Mohamed
Hussein
27
يوليو 2017·
للغلمان و الأقزام
.......... يعني ايه معارضه ؟
.
- ماهي أصعب حاجه
في الدنيا إننا نوصل لليوم اللي نضطر نشرح فيه الأبجديات لبني أدم ( جامعي ) , نضطر
نشرح من أول إن الشمس بتطلع من الشرق و الفرخه بتبيض و الفيل أكبر من الأرنب و الدور
التاني في أي عماره بيتبني قبل الدور التالت !! .
.
واحد زي حالاتي
, مجرد مواطن مصري بسيط ( بس عاقل ) لما يقول إن مفيش معارضه في مصر , تبقى الجمله
دي اكيد بتتقال بمنتهى ( الحسره ) و منتهى القرف , عشان ببساطه شديده أنا و غيري و
أي حد عاقل في الدنيا يعرف أهمية وجود تيار معارض في أي بلد , يبقى بوصلة تصحيح , يبقى
اختيار بديل و جاهز , يبقى و يبقى , أهميته ماتقلش عن أهمية وجود الجيوش و أهمية توفير
مخزون القمح و الدوا و خلافه , يعني مش بنقول ( مفيش معارضه في مصر ) واحنا مبتسمين
و منشكحين , دي حاجه هباب إنه مايكونشي عندنا تيار معارض وطني محترم .
.
يعني ايه معارضه
بقى ؟ يعني تصحى من النوم تسخر من بلدك و وتاريخها و إسمها و كيانها ؟ يعني تتعاطف
مع الإرهابي اللي بيقتل أخوك الجندي ؟ يعني تسافر لدولة معاديه و تشتغل في قناة عاملاها
مخصوص لتشويه مصر ؟ يعني تهين جيش بلدك اللي هو عمودك الفقري و جهاز المناعه بتاعك
؟ يعني تتمنى الخراب لبلدك و تسعى لكده بكل طاقتك ؟ هي دي اسمها معارضه ؟ لا وحياة
الست مامتك , دي اسمها مرقعه و علوقيه و خيانه , ملهاش تصنيف تاني , ولا هتلاقي لها
مثيل في أي دوله في العالم .
.
المعارضه يا عرة
مخاليق ربنا , معناها إنك لما تشوف بلدك بتحارب الإرهاب المدعوم من دول تقوم جاري و
تقف في أول صف مع الجنود , الجنود في المعركه و الجنود في الإعلام و مواقع التواصل
( مش تفضل تدوّر على مبررات للإرهابي و تتعاطف معاه ) , تقف و انت معارض ؟ أه طبعا
تقف و انت معارض , لما تشوف دويله عامله قناة مخصوص لتشويه بلدك و خرابها تقاطعها و
تلعن جدود اللي خلفوها , تعمل كده وانت معارض ؟ أه طبعا تعمل كده و انت معارض , لما
تشوف إرهابي أو واحده صايعه بتنزل طريقه عمل قنبله بدائية الصنع تلعن جدود اللي خلفوها
و تعمل لها بلوك , تعمل كده وانت معارض ؟ أه طبعا تعمل كده و انت معارض .
.
المعارضه يا عرة
مخاليق ربنا إنك تنتقد قرارات رئيس وحكومه , تنتقد سياساتهم , تقول غلط و الصح كذا
, و تسعى للصح ده , بمشاركة سياسيه , في برلمان و محليات , و احلم يا مولانا بالرئاسه
, حقك تحلم بالرئاسه و تسعى ليها , اعمل حزب و انزل كلم الناس في الشارع واشتغل و وصّل
صوتك , وقول انك فاهم أكتر و عندك حلول أفضل من الموجودين , ده حقك , والله حقك , بس
مش من حقك و لا من حق أي كلب جربان إنه يتجاوز الخطوط الحمره تحت زعم المعارضه ( اللي
هي الخيانه و المرقعه ).
.
الخطوط الحمره
دي مش بيحطهالك رئيس ولا حكومه ولا دستور , الخطوط دي انت اللي بتحطها لنفسك , أبجديات
عقلك البشري هي اللي بتحطها , الجيوش و تسليحها و تاريخها وأمجادها خط أحمر , إسم الوطن
و تاريخه و كيانه و علمه و نشيده خط أحمر , مؤسسات بلدك السياديه خط أحمر , بنشتري
سلاح ليه و بنحارب الإرهاب إزاي و اتهزمنا في 73 و الإحتلال حد جميل , لا ده مش كلام
معارض , ده كلام عيل لامؤاخذه و أمه عارفه .
......................................................................................................................
Mohamed
Hussein
26
يوليو 2017·
أنا كمان رأيي
من رأي الأستاذ الإعلامي الكبير عمرو أديب , السيسي لازم يعمل لقاءات و حوارات و ندوات
مع التيارات المعارضه في مصر .
.
نقوم نعمل ايه
بقى ؟ نجيب الأستاذ اللي بيقول بنشتري سلاح ليه , و الأبله اللي شغاله في جريده أمريكيه
عشان تكتب تقارير مشوهه و مزيفه عن مصر , و الأستاذ بتاع احنا بنعمل أنفاق قناة السويس
عشان نوصل مايه للصهاينه و الأبله بتاعة عسكر و ماسر , و الأستاذ اللي بيروج لهزيمتنا
في 73 و الأبله اللي حاطه صورة مصر أيام الملكيه , و الأستاذ اللي مسمّي قادة الجيش
المصري العظيم بجينرالات البيزنس , و الأبله اللي شايفه إن فلوس التسليح نجيب بيها
كنافه بالقشطه و مارشميللو , و الأستاذ اللي معجب أوي بأمير قطر الشاذ و بخطاباته و
سياساته .
.
