربه رصاصتين , العمال اتلمو
عليه و ظبّطوه و كسّرو البوكس .
.
أمين الشرطه اللي
عمل كده عارف انه هيتحاكم زي غيره , هياخد مؤبد ولو معاه محامي شاطر هياخد 15 سنه
( مفيش اعدام للأسف في الحالات دي ) , ده على حد فهمي ( ممكن محامي يفيدنا في الحاله
دي ) .
.
المشكله مش أمين
شرطه أمنَ العقوبه فأساء الأدب , هو عارف ان فيه عقوبه , المشكله باختصار في ال mentality , القوى العقليه لأمناء الشرطه , تعليمهم و ثقافتهم
, هل هما أفرد مؤهلين لحمل السلاح ؟ الإجابة باختصار شديد و قولا واحد لأ , 90 % منهم
غير مؤهل لحمل السلاح , لا عقليا ولا نفسيا ولا تربويا .
.
دي تركة مبارك
, دولة امناء الشرطه , معاهد تتفتح و ألاف تتخرج كل سنه , أفواج , لهم دور مهم في الشارع
ماشي لهم , زي اي حد و اي مهنه , يتهيألي مش مسموح للصيدلي و الطبيب انه يقتل الناس
في الشارع تحت مبرر انه له دور مهم .
.
ياريس ماتشيلشي
شيله مش بتاعتك , انت اللي شايله على ضهرك كتير , صح مش هشارك في كسر جهاز الشرطه ولا
هعمل زي المخابيل و انا عارف دورهم و اهميتهم , بس كمان لازم تتصرف و بسرعه , من شهرين
تلاته قوانين الشرطه اتعرضت عالبرلمان , و يبدو ان امناء الشرطه مش هتنفع معاهم قوانين
, المشكله زي ما قلت لك في القوى العقليه , المحاكمه لازم تكون سريعه جدا , معاهد امناء
الشرطه تتقفل ( الحنفيه ) , عمل اختبارات نفسيه و عقليه و تصفية اللي موجودين حاليا
.
.
كمان فكرة تكسير
بوكس الشرطه دي بادره مش كويسه , علامه مش كويسه , البوكس ده المفروض بيمثّل هيبة الدوله
في الشارع !! , خليك فاكر يا ريس اني اعترضت على طريقة فض اعتصام امناء الشرطه في الشرقيه
بطريقة ( أطبطب و أدلّع ) , و يبدو إني كان معايا حق .
....................................................................................................................
Mohamed
Hussein
19
أبريل 2016·
فن اسمه السياسه
.
- كل حاجه في السياسه
لها معنى , لها رساله , لها ترجمه , حتى اللمسات البسيطه .
.
- وزير الخارجيه
المصري لما راح تركيا و مجابشي سيرتها ولا سلم على كلب تركيا و قعد ساعتين و رجع ,
دي رساله , موقف سياسي , سامح شكري مش بيمثّل نفسه , ده بيمثل شعب و حكومه , لازم موقفه
و رد فعله يبقى متناسب تماما مع الموقف الشعبي لبلده , و في مؤتمر دولي كبير يبقى موقفك
معلن , انت مش دوله صغيره ولا بتتكسف و تستخبى ورا الستاره .
.
- توحيد لون البدله
والكرافته زي ما عمل السيسي مع هولاند له معنى , الحفله في قصر عابدين , الفخامه ,
الروقان ده له رساله .
.
- مصر استقبلت
الملك سلمان و قعد كذا يوم و استقلبت هولاند و قعد كذا يوم , و نائب مستشارة ألمانيا
في نفس التوقيت , و جون كيري جاي بكره .
.
- زيارات مكثفه
جدا في ظرف اسبوعين , من الأصدقاء و الأعداء , انت محور الأرض , محور الأحداث , الخريطه
ماينفعشي تترسم الا بحضورك , الموقف من سوريا , من ليبيا , من اليمن , الشراكه , الاستثمار
, الإرهاب , الغاز , السلاح , مساومات ممكن , هات و خد , شيل إيدك من هنا , طب شيل
انت كمان ايدك من هنا , دي قاعدة الكبار مع بعض , و انت كبير أوي .
.
لو سمحت لو سمحت
, أيوه حضرتك , لو حضرتك طبيب ركز في شغلك , لو مهندس ديكور ركز في شغلك , لو مدرس
ركز في شغلك , لو فلاح ركز في شغلك , لو عالم ذرّه ركز في شغلك , مش كل حاجه ينفع نهري
فيها , الدور المصري حاليا و التحديات أكبر بكتير من استيعابنا احنا , و اكبر بكتير
من استيعاب وائل عباس و رشا العزب , و مش مهم كل حاجه تستقر في وجدان ابراهيم عيسى
, صدقني مش مهم .
