Mohamed
Hussein
7
مايو 2015·
أنا واحد من الناس
يوم ما أفكر في عريس لبنتي يبقى مش أقل من طيّار أو تاجر باميه أد الدنيا .
.......................................................................................................................................
Mohamed
Hussein
7
مايو 2015·
..11
ألف دولار يعني 85 ألف جنيه شهريا , يعني تقريبا 3 ألاف جنيه في اليوم , يعملو ايه
بس في الزمن الهباب ده ؟ .
دول يادوب أد مرتب
20 أستاذ جامعه ( عالم ) أو 45 طبيب في مستشفى حكومي ويادوب يادوب يفتحو بيوت 170 أسره
فقيره .
أنا زعلان و مقهور
عشان حال الطيارين في شركة مصر للطيران يصعب عالكافر , هيعيشو ازاي بس ب 85 ألف جنيه
في الشهر ؟ و متضامن معاهم , و مستعد أنزل أعتصم عشان خاطرهم و أقلع ملط كمان .
.
حقكو عليا يا طيارين
مصر , و نيابة عن صيادلة مصر اللي بيقبض الواحد فيهم 2200 جنيه في الشهر مقابل 10 ساعات
عمل يوميا عايز أقول لكو : أنا بيتي مفتوح لكو و بيوت زمايلي الصيادله و المدرسين و
المهندسين و الأطباء و الناس اللي واكلينها والعه زي حالاتي دي مفتوحه لكم , و اللي
ماتقدرشي عليه الحكومه احنا نوفرهولكو و رقبتنا سداده , ........... ابقو تعالو كملو
عشاكو عندنا .
.
تصدقو بالله ؟
حق بنت الو*** الي اسمها ياسمين النرش دي تقول هطر** عليكو و يا ريتها كانت طربقت مطار
القاهره على دماغكو فعلا .
.......................................................................................................................................
Mohamed
Hussein
7
مايو 2015·
و المفروض ريهام
سعيد المذيعه تروح تعمل حوار صحفي مع ريهام سعيد المحكوم عليها بالسجن سنه , و ده يبقى
أفضل عقاب للإتنين بصراحه .
.
ريهام المذيعه
: انتي راضيه عن نفسك بعد ما ضربتي مساعد المخرج ؟
ريهام المحكوم
عليها : صمت .
.
ريهام المذيعه
: انتي عارفه انك كده تبقى بتشتغلي بلطجيه ؟
ريهام المحكوم
عليها : صمت .
.
ريهام المذيعه
: طب عارفه انك ممكن تتسجني فعلا مع بنات الليل و بتوع المخدرات و حرامية الغسيل و
ممكن الستات يغتصبوكي جوه ؟
ريهام المحكوم
عليها : صمت .
.
ريهام المذيعه
: و كنتي بتقولي انك من عيله كبيره و محترمه , انتي عارفه انك كده ماحصلتيش ولاد الشوارع
؟ .
ريهام المحكوم
عليها : صمت .
.
ريهام المذيعه
: طب هتقولي لجيرانك و صاحباتك و الشله ايه ؟ هتقولي لهم انك رد سجون ؟
ريهام المحكوم
عليها : صمت .
.
ريهام المذيعه
: طب قولي انك ندمانه على عملتك , انتي ندمانه صح ؟ اعترفي انك ندمانه ؟ .
ريهام المحكوم
عليها ( لحظة الإنفجار ) : غوووووووووووووري يلعن ابو شكلك , خنقتي أمي , مش كفايه
مستحمله قرفك و وشك العكر اللي بشوفه في المرايه كل يوم بقالي 40 سنه , غوري يا بت
من قدامي يلعن #$%&%$# أهلك .
...................................................................................................................................
Mohamed
Hussein
7 مايو 2015·
حبس ريهام سعيد
لمدة سنه في قضية الإعتداء بالضرب على مساعد مخرج !! .
و ياسمين النرش
اتحبست احتياطي في قضية الإعتداء على ظابط المطار .
.
ريهام و ياسمين
كانو في مدرسه واحده و يارب يكونو في زنزانه و عنبر واحد , عنبر العائلات العريقه المحترمه
!!.
.
و قد يجمعُ اللهُ
الشتيتين بعدما يظنانِ كل الظنِ أن لا تلاقيا .
.......................................................................................................................................
Mohamed
Hussein
6
مايو 2015·
بص بقى يا حماده
عشان اللي أوله شرط أخره نور , بنت خالة نورهان لسه مشبوكه من اسبوعين , و عريسها جايب
لها مع الشبكه كيلو و نص باميه خضره , و نورهان مش أقل من بنت خالتها .
.......................................................................................................................................