و الأستاذ بتاع
الإرهاب إسمه عنف متبادل , و الأبله اللي بتدخل على مواقع السياحه العالميه و تنشر
صور مقالب الزباله في مصر , و الأستاذ اللي عايش في الخليج بيلم دولارات المصريين هناك
عشان محدش يحولها لمصر و الأبله اللي بتحط طريقه عمل قنبله بدائية الصنع على صفحتها
, و الأستاذ اللي شايف إن الإرهابي ده حد جميل و كيوت و لازم نحتويه و نحضنه و الأبله
اللي لسه بتتريأ على حكاية ( التخابر مع قطر ) و الأستاذ اللي شايف ان مفيش إرهاب ولا
حاجه داحنا بنقتل عساكرنا كده ( في وقت الفراغ ) و الأبله اللي متخيله إن مخابرات مصر
فاضيه و مش وراها حاجه و بتنشّ عشان كده كلمت غاده عبد الرازق و قالت لها نزلي فيديو
على انستجرام و صدرك يبان عشان نداري على معرفشي ايه و الأستاذ اللي بيطلع في الجزيره
الساعه بألفين دولار عشان يشتم بلده .
.
و نجمّع بقى كل
الصيع و الخونه و الحمقي دول ( قصدي المعارضه الجميله ) في قاعه مكيفه , و بعدين السيسي
يدخل عليهم يقول سلامو عليكو تحيا مصر تحيا مصر تحيا مصر , و بعدين تيجيله مكالمة تليفون
فجأه فيستأذن من ( المعارضه الجميله ) إنه هيخرج دقايق و راجع , و يخرج السيسي من القاعه
و يبعد شويه حلوين و بعدين القاعه تنفجر بكل الأشكال الوسخه اللي فيها , و بعدين نطلّع
بيان نقول فيه ( فشل محاولة أغتيال للرئيس عبد الفتاح السيسي ) و نفرح كلنا و نقول
تحيا مصر و نبارك للريس و نقوله ألف مليون حمد الله عالسلامه , أه نسيت حاجه مهمه
, الأستاذ عمرو أديب لو حابب يحضر الإجتماع باعتباره صاحب الفكره يبقى أهلا و سهلا
.
.......................................................................................................................
Mohamed
Hussein
25
يوليو 2017·
الكائن الزومبي
.
أكتر إنسان بائس
على وجه الأرض و على مر التاريخ , هو الكائن الكولجي اللي قعد امبارح قدام فيديو دبابة
الجندي المصري , و فضل يشوف الفيديو عشرين مره عشان يلاقي غلطه , و يقلّب في صفحات
الفيس المشمومه و قنوات الخرفان عشان يلاقي مخرج , أي مخرج يا جدعان , قولو انه فوتو
شوب , طب قولو العربيه اللي انفجرت فيها مدنيين ( أه مدنيين كانو رايحين يجيبو تموين
الإسبوع و بدل مايجيبو 100 كيلو لحمه و خضار و رز و سمك جابوهم متفجرات ) , طب قولو
إن العربيه دي كانت رايحه تفجر الصهاينه قدام المسجد الأقصى ( قالوها و النبي ياخويا
قالوها ) , المهم الكائن الكولجي يقلّب في الصفحات و يقرقض في ضوافره و يشوف كبار الكولجيه
كاتبين إيه , طب قولو ان الفيديو ده قديم , قولو انه مش في مصر , قولو أي حاجه .
.
عزيزي الكائن الكولجي
, لو وصلت للمرحله اللي فوق دي تبقى أنت حرفيا اتحوّلت لمجرد كائن زومبي , مثقف و عميق
ايه بس الله يخرب بيتك , بقولك كائن زومبي , و مش عايز أقولك التقيله بقى , الكائن
الزومبي مش المفروض يستنى لما يموت موتة ربنا ولا يستنى لما حد يقتله , لا المفروض
هو لوحده كده ينتحر , دي لها تفسير في علم النفس , لما تحس إنك بقيت خطر على نفسك و
على أسرتك و عالمجتمع اللي انت عايش فيه بتقوم تنتحر , و هقولك سبب مهم جدا يخليك لو
عندك ذرة كرامه تنتحر .
.
بقى يا مولانا
الكائن الزومبي , احنا امبارح عملنا حفله و طبلنا و غنينا و عزفنا عالربابه , لمين
بقى ؟ للجندي المصري , لجيش مصر , لجيش بلدك , لبطولاته و شجاعاته , محدش فينا جاب
سيرة السيسي و لا الحكومه , السيسي ملوش أي علاقه بكده , شجاعة المقاتل المصري دي من
قبل مالسيسي يتولد ب 10 ألاف سنه , السيسي مجابشي الجندي المصري و حقنه بحقنة الشجاعه
, دي جينات مش حقن , يبقى أكيد معاليك اتأكدت إنك ككائن زومبي ( عميق ) حكايتك ملهاش
علاقه بمعارضه لرئيس و حكومه زي ما بتدّعي ( أو زي ما بتضحك على نفسك ) , قصتك باختصار
اسمها خيانه , خيانه بعلم أو بجهل , خيانه بعقل أو بحموريه , خيانه مكتسبه لأن الخيانه
مش في جيناتنا , إنما لما تتركب من الخروف الخاين الرسمي لمدة 7 سنين يبقى بالتأكيد
هتتحول تدريجي لمجرد مسخ خاين , طب خلاص ماتزعلش , هتتحول تدريجي لمجرد مسخ خاين مثقف
و عميق ( عشان انت بتحب اخر كلمتين ) .
..............................................................................................................
Mohamed
Hussein
25
يوليو 2017·
يا أخي أنا اعرف
الواحد لما يكون جرئ و قلبه جامد , يقوم يطلع بعربيته عالرصيف عشان يركنها بعيد عن
الزحمه , يطلع بموتوسيكل على جزيره بين طريقين و يعدّيها عشان يختصر مسافه , يطلع على
شجره و يتشعلق فيها عشان يكلم حبيبته في البلكونه , إنما واحد يطلع بدبابته على سياره
مفخخه مليانه متفجرات ؟!! .
