وانت
قاعد بتتفرج على برامج التوك شو المصريه , هتقابلك النوعيه دي من المثقفين
والنخبه , اللي بيدلل على كلامه ورأيه بطريقه ( والله يا أستاذ يسري وانا
جايلك قبل التصوير , فضل سواق التاكسي يناقشني في مواد الدستور ماده ماده !
) أو يقولك (وانا نازل من العماره لقيت البواب ماسك في إيده الدستور
وبيقراه بتمعن لدرجة إنه مسمعنيش وانا بقوله :سلامو عليكو يا عم عثمان ! )
ويحسسك إن البواب بتاعهم كان فقيه دستوري ولما
طلع معاش قرر إنه يحقق حلم حياته ويشتغل بواب ! , في الحقيقه هذا المثقف
النخبوي كداب ليس إلا , ومصر محتاجه جدا لإعادة تثقيف المثقفين ونخبنة
النخبه ( على وزن غربلة ) ! .
أما البواب المصري فهو مبيقراش الدستور سيادتك ولا بيحرس العماره حتى لأنه مش فاضي , وراه كوم لحم , ومشغول في الصيف بفرشة التين الشوكي والدره المشوي وفي الشتا بيبيع فول حريتي ,والبطون الخاويه لا تفكر , إنما تقولي بواب مثقف عليم ببواطن الأمور في دوله رئيسها بيقول بنزيم واستزراع زراعي !!.
أما البواب المصري فهو مبيقراش الدستور سيادتك ولا بيحرس العماره حتى لأنه مش فاضي , وراه كوم لحم , ومشغول في الصيف بفرشة التين الشوكي والدره المشوي وفي الشتا بيبيع فول حريتي ,والبطون الخاويه لا تفكر , إنما تقولي بواب مثقف عليم ببواطن الأمور في دوله رئيسها بيقول بنزيم واستزراع زراعي !!.
.
محمد حسين
ليست هناك تعليقات:
إرسال تعليق