Mohamed
Hussein
6
مايو 2015·
كان عندي صديقه
عالفيس عملت لها أنفريند , بس الشهاده لله لما ببقى مخنوق أوي بدخل صفحتها عشان اضحك
و احس اني في فضل و نعمة من ربنا .
.
صفحتها باختصار
عباره عن شوية بوستات ورا بعض بيفصل بين كل بوست و التاني 3 دقايق , زي محطات مترو
الأنفاق كده , يعني لو قريت بوست في محطه الشهدا و استنيت لمحطة الإسعاف هتلاقي فاتك
بوستين ( يعني بوست و بوست مش بوسه و بوسه ) .
.
كل بوستاتها و
بوساتها بتنهيها بالجمله دي , مصر بتضيع , انتو مش حاسين بالدنيا , مصر خربت خلاص
, سينا ضاعت يا ولاد ال *** , الله يرحمك يا مصر , احنا خلاص انهارنا و اللي كان كان
, سينا راحت للصهاينه من بدري و هي دي كانت خطة السيسي , مصر اتباعت للموزمبيقيين من
بدري و دي كانت خطه ابراهيم محلب .
و طبعا مع كل بوست
75 لايك بالعدد و التمام و الكمال ( لها زبونها برضه ) .
.
بتخيل صاحبتنا
دي لو مامتها قالت لها قومي انشري الغسيل هتقول لها : غسيل ايه ؟ مصر بتضيع انتي مش
حاسه بالدنيا ؟ .
طب يا بنتي انزلي
هاتي لنا ب 2 جنيه فول كل جنيه لوحده , فول ايه و زفت ايه دلوأتي , دي سينا راحت خلاص
و انتو جاي لكو نفس تاكلو ؟
.
طب اسمعي يا ستي
المفاجأه دي , طنط زوزو جايبالك عريس !!
هي : و النبي بتتكلمي
جد يا ماما ؟ شكله ايه بيشتغل ايه عمره كام سنه طويل و لا قصير ؟ عنده كرش يارب مايكون
عنده كرش , مامته عايشه ؟ يارب لأ , بيلبس نضاره ؟ شبه مين من الممثلين .
.
إيه يا بنتي ؟
مالك فرحتي كده , هتتخطبي ليه و لزمتها ايه ولا هي تكلفه عالفاضي , هي مش مصر ضاعت
برضه و اللي حصل حصل , و لّا مصر رجعت لنا تاني من 3 دقايق ؟!.
.
سينا راحت للصهاينه
يا رجاله , و دمياط راهنينها لبتاع الدهب و صحينا من النوم مالقيناش بني سويف عالخريطه
, الله يرحمك يا بني سويف , اللهم احفظ المنصوره من كيد الكائدين .
.......................................................................................................................................
Mohamed
Hussein
6
مايو 2015·
عايز تعرف إذا
كانو الكولجيه بيدورو على أهداف الثوره و دولة العدل و المساواه فعلا و لا الحكايه
هري مش أكتر ؟ تعالى هقولك
.
في حكاية ياسمين
النرش بتاعة المطار هتلاقيهم في الكام يوم اللي فاتو كاتبين بوستات و تعليقات كلها
بتتلخص في جملتين تلاته : ماهو احنا لو في دوله محترمه كان زمانها مرميه في السجن
, ماهي ليها ضهر و اكيد مش هتنضرب على بطنها , ماهو ساويرس هيطلعها بمكالمة تليفون
و احتمال الحكومه تبعت لها جواب اعتذار , أصلها حكومة معر*** .
.
كويس كده ؟
.
طيب , خبر و فيديوهات
ظهرت امبارح لياسمين النرش في سجن القناطر ( مع ريري سيلان و الكاتعه ) !! , ادخل بقى
على لينك الخبر و اقرا تعليقات الكولجيه هتلاقيها كلها بالشكل ده :
هو الفساد و التلوث
و الطرق الزباله حلينا مشكلتهم عشان نفكر في ياسمين النرش ؟ البت دي خدت اكتر من حجمها
كده ليه ؟ ما نشوف اللي بيحصل في سينا الأول , البلد أصلا خربانه و مش فاضيين للكلام
الفارغ ده , بكره تقعد في أوضة 5 نجوم في السجن , أما انتي حكومه معر** صحيح و شاغلانا
بقضايا فرعيه عشان ننسى موضوع الفوسفات !! .
.
و بس بقى , هي
دي باختصار حكاية كولجية مصر .
..........................................................................................................................
Mohamed
Hussein
5
مايو 2015·
مكالمة تليفون
.
ياسمين : ألو
راني : ألو , هاي
يا عمري , ميس يو بيبي .
.
ياسمين : هاي راني
, شوفت الفيديوهات بتاعتي ؟
راني : طبعا يا
روحي .
.
ياسمين : عجبتك
؟
راني : كنتي هايله
يا حياتي .
.