..........................................................................................................................
Mohamed
Hussein
18
أبريل 2016·
صديقي الفلاني
.
حاضر حاضر , أوعدك
هعجبك أوي , ثانية واحده , أيوه جيت اهو , بص يا سيدي , انا هقعد اقول كلمة معر***
كتير اوي , الكلمه طبعا هتوحي لك اني مثقف أوي و مفكر جامد و ثورجي اخر حاجه , كل جمله
لازم اقول فيها معر*** ( و انا مبتسم طبعا ) , معر*** و قوادين , قوادين و معر***
, و بعدين أروح اتعاطف مع احمد ناجي و الواد بتاع الواقي الذكري , ده عمل ثوري بطولي
رائع , و بكده ابقى عظيم زي باسم يوسف .
.
و هطلب من الناس
انهم يبعتو رسايل للرئيس الفرنسي وهو بيزور مصر و نشتم في السيسي عشان ابقى عظيم زي
خالد ابو النجا , و أقول يا ناس لازم نروح الجزيرتين و نعمل هناك خيام و تبقى مصر باينه
قدام العالم ان مفهاش دوله مسيطره على اي حاجه عشان أبقى عظيم زي ممدوح حمزه , و اقول
ان مصر قتلت الشاب الايطالي من أول ماسمع الخبر و اترجم كلامي و ابعته للصحف الإيطاليه
عشان ابقى عظيم زي الخرفان .
.
ايه رأيك بقى ؟
شوفتني و انا عظيم ؟ أظن مفيش عظمه بعد كده , عايز عظمه تاني ؟ أقولك أبقى عظيم زي
محمد عطيه ازاي ؟ ولّا عيب مايصحش , العيال قاعدين .
...............................................................................................................................
Mohamed
Hussein
18
أبريل 2016·
بالورقه و القلم
............ هو عبد الفتاح السيسي اللي مقصود و لا مصر ؟ .
.
تعالى و انا اقولك
, و بالمنطق البسيط
.
- ايه هي اكبر
مشكله بتواجه مصر حاليا و ايه هو اكبر تحدي ؟ بالمنطق البسيط , اكبر مشكله هي سد النهضه
, محاولة خنق مصر , طب حكاية سد النهضه دي بدأ التفكير فيها امتى ؟ قول بقى , من عشرين
تلاتين سنه , طب مين اللي فكر فيها عشان يخنقك أو عالأقل يلوي دراعك , أكيد مش أثيوبيا
..... طب فين اسم عبد الفتاح السيسي من عشرين تلاتين سنه ؟ هو السيسي اللي مستهدف ولا
مصر ؟ .
.
- و اكبر تحدي
بيواجهنا حاليا هو حالة الكركبه و انهيار الدول من حواليك بعد الربيع اللامؤاخذه العربي
, و حط 100 ألف بند تحت حالة الكركبه دي , بما فيها الجماعه الإرهابيه و حماس و الأنفاق
و الحدود مع ليبيا و اللي و اللي واللي , طب هو التفكير و التخطيط للربيع العربي (
الشرق أوسط الجديد ) ده بدأ امتى ؟ لا مش في 2011 , بدأ من قبل ما تبدأ قناة الجزيره
, يعني برضه من عشرين تلاتين سنه , طب فين اسم عبد الفتاح السيسي ؟ .
.
- أجهزة المخابرات
لما بتفكر لعشرين سنه جايين بتعتمد على أدوات قدام عنيها في الواقع و تخيل للمستقبل
مبني على منطق , هبسطهالك , نتفرض انك في سنه 1990 و بتخطط لخراب دول بعد 20 سنه ,
أدواتك هي ايه ؟ عايز قناه فضائيه تروج لمشروعي بالكامل , لازم لها مليارات , عايزها
تاخد شوية مصداقيه في الأول عشان تعرف تجيب رجل الزبون , تمام , مبارك فاسد أو قابل
للفساد و حواليه شلة زلنطحيه , طب في لحظة الانهيار لما فساده يوصل للذروه , هيكون
مين البديل ؟ بالمنطق برضه البديل هو الجماعه الاهابيه , مفيش احزاب عليها القيمه
, خلي بالك انت لسه في سنة 90 , يبقى ندعم الجماعه الارهابيه بكل الطرق , عشان هي البديل
اللي هنحتاجه في لحظة الانفجار .
