هو
حضرتك رايحه فين يا مدام ؟ باين عليكي مش من هنا وشكلك بنت ناس , تعالي
هوصفلك الطريق , إنما غريبه أوي العربيه اللي انتي سايقاها دي , أول مره
أشوف عربيه ب7 عجلات ودركسيون لقدام واتنين لورا , والماكنه في شنطة
العربيه , إنما طالما حضرتك مبسوطه بيها انتي حره , بصي يا ستي ...انتي
هتمشي من وسط البنزينه اللي قدامك دي والحمد لله هي فاضيه مفهاش بنزين ,
بعد كده هيجيلك تقاطع طريق على ناصيته كشك اسمه (كشك حج
ازي
), وده راجل تاجر دين أد الدنيا , هتلاقي عنده شريعه اسلاميه ومايه معدنيه
وأيات قرائنيه وجبنه رومي وأحاديث ولانشون , وبيقبل كل العملات , جنيه
ماشي ريال ماشي دولار ماشي , المهم إوعي تقول له إنك مالعجوزه , هيسألك عن
كلمة السر عشان تعدي , لو كنتي قبل المغرب قولي له كلمة السر ( حمدين واحد
خمنا ) ولو كنتي بالليل قولي له ( البرادعي عميل ) , بعد كده هتدخلي يمين
هيقابلك 9 مطبات حديد وأسمن و7 حفر بأشكال هندسيه مختلفه وبلاعتين وطابع
شرطه بجنيه , بعدها الطريق هيتفرع معاكي لفرعين , فرع دمياط وفرع رشيد محمد
رشيد , سيبك من فرع رشيد لأنه بيوصل على دبي ولندن , خليكي في فرع دمياط ,
هتجيلك أول فيلا عاليمين بتاعة عصام سلطان , إديله الورقه دي , ده تقرير
من الطب الشرعي بيقول إن شفيق هو اللي خرم الأوزون عشان ملاقاش له خلفيه
عسكريه , وبعدها فيلا الدكتور أبو الفتوح , لما تقابليه قولي له إنك
أخوانجيه علمانيه مشتركه وإنك بتؤمني بالدوله الدينيه المدنيه العسكريه
,وبتؤمني بإن اختلاط البحر الأحمر بالبحر المتوسط بيصب في مصلحة نهر النيل
ومصلحة الشهر العقاري , بعدفيلا أبو الفتوح هيجيلك الشيخ أبو نخله عالشمال ,
وده الستات بتروح عنده وتدعي عشان اللي مبتحملش تحمل...لو عايزه حضرتك
تخلفي تاني وتزودي المشرحه قتله اركني على جنب وادعي , بس يا ستي كده مفيش
قدامك غير مشروع النهضه اللي هتلاقيه في أخر الطريق...لو أي حد أفشك قولي
له إنك من الضفادع البشريه المصريه وكنتي جايه تعملي ثورة بس الهوا رماكي
هنا وقالولك تسلمي نفسك للصديق الوفي....في حفظ الله يا مدام !!
.
محمد حسين
ليست هناك تعليقات:
إرسال تعليق