Mohamed
Hussein
31
يناير 2019·
مضحكات الفيس بوك
.
- واحد بيشتغل
مدرس و عشان مستعيب انه يكتب اسمه حاف كده زي مخاليق ربنا , قام كتب الأستاز فلان الفلاني
, أه و عهد الله , حدث بالفعل , حتى اسألو الأستاز
.
- واحد ثورجي جامد
أخر فيصل يدخل يعمل اكاونت حريمي و يسمي نفسه الورده القرمزيه و يحط صورة بنت عريانه
من على جوجل , و كل بوستاته من نوعية , هنزنزن الزنازين , النظام ركبه بتخبط في بعضها
بسببنا , احنا الصوت لما تلاقو الدنيا سكوت ( خاف ياد يا عيد من الورده القرمزيه )
.
.
- واحده شبهي كده
و كل 3 دقايق تنزل بوست , اوووف يا جماعه ماينفعش كده , مش كل شوية رسايل عالماسينجر
, و كمان بيتصلو , مفيش ذوق خالص , مش معقول والله ( و هي لو صرصار دكر عمل لها لايك
بالغلط هتعتبره خطبها و لبسها الشبكه وتعمل فرح 3 أيام بلياليهم ) .
.
- واحد شمام كوله
ينزل هبده ماتدخلش دماغ عيل عمره يومين , مثلا يقولك السيسي باع شارع مصطفى النحاس
اللي في مدينة نصر لمستثمر موزمبيقي و باع ميدان الساعه للهكسوس , يقوم شمام كوله صاحبه
يكتب تعليق ( مش قلت لك ؟ جالك كلامي ؟ ) , يقوم شمام الكوله الأولاني عامل ريبلاي
( صح معاك حق , انت طلعت صح وانا ظلمتك ) .
.
- بنت مزه من بتوع
المحن الإسلامجي تنزل صورتها و تقول عندي دور برد و تكتب هاتسي , يقومو شباب العالم
الإسلامي يهبو عن بكرة أبيهم , يقولو لها يرحمكم الله , ألف سلامه عليكي يا اختاه
, شده و تزول , فاصبر لحكم ربك , المؤمن مبتلى , ربي إني مسني الضر و أنت أرحم الراحمين
, سلامة حضرتك من الهاتسي , إنشالله أعداء الإسلام وانتي لأ , انا ممكن اتبرع لك بكليتي
على فكره .
.......................................................................................................................
Mohamed
Hussein
30
يناير 2019·
كشف حساب
....... 2011-2019
.
- يناير 2011 كان
لها ميزتين مهمين أوي , الأولى اننا خلصنا من مبارك و شلته بتاعة زكريا عزمي و صفوت
الشريف , و التانيه اننا بدأنا نشوف وشوش على حقيقتها لكن مش بصوره كامله .
.
- اللي شاركو في
2011 ( وانا منهم ) كان اغلبهم ناس طيبين عندهم هدف نبيل و غايه أنبل , ليه تراجعو
في وقت من الأوقات ؟ عشان لقو إنه فيه حد بيزقهم من ورا في اتجاه معين , اتجاه مش بيقول
اسقاط نظام حكم إنما اسقاط دوله , اتجاه مش بيقول ثوره و ديموقراطيه انما بيقول تسليم
البلد تسليم أهالي لجماعه إرهابيه ( كالمستجير من الرمضاء بالنار ) , كنا حمير طيبين
, ده أفضل وصف .
.
- يناير 2011 لمّعت
شوية وشوش مايسوش في سوق البني أدمين تلاته تعريفه , و ناس قلبت عيشها و ركبو فيراري
بعد الشبشب و القبقاب , كانت سبوبه حلوه أوي يا حسن .
.
- جت يونيو
2013 أعظم ثوره في التاريخ الحديث , ليه بقى ؟عشان عملها شعب و جيش و دوله عميقه ضد
تنظيم إرهابي دولي عمره 90 سنه متوغل في كل مفاصل الدوله و له نفوذ بره و جوه , وضد
القوى العظمى اللي زقتنا و سرحت بينا في 2011 ( و سوف ندرس ثورة يناير لتلاميذنا في
المدارس ...هو يقول و انا اتشحتف , اه و عهد الله ) .