.
فين بقى اسم السيسي
؟ أجهزة المخابرات البريطانيه و الأمريكيه مش بتتنبأ بالغيب , و في الوقت اللي بدأ
فيه التخطيط لسد النهضه و التخطيط للشرق أوسط الجديد كان السيسي مجرد ظابط جيش صغير
.
.
- يبقى مصر هي
المستهدفه , بلدك يا محترم , تكملة الخطه اللي صرفو عليها شقى عمرهم , و السيسي بالنسبالهم
هو العضمه اللي وقفت في زورهم , ده طبعا لو عندك عقل و بتعرف تفكر بالمنطق البسيط المجرد
, و مفيش أي منطق بيقول ان العضمه اللي وقفت في زورهم دي ممكن تخون بلدها , معندكشي
عقل ولا منطق اطلع جعجع و عك و اعجن و قول البلد دي مفهاش سياسة ولا سياسيين و لقد
استقر في وجداني , الكلام ده حلو و بينتزع أهات الجماهير , و انا يا سيدي طبّال و خاين
و مش غيور على بلدي , تصفيق حاد و مزمن .
................................................................................................................................
Mohamed
Hussein
18
أبريل 2016·
عزيزي الناشط
, عزيزي الثورجي , عزيزي الإعلامجي أبو سبع تلسن .
.
فاتورة ربيعك العربي
, الفاتوره يا أستاذ , مد ايدك ماتتكسفش , لا مش هينفع تاخد الكعب , للأسف لازم تدفع
الفاتوره .
.
1- في يوم من الأيام
, صبح أو ليل , مكانتشي تركيا تقدر أو تجرؤ على اقتحام شمال سوريا و انتهاك حدودها
و قتل الناس و سرقة البترول , بس قدرت بعد ربيعك العربي .
.
2- في يوم من الأيام
, مكانتشي اسرائيل تجرؤ تطلع بتصريح زي اللي قالته عن الجولان , بركات ربيعك العربي
, شرق أوسط في أضعف حالاته .
.
3- في يوم من الأيام
و في عهد صدام حسين مكانتشي العراق هتكون عامله زي جُرن الهبله كده , و ماتعرف مين
داخل و مين طالع , تركيا ولا ايران ولا امريكا.
.
4- في يوم من الأيام
كانت ليبيا دوله لها حكومه و جيش و شرطه و حدود , ليبيا اللي بقت زي جلابية سنبل في
رحلة المليون دي برضه من انجازات ربيعك العربي .
.
5- و مصر يا استاذ
, الزغلول الكبير , اللي استعصى على المؤامره , هو حضرتك طبعا مش مقتنع اننا بفضل ربيعك
العربي بنخوض حرب اقتصاديه ( متعمده ) و بنحارب ارهاب وراه مخابرات ست سبع دول ؟ يلزمك
تشوف طيارات و جيوش و حاجات تبقى واضحه كده عشان تقتنع ؟ طب حاضر من عنيا , اصبر علينا
سنتين بس , الحرب التقليديه هتشوفها بعنيك , لا جيل رابع ولا جيل سابع .
.
6- حربك النظاميه
اللي جايه هي حرب المايه , هتحارب لا مفر , و هتضطر تدمر السد , بتتفاوض سياسيا و انت
عارف ان التفاوض فستك بس أديك بتستف أوراق , بتجهز نفسك عسكريا للحرب دي , و البديل
بالنسبالك مكانشي مفاوضات , البديل كان ضغط في سكه تانيه , معركة تكسير عظام أو تأجيل
للصدام المباشر , تعمل جسر بري , تدخل في تحالف عسكري ما , خطاب بتوجهه للمسئولين عن
سد النهضه ( اثيوبيا اضعف من ان يكون لها علاقه بالموضوع ده , يعني بتلعب دور زينهم
السلحدار في مسرحية الواد سيد الشغال ) .
.
7- البدء في بناء
السد تم بعد 2011 يعني لما كانت الدوله المصريه في اضعف حالاتها , و ممكن يتوقف لو
وصلت الدوله المصريه لدرجة معينه من القوه و التحالفات و بالتالي نتجنب الحرب , الحرب
اللي مش هتواجه فيها اثيوبيا , ده لو كنت فاهم يعني .
.
