Mohamed
Hussein
6
يوليو 2017·
القطب المُضحّي
.
البرلمان طلب من
وزارة الكهربا مدّ فترة رفع الدعم بحيث تنتهي في 2021 بدلا من 2019 لأن الناس مش مستحمله
, و وزارة الكهربا وافقت .
.
في الكيمياء حاجه
اسمها القطب المضحي , بيكون قطب من الزنك , بيستخدم في الصناعات البحريه المعدنيه
( زي المراكب الكبيره ) , بيكون دوره انه يتأكل عشان يقلل احتمالية تأكل ( و صدأ )
ألأجسام المصنوعه من الفولاذ و قصه طويله كده .
.
المهم بقى , لما
خطة رفع الدعم تستمر لسنة 2021 ده معناه ايه ؟ معناه ببساطه شديده ان عبد الفتاح السيسي
لما ينجح في 2018 هيكمل باقي خطوات رفع الدعم في فترته الرئاسيه التانيه , و في
2022 اللي هييجي بعده هيلاقي الموازنه العامه للدوله اللي كان فيها بند الدعم اكتر
من 100 مليار هيلاقي البند ده يساوي صفر!! , و بالتالي المبلغ ده هتستخدمه معاليك في
مشاريع و استثمارات و بنيه تحتيه , اللي هو الشغل النضيف زي بقية مخاليق ربنا في الدول
التانيه , مش طريقه ريّح الزبون و دلعّه و الأخر يلاقي نفسه شايل طين على دماغه و دماغ
ولاده و احفاده .
.
و ده الاختيار
بقى بتاع السيسي من يوم ما مسك الحكم , نظرته للامور كده , ( مش هضحك عالزبون و الأخر
يشيل طين ) , مش هعمل زي اللي عملو قبلي , اللي كانو خايفين يقربو من بند الدعم باعتباره
( حقل ألغام ) .
.
عبد الفتاح السيسي
قرر إنه يكون القطب المضحي ( بتاع الكيميا ) , عشان المركب المصنوعه من الفولاذ دي
ماتصدّيش أكتر من كده , يقوم يصدّي هو و يتأكل و شعبيته تقل و يتشتم من طوب الأرض
, مش مهم , المهم ان جسم المركب مايصديش .
.
واحد من أهم أسباب
اختياري للسيسي في 2018 ( لو كان لنا عمر ) هي الحكايه دي , حكاية هيكلة الإقتصاد و
الرفع التدريجي للدعم ( مع اني بكح تراب زي الناس و ممكن اكتر والله ) , طب ليه بقى
؟ عشان لو لا قدر الله جالنا رئيس تاني غير السيسي في 2018 هيكون في الغالب الأعم من
نوعية ( ندلّع الزبون ) , و بالتالي الرئيس الجديد ده هيتوقف في موضوع رفع الدعم و
هيدوّر على شوية شعبيه و نرجع تاني للسكه التانيه الهباب , وقتها هنكون مشينا اكتر
من تلتين الطريق في رفع الدعم و عانينا الأمرين , و الوقوف عند النقطه دي و تغيير المسار
هيكون هو الانتحار الحقيقي !! .
.
حكاية طبالين و
معر*ين و كل الهجص اللي بيردده شوية المخابيل و العواطليه بحطها تحت جزمتي , أتحدى
واحد من المخابيل يقول ان كلامي غلط , يقول ان الإبقاء على الدعم دي فكره جميله و داود
موصي عليها في التذكره , يقول ان عبد الفتاح السيسي مابيضحيش بسمعته و شعبيته عشان
يعمل اقتصاد حقيقي للبلد .
......................................................................................................................
Mohamed
Hussein
5
يوليو 2017·
عالهامش :
1- تصريحات وزراء
الخارجيه أخرها كده , دي اللغه بتاعتهم , الخطوات بتيجي تباعاً على الأرض و ممكن نصحى
من النوم بكره نلاقي قايمة قرارت صدرت و احنا نايمين , و بناء عليه فالبيان قوي إلى
حد كبير ( الحكايه مش عاركة في خماره ) .
.
2- قطر حاليا هي
مجرد صفر عالشمال و كارت محروق ( دي نهايه حتميه ) , و التصريحات المحسوبه بتجنبك بس
الوقوع في فخ حرب اقليميه الكل هيطلع منها خسران , و النبي حاول تركز , انت في موضوع
قطر مش بتواجه قطر ولا في موضوع سد النهضه بتواجه اثيوبيا .
.
3- جميل أوي إنك
تحيّد تركيا , أردوغان كلب فلوس , و دول الخليج هتعرف تساومه على مصالحهم الاقتصاديه
المشتركه , و تفضل قدامك إيران اللي هي مش بالجرأه الكافيه , و أصلا و في الأساس انت
كل هدفك هو فعص الصرصار مش الدخول في مهاترات عسكريه مع الفار ولا القرد ابو بتاعه
حمره .
