في
صوره وخبر متداول لاجتماع هيئة كبار العلماء السلفيين يطالبون بأن تصبح
الشريعه ماده فوق دستوريه! , الصوره ناصعة البياض , مشايخ السلفيه الكبار
بالدقن البيضا الجميله , لابسين التوب الأبيض الجميل والشماغ الأبيض الجميل
( بس مفيش غتره ) , الصورة كلها أبيض فابيض كأنها شوب حليب ونزلنا من
السما ( مش سخريه والله بس القافيه حكمت ) , معرفش كبار المشايخ وهما حفظة
كتاب الله وبيعرفو كويس إن أفضل الجهاد كلمة حق
في وجه سلطان جائر , معرفش كانو فين لما غرقت العباره ومات 1200 شاب
بالإهمال ؟ كانو فين لما الأطفال اتسرطنو بمبيدات يوسف والي ؟ ليه مطالبوش
بالقصاص العادل وتطبيق الشريعه أيام مبارك ؟!.
ما علينا , هو انا لساني طويل كده ليه ؟ أنا موافق يا مشايخ , موافق إن الشريعه الإسلاميه بمفهومكو ومبادئكو وأحكامكو وسلطاتكو بابا غنوجكو تكون ماده دستوريه وفوق دستوريه وفوق بنفسجيه كمان ! السؤال بقى : وبعدي ؟ يعني بالإنجليزي and so? يعني هتعملو إيه بعد كده ؟ قصاص عادل للوزير قبل الفقير .؟ هتنزلو في مليونيه للمطالبه بحق الشهدا ؟ ماحنا طبقنا الشريعه أهو , ناقصنا إيه ؟ وعلى سيرة المليونيات ,الإسلاميين من يوم الثوره للنهارده وكل مليونياتهم لتطبيق الشريعه ( اللي هي متطبقه أساسا ) , طيب بعد ما نطبق المتطبق هيعملو إيه ؟ ينزلو في مليونيات يسموها إيه ؟! نفس اللي قاله أنيس منصور ( ماذا سيفعل الشعب الليبي وعن أي شيئ سيتحدثون على المصاطب عندما تنتهي قضية لوكيربي ؟ !! )
ما علينا , هو انا لساني طويل كده ليه ؟ أنا موافق يا مشايخ , موافق إن الشريعه الإسلاميه بمفهومكو ومبادئكو وأحكامكو وسلطاتكو بابا غنوجكو تكون ماده دستوريه وفوق دستوريه وفوق بنفسجيه كمان ! السؤال بقى : وبعدي ؟ يعني بالإنجليزي and so? يعني هتعملو إيه بعد كده ؟ قصاص عادل للوزير قبل الفقير .؟ هتنزلو في مليونيه للمطالبه بحق الشهدا ؟ ماحنا طبقنا الشريعه أهو , ناقصنا إيه ؟ وعلى سيرة المليونيات ,الإسلاميين من يوم الثوره للنهارده وكل مليونياتهم لتطبيق الشريعه ( اللي هي متطبقه أساسا ) , طيب بعد ما نطبق المتطبق هيعملو إيه ؟ ينزلو في مليونيات يسموها إيه ؟! نفس اللي قاله أنيس منصور ( ماذا سيفعل الشعب الليبي وعن أي شيئ سيتحدثون على المصاطب عندما تنتهي قضية لوكيربي ؟ !! )
.
محمد حسين
ليست هناك تعليقات:
إرسال تعليق