8- استاذ ابراهيم
عيسى , امي بتسلم عليك , و بتقولك , كان فيه شارع صغير كده بيني و بين عمي و فيه مترين
في الشارع ده بنتخانق عليهم , احنا بنقول المترين دول بتوعنا و عمي بيقول لا دول بتوعي
انا , أمي جمعتنا من كام يوم و لقت ان الحل انها تعمل استفتاء بين ولادها اللي هما
احنا , احنا عددنا 6 و طلعت نتيجه الاستفتاء ان 17 واحد قالو المترين بتوعنا , حلوه
الفكره دي ؟ فرحنا اوي بنتيجة الاستفتاء بس محلناش المشكله خالص , يعني ولا الهوا
, فاهم حاجه يا مولانا الأستاذ العظيم ؟! .
.
9- استاذ ابراهيم
عيسى , استاذ وائل الابراشي , الساده بوابير الجاز المصريه , اقسم بعزة جلال الله
, و رحمة ابويا , السادات لو كان راح في 73 عشان يحرر سينا وانتو موجودين عالشاشات
و الفيس بوك ده موجود كان زمان الصهاينه وصلو للقاهره في 6 ساعات !! .
.
10- يعني بنحارب
و هنحارب , و انا مش خايف لا من تسليح جيش مصر ولا من شجاعة الجندي المصري , انا خايف
منكو انتو , من الفيس بوك و الإعلامجيه ماركة : بوابير الجاز .
................................................................................................................................
Mohamed
Hussein
18 أبريل 2016
فيه ناس مصريين
بيستعبطو و يحسسوك ان فهمهم قليل أوي , و لازم السيسي يطلع يكلمهم كلام صريح و مباشر
و بالأسماء عشان يقتنعو , يعني يطلع السيسي
يقول التالي : المؤامره على الشرق الأوسط هي خطه صهيوامريكيه بتشارك فيها بريطانيا
بكل تقلها و الغرض هو حرق الشعوب و هدم جيوش الدول المحيطه باسرائيل , و ماينفعش نواجه
الدول دي مواجهه مباشره , و احنا عارفين ان تركيا بنت وسخه بس لازم نسيب سفيرنا عندهم
, و قطر بنت وسخه بس ماينفعشي نقطع علاقتنا معاهم
, و سعد الدين ابراهيم ابن صرمه بس ماينفعشي نقبض عليه , و مراكز حقوق الانسان
دي بنت تيت بس لازم نرد عليها بهدوء .
.
طب فكرك لو السيسي
طلع قال كده و عمل صدام علني و مباشر مع عشره اتناشر دوله بما فيهم أمريكا و بريطانيا
, فكرك وقتها الكولجيه دول هيقتنعو ؟ .
.
- لا أبدا , هيضحكو
ام الضحكه اللزجه بتاعتهم و يقولك : بص العصفوره هاهاهاها .
.....................................................................................................................................
Mohamed
Hussein
17
أبريل 2016·
مؤتمر صحفي تاريخي
.
.
الصحفي الأوروبي
في المؤتمر الصحفي كان ساذج جدا , ساب الاتفاقيات العسكريه و الاقتصاديه و السياسيه
بين مصر و فرنسا , و ساب التنسيق المصري الفرنسي في موضوع ليبيا , و ساب الحرب على
الإرهاب و ساب المغول و المماليك و قعد يسال عن الشاب الايطالي و الشاب الفرنسي وحقوق
الإنسان , قال يعني كده هيبوّظ الزياره بقى .
.
الإعلام الغربي
بقى مفضوح بدرجة مثيره للشفقه , الصهاينه و ابن موزه و الحكومه البريطانيه محتاجين
يركزو شويه و يستنضفو رجالتهم .
.
مصر تنتصر , دائما
و أبدا , و في اليوم اللي كان المفروض نكون فيه بنلم اشلائنا و مكسورين و مهزومين و
محتاجين اللي يدافع عننا زي سوريا ( بحسب الخطه الأمريكيه ) لقينا نفسنا واقفين و صالبين
طولنا و بنقول قرارنا في موضوع ليبيا ( في حضور الرئيس الفرنسي ) : ندعم الجيش الوطني
الليبي ( بكل الطرق ) في مواجهة الارهابيين وندعم الحكومه الإنتقاليه و نرفض التدخل
الدولي .
.
هُنا مصر يا معلمين
, لا إرهاب كسرنا ولا تحالف قوى الشر قدر يمنع الكبير انه يبقى الكبير .
................................................................................................................................
Mohamed
Hussein
17
أبريل 2016·
مصر في سطور
.
