قمة
القرف والغثيان لما تلاقي واحد مصري متعلم وكان كل يوم يروح المدرسه ويجي
من المدرسه , وتلاقيه متخيل إن اليهود اللي هيرجعو هما يهود إسرائيل عشان
بقى نفتت المجتمع الإسرائيلي من الداخل!! الله عليك ياحبيب والديك , يعني
الحكومه الإسرائيليه دي بتلعب في البيبي بتاعها وبعد ما عملت مغريات الدنيا
والأخره عشان تجمع اليهود من كل دول العالم بالملقاط هتقول لهم يالله
ياخوانا , ال 10 ألاف يهودي مصري يرجعو مصر وال
100 يهودي أثيوبي يرجعو بلدهم ! , يا خسارة القميص والبنطلون اللي كنت
بتلبسهم , يا خسارة الطباشير والسبوره ونبح المدرسين عشان البعيد يفهم , لأ
يا كتكوت , اللي هيجيلك هما يهود مصر اللي عايشين في فرنسا وأمريكا وأي
دوله إلا إسرائيل , وعلى بال ما حضرتك تكون شربت كوباية شاي وسجاره في
البلكونه هيكونو كونو دوله يهوديه صغيره محندقه داخل مصر , ونبقى بكده
وفرنا على الصهاينه الأوائل 1000 ميل في تحقيق حلمهم ( من النيل للفرات ) ,
ومش باقي بس غير إن الحكومه العراقيه يظهر فيها هي كمان قيادي عريان
ومواطن أهبل !!.
.
محمد حسين
ليست هناك تعليقات:
إرسال تعليق