ياسمين : شوفتني
وانا بضرب الظابط ؟
راني : واوووووووو
تجنني يا حياتي .
.
ياسمين : و لما
قلت لهم هطر** عليكو واقلع لكو ملط ؟
راني : روعه يا
روحب قلبي .
.
ياسمين : و لما
قلعت العبايه كان قميص النوم شيك و الحمالات مظبوطه ؟
راني : طول عمرك
قمة في الشياكه يا روح قلبي .
.
ياسمين : اللون
البرونزاج كان باين في الفيديو و صبغة الشعر و التسريحه؟
راني : يجننو يا
حياتي طبعا .
.
ياسمين : و لما
قعدت في الأرض كانت رجلي حلوه و الدايت باين عليا ؟
راني : أوووووووه
طبعا طبعا .
.
ياسمين :يعني كنت
نجمه و هبقى مشهوره اوي و مفيش فيا غلطه ؟
راني : لا فيه
يا حياتي للأسف .
.
ياسمين : مش معقول
, ماتقوليش ان التاتو القلب اللي كنت راسماه على صدري يوم ما خرجت مع جاك و شلته مش
باين في الفيديو ؟.
راني : للأسف مش
باين و لا التاتو الفراشه اللي رسمتيه على ضهرك يوم ما كنتي مع هاني وشلته في رحلة
السفاري , عشان انتي للأسف ماقلعتيش القميص يا حياتي .
.
ياسمين ( حالة
بكاء شديد ) :أو نو , أو ماي جود
راني : ريلاكس
يا حياتي , كوم أون بيبي , ملحوقه يا قلبي
.
ياسمين : ازاي
بس ؟ الفيديوهات انتشرت راني من غير التاتو ما يبان .
راني : ملحوقه
يا حياتي , اتخانقي مع ظابط تاني في مكان يكون فيه كاميرات برضه و المره دي اقلعي ملط
خالص عشان التاتو القلب و التاتو الفراشه يبانو .
.
ياسمين : مممممممممممم
فانتاستيك راني , فكره هايله .
راني : أومال ايه
, هما فاكرين بنات الناس و بنات العائلات العريقه المحترمه لعبه ؟
.
ياسمين : أي لاف
يو راني
راني : لاف يو
بيبي
.
#إنها_حقاً_عائله_محترمه
.......................................................................................................................................
Mohamed
Hussein
5
مايو 2015·
ريهام سعيد ( البيض
اللي فقس في مزارع مصر ) : سيدة المطار من اسره عريقه و محترمه رغم أنف الجميع !!
.
.
أيون ماتعملشي
روحك مش واخد بالك , رغم أنف الجميع يعني رغم أنفي و رغم أنفك و رغم أنف الراجل اللي
قاعد ورا هناك .
.
و قالت ريهام سعيد
إن ياسمين النرش كانت معاها في المدرسه و دخلت تجاره انجليش و شغاله في الديكور و هنا
بقى ييجي السؤال لبيضة السحليه اللي اسمها ريهام سعيد:
هي ياسمين النرش
من اسره محترمه رغم مناخيرنا كلنا عشان دخلت تجاره انجليش ولا عشان بتشتغل في الديكور
و لا عشان كانت معاكي في المدرسه ؟ .
يعني ايه علاقه
ام الهري بتاعك ده بانها من عيله محترمه رغم مناخيرنا ؟ فين دليلك على الإحترام ؟ طريقتها
؟ أسلوبها في الكلام ؟ الفاظها ؟ العبايه و قميص النوم ؟ وقاحتها و سفالتها ؟ جبتي
كلمة محترمه منين ؟
.
و مين دي اللي
مابتشربشي مخدرات يا خالتي ؟ انتي لو بتفهمي ألف باء في أي حاجه كنتي عرفتي انها مش
محتاجه تحليل دم عشان تثبتي انها في غيبوبه اساسا , دي واخده كوكتيل مخدرات عالريق
, دولاب المخدرات بتاع الصيدليه كله بيجري في دمها فشر مصطفى عبده في زمانه .
.......................................................................................................................................
Mohamed
Hussein
4
مايو 2015·
الست ياسمين النرش
معمول لها حمله و هاشتاج متضامن معاها و قالك ( الحريه لياسمين ) !! احنا وصلنا لقمة
الإنحطاط و الله , و اخوها بيقول هنعلن تفاصيل مهمه عن الحادثه دي في مؤتمر صحفي
!! , طب ليه مؤتمر صحفي ؟ مانعملكو اجتماع عاجل لمجلس الوزرا و مجلس الأمن القومي و
دول الكومنولث أحسن ؟ و لّا تستنو لما يبقى عندنا مجلس نواب و تبقى عباية ياسمين النرش
هي أول حاجه في جدول الأعمال , و الساده ال( أعضاء ) يقولو رأيهم في الحمّالات و الرُكب
برضه .