- روسيا و فرنسا
و أخيرا ألمانيا , اهم مصادر لتسليح الجيش المصري في أخر سنتين تلاته بأحدث الأسلحه
, بس طبعا واضح ان السيسي عميل للأمريكان !! .
.
- من 3 سنين كانت
اغلب دول العالم مش معترفه بثورة 30 يونيو ولا بنظام الحكم في مصر , دلوأتي الدول الكبرى
بتديك سلاح و حاملات طائرات و اقمار صناعيه و رافال , الحكايه مش بس رغبة مصر في تطوير
ترسانتها ولا رغبه الدول دي في لم شوية فلوس , انت لك دور مهم أوي في توازن القوى في
المنطقه دي بشكل ما و في التوقيت ده تحديدا .
.
- وجودك لازم يبقى
قوي في البحر المتوسط و ترسيم الحدود البحريه مع اليونان وقبرص كان لابد منه ( تحالف
قوي ) في وش العثمانيين , و عندك اكبر بير غاز تم اكتشافه في مياهك الاقليميه ( الانتاج
هيبدأ في 2017 ) , لازم تحميه , و الوضع في ليبيا و الحل و الربط ممكن يكون من القاهره
, و ايطاليا مش ناسيه ان ليبيا دي في يوم من الأيام كانت مستعمره ايطاليه , الواد ريجيني
قصدي الشهيد ريجيني , ابقو دوّرو على واحده لامؤاخذه عامله بتاع لامؤاخذه في اوروبا
اسمه ( المجلس الثوري المصري ) و علاقتها بالشهيد ريجيني سعيد !! .
.
- فيه مشروع سخيف
بيتم بعلم الصهاينه و الأمريكان , بدأو في تنفيذه فعليا بعد 2011 , كان ده الوقت المناسب
عشان دي اضعف لحظه كانت فيها الدوله المصريه ( بمناسبة ثورتك المجيده ) , طب الموضوع
بالنسبالنا هو حياه أو موت , ممكن نحتاج لنقطة ارتكاز قريبه من المشروع السخيف , واهو
يبقى عندنا اكتر من خطه , نبدأ سياسه و نلعب سياسه و نمد حبال الصبر عالأخر , و في
نفس الوقت نبقى جاهزين ( عايز حوار مجتمعي في ملفات الأمن القومي مش كده ؟ ) .
.
- الإرهاب اللي
مابينتهيش في سينا هو ورقة ضغط اضافيه بيستخدمها الأمريكان , معركة تكسير عظام , الحكايه
مش شوية عواطليه بدقون بيحاربو جيش مصر , ماتبقاش عبيط
.
- باختصار و رأيي
الشخصي , عايز أقول للشباب , مصر , و مستقبلها اللي جاي , و دورها , و حجمها , و إدارتها
, و ملفاتها , و التحديات اللي بتواجهها هي اكبر بكتيييييييييييييير من استيعاب وائل
عباس و رشا العزب و أكبر بكتير من تمارين الصباح اللي بيعملها خالد علي .
......................................................................................................................................
Mohamed
Hussein.
17
أبريل 2016·
طالما خسرنا الدوري
السنادي يبقى نلحق موسم التوت من أوله , الموسم بدأ واحنا قاعدين , عايز ينطلون جينز
و كوتشي و تي شيرت ابيض عشان يبان فيه بقع التوت أشكال و الوان , مرحلة تسلق الأشجار
, التوت مش بيتباع ولا يتشري عند الفكهانيه يا بشر , بلاش تجننوني , التوت بيتسرق من
عالشجره زي ماهو كده , أيوه لازم يتسرق , ده فولكلور , بطّلو كسل و ماتشوّهوش كل حاجه
جميله في حياتنا , و لازم تجري قدام صاحب شجره التوت , ده لو كان ليها صاحب أصلا (
اغلب شجر التوت بيكون على جرف الترعه و ملوش صاحب ) .
.
قمة المتعه بقى
بالنسبالي , ان صاحب شجرة التوت يجري ورايا و مايلحقنيش , يقوم رافع عليا قضيه في المحكمه
, و يجيب محامي حبذا لو كان المحامي هو خالد علي , اهو الواحد يبقى واقف ورا القضبان
بياكل بقية التوت اللي عبّاه في جيوبه و في نفس الوقت بيتفرج على تمارين الصباح اللي
بيعملها استاذ خالد علي في المحكمه , و ممكن اعزم عالقاضي بشوية توت , بس دي تبقى رشوه
.
.................................................................................................................
Mohamed
Hussein
16
أبريل 2016·
اصبرو على مصر
يا بني أدمين .
