Mohamed
Hussein
29
سبتمبر 2016·
السعوديه على قايمة
الإنتظار
.
1- امبارح مجلس
الشيوخ الامريكي صوت ضد الفيتو بتاع أوباما ( اللي هو فيتو كده و كده يعني ) , و خلاصة
الحدوته إن أقارب ضحايا 11 سبتمبر يقدرو يلاحقو السعوديه قضائيا .
.
2- الحكايه ملهاش
علاقه أوي بأقارب الضحايا ولا لها علاقه ب 11 سبتمبر ولا 34 اكتوبر , إنما لها علاقه
بالإدارة الأمريكيه و تكملة مسلسل حرق و تخريب الشرق الأوسط ( و ابتزازه ) .
.
3- بالمناسبه مفيش
صراع بين الإداره الامريكيه و مجلس الشيوخ , فيه توزيع أدوار مش اكتر , و الحدوته كلها
بتبقى مُعدّه مسبقا , أمريكا و الدول الكبيره كلها بيخطط لها جهاز المخابرات , هو اللي
بيوزع الادوار بين مؤسسة الرئاسه و مؤسسه البرلمان ( و مؤسسة الزكاه ) , و حدوتة البرلمان
و الديموقراطيه هي حدوته جميله أوي شبه النيش بتاع العروسه كده , إنما الأمريكان صدّرو
لنا فكرة إن النيش هو أهم حاجه في شقة العروسه .
.
4- يعني انت يا
أوباما هتصدر فيتو , و انت يا برلمان هترفضه , و بعدين انت يا اوباما هتعض على شفايفك
كده و يبان انك مستاء أوي من البرلمان اللي رفض الفيتو ده , بالظبط نفس المشهد اللي
بتعضه فيه على شفايفك لما نصنع داعش بإدينا و نقولك اطلع اتكلم عنهم و قول هنحاربهم
و نخرب بيت أبوهم , كَتْ , هايل يا فنان .
.
5- القرار بتاع
ملاحقة السعوديه قضائيا هو وسيلة ابتزاز و لوي دراع من أمريكا للسعوديه مش اكتر , كده
مدخرات السعوديه في امريكا بقت مكشوفه , و هيتلوي دراعها في حاجات كتير منها علاقتها
و دعمها لمصر طبعا .
.
6- من الواضح ان
السعوديه دورها انتهى في التحالف الأمريكي لخراب الشرق الأوسط , خصوصا بعد ما بقى حجم
التدمير في الجيش السوري و الإقتصاد و البنيه التحتيه السوريه مرضي جدا لغرور الأمريكان
و قوى الشر , يعني ممكن نكتفي بهذا القدر .
.
7- السعوديه دخلت
التحالف الأمريكي و ايديها بقت غرقانه بدم أشقائنا في سوريا , و اعتقادي انها دخلت
مضطره يعني على طريقة , انت معانا ولا مع الناس التانيين ؟ و انت شايف الناس التانيين
بنعمل فيهم ايه ؟ خلاص معاكو يا باشا .
.
8- من أول ماتورّطت
السعوديه في خراب سوريا و أمريكا استخدمتها كواجهه لذيذه لتحالف مزعوم بغطاء إسلامي
وهمي , من أول يوم و انا متوقع ان السعوديه لما ينتهي دورها هييجي الدور عليها ( عشان
المتغطي بالأمريكان عريان ) .
.
9 - على جنب كده
, واحد من حلفاء أمريكا في حزب الخراب كان تركيا , و اللي حصل من كام شهر ( محاولة
الإنقلاب الفاشله ) تفسيره الوحيد إنه قرصه ودن من الأمريكان لكلبهم أردوغان , يعني
اعرف حجمك , احنا في ساعتين اتنين بنحرك قوات من جيشك و نعمل انقلاب عليك و نحتل بلدك
, بالنسبالي المسرحيه الامريكيه دي أكدت لي ان الجيش التركي فستك , يعني بلح .
.
10- المهم احنا
كمصريين و رغم اعتراضنا على موقف القياده السعوديه خصوصا في ملف سوريا لكن ماينفعش
نتمنى الشر للمملكه , مش بس عشان حكاية الأشقاء العرب ولا عشان الكام مليون مصري اللي
شغالين في السعوديه , انما السعوديه لو لاقدر الله دخلت في المفرمه ( بتاعة الشرق أوسط
الجديد ) مصر هتلاقي نفسها عريانه , يعني من غيرضهر , بص عالخريطه كده ؟ بصيت كويس
؟ سوريا بح , و فلسطين بح , و ليبيا بح , و العراق بح , و السودان بح من بدري , كده
مش فاضل غيرك انت و السعوديه , بتعكّزو على بعض ( و النبي خلّي كلامك عن الوهابيه و
اركنو على جنب دلوأتي ) انا بكلمك عن معركة مصير .
.
11- الكلام اللي
فوق ده مجرد توقع أو تخيل مني , يعني مجرد ظن , و ربنا يخيب ظني .
................................................................................................................................
Mohamed
Hussein
29
سبتمبر 2016·
أسهل حاجه في الدنيا
انك تصحى من نومك تشتم الحكومه و الرئيس و تلعن جدود الكبير و الصغير و كل يومين تلاته
تقول عايزين نعمل ثوره , و تهري و تفتكس و تخترع و تنشر اشاعات و تحط تصورات حلزونيه
و تحس انك عوّام فشر رانيا علوني , مع ان كل الحدوته انك قاعد عالشط مش اكتر .
.
أنا أصلي جربت
الحكايه دي و قعدت فيها سنين , حكاية ممتعه أوي , ألش و هري و تنكيت للصبح , و شتيمه
في الكل , و اعتراض على كل حاجه و أي حاجه , خُلقنا لنعترض يا عم الحاج .