.
و جوزها اللي هو
مش محصل رامي ولا محصل هاني ( اسمه راني ) تقريبا عاجباه مراته على كده , متكيّف يعني
, تقلع تلبس مش مهم ,تشم بودره تضرب لها كاسين في السريع عادي , تقول ألفاظ سوقيه من
بتاعة أفلام خالد يوسف و ماله , أبوها ملياردير بقى و اللي ابوها ملياردير تقلع في
الشارع و تعمل ( بيبي ) على جوزها و عالناس و لا يهمها , دي هددت بطربقة مطار القاهره
على دماغنا , و مش بعيد تفجر برج الجزيره و السد العالي و تمثال ابراهيم باشا و ترمي
اللبانه بتاعتها في صلاح سالم تقفله .
.
أستاذ راني أنا
كنت فاكرك نوع عصير طلعت إسم ( راجل ) , إسم النبي حارسك و صاينك يا طعم , يا طبيعي
ياللي من غير مواد حافظه ..... ما تقوم تتطمن على حُبيباتك !!.
.....................................................................................................................................
Mohamed
Hussein
4
مايو 2015·
عايز أكل توت
, بس مش عايز أشتريه لأ , عايز أسرقه من على شجره تكون عالطريق , أيوه أطلع الشجره
و أنقّي شوية توت مستويين و اكلهم من غير غسيل و أعبي شويه في جيوبي ( هيبقّع انا عارف
) بس اتعودت اعمل كده وانا صغير .
.
التوت مابيتباعشي
يا بشر , بلاش تجننوني , التوت بيتسرق من عالشجره , أيوه هو كده ربنا خلقه كده , و
عادي يعني لو نزلت من عالشجره لقيت صاحبها مستنيني تحت هقوم ظارفه ب 50 جنيه بدل ما
يصورني فيديو و يبعت الفيديو لليوم السابع و ألاقي ناس متعاطفه معايا و ناس متعاطفه
مع الراجل صاحب الشجره و ناس متعاطفه مع الشجره نفسها و اللي هيقولك حرامية التوت مؤيدين
السيسي و اللي هيقولك و ايه يعني شويه توت لو كان نفسه فيهم و اللي هيقولك الشجره و
ما ذنب الشجره ؟.
.
بس أهو مجرد حلم
و السلام , ألبس بنطلون جينز و كاوتش من بتوع باتا و أطلع على شجرة توت أكل لحد ماشبع
و املى جيوبي , ألاقيش حد عنده شجرة توت يدلني عليها و يسيبني أسرق منها براحتي ؟!
.
.......................................................................................................................................
Mohamed
Hussein
4
مايو 2015·
فيلم الموسم
........ الراقصه و الظابط
.
الظابط ده كيوت
أوي كده ليه فشر البرادعي و أحلام مستغانمي , و البنت بايعه و مستبيعه , رقاصه بقى
و ب سبع تلسن , تقلع تلبس تشرشح ولا بتفرق معاها الحكايه دي , ربنا يكفيكو شر واحده
ست عفيه استفردت بسجاده في بلكونة بيت .
.
البيه الظابط زمايله
بيموتو كل يوم في الحرب على الإرهاب , في الكماين و مطاردة المجرمين , بس أكيد معاليه
بقى في المطار بواسطه , و يوماتي ليلاتي بيقابل بنت ابراهيم بيه و يخلص لها اوراقها
في ثواني , و مرات اسماعيل بيه , و أخو ممدوح بيه و قريب مهران بيه , و هكذا , البيه
الظابط ضايع يا ولداه من البيه الفلاني للبيه العلاني و يا كُتر بهواتك يا بلد .
.
هيبة الدوله اللي
بيتكلم عنها البيه الظابط هو ماعملش اي حاجه منها , عينه كانت مكسوره زي الحلاق اللي
بيصالح زبون بعد ما قطع له ودنه , ليه عينه مكسوره بقى ؟ اسألو اللوا اللي نقله شرطة
المطار , و اسألو مهران بيه و ممدوح بيه .
.
الرقاصه مكانشي
معاها مخدرات , مش مضطره تجيب مخدرات معاها في المطار , العيال الديلر اللي في القاهره
أكتر من عدد سكان قطر , لكن المؤكد و الأكيد إن ال 200 جم مخدرات دول كانت شارباهم
الهانم قبل ما توصل بسلامة الله إلى أرض مطار القاهره .
.