.
عارفين المشكله
ايه بقى ؟ بجد والله , المشكله إن كل الإستراتجيات و كل كتب التحليل النفسي و كل النظريات
العسكريه في العالم هتقف دايما عاجزه قدام توقّع رد فعل المقاتل المصري وقت الخطر
, و قدام تفسير رد الفعل ده .
...............................................................................................................
Mohamed
Hussein
24
يوليو 2017·
مقاتل مصري
.
في ارتكاز أمني
في شمال سينا , سيارة دفع رباعي فيها 4 ارهابيين ( معاهم رشاشات ) حاولو يقتحمو الكمين
بعربيتهم المفخخه , جندي مصري اتصدى للعربيه بدبابته على مسافة 200 متر عشان يمنعها
من الوصول للكمين , و يمنع أثر انفجارها من الوصول لمكان أكبر و ضحايا أكبر , عربية
الإرهابيين كان فيها حوالي 100 كيلو جرام متفجرات ( بحسب تقدير المتحدث العسكري )
, انفجرت عربية الإرهابيين انفجار ضخم ( شكله مرعب في الفيديو ) , الضحايا 7 من المدنيين
من أهالي سينا اللي كانو موجودين في نفس التوقيت , العربيه دي بكمية المتفجرات اللي
فيها لو كانت مشيت 100 متر كمان لحد الكمين كان عدد الضحايا هيبقى عشرات الشهداء من
الجيش المصري و المدنيين .
.
الحقيقه , في حربنا
ضد الإرهاب طول السنين اللي فاتت , مش تسليحنا و عتادنا هما اللي بيحمونا , إنما شجاعة
المقاتل المصري , شباب البلد و الورد الحقيقي اللي فتح في جناين مصر , هما سلاحنا رقم
1 .
.
و سبحان الله يا
أخي , في الوقت اللي هتلاقي فيه الكولجيه بيقطعو بعض على صفحاتهم , و يتبادلو الإتهامات
بالوساخه و العماله و التمويل و ينشرو غسيلهم الوسخ , في نفس الوقت هتلاقي جندي مصري
مقاتل بيحمي زمايله و بيحمي بلده بجسم الدبابه اللي هو راكبها , الجندي ده مافكرش وقتها
هيعيش ولا يموت ؟ مقالشي يا عم و انا مالي
.
, ده جيش مصر بقى
, جيش مصر و كفى بها نعمه .
...............................................................................................................
Mohamed
Hussein
24
يوليو 2017 ·
عشان الواحد يألّف
كتاب ساخر في التوقيت اللي احنا فيه ده , فالحقيقه هو مش مضطر يفكر و يعصر دماغه و
يقدح زناد فكره و يبص للسقف ولا الهري ده , فيه طريقه أسهل , لعمل كتاب ساخر كوميدي
يضحك أجيال جايه و يخليهم يتشألبو من كتر الضحك , الموضوع مش مرهق ولا محتاج مجهود
, يكفي بس إنك تجمع أخبار و تويتات و بوستات و عناوين و أفكار الخرفان و الكولجيه في
أخر كام سنه , حطهم تحت بعض , من غير تعليق من حضرتك , هما مش محتاجين تعليق , يعني
مثلا :
.
- الكراكات غرقت
في الوحل و هي بتحفر قناة السويس الجديده ( احمد منصور)
- احنا بنشتري
سلاح ليه ( عصام حجي بتاع ناسا ) .
- أنفاق قناة السويس
بنعملها عشان نوصّل مايه للصهاينه ( ممدوح حمزه )
- مبارك قال ان
اللي بيعمل قواعد عسكريه يبقى خاين لتراب وطنه ( ده تعليق شبكة رصد على قاعدة محمد
نجيب العسكريه ) مع ان اي عيل صغير عمره 7 سنين و من غير مايفتح الفيديو هيعرف ان مبارك
يقصد القواعد العسكريه الأجنبيه , اللي يخليك تتشألب من الضحك بقى إن الخبر ده معموله
1600 شير من الخرفان و الكولاجيه للتدليل على خيانة الجيش المصري اللي عمل قاعده عسكريه
مصريه على أرض مصريه !! .
- صديقه فلسطينيه
بتشتغل لامؤاخذه صحفيه بتسأل نفس سؤال عصام حجي ( هو السيسي بيشتري سلاح ليه !! ) مممممممم
مش عايز اقولك ليه عشان أكيد ردي هيجرحك أوي , وانتي مش ناقصه يا ضنايا .
- مصر باعت الميسترال
بدولار لروسيا , احنا أصلا كنا شارينها كده حركة تمويه يعني
- عاجل , صدقي
صبحي ينقلب على السيسي ( للمره السبعتاشر تقريبا )
- أنباء عن هروب
أسرة السيسي من مطار ألماظه لمكان مجهول .
- تركيا و قطر
هيحررو القدس , ( الدولتين اللي فيهم أكبر قواعد عسكريه أمريكيه خارج الولايات المتحده
!! ) .
- مرات شهيد الصابونه
بتاعة محلات ماعرفش ايه قالو على جوزها شهيد عشان اتزحلق في الحمام و لمت فلوس من البهايم
عشان تحفر له بير في أوغندا ( رحمه و نور ) و خدت الفلوس و اتجوزت و عاشت حياتها .
- إسراء الطويل
خرجت من السجن و مزنوقه في 100 ألف جنيه عشان تشتري كاميرا يا جماعه .