.
بس الحقيقه اني
رجعت و معايا ملايين زي حالاتي , رجعنا تحديدا في أواخر 2012 , و فوقنا تماما في
2013 , في الوقت ده مكانشي رئيس مصر اسمه عبد الفتاح السيسي , احنا رجعنا عشان حسينا
ان البلد دي في خطر , البلد يعني مصر , مش الرئيس ( اللي كان وقتها كان
عدلي منصور )
, و إننا ماعملناش ثوره ولا حاجه ( احنا اتعمل بينا ثوره ) .
.
تأييدي للدوله
حاليا ملوش علاقه بشخص عبد الفتاح السيسي و إن كنت مانكرش إنه بطل و زعيم حقيقي ( و
هدية ربنا لمصر ) , تأييدنا في التوقيت ده هو نوع من تحمل المسئوليه , مسئولية بلد
بتمر بأصعب سنين في تاريخها الحديث ( و هرجع اقولك تاني اسهل حاجه هي الهري و الزربحه
و الشتيمه عشان أبدو لحضرتك في مظهر المثقف الثورجي المعارض ) .
.
كل اللي رجع في
2012 و حس بالخوف على بلده هو شخص بيحب و يعشق و يتحمل مسئوليه الحد اللي بيحبه ..الحد
ده مش اسمه عبد الفتاح السيسي على فكره ...يارب الخرفان تفهم .
................................................................................................................................
Mohamed
Hussein
28
سبتمبر 2016·
يا حماده انت بقالك
سنتين بتقول هنعمل ثورة و مظاهرات عارمه و نجتاح الشوارع و الحواري و الميادين و نزنزن
الزنازين و أخركو بيبقى 200 نفر يتجمعو على سلم نقابة الصحفيين و يتصورو كلهم سيلفي
في صورة واحده , و خالد علي يعمل تمارين الصباح .
.
جيش مصر ايه اللي
هيتحرك و ينتشر في البلد في 6 ساعات عشان يسيطر عليكو يا جحش ؟ انتو لو جمعتو نفسكو
بخرفانكو بارهابييكو بشمامينكو بسلطاتكو و نزلتو الشارع هيكفي جدا إن 3 % من اللي حاطين
صورة السيسي ( بالبدله الكحلي ) عالفيس بوك ينزلو و يعملو دايره حواليكو و كل واحد
منهم يعطس عطسه و تموتو كلكو غرقانين .
.
معلش , أسف يعني
لو كنت جرحت شعورك برقم 3 % .
............................................................................................................................
Mohamed
Hussein
28
سبتمبر 2016·
النهارده و انا
جاي ماشي من البيت للشغل لقيت راجل من عمال البلديه في الجزيره اللي في نص الطريق
, موطي و بيزرع شجره و بيمهّد الأرض في الدايره اللي حواليها , ماسك فاس صغيره أوي
في ايده ( بنسمّيها في بلدنا العوّأه أو العوّاقه ) , المهم ان الراجل عمال يدندن و
يغني ( و سيرة الحب , و ظلم الحب لكل اصحابه ) , معزول في عالم خاص بيه و مش منزعج
من صوت العربيات ولا في دماغه الناس اللي رايحه و جايه , هو مبسوط و طلبت معاه انه
يغني و يسلّي نفسه في الشغل فقام مغني .
.
كنت عايز أروح
له و اقوله , ايه يا عم التفاؤل ده ؟ انت متفائل كده ليه ؟ مش مكسوف من نفسك و انت
متفائل ؟ لا و كمان بتغنّي ؟ متفائل على ايه بس ؟ ده المارشميللو ناقص في السوق و احتمال
يقفلو فرع سينتربوينت في اسكندريه , طب قولي انت قريت كام كتاب في حياتك و كام مقاله
؟ تعرف ايه عن ديستوفسكي و جورباتشوف و توماس فريدمان ؟ طب بذمتك عارف اننا انهزمنا
في حرب 73 و ان السيسي بيعمل العاصمه الإداريه الجديده عشان يحقق حلم الصهاينه ( من
مدينة بدر للفرات ) ؟ والله تلاقيك مش عارف .
......................................................................................................................
Mohamed
Hussein
28
سبتمبر 2016·
حكاية الفار الأمريكاني
في وطننا العربي
.
.
اللي حصل في وطنا
العربي البائس في أخر 20 سنه هو التالي :
.
قالو لشويه ناس
من حبايبنا العرب إن البيت بتاعكو فيه فار , فار كبير , هما مين اللي قالو ؟ اللي قالو
يا سيدي هما أداوت اللعبه , عدّة الشيطان , أداوت النصب ( الجارديان و واشنطن بوست
و مركز كارتر و الجزيره و أخواتهم ) .
.
حبايبنا العرب
ماكدّبوش خبر و بدأو يترعبو من الفار اللي جوه البيت , أدوات الشيطان كمان قالت لهم
ان الفار ده خطير جدا و جبار و مخيف و مرعب و قاتل , طب ايه هو الفار ؟ ( الفار ممكن
يكون حاكم فاسد أو لعب على وتر الطائفيه و الدين أو تمييز عنصري أو قضيه فلسطينيه حلزونيه
و عداوه لكيان صهيوني ) , يعني كل بيت و له الفار بتاعه , المهم برضه حبايبنا العرب
اترعبو و خافو , خافو أوي , طب ايه الحل ؟ نعمل أيه يا سعادة البيه ؟ أدوات الشيطان
قالت لهم الحل عندي , بس هتعملوه بإيديكو , فيه طريقتين اتنين تتخلصو بيهم من الفار
مفيش غيرهم ( واحنا طبعا هنساعدكو على اد مانقدر ) , اوعى تسمعو كلام حد تاني .
.