هيبة الدوله يا
حضرة الظابط بتختلف تماما و كليا عن دور شريف مدكور اللي كنت بتلعبه ده , و زمايلك
اللي مفحوتين في الشوارع و الكماين لهم حق عليك هما و الدوله , زي أي دوله محترمه
, في موقف زي ده , باختصار و عشان هيبة أم الدوله فيه كلابش و الهانم تنام عالأرض على
بطنها و تتكلبش و تتحول عالنيابه و كل ده يتصور فيديو و تبعتو منه نسخه لمركز كارتر
, قولو لهم زي ما بيحصل عندكو في أمريكا بتاعة حقوق الإنسان .
.
انت مكانك مش هنا
في المطار , انت مكانك في برنامج همسة عتاب , و يا ترى يا حضرة الظابط لو محمد حسين
اللي نفخك النفخه دي أو أمي الغاليه أو بس رفعنا عنينا و احنا بنكلمك هتبقى برضه شريف
مدكور ولا أبو زيد الهلالي ؟ , صح ماحنا مابنقلعش ملط ولا نعرف ممدوح بيه ولا مهران
بيه و مش عندي كارت عشان الزقه على رجلك .
................................................................................................................................
Mohamed
Hussein
3
مايو 2015·
جوووووووووووووووووووووووووون
..حق الكبير يتدلع و النبي يتدلع
..........................................................................................................................
Mohamed
Hussein
3
مايو 2015·
القرار الصعب
.
1- من إسبوعين
تلاته حصل التفاوض على الملف اليمني و قولنا خلاص الدنيا هتهدى بأي شكل كان .
2- يبدو إن إيران
زيها زي اسرائيل مابتلتزمش بتعهداتها .
3- سفن حربيه ايرانيه
جديده وصلت باب المندب من 4 ايام تقريبا .
4- الحوثيين شنو
هجوم شرس عالحدود مع السعوديه من يومين و قتلو 3 عساكر سعوديين .
5- السيسي راح
في زياره سريعه و مفاجأه للسعوديه امبارح .
6- الحكومه المصريه
اجتمعت النهارده ( اجتماع عاجل ) و قررت مد ارسال القوات المصريه لليمن و باب المندب
لمدة 3 شهور .
7- و النهارده
كلام عن وصول قوات التحالف لقلب عدن .
.
الكلام اللي فوق
ده حصل بالترتيب كده و كله معلن , يعني مفهوش اجتهادات ولا تحليل ولا غيره , قرار الحرب
قرار صعب جدا , بس أحيانا بيكون قرار الصمت أصعب , أحلامنا حاجه و الواقع في كتير من
الأحيان بيكون مختلف , للأسف احنا في حالة صراع على الأرض و البقاء للأقوى .
.
عايز تفهم العباره
جاوب عالسؤال ده : هل توافق على سيطرة الحوثيين على مقاليد الحكم في اليمن ؟ لو جاوبت
ب نعم تبقى مش فاهم و لو جاوبت ب لا تبقى برضه مش فاهم , عشان السؤال أصلا محطوط غلط
, و الصح انه يكون كده : هل توافق على سيطرة إيران على مقاليد الحكم في اليمن ؟! .
.
جاوب بقى و خد
قرار , أعتقد إن السيسي جاوب و خد القرار , النصر من عندك يارب , يارب سلّم .
.....................................................................................................................................
Mohamed
Hussein
3
مايو 2015·
الحزن يخيم على
القلعه البيضاء بعد إقالة جاريدو من تدريب الأهلي , مجلس إدارة نادي الزمالك يعلن أن
ما حدث في الأهلي عصر اليوم هو انقلاب على مدرب شرعي منتخب .
.
#زمالكاويه_ضد_الإنقلاب
.
......................................................................................................................................
Mohamed
Hussein
3
مايو 2015·
الحب هو
.
امبارح مرات البواب
جت تمسح الصيدليه و تكنسها , و البواب كان بيمسح سلم العماره , مرات البواب كعادتها
دايما تحب تحكي في كل حاجه , و عندها بنت لسه مولوده و تعبانه و داخت بيها عالدكاتره
, فجأه لقيت البواب بعد ما خلص شغله نزل الأوضه بتاعتهم تحت في الجراج و عمل كوبايتين
شاي و جابهم على صينيه نضيفه , بص لمراته و قال لها ( يا أم دعاء , الشاي بتاعك جاهز
لما تخلصي تعالي ) !!.
نظرة أم دعاء بقى
لجوزها في اللحظه دي لا تقولي غاده السمان ولا احلام مستغانمي , الحب هو كده , راجل
يعمل كوباية شاي لمراته وقت ماهي شغاله و نظرة عين تقوله ( ربنا يخليك ليا ) , الحب
عطاء و إحساس و نظرة عين .
.
أم دعاء قالت له
استنى هخلص مسح الصيدليه الأول.
أنا : روحي يام
دعاء اشربي الشاي ياكشي تتحرق الصيدليه على دماغ صاحبها .
.....................................................................................................................................