- تركيا لما تبعت
جنودها لقطر يبقى اردوغان بطل و له نفوذ عسكري , مع ان قطر مش أمن قومي لتركيا و مع
ان الجنود دول شوية مرتزقه رايحين مقابل شوية فلوس , لو مصر قررت تبعت جنودها لدوله
حدوديه ( يعني امن قومي ) نبقى بنتاجر بجنودنا و بنبيعهم .
- أجمل ايام عاشتها
مصر كانت أيام الاستعمار الجميل الكيوت , و على فكره بقى , مصر ماخربتش إلا لما حكمها
مصريين ( يعني يا مراحب بالاحتلال يا مراحب ) .
.
و قد كده ألف مره
, أخبار و تويتات و أفكار و حبشتاكانات , بالذمه مايعملوش كتاب كوميدي ساخر ؟ أنا الحقيقه
فكرت في إسم الكتاب , اسم يليق بالمحتوى , ممكن مثلا نسميه
( زاد الطريق و
السكّه في الوصول لأستيك اللباس و الدكّه )
( الحب في زمن
الكوله ) .
( الدليل و الترجمان
في فقة الشم و البرطمان ) .
( حقا إنك لن يركبك
الخروف مرتين , لكن ممكن يركبك 7000 مره ) .
............................................................................................................
Mohamed
Hussein
24
يوليو 2017·
في مؤتمر الشباب
.
لو انت قاعد في
مقصورة مصر الرئيسيه , هتشوف رئيس مصر عبد الفتاح السيسي و على يمينه الطالبه مريم
و على شماله الشاب ياسين .
.
- الطالبه مريم
اللي طلعت من أوائل الثانويه العامه , أبوها راجل بواب على قد حاله , و هي و أبوها
و أمها و اخواتها بينامو في اوضه واحده , مريم كانت بتذاكر في محل جنب العماره , معندهاش
نت ولا فيس بوك ولا حساب على تويتر ولا أيباد ولا جالاكسي , مابتعرفش تقول عبث ولا
دولة الظلم , مريم ماتعرفش حاجه عن أسعار المارشميللو و لا كتبت في يوم إن الحكومه
لازم توفر لها هي و أبوها فيلا ب 3 جناين , مريم لما تكبر و تخلص جامعه مش هتطلع مريضه
نفسيا ولا عندها عقدة نقص و لا جواها جينات خيانه , مش هتبيع نفسها لكلاب السكك في
الشرق ولا في الغرب , مش هتسافر تركيا ولا بريطانيا ولا أمريكا ولا قطر بنت الوسخه
عشان تشتم بلدها و تكتب تقارير مزيفه و تسخر من جيش بلدها .
.
الشاب ياسين شاب
معاق , عنده رجل واحده و عنده عجله , كان حلم بالنسباله انه يجمع شكاوي الشباب و يسمعها
و يقدمها للريس , و يسلم على الريس , و قد كان , ياسين قاعد جنب رئيس مصر و مريم قاعده
جنب رئيس مصر ( في عصر من العصور كان اللي بيتصور مع أمين شرطه بيعلق الصوره في الصالون
و محدش يعرف يكلمه بعدها ) , عبد الفتاح السيسي مش بتاع شله و بارتيته , و لما بيحب
يكرّم حد بيكرم الشاب المجتهد الوطني , الشاب اللي يحفر في الصخر , مش الشاب الصايع
العواطلي اللي قاعد على قهوه يسب و يلعن في البلد و الظروف .
.
أما بقى لو انت
قاعد في مقصوره الخونه و الصيع و العواطليه و عمّال تتنقل من مدرج لمدرج و تشوف لك
واحد إرهابي عشان تقعد على رجله و تشيّر افتكاساته , فأكيد هتشوف الصوره مختلفه , و
طبعا ولابد تدلي بدلوك , تاخد شمه عميقه من قعر برطمان الكوله , و تقول اللي بتقوله
من 4 سنين , مريم دي أبوها لواء مخابرات و السيسي بيضحك عليكو , أصلا الجيش هو اللي
واكل البلد و أوائل الثانويه كلهم ولاد لواءات , حكاية مريم عشان تغطي على ماعرفش ايه
, ياسين ده مختفي قسريا من 9 سنين و أكيد السيسي طول الفتره دي بيحفّظه الكلمتين اللي
هيقولهم النهارده , ياسين ده عسكري امن مركزي متنكر , العجله اللي راكبها ياسين بكام
و جاب فلوسها منين ؟ مين صاحب المحل اللي كانت بتذاكر فيه مريم , الشارع ده أصلا مفهوش
محلات , أنا عارف و عماد صاحبي مأكدلي , ياسين و مريم هما معر*ين من عبيد البياده
, مش مناضلين و لا أشاوس ولا كانو بينزلو الميدان يشقطو مزز ولا بيجيلهم شيكات من جهات
مجهوله .
...............................................................................................................................
Mohamed
Hussein
23
يوليو 2017·
البت لمار بنتي
ام 7 سنين دي , قال راحت تاخد كورس سباحه ( ب 400 جنيه في الشهر , أه و عهد الله )
, المهم بقى بجانب ال 400 جنيه هتلاقي لازم شوية حاجات كده , إيشي مايوه , و بتاعه
للراس مش عارف اسمها , و نضاره للمايه مش عارف ماركتها ( بس عارف انها ب 90 جنيه )
, حتى الشبشب اللي بتلبسه في رجليها وهي رايحه له إسم تاني ( مش عارفه برضه ) .
.
المهم ماكدّبتش
خبر بقى
.
أنا : عارفه يا
لمار
لمار : نعم يا
بابا .
.
أنا : أنا كمان
اتعلمت سباحه لما كان عمري 7 سنين , يعني مش انتي لوحدك اللي كده .
لمار : بجد يا
بابا ؟ اتعلمت في نادي إيه ؟ .
.
أنا : في نادي
الترعه .
لمار : ايه نادي
الترعه ده ؟ .
.