.
4 - كلمة السر
في الليله دي كلها اسمها مصر , هفكر الناس اللي ذاكرتهم ضعيفه , من سنه بس كان فيه
تحالف ضدنا بشكل كامل , تحالف بيشمل السعوديه و قطر و تركيا و أمريكا , شوف النهارده
التكتلات بقت ازاي ؟ مصر دخلت و فكّكت المكعبات المتشابكه , ده شغل جرّاح محترف عارف
هو بيعمل ايه ( مانا قلت لك الحكايه مش فتحة صدر ولا عاركه في خماره ) .
.
5 - لو لسه بتشوف
إنك بتفهم في شغل الخارجيه اكتر من سامح شكري و في التسليح أكتر من صدقي صبحي يبقى
وعهد الله مكانك مش هنا , مكانك في مستشفى المجاذيب .
.
6 - أخيرا بقى
, نفس الواد اللي كان من كام شهر رافع علم ايطاليا و قبلها رفع علم تركيا , هتلاقيه
دلوأتي رافع علم قطر , و نفس الواد اللي يقولك انا واقف عالحياد بين مصر و قطر , ماتشغلش
بالك بيهم , انا عارف العيلين دول بيشتغلو ايه , و هما عارفين و أمهم عارفه .
..................................................................................................................
Mohamed
Hussein
5
يوليو 2017·
قطر
.............. كارت و اتحرق .
إمبارح قطر بعتت
الرد للسعوديه , رد على مطالب الدول الأربعه ( مصر و السعوديه و الإمارات و البحرين
) , يا ترى الرد ده مكتوب فيه ايه ؟ نظريات الإحصاء و الإحتمالات بتقول إن فيه 3 خيارات
, ده بالمنطق البسيط
.
- قطر تقبل مطالب
التحالف العربي و تنفذها ............ و ده مش هيحصل غالبا , إلا لو كان قرار ركن قطر
على الدكه صدر و فيه بديل تاني جاهز يقوم بدورها .
- الإختيار التاني
إن قطر تقبل كام شرط عبيط و ترفض الشروط المهمه , ده اختيار مايع بس وارد .
.
- الإختيار التالت
إنها ترفض كل المطالب و ده وارد جدا , مش عشان قطر دوله مستقله ولها سياده ولا نيله
, يا جحش سياده ايه ؟ قطر بيحميها شوية جنود أمريكان و شوية جنود أتراك و شوية جنود
إيرانيين , و عندها بتاع 500 نفر بيسموهم الجيش القطري هتلاقي اغلبهم سوداني و أفريقي
, دي كده ماتبقاش دوله ولها سياده , دي تبقى حمّام عمومي و من غير شطافات كمان .
.
طب اصل الحدوته
دي إيه ؟ و المنطقه رايحه على فين ؟
أصل الحدوته ان
قطر من سنين طويله بيديرها الصهاينه ( هي وقناة الخنزيره ) , لعبت دور محدد و بخطة
محكمه لخراب المنطقه العربيه و الترويج لكده عن طريق قناة الخنزيره , مش محتاجين نكتب
الف دليل على الكلام ده .
.
دورها باختصار
كان التالي , قطر باعتبارها فرد من أم البيت العربي تاخد الحاكم العربي ( المغفل )
من ايديه , تعمل معاه علاقات كويسه و تسحبه لحد ماتوصل لحفره , تزقه فيها و ترجع تدوّر
عالحاكم التاني اللي مكتوب لها في جدول الأعمال , حصل كده مع القذافي و مع بشار الأسد
و بيحصل حاليا مع عمر البشير .
.
دور قناة الخنزيره
هو الترويج المسبق لخراب الدول العربيه تحت مسمى الثورات و الربيع و الديكتاتوريه و
الفاشيه , كمية الأكاذيب اللي روجت لها الخنزيره في ثورات مصر وليبيا و اليمن و سوريا
تكفي لعمل مجلدات و المجلدات دي تبقى هي الكتب المقدسه للشياطين و الأبالسه , محدش
ينسى ابدا يوم ما قناة الخنزيره أعلنت سقوط مطار بغداد قبل سقوطه ب 3 أيام !! .
.
طب المنطقه رايحه
على فين ؟ المنطقه في الغالب الأعم بيدفعوها لصراع اقليمي جديد و مختلف , الصراع مش
هيكون مع قطر لانها صفر عالشمال , هي بس هتكون كارت و اتحرق أو مجرد فتيل يشعل صراع
بين فريقين , فريق عربي و فريق تركي إيراني , اللي هما القوتين الإستعماريتين القدامى
,حلم دولة الفرس و حلم الدوله العثمانيه , الصراع ده بيديره حلف الشيطان اللي هو أصل
الشرور في العالم كله ( بريطانيا امريكا اسرائيل ) , صراع تكون نتيجته ايه ؟ تقسيم
السعوديه مثلا ؟ و لّا معركة تكسير عظام بين الفريقين و بين الجيوش التلاته الكبري
في المنطقه ( مصر و تركيا و ايران ) ؟ و طبعا معروف مين المستفيد .