.
أشهر صورتين انتشرو
امبارح عالفيس بوك كانو مضروبين , صور قديمه من 2011 , فوتو شوب , هو ده التهييج المظبوط
, ابن القرضاوي كعادة الخرفان تألق و قال انصار السيسي بيشترو أملاك بره مصر عشان يلحقو
يهربو( انا عن نفسي اشتريت شقه مطرحين و عفشة مايه في النمسا امبارح بالليل ) , و قبل
كده في مره من مرّاتهم قالو خبر عاجل : أسرة السيسي تتوجه الى مطار ألماظه استعدادا
للسفر لجهة غير معلومه , أوباما طالع يعلّق على نزول 5 الاف واحد للتظاهر و بيقول نتابع
و نراقب !! .
.
نفس الدايره المقفوله
اللي بنلف فيها من سنين , امريكا مش راضيه علينا من يوم 30 يونيو 2013 , و بريطانيا
طبعا , أوباما ناقص يلبس تي شيرت علية شعار رابعه , تركيا و قطر هما مجرد الكلبين اللي
أمريكا مسرحّاهم , ماحصلشي في تاريخ مصر إن يتفتح قنوات و جرايد و يتصرف مليارات في
تركيا و قطر و بريطانيا عشان خاطر بس يشوّهو سمعة مصر , برلمانات اوروبا و الكونجرس
مفتوحين عالبحري للخرفان , تقارير الخارجيه الأمريكيه جاهزه و متستفه , مصر بقى يتقال
عليها من الخرفان مصرائيل , و جيش مصر يتقال عليه ميليشيات السيسي .
.
وقوفنا جنب مؤسسات
الدوله المصريه في التوقيت ده تحديدا مش تطبيل و لا رأي يحتمل اختلاف في وجهات النظر
, دي مرحلة ملهاش اختيار تالت , يا تكسر يا تنكسر , و احنا مش هننكسر , يارب الناس
تفهم و عالأقل تسامحني , معركتنا مش مع السيسي و الحكومه , معركتنا احنا و السيسي و
الحكومه مع اللي حرقو سوريا و ليبيا و العراق , معلش , مضطر أثق جدا في الخارجيه و
الرئاسه و الدفاع بتوع مصر يعني بتوعنا , و مش مضطر خالص اني أمشي ورا ليليان داود
و رشا العزب و ابن القرضاوي , و نقطه يعني فولستوب .
.................................................................................................................................
Mohamed
Hussein
16
أبريل 2016·
عن بوابير الجاز
.
- ابراهيم عيسى
بقاله اسبوع و هو بيسّخن الشباب و يغليهم و يفردهم و يكويهم , سخريه تامه من وثائق
الدوله , عدم اعتراف تام باللي حصل , و بالتأكيد و بالمنطق البسيط يبقى استقر في وجدانه
ان النظام ده بكل مؤسساته خاين و بيبيع أرضنا ............ حلو كده يا شباب ؟!.
.
- شوفتو ابراهيم
عيسى في مظاهرات امبارح ؟ لا استنى , الموضوع مختلف تماما , بقولك نظام حكم هو ( في
وجدان ) ابراهيم عيسى خاين وابن تيت , ليس بعد الكُفر ذنب ( دي قاعده فقهيه ), و مفيش
بعد الخيانه كلام و لا سلام ( دي قاعده وطنيه ), نزل ابراهيم عيسى بقى بصفته مصري غيور
على تراب وطنه ؟ و لا لما كنت حضرتك راجع البيت منهك من الوقفه طول النهار و الجري
في الشوارع كان هو بيستعد عشان يطلع عالهوا وينظّر على اللي خلفونا في موضوع جديد ؟!
.
.
- طب عايزك تتخيل
, حاول تتخيل , السيسي بكره الصبح طلب انه يقابل كبار الاعلامييين و الصحفيين , هل
هيمتنع ابراهيم عيسى عن المقابله ؟ باعتبار انه ماينفعشي يقابل رئيس خاين بيبيع ارضه
؟ و لّا هيروح و يفتح بؤه بالطول و العرض و يبقى في منتهى السعاده ؟.
.
- الكلمتين اللي
فوق دول معناهم ايه ؟ معناهم رساله لشباب مصر المتحمس , لو سمحت , ماتاخدشي على صدرك
, مش كل حاجه تسمعها تاخدها بنفس حماس القائل , احيانا بتبقى الحكايه مش اكتر من سبوبه
و ( تعبية هوا ).