.
- يونيو 2013 مش
بس كشفت القناع المزيف بتاع الغرب و صبيانه و ألاضيشه , إنما ممكن نقول بكل ثقة إنها
قلّعتهم حتى البوكسر اللي كانو لابسينه , و بقو قدام العالم عرايا و مفضوحين .
.
- مشكلة أمريكا
انها عاشت عشرات السنين تلعب و تسترزق بالبؤ بتاع حقوق الإنسان و الديموقراطيه و الحريات
, البؤ اللي صدروه لدول العالم التالت بكرتونته و استخدموه كسلاح في ايديهم , يعملو
ايه بقى بعد مالصندوق اتفتح و القناع سقط و البوكسر طار في الهوا ؟! .
.
- الوشوش اللي
اتلمعت بعد يناير أتخن واحد فيهم حاليا مبقاش له أنصار اكتر من 10 ألاف , تقريبا ده
عدد أحفاد جدي عبد الرحيم الكبير الله يرحمه , و لو جبت أكتر واحد متشدد من أنصارهم
و سألته , أيقونتك دي تقدر تحكم دوله اسمها مصر , عمرها 10 الاف سنه , عدد سكانها
100 مليون , مساحتها مليون كيلو متر مربع ؟ ولا أخرها بؤين وشعارين و خطبه رنانه ؟
هيقولك ولا يقدرو يحكمو كشك سجاير .
.
- طب ليه لسه فيه
شمامين كوله لحد دلوأتي قاعدين في قعر البرطمان ؟ هقولك انا , هما 3 أسباب , الأول
ممولين و بيسترزقو( و التمويل هنا قصه لها شرح تاني مش مفهوم تقليدي ) , وشوية منهم
فرحانين بحبة اللايكات و الزحم الثوري و الهرمونات و الحاجات دي , و جزء منهم عايز
يخرج من برطمان الكوله بس مكسوف , هو بالظبط عامل زي اللي بقاله سنين بيشتغل في بيت
دعاره , عارف ان شغله حرام و عيب و نفسه ينضف بس فيه بينه و بين اهل البيت ده عشره
و عيش و ملح و بيره و نسوان .
.
- الدستور هيتعدل
؟ الدستور مش هيتعدل ؟ انا مش شاغل بالي اطلاقا لأن قناعتي باختصار بتقول , دولة ما
قبل 30 يونيو مش هترجع تاني , فكرة ان مستقبل مصر يتساب للإحتمالات و الظروف مش هترجع
, الراجل الفارس اللي حط جزمته على دماغ تنظيم ارهابي دولي و دول عظمى , اللي بيبني
مصر الحديثه , مش هيسيب زرعته للمجهول , سواء كمل بعد 2022 او ماكملش , و دي برضه حدوته
لها شرح يطول .
.................................................................................................................
Mohamed
Hussein
29
يناير 2019·
ماكرون قابل عبد
الفتاح السيسي و بعدها قابل قداسة البابا تواضروس و بعدها فضيلة الإمام الأكبر , كده
يبقى ماكرون أخد الطريحه كامله مكمله , ثلاثية الأبعاد ,لا ناقصه قفا ولا ناقصه شلوت
, أتعشم بس لما يرجع بلدهم مايكونشي شايل مننا أوي .
.................................................................................................................
Mohamed
Hussein
29
يناير 2019·
للخرفان و القطيع
, للبهاليل اللي مشتعلقين في توب شوية صيع و عواطليه و أرزقجيه و متخيلين إن كل واحد
فيهم بيقيمُ الكون و يقعدهُ .
.
ألهتكم العوالي
زي الجحش اللي كاتب التويته دي , المثقفين التنويرين اللي بيحملو شعلة النور في بحر
البطيخ مايعرفوش الفرق بين السؤال الإستفهامي و السؤال الإستنكاري , مايعرفوش الفرق
بين سؤال بيبحث عن اجابه و سؤال بتبقى اجابته جواه , و اجابته يستشفها أي عيل في تالته
ابتدائي ( معاك حق والله , كتر خيرك , فعلا انت عملت اللي محدش يعمله )
.