.
طب هيحصل صراع
فعلا و حرب اقليميه زي ما بيخطط حلف الشيطان ؟ لا مش هيحصل , أتمنى مايحصلش , و بعوّل
على دولة واحده في الليله دي , رُمّانة الميزان , دوله خطواتها محسوبه و عارفه حجم
المؤامره و حجم الأطماع و حجم الغشم , دوله اسمها مصر .
..................................................................................................................
Mohamed
Hussein
4
يوليو 2017·
علاء الأسواني
لسه عايش , اه و عهد الله , انا كنت فاكره قابل وجه كريم من سنتين تلاته , أتاريه عايش
و بحطّة إيدك , يعني لسه في قعر برطمان الكوله , و كتب الدكتور الجهبذ العلامه علاء
الأسواني في مقال تحت عنوان ( إما أن نتمرد او ننقرض ) :
(( أما الصراع
الحقيقي فيدور بين الثورة والحكم العسكري لأنهما يختلفان في رؤيتهما لكل شيء تقريبا.
الحكم العسكري يعيش على ثقافة الطاعة والثورة تحمل فكرة التمرد الذي يؤدي إلى تكسير
أصنام الخنوع التي كانت السبب الرئيسي في تخلفنا حتى صرنا في الحضيض.)) .
الحقيقه بقى :
كتبت كتير عن فكر
الهجاصين , بياعين الشعارات و الروبابيكيا .
عزيزي الدكتور
علاء الأسواني , أتحداك تقدر في يوم تجاوب عالأسئلة دي ( اللي هي من وحي المقاله بتاعتك
)
.
1- يعني ايه حكم
عسكري ؟ هل مثلا عبد الفتاح السيسي وصل قصر الرئاسه بدبابة ولا بأصوات ناخبين ؟ هل
المجموعه الإقتصاديه في الحكومه هما لواءات جيش ولا خبراء اقتصاد ؟ ماهي الرتبه العسكريه
لسامح شكري ؟ هل مشكلة التعليم في مصر ان وزراء التعليم المتلاحقين كانو خرّيجي حربيه
و فنيه عسكريه ؟!.
.
2- كلمة الفاشيه
اللي بتكتبها اكتر ما بتستحمى هي و كلمة معتقل , يعني ايه فاشيه ؟ و مين هو المعتقل
؟ هل اللي بيخالف القانون بيبقى اسمه معتقل ولا مذنب ؟ هل المعتقل في الدوله الفاشيه
العسكريه بيتحاكم قدام محاكم مدنيه بوجود محامي او أكتر و نقض و استئناف ؟ مش الدوله
الفاشيه دي اللي انت عايش فيها برضه و بتاكل و تتعلف و تكتب و تهبّل ؟ ماتسجنتش ليه
؟ انت و مئات الألاف من اللي بيهبلو عالفيس بوك و في الجرايد ؟ ده ايه الفاشيه العسكريه
الكيوت اللي إيديها طريه و أطرى من ايد هياتم دي ؟
.
3- إلا أخبار أمريكا
ايه صحيح في الحريّات ؟ , لو قبضو مثلا على واحد و لقو في جيبه بمبه من بمب العيد بيقولو
عيل و غلط ؟ و لّا بيقولو بيهدد الأمن القومي الأمريكي ؟ بيعملو له مساج في السجن و
يجيبو صوفيا لورين تبات معاه ؟ و لّا بيتنفخ ؟ ,هل يجرؤ مواطن أمريكي على السخريه من
جيش بلده ؟ او يجرؤ صحفي أمريكي انه يوصف قادة الجيش بجينرالات البيزنس ؟
.
4 - ممكن كمان
تشرح لمعيزك ايه عمق التجربه الديموقراطيه في امريكا ؟ أمريكا اللي بتتشعلق في توبها
دايما كأنها أمك اللي خلفتك , هل بياع البليله في أمريكا من حقه يبقى رئيس و لما يبقى
رئيس يحكم من دماغ أهله ؟ ولا بينفذ خطة طويلة الاجل حطّاها مؤسسات على رأسها المخابرات
الأمريكيه ؟
.
5 - و ايه حكاية
الفاشيه الدينيه اللي كتبتها في مقالتك دي ؟ فاشيه دينيه ؟هع هع هع , الله يحرقك بجاز
, دلوأتي بقى اسمها فاشيه دينيه ؟ هو مش معاليك واحد من أبطال معركة اللمون اللي لبّسو
البلد في الحيطه ؟ كنت وقتها بتقول فاشيه دينيه ولا بتقول فصيل وطني و رفقاء الميدان
؟ .