الطريقه الأولى
يا أولادي للتخلص من الفار هي انكو تقسمو بيتكو , نصين ماشي و لو 4 أرباع يبقى روعه
, التقسيم ده حد جميل أوي و كيوت و هيسهل عليكو جدا انكو تعرفو توصلو للفار و تحلو
مشكلتكو و بعدها على طول الخير يجيلكو زكايب زكايب , و الطريقه التانيه يا أحبائي لو
ماعرفتوش تقسمو البيت يبقى لازم تحرقوه , اه تحرقوه , جركنين بنزين و عود كبريت و تولّعو
في البيت , الفار مش هيستحمل النار و هيخرج بره البيت , و تبقى كده المشكله اتحلت
, انتو اصلكو مش عارفين ان الفار ده ممكن ياكل دراع العيال الصغيره و انتو نايمين
.
.
برضو حبايبنا العرب
ماكدّبوش خبر و سمعو الكلام و طبقّوه بحذافيره , و فيهم اللي قسّم بيته و فيهم اللي
حرقه , الغريبه بقى ان اللي قسّم و اللي حرق فضل واقف قدام البيت ( المتقسّم أو المحروق
) و مستني الفار يخرج و المشكله تتحل , بس مفيش حاجه خرجت ولا حاجه اتحلت و طبعا مبقاش
فيه بيت , و بعضهم اكتشف بالصدفه إن مكانشي فيه فار من أصله !!.
.
حبايبنا في مصر
بقى , اللي نفسهم اتقطع من شم الكولّه , راسهم و ألف جزمه انهم يكررو نفس المأساه العربيه
( و حدوتة الفار ) , على اعتبار إنك لما تنخدع مره تبقى شاطر و لما تنخدع مرتين تبقى
شاطر أوي و لما بنفس الطريقه تنخدع 7 مرات تبقى عبقري و سابق كوكب الأرض بمليون سنه
ضوئيه !!.
.
حاول تهدى شوية
يا حماده , بالراحه على نفسك شويه , رُفعت الأقلام و جفت الصحف , الموضوع منتهي فبلاش
تحرق بنزين عالفاضي , مصر طول مافيها شعب و جيش لا هتتقسم ولا هتتحرق ولا هيخيل عليها
الحدوته العبيطه بتاعة الفار الأمريكاني , ده كتاب ربنا اللي بيقول كده و كتاب التاريخ
و كتاب المستقبل .
.
أقولك على حاجه
؟ خلص سيجارة البانجو اللي في ايدك و تعالى مدّد هنا قدامي عالشيزلونج , خد نفس عميق
و احكي لي حكايتك يمكن اعرف اساعدك , اه احكي لي من الأول خالص , من أول دموع وائل
غنيم مع منى الشاذلي أو من أول ما مامتك كانت بتسيبك وانت صغير قاعد مع صبري البواب
لوحدكو و بيشكي لك انه وحداني .
.......................................................................................................................
Mohamed
Hussein
27
سبتمبر 2016·
زمان أيام ما كان
العقل زينه , كان أسوأ اتهام و أصعب اهانه ممكن توجّهها لحد مصري ( أو تلمّح بيها مجرد
تلميح من بعيد ) هي إنك تقوله انت صهيوني أو بتشتغل مع الموساد أو شكلك كده بتتعاون
معاهم , مجرد التلميح بالحكايه دي كان أسوأ ألف مره من انك تشتمه بأمه بألفاظ + 18
.
.
انما في ال 5 سنين
اللي فاتو و بعد المعجنه و ال ( بيبي ) اللي حصل في عقول الكولجيه , بقى لما حد منهم
يجيب اخره معايا و يحب يتهمني أصعب اتهام بقى ( بعد مايخلص الشتايم اللي بالأب و الأم
) , يقولي روح كده انت شكلك أصلا شغال مع المخابرات المصريه !! .
.
ممممممممممم لا
تعليق , و الله لا تعليق , و عزة جلال الله لا تعليق , و رحمة أبويا لا تعليق , و حق
كل نقطة دم شريفه سالت على تراب البلد دي عشان تحميها لا تعليق .
....................................................................................................................
Mohamed
Hussein
27
سبتمبر 2016·
أسوأ حاجه في تاريخ
مصر الحديث حصلت في الشهور اللي بعد يناير 2011 مباشرة , لما ظهرت شوية نماذج لهلافيت
و مهاطيل على الساحه و اتصدرو المشهد السياسي و الثقافي و الفكري في مصر , فبقو يصدرو
الهطل ( و الهلفطه بتاعتهم ) لجيل كامل من الشباب و كانت النتيجه الكارثيه هي التالي
:
.
إنك تلاقي ألاف
الشباب في مصر اترسخ في ذهنهم قناعه إن تأييد الرئيس و الحكومه أو حتى الدوله و مؤسساتها
ده مش خيار ديموقراطي ( و طبعا مش خيار ثوري ) , لو أعلنت تأييدك لرئيسك أو لدولتك
تبقى عر* , و إن الخيار الديموقراطي الوحيد اسمه المعارضه , و بعدين اتطورت الحدوته
و المعجنه دي في دماغ نفس الشاب فبقى بيخلط بين المعارضه و الخيانه و ياكلهم في ساندوتش
واحد ( ساندوتش كبده بالبصل ) , و بعدين اختفت المعارضه من الساندوتش و مفضلشي باقي
غير الخيانه ( يعني ساندوتش بصل ) , سواء كانت خيانه بعلم ( زي خيانة الخرفان ) او
خيانه بجهل ( زي خيانة شمامين الكوله ) و بقت المحصله اللي مكانشي يحلم بيها أوسخ واحد
في جهاز المخابرات الأمريكيه و البريطانيه هي إنك تلاقي شاب مصري قناعته و منهجه الفكري
بيقولو : الخيانه هي المعارضه و بالتالي فهي الخيار الديموقراطي و الثوري , أما تأييدك
لبلدك و جيشها و تاريخها و جيناتها ف ده اسمه تعر*ص .