عشان بس لما أقولكو
ان مصر مفهاش نخبجيه ولا مثقفين ولا مفكرين تبقو تصدقو , اللي لسه محتاج يتعلم من أول
ألف باء و زرع و حصد ماينفعش تقول عليه مفكر , و مش معنى انك تتصور وانت راكن راسك
على صباعين من ايدك إنك تبقى مثقف و نخبجي و مفكر و عميق و ليدر و سابقنا بمليون سنة
ضوئيه , و إلا كانت الناس كلها لبست طاقية توفيق الحكيم و مشاكلنا الثقافيه اتحلت
.
.........................................................................................................................
Mohamed
Hussein
29
يناير 2019·
و بس يا سيدي
, قاله حقوق الإنسان و العصافير الكناريا و حقوق المدونين و البؤين اللي انتو عارفينهم
, الحمضانين المحفوظين , و لعبة ال 3 ورقات بتاعة الحاوي العبيط أبو رياله و القناع
الغربي اللي بقى مثير للشفقه و الغثيان .
.
قام الراجل بص
له كده و قاله , بنزرع و نصنع و نبني و نعالج و نعلّم و نسكّن الناس في مساكن أدميه
و نرجع الدوله اللي انت شوفت حضارتها و لمستها بإيدك , ده و احنا بنحارب الإرهاب .
.
الترجمه بقى :
بُص أمك على بُص أم البؤين اللي انت حافظهم
................................................................................................................
Mohamed
Hussein
29
يناير 2019·
وانت يابني بتشتغل
ايه ؟
- أنا حضرتك بلا
فخر بشتغل ناشط فيسبوكي و مدوّن
.
ناشط فيس بوكي
و إيه ؟!! .
- و مزين يافندم
, ناشط فيس بوكي و مزين يعني حلاق , و أدي الفرشه أهي و الصابونه و المقص و الموس
, نعيما مقدما .
..................................................................................................................
Mohamed
Hussein
28
يناير 2019·
عبد الفتاح السيسي
عمل حملة ( نور حياه ) للفحص و الكشف المبكر عن مسببات ضعف وفقدان البصر لملايين من
تلاميذ مصر .
أكيد أكيد هو عمل
الحمله دي عشان العيال لما تكبر يبقى نظرهم كويس أوي و يعرفو يعلّمو قصاد اسمه في كشوف
الإنتخابات الرئاسيه سنة 2034 , خطه محبوكه و ماتخرش المايه .
.
أتوقع إن حبايبنا
الخرفان و شمامين الكوله مش هيسكتو , هيعملو حملة مضاده , و يفقعو عينهم بصوابع ايديهم
, عشان يبوظو حملة السيسي .
................................................................................................
Mohamed
Hussein
27
يناير 2019·
تحدي السنين
.
خلف هذا ( الشيرز
) البرتقاني عاش نفس الإنسان و الكائن الحي , اللي هو انا , كان عمري في الصوره دي
13 سنه تقريبا , يعني اتصورتها من 17 سنه , من 18 سنه لجل الحلفان ( مش فاكر بالظبط
انا مكشر في الصوره ليه ؟ إنما بصراحه دي أقل تكشيره عندي ) .
.
اصبرو عليا بس
لما أدور تاني و ألاقي لكو الصوره اللي بالبيجاما الكستور و انا عمري 6 سنين , أقسم
بالله لو شوفتوها هتبوسوني و تحطوني جنب الحيطه و أصعب عليكو بأثر رجعي .
............................................................................................................................
Mohamed
Hussein
27
يناير 2019·
البرادعي : توفير
نسخه بديله من مفتاح الشقه هو حق تكفله كل الحكومات الديموقراطيه في العالم , ماده
573 من ميثاق الأمم المتحده تؤكد على حرية كل أم في إنها تشعلق إبنها من البلكونه و
تمسكه من رجله مع عدم التعرض لقصاري الزرع بأي إيذاء جسدي أو نفسي , متى نفهم أن طوق
النجاه لن يتأتى إلا بتوحد كل طوائف الشعب و التصالح مع أكياس البصل و مشابك الغسيل
؟
...................................................................................................................