.
6- في 2011 و
2012 خدت فرصتك كامله متكامله انت و امثالك , كنتو بتطلعو في التلفزيون مره و اتنين
وتلاته في اليوم كأنكو دوا و موصوف لنا و ناقص تنزلو لنا من الحنفيه , شرحتو أفكاركو
و افتكاساتكو و خزعبلاتكو , و في النهايه الناس ادركت انكو شوية هجّاصين و بياعين شعارات
مش اكتر, مش أن الأوان بقى تتكسف على دمك و تعتزل و تتحجب و تقعد في بيتكو ؟ .
.
عزيزي الدكتور
علاء الأسواني , عايز اقولك حاجه أخيره وانت سيد العارفين طبعا , عنوان المقال بيُحبّذ
إنه يكون مرتبط بشكل وثيق و ( ملتصق ) بمضمون المقال نفسه , عشان كده بقترح عليك تغير
عنوان المقال ده و تكتب العنوان الصح , اللي هو ( إما ان نتمرقع أو نتعول* , ياختي
كده ينفع و كده ينفع ) .
..........................................................................................................
Mohamed
Hussein
4
يوليو 2017·
شعبية الرئيس
........... و حقول الألغام !! .
.
هي شعبية السيسي
قلّت شويه ؟ اه طبعا , يعني ممكن تقول ان شعبيته في 2014 كانت 80% و نزلت ل 65 % ,
طب هو الرقم 65 ينجّحه لو قرر انه يترشح للرئاسه فتره تانيه ؟ أه تنجحه و جوله أولى
و من غير منافسه .
.
طب هي ايه مشكلة
شعبيته لما تقل شويه ؟ مشكلتها ايه عالبلد ؟ مشكلتها يا سيدي ان في توقيتات زي اللي
احنا فيها دي بتبقى الشعبيه الكبيره مطلوبه جدا , بيبقى معناها ( شبه إجماع ) , يعني
ممكن مجازاً نقول إنها أمن قومي و استقرار سياسي .
.
طب هي أصلا شعبية
السيسي قلت ليه؟ , عشان حاجات كتير زي ترسيم الحدود و زي رفع الدعم التدريجي عن الوقود
.
.
و الناس اللي خرجو
من شعبية السيسي دول خونه يعني ؟ اللي كانو بيأيدوه و بطّلو ؟ لا خالص , ناس عاديه
زيي و زيك , اتلطّو في لقمة عيشهم ( زيّنا برضه ) , الأسعار غليت و العيشه بقت صعبه
, يعني في النهايه معذورين .
.
طب السؤال الأهم
بقى , هو السيسي كان عارف إن القرارات اللي خدها دي هتأثر على شعبيته بالسلب ؟ أه طبعا
كان عارف , الحكايه مش محتاجه فكاكه ولا مراكز أبحاث و إحصاء و جس نبض عشان تكون عارف
مسبقا .
.
و لما هو عارف
إن شعبيته هتقل , عمل كده ليه ؟ مجنون مثلا الراجل ده ؟ لا خالص , ده جرئ , أو تقدر
تقول جرّاح و ربنا اكرمنا بيه
.
يا عم بلاش تطبيل
بقى و قول كلام يدخل الدماغ
طب بص يا حماده
, الحدوته و ما فيها إن الراجل ده تخصص ( قلب ترابيزات ) , دي شخصيته , في 30 يونيو
2013 قلب الترابيزه على حلف الشيطان بما فيهم أمريكا اللي هي القوى العظمى الوحيده
في العالم ( يعني أمنا الغوله ) , و بالمثل قلب الترابيزه على رؤساء مصر اللي سبقوه
, مابيشتغلش بطريقه ( هذا ما وجدنا عليه أباؤنا ) , مابيفهمش في نظرية المسكنات و يبقى
العيل عنده مرض عضوي خطير في جسمه عامله طفح جلدي يقوم يكتب له كيناكومب و يقول ادهنو
الواد و هيبقى زي الفل , هو مش بتاع كيناكومب .
.
السيسي شعبيته
قلت عشان ببساطه قرر انه يقتحم حقول الألغام اللي كان بيتجنبها تماما كل الرؤساء اللي
قبله , الدعم يتشال تدريجي , و ترسيم الحدود يتعمل في البحرين المتوسط و الاحمر عشان
تعرف تستفيد من ثرواتك في المياه الإقليميه , ماتبقاش الحكايه مشاع لأن حضرتك خايف
من رد فعل الناس و خايف على شعبيتك .
.