.
و الأغرب و الأنكت
من إنك توصل للمرحله المزريه المترديه دي هو انك لما توصل لها تحلم و تتخيل إنك لازم
تحكم مصر بقى , مصر اللي اسمها ماسر و اللي اتهزمت في 73 و اللي احلى سنين حياتها كانت
أيام الإحتلال !! .
.
الكائن الكولجي
اتحول تدريجي كده من واحد بيحب البصبصه للبنات لواحد بيدخل شقق دعاره لواحد عنده شقة
دعاره بيديرها بنفسه و من أول مرحلة البصبصه لحد مرحلة امتلاك شقة الدعاره و هو مقتنع
تماما ان شيخ الجامع مابيفهمش أي حاجه في دين ربنا و إنه هو اللي المفروض يطلع المنبر
و يقول للناس قال الله و قال الرسول .
............................................................................................................................
Mohamed
Hussein
26
سبتمبر 2016·
انتصار مزدوج للسيسي
في معركته مع العشوائيات , أولاً اقتحم مشكله كبيره متراكمه و بدأ في حلها فورا , و
خلال سنتين مش هيبقى فيه عشوائيات في مصر , و ثانياً فضح شمامين الكوله اللي بيصدعو
دماغنا ليل و نهار بالكلام عن الغلابه و العشوائيات , و لما تتحل المشكله نلاقي مولانا
بتاع العشوائيات اتقلب بقدرة قادر و بقى بتاع الجبنه الرومي .
.
مصر فعلا فيها
رجاله بتعرف تبني و تزرع و تفكر و تتصرف و تتعامل حتى في أصعب الظروف ( يعني بتنحت
في الصخر بضوافرها ) , و فيها ناس تانيه لو الأرض اتشقّت هتقرف تبلعهم .
...........................................................................................................
Mohamed
Hussein
26
سبتمبر 2016·
أكتر حاجه بتستفزني
عالفيس بوك و في شريط الأخبار و بتخليني ممكن أفقد شعوري فعلا أو عالأقل أحس اني ماشي
فوق كرتونة بيض هي البوستات و الأخبار اللي بتتكلم عن المجرمين أو المتهمين اللي بيتحاكمو
, حاجات من نوعية , شاهد صورة فلانه ( المجرمه ) و هي في العمره , لأول مره صور فلان
( المجرم ) مع بنته الأموره الكيوت , شاهد رد فعل أسرة فلان ( المجرم ) عند سماع الحكم
عليه , صورة فلانه و هي واقفه عالسجاده بتصلي , طنط ساميه شنن دي كانت طيبه أوي .
.
يابني ثورة ايه
و هباب ايه بس اللي انت عملتها ؟ مفيش ثورات في الدنيا بتتخلى عن أبجديات العقل البشري
, الثوره مش تحرك عكس سير اتجاه العقل البشري , ماتبقاش ثوره أصلا لو وصلت حضرتك للدرجه
دي من البلاهه و الهطل , هطل لدرجة اننا بقينا محتاجين نشرح لك أبجديات الحياه من أول
ألف باء و عمو حسن يشد الكرنبه , بص يا حماده :
.
1- أي حد بيرتكب
جريمه بيرتكبها بفعل الشيطان ( شيطان عقله ) سواء كانت في لحظة غضب أو بسبق إصرار
, في النهايه لازم يتحاكم على جريمته .
.
2- اللي بيحاكم
المتهمين و المجرمين اسمهم القضاه مش الدكاتره ولا المهندسين ولا مبييضين المحاره
.
.
3- لو هتعيش بمبدأ
إنك تفتي و تصدر أحكام كده و انت قاعد مكانك و تقول فلان ده برئ و فلان ده اتظلم يبقى
مفيش فرق بينك و بين حلاليف حازم أبو اسماعيل اللي حاصرو المحكمه الدستوريه و محكمة
مدينة نصر في محاولة بديعه لفرض قانون الغابه ( و الدراع ) , يمكن الفرق الوحيد انهم
أجرأ منك .
.
4- أي متهم في
السجون , أي واحد , اي واحده , لو دورت في ألبوم صورهم و ذكرياتهم أو في صور موبايلاتهم
هتلاقي بالتأكيد صور كيوت أوي , صورته و هو بيصلي , صورتها و هي بتعمل عمره , صورتهم
في لمة العيله و هما بيفطرو في رمضان , كل ده فستك , يعني ملوش علاقه بانه مجرم ولازم
يتحاكم على جريمته .
.
5- القاتل و بتاع
الدعاره و تاجر الحشيش واللي بيحرق و يخرب و حرامي الغسيل و اللي بيحرّض عالقتل و الحرق
, كلهم بلا استثناء لحظة القبض عليهم هتلاقي أهاليهم و أصحابهم و جيرانهم زعلانين أوي
و بيقولو ده كان راجل طيب و بيقول سلامو عليكو و هو ماشي في الشارع .
.
6- جوه السجن هتلاقي
المجرم بيتصرف عادي جدا زينا , يعني يفطر معاك أو يقولك تعاشرب شاي او يعزم عليك بسيجاره
, و تصلو مع بعض جماعه و في رمضان يقولك رمضان كريم , مش معنى انه ارتكب جريمه يبقى
اتحول لكائن زومبي بياكل دراع زمايله في السجون .
.
7- شغل الكربلائيات
ده جزء من عقيدة الإخوان , و انت طبعا ماكدبتش خبر و اتركبت كالعاده .
