ياواش ياواش

بيقولو إنتقدهم يا أخي ...بس بشويش , وبشويش يعني بحنّيه , ياواش يا واش , إنتقدهم بطريقة حزب مصر الطريه , نحن نؤيد ونعارض وبناكل بس مكالناش , وتعامل معاهم ذي ما بتتعامل مع كاس الجيلي بالظبط , عشان الجيلي بيحتاج معامله خاصه !.......
.
طب جرب إنت كده تدخل صفحه إخوانجيه كبيره وتقول فيها أنا أعترض على تسريحة شعر الرئيس مرسي ودقنه مكانتش متظبطه ...وشوف هيعملو فيك إيه ؟ متنساش تاخد معاك شكاره بلاستيك تعبي

فيها تعليقات الإسلاميين.....
.
باختصار , أنا؟...بشويش؟...لأ..........أصلي لسه بصحتي وعقلي وسناني سليمه وبتعض , مش بتفرّق في الأكل أحيانا بين ثمرة الدوم وعلبة الزبادي , إنما لو حضرتك كبرت وعجزت وسنانك وقعت , أصبح واجب عليك تعاملهم بطريقة ( الجيلي ) , وابقى قابلني لو رحمو سنك وشيبتك ,ربنا يديك الصحه يا جدو , يا ميت ندامه عالرجاله اللي ماتو في الحرب والثوره وسابولنا الكتاكيت الفيومي !!.......ياواش ياواش يا أخ علي.
.
محمد حسين