Mohamed
Hussein
26
يناير 2019·
تجديد الخطاب الديني
.
من سنتين تلاته
لقيتني بكتب من غير ما أحس , بكتب و انا مش عارف اللي بكتبه ده يقع تحت تصنيف أو مسمى
إسمه ايه بالظبط ؟
..
- كتبت عن كارثه
في مصر تحديدا اسمها تكرار الحج و العمره و إنفاق عشرات المليارات عليهم و قلت ان فقراء
بلدنا و الأقارب المحتاجين و ستر بنت يتيمه و علاج مريض أولى و ممكن تغسل ذنوبك عندنا
عادي والله .
.
- كتبت عن النقاب
و استندت لرأي أهم مرجعيه بالنسبالي و هو الإمام الأكبر شيخ الأزهر , واتكلمت عنه من
منطلق أمني بحت .
.
- فيه كلمتين مهمين
عايز أقولهم في تجديد الخطاب الديني , كلمتين لكل الأصدقاء وبشوفهم في منتهى الأهميه
من وجهة نظري
1- مفيش كلمه بتقولها
و تكررها ملهاش صدى , كل كلمه أكيد لها صدى و أثر , لو مكانشي النهارده هيبقى بكره
أو بعد سنه أو عشره
.
2- ماينفعش كنا
نقول تجديد خطاب ديني و نقعد و ننجعص كده على كرسي ولا كأن الموضوع يخصنا أو يهمنا
, يعني ماينفعش تتكلم عن قضيه بالحجم و الخطوره و الأهميه دي و يكون كلامك على طريقة
, إذهب أنت و ربك فقاتلا إنا ها هنا قاعدون .
.
3- انا واحد مؤمن
تماما بدولة المؤسسات , مؤمن تماما بحكاية التخصص , و دايما و أبدا بشوف إن أهل مكه
أدرى بشعابها و في قصة زي تجديد الخطاب الديني كان لازم تيجي من المؤسسات الدينيه في
مصر و على رأسها الأزهر و وزارة الأوقاف , حتى لو أصابها الضعف و الوهن في بعض الأوقات
.
.
لنا احنا دور بقى
؟ اه لنا دور اسمه النصيحه و لفت الإنتباه و التوجيه أحيانا , نصيحة ولفت انتباه بدون
إهانه و بدون تطاول و بدون صفاقه و بدون عنتريه فارغه ولا فتحة صدر ملهاش أي لازمه
و بدون هدم للكيان و المؤسسه .
........................................................................................................................
Mohamed
Hussein
25 يناير 2019·
يوم 25 يناير أهو
, و تصادف إنه يوم جمعه , الجو شمس و مشرق يعني جو بتاع كوره , و مفيش شارع فيكي يا
مصر المحروسه فيه جوز عساكر على بعض , يالله يابني مالكش حجه بقى
- أيوه يعني أعمل
ايه حضرتك ؟ عايزني أعمل ايه ؟
.
هو ايه اللي تعمل
ايه ؟ تعمل زي كل سنه طبعا , تكتب تويتات و تقول الفاشيه تطل برأسها وقفلو الميادين
بالمدرعات و الجنازير و الطيارات النفاثه و اعتقلو المناضلين سوسو و توتو و فوفو و
شوشو و طنط أم نحمده , زوار نص الليل , و إذا أمطرت السماء حريه لرأيت العبيد يحملون
الحبشتكانات , قوم يابني استهدى بالله و اهبد على تويتر , ده الموسم بتاعكو بتجمعو
فيه شوية لايكات حلوين , قوم ماتبقاش قطّاع أرزاق , أقولك حاجه ؟ اكتب انك نزلت الشارع
النهارده الصبح عشان تعمل الثوره و مارجعتش إلا بعد ما خدت 375 طلقة خرطوش في مناخيرك
, عطست بعدها عطستين و ماقدرتش تكمل .
..........................................................................................................
ليست هناك تعليقات:
إرسال تعليق