8- اكتب الواجب
ده 35 مره بقى يا حماده و ذاكره كويس عشان مرارتي مش مستحمله , و لما تتشطر و تطلع
من اولى ابتدائي هجيب لك السكوتر اللي وعدتك بيه هديه , لا يابني مصر ايه بس اللي عايز
تحكمها ؟ هو سكوتر حلو أوي و كيس بلالين .
................................................................................................................................
Mohamed
Hussein
26
سبتمبر 2016·
على فكره بقى
, الكائن الكولجي ده حد مثقف جدا و عميق و عنده رؤيه و أيدولوجيا و منهج فكري و حلول
خارج الصندوق و عمق في الفكره , مش بس كده , ده كمان بيتطور أداؤه بمرور الوقت و بيكتسب
خبرات أكبر و عمق أكتر .
.
يعني مثلا من
3 سنين كان لما نقول مصر و المؤامره و احترام الجيش اللي هو عمود الخيمه كنت تلاقي
الكائن الكولجي عصر ذهنه كده و قدح زناد فكره و فكر بعمق و قام باعت لي رساله ( في
الأوزرس غالبا ) بيقولي فيها كلمة واحده بس في منتهى العبقريه ( يا عر* ) , أه هي الكلمه
دي بس .
.
و من سنتين اتطور
فكره كتير و بقينا لما نتكلم عن محاولة لوي دراع مصر اقتصاديا و تركيعها يعصر ذهنه
برضه و يقدح زناد فكره و يبعت رساله في الأوزرس بتقول كلمه واحده ( ك*مك ) , أه هي
كلمه واحده بتختصر المشهد السريالي و بتحط حلول و تفنيد مع أطروحات جديده لمستقبل مصر
, دي بقى بيسموها عبقرية الكلمه .
.
أما اليومين دول
فطبعا بقو في أعلى فورمه , و لما نقول لهم يابني روح اضرب البرادعي و خالد علي و باسم
يوسف بالجزمه و انزل الشارع و اعمل حزب و اتواصل مع الناس و العبو سياسه زي مخاليق
ربنا و بلاش تمشو ورا شوية هلافيت , تلاقي نفس الكائن تألق بقى في التفكير و فكّر كتير
اوي و استرجع ملايين الكتب اللي قراها الإسبوع اللي فات و قام باعت لي رساله فيها كل
العبقريه و كل الإبداع و فيها كمان مزج رائع بين ردودهم من 3 سنين و ردودهم من سنتين
, رساله تستحق انها تتحط في كتاب التربيه الوطنيه و في مقدمات كل الكتب السياسيه و
الاقتصاديه و الفكريه و الثوريه في العالم , رساله بتقول ( ك*مك يا عر* ) .
.
الكائن الكولجي
بثقافته دي و فكره ده يبقى طاقه مهدره , احنا بندفن الكوادر والكفاءات , الناس دي لازم
تمسك حكم مصر , أه طبعا لازم يمسكوه و يقعدو براحتهم كمان , عالأقل 20 سنه عشان يبقو
خدو حقهم .
......................................................................................................................
Mohamed
Hussein
25
سبتمبر 2016·
إنت يابني إزاي
كده ؟ مستحمل نفسك إزاي ؟ بتتكلم على جيش بلدك اللي حاميك بشكل حلو و محترم و لما لقيت
بلدك بتمر بظروف اقتصاديه صعبه عملت حمله لتشجيع الصناعه المصريه و قبل منها حمله لتشجيع
السياحه , طب هتقول لولادك إيه لما يكبرو ؟ هتقولهم أنا عملت كده عشان أنا لا خاين
ولا هلفوت ولا عيل برياله و لا حد كان بيركبني ؟ هيجيلك قلب تقول لهم كده ؟ مش هتتكسف
يعني ؟ طب مش خايف من زعل الأستاذ وائل عباس و الأستاذ رشا العزب ؟!
........................................................................................................................
. Mohamed Hussein
25
سبتمبر 2016·
إجمالا يعني لو
لقيتو واحد واقف في الشارع و ماسك حجر و عمّال يكسر في اللابتوب بتاعه و ماسك فلاشه
بيقرقض فيها بسنانه عشان يكسرها 500 حته فاعرفو انه انا .
.
خط التليفون رجع
بعد اسبوع الحمد لله , بس النت لسه مارجعش للراوتر , و لما سألت طب ليه النت مايرجعش
مع خط التليفون ؟ قالو عشان لسه النت بتاع تي اي داتا هيتعرف على التليفون , الحكايه
دي تاخد لها يومين كمان , يومين بين تي اي داتا و شركة الاتصالات عشان يتعرفو على بعض
؟ دي تبقى قصة حب يا جدعان مش مجرد تعارف , طب ما كان كفايه أوي ساعتين و نمشيها جواز
صالونات و نخلص ؟! .
.
أصلكو مش واخدين
بالكو , الفلاشه مع إن النت فيها هباب بس مش دي المشكله , المشكله انها بتسخن بسرعه
جدا فشر أيات عرابي و لما تسخن أوي و تخطرف بالكلام يقوم النت فاصل فبضطر إني أشيل
أيات عرابي قصدي الفلاشه و احطها على جنب شويه لحد ما تبرد بس بترجع تسخن بسرعه تاني
, شكلها غاويه , فلاشة سمعتها هباب و غلطتي إني مسألتش عليها قبل ماجيبها من المحل
,
............................................................................................................................