Mohamed
Hussein
2
مايو 2015·
تقريبا كده فيه
حد مهم راح لجاريدو من فتره و تقمّص دور عادل امام في فيلم ( عريس من جهه أمنيه ) و
قال له : انا مش عاجبني الشغل ده , يعني ايه نكسب بطوله بسرعه كده ؟ هو سلق بيض ولا
كان سلق بيض ؟ على أقل من مهلك خالص , عارف لو خلّصت في بطوله قبل ما تكون درّبت الأهلي
37 سنه ؟ بشرفي هسجنك .
.............................................................................................................................
Mohamed
Hussein
2
مايو 2015·
فيه ناس شايفه
إن أعظم كوميديان في العالم هو عبد المنعم مدبولي و ناس يقولك لأ فؤاد المهندس و ناس
يقولو عادل إمام , و ناس تانيه تقولك شارلي شابلن و توم هانكس .
بس انا شايف إن
أعظم كوميديان في العصر الحديث و أكتر واحد بيضحكني بصراحه هو صاحبك ده اللي يقولك
انت ازاي بتأيد السيسي و شايفه ينفع رئيس و ازاي عقلك يستوعب كده ؟ مع إن صاحبك أساسا
كان بيأيد و معجب أوي بشخصية ( سَبَت الغسيل ) اللي اسمه مرسي !! .
.......................................................................................................................
Mohamed
Hussein
2
مايو 2015·
قناة الفراعين
قفلت و كتبت إعلان إنها قفلت لأسباب ماديه بسبب الحرب الشرسه اللي بتتعرض لها القناه
و صاحبها الدكتور توفيق عكاشه من الماسونيه العالميه و المجرات الفضائيه و عصابة الولاويلا
الحمره !! .
.
الله يحظك يا توفيق
يا عكاشه , إلهي تتسخط يا شيخ و تتحول ل بطه أو حزمة جرجير .
..............................................................................................................................
Mohamed
Hussein
2
مايو 2015·
الفلاح هيفضل طول
عمره فلاح , و قال انا لما احب ارد على تعليق حد عندي أعمل العلامه دي @ و بعدين أقعد
أدور عالإسم بقى , رحاب رحاب رحاب , لأ مش دي , التانيه بفيونكه في شعرها , هاني الستاموني
هاني السمنودي , يا عم اسمه هاني السلاموني , أيوه هو ده , اقفشه بقى قبل ما الماوس
يتحرك و الليسته تضيع .
.
و في الأخر ألاقي
مارك عامل reply يعني لا تعمل @ ولا تدور على
فيونكه ولا حاجه , متشكرين يا عم مارك عالواجب ده , تعالى اشرب شاي بقى , اه و النبي
ماتنسى تفكر لنا في اختراع كده يعمل بلوك فوري للي بيكتب في التعليق ألفاظ أبيحه أيوه
اللي هما انصار السوبكي و ايناس الدغيدي و وجدي غنيم و علاء عبد الفتاح و الشله دي
, بلوك توماتيكي توماتيكي يعني , لو حابب أعملك تفويض و توكيل في الشهر العقاري بكده
ماعنديش مانع .
...................................................................................................................................
Mohamed
Hussein
2
مايو 2015·
يا حكومه ماجابتشي
عاقل
.
يالله بينا ننتقد
الحكومه , شيل يابني الطبله دي من جنبي عشان هنتقد الحكومه أهو , يام نيازي صحى نيازي
و قولي له بننتقد الحكومه عادي يعني مفهاش حاجه و بننفخها إذا تطلب الأمر .
.
تعالى يا عم ابراهيم
عايز أقولك كلمتين , في الأول هقولك نكته
بيقولك يا سيدي
تلاته عمال راحو يركّبو كابلات تليفون في الأرض فقسّمو الشغل بينهم , واحد بيحفر و
التاني يركب الكابلات و التالت يردم , و في يوم من الأيام الراجل اللي بيركب الكابلات
ماجاش , قامو الإتنين التانيين قالو احنا هنقعد كده من غير شغل ؟ و كملو شغلهم عادي
, و احد بيحفر و التاني بيردم !!.
أهو ده اللي انت
بتعمله يا عم ابراهيم في حالات كتيره .
.
- يعني مثلا ,
شقق 35 م و قولنا ماشي , اللي هيسكن فيها لو بيشرب سجاير هيبقى يطفي سجارته عند الجيران
و قولنا مفهاش حاجه أهي الجيران لبعضيها برضه إنما اللي هيحصل زي اللي حصل و نوسه هتبقى
زي ابتسام .
.
