حكاية عم سعيد
.
وانا في الكليه , دفعتني الظروف إني أشتغل في قريه جنب قريتنا , هناك عرفت حكاية عم سعيد , راجل تمرجي (أد الدنيا ) , اشتغل مع دكتور 10 سنين , بعدها قرر عم سعيد إنه يشتغل لحسابه الخاص ( برايفت يعني ) , تجيلي في الصيدليه ورقه صغيره مكتوبه بخط زباله بطريقه غلط وتركيزات غلط وأدويه متنفعش مع بعض ( وهي دي بقى روشتة عم سعيد ) , الراجل كان عنده حمار أبيض وبردعه بيضه عليها خطوط سوده , وبيلف عم سعيد بحماره في شوارع البلد , يوقفه راجل ويقول له ( والنبي ياعم سعيد الواد ابني سخن بقاله أسبوع ) , عم سعيد يطلع دفتر صغير من جيبه وقلم ويكتب الروشته للواد , واحده ست توقفه وتقول له ( البت بنتي متجوزه بقاله سنه ومش بتحبل ) وعم سعيد يطلع ويكتب , في البدايه خادتني الجلاله وحاولت أفهم الناس إن عم سعيد ده راجل ( طرشجي ) , ولا حياة لمن تنادي , المهم إنه حاليا بيمتلك عماره 4 أدوار , وعشان هو راجل أصيل رفض رفضا باتا إنه يبيع الحمار ! , لأن الحمار هو اللي وصله للمجد والنجوميه.
تيجي حضرتك تقولي البرادعي ؟ هع هع هع , لأ معرفوش الصنف ده , الشعب اللي لسه فيه ناس كتير بتتعالج عند عم سعيد الطرشجي لازم ينتخب الإخوان , وعشان مرسي راجل أصيل عمره ما هيبيع الجماعه !!.
.
محمد حسين
.
وانا في الكليه , دفعتني الظروف إني أشتغل في قريه جنب قريتنا , هناك عرفت حكاية عم سعيد , راجل تمرجي (أد الدنيا ) , اشتغل مع دكتور 10 سنين , بعدها قرر عم سعيد إنه يشتغل لحسابه الخاص ( برايفت يعني ) , تجيلي في الصيدليه ورقه صغيره مكتوبه بخط زباله بطريقه غلط وتركيزات غلط وأدويه متنفعش مع بعض ( وهي دي بقى روشتة عم سعيد ) , الراجل كان عنده حمار أبيض وبردعه بيضه عليها خطوط سوده , وبيلف عم سعيد بحماره في شوارع البلد , يوقفه راجل ويقول له ( والنبي ياعم سعيد الواد ابني سخن بقاله أسبوع ) , عم سعيد يطلع دفتر صغير من جيبه وقلم ويكتب الروشته للواد , واحده ست توقفه وتقول له ( البت بنتي متجوزه بقاله سنه ومش بتحبل ) وعم سعيد يطلع ويكتب , في البدايه خادتني الجلاله وحاولت أفهم الناس إن عم سعيد ده راجل ( طرشجي ) , ولا حياة لمن تنادي , المهم إنه حاليا بيمتلك عماره 4 أدوار , وعشان هو راجل أصيل رفض رفضا باتا إنه يبيع الحمار ! , لأن الحمار هو اللي وصله للمجد والنجوميه.
تيجي حضرتك تقولي البرادعي ؟ هع هع هع , لأ معرفوش الصنف ده , الشعب اللي لسه فيه ناس كتير بتتعالج عند عم سعيد الطرشجي لازم ينتخب الإخوان , وعشان مرسي راجل أصيل عمره ما هيبيع الجماعه !!.
.
محمد حسين
ليست هناك تعليقات:
إرسال تعليق