Mohamed
Hussein
25
سبتمبر 2016·
معاك حق يا حماده
, طبعا معاك حق , انت ازاي تروح تشتغل في مشروع من المشاريع اللي بيشرف عليها الجيش
و اللي محتاجين فيها عشرات الألاف من العمال و الموظفين ؟ ازاي تلاقي اللي بيشرف عليك
ظابط ( من ابو 50 % ) و انت بسم الله ما شاء الله من أبو 57 % ؟ لا ما يصحش طبعا ,
البلد دي مش عارفه امكانياتك و خبراتك و بتدفن كوادرها , انت اللي زيك يابني لو سافر
فرنسا بيخطفوه خطف و بيمسك منصب رئيس المجلس الأعلى للثقافه هناك , و يا سلام بقى لو
سافرت ألمانيا هيعملو لك تمثال قدام بيت المستشاره الألمانيه و احتمال يكتبو ولايتين
باسمك و يسجلوهم في الشهر العقاري .
.
ازاي صحيح يشرف
عليك ظابط من الجيش المصري لابس زي الجيش المصري أو حتى لابس قميص و بنطلون ؟ لا طبعا
لا يمكن أبدا , دانت أفضل لك لو تقعد عالقهوه تشرب معسل لحد ما يتقطع نفسك , او تبيّع
امك و ابوك اللي حيلتهم و تجمع 50 ألف تديهم لواحد نصاب و تتشحن في مركب بتغرق أكتر
ما بتعوم , و لو وصلت أوربا تشحت في اشارات المرور أو تغسل مواعين و تمسح عربيات ,
أو تسافر الخليج و تشتغل عند كفيل يقولك ماتتكلمش في الموبايل ولا تاكل في الشغل و
امك تموت يقولك هخليك تنزل عشان تحضر العزا بس بعد 7 شهور , إنما تشتغل في بلدك و بكرامتك
و تقبض مرتب معقول و يشرف عليك ظابط من الجيش المصري ؟ لا طبعا مستحيل , دانت حتى ماتبقاش
ثورجي ولا مؤمن بهدف ثورة يناير ولا بهدف مجدي عبد الغني في كاس العالم .
.
عارف يا حماده
المشكله ايه ؟ المشكله انهم بقالهم سنتين بيلعبو في دماغك , و يقولو لك عسكر عسكر عسكر
عسكر , الجيش كخه , عبد الناصر كان شرير , العسكر لأ , اوعى العسكر , فينها بس أيام
الملك فاروق , ياااه على شكله و هو راكب الكاريته , حاجه كده تفرح القلب , الله على
أيام الإحتلال , الإحتلال ده حد جميل , هما بصراحه يا حماده مكانوش بيلعبو في دماغك
, إنت طبعا عارف كانو بيلعبو فين , اكيد عارف و ( حاسس ) .
.................................................................................................................................
Mohamed
Hussein
24
سبتمبر 2016·
يا حبيبي
.
ماتركبش مركب هجره
غير شرعيه و تبيّع ابوك و امك اللي وراهم و اللي قدامهم , عمرك أمانه ربنا أودعها عندك
, لو عملت كده هتبقى ب ( تلقي بنفسك في التهلكه ) و بتخون الامانه , يعني ربنا هيحسابك
لو ماكنتش قاصر ( لو قاصر هيحاسب أبوك و امك ) , و لو ماغرقتش و اتقبض عليك المفروض
القانون يحاسبك زي مالقانون بيحاسب اللي بيشرب حشيش , هو اللي بيشرب حشيش ده بيضر حد
غير نفسه ؟ طيب ماهو القانون اتعمل برضه عشان يحميك من شر نفسك .
.
يا حبيبي
.
ماتسافرش ليبيا
, الخارجيه كل 3 ايام بتنزل تحذير من السفر لليبيا , عشان اغلب المناطق الليبيه خارج
السيطره الامنيه ( ربيع عربي بقى و كداهون ) , و لو سافرت ليبيا هيبقى مصيرك في الغالب
انك تتخطف و ينطلب فيك فديه او تتقتل على ايد الجماعات الارهابيه ( قصدي الفصيل الوطني
) و الاحتمال التاني انك تنضم للجماعات الارهابيه دي و تشيل سلاح و تاخد لك قرشين حلوين
و تقتل في مخاليق ربنا ( يعني تتحول لقاتل مجرم سفاح ) .
.
يا حبيبي
.
مصر صحيح بتمر
بظروف اقتصاديه صعبه , لكن محدش بيموت فيها من الجوع , لو اتعلمت كويس هتلاقي شغل يناسب
, و لو ماتعلمتش هتلاقي برضه شغل يناسب , المهم ماتتبتّرش على نعمة ربنا ولا تستعيب
شغلانه , يعني تشتغل في بلدك و بكرامتك ب 1500 جنيه ولا 2000 جنيه عامل مباني أو في
مزرعه أفضل من انك تاخد 20 ألف من الشحاته في اشارات المرور في أوروبا و يبقى عمرك
و كرامتك الاتنين دوست عليهم برجليك .
.
يا حبيبي
.
ماتسمعشي كلام
شمامين الكوله و تجار الشعارات و تجار الثورات و تجار الدم , انت بالنسبالهم حالة للتباكي
مش أكتر , أي بقف منهم هيقولك الدنيا سوده ( و ممكن يكون شغال في شركه مالتي ناشونال
) , ولبيك اللهم هجره ( و هو أخر واحد هيفكر يسافر حتى بعقد عمل لمدة سنتين ) , الناس
دي شغلانتها كده , دورهم في الحياه كده , أصول الدولارات أو حتى أصول اللايكات , يعني
باختصار أصول اللعبه , ماتخليش حد يلعب عليك .
...........................................................................................................................