ملفات كتير لسه
في انتظار السيسي و هيتعامل معاها بنفس الطريقه , زي ملف ال 6 مليون موظف حكومي , اللي
محتاجين منهم مليون ولا اتنين , مين اللي وصل البلد بقى ل 6 مليون موظف و تذكرة مترو
تفضل عشر سنين بجنيه و دعم بياكل رُبع ميزانية الدوله و حدود بحرية مش عارف تستخدمها
و مدارس مفهاش طلبه و سناتر دروس خصوصيه بقت مدارس ؟ أكيد اللي سبقوه , بتوع ادهنو
الواد كيناكومب و هيبقى زي الفل , بتوع ( ريّح الزبون ) , عرفت بقى انا بقولك ليه إن
ربنا اكرمنا بالسيسي ؟ عشان باختصار مصر مكانتشي تحتمل رئيس كمان من بتوع الكيناكومب
.
......................................................................................................
Mohamed
Hussein
3
يوليو 2017·
إمبارح دخلت أبص
عالبنات و هما نايمين , الجو حر نار و رطوبه بشعه , ماعنديش تكييفات في الشقه غير هو
تكييف قديم في الرسيبشن خدته مع الشقه وانا بشتريها , الأوض فيها مراوح , مروحه في
كل أوضه .
.
تخيلت في لحظه
مثلا إن الكهربا قطعت ساعتين تلاته و البنات نايمين , ساعتين تلاته بس مش عشره خمستاشر
ساعه زي ماكان بيحصل من كام سنه , يا ترى يحصل لهم ايه في الحر البشع ده ؟ .
.
ماهو الأكيد ان
عبد الفتاح السيسي ماحلّش مشكلة الكهربا في شقتي انا بس و ساب ال 20 مليون شقه اللي
في مصر , يعني أكيد المشكله اتحلت في مصر كلها .
.
طيب مشكلة زي دي
متراكمه من سنين طويله جدا , شوفنا معاها الويل , تتحل إزاي بقى ؟ هل تتحل مثلا بشوية
شعارات و هاشتاجات و حوار مجتمعي و حبشتكانات ؟ هل تتحل بإننا نمنع عاشور انه ياخد
العشرين جنيه و بالتالي يبطّل ينزل السكينه تقوم المشكله تتحل ؟ ولا يا ترى بتتحل بافتكاسات
المفتكسين اللي بنشوفها عالفيس بوك , اللي هما وقت اللزوم بيبقو خبراء في الكهربا و
معاهم دكتوراه في الفولت العالي ؟ .
.
مشكلة الكهربا
سيادتك عشان تتحل خدت تعب و عرق و مجهود و وقت كبير و كلّفت الدوله تقريبا 200 مليار
جنيه .
.
طيب لو مش قادر
تقول الكلمتين اللي فوق دول و مش قادر تشهد بيهم يبقى اسمح لي أقولك , انت ماينفعشي
تكون مواطن , ماينطبقش عليك الوصف ده , لا مواطن مؤيد لنظام حكم ولا حتى مواطن معارض
, ماهي المعارضه مش معناها انك تفضل بالضروره ابن تيت و نطع و صفيق , لا و الله , ينفع
تكون معارض و بني ادم , معارض و عندك جوز عيون بتشوف بيهم , معارض و تقول على دي صح
و على دي غلط , الله يخرب بيت اللي فهّمك ان المعارضه هي انك تسأّف لعيل صايع جاب واقي
ذكري و نفخه و عمله بلالين و وزعه عالعساكر الغلابه , أو تسأّف لعيل صايع تاني أقنعك
انك تتريأ على جيش بلدك و تحط صورة علم مصر أيام الملكيه , يعني أيام الإستعمار و الإستحمار
.
.......................................................................................................
Mohamed
Hussein
3
يوليو 2017·
رئيس وزراء المجر
: انظرو إلى الوضع في سوريا , و تخيّلو مصر بدون السيسي !! .
مممممممم حتى رئيس
وزراء المجر طلع طبّال و أمنجي و لجان إلكترونيه , يعني زيي أنا و انتو كده , و بيقاسمنا
في اللقمه .
................................................................................................................
Mohamed
Hussein
3 يوليو 2017 ·
دي بلكونة شقتي
اللي في البلد , في أيام حر زي اللي احنا فيها دي كان مزاج عندي انام في البلكونه
, أخد مرتبه و أفرشها أو حصيره ومخده , و تبدأ تنام بقى تلاقي الهوا بيجيلك من علوم
الله , من كل ناحيه , هوا ساقع و مندّي , كأنك جوه تكييف مركزي رباني , لدرجة انك في
الغالب هتحتاج حاجه تتغطى بيها , البيت أصله بحري و أول بيت في البلد , و منظر الخضره
حواليه مفتوح من 3 جهات على مدد الشوف , يعني لحد أخر عينيك ما تجيب .
.