أنا : يوووه قصدي
اتعلّمت سباحه في الترعه لما كان عمري 7 سنين .
لمار : و كان معاك
أصحابك و زمايلك و انت بتتعلم ؟ .
.
أنا : لا , كان
معايا الغنم و المعيز بتوع جدي حسين الله يرحمه , كنت بنزل أحمّيهم في الترعه و استحمى
معاهم .
لمار : كنت بتلبس
مايوه ؟ .
.
أنا : لا بصراحه
مكانشي عندي مايوه .
لمار : أومال كنت
بتنزل الترعه ازاي ؟ .
.
أنا : ممممممم
كنت بنزل من غير مايوه
لمار : أيوه كنت
بتنزل بإيه يعني ؟ .
.
أنا : يا بت بقولك
من غير مايوه , هي دي محتاجه شرح ؟ .
.........................................................................................................................
Mohamed
Hussein
23
يوليو 2017·
في ذكرى ثورة
23 يوليو , موعدكم مع الفقره السنويه , فقرة العيال اللي أجدادهم كانو كلافين و عُمال
ترحيله ( زي حالاتي ) بس بيشتمو في ثوره يوليو و عبد الناصر , كما لو كان عبد الناصر
أمم أملاك جدهم الباشا .
.
حد لسه ماشتمش
عبد الناصر يا جدعان ؟ الأستاذ اللي ورا شتمت عبد الناصر ولا لسه ؟ وانتي يا أنسه مش
هتقولي بؤين ؟ طب عالأقل نزّلي صورة كاريتة الملك فاروق , و اكتبي عن مصر أيام ما كانت
الخدامه ألمانيه و بتاعة البليله من سويسرا , أيوه نزّليها ( أقصد صورة الكاريته )
عشان أحس إنك مثقفه و عميقه و تحملي شعلة البتاع في درب المعرفشي إيه , الله يرحم جدك
عوضين باشا أبو لباس , اللي مكانش معاه حق اللباس .
.
و ربنا يسامح الزعيم
الراحل جمال عبد الناصر و زمايله الظباط الأحرار , إزاي يطردو الإستعمار العثماني و
البريطاني الجميل الكيوت ؟ إزاي بس ؟ إزاي تقضو على البشويه و الإقطاع ؟ إزاي تستعيدو
أرض مصر اللي كانت متقسمه على تلتميت ربعميت واحد من الصيع و عواطلية الملك ؟ إزاي
تخلّو ملايين من البسطاء و الغلابه يمتلكو أرض و عيالهم و أحفادهم يبقو بني أدمين ؟
و كمان يتعلمو و يدخلو جامعه ؟ ماكنا عبيد و كلافين و حفاه و زي الفل , الله يسامحك
يابو خالد .
.
أصدقائي الأعزاء
الغاليين أوي , كلكو على راسي من فوق , و منعاً بقى للهري السنوي عايز أقول لحضراتكو
باختصار :
.
1- جمال عبد الناصر
مكانشي إله ولا نبي , كان رئيس وطني مخلص لبلده , أصاب و أخطأ ( و مات في جيبه 17 جنيه
) .
.
2- عشان تحكم على
مرحله فاتت من نص قرن و تحللها صح , يبقى لازم تركب ألة الزمن و ترجع للتوقيت ده و
تشوف الدنيا حواليك كويس , مش تبقى بتحلل و انت مدلدل رجليك في ماية البيسين .
.
3 - لما عبد الناصر
ياخد قرار و بعد موته بعشره خمستاشر سنه تظهر مشاكل و أعراض جانبيه للقرار ده فالمفروض
ان فيه رئيس موجود بعده يتعامل مع المشاكل و يعدّل قرار عبد الناصر , هبسطهالك , لو
دكتور اخترع علاج لمرض معين و العلاج فعال و كويس اوي و بعدين الدكتور مات و بعد موته
بكام سنه ظهرت أعراض جانبيه للعلاج يبقى مانشتمش الدكتور اللي مات , لان المفروض فيه
دكاتره موجودين و شغالين على نفس العلاج و كانو يقدرو يتصرفو مع الأعراض الجانبيه
.
.
4 - 90 % من اللي
بيشوه ثورة يوليو و يروج ( للعثمانيين ) هما الخرفان , مع إن كل الخرفان بلا استثناء
أجدادهم كانو كلافين , بس الترويج و التشويه ده له غرض انتو عارفينه كويس ( الخيانه
اللي في دمهم و جيش مصر اللي عامل لهم زي عفريت العلبه ) , و عموما لو حضرتك محتار
في موضوع , أي موضوع , شوف خرفان الجماعه الإرهابيه رأيهم ايه في الموضوع ده و اعرف
إن العكس تماما هو الصح .
.
5 - أوعى يا عم
الحاج , إوعى يابني , اوعى يا مولانا , إوعى تروج للإحتلال تحت أي سبب و مهما كانت
الظروف , لو شوفت أمك عايشه مع أبوك ولابسه جلابيه مقطعه طول السنه مابتغيرهاش , ماتقولش
أمي دي لو كانت نامت على سراير الخواجات كان زمانها لابسه أحدث موضه و الدهب في إيديها
من هنا ل هنا , إوعى تقول كده , ده لو كنت ابن حلال !! .
.............................................................................................................
Mohamed
Hussein
23
يوليو 2017·
علّمو أولادكم
.
.
1- لما بدأت محاكمة
مرسي بتهمة التخابر لحساب قطر انتشرت لجان و قطعان الخرفان و الكولجيه تسخر من الحكايه
دي و يعني ايه يتخابر و يتجسس لحساب قطر ؟ احنا نعرف ان التخابر بيكون لحساب اسرائيل
, و معاها طبعا شويه كوميكس بيض زي الفل , ماهي مشكلة الخروف والكولجي إجمالا في حاجتين
, الأولى إدّعاء المفهوميه و التانيه إدعاء خفة الدم , و أنا لا عمري عرفت ان فيه خروف
بيفهم ولا عرفت إن فيه حمار دمه خفيف .
