الناس
اللي خايفه من فصل النت وقفل الفيس بوك في مصر ميعرفوش يعني إيه شعب مصر ,
سيبك إنت من حكاية التظاهر من 7 ل7 دي , سبعه سبعه ونص يعني , ولو بقت ل
12 إيه اللي هيحصل ؟ ولا حاجه , إحنا الشعوب الوحيده اللي لما حد بيبقى
عايز يقابل حد فيها بيقول له نتقابل بعد العِشا , وبعد العشا دي بتعني
الساعه 8 أو 10 أو 12 أو حتى الساعه 14 ! , ولا يهمك من عقارب الثواني
والدقايق وحتى الساعات , مالهمش لزمه عندنا ذي ما
قال أنيس منصور , أما المتظاهر والثائر فهو لا يعترف بالقانون ولا الوقت
ولا الأوراق والأختام ولا التصريحات والموافقات , واللي بيعترف بالحاجات دي
مبيثورشي أساسا. .
و موضوع فصل النت والفيس بوك ,فمش مهم , عندنا مصادر تواصل إجتماعي مش موجوده في أي دوله , البلكونات هي مصدر للتواصل الإجتماعي لدرجة إنك ممكن تسلف جارك علبة الكبريت من البلكونه وجارك يسلفها لجاره وهكذا ولما تسأل عليها بعد ساعتين يقولو لك أخر واحد شفناه بيولع بيها كان في البدرشين !,مش هيقدرو يلغو البلكونات ولا القهاوي , ولا لمّة الناس وحكاويهم في الأتوبيس والقطر والمترو , دي ثقافة شعب وجيناته , والشعب لما بيحب يثور بيثورمش بيستنى الدور !!.
و موضوع فصل النت والفيس بوك ,فمش مهم , عندنا مصادر تواصل إجتماعي مش موجوده في أي دوله , البلكونات هي مصدر للتواصل الإجتماعي لدرجة إنك ممكن تسلف جارك علبة الكبريت من البلكونه وجارك يسلفها لجاره وهكذا ولما تسأل عليها بعد ساعتين يقولو لك أخر واحد شفناه بيولع بيها كان في البدرشين !,مش هيقدرو يلغو البلكونات ولا القهاوي , ولا لمّة الناس وحكاويهم في الأتوبيس والقطر والمترو , دي ثقافة شعب وجيناته , والشعب لما بيحب يثور بيثورمش بيستنى الدور !!.
.
محمد حسين
ليست هناك تعليقات:
إرسال تعليق