Mohamed
Hussein
24
سبتمبر 2016·
بالكو انتو بقى
لو البرادعي سابه من تويتر و حكم مصر دلوأتي حالا ؟ بكره الصبح هتلاقو ظاهرة الهجره
غير الشرعيه دي انتهت للأبد , و الشباب و الاطفال كلهم شغالين في السلك الدبلوماسي
و بيقبضو بالدولار , لا بالجنيه , عشان أصلا الجنيه هيبقى ب 7 دولار , و السجون هتبقى
فاضيه تماما مفهاش غير أبو دهشوم و الدفاس , و هما في السجن عايشين في خدمه 5 نجوم
لدرجة انهم و الختمه الشريفه رافضين يخرجو , و الإخوان هيبقو طيبين و كيوت مش ارهابيين
ولا حاجه , و هيبطلو يركبو الكولجيه , و كل مواطن هيبقى عنده فيلا ب 3 جناين خلال اسبوعين
بالكتير , والدين الخارجي هيختفي تماما كأنه اتمسح بأستيكه , و هنصحى من النوم نلاقي
محدش بيرمي زباله في الشارع ولا حد بيمشي عكس السير و كل الناس حتى عطوه الميكانيكي
قاعد بيقرا ل ديستوفسكي , و أي مواطن عاطل عن العمل هنصرف له دشليون جنيه راتب شهري
عشان يهيص و ينبسط ( ينبَصَط ) , و انا أجي افتح الصيدليه كده ألاقي عربيه BMW واقفه و فجأه ازاز يتفتح منها , ابص بطرف عيني ألاقي
الأخت الفاضله صافيناز بتنادي عليا و بتقولي : يا محمد انت اشتغلت كتير اوي و تعبت
كتير , حقك تستريح شويه , تعالى اركب معايا , و انا أقول لها : لا لأ لأ لأأأأأأأأأأه
( و اعمل بإيدي لفوق كداهو و انا برفض و أصرخ ) , أومال لأ ؟ أومال أه .
....................................................................................................................................
Mohamed
Hussein
23
سبتمبر 2016·
ماكنتش حابب اتكلم
في الموضوع ده , عشان النحانيح و اللي قلبهم قلب خسايه , و البيض الفسدان اللي بشوفه
في المواقف دي , انما الحكايه أفورت كالعاده و بهوأت أوي , و قالك إن أهالي الشباب
( و الأطفال ) اللي ماتو غرقانين في حادث الهجره غير الشرعيه قاطعين الطريق , بجد و
النبي ؟!! .
.
طب بص يا مولانا
:
.
1- لما كنت في
اعدادي كنا بنمر بظروف هباب , بيت فيه أب و ام و 6 عيال و دخل أد كداهو , بيت مفهوش
تلاجه ولا حتى غساله و لا تلفزيون و بنذاكر على لمبة جاز , نقوم نعمل ايه بقى ؟! .
.
أطلع من المدرسه
و امي تبيع دهبها مثلا ( مكانشي عندها دهب ) و نستلف من طوب الأرض و اروح اركب مركب
في هجره غير شرعيه لأوروبا و لو المركب ماغرقتش على سواحل مصر ولا على سواحل أوروبا
ولو السطات المصريه ماقبضتش عليا ولا السلطات في الدوله الأوروبيه و اترحلت و اتعاملت
معاملة الكلاب يبقى هرجع بعد سنه معايا مليون جنيه من شغلي في الخمارات و بيوت الدعاره
, و ارجع ابني بيت كبير و اركب عربيه و انا عمري 15 سنه و اخطب بقى و اتجوز و اشتري
أرض و ابقى من الأعيان ؟!! و لّا اتعلم و اتكفي عالكتاب ليل و نهار و ادخل الجامعه
و اتخرج و اسافر بشكل أدمي محترم و حتى لو كان اللي هوفره في 10 سنين ك صيدلي او طبيب
هو بالظبط اللي هيوفره صاحبنا اياه في سنه ؟!! .
.
2- الحدوته و ما
فيها ان أبويا و أمي ناس غلابه بس ماكانوش بيرمو عيالهم في التهلكه , صح تعبنا , تعبنا
اوي , و صبرنا لحد ما خرجنا من تحت خط الفقر , وحشين أبويا و أمي كده ؟!! .
.
3- عايز ايه يا
جحش ؟ عايز تحاسب الحكومه على ناس بتعمل حاجه غير شرعيه ( يعني جريمه ) و بترمي عيالها
في التهلكه , و ييجو في الأخر يقولو انتي فين يا حكومه بنت تيت ؟ الحاجه الوحيده اللي
تتحاسب عليها الحكومه هي لو كان فيه تأخير في الاستجابه للإغاثه , و ده أمر مستبعد
, عشان باختصار المراكب الإجراميه مابتكنشي عامله حساباتها على نداء استغاثه ولا نيله
, واحد عارف انه بيعمل جريمه هيبقى مجهز معاه أرقام الدفاع المدني و القوات البحريه
؟ ولا وقت الجد هينط من المركب و يحاول يهرب و يسيب العيال اللي معاه يغرقو ؟ .
.
4- عايز تحاسب
الحكومه على أهالي بيرمو عيالهم في النار ؟ طب حاضر , و لما واحد منهم يتحايل بكل الطرق
على القانون و يجوّز بنته اللي عمرها 14 سنه لثري عربي ب 50 ألف ولا 100 ألف ( يعني
يبيعها رسمي ) و ترجع له البت ( قصدي الست ) بعد سنتين و على كتفها عيلين بعد ماشتغلت
عند ( طويل العمر ) خدامه يبقى نحاسب الحكومه ؟! , و لما أب يطلع ابنه من المدرسه و
يشغّله ديلر للمخدرات و هو عمره 14 سنه و الواد ده تخبطه عربيه في الشارع و هو بيتنطط
بين العربيات يبقى نبعت لأبوه جواب اعتذار من الحكومه و يتعالج على نفقة الدوله , الدوله
بنت التيت اللي ماعرفتش امكانيات الواد ابو 14 سنه اللي مش عارف يفك الخط ولا شغّلته
نائب رئيس مجلس إدارة مدينة زويل , حاضر حاضر .