.
و الحقيقه بتقول
ببساطه شديده , التجسس هو التجسس و التخابر هو التخابر , مفيش ماده في القانون اسمها
التخابر لحساب اسرائيل , فيه ماده بتقول التخابر لحساب دوله أجنبيه أو جهه أجنبيه
, و كل دول العالم بالنسبالك إسمها دول اجنبيه , كلها ؟ أه كلها , بما فيها قطر و السعوديه
و ليبيا و سوريا و السودان , القانون مفهوش حاجه اسمها دوله عربيه ولا دوله اسلاميه
ولا دولة شقيقه ولا دوله اختنا في الرضاعه , أي دوله ممكن في لحظه من اللحظات تبقى
دوله معاديه ليك , و أي تهريب لوثائق و مستندات الدوله اسمه تخابر لحساب دوله أجنبيه
, و أظن العالم كله بقى يعرف دلوأتي هي قطر بتاعة حمد وابنه الشاذ دوله معاديه لمصر
ولا لا ؟! .
.
2- في السفر سبع
فوايد , و فيه تحسين لدخل الفرد و الأسره و دعم لاقتصاد البلد , يبقى مش عيب انك تكون
شاب مصري و تسافر الخليج او تسافر لدوله أفريقيه أو لأوروبا أو أمريكا , تشتغل أي شغلانه
شريفه , بشهادتك أو من غير , و ممكن كمان تسافر لأمريكا و بريطانيا ( مع إنهم العقل
المدبر لكل الفساد و الشرور في العالم و لخراب الشرق الأوسط ) , إنما عادي سافر هناك
و اشتغل , طبيب أو مهندس او عامل او فني , أي مهنه شريفه و تبقى على راسي من فوق ,
لكن تسافر و تقول بشتغل صحفي في الواشنطن بوست !!, بشتغل في مركز من مراكز حقوق الإنسان
, بشتغل مراسل لل BBC , و تلاقي كل دورك الوظيفي المطلوب منك إنك تهين
بلدك و تنشر تقارير مضروبه و تشوّه جيش بلدك و تسخر منها و تلوي الحقايق و تنشر إشاعات
؟! , ماتجيش بقى تقولي دانا بشتغل حقوقي , انا بشتغل صحفي , أنا بشتغل إعلامي , لا
انت بتشتغل في الدعاره , بس دعاره على مستوى دولي , بتشتغل خاين و عميل و ده مصدر التمويل
بتاعك .
.
أصدقائي الأعزاء
, لو عندك ولد و الولد بيكبر مش ضروري كل وقتك معاه تعلمه إنه يقول نعم و حاضر و ياخد
باله و هو بيعدي الطريق , و لو بنت ماتضيعش كل وقتك في تعليمها إنها ماتلبسشي كت و
هي نازله الشارع , لو سمحت علمهم برضه يعني ايه خيانه وطن , يعني ايه تخابر لحساب جهه
أجنبيه , يعني ايه عماله و تمويل بشكلها الحديث , يعني ايه تسمي الأشياء بمسمياتها
, المتأمر على وطنه اسمه خاين وابن كلب , اللي بيشوه بلده بره اسمه خاين و ابن كلب
, اللي بيسرق فلوس البلد ماسموش مرتشي ولا فاسد , لا , اسمه حرامي و خاين وابن كلب
.
.
علمو أولادكو عشان
ربنا يكرمنا بجيل يطلع متزن نفسيا و عقليا , جيل وطني عارف مصطلحاته و مسمياته , عارف
أدواته الوطنيه لو حب يعارض , عارف يفرق كويس أوي بين المعارضه و الخيانه , جيل ماينضحكش
عليه بشوية نصابين تحت مسمى حرية الإعلام و الإعلام النزيه و حقوق الإنسان , جيل ماينضحكش
عليه بمصطلحات مضروبه و معلومات مغلوطه , جيل مايتركبشي أبدا , لا من الشرق ولا من
الغرب .
............................................................................................................
Mohamed
Hussein
22
يوليو 2017·
من سنتين تلاته
كان فيه شوية إرهابيين في سينا بيحاولو يرفعو رايتهم على حته أرض , ياكشي مترين في
مترين , وقتها كان معاهم مصور الجزيره بالكاميرا بتاعته , اه يا مولانا بالصدفه البحته
( انت أصلا أمك خلفتك بالصدفه البحته ) , و في الوقت ده كانت قناة الخنزيره بتروج لتنظيمات
و افتكاسات زي إمارة سيناء و غيرها , المهم الإرهابيين اتفرمو , و اتكرر المشهد , قطر
بنت الوسخه تصرف مليارات و تبعت ارهابيين و الإرهابيين يتفرمو , و بنت الوسخه تصرف
و الإرهابي ييجي و حركة سماح تعرّص و تشارك و تحفر أنفاق , و في الأخر يتفرمو , مئات
قول ألاف الإرهابيين , من جنسيات مختلفه , و عشرات المليارات بتتصرف و ترسانات أسلحه
تكفي لإسقاط قاره .
.
تفوت بقى السنين
, و نلاقي بنت الوسخه قاعده في ركن زي الفار الجربان , بتلمّ كلاب السكك عشان يحموها
, و مش عارفه حتى توفر شوية لبن للناس عندها , و نلاقي برضه حركة سماح في نص هدومها
, اسرائيل بتعبث بالمسجد الأقصى و المصلين , و حركة سماح تقريبا نسيت الشاحن و راحت
تجيبه !! .
.
و في نفس الوقت
نلاقي مصر بتفتتح أكبر قاعده عسكريه في الشرق الأوسط و بتحدث جيشها و أساطيلها و بتعمل
إعادة هيكله لاقتصادها و بتحل مشاكل متراكمه من عشرين تلاتين سنه .