.
- استاذي العزيز
ابراهيم عيسى , لقد استقر في وجداني سياسيا و جغرافيا و عقليا و منطقيا أنكم معشر الإعلامجيه
مجرد ( بوابير جاز ) مش اكتر , و شخصيا لا أرى اي معنى لظهوركو عالهوا في خلقة اللي
خلفونا مره تانيه .
.
- استاذي العزيز
ابراهيم عيسى , فلما أن تلبس الجلابيه البيضا و تقعد في بيتكو و ( ترحرح ) ممكن تكتب
كتاب بقى , كتاب بعنوان ( المصلحه في علم الرحرحه ) , بس ابوس ايد اللي خلفوك , اوعى
, حذاري , تنبيه هام , اوعى تجيب سيرة الشيخ المليونير اللي بيطلع عالمنبر و يحث الشباب
عالجهاد و بعدين يرجع فيلته و يستنى الداده الفلبينيه تدلّك له عضلة السمانه , عشان
باختصار شديد و بأدبٍ جَم , حضرتك و كل زملائك من نوعية ( بوابير الجاز ) ماتفرقشي
أي حاجه عن مشايخ الجهاد , يعني ابراهيم الحويني مايفرقشي عن ابو اسحاق عيسى !! .
..........................................................................................................................
Mohamed
Hussein
15
أبريل 2016
الشباب اللي نزلو
النهارده أخيرا اعترفو ان مشكلتهم كانت مع الأهالي , مش مع جيش ولا شرطه , يعني مشكلتهم
مع الشعب , ياريت بقى بعد مايقولو البؤين الحمضانين بتوع شعب عبيد و شعب طبال و يطلّعو
تراب الفرن اللي مالي صدرهم و اعصابهم تهدى , ياريت يقعدو مع حد اكبر منهم و يفهّمهم
ان ولاد الكلب اللي مسميين نفسهم قيادات ثوريه و قيادات يساريه أولهم زي اخرهم , يستغلو
الشباب و يسخّنوهم و بس , لا في يوم هيعملو حزب زي مخاليق ربنا و ينزلو الشارع و يشاركو
و ينحتو في الصخر , و لا في يوم هيمارسو نشاط سياسي ينفع البلد دي بتعريفه .
.
تماثيلكو و أصنامكو
العبيطه اللي انتو صنعتوها بإديكو بقالهم 5 سنين وهما عاملينكو كوره شراب في رجليهم
, انتو بالنسبالهم السلعه اللي بيتاجرو بيها , انتو الأداه اللي بتوصلهم للفضائيات
و الشهره , انتو المطيه اللي بيركبوها , انتو لوحة الإعلانات اللي بيلزقو على ضهرها
( و قفاها ) شعاراتهم و صورهم , انتو القلم اللي بيكتبو بيه اساميهم في كل مكان بالبُنط
العريض , و لما القلم يخلص يترمي في الزباله و ييجي غيره .
..........................................................................................................................
Mohamed
Hussein
15
أبريل 2016·
ملخص يوم كروي
جميل
.
- فيه بتاع من
1500 ل 2000 متظاهر قدام نقابة الصحفيين , الجزيره هتقول 500 مليون .
- كام مسيره أكبرهم
كانت من 200 فرد بشهادة المتظاهرين نفسهم , مش كل اللي نزل خاين و عميل ولا بتاع صور
ولايكات , فيه ناس غيورين و قناعتهم كده , و ده حقهم .
.
- العدد على بعضه
مايكملش 5 ألاف , جدي حسين اتجوز 4 مرات , و عنده أحفاد بالعدد ده تقريبا .
.
- اسماء محفوظ
دخلت في وصلة ( هيييييح ) مع جوزها و هي تقوله انا هنزل يا نور عيني و هو يقولها اخاف
عليكي يا معاميع قلبي , انت وعدتني انك هتحافظ عليا يا فلنشات كبدي , انتي اماني و
دنيتي يا زرابيح وجداني ........ثواني هندهلكو على المراكبي .
.
- العيال اللي
فلقو دماغنا بالنزول هييجو على أخر النهار و يقولو شعب عبيد و معر*صين و خونه بيبيعو
أرضهم ( استمرار لمسلسل الغيبوبه اللي هما عايشين فيها )
.