الشقق هتتوزع من
غير رقابه حقيقيه من الدوله , و اللي هيشتريها غالبا ( هيسقعها ) و يركنها للزمن (
لأحفاد أحفاده ) و دي تبقى الشقه رقم 9 اللي راكنها مولانا الثري الشعاراتي , و المحصله
بالنسبالك هتبقى صفر , يعني أزمة السكن و العشوائيات هتبقى هي هي , و كأنك يابو زيت
ما قليت .
.
مشروع زي ده متكلف
مليارات و عشان ينجح صح يبقى لازم له رقابه صح , رقابه في توزيع الشقق ورقابه في السكن
بعدها , يعني مانشوفشي شقه مقفوله ولا متأجره , و الشقق تروح للي محتاجها فعلا ...ضيف
عال 50 مليار 10 مليون جنيه بس للرقابه يا عم ابراهيم و بلاش تبقى بتركّب كابلات زي
صاحبنا اياه .
.
أه , بنفس المنطق
عايز اطلب منك طلب تاني , الشارع الرئيسي في مؤسسة الزكاه مثلا طوله بتاع 5 كيلو و
اترصف صح الصح , 5 حارات رايح و 5 جاي , حاجه كده ولا كأنك في دبي , الكلام ده حصل
من سنه تقريبا , ابقى انزل بقى بنفسك و شوف شكل الشارع دلوأتي , حاجه ماقولشكي يعني
, مخالفات و عربيات صفيح مرميه , السواقين كسرو الجزيره عشان يعملو لنفسهم ملف كل
10 م , مشي عكس السير و اللي عنده شوية روبابيكيا رماهم في الشارع ...طب الطريق ده
برضه اتكلف مثلا 50 مليون , ايه اللي منع الحكومه تجيب جوز عساكر ب 3 الاف جنيه في
الشهر بموتوسيكلين و يحمو ممتلكات الدوله دي ؟ و لا نيجي بعد سنتين نرصفه من جديد و
نصرف 50 مليون كمان عشان مش معانا 3 ألاف ؟ .
....................................................................................................................................
Mohamed
Hussein
2
مايو 2015·
شقق الحكومه و
الكباب و الريش الضاني
.
واحد ظروفه صعبه
أوي , مش لاقي ياكل , بيدور عالأكل في صفايح الزباله , أبوه حاسس بيه و بوجيعته بس
الأب إيده متكتفه عشان العيال كتير و الإيد قصيره .
.
الأب قرر إنه يجيب
علبة جبنه و كام رغيف من أبو شلن و يعمل لعياله الكتير اللي ظروفهم صعبه ساندوتشات
جبنه يسندو بيها طولهم .
العيال اللي ظروفهم
حلوه بقى هاجو و ماجو و قالو ازاي ؟ ازاي مش تأكّلو الناس دي كباب و ريش ضاني ؟ الأب
قال لهم : و الله يا بني على عيني , ولو كان عدد ولادي أد عدد سكان قطر كنت سكّنت كل
واحد فيهم في فيلا في الرحاب .
.
الحكومه عملت شقق
مساحاتها صغيره أوي , 35 م , أوضه و صاله و حمام , لاتنين عايزين يتجوزو و مش قادرين
على تمن الشقق أو لعيله ساكنه في العشوائيات , طب شقق بالمساحه دي ماتبقاش أدميه (
لو عيله اكتر من فردين تلاته ) , إنما أدميه من ناحية المرافق و الخدمات و المايه و
الصرف و الكهربا و 4 حيطان يسترو البني أدم بدل العشه اللي بتطير في الهوا و المجاري
اللي طافحه تحت السرير و أهو سقف و 4 حيطان , يعني ساندوتشات جبنه لحد ما ربنا يفرجها
بالكباب و الريش .
.
هات ايدك بقى عشان
هضحكك على صاحبنا الثاير الهايج اللي عمال يقول ازاي و فين حقوق الإنسان و حقوق أسيوط
و انتو بتعملو في الغلابه كده ليه يا كفره و ازاي مش بتسكنوهم في فيلل في التجمع الخامس
؟
و عهد الله أغلب
الهايجين دول أول حاجه هيعملوها دلوأتي هي إنهم هيصورو بطايقهم و بطايق صحابهم و جيرانهم
و قرايبهم و يروحو يقدمو عالشقق دي ( استثمار ) و يشوفو الأوراق المطلوبه و اللي يقدر
يحجز سبع تمن شقق هيحجز ( يسقّعهم و يركنهم للزمن ) مع انه مايلزموش بس أهي طفاسه
, و لو قلت له طب و الغلابه و سكان العشوائيات يعيشو فين و ازاي ؟ هيقولك و انا مال
أمي يا جدع , ما يتحرقو بجاز .
أكم من مشاريع
سكنيه للطبقه الفقيره ضاعت و طارت على ايد الأغنيا و أصحاب الشعارات الرنانه اللي قدامهم
اللحمه اشكال و الوان بس عينهم بتطلع على ساندوتش الجبنه في الرغيف أبو شلن .