في القاهره بقى
يا مولانا تحس إنك عايش جوه كتله خرسانيه ضخمه جدا فيها شوية ثقوب كده بيسمّوها شوارع
, و المفروض في الحر ده تمشي في الثقوب قصدي الشوارع و على ضهرك تكييف سبليت بحالة
جيده , استمعال طبيب .
...............................................................................................................
Mohamed
Hussein
2
يوليو 2017·
المخابرات المصريه
.
وزير خارجية تميم
ابن موزه لما النهارده اعلن بشكل واضح ان بلاده بتدعم الإرهاب ف ده معناه إنهم مبقوش
يقدرو ينكرو , و الحاله الوحيده اللي تخلي الإنكار بالنسبالهم اختيار مش موجود هو ان
فيه أدله بالصوت و الصوره اتقدمت في قمة الرياض , أدلة بتؤكد تورط النظام القطري بشكل
مباشر في دعم الإرهاب , الأدله دي من عندنا , الطلعه دي بتاعتنا , ده شغل المخابرات
المصريه .
.
ملف سد النهضه
, الحلول فيه جاهزه و أكيد أكتر من خطة للتحرك , القصه بتاعة السد هتنتهي ازاي ؟ تحديدا
معرفش , كل اللي انا واثق فيه ان الخطط محطوطه و معمول حساب كل حاجه , هتخلص بمفاوضات
و فتحات في السد تخلي حصه مصر متتأثرش ؟ ولا هتخلص بعمل عسكري مباشر ؟ ولا عمل عسكري
مش مباشر ؟ ولا هتحصل زيطه و زمبليطه في أثيوبيا و في وسط الزيطه منلاقيش السد ؟ ده
برضه شغل المخابرات المصريه .
.
في ال 7 سنين اللي
فاتو اللي شال البلد شيل هما اجهزتها الامنيه , جيش و شرطه , في مرحلة الطوفان و حجم
التحدي الأمني كان مرعب , و الدور الأهم كان بالتأكيد للمخابرات المصريه .
.
دخول مصر في التحالف
الأمريكي السعودي الإماراتي في قمة الرياض !! الحقيقه احنا مادخلناش في تحالف ولا حاجه
, احنا دخلنا في مجموعة مكعبات عشان نفصل المكعب القذر و نجيبه على جنب و نعرف نستفرد
بيه ( و ده مش معناه ان بقية المكعبات مقطّعه حصر الجامع ) , لان مشكلة قطر معانا تحديدا
كانت الغطاء الأمريكي الخليجي لها , لما كنا بس بنطلع بتصريح فيه اتهام لقطر كان مجلس
التعاون الخليجي بيجتمع فورا و يشجب التصريح بتاعنا , ماهو أصل أخد الحق صنعه ( مش
فتحة صدر ) , عملنا ايه بقى ؟ دخلنا و عزلنا قطر و رفعنا عنها الغطاء الأمريكي الخليجي
, و تميم و أمه و ابوه تقدرو تقرو عليهم الفاتحه من دلوأتي , الخطه دي تحديدا هي خطة
للجهات السياديه بتاعتنا و على رأسها المخابرات المصريه .
.
عايز تعرف مخابرات
مصر دورها ايه و تقدر تعمل ايه ؟ اقرا السطور اللي فوق تاني , و اعرف ان دي مجرد نماذج
و أمثله ( و ما خفي كان أعظم ) , طب بالنسبه بقى للفيديو بتاع صدر غاده عبد الرازق
ده شغل مين ؟ لا ده شغل أمك يا عرة مخاليق ربنا .
.................................................................................................................
Mohamed
Hussein
2
يوليو 2017·
هههههههههههههههههههه
و عهد الله هفطس من الضحك , وزير خارجية قطر بيقول ان الاتهام لقطر بتمويل الإرهاب
, ده موجود في المنطقه كلها و احنا في أسفل القائمه اللي بتمول الإرهاب !!! .
.
هههههههههههههه
والله هموت يا جدعان , ده وزير خارجيه ولا تبّاع على ميكروباصات السلام و النهضه و
ضارب نص شريط ترامادول ؟!! الشاذ ابن موزه جايب واحد مسطول يمسك الخارجيه , و بيعترف
رسميا بتمويل الإرهاب , الواد ده لو طوّل في كلامه شويه هيقول كل حاجه بما فيها أماكن
التدريب و الدول اللي بيدربو فيها الإرهابيين و صرفو كام مليار , و مش بعيد يقولنا
نمرة الريس برايز .
..........................................................................................................
Mohamed
Hussein
1
يوليو 2017·
السيسي يصل ستاد
القاهره لحضور افتتاح كأس العالم للشباب لكرة السله .
.