- اليوم هيخلص
و صفحة 6 ابريل هترجع تاني من ال 3 الاف لايك لل 200 لايك كالمعتاد , اليومين دول كانو
موسم بالنسبالهم , امبارح دخلت عندهم و لقيت الواد اياه كاتب تعليق ( بتاع : اخواني
دعونا ننحي خلافات الماضي جانبا ) , هههههههههه فطست من الضحك و الله , بحب اللقطه
دي اوي , انت جيت يا بلحه ؟
.
- رأيي الشخصي
هقوله للمره الألف , معنديش رفاهية التشكيك في مؤسسات الدوله العريقه ( الرئاسه و الدفاع
و الخارجيه ) , و اعتقادي كمان ان السعوديه مش مزنوقه اوي في الجزيرتين ولازم دلوأتي
حالا ( غالبا احنا اللي محتاجين كده بشكل ما و لترتيبات معينه على الأرض ) , مش مهم
حضرتي و حضرتك نكون فاهمين كل حاجه .
.
- يعني حضراتكو
مشكورين تلمو عدة الشغل بتاعة ( عوّاد و الأرض و العرض ) و الكلام الكبير المجعلص ده
, و ماتبيعوش المايه في حارة السقايين , اللي بقاله سنتين معكوك في سينا عشان يحافظ
على كل ذره من ترابها , و اللي رفض يتصالح مع الجماعه الارهابيه رغم الضغوط الدوليه
البشعه , مايبقاش حد خاين .
.
- و أخيرا مع الفقره
الكوميديه , المزه دي بقى خدت 3 خرطوش , لا خرطوش مش خربوش ( ولا قرصة النحلة بتاعة
داليا دبّوس ) , هي غالبا خدتهم و هي لسه صاحيه من النوم و قاعده في سريرها , بتشرب
قهوتها و بتسمع فيروز ( و تقرأ لمحمود درويش ) , بس عموما عايز أقولها سر و معلومه
كرويه هي اكيد ماتعرفهاش , طالما انتي خدتي خرطوش 3 مرات ورا بعض يبقى من حقك تحتفظي
بالخرطوش مدى الحياه .
............................................................................................................................
Mohamed
Hussein
15
أبريل 2016·
السيسي يا ولداه
زمانه قاعد في بيتهم و رُكبه بتخبّط عالجيران عشان الجحافل العريضه اللي ماليه الميادين
دلوأتي و زمان الأدرينالين عنده ضارب في السقف عشان خايف من 6 ابريل و ضربات قلبه فوق
ال 400 , و تلاقيه كمان عامل غرفه عمليات مصغره في بيته و جايب وزير الدفاع و وزير
الداخليه من الفجر بالبيجامات من بيوتهم و مش طايق حد يكلمه .
.
ايه ؟ بتقول ايه
؟ مفيش جحافل , مفيش حد في الميادين , و السيسي بيفتتح مشروعات في جبل الجلاله و عامل
لقاء مع شباب الصحفيين !! , طب خلاص خلاص , نتكلم بقى عن الحب , اه الحب , تحبو تقولو
ايه لولاد الصرمه اللي مصدعينا بالنزول بقالهم يومين ؟!.
.
يابني انا فاهم
فاهم , انت مش محتاج تبرر موقفك , و تقول ليه مانزلتش , انا فاهم كل حاجه , انت مانزلتش
عشان الجيش و الشرطه والمخابرات و عصابة اللهو الخفي قافلين الشوارع و الميادين بجنازير
و مواسير 3 بوصه و حبال غسيل , انت مانزلتش عشان تليفونك متراقب و الفيس بوك بتاعك
متراقب و التلفزيون متراقب و خلاط المطبخ متراقب , انت مانزلتش رغم انك عظيم و جبار
و مخيف و بتمشي عالحيط , و بشرفي جيفارا لو كان عايش كان أخره يشتغل عندك بواب و يبقى
اسمه عثمان .
................................................................................................................
Mohamed
Hussein
15
أبريل 2016·
انت مش بائس أكتر
من واحد عمّال يعمل شير لخبر بيقول ان الرئيس و الزعيم عبد الفتاح السيسي رئيس أعرق
و أقدم دوله في التاريخ أخد رشوه من ملك السعوديه عباره عن ساعة يد !! , و قايمة كمان
بأسماء الوزراء اللي أخدو هدايا و رشاوي من الملك .
.
السيسي يا شوية
بهايم , لو كان عايز عشرات المليارات لحسابه الخاص كان أخدها و ساب الخرفان يحكموكو
ويركبوكو , و كان زمانه عايش سلطان زمانه في أي دوله بره و يبقى عنده فلوس تكفيه لمدة
7 ألاف سنه جايين .
...........................................................................................................................