.......................................................................................................................................
Mohamed
Hussein
1
مايو 2015·
خواتي البنات
.
أنا و خواتي عددنا
6 , تلاته ولاد و تلاته بنات , ترتيبنا كده من الكبير للصغير ( محمد / هاني / طارق
/ عزه /منى /نسمه ) .
كلنا متجوزين و
مخلفين , و احنا اساسا فوق راس بعض , الكبير خالص 39 و الصغير خالص 29 ) , و رغم اننا
اتجوزنا و خلفنا بس لما بنتجمع بنرجع أطفال زي الأول .
.
امبارح روحت المطار
أجيب منى اللي راجعه من دبي ( محدش يعرف انها نازله اجازه غيري ) , الطياره وصلت الفجر
, أول ما شوفتها و بعد السلامات والأحضان قلت لها : حاطه روج ؟ أخوكي هاني لو شافك
بالروج هينفخك .
.
مشينا للمنصوره
و في نص الطريق قالت لي هات الموبايل , منى كلمت اختها الكبيره ( عزه ) و عرفتها انها
في مصر و قالت لها : بقولك ايه ؟ أمك عامله رز معمر و حمام لمحمد عشان عارفه انه جاي
, هاتي بناتك و تعالى الحقي لك حاجه برّي بيها نفسك .
.
وصلنا البيت و
بعد عنصر المفاجأه الحلوه و السلامات برضه , نسمه بصت لمنى و قالت لها : و الله و بان
عليكي خير دبي و نضرة النعيم , الله يرحم أيام مممممممممم و لا بلاش نقول و نفسّر
.
.
أمي فرحت أوي بدخلة
منى عليها و قعدت تبوس فيها و نسيت تسلم عليا مع اني ماشوفتهاش من فتره , و انا أقول
لها يامه انا جيت , يا غاليه انا هنا , طب أنا قريب منى و الله !! .
.
سيبك بقى , المحبه
دي هي الرئه اللي بنتنفس بيها , اسألو الأم اللي ربّت .
...................................................................................................................................
Mohamed
Hussein
1
مايو 2015·
شمرت زراير القميص
و رفعته لفوق و فركت ايدي في بعضها كداهو و قلت هرد بقى , لا دانا لازم أتكلم و أقول
و أشرح و أصرخ و اعيد و ازيد .
و اقول يا ناس
دانتو كنتو بتعتبروني ثورجي ماجابتهوش ولاده , يا ناس طب افتكرو بوستاتي في 2011 و
بعدها ؟ يا ناس انا دماغي ورمت من كتر التحليل و الكلام العميق , يا ناس انا مش عندي
طبله و لا زماره و لا بعرف اصنع إله و لا أصنع بيتزا حتى , و أقعد بقى أفكّر الناس
بالقديم و الجديد و أسوّق نفسي عشان أعجبهم و لما أعجبهم جايز يقتنعو و يحبوني و لما
يحبوني أقوم أنا أتفاخر بكده و اتفشخر .
.
بعدين قلت و على
ايه ده كله ؟ افتكرت الزرار السحري العظيم اللي هو أعظم اختراعات الفيس بوك و أعظم
اختراع في تاريخ البشريه ( بعد مشابك الغسيل و حجر المعسل ) , أيوه الإختراع ده اللي
اسمه البلوك .
.
.. كذا بلوك على
غيار الريق , لناس كانو أصدقاء و أعرفهم في الواقع , جايز مش عايز أغلط و لساني يطول
( و أنا اساسا لسان و طالع له بني أدم ) , باختصار قررت إني أعمل بلوك عشان أحافظ عالعيش
و الملح و احافظ على اتزاني السَيكو سوماتيك ( حلوه سَيكو سوماتيك دي يا مثقفين ؟!
).
..................................
..................................
.
1- أنا مش بتشبه
بأحمد موسى يا مدام .......عيب .
.
2- مصر يا أستاذ
فلان الفلاني بتسلم عليك و بتقولك ياريت عندي كتير بيحبوني زي محمد ( و بطريقته )
.
.
3- يا دكتوره لو
حضرتك عايزه كلام مقعر و عبث و تخرصات و تحليل و دوسنتاريا انزلي في الصفحه عندي هتلاقي
القعر مليان , و يارب ماتغرقيش .
.
4- اللي مش فاهم
ان فيه بوستات بتبقى مجرد ألشه خفيفه عشان الناس تضحك بدل الهم المتواصل يبقى حمار
, و اللي فاهم و بيستعبط يبقى تاجر ثورات و تاجر وطنيه و تاجر دم و روبابيكيا , و الحمار
عندي أشرف و أنضف منه .
.......................................................................................................................................
ليست هناك تعليقات:
إرسال تعليق