هي كبرت في دماغي بقى , وديني مانا عاتقك , يعني ايه ( القبض على عناصر بلاك بلوك وبحوزتهم خرائط لمناطق حيويه !! ) , يعني ايه مناطق حيويه يا سعادة البيه ؟ , متأخذنيش , أصل أنا عايش بره , وعندنا هنا جمله مشهوره بتقولها الستات ( المناطق الحساسه ) , عايزه كريم لتفتيح المناطق الحساسه أو تكبير المناطق الحساسه أو تصغير المناطق الحساسه , تكونش هي دي اللي تقصدوها ؟! , على كده الواد كان معاه صور سيكس وانتو مش عايزين تقولو عشان اللفظ أبيح , طيب هو انتو بتقبضو على اللي معاه صور سيكس ؟ ماعبد الله بدر كان بيوزعها قدام المحكمه وانا خدت نسخه وكل واحد خاد نسخه مقبضتوش عليه ليه ؟ ولا تكونو بتقصدو بالمناطق الحيويه دي المناطق المهمه ؟ طيب هي مصر فيها مناطق مهمه يا باشا؟ أنا معرفش في مصر مناطق مهمه غير وزارة الدفاع ومجمع التحرير والجراش بتاع عم مصطفى , ودول يعني بوصل لهم عادي من غير خريطه مع إني مش من القاهره , أقول لك على حاجه..........أنا مش هدعي عليك بالشلل ولا السرطان ولا الزهايمر ...روح يا شيخ إلهي تفضل إخوانجي كده على طول !!.
.
محمد حسين
ليست هناك تعليقات:
إرسال تعليق