.
5- حكاية الظروف
الإقتصاديه الصعبه و الناس اللي مش لاقيه شغل ولا لاقيه تاكل دي أول و أكبر كدبه بيتم
الترويج لها في مصر , و تحت الكدبه دي بقى نرتكب كل أنواع الموبقات ( و طبعا نلعن البلد
و الحكومه ) .
.
6- لو كنت رئيس
مصر كنت قبضت على أهالي العيال اللي ماتو ( ربنا يرحمهم ) و اللي قاطعين الطريق حاليا
و حاكمتهم بتهمة القتل العمد .
.....................................................................................................................
Mohamed
Hussein
23
سبتمبر 2016·
الزبون
............... يعني برميل الجاز
.
لو حضرتك خدت جوله
كده عالمواقع الالكترونيه و القنوات اللي ظهرت أخر 5 سنين و شوفت بيتكلمو في ايه و
بيقولو ايه في السنتين اللي فاتو , و حاولت تركز شويه , هتلاقي حملة تشويه ممنهجه لكل
حاجه في مصر , التاريخ و الجغرافيا و الهويه و عمدان الخيمه , الحمله دي بترمي الطعم
للصفحات , مجرد طعم , و تسيب الصفحات نفسها تجتهد في الوساخه على اد ما تقدر , عشان
كده هتلاقي مواقع محترفه في الوساخه و مواقع غير محترفه , يعني بتمارس الوساخه بطريقه
الهواه .
.
موقع عشان يشوه
عبد الناصر و السادات يلعنهم بطريقه مباشره و موقع عشان يشوههم يعمل focus على مذكرات محمد نجيب و سعد الشاذلي , الأولاني هاوي
و عبيط و التاني محترف شويه , موقع عشان يشوه نصر اكتوبر يقول احنا اتهزمنا و كان تاريخ
كارثي و موقع يقول احنا مانهزمناش بس برضه مانتصرناش !! , الاول هاوي و التاني محترف
.
.
موقع عشان يشوه
جيش مصر يستخدم مصطلحات عبيطه مباشره زي عسكر و معر*** و موقع يحشر التشويه في وسط
كلمتين حلوين عن قدرات و امكانيات الجيش المصري .
.
موقع يقولك ان
ام كلثوم كانت شاذه جنسيا و كليوباترا ملكة السكس , و موقع يشير كام اغنيه لأم كلثوم
و بعدين يتسأل ( حلوه يتسأل دي يا حاج محمد ؟ ) , يتسأل عن علاقة ام كلثوم باحمد رامي
و السنباطي و و بيرم و عم عثمان بتاع الدره المشوي ؟! .
.
موقع يستخدم طريقه
فجه مباشره للتشويه , و موقع يحشر في التشويه بتاعه مصطلحات كبيره زي أيدولوجيات و
العمق الفكري و الإختلاف الحضاري و الإنقسام الميتوزي .
.
عزيزي الكولجي
, بهدوء شديد , سيبك من السيسي و البرادعي و يسري فوده و باسم يوسف و سيبك مني أنا
كمان , هو مش ربنا خلق لك عقل زي بقية الخلق ولا هي فرده صندل في دماغك ؟ طيب طالما
ربنا خلق لك عقل يبقى فكر بعقلك في الكلمتين الجايين .
.
بقى حملة التشويه
دي ماكنتش هتبدأ ولا هتستمر إلا بوجود الزبون يعني المتلقي , الزبون اللي ممكن يقبل
التشويه و يشيره و يعمل عليه لايك , اللي هو حضرتك .
.
هبسطهالك , هنفترض
إن أمريكا و محور الشر فكرو انهم يحرقو مصر بطريقه مختلفه جدا , بعد ما فشلو معاها
عسكريا ( بالإرهاب الأمريكاني ) و اقتصاديا ( بلوي الدراع ) , و الطريقه هي عباره عن
فكره إننا نشوف في مصر مليون زبون يكونو بيحبو يشربو جاز ( يعني بيقبلو تشويه بلدهم
بحاضرها و ماضيها و هويتها ) , احنا بقى نبعت لهم الجاز اللي بيشربوه ( المقالات المشبوهه
و المواقع ) و كل شويه نشرّبهم جاز لحد ما يتعبّو عالاخر و يتحولو لبراميل جاز ماشيه
في الشارع , بعدها تبقى الحكايه سهله , عود كبريت و ينفجر مليون برميل جاز في مصر
.
.
حضرتك يعني معاليك
بقيت عباره عن برميل جاز بيتم تعبيته من أمريكا و صبيانها , و هتوصل لمرحلة انك كاره
كل حاجه في بلدك و شايف كل حاجه سوده حواليك عشان في لحظه معينه تنفجر , و لما تنفجر
انت و الخروف اللي راكبك بقاله 5 سنين هيحصل ايه بقى ؟ هيحصل حاجتين اتنين :
.
أولا : هتتحرقو
بجاز , و اللي هيعيش منكو هيبقى كائن مشوه .
.
ثانيا : مصر مش
هتتحرق , حتى الأمريكان عارفين كده , إن مليون برميل جاز مايحرقوش مصر و لا حتى يلسعو
إيديها و يعملو لها واوا !! .
.
أومال ليه الحدوته
دي كلها ؟ عشان تبقى عيار بيدوش مش اكتر , امريكا عارفه ان أخركو و حتى يوم ما تنفجرو
هتبقى عيار بيدوش أو ورقة ضغط , حتة حديده تترمي في التروس , عشان كل ما نمشي خطوتين
نضطر نركن العربيه على جنب و نشوف حماده اللي بيعيط و حماده اللي بيطلع دخانه من ودانه
و حماده المحروق !! .
........................................................................................................................