.
الخلاصه و عايز
أقول لحضراتكو , الحق دايما بينتصر , و الحق عشان ينتصر يلزمه قوه , و القوه مكانتشي
قوة جيش و شرطه بس , كانت قوة شعب كمان , شعب فاق بسرعه و استوعب الدرس , احنا جزء
من قوة الشعب ده , و اللي كتبناه و بنكتبه في أخر 4 سنين كان سلاح , احنا كمان جنود
في المعركه , واقفين صف واحد في جبهة وطن , صف واحد في الحرب ضد الخونه و الأوساخ بره
و جوه , احنا المرابطين رجّالة البلد و ستاتها , لازم نفخر بكده .
...................................................................................................................
Mohamed
Hussein
22
يوليو 2017·
رسايل مهمه و يوم
جميل تحت عنوان ( يابني خليّك في حالك ) .
.
1- قاعدة محمد
نجيب العسكريه , أكبر قاعده عسكريه في الشرق الأوسط , قاعده مصريه على أرض مصريه (
مش بنعمل احنا قواعد للأمريكان ولا الروس ولا الأتراك و لا الإيرانيين ) , مصر دوله
مش كشك ولّا حمّام عمومي , و فيها رجاله بيحموها , مفهاش عيال لامؤاخذه .
.
2- حجم الطرق الداخليه
و الخارجيه في قاعدة محمد نجيب 72 كيلو يعني قد المسافه من بنها للمنصوره .
.
3- في القاعده
أكتر من 70 ميدان متكامل للتدريب القتالي و الرمايه , و القاعده اجمالا معموله بأحدث
النظم العالميه , و من ضمن أهدافها حماية مشروع الضبعه النووي و تأمين انتاج مصر من
الغاز و البترول في البحر المتوسط .
.
4- اختيار اسم
محمد نجيب للقاعده العسكريه العملاقه , زي ما اختارنا اسم عبد الناصر و السادات لحاملتي
المروحيات ميسترال , و زي ما إسم سعد الدين الشاذلي بقى يتحط على محاور و ميادين ,
معناه إن كل قادة مصر و قادة الجيش المصري محل احترام و تقدير مهما حصل من اختلافات
تاريخيه , يعني لا نبخس الناس أشياءهم .
.
5- جيش مصر و شعبها
العظيم هيكونو دايما سيف و درع لبلدهم و للدول العربيه لما تكون محترمه , هيكونو إيد
للبناء و التعمير مش للتخريب و الهدم و الإرهاب , فلو عيل صايع قرر انه يشتغل في التخريب
و الإرهاب يبقى ماينفعش بعد كده يتشدق بجيره ولا عروبه , لا هتتنفخ يا روح أمك , مصر
مابتنساش تارها ولا بتفرّط في دم ولادها , هتتنفخ حتى لو عملت عندك قواعد عسكريه للهكسوس
و التتار و الصليبين و دراكولا و أبو رجل مسلوخه .
.
6- أجمل حاجه قالها
عبد الفتاح السيسي , لما بسافر بره و الناس يستغربو من قدرة الشعب المصري على تحمل
الأعباء الإقتصاديه و قرارات هيكلة الإقتصاد , ببقى رافع راسي بيكو .
.
7- وفي النهايه
, الشعب اللي تعداده داخل على 100 مليون , و عمره 10 ألاف سنه , و أرضه فيها من كل
بستان ورده , أهرامات و جوامع و كنايس و معابد و مصانع و شجر توت و أنبياء و شعراء
و عالم و فلاح و فارس و جيش له أول و مالوش اخر , مين بقى اللي يقدر علينا ؟! .
.......................................................................................................................
Mohamed
Hussein
22
يوليو 2017·
عبد الفتاح السيسي
: عندنا شعب بيفطر و يتغدى و يتعشى في يوم قد استهلاك دوله تانيه في سنه .
- لما بنحب نعمل
مشروع إسكان بنعمل مليون شقه في سنتين و في دول تانيه مممممم .
.
استنى ياريس ,
خلّي الطلعه دي عليا , عدد الدبابات اللي قدامك في قاعدة محمد نجيب لوحدها اكتر من
عدد السكان و العربيات و الموتوسيكلات في كشك ابن وسخه عالخليج .
.......................................................................................................................
Mohamed
Hussein
21
يوليو 2017·
أحلى نكته في القرن
ال 21
.
بيقولك مره عيل
لامؤاخذه ( و امه عارفه ) , الواد اللامؤاخذه ده بيحكم كشك عالخليج , و الكشك ده محمي
بأكبر قاعده عسكريه أمريكيه خارج الولايات المتحده , الواد اللامؤاخذه لما اتزنق شويه
راح جاب كمان جنود مرتزقه من تركيا و ايران .
.
و في يوم من الأيام
طلع العيل اللامؤاخذه يتكلم في خطاب , وفضل يقول السياده و السياده و السياده , سيادة
ايه بس ؟ بقولك لامم عربجية التاريخ عشان يحموك و تقولّي السياده ؟! لا سيادتك مش واخد
بالك , دانت قالبها حمّام عمومي , وانت نفسك يعني سيادتك ماشي من غير بنطلون .
...........................................................................................................
Mohamed
Hussein
21
يوليو 2017·
ثم جلس الشيخ إلى
تلاميذه و مريديه
و في الدرس الأول
حدثهم عن المسجد الأقصى , ثاني القبلتين و ثالث الحرمين الشريفين .
و في الدرس الثاني
قال لهم الشيخ أن الأقصى محتل من الكيان الصهيوني الغاشم .
.
و في الدرس الثالث
حدثهم عن فضل الجهاد و الشهداء و درجات الجنه .
.