أكيد كاس العالم
للشباب ده المخابرات المصريه اللي عملته عشان تغطي بقى عالفيديو بتاع غاده عبد الرازق
, أصلا المخابرات المصريه عندها قسم كده على إيدك اليمين و انت داخل , اسمه ( قسم
: الحاجات اللي بنغطي بيها عالحاجات التانيه ) حتى اسألو شمامين الكوله و الخرفان اللي
كانو عايزين يحكمو مصر .
........................................................................................................................
Mohamed
Hussein
1
يوليو 2017·
بصو بقى مفيش داعي
للإنكار , عشان مانضحكشي على نفسنا و نفضل طول عمرنا طبالين و خلاص , اللي حصل كالتالي
:
.
محسن بيه ( ظابط
كبير في المخابرات المصريه ) : ألو , مساء الخير أستاذه غاده
غاده عبد الرازق
: أيوه مين ؟
.
محسن بيه : أنا
محسن بيه , بكلمك من مقر المخابرات العامه المصريه اللي بعد أم عبير بتاعة الفشه .
غاده عبد الرازق
: أهلا اهلا محسن بيه .
.
محسن بيه : بصي
عشان ماخدشي من وقتك كتير , احنا محتاجينك في خدمه عشان خاطر مصر .
غاده عبد الرازق
: خدمة ايه ؟ انا تحت أمر مصر طبعا .
.
محسن بيه : و كمان
هندّيكي فلوس كتير و دهب و لولي و مرجان
غاده عبد الرازق
: لا انا حكاية الفلوس دي ماتفرقشي معايا , ايه المطلوب مني ؟
.
محسن بيه : بصي
يا ستي , انتي هتصوري نفسك فيديو وانتي نايمه عالسرير بقميص نوم شفتشي
غاده عبد الرازق
: شفتشي ؟ انت متأكد انك محسن بيه ؟
.
محسن بيه : أيوه
يا ستي انا محسن بيه و القميص شفتشي , المهم تحاولي بقى تبيني حته من صدرك و انتي بتصوري
و يكأنك مش واخده بالك , و تنزلي الفيديو على انستجرام و بعدين تتخضي و تقولي يامّه
, و تحذفيه تاني .
غاده عبد الرازق
: و ليه اعمل كده ؟
.
محسن بيه : احنا
بصراحه في وضع صعب و حرج جدا و حساس للغايه بسبب زياده البنزين امبارح , و محتاجين
نلهي الناس بحاجه .
غاده عبد الرازق
: اه قلت لي بقي , انتو خايفين الناس تنزل و تكسر الدنيا و تزنزن الزنازين
.
محسن بيه : هو
كان فيه حد نزل قبل كده و زنزن الزنازين لما رفعنا دعم الوقود المره اللي فاتت و لما
عومنا الجنيه و لما الأسعار زادت 3 اضعاف و لما عملنا اتفاقية ترسيم الحدود ؟!! .
غاده عبد الرازق
: لا خالص , ماهو انا مستغربه من كلامك , ازاي تبقو خايفين من حاجه محصلتش قبل كده
في مواقف اصعب بكتير ؟
.
محسن بيه : احنا
مش خايفين ولا في دماغنا .
غاده عبد الرازق
: يا لهوي انا دماغي لفت , اومال بتطلب مني كده ليه يا محسن بيه ؟
.
محسن بيه : أنا
مش محسن بيه
غاده عبد الرازق
: اومال انت مين ؟
.
محسن بيه : أنا
عاطف السكري و بحب سعاد حسني .
غاده عبد الرازق
: اقطع دراعي مانا فاهمه حاجه .
.
محسن بيه : عارفه
نفق العروبه ؟
غاده عبد الرازق
: اه عارفاه .
.
محسن بيه : قبل
منه واحد بتاع عصير
غاده عبد الرازق
: ماله بتاع العصير ده .
.
محسن بيه : وحش
, ماتبقيش تشربي منه .
...............................................................................................................
Mohamed
Hussein
30
يونيو 2017·
معنديش أي مشكله
ان واحد غني أوي يتعاطف مع الغلابه و الفقرا , مش بالضروره تكون فقير عشان تحس بالفقير
اللي زيك .
.
إنما الحقيقه ان
أغلب الأغنيا جدا , اللي ثرائهم فاحش , فيلل و عربيات و شاليهات و ملايين , و اعرف
منهم ناس شخصيا , مصادر ثروتهم ممكن يكون عليها علامات استفهام , كان موظف حكومه مثلا
( و ملوش عم مات في البرازيل و ورثه ) , أو رجل أعمال بيتفنن في التهرب من الضرايب
, و في النهايه لو قابل فقير في الشارع مش بيمد ايده ب 5 جنيه , انما ييجي على صفحة
الفيس و ينزل عليه وحي الإشتراكيه و الشحتفه على الغلابه و الفقراء , بالظبط زي وحي
التدين الماسخ اللي بينزل وقت اللزوم على الجماعه الارهابيه اللي هما في الأصل سفاحين
و قتّالين قُتله و بيرضعو كدب من يوم ما يتولدو , أو وحي النضال و الثوره اللي بينزل
على شوية الصيع اللي مستعدين يبيعو بلدهم بدولار ( أو حتى ببلاش ) .
هي دي مشكلتي الحقيقه
, الشعارات العيره و المتاجره , المتاجره بالدين , المتاجره بالوطنيه , المتاجره بالثوره
, المتاجره بالغلابه , مشكلتي هي الوشوش المقرفه و المزيفه , الوشوش البلاستيك .
...................................................................................................................
Mohamed
Hussein
30
يونيو 2017·
البنزين و الحكومه
و الفقراء و ثورة 30 يونيو و البنت الفلبينيه و غيط الدره .
.
ثورة 30 يونيو
هي اعظم ثورة في تاريخ مصر الحديث , ليه بقى ؟ عشان من غير هري كتير , الثوره دي كانت
انتصار لكلمتين اتنين بس , الوطن و المواطنه , يعني ايه برضه ؟ لو عايز تعرف يعني ايه
؟ اسأل أي عضو رسمي في الجماعه الإرهابيه الدوليه و قوله , مين الأقرب ليك و خلّيه
يحط لك الترتيب , إخوانجي تركي , يساري مصري , إخوانجي تونسي , مسيحي مصري , إخوانجي
فلسطيني , علماني مصري و اسمع منه الإجابه و سنجف نفسك , الحدوته ان مصر مكانشي ينفع
يحكمها خروف عضو في تنظيم ارهابي , تنظيم لا يعرف يعني ايه وطن ولا يعني ايه مواطن
.
.
الحكومه , مشكلة
أغلبنا هي الإعتقاد الدائم ان الحكومات لازم تلعب دور البنت الفلبينيه اللي بتعمل لنا
مساج و تدلّك لنا عضله السمانه و إلا هنعتبر الحكومه دي هي الحرامي اللي لابد لنا في
الدره باستمرار , مع إن الأرقام بتكون معلنه , و المثل بيقول : يا جاريه اطبخي ياسيدي
كلّف , و كله على قفا الزبون , عايز دعم و تفرح و ( وتعتبرنا البنت الفلبينيه ) و لا
عايز اصلاح اقتصادي و تتضايق و تتخيل اننا ( الحرامي اللي لابد في الدره ) ؟, مبارك
بالمناسبه كان شغال في دور الفلبينيه 30 سنه و الشعب متكيف , تدليك و ساونا و جاكوزي
,و السيسي لما فكر يعمل اصلاح اقتصادي حقيقي بقى هو الشرير اللي لابد لنا في الدره
.
.
الفقراء مش شعار
و أغنيه و هاشتاج , الشعور بالفقراء ده مسئوليه يلزمها عمل , يعني لو في ايدك حاجه
تعملها , و اجمالا في مرحلة الإصلاح الصعبه دي هتلاقي اللي في ايد الحكومه مش كتير
, ممكن دعم نقدي للفقراء و يكون محسوب جدا عشان مانرجعشي لقصه عنب ديبو , و محاربة
الفساد و نقف على راس رجال الأعمال و نطبق الحد الأقصى للأجور , انما اللي في إيدينا
احنا و ممكن نعمله للفقراء اكتر , زي ايه مثلا , زي انك تشتري كنافه عاديه مش كنافه
بالمانجه و فرق السعر تساعد بيه فقير , زي انك تطلع مصيف مره واحده في السنه و المرتين
التانيين تساعد بيهم فقير , زي انك ماتعملشي عمره كل سنتين , خليها كل 6 سنين , و المرتين
اللي ماتطلعشي فيهم تساعد بيهم ألف فقير !! , و يا مولانا اغسل ذنوبك في بيوت الفقراء
, و الله هترجع برضه كيوم ولدتك امك .
.
البنزين سعره زاد
لأن الدعم بيترفع من عليه تدريجي , انما موجود و متوفر و مفيش طوابير , باقي لنا زياده
واحده بس , ممكن تكون بعد سنه مثلا , و وقتها هيبقى معندناش بنزين مدعم في مصر , يعني
نخلص من القصه اللي بدأت من تلاتين أربعين سنه ( و شغل البنت الفلبينيه ) , و بالتالي
تيجي بعدها و تلاقي موازنه الدوله مفهاش بند اسمه دعم الوقود , البند اللي كان بيساوي
100 مليار جنيه , رقم مخيف تقدر تستخدمه في مشاريع حقيقيه و بنيه اقتصاديه حقيقيه حتى
لو الناس اعتبرتك الشرير اللي لابد لهم في الدره !! .
................................................................................................
ليست هناك تعليقات:
إرسال تعليق