و في الدرس الرابع
وقف أحد المريدين و قال له يا شيخنا , قوات الاحتلال أغلقت المسجد الأقصى و منعت المسلمين
من الصلاه , ألا تأتي معنا لنجاهد ؟ .
ففكر الشيخ قليلا
ثم قال لتلميذه : يا بني , انتم خير هذه الامه و بركتها , اذهبو و جاهدو , أما أنا
فعندي زواج اليوم ( و نكاح ) .
.
و اختفى الشيخ
عن الأنظار في سيارته الأمريكيه الفارهه و ذهب إلى قصره , و كانت العروس هذه المره
هي فتاه روسيه تبلغ من العمر 18 عاما , قبلت الفتاه الروسيه الزواج من الشيخ بمهر مليون
دولار , و كانت تجيد العربيه بطلاقه
.
قالت العروس الروسيه
لزوجها : تخيلت أنك لن تأتي و سوف تذهب للجهاد و لنصرة المسجد الأقصى ؟
قال الزوج : نعم
فكرت في ذلك و لكني وجدت فكره أفضل .
.
قالت الزوجه :
و ماهي الفكره يا شيخهم ؟
قال الزوج : لن
أذهب للجهاد و لكن سوف أنجب منك و من غيرك عشرات الأطفال , و هؤلاء عندما يكبرون سوف
يقومون بتحرير القدس .
.
فضحكت الزوجه ضحكه
رقيعه و تحسست لحية زوجها و قالت له بصوت هادئ : أنا لفيت على شقق و بيوت دعاره كتير
, بس بصراحه مالقيتش حد محترف الدعاره زيك انت و أمثالك .
..................................................................................................................
Mohamed
Hussein
21
يوليو 2017·
خبر عجيب أوي
, خبر يندرج تحت بند ( إذا لم تستحي فافعل ما شئت )
.
اسماعيل هنيه يدعو
الفصائل الفلسطينيه لاجتماع عاجل بالقاهره لبحث التصعيد الإسرائيلي في القدس !! .
.
مولانا اسماعيل
هنيه , عايز تعمل اجتماع عاجل فين ؟ في القاهره ؟ تعرف ايه عن القاهره ؟ ايه علاقتك
بالقاهره و بمصر ؟ أنفاق و إرهابيين و دم و شهدا و سلاح و نطاعه لمدة 4 سنين !! .
.
مولانا اسماعيل
هنيه , عملت كام نفق بين قطاع غزه و بين الكيان الصهيوني ؟ ( الإجابه صفر ) , بعتت
كام مجاهد من عندك لتنفيذ عمليات ضد الجيش الصهيوني المحتل الغاشم ؟ الإجابه صفر ,
قتلت كام جندي صهيوني في أخر 4 سنين ؟ الإجابه صفر , درّبت و سلّحت كام عنصر لتنفيذ
عمليات في العمق الصهيوني ؟ الإجابه صفر , اقتحمت كام سجن من سجون الكيان الصهيوني
عشان تخرّج معتقلين ؟ الإجابه صفر , عملت كام عرض عسكري لتهديد الكيان الصهيوني أخر
كام سنه ؟ الإجابه صفر .
.
طب في المقابل
لو شيلنا كلمة الكيان الصهيوني في الفقره اللي فاتت و حطينا مكانها مصر و الجيش المصري
, هتعرف الإجابه و تعرف تعدّ الأرقام ولا محتاج أله حاسبه ؟
.
مولانا اسماعيل
هنيه , أعلمُ جيدا و أي عيل صغير في مصر يعرف كويس أوي , إنكو حكمتو قطاع غزه بمباركة
صهيونيه و غطاء صهيوني , إنكو بتقسيم الأرض الفلسطينيه لضفه و قطاع تبقو ضربتو القضيه
الفلسطينيه في مقتل , إن خطة الصهاينه لما وافقت على حكمكو للقطاع هي انكو تكونو (
بؤرة توتر ) مستمره مع مصر , مصر الدوله اللي دخلت في اكبر عدد حروب مع الكيان الصهيوني
و اللي قدمت عشرات الألاف من الشهداء , و أعرف كويس أوي انكو طبقتو الخطه الصهيونيه
بحذافيرها و بزيادة من عندكو كمان ( افتحو المعبر !! غزه محاصره !! ذيعي يا جزيره
!! عملتو أنفاق !! يعتتو إرهابيين و سلاح !! ) .
.
مولانا اسماعيل
هنيه , برضه أي عيل صغير يعرف , إن افتكاسات العدوان الصهيوني على قطاع غزه في السنين
اللي فاتت كانت عشان شيكات إعادة الإعمار !! , وان المواطن العزاوي الغلبان و المواطن
الفلسطيني بصفه عامه ممكن تضحو بيه عشان المسرحيه تفضل شغاله , ولا أستبعد أبدا ان
الهوجه الحاصله حاليا تكون لتخفيف الضغط عن الأمير الشاذ و تلميع وجه قطر القبيح ,
مانتو كلكو ولاد كلب وسخه , شبكه واحده , كلكن عاهرات , بتتاجرو بالدم و الدين و القضيه
, و بالليل نلاقي شيكات من الأمير الشاذ و شعارين في قناة الخنزيره لنصرة اللامؤاخذه
المسجد الأقصى , مسرحيه مكرره بشكل وقح و منحط .
.
مولانا اسماعيل
هنيه , انا مواطن مصري على دين دولتي , لو مصر الدوله و الكيان هتسمح لكو بدخول اراضيها
بعد كل اجرامكو عشان حسابات سياسيه و دبلوماسيه و أمن قومي و قضيه فلسطينيه شايلنها
على ضهرنا زي الأتب , هقول نعم و حاضر و أمين , لكن على المستوى الشخصي , و رأيي أنا
كمواطن , لا أهلا ولا مرحبا بكم .
.